၃၆။ ကြွယ်ဝချမ်းသာမှုနှင့် အောင်မြင်ကျော်ကြားမှုတို့မှလွတ်မြောက်ခြင်း

တရုတ်နိုင်ငံ ရှန်းတုန်း စီရင်စု၊ ရှောင်မင်

ဘုရားသခင်၏ နှုတ်ကပတ်တော်၌ ပြောထားသည်- “လူတို့သည် ကျော်ကြားမှုနှင့် အမြတ်အစွန်းအတွက်သာ စဉ်းစားတတ်တော့သည် အထိဖြစ်အောင်၊ ၎င်းတို့၏ အတွေးများကို ထိန်းချုပ်ရန်အတွက် စာတန်သည် ကျော်ကြားမှုနှင့် အမြတ်အစွန်းကို အသုံးပြု၏။ ၎င်းတို့သည် ကျော်ကြားမှုနှင့် အမြတ်အစွန်းအတွက် ရုန်းကန်လှုပ်ရှား ကြ၏၊ ကျော်ကြားမှုနှင့် အမြတ်အစွန်းအတွက် အခက်အခဲများကို ခံကြ၏၊ ကျော်ကြားမှုနှင့် အမြတ်အစွန်း အတွက် အရှက်ရခြင်းများကို ကြံ့ကြံ့ခံကြ၏၊ ကျော်ကြားမှု နှင့် အမြတ်အစွန်း အတွက် ၎င်းတို့တွင် ရှိသမျှအရာတိုင်းကို စွန့်လွှတ်ကြသကဲ့သို့၊ ကျော်ကြားမှုနှင့် အမြတ်အစွန်းတို့အတွက် မည်သို့သော အကဲဖြတ်မှု၊ ဆုံးဖြတ်မှုကိုမဆို ၎င်းတို့က ပြုလုပ်ကြလိမ့်မည်။ ဤနည်းလမ်းဖြင့် စာတန်သည် လူတို့အား မမြင်နိုင်သော အချုပ်အနှောင်တို့နှင့် ချည်နှောင်ပြီး လူတို့သည် ၎င်းတို့ကို တွန်းလှန်ရန် အင်အားမရှိသလို သတ္တိလည်းမရှိကြပေ။ ၎င်းတို့သည် ဤအချုပ်အနှောင်တို့အား အမှုမဲ့အမှတ်မဲ့ သယ်ဆောင်ကြပြီး ကြီးစွာသော အခက်အခဲဖြင့် ရှေ့သို့ဆက်ကာသာ ရုန်းကြရ၏။ ဤကျော်ကြားမှုနှင့် အမြတ်အစွန်း အတွက် အလို့ငှာ၊ လူသားမျိုးနွယ်သည် ဘုရားသခင်ကို ရှောင်ကြဉ်၍၊ ကိုယ်တော်အား သစ္စာဖောက်ပြီး၊ တိုး၍ ဆိုးယုတ် လာကြသည်။ ထို့ကြောင့် ဤနည်းဖြင့် မျိုးဆက်တစ်ခုပြီး တစ်ခုသည် စာတန်၏ ကျော်ကြားခြင်းနှင့် အမြတ်အစွန်း အကြားတွင် ဖျက်ဆီးခံကြရ၏။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတုမရှိ ဘုရားသခင်ကိုယ်တော်တိုင် (၆)”)

လွန်ခဲ့တဲ့တစ်နှစ်က ကျွန်မ အသင်းတော်ခေါင်းဆောင်အဖြစ် အရွေးခံရတယ်။ ဒီတာဝန်ဟာ ဘုရားသခင်ရဲ့ ကရုဏာနဲ့ ချီးမြှောက်မှုပဲဆိုတာ ကျွန်မသိခဲ့တယ်။ အမှန်တရားကို လေးလေးနက်နက် ရှာဖွေပြီးတော့ ကျွန်မရဲ့တာဝန်ကို ကျေပွန်အောင်လုပ်ဆောင်ဖို့လည်း စိတ်ထဲမှာဆုံးဖြတ်ထားခဲ့တယ်။ အဲဒီနောက်မှာတော့ အသင်းတော်အလုပ်တွေနဲ့ ကျွန်မအလုပ်များနေခဲ့တယ်။ အခက်အခဲတွေကြုံလာရင် ဘုရားသခင်ကိုပဲ အားကိုးပြီး မျှော်လင့်ခဲ့တယ်။ လုပ်ဖော်ကိုင်ဖက်တွေနဲ့ တိုင်ပင်ပြီးတော့လည်း ဒီအခက်အခဲတွေကိုဖြေရှင်းဖို့ သမ္မာတရားကိုရှာဖွေခဲ့ပါတယ်။ အချိန်နည်းနည်းကြာတော့ အသင်းတော်ရဲ့အလုပ်တွေအကုန်လုံးက ခရီးစတွင်လာခဲ့တယ်။ ဘုရားသခင်ရဲ့လမ်းညွှန်မှုအတွက် ကျေးဇူးတင်ပါတယ်။ မကြာခင်မှာပဲ နောက်ထပ် အသင်းတော်ခေါင်းဆောင်ခန့်ဖို့ ရွေးချယ်ပွဲ လုပ်ခဲ့တယ်။ လွန်ခဲ့တဲ့ သုံးနှစ် လေးနှစ်က ကျွန်မနဲ့အတူတူ တာဝန်ထမ်းဆောင်ခဲ့ဖူးတဲ့ အစ်မရှားက မထင်မှတ်ဘဲ အရွေးခံရတယ်။ အစ်မရှားက ခေါင်းဆောင်အသစ်ဖြစ်ပြီးတော့ သူ့ရဲ့ဘဝအတွေ့အကြုံက နည်းနည်းလေးနက်မှုမရှိဘူး။ အရင်ကကျွန်မတို့အတူတူအလုပ်လုပ်ခဲ့တုန်းက သူကြုံရတဲ့ အခက်အခဲနဲ့ ပြဿနာတချို့ကို ကူပြီးဖြေရှင်းပေးခဲ့ရတယ်။ အခုတခေါက် အတူတူအလုပ်လုပ်ကြရင်တော့ ကျွန်မသူ့ထက်ပိုပြီးလုပ်နိုင်မယ်လို့ခံစားခဲ့မိတယ်။

ကျွန်မအိမ်ပြန်ရောက်တော့ အစ်မရှားက ကျန်းရှီအသင်းတော်က အဖွဲ့ခေါင်းဆောင်က လက်တွေ့အလုပ်တွေမလုပ်နိုင်လို့ အစားထိုးရမယ်လို့ပြောထားတဲ့ စာတစ်စောင်တွေ့ခဲ့တယ်။ နောက်ပြီးအဲဒီမှာ ချက်ချင်းဖြေရှင်းဖို့လိုတဲ့ လက်တွေ့ပြဿနာတချို့လည်းရှိတယ် တဲ့။ သူကကျွန်မကိုသွားကူစေချင်တာ။ အဲဒီအကြောင်းကိုစဉ်းစားကြည့်တော့ ကျွန်မကသူ့ထက်ပိုလုပ်နိုင်မယ်လို့ သူတကယ်ထင်ပုံရတယ်။ သူကကျွန်မကိုအရမ်းအားကိုးမှတော့ ကျွန်မလည်း အရှက်မကွဲအောင် အလုပ်ကိုသေချာလုပ်ပြဖို့လိုအပ်ခဲ့တယ်။ အဲဒီအကြောင်းကို တွေးမိလေ ပျော်လေပဲ တွေ့ဆုံပွဲကိုရောက်တော့ အစ်မရှားက အလုပ်ကိုသေချာအတိအကျနားလည်တာကို ကျွန်မတွေ့ခဲ့ရပြီးတော့ သူ့ရဲ့အမှန်တရားအပေါ်မှာ မိတ်သဟာယဖွဲ့ခြင်းကလည်း သူ့အဆင့်နဲ့သူရှိပြီး လက်တွေ့ကျတယ်။ လွန်ခဲ့တဲ့ သုံးနှစ် လေးနှစ်အတွင်းမှာ သူဒီလောက်တိုးတက်လာတာ အံ့ဩဖို့ကောင်းတယ်။ ကျွန်မကသူ့ထက်ပိုလုပ်နိုင်ပြီးတော့ သူ့ကိုအများကြီးကူပေးရမယ်လို့ထင်ထားတာ ဒါပေမဲ့ အခုသူလည်းကျွန်မနဲ့တန်းတူ လုပ်ကိုင်နိုင်စွမ်းရှိတဲ့ပုံပါပဲ ကျွန်မတော်တော်လေး စိတ်အနှောင့်အယှက်ဖြစ်သွားတယ်။ ပြီးတော့ သူကဦးဆောင်မယ့်ပုံစံဖြစ်နေခဲ့တယ်။ အဲဒီတော့ကျွန်မအရည်အချင်းကိုအားလုံးကိုပြရမယ်လို့ခံစားခဲ့ရတယ်။ ကျွန်မအနေနဲ့ ကြိုးစားအားထုတ်မှုကို နည်းနည်းမှမလျှော့ခဲ့ဘူး။ ဒါပေမဲ့ ကျွန်မရဲ့မိတ်သဟာယဖွဲ့တာကို သူ့ထက်ပိုကောင်းအောင်ဘယ်လိုလုပ်ရမလဲဆိုတာကို ဦးနှောက်ခြောက်နေခဲ့တယ်။ ရလဒ်အနေနဲ့ကတော့ ကျွန်မရဲ့မိတ်သဟာယဖွဲ့တာက အရမ်းပျင်းဖို့ကောင်းသွားပြီး ကျွန်မကိုယ်တိုင်တောင် စိတ်ကျေနပ်မှုမရခဲ့ဘူး။ ကျွန်မသိက္ခာကျတယ်။လို့ ခံစားခဲ့ရပြီး စိတ်ညစ်ခဲ့ရတယ်။

