သမ္မာတရားကို လိုက်စားဖို့ မရှိမဖြစ်လိုအပ်သည့် သန္နိဋ္ဌာန်
၁ သမ္မာတရားကို နားလည်ဖို့၊ သမ္မာတရားကို ရရှိဖို့နှင့် နောက်ဆုံးတွင် ဘုရားသခင်အားဖြင့် စုံလင်ခံရရန် စိတ်ပိုင်းဖြတ်မှု သင်တို့ ရှိကြပါသလော။ မည်သည့် ပတ်ဝန်းကျင်ကို သင် ကြုံရပါစေ သင်၏ သံန္နိဋ္ဌာန် မပြောင်းလဲသည့် အဆင့်တစ်ခုကို သင် ရောက်ရမည်။ ယင်းမှာ စစ်မှန်သောသူဖြစ်ဖို့ ဆိုသည့် အရာဖြစ်ပြီး၊ ယင်းသည်သာ သမ္မာတရားကို အစစ်အမှန် ချစ်ခြင်းနှင့် ထိုသို့သော လူတစ်ဦးဖြစ်ဖို့ စစ်မှန်သော လိုအင်ဆန္ဒတစ်ခု ဖြစ်သည်။ ပြဿနာ သို့မဟုတ် အခက်အခဲ အချို့ ဖြစ်ပေါ်သည့်အခါတိုင်း သင်၏ ကိုယ်ပိုင် သံန္နိဋ္ဌာန်ကို စွန့်လွှတ်ရင်း၊ တွန့်ဆုတ်ဖို့ သို့မဟုတ် အပျက်သဘောဆောင်လာဖို့မှာ အလုပ်ဖြစ်မည်မဟုတ်။ အသက်အန္တရာယ် စွန့်စားဖို့ လိုလားနေသည့် သူတစ်ဦး၏ ခွန်အားကို သင် ပိုင်ဆိုင်ရမည် - “မည်သည့်အရာ ဖြစ်ပျက်ပါစေ၊ ကျွန်ုပ်အတွက် သေဖို့လိုအပ်လျှင်ပင်၊ ကျွန်ုပ်၏ သန္နိဋ္ဌာန်ကို ဘယ်သောအခါမျှ စွန့်လွတ်မည်မဟုတ်၊ သို့မဟုတ် ဤပန်းတိုင်ကို ဘယ်သောအခါမျှ လက်လျှော့မည်မဟုတ်။” သင် ထိုသို့လုပ်ဆောင်လျှင်၊ မည်သည့် ဆင်းရဲဒုက္ခကမျှ သင့်ကို တားဆီးနိုင်မည်မဟုတ်။ ဘုရားသခင်က သင့်အတွက် အမှုအရာများကို ဖြစ်စေလိမ့်မည်။
၂ တစ်စုံတစ်ရာ ဖြစ်ပေါ်သည့်အခါတိုင်း ဤသိနားလည်မှုမျိုး သင်ရှိရမည်- “မည်သည့်အရာ ဖြစ်ပျက်ပါစေ၊ ထိုအရာအားလုံးသည် ကျွန်ုပ်၏ ပန်းတိုင်ကို ရရှိခြင်း၏ တစ်စိတ်တစ်ပိုင်း ဖြစ်ပြီး ဘုရားသခင်က လုပ်ဆောင်နေခြင်းဖြစ်သည်။ ကျွန်ုပ်အထဲ၌ အားနည်းချက်ရှိသော်လည်း၊ ကျွန်ုပ် အပျက်သဘောဆောင်မည် မဟုတ်။ ကျွန်ုပ်အပေါ် အပ်နှင်းသည့် ချစ်ခြင်းမေတ္တာနှင့် ထိုသို့သော ပတ်ဝန်းကျင်တစ်ခုကို ကျွန်ုပ်အတွက် စီစဉ်ပေးခြင်းအတွက် ဘုရားသခင်ကို ကျွန်ုပ် ကျေးဇူးတင်သည်။ ကျွန်ုပ်၏ စိတ်ဆန္ဒနှင့် သံန္နိဋ္ဌာန်ကို ကျွန်ုပ် စွန့်လွှတ်ရမည်မဟုတ်။ လက်လျှော့ခြင်းသည် စာတန်နှင့် အပေးအယူလုပ်ခြင်း သဘောသက်ရောက်လိမ့်မည်၊ မိမိကိုယ်ကိုယ် ဖျက်ဆီးခြင်းသဘော သက်ရောက်လိမ့်မည်ဖြစ်ပြီး ဘုရားသခင်ကို သစ္စာဖောက်ခြင်း သဘောသက်ရောက်လိမ့်မည်။” ဤသည်မှာ သင် ရှိရမည့် တွေးခေါ်မှုအလေ့အထမျိုး ဖြစ်သည်။ အခြားသူများ မည်သည့်အရာ ပြောပါစေ၊ မည်သို့ ဆောင်ရွက်ကြပါစေ၊ ပြီးလျှင် ဘုရားသခင်က သင့်အပေါ် မည်သို့ဆက်ဆံပါစေ၊ သင်၏ စိတ်ပိုင်းဖြတ်ချက် မယိမ်းယိုင်ရ။
ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ဘုရားသခင်၏ ရှေ့မှောက် အမြဲအသက်မရှင်နိုင်သူတို့မှာ မယုံကြည်သူများဖြစ်သည်” ကို ကောက်နုတ်၍ ဆီလျော်စွာ ပြုပြင်ထားသည်။