အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၉၄

ငါသည် ဇိအုန်တောင်သို့ ငါ၏ သားဦးတို့ဖြင့် ပြန်လာသည်၊ ဤနှုတ်ကပတ်တော်များ၏ အဓိပ္ပာယ်အစစ်အမှန်ကို သင်တို့ အမှန်တကယ် နားလည်သလော။ ငါနှင့်အတူ အုပ်ချုပ်စိုးစံရန် ငါသည် သင်တို့အား လျင်မြန်စွာ ကြီးထွားဖွံ့ဖြိုးစေလိုကြောင်း ငါသည် အဖန်တလဲလဲ သတိပေးခဲ့ပြီးဖြစ်သည်။ သင်တို့ မှတ်မိသလော။ ဤအရာများသည် ငါ၏ လူ့ဇာတိခံယူခြင်းနှင့် တိုက်ရိုက်သက်ဆိုင်သည်။ ဇိအုန်တောင်မှတစ်ဆင့် ငါနှင့်အတူ စိတ်သဘောထား တစ်ခုတည်းဖြစ်သော၊ လူ့ဇာတိဖြင့် လူအုပ်စု တစ်စုကိုရရှိရန်အတွက် ငါသည် လောကသို့ သွေးသားခန္ဓာဖြင့် ဆင်းသက်လာကာ၊ ပြီးနောက် ငါတို့သည် ဇိအုန်တောင်သို့ ပြန်သွားကြသည်။ ဆိုလိုသည်မှာ ငါတို့သည် သွေးသားခန္ဓာမှ မူရင်းခန္ဓာကိုယ်သို့ ပြန်သွားသည်ကို ဆိုလိုခြင်းဖြစ်သည်။ ဤအရာသည် “ဇိအုန်တောင်သို့ ပြန်သွားခြင်း” ၏ အဓိပ္ပာယ်အစစ်အမှန်ပင် ဖြစ်သည်။ ဤအရာသည် ငါ၏ စီမံခန့်ခွဲမှု အစီအစဉ် တစ်ခုလုံး၏ စစ်မှန်သော အဓိပ္ပာယ်နှင့် အချက်အချာလည်းဖြစ်ပြီး၊ ထို့ထက်ပို၍ မည်သူတစ်ဦးတစ်ယောက်မျှ မပိတ်ပင်နိုင်ဘဲ၊ ချက်ချင်းဖြစ်မြောက်အောင်မြင်မည့်၊ ငါ၏ စီမံခန့်ခွဲမှု အစီအစဉ်၏ အရေးအကြီးဆုံးသော အပိုင်းဖြစ်သည်။ အကယ်၍ သင်သည် အသွေးသားဖြင့် ဖြစ်လျှင်၊ သင်သည် လူသား၏ အယူအဆများနှင့် အတွေးအခေါ်များကို ဘယ်သောအခါမျှ ဖယ်ရှားလိမ့်မည် မဟုတ်ဘဲ၊ လောကီလေကို စွန့်ပစ်ကာ၊ ဖုန်များကိုခါထုတ်ပြီး၊ သင်သည် အစဉ်အမြဲရွံ့ဆေးသာ ဖြစ်လိမ့်မည်၊ သင်သည် ခန္ဓာကိုယ်အတွင်း၌ ရှိသောအချိန်တွင်မှ၊ ကောင်းချီးမင်္ဂလာများကို မွေ့လျော်ဖို့ရန် သင့်လျော်လိမ့်မည်ဖြစ်သည်။ ကောင်းချီးမင်္ဂလာများသည် အဘယ်အရာများနည်း။ သင်တို့မှတ်မိသလော။ သွေးသားခန္ဓာ၌ အဘယ်အရာမျှ ကောင်းချီးမင်္ဂလာဟု ထည့်သွင်းစဉ်းစားနိုင်ခြင်း မရှိ၊ ထို့ကြောင့် သားဦးတိုင်းသည် သွေးသားခန္ဓာမှ ခန္ဓာကိုယ်သို့သွားသော လမ်းကို လိုက်လျှောက်ရမည်။ သွေးသားခန္ဓာ၌ သင်သည် အဆင်းနီသောနဂါးကြီး၏ ဖိနှိပ်ခြင်းနှင့် နှိပ်စက်ညှဉ်းပန်းခြင်းတို့ကို ခံခဲ့ရသည်၊ (ဤအရာသည် အဘယ့်ကြောင့်ဆိုသော် သင့်ထံ၌ တန်းခိုးမရှိသောကြောင့်၊ သင်သည် ဘုန်းအသရေကို မရရှိခဲ့ခြင်းကြောင့်ဖြစ်သည်)၊ သို့သော် ခန္ဓာကိုယ်ထဲ၌ ၎င်းသည် အလွန်ကွာခြားသွားလိမ့်မည်ဖြစ်ပြီး၊ သင်သည် ဂုဏ်ယူပြီး ရွှင်လန်းအားရလိမ့်မည်။ ဖိနှိပ်ခြင်းခံရသော နေ့ရက်တို့သည် လုံးဝပျောက်ကွယ်သွားလိမ့်မည်ဖြစ်ပြီး၊ သင်သည် ထာဝရ လွတ်ငြိမ်းကာ လွတ်မြောက်လိမ့်မည်။ အကယ်၍ ငါ၏အရာအားလုံးနှင့်ဖြစ်ခြင်းတို့ကို သင့်အထဲသို့ ငါပေါင်းထည့်ရလျှင် ထိုအရာသည် ဖြစ်ရလိမ့်မည်။ ထိုသို့မဟုတ်လျှင် သင်သည် ငါ၏ ကြန်အင်လက္ခဏာများသာ ရှိလိမ့်မည်။ လူတစ်ဦးသည် မည်မျှပင် အခြားသူတစ်ဦး၏ အပြင်ပန်းလက္ခဏာကို အတုခိုးစေကာမှု၊ သူတို့သည် အတိအကျ တူညီနိုင်ခြင်း မရှိ။ သန့်ရှင်းသော ဝိညာဉ်တော်ခန္ဓာ၌သာ (ခန္ဓာကိုယ်ကို ရည်ညွှန်းသည်) ငါတို့သည် အတိအကျ တူညီနိုင်သည်။ (ဤသည်မှာ တူညီသော လက္ခဏာများ၊ တူညီသော ဖြစ်တည်မှု၊ တူညီသော ပိုင်ဆိုင်မှုများရှိခြင်းကို ရည်ညွှန်းပြီး တညီတညွတ်တည်း ဖြစ်စေနိုင်ခြင်း၊ ခွဲခြားမှုမရှိခြင်းနှင့် ပိုင်းခြားမှုမရှိခြင်းတို့ကို ရည်ညွှန်းသည်၊ အဘယ်ကြောင့်ဆိုသော် အားလုံးမှာ သန့်ရှင်းသော ဝိညာဉ်ခန္ဓာ ဖြစ်သောကြောင့်ဖြစ်၏။)

ယခု သင်တို့သည် အဘယ့်ကြောင့် လောကကို စတင်မုန်းတီးလာကြသနည်း၊ ထို့အပြင် စိတ်ရှုပ်ထွေးစရာကောင်းသော အရာများဖြစ်သည့် စားခြင်း၊ ဝတ်ဆင်ခြင်း အစရှိသည်တို့ကို စက်ဆုပ်ရွံရှာကြပြီး ၎င်းတို့ကို စွန့်ပယ်ဖို့ရန် အဘယ်ကြောင့် မစောင့်နိုင်ကြသနည်း။ ဤသည်မှာ သင်သည် ဝိညာဉ်လောက (ခန္ဓာကိုယ်) အတွင်းသို့ ဝင်ရောက်မည့် လက္ခဏာဖြစ်ပြီး၊ (အားလုံးသည် တူညီသော အတိုင်းအတာ၊ ပမာဏ မဟုတ်ကြသော်လည်း) သင်တို့ အားလုံး၌ ဤအရာအပေါ် စိတ်လေးခြင်း ရှိကြသည်။ ငါသည် အမျိုးမျိုးသော ကွဲပြားခြားနားသည့် လူများ၊ ကွဲပြားသော ဖြစ်ရပ်များနှင့် ကွဲပြားသော အရာများကို ငါ၏ အရေးပါဆုံးသော ခြေလှမ်းကို အစေခံရန်အတွက် အသုံးပြုလိမ့်မည်ဖြစ်ပြီး၊ သူတို့အားလုံးသည် ငါ့အတွက် အစေခံကြရမည်။ ထိုသို့ ငါပြုရမည်။ (ဤအရာကို ငါသည် လူ့ဇာတိထဲ၌ ပြီးမြောက်အောင် မလုပ်ဆောင်နိုင်သည်မှာ မှန်ပေသည်၊ ငါ၏ ဝိညာဉ်ကိုယ်တိုင်သာ ဤလုပ်ဆောင်မှုကို ဆောင်ရွက်နိုင်သည်၊ အဘယ့်ကြောင့်ဆိုသော် အချိန်မကျသေးသောကြောင့် ဖြစ်သည်။) ဤသည်မှာ စကြဝဠာလောက တစ်ခုလုံးအတွက် နောက်ဆုံးသော လုပ်ငန်းအပိုင်း အနည်းငယ် ဖြစ်သည်။ လူတိုင်းသည် ငါ့ကို ချီးမွမ်းပြီး ထောမနာပြုကြလိမ့်မည်။ ငါ၏ ကြီးမြတ်သော အမှုသည် ပြီးဆုံးပြီဖြစ်သည်။ ငါ၏ လက်မှ စကြဝဠာလောကသို့၊ တိုင်းနိုင်ငံအားလုံးနှင့် လူအားလုံးသို့၊ ထို့အပြင် တောင်များသို့၊ မြစ်များနှင့် အရာအားလုံးသို့ အမျက်တော် ဖလားခုနစ်လုံးကို သွန်းလောင်းကာ၊ မိုးကြိုးသံခုနစ်ချက်၊ တံပိုးခုနစ်လုံးအသံနှင့် တံဆိပ်ခုနစ်ချက်တို့သည် ပွင့်သွားခဲ့ပြီးဖြစ်သည်။ အမျက်တော်ဖလား ခုနစ်လုံးတို့သည် အဘယ်အရာများ ဖြစ်ကြသနည်း။ ၎င်းတို့သည် အဘယ်အရာကို ဦးတည်သနည်း။ ငါ၏လက်မှ ၎င်းတို့ကို သွန်းလောင်းမည်ဟု ငါသည် အဘယ့်ကြောင့် ပြောသနည်း။ လူတိုင်း လုံးဝ နားလည်သဘောပေါက်မည့် အချိန်မတိုင်ခင်နှင့် လူတိုင်းအခိုင်အမာ မယုံကြည်မီတွင် အချိန်အတော်ကြာ ကုန်လွန်လိမ့်မည် ဖြစ်သည်။ အကယ်၍ သင်တို့ကို ယခု ငါပြောပြလျှင်ပင်၊ သင်တို့သည် သေးငယ်သော အပိုင်းအစတစ်ခုကိုသာ နားလည်လိမ့်မည် ဖြစ်သည်။ လူသား၏ စိတ်ကူးအရ၊ အမျက်တော်ဖလားခုနစ်လုံးသည် လောကရှိ နိုင်ငံအားလုံးနှင့် လူအားလုံးတို့ကို ဦးတည်ထားသည်၊ သို့သော်လည်း အမှန်အားဖြင့် ထိုကဲ့သို့မဟုတ်။ ထိုအမျက်တော်ဖလား ခုနစ်လုံးသည် စာတန်မာရ်နတ်၏ လွမ်းမိုးမှုနှင့် အဆင်းနီသော နဂါးကြီး၏ လျှို့ဝှက်ပူးပေါင်းကြံစည်ချက်ကို (ငါ့အတွက် အစေခံစေခြင်းအလို့ငှာ ငါအသုံးပြုသောအရာကို) ရည်ညွှန်းခြင်းဖြစ်သည်။ ထိုအချိန်တွင် ငါသည် မည်သူသည် သားများနှင့် မည်သူသည် လူများဖြစ်ကြောင်းကို ထုတ်ဖော်ပြသရန်အတွက်၊ ထိုသားများနှင့် လူများကို ပြစ်တင်ဆုံးမဖို့ရန် စာတန်နှင့် အဆင်းနီသော နဂါးကြီးကို လွှတ်လိုက်လိမ့်မည် ဖြစ်သည်။ လှည့်စားခြင်း ခံရသော ထိုသူတို့သည်၊ ငါ၏ ခွဲခန့်မှတ်သားထားခြင်း မခံရသော သူတို့ဖြစ်ကြသည်။ သို့သော်လည်း၊ ငါ၏ သားဦးတို့သည် ဤအချိန်တွင် ငါနှင့်အတူ စိုးစံနေလိမ့်မည်ဖြစ်ပြီး၊ ထိုအရာအားဖြင့် ငါသည် သားများနှင့် လူများကို ပြည့်စုံစေဖို့ရန် လုပ်ဆောင်လိမ့်မည်ဖြစ်သည်။ အမျက်တော်ဖလား ခုနစ်လုံးကို သွန်းလောင်းခြင်းသည် တိုင်းနိုင်ငံများအားလုံးနှင့် လူအားလုံးတို့အပေါ် သက်ရောက်လိမ့်မည် မဟုတ်ဘဲ ငါ၏သားများနှင့် ငါ၏ လူများအပေါ်ကိုသာ သက်ရောက်လိမ့်မည်ဖြစ်သည်။ ကောင်းချီးမင်္ဂလာများသည် လွယ်ကူစွာ ရောက်လာသည်မဟုတ်ဘဲ အဖိုးအခ အပြည့်အဝ ပေးရမည် ဖြစ်သည်။ သားများနှင့် လူများသည် ကြီးထွားဖွံ့ဖြိုးလာသောအချိန်၌ အမျက်တော်ဖလားခုနစ်လုံးသည် အကုန်အစင် ရှင်းလင်းသွားလိမ့်မည်ဖြစ်ပြီး၊ ထို့နောက်တွင် တည်ရှိတော့လိမ့်မည် မဟုတ်။ မိုးကြိုးသံခုနစ်ချက်ဆိုသည်မှာ အဘယ်နည်း။ ဤအရာသည် နားလည်ဖို့ရန် မခက်ခဲ။ ငါ၏သားဦးများနှင့် ငါသည် ခန္ဓာကိုယ် ဖြစ်လာသောအချိန်၌ မိုးကြိုးသံခုနစ်ချက်တို့သည် မြည်ဟည်းလိမ့်မည်။ ဤအရာသည် စကြာဝဠာ တစ်ခုလုံးကို၊ ကောင်းကင်နှင့်မြေကြီး အထက်အောက်လှန်သွားသကဲ့သို့ လှုပ်ခါသွားစေလိမ့်မည်။ ထိုအရာကို မသိသောလူ တစ်ဦးမျှရှိလိမ့်မည် မဟုတ်၊ လူတိုင်းတို့သည် ထိုအရာကို သိလိမ့်မည်။ ထိုအချိန်၌ ငါ၏သားဦးများနှင့် ငါသည် ဘုန်းအသရေ၌ အတူတကွရှိမည်ဖြစ်ပြီး အမှု၏ နောက်ထပ် ခြေလှမ်းကို စတင်လိမ့်မည်။ မိုးကြိုးသံခုနစ်ချက်ကြောင့်၊ များစွာသော လူတို့သည် သနားကြင်နာမှုနှင့် ခွင့်လွှတ်ခြင်းအတွက် ဒူးထောက်ကြလိမ့်မည်။ သို့သော်လည်း ဤသည်မှာ ကျေးဇူးတော်ခေတ် ဖြစ်တော့မည် မဟုတ်၊ ၎င်းသည် ဒေါသအမျက်အတွက် အချိန်ဖြစ်လိမ့်မည်။ ညစ်ညမ်းမှုများကို ပြုလုပ်သောသူများအတွက်မူ (မှောက်မှားသောများ၊ သို့မဟုတ် မသန့်ရှင်းသော ငွေကြေးများနှင့် ပတ်သက်သောသူများ၊ သို့မဟုတ် ယောက်ျားတို့နှင့် မိန်းမတို့အကြား ခြားနားကန့်သက်ချက်ကို ရှင်းလင်းခြင်းမရှိသောသူများ၊ သို့မဟုတ် ငါ၏ စီမံခန့်ခွဲမှုကို နောင့်ယှက်သောသူ သို့မဟုတ် ပျက်စီးစေသောသူများ၊ သို့မဟုတ် မိမိတို့၏ဝိညာဉ်များမှာ ပိတ်ထားခြင်း ခံရသောသူများ၊ သို့မဟုတ် ညစ်ညမ်းသော ဝိညာဉ်များ၏ စွဲကပ်ခြင်း ခံထားရသောသူများ စသည်ဖြင့်… ငါ၏ ရွေးကောက်ခြင်းခံရသောသူများမှအပ ကျန်အားလုံး)၊ သူတို့တစ်ဦးမျှ လွတ်လိမ့်မည် မဟုတ်သကဲ့သို့၊ ခွင့်လွှတ်ခြင်းလည်း ခံရလိမ့်မည် မဟုတ်ဘဲ အားလုံးသည် မရဏနိုင်ငံအတွင်းသို့ ပစ်ချခြင်း ခံရလိမ့်မည်ဖြစ်ပြီး ထာဝရပျက်စီးသွားမည် ဖြစ်သည်။ တံပိုးခုနစ်လုံးအသံသည် ကြီးမားပြီး