အဲဒီအချိန်ကစပြီးတော့ ကျွန်မအစ်မရှားနဲ့ လိုက်ပြိုင်နေတော့တာပဲ တစ်ခါကတွေ့ဆုံပွဲတစ်ခုမှာ ညီအစ်ကို မောင်နှမတွေရဲ့ အခြေအနေတွေကိုသူကသိတော့ ဘုရားသခင်ရဲ့နှုတ်ကပတ်တော်တွေထဲက သင့်တော်တာတွေကို သူ့ရဲ့တကယ့်အတွေ့အကြုံနဲ့တွဲပြီးတော့ မိတ်သဟာယမှာပြောသွားတယ်။ အားလုံးကခေါင်းတညိတ်ညိတ်နဲ့ နားထောင်နေကြတယ်။ တချို့ကလိုက်တောင်မှတ်နေတယ်။ တချို့က “အခုကစပြီးတော့ ငါတို့သွားရမယ့်လမ်းကြောင်းရှိသွားပြီ” လို့ပြောကြတယ်။ ကျွန်မလေးစားမိသလို အားလည်းကျမိတယ်။ အဲဒီတော့ကျွန်မဘာတွေးလဲ “အခုငါလည်းမြန်မြန်လုပ်ပြီး မိတ်သယာယမျှဝေရမယ် ဘယ်လိုနည်းနဲ့မှ ငါကသူ့ကိုမမီဘူးဆိုတာမျိုးအဖြစ်မခံနိုင်ဘူး။” ဒါပေမဲ့အဲဒါကိုတွေးမိလေလေ မိတ်သဟာယအတွက်ဘာမှမစဉ်းစားနိုင်လေဖြစ်လာတယ်။ ကျွန်မ အစ်မရှားအပေါ်မှာ မလိုမုန်းထားစိတ်တွေဖြစ်လာပြီးတော့ စဉ်းစားတယ်။ “နင်က အဲဒီလောက် မိတ်သဟာယဖွဲ့စရာ လိုလို့လား။ ပြောစရာရှိတာ အကုန်ပြောပြီးနေပြီ။ ငါဒီမှာငူငူငေါင်ငေါင်နဲ့ထိုင်နေပြီးတော့ အလှဆင်ရုံကလွဲပြီးဘာမှလည်းမလုပ်ဖြစ်ဘူး။ မဖြစ်ဘူး။ ငါ့သိက္ခာဆယ်ဖို့ မိတ်သယာယဖွဲ့ပြီး နည်နည်းတော့မျှဝေရမယ်” ပေါ့။ သူရေသောက်ဖို့နားတဲ့အချိန်မှာပဲ ကျွန်မထိုင်ခုံကိုအရှေ့ကိုရွှေ့ပြီးတော့ မိတ်သဟာယစဖွဲ့ခဲ့တယ်။ တကယ်ကောင်းတဲ့ဟာတခုခုကို မျှဝေချင်ခဲ့တယ်။ ဒါပေမဲ့ မျှော်လင့်သလောက်မရခဲ့ဘူး။ ကျွန်မ မိတ်သဟာယဖွဲ့တာက ဗျောက်သောက်ဖြစ်နေတယ်။ ညီအစ်ကို မောင်နှမတွေက ကျွန်မကို ဟာသ လိုကြည့်ကြတဲ့အခါကျတော့မှ ကျွန်မအကြောင်းအရာလုံးဝလွဲနေပြီဆိုတာ သတိထားမိခဲ့တယ်။ တော်တော်လေး စိတ်မသက်မသာဖြစ်ပြီးတော့ ကျင်းတစ်ခုထဲဝင်ပုန်းချင်ခဲ့မိတယ်။ ကိုယ့်ကိုယ့်ကိုယ်အရှက်ရအောင်လုပ်မိသွားတယ်။ ကျွန်မကိုအထင်ကြီးစေချင်တာ ဒါပေမဲ့ ကြောင်တောင်တောင်ဖြစ်သွားတယ်။ ကျွန်မအစွမ်းပြဖို့ကြိုးစားခဲ့ပေမယ့် ကျရှုံးတာကိုအားလုံးတွေ့သွားခဲ့တယ်။ ရင်ထဲမှာတော့ အစ်မကို အလင်းပြပြီး ကျွန်မကိုမပြခဲ့တဲ့အတွက် ဘုရားသခင်ကိုအပြစ်တင်နေမိတယ်။ နောက်ပြီး အခြားညီအစ်ကိုမောင်နှမတွေကရော ကျွန်မကိုအခုကစပြီးတော့ ဘယ်လိုမြင်သွားမလဲဆိုတာကို စိုးရိမ်နေမိတယ်။ အဲဒါကိုတွေးမိလေလေ ကျွန်မပိုပြီးစိတ်ပျက်မိလေလေပဲ။ အဲဒီအခြေအနေကနေ ထွက်ပြေးပြီးတော့ သူနဲ့ဆက်ပြီးအလုပ်မလုပ်ချင်တော့ဘူး။ ကျွန်မ မှတ်မိသေးတယ်။ တွေ့ဆုံပွဲတစ်ခုမှာတုန်းက ညီအစ်မနှစ်ယောက်က သိပ်အဆင်မပြေဘူး။ အစ်မရှားရဲ့ မိတ်သဟာယပြီးတော့လည်း ဘာမှတိုးတက်မလာဘူး။ ကျွန်မကမိတ်သဟာယဖွဲ့တာကို မကူညီခဲ့ရုံတင်မကပဲ “အခုအားလုံးကသူပြဿနာတွေကို မဖြေရှင်းနိုင်ဘူးဆိုတာတွေ့လိမ့်မယ် ဆိုပြီးတွေးနေမိတယ်။ အဲဒါဆို ကျွန်မကို အထင်သေးပြီး သူ့ကို အထင်ကြီးတာမျိုး မဖြစ်တော့ဘူး။” ပေါ့။ အဲဒီအချိန်ကာလက ကျွန်မ အစ်မရှားနဲ့တောက်လျှောက်လိုက်ပြိုင်နေခဲ့မိတယ်။ ပြီးတော့ကျွန်မရဲ့ စိတ်ဓာတ်တွေကလည်း ပျက်ပြားလာခဲ့တယ်။ မိတ်သဟာယဖွဲ့နေတုန်းမှလည်း ဘာအလင်းမှမရခဲ့ဘူး။ ညီအစ်ကို မောင်နှမတွေမှာ အခက်အခဲတို့ ပြဿနာတို့ကြုံနေရချိန်မှာလည်း ကျွန်မသူတို့ကို ဘယ်လိုဖြေရှင်းပေးရမှန်းမသိခဲ့ဘူး။ ကျွန်မညတိုင်းအစောကြီးအိပ်ပျော်သွားတယ်။ ပြီးတော့ ကျွန်မတာဝန်ကျေဖို့ ကိုယ့်ကိုယ်ကိုယ်တွန်းအားပေးနေခဲ့ရတယ်။ ကျွန်မရဲ့စိတ်ဒုက္ခကပိုကြီးလာခဲ့တယ်။ ကျွန်မကိုကယ်တင်ဖို့ ဘုရားသခင်ဆီဆုတောင်းရုံကလွဲပြီး ဘာမှမတတ်နိုင်ခဲ့ဘူး။

