၈ အနန္တတန်ခိုးရှင် ဘုရားသခင်သည် ဘုန်းပလ္လင်ပေါ်၌ ထိုင်တော်မူပြီ
၁
အောင်နိုင်သူရှင်ဘုရင် သူ၏ပလ္လင်၌ ထိုင်တော်မူ၊ ရွေးနုတ်ကယ်တင်ခြင်းအမှု ပြီးမြောက်ခဲ့ပြီ၊
သူသည် သူ့ လူမျိုးတို့ကို လမ်းပြကာ ဘုန်းတော်ဖြင့် ထင်ရှားစေသည်။
စကြဝဠာကြီးကို သူ၏လက်ဖြင့် ဆုပ်ကိုင်
ဉာဏ်ပညာ၊ ခွန်အားတို့ဖြင့် သူသည် ဇိအုန်ကို တည်၍ မြဲမြံစေ၊
သူ၏ဘုန်းအာနုဘော်ဖြင့် သူသည် ဒုစရိုက်ကမ္ဘာ…
လူမျိုးနွယ်အားလုံး၊ ကမ္ဘာမြေကြီး၊ ပင်လယ်၊ အထဲ၌ရှိသမျှ သက်ရှိအရာအားလုံးကို အပြစ်စီရင်၊
ကာမ၌ ယစ်မူးသူတို့ကို အပြစ်စီရင်
ထိုသူတို့ကြောင့် သူသည် ဒေါသအမျက်ထွက်၍ သူ့ဘုန်းအာနုဘော်ကို ဖော်ပြလိမ့်မည်
၂
ချက်ချင်းတရားစီရင်ခြင်းဖြင့်သူ၏အမျက်ဒေါသသည် သူတို့ပြစ်မှုများကို လောင်ကျွမ်းစေမည်။
ထိုသူတို့အပေါ် အချိန်မရွေး ဘေးဒုက္ခ ကျရောက်လိမ့်မည်
ပုန်းရှောင်ရန်သော်လည်းကောင်း၊ ထွက်ပြေးလွှတ်မြောက်ရန် သော်လည်းကောင်း နေရာမရှိ၊
ထိုသူတို့ ငိုကြွေး၊ အံသွားခဲကြိတ်၍ ပျက်စီးခြင်းသို့ ရောက်လိမ့်မည်
ဘုရား၏အောင်နိုင်သူချစ်သားများ
ဇိအုန်၌ မုချနေရကာ၊ ဘယ်တော့မှ စွန့်ခွာသွားကြမည်မဟုတ်
အားလုံး သူ၏အသံကို နားထောင်၍ သူ၏အမှုတို့ကို အလေးထားကြလိမ့်မည်
သူတို့ချီးမွမ်းသံများ ဘယ်တော့မှ ရပ်တန့်သွားမည်မဟုတ်
၃
တစ်ပါးတည်းသော စစ်မှန်သည့်ဘုရား ပေါ်ထွန်းခဲ့ပြီ
ကျွန်ုပ်တို့ ထိုသူကို ကောင်းစွာသိ၍၊ နောက်သို့ လိုက်မည်
ကမ္ဘာလောက၏အဆုံးသတ်သည် ကျွန်ုပ်တို့ ရှေ့မှောက်၌ ဖြစ်ပေါ်လျက်ရှိ
ထိုလောကီစည်းစိမ်ကြွယ်ဝမှုကို မြတ်နိုးခြင်းအား စွန့်လွှတ်ပါ
သင့်လက်တွဲဖော်နှင့်ကလေးများကို တွယ်တာမှုနှင့် ကင်းရှင်းပါ
ထားရှိခဲ့သော ရှုမြင်မှုများနှင့်အမုန်းများ စွန့်လွှတ်ပါ
ထလော့၊ အချိန် တိုတောင်းလှပြီ၊ ဘုရားသခင်ကို မျှော်ကြည့်ပါ၊ သူ စီမံကွပ်ကဲပါစေ၊
လောတ၏ဇနီးကဲ့သို့ ဘေးဖယ်ခြင်းမခံရစေနဲ့၊ ဝမ်းနည်းစရာကောင်းလွန်းတယ်၊ ထလော့။
နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၃” အစအဦး၌ ခရစ်တော်၏မိန့်မြွက်ချက်များ ကို ကောက်နုတ်၍ ဆီလျော်စွာ ပြုပြင်ထားသည်။
