၁ ဘုရားသခင်၌ သင်၏ ယုံကြည်ခြင်းတွင် သမ္မာတရားကို သင် နားမလည်မီတွင် သူ၏ နှုတ်ကပတ်တော်များကို ပိုမိုဖတ်ရှုရမည်။ သမ္မာတရားကို နားလည်ခြင်းအားဖြင့်သာ မိမိကိုယ်ကိုယ် မိမိ သိရှိနိုင်ပြီး သတိပြုမိနိုင်ကာ သင်၌ မည်သည့် ဖောက်ပြန်ပျက်စီးသော စိတ်သဘောထားများ ရှိသည်ဆိုသည့် ရှင်းလင်းသော စိတ်ကူးတစ်ခု ရှိနိုင်သည်။သမ္မာတရားကို လက်တွေ့လုပ်ဆောင်ပြီး ဘုရားသခင်၏ ရှေ့မှောက် အသက်ရှင်ဖို့ရန်၊ သင်၏ ဇာတိပကတိကို သင် သစ္စာဖောက်ရမည်ဖြစ်ပြီး သင်၏ အကြိုက်များ၊ စိတ်ဆန္ဒများနှင့် သင်၏ စာတန်ဆန်သော စိတ်သဘောထားများကို ဆန့်ကျင်သည့် တိုက်ပွဲတစ်ခု သင် စတင်ရမည်။ လူတို့သည် မိမိတို့၏ စာတန်ဆန်သော စိတ်သဘောထားများကို အမှန်တကယ် စက်ဆုပ်ပြီး ဇာတိပကတိ၏ အကြိုက်များကို အစစ်အမှန် မုန်းတီးလျှင်၊ သမ္မာတရားအတိုင်း သတိရှိရှိ ၎င်းတို့ လက်တွေ့လုပ်ဆောင်နိုင်ပြီး၊ ၎င်းတို့၏ လုပ်ဆောင်ချက်များသည် ကိုယ်ကျင့်တရားကောင်းလိမ့်မည်၊ အတိုင်းအတာတစ်ခု ရှိလိမ့်မည်ဖြစ်ပြီး အကန့်အသတ်များ ရှိလိမ့်မည်။ ဤသည်တို့မှာ သမ္မာတရားကို သိနားလည်ခြင်းအားဖြင့် ရရှိသည့် ရလဒ်များ ဖြစ်သည်။ သမ္မာတရားကို ၎င်းတို့ နားမလည်ကြလျှင်၊ ဇာတိပကတိအားဖြင့် ၎င်းတို့ အမြဲအုပ်စိုးခံရကာ ချည်နှောင်ခံရလိမ့်မည်ဖြစ်ပြီး ရှေ့ဆက်လမ်းရှိလိမ့်မည် မဟုတပေ။

၂ လူတို့သည် ၎င်းတို့၏ဘဝအပေါ် အမြင်နှင့် ၎င်းတို့ ဖြစ်တည်ခြင်း၏ အဓိပ္ပာယ်၊ အခြေခံအကြောင်းရင်းတို့ လုံးလုံးလျားလျား ပြောင်းလဲသွားသည့်နေ့အထိ တွေ့ကြုံရသောအခါ၊ ၎င်းတို့၏အရိုးထဲအထိ ပြောင်းလဲသွားပြီး အခြားလူတစ်ဦး ဖြစ်သွားသောအခါ၊ ဤအရာမှာ မယုံကြည်နိုင်လောက်အောင်ဖြစ်သည် မဟုတ်လော။ ဤသည်မှာ ကြီးစွာသောပြောင်းလဲမှုတစ်ခု၊ ကမ္ဘာတုန်လောက်သော ပြောင်းလဲမှုတစ်ခု ဖြစ်သည်။ သင်သည် လောကကြီး၏ ကျော်ကြားခြင်းနှင့် ကြွယ်ဝခြင်း၊ အဆင့်အတန်း၊ ငွေကြေး၊ အပျော်အပါး၊ တန်ခိုးအာဏာနှင့် ဂုဏ်အသရေတို့ကို စိတ်ဝင်စားခြင်းမရှိတော့သကဲ့သို့ ၎င်းတို့ကို အလွယ်တကူ စွန့်လွှတ်နိုင်သောအခါမှသာ၊ သင်၌ လူသားတစ်ဦး၏ ပုံသဏ္ဌာန်ရှိလိမ့်မည်။ အဆုံးတွင် စုံလင်စေခြင်းခံရမည့် သူများမှာ ဤကဲ့သို့သော လူစုတစ်စု ဖြစ်သည်၊ ၎င်းတို့သည် သမ္မာတရားအတွက် အသက်ရှင်ကြသည်၊ ဘုရားသခင်အတွက် အသက်ရှင်ကြပြီး၊ တရားမျှတသောအရာအတွက် အသက်ရှင်ကြ၏။ ဤသည်မှာ စစ်မှန်သော လူသားတစ်ဦး၏ ပုံသဏ္ဌာန် ဖြစ်သည်။

“နှုတ်ကပတ်တော်၊ အတွဲ (၃)၊ နောက်ဆုံးသော ကာလ ခရစ်တော်၏ ဟောပြောချက်များ၊ အပိုင်း သုံး” ကို ကောက်နုတ်၍ ဆီလျော်စွာ ပြုပြင်ထားသည်