တစ်ရက်မှာတော့ ဘုရားသခင် နှုတ်ကပတ်တော်က ဒီစာပိုဒ်ကိုဖတ်ပြီးတော့ ကျွန်မဝတ်ပြုဆုတောင်းခဲ့တယ်။ “ရာထူး မျက်နှာ သို့မဟုတ် နာမည်ဂုဏ်သတင်းတို့ကို့ ထိုအရာက ပတ်သက်မိသည်နှင့်တပြိုင်နက်၊ လူတိုင်း၏ စိတ်နှလုံးများက မျှော်လင့်စောင့်စားချက်ဖြင့် ခုန်တက်သွားကြပြီး သင်တို့အသီးသီးက ထင်ပေါ်ချင်ကြသည်၊ ကျော်ကြားချင်ကြပြီး အသိအမှတ်ပြုခံချင်ကြသည်။ လူတိုင်းက အလျှော့ပေးရန် မလိုလားကြ၊ ယင်းအစား ယှဉ်ပြိုင်ခြင်းက စိတ်ကသိကအောက်ဖြစ်စေကာ ဘုရားအိမ်တော်ထဲတွင် ခွင့်မပြုထားသော်လည်း အမြဲ ဖက်ပြိုင်ချင်ကြသည်။ သို့သော်၊ ယှဉ်ပြိုင်မှုမရှိဘဲ သင်တို့သည် မရောင့်ရဲနိုင်ကြသေး။ တစ်စုံတစ်ဦးက ထင်ပေါ်သည်ကို သင်မြင်သည့်အခါ၊ မနာလိုဝန်တိုမှုကို သင်ခံစားရသည်၊ မုန်းတီးမှုကို ခံစားရပြီး ယင်းမှာ မျှတခြင်းမရှိဟု သင်ခံစားရသည်။ ‘ဘာကြောင့် ငါ မထင်ပေါ်နိုင်ရတာလဲ။ အဲဒီလူက ဘာလို့ အမြဲ ထင်ပေါ်ရတဲ့သူဖြစ်ရပြီး ငါ့အလှည့် ဘယ်တော့မှ မရောက်ရတာလဲ။’ ထို့နောက် သင်သည် မကျေမချမ်းမှုအနည်းငယ် ခံစားရ၏။ ယင်းကို သင် ချုပ်တည်းရန် ကြိုးစားသော်လည်း သင် မတတ်နိုင်။ ဘုရားသခင်ထံ သင် ဆုတောင်းပြီး တစ်ခဏမျှ သင် သက်သာသလို ခံစားရသော်လည်း နောက်ပိုင်းတွင်၊ ဤကဲ့သို့သော ကိစ္စရပ်မျိုးကို တစ်ဖန် သင် ကြုံရသည်နှင့်တစ်ပြိုင်နက် ယင်းကို သင် မကျော်လွှားနိုင်ပေ။ ဤအရာက ရင့်ကျက်မှုမရှိသည့် ဝိညာဉ်အသက်တာ အခြေအနေကို ပြသသည် မဟုတ်လော။ ထိုသို့သော အခြေအနေတွေထဲ လူတစ်ဦး ကျဆင်းရခြင်းသည် ထောင်ချောက် တစ်ခုမဟုတ်လော။ ဤသည်တို့မှာ လူသားများကို ချည်နှောင်သော စာတန်၏ ဖောက်ပြန်ပျက်စီးသည့် သဘာဝ၏ အချုပ်အနှောင်များ ဖြစ်ကြသည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏စစ်မှန်သော စိတ်နှလုံးကို ဘုရားသခင်ထံ ပေးပြီး သမ္မာတရားကို သင် ရရှိနိုင်သည်” မှ) ဘုရားသခင်ရဲ့နှုတ်ကပတ်တော်တွေက ကျွန်မရဲ့အခြေအနေကို လုံးဝဖော်ပြလိုက်ပြီးတော့ ရင်ထဲကိုတန်းရောက်သွားတယ်။ ငါဘာလို့များ အဲဒီလို စိတ်ပင်ပန်းပြီး ခက်ခဲတဲ့ပုံစံနဲ့နေနေတာလဲ ပြန်တွေးမိလာတယ်။ အဲဒါရဲ့အရင်းအမြစ်ကတော့ ကျွန်မရဲ့ကျော်ကြားမှုနဲ့ အဆင့်အတန်းတစ်ခုကိုလိုချင်တဲ့စိတ်ပဲ ပြီးတော့ကျွန်မရဲ့စိတ်သဘောထားကလည်း မာနကြီးလွန်းနေခဲ့တယ်။ ကျွန်မဒီတာဝန်ကိုစထမ်းဆောင်တဲ့အချိန်ကိုပြန်တွေးမိတယ်။ အလုပ်တွေပြီးမြောက်လို့ ညီအစ်ကိုမောင်နှမတွေက ကျွန်မကိုအထင်ကြီးကြတဲ့အခါ ကိုယ့်ကိုယ်ကိုယ်ကျေနပ်ပြီးတော့ အရည်အချင်းရှိတယ်လို့တွေးမိတယ်။ အစ်မရှားနဲ့အလုပ်လုပ်ပြီးတော့ သူကကျွန်မထက်ပိုတော်နေတာကိုတွေ့တော့ ကျွန်မ မနာလိုဖြစ်တယ်။ လက်မခံနိုင်ဘူး။ ပြီးတော့သူနဲ့တောက်လျှောက်လိုက်ပြိုင်နေခဲ့မိတယ်။ သူ့ထက်မသာနိုင်တဲ့အခါကျတော့ ကျွန်မစိတ်ဓာတ်တွေပျက်ပြားလာပြီး မကျေမနပ်ဖြစ်တယ်။ တာဝန်တွေအပေါ်မှာပါ သွားပုံချမိတယ်။ အဲဒီ ညီအစ်မတွေရဲ့အခြေအနေကို သူမဖြေရှင်းပေးနိုင်တာကိုတွေ့တော့ ကျွန်မ မိတ်သဟာယဖွဲ့တာကို မကူညီခဲ့ရုံတင်မကပဲ ဘာကိုမှဝင်မကူခဲ့တဲ့အပြင် သူ့ကျရှုံးတာကိုပျော်နေခဲ့မိတယ်။ သူ့ကိုအရှက်ရစေချင်နေခဲ့တာ အဲဒါကကျွန်မရဲ့တာဝန်ကိုထမ်းဆောင်တာဟုတ်ရဲ့လား။ အသင်းတော်ရဲ့ခေါင်းဆောင်တစ်ယောက်အနေနဲ့ ကျွန်မလုံးဝ တာဝန်မကျေပွန်ခဲ့ဘူး။ အသင်းတော်ရဲ့တာဝန်နဲ့ ညီအစ်ကိုမောင်နှမတွေရဲ့ ပြဿနာတွေကိုလည်း လုံးဝမစဉ်းစားမိခဲ့ဘူး။ သူ့ထက်ဘယ်လိုသာရမလဲဆိုတာကိုပဲ တွေးနေခဲ့တာ။ ကျွန်မအရမ်းအတ္တကြီး ဆိုးယုတ်ပြီး ကောက်ကျစ်လွန်းခဲ့တယ်။ နာမည်နဲ့ ဂုဏ်အဆင့်အတန်းက ကျွန်မကို အတွေးမှားစေခဲ့တယ်။ ကျွန်မရဲ့ဂုဏ်သိက္ခာနဲ့ အဆင့်အတန်းတခုကိုထိန်းသိမ်းထားနိုင်ရင်ပြီးရော ညီအစ်ကို မောင်နှမတွေရဲ့ပြဿနာတွေကိုမပြေလည်စေချင်ခဲ့ဘူး။ အသင်းတော်ရဲ့အလုပ်တွေကို ပျက်ပြားစေချင်ခဲ့တယ်။ ကျွန်မကျေးဇူးကန်းသလို ဖြစ်မနေခဲ့ဘူးလား။ ကျွန်မကအဲဒီလိုအရေးပါတဲ့တာဝန်နဲ့ မထိုက်တန်ခဲ့ဘူး။ အရမ်းစက်ဆုပ်ဖို့ကောင်းတယ်။ ဘုရားသခင်ကို မုန်းတီးရာရောက်ခဲ့တယ်။ အဲဒီလိုတွေးမိတာနဲ့ အောင်မြင်ကျော်ကြားလိုမှုရဲ့အချုပ်အနှောင်တွေကို ပယ်ဖျက်ပေးဖို့ ဘုရားသခင်ဆီမှာ ဝန်ချဆုတောင်းခဲ့တယ်။

