ဘုရားသခင်၏ နေ့စဉ် နှုတ်ကပတ်တော်များ | “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် (၁)” | ကောက်နုတ်ချက် ၃၀

ကမ္ဘာဦး ၉:၁၁-၁၃ သင်တို့နှင့် ငါပြုသော ပဋိညာဉ်ဟုမူကား၊ ရေလွှမ်းမိုးခြင်းအားဖြင့်၊ ခပ်သိမ်းသော သတ္တဝါတို့သည် နောက်တဖန် မဆုံးရကြ။ မြေကြီးကို ဖျက်ဆီးဘို့ရာ နောက်တဖန် ရေလွှမ်းမိုးခြင်း မရှိရ။ ထိုမှတပါး ငါတဘက်၊ သင်တို့နှင့် သင်တို့ထံမှာ အသက်ရှင်သမျှသော တိရစ္ဆာန်တို့ တဘက်၌ သားမြေး အစဉ်အဆက်မပြတ်၊ ငါပြုသော ပဋိညာဉ်၏ လက္ခဏာ သက်သေဟူမူကား၊ ငါ၏ သက်တံကို မိုဃ်းတိမ်၌ ငါထား၏။ ထိုသက်တံသည် မြေကြီးနှင့် ငါပြုသော ပဋိညာဉ်၏ သက်သေဖြစ်လိမ့်မည်။

