၃၇။ ဘုရားသခင်ရဲ့ နှုတ်ကပတ်တော်တွေက ကျွန်မရဲ့ ဝိညာဉ်ကို လှုပ်နှိုးခဲ့ပြီ

အမေရိကန်နိုင်ငံ၊ နမ်နမ်

အနန္တတန်ခိုးရှင် ဘုရားသခင် ပြောသည်မှာ- “ဘုရားသခင်၏ လက်ရှိ နောက်ဆုံးသောကာလ အမှုတော်ထဲတွင်၊ ဘုရားသခင်သည် ယခင်က လုပ်ဆောင်ခဲ့သည့်အတိုင်း လူသားအပေါ် ကျေးဇူးတော် နှင့် ကောင်းချီးမင်္ဂလာများကို ပေးအပ်ခြင်း မပြုတော့ သကဲ့သို့၊ လူကို ရှေ့ဆက်ရန် စည်းရုံးခြင်းလည်း မပြုတော့ပေ။ ဤအမှုတော် အဆင့်အတွင်းတွင် လူသားသည် သူကြုံတွေ့ရပြီး ဖြစ်သည့် ဘုရားအမှုတော်၏ သွင်ပြင်လက္ခဏာ အားလုံးမှ မည်သည့်အရာကို မြင်ပြီးပြီနည်း။ လူသည် ဘုရားသခင်၏ ချစ်ခြင်းမေတ္တာ၊ ဘုရားသခင်၏ တရားစီရင်ခြင်းနှင့် ပြစ်တင်ဆုံးမခြင်းတို့ကို မြင်ပြီး ဖြစ်သည်။ ဤအချိန်ကာလ အတွင်းတွင်၊ လူသားအနေဖြင့် ဘုရားသခင်၏ရည်ရွယ်ချက်တို့ကို တဖြည်းဖြည်း သိလာရန်၊ ဘုရားသခင် မိန့်ဆိုသော နှုတ်ကပတ်တော်များနှင့် လူသားအပေါ် အပ်နှင်းသော သမ္မာတရားကို တဖြည်းဖြည်း သိလာရန်အလို့ငှာ၊ ဘုရားသခင်သည် လူသားကို ထောက်ပံ့၏၊ ပံ့ပိုး၏၊ ဉာဏ်အလင်းပေးကာ လမ်းပြလေသည်။...ဘုရားသခင်၏ တရားစီရင်ခြင်းနှင့် ပြစ်တင်ဆုံးမခြင်းသည် လူတို့အား လူသားမျိုးနွယ်၏ ဖောက်ပြန်ပျက်စီးခြင်းနှင့် ဆိုးယုတ်သော အနှစ်သာရကို တဖြည်းဖြည်း သိလာစေသည်။ ဘုရားသခင် ထောက်ပံ့သော အရာ၊ လူသားအပေါ် သူ၏ ဉာဏ်အလင်းပေးခြင်းနှင့် သူ၏လမ်းပြမှု အားလုံးသည် လူသားမျိုးနွယ်အား သမ္မာတရား၏ အနှစ်သာရကို ပို၍ပို၍ သိလာခွင့်ပေးပြီး လူတို့ လိုအပ်သောအရာ၊ ၎င်းတို့ လျှောက်သင့်သောလမ်း၊ မည်သည့်အရာအတွက် ရှင်သန်နေထိုင်သင့်ပုံ၊ ၎င်းတို့အသက်တာများ၏ တန်ဖိုးနှင့် အဓိပ္ပါယ်အပြင်၊ ရှေ့တွင်ရှိသော လမ်းအား မည်သို့လျှောက်ရမည် ဆိုသည်တို့ကို တိုး၍ တိုး၍ သိလာခွင့်ပေး၏။...လူသား၏ နှလုံးသား ပြန်လည်အားပြည့် လာသည့်အခါ၊ လူသည် ဆုတ်ယုတ်သော ပျက်စီးသော စိတ်သဘောထား တစ်ခုဖြင့် အသက်ရှင်ရန် ဆန္ဒမရှိတော့ပဲ၊ ယင်းအစား ဘုရားသခင်ကို စိတ်ကျေနပ်စေရန် သမ္မာတရားကို ရှာဖွေဖို့သာ ဆန္ဒရှိလာသည်။ လူ၏ နှလုံးသားသည် နိုးထ လာသည့်အခါ၊ လူသည် စာတန်ထံမှ အပြည့်အဝ ရုန်းထွက် နိုင်လေသည်။ စာတန်၏ အန္တရာယ်ပြုခြင်း၊ စာတန်၏ ထိန်းချုပ်ခြင်း သို့မဟုတ် အရူးလုပ်ခြင်းကို မခံရတော့ပေ။ ယင်းအစား ဘုရားသခင်၏ စိတ်နှလုံးကို ကျေနပ်စေဖို့ ဘုရားသခင်၏ အမှုနှင့် သူ၏ နှုတ်ကပတ်တော်တို့တွင် ဖန်တီးယူကာ ပူးပေါင်းဆောင်ရွက်နိုင်၏၊ ထိုသို့ဖြင့် ဘုရားသခင်ကို ကြောက်ရွံခြင်းနှင့် မကောင်းမှုကို ရှောင်ကြဉ်ခြင်းတို့အား ရရှိလေသည်။ ဤသည်မှာ ဘုရားအမှုတော်၏ မူလရည်ရွယ်ချက် ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတုမရှိ ဘုရားသခင်ကိုယ်တော်တိုင် (၆)”) ဒီအပိုဒ်ကို ကျွန်မ ဆက်စပ်နားလည်နိုင်ပါတယ်။

၂၀၁၆ခုနှစ်၊ ဇွန်လမှာ ကျွန်မရဲ့ တာဝန်ကို အင်္ဂလိပ်စာ ရွတ်ဆိုတဲ့ အဖွဲ့မှာ ထမ်းဆောင်ဖို့ ချပေးခဲ့တယ်။ ကျွန်မ တကယ်ကို ပျော်ရွှင်ခဲ့ပါတယ်။ ကျွန်မရဲ့ အင်္ဂလိပ်စာ ကျွမ်းကျင်မှုကို နောက်ဆုံးမှာ အသုံးချရတော့မှာမို့ပါ။ ကျွန်မရဲ့ကျွမ်းကျင်မှုကို အပြည့်အဝ ချပြရတော့မယ်။ အိမ်ကျရင် ကျွန်မရဲ့ ညီအစ်ကို မောင်နှမတွေကို ပြောပြပြီး သတင်းကောင်းကို အသိပေးဖို့ ကျွန်မ မစောင့်နိုင်တော့ဘူး။ ဒီအကြောင်းကို သူတို့ သိသွားတဲ့အခါ သူတို့မျက်နှာပေါ်က အားကျတဲ့အကြည့်တွေကိုတောင် ကျွန်မ စိတ်ကူးယဉ်ကြည့်ခဲ့တယ်။

