၁၅၃ ဘုရားသခင်၏ ချစ်ခြင်းမေတ္တာဖြင့်၊ ကျွန်ုပ် ကြောက်ရွံ့မည်မဟုတ်
၁
မည်သူသည် ကျွန်ုပ်တို့ကို ခရစ်တော်၏ ခြေလှမ်းများနောက်လိုက်ခြင်းမှ တားဆီးဖို့ အချည်းနှီးမျှော်လင့်ရင်း၊
ခရစ်ယာန်များကို နှိပ်စက်ညှင်းပန်းပြီး ဖမ်းဆီးကာ၊ ညှင်းဆဲမှုနှင့် ညှင်းပန်းမှုကို မျှင်း၍ပေးသနည်း။
မည်သူသည် ကျွန်ုပ်၏ ခန္ဓာနှင့် ယုံကြည်ချက်နှစ်ခုလုံးကို အမြစ်ဖြတ်ချေမှုန်းဖို့ အသည်းအသန်ကြိုးစားရင်း၊
ကျွန်ုပ်၏ခန္ဓာကို ပြတ်ရှရာများနှင့် ပွန်းပဲ့ဒဏ်ရာများဖြင့် ပြည့်စေပြီး သေခြင်းတံခါးဝတွင် အသက်ငင် ကျန်ရစ်စေသနည်း။
ထို့ပြင် ဘုရားသခင်ကို သစ္စာဖောက်စေဖို့၊ အခြားယုဒတစ်ယောက်ကဲ့သို့ ဖြစ်လာဖို့နှင့် ဘုရားသခင်၏ ကယ်တင်ခြင်းကို ဆုံးရှုံးစေဖို့ အားထုတ်ကြိုးပမ်းရင်း
မည်သူသည် ကျွန်ုပ်ကိုခြိမ်းခြောက်ပြီး ကျွန်ုပ်၏ ညီအစ်ကို မောင်နှမများကို သစ္စာဖောက်ဖို့ ကျွန်ုပ်ကို တံစိုးပေးရန် ကြိုးစားပါသနည်း။
သေရေးရှင်ရေး အကျပ်အတည်းများထဲတွင် ဘုရားသခင်၏ ကြင်နာသော စကားများက ကျွန်ုပ်နားထဲ ပဲ့တင်ထပ်သည်။
၎င်းတို့သည် ကျွန်ုပ်၏ စိတ်ဝိညာဉ်နှင့် ကျွန်ုပ်၏ အသွေးအသားထဲက နာကျင်မှုကို သက်သာစေသည်။
ဘုရားသခင်သည် ကျွန်ုပ်ကို နှစ်သိမ့်မှုနှင့် ခွန်အားပေးတိုက်တွန်းမှုကို အမြဲပေးရင်း ကျွန်ုပ်ဘေးတွင်ရှိသည်ကို ကျွန်ုပ်မြင်ရသည်။
ကျွန်ုပ်၏ စိတ်နှလုံး အထီးမကျန်တော့ပါ၊ သက်သေရပ်တည်နိုင်ဖို့ ယုံကြည်ခြင်းနှင့်ခွန်အား ကျွန်ုပ်တွင်ရှိသည်။
၂
အကျယ်ချုပ်နီးပါးအောက်တွင် ကျွန်ုပ်ရှိစေဖို့အလို့ငှာ ကျွန်ုပ်၏ ပုဂ္ဂိုလ်ရေးလွတ်လပ်မှုကို ကန့်သတ်ရင်း
ကျွန်ုပ်၏ တည်နေရာကို တိတ်တဆိတ် စောင့်ကြည့်ဖို့ မည်သူသည် သတင်းပေးများကို စီစဉ်သနည်း။
အသံဖမ်းစက်များကို ယူဆောင်လာရင်းနှင့် စည်းဝေးပွဲများ တက်ရောက်ခြင်းနှင့် ဘုရားနှုတ်ကပတ်တော်များကို ဖတ်ရှုခြင်းအကြောင်း ကျွန်ုပ်ကို မေးမြန်းစုံစမ်းလျက်၊
အလည်အပတ်ကဲ့သို့သာ ဟန်ဆောာင်သော်လည်း ကျွန်ုပ်၏ လှုပ်ရှားသမျှတိုင်းကို စောင့်ကြည့်လျက်ဖြင့်၊ မည်သူသည် ကျွန်ုပ်၏အိမ်သို့ မကြာခဏလာသနည်း။
ထို့ပြင် ကျွန်ုပ်၏ ညှင်းဆဲခံရမှု ဖြစ်အင်များက ကျွန်ုပ် စိတ်ထဲတွင် အဖန်ဖန်ထင်ဟပ်ရင်း
မည်သူသည် ကျွန်ုပ်ကို ထိတ်လန့်ကြောက်ရွံ့ခြင်းဖြင့် အိပ်ရာမှ ထစေသနည်း။
တရုတ်ပြည်သည် အမှန်ပင် ဆိုးယုတ်ရက်စက်သော အကျဉ်းထောင်တစ်ခု ဖြစ်ကြောင်း ကျွန်ုပ်၏ စိတ်နှလုံး ကျယ်လောင်စွာ ဟစ်အော်မိသည်။
လွတ်လပ်မှုမရှိ၊ အတင်းအဓမ္မ ဦးနှောက်ကျင်းခံရလျက်၊ ကျွန်ုပ်တို့၏ အပြောအဆိုသည်ပင် ၎င်းတို့၏ ထိန်းချုပ်မှုအောက်၌သာဖြစ်သည်။
ယုံကြည်မှု လွတ်လပ်ခွင့်ကို ကြေငြာခြင်းသည် မိမိ၏ လောကကြီးအား လှည့်ဖြားခြင်းကို ဖုံးကွယ်ဖို့ စီစီပီအသုံးပြုသည့် မုသားတစ်ခုသက်သက် ဖြစ်သည်။
ဗြောင်ကျကျ သတ်ဖြတ်မှုက စီစီပီ၏ ဆိုးယုတ်သော သဘာဝကို ဖော်ထုတ်သည်။
သံပြိုင်အပိုဒ်
ခရစ်တော်သည် သမ္မာတရား၊ လမ်းခရီးနှင့် အသက်ဖြစ်သည်မှာ ကျွန်ုပ် သေချာသည်။
စီစီပီက ကျွန်ုပ်ကို မည်သို့ နှိပ်စက်ညှင်းပန်းနိုင်ပါစေ၊ နောက်ဆုံးအထိ ခရစ်တော်နောက်လိုက်ဖို့ ကျွန်ုပ်သန္နိဋ္ဌာန်ချထားသည်။
ကျွန်ုပ်၏အသက်ကို စွန့်လွှတ်ခြင်းပင်လျှင် ကျွန်ုပ် ခံသင့်သည့် သက်သေတစ်ခု ဖြစ်သည်။
ဤမဆုံးနိုင်သောည မည်မျှကြာရှည်လိမ့်မည်ကို ကျွန်ုပ်မသိတော့။
သို့သော် ကျွန်ုပ်ကိုလမ်းပြမည့် ဘုရားသခင်၏ ချစ်ခြင်းမေတ္တာနှင့် ကျွန်ုပ်ကိုအားပေးမည့် ဘုရားသခင်၏ နှုတ်ကပတ်တော်နှင့်အတူ ကျွန်ုပ် ကြောက်ရွံ့မည်မဟုတ်ပါ။
