အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၁၁၉

သင်တို့အားလုံးသည် ငါ၏ ရည်ရွယ်ချက်များကို နားလည်သဘောပေါက်သင့်သည်၊ သင်တို့အားလုံးသည် ငါ၏ စိတ်နေစိတ်ထားကို နားလည်သင့်သည်။ ယခုအချိန်သည် ဇိအုန်သို့ ပြန်ရန် ပြင်ဆင်ဖို့ အချိန် ဖြစ်ကာ၊ ဤအရာမှ လွဲ၍ ငါ့ထံတွင် အခြားသော အတွေးများ မရှိ။ များမကြာမီ တစ်နေ့တွင် သင်တို့အားလုံးနှင့် ငါသည် တွေ့ဆုံပြီး၊ ဇိအုန်၌ သင်တို့နှင့်အတူ မိနစ်တိုင်း စက္ကန့်တိုင်း ကုန်ဆုံးစေရန်သာ ငါ မျှော်လင့်သည်။ ငါသည် ကမ္ဘာလောကကို ရွံရှာသည်၊ ငါသည် ဇာတိပကတိကို ရွံရှာပြီး၊ ကမ္ဘာပေါ်ရှိ လူသားတိုင်းအား ငါသည် ပို၍ပင် ရွံရှာ၏။ ငါသည် ၎င်းတို့အား မမြင်တွေ့လို၊ အဘယ့်ကြောင့်ဆိုသော် ၎င်းတို့အားလုံးသည် မကောင်းဆိုးဝါးများကဲ့သို့ လူသားသဘောသဘာဝ အနည်းငယ်မျှပင် မရှိချေ။ ငါသည် ကမ္ဘာပေါ်တွင် နေထိုင်ရန် ဆန္ဒမရှိ၊ ငါသည် သတ္တဝါအားလုံးကို ရွံရှာကာ၊ ငါသည် အသွေးအသားရှိသမျှ အားလုံးတို့ကို ရွံရှာသည်။ ကုန်းမြေအားလုံးသည် အလောင်းကောင်တို့၏အနံ့ ဟောင်၏။ အလောင်းကောင်တို့၏ အနံ့ဆိုးများအားလုံးကို ကမ္ဘာပေါ်မှ ဖယ်ရှား၍၊ ကမ္ဘာမြေတစ်ခုလုံးတွင် ငါ့အား ချီးမွမ်းခြင်းဖြင့် ပြည့်စေရန်အလို့ငှာ၊ ငါသည် ဇိအုန်သို့ ချက်ချင်းပင် ပြန်လိုသည်။ ငါသည် ဇိအုန်သို့ ပြန်လိမ့်မည်၊ ငါသည် ဇာတိပကတိနှင့် ကမ္ဘာလောကမှ လွတ်မြောက်လိမ့်မည်၊ ငါ၏ လမ်းတွင် မည်သူမျှ မပိတ်ဆို့စေရ။ လူသားကို သုတ်သင်သော ငါ၏ လက်သည် စိတ်ခံစားချက် စိုးစဉ်းမျှ မရှိချေ။ ယခုမှစ၍ ရှေ့၌၊ အသင်းတော် တည်ဆောက်ခြင်းအကြောင်းကို မည်သူမျှ မပြောရ၊ ထိုသို့မဟုတ်လျှင် ငါသည် ၎င်းတို့အား ခွင့်လွှတ်လိမ့်မည်မဟုတ်။ (ဤသည်မှာ ယခုသည် ငါ၏ သားဦးများကို သက်သေခံရန် အချိန်၊ နိုင်ငံတော်အား တည်ဆောက်ရန်အချိန် ဖြစ်သောကြောင့်ပင် ဖြစ်သည်၊ အသင်းတော် တည်ဆောက်ခြင်းအကြောင်းကို ပြောသောသူ မည်သူမဆိုသည် နိုင်ငံတော် တည်ဆောက်ခြင်းအား ဖြိုဖျက်နေခြင်းဖြစ်ကာ၊ ငါ၏ စီမံခန့်ခွဲမှုကို နှောင့်ယှက်နေခြင်း ဖြစ်သည်။) အားလုံးသည် အဆင်သင့် ဖြစ်ကာ၊ အားလုံးသည် ပြင်ဆင်ထား၏၊ ကျန်ရှိသမျှတို့မှာ သားဦးများအား မြှင့်တင်ရန်၊ သက်သေခံရန် ဖြစ်၍၊ ထိုသို့ ဖြစ်သည့်အခါ၌ ငါသည် သင်တို့၏ စိတ်များအတွင်း နေ့နေ့ညည စွဲမှတ်ထားသော ဇိအုန်သို့၊ တဒင်္ဂမျှ နောက်ကျခြင်းမရှိ ပုံသဏ္ဍာန်အား ထည့်တွက်ခြင်းမရှိဘဲ၊ ချက်ချင်းပင် ပြန်မည်ဖြစ်သည်။ လက်ရှိကမ္ဘာကြီး၏ ချောမွေ့ တည်ငြိမ်နေပုံကိုသာ မကြည့်နှင့်၊ သို့သော် ဤလုပ်ဆောင်မှုသည် ဇိအုန်သို့ ပြန်ရန် အကြောင်းများသာဖြစ်သည်။ လက်ရှိ ထိုအရာများအား ဂရုစိုက်ခြင်း မရှိနှင့်၊ ဇိအုန်သို့ ပြန်သောနေ့ ရောက်သည့်အခါ အားလုံးသည် ပြီးပြည့်စုံလိမ့်မည်။ ဇိအုန်သို့ အဆောတလျင် မပြန်ချင်သောသူ ဘယ်သူရှိမည်နည်း။ အဖနှင့် သားများအား အဆောတလျင် မပေါင်းစည်းစေချင်သောသူ ဘယ်သူရှိမည်နည်း။ လောကီသာယာမှုများသည် မည်မျှပင် မွေ့လျော်ဖွယ် ကောင်းသော်လည်း၊ ၎င်းတို့သည် ငါတို့၏ ဇာတိပကတိကို မဖမ်းဆုပ်နိုင်ပေ။ ငါတို့သည် ဇာတိပကတိကို ကျော်လွန်၍၊ ဇိအုန်သို့ အတူတကွ ပြန်ကြမည် ဖြစ်သည်။ အဘယ်သူသည် ဟန့်တားဝံ့သနည်း။ အဘယ်သူသည် အတားအဆီးများကို ထားရှိဝံ့သနည်း။ ၎င်းတို့အား ငါသည် မုချ ခွင့်လွှတ်မည်မဟုတ်။ ငါသည် ခလုတ်တံသင်း အားလုံးတို့ကို ဖယ်ရှားပစ်မည် ဖြစ်၏။ (ငါသည် ဇိအုန်သို့ ချက်ချင်း မပြန်နိုင်ဟု ဆိုခြင်းမှာ ဤ အကြောင်းကြောင့် ဖြစ်သည်။ ငါသည် ငါ၏ သားဦးများအား သက်သေခံနေသည့် တစ်ချိန်တည်းမှာပင်၊ ဤသန့်စင်ခြင်းအလုပ်ကို လုပ်ဆောင်လျက်ရှိနေသည်၊ ဤအလုပ်နှစ်ခုသည် တစ်ချိန်တည်းတွင် တိုးတက်လျက်ရှိ၏။ သန့်စင်ခြင်းအလုပ် ပြီးဆုံးသွားချိန်၌ ငါ့အနေဖြင့် သားဦးများကို ထုတ်ဖေါ်ရမည့်အချိန် ဖြစ်လိမ့်မည်။ ငါ ပြောခဲ့သော ခလုတ်တံသင်းများမှာ ကြီးမားသော အစေခံသူ အရေအတွက်ကို ရည်ညွှန်းသည်၊ ထို့ကြောင့် ဤအလုပ်နှစ်ခုသည် တစ်ပြိုင်နက်တည်း ဖြစ်ပေါ်သည်ဟု ဆိုခြင်းဖြစ်၏။) ငါ၏ သားဦးများကို ငါနှင့်အတူ စကြဝဠာ၏အဆုံးများတစ်လျှောက်၊ တောင်များ၊ မြစ်များနှင့် အရာအားလုံးတို့တစ်လျှောက် အတူတကွ လျှောက်လှမ်းစေမည်ဖြစ်သည်။ အဘယ်သူသည် ဟန့်တားဝံ့သနည်း။ အဘယ်သူသည် နှောင့်ယှက်ဝံ့သနည်း။ ငါ၏ လက်သည် အဘယ်လူသားကိုမျှ လွယ်ကူစွာ အလွတ်ပေးသည်မဟုတ်။ ငါ၏ သားဦးများမှလွဲ၍ အားလုံးတို့အပေါ် ငါသည် အမျက်ဒေါသဖြစ်ကာ၊ ကျိန်ဆိုခြင်းပြုသည်။ ကုန်းမြေအားလုံးတို့အနှံ့၌ ငါ၏ ကောင်းချီးမင်္ဂလာများကို လက်ခံရရှိသည့် သေတတ်သောသူ တစ်ဦးမျှ မရှိချေ၊ အားလုံးသည် ငါ၏ကျိန်ဆိုခြင်းကို တွေ့ကြုံရ၏။ ကမ္ဘာလောက၏ ဖန်ဆင်းခြင်း အစကပင်၊ ငါသည် မည်သူကိုမျှ ကောင်းချီးပေးထားခြင်း မရှိ။ ငါက ကောင်းချီးများကို ပေးထားသည်ဆိုလျှင်ပင်၊ ၎င်းသည် စကားလုံးများသာဖြစ်ပြီး၊ လက်တွေ့တွင် မဖြစ်ပေါ်ခဲ့ဖူးချေ။ အဘယ့်ကြောင့်ဆိုသော် ငါသည် စာတန်အား အဆုံးစွန် မုန်းတီး၏၊ ထို့ပြင် ငါသည် ၎င်းအား အဘယ်သောအခါမျှ ကောင်းချီးမပေး၊ အပြစ်သာ ပေးမည်ဖြစ်သည်။ စာတန်အား ငါသည် လုံးလုံးလျားလျား အနိုင်ယူပြီးသည့်နောက်၊ ပြည့်စုံသော အောင်မြင်မှုသည် ငါ့အတွက် ဖြစ်သည့်နောက်၊ အဆုံးသတ်၌တွင်သာ ငါသည် သစ္စာရှိသော အစေခံသူများအား ရုပ်ဝတ္ထုဆိုင်ရာ ကောင်းချီးမင်္ဂလာများ ပေး၍၊ ငါ့အား ဝမ်းမြောက်မှုအဖြစ် ချီးမွမ်းစေမည်ဖြစ်သည်၊ အဘယ်ကြောင့်ဆိုသော် ငါ၏ အမှုအားလုံးသည် ယင်းအချိန်တွင် ပြီးမြောက်လျက် ရှိနေမည်ဖြစ်သောကြောင့် ဖြစ်၏။

အမှန်အားဖြင့် ငါ၏ အချိန်သည် များစွာ ကျန်ရှိတော့သည်မဟုတ်၊ သင်၏ မျက်စိရှေ့တွင်ပင် အနှစ်ခြောက်ထောင် စီမံခန့်ခွဲမှု အစီအစဉ်သည် ပြည့်စုံခြင်းသို့ ရောက်ရှိနေပြီဖြစ်သည်။ (အမှန်တကယ်ပင် သင်တို့မျက်စိများရှေ့တွင် ဖြစ်သည်၊ ၎င်းသည် နမိတ်ပြခြင်း မဟုတ်၊ သင်သည် ငါ၏ စိတ်နေစိတ်ထားမှတစ်ဆင့် မြင်နိုင်၏။) ငါ၏ သားဦးများကို ဇိအုန်သို့ ငါသည် ချက်ချင်း ပြန်ခေါ်သွားမည် ဖြစ်သည်။ “သားဦးများအတွက်သာ ဆိုလျှင်၊ အဘယ်ကြောင့် နှစ်ပေါင်းခြောက်ထောင်အချိန်ကို သုံးစွဲသနည်း။ ထို့အပြင် အဘယ့်ကြောင့် လူများစွာကို ပြုလုပ်သနည်း” ဟူ၍ အချို့သောသူတို့က ပြောကြလိမ့်မည်။ ငါ၏ အရာအားလုံးသည် အဖိုးတန်ကြောင်းကို ယခင်က ငါသည် ပြောခဲ့ပြီးဖြစ်သည်။ ငါ၏ သားဦးတို့သည် ပို၍ပင် အဖိုးမတန်နိုင်သလော။ ငါ့အား အစေခံဖို့ရန် ငါသည် အားလုံးကို ဆော်ဩစည်းရုံးမည်၊ ထို့အပြင် ငါ၏ တန်ခိုးကို ငါသည် ထုတ်ဖေါ်လိမ့်မည်၊ သို့မှသာလျှင် စကြဝဠာလောက