၁ ကြိမ်ဖန်များစွာပင်၊ ကျွန်ုပ်သည် အပျက်သဘောဆောင်လာပြီး ဂုဏ်သိက္ခာနှင့် အဆင့်အတန်းကို ဆုံးရှုံးသောကြောင့် ငိုကြွေးခဲ့ပြီ။ ကြိမ်ဖန်များစွာပင်၊ ကျွန်ုပ်၏ အနာဂတ်တက်လမ်းများကိုသာ ကျွန်ုပ်အရေးစိုက်ခဲ့သည်ကို စမ်းသပ်မှုများက ထုတ်ဖော်ပြခဲ့ပြီး ကျွန်ုပ်ကို ထိခိုက်နာကျင်မှုဖြင့် လွှမ်းမိုးလာခဲ့သည်။ ကြိမ်ဖန်များစွာပင်၊ ဘုရားသခင်၏ တရားစီရင်ခြင်းမှ မိမိကိုယ်ကို ဖယ်ရှားဖို့ ကြိုးစားရင်း ကျွန်ုပ်သည် ခေါင်းမာပြီး ပုန်ကန်တတ်ခဲ့သည့်အပြင် ကျွန်ုပ်၏သြတ္တပ္ပစိတ်က ကျွန်ုပ်ကို အပြစ်မတင်ခဲ့ပေ။ ကြိမ်ဖန်များစွာပင်၊ နောင်တရဖို့ ကျွန်ုပ်ဆုံးဖြတ်ခဲ့သော်လည်း သိသိလျက်နှင့် မမှန်မကန် လုပ်ဆောင်ခဲ့ပြီး ကျွန်ုပ်အတွင်း၌ အပြစ်ကို သောင်းကျန်းခွင့်ပြုခဲ့သည်။ အို ဘုရားသခင်၊ ကိုယ်တော့်နှုတ်ကပတ်တော်များ၏ တရားစီရင်ခြင်းက ကျွန်ုပ်၏ အကျည်းတန်သော စိတ်ဝိညာဉ်ကို ဖွင့်ဟသည်၊ ထိုအခါ ကျွန်ုပ်၏ ဖောက်ပြန်ပျက်စီးမှု အမှန်တရားကို ကျွန်ုပ် ရှင်းရှင်းလင်းလင်း မြင်ရပြီး အရှက်တရားကြောင့် ကျွန်ုပ်၌ မိမိကိုယ်ကို ပုန်းကွယ်နိုင်ရန် နေရာမရှိပေ။

၂ ကျွန်ုပ်သည် ကယ်တင်၍ မရနိုင်လောက်အောင် ဖြစ်သည်ဟု ပိုင်းခြားသတ်မှတ်မိခဲ့သော်လည်း ကိုယ်တော်၏ နှုတ်ကပတ်တော်များက ကျွန်ုပ်၏ နားလည်မှုလွဲမှားခြင်းများကို ပပျောက်စေခဲ့သည်။ ကြိမ်ဖန်များစွာပင်၊ စာတန်၏ စုံစမ်းသွေးဆောင်မှုများထဲသို့ ကျွန်ုပ်ကျရောက်ခဲ့သော်လည်း ကိုယ်တော် ကျွန်ုပ်ကို တိတ်တဆိတ် စောင့်ကြည့်ပြီး ကွယ်ကာခဲ့သည်။ ကြိမ်ဖန်များစွာပင်၊ လွဲမှားသောအယူအဆများကို ကျွန်ုပ် သိုထားပြီး ကိုယ်တော့်ကို ဆန့်ကျင်ခဲ့သော်လည်း ကိုယ်တော် ကျွန်ုပ်ကို သက်ညှာမှုနှင့် သည်းခံခြင်း အမြဲပြခဲ့ပေသည်။ ကျွန်ုပ်ပြစ်မှားမိခဲ့သည့် အကြိမ်များအားလုံးကို ကိုယ်တော် ဘယ်သောအခါမျှ အမှတ်မထားခဲ့သလို၊ နောင်တရဖို့အခွင့်အရေး ကိုယ်တော် ကျွန်ုပ်ကို ပေးခဲ့သည်။ အို ဘုရားသခင်၊ ကျွန်ုပ်သည် အလွန်ပင် အရေးမပါသကဲ့သို့ နှိမ့်ကျလှပါသည်၊ သို့သော် ကိုယ်တော်သည် ကျွန်ုပ်နှင့်ပတ်သက်၍ အချိန်တိုင်း ဂရုစိုက်နေဆဲပင်။ ကိုယ်တော်၏ ချစ်ခြင်းမေတ္တာကို ကျွန်ုပ် ပြန်မပေးဆပ်နိုင်သေးလျှင် ကျွန်ုပ်ကို လူသားဟု အဘယ်သို့ ခေါ်ဆိုထိုက်မည်နည်း။

၃ ကိုယ်တော်၏ တရားစီရင်ခြင်း၊ စမ်းသပ်ခြင်းများ၊ အပြစ်ဖော်ဆုံးမခြင်းနှင့် ပဲ့ပြင်ဆုံးမခြင်းတို့ကို တွေ့ကြုံခြင်းအားဖြင့် ကိုယ်တော်၏ ချစ်ခြင်းမေတ္တာကို နောက်ဆုံးတွင် ကျွန်ုပ်သိနားလည်သည်။ စစ်ဆေးမှု၏ ကြီးမားသောနာကျင်မှုကို ကျွန်ုပ်ခံစားရသော်လည်း ကျွန်ုပ်၏ ဖောက်ပြန်ပျက်စီးသော စိတ်သဘောထားမှာ သန့်စင်ပေးခြင်းခံနေရပေသည်။ သမ္မာတရားကို လက်တွေ့ကျင့်သုံးရင်း၊ ကိုယ်တော့်ကို နာခံရင်းနှင့် ကိုယ်တော်၏ ရှေ့မှောက်တွင် အသက်ရှင်ရင်းဖြင့် ကျွန်ုပ်သည် အေးအေးသက်သာနှင့် ငြိမ်းငြိမ်းချမ်းချမ်း ခံစားရပေသည်။ ဘုရားသခင်ကို ကြောက်ရွံ့ပြီး မကောင်းမှုကို ရှောင်ကြဉ်သည့် ရိုးသားသောလူတစ်ဦး ဖြစ်လာခြင်း၌ ကျွန်ုပ် အလွန်ပျော်ရွှင်ရသည်။ အို ဘုရားသခင်၊ ကိုယ်တော်၏ တရားစီရင်ခြင်းသည် ချစ်ခြင်းမေတ္တာဖြစ်ပြီး ယင်းက ကိုယ်တော်၏ ကြီးမြတ်သော ကယ်တင်ခြင်းကို ကျွန်ုပ်အား ရရှိစေနိုင်ပေပြီ။ ကိုယ်တော်၏ စစ်မှန်သော ချစ်ခြင်းမေတ္တာကို ကျွန်ုပ်ခံစားရပြီဖြစ်ပြီး ကိုယ်တော့်ကို ထာဝရ ချစ်ပြီး နာခံဖို့ ကျွန်ုပ်ဆန္ဒရှိပါသည်။