၁ ဘုရားသခင်သည် လူသားမျိုးနွယ်ကို စီမံခန့်ခွဲဖို့၊ ကယ်တင်ဖို့ အလုပ်လုပ်သည်၊ ထိုသို့ဖြင့် လူသားမျိုးနွယ်၏ တာဝန် ပေါ်ပေါက်လာသည်။ ပြီးလျှင် လူသည် မည်သည့်တာဝန်ကို ဆောင်ရွက်သည်ဖြစ်စေ၊ ယင်းသည် လူတို့အကြားတွင် နှစ်သက်ဖွယ်အကောင်းဆုံးနှင့် အဖြောင့်မတ်ဆုံးသောအရာ ဖြစ်သည်။ ဘုရားသခင်၏ဖန်ဆင်းခံတို့သည် ဘုရားသခင်၏ အုပ်စိုးမှုအောက်၌ အသက်ရှင်လျက်ရှိကာ ၎င်းတို့အားလုံးသည် ဘုရားသခင်ပေးသောအရာအားလုံး၊ ဘုရားသခင်ထံမှလာသော အရာခပ်သိမ်းကို လက်ခံသောကြောင့်၊ မိမိတို့၏တာဝန်နှင့် ဝတ္တရားတို့ကို ဖြည့်ဆည်းသင့်သည်- ဤသည်မှာ ၎င်းတို့၏ တာဝန်ဖြစ်သည်။ လူတို့အနေဖြင့် ဘုရားသခင်၏ ဖန်ဆင်းခံတစ်ဦးနှင့်ဆိုင်သည့် တာဝန်ကို ထမ်းဆောင်ခြင်းသည် ဤလူ့ကမ္ဘာတွင်အသက်ရှင်စဉ် အခြားမည်သည့်အရာကိုမဆို လုပ်ဆောင်ခြင်းထက် ပို၍ ဖြောင့်မတ်ကာ တင့်တယ်ပြီး မြင့်မြတ်သည့်အတွက်၊ လူတို့အကြားတွင် မည်သည့်အရာကမျှ ပို၍အဓိပ္ပာယ်မရှိ သို့မဟုတ် ပို၍တန်ဖိုးမရှိသကဲ့သို့၊ မည်သည့်အရာကမျှ ဘုရားသခင့်ဖန်ဆင်းခံတစ်ဦး၏ အသက်တာအတွင်းသို့ သာ၍ကြီးမားသော အဓိပ္ပာယ်နှင့် တန်ဖိုးတို့ကို မဆောင်ကြဉ်းပေ။

၂ ဘုရားသခင်၏ ဖန်ဆင်းခံတစ်ဦးသည် မိမိ၏တာဝန်ကို ထမ်းဆောင်နိုင်ခြင်း၊ ဖန်ဆင်းရှင်ကို ကျေနပ်မှုပေးနိုင်ခြင်းသည် လူတို့အကြားတွင် ဝမ်းမြောက်ဖွယ်အကောင်းဆုံးအရာဖြစ်ပြီး၊ ယင်းသည် လူတို့အကြားတွင် ချီးကျူးဂုဏ်ပြုသင့်သောအရာပင် ဖြစ်သည်။ ဖန်ဆင်းရှင်က ဘုရားသခင်၏ဖန်ဆင်းခံများထံ အပ်နှံထားသော မည်သည့်အရာကိုမဆို ၎င်းတို့က အကြွင်းမဲ့ လက်ခံသင့်သည်၊ လူသားမျိုးနွယ်အကြားတွင် ဘုရားသခင့် ဖန်ဆင်းခံတို့၏တာဝန်ကို ထမ်းဆောင်သော သူများအတွက် မည်သည့်အရာကမျှ ပို၍ ကောင်းချီးခံစားဖွယ်၊ ဝမ်းမြောက်ဖွယ် သို့မဟုတ် အောက်မေ့ဂုဏ်ပြုထိုက်ဖွယ် မကောင်းပေ- ယင်းမှာ အပြုသဘောဆောင်သောအရာတစ်ခု ဖြစ်သည်။ ဖန်ဆင်းရှင်ဘက်တွင် သူသည် ဤတာဝန်ပေးစေခိုင်းချက်ကို သင်တို့ တစ်ဦးတစ်ယောက်ချင်းစီထံတွင် အပ်နှံလိုသည်၊ ပြီးလျှင် ဖန်ဆင်းခံ လူသားမျိုးနွယ်ဘက်တွင် လူတို့သည် ထိုအရာကို ၎င်းတို့၏ ဘဝပေးဝတ္တရားအဖြစ်၊ ဤအသက်တာတွင် ၎င်းတို့ အရိုးထုတ်သွားသင့်သည့် တန်ဖိုးအဖြစ် သဘောထားကာ၊ ဤတာဝန်ကို ဝမ်းပန်းတသာ လက်ခံသင့်သည်။ ဤနေရာတွင် အပေးအယူလုပ်ခြင်း မရှိပေ၊ ဤအရာသည် တူညီသော အလဲအလှယ် ပြုလုပ်ခြင်း မဟုတ်ပေ။