ပြီးတော့ ဘုရားသခင်ရဲ့နှုတ်ကပတ်တော်ထဲက ဒီစာပိုဒ်ကိုဖတ်ခဲ့တယ်။ “သင်၏အကျိုးအတွက်သာ အစဉ်မလုပ်ဆောင်နှင့်၊ သင်၏ ကိုယ်ပိုင် အကျိုးစီးပွားကိုသာ အမြဲ ထည့်သွင်းမစဉ်းစားနှင့်၊ သင်၏အဆင့်အတန်း၊ မျက်နှာ သို့မဟုတ် ဂုဏ်သတင်းကို ထည့်သွင်းစဉ်းစားခြင်းမပြုနှင့်။ လူတို့၏ အကျိုးများကို ထည့်သွင်းစဉ်းစားခြင်း မပြုနှင့်။ သင်သည် ဘုရားသခင်၏အိမ်တော်၏အကျိုးများကို ပထမဦးစွာ စဉ်းစားပြီး ၎င်းကို သင်၏ဦးစားပေးချက် ဖြစ်စေရမည်၊ သင်သည် ဘုရားသခင်၏အလိုတော်ကို အရေးထားသင့်သည်၊ သင်၏ တာဝန်ကို ဖြည့်ဆည်းရာတွင် သင် စင်ကြယ်မှု ရှိခဲ့သည် မရှိခဲ့သည်၊ သစ္စာရှိဖို့၊ သင်၏ တာဝန်များကို ပြည့်စုံစေဖို့ အစွမ်းကုန် သင် လုပ်ဆောင်ခဲ့ပြီး သင်၏အရာအားလုံး ပေးခဲ့ခြင်း ရှိ၊မရှိ ဆိုသည်နှင့် သင်၏ တာဝန်နှင့် ဘုရားအိမ်တော်၏ အမှုကို စိတ်နှလုံးအကြွင်းမဲ့ ဆင်ခြင်ခဲ့ခြင်း ရှိမရှိ ဆိုသည်တို့ကို ချင့်ချိန်စဉ်းစားခြင်းဖြင့် အစပြုလော့။ ဤအရာများကို သင် စဉ်းစားဖို့လိုသည်။ ဤအရာများကို မကြာခဏ သုံးသပ်ဆင်ခြင်လော့၊ ပြီးလျှင် သင်၏တာဝန်ကို သင်ကောင်းစွာ ထမ်းဆောင်လျက် အေးဆေးသော အချိန်တစ်ခု သင် ရှိပေလိမ့်မည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏စစ်မှန်သော စိတ်နှလုံးကို ဘုရားသခင်ထံ ပေးပြီး သမ္မာတရားကို သင် ရရှိနိုင်သည်” မှ) ဘုရားသခင်ရဲ့ဒီနှုတ်ကပတ်တော်တွေကိုဖတ်လိုက်ရတော့ ချက်ချင်းပဲရင်ထဲမှာအလင်းရပြီး လမ်းကြောင်းတခုပွင့်သွားတယ်။ နာမည်နဲ့ ဂုဏ်အဆင့်အတန်းရဲ့ အချုပ်အနှောင်တွေကလွတ်မြောက်ချင်ရင် ကျွန်မရဲ့နှလုံးသားကိုမှန်အောင်ထားဖို့လိုတယ်။ ဘုရားသခင်ရဲ့တာဝန်ပေးစေခိုင်းချက်နဲ့ ဘုရားသခင်ရဲ့သဘောဆန္ဒကို ကျွန်မနှလုံးသွင်းစဉ်းစားရမယ်။ ပြီးတော့ကျွန်မရဲ့တာဝန်ကိုဘယ်လိုကျေပွန်အောင်ဆောင်ရွက်မလဲဆိုတာကိုလဲတွေးရမယ်။ ကောင်းတဲ့အရာတွေ ကျွန်မရင်ထဲမှာပိုများလာတာနဲ့အမျှ မကောင်းတဲ့အရာတွေဖြစ်တဲ့ နာမည် အဆင့်အတန်း မာနနဲ့ ဂုဏ်ဒြပ်တွေကို စွန့်လွှတ်ဖို့ပိုလွယ်လာတယ်။ အခြားလူတွေကအထင်ကြီးတာက ဘုရားသခင်ရဲ့အသိအမှတ်ပြုမှုမဟုတ်ဘူးဆိုတာကို ကျွန်မသဘောပေါက်သွားတယ်။ တခြားလူတွေက အထင်သေးတာနဲ့ ဘုရားက ကျွန်မကို မကယ်တင်တော့ဘူးဆိုတာမျိုး မဟုတ်ဘူး။ အရေးကြီးတာက ဘုရားသခင်အပေါ် ကျွန်မရဲ့ သဘောထားနဲ့ ကျွန်မက သမ္မာတရားကို လက်တွေ့လုပ်ဆောင်နိုင်ပြီး ကိုယ့်တာဝန်ကို ကောင်းကောင်းလုပ်နိုင်သလားဆိုတာပဲ။ ကျွန်မကို လမ်းမှားကနေတည့်မတ်ပေးခဲ့တဲ့ ဘုရားသခင်ရဲ့ဉာဏ်အလင်းပေးမှုကို ကျေးဇူးတင်မိတယ်။ ကျွန်မ အစ်မရှားနဲ့ မပြိုင်ချင်တော့ဘူး။ ဘုရားသခင်ဖန်ဆင်းခဲ့တဲ့သက်ရှိတစ်ယောက်အနေနဲ့ ဘုရားသခင်ကျေနပ်အောင်တာဝန်ပဲထမ်းဆောင်ချင်တော့တယ်။ အဲဒီအချိန်ကစပြီးတော့ နိုးနိုးကြားကြားနဲ့ ဘုရားသခင်ဆီ ဝတ်ပြုဆုတောင်းခဲ့ပြီးတော့ ကျွန်မရဲ့တာဝန်နဲ့ အသင်းတော်တွေ့ဆုံပွဲတွေအတွက် စိတ်ကိုနှစ်ထားခဲ့တယ်။ ညီအစ်ကို မောင်နှမတွေရဲ့ မိတ်သဟာယဖွဲ့တာကို ကျွန်မသေချာနားထောင်တယ်။ ပြဿနာတစ်ခုခုရှိရင် ကျွန်မသေချာချင့်ချိန်စဉ်းစားတယ်။ မိတ်သဟာယဖွဲ့ဖို့အတွက် ဘုရားသခင်ရဲ့နှုတ်ကပတ်တော်တွေထဲက သင့်တော်တာကိုရှာပြီး ကျွန်မရဲ့ကိုယ်ပိုင်အတွေ့အကြုံနဲ့ ပေါင်းစပ်တယ်။ အစ်မရှားရဲ့ စွမ်းရည်တွေကို လေ့လာပြီးကျွန်မရဲ့အားနည်းချက်တွေကိုပြင်ဆင်ခဲ့တယ်။ အဲဒီလိုကျင့်ကြံနေထိုင်တော့ ကျွန်မအများကြီးစိတ်သက်သာပြီး နေလို့ကောင်းသွားတယ်။ ကျွန်မရဲ့အခြေအနေလည်းအများကြီးတိုးတက်လာတယ်။ ဘုရားသခင်ရဲ့ကျေးဇူးတော်က ကြီးလှပါတယ်။ ဒါပေမဲ့ နာမည်နဲ့ အဆင့်အတန်းတခုကို လိုချင်တဲ့စိတ်ကကျွန်မဆီမှာ အခိုင်အမာ အမြစ်တွယ်နေလို့ မှန်ကန်တဲ့အနေအထားကိုရောက်လာတာနဲ့တပြိုင်တည်း ကျွန်မရဲ့ဆိုးယုတ်တဲ့သဘာဝကလည်းပေါ်လာပြန်တယ်။

တစ်ခါကအဖွဲ့ထဲကပြဿနာတချို့ကို သွားဖြေရှင်းပေးဖို့လုပ်တဲ့အချိန်ကိုမှတ်မိသေးတယ်။ ကျွန်မသွားမယ်လုပ်တုန်းမှာပဲ အစ်မရှားက အဖွဲ့ထဲကပြဿနာတွေကနည်းနည်းရှုပ်ထွေးတယ်။ သူလည်းလိုက်ခဲ့ချင်တယ်လို့ပြောတယ်။ သူအဲဒီလိုပြောတာကိုကြားလိုက်တော့ ကျွန်မပျော်နေတာတွေပျောက်သွားတယ်။ ကျွန်မတွေးမိတယ်။ “ဒီတော့နင်ကပဲဖြေရှင်းနိုင်တာလား။ လာကြွားနေတာလား။ အကြီးအကဲတွေရှေ့မှာဒီလိုပြောတာဘာသဘောလဲ။ ငါ့ကိုသက်သက်ကြောတာမဟုတ်လား။” ဆိုပြီးတော့။ အဲဒီအချိန်ကကျွန်မတော်တော်စိတ်အနှောင့်အယှက်ဖြစ်သွားတယ်။ ကျွန်မတယောက်တည်းသွားခဲ့ပေမယ့် စိတ်အနှောင့်အယှက်ဖြစ်နေတာက ဘယ်လိုမှပျောက်မသွားခဲ့ဘူး။ တစ်လမ်းလုံးမှာ အစ်မရှားကိုမကျေမနပ်တွေဖြစ်ပြီး တွေ့ဆုံပွဲနေရာကိုတောင် မရှာနိုင်လို့ ပြန်လာခဲ့ရတယ်။ စိတ်အရမ်းပျက်ပြီး “ငါကတကယ်ပဲအသုံးမကျဘူးလား။ တွေ့ဆုံပွဲနေရာကိုတောင်ရှာမတွေ့ဘူး။ အကြီးအကဲတွေကဘယ်လိုထင်သွားမလဲ။ ငါ့ကိုယ်ငါအရှက်ရအောင်လုပ်မိတာပဲ” ဆိုပြီး တွေးမိတယ်။ ကျွန်မပြန်ရောက်ပြီး တခြားညီအစ်မတွေကိုတွေ့တော့ သူတို့နဲ့စကားမပြောချင်ခဲ့ဘူး။

