အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၄၆

လူတို့သည် ငါ၏ နှုတ်ကပတ်တော်များကို ၎င်းတို့၏ ရှင်သန်ဖြစ်တည်မှု၏ အခြေခံ ဖြစ်စေရာ၌ မည်မျှ ကောင်းစွာ ပြုနေကြကြောင်းကို ငါ မသိ။ ငါသည် လူ၏ ကံကြမ္မာအတွက် အမြဲ စိုးရိမ်ခဲ့သော်လည်း လူတို့သည် ဤ အရာ နှင့်ပတ်သက်၍ အသိတရား တစ်စုံတစ်ရာ ရှိပုံမပေါက်ဘဲ ရလဒ်အနေဖြင့် ၎င်းတို့သည် ငါ၏ လုပ်ဆောင်ချက်များကို မည်သည့်အခါမျှ အရေးမစိုက်ခဲ့ကြသည့်အပြင် လူသားအပေါ် ငါ၏ သဘောထားကြောင့် မည်သည့်အခါတွင်မျှ ကြည်ညိုစိတ် ဖြစ်ပေါ်ခဲ့ခြင်း မရှိပေ။ ၎င်းတို့သည် ငါ၏ စိတ်နှလုံး ကျေနပ်စေရန် စိတ်ခံစားချက်ကို ခါချခဲ့သည်မှာ ကာလ အတန်ကြာမြင့်သည့်အလား ဖြစ်သည်။ ယင်းကဲ့သို့ အခြေအနေများကို ရင်ဆိုင်ခဲ့သည့် ငါသည် နောက်ထပ်တဖန် နှုတ်ဆိတ်ရလေ၏။ ငါ၏ နှုတ်ကပတ်တော်များသည် လူတို့၏ အရေးထားမှု၊ တိုး၍ ၀င်ရောက်မှုနှင့် အဘယ်ကြောင့် မထိုက်တန်ရသနည်း။ ၎င်းမှာ ငါ၌ “လက်တွေ့ဘဝ မရှိခြင်း” နှင့် ငါသည် လူတို့အား ဆန့်ကျင်လျက် ငါ အသုံးပြုနိုင်သည့် အရာတစ်စုံတစ်ခုကို ရှာရန် ကြိုးစားနေခြင်းကြောင့် ဖြစ်သလော။ လူတို့သည် အဘယ်ကြောင့် ငါ့အား “အထူး ကုသမှု” ကို အမြဲ ပေးသနည်း။ ငါသည် ကိုယ်ပိုင် အထူးလူနာဆောင်ထဲမှ နာမကျန်းသူ တစ်ဦး ဖြစ်သလော။ အမှုအရာများသည် ၎င်းတို့ ယနေ့ ရှိကြသည့် အဆင့်သို့ ရောက်သည့်အခါ လူတို့သည် အဘယ်ကြောင့် ငါ့အား တမူထူးခြားစွာ ဆက်၍ ကြည့်ကြသနည်း။ လူသားအပေါ် ငါ၏ သဘောထား၌ အမှား တစ်ခု ရှိသလော။ ယနေ့တွင် ငါသည် စကြဝဠာများ၏ အထက်တွင် အလုပ်သစ်ကို စတင်ခဲ့ပြီး ဖြစ်သည်။ ကမ္ဘာမြေကြီးပေါ်ရှိ လူတို့အား အသစ်သော အစအဦး တစ်ခုကို ငါ ပေးခဲ့ပြီး ဖြစ်၍ ငါ၏ အိမ်မှ ၎င်းတို့အားလုံး ထွက်သွားရန် စေခိုင်းခဲ့ပြီး ဖြစ်သည်။ ထို့အပြင် လူတို့သည် အမြဲတစေ ၎င်းတို့ကိုယ်ကို အလိုလိုက်ရန် နှစ်သက်ကြသဖြင့် ငါသည် ၎င်းတို့အား မိမိတို့ကိုယ်ကို