၁ အတိတ်က သခင့်အပေါ် ကျွန်ုပ်၏ ယုံကြည်မှုကို စဉ်းစားရင်းဖြင့်၊ ကျွနုပ် လုပ်ဆောင်ခဲ့သည့်အရာအတွက် နောင်တရမိသည်။ နောက်ဆုံးသောကာလ ဘုရားသခင်၏ အမှုတော်ကို ကျွန်ုပ် ငြင်းပယ်ခြင်းအား ကျွန်ုပ် စက်ဆုပ်မိ၊ ထာဝရ ဝမ်းနည်းမှုဖြင့် ကျွန်ုပ် ကျန်ရစ်ပေ။ သခင့်၏ ပြန်ကြွလာခြင်းကို နေ့တိုင်း ကျွန်ုပ် အိပ်မက်မက်ခဲ့ရ၊ ကောင်းကင်နိုင်ငံတော်ထဲသို့ ချီဆောင်ခံရဖို့ စိတ်နှလုံးအကြွင်းမဲ့ဖြင့် ကျွန်ုပ် တောင့်တခဲ့။ သို့သော် တံခါးကို သခင်လာခေါက်နေခဲ့ပြီး အဆုံးသတ်ကာလ ကယ်တင်ခြင်း ပေါ်ထွန်းခဲ့ချိန်တွင်၊ ယင်းကို လက်ခံဖို့ ကျွန်ုပ် ငြင်းပယ်ခဲ့ပေ။ ဘုရားသခင်ကို ယုံကြည်ခြင်းက ကျမ်းစာကို ယုံကြည်ခြင်းဖြစ်သည်ဟု တွေးထင်ရင်း၊ ဘုရားသခင်ကို သမ္မာကျမ်းစာတွင် ကျွန်ုပ် ဘောင်ခတ်မိခဲ့။ ကျွန်ုပ် ကယောင်ကတမ်းပြောကာ ဘုရားသခင်ကို ရှာဖွေသည့် စိတ်နှလုံးမရှိဘဲ ထင်ရာမြင်ရာ ဝေဖန်မိခဲ့ပေ။ ယုံကြည်သူများကို မှန်သောလမ်းခရီး ရှာဖွေခြင်းနှင့် လေ့လာဆန်းစစ်ခြင်းမှ တားဆီးဖို့ အသင်းတော်ကို ပိတ်ပင်ရန် ကျွန်ုပ် လုပ်ခဲ့သည်။ ကျွန်ုပ်၏ ကိုယ်ပိုင် နာမည်နှင့် အဆင့်အတန်းတို့ကို ထိန်းသိမ်းဖို့ ယုံကြည်သူများကို ကျွန်ုပ်၏ လက်တွင်း ပိတ်လှောင်ခဲ့သည်။ ဤနှစ်များအားလုံးတွင် ဘုရားသခင်ကို ကျွန်ုပ် အစေခံနိုင်ခဲ့သော်လည်း ကိုယ်တော့်ကို ဆန့်ကျင်ရာတွင် ဂိုဏ်းခေါင်းဆောင်တစ်ဦး ဖြစ်လာနိုင်မည်ဟု ဘယ်သောအခါမျှ ကျွန်ုပ် စိတ်မကူးမိခဲ့။ ပယ်ဖျက်မရသည့် ကျွန်ုပ်၏ အပြစ်က အဆုံးမရှိ ကျွန်ုပ်ကို နာကျင်စေခဲ့ပေသည်။

