ဘုရားသခင်၏ နေ့စဉ် နှုတ်ကပတ်တော်များ | “နောက်ဆုံးသော ကာလ၏ ခရစ်တော်သည်သာ လူသားအား ထာဝရအသက်၏ လမ်းခရီးကို ပေးနိုင်သည်” | ကောက်နုတ်ချက် ၁၄၀

ဘုရားသခင် လူ့ဇာတိခံယူခြင်းကို ခရစ်တော်ဟုခေါ်၏။ ထို့ကြောင့် လူသားတို့အား သမ္မာတရား ပေးနိုင်သော ခရစ်တော်ကို ဘုရားသခင်ဟု ခေါ်၏။ ဤသည်တွင် အလွန်အကျူးဖြစ်ခြင်း တစ်စုံတစ်ရာမျှ မရှိပါ။ အဘယ်ကြောင့်ဆိုသော် သူ့တွင် ဘုရားသခင်၏ အနှစ်သာရရှိ၍ လူသားမှ ရနိုင်စွမ်းမရှိသော ဘုရားသခင်၏ စိတ်နေသဘောထားနှင့် သူ၏အမှုအပေါ် ဉာဏ်ပညာ အမြော်အမြင်တို့ ရှိသောကြောင့် ဖြစ်၏။ မိမိကိုယ်ကို ခရစ်တော်ဟု ခေါ်သော်လည်း ဘုရားသခင်၏အမှုကို ဆောင်ရွက်နိုင်ခြင်း မရှိသူတို့သည် လိမ်ညာသူများ ဖြစ်ကြ၏။ ခရစ်တော်သည် ကမ္ဘာမြေကြီးပေါ်ရှိ ဘုရားသခင်၏ ကိုယ်ထင်ပြခြင်း ဖြစ်ရုံသာမက ဘုရားသခင်က လူသားတို့အကြား ၎င်း၏အမှုကို အကောင်အထည်ဖော်၍ ပြီးဆုံးအောင် ပြုလုပ်စဉ် ခံယူသော အထူးဇာတိခန္ဓာ ဖြစ်၏။ ဤဇာတိခန္ဓာသည် မည်သည့်လူသားမဆို အစားထိုးနိုင်သည့်အရာ မဟုတ်ဘဲ ကမ္ဘာမြေကြီးရှိ ဘုရားသခင်၏အမှုကို လုံလောက်စွာ ထမ်းဆောင်နိုင်သည့် ဇာတိပကတိဖြစ်၍ ဘုရားသခင်၏ စိတ်နေသဘောထားကို ဖော်ထုတ်ကာ ဘုရားသခင်ကို ကောင်းစွာ ကိုယ်စားပြုလျက် လူသားကို အသက်ပေးသော အရာဖြစ်၏။ မကြာမီ ထိုခရစ်တော် အတုအယောင် အားလုံးသည် ကျရှုံးကြလိမ့်မည်။ အဘယ်ကြောင့်ဆိုသော် ထိုသူတို့သည် ခရစ်တော်ဟု ဆိုကြသော်လည်း ၎င်းတို့တွင် ခရစ်တော်၏ အနှစ်သာရ လုံးဝမရှိသောကြောင့် ဖြစ်သည်။ ထို့ကြောင့် ခရစ်တော်၏ စစ်မှန်မှုကို လူသားက သတ်မှတ်၍ မရသော်လည်း ဘုရားသခင် ကိုယ်တိုင်ဖြေဆို၍ ဆုံးဖြတ်သည်ဟု ငါပြော၏။ ဤနည်းဖြင့် သင်သည် အသက်၏ လမ်းခရီးကို အမှန်တကယ် ရှာဖွေလိုပါက သူသည် ကမ္ဘာမြေကြီးပေါ်သို့ လာခြင်းဖြင့် လူသားတို့ကို အသက်၏ လမ်းခရီးပေးကြောင်းကို သင်က ပထမဦးစွာ အသိအမှတ် ပြုရမည်ဖြစ်၍ နောက်ဆုံးသော ကာလတွင် သူသည် လူသားကို အသက်၏ လမ်းခရီးပေးရန် လာရောက်ကြောင်းကို သင်က အသိအမှတ် ပြုရမည်ဖြစ်သည်။ ဤသည်မှာ အတိတ်ကာလက မဟုတ်။ ယနေ့ ဖြစ်ပျက်နေခြင်း ဖြစ်၏။