သိကြရန် နှင့် ငါ၏ အလုပ်အား အမြဲ မနှောင့်ယှက်ကြရန် အကြံပြုသည်။ ငါ ဖွင့်ခဲ့ပြီးသော “ဧည့်ရိပ်သာ” ထဲတွင် လူသားထက် ငါ၏ စက်ဆုပ်မှုကို လှုံ့ဆော်ပေးသော အရာ တစ်ခုမျှ မရှိ၊ အဘယ်ကြောင့်ဆိုသော် လူတို့သည် ငါ့ကို အမြဲ ပြဿနာရှာပြီး စိတ်ပျက်စေသောကြောင့် ဖြစ်သည်။ ၎င်းတို့၏ အပြုအမူသည် ငါ့အပေါ် အရှက်ကွဲစေပြီး ငါသည် ငါ၏ ဦးခေါင်းကို မည်သည့်အခါမျှ မော့နိုင်ခြင်း မရှိခဲ့ပေ။ ထို့ကြောင့် ၎င်းတို့ နှင့် ငါ ညင်သာစွာ ပြောဆိုကာ ငါ၏ အိမ်မှ အမြန်ဆုံး ထွက်သွားကြရန် နှင့် ငါ၏ အစာကို အလကား စားခြင်းကို ရပ်တန့်ရန် မေတ္တာရပ်ခံနေခြင်း ဖြစ်သည်။ အကယ်၍ ၎င်းတို့ ဆက်နေရန် အလိုရှိပါက ၎င်းတို့သည် ဒုက္ခဆင်းရဲကို ခံရပြီး ငါ၏ ပြစ်တင်ဆုံးမခြင်းကို တောင့်ခံရမည် ဖြစ်သည်။ ၎င်းတို့၏ စိတ်များထဲတွင် ၎င်းတို့၏ လုပ်ဆောင်ချက်များကို ငါသည် အလျှင်း မသိ နားမလည်သဖြင့် ၎င်းတို့သည် လဲကျမည့် လက္ခဏာ တစ်စုံတစ်ရာ မရှိဘဲ ငါ့ ရှေ့တွင် ရဲရဲဝံ့ဝံ့ အမြဲ ရပ်ခဲ့ကြ၍ အရေအတွက်ပြည့်ရန်အတွက် လူသားအဖြစ် ဟန်ဆောင်နေရုံမျှသာ ဖြစ်သည်။ လူတို့အား ငါ တောင်းဆိုမှုများပြုသည့်အခါ ၎င်းတို့သည် အံ့အားသင့်ကြသည်၊ နှစ်ပေါင်းများစွာ စိတ်ထားကောင်းပြီး ကြင်နာခဲ့သော ဘုရားသခင်သည် အကြင်နာမဲ့ပြီး တရားနည်းလမ်းမကျသော ယင်းကဲ့သို့ နှုတ်ကပတ်တော်များကို ဆိုနိုင်မည်ဟု ၎င်းတို့ မည်သည့်အခါကမျှ မတွေးခဲ့ကြဖြင့် ၎င်းတို့သည် မှင်တက်ကြလေသည်။ ယင်းကဲ့သို့ အချိန်များတွင် လူတို့သည် ညည်းတွားသည့် အလုပ်ကို ထပ်မံ၍ စတင်ခဲ့ကြသဖြင့် ၎င်းတို့၏ စိတ်နှလုံးများထဲ၌ ငါ့အား မုန်းတီးခြင်းသည် နောက်တဖန် ကြီးထွားလာခဲ့ကြောင်းကို ငါ မြင်သည်။ ၎င်းတို့သည် ကမ္ဘာမြေကြီးကို စွပ်စွဲခြင်း နှင့် ကောင်းကင်ဘုံကို ကျိန်ဆဲခြင်း အမြဲ ပြုကြသည်။ သို့သော်လည်း ၎င်းတို့သည် ၎င်းတို့ကိုယ်ကိုယ် ချစ်ခြင်းမှာ အလွန် ကြီးမားသောကြောင့် ၎င်းတို့၏ စကားများထဲတွင် ၎င်းတို့ကိုယ်ကို ကျိန်ဆဲသော စကား တစ်ခုကိုမျှ ငါ မတွေ့။ ထို့ကြောင့် လူ့ဘဝ၏ အဓိပ္ပာယ်ကို ငါ ပေါင်းရုံသုံးသပ်သည်မှာ၊ လူတို့သည် ၎င်းတို့ကိုယ်ကို အလွန်အမင်း ချစ်ကြသဖြင့် ၎င်းတို့၏ တစ်ဘဝလုံး အလွန် မချိမဆန့်နာကျင်ခြင်း နှင့် အနှစ်သာရမဲ့ခြင်းကို ခံရပြီး ၎င်းတို့သည် ငါ့အား မုန်းတီးကြသည့်အတွက်ကြောင့် တစ်ချိန်လုံး မိမိကိုယ်တိုင်မိမိ ပျက်စီးခြင်းကို ခံစားကြရလေသည်။

လူသား၏ စကားများထဲတွင် ငါ့အပေါ် ဖော်မပြနိုင်လောက်အောင် များသော “ချစ်ခြင်း” ရှိသော်လည်း ဤ စကားများကို အဏုကြည့်ကိရိယာအောက်တွင် စမ်းသပ် လေ့လာရန် “ဓာတ်ခွဲခန်း” ထဲသို့ ငါ ယူသွားသည့်အခါ၊ ၎င်းတို့ထဲ၌ ပါဝင်သမျှတို့သည် ရှင်းရှင်းလင်းလင်း ပေါ်ထွက်လာမည် ဖြစ်သည်။ ဤ အခိုက်အတံ့တွင် ငါသည် လူသားကြားထဲ နောက်ထပ်တဖန် လာ၍ ၎င်းတို့ စိတ်ရောကိုယ်ပါ လက်ခံယုံကြည်စေရန် ၎င်းတို့အား ၎င်းတို့၏ “ဆေးမှတ်တမ်းများ” ကို ကြည့်စေမည်။ လူတို့သည် ၎င်းမှတ်တမ်းများကို မြင်သည့်အခါ ၎င်းတို့၏ မျက်နှာများတွင် ဝမ်းနည်းခြင်းဖြင့် ပြည့်၍ ၎င်းတို့၏ စိတ်နှလုံးများထဲတွင် နောင်တရကြပြီး ၎င်းတို့သည် အလွန် စိုးရိမ်ကြောင့်ကြသဖြင့် ၎င်းတို့၏ ဒုစရိုက်လမ်းများကို စွန့်လွှတ်ကြရန် နှင့် ငါ့အား ပျော်ရွှင်စေရန်အတွက် မှန်သောလမ်းသို့ ပြန်လာကြရန် တရွရွ ဖြစ်နေကြသည်။ ၎င်းတို့၏ ဆုံးဖြတ်ချက်ကို မြင်ရသည်မှာ ငါ အလွန့်အလွန် နှစ်ခြိုက်ပြီး၊ ပျော်ရွှင်ခြင်းဖြင့် ငါ မွှန်ထူသွားသည်၊ “ကမ္ဘာမြေကြီးပေါ်တွင် ငါ နှင့်အတူ ဝမ်းမြောက်ခြင်း နှင့် ဝမ်းနည်းခြင်းကို မျှဝေခံစားနိုင်သည်မှာ လူသားမှတပါး အခြားမည်သူ ရှိနိုင်သနည်း။ လူသား တစ်ဦးတည်းသာ ဖြစ်သည် မဟုတ်လော။” သို့သော် ငါ ထွက်သွားသည့်အခါ လူတို့သည် ၎င်းတို့၏ ဆေးမှတ်တမ်းများကို ဆုတ်ဖြဲကာ ၀င့်ကြွားစွာ ထွက်မသွားမီ ကြမ်းပြင်ပေါ် ပစ်ချတတ်ကြသည်။ ထိုအချိန်မှစတင်ကာ နေ့ရက်များထဲတွင် ငါ၏ စိတ်နှလုံး၌ညီညွတ်သော အရာကို လူတို့၏ အပြုအမူများထဲတွင် အနည်းငယ် ငါ မြင်ခဲ့ရသည်။ သို့သော်လည်း ငါ့ ရှေ့မှ ၎င်းတို့၏ ဆုံးဖြတ်ချက်များသည် သိသိသာသာ စုပြုံလာခဲ့ကြပြီး ၎င်းတို့၏ ဆုံးဖြတ်ချက်များကို ကြည့်ခြင်းဖြင့် ငါ စက်ဆုပ်ရွံရှာသည်၊ အဘယ်ကြောင့်ဆိုသော် ၎င်းတို့ထဲတွင် ငါ၏ ပျော်ရွှင်မှုအတွက် စံပြုနိုင်သော အရာတစ်စုံတစ်ခုမျှ မရှိ၊ ၎င်းတို့မှာ လွန်စွာ စွန်းထင်းနေကြသည်။ ၎င်းတို့၏ ဆုံးဖြတ်ချက်အပေါ် ငါ၏ လျစ်လျူရှုခြင်းကို မြင်ရသည့်အခါ လူတို့သည် အေးစက်သွား်ကြသည်။ ထို့နောက် လူသား၏ စိတ်နှလုံးသည် ငါ့ ရှေ့တွင် မည်သည့်အခါမျှ ချီးကျူးခြင်းကို မခံခဲ့ရဘဲ ငါ၏ ငြင်းပယ်ခြင်းကိုသာ အစဉ် ခံခဲ့ရသဖြင့် ၎င်းတို့သည် ရံဖန်ရံခါမျှသာ “လျှောက်လွှာ” တစ်ခုကို တင်ကြသည်၊ လူတို့၏ ဘဝများထဲ၌ ဝိညာဉ်ရေးရာ ပံ့ပိုးမှု တစ်စုံတစ်ရာ မရရှိတော့သဖြင့် ၎င်းတို့၏ စိတ်အားထက်သန်မှု ပျောက်ကွယ်လေပြီ၊ ထို့အပြင် ရာသီဥတုမှာ “ချစ်ချစ်တောက် ပူပြင်းသည်” ဟု ငါ မခံစားရတော့ပေ။ လူတို့သည် ၎င်းတို့၏ ဘဝတစ်လျှောက်လုံး များစွာ ဝေဒနာခံစားရသည်၊ ယနေ့ အခြေအနေ ရောက်ရှိလာသည်နှင့်အတူ သေရမလို ရှင်ရမလို ဖြစ်သည့်အထိ ၎င်းတို့သည် ငါ၏ ညှဉ်းဆဲခြင်းကို အလွန် ခံကြရသည်၊ ရလဒ်တစ်ခုအနေဖြင့် ၎င်းတို့၏ မျက်နှာများမှ အလင်းရောင် မှေးမှိန်သွားပြီး ၎င်းတို့ အားလုံးသည် “အရွယ်ရောက်သူများ” ဖြစ်ကြခြင်းကြောင့် “ဖျတ်လတ်တက်ကြွမှု” ပျောက်ဆုံးကြလေသည်။ လူတို့သည် ပြစ်တင်ဆုံးမသည့် ကာလအတွင်း စစ်ဆေးခြင်းကို ခံရသည့်အခါ ၎င်းတို့၏ သနားစဖွယ် အခြေအနေအား မြင်ရသည်ကို ငါ မခံမရပ်နိုင်ပေ၊ သို့သော်လည်း လူသား၏ စိတ်ပျက်စရာကောင်းသော အခြေအနေများကို မည်သူ ကုစားပေးနိုင်သနည်း။ စိတ်ပျက်စရာကောင်းသော လူ့ဘဝထဲမှ လူသားကို မည်သူ ကယ်တင်နိုင်သနည်း။ လူတို့သည် အနက်ဆုံးသော