နောဧအဖြစ်အပျက်၏အဆုံး၌ ဘုရားသခင်သည် ထိုအချိန်က သူ၏ခံစားချက်များကို ဖော်ပြဖို့ရန် သာမန် မဟုတ်သည့် နည်းလမ်းတစ်ခုကို သုံးခဲ့သည်ကို ငါတို့မြင်ရသည်။ ဤနည်းလမ်းသည် အလွန်ထူးခြားသည်၊ ၎င်းနည်းလမ်းမှာ လူသားများနှင့် ပဋိညာဉ်ဖွဲ့ရန်ဖြစ်သည်။ ဤသည်မှာ ကမ္ဘာကြီးကို ဖျက်ဆီးရန် ရေလွှမ်းမိုးခြင်းကို ဘုရားသခင် အသုံးပြုခြင်းသည် အဆုံးသတ်ကြောင်း ကြေညာခြင်းနည်းလည်းဖြစ်သည်။ ပြင်ပမှကြည့်လျှင် ပဋိညာဉ်ဖွဲ့ခြင်းသည် အင်မတန်မှပင် သာမန်ဖြစ်သည့် လုပ်ရပ်တစ်ခုဟုထင်ရသည်။ နှစ်ဦးနှစ်ဘက်၏ အကျိုးစီးပွားများကို ကာကွယ်ခြင်းဟူသည့် ရည်ရွယ်ချက် ဖြစ်မြောက်နိုင်ရန်အလို့ငှာ ကျူးလွန်ဖောက်ဖျက်သည့် လုပ်ရပ်များမပြုရန် နှစ်ဘက်စလုံးကို လိုက်နာဆောင်ရွက်စေရန် စကားလုံးများကို အသုံးပြုခြင်းထက် ဘာမျှမပိုပေ။ ပုံစံအရ ဤသည်မှာ အင်မတန်မှပင် သာမန်ဆန်သည်၊ သို့သော် နောက်ကွယ်မှ အရင်းခံအကြောင်းများနှင့် ဤအရာကို ဘုရားသခင်လုပ်ဆောင်ရခြင်း၏ အဓိပ္ပာယ်တို့အရ ဤသည်မှာ ဘုရားသခင်၏စိတ်သဘောထားနှင့် စိတ်အခြေအနေတို့၏ မှန်ကန်သည့် ဖော်ပြခြင်းဖြစ်သည်။ သင်သည် ဤစကားများကို ဘေးဖယ်၍ လျစ်လျူရှုပါက၊ အကယ်၍ ငါသည် ဤအရာများ၏ သမ္မာတရားကို သင်တို့အား မပြောခဲ့ပါက၊ လူသားများသည် ဘုရားသခင်၏တွေးတောခြင်းကို အမှန်တကယ်ပင် မည်သည့်အခါမျှ သိရှိရမည် မဟုတ်ပေ။ ဤပဋိညာဉ်ကို ဖွဲ့နေစဉ်တွင် ဘုရားသခင်သည် ပြုံးနေခဲ့လိမ့်မည် သို့မဟုတ် သူ၏ မျက်နှာအမူအရာသည် လေးနက်ကောင်း လေးနက် နေလိမ့်မည်ဟု သင့်စိတ်ကူးထဲ၌ ထင်ကောင်းထင်လိမ့်မည်၊ သို့သော် လူများ၏စိတ်ကူးထဲတွင် ဘုရားသခင်သည် မည်သည့် အဖြစ်များဆုံးသော ဖော်ပြမှုပုံစံ ရှိသည်ဖြစ်စေ၊ ဘုရားသခင်၏ အထီးကျန်မှုကို မဆိုထားနှင့်၊ ဘုရားသခင်၏နှလုံးသားနှင့် နာကျင်မှုကို မည်သူမျှ မမြင်နိုင်ပေ။ မိမိတို့ကို ဘုရားသခင်ယုံကြည်လာအောင် သို့မဟုတ် ဘုရားသခင်၏ ယုံကြည်မှုနှင့် ထိုက်တန်လာအောင် မည်သူမျှ မလုပ်နိုင်ပေ သို့မဟုတ် ဘုရားသခင်အနေဖြင့် သူ၏အတွေးများကို ဖော်ပြပေးနိုင်သည့်သူ သို့မဟုတ် သူ၏နာကျင်မှုကို ပြောပြပေးနိုင်သည့် လူတစ်ယောက်ဖြစ်လာအောင် မလုပ်နိုင်ပေ။ ထို့ကြောင့် ဘုရားသခင်သည် ထိုသို့သောအရာကို လုပ်ရုံမှတစ်ပါး အခြားရွေးချယ်စရာ မရှိခဲ့ခြင်းဖြစ်သည်။ အပေါ်ယံအားဖြင့် ဘုရားသခင်သည် အတိတ်ကို ပြီးပြတ်စေပြီး ရေလွှမ်းမိုးခြင်းအားဖြင့် ကမ္ဘာကြီးကို သူဖျက်ဆီးခြင်းအတွက် ပြီးပြည့်စုံသည့် အဆုံးသတ်ကို ပြုလုပ်လျက် ယခင်လက်ဦးလူသားများကို နှုတ်ဆက်ဖို့ရန် လွယ်ကူ သည့်အရာကို ပြုခဲ့သကဲ့သို့ ဖြစ်သည်။ သို့သော် ဘုရားသခင်သည် ဤအခိုက်အတန့်မှ နာကျင်မှုကို သူ၏ အတွင်းနှလုံးသားထဲတွင် မြှုပ်နှံခဲ့သည်။ ဘုရားသခင်သည် ပြောပြရမည့်လူတစ်ယောက်မျှ မရှိသည့်အချိန်က ဘုရားသခင်သည် ကမ္ဘာကြီးကို ရေလွှမ်းမိုးခြင်းနှင့် မဖျက်ဆီးတော့ဟုပြောလျက် လူသားများနှင့် ပဋိညာဉ်ဖွဲ့ခဲ့သည်။ သက်တံပေါ်လာသောအခါအခါ ဤသည်မှာ လူသားများကို ဤသို့သောကိစ္စများဖြစ်ခဲ့ဖူးမှန်း အသိပေးရန် ဖြစ်ပြီး ဆိုးယုတ်သောအရာများ မပြုကြရန် လူသားများကို သတိပေးရန်ဖြစ်သည်။ ထိုကဲ့သို့သော နာကျင်ရသည့် အခြေအနေ၌ပင်လျှင် ဘုရားသခင်သည် လူသားများကို မမေ့ဘဲ သူတို့ကို အလေးထားနေဆဲ ဖြစ်ခဲ့သည်။ ဤသည်မှာ ဘုရားသခင်၏ ချစ်ခြင်းနှင့် ကိုယ်ကျိုးမငဲ့မှုတို့ မဟုတ်သလော။ သို့ရာတွင် လူသားများ ခံစားနေရသည့်အချိန်တွင် သူတို့သည် အဘယ်အရာကို တွေးကြသနည်း။ ဤသည်မှာ လူသားများ ဘုရားသခင်ကို အလိုအပ်ဆုံး အချိန်မဟုတ်သလော။ ဤသို့သောအချိန်များတွင် လူများသည် သူတို့ကိုနှစ်သိမ့်ပေးဖို့ရန် ဘုရားသခင်ကို အတင်းဆွဲခေါ်ကြသည်။ မည်သည့်အချိန်ပင် ဖြစ်ပါစေ ဘုရားသခင်သည် လူသားများကို စိတ်ပျက်စေမည်မဟုတ်သည့်အပြင် ဘုရားသခင်သည် လူများကို သူတို့၏အကျပ်အတည်းများမှ အစဉ်အမြဲ လွတ်မြောက်စေပြီး အလင်းထဲတွင် နေစေမည်ဖြစ်သည်။ ဘုရားသခင်သည် လူများကို များစွာထောက်ပံ့ပေးသော်လည်း လူများ၏ နှလုံးသားထဲတွင်မူ ဘုရားသခင်သည် နှစ်သိမ့်ရာအားဆေး ဟူသည့် စိတ်ချသေချာစေခြင်း ဆေးလုံးထက်မပိုခဲ့ပေ။ ဘုရားသခင်သည် ခံစားနေရသည့်အခါ၊ သူ၏နှလုံးသားသည် ထိခိုက်သည့်အခါ၊ သူ့ကိုအဖော်ပြုနှစ်သိမ့်ပေးရန် ဖန်ဆင်းခံလူသားတစ်ယောက်ရှိခြင်းသည် သူ့အတွက်မူ လွန်ကဲလှသည့် ဆန္ဒဖြစ်သည်မှာ ယုံမှားဖွယ်ရာမဟုတ်ပေ။ လူသားသည် ဘုရားသခင်၏ ခံစားချက်များကို မည်သည့်အခါမျှ အလေးမပေးခဲ့ပေ၊ ထို့ကြောင့် ဘုရားသခင်သည် သူ့ကိုနှစ်သိမ့်ပေးနိုင်မည့် လူတစ်ယောက်ရှိနေဖို့ မည်သည့်အခါမျှ မတောင်းဆိုပေ သို့မဟုတ် မမျှော်လင့်ပေ။ သူ၏စိတ်နေစိတ်ထားကို ဖော်ပြဖို့ ဘုရားသခင်သည် သူ့ကိုယ်ပိုင်နည်းကိုသာ သုံးခဲ့သည်။ ဘုရားသခင်အနေဖြင့် ဆင်းရဲဒုက္ခအချို့ကို ခံစားရခြင်းမှာ ကြီးကျယ်သည့်ကိစ္စဖြစ်သည်ဟု လူသားများက မတွေးကြပေ၊ သို့ရာတွင် သင်သည် ဘုရားသခင်ကို အမှန်တကယ် နားလည်သည့်အခါမှသာ၊ သူလုပ်သမျှအရာတိုင်း၌ ဘုရားသခင်၏ လေးနက်သည့် ရည်ရွယ်ချက်များကို စစ်မှန်စွာ သဘောပေါက်လာနိုင်သည့်အခါမှသာ၊ ဘုရားသခင်၏ကြီးမြတ်မှုနှင့် ကိုယ်ကျိုးမငဲ့မှုတို့ကို သင်ခံစားနိုင်မည် ဖြစ်သည်။ ဘုရားသခင်သည် သက်တံကို အသုံးပြုပြီး လူသားနှင့် ပဋိညာဉ်ဖွဲ့ခဲ့သော်လည်း အဘယ်ကြောင့် ထိုအရာကို သူပြုခဲ့သည်၊ အဘယ်ကြောင့် ထိုပဋိညာဉ်ကို ဖွဲ့ဆိုခဲ့သည်ကို မည်သူ့ကိုမျှ လုံးဝ မပြောခဲ့ပေ၊ သူသည် သူ၏အတွေးမှန်များကို မည်သူ့ကိုမျှ မပြောခဲ့ဟု ဆိုလိုသည်။ ဤသို့ဖြစ်ရခြင်းမှာ သူကိုယ်တိုင် သူ့လက်နှင့် ဖန်ဆင်းခဲ့သည့် လူသားများအတွက် ထားရှိသည့် ဘုရားသခင်၏ ချစ်ခြင်းမေတ္တာ အတိမ်အနက်ကို နားလည်နိုင်သည့်သူ တစ်ယောက်မျှ မရှိ၍ဖြစ်ပြီး ဘုရားသခင် လူသားများကို ဖျက်ဆီးခဲ့သည့်အချိန်က သူ၏နှလုံးသားမှာ မည်မျှနာကျင်ခံစားခဲ့ရသည်ကို သဘောပေါက်နိုင်သည့်သူ တစ်ယောက်မျှ မရှိ၍ဖြစ်သည်။ ထို့ကြောင့် ဘုရားသခင်က သူမည်သို့ခံစားရသည်အား လူများကို ပြောပြလျှင်ပင် သူတို့သည် ဤယုံကြည်မှုကို ခံယူနိုင်မည်မဟုတ်ပေ။ နာကျင်နေရသော်လည်း ဘုရားသခင်သည် သူ့အမှု၏ နောက်တစ်ဆင့်နှင့်အတူ ရှေ့ဆက်နေဆဲဖြစ်သည်။ ဆင်းရဲဒုက္ခကို သူကိုယ်တိုင် တိတ်တဆိတ် သည်းညည်းခံလျက် ဘုရားသခင်သည် သူ၏အကောင်းဆုံးအပိုင်းနှင့် အကောင်းဆုံးအရာများကို အစဉ်အမြဲ ပေးနေခဲ့သည်။ ဘုရားသခင်သည် ဆင်းရဲဒုက္ခများကို မည်သည့်အခါမျှ ပွင့်ပွင့်လင်းလင်း ဖွင့်ချမပြခဲ့ပေ။ ထိုအစား သူသည် ၎င်းတို့ကို ကြံ့ကြံ့ခံပြီး တိတ်တဆိတ် စောင့်နေသည်။ ဘုရားသခင်၏ ခံနိုင်ရည်သည် အေးစက်၊ ထုံထိုင်းကာ ကူကယ်ရာမဲ့နေခြင်း မဟုတ်ပေ သို့မဟုတ် အားနည်းမှု၏ လက္ခဏာတစ်ရပ်မဟုတ်ပေ။ ဘုရားသခင်၏ချစ်ခြင်းနှင့် အနှစ်သာရသည် အစဉ်အမြဲ ကိုယ်ကျိုးကိုမငဲ့ခြင်းသာဖြစ်သည်။ ဤသည်မှာ သူ၏စိတ်သဘောထားနှင့် အနှစ်သာရတို့၏ သဘာဝအလျောက် ဖော်ပြခြင်းဖြစ်ပြီး စစ်မှန်သည့် ဖန်ဆင်းရှင်ဖြစ်သော ဘုရားသခင်၏ ပင်ကိုလက္ခဏာ၏ စစ်မှန်သည့် သရုပ်သကန်လည်းဖြစ်သည်။