နောက်ဆုံးသော ကာလ၏ ခရစ်တော်သည် အသက် ယူဆောင်လာ၍ အဓွန့်ရှည်စွာ တည်တံ့ကာ ထာဝရ တည်ရှိသော သမ္မာတရား၏ လမ်းခရီးကို ယူဆောင်လာ၏။ ဤသမ္မာတရားသည် လူသား အသက်ရရှိမည့် လမ်းကြောင်းဖြစ်၍ လူသားက ဘုရားသခင်ကို သိမည့် တစ်ခုတည်းသော လမ်းကြောင်းနှင့် ဘုရားသခင်က ခွင့်ပြုမည့် တစ်ခုတည်းသော လမ်းကြောင်းဖြစ်၏။ နောက်ဆုံးသောကာလတွင် ခရစ်တော်က ပေးသည့် အသက်၏ လမ်းခရီးကို သင်မရှာပါက သင်သည် ယေရှု၏ အတည်ပြုမှု မည်သည့်အခါမျှ ရမည်မဟုတ်ဘဲ ကောင်းကင်နိုင်ငံတော်၏ တံခါးကိုဝင်ရန် မည်သည့်အခါမျှ အရည်အချင်းမီမည် မဟုတ်ပါ။ အဘယ်ကြောင့်ဆိုသော် သင်သည် သမိုင်း၏ ရုပ်သေး အကျဉ်းသားပါ ဖြစ်သောကြောင့် ဖြစ်၏။ စည်းမျဉ်းစည်းကမ်းများ၊ စာများဖြင့် ထိန်းချုပ်ခံနေရသူများနှင့် သမိုင်း၏ ထိတ်တုံးခတ်ခံနေရ သူများသည် မည်သည့်အခါမျှ အသက်ကို ရရှိနိုင်စွမ်းမည် မဟုတ်ဘဲ မည်သည့်အခါမျှ ထာဝရအသက်၏ လမ်းခရီးကို ရနိုင်မည် မဟုတ်ပါ။ အဘယ်ကြောင့်ဆိုသော် ထိုသူတို့အားလုံးသည် ပလ္လင်မှ စီးဆင်းသည့် အသက်ရေ ဖြစ်မည့်အစား နှစ်ပေါင်းထောင်ပေါင်းများစွာ တစ်နေရာတည်းတွင် ရှိနေသော နောက်ကျိသည့် ရေများ ဖြစ်ကြသောကြောင့် ဖြစ်၏။ အသက်ရေကို မရရှိသောသူတို့သည် လူသေကောင်များ၊ စာတန်၏ ကစားစရာများနှင့် ငရဲ၏သားများအဖြစ် ထာဝရရှိနေကြလိမ့်မည်။ ထိုသို့ဖြစ်ပါက ထိုသူတို့သည် ဘုရားသခင်ကို မည်သို့ မြင်နိုင်မည်နည်း။ သင်သည်အတိတ်ကို စွဲကိုင်ထားရန်သာ ကြိုးစားပါက၊ တည်ငြိမ်စွာ ရပ်နေခြင်းဖြင့် အရာများကို ၎င်းတို့ရှိနေသည့်အတိုင်း ထားရန်သာ ကြိုးစား၍ ရှိနေသည့် အနေအထားကို ပြောင်းလဲရန်နှင့် သမိုင်းကိုစွန့်ပစ်ရန် မကြိုးစားပါက သင်သည် ဘုရားသခင်ကို အမြဲဆန့်ကျင်နေမည် မဟုတ်လော။ ဘုရားသခင်အမှု၏ အဆင့်များသည် တက်နေသော လှိုင်းတံပိုးများနှင့် လိမ့်၍နေသော မိုးချုန်းသံကဲ့သို့ ကျယ်ပြန့်၍ တန်ခိုးကြီးမား၏၊ သို့ရာတွင် သင်သည် ထိုင်နေလျက် တုံဏှိဘာဝေသာ ရှိနေကာ ပျက်စီးခြင်းကို စောင့်၏။ သင်၏ မိုက်မဲမှုကို