နောက်နေ့ကျတော့ အစ်မရှားနဲ့ ကျွန်မ အလုပ်ကိစ္စတချို့လုပ်ဖို့ အသင်းတော်ကို သက်သက်စီသွားခဲ့တယ်။ ကျွန်မစိတ်တွေ ထိန်းမနိုင်သိမ်းမရဖြစ်ပြန်ရော။ “နင်ဘယ်လောက် တော်တော် ဂရုမစိုက်ဘူး။ ဘယ်သူကပိုသာလဲ ကြည့်ကြသေးတာပေါ့” လို့ ကျွန်မတွေးနေခဲ့တယ်။ ကျွန်မအသင်းတော်ရဲ့အလုပ်အရှုပ်ဆုံးအချိန်မှာရောက်သွားပြီး လုပ်စရာရှိတာတွေကိုတန်းလုပ်တယ်။ မိတ်သဟာယဖွဲ့တယ်။ အလုပ်တာဝန်တွေကို ခွဲပေးတယ်။ “ဒီတစ်ခေါက်တော့ ငါ တော်တော် အားစိုက်ထားတယ်။ အကျိုးရှိမှာတော့ သေချာတယ်။ ပြီးရင် အစ်မရှားထက် ပိုသာသွားမှာပဲ” လို့ တွေးမိတယ်။ နောက်တော့ လုပ်ဖော်ကိုင်ဖက်အစည်းအဝေးမှာ ကျွန်မကတာဝန်မကျေပွန်ဆုံးဆိုတာသိလိုက်ရတယ်။ အဲဒီလိုဖြစ်မယ်လို့ ဘယ်တုန်းကမှ စိတ်တောင်မကူးခဲ့ဖူးဘူး။ အဲဒီအခိုက်အတန့်မှာ ကျွန်မမျှော်လင့်ချက်တွေအကုန်ဆုံးရှုံးသွားတယ်။ ပြီးတော့ ကျွန်မဘယ်လောက်ပဲကြိုးစား ကြိုးစား အစ်မရှားထက်သာမှာမဟုတ်ဘူးလို့လည်းခံစားမိတယ်။ အဲဒီအချိန်တွေမှာ အကြီးအကဲတွေက အစ်မရှားပြန်လာတာနောက်ကျလို့ဂရုစိုက်တာကိုမြင်ရင် ကျွန်မကိုလစ်လျူရှုထားသလိုမျိုးခံစားရတယ်။ သူ့ကိုအရမ်းမနာလိုဖြစ်ခဲ့တယ်။ သူကကျွန်မထက်အစစ အရာရာမှာပိုတော်နေပြီး အကြီးအကဲကသူ့ကိုအရမ်းချီးမွမ်းတာကိုမြင်တော့ ကျွန်မဘယ်တော့မှ အဲဒီလိုချီးကျူးခံရမှာမဟုတ်တော့ဘူး လို့ခံစားမိတယ်။ အဖွဲ့ခေါင်းဆောင်ဖြစ်ရတာက အသင်းတော်ခေါင်းဆောင်ထက်ပိုကောင်းမယ်လို့တွေးမိတယ်။ အနည်းဆုံးတော့ ညီအစ်ကို မောင်နှမတွေက ကျွန်မကိုလေးလေးစားစားနဲ့ အားပေးကြဦးမယ်။ ရေကန်အကြီးကြီးထဲက ငါးသေးသေးလေးထက် ရေကန်သေးသေးလေးထဲက ငါးအကြီးကြီးဖြစ်တာပိုကောင်းတယ်။လို့ ကျွန်မခံစားမိတယ်။ ကျွန်မရဲ့မကျေနပ်ချက်တွေက ပိုတိုးလာတယ်။ အဲဒီလိုပတ်ဝန်းကျင်မှာကျွန်မတော်တော်ကို တောင့်ခံခဲ့ရပြီးတော့ အမြန်ဆုံးထွက်သွားချင်ခဲ့တယ်။ ကျွန်မအခြေအနေကပိုပိုပြီး ယိုယွင်းပျက်စီးလာခဲ့တယ်။ ကျွန်မ အစ်မရှားကိုမနာလိုဖြစ်ပြီး မကျေနိုင်မချမ်းနိုင်ဖြစ်နေခဲ့တယ်။ သူ့ကြောင့်ကျွန်မမထင်ပေါ်တာလို့လည်းခံစားမိတယ်။ သူ့တာဝန်မှာအမှားတစ်ခုခုလုပ်မိလို့ “သူပြောင်းသွားရရင်အရမ်းကောင်းမှာပဲ” လို့လည်းတွေးမိတယ်။

ကိုယ့်ကိုယ်ကိုယ်ပြန်မသုံးသပ်ဘဲဂုဏ်သိက္ခာနဲ့ ကိုယ်ကျိုးအတွက်ပဲ တိုက်ပွဲဝင်နေထိုင်နေသလိုမျိုးဖြစ်နေခဲ့တယ်။ ဘုရားသခင်ရဲ့ဆုံးမပဲ့ပြင်မှုက မကြာခင်မှာပဲကျွန်မဆီရောက်လာခဲ့တယ်။ တစ်ခါတုန်းက တခြားခေါင်းဆောင်တွေနဲ့တွေ့ဆုံပွဲတခု ကျွန်မစီစဉ်ခဲ့တယ်။ ဘယ်သူမှမလာရုံတင်မကဘူး။ အပြန်လမ်းမှာလည်း ကားဘီးပေါက်သွားတယ်။ ပြီးတော့ မကြာခင်မှာပဲ ကျွန်မကျောကုန်းနာတဲ့ဝေဒနာကိုလည်း စပြီးခံစားခဲ့ရတယ်။ ယောင်ပြီးနာနေတာ တော်တော်ခံစားရတယ်။ ကျွန်မတာဝန်တွေကို မထမ်းဆောင်နိုင်တဲ့အထိတောင်ဖြစ်ခဲ့တယ်။ နောက်ကျတော့ ကျွန်မ ဘုရားသခင်ရဲ့နှုတ်ကပတ်တော်တွေကိုတွေးမိတယ်။ “ယနေ့ သင်တို့အား ပြုထားသော တောင်းဆိုချက်ဖြစ်သည့် သဟဇာတကျစွာ အတူတကွ အလုပ်လုပ်ခြင်းမှာ ဣသရေလ အမျိုးသားများအား ယေဟောဝါ တောင်းဆိုခဲ့သည့် အစေခံခြင်းနှင့် အလားတူသည်- သို့မဟုတ်ပါက သင်တို့၏ အစေခံခြင်းမှာ ရပ်စဲလိမ့်မည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဣသရေလအမျိုးသားများ အစေခံခဲ့သကဲ့သို့ အစေခံလော့”) ကျွန်မကြောက်သွားတယ်။ ဘုရားသခင်ကများ ကျွန်မကိုတာဝန်ကနေ ရပ်စဲချင်တာများလား။ ပြီးတော့ ဘုရားသခင်ရဲ့နှုတ်ကပတ်တော်တွေထဲက နောက်ထပ်စာပိုဒ်တခုကို ထပ်ဖတ်မိတယ်။ “သင် ပိုမို ကြိုးပမ်းလေလေ၊ အမှောင်ထုက သင့်ကို ဝိုင်းရံ လေလေ ဖြစ်လိမ့်မည်ဖြစ်ပြီး၊ မနာလို ဝန်တိုမှုနှင့် မုန်းတီးမှုတို့ကို သာ၍ သင်ခံစားရလေလေဖြစ်ကာ သင်၏ ရယူလိုသည့်စိတ်ဆန္ဒက ပို၍သာ သန်မာလာလိမ့်မည်ဖြစ်သည်။ သင်၏ ရယူလိုသည့်ဆန္ဒ ပိုမိုသန်မာလေလေ၊ ထိုသို့လုပ်ဆောင်နိုင်စွမ်း လျော့နည်းလေလေ ဖြစ်လိမ့်မည်ဖြစ်ပြီး ရရှိမှုလျော့နည်းသည်နှင့်အမျှ သင်၏ မုန်းတီးမှု တိုးပွားလေလေ ဖြစ်လိမ့်မည်။ သင်၏ မုန်းတီးမှု တိုးပွားသည်နှင့်အမျှသင်သည် အတွင်း၌ ပိုတိုး၍ မှောင်မိုက်လေလေ ဖြစ်မည်။ အတွင်း၌ သင် မှောင်မိုက်လေလေ၊ သင်၏တာဝန်ကို ပိုမိုညံ့ဖျင်းစွာ သင်ဆောင်ရွက်လေလေဖြစ်ပြီး၊ သင်၏တာဝန်ကို ပိုမိုညံ့ဖျင်းစွာ သင်ဆောင်ရွက်လေလေ၊ သင် အသုံးဝင်မှု လျော့နည်းလေလေ ဖြစ်လိမ့်မည်။ ဤသည်မှာ ချိတ်ဆက်ထားသော ရုန်းမထွက်နိုင်သည့် ဝဲသြဃ ဖြစ်သည်။ ထိုသို့သော အခြေအနေတစ်ခုတွင် သင်သည် သင်၏တာဝန်ကို ကောင်းစွာ မဆောင်ရွက်နိုင်၊ ထို့ကြောင့်၊ တဖြည်းဖြည်း သင်သည် ဖယ်ရှားခံရလိမ့်မည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏စစ်မှန်သော စိတ်နှလုံးကို ဘုရားသခင်ထံ ပေးပြီး သမ္မာတရားကို သင် ရရှိနိုင်သည်” မှ) ဘုရားသခင်ရဲ့ပြင်းထန်တဲ့ နှုတ်ကပတ်တော်တွေက ကျွန်မကိုထိတ်လန့်တုန်လှုပ်စေခဲ့တယ်။ ပုန်ကန်ပြစ်မှားတာကို လက်မခံတဲ့ ဘုရားသခင်ရဲ့ ဖြောင့်မတ်တဲ့စိတ်သဘောထားကို ကျွန်မခံစားမိတယ်။ အထူးသဖြင့် ဘုရားသခင်ရဲ့နှုတ်ကပတ်တော်တွေထဲက ဒါကိုဖတ်ရတဲ့အချိန်မှာပေါ့။ “ထိုသို့သော အခြေအနေတစ်ခုတွင် သင်သည် သင်၏တာဝန်ကို ကောင်းစွာ မဆောင်ရွက်နိုင်၊ ထို့ကြောင့်၊ တဖြည်းဖြည်း သင်သည် ဖယ်ရှားခံရလိမ့်မည်။” အန္တရာယ်တခုခုဖြစ်တော့မယ်လို့ ကျွန်မတကယ်ခံစားလိုက်ရတယ်။ ခဏနေတော့ “အသင်းတော်ရဲ့အလုပ်တွေ အဘက်ဘက်မှာ အဆင်မပြေဘူးဖြစ်နေတယ်” လို့ အစ်မရှားပြောတာကို ကျွန်မကြားလိုက်တယ်။ သူအရမ်းစိုးရိမ်ပြီးငိုတယ်။ ပြီးတော့ ကျွန်မတို့ရဲ့အကြီးအကဲက အလုပ်အဆင်ပြေဖို့အတွက် ကျရှုံးမှုရဲ့အနှစ်ချုပ်ကို စိစစ်သုံးသပ်တာကို သတိရမိတယ်။ ဒါဟာဘုရားသခင်ရဲ့အိမ်တော်ရဲ့အလုပ်တွေကို နှောင့်ယှက်ပြီး ဖျက်လိုဖျက်ဆီးလုပ်တာပဲလို့ သူကပြောတယ်။ ကျွန်မအဲဒီအကြောင်းကို ဆက်မတွေးရဲတော့ဘူး။ ဒါပေမဲ့ ဘုရားသခင်ရှေ့ကို အမြန်သွားပြီး ဆုတောင်း အဖြေရှာခဲ့တယ်။ နာမည်နဲ့ အဆင့်အတန်းကို မက်မောပြီး သူများတွေကိုမနာလိုဖြစ်တာဟာ ဘုရားသခင်ရဲ့ဆန္ဒနဲ့မကိုက်ညီဘူး။ဆိုတာ ကျွန်မကောင်းကောင်းသဘောပေါက်သွားတယ်။ ဒါဆိုဘာလို့များအဲဒီမကောင်းတာတွေကို ကျွန်မလိုချင်နေခဲ့သေးတာလဲ