တာဝန်ကို ကျွန်မ စထမ်းဆောင်တဲ့နောက်မှာ တခြား ညီအစ်ကို မောင်နှမတွေက အင်္ဂလိပ်စာကို တကယ်ကို ကောင်းကောင်းဖတ်နိုင်ပြီး တော်တော်ကောင်းတဲ့ အသံထွက်ရှိတာကို ကျွန်မ သတိပြုမိတယ်။ သူတို့က တစ်ယောက်နဲ့တစ်ယောက် အင်္ဂလိပ်လို ခဏခဏပြောတယ်။ ပြီးတော့ အစည်းအဝေးတွေမှာနဲ့ တာဝန် ထမ်းဆောင်နေတဲ့အခါမှာတောင် အင်္ဂလိပ်လိုပဲ ပြောဆိုဆက်ဆံကြတယ်။ ကျွန်မရဲ့ အင်္ဂလိပ်စာက သူတို့လောက် လုံးဝ မကောင်းဘူး။ ကျွန်မ အားကျတာရော၊ စိုးရိမ်တာရော ဖြစ်မိတယ်။ ဒါပေမဲ့ ကိုယ့်ကိုယ်ကိုယ် ပြောလိုက်တယ်။ မင်း စာကြိုးစားသရွေ့ တစ်နေ့ကျရင် သူတို့ထက်တောင် မင်း သာလိမ့်မယ် ပေါ့။ အဲဒါနဲ့ ကျွန်မ အင်္ဂလိပ်စာလေ့လာပြီး ဝေါဟာတွေကို မှတ်သားဖို့ အစောကြီးထပြီး နောက်ကျမှ အိပ်တယ်။ ကျွန်မရဲ့ အလုပ် လုပ်ဆောင်မှုကို ဘယ်လိုတိုးတက်အောင်လုပ်ရမလဲဆိုတာကို ကျွန်မ အမြဲတမ်း စဉ်းစားနေခဲ့ပါတယ်။ ဘယ်သူမဆို သူတို့ရဲ့ အလုပ်အတွေ့အကြုံကို မျှဝေတဲ့အခါတိုင်းမှာ ကျွန်မက ဘောပင်ထုတ်ပြီး မှတ်သားတယ်။ ဒါပေမဲ့ ခဏလေးအတွင်းမှာပဲ လတွေအများကြီး ကုန်သွားတယ်။ ကျွန်မက အဖွဲ့မှာရှိတဲ့ လူတိုင်းထက် အနှေးဆုံး တိုးတက်မှုရှိနေပြီး အဆိုးဆုံး လုပ်ဆောင်မှုရှိနေတုန်းပဲ။ ကျွန်မက ကိုယ့်တာဝန်တွေကို မထမ်းဆောင်နေဘဲ ငယ်ရွယ်တဲ့ ညီအစ်ကိုမောင်နှမတွေဆီကနေ အကြံပြုချက်တွေနဲ့ အကူအညီတွေကို ခဏခဏ ယူနေရတယ်ဆိုတာကို သိပြီး၊ နောက်ပြီး အဲဒီအချိန်ကာလတုန်းက အဖွဲ့ခေါင်းဆောင်က ကျွန်မကို အောက်ခြေအလုပ်၊ အလည့်ကျအလုပ်တွေကို ခဏခဏ ချပေးနေတဲ့အချက်ကို သိပြီးတော့ အဖွဲ့မှာ ကျွန်မ မရှိရင်လည်း လုံးဝရနေတယ်လို့ ခံစားခဲ့ရတယ်။ ကျွန်မ တကယ်ကို စိတ်ဓာတ်ကျပြီး ဝမ်းနည်းလာခဲ့တယ်။ နောက်ပိုင်းမှာ ကျွန်မတို့အဖွဲ့မှာ အစ်မအသစ်တစ်ယောက် လာပြီး အလုပ်လုပ်တယ်။ သူက ကျွန်မတို့ အဖွဲ့တာဝန်တွေနဲ့ မရင်းနှီးတာကြောင့် သူ့ကို ကူညီပေးဖို့ ကျွန်မကို ခိုင်းတယ်။ ကျွန်မတို့အဖွဲ့မှာ ကျွန်မက ကျွမ်းကျင်မှုအနည်းဆုံး မဟုတ်တော့တာကြောင့် ကျွန်မ တိတ်တိတ်လေး ပျော်ရွှင်မိတယ်။ ဒါပေမဲ့ ကျွန်မ အံ့သြသွားရတာက ဒီအစ်မက အရည်အချင်းရှိပြီး တတ်လွယ်တယ်။ အဲဒါနဲ့ သူ့ အင်္ဂလိပ်စာက အမြန် တိုးတက်သွားတယ်။ နှစ်လ၊ သုံးလအတွင်းမှာ သူက ကျွန်မထက်သာပြီး လုပ်နိုင်နေပြီ။ အဲဒါနဲ့ ကျွန်မ ထိတ်ထိတ်ပျာပျာဖြစ်နေတယ်။ ဒီလိုပုံစံနဲ့ဆိုရင် ကျွန်မက မကြာခင်မှာ ကျွန်မတို့အဖွဲ့မှာ ထပ်ပြီး အဆိုးဆုံးအဖွဲ့ဝင် ဖြစ်တော့မှာပဲ။ ကျွန်မက ကျွန်မထက်ကြာအောင် အလုပ်လုပ်နေခဲ့တဲ့ တခြားအဖွဲ့ဝင်တွေလောက် မထမ်းဆောင်နိုင်တာက နားလည်နိုင်တယ်။ အခု ဒီလူသစ်က ရောက်လာပြီး သူ့ကို ကူညီပေးဖို့ ကျွန်မကို ခိုင်းခဲ့တယ်။ ဒါပေမဲ့ ခဏလေးအတွင်းမှာ သူက ကျွန်မထက် သာနေပြီ။ ရှက်စရာကောင်းပါတယ်။ ကျွန်မက တစ်ရက်ပြီးတစ်ရက် အဆင့်အတန်းနဲ့ ဂုဏ်သိက္ခာအတွက် ယှဉ်ပြိုင်နေရင်းနဲ့ အသက်ရှင်နေခဲ့ပြီး အမြဲတမ်း စိတ်မအေးနိုင်ဖြစ်နေခဲ့တယ်။ လုံးဝ ဆင်းရဲဒုက္ခခံနေရရင်းနဲ့ ကျွန်မရဲ့ နေ့ရက်တွေကို ကုန်ဆုံးခဲ့ပါတယ်။ ကျွန်မရဲ့ မွေးရပ်မြေမှာ တာဝန်တွေ ထမ်းဆောင်ခဲ့တဲ့ အရင်တုန်းက ရက်တွေကို ကျွန်မ သတိရလာမိတယ်။ ဆွေးနွေးတိုင်ပင်တာတွေ၊ အစီအစဉ်ချတာတွေကို လုပ်တာ ကျွန်မ ဖြစ်ခဲ့ဖူးတယ်။ ညီအစ်ကို မောင်နှမတွေအားလုံးက ကျွန်မရဲ့ အမြင်ကို သဘောတူကြပြီး အသင်းတော်ခေါင်းဆောင်တွေက ကျွန်မကို မျက်နှာသာပေးခဲ့တယ်။ ကျွန်မက အရေးကြီးတဲ့သူတစ်ယောက် ဖြစ်ခဲ့တယ်။ ဒါပေမဲ့ အခု အရမ်း နိမ့်ကျသွားခဲ့တယ်။ ကျွန်မ စဉ်းစားကြည့်လေလေ နစ်နာပြီး မတရားခံရသလို ခံစားရလေလေပဲ။ တစ်ခါတော့ ကျွန်မ ရေချိုးခန်းထဲပုန်းပြီး ငိုနေတဲ့ အဖြစ်ကို ရောက်သွားခဲ့တယ်။ အဲဒီညမှာ အိပ်ရာပေါ်မှာ လူးလှိမ့်နေရင်းနဲ့ အိပ်မပျော်နိုင်ခဲ့ဘူး။ ကျွန်မ မတွေးဘဲ မနေနိုင်ဘူး။ “ငါက စလာကတည်းက ငါ့အဖွဲ့မှာ အဆိုးဆုံး အဖွဲ့ဝင်ဖြစ်ခဲ့တယ်။ တခြား ညီအစ်ကို မောင်နှမတွေက ငါ့ကို ဘယ်လိုထင်ကြမလဲ။ ငါ ဒီမှာ မနေချင်ဘူး” ဆိုပြီးတော့။ ဒါပေမဲ့ နောက်ကျတော့ ဘုရားသခင်ကို ကျွန်မ လေးနက်တဲ့ ကတိသစ္စာတစ်ခုပေးခဲ့တာကို စဉ်းစားမိတယ်။ ကျွန်မ အသက်ရှင်သရွေ့ သူ့ရဲ့ ချစ်ခြင်းမေတ္တာကို ပြန်ပေးဆပ်ဖို့ သူ့အတွက် ကိုယ့်ကိုယ်ကိုယ် အသုံးခံဖို့ပေါ့။ ကျွန်မက ကိုယ့်တာဝန်တွေကို တကယ် စွန့်လွှတ်မယ်ဆိုရင် ကျွန်မက ကတိတွေကို ကျောခိုင်းသလို မဖြစ်ဘူးလား။ ကျွန်မက ဘုရားသခင်ကို လိမ်ညာပြီး သစ္စာဖောက်မိမှာ မဟုတ်ဘူးလား။ ကျွန်မ တော်တော် ဝမ်းနည်းခဲ့တယ်။ အဲဒါနဲ့ ဘုရားသခင်ကို ဆုတောင်းတယ်။ “အဖ ဘုရားသခင် ဒီ အခြေအနေကို ဘယ်လိုဖြတ်သန်းရမယ်ဆိုတာ၊ ဒီကနေ ဘာကို သင်ယူရမယ်ဆိုတာ ကျွန်မ သေချာမသိပါဘူး။ ကျေးဇူးပြုပြီး ကျွန်မကို လမ်းပြပြီး ဉာဏ်ပွင့်စေတော်မူပါ။” ဆိုပြီး ပြောခဲ့တယ်။