စွဲကိုင်လျက် ဘာမျှ မလုပ်ဘဲနေ၏။ ဤနည်းအားဖြင့် သိုးသငယ်၏ ခြေရာနောက် လိုက်သူတစ်ဦးအဖြစ် သင့်ကို မည်သို့စဉ်းစားနိုင်မည်နည်း။ သင်စွဲကိုင်ထားသော ဘုရားသခင်သည် အစဉ် အသစ်ဖြစ်လျက် မည်သည့်အခါမျှ အိုမင်းခြင်းမရှိသူ ဘုရားသခင်အဖြစ် သင်မည်သို့ အကြောင်းပြနိုင်မည်နည်း။ သင်တို့၏ အိုဟောင်း၍ အဝါရောင်သန်းနေသော စာအုပ်များရှိ စကားလုံးများသည် ခေတ်သစ်အတွင်း သင့်ကို မည်သို့ ချီဆောင်သွားနိုင်မည်နည်း။ ဘုရားသခင်အမှု၏ အဆင့်များကို ရှာဖွေရန် ၎င်းတို့သည် သင့်ကိုမည်သို့ လမ်းပြနိုင်မည်နည်း။ ထို့အပြင် ၎င်းတို့သည် သင့်ကိုကောင်းကင်သို့ မည်သို့ ခေါ်သွားနိုင်မည်နည်း။ သင်၏ လက်များထဲတွင် ကိုင်ထားသည့် အရာမှာ သင့်ကို ယာယီဖြေသိမ့်မှုသာ ပေးနိုင်သည့် စာများသာဖြစ်၍ အသက်ပေးနိုင်သည့် သမ္မာတရားများ မဟုတ်ပေ။ သင်ဖတ်သည့် သမ္မာကျမ်းချက်များမှာ သင်၏လျှာကိုသာ ကြွယ်ဝစေနိုင်သော အရာများသာဖြစ်၍ သင့်ကိုစုံလင်စေရန် လမ်းပြပေးနိုင်သော လမ်းခရီးများမဆိုနှင့် လူ့အသက်တာကို သင်သိရန် ကူညီနိုင်သည့် အသိဉာဏ် အမြော်အမြင်ရှိသော စကားလုံးများပင် မဟုတ်ပါ။ ဤကွာခြားချက်သည် သင့်ကိုပြန်လည် စဉ်းစားရန် အကြောင်းရင်းတစ်ရပ် မပေးပေဘူးလား။ အတွင်းတွင် ရှိသည့် နက်နဲသောအရာများကို သင့်ကို နားလည်ခွင့် မပေးပေဘူးလား။ ဘုရားသခင်ကိုတွေ့ရန် သင်ကိုယ်တိုင် ကောင်းကင်ဘုံသို့ သင့်ကိုယ်သင် လွတ်မြောက်စေနိုင်ပါသလား။ ဘုရားသခင် ကြွလာခြင်းမရှိဘဲ သင်သည် ဘုရားသခင်နှင့် မိသားစုအဖြစ် ပျော်ပါးရန် သင့်ကိုယ်သင် ကောင်းကင်ဘုံအတွင်း ခေါ်ဆောင်သွားနိုင်ပါသလား။ သင်စိတ်ကူး ယဉ်နေတုန်းပဲလား။ ဤသို့ဆိုပါက သင်၏ စိတ်ကူးယဉ်ခြင်းကို ရပ်စဲ၍ ယခုမည်သူ အမှုထမ်းနေသည်ကို ကြည့်ရန်၊ နောက်ဆုံးသော ကာလတွင် လူသားကို ကယ်တင်သည့်အမှု ထမ်းဆောင်နေသူကို ကြည့်ရန် ငါအကြံပြု၏။ ဤသို့မပြုပါက သင်သည် သမ္မာတရားကို မည်သည့်အခါမျှ ရရှိလိမ့်မည် မဟုတ်ဘဲ အသက်ကိုလည်း မည်သည့်အခါမျှ ရရှိလိမ့်မည် မဟုတ်ပါ။