မကောင်းသည့် ပတ်ဝန်းကျင်ကို ရည်ညွှန်းခြင်းမဟုတ်သကဲ့သို့ လောကကို ကြေညာခြင်းကို ရည်ညွှန်းခြင်းလည်းမဟုတ်၊ ထိုအရာသည် လူသား၏ အယူအဆလုံးလုံးဖြစ်သည်။ တံပိုးခုနစ်လုံးအသံသည် ငါ၏ဒေါသအမျက်ဖြင့်ပြည့်သော မိန့်မြွက်ချက်ကို ရည်ညွှန်းခြင်းဖြစ်သည်။ ငါ၏အသံ (ဘုန်းအာနုဘော်ဖြစ်သော တရားစီရင်ခြင်းနှင့် ဒေါသအမျက်ဖြင့်ပြည့်သော တရားစီရင်ခြင်း) ထုတ်လွှတ်သောအခါ တံပိုးခုနစ်လုံး အသံမြည်သည်။ (ယခုတွင်၊ ငါ၏အိမ်၌ ဤအရာသည် မည်သူမျှ မလွတ်မြောက်နိုင်သော၊ အပြင်းထန်ဆုံး ဖြစ်သည်။) မရဏနိုင်ငံနှင့် ငရဲမှ အရွယ်အစား အမျိုးစုံသော မကောင်းဆိုးဝါးများသည် သူတို့၏ ဦးခေါင်းများကို အုပ်ထားကြလိမ့်မည်ဖြစ်ပြီး အရပ်ရပ်သို့ ထွက်ပြေးကြကာ၊ ငိုကြွေးကာ အံသွားခဲကြိတ်ကြပြီး၊ ရှက်ရွံ့ကြ၍ သူတို့၏မျက်နှာများကို မပြသနိုင်ကြပေ။ ထိုအချိန်တွင် တံပိုးခုနစ်လုံးသည် စတင်မြည်ဟည်းလာသည်မဟုတ်၊ ငါ၏ ပြင်းထန်သော အမျက်သည်းခြင်းဖြစ်ပြီး၊ တစ်ဦးတစ်ယောက်မျှ မလွတ်မြောက်နိုင်ဘဲ အားလုံးခံရမည့် ငါ၏ အပြင်းထန်ဆုံးသော တရားစီရင်မှုလည်း ဖြစ်သည်။ ထိုအချိန်တွင် ထုတ်ဖော်ခြင်းခံရသော အရာသည် တံဆိပ်ခုနစ်ချက်အတွင်း၌ ပါရှိသည့်အရာများ မဟုတ်။ တံဆိပ်ခုနစ်ချက်တို့သည် အနာဂတ်တွင် သင်တို့မွေ့လျော်ရမည့် ကောင်းချီးမင်္ဂလာများဖြစ်ကြသည်။ ဖွင့်ခြင်းဆိုသည်မှာ သင်တို့အား အသိပေးခြင်းသက်သက်ကို ရည်ညွှန်းသည်၊ သို့သော် သင်တို့သည် ဤကောင်းချီးမင်္ဂလာများကို မွေ့လျော်ရလိမ့်ဦးမည် မဟုတ်။ သင်တို့ ကောင်းချီးမင်္ဂလာများကို အမှန်မွေ့လျော်သောအချိန်တွင်၊ သင်တို့သည် တံဆိပ်ခုနစ်ချက် အတွင်း၌ ပါရှိသည့်အရာများကို သိလာလိမ့်မည် ဖြစ်သည်။ ယခုတွင် သင်သည် မပြီးပြည့်စုံသေးသော အစိတ်အပိုင်းကို ထိနေရုံမျှသာဖြစ်သည်။ ငါသည် သင်တို့အား အနာဂတ်လုပ်ဆောင်မှုများကို တဆင့်ချင်းစီသာ ပြောပြနိုင်သည်၊ ထို့ကြောင့် သင်တို့သည် ကိုယ်တိုင်ကိုယ်ကျ လက်တွေ့ခံစားရလိမ့်မည်ဖြစ်ပြီး မယှဉ်သာသော ဘုန်းအသရေကို ခံစားရကာ၊ မရပ်မနားဘဲ ၎င်းကို ချီးကျူးဂုဏ်ပြုကြလိမ့်မည်။

