လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး အစ်ကိုတစ်ယောက်ရှိတယ်။ ဒါပေမဲ့ သူ့စိတ်သဘောထားက မာနထောင်လွှားပြီး တခြားသူတွေကို ဖိနှိပ်တတ်တယ်။ သူက ကြွားဝါရတာ ကြိုက်တယ်။ ဒါကြောင့် ကျွန်မကလည်း သူ့ကို အမြင်စောင်းလာပြီး သူ့အပေါ် သုံးသပ်တဲ့အမြင်တွေ ရှိလာတယ်။ တစ်နေ့တော့ အစ်ကိုချန်က ကျွန်မဆီရောက်လာပြီး ယုံကြည်သူအသစ်တွေကို ရေလောင်းပေးချင်တယ်လို့ ပြောတယ်။ ဘုရားသခင်အပေါ် သူ ယုံကြည်တာ သိပ်မကြာသေးဘူး။ သူ့မှာ သမ္မာတရားနဲ့ပတ်သက်ပြီး အပေါ်ယံနားလည်မှုပဲရှိလို့ ကျွန်မက မဖြစ်ဘူးလို့ ပြောလိုက်တယ်။ ကျွန်မခွင့်မပြုတော့ သူက ပြောတယ်။ “ကျွန်တော် ဒီလောက်အစွမ်းအစကောင်းတာ ဘာဖြစ်လို့ ရေလောင်းတဲ့တာဝန်ကို လုပ်ခွင့်မရတာလဲ။” အဲဒီလိုပြောတာကို ကျွန်မမကြိုက်ဘူး၊ ကျွန်မ စိတ်ထဲမှာ “ရေလောင်းတဲ့တာဝန်က သိပ်လွယ်တယ်လို့ ရှင်ထင်နေလား။ သမ္မာတရားကို နားမလည်ဘဲနဲ့ ရှင့်ပါရမီနဲ့အစွမ်းအစကိုပဲ သုံးပြီး ဒီတာဝန်ကို ကောင်းကောင်းလုပ်နိုင်မှာလား။ ကိုယ့်ကိုယ်ကိုယ် မြှောက်မနေစမ်းပါနဲ့” ဆိုပြီး တွေးမိတယ်။ အစ်ကိုချန်းရဲ့ တောင်းဆိုမှုကို ကျွန်မ ငြင်းပယ်လိုက်တယ်။ တခြားညီအစ်ကိုမောင်နှမတွေကိုလည်း သူဘယ်လောက် မာနထောင်လွှားတယ်ဆိုတာ ပြောပြလိုက်တယ်။ သူ အကျင့်ပျက်တာတွေ ပေါ်တဲ့ ပုံစံတွေအများကြီးကို ပြလိုက်တယ်။ လူတချို့က ကျွန်မနဲ့ သဘောထားချင်း တိုက်ဆိုင်ခဲ့တယ်။

နှစ်ပတ်လောက်ကြာတော့ ကျွန်မတို့တွေ အသင်းတော်ရုပ်ရှင်တွေကြည့်ပြီး အနန္တတန်ခိုးရှင်ဘုရားသခင်ရဲ့ နှုတ်ကပတ်တော်တွေကိုလည်း ဖတ်နိုင်အောင် အသင်းတော်က စီစဉ်ပေးခဲ့တယ်။ ဒီရုပ်ရှင်တွေအားလုံးက သမ္မာတရားကို မိတ်သဟာယပြုထားတာဖြစ်ပြီး ဘုရားအတွက် သက်သေခံထားတယ်။ ဒါကြောင့် အဲဒီရုပ်ရှင်တွေကြည့်တာက သမ္မာတရားကို ကျွန်မတို့နားလည်အောင် အထောက်အကူပြုနိုင်တယ်။ နောက်စုဝေးပွဲမှာ အစ်ကိုချန်းက ပြောတယ်။ “ဒါက ကြီးမြတ်တဲ့အစီအစဉ်တစ်ခုပဲ။ ခေါင်းဆောင်တချို့နဲ့ လုပ်ဖော်ကိုင်ဖက်တချို့က စုဝေးပွဲတွေမှာ အနှစ်သာရမရှိတဲ့အရာတွေကိုပဲ ဝေမျှကြတာ။ ဒါကြောင့် ရုပ်ရှင်ကြည့်တာ ပိုကောင်းတယ်။ စစချင်းတုန်းကတော့ ကျွန်တော့်ရဲ့တာဝန်က သိပ်ခက်တာပဲလို့ ထင်ခဲ့တာ။ ဘာလို့လည်းဆိုတော့ ကျွန်တော်က သမ္မာတရားကို နားမလည်ခဲ့လို့ပဲ။ ဒါပေမဲ့ အဲဒီနောက်မှာ ကျွန်တော်ဆုတောင်းခဲ့တယ်၊ ဘုရားသခင်အပေါ် ကိုးစားခဲ့တယ်၊ ဘုရားသခင်ရဲ့နှုတ်ကပတ်တော်တွေကို ပိုပြီးဖတ်ရှုခဲ့တယ်။ ဒီဘုရားကျောင်းရုပ်ရှင်တွေကလည်း ကျွန်တော့်ကို အတော်လေး အထောက်အကူပြုခဲ့တယ်။ သူတို့ဆီကနေ သမ္မာတရားတချို့ကို ကျွန်တော်နားလည်ခဲ့တယ်။ အခုတော့ ကျွန်တော့်တာဝန်ကို ထမ်းဆောင်ရာမှာ အရည်အချင်းတိုးတက်လာပြီး စည်းမျဉ်းဥပဒေသတွေကိုလည်း အခြေခံသိခဲ့ပြီ။ ကျွန်တော့်တာဝန်တွေ တော်တော်ပြီးမြောက်သွားတယ်။” သူ့ရဲ့မိတ်သဟာယဖွဲ့မှုဟာ မနှစ်မြို့စရာကောင်းပြီး လက်ခံနိုင်စရာမရှိဘူးလို့ ကျွန်မမြင်တယ်။ ကျွန်မတွေးမိတယ်။ “ရှင်က ကြွားဝါဖို့အတွက် ရသမျှအခွင့်အရေးလေးတွေကို ယူနေတာပဲ မဟုတ်လား။ ရှင်က သိပ်မာနထောင်လွှားတယ်။” နောက်ပိုင်းမှာတော့ ကျွန်မတို့ရဲ့ နောက်စုဝေးပွဲမှာ ကိုင်တွယ်ဖြေရှင်းရမယ့် အကြောင်းအရာနည်းနည်းကို စီစဉ်ခဲ့တယ်။ အစ်ကိုချန်က အဲဒီထဲက သုံးခုကို မောင်ပိုင်စီးဖို့ ရုတ်တရက်ဝင်ပြောတယ်။ ကျန်တဲ့အကြောင်းအရာတွေကိုလည်း တခြားသူတွေကို မိတ်သဟာပြုခွင့်ပေးဖို့ တာဝန်ချခဲ့တယ်။ စုဝေးပွဲကို ဦးစီးဆောင်ရွက်ပေးဖို့ အဖွဲ့ခေါင်းဆောင်တစ်ယောက်ကို ကျွန်မ တာဝန်ချပေးနေတုန်းမှာပဲ အစ်ကိုချန်းက သူ့ကို သံသယလေသံနဲ့ မေးလိုက်တယ်။ “မင်းလုပ်နိုင်မှာ သေချာလို့လား။” တဲ့ သူပြောတဲ့အသံက စုဝေးပွဲကို သူပဲစီစဉ်နိုင်မယ့်ပုံမျိုး။ ကျွန်မဒေါသထွက်ပြီးတော့ တွေးမိတယ်။ “ရှင်က တော်တော့်ကို အဓိပ္ပာယ်မရှိဘူး။ တခြားသူတွေ ရှင့်ကို လေးစားအောင် သက်သက်ကြွားဝါနေတာ။ ရှင်လိုချင်တာက အဲဒါဆိုရင် ထားလိုက်တော့။” ပေါ့ ဒါကြောင့် ကျွန်မ အရာအားလုံးကို ပြန်စီစဉ်ပြီး သူ့ကို စုဝေးပွဲ စီစဉ်သူလုပ်ဖို့ ခွင့်မပြုခဲ့ဘူး။ အဲဒီအချိန်ကာလအတွင်းမှာ သူ့အမူအကျင့်အကြောင်း ကျွန်မတွေးမိတိုင်း အစ်ကိုချန်ကို မနှစ်မြို့တဲ့ ခံစားမှုရခဲ့တယ်။ သူက အထိန်းအချုပ်မရှိ သိပ်မာနထောင်လွှားလွန်းတယ်လို့ ကျွန်မခံစားခဲ့ရတယ်။ ဒါကြောင့် သူ့ကို မပြောင်းလဲနိုင်တဲ့လူတစ်ယောက်လို့ ကျွန်မသတ်မှတ်လိုက်တယ်။ ပြီးတော့ သူ့လို မာနထောင်လွှားတတ်သူတစ်ယောက်ဟာ သူ့တာဝန်မျိုးထမ်းဆောင်ဖို့ မသင့်တော်ဘူးလို့ ဆုံးဖြတ်လိုက်တယ်။ သူ့ကို အစားထိုးရမယ်လို့ ကျွန်မတွေးမိတယ်။ ဒီလိုလုပ်ဖို့ပဲ ရှိတော့တယ်။

စုဝေးပွဲပြီးသွားတဲ့အခါကျတော့ ကျွန်မရဲ့အခြေအနေနဲ့ အပြုအမူကို တွေးမိပြီး နည်းနည်း စိတ်မသက်မသာဖြစ်သွားတယ်။ အစ်ကိုချန်အပေါ်မှာ ကျွန်မတော်တော်လွန်သွားတယ်လို့ ခံစားရတယ်။ ဒါကြောင့် ဘုရားကို ဆုတောင်းခဲ့တယ်။ “အဖဘုရားသခင် ကျွန်မအခြေအနေမှားနေမှန်း ကျွန်မသိပါတယ်။ ဒါပေမဲ့ ကျွန်မရဲ့ပြဿနာက ဘာလဲဆိုတာ ကျွန်မမသိပါဘူး။ ဘယ်သမ္မာတရားစည်းမျဉ်းကို အသုံးပြုရမလဲဆိုတာ ကျွန်မမသိဘူး။ ကျေးဇူးပြုပြီး ဉာဏ်အလင်းပြလမ်းညွှန်ပေးပါ။” နောက်တစ်ရက် ဝတ်ပြုမှုတွေလုပ်ရင်း ဘုရားသခင်ရဲ့ ဒီနှုတ်ကပတ်တော်တွေကို ကျွန်မဖတ်မိတယ်။ “မည်သည့်အခြေခံသဘောအရ ဘုရားသခင်၏ မိသားစုဝင်များကို သင် ဆက်ဆံသင့်သနည်း။ (ညီအစ်ကို မောင်နှမ အယောက်စီတိုင်းကို မျှမျှတတ ဆက်ဆံရပါမည်။) သူတို့ကို သင်တို့ မျှမျှတတ မည်သို့ ဆက်ဆံကြသနည်း။ အယောက်တိုင်းက အသေးအဖွဲ အမှားများနှင့် အားနည်းချက်များ ရှိကြသည့်အပြင်၊ တစ်ဦးချင်းစီအလိုက် ထူးခြားမှုများအချို့ ရှိကြသည်၊ လူအားလုံးက မိမိကိုယ်ကိုယ် မှန်သည်ဟု ယူမှတ်မှု၊ အားနည်းချက်နှင့် သူတို့ ချို့တဲ့သည့် နယ်ပယ်များ ရှိကြသည်။ သူတို့ကို ချစ်ခင်သော စိတ်နှလုံးတစ်ခုဖြင့် သင် ကူညီသင့်ပြီး၊ စိတ်ရှည်ကာ သည်းခံသင့်သလို သေးငယ်သော အသေးစိတ်အချက်အလက်တိုင်းအပေါ် လွန်စွာ မကြမ်းတမ်းသင့် သို့မဟုတ် အရေးမပေးလွန်းသင့်ပါ။ ငယ်ရွယ်သောသူ၊ သို့မဟုတ် ဘုရားသခင်ကို အချိန်ကြာမြင့်စွာ မယုံကြည်သေးသူ၊ သို့မဟုတ် သူတို့၏ တာဝန်များကို ဆောင်ရွက်ရန် များမကြာမီကသာ အစပြုရုံပြုကြပြီး၊ သီးသန့် တောင်းဆိုမှုအချို့ ရှိကြသည့် လူတို့နှင့် ပတ်သက်၍၊ သင်က ဤအရာများကို စွဲကိုင်ကာ ၎င်းတို့ကို အဆိုးမြင်ပါက၊ ဤသည်မှာ ကြမ်းတမ်းခြင်းဟု ခေါ်သည့်အရာ ဖြစ်သည်။ သင်က ထိုအယောင်ဆောင်သော ခေါင်းဆောင်များနှင့် အန္တိခရစ်တို့ ပြုလုပ်သည့် မကောင်းမှုကို မသိကျိုးကျွန်ပြုသော်လည်း၊ သင်၏ ညီအစ်ကို မောင်နှမများထဲက သေးငယ်သော အားနည်းချက်များနှင့် အမှားများကို ရှာတွေ့သောအခါ သူတို့ကို ကူညီဖို့ သင်ငြင်းပယ်၏၊ ယင်းအစား ထိုအရာများအပေါ် သင် အရေးပေးလွန်းပြီး သူတို့ကွယ်ရာတွင် သူတို့ကို ဝေဖန်သည်၊ ထိုသို့အားဖြင့် သာ၍ပင်များပြားသော လူများက သူတို့ကို ဆန့်ကျင်၊ ဖယ်ထုတ်ပြီး ဝိုင်းပယ်ဖို့ပင် ဖြစ်စေလေသည်။ ဤသည်မှာ မည်သည့် အပြုအမူမျိုး ဖြစ်ပါသနည်း။ ဤသည်မှာ သင်၏ ပုဂ္ဂိုလ်ရေး နှစ်သက်မှုများအပေါ် အခြေခံပြီး အမှုအရာများကို လုပ်ဆောင်ခြင်းသာဖြစ်ပြီး၊ လူတို့ကို မျှမျှတတ မဆက်ဆံနိုင်ခြင်း ဖြစ်သည်၊ ဤအရာက ဖောက်ပြန်ပျက်စီးသော စာတန်ဆန်သည့် စိတ်သဘောထားတစ်ခုကို ဖော်ပြ၏။ ဤသည်မှာ အပြစ်တစ်ခု ဖြစ်သည်။ လူတို့က အမှုအရာများကို လုပ်ဆောင်သည့်အချိန်တွင် ဘုရားသခင်က စောင့်ကြည့်နေ၏၊ မည်သည့်အရာကို သင်လုပ်ဆောင်ပါစေ၊ မည်သို့ သင် စဉ်းစားပါစေ၊ သူ မြင်၏။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားကို ရရှိရန်၊ သင့်အနေဖြင့် သင့်ဝန်းကျင်ရှိ လူများ၊ ကိစ္စရပ်များနှင့် အမှုအရာများမှ သင်ယူရမည်”) ဘုရားသခင်ရဲ့နှုတ်ကပတ်တော်တွေက ကျွန်မရဲ့အခြေအနေကို ပြသခဲ့လို့ ကျွန်မအရှက်ရမိတယ်။ ကျွန်မရဲ့ယိုယွင်းတဲ့စိတ်သဘောထားနဲ့ အစ်ကိုချန်ကို ဆက်ဆံမိခဲ့မှန်း ကျွန်မမြင်လာတယ်။ သူနဲ့စတွေ့ခဲ့တဲ့အချိန်ကစပြီး ပြန်စဉ်းစားမိတယ်။ သူ့ရဲ့အပြောအဆို၊ လုပ်ဆောင်မှုတွေကနေ မကြာခဏ သူမာနထောင်လွှားတာကို ကျွန်မမြင်ခဲ့တယ်။ သူက ငယ်ရွယ်ပြီး မလေးမစားလုပ်တတ်တဲ့ သူတစ်ယောက်ဖြစ်ပြီး သူ့ကိုယ်သူ နားမလည်ဘူးလို့ ကျွန်မ မြင်မိတယ်။ သူ့အကြောင်းနည်းနည်းလေးပြောလိုက်တာနဲ့ သူ့အမှားတွေကိုပဲ ကျွန်မ တွေးမိတယ်။ သူ့ရဲ့အကျင့်ယိုယွင်းမှုကိုပဲ ကျွန်မက တွေးနေမိတာ။ ဘယ်လိုပဲကြည့်ကြည့် သူက မာနထောင်လွှားတယ်လို့ပဲ ဆုံးဖြတ်မိတယ်။ အဲဒီလိုလူက ဘယ်တော့မှ မပြောင်းလဲနိုင်ဘူးပေါ့။ ကျွန်မ သူ့ကို ဘယ်တုန်းကမှ မျှမျှတတ မဆက်ဆံပေးနိုင်ခဲ့ဘူး။ သူဖော်ပြတဲ့ ဘယ်အမြင်မျိုးကိုမဆို ကျွန်မ ဆန့်ကျင်ပြီး မကြိုက်သလို ခံစားရတယ်။ သူများတွေရှေ့မှာ သူ့ကို ဝေဖန်တာ၊ သေးသိမ်စေတာတွေလုပ်ခဲ့ပြီး သူ့နဲ့ပတ်သက်တဲ့ ကျွန်မရဲ့တစ်ဖက်စောင်းနင်းအမြင်တွေကို ဖြန့်ခဲ့မိတယ်။ တခြားလူတွေက ကျွန်မနဲ့အတူတူ သူ့ကို ပစ်ပယ်တာ၊ ဝိုင်းကြဉ်တာမျိုးတွေ ဖြစ်စေခဲ့တယ်။ သူ့တာဝန်ကနေတောင် သူ့ကို ထုတ်ပယ်ချင်ခဲ့တယ်။ သူ့ကို ဖိနှိပ်ပြီး ပြိုလဲအောင်လုပ်ဖို့ ကျွန်မရဲ့ ခေါင်းဆောင်ရာထူးကို သုံးခဲ့တာ မဟုတ်ဘူးလား။ ကျွန်မက စာတန်ကြောင့် တော်တော့်ကို အကျင့်ယိုယွင်းခဲ့တယ်။ သမ္မာတရားရဲ့ စည်းမျဉ်းတွေမပါဘဲ အချိန်အများစုမှာ မိုက်မဲတဲ့အမြင်တွေ ရှိခဲ့တယ်။ ဒါပေမဲ့ ကျွန်မက သူများတွေကို ထင်သလို ဝေဖန် ရှုတ်ချခဲ့တယ်။ ကျွန်မ လုံးဝ အသိစိတ်မရှိခဲ့ပါဘူး။ ဘုရားရှင်ပေါ်မှာ ကျွန်မရိုသေကျိုးနွံမှု မရှိခဲ့ဘူး။ ညီအစ်ကိုမောင်နှမတွေကို ကျွန်မကြိုက်သလို ဆက်ဆံခဲ့ပြီး နတ်ဆိုးသဘာဝနဲ့ အသက်ရှင်နေထိုင်မိခဲ့တယ်။ အဲဒါက ဘုရားသခင်အတွက် စိတ်ပျက်စရာသိပ်ကောင်းခဲ့တယ်။ အဲဒီအတွေးနဲ့ ကျွန်မမှာ အပြစ်တွေ ပြည့်နေခဲ့တယ်။

နောက်ပိုင်းမှာ လူတွေကို မျှမျှတတ ဘယ်လိုဆက်ဆံရမလဲဆိုတဲ့ စည်းမျဉ်းတွေအတွက် ဘုရားသခင်ရဲ့ နှုတ်ကပတ်တော်တွေထဲမှာ ရှာဖွေခဲ့တယ်။ ကျွန်မ ဘုရားသခင်ရဲ့ နှုတ်ကပတ်တော် နှစ်ပိုဒ်ကို တွေ့ခဲ့တယ်။ “အခြားသူများကို မည်သို့ ဆက်ဆံရမည်ဆိုသည်ကို ဘုရားသခင်၏ နှုတ်ကပတ်တော်ထဲတွင် ရှင်းရှင်းလင်းလင်း ပြသထား၏၊ သို့မဟုတ် အရိပ်အမြွက်ပြထား၏။ လူသားမျိုးနွယ်ကို ဘုရားသခင် ဆက်ဆံသည့် သဘောထားမှာ ၎င်းတို့ အချင်းချင်းဆက်ဆံရာတွင် လူတို့ ခံယူသင့်သည့် သဘောထား ဖြစ်သည်။ လူအယောက်စီတိုင်းကို ဘုရားသခင်က မည်သို့ ဆက်ဆံပါသနည်း။ လူအချို့တို့သည် မရင့်ကျက်သည့် ဝိညာဉ်ရေးအသက်တာကို ပိုင်ဆိုင်ကြသည်၊ သို့မဟုတ် ငယ်ရွယ်ကြသည်၊ သို့မဟုတ် တိုတောင်းသည့် အချိန်တစ်ခုသာ ဘုရားသခင်ကို ယုံကြည်ဖူးကြ၏။ ဘုရားသခင်သည် ဤလူတို့ကို သဘာဝနှင့် အနှစ်သာရအားဖြင့် ဆိုးသည်ဟု မြင်ကောင်းမြင်လိမ့်မည်မဟုတ်သကဲ့သို့၊ မလိုမုန်းထားသည်ဟုလည်း မြင်ကောင်းမြင်လိမ့်မည်မဟုတ်ပေ။ ယင်းမှာ သူတို့က အတိုင်းအတာတစ်ခုအထိ မသိနားမလည်ကြ သို့မဟုတ် အရည်အချင်း ချို့တဲ့ကြခြင်း သက်သက်ဖြစ်သည်၊ သို့မဟုတ် လူမှုအဖွဲ့အစည်းအားဖြင့် သူတို့ အလွန်များစွာ ဆိုးညစ်မှုခံရပြီးခြင်း