ခရစ်တော် ပြောဆိုခဲ့သည့် သမ္မာတရားကို အားကိုးခြင်းမရှိဘဲ အသက်ရရှိလိုသူတို့သည် ကမ္ဘာမြေကြီးပေါ်တွင် ရယ်စရာအကောင်းဆုံး သူများဖြစ်၍ ခရစ်တော် ယူဆောင်လာသည့် အသက်၏ လမ်းခရီးကို လက်မခံ သူတို့သည် စိတ်ကူးယဉ်၌ ပျောက်ဆုံးနေသူများ ဖြစ်ကြ၏။ ထို့ကြောင့် နောက်ဆုံးသောကာလ ခရစ်တော်ကို လက်မခံသူများသည် ဘုရားသခင်၏ လွန်စွာမုန်းတီးမှုကို ထာဝရခံရမည်ဖြစ်သည်ဟု ငါဆို၏။ ခရစ်တော်သည် နောက်ဆုံးသော ကာလတွင် နိုင်ငံတော်သို့ လူသား ဝင်ရောက်ရန် တံခါးပေါက်ဖြစ်၍ မည်သူမျှ ကျော်လွှား၍ မရနိုင်ပါ။ ခရစ်တော်ကို အမှီမပြုလျှင် မည်သူမျှ ဘုရားသခင်၏ စုံလင်စေခြင်းကို မခံရနိုင်ပါ။ သင်သည် ဘုရားသခင်ကို ယုံကြည်သည့်အတွက် သူ၏ နှုတ်ကပတ်တော်များကို လက်ခံရမည်ဖြစ်ပြီး သူ၏လမ်းခရီးကို နာခံရမည်ဖြစ်သည်။ သမ္မာတရားကို လက်ခံခြင်းမရှိဘဲ သို့မဟုတ် အသက်၏ထောက်ပံ့မှုကို လက်မခံဘဲ သင်သည် ကောင်းကြီးမင်္ဂလာ ရရှိရေးကိုသာ မစဉ်းစားရပါ။ သူ့ကို စစ်မှန်စွာ ယုံကြည်သူအားလုံး အသက် ရရှိစေရန် ခရစ်တော်သည် နောက်ဆုံးသော ကာလတွင် လာခြင်းဖြစ်သည်။ သူ၏အမှုသည် ခေတ်အဟောင်းကို အဆုံးသတ်၍ ခေတ်အသစ်ထဲသို့ ဝင်ရောက်ရန်ဖြစ်ကာ အသစ်သောကာလသို့ ဝင်ရောက်မည့် သူအားလုံး လိုက်လျှောက်ရမည့် လမ်းကြောင်းဖြစ်၏။ သူ့ကို အသိအမှတ်ပြုနိုင်စွမ်း သင့်တွင်မရှိဘဲ ပြစ်တင်ရှုတ်ချခြင်း၊ ပုတ်ခတ်ပြောဆိုခြင်း သို့မဟုတ် သူ့ကို ညှဉ်းပန်းနှိပ်စက်ခြင်းပင် ပြုပါက သင်သည် ထာဝရ မီးလောင်၍ ဘုရားသခင်၏ နိုင်ငံတော်သို့ မည်သည့်အခါမျှ ဝင်ရောက်မည် မဟုတ်သည်မှာ သေချာ၏။ အဘယ်ကြောင့်ဆိုသော် ဤခရစ်တော် ကိုယ်တိုင်သည် သန့်ရှင်းသော ဝိညာဉ်တော်၏ ဖော်ပြချက်၊ ဘုရားသခင်၏ ဖော်ပြချက်၊ ဘုရားသခင်က ကမ္ဘာမြေကြီးတွင် သူ၏အမှုကို ဆောင်ရွက်ရန် တာဝန်ပေးခဲ့သူ ဖြစ်သောကြောင့် ဖြစ်၏။ ထို့ကြောင့် နောက်ဆုံးသောကာလ ခရစ်တော် ဆောင်ရွက်ခဲ့သည့် အရာအားလုံးကို သင်လက်မခံနိုင်ပါက သင်သည် သန့်ရှင်းသော ဝိညာဉ်တော်ကို ပုတ်ခတ်ပြောဆိုခြင်း ဖြစ်သည်ဟု ငါပြော၏။ သန့်ရှင်းသော ဝိညာဉ်တော်ကို ပုတ်ခတ်ပြောဆိုသူတို့ ခံစားရမည့် အကျိုးအပြစ်မှာ အားလုံးအတွက် သက်သေပြရန် မလိုပါ။ သင်သည် နောက်ဆုံးသောကာလ ခရစ်တော်ကို ဆန့်ကျင်ပြီးနောက် သူ့ကို ငြင်းပယ်ပါက အကျိုးသက်ရောက်မှုများကို သင့်ကိုယ်စား ခံစားပေးနိုင်သူ တစ်ဦးမျှ မရှိဟုလည်း ငါသင့်ကို ပြော၏။ ထို့အပြင် ယနေ့မှစ၍ သင်သည် ဘုရားသခင်၏ ခွင့်ပြုချက်ကိုရရှိရန် အခွင့်အရေး နောက်တစ်ရပ်ရှိမည် မဟုတ်ပါ။ သင့်ကိုယ်သင် ရွေးနုတ်ရန် ကြိုးစားလျှင်ပင် သင်သည် ဘုရားသခင်၏ မျက်နှာကို နောက်တစ်ကြိမ် မြင်ရတော့မည် မဟုတ်ပါ။ အဘယ်ကြောင့်ဆိုသော် သင် ဆန့်ကျင်သောသူမှာ လူသားတစ်ဦး မဟုတ်၊ သင် ငြင်းပယ်သောသူမှာ သေးငယ်သည့် အရာလေးတစ်ခု မဟုတ်ဘဲ ခရစ်တော်ဖြစ်သောကြောင့် ဖြစ်၏။ ဤအကျိုးသက်ရောက်မှုကို သင်သိပါသလား။ သင်ပြုလိုက်သည်မှာ သေးငယ်သည့် အမှားတစ်ရပ် မဟုတ်ဘဲ အလွန် စက်ဆုပ်ရွံရှာဖွယ်ကောင်းသော ပြစ်မှုတစ်ရပ်ဖြစ်၏။ ထို့ကြောင့် သမ္မာတရား ရှေ့မှောက်တွင် အစွယ်မထုတ်ရန်၊ သို့မဟုတ် အမှုမဲ့၊ အမှတ်မဲ့ ကဲ့ရဲ့ပြစ်တင်ပြောဆိုမှုများ မလုပ်ရန် လူတိုင်းကို ငါအကြံပြု၏။ အဘယ်ကြောင့်ဆိုသော် သမ္မာတရားသည်သာ သင့်ကို အသက်ပေးနိုင်၍ သမ္မာတရားမှလွဲ၍ မည်သည့်အရာကမျှ သင့်ကို ပြန်လည် မွေးဖွားခွင့်နှင့် ဘုရားသခင်၏ မျက်နှာကို မြင်ခွင့် ပေးနိုင်မည် မဟုတ်သောကြောင့် ဖြစ်သည်။

