၁

ဘုရားသခင်၏ ဘုန်းကြီးသောနေ့ တဖြည်းဖြည်းနီးလာသည်ကို ကြည့်မြင်ရင်း၊

ကျွန်ုပ်၏ စိတ်နှလုံးက ဝမ်းနည်းမှုနှင့် စိုးရိမ်မှုတို့ မခံစားဘဲ မနေနိုင်ပေ။

ဘုရားသခင်အပေါ် ကျွန်ုပ်၏ ပုန်ကန်မှုနှင့် အာခံမှုတို့ကို ပြန်တွေးမိသည်။

နောင်တ၊ စိုးရိမ်ပူပန်မှုနှင့် ကျေးဇူးတင်ရှိခြင်းတို့က ကျွန်ုပ်၏ စိတ်နှလုံးထဲ လျှံထွက်လာသည်။

ဘုရားသခင် ကျွန်ုပ်ကို ရွေးချယ်ခဲ့သည်၊ ထို့ကြောင့် သူ့ထံ ကျွန်ုပ် လှည့်ပြန်ခဲ့ပြီး နိုင်ငံတော်၏စားသောက်ပွဲကို တက်ရောက်ခဲ့သည်။

ကျွန်ုပ်လျှောက်ရမည့် လမ်းကြောင်းနှင့် ကျွန်ုပ် ထိန်းသိမ်းသင့်သည့် လမ်းခရီးတို့ကို သူ စိတ်အားထက်သန်စွာ သွန်သင်ပေးသည်။

သူ ကျွန်ုပ်ကို အဖန်ဖန် တိုက်တွန်းခဲ့သော်လည်း ယင်းကို ကျွန်ုပ် နှလုံးမသွင်းခဲ့။

သမ္မာတရားကို ကျွန်ုပ် မရရှိသေး၊ ဘုရားသခင်ကို ရင်ဆိုင်ရန် ကျွန်ုပ်မထိုက်မတန်။

၂

ကြိုးစားလုပ်ဆောင်ခြင်းက သမ္မာတရားကို လက်တွေ့ကျင့်သုံးခြင်းဟု ယုံကြည်မိကာ

ကျွန်ုပ်၏ ယုံကြည်ခြင်းတွင် အယူဝါဒကို စစ်မှန်မှုအဖြစ် နှစ်များစွာ ကျွန်ုပ်ရှုမြင်ခဲ့သည်။

ကျွန်ုပ်သည် မိမိတာဝန်၌ ဆက်ကပ်မှု ကင်းမဲ့ခဲ့သည်၊ ထိုအရာအားလုံးက အရေးမထားမှုနှင့် လှည့်ဖြားမှုချည်းသာ။

ကျွန်ုပ် ပြုပြင်ခံရပြီး ကိုင်တွယ်ဖြေရှင်းခံရချိန်တွင် ဆင်ခြေများကို ကျွန်ုပ်ပြုလုပ်ပြီး မိမိကိုယ်ကိုယ် မှန်ကန်ကြောင်းပြခဲ့သည်။

ကျွန်ုပ်ကို စုံလင်စေဖို့နှင့် သမ္မာတရားရရှိရန် ကူညီဖို့ ဘုရားသခင်သည် လူများနှင့် အမှုအရာများကို စီစဉ်ခဲ့သော်လည်း၊

ကျွန်ုပ် သမ္မာတရားကို ရှာဖို့မဆိုထား၊ ကျိုးနွံနာခံခြင်း မရှိခဲ့။

ဖာရိရှဲတို့၏ လမ်းကြောင်းကို ခေါင်းမာမာ ကျွန်ုပ်လျှောက်ခဲ့ပြီး ပြန်လှည့်ရန် မသိခဲ့ပေ။

ဘုရားသခင်၏ အမုန်းခံရကာ သေခြင်းထက် ပိုဆိုးသည့် ဘဝတစ်ခုထဲ၊ အမှောင်ထဲတွင် အသက်ရှင်ခဲ့ရသည်။

၃

ဘုရားသခင်၏ တရားစီရင်ခြင်း နှုတ်ကပတ်တော်တိုင်းက ကျွန်ုပ်၏ စိတ်နှလုံးကို ကိုင်လှုပ်သည်။

ကျွန်ုပ်၏ ရှည်ကြာထုံနေသည့် စိတ်နှလုံးက ယခုမှ စတင်နိုးထသည်။

အလွန်မာကျောပြီး သမ္မာတရားကို မလိုက်စားခဲ့ခြင်းအတွက် ကျွန်ုပ် မိမိကိုယ်ကို မုန်းမိသည်။

ယနေ့ထိ ကျွန်ုပ် အသက်ရှင်နေထိုင်သမျှမှာ ဆိုးယုတ်သော စိတ်သဘောထားတစ်ခုပင်။

ဘုရားသခင်၏အလုပ်သည် အဆုံးသတ်၏ အစွန်အဖျားတွင် ရှိနေသည်၊ မကြာခင် သူ ဇိအုန်သို့ ပြန်ကြွလာလိမ့်မည်။

ယုံကြည်ခြင်းရှိသော်လည်း ဘုရားသခင်ကို မကျေနပ်စေနိုင်ခြင်းသည် အမှန်တကယ် ရှက်ဖွယ်တစ်ခု ဖြစ်သည်။

ကိုယ်တော်၏ နှုတ်ကပတ်တော်များကို မြည်းစမ်းခြင်းငှာ ကျွန်ုပ် အမှန်တကယ် မထိုက်တန်၊ ဘုရားသခင်ကို ကျွန်ုပ် အမှန်တကယ် ကျေးဇူးတင်မိသည်။

ဘုရားသခင်ကို ဆက်ကပ်ရန် ဤနောက်ဆုံးအချိန်နာရီရှိခြင်းသည် ရှားပါးသော လက်ဆောင်တစ်ခုပင်။

သမ္မာတရားကို လိုက်စားဖို့နှင့် ကျွန်ုပ်ဘဝကို ဘုရားသခင်၏ ကျေးဇူးတော်အား ပြန်ပေးဆပ်ရင်း အသုံးပြုဖို့ ကျွန်ုပ် သန္နိဋ္ဌာန်ချသည်။