ဖြစ်သည်။ သမ္မာတရား၏ စစ်မှန်မှုထဲ ၎င်းတို့ မဝင်ရောက်ကြသေး၊ ထို့ကြောင့် မိုက်မဲသော အရာအချို့ကို လုပ်ဆောင်ခြင်း သို့မဟုတ် မသိနားမလည်သည့် လုပ်ရပ်အချို့ကို ကျူးလွန်ခြင်းမှ ထိန်းသိမ်းဖို့ရန် သူတို့အတွက် ခက်ခဲပေသည်။ သို့သော်၊ ဘုရားသခင်၏ ရှုထောင့်အမြင်မှ၊ ထိုကိစ္စရပ်များမှာ အရေးမကြီးပေ၊ သူက လူတို့၏ စိတ်နှလုံးများကိုသာ ကြည့်သည်။ သမ္မာတရား၏ စစ်မှန်မှုထဲ ဝင်ရောက်ဖို့ ၎င်းတို့ စိတ်ဆုံးဖြတ်လျှင်၊ မှန်သော ဦးတည်ချက်ကို သူတို့ ဦးတည်နေခြင်းဖြစ်ပြီး၊ ဤသည်မှာ သူတို့၏ ရည်မှန်းချက်ဖြစ်သည်၊ ထို့နောက် ဘုရားသခင်က သူတို့ကို စောင့်ကြည့်နေသည်၊ သူတို့အတွက် စောင့်ဆိုင်းနေပြီး သူတို့ကို ဝင်ရောက်ခွင့်ပေးသည့် အချိန်နှင့် အခွင့်အရေးကို သူတို့အား ပေးနေပါ၏။ ယင်းမှာ ဘုရားသခင်က သူတို့ကို ရိုက်ချက်တစ်ချက်ဖြင့် ထိုးလှဲလိုက်ခြင်းမဟုတ်သကဲ့သို့ တစ်ကြိမ် သူတို့ ကျူးလွန်မိခဲ့သည့် ချိုးဖောက်မှုတစ်ခုကို ဖမ်းဆုပ်ကာ လက်လွှတ်ရန် ငြင်းပယ်ခြင်းလည်း မဟုတ်ပေ။ ဘုရားသခင်သည် လူတို့ကို ဤသို့ လုံးဝ မဆက်ဆံဖူးပေ။ ဤသို့ဆိုသော်ငြားလည်း၊ လူတို့က အချင်းချင်း ထိုသို့သော ပုံစံဖြင့် အချင်းချင်း ဆက်ဆံကြလျှင်၊ ဤအရာက သူတို့၏ ဖောက်ပြန်ပျက်စီးသော စိတ်သဘောထားကို ပြသသည် မဟုတ်လော။ ဤသည်မှာ ၎င်းတို့၏ ဖောက်ပြန်ပျက်စီးသော စိတ်သဘောထား အတိအကျ ဖြစ်ပေသည်။ မသိနားမလည်ဘဲ မိုက်မဲသော လူတို့ကို ဘုရားသခင်က မည်သို့ ဆက်ဆံသည်၊ မရင့်ကျက်သည့် ဝိညာဉ်အသက်တာရှိသူတို့ကို သူ မည်သို့ ဆက်ဆံသည်၊ လူသားမျိုးနွယ်၏ ဖောက်ပြန်ပျက်စီးသော စိတ်သဘောထားများ၏ ပုံမှန်သရုပ်သကန်များကို သူ မည်သို့ ဆက်ဆံပုံနှင့် မလိုမုန်းထားသော သူတို့ကို သူ ဆက်ဆံပုံတို့ကို သင် ကြည့်ရှုလေ့လာရမည်။ မတူညီသော လူတို့ကို ဆက်ဆံနည်း အမျိုးမျိုး ဘုရားသခင်တွင် ရှိပြီး၊ မတူညီသော လူတို့၏ အခြေအနေ အမြောက်အများကို စီမံခန့်ခွဲနည်းအမျိုးမျိုးလည်း သူ့ထံတွင် ရှိ၏။ ဤအရာများ၏ သမ္မာတရားကို သင် နားလည်ရမည်။ ဤသမ္မာတရားများကို သင်နားလည်သည်နှင့်တစ်ပြိုင်နက်၊ ယင်းတို့ကို သင် ယခု တွေ့ကြုံနိုင်ပေသည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားကို ရရှိရန်၊ သင့်အနေဖြင့် သင့်ဝန်းကျင်ရှိ လူများ၊ ကိစ္စရပ်များနှင့် အမှုအရာများမှ သင်ယူရမည်”) “ချစ်ခြင်းမေတ္တာနှင့် မုန်းတီးမှုတို့မှာ ပုံမှန် လူ့သဘာဝက ပိုင်ဆိုင်သင့်သည့် အရာများဖြစ်သော်လည်း၊ သင် ချစ်သည့်အရာနှင့် မုန်းသည့်အရာများကြား ရှင်းရှင်းလင်းလင်း သင် ခွဲခြားရပေမည်။ သင်၏ စိတ်နှလုံးတွင်၊ ဘုရားသခင်ကို သင် ချစ်သင့်သည်၊ သမ္မာတရားကို ချစ်သင့်သည်၊ အပြုသဘောဆောင်သည့် အရာများကို ချစ်သင့်ပြီး၊ သင်၏ ညီအစ်ကို