(နှုတ်ကပတ်တော်သည် လူ့ဇာတိ၌ ပေါ်လာ၏ မှ)

ခရစ်တော်၏ ပင်ကိုသဘောသဘာဝသည် ဘုရားသခင်ပင်ဖြစ်၏

ဘုရားလူ့ဇာတိခံယူခြင်းသည် ခရစ်တော်ဖြစ်၏ လူအား သမ္မာတရားပေးသော ခရစ်တော်သည် ဘုရားရှင်ပင် ဖြစ်သည် ဒီအကြောင်းများ ဘာတစ်ခုမှ လွန်ကဲခြင်းမရှိပါ သူ့ အလုပ်၌ သူပိုင်ဆိုင် ထားသော ဘုရား၏ပင် ကိုသဘောသဘာဝ၊ ဘုရား၏ ဉာဏ်ပညာ၊ စိတ်သဘောထား တို့သည် လူ တို့ အားဖြင့် မရနိုင်သည့် အရာ သူတို့ကိုယ်သူတို့ ခရစ်တော်ဟု ခေါ်ဝေါ်သောသူများသည် ဘုရား၏ အလုပ်အား ဆောင်ရွက်… နိုင် ခြင်းမရှိဘဲ အယောင်ဆောင် ခြင်းများသာဖြစ် အယောင်ဆောင်ခြင်းများသာဖြစ် ထိုသူတို့ အနှေးနှင့်အမြန် ကျဆုံးမည် ခရစ်တော်ဖြစ်၏ ဆိုကြလည်း ခရစ်တော်၏ သဘောသဘာဝ တစ်ခုမှသူတို့ လုံးဝမပိုင်ဆိုင်