ဒုက္ခပင်လယ်ထဲမှ ၎င်းတို့ကိုယ်ကိုယ် အဘယ်ကြောင့် မည်သည့်အခါမျှ လွတ်မြောက်အောင်လုပ်ဆောင်နိုင်ခြင်း မရှိခဲ့သနည်း။ ငါသည် လူတို့အား တမင်တကာ ထောင်ဖမ်းထားသလော။ လူတို့သည် ငါ၏ စိတ်နေစိတ်ထားကို မည်သည့်အခါမျှ နားလည်ခဲ့ကြခြင်း မရှိသဖြင့် ကောင်းကင်အောက် နှင့် မြေကြီးပေါ်ရှိ အရာခပ်သိမ်းအကြားတွင် မည်သည့်အရာမျှ ငါ၏ စိတ်နှလုံးကို သတိမူမိခဲ့ခြင်း မရှိ၊ မည်သည့်အရာမျှ ငါ့ကို စစ်မှန်စွာ ချစ်ခြင်း မရှိဟူ၍ စကြဝဠာထံ ငါ မြည်တမ်းရ၏။ ယနေ့ပင်လျှင် လူတို့သည် ငါ့အား အဘယ်ကြောင့် မချစ်နိုင်ကြသည်ကို ငါ မသိသေးပေ။ ၎င်းတို့သည် ၎င်းတို့၏ စိတ်နှလုံးများကို ငါ့အား ပေးနိုင်သည်၊ ၎င်းတို့၏ ဘဝကို ငါ့အတွက် စွန့်လွှတ်အနစ်နာခံနိုင်ကြသော်လည်း ၎င်းတို့၏ ချစ်ခြင်းကို ငါ့အား အဘယ်ကြောင့် မပေးနိုင်ကြသနည်း။ ငါ တောင်းသော အရာကို ၎င်းတို့ မပိုင်ဆိုင်ကြသလော။ လူတို့သည် ငါမှတစ်ပါး အရာခပ်သိမ်းကို ချစ်နိုင်ကြသည်၊ ထိုကြောင့် ၎င်းတို့သည် ငါ့အား အဘယ်ကြောင့် မချစ်နိုင်ကြသနည်း။ ၎င်းတို့သည် ချစ်ခြင်းကို အဘယ်ကြောင့် အမြဲ ဖုံးကွယ်ထားကြသနည်း။ ၎င်းတို့သည် ငါ့ ရှေ့တွင် ယနေ့တိုင်အောင် ရပ်နေခဲ့ကြသော်လည်း ၎င်းတို့၏ ချစ်ခြင်းကို အဘယ်ကြောင့် ငါ တစ်ခါမျှ မမြင်ခဲ့ရသနည်း။ ဤသည်မှာ ၎င်းတို့ထံ၌ မရှိသော အရာတစ်စုံတစ်ခု ဖြစ်သလော။ ငါသည် လူတို့အတွက် အမှုအရာများကို ခက်ခဲအောင် တမင်တကာ လုပ်နေခြင်း ဖြစ်သလော။ ၎င်းတို့၏ စိတ်နှလုံးများထဲတွင် သိက္ခာစောင့်စည်းမှုများ ရှိကြသေးသလော။ ၎င်းတို့သည် မှားယွင်းသော ပုဂ္ဂိုလ်ကို ချစ်မိကာ ၎င်းတို့ကိုယ်ကိုယ် မကုစားနိုင်မည်ကို စိုးရိမ်နေကြသလော။ လူတို့အထဲတွင် မရေမတွက်နိုင်၍ ဉာဏ်မမီနိုင်သော လျှို့ဝှက်ဆန်းကြယ်မှုများ ရှိသဖြင့် ငါသည် လူသားရှေ့တွင် အမြဲ “တွန့်ဆုတ်ပြီး စိုးရိမ်” နေရသည်။