မောင်နှမများကို ချစ်သင့်သည်၊ နတ်ဆိုးစာတန်ကိုမူ သင် မုန်းသင့်သည်၊ အပျက်သဘောဆောင်သော အရာများကို သင် မုန်းသင့်သည်၊ အန္တိခရစ်များကို မုန်းသင့်ပြီး ဆိုးယုတ်သော လူတို့ကို မုန်းသင့်သည်။ သင်၏ ညီအစ်ကို မောင်နှမများအတွက် မုန်းတီးမှုကို သင် သိုထားပါက၊ သင်သည် ၎င်းတို့ကို ဖိနှိပ်လေ့ရှိလိမ့်မည် ဖြစ်ပြီး ၎င်းတို့အပေါ် လက်တုန့်ပြန်လိမ့်မည် ဖြစ်သည်။ ဤသည်မှာ အလွန် ထိတ်လန့်စရာ ဖြစ်ပေမည်။...သင်သည် တစ်စုံတစ်ဦး၏ ပင်ကိုစရိုက်နှင့် သဟဇာတဖြစ်ကောင်း ဖြစ်လိမ့်မည် မဟုတ်သကဲ့သို့၊ သူ့ကို သင် မနှစ်သက်ကောင်း မနှစ်သက်နိုင်သော်လည်း၊ သူနှင့်အတူ သင် အလုပ်လုပ်သည့်အခါ၊ သင်သည် သမာသမတ်ကျမြဲကျကာ သင်၏တာဝန်ကို လုပ်ဆောင်ရာတွင် သင်၏ စိတ်ပျက်မှုများအတွက် ဒေါသထွက်မည်မဟုတ်၊ သင်၏ တာဝန်ကို စတေးလိမ့်မည် မဟုတ်၊ သို့မဟုတ် သင်၏စိတ်ပျက်မှုများကြောင့် ဘုရားသခင်၏မိသားစု အကျိုးစီးပွားများအပေါ် ဆိုးရွားစွာ ပြုမူလိမ့်မည်မဟုတ်ပေ။ သင်သည် အမှုအရာများကို အခြေခံသဘောတရားအတိုင်း လုပ်ဆောင်နိုင်သည်။ ထိုသို့ဖြစ်သည့်အတွက် သင်သည် ဘုရားသခင်အတွက် အခြေခံ ကြည်ညိုမှုတစ်ခု ရှိပေသည်။ သင်သည် ထို့ထက် အနည်းငယ် သာ၍ရှိပါက၊ တစ်စုံတစ်ဦးသည် အပြစ်အနာအဆာများ သို့မဟုတ် အားနည်းချက်များ အချို့ ရှိသည်ကို သင် မြင်သည့်အခါ- သူက သင့်ကို ပြစ်မှားလျှင်ပင် သို့မဟုတ် သင်၏ ကိုယ်ကျိုးများကို ထိခိုက်စေလျှင်ပင်- သူ့ကို သင်ကူညီနိုင်ဆဲ ဖြစ်သည်။ ထိုသို့လုပ်ဆောင်ခြင်းက သာ၍ပင် ကောင်းလိမ့်မည်။ ယင်းမှာ သင်သည် လူ့သဘာဝ၊ သမ္မာတရား၏ စစ်မှန်မှုနှင့် ဘုရားသခင်ကို ကြည်ညိုခြင်းပိုင်ဆိုင်သော လူတစ်ဦးဖြစ်သည်ဟု ဆိုလိုပေလိမ့်မည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ဘုရားသခင်ကို ယုံကြည်သောလမ်းမှန်သို့ မဝင်ရောက်မီ လူတို့၌ရှိသော သတ်မှတ်ချက်ငါးချက်”)

လူတွေကို မျှမျှတတဆက်ဆံခြင်း စည်းမျဉ်းနဲ့ လမ်းကြောင်း၊ ပြီးတော့ လူတွေအပေါ် သူ့ရဲ့သဘောထား ဒါတွေနဲ့ပတ်သက်ပြီး ဘုရားရဲ့ နှုတ်ကပတ်တော်တွေက တော်တော်ရှင်းပါတယ်။ အန္တိခရစ်တွေနဲ့ ကောက်ကျစ်စဉ်းလဲသူတွေအပေါ် သူ့ရဲ့သဘောထားက အမုန်း၊ ကျိန်စာနဲ့ အပြစ်ပေးမှုတွေထဲက တစ်ခုဖြစ်တယ်။ ဝိညာဉ်ရင့်သန်မှုနည်းသူတွေ၊ အစွမ်းအစနည်းတဲ့သူတွေအတွက်နဲ့ အကျင့်ယိုယွင်းတဲ့ စိတ်သဘောထားအမျိုးမျိုးနဲ့ အပြစ်ရှိသူတွေအတွက် သူတို့သာ ဘုရားသခင်ကို နှစ်နှစ်ကာကာယုံကြည်ရင်၊ သမ္မာတရားကို လိုက်စားဖို့ ဆန္ဒရှိရင်၊ သမ္မာတရားကို လက်ခံနိုင်ရင် ဘုရားသခင်ရဲ့သဘောထားက ချစ်ခြင်းမေတ္တာ၊ သနားကြင်နာမှုနဲ့ ကယ်တင်မှုတွေထဲက တစ်ခုပဲ ဖြစ်တယ်။ ဘုရားသခင်က လူတစ်ယောက်စီတိုင်းအပေါ် သူ့ရဲ့ဆက်ဆံမှု စည်းမျဉ်းရှိတာ ကျွန်မတို့သိတယ်။ သမ္မာတရားရဲ့စည်းမျဉ်းအတိုင်း တခြားသူတွေကို ကျွန်မတို့ ဆက်ဆံကြဖို့ သူ တောင်းဆိုပါတယ်။ ဥပမာပေးရရင် ဘုရားသခင်ကို အမှန်တကယ်ယုံကြည်သူတွေကို ခွင့်လွှတ် သည်းခံရမယ်။ ကျွန်မတို့က သူတို့ကို ချစ်ခြင်းမေတ္တာနဲ့ ကူညီပြီး နောင်တရဖို့နဲ့ ပြောင်းလဲနိုင်ဖို့ အခွင့်အရေးပေးရမယ်။ သူတို့မှာ အကျင့်ယိုယွင်းမှုတချို့ ရှိလို့ ကျွန်မတို့က ပြိုလဲအောင် မလုပ်သင့်ဘူး။ ဒါက ဘုရားရဲ့အလိုတော် မဟုတ်ဘူး။ အစ်ကိုချန်ကိုပဲကြည့်။ သူက အစွမ်းအစကောင်းခဲ့ပြီး သူ့တာဝန်သူ ယူနိုင်ခဲ့တယ်။ သမ္မာတရားကို လိုက်စားတဲ့နေရာမှာ အားစိုက်ထုတ်လိုစိတ် ရှိခဲ့တယ်။ သူက ယုံကြည်သူအသစ် ဖြစ်တယ်။ သူ့အတွေ့အကြုံက နည်းပြီး မာနထောင်လွှားသူလည်း ဖြစ်တယ်။ ဒါပေမဲ့ သမ္မာတရားရဲ့ စည်းမျဉ်းတွေအတိုင်း ကျွန်မ သူ့ကို မျှမျှတတ ဆက်ဆံခဲ့သင့်တယ်။ သူ့ကို ကူညီဖို့ သမ္မာတရားကို ချစ်မြတ်နိုးစွာ မိတ်ဖက်ပြုရမှာ။ သူ့ကို မကူညီခဲ့သလို သူ့ရဲ့ အားသာချက်တွေနဲ့ ကောင်းကွက်တွေကို မမြင်ပေးခဲ့ရုံမကဘဲ သူ့အားနည်းချက်တွေကို ကျွန်မ မြင်တဲ့အခါမှာ သူ့ကို ကျွန်မ ဝေဖန်ခဲ့တယ်၊ ပစ်ပယ်ခဲ့တယ်။ ထွက်သွားစေချင်ခဲ့တယ်။ ကျွန်မမှာ အဲဒီလို ထိခိုက်စေလိုတဲ့ သဘောထားရှိနေခဲ့တာ။ ကျွန်မ ခေါင်းဆောင်ဘယ်လိုဖြစ်ခဲ့သလဲလို့ တွေးမိတယ်။ တခြားသူတွေထက် ကျွန်မပိုသာတယ်လို့ အမြဲတွေးခဲ့တာ။ ကျွန်မက နောက်ဆုံး ဆုံးဖြတ်သူဖြစ်ချင်ခဲ့တာ၊ ကျွန်မဖြစ်ချင်တာမှန်သမျှကိုပဲ လုပ်ချင်တာ၊ တခြားသူတွေရဲ့ အမြင်ကို နားမထောင်ခဲ့ဘူး။ ရလဒ်ကတော့ အသင်းတော်ရဲ့လုပ်ငန်းဆောင်တာကို ပျက်စီးစေတဲ့အရာတချို့ကို ကျွန်မလုပ်ခဲ့မိတာပဲ။ ဒါပေမဲ့ ဘုရားသခင်က ကျွန်မကို မပစ်ပယ်ခဲ့ဘူး။ အဲဒီအစား ကျွန်မကို တရားစီရင်ဖို့၊ ဆုံးမပဲ့ပြင်ဖို့၊ ကိုင်တွယ်ဖြေရှင်းဖို့ သူ့ရဲ့နှုတ်ကပတ်တော်တွေကို အသုံးပြုခဲ့တယ်။ ကျွန်မကိုယ်ကျွန်မ သုံးသပ်နိုင်အောင်ပေါ့။ နောင်တရအောင်နဲ့ ပြောင်းလဲနိုင်အောင် ကျွန်မကို အခွင့်အရေးပေးခဲ့တယ်။ ဘုရားသခင်က အကျင့်ယိုယွင်းမှုတချို့တလေရှိရုံနဲ့တော့ ကျွန်မတို့ကို ပစ်ပယ်တာ၊ လက်လျှော့လိုက်တာမျိုး ဘယ်တော့မှ မရှိဘူးဆိုတာ ကျွန်မမြင်ခဲ့တယ်။ ဒါပေမဲ့ ကျွန်မတို့ကို ကယ်တင်နိုင်ဖို့ ဘုရားက အရာအားလုံး လုပ်ဆောင်တယ်။ ဘုရားသခင်မှာ အဲဒီလို ကောင်းမွန်တဲ့နှလုံးသားရှိတယ်။ အဲဒီနောက်မှာ ကိုယ့်အပြုအမူနဲ့ အစ်ကိုချန်ကို ကျွန်မ ဆက်ဆံခဲ့ပုံကို ပြန်စဉ်းစားကြည့်တော့ ကျွန်မ အရမ်းရှက်မိပြီး မြေကြီးထဲပဲ မြုပ်သွားချင်မိတယ်။ အဲဒီနောက်တော့ ကျွန်မ ဘုရားကို ဆုတောင်းခဲ့ပြီး နောင်တရခဲ့တယ်။ ချစ်ခင်တဲ့နှလုံးသားနဲ့ အစ်ကိုချန်းကို ကူညီပြီး သမ္မာတရားရဲ့ စည်းမျဉ်းတွေကို လက်တွေ့ကျင့်သုံးချင်ခဲ့တယ်။

