၁

ကျွန်ုပ်၏ စိတ်နှလုံးထဲမှ ကိုယ်တော်ကို တမ်းတပါ၏။ ကိုယ်တော့်၏ ပြန်ကြွအလာကို ကျွန်ုပ်စောင့်မျှော်ပါ၏။

ကိုယ်တော့်မျက်နှာကို မမြင်ရဘဲ ကျွန်ုပ်စိတ်နှလုံးက ပူပန်မှုနှင့် ပြည့်ရသည်။

မှောင်မိုက်ည တာရှည်လွန်းလို့၊ ဘယ်အချိန် အလင်းကို မြင်ရပါမည်လဲ။

တနေ့နေ့ ကိုယ်တော်ကို တဖန်ပြန်တွေ့ဖို့ ကျွန်ုပ်စိုးရိမ်တကြီး စောင့်မျှော်နေပါ၏။

အို ဘုရားသခင်၊ ကိုယ်တော့်၏ပြန်ကြွအလာကို ကျွန်ုပ်စောင့်မျှော်နေသည်ကို ကိုယ်တော်သိပါ၏။

ကျွန်ုပ်ကို စွန့်ခွာမသွားရန် ကိုယ်တော့်ကို တောင်းပန်ပါ၏။ ကိုယ်တော်မရှိလို့ မဖြစ်ပါ။

၂

ကိုယ်တော့်အသံကြားရင်း ကျွန်ုပ်စိတ်နှလုံး ဝမ်းမြောက်ရ၏။

ကိုယ်တော်နှင့်အတူ စားပွဲတော်ကို ကျွန်ုပ်တက်ရောက်၏၊ ကိုယ်တော့်စကားများကို တစိမ့်စိမ့်ခံစား၏။

ကျွန်ုပ်မှာရှိသမျှကို ဆက်ကပ်ရန် တိတ်ဆိတ်စွာ စိတ်ပိုင်းဖြတ်ထားပါသည်။

ကိုယ်တော့်အလိုကို ဖြည့်ဆည်းရန်အတွက်သာ ကိုယ်တော့်၏ နှုတ်ကပတ်တော်များကို ကျွန်ုပ် ဖြန့်ဝေပြီး သက်သေခံပါ၏။

အို ဘုရားသခင်၊ ကျွန်ုပ်၏ချစ်ခြင်းကို ကိုယ်တော် စောင့်ပါစေ။

ကိုယ်တော့်အလိုပြည့်စုံစေရန် ကျွန်ုပ်၏ စိတ်နှလုံးကို ပေးအပ်ပါ၏။ ကိုယ်တော်မရှိလို့ မဖြစ်ပါ။

၃

ကိုယ်တော်၏ တရားစီရင်မှုကို ကြုံရရင်း၊ နာကျင်မှုနှင့် ဝမ်းနည်းခြင်းတို့ ရှိပါ၏။

ခန္ဓာအားနည်းသော်လည်း ကိုယ်တော်ကို ကျွန်ုပ်မေ့မသွားပါ။

ဇာတိပကတိကို စက်ဆုပ်ရွံရှာပါ၏၊ စာတန်ကို သာ၍မုန်း၏။

မကြာမီ စာတန်၏လက်မှလွတ်ရန် ကိုယ်တော်၏ တရားစီရင်မှုကို ကျွန်ုပ်လက်ခံဖို့ ပျော်ရွှင်လှပါ၏။

ကိုယ်တော်၏စိတ်နှလုံးအလိုကို မပြည့်စေဘဲ သေရမည်ကို ကျွန်ုပ်လက်မခံနိုင်ပါ။

ကိုယ်တော်၏အပြုံးကို မြင်နိုင်သည့်အခါ ကျွန်ုပ် အားရကျေနပ်မိပါလိမ့်မည်။

၄

ကိုယ်တော်၏နှုတ်ကပတ်တော်များသည် အဖော်အနေဖြင့် ကျွန်ုပ်ကို ယုံကြည်မှုနှင့် ခွန်အားပေးပါ၏။

ကျွန်ုပ် အပျက်သဘောဆောင်တော့ပါ၊ ကိုယ်တော့်ကို စစ်မှန်စွာ ချစ်ပါ၏။

စမ်းသပ်မှုများ၌ ကျွန်ုပ် အလွန်နာကျင်ခံစားရပါ၏၊ ကျွန်ုပ်၏ ဖောက်ပြန်ပျက်စီးမှုများကို သန့်စင်စေပြီ။

အခက်အခဲမည်မျှ ကျွန်ုပ်ရင်ဆိုင်ရစေကာမူ၊ ကိုယ်တော်ကို ကျွန်ုပ်ချစ်မည်၊ သက်သေခံမည်။

ကိုယ်တော်၏လက်ခံမှုကိုရသော လူသစ်တစ်ယောက်ဖြစ်လာဖို့၊ ကျွန်ုပ် မျှော်လင့်စောင့်စားနေပါသည်။

သန့်စင်သောမေတ္တာကိုပေးလျက် ကိုယ်တော့်ထံမှ ဘယ်သောအခါမျှ ခွဲခွာမသွားပါ။