နောက်တော့ ဘုရားသခင်ရဲ့နှုတ်ကပတ်တော်ထဲက နောက်စာပိုဒ်တခုကိုကျွန်မထပ်ဖတ်ခဲ့တယ်။ “လူတို့သည် ကျော်ကြားမှုနှင့် အမြတ်အစွန်းအတွက်သာ စဉ်းစားတတ်တော့သည် အထိဖြစ်အောင်၊ ၎င်းတို့၏ အတွေးများကို ထိန်းချုပ်ရန်အတွက် စာတန်သည် ကျော်ကြားမှုနှင့် အမြတ်အစွန်းကို အသုံးပြု၏။ ၎င်းတို့သည် ကျော်ကြားမှုနှင့် အမြတ်အစွန်းအတွက် ရုန်းကန်လှုပ်ရှား ကြ၏၊ ကျော်ကြားမှုနှင့် အမြတ်အစွန်းအတွက် အခက်အခဲများကို ခံကြ၏၊ ကျော်ကြားမှုနှင့် အမြတ်အစွန်း အတွက် အရှက်ရခြင်းများကို ကြံ့ကြံ့ခံကြ၏၊ ကျော်ကြားမှု နှင့် အမြတ်အစွန်း အတွက် ၎င်းတို့တွင် ရှိသမျှအရာတိုင်းကို စွန့်လွှတ်ကြသကဲ့သို့၊ ကျော်ကြားမှုနှင့် အမြတ်အစွန်းတို့အတွက် မည်သို့သော အကဲဖြတ်မှု၊ ဆုံးဖြတ်မှုကိုမဆို ၎င်းတို့က ပြုလုပ်ကြလိမ့်မည်။ ဤနည်းလမ်းဖြင့် စာတန်သည် လူတို့အား မမြင်နိုင်သော အချုပ်အနှောင်တို့နှင့် ချည်နှောင်ပြီး လူတို့သည် ၎င်းတို့ကို တွန်းလှန်ရန် အင်အားမရှိသလို သတ္တိလည်းမရှိကြပေ။ ၎င်းတို့သည် ဤအချုပ်အနှောင်တို့အား အမှုမဲ့အမှတ်မဲ့ သယ်ဆောင်ကြပြီး ကြီးစွာသော အခက်အခဲဖြင့် ရှေ့သို့ဆက်ကာသာ ရုန်းကြရ၏။ ဤကျော်ကြားမှုနှင့် အမြတ်အစွန်း အတွက် အလို့ငှာ၊ လူသားမျိုးနွယ်သည် ဘုရားသခင်ကို ရှောင်ကြဉ်၍၊ ကိုယ်တော်အား သစ္စာဖောက်ပြီး၊ တိုး၍ ဆိုးယုတ် လာကြသည်။ ထို့ကြောင့် ဤနည်းဖြင့် မျိုးဆက်တစ်ခုပြီး တစ်ခုသည် စာတန်၏ ကျော်ကြားခြင်းနှင့် အမြတ်အစွန်း အကြားတွင် ဖျက်ဆီးခံကြရ၏။ စာတန်၏ လုပ်ဆောင်မှုတို့ကို ယခု ကြည့်သည့်အခါ၊ ၎င်း၏ အန္တရာယ်ရှိသော ရည်ရွယ်ချက်တို့သည် လုံးဝ စက်ဆုပ်စရာကောင်းသည် မဟုတ်လော။ သင်တို့သည် ကျော်ကြားမှုနှင့် အမြတ်အစွန်း မပါလျှင် အသက်မရှင်နိုင်ဟု ထင်သည့်အတွက်ကြောင့်၊ စာတန်၏ အန္တရာယ်ရှိသော ရည်ရွယ်ချက်တို့ကို ယနေ့တွင် မြင်ကောင်း မြင်နိုင်ကြမည် မဟုတ်ပေ။ လူတို့သည် ကျော်ကြားမှုနှင့် အမြတ်အစွန်းကို ချန်ထားခဲ့မည်ဆိုလျှင်၊ ၎င်းတို့အနေဖြင့် ရှေ့ခရီးလမ်းကို မြင်နိုင်တော့မည် မဟုတ်၊ ၎င်းတို့၏ ပန်းတိုင်များကို မြင်နိုင်တော့မည်မဟုတ်၊ ၎င်းတို့၏ အနာဂတ်သည်လည်း မှေးမှိန် မှောင်မိုက်လာမည်ဟု ထင်ကြ၏။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတုမရှိ ဘုရားသခင်ကိုယ်တော်တိုင် (၆)”) ပြဿနာတွေရဲ့ဇာစ်မြစ်ကို ဘုရားသခင်ရဲ့နှုတ်ကပတ်တော်ဖွင့်ပြချက်တွေကနေတစ်ဆင့် ကျွန်မသိလိုက်ရတယ်။ ကျွန်မငယ်ငယ်ကတည်းက ကျောင်းမှာပညာသင်ပြီး လူ့အဖွဲ့အစည်းရဲ့လွှမ်းမိုးမှုတွေအောက်မှာနေခဲ့ရတဲ့အတွက် ဂုဏ်နဲ့အဆင့်အတန်းတွေနောက်ကိုပဲ ကျွန်မ အမြဲတမ်း လိုက်နေခဲ့တယ်။ ဆိုးယုတ်တဲ့အတွေးအခေါ်တွေနဲ့ အယူအဆအမှားတွေဟာ ကျွန်မရင်ထဲမှာ အခိုင်အမာအမြစ်တွယ်နေခဲ့တယ်။ “ကိုယ့်အတွက်ပဲ ကိုယ်ကြည့်။ ဘယ်သူသေသေ ငတေမာပြီးရော” “ထင်ရှားကျော်ကြားမှုရရှိခြင်း သည် သူ၏ဘိုးဘေးများအတွက် ဂုဏ်အသရေ ယူဆောင်လာသည်” “ဂူတစ်ဂူထဲ၌ ခြင်္သေ့နှစ်ကောင်မအောင်း” “ရေသည် နိမ့်ရာသို့ စီး၏၊ လူသည် မြင့်ရာသို့ ရုန်းကန်တက်၏” “ငန်းတစ်ကောင်၏ အော်သံသည် ပဲ့တင်ကျန်သကဲ့သို့၊ လူတစ်ဦးသည် သူ၏အမွေအနှစ်ကို ကျန်ရစ်စေ၏” ဆိုတာမျိုးတွေပေါ့။ ကျွန်မအဲဒါတွေကိုဆောင်ပုဒ်လို လိုက်နာခဲ့ပြီးတော့ ဘဝရဲ့ရည်မှန်းချက်အဖြစ်လိုက်နေခဲ့မိတယ်။ အပြင်လောကမှာပဲဖြစ်ဖြစ် ဘုရားသခင်ရဲ့အိမ်တော်ထဲမှာပဲဖြစ်ဖြစ် ကျွန်မကိုလူအထင်ကြီးတာလိုချင်ခဲ့တယ်။ ဘယ်မှာပဲဖြစ်ဖြစ် အရှေ့ရောက်ပြီး အရေးပါချင် ထင်ပေါ်ချင်ခဲ့တယ်။ အဲဒါကပဲ အဓိပ္ပါယ်ရှိတဲ့ ဘဝနေထိုင်မှုပုံစံလို့ခံယူခဲ့တယ်။ ကျွန်မရဲ့အရည်အချင်းက ဘယ်တုန်းကမှ အရမ်းမထူးချွန်ခဲ့ဘူး။ ဘယ်အရာမှာမှ ထူးထူးခြားခြားလည်းမတော်ခဲ့ဘူး။ ဒါပေမဲ့ သူများထက်နိမ့်ကျတာကိုမခံနိုင်ခဲ့ဘူး။ တစ်ယောက်ယောက်ကကျွန်မထက်သာနေရင် ကျွန်မစိတ်အလိုမကျဘူး။ သူများတွေနဲ့ လိုက်ယှဉ်ပြီး ပြိုင်ဆိုင်တာကို ကျွန်မမရပ်တန့်နိုင်ခဲ့ဘူး။ သူများထက်သာဖို့ မျိုးစုံစဉ်းစားတယ်။ သူများထက်မသာနိုင်ရင် မနာလိုဖြစ်ပြီးမုန်းတီးမိတယ်။ ကိုယ့်ကိုယ်ကိုယ်ကလွဲပြီး လူတိုင်းကိုအပြစ်တင်တယ်။ အဲဒါကတော်တော်ကိုဆိုးရွားတဲ့ နေထိုင်မှုပုံစံတခုပါပဲ။ နောက်ဆုံးမှာတော့ နာမည်နဲ့ အဆင့်အတန်းနောက်ကိုလိုက်နေတာဟာ လမ်းမှန်မဟုတ်ဘူး။ဆိုတာ ကျွန်မသိသွားတယ်။ အဲဒီလိုလိုက်လေလေ ပိုစိတ်ကြီးဝင်ပြီး အမြင်ကျဉ်းမြောင်းလေလေပဲ။ ကျွန်မဟာ လူသားတယောက်ရဲ့အသွင်အပြင်နဲ့မတူဘဲ ပိုအတ္တကြီးပြီး အဆိပ်အတောက်ဖြစ်လာခဲ့တယ်။ ကျွန်မ အစ်မရှားကိုကြည့်ကြည့်တယ်။ သူက တာဝန်ကို စိတ်ပါလက်ပါနဲ့ လေးလေးနက်နက်ထမ်းဆောင်တယ်။ သူ့ရဲ့မိတ်သဟာယဖွဲ့တာကလည်း အလင်းရောင်ကိုဆောင်ကြဉ်းတယ်။ ညီအစ်ကိုမောင်နှမတွေ့ရဲ့ လက်တွေ့ပြဿနာတွေကို သူဖြေရှင်းပေးနိုင်တယ်။ အဲဒါကအခြားလူတွေအတွက်ရော အသင်းတော်အတွက်ပါ အကျိုးပြုတယ်။ အဲဒါကအရမ်းကောင်းပြီး ဘုရားသခင်ကိုစိတ်ချမ်းသာစေနိုင်တဲ့အရာပဲ။ ကျွန်မကကျတော့ စိတ်သဘောထားသိမ်ဖျင်းပြီး မနာလိုဖြစ်နေခဲ့တယ်။ ကျွန်မရဲ့ထင်ပေါ်ကျော်ကြားမှုကို သူကခိုးသွားတယ်လို့အမြဲတွေးနေခဲ့ပြီး သူ့ကိုအမြင်မကြည်ဖြစ်လာတယ်။ သူ့ကိုအရမ်းကျရှုံးစေချင်နေခဲ့ပြီးတော့ အစားထိုးစေချင်ခဲ့တယ်။ ကျွန်မရဲ့မလိုမုန်းထားမှုဟာ ဘယ်လောက်နက်ရှိုင်းနေသလဲဆိုတာကို တွေ့ခဲ့ရတယ်။ ဘုရားသခင်က လူတွေကိုအမှန်တရားနောက်ကိုလိုက်ပြီး သူ့ရဲ့အလိုတော်ကိုအလေးထားစေချင်တယ်။ လူတွေက သူ့ကို ကျေနပ်စေဖို့အတွက် သူတို့တာဝန်ကို ထမ်းဆောင်နိုင်စေချင်တယ်။ ဒါပေမဲ့ ကျွန်မရဲ့နေရာနဲ့ ဂုဏ်သိက္ခာကိုကာကွယ်ဖို့ ညီအစ်ကိုမောင်နှမတွေ အဲဒီလိုလုပ်တာကို ကျွန်မသည်းမခံနိုင်ခဲ့ဘူး။ သူတို့ကိုမနာလိုဖြစ်ပြီး သည်းမခံနိုင်ဖြစ်ခဲ့တယ်။ အဲဒါကဘုရားသခင်ကို ဆန့်ကျင်ပုန်ကန်တာပဲမဟုတ်ဘူးလား။ အဲဒါက ဘုရားသခင်ရဲ့အိမ်တော်ရဲ့အလုပ်တွေကို ဖျက်လိုဖျက်ဆီးလုပ်တာပဲမဟုတ်ဘူးလား။ ကျွန်မနဲ့ စာတန်နတ်ဆိုးနဲ့ ဘာများကွာခြားသေးလို့လဲ။ နောက်ပြီး သိမ်ဖျင်းတဲ့ နေရာနဲ့ ဂုဏ်အတွက် အုပ်စုဖွဲ့ပြီး ရုန်းကန်တိုက်ခိုက်မယ့် ကွန်မြူနစ်ပါတီအရာရှိတွေလည်းရှိသေးတယ်။ ပြိုင်ဘက်ကိုအနိုင်ယူဖို့ ရန်သူတွေကိုနှိမ်နင်းဖို့နဲ့ လူတွေကိုဖိနှိပ်ဖို့ ဘာမဆိုလုပ်မယ့်သူတွေပေါ့။ သူတို့လုပ်ခဲ့တဲ့မကောင်းမှုတွေ သူတို့သတ်ခဲ့တဲ့လူတွေဘယ်လောက်ရှိမလဲဆိုတာ သေချာတောင်မပြောနိုင်ဘူး။ နောက်ဆုံးကျရင် သူ့တို့ကိုယ်သူတို့ပဲ ပျက်သုဉ်းအောင်လုပ်ပြီး သူတို့သေတဲ့အခါငရဲမှာအပြစ်ပေးခံရလိမ့်မယ်။ ဘာလို့များသူတို့အဲဒီလိုအဆုံးသတ်ရတာလဲ။ နေရာတခုနဲ့ ဂုဏ်ကို အရာရာထက်ရှေ့တန်းတင်လို့ပဲမဟုတ်ဘူးလား။ အဲဒါဆိုကျွန်မရဲ့အပြုအမူကိုပြန်ကြည့်ရအောင်။ သူတို့လောက်မဆိုးပေမယ့် အခြေခံအားဖြင့်တော့အတူတူပဲ။ ကျွန်မလည်း ဆိုးယုတ်တဲ့အတွေးအခေါ်တွေ ဥပဒေတွေနဲ့နေနေခဲ့မိတာ။ ပြီးတော့ကျွန်မဖော်ပြခဲ့တဲ့စိတ်သဘောထားကလည်း မာနကြီးတယ်။ကောက်ကျစ်ပြီး ကြမ်းတမ်းခဲ့တယ်။ ကျွန်မကလူနဲ့မတူပဲ ဘီလူးသရဲတွေလိုနေခဲ့မိတယ်။ အဲဒါကရွံရှာစက်ဆုပ်စရာဖြစ်ပြီး ဘုရားသခင်ကိုမုန်းတီးရာမရောက်ဘူးလား အဲဒီလိုသွန်သင်ဆုံးမခံရတာက ဘုရားသခင်ရဲ့ဖြောင့်မတ်တဲ့စိတ်သဘောထားက ကျွန်မကိုရုတ်တရက်တိုက်ခိုက်လိုက်တာပါပဲ။ အဲဒီထက်ပိုတာကတော့ အဲဒါကသူ့ရဲ့ကျွန်မကိုကယ်တင်ခြင်းပါပဲ ဒါတွေအကုန်လုံးကိုသဘောပေါက်သွားတော့ ဝတ်ပြုဆုတောင်းဖို့ ဘုရားသခင်ရဲ့ရှေ့မှောက်ကို အမြန်သွားခဲ့ပြီး ကျွန်မပြောတယ်။ “အို ဘုရားသခင် ကျွန်မဟာအမှန်တရားနောက်ကိုမလိုက်ခဲ့ဘူး။ နာမည်နဲ့ အဆင့်အတန်းတွေနောက်ကိုပဲလိုက်နေခဲ့မိတယ်။ စာတန်ရဲ့အကျင့်စာရိတ္တပျက်ပြားခြင်းကိုခံခဲ့ရပြီး လူသားတယောက်နဲ့လုံးဝမတူခဲ့ဘူး။ ကျွန်မရဲ့ဂုဏ်သိက္ခာနဲ့ အဆင့်အတန်းဆုံးရှုံးသွားတဲ့အခါမှာ ကျွန်မရဲ့တာဝန်ကိုဆက်မထမ်းဆောင်ချင်တော့ဘဲ အရှင့်ကိုသစ္စာဖောက်ဖို့လက်တကမ်းအလိုကိုရောက်ခဲ့တယ်။ ကျွန်မနောင်တရပါပြီ ဘုရားသခင် အမှန်တရားနောက်ကိုပဲလိုက်ပြီး အစ်မနဲ့အတူပူးပေါင်းဆောင်ရွက်ပါတော့မယ်။ အရှင်ကျေနပ်အောင် ကျွန်မရဲ့တာဝန်တွေမှာပဲမြှပ်နှံနေထိုင်ပါတော့မယ်။”