အဲဒီနောက်မှာ ကျွန်မ ဖုန်းကို ဖွင့်ပြီး ဒီ ဘုရားနှုတ်ကပတ်တော်တစ်ပိုဒ်ကို ဖတ်ခဲ့တယ်။ “သင်တို့ ရှာဖွေရာတွင်၊ တစ်ဦးချင်းစီ၌ များစွာသော အယူအဆများ၊ မျှော်လင့်ချက်များနှင့် အနာဂတ်များ ရှိကြသည်။ လက်ရှိအမှုမှာ ရာထူးအဆင့်အတန်းအပေါ် သင်တို့၏ တပ်မက်မှုနှင့် သင်တို့၏ လွန်ကဲသော အလိုဆန္ဒများကို ကိုင်တွယ်ဖြေရှင်းရန်အတွက် ဖြစ်သည်။ မျှော်လင့်ချက်များ၊ အဆင့်အတန်းနှင့် အယူအဆများ အားလုံးသည် စာတန်ဆန်သော စိတ်သဘောထား၏ ဂန္တဝင် ကိုယ်စားပြုချက်များ ဖြစ်သည်။ လူတို့၏ စိတ်နှလုံးများထဲတွင် ဤအရာများ တည်ရှိနေရသည့် အကြောင်းရင်းမှာ စာတန်၏ အဆိပ်အတောက်သည် လူတို့၏ အတွေးအခေါ်များအား အမြဲတစေ ပျက်စီးယိုယွင်းစေနေခြင်းကြောင့်ဖြစ်ပြီး လူတို့သည် စာတန်၏ ဤစုံစမ်းနှောင့်ယှက်မှုများကို အမြဲတစေ မဖယ်ရှား နိုင်ခြင်းကြောင့် ဖြစ်သည်။ ၎င်းတို့သည် အပြစ်တရားကြားတွင် အသက်ရှင်နေကြသော်လည်း၊ ၎င်းအား အပြစ်ဟု မယုံကြည်ကြ သကဲ့သို့၊ ၎င်းတို့သည်၊ ‘ငါတို့သည် ဘုရားသခင်ကို ယုံကြည်သောကြောင့် သူသည် ငါတို့အပေါ် ကောင်းချီး မင်္ဂလာများကိုပေးပြီး ငါတို့အတွက် အရာခပ်သိမ်းကို သင့်တော်သလို စီစဉ်ပေးရမည်။ ငါတို့သည် ဘုရားသခင်ကို ယုံကြည်သောကြောင့် ငါတို့သည် အခြားသူများထက် သာလွန်ကာ ငါတို့၌ အခြားသူများထက် သာလွန်သော အဆင့်အတန်းနှင့် အနာဂတ်တစ်ခု ရှိရမည်။ ငါတို့သည် ဘုရားသခင်ကို ယုံကြည်သည့်အတွက် သူသည် ငါတို့အား အကန့်အသတ်မရှိသော ကောင်းချီးမင်္ဂလာများကို ပေးကို ပေးရမည်။ သို့မဟုတ်ပါက ၎င်းကို ဘုရားသခင်အား ယုံကြည်ခြင်းဟု ခေါ်လိမ့်မည် မဟုတ်’ ဟူ၍ ယုံကြည် ကြသေးသည်။ လူတို့သည် ၎င်းတို့ အသက်ရှင်ရန်အတွက် အမှီပြုခဲ့သော အတွေးအခေါ်များသည် ၎င်းတို့ သစ္စာဖောက်သော သူများ၊ သူရဲဘောကြောင်သောသူများ နှင့် စက်ဆုပ်ဖွယ် ကောင်းသောသူများ ဖြစ်လာသည်အထိ ၎င်းတို့၏ စိတ်နှလုံးများကို နှစ်ပေါင်းများစွာ ပျက်စီးယိုယွင်းစေခဲ့သည်။ ၎င်းတို့၌ စိတ်ဓာတ်ခွန်အားနှင့် စိတ်ဆုံးဖြတ်ချက် ကင်းမဲ့ကြသည်သာမက ၎င်းတို့သည် လောဘကြီးလာကြပြီး၊ မောက်မာလာကြကာ၊ တစ်ဇွတ်ထိုး လုပ်လာကြလေသည်။ ၎င်းတို့၌ အတ္တကို ကျော်လွန်သော စိတ်ဆုံးဖြတ်ချက် တစ်ခုတစ်လေ လုံးဝကင်းမဲ့နေပြီး ထိုမျှမက ၎င်းတို့၌ ဤမှောင်မိုက် လွှမ်းမိုးမှုများ၏ ချုပ်ချယ်မှုများကို ဖယ်ရှားရန် သတ္တိ အနည်းငယ်ပင် မရှိကြချေ။ လူတို့၏ အတွေးအခေါ်များ နှင့် အသက်တာများသည် ပုပ်သိုးလွန်းသည်မှာ ဘုရားသခင် အပေါ် ယုံကြည်ခြင်းနှင့် သက်ဆိုင်သော ၎င်းတို့၏ ရှုထောင့်အမြင်များမှာ သည်းမခံနိုင်အောင် အကျည်းတန် နေသေးသည်သာမက ဘုရားသခင်အပေါ် ယုံကြည်ခြင်း အကြောင်း ၎င်းတို့၏ ရှုထောင့်အမြင်များကို လူတို့ ပြောကြသည့်အခါ ၎င်းမှာ တကယ်ပင် နားမခံနိုင်စရာ ဖြစ်သည်။ လူအားလုံးသည် သူရဲဘောကြောင်ကြသည်၊ အစွမ်းအစမရှိ၊ စက်ဆုပ်ရွံရှာဖွယ် ဖြစ်ကြသည်သာမက ခိုင်ခံ့ခြင်းလည်း မရှိကြပေ။ ၎င်းတို့သည် အမှောင်စွမ်းအားများကို ရွံရှာခြင်း မရှိကြသကဲ့သို့ အလင်းနှင့် သမ္မာတရားကို ချစ်ခြင်း မရှိကြ၊ ထိုသို့ဖြစ်ရမည့်အစား ၎င်းတို့ကို ထုတ်ပစ်ရန်အတွက် အစွမ်းကုန် လုပ်ဆောင်ကြသည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အဖြည့်ခံဖြစ်ရန် သင်အဘယ်ကြောင့် လိုလားခြင်းမရှိသနည်း”) ဘုရားနှုတ်ကပတ်တော်တွေက ကျွန်မရဲ့ အခြေအနေကို ပြည့်ပြည့်စုံစုံ ရှင်းပြခဲ့ပါတယ်။ ဂုဏ်အဆင့်အတန်းလိုချင်တဲ့ ကျွန်မရဲ့ ဆန္ဒက မပြည့်ဝတာကြောင့် ကျွန်မက အရမ်းနာကျင်ခံစားနေရပြီး ကျွန်မ တာဝန်တွေကို ထမ်းဆောင်ဖို့ အာခံနေတာ၊ ကျွန်မ တာဝန်ကို စွန့်လွှတ်ပြီး ဘုရားသခင်ကို သစ္စာဖောက်ချင်နေတာ မဟုတ်ဘူးလား။ ကျွန်မ ဒီအဖွဲ့ကို ဝင်လာကတည်းက ကျွန်မရဲ့ အလုပ် လုပ်ဆောင်မှုကို တိုးတက်စေဖို့ အင်္ဂလိပ်စာကို အရမ်းလေ့လာနေတာဟာ ကျွန်မက ကိုယ့်ကိုယ်ကိုယ် သက်သေပြပြီး အဖွဲ့မှာ ပေါ်လွင်ချင်လို့ သက်သက်ပဲ မဟုတ်ဘူးလား။ အသစ်ရောက်လာတဲ့ အစ်မက အရမ်းကို မြန်မြန်တိုးတက်လာတာကိုတွေ့တော့ သူက ကျွန်မထက် သာပြီး လုပ်နိုင်မှာကို၊ ကျွန်မက အဖွဲ့မှာ နောက်တစ်ခါ အညံ့ဆုံးဖြစ်သွားမှာကို စိတ်ပူခဲ့တယ်။ ဂုဏ်အဆင့်အတန်းနဲ့ပတ်သက်ပြီး စိတ်ဖိစီးရင်းနဲ့ တစ်နေကုန်သွားပြီး လုံးဝ ဆင်းရဲဒုက္ခရောက်ပြီး နေနေရတယ်။ ဘုရားသခင်ရဲ့ နှုတ်ကပတ်တော်တွေဖြစ်တဲ့ “လူတို့သည် ၎င်းတို့ အသက်ရှင်ရန်အတွက် အမှီပြုခဲ့သော အတွေးအခေါ်များသည် ၎င်းတို့၏ စိတ်နှလုံးများကို ပျက်စီးယိုယွင်းစေခဲ့သည်။” ဆိုတာကို ကြည့်ရင်းနဲ့ ကျွန်မ ကိုယ့်ကိုယ်ကိုယ် မေးလိုက်တယ်။ “ငါ ဘာလို့ ဂုဏ်အဆင့်အတန်းအတွက် အသက်ရှင်နေတာလဲ။ ဘယ်အတွေးတွေက ဒီ ဆင်းရဲဒုက္ခတွေအားလုံးကို ငါ့အပေါ် ဖြစ်စေနေတာလဲ။” ပေါ့။ ဘုရားသခင်ရဲ့ နှုတ်ကပတ်တော်တွေကို ဆင်ခြင်းစဉ်းစားပြီးတဲ့နောက်ကျမှ “ထင်ရှားကျော်ကြားမှုရရှိခြင်း သည် သူ၏ဘိုးဘေးများအတွက် ဂုဏ်အသရေ ယူဆောင်လာသည်” “လူသားသည် အထက်သို့ ရုန်းကန်ဆန်တက်သည်၊ ရေသည်နိမ့်ရာသို့ စီးဆင်း၏”၊ “ကောင်းကင်နှင့်မြေကြီးတစ်လျှောက်လုံးတွင် ငါသည်သာ ငါ၏အရှင်သခင်ဖြစ်၏” ဆိုတာမျိုး ဆိုးယုတ်တဲ့ ဆိုရိုးစကားတွေအတိုင်း ကျွန်မက ရှင်သန်နေတယ်ဆိုတာ သဘောပေါက်ခဲ့ပါတယ်။ ငယ်ငယ်ကတည်းက ကျွန်မတို့ ဆရာတွေက ကျွန်မတို့ကို ထူးချွန်အောင်လုပ်ဖို့၊ အတော်ဆုံးဖြစ်အောင်လုပ်ဖို့ သင်ကြားပေးခဲ့တယ်။ ဂုဏ်သိက္ခာရှိပြီး နာမည်ကြီးတဲ့ လူတွေကို ကျွန်မ အမြဲတမ်း အရမ်း အထင်ကြီးလေးစားပြီး အားကျခဲ့တယ်။ သူတို့လိုပဲ ဖြစ်ချင်ခဲ့တယ်။ ကျွန်မ ဘယ်နေရာမှာပဲရှိရှိ လူတွေကို ကျွန်မကို အထင်ကြီးစေချင်တယ်။ သူတို့အားလုံးက ကျွန်မကို လေးစားတယ်၊ ပံ့ပိုးပေးတယ်၊ ချီးမွမ်းကြတယ်ဆိုရင်တော့ ပိုပြီးတောင် ကောင်းသေးတယ်။ ဒါက ပျော်မွေ့ဖွယ်ကောင်းပြီး ထိုက်တန်တဲ့ ဘဝကို ရှင်သန်ဖို့ နည်းလမ်းပဲလို့ ကျွန်မ ထင်ခဲ့တာပါ။ သူများတွေရဲ့ လေးစားခြင်းနဲ့ ချီးမွမ်းခြင်းကို မရနိုင်တဲ့အခါ ဘဝက စိတ်ဆင်းရဲစရာကောင်းတယ်။ တော်တော်ကို စိတ်ဓာတ်ကျသလို ခံစားရတယ်။ ဘုရားအိမ်တော်မှာ ကျွန်မရဲ့ တာဝန်တွေကို စပြီး ထမ်းဆောင်တဲ့နောက်မှာ ဒါတွေနောက်ကို ကျွန်မ လိုက်နေတုန်းပဲ။ ဒါပေမဲ့ ကျွန်မ အစွမ်းကုန်အားထုတ်ပြီးတာတောင်မှ တိုးတက်မှု သိပ်မတွေ့ရတဲ့အခါ၊ သူများတွေရဲ့ ချီးမွမ်းခြင်းနဲ့ လေးစားခြင်းကို မရနိုင်တဲ့အခါ ကျွန်မ အဆိုးမြင်လာတယ်။ စိတ်ဓာတ်ကျပြီး အားငယ်လာတယ်။ ကျွန်မ တာဝန်တွေကို စွန့်လွှတ်ပြီး ဘုရားသခင်ကို သစ္စာဖောက်ဖို့တောင် စဉ်းစားလာခဲ့တယ်။ ဂုဏ်သိက္ခာအပေါ် ကျွန်မရဲ့ စွဲလမ်းမှုက ကျွန်မကို လုံးဝ ဝါးမျိုသွားခဲ့တယ်။ အဲဒါကို ကြိုးပမ်းရယူဖို့ ဘယ်လိုဆင်းရဲဒုက္ခကိုမဆို ခံပြီး ဘယ်တိုက်ပွဲကိုမဆို ကျွန်မ တိုက်ခိုက်လိမ့်မယ်။ ကျွန်မရဲ့ တစ်ကမ္ဘာလုံးက ဒီတစ်ခုဘေးမှာတင် လည်ပတ်နေတဲ့အထိပဲ။ အဲဒီအချိန်မှာပဲ ကျွန်မက လွဲမှားနေတဲ့အရာအတွက် ကြိုးပမ်းနေတယ်ဆိုတာကို နားလည်သဘောပေါက်ခဲ့ပါတယ်။ ကျွန်မက သမ္မာတရားကို လိုက်စားပြီး ဘုရားသခင်ရဲ့ ချစ်ခြင်းကို ပြန်ပေးဆပ်ဖို့ ကျွန်မ တာဝန်တွေကို ထမ်းဆောင်နေတာမဟုတ်ဘူး။ ဂုဏ်သိက္ခာနဲ့ အဆင့်အတန်းကို လိုချင်တဲ့ ကျွန်မရဲ့ ကိုယ်ပိုင် ဆန္ဒကို ဖြည့်ဆည်းဖို့သာ လုပ်နေတာပါ။