သားဦးများ၏ ကောင်းချီးမင်္ဂလာများကို မွေ့လျော်နိုင်ခြင်းသည် လွယ်ကူသော အရာမဟုတ်သကဲ့သို့ သာမာန်လူတစ်ဦး စွမ်းဆောင်နိုင်သောအရာ တစ်စုံတစ်ခုလည်း မဟုတ်ပေ။ ငါ၏သားဦးများအပေါ်၌ တင်းကြပ်သော တောင်းဆိုချက်များကို ငါချမှတ်ထားကြောင်း၊ ငါသည် နောက်တဖန် အလေးထားကာ ပြောကြားပြီး၊ ပို၍ အားမာန်ပါပါ ပြောကြားမည်။ သို့မဟုတ်လျှင် သူတို့သည် ငါ၏နာမကို ဘုန်းထင်ရှားစေနိုင်မည်မဟုတ်။ လောက၌ သိက္ခာမဲ့သော မည်သူကိုမဆို ငါသည် ပြတ်ပြတ်သားသား ပယ်ချပြီး၊ ထို့ထက်ပို၍ပင် အကျင့်စာရိတ္တပျက်ယွင်းသောသူ သို့မဟုတ် ကာမဂုဏ်လွန်ကျူးသောသူ မည်သူကိုမဆို ငါသည် ပယ်ချသည်။ (ဘုရားသခင်၏ လူများနှင့် ဝေငှဖို့ရန် သူတို့ထံတွင်မရှိ - ဤအရာကို အထူးသဖြင့် ငါအလေးထားသည်။) အတိတ်က သင်ပြုခဲ့သောအရာသည် ပြီးဆုံးသွားကာ ပြီးပြတ်သည်ဟု မထင်နှင့် - ထိုကဲ့သို့ ကောင်းသောအရာ အဘယ်ကဲ့သို့ ရှိနိုင်မည်နည်း။ သားဦးအရာကို ရရှိဖို့ရန် ဤမျှလောက် ရိုးရှင်းမည်လော။ ထိုနည်း၎င်းပင် ငါ့ကို ဆန့်ကျင်သောသူ၊ ငါ၏ လူ့ဇာတိ၌ ငါ့ကိုအသိအမှတ်ပြုခြင်း မရှိသောသူ၊ ငါ၏အလိုကို လုပ်ဆောင်ရာတွင် ဝင်ရောက်စွက်ဖက်သောသူ၊ ငါ့ကို နှိပ်စက်ညှဉ်းဆဲသောသူ မည်သူကိုမဆို ငါသည် ပယ်ချ၏၊ - ငါသည် အလွန် ရက်စက်သည် (ငါ၏ တန်ခိုးကို ငါသည် အပြည့်အဝ ပြန်ယူပြီးဖြစ်သောကြောင့်ဖြစ်၏)။ နောက်ဆုံး၌ ထိုနည်းတူ မိမိတို့၏ဘဝ၌ အနှောင့်အယှက်များ မရှိသောသူများကိုလည်း ငါသည် ပယ်ချမည်။ ငါကဲ့သို့ မိမိတို့၏ ဝေဒနာများမှ လွန်မြောက်လာသောသူများ၊ ထိုဝေဒနာများသည် သေးငယ်သောအရာများဖြစ်လျှင်ပင်၊ ထိုသူများကို ငါသည်အလိုရှိသည်။ သို့မဟုတ်လျှင် ငါသည် ထိုကဲ့သို့သောသူကို အပြင်သို့ ကန်ထုတ်မည်။ ငါ့ကိုမက်လုံးပေးလျက်၊ ငါ၏သားဦးဖြစ်လိုခြင်းကြောင့် အရှက်တရားမဲ့ခြင်း မဖြစ်နှင့်။ ငါနှင့်ဝေးရာ ထွက်သွားလော့။ သင်သည် ယခင်က ငါ့ကို အရေးမပါသောအရာများ ပြောခဲ့ပြီး၊ ငါ၏ကြည်နူးမှုကို ရရှိရန် ရှာဖွေနေသည်။ ဤအရာသည် မျက်စိကန်းခြင်း ဖြစ်သည်။ ဆိုးယုတ်သောသူ၊ သင့်အား ငါမုန်းသည်ကို သင်မသိသလော။ သင်၏ ကလိမ်ကကျစ် စီးပွားရေးကို ငါမသိဟု သင်မထင်နှင့်။ သင်ထပ်ကာ ထပ်ကာ ဖုံးကွယ်ထားသည်။ သင်၏ မကောင်းဆိုးဝါးမျက်နှာကို သစ္စာဖောက်ခဲ့ပြီးသည်ကို သင်မသိသလော။ လူတို့သည်မမြင်ရသော်လည်း၊ ငါသည် ထိုအရာကို မမြင်ရဟု သင်ထင်သလော။ ငါ့ကို အစေခံသောသူများသည် ကောင်းသောအရာများ မဟုတ်ဘဲ၊ ဆိုးယုတ်သောသူတစ်သိုက်သာ ဖြစ်ကြသည်။ ငါသည် သူတို့ကို ရိုက်နှက်ဆုံးမရမည်ဖြစ်ပြီး အနက်ဆုံးသော တွင်းထဲသို့ ပစ်ချကာ သူတို့ကို လောင်မြိုက်စေမည်။