အဲဒါပြီးတော့ ကျွန်မ အစ်မရှားကိုအကုန်ပွင့်ပွင့်လင်းလင်းပြောပြခဲ့တယ်။ နာမည်နဲ့ ကိုယ်ကျိုးအတွက် သူနဲ့လိုက်ပြိုင်နေမိခဲ့တာတွေကိုလေ့လာတယ်။ ကျွန်မကို စောင့်ကြည့်ပြီး ကူညီပေးဖို့လည်းသူ့ကိုပြောခဲ့တယ်။ နောက်တော့ ကျွန်မတို့တာဝန်တွေမှာ အများကြီးပိုပြီးချောချောမွေ့မွေ့နဲ့ ပူးပေါင်းဆောင်ရွက်နိုင်ခဲ့ပါတယ်။ တစ်ခါတလေမှာ နာမည်နဲ့ ကိုယ်ကျိုးကို လိုချင်တဲ့စိတ်ဖြစ်လာခဲ့ရင်တောင်မှပဲ အဲဒါက ဆိုးယုတ်တဲ့သဘောထားပေါ်ပေါက်တာပဲလို့ ချက်ချင်းပြန်မြင်တတ်လာတယ်။ အဲဒီလိုနေရင်ဖြစ်လာမယ့် သဘာဝနဲ့ အကျိုးဆက်တွေကိုတွေးမိပြီးတော့ ဘုရားသခင်ကို အမြန်ဆုတောင်းပြီး ကျွန်မ အတွေးတွေကို သတိရှိရှိနဲ့ စုစည်းတယ်။ အစ်မရဲ့မိတ်သဟာယဖွဲ့တာကို တလေးတစားနဲ့သွားနားထောင်ပြီး သူ့ရဲ့စွမ်းရည်တွေကနေတစ်ဆင့်သင်ယူတယ်။ သူ့ရဲ့မိတ်သဟာယမှာတခုခုလွဲချော်တာကိုတွေ့ရင် ကြားဝင်ကူညီပေးတယ်။ အဲဒီအချိန်တွေမှာ အားလုံးအကျိုးရှိအောင် အမှန်တရားကိုဘယ်လို ရှင်းရှင်းလင်းလင်းနဲ့ မိတ်သဟာယဖွဲ့ရမလဲဆိုတာကို ကျွန်မစဉ်းစားခဲ့တယ်။ အဲဒီလိုတွေ့ဆုံပွဲတွေက စာရိတ္တကိုမြှင့်တင်ပေးတယ်ဆိုတာ အားလုံးခံစားရပြီးတော့ ကျွန်မလည်းသူတို့ဆီကနေ တခုခုရခဲ့တယ်။ ကျွန်မလွတ်လပ်ပြီးတော့ ရင်ထဲမှာပေါ့ပါးသွားတယ်။ ဘုရားသခင်ရဲ့နှုတ်ကပတ်တော်မှာ ပြောသလိုပဲ။ “သင်၏ တာဝန်များကို သင်ဖြည့်ဆည်းနိုင်လျှင်၊ သင်၏ တာဝန်များနှင့် ဝတ္တရားများကို ဆောင်ရွက်နိုင်လျှင်၊ သင်၏ တစ်ကိုယ်ကောင်းဆန်သော စိတ်ဆန္ဒများကို ဘေးဖယ်ထားနိုင်လျှင်၊ သင်၏ ကိုယ်ပိုင် အကြံများနှင့် ရည်ရွယ်ချက်များကို ဘေးဖယ်ထားနိုင်လျှင်၊ ဘုရားသခင်၏ အလိုတော်ကို အရေးထားနိုင်ပြီး ဘုရားသခင်နှင့် သူ၏အိမ်တော်တို့၏ အကျိုးများကို ဦးစားပေးနိုင်လျှင်၊ ဤအရာကို တစ်ခဏကြာ ကြုံတွေ့ပြီးနောက်တွင်၊ ဤသည်မှာ အသက်ရှင်ရန် ကောင်းမွန်သော နည်းလမ်းတစ်ခု ဖြစ်သည်ဟု သင်ခံစားရလိမ့်မည်- ယင်းမှာ ယုတ်ညံ့သောလူတစ်ဦး သို့မဟုတ် အသုံးမကျသောလူတစ်ဦး မဖြစ်ဘဲ ရိုးရိုးစင်းစင်းနှင့် ရိုးသားစွာ အသက်ရှင်ခြင်း ဖြစ်ပြီး၊ စိတ်သဘောထားကျဉ်းမြောင်းခြင်း သို့မဟုတ် ခက်ထန်ခြင်းထက် မျှမျှတတ နှင့် သိက္ခာရှိရှိ အသက်ရှင်ခြင်း ဖြစ်သည်၊ ဤသည်မှာ လူတစ်ဦး အသက်ရှင်၊ ပြုမူသင့်သည့်ပုံဖြစ်သည်ဟု သင်ခံစားရလိမ့်မည်။ တဖြည်းဖြည်းနှင့်၊ သင်၏ ကိုယ်ပိုင်အကျိုးစီးပွားများကို အလိုဖြည့်ဖို့ သင်၏ စိတ်နှလုံးအတွင်းရှိ လိုအင်ဆန္ဒသည် သာ၍ လျော့ပါးသွားပေလိမ့်မည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏စစ်မှန်သော စိတ်နှလုံးကို ဘုရားသခင်ထံ ပေးပြီး သမ္မာတရားကို သင် ရရှိနိုင်သည်” မှ)