၃ လူတို့သည် ဖန်ဆင်းခံများ၏တာဝန်အား ထမ်းဆောင်သင့်သည်ကို ထောက်ဆ၍၊ ဖန်ဆင်းရှင်သည် လူသားမျိုးနွယ်အကြားတွင် သာ၍ ကြီးမြတ်သော အမှုတော်ကို တစ်ဖန်ဆောင်ရွက်ပြီးဖြစ်သည်။ လူသားမျိုးနွယ်သည် ၎င်းတို့၏တာဝန်များကို ထမ်းဆောင်နေစဉ် သူ့ထံမှ သမ္မာတရားကို ရရှိပြီး ထိုသို့အားဖြင့် ၎င်းတို့၏ ဖောက်ပြန်ပျက်စီးသော စိတ်သဘောထားများကို ဖယ်ရှားဖို့နှင့် သန့်စင်ခြင်းခံရဖို့ ခွင့်ပြုလျက် ဖန်ဆင်းရှင်က ၎င်းတို့အား သမ္မာတရားကို ပေးသည်။ ထိုသို့ဖြင့် ၎င်းတို့သည် ဘုရားသခင်၏အလိုတော်ကို စိတ်ကျေနပ်စေလာပြီး၊ အသက်တာ၌ လမ်းကြောင်းမှန်ပေါ် စတင်လျှောက်လှမ်းကာ အဆုံး၌ ၎င်းတို့သည် ဘုရားသခင်ကို ကြောက်ရွံ့ပြီး မကောင်းမှုကို ရှောင်ကြဉ်နိုင်ကြသည်၊ စုံလင်သော ကယ်တင်ခြင်းကို ရရှိနိုင်ပြီး စာတန်၏ ဒုက္ခပေးမှုများကို မခံရတော့ပေ။ ဤသည်မှာ မိမိတို့၏တာဝန်ကို ထမ်းဆောင်ခြင်းအားဖြင့် အဆုံးသတ်၌ ဘုရားသခင်က လူသားမျိုးနွယ်တို့အား စွမ်းဆောင်ရရှိစေလိုမည့် အဓိက အကျိုးတရားဖြစ်သည်။ ထို့ကြောင့် လူသားမျိုးနွယ်က ၎င်းတို့၏တာဝန်ကို ထမ်းဆောင်သည့်အခါ ဖန်ဆင်းခံတစ်ဦးအနေဖြင့် မိမိ၏တာဝန်ကို ထမ်းဆောင်ခြင်းက လူ့အသက်တာအတွက် ဆောင်ကြဉ်းပေးလာသည့် တန်ဖိုးနှင့် အရေးပါမှုတို့ကို ခံစားရရုံသက်သက်သာ မဟုတ်တော့ပေ။ ၎င်းတို့သည် သန့်စင်ခြင်းခံရပြီး ကယ်တင်ခြင်းခံရကာ အဆုံး၌ ဖန်ဆင်းရှင် မျက်နှာတော်၏ အလင်းရောင်တွင် ရှင်သန်လာကြသည်။

“နှုတ်ကပတ်တော်၊ အတွဲ (၄)၊ အန္တိခရစ်တို့ကို ဖော်ထုတ်ခြင်း၊ အချက် ၉ (အပိုင်း ၇)” ကို ကောက်နုတ်၍ ဆီလျော်စွာ ပြုပြင်ထားသည်