ကျွန်မရဲ့ အားထုတ်လိုက်စားမှုက ဘယ်လိုလမ်းလွဲနေသလဲဆိုတာကို ဘုရားနှုတ်ကပတ်တော်ထဲက ထုတ်ဖော်ခြင်းက ကျွန်မကို ပြသခဲ့ပါတယ်။ နောက်ပိုင်းမှာ ကျွန်မ ဒီ ဘုရားနှုတ်ကပတ်တော်အပိုဒ်ကို ဖတ်ပါတယ်။ “သင်တို့၏ တာဝန်ကို ဖြည့်ဆည်းနေသည့် သင်တို့ အသီးသီးအတွက်၊ သမ္မာတရားကို သင် မည်သို့ နက်နက်နဲနဲ နားလည်ပါစေ၊ သမ္မာတရား လက်တွေ့အရှိတရားထဲသို့ သင်တို့ ဝင်ရောက်လိုလျှင်၊ လက်တွေ့လုပ်ဆောင်ဖို့ အရိုးရှင်းဆုံးသော နည်းလမ်းမှာ သင်တို့ လုပ်ဆောင်သမျှတိုင်းတွင် ဘုရားသခင့် အိမ်တော်၏ အကျိုးများကို တွေးဖို့ရန်နှင့် သင်၏ တစ်ကိုယ်ကောင်းဆန်သော စိတ်ဆန္ဒများ၊ သင်၏ တစ်ဦးချင်း အကြံ၊ ကြံရွယ်ချက်များ၊ ဂုဏ်ဒြပ်နှင့် အဆင့်အတန်းတို့ကို လက်လွှတ်ဖို့ ဖြစ်သည်။ ဘုရားသခင့် အိမ်တော်၏ အကျိုးများကို ဦးစားပေးလော့—ဤသည်မှာ သင် အနည်းဆုံး လုပ်ဆောင်သင့်သည့် အရာဖြစ်၏။...ထို့အပြင်၊ သင်၏ တာဝန်များကို သင်ဖြည့်ဆည်းနိုင်လျှင်၊ သင်၏ တာဝန်များနှင့် ဝတ္တရားများကို ဆောင်ရွက်နိုင်လျှင်၊ သင်၏ တစ်ကိုယ်ကောင်းဆန်သော စိတ်ဆန္ဒများကို ဘေးဖယ်ထားနိုင်လျှင်၊ သင်၏ ကိုယ်ပိုင် ရည်ရွယ်ချက်များနှင့် ကြံရွယ်ချက်များကို ဘေးဖယ်ထားနိုင်လျှင်၊ ဘုရားသခင်၏ အလိုတော်ကို အရေးထားနိုင်ပြီး ဘုရားသခင်နှင့် သူ၏အိမ်တော်တို့၏ အကျိုးများကို ဦးစားပေးနိုင်လျှင်၊ ဤအရာကို တစ်ခဏကြာ ကြုံတွေ့ပြီးနောက်တွင်၊ ဤသည်မှာ အသက်ရှင်ရန် ကောင်းမွန်သော နည်းလမ်းတစ်ခု ဖြစ်သည်ဟု သင်ခံစားရလိမ့်မည်။ ယင်းမှာ ယုတ်ညံ့သောလူတစ်ဦး သို့မဟုတ် အသုံးမကျသောလူတစ်ဦး မဖြစ်ဘဲ ရိုးရိုးစင်းစင်းနှင့် ရိုးသားစွာ အသက်ရှင်ခြင်း ဖြစ်ပြီး၊ စိတ်သဘောထားကျဉ်းမြောင်းခြင်း သို့မဟုတ် ခက်ထန်ခြင်းထက် မျှမျှတတ နှင့် သိက္ခာရှိရှိ အသက်ရှင်ခြင်း ဖြစ်သည်၊ ဤသည်မှာ လူတစ်ဦး အသက်ရှင်၊ ပြုမူသင့်သည့်ပုံဖြစ်သည်ဟု သင်ခံစားရလိမ့်မည်။ တဖြည်းဖြည်းနှင့်၊ သင်၏ ကိုယ်ပိုင်အကျိုးစီးပွားများကို အလိုဖြည့်ဖို့ သင်၏ စိတ်နှလုံးအတွင်းရှိ လိုအင်ဆန္ဒသည် သာ၍ လျော့ပါးသွားပေလိမ့်မည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏စစ်မှန်သော စိတ်နှလုံးကို ဘုရားသခင်ထံ ပေးပြီး သမ္မာတရားကို သင် ရရှိနိုင်သည်”) ဘုရားသခင်ရဲ့ နှုတ်ကပတ်တော်ကို ဖတ်ပြီးတဲ့နောက်မှာ သူများတွေ လေးစားတာကို ခံရတာက အရေးမကြီးဘူးဆိုတာ နားလည်သဘောပေါက်ခဲ့တယ်။ ဘုရားသခင်ရဲ့ အချုပ်အခြာအာဏာနဲ့ အစီအစဉ်တွေကို နာခံတာ၊ ဘုရားအိမ်တော်ရဲ့ အလုပ်ကို ထိန်းသိမ်းတာ၊ သမ္မာတရားကို လက်တွေ့လုပ်ဆောင်ပြီး ကိုယ့်တာဝန်တွေကို ထမ်းဆောင်တာ ဒါတွေက တကယ် အရေးကြီးတဲ့အရာတွေဖြစ်ပြီး ဒါက ပွင့်လင်းစွာ၊ ရိုးသားစွာ ရှင်သန်ဖို့ နည်းလမ်းပါ။ ဘုရားသခင်ရဲ့ အလိုတော်ကို ကျွန်မ နားလည်ပြီးတဲ့နောက်မှာ ကျွန်မ တော်တော်ကို စိတ် လွတ်လပ်ပေါ့ပါးသွားသလို ခံစားခဲ့ရတယ်။ ကျွန်မက ကျွန်မတို့အဖွဲ့မှာ လုပ်တာ အညံ့ဆုံး အဖွဲ့ဝင်ဖြစ်နေတုန်းပါပဲ။ ဒါပေမဲ့ ဒါနဲ့ပတ်သက်ပြီး သိပ် စိတ်မညစ်တော့ဘူး။ ပြီးတော့ တစ်ခုခုက ကျွန်မရဲ့ ဂုဏ်သိက္ခာနဲ့ အဆင့်အတန်းကို ထိခိုက်လာတဲ့အခါ အရင်ကဖြစ်ခဲ့သလို အားမနည်းတော့ဘူး။ ဘုရားသခင်ကို သတိရှိရှိနဲ့ ဆုတောင်းပြီး ကျွန်မရဲ့မှားယွင်းတဲ့ ရည်ရွယ်ချက်တွေကို စွန့်လွှတ်တယ်။ ကျွန်မ စိတ်ကို ငြိမ်အောင်ထားနိုင်ခဲ့ပြီး တာဝန်တွေကို ထမ်းဆောင်ခဲ့တယ်။ ဒါပေမဲ့ စာတန်ရဲ့ အဆိပ်က ကျွန်မအထဲမှာ အမြစ်တွယ်နေပြီး ကျွန်မရဲ့ တကယ့် သဘာဝဖြစ်လာတယ်။ နားလည်တာ သက်သက်နဲ့က အမြစ်ဖြတ်ဖို့ မလုံလောက်ဘူး။ သန့်စင်ခံရပြီး ပြောင်းလဲဖို့အတွက် နောက်ထပ် တရားစီရင်ခြင်းနဲ့ စစ်ဆေးခြင်းကို ကျွန်မ ကြုံတွေ့ဖို့ လိုသေးတယ်။