ဘုရားမကြိုက်သော ပြုမူပြောဆိုပုံဖြင့် ပြောသောသူ၊ ယုံကြည်မှုကင်းမဲ့စွာဖြင့် ပြုမူဆောင်ရွက်သောသူနှင့် အခြားသူများနှင့် ကောင်းမွန်သင့်တော်စွာ ပူးပေါင်းဆောင်ရွက်ခြင်း မရှိသောသူ- ထိုကဲ့သိုသောသူသည် ရှင်ဘုရင်ဖြစ်လိုသည်။ သင်သည် အိမ်မက်မက်နေခြင်း မဟုတ်လော။ သင်သည် ထင်ယောင်ထင်မှားဖြစ်ခြင်း မဟုတ်လော။ သင်အဘယ်အရာဖြစ်သည်ကို သင်မမြင်သလော။ သင်သည် ဆိုးယုတ်သောသူဖြစ်သည်။ ထိုကဲ့သို့သောသူအတွက် အသုံးဝင်စရာ တစ်စုံတစ်ရာ ရှိသလော။ ငါ၏မြင်ကွင်းမှ လျင်မြန်စွာ ထွက်ခွာလော့။ ငါပြောနေသောအရာကို လူတိုင်းသည် ရှင်းလင်းစွာ နားလည်ခြင်း ရှိသင့်သည်၊ ငါ၏နှုတ်ကပတ်တော်များဖြင့် နိုးကြွကာ၊ ငါ၏ အနန္တတန်ခိုးကို သိမှတ်လော့၊ ထို့အပြင် ငါ၏ ဉာဏ်ပညာကို သိမှတ်လော့။ သန့်ရှင်းသော ဝိညာဉ်ခန္ဓာသည် ပေါ်ထွန်းခဲ့ပြီဖြစ်ကြောင်း မကြာခဏ ပြောခဲ့ပြီးဖြစ်သည်။ စင်စစ်အားဖြင့် သန့်ရှင်းသော ဝိညာဉ်ခန္ဓာသည် ပေါ်ထွန်းခဲ့ပြီ သို့မဟုတ် မပေါ်ထွန်းသေးကြောင်း သင်တို့ပြောသလော။ ငါပြောသောအရာသည် အချည်းနှီးပြောဆိုခြင်းလော။ သန့်ရှင်းသော ဝိညာဉ်ခန္ဓာ ဆိုသည်မှာ အဘယ်နည်း။ မည်ကဲ့သို့သော အခြေအနေ၌ သန့်ရှင်းသော ဝိညာဉ်ခန္ဓာရှိသနည်း။ လူသားများအဖို့ ၎င်းသည် စိတ်ကူးတွေးကြည့်ရန် မတတ်နိုင်ဘဲ နားလည်သဘောမပေါက်နိုင်။ သင်တို့ကို ငါပြောမည် - ငါသည် ချို့ယွင်းချက်မရှိဘဲ၊ ငါ့အထဲ၌ အားလုံးသည် ပွင့်ကာ၊ အရာရာအားလုံးသည် လွတ်ငြိမ်းခြင်းရှိသည် (ငါပြုသောအရာသည် အမြော်အမြင်ရှိပြီး ငါသည် လွတ်လပ်စွာ ပြောကြားသောကြောင့်ဖြစ်၏)။ ငါပြုသောအရာများကြား၌ အဘယ်ရာမျှ ရှက်ဖွယ်ရာမရှိဘဲ၊ အရာရာအားလုံးသည် အလင်း၌ လုပ်ဆောင်သောကြောင့်၊ လူတိုင်းသည် အကြွင်းမဲ့ အခိုင်အမာ ယုံကြည်နိုင်ကြသည်။ ထို့အပြင်၊ မည်သူတစ်ဦးတစ်ယောက်မျှ ငါ့ကိုဆန့်ကျင်ပြီး အသုံးပြုသည့်အရာ တစ်စုံတစ်ခုကို ဖမ်းဆုပ်နိုင်ခြင်း မရှိ။ ဤသည်မှာ သန့်ရှင်းသော ဝိညာဉ်ခန္ဓာ အတွင်းရှိ “သန့်ရှင်းသော” ကို ရှင်းလင်းချက်ဖြစ်သည်။ ထို့ကြောင့် ငါသည် ထိုကဲ့သို့သော ရှက်ဖွယ်အရာများကို လုပ်သောသူမည်သူကိုမဆို ငါအလိုမရှိဟု ထပ်ကာ ထပ်ကာ အလေးပေးပြောခဲ့ခြင်းဖြစ်သည်။ ထိုအရာသည် ငါ၏အုပ်ချုပ်မှုဆိုင်ရာ ဥပဒေများအနက်မှ အချက်တစ်ခုဖြစ်ပြီး ငါ၏စိတ်နေသဘောထား အပိုင်းတစ်ခုလည်း ဖြစ်သည်။ ဝိညာဉ်ခန္ဓာသည် ငါ၏မိန့်မြွက်ချက်များကို ရည်ညွှန်းသည်။ ငါပြောသောအရာသည် အစဉ်အမြဲ ရည်ရွယ်ချက်ရှိကာ၊ အစဉ်အမြဲ ဉာဏ်ပညာရှိသည်၊ သို့သော် ထိန်းချုပ်ဖို့ရန် အကြောင်းအရာ မဟုတ်ပေ။ (ငါပြောလိုသောအရာကို ငါပြောပြီး၊ ထိုအရာမှာ ငါ၏ဝိညာဉ်သည် သူ၏အသံကို မိန့်မြွက်ခြင်းဖြစ်ပြီး၊ ငါ၏ဇာတိအဖြစ်တော်က ပြောနေခြင်းဖြစ်သည်။) ငါပြောသောအရာသည် လွတ်လပ်စွာ လွှတ်လိုက်ပြီး၊ ထိုအရာသည် လူတို့၏ အယူအဆများနှင့် မတိုက်ဆိုင်သောအချိန်၌ လူတို့ကို ထုတ်ဖော်ရန် အချိန်ပင်ဖြစ်သည်။ ၎င်းမှာ ငါ၏ စည်းစနစ်တကျ စီစဉ်ခြင်းဖြစ်သည်။ ထို့ကြောင့် ငါစကားပြောချိန် သို့မဟုတ် ပြုမူချိန်တိုင်း၌ စာတန်၏ အနှစ်သာရကို မြင်သာအောင်ပြသည့် အခွင့်အရေးကောင်း အစဉ်အမြဲ ဖြစ်သည်။ ငါဘိသိက်ခြင်း ခံရသောအချိန်တွင် သန့်ရှင်းသော ဝိညာဉ်ခန္ဓာသည် ထွက်ပေါ်လာသည်။ အနာဂတ်ကာလတွင် သန့်ရှင်းသော ဝိညာဉ်ခန္ဓာသည် ခန္ဓာကိုရည်ညွှန်းပြီး၊ ထိုအဓိပ္ပာယ်တွင် ရှုထောင့်နှစ်မျိုးရှိကာ - လက်ရှိတွင် အဓိပ္ပာယ် ရှုထောင့်တစ်ခုရှိပြီး၊ အနာဂတ်ကာလတွင် အခြားသော အဓိပ္ပာယ် ရှုထောင့် ရှိသည်။ သို့သော် အနာဂတ်ကာလတွင် သန့်ရှင်းသော ဝိညာဉ်ခန္ဓာသည် လက်ရှိကာလနှင့် အလွန်တရာ ကွာခြားသွားလိမ့်မည်ဖြစ်သည်၊ ကောင်းကင်နှင့် မြေကြီး ခြားနားကွာခြားသကဲ့သို့ ၎င်းသည် ဖြစ်လိမ့်မည်။ အဘယ်သူမျှ ၎င်းကို နားလည်သဘောပေါက်နိုင်မည်မဟုတ်ဘဲ ငါသည် ၎င်းကို သင်တို့အား ကိုယ်တိုင်ကိုယ်ကျ ထုတ်ဖော်ပြရလိမ့်မည် ဖြစ်သည်။

ယခင်က:အခန်း ၉၃

နောက်တစ်ခုသို့:အခန်း ၉၅

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မြွက်ဆိုချက်များ လက်ရွေးစင်များ သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ အောင်မြင်သောသူများ၏ သက်သေခံချက်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