၁ သတိမမူဘဲ လုပ်ဆောင်ခြင်းသည် တာဝန်နှင့်ပတ်သက်၍ ရွံ့မုန်းဖွယ်ရာ ဖြစ်သည်။ သင့်အနေဖြင့် ဟန်ဆောင်လုပ်ပြရုံသာလုပ်ပြလျှင်၊ သင်၏ တာဝန်ကို ပြည့်ပြည့်ဝဝ ဆောင်ရွက်နိုင်မည်မဟုတ်။ ယင်းကို သင် စိတ်ပါလက်ပါရှိရမည်။ မိမိတို့၏ တာဝန်ကို လုပ်ဆောင်ရန်အတွက် အခွင့်အရေးမှာ ရခဲသည့်အရာဖြစ်ပြီး ၎င်းတို့ကို ဘုရားသခင်ပေးသည့် အခွင့်အရေးတစ်ခုကို ၎င်းတို့ အမိအရ မဖမ်းဆုပ်လျှင်၊ ထိုအခွင့်အရေး ဆုံးရှုံးသွားပေသည်။ မိမိတို့၏ တာဝန်ကို ဆောင်ရွက်ဖို့ အခွင့်အရေးရှာတွေ့ရန် ၎င်းတို့ တစ်နေ့နေ့ တစ်ဖန်ကြိုးစားလျှင်၊ လွယ်လိမ့်မည်မဟုတ်။ အမှန်ပင်၊ ထိုသို့သော အခွင့်အရေးက လုံးဝ လာကောင်းလာနိုင်လိမ့်မည်မဟုတ်ပေ။ ဘုရားသခင်၏ အမှုတော်က မည်သူ့ကိုမျှ မစောင့်သကဲ့သို့၊ တစ်ဦးတစ်ယောက်၏ တာဝန်ကို ဆောင်ရွက်ဖို့ အခွင့်အရေးသည်လည်း မစောင့်ဆိုင်းပေ။ အခွင့်အရေးများစွာ ရောက်မလာပေ၊ ထို့ကြောင့် ၎င်းတို့ကို သင် အမိအရဖမ်းဆုပ်ရမည်။

၂ လူအချို့သည် ၎င်းတို့၏ တာဝန်ကို ဖြည့်ဆည်းရာတွင် မကျေပွန်ကြသကဲ့သို့၊ ၎င်းတို့ လုပ်ဆောင်သမျှတွင် သိလျက်နှင့် ဂရုစိုက်မှုမရှိဘဲ လုပ်ဆောင်ကြ၏။ ၎င်းတို့၏ အလုပ်တွင် အနည်းငယ်မျှ တာဝန်ကျေခြင်း မရှိကြချေ။ တစ်စုံတစ်ရာကို သူတို့အား လုပ်ဆောင်စေလျှင်၊ အားထုတ်မှုအနည်းငယ် ၎င်းတို့ ပြုကြပြီး၊ ၎င်းတို့ စောင့်ကြည့်ခံရသည့်အခါ ၎င်းတို့၏ အလုပ်က အနည်းငယ်မျှ ပိုမိုကောင်းမွန်သည်၊ စောင့်ကြည့်မခံရသည့်အခါ အနည်းငယ် ဆိုးရွားလေသည်- ပြီးလျှင် ထိုသို့ လုပ်ဆောင်နေသည်ကို မည်သူမျှ မမြင်ဟု ၎င်းတို့ ယူဆကြလေသည်။ အချိန်ကြာလာသည်နှင့်အမျှ၊ အခြားသူတို့က ၎င်းတို့ကို သဘောပေါက်သွားကြပြီး ၎င်းတို့ကို တကယ်ရိပ်စားမိလာကြသည်။ ၎င်းတို့သည် မိမိတို့၏ သိက္ခာနှင့် သမာဓိတို့ကို လုံးလုံး စွန့်ပစ်ကြပြီးဖြစ်သည်။ မည်သူမျှ ၎င်းတို့ကို ယုံကြည်အားကိုး၍မရ၊ ထို့ကြောင့် ဘုရားသခင်က အဘယ်သို့ ယုံကြည်အားကိုးနိုင်မည်နည်း။ ထိုသို့သော လူတို့သည် ယုံကြည်အားကိုး၍ မရနိုင်ပေ။

၃ သင်၏ တာဝန်ကို ဖြည့်ဆည်းရာတွင် အမြဲပေါ့ဆခြင်း၊ ဝတ်ကျေတမ်းကျေပြုမူခြင်းနှင့် ဘုရားသခင်အပေါ် လှည့်ဖြားတတ်ခြင်း၌ ကြီးမားသည့် အန္တရာယ်ရှိပေသည်။ တမင်တကာ လှည့်ဖြားခြင်း၏ အကျိုးဆက်များမှာ အဘယ်နည်း။ ရေတိုတွင်၊ ဖောက်ပြန်ပျက်စီးသော စိတ်သဘောထားတစ်ခု သင် ရှိလိမ့်မည်၊ နောင်တရမရဘဲ မကြာခဏ ပြစ်မှားမှုများ ကျူးလွန်မိလမ့်မည်ဖြစ်ပြီး၊ သမ္မာတရားကို လက်တွေ့လုပ်ဆောင်ဖို့ သိလိမ့်မည်မဟုတ်သကဲ့သို့ ယင်းကို လက်တွေ့လုပ်ဆောင်လိမ့်မည်မဟုတ်ပေ။ ရေရှည်တွင်၊ ထိုသို့ သင်ဆက်လက်လုပ်ဆောင်လျှင်၊ အကြီးစား ပြစ်မှားပုန်ကန်မှုများ သင် ကျူးလွန်ကောင်းကျူးလွန်လိမ့်မည်မဟုတ်သော်လည်း၊ သေးငယ်သည့် ပြစ်မှားပုန်ကန်မှုများ ပြီးဆုံးလိမ့်မည် မဟုတ်သကဲ့သို့ ၎င်းတို့၏ အကျိုးဆက်များကို ပြောင်းလဲ၍ ရနိုင်လိမ့်မည် မဟုတ်ပေ။ သင် ဆန္ဒရှိသည့် ရလဒ်က ဖြစ်တော့မည်မဟုတ်ပေ။

“နှုတ်ကပတ်တော်၊ အတွဲ (၃)၊ နောက်ဆုံးသော ကာလ ခရစ်တော်၏ ဟောပြောချက်များ၊ အသက်အတွင်း ဝင်ရောက်ခြင်းသည် တာဝန် ထမ်းဆောင်ခြင်းဖြင့် စတင်သည်” ကို ကောက်နုတ်၍ ဆီလျော်စွာ ပြုပြင်ထားသည်