တစ်ခုလုံး၌ ငါတို့လက်များထဲတွင် မရှိသောအရာ တစ်ခုမျှမရှိ၊ ငါတို့၏ အစေခံခြင်းထဲတွင် မရှိသောသူ တစ်စုံတစ်ယောက်မျှ မရှိ၊ ထို့အပြင် ငါတို့အတွက် ပြုလုပ်ခြင်းမဟုတ်သော ပြီးမြောက်မှုဟူသည် တစ်ခုမျှ မရှိကြောင်းကို လူသားတိုင်း မြင်နိုင်ကြမည်။ ငါသည် အရာခပ်သိမ်းကို အောင်မြင်လိမ့်မည်။ ငါ့အတွက်မှု အချိန်ဟူသော အယူအဆမရှိ၊ ငါသည် အစီအစဉ်နှင့် ငါ၏ အမှုကို အနှစ်ခြောက်ထောင်အတွင်း ပြီးပြည့်စုံစေရန် ရည်ရွယ်သော်လည်း၊ အားလုံးသည် ငါ့အဖို့ လွတ်မြောက်ခြင်းနှင့် လွတ်လပ်ခြင်း ရှိသည်။ အကယ်၍ နှစ်ပေါင်းခြောက်ထောင်ထက် လျော့လျှင်ပင်၊ ငါ၏ အမြင်၌ ၎င်းသည် အချိန်ဖြစ်သမျှကာလပတ်လုံး၊ အဘယ်သူသည် အတိုက်အခံပြုခြင်းစကားကို ဆိုဝံ့မည်နည်း။ အဘယ်သူသည် မားမားရပ်ကာ၊ ဆန္ဒရှိသရွေ့ ဝေဖန်ဝံ့မည်နည်း။ ငါ၏ အမှုကို ငါကိုယ်တိုင် ပြု၍၊ ငါ၏ အချိန်ကို ငါကိုယ်တိုင် စီစဉ်သည်။ မည်သည့်လူသား၊ မည်သည့်ကိစ္စှ၊ မည်သည့်အရာတစ်ခုမျှ တစ်ဇွတ်ထိုး မလုပ်ဆောင်ဝံ့ချေ၊ အားလုံးကို ငါ့နောက်သို့ လိုက်စေရန် ငါသည် ပြုလိမ့်မည်။ ငါ့အဖို့ မှန်ခြင်း သို့မဟုတ် မှားခြင်း မရှိ၊ အကယ်၍ မှန်ကန်သည်ဟု ငါ ပြောဆိုလျှင်၊ ၎င်းမှာ အသေအချာ မှန်ကန်သည်၊ အကယ်၍ မှားယွင်းသည်ဟု ငါက ပြောလျှင်၊ ထိုအရာသည်လည်း အမှန်ပင်ဖြစ်သည်။ ငါ့အား တိုင်းတာရန် သင်တို့သည် လူသားအယူအဆများကို အစဉ်အမြဲ အသုံးမပြုရ။ သားဦးများနှင့် ငါသည် အတူတကွ ကောင်းချီးပေးခြင်းခံရကြောင်း ငါက ဆိုသည်၊ အဘယ်သူသည် ကျိုးနွံနာခံရန် ငြင်းဆိုဝံ့သနည်း။ ငါသည် သင့်အား ချက်ချင်း ဖျက်ဆီးလိမ့်မည်။ သင်သည် ကျိုးနွံနာခံရန် ငြင်းဆို၏။ သင်သည် ပုန်ကန်ခြားနား၏။ လူသားမျိုးနွယ်အားလုံးအတွက် ငါသည် မည်သည့် သနားကရုဏာမျှ မရှိခြင်းသာဖြစ်သည်၊ ငါသည် ၎င်းတို့အား အတိုင်းအတာတစ်ခုအထိ မုန်းတီးထား၏။ ငါ့အနေဖြင့် ဆက်၍ သည်းမခံနိုင်တော့ခြင်းသာ ဖြစ်သည်။ ငါ၏အမြင်၌မူ၊ စကြဝဠာလောကတစ်ခုလုံးအား ချက်ချင်း မျိုးဖြုတ်ပစ်ရမည် ဖြစ်သည်၊ ထိုမှသာ ငါ၏ ကြီးမြတ်သော အမှုသည် ပြည့်စုံလိမ့်မည် ဖြစ်ကာ၊ ထိုမှသာ ငါ၏ စီမံခန့်ခွဲမှုအစီအစဉ်သည် ပြီးမြောက်လိမ့်မည်၊ ထိုမှသာ ငါ၏ နှလုံးသားအတွင်းရှိ အမုန်းတရားသည် လွင့်ပြယ်လိမ့်မည်ဖြစ်သည်။ ယခုအချိန်၌ ငါ၏ သားဦးများအား သက်သေခံရန်အကြောင်းကိုသာ ငါသည် ဂရုစိုက်၏၊ အခြားသောကိစ္စများကို ငါသည် ဘေးဖယ်ထားမည်ဖြစ်ပြီး၊ လက်ရှိတွင် ဂရုစိုက်မည်မဟုတ်၊ ဦးဆုံးအနေဖြင့် အဓိကအရာကို ပြုကာ၊ ထို့နောက် အဓိကမဟုတ်သောအရာကို ပြုသည်။ ဤသည်တို့မှာ ငါ၏ အမှု အဆင့်များ ဖြစ်၍၊ မည်သူကမျှ ဤအရာကို မဆန့်ကျင်သင့်ပေ။ ၎င်းတို့အား ငါ၏ ကျိန်ဆိုခြင်း ပစ်မှတ်များ ဖြစ်မည်စိုးသောကြောင့်၊ အားလုံးတို့သည် ငါ ပြောသောအရာနောက် လိုက်ရမည်။

ယခု ငါ၏ အမှုသည် ပြီးမြောက်ကာ၊ ငါသည် နားနေနိုင်၏။ ယခုမှစ၍ ရှေ့၌၊ ငါသည် လုပ်ဆောင်ခြင်း ရှိတော့မည် မဟုတ်၊ ငါ့အတွက် ပြီးမြောက်စေလိုသော အရာအားလုံးကို ငါသည် ငါ၏ သားဦးများအား ပြုလုပ်စေမည်၊ အဘယ့်ကြောင့်ဆိုသော် ငါ၏ သားဦးများသည် ငါပင်ဖြစ်သည်၊ ငါ၏ သားဦးများသည် ငါ၏ ဇာတိအဖြစ်တော် ဖြစ်သည်။ ဤသည်မှာ အနည်းငယ်မျှပင် မှားယွင်းခြင်း မရှိ။ အယူအဆများနောက် လိုက်ကာ၊ အကဲဖြတ်ခြင်း မပြုနှင့်။ သားဦးများကို မြင်ခြင်းသည် ငါ့အား မြင်ခြင်းဖြစ်သည်၊ အဘယ့်ကြောင့်ဆိုသော် ငါတို့သည် တစ်လုံးတစ်ဝတည်းနှင့် အတူတူပင် ဖြစ်သောကြောင့်ဖြစ်၏။ ငါတို့အား ခွဲထုတ်သော မည်သူမဆိုသည် ငါ့အား ဆန့်ကျင်နေသောသူ ဖြစ်ပြီး၊ ငါသည် ခွင့်လွှတ်လိမ့်မည် မဟုတ်။ ငါ၏ နှုတ်ကပတ်တော်များထဲ၌ လူသားအဖို့ နားမလည်နိုင်သော လျှို့ဝှက်နက်နဲမှုများ ရှိသည်။ ငါ ချစ်သော သူတို့သာ ငါ့အား ဖေါ်ပြနိုင်ပြီး၊ အခြားသူတစ်ဦးမျှ ယင်းသို့ မလုပ်နိုင်ချေ။ ဤသည်မှာ ငါ့အားဖြင့် ချမှတ်ထားခြင်းဖြစ်ပြီး၊ မည်သူတစ်ဦးမျှ ၎င်းအား မပြောင်းလဲနိုင်။ ငါ၏ နှုတ်ကပတ်တော်များသည် ကြွယ်ဝ၏၊ ငါ၏ နှုတ်ကပတ်တော်များသည် ကျယ်ပြန့်ကာ၊ မတွေးတတ်အောင် ခက်ခဲနက်နဲ၏။ အားလုံးသည် ငါ၏ နှုတ်ကပတ်တော်များအပေါ် ကြီးစွာ ကြိုးစားအားထုတ်သင့်သည်၊ ငါ၏ နှုတ်ကပတ်တော်များကို မကြာခဏ တွေးဆကာ၊ စကားလုံးတစ်လုံး သို့မဟုတ် စာကြောင်းတစ်ကြောင်းကိုမျှ မလွဲစေနှင့်၊ ထိုသို့မဟုတ်လျှင် ၎င်းတို့သည် မမှန်ကန်သော အဓိပ္ပါယ်များကို