ကျွန်မတို့ အဖွဲ့ခေါင်းဆောင်က အစ်မလျူနဲ့ အစ်မကျန်းကို ကျွန်မတို့အလုပ်ကို ကြီးကြပ်ဖို့ တာဝန်ချပေးခဲ့တယ်။ သူတို့နှစ်ယောက်လုံးက ပညာရပ်ဆိုင်ရာ ကျွမ်းကျင်မှုတွေ အများကြီး ရှိကြလို့ပါ။ ကျွန်မ အားလည်းကျတယ်။ မနာလိုလည်းဖြစ်မိတယ်။ တခြားညီအစ်ကို မောင်နှမတွေကို နည်းပြလုပ်ပေးရတာဟာ ဂုဏ်သိက္ခာ အမှတ်အသားတစ်ခုလိုပါပဲ။ ကျွန်မက ဘာလို့ သူတို့လို မဖြစ်နိုင်ရတာလဲ။ ကျွန်မလုပ်နိုင်တာက ဘာကျွမ်းကျင်မှုမှ မပါတဲ့ အလုပ်ရှုပ်တဲ့ အလုပ်တွေပါပဲ။ နောက်ပိုင်းမှာ သူများတွေရဲ့ အခက်အခဲတွေကို ကူညီဖြေရှင်းပေးရင်းနဲ့ အဖွဲ့မှာ ရေလောင်းတဲ့ တာဝန်ကို ထမ်းဆောင်ဖို့ ကျွန်မကို အကြံပြုတယ်။ ဒါပေမဲ့ ကျွန်မက ဒီ အခွင့်အရေးအပေါ် လုံးဝ စိတ်မလှုပ်ရှားဘဲ ဒီတာဝန်ကို အထင်အမြင်တောင် သေးခဲ့ပါတယ်။ တကယ့် ကျွမ်းကျင်မှုမရှိတဲ့သူတွေသာ ဒီတာဝန် ချပေးခံရတာလို့ ကျွန်မ မြင်မိတယ်။ ကျွန်မတို့အဖွဲ့က ကောင်းကောင်း လုပ်နိုင်ရင် လူတိုင်းက ဒါတွေအားလုံးက အဲဒီအစ်မနှစ်ယောက်ကြောင့်လို့ ပြောကြတယ်။ ပြဿနာတွေကို ဖြေရှင်းဖို့အတွက် သမ္မာတရားကို မိတ်သဟာယပြုနေရင်းနဲ့ နောက်ကွယ်မှာ အလုပ်လုပ်နေတဲ့ ကျွန်မကို ဘယ်သူက သတိပြုမိလဲ။ ကျွန်မက လွဲမှားတဲ့ စိတ်နေသဘောထားရှိပြီး သန့်ရှင်းသော ဝိညာဉ်တော်ရဲ့လုပ်ဆောင်မှုကို မရရှိနိုင်တာကြောင့် ကျွန်မတာဝန်တွေကို ထမ်းဆောင်ဖို့ စိတ်ပါဝင်စားမှု မရှိနိုင်ဖြစ်ပြီး တစ်ခါတလေ ကိုယ့်ဘာသာ စဉ်းစားမိတယ်။ “ငါ့ အရည်အချင်းက ဘာလို့ တခြားလူတိုင်းလောက် မကောင်းတာလဲ။ ငါက ဘယ်နေရာမှာ တော်တာလဲ။ ငါ့ရဲ့ ကျွမ်းကျင်မှုတွေကို ဘယ်အချိန်ကျမှ အပြည့်အဝ ပြသရမှာလဲ။” ပေါ့။ တဖြည်းဖြည်းနဲ့ ကျွန်မ ပိုပိုပြီး အတိုက်အခံဖြစ်လာပြီး စိတ်အနှောင့်အယှက်ဖြစ်လာတယ်။ သိပ်မကြာခင်မှာပဲ အစ်မကျန်းက သူများတွေနဲ့ ပြောရင်းဆိုရင်းနဲ့ ကျွန်မကို တံခါးပိတ်ခိုင်း၊ ဖွင့်ခိုင်းတဲ့အခါတိုင်းမှာ ကျွန်မ စိတ်တိုလာသလို ခံစားရတယ်။ စိတ်ထဲမှာ “နင်က ယုံကြည်သူဖြစ်တာ ဘယ်လောက်ကြာနေလို့လဲ။ နင်က နည်းနည်း ပိုပြီး ကျွမ်းကျင်တာပဲရှိတာပါ။ ဒါပါပဲ။ အဲဒါနဲ့ ငါ့ကို ဆရာလုပ်ဖို့ အဆင့်မီသွားရောလား” ဆိုပြီးတော့ တွေးမိတယ်။ နောက်ဆုံးကျတော့ အစ်မကျန်းက ကျွန်မကို စကားပြောတဲ့အခါ ကျွန်မ လျစ်လျူရှုနေလိုက်တယ်။ တစ်ခါတလေ ကျွန်မကို သူ မေးခွန်းမေးတဲ့အခါ သူပြောတာ မကြားသလို ဟန်ဆောင်နေလိုက်တယ်။ ကျွန်မက ပြန်ပြောရင်လည်း ကောင်းကောင်းမပြောခဲ့ဘူး။ ရလဒ်အနေနဲ့ သူက စိတ်တင်းကျပ်သလို ခံစားနေရတာကို ကျွန်မ မြင်တဲ့အခါ ကျွန်မ စိတ်မကောင်းတော့ ဖြစ်မိတယ်။ ဒါပေမဲ့ အဆင့်အတန်း၊ ဂုဏ်သိက္ခာနဲ့ပတ်သက်ရင် ကျွန်မရဲ့ စိတ်ခံစားချက်တွေကို ရှေ့တန်းတင်နေတုန်းပဲ။

တစ်မနက်မှာ အစ်မလျူနဲ့ အစ်မကျန်းက အလုပ်တာဝန်တစ်ခုနဲ့ အပြင်ထွက်သွားတာကို ကျွန်မ တွေ့လိုက်တယ်။ သူတို့ကိုကြည့်ရတာ တော်တော်ကို ပုံစံကျပြီး ဝတ်စုံက ခေတ်မီနေတယ်။ ကျွန်မ စိတ်ညစ်သွားပြီး သူတို့ကို မနာလိုဖြစ်တယ်။ ကိုယ့်ဘာသာ စဉ်းစားမိတယ်။ “နင်တို့က ဂုဏ်ကျက်သရေတွေအားလုံး ရနေတယ်။ ငါကတော့ နောက်ကွယ်မှာ ကျေးဇူးအတင်မခံရဘဲ အပင်ပန်းခံနေရတယ်။ ငါ ဘယ်လောက် အလုပ်ကြိုးစားတယ်ဆိုတာ ဘယ်သူကမှ လုံးဝ သိမှာမဟုတ်ဘူး။” ဆိုပြီးတော့။ အဲဒီနေ့ညမှာ အစ်မတွေ ပြန်လာတဲ့အခါ ကျွန်မတို့အဖွဲ့ထဲက လူတိုင်းက သူတို့ကို ကြိုဆိုနှုတ်ဆက်ဖို့ အမြန်သွားကြတယ်။ တချို့ကဆိုရင် သူတို့အတွက် ညစာတောင် အဆင်သင့်ပြင်ဆင်ထားတယ်။ အစတော့ ကျွန်မလည်း သူတို့ကို သွားနှုတ်ဆက်ပြီး သူတို့အလုပ်မှာ အခြေအနေဘယ်လိုရှိလဲ မေးချင်ခဲ့ပါတယ်။ ဒါပေမဲ့ လူတိုင်းက သူတို့ကို တုံ့ပြန်ပုံကို မြင်ရတော့ ကျွန်မ မနာလိုထပ်ဖြစ်သွားပြီး “ဒီနှစ်ယောက်က ဂုဏ်ကျက်သရေတွေအားလုံးကို ထပ်ရနေပြီး ငါက အခု ပိုပြီးတော့တောင် တန်ဖိုးမရှိတဲ့ ပုံစံဖြစ်လာတယ်။” အဲဒီလို တွေးရင်းနဲ့ ကျွန်မ အခန်းဘက်ကို တည့်တည့် လှည့်ပြန်သွားခဲ့တယ်။ ကျွန်မ ကိုယ့်ကိုယ်ကိုယ် စိတ်ငြိမ်အောင် မထားနိုင်တာနဲ့ ဘုရားသခင်ဆီကို ဆုတောင်းခဲ့ပါတယ်။ “အဖ ဘုရားသခင် ဂုဏ်အဆင့်အတန်းအပေါ် ကျွန်မရဲ့ စွဲလမ်းမှုက ပြန်ပြီး ခေါင်းထောင်လာပြန်ပါပြီ။ ဂုဏ်သိက္ခာနဲ့ အဆင့်အတန်းကို လိုချင်တဲ့ ကျွန်မရဲ့ ဆန္ဒကို စွန့်လွှတ်ချင်ပေမဲ့ ကျွန်မ မတတ်နိုင်ပါဘူး။ ကျေးဇူးပြုပြီး နာမည်ကောင်းနဲ့ အဆင့်အတန်းရဲ့ ချည်နှောင်မှုတွေကနေ ကိုယ့်ကိုယ်ကိုယ် ဘယ်လိုလွတ်မြောက်အောင်လုပ်ရမလဲဆိုတာ ပြသတော်မူပါ” ဆိုပြီး ပြောခဲ့ပါတယ်။