ယနေ့တွင် နိုင်ငံတော် တံခါးပေါက် ရှိရာသို့ ရှေ့ဆက် ချီတက်သည့် အချိန်၌ လူအပေါင်းသည် ရှေ့သို့ ဆက်၍သွားကြသည်၊ သို့သော်လည်း ၎င်းတို့ တံခါးပေါက်ရှေ့ ရောက်သည့်အခါ ငါသည် တံခါးပေါက်ကို ပိတ်၍၊ လူတို့အား ငါ အဝင်မခံဘဲ ၎င်းတို့၏ ဝင်ခွင့် လက်မှတ်များကို ပြရန် တောင်းဆိုသည်။ ယင်းကဲ့သို့ တစ်မူထူးသော ဆောင်ရွက်မှုမှာ လူတို့ မျှော်လင့်ထားသော အရာကဲ့သို့ မဟုတ်သဖြင့် ၎င်းတို့ အလွန် အံ့သားသင့်ကြသည်။ အမြဲတမ်း ကျယ်စွာ ဖွင့်ထားသော တံခါးပေါက်သည် အဘယ်ကြောင့် ယနေ့တွင် ရုတ်ခြည်း အတိ ပိတ်ခဲ့ရသနည်း။ လူတို့သည် ၎င်းတို့၏ ခြေကိုဆောင့်ကာ ဟိုဟိုသည်သည် လျှောက်ကြသည်။ ၎င်းတို့သည် အကြံအဖန်လုပ်၍ ဝင်နိုင်ကြမည်ဟု စိတ်ကူးကြသော်လည်း ၎င်းတို့၏ ဝင်ခွင့် လက်မှတ်အတုများကို ငါ့အား ကမ်းပေးသောအခါ ငါသည် ၎င်းတို့ကို မီးအိုင်ထဲသို့ ချက်ချင်း ပစ်ချမည်၊ ၎င်းတို့၏ “အပတ်တကုတ်လုပ်ရသော ကြိုးပမ်းမှုများကို” မီးလျှံများထဲတွင် မြင်ကာ ၎င်းတို့ မျှော်လင့်ချက်မဲ့ကြလေမည်။ ၎င်းတို့သည် ၎င်းတို့၏ ဦးခေါင်းများကို ဆုပ်ကိုင်ကာ ငိုကြွေး၍ နိုင်ငံတော်အတွင်းမှ လှပသော မြင်ကွင်းများကို ကြည့်ရသော်လည်း မဝင်ရောက်နိုင်ကြပေ။ သို့သော်လည်း ၎င်းတို့၏ သနားစရာ အခြေအနေကြောင့် ၎င်းတို့အား ငါ ဝင်ခွင့်ပြုမည် မဟုတ်၊ မည်သူသည် ငါ၏ အစီအစဉ်ကို ၎င်းတို့ စိတ်ရှိသည့်အတိုင်း ကမောက်ကမ ဖြစ်စေနိုင်သနည်း။ အနာဂတ် ကောင်းချီးမင်္ဂလာများကို လူတို့၏ စိတ်အားထက်သန်မှုအတွက် တုံ့ပြန်သည့်အနေဖြင့် ပေးခြင်း ဖြစ်သလော။ လူ၏ ရှင်သန်ဖြစ်တည်မှု အဓိပ္ပာယ်သည် တစ်ဦးတစ်ယောက် စိတ်ရှိသည့်အတိုင်း ငါ၏ နိုင်ငံတော်ထဲသို့ ဝင်ရောက်ခြင်း၌ တည်သလော။ ငါသည် အလွန် အရေးမပါသောသူ ဖြစ်သလော။ ငါ၏ ပြင်းထန်သော နှုတ်ကပတ်တော်များကြောင့်သာ မဟုတ်ခဲ့ပါက လူတို့သည် ရှေးကာလကတည်းပင် နိုင်ငံတော်ထဲသို့ ဝင်ရောက်ကြခဲ့လိမ့်မည် မဟုတ်လော။ ထို့ကြောင့် ငါ၏ ဖြစ်တည်ခြင်းသည် လူတို့အား စိတ်အနှောင့်အယှက် ဖြစ်စေခြင်းကြောင့် လူတို့သည် ငါ့အား အစဉ် မုန်းတီးကြသည်။ အကယ်၍ ငါ မတည်ရှိခဲ့ပါက ၎င်းတို့သည် မျက်မှောက်ကာလတွင် နိုင်ငံတော်၏ ကောင်းချီးမင်္ဂလာများကို ခံစားနိုင်ကြလိမ့်မည်၊ ထို့အပြင် ဤ ဒုက္ခဆင်းရဲခြင်းကို တောင့်ခံရန် အဘယ်ကြောင့် လိုလိမ့်မည်နည်း။ ထို့ကြောင့် လူတို့အား ငါ ပြောသည်မှာ ၎င်းတို့ ထွက်သွားကြလျှင် ပို၍ ကောင်းမည်၊ ၎င်းတို့သည် ၎င်းတို့ကိုယ်တိုင်အတွက် ထွက်ပေါက် တစ်ခုကို ရှာရန် ပစ္စုပ္ပန်အချိန်မှ ကောင်းစွာ ဖြစ်ပေါ်နေသော အခြေအနေများကို အသုံးချသင့်သည်၊ ၎င်းတို့ ငယ်ရွယ်သေးစဉ် အချိန်တွင် ကျွမ်းကျင်မှု အချို့တို့ကို သင်ယူရန် ပစ္စုပ္ပန်အချိန်ကို ကောင်းစွာအသုံးပြုသင့်သည်။ အကယ်၍ ၎င်းတို့ မလုပ်ပါက အနာဂတ်တွင် အလွန် နောက်ကျလိမ့်မည်။ ငါ၏ အိမ်တွင် မည်သူမျှ ကောင်းချီးမင်္ဂလာများကို လက်ခံရရှိခဲ့ခြင်း မရှိပေ။ “ဆင်းရဲခြင်း” ထဲတွင် စွဲမြဲ၍ မနေကြရန်၊ မြန်မြန် ထွက်ရန် လူတို့အား ငါ ဆိုပြီ၊ အနာဂတ်တွင် နောင်တရလျှင် အလွန် နောက်ကျပေမည်။ သင့်ကိုယ်သင် အလွန် မညှာမတာ မပြုနှင့်၊ အဘယ်ကြောင့် စိတ်ရှုပ်ခံသနည်း။ သို့သော်လည်း လူတို့သည် ကောင်းချီးမင်္ဂလာများကို ရရန် ပျက်ကွက်သည့်အခါ ငါ့အကြောင်းကို မည်သူ တစ်ဦးတစ်ယောက်မျှ ညည်းညူကြမည် မဟုတ်ကြောင်းကိုလည်း ၎င်းတို့အား ငါ ဆိုပြီ။ လူသားအပေါ် ငါ၏ နှုတ်ကပတ်တော်များကို ဖြုန်းတီးရန် ငါ၌ အချိန် မရှိ။ ဤအရာသည် လူတို့၏ စိတ်များထဲတွင် စွဲကပ်ကာ ၎င်းကို မမေ့လျော့ကြမည့်အကြောင်း ငါ မျှော်လင့်သည်၊ ဤ နှုတ်ကပတ်တော်များမှာ ငါ့ထံမှ လာ၍ ကသိကအောင့်ဖြစ်စေသော သမ္မာတရားပင် ဖြစ်သည်။ လူသားအပေါ် ငါ ယုံကြည်မှု ပျက်ခဲ့သည်မှာ ထိုစဉ်ကတည်းက ကာလအတန်ကြာမြင့်ပြီ၊ လူတို့အပေါ် ငါ မျှော်လင့်ချက် ပျောက်ဆုံးခဲ့သည်မှာ ထိုစဉ်ကတည်းက ကာလအတန်ကြာခဲ့ပြီ ဖြစ်သည်၊ အဘယ်ကြောင့်ဆိုသော် ၎င်းတို့သည် ရည်မှန်းချက် ကင်းမဲ့ကြသည်၊ ၎င်းတို့သည် ဘုရားသခင်ကို ချစ်သော စိတ်နှလုံးတစ်ခုကို ငါ့အား မည်သည့်အခါမျှ မပေးနိုင်ခဲ့ကြဘဲ ထိုအစား ငါ့အား ၎င်းတို့၏ စိတ်ပါဝင်စားမှုများကို အမြဲ ပေးကြသည်။ ငါသည် လူသားအား များစွာ ပြောခဲ့ပြီး ဖြစ်၍ လူတို့သည် ငါ၏ အကြံဉာဏ်ကို ယနေ့ထက်တိုင် လျစ်လျူရှုနေကြသေးသောကြောင့် အနာဂတ်တွင် ငါ၏ စိတ်နှလုံးအား နားလည်မှုလွဲခြင်းမှ တားဆီးရန် ၎င်းတို့အား ငါ၏ အမြင်ကို ပြောပြသည်၊ နောင်လာမည့် ကာလများတွင် ၎င်းတို့ ရှင်ခြင်း သို့မဟုတ် သေခြင်းမှာ ၎င်းတို့၏ ကိစ္စ ဖြစ်သည်၊ ဤအရာပေါ် ငါ ထိန်းချုပ်ခြင်း မရှိ။ ၎င်းတို့သည် ၎င်းတို့၏ ဆက်လက်ရှင်သန်ရန် လမ်းကို ရှာတွေ့မည်ဟု ငါ မျှော်လင့်ပြီး ဤအရာ၌ ငါ တန်ခိုးမရှိပေ။ လူသားသည် ငါ့ကို စစ်မှန်စွာ မချစ်သောကြောင့် ငါတို့ လမ်းသာခွဲလိုက်ကြသည်၊ အနာဂတ်တွင် ငါတို့ အကြား၌ စကား တခွန်းတလေမျှ ရှိတော့မည် မဟုတ်၊ ငါတို့၌ ပြောရန် အကြောင်းအရာ တစ်စုံတစ်ခု ရှိတော့မည် မဟုတ်၊ ငါတို့သည် တစ်ဦး နှင့် တစ်ဦး အနှောင့်အယှက် မပေးဘဲ၊ ငါတို့သည် ကိုယ့်လမ်းကို ကိုယ်သွားကြလိမ့်မည်၊ လူတို့သည် ငါ့အား လာ၍ မရှာစေရ၊ ငါသည် လူသား၏ အကူအညီကို နောက်ထပ် မည်သည့်အခါမျှ တောင်းမည် မဟုတ်ပေ။ ဤသည်မှာ ငါတို့ အကြား၌ ရှိသော တစ်စုံတစ်ခု ဖြစ်ပြီး အနာဂတ်တွင် အရေးကိစ္စ တစ်စုံတစ်ခု ရှိလာခြင်းကို တားဆီးရန် မရေရာခြင်း မပါဘဲ ငါတို့ ပြောခဲ့ပြီး ဖြစ်သည်။ ဤအရာသည် အခြေအနေများကို ပို၍ မလွယ်ကူစေသလော။ ငါတို့ တစ်ဦးချင်းစီသည် ကိုယ့်လမ်းကိုယ် သွားကြ၍ တစ်ဦး နှင့် တစ်ဦး သက်ဆိုင်စရာ အကြောင်း မရှိ၊ ထိုအရာ၌ ပြဿနာ ရှိသလော။ လူတို့သည် ဤအရာအပေါ် အနည်းငယ် စဉ်းစားဆင်ခြင်ကြမည်ဟု ငါ မျှော်လင့်သည်။

၁၉၉၂ ခုနှစ် မေလ ၂၈ ရက်

ယခင်က:အခန်း ၄၁

နောက်တစ်ခုသို့:လေးဆယ့်ခုနှစ်ခုမြောက် မိန့်မြွက်ချက်

သင်နှစ်သက်နိုင်သည့် အရာများ