(နှုတ်ကပတ်တော်သည် လူ့ဇာတိ၌ ပေါ်လာ၏ မှ)

ကိုယ်ကျိုးမငဲ့သော ဘုရားရဲ့မေတ္တာနဲ့သဘောသဘာဝ

ဘုရား သူ့ရဲ့အကောင်းဆုံးအရာကို ပေး အကောင်းဆုံးအရာများ သူလေ ပေးအပ် မိမိဒုက္ခဝေဒနာကို ဘယ်တော့မှ ဖွင့်မပြော တိတ်ဆိတ်စွာ သူလေ စောင်မျှော်ကာ သည်းခံလို့ အေးစက် ထုံကျင် ပျော့ညံ့သည့်လက္ခဏာမရှိ ဘုရားရဲ့သဘောသဘာဝနှင့် သူ့ရဲ့မေတ္တာ အစဉ်ကိုယ်ကျိုးမငဲ့ ဘုရား သူ၏အကောင်းဆုံးအရာကို ပေး အကောင်းဆုံးအရာများ သူလေ ပေးအပ် လူသားအားလုံးအတွက် ဒုက္ခဝေဒနာခံ၊ ငြိမ်ဝပ်စွာ သည်းခံလျက် သူခံစား ငြိမ်ဝပ်စွာ သူ ပေးအပ်၊ အကောင်းဆုံး သူပေး သူ၏ဒုက္ခဝေဒနာကို ဘယ်တော့မှ မဖွင့်ပြော မဖော်ပြ တိတ်ဆိတ်စွာ သူလေ စောင့်မျှော်ကာ သည်းခံလို့နေ ဒါဟာ ဘုရားရဲ့သဘောသဘာဝနဲ့စိတ်သဘောထား၊ သူဘယ်သူဖြစ်ကြောင်းနဲ့ အရာခပ်သိမ်းကို ဖန်ဆင်းရှင်ဖြစ်ကြောင်း သူဖော်ပြ ဘုရား သူ့ရဲ့အကောင်းဆုံးအရာကို ပေး အကောင်းဆုံးအရာများ သူလေ ပေးအပ် အကောင်းဆုံးအရာများ သူလေ ပေးအပ်