ခရစ်တော်သည် ဤလောကကြီးထဲ၌ ဘုရား ကိုယ်ထင်ပြခြင်း သက်သက်မဟုတ်ပါဘူး လူ့ဇာတိခံထားသော ဘုရား သူသည် လူတို့၌ သူ့အမှုတော်မြတ် ဆောင်ရွက်ကာ ပြည့်စုံ စေ ပြည့်စုံစေ ဘယ်လူသားကမျှ ထိုလူပုဂ္ဂိုလ်ကို အစားထိုး၍မရနိုင် ပါ သူသာလျှင် လောက၌ ဘုရား၏ အမှုတော်မြတ်ကို လုံလောက်စွာ ထမ်းရွက်နိုင်သူ ဘုရားကို အကောင်းဆုံး ကိုယ်စားပြုသူ နှင့် လူတွေကိုအသက်ပေးသောသူ ဘုရားမိန့်သည်မှာ ခရစ်တော်စစ် မှန်ကြောင်းကို လူအားဖြင့် အစစ်မှန် အတည် မပြုနိုင် ဘုရားရှင် ကိုယ်တိုင်သာ အတည်ပြုဆုံးဖြတ်နိုင် သင်သည် ဤနည်းလမ်းတိုင်းသာ အသက်လမ်းကို အမှန်ရှာဖွေလိုလျှင် နောက်ဆုံးသော ကာလတွင် သူကမ္ဘာမြေသို့ ကြွလာကာ လူအပေါ်သို့ အသက်လမ်း ပေးအပ်ခဲ့သည် ဒါကိုသင်သည် ယုံကြည်ရမည်။ ဤအရာသည် လွန်ခဲ့သောအရာမဟုတ် ယနေ့ဖြစ်ပျက်နေသည်

သိုးသငယ်နောက်လိုက်ပြီး သီချင်းအသစ်များကိုသီဆိုပါ မှ

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

ဘုရားသခင်၏ နေ့စဉ် နှုတ်ကပတ်တော်များ | “အစအဦး၌ ခရစ်တော်၏ မိန့်မြွက်ချက်များ- အခန်း ၇၀” | ကောက်နုတ်ချက် ၅၈

ငါ၏ နက်နဲမှုများ ထုတ်ဖော်ပြခံရပြီး ပွင့်ပွင့်လင်းလင်း ထင်ရှားကာ မကွယ်ဝှက်တော့သည်မှာ ငါ၏ ကျေးဇူးနှင့် ကရုဏာကြောင့် လုံးလုံးလျားလျား ဖြစ်၏။...

ဘုရားသခင်၏ နေ့စဉ် နှုတ်ကပတ်တော်များ | “ဆိုးသွမ်းသောသူများသည် အပြစ်ဒဏ်ပေးခြင်းကို ခံကြရလိမ့်မည်” | ကောက်နုတ်ချက် ၃၂၈

မိမိလုပ်သမျှအရာရာတိုင်း၌ ဖြောင့်မတ်ခြင်းရှိ၊ မရှိနှင့် မိမိ၏အပြုအမူများသည် ဘုရားသခင်၏ နည်းလမ်းများနှင့် ကိုက်ညီ၊ မညီ ဆင်ခြင်လေ့လာနေခြင်းသည်...

ဘုရားသခင်၏ နေ့စဉ် နှုတ်ကပတ်တော်များ | “မပြောင်းလဲသော စိတ်သဘောထား ရှိခြင်းသည် ဘုရားသခင်နှင့် ရန်ဘက်ပြုခြင်းဖြစ်သည်” | ကောက်နုတ်ချက် ၃၀၂

ယိုယွင်းပျက်စီးသော လူ့စိတ်သဘောထားကို ဖွင့်ပြသော အကြောင်းရင်းသည် အခြားမဟုတ်၊ သူ၏ ထုံထိုင်းသောသိစိတ်၊ မနာလိုမုန်းတီးသော သဘာဝနှင့် ဆုတ်ယုတ်သော...

ဘုရားသခင်၏ နေ့စဉ် နှုတ်ကပတ်တော်များ | “စုံလင်ခြင်းသို့ ရောက်သော သူများသာ အဓိပ္ပာယ်ရှိသော အသက်တာဖြင့် အသက်ရှင်နိုင်သည်” | ကောက်နုတ်ချက် ၅၅၂

သင် စုံလင်ခြင်းသို့ ရောက်ရန် ပြည့်မီရမည့် စံများ ရှိပါသည်။ သင်၏ ဆုံးဖြတ်ချက်၊ သင်၏ လုံ့လထုတ်မှု နှင့် သင်၏ အသိစိတ်အားဖြင့် လည်းကောင်း၊ သင်၏...