အသက်တာကို ရရှိဖို့နှင့် ဘုရားသခင်ကို နားလည် သဘောပေါက်ဖို့ သမ္မာတရားကို ရှာဖွေလိုက်စားပြီး၊ အဆုံးတွင် ပေတရု အသက်ရှင်ခဲ့ သကဲ့သို့ အဓိပ္ပါယ် ပြည့်ဝသည့် အသက်တာတစ်ခုကို အသက်ရှင် နေထိုင်လျက် တစ်သက်တာ ဤလမ်းကြောင်းကို လျှောက်လှမ်းဖို့ စီစဉ်ထားသူ တစ်ယောက်မျှ မရှိပေ။ ထိုသို့ဖြစ်သဖြင့် လမ်းတစ်လျှောက် တွင် လူများက သူတို့လမ်းကြောင်းများတွင် လမ်းလွဲလာကြသည်၊ သူတို့ စိတ်နှလုံးများတွင် ဘုရားသခင်အတွက် နေရာမရှိသလို၊ သန့်ရှင်းသော ဝိညာဉ်တော်က သူတို့အထဲတွင် အလုပ်မလုပ်တော့ပေ။ သူတို့က ခေတ်နောက်ပြန်ဆွဲသည့် လမ်းကြောင်းတစ်ခုပေါ်တွင် ခြေချခဲ့ကြပြီ။ သူတို့ ခံစားခဲ့သမျှဒုက္ခ၊ သူတို့ နားထောင်ခဲ့သမျှ ဒေသနာများအားလုံး၊ သူတို့နောက်လိုက်များ ဖြစ်ခဲ့သည့် နှစ်များအားလုံး- ဤအရာအားလုံးက အချည်းနှီးသာ ဖြစ်ခဲ့ရသည်။ ဤသည်မှာ အလွန် အန္တရာယ်များလှသည့် အရာတစ်ခုပင်။ ကုန်းဆင်းသည် လွယ်ကူသော်လည်း၊ ကုန်းတက်ဖို့နှင့် လူပုဂ္ဂိုလ်တစ်ယောက် လျှောက်လှမ်းသင့်သည့် မှန်ကန်သောလမ်းကို ရွေးချယ်ဖို့မှာ ခက်ခဲလေသည်။ လူအများစုသည် နားဝေတိမ်တောင် ဖြစ်တတ်ကြသည်။ သူတို့သည် မှန်ကန်သောလမ်းကြောင်းနှင့် မှားယွင်းသောလမ်းကြောင်းတို့ကို မခွဲခြားနိုင်ကြပေ။ ဒေသနာများစွာ ကို ကြားနာပြီး၊ ဘုရားသခင်၏နှုတ်ကပတ်တော် များစွာကို ဖတ်ရှုပြီး နောက်တွင်၊ သူသည် ဘုရားသခင်ဖြစ်သည်ကို သူတို့ သိကြသော်လည်း၊ သူ့ကို မယုံကြည်ကြသေးပေ။ ဤသည်မှာ စစ်မှန်သည့် လမ်းခရီးဖြစ် သည်ကို သူတို့သိကြသော်လည်း၊ ထိုလမ်းခရီးကို သူတို့ မလျှောက်နိုင် သေးပေ။ လူများကို ကယ်တင်ခြင်း ဆောင်ကြဉ်းပေးဖို့ ဆိုသည်မှာ မည်မျှ ခက်ခဲလိုက်သနည်း။

“နှုတ်ကပတ်တော်၊ အတွဲ (၃)၊ နောက်ဆုံးသော ကာလ ခရစ်တော်၏ ဟောပြောချက်များ၊ ဘုရားသခင်ကို ယုံကြည်ခြင်း၌ မှန်ကန်သော လမ်းခရီးကို ရွေးချယ်ခြင်းသည် အရေးပါဆုံးဖြစ်သည်” ကို ကောက်နုတ်၍ ဆီလျော်စွာ ပြုပြင်ထားသည်