၂ ကျွန်ုပ် အလွန် ပုန်ကန်တတ်ကာ ဆန့်ကျင်တတ်ခဲ့သော်လည်း ဘုရားသခင်က ကျွန်ုပ်ကို ကယ်တင်ဖို့ သနားကရုဏာပြဆဲဖြစ်ကာ အရာရာကို ကြိုးစားခဲ့သည်။ ကျွန်ုပ်၏ စိတ်နှလုံး မပြောင်းလဲမီတွင် ကိုယ်တော်သည် ကျွန်ုပ်၏ စိတ်နှလုံးတံခါးကို သူ၏ နှုတ်ကပတ်တော်တို့ဖြင့် အကြိမ်များစွာ ခေါက်ခဲ့သည်။ ဘုရားနှုတ်ကပတ်တော်များ၏ တရားစီရင်ခြင်းနှင့် ပြစ်တင်ဆုံးမခြင်းတို့ကို ကျွန်ုပ် လက်ခံလေပြီ၊ ကျွန်ုပ် အဘယ်မျှ မိုက်မဲကာ မျက်စိကန်းသည်ကို ကျွန်ုပ် မြင်ပြီ။ ဘုရားသခင်၏ အရာအားလုံးနှင့် ဖြစ်ခြင်း ကြွယ်ဝမှုကို၊ လူသားမျိုးနွယ် ဘယ်သောအခါမျှ နားမလည်နိုင်။ ဘုရားသခင်၏ အမှုတော်သည် မည်သည့် စည်းမျဉ်းမျှဖြင့် မကန့်သတ်ထားပေ၊ ယင်းသည် အမြဲ တိုးတက်နေသည်။ သို့သော် ဘုရားသခင်၏ အမှုတော်ကို သမ္မာကျမ်းစာ၏ နှုတ်ကပတ်တော်များဖြင့် ကျွန်ုပ် ဘောင်ခတ်မိခဲ့သည်၊ အလွန့်အလွန် မာနထောင်လွှားမိသည်။ ကျွန်ုပ်၏ တားဆီးမှုကြောင့် ယုံကြည်သူများစွာ ကယ်တင်ခြင်းတွင် သူတို့၏ အခွင့်အရေးများ ဆုံးရှုံးခဲ့ရသည်။ ကျွန်ုပ်သည် ဘုရားသခင်ကို ယုံကြည်သော်လည်း၊ သူရွေးချယ်ထားသောသူများအတွက် ကျွန်ုပ် သူနှင့်ယှဉ်ပြိုင်ခဲ့သည်- ကျွန်ုပ်သည် အမှန်တကယ် ခေတ်သစ် ဖာရိရှဲတစ်ဦးပါပေ။ ကျွန်ုပ်၏ လုပ်ရပ်များအတွက် ကျွန်ုပ် ရှုတ်ချခံရသင့်ပေ၊ သို့သော် ဘုရားသခင်က နောင်တရဖို့ အခွင့်အရေးတစ်ခု ကျွန်ုပ်ကို ပေးခဲ့သည်။ ဘုရားသခင်၏ စစ်မှန်သော မေတ္တာကို မြင်ရင်း၊ ကိုယ်တော့်ကို ကျွန်ုပ် များစွာ ကြွေးတင်မိသည်ဟု ခံစားရပေ။

အို ဘုရားသခင်၊ ကိုယ်တော့်ကို ကျွန်ုပ်ယုံကြည်သော်လည်း၊ မသိကျွမ်းခဲ့သလို၊ ကိုယ်တော့်ကို ကျွန်ုပ် အာခံကာ ဝေဖန်မိခဲ့။ ကျွန်ုပ်သည် အမှန်တကယ် စာတန်အမျိုးအစားဖြစ်သည်၊ ကိုယ်တော်၏ သနားကရုဏာ၊ ကယ်တင်ခြင်းတို့နှင့် မထိုက်တန်ပေ။ အို ဘုရားသခင်၊ ကျွန်ုပ် နောင်တရကာ ကိုယ်တော်၏ တရားစီရင်ခြင်းကို လက်ခံမည်။ ကျွန်ုပ် ရှိသမျှအရာရာဖြင့် သမ္မာတရားကို လိုက်စားမည်၊ ကျွန်ုပ်၏ တာဝန်ကို ဖြည့်ဆည်းကာ ကိုယ်တော်၏ ချစ်ခြင်းမေတ္တာကို ပြန်ပေးဆပ်မည်။