နောက်တစ်နေ့မှာ အစ်မတစ်ယောက်က ကျွန်မ စိတ်အခြေအနေ သိပ်မကောင်းတာကို မြင်တော့ ဒီ ကျမ်းပိုဒ်ကို ဖတ်ပြတယ်။ “ရာထူး မျက်နှာ သို့မဟုတ် နာမည်ဂုဏ်သတင်းတို့ကို့ ထိုအရာက ပတ်သက်မိသည်နှင့်တပြိုင်နက်၊ လူတိုင်း၏ စိတ်နှလုံးများက မျှော်လင့်စောင့်စားချက်ဖြင့် ခုန်တက်သွားကြပြီး သင်တို့အသီးသီးက ထင်ပေါ်ချင်ကြသည်၊ ကျော်ကြားချင်ကြပြီး အသိအမှတ်ပြုခံချင်ကြသည်။ လူတိုင်းက အလျှော့ပေးရန် မလိုလားကြ၊ ယင်းအစား ယှဉ်ပြိုင်ခြင်းက စိတ်ကသိကအောက်ဖြစ်စေကာ ဘုရားအိမ်တော်ထဲတွင် ခွင့်မပြုထားသော်လည်း အမြဲ ဖက်ပြိုင်ချင်ကြသည်။ သို့သော်၊ ယှဉ်ပြိုင်မှုမရှိဘဲ သင်တို့သည် မရောင့်ရဲနိုင်ကြသေး။ တစ်စုံတစ်ဦးက ထင်ပေါ်သည်ကို သင်မြင်သည့်အခါ၊ မနာလိုဝန်တိုမှုကို သင်ခံစားရသည်၊ မုန်းတီးမှုကို ခံစားရပြီး ယင်းမှာ မျှတခြင်းမရှိဟု သင်ခံစားရသည်။ ‘ဘာကြောင့် ငါ မထင်ပေါ်နိုင်ရတာလဲ။ အဲဒီလူက ဘာလို့ အမြဲ ထင်ပေါ်ရတဲ့သူဖြစ်ရပြီး ငါ့အလှည့် ဘယ်တော့မှ မရောက်ရတာလဲ။’ ထို့နောက် သင်သည် မကျေမချမ်းမှုအနည်းငယ် ခံစားရ၏။ ယင်းကို သင် ချုပ်တည်းရန် ကြိုးစားသော်လည်း သင် မတတ်နိုင်။ ဘုရားသခင်ထံ သင် ဆုတောင်းပြီး တစ်ခဏမျှ သင် သက်သာသလို ခံစားရသော်လည်း နောက်ပိုင်းတွင်၊ ဤကဲ့သို့သော ကိစ္စရပ်မျိုးကို တစ်ဖန် သင် ကြုံရသည်နှင့်တစ်ပြိုင်နက် ယင်းကို သင် မကျော်လွှားနိုင်ပေ။ ဤအရာက ရင့်ကျက်မှုမရှိသည့် ဝိညာဉ်အသက်တာ အခြေအနေကို ပြသသည် မဟုတ်လော။ ထိုသို့သော အခြေအနေတွေထဲ လူတစ်ဦး ကျဆင်းရခြင်းသည် ထောင်ချောက် တစ်ခုမဟုတ်လော။ ဤသည်တို့မှာ လူသားများကို ချည်နှောင်သော စာတန်၏ ဖောက်ပြန်ပျက်စီးသည့် သဘာဝ၏ အချုပ်အနှောင်များ ဖြစ်ကြသည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏စစ်မှန်သော စိတ်နှလုံးကို ဘုရားသခင်ထံ ပေးပြီး သမ္မာတရားကို သင် ရရှိနိုင်သည်”) ကျွန်မ လိုက်စားတဲ့အရာကို အမှန်တကယ် မပြောင်းလဲသေးဘူးဆိုတာ ဘုရားနှုတ်ကပတ်တော်တွေက ကျွန်မကို ပြသခဲ့ပါတယ်။ နာမည်၊ အဆင့်အတန်းကို ရှာဖွေဆဲဖြစ်ပြီး သူများတွေထက် ထူးချွန်အောင် အားထုတ်ဆဲဖြစ်ပါတယ်။ ဒီအရာတွေရဲ့ ထိန်းချုပ်ခြင်းကို ခံရပြီး ကျွန်မ အမြဲတမ်း ပေါ်လွင်ပြီး သတိပြုခံရချင်ခဲ့တယ်။ အရေးကြီးတဲ့၊ ကျွမ်းကျင်မှုလိုအပ်တဲ့ တာဝန်တွေကို လုပ်ချင်ခဲ့တယ်။ သူများတွေရဲ့ လေးစားတာ၊ တန်ဖိုးထားတာကို ခံရဖို့၊ ဘုရားသခင်ရဲ့ လက်ခံခြင်းကို ခံရပြီး အဆုံးမှာ ကောင်းချီးခံစားရဖို့ ဒါက တစ်ခုတည်းသောနည်းလမ်းပဲလို့ ကျွန်မ ထင်ခဲ့တယ်။ အရေးမကြီးဘူးလို့ထင်တဲ့ ဘယ်အလုပ်ကိုမဆို ကျွန်မ အထင်အမြင်သေးခဲ့ပြီး ကျွန်မရဲ့ ရေလောင်းတဲ့တာဝန်တွေကိုတောင်မှ အထင်သေးတဲ့ အကြည့်နဲ့ ကြည့်ခဲ့တယ်။ အစ်မနှစ်ယောက်ကို အရေးကြီးတဲ့ တာဝန်တွေ ချပေးပြီး ကျွန်မကိုကျတော့ ဘယ်တော့မှ သတိပြုခံရမှာမဟုတ်တဲ့ အသေးအဖွဲ တာဝန်တွေကို ချပေးတာကို ကြည့်ပြီး မနာလိုဖြစ်ပြီး မကျေမနပ်ဖြစ်ခဲ့ပါတယ်။ ပြီးတော့ ကျွန်မကို ပိုကောင်းတဲ့ အရည်အချင်း၊ ကျွမ်းကျင်မှုကို မပေးတဲ့အတွက် ဘုရားသခင်ကိုတောင် ညည်းညူပြီး အပြစ်တင်ခဲ့တယ်။ ကျွန်မက တော်တော် အကျိုးအကြောင်းမသင့်လျော်ခဲ့တာပါ။ ဂုဏ်အဆင့်အတန်းကိုလိုချင်တဲ့ ကျွန်မရဲ့ ဆန္ဒက မပြည့်ဝတာကြောင့် ကျွန်မရဲ့တာဝန်မှာ သိပ်ပြီး အားမစိုက်ထုတ်ခဲ့ဘူး။ ကျွန်မရဲ့ မကျေနပ်ချက်ကို ထွက်ပေါက်ရှာဖို့အတွက် အစ်မတွေအပေါ်ကိုတောင် ပေါက်ကွဲခဲ့တယ်။ သူတို့ကို ရန်လိုခဲ့တယ်။ ဒါက အစ်မတွေအတွက် စိတ်တင်းကျပ်ပြီး ထိခိုက်နစ်နာမှာ သေချာပါတယ်။ ဒါကို ကျွန်မ ဆင်ခြင်စဉ်းစားကြည့်လေလေ အပြစ်ရှိသလို ခံစားရလေလေပဲ။ ကျွန်မက ဘယ်လောက် တစ်ကိုယ်ကောင်းဆန်ပြီး လူသားဆန်မှု ကင်းမဲ့သလဲဆိုတာ နားလည်သဘောပေါက်ခဲ့ပါတယ်။

နောက်ပိုင်းမှာ ဒီ ဘုရားနှုတ်ကပတ်တော်အပိုဒ်ကို ဖတ်မိတယ်။ “လူတို့သည် အမြဲတစေ နာမည်ကြီးလိုကြသည် သို့မဟုတ် ကျော်ကြားသူများ ဖြစ်လိုကြသည်။ သူတို့သည် ကြီးမားသောကျော်ကြားမှုနှင့် ဂုဏ်သိက္ခာကို ရယူ၍ ဘိုးဘေးများကို ဂုဏ်ပြုလိုကြသည်။ ယင်းတို့သည် အပြုသဘောဆောင်သော အရာများ ဖြစ်သလော။ ယင်းတို့သည် အပြုသဘောဆောင်သော အရာများနှင့် လုံးဝ မကိုက်ညီရုံမျှမက လူသားမျိုးနွယ်၏ ကံတရားကိုအုပ်စိုးသော ဘုရားသခင်၏ဥပဒေသနှင့် ဆန့်ကျင်ဘက်ဖြစ်သည်။ ၎င်းကို ငါအဘယ်ကြောင့်ပြောသနည်း။ မည်ကဲ့သို့သော လူစားကို ဘုရားသခင် အလိုရှိသနည်း။ နာမည်ဂုဏ်သတင်းကြီးသောသူ၊ ထင်ပေါ်ကျော်ကြားသူ၊ မြင့်မြတ်သောသူ၊ သို့မဟုတ် ကမ္ဘာကိုတုန်လှုပ်စေသောသူကို ကိုယ်တော် အလိုရှိသလော။ (မဟုတ်ပါ။) ဤသို့ဆိုလျှင် မည်သို့သောလူစားကို ဘုရားသခင် အလိုရှိသနည်း။ လုံးဝ အောက်ခြေမလွတ်ဘဲ ဘုရားသခင်၏ အရည်အချင်းမီ ဖန်ဆင်းခံဖြစ်ရန်၊ ဖန်ဆင်းခံ၏တာဝန်ကို ကျေပွန်စွာထမ်းဆောင်သူ ဖြစ်ရန်နှင့် လူသားနေရာတွင် နေနိုင်ရန် ကြိုးစားသူကို ကိုယ်တော်အလိုရှိသည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားကို ရှာဖွေခြင်းနှင့် ဘုရားသခင်အပေါ် မှီခိုခြင်းအားဖြင့်သာ ဖောက်ပြန်သော စိတ်သဘောထားကို ဖြေရှင်းနိုင်၏”) ဘုရားနှုတ်ကပတ်တော်တွေကို ဆင်ခြင်သုံးသပ်ပြီး ဘုရားသခင်က မြင့်မြတ်တဲ့သူတွေ၊ အရမ်းအံ့သြဖို့ကောင်းတဲ့ အရည်အချင်းတွေကို မလိုအပ်ဘဲ ဘုရားသခင်ရဲ့ ဖန်ဆင်းခံတွေအနေနဲ့ သူတို့ရဲ့ တာဝန်တွေကို ထမ်းဆောင်နိုင်တဲ့ အသိတရားရှိတဲ့သူတွေကို လိုချင်တာဆိုတာကို ကျွန်မ သဘောပေါက်ခဲ့တယ်။ ဘုရားသခင်က ကျွန်မကို အရမ်းကောင်းတဲ့ အရည်အချင်းတွေ၊ ထိပ်တန်း ပညာရပ်ဆိုင်ရာ ကျွမ်းကျင်မှုတွေ ရှိဖို့ မလိုအပ်ပါဘူး။ ကျွန်မရဲ့ နေရာမှာ နေပြီး ကျွန်မတာဝန်ကို ထမ်းဆောင်ဖို့ အကောင်းဆုံး ကြိုးစားဖို့သာ သူ တောင်းဆိုတာပါ။ ဒါက ကျွန်မလုပ်နိုင်တဲ့ အရာတစ်ခုပါပဲ။ ဘုရားသခင်က လူတိုင်းကို မတူညီတဲ့ အစွမ်းအစနဲ့ မတူညီတဲ့ အရည်အချင်းတွေ ပေးတယ်။ ကျွန်မတို့က ကျွန်မတို့ရဲ့ အရည်အချင်းတွေကို အကောင်းဆုံး အသုံးချနိုင်သရွေ့ အချင်းချင်း ကူညီပြီး အတူတူလုပ်ဆောင်သရွေ့ ကျွန်မတို့ တာဝန်တွေကို ထမ်းဆောင်နိုင်ပြီး ဘုရားသခင်ကို ကျေနပ်စေမှာပါ။

