၁ ဘုရားသခင်က သင့်အား မိုးသက်မုန်တိုင်းများ၊ ဆင်းရဲဒုက္ခများ၊ အခက်အခဲများ အမျိုးအစားအားလုံးနှင့် ကျရှုံးမှုများနှင့် ဆုတ်ဆိုင်းမှုများ အတော်များများကို တွေ့ကြုံစေသည်၊ ယင်းမှာ သင်သည် နောက်ဆုံးတွင် ဤအရာများကို တွေ့ကြုံခြင်းဖြစ်စဉ်တွင်၊ ဘုရားသခင် ပြောဆိုသမျှတိုင်းက မှန်ကန်ကြောင်းနှင့် သင်၏ ယုံကြည်မှုများ၊ အယူအဆများ၊ စိတ်ကူးစိတ်သန်းများ၊ အသိပညာ အားလုံးသည် မှားယွင်းကြောင်းကို သင် ရှာဖွေတွေ့ရှိလာစေရန်ဖြစ်သည်။ ယင်းတို့သည် သင့်ကို ဘဝ၌ မှန်သော လမ်းကြောင်းပေါ်သို့ မပို့ဆောင်နိုင်ပေ၊ ယင်းတို့သည် သင့်ကို သမ္မာတရား နားလည်ဖို့နှင့် ဘုရားသခင်၏ ရှေ့မှောက်သို့ လာဖို့ မဦးဆောင်နိုင်ဘဲ၊ သင် လျှောက်သော လမ်းကြောင်းသည် ကျရှုံးခြင်း လမ်းကြောင်း ဖြစ်သည်။ သင့်အတွက်၊ ဤသည်မှာ လိုအပ်သော ဖြစ်စဉ်တစ်ခုဖြစ်ပြီး၊ ကယ်တင်ခြင်းကို တွေ့ကြုံခြင်း ဖြစ်စဉ်အတောအတွင်း သင် ရရှိသင့်သည့်အရာ ဖြစ်သည်။ သို့သော် ယင်းက ဘုရားသခင်ကို ဝမ်းနည်းစေသည်- လူတို့သည် ပုန်ကန်တတ်ပြီး ဖောက်ပြန်ပျက်စီးသော စိတ်သဘောထားများ ပိုင်ဆိုင်ကြသောကြောင့်၊ ဤဖြစ်စဉ်ကို ၎င်းတို့ ကြုံရမည်ဖြစ်ပြီး ဤဆုတ်ဆိုင်းမှုများကို တွေ့ကြုံရမည်ဖြစ်သည်။

၂ ဘုရားသခင် မည်သည့်အရာကို လုပ်ဆောင်သည်ဖြစ်စေ၊ သူသည် လူသားအတွက် အကောင်းဆုံး ဖြစ်စေချင်သည်။ မည်သည့် ပတ်ဝန်းကျင်ကို သူ စီစဉ်ပါစေ၊ အကောင်းဆုံးရလဒ်ကို မြင်ရန် သူ အမြဲ ဆန္ဒရှိပေသည်။ ဆုတ်ဆိုင်းမှုများနှင့် ကျရှုံးမှုကို သင် ကြုံရသည်ဆိုပါစို့။ သင်သည် ကျရှုံးပြီး မိမိ၏ ခြေထောက်များကို တစ်ဖန် လုံးဝ မမြင်ရသကဲ့သို့ စိတ်ပျက်လက်ပျက်ဖြစ်ခြင်းထဲသို့ ကျဆင်းသွားခြင်းကို ဘုရားသခင်သည် မြင်ရန် ဆန္ဒမရှိပေ။ ဘုရားသခင် မြင်ရန် ဆန္ဒရှိသည်မှာ သင်သည် သမ္မာတရားကို ရှာဖွေနိုင်သည်၊ သင်၏ ကျရှုံးခြင်းအတွက် အကြောင်းရင်းကို ရှာတွေ့နိုင်သည်။ ထိုနည်းဖြင့် ဆောင်ရွက်ဖို့မှာ မှားယွင်းသည်၊ ဘုရားသခင်၏ နှုတ်ကပတ်တော်များအတိုင်း ဆောင်ရွက်ခြင်းသည်သာ မှန်ကန်သည်ဆိုသည်ကို သင် သဘောပေါက်သည်။ အမှုအရာများကို သင် နားလည်ကာ ဤဆုတ်ဆိုင်းမှုနှင့် ကျရှုံးမှုမှတစ်ဆင့် ကြီးထွားသည်။ ဤသည်မှာ ဘုရားသခင် မြင်လိုသည့်အရာ ဖြစ်သည်။ ဘုရားသခင်သည် ကောင်းမွန်သော ရည်ရွယ်ချက်ဖြင့် ဆောင်ရွက်ပြီး၊ သူ၏ လုပ်ဆောင်ချက်အားလုံး၌ သူ၏ ကွယ်ဝှက်ထားသော ချစ်ခြင်းမေတ္တာ ပါရှိသည်။ ထို့ကြောင့်၊ ကျရှုံးမှုကို တွေ့ကြုံခြင်းသည် လူတို့အတွက် ကောင်းပေသည်၊ ယင်းသည် နာကျင်စရာ တစ်ခုလည်း ဖြစ်သော်လည်း၊ ၎င်းတို့ကို ဖေးမသည့် အရာတစ်ခု ဖြစ်သည်။ သို့သော် ထိုသို့ ဖေးမခံရခြင်းက နောက်ဆုံးတွင် သင့်ကို ဘုရားသခင်၏ ရှေ့မှောက်သို့ ပြန်သွားစေသည်၊ သူ၏ နှုတ်ကပတ်တော်များကို လက်ခံစေပြီး၊ ယင်းတို့ကို သမ္မာတရားအဖြစ် သဘောထားစေသည်၊ ထိုအခါ ထိုသို့သော ဖေးမခြင်း၊ ဆုတ်ဆိုင်းမှုများနှင့် ကျရှုံးခြင်းတို့သည် လူတို့အတွက် အကျိုးအရှိဆုံးဖြစ်သည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ပေါလု၏ သဘောသဘာဝနှင့် အနှစ်သာရကို ထိုးထွင်းသိမြင်နည်း” ကို ကောက်နုတ်၍ ဆီလျော်စွာ ပြုပြင်ထားသည်