အရှေ့သို့- ၃၅။ ကျော်ကြားမှုနှင့် အကျိုးအမြတ်ကို ရှာဖွေခြင်း နေ့ရက်များ

နောက်တစ်ခုသို့- ၃၇။ ဘုရားသခင်ရဲ့ နှုတ်ကပတ်တော်တွေက ကျွန်မရဲ့ ဝိညာဉ်ကို လှုပ်နှိုးခဲ့ပြီ

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

၂၁။ လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

ပြင်သစ်၊ ရှီးယွမ်လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး...

၆၇။ လူသား၏ ပုံစံအတိုင်း အနည်းငယ် အသက်ရှင်နေထိုင်ခြင်းသည် ဧကန်အမှန် အလွန်ကောင်း၏

ကနေဒါနိုင်ငံ၊ ထားရှီအနန္တတန်ခိုးရှင် ဘုရားသခင် ပြောသည်မှာ- “သူ၏ အနှစ်ခြောက်ထောင် စီမံခန့်ခွဲမှု အစီအစဉ် အဆုံးမသတ်မီ- လူ အတန်းအစား အသီးသီး၏...

၁၁။ အသက်တာတွင် ဘုရားသခင်၏ အချုပ်အခြာအာဏာကို သိခြင်း

အမေရိကန်နိုင်ငံ၊ ရှင့်ရှင်းအနန္တတန်ခိုးရှင် ဘုရားသခင် ပြောသည်မှာ- “ဘုရားသခင်၏ သြဇာအာဏာ၊ ဘုရားသခင်၏ တန်ခိုး၊ ဘုရားသခင်၏ ပင်ကိုလက္ခဏာနှင့်...

၆၄။ မာနထောင်လွှားခြင်းသည် ကျရှုံးခြင်းမတိုင်မီ လာ၏

တရုတ်နိုင်ငံ ကွမ်ရှီး ဒေသ၊ ရှင်းကျယ်အနန္တတန်ခိုးရှင် ဘုရားသခင် ပြောသည်မှာ- “မာနထောင်လွှားခြင်းသည် လူသား၏ ဖောက်ပြန်ပျက်စီးသော စိတ်သဘောထား၏...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်