ဒီ ဘုရားနှုတ်ကပတ်တော်တွေကိုလည်း ကျွန်မ ဖတ်ခဲ့ပါတယ်။ “ငါသည် လူတစ်ဦးစီ၏ ပန်းတိုင်ကို အသက်၊ ဝါ၊ ဒုက္ခခံရသည့်ပမာဏနှင့် အနည်းဆုံးအနေဖြင့် ၎င်းအပေါ် သနားစိတ်ပေါ်စေသည့် အတိုင်းအတာတို့ကို အခြေပြု၍ ဆုံးဖြတ်ခြင်း မဟုတ်ဘဲ၊ သမ္မာတရားကို ၎င်းတို့ ပိုင်ဆိုင်ခြင်း ရှိမရှိအပေါ်တွင် မူတည်၍ ဆုံးဖြတ်ခြင်းဖြစ်၏။ ဤအရာမှတစ်ပါး တခြားရွေးချယ်စရာ မရှိ။ ဘုရားသခင်၏ အလိုတော်ကို မလိုက်သူအားလုံး အပြစ်ပေးခြင်း ခံရမည်ကို သင်တို့ သဘောပေါက်ရမည်။ ဤသည်မှာ မပြောင်းလဲနိုင်သော အချက်ဖြစ်၏။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်၏ ပန်းတိုင်အတွက် လုံလောက်သော ကောင်းမှုများကို ပြင်ဆင်လော့”) ဘုရားသခင်က ဖြောင့်မတ်တဲ့ ဘုရားဖြစ်တယ်။ ဘယ်သူ့ကို ဘုရားသခင်က ချီးကျူးတယ်၊ လူတစ်ယောက်စီအတွက် ဘယ်လိုအဆုံးသတ်နဲ့ ပန်းတိုင်ကို ပြင်ဆင်တယ်ဆိုတာက သူတို့မှာ ဂုဏ်သိက္ခာ၊ နာမည်ကျော်ကြားမှု ရှိမရှိ၊ သူတို့ကို လူ ဘယ်လောက်က ပံ့ပိုးပြီး လက်ခံကြသလဲ၊ သူတို့က ဘာကို အသုံးချတယ်ဆိုတာတွေအပေါ်မှာ အခြေမခံပါဘူး။ အဲဒီအစား အားလုံးက သူတို့တွေ သမ္မာတရားကို လက်တွေ့လုပ်ဆောင်ခြင်းရှိမရှိ၊ ဘုရားသခင်ကို နာခံခြင်း ရှိမရှိ၊ ဘုရားသခင်ရဲ့ ဖန်ဆင်းခံတွေအနေနဲ့ သူတို့တာဝန်တွေကို ထမ်းဆောင်ခြင်းရှိမရှိဆိုတာတွေ အပေါ် အခြေခံပါတယ်။ ဥပမာ ဂိုဏ်းချုပ်ဆရာတော်ကြီးတွေ၊ ကျမ်းပြုဆရာနဲ့ ဖာရိရှဲတွေကို ကြည့်။ သူတို့မှာ ဂုဏ်အဆင့်အတန်းနဲ့ လွှမ်းမိုးမှုရှိတယ်။ လူအများစုက သူတို့ကို ကိုးကွယ်ပြီး နာခံကြတယ်။ ဒါပေမဲ့ သခင်ယေရှုက သူ့အလုပ်ကို လုပ်ဖို့ ကြွလာတဲ့အခါမှာ သူတို့က သမ္မာတရားကို မရှာဖွေဘူး။ ဘုရားသခင်ရဲ့ လုပ်ဆောင်ချက်ကို လုံးဝ လက်မခံဘူး။ သူတို့ရဲ့ ကိုယ်ပိုင် ဂုဏ်အဆင့်အတန်းနဲ့ ဝင်ငွေကို ကာကွယ်ဖို့အတွက် သခင်ယေရှုကို ကြမ်းကြမ်းတမ်းတမ်း ရှုတ်ချပြီး အာခံတာတောင် လုပ်ကြတယ်။ အဆုံးမှာ သခင်ယေရှုကို လက်ဝါးကပ်တိုင်မှာ သံနဲ့ရိုက်ပြီး ဘုရားသခင်ရဲ့ ကျိန်ဆဲမှုနဲ့ အပြစ်ဒဏ်ပေးမှုကို ခံခဲ့ကြရတယ်။ နောဧအကြောင်းကိုလည်း ကျွန်မ စဉ်းစားမိတယ်။ သူက ဘုရားသခင်ကို နားထောင်ပြီး သူ့ကို နာခံခဲ့တယ်။ သင်္ဘောကြီးဆောက်ဖို့အတွက် သူ ပိုင်ဆိုင်သမျှအရာတွေအားလုံးကို ရောင်းချပစ်ခဲ့တယ်။ အဲဒီအချိန်တုန်းက လူတိုင်းက သူ ရူးနေတယ်လို့ ထင်ကြတယ်။ ဒါပေမဲ့ သူက ဘုရားသခင်ကို နားထောင်ပြီး လိုက်နာတာကြောင့် ဘုရားသခင်ရဲ့ ချီးကျူးခြင်းကို သူရရှိပြီး ရေကြီးခြင်းကနေ လွတ်မြောက်ခဲ့တယ်။ ပြီးတော့ ကျမ်းစာမှာ ဆင်းရဲတဲ့ မုဆိုးမ တစ်ယောက်ရှိတယ်။ သူ ပေးခဲ့တဲ့ ဒင်္ဂါးနှစ်ပြားက လူတိုင်းအတွက် သိပ်များတဲ့ပုံစံရှိမှာမဟုတ်ဘူး။ ဒါပေမဲ့ ဘုရားသခင်က သူ့ကို ချီးကျူးခဲ့တယ်။ သူ့မှာရှိတဲ့ အရာတိုင်းကို ဘုရားသခင်ကို ပေးခဲ့တာကြောင့်ပါ။ ဒီ ပုံပြင်တွေကို စဉ်းစားဆင်ခြင်ကြည့်ပြီး ဘုရားသခင်ဟာ တကယ်ကို ဖြောင့်မတ်တယ်ဆိုတာ ကျွန်မ မြင်တွေ့ခဲ့ပါတယ်။ လူတွေရဲ့ ရိုးသားစစ်မှန်မှုကို ဘုရားသခင် တန်ဖိုးထားတယ်။ ဘုရားနှုတ်ကပတ်တော်ကို နားထောင်ခြင်းအားဖြင့်၊ ဘုရားသခင်ကို နာခံခြင်းအားဖြင့် ဘုရားသခင်ရဲ့ နှုတ်ကပတ်တော်တွေကို လက်တွေ့လုပ်ဆောင်ခြင်းအားဖြင့်၊ ဘုရားသခင်ရဲ့ ဖန်ဆင်းခံတစ်ယောက်အနေနဲ့ ကိုယ့်တာဝန်ကို ထမ်းဆောင်ခြင်းအားဖြင့်သာ အဓိပ္ပာယ်ရှိတဲ့ အသက်တာကို ရှင်သန်နိုင်မှာ ဖြစ်ပါတယ်။ သူများတွေ ချီးမွမ်းတာခံရဖို့ ကြိုးပမ်းတာဟာ ကျွန်မတို့ကို မကောင်းတာတွေ လုပ်မိစေတယ်။ ဘုရားသခင်ကို အာခံပြီး သူ့ရဲ့ အပြစ်ဒဏ်ပေးမှုကို ခံရစေပါတယ်။ ဘုရားသခင်က ကျွန်မကို အဲဒီပတ်ဝန်းကျင်မှာ တာဝန်ကို ထမ်းဆောင်ဖို့ စီစဉ်ပေးတာဟာ ကျွန်မကို ဒုက္ခခံစေချင်လို့၊ အရှက်ရစေချင်လို့ မဟုတ်ဘဲ ကျွန်မအတွက် အစီအစဉ်တစ်ခုရှိလို့ဆိုတာ ကျွန်မ နားလည်သဘောပေါက်ခဲ့ပါတယ်။ ကျွန်မက ဂုဏ်အဆင့်အတန်းကို စွဲလမ်းလွန်းနေတာပါ။ အဲဒါကြောင့် ကျွန်မ ကိုယ့်ကိုယ်ကိုယ် တကယ်သိဖို့၊ ဂုဏ်သိက္ခာနဲ့ အဆင့်အတန်းရဲ့ အချည်အနှောင်တွေကို ဖယ်ရှားပြီး ဘုရားရှေ့မှာ လွတ်လပ်ပြီး ချုပ်ချယ်မှုကင်းတဲ့ ဘဝကို ရှင်သန်ဖို့အတွက် ဖော်ထုတ်ခံရပြီး စစ်ဆေးခံရခြင်းကို ကြုံတွေ့ခဲ့ရပါတယ်။ ဒါဟာ ကျွန်မကို ပြောင်းလဲပြီး သန့်စင်ဖို့အတွက် ဘုရားသခင်အတွက် အကောင်းဆုံး နည်းလမ်းပါပဲ။ ဒါဟာ ဘုရားသခင်ရဲ့ ချစ်ခြင်းနဲ့ ကယ်တင်ခြင်းပါ။ အဲဒီနောက်မှာ ကျွန်မ ဂုဏ်သိက္ခာနဲ့ အဆင့်အတန်းအတွက် အသက်မရှင်ချင်တော့ပါဘူး။ ကျွန်မကို ဘာတာဝန်ပဲ ချပေးပါစေ၊ သူများတွေရဲ့ အမြင်မှာ ဘယ်လောက်ပဲ နိမ့်ကျပါစေ ကျွန်မတို့ တာဝန်တွေကို ထမ်းဆောင်ဖို့အတွက် ညီအစ်ကို မောင်နှမတွေနဲ့အတူလုပ်ပြီး နာခံဖို့ ဆန္ဒရှိခဲ့ပါတယ်။