ယူဆောင်ပြီး၊ ငါ၏ နှုတ်ကပတ်တော်များကို နားလည်မှု လွဲချော်လိမ့်မည်။ ငါ၏ စိတ်နေသဘောထားသည် စော်ကားမှုကို သည်းမခံဟု ငါသည် ဆိုထားပြီးဖြစ်ကာ၊ ငါ၏ သက်သေခံ သားဦးတို့ကို ဆန့်ကျင်၍မရဟု ဆိုလိုခြင်းဖြစ်သည်။ ငါ့စိတ်နေသဘောထား၏ သွင်ပြင်လက္ခဏာတိုင်းအား ငါ၏ သားဦးတို့သည် ကိုယ်စားပြု၏၊ ထို့ကြောင့် အလေးအမြတ်ထားသောတံပိုးမှ အသံမြည်သောအချိန်သည် သားဦးများကို ငါက စတင်သက်သေခံချိန်ပင်ဖြစ်သည်။ ထို့ကြောင့် အလေးအမြတ်ထားသောတံပိုး၏နောက်တွင် တဖြည်းဖြည်း သိရှိလာကြမည်မှာ ငါ၏ စိတ်နေသဘောထား ဖြစ်သည်။ တစ်နည်းဆိုရသော်၊ ငါ၏ သားဦးများအား ထုတ်ဖေါ်သောအချိန်သည် ငါ၏ စိတ်နေသဘောထားအား ထုတ်ဖေါ်သော အချိန် ဖြစ်သည်။ ၎င်းအား အဘယ်သူသည် နားလည်သဘောပေါက်နိုင်သနည်း။ ငါ ထုတ်ဖေါ်ထားသော လျှို့ဝှက်နက်နဲမှုများ၌ လူတို့ မဖော်ထုတ်နိုင်သည့် လျှို့ဝှက်နက်နဲမှုများ ကျန်ရှိသေးသည်ဟု ငါက ဆိုသည်။ ဤစကားတို့၏ စစ်မှန်သော အဓိပ္ပါယ်ကို သင်တို့ကြားမှ အဘယ်သူသည် အမှန်တကယ် နားလည်ဖို့ရန် ကြိုးစားထားသနည်း။ ငါ၏ စိတ်နေသဘောထားသည် သင်တို့ စိတ်ကူးထားသကဲ့သို့ လူတစ်ဦး၏ ပင်ကိုစရိုက် ဖြစ်သလော။ မည်မျှပင် ဆိုးဝါးသော အမှား ဖြစ်သနည်း။ ယနေ့တွင် ငါ၏ သားဦးများကို တွေ့သော မည်သူမဆိုသည် ကောင်းချီးမင်္ဂလာဖြစ်သောအရာ ဖြစ်ပြီး၊ ငါ၏ စိတ်နေသဘောထားကို မြင်၏၊ ဤသည်မှာ အကြွင်းမဲ့ မှန်ကန်သည်။ ငါ၏ သားဦးများသည် ငါ၏အားလုံးကို ကိုယ်စားပြု၍၊ ငါ၏ဇာတိအဖြစ်တော် ဖြစ်သည်ကို သံသယအနည်းငယ်ပင် ရှိစရာမလို။ ဤအရာကို မည်သူမျှ သံသယမရှိရ။ နာခံသောသူတို့သည် ကျေးဇူးတော်ဖြင့် ကောင်းချီးပေးခြင်းခံရကာ၊ ပုန်ကန်သောသူတို့သည် ကျိန်ဆိုခြင်း ခံရ၏။ ဤသည်မှာ ငါ ပြောသောအမိန့် ဖြစ်ပြီး၊ လူတစ်ဦးမျှ ၎င်းကို မပြောင်းလဲနိုင်။

ယခင်က:အခန်း ၁၁၈

နောက်တစ်ခုသို့:အခန်း ၁၂၀

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မြွက်ဆိုချက်များ လက်ရွေးစင်များ သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ အောင်မြင်သောသူများ၏ သက်သေခံချက်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