လူသားအားလုံးအတွက် ဒုက္ခဝေဒနာခံ၊ ငြိမ်ဝပ်စွာ သည်းခံလျက် သူခံစား ငြိမ်ဝပ်စွာ သူ ပေးအပ်၊ အကောင်းဆုံး သူပေး အကောင်းဆုံး ကိုယ်တော် ပေးအပ်၊ ဘုရား သူ့ရဲ့အကောင်းဆုံးအရာကို ပေး အကောင်းဆုံးအရာများ သူလေ ပေးအပ် လူသားအားလုံးအတွက် ဒုက္ခဝေဒနာခံ၊ ငြိမ်ဝပ်စွာ သည်းခံလျက် သူခံစား ငြိမ်ဝပ်စွာ သည်းခံရင်း သူ ငြိမ်ဝတ်စွာ ပေး အကောင်းဆုံး သူပေး၊ အကောင်းဆုံး အရာများ သူလေ ပေးအပ်

သိုးသငယ်နောက်လိုက်ပြီး သီချင်းအသစ်များကိုသီဆိုပါ မှ

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

ဘုရားသခင်၏ နေ့စဉ် နှုတ်ကပတ်တော်များ | “အတုမရှိ ဘုရားသခင်ကိုယ်တော်တိုင် (၈)” | ကောက်နုတ်ချက် ၁၇၃

၄။ အလင်း စတုတ္ထအရာသည် လူတို့၏မျက်လုံးများနှင့် သက်ဆိုင်၏- ယင်းမှာ အလင်းဖြစ်သည်။ ဤအရာသည်လည်း အလွန် အရေးကြီး၏။ တောက်ပသော အလင်းတစ်ခုကို...

ဘုရားသခင်၏ နေ့စဉ် နှုတ်ကပတ်တော်များ | “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် (၂)” | ကောက်နုတ်ချက် ၅၁

ယောဘ၏ စစ်မှန်သော သဘောသဘာဝ၊ လိမ်ညာမှု ကင်းပြီး စစ်မှန် ဖြူစင်ခြင်း ယောဘ ၂:၇-၈ ကို ဖတ်ကြပါစို့- “သို့ဖြင့် စာတန်သည် ယေဟောဝါ၏ထံတော်မှောက်မှ...

ဘုရားသခင်၏ နေ့စဉ် နှုတ်ကပတ်တော်များ | “အတုမရှိ ဘုရားသခင်ကိုယ်တော်တိုင် (၃)” | ကောက်နုတ်ချက် ၁၂၉

ဆဌမဆုံမှတ်- သေခြင်း များပြားလှသည့် ပျားပန်းခတ်မှု နှင့် အလုပ်များခြင်းများ၊ များပြားလှသည့် အားမလိုအားမရဖြစ်ခြင်းများနှင့် စိတ်ပျက်မှုများ...

ဘုရားသခင်၏ နေ့စဉ် နှုတ်ကပတ်တော်များ | “အတုမရှိ ဘုရားသခင်ကိုယ်တော်တိုင် (၃)” | ကောက်နုတ်ချက် ၁၂၂

လူသားဘဝတစ်ခုထဲက ဆုံမှတ်ခြောက်ခု လူတစ်ဦး၏ ဘဝလမ်းကြောင်းတွင် လူတိုင်းသည် အရေးကြီးသည့် ဆုံမှတ်များသို့ ရောက်ကြသည်။ ဤအရာများသည် ဘဝတွင်...