နောက်ပိုင်းမှာ ကျွန်မ အဖွဲ့က အသင်းတော်အရေးကိစ္စတွေအတွက် အပြင်သွားဖို့ လူနည်းနည်း လိုတယ်။ အဲဒါကို ကျွန်မ ကြားတော့ ကျွန်မအတွင်းထဲမှာ ဆန္ဒက နောက်တစ်ခါ ပြည့်လာပြန်တယ်။ နောက်ဆုံးတော့ ကိုယ့်ကိုယ်ကိုယ် ပြဖို့ အခွင့်အလမ်းရတော့မယ်လို့ ကျွန်မ ထင်ခဲ့တယ်။ ညီအစ်ကို မောင်နှမတွေက ဘယ်သူသွားရမလဲဆိုပြီး ဆုံးဖြတ်နေတုန်းမှာ ကျွန်မကို ရွေးဖို့ မျှော်လင့်နေခဲ့တယ်။ ဒါပေမဲ့ နောက်ဆုံးတော့ အစ်မလျူနဲ့ အစ်မကျန်းကိုပဲ ပို့ဖို့ ဆုံးဖြတ်ခဲ့ကြတယ်။ ကျွန်မ နည်းနည်း စိတ်ပျက်သွားတယ်။ ကျွန်မ အောင်မြင်တဲ့အချိန် ဘယ်တော့မှ ရှိလာမယ့်ပုံမပေါ်ခဲ့ဘူး။ ကျွန်မက နောက်တစ်ခါ ကျော်ကြားမှုအတွက် ယှဉ်ပြိုင်နေတယ်ဆိုတာ သတိပြုမိလိုက်တယ်။ အဲဒါနဲ့ ဘုရားသခင်ဆီကို ကျွန်မ ဆုတောင်းခဲ့ပြီး ကျွန်မရဲ့ မှားယွင်းတဲ့ ရည်ရွယ်ချက်တွေကို စွန့်လွှတ်လိုက်ပါတယ်။ ကျွန်မက ဒီအချိန်ကာလတစ်လျှောက်လုံးမှာ ကိုယ့်အလုပ်မှာ အာရုံမစိုက်ဘဲ ဒီ တန်ဖိုးရှိတဲ့အချိန်တွေအားလုံးနဲ့ စွမ်းအင်တွေကို ဂုဏ်အဆင့်အတန်းအတွက် ယှဉ်ပြိုင်ရင်းနဲ့ ဖြုန်းတီးခဲ့ပြီး ကျွန်မတာဝန်တွေကို နည်းနည်းလေးမှ မထမ်းဆောင်ခဲ့တာတွေကို ကျွန်မ တွေးမိတယ်။ နေ့တိုင်း ဂုဏ်အဆင့်အတန်းအတွက် ကျွန်မ ယှဉ်ပြိုင်ခဲ့ပြီး တကယ်ကို ဆိုးဝါးတဲ့ ခံစားချက်ပါပဲ။ ကျွန်မ စာတန်ရဲ့ လှည့်စားတာကို ခံရသလို ခံစားမိတယ်။ အဆင့်အတန်းနဲ့ ဂုဏ်သိက္ခာက လူတွေကို တကယ်ပဲ ထိခိုက်စေပါတယ်။ တကယ်တမ်းတော့ ကျွန်မတို့အဖွဲ့က ညီအစ်ကို မောင်နှမတွေအားလုံးက မတူညီတဲ့ ကျွမ်းကျင်မှုနဲ့ အရည်အချင်းတွေ ရှိကြတယ်။ ဘုရားသခင်က တစ်ယောက်ချင်းစီတိုင်းကို ကျွန်မတို့ရဲ့ ကျွမ်းကျင်မှုတွေကို အသုံးပြုဖို့၊ အချင်းချင်းဆီကနေ သင်ယူပြီး ဖြည့်ဆည်းပေးဖို့၊ ကျွန်မတို့ တာဝန်တွေကို ထမ်းဆောင်ဖို့ အတူတကွ ကောင်းကောင်းလုပ်ဆောင်ဖို့ ဆန္ဒရှိတာကြောင့် ကျွန်မတို့တွေ အတူတူလုပ်ဖို့ ဘုရားသခင်က စီစဉ်ခဲ့တာပါ။ ဘုရားသခင်က ရှေးကတည်းက ကျွန်မရဲ့ အရည်အချင်းနဲ့ ဝိညာဉ်ရင့်ကျက်မှုကို ဆုံးဖြတ်ခဲ့ပါတယ်။ အဖွဲ့မှာ ဘယ်ကဏ္ဍကို ကျွန်မ လုပ်ဆောင်ပြီး ဘယ်တာဝန်ကို ကျွန်မ ထမ်းဆောင်ရမယ်ဆိုတာကိုလည်း ဘုရားသခင်က ကြိုတင်သတ်မှတ်ပြီးဖြစ်ပါတယ်။ ဒါကြောင့် ကျွန်မ ရောက်နေတဲ့နေရာမှာ ပျော်ရွှင်သင့်ပြီး ကျွန်မ တာဝန်ကို ထမ်းဆောင်ဖို့ အကောင်းဆုံး ကြိုးစားသင့်တယ်။ ဘုရားသခင်ကို နာခံနိုင်တဲ့ အသိတရားရှိတဲ့သူတစ်ယောက် ဖြစ်သင့်တယ်။ ဒါကို သဘောပေါက်ပြီးတဲ့နောက်မှာ ကျွန်မ ပိုပြီး ပေါ့ပါးသလို ခံစားခဲ့ရတယ်။ အစ်မနှစ်ယောက်က သူတို့တာဝန်အတွက် အပြင်ထွက်တဲ့အခါတိုင်းမှာ ကျွန်မ သူတို့အတွက် ဆုတောင်းပြီး တခြားအစ်မတွေက သူတို့တာဝန်တွေကို ထမ်းဆောင်တဲ့နေရာမှာ အာရုံစိုက်နိုင်ဖို့အတွက် အလှည့်ကျအလုပ်တွေအားလုံးပြီးဖို့ ကျွန်မ အကောင်းဆုံး ကြိုးစားတယ်။ ညီအစ်ကို မောင်နှမတွေက အလုပ်ရှိနေပေမဲ့ အသက်ဝင်ရောက်မှုအတွက်လည်း အချိန်ရဖို့အတွက် သူတို့ရဲ့ ဝိညာဉ်ရေးဆိုင်ရာ ရှိခိုးဝတ်ပြုခြင်းတွေကိုလည်း တက်ရောက်ဖို့ ကျွန်မ သူတို့ကို တိုက်တွန်းခဲ့တယ်။ အကြောင်းကိစ္စတွေကို ကျွန်မ စပြီး အာရုံစူးစိုက် လုပ်တဲ့အခါမှာ ကျွန်မ ပိုပြီး စိတ်တည်ငြိမ်မှုရှိပြီး ငြိမ်းချမ်းသလို ခံစားခဲ့ရပါတယ်။ ဘုရားသခင်နဲ့ ကျွန်မ ပိုနီးစပ်လာသလို ခံစားရပြီး ညီအစ်ကို မောင်နှမတွေနဲ့ ကျွန်မရဲ့ ဆက်ဆံရေးကလည်း ပုံမှန်ဖြစ်လာတယ်။ ဂုဏ်သိက္ခာနဲ့ အဆင့်အတန်းအပေါ် အရမ်းအလေးမထားတော့ဘဲ ပိုပြီးတော့ ပွင့်လင်းလာတယ်။ ကျွန်မ စိတ်နှလုံးထဲမှာ ဒီ ပြောင်းလဲမှုလေးအတွက် ဘုရားသခင်အပေါ် ကျေးဇူးတင်ခြင်းတွေနဲ့ ပြည့်နေခဲ့တယ်။ ကျွန်မရဲ့ စိတ်နှလုံးကို နိုးထစေတာ၊ ဂုဏ်အဆင့်အတန်းကို ရှာဖွေခြင်းရဲ့ အနှစ်သာရမဲ့မှုနဲ့ ဒုက္ခကို ပြသခဲ့တာ၊ ဘုရားသခင်ကို ယုံကြည်ခြင်းအားဖြင့်၊ သမ္မာတရားကို လိုက်စားပြီး ဖန်ဆင်းခံတစ်ယောက်ရဲ့ တာဝန်ကို ထမ်းဆောင်ခြင်းအားဖြင့်သာ အဓိပ္ပာယ်ရှိတဲ့ အသက်တာကို ကျွန်မတို့ ရှင်သန်နိုင်တယ်ဆိုတာတွေကို နားလည်အောင် ကူညီပေးခဲ့တာက ဘုရားနှုတ်ကပတ်တော်ရဲ့ တရားစီရင်ခြင်းနဲ့ ပြစ်တင်ဆုံးမခြင်းပါ။

အရှေ့သို့- ၃၆။ ကြွယ်ဝချမ်းသာမှုနှင့် အောင်မြင်ကျော်ကြားမှုတို့မှလွတ်မြောက်ခြင်း

နောက်တစ်ခုသို့- ၃၈။ ဂုဏ်အဆင့်အတန်းမှ လွတ်မြောက်မှုကို ရှာဖွေခြင်း

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

၆၇။ လူသား၏ ပုံစံအတိုင်း အနည်းငယ် အသက်ရှင်နေထိုင်ခြင်းသည် ဧကန်အမှန် အလွန်ကောင်း၏

ကနေဒါနိုင်ငံ၊ ထားရှီအနန္တတန်ခိုးရှင် ဘုရားသခင် ပြောသည်မှာ- “သူ၏ အနှစ်ခြောက်ထောင် စီမံခန့်ခွဲမှု အစီအစဉ် အဆုံးမသတ်မီ- လူ အတန်းအစား အသီးသီး၏...

၂၁။ လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

ပြင်သစ်၊ ရှီးယွမ်လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး...

၆၄။ မာနထောင်လွှားခြင်းသည် ကျရှုံးခြင်းမတိုင်မီ လာ၏

တရုတ်နိုင်ငံ ကွမ်ရှီး ဒေသ၊ ရှင်းကျယ်အနန္တတန်ခိုးရှင် ဘုရားသခင် ပြောသည်မှာ- “မာနထောင်လွှားခြင်းသည် လူသား၏ ဖောက်ပြန်ပျက်စီးသော စိတ်သဘောထား၏...

၃၆။ ကြွယ်ဝချမ်းသာမှုနှင့် အောင်မြင်ကျော်ကြားမှုတို့မှလွတ်မြောက်ခြင်း

တရုတ်နိုင်ငံ ရှန်းတုန်း စီရင်စု၊ ရှောင်မင်ဘုရားသခင်၏ နှုတ်ကပတ်တော်၌ ပြောထားသည်- “လူတို့သည် ကျော်ကြားမှုနှင့် အမြတ်အစွန်းအတွက်သာ...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်