ဒါကြောင့် အစ်ကိုချန်ဆီသွားခဲ့ပြီး ဘုရားရဲ့နှုတ်ကပတ်တော်တွေပါတဲ့ စာပိုဒ်တချို့ကို မိတ်သဟာယဖွဲ့ပေးခဲ့တယ်။ သူ့ရဲ့အပြစ်တွေကို ညွှန်ပြခဲ့တယ်။ သူ့ရဲ့မာနထောင်လွှားတဲ့သဘောထားကို သူနားလည်စပြုလာတယ်။ အဲဒါကို မပြုပြင်ဘဲထားခြင်းရဲ့ အန္တရာယ်ကို သူသိလာတယ်။ ကျွန်မရဲ့ မိတ်သဟာဖွဲ့မှုနဲ့ သတိပေးမှုဟာ တကယ်ကို အထောက်အကူဖြစ်တယ်လို့ သူက ပြောခဲ့တယ်။ သူ့ကိုယ်သူ ပြန်သုံးသပ်ချင်လာပြီး သူ့ရဲ့အကျင့်ယိုယွင်းမှုကို ဖြေရှင်းဖို့ သမ္မာတရားကို ရှာဖွေလာတယ်။ သူဒီလိုပြောတာကို ကြားရတော့ ကျွန်မတအားပျော်မိတယ်။ ဒါပေမဲ့ စိတ်မကောင်းလည်း ဖြစ်ရတယ်။ ကျွန်မမြင်ယောင်မိခဲ့သလိုမျိုး သူပြောင်းလဲနိုင်စွမ်းတော့ မရှိခဲ့ဘူး။

နောက်တော့ စုဝေးပွဲတစ်ခုမှာ မြင့်မြတ်တဲ့ပုဂ္ဂိုလ်တစ်ယောက်က ဒီတရားကို ဟောပြတာ ကျွန်မကြားခဲ့ရတယ်။ “အကျင့်ယိုယွင်းတဲ့ လူသားထုအားလုံးက မာနထောင်လွှားတဲ့ စိတ်သဘောထား ရှိကြတယ်။ သမ္မာတရားကို ချစ်မြတ်နိုးသူတွေနဲ့ ပြီးပြည့်စုံချင်တဲ့သူတွေ အားလုံးမှာ မာနထောင်လွှားပြီး ကိုယ့်ကိုယ်ကိုယ်မှန်တယ်လို့ ယူမှတ်တဲ့ စိတ်သဘောထားရှိကြတယ်။ ဒါက ပြီးပြည့်စုံဖို့နဲ့ ကယ်တင်မှုရဖို့ သူတို့ရဲ့အရည်အချင်းကို ထိခိုက်မှု မရှိပါဘူး။ လူတွေက ပြုပြင်မှုနဲ့ ကိုင်တွယ်ဖြေရှင်းမှုကို လက်ခံပြီး သမ္မာတရားကို လက်ခံနိုင်စွမ်းရှိရင် သူတို့ဟာ ဘယ်လိုအခြေအနေမှာပဲဖြစ်ဖြစ် သမ္မာတရားကို အကြွင်းမဲ့နာခံနိုင်ပါတယ်။ သူတို့ဟာ ပြီးပြည့်စုံမှုနဲ့ ကယ်တင်မှုကို လုံး၀ ရနိုင်စွမ်း ရှိကြပါတယ်။ တကယ်တော့ အစွမ်းအစကောင်းရှိပြီး သန္နိဋ္ဌာန် ခိုင်မာသူတွေကြားမှာ မာနမထောင်လွှားတဲ့သူ တစ်ယောက်မှ မရှိပါဘူး။ ဒါအမှန်ပါပဲ။ ဘုရားသခင်က ရွေးချယ်ထားသူတွေက သင့်လျော်တဲ့အပြုအမူနဲ့ တခြားသူတွေကို ဆက်ဆံရမယ်။ လူတစ်ယောက်က အရမ်း မာနထောင်လွှားပြီး သူသာအမှန်လို့ မှတ်ယူတာကြောင့်ဆိုတာနဲ့ပဲ အဲဒီလူက လူကောင်းမဟုတ်ဘူး၊ ကယ်တင်ပြီး ပြည့်စုံခြင်းမခံရနိုင်တဲ့သူပဲ ဆိုပြီး မကန့်သတ်ရပါဘူး။ ဒီနေရာမှာ ဘုရားသခင်ရဲ့အလိုတော်ကို နားလည်ဖို့လိုတယ်။ အစွမ်းအစကောင်းရှိတဲ့သူ၊ သန္နိဋ္ဌာန်ခိုင်မာတဲ့သူ၊ မာနလုံးဝမထောင်လွှားသူ၊ ကိုယ်သာအမှန်လို့ မမှတ်ယူသူ ဆိုတဲ့ပုဂ္ဂိုလ်မျိုးက မရှိပါဘူး။ ရှိခဲ့ရင်လည်း ဒီလူဟာ အယောင်ဆောင်ထားသူ၊ ဒါမှမဟုတ် မူမမှန်တဲ့ အပေါ်ယံသွင်ပြင်ရှိသူသာ ဖြစ်လိမ့်မယ်။ အကျင့်ယိုယွင်းတဲ့ လူသားထုအားလုံးမှာ မာနထောင်လွှားမှုနဲ့ စိတ်ကြီးဝင်တဲ့ စရိုက်ရှိတယ်ဆိုတာ သိထားရမယ်။ ဒါက ငြင်းမရတဲ့အချက်ပဲ။” (အထက်အရပ်မှ မိတ်သဟာယပြုခြင်း) ဒါက မာနထောင်လွှားတဲ့ စိတ်ထားရှိသူတွေကို ဘယ်လိုဆက်ဆံရမလဲဆိုတာ ပိုနားလည်လာအောင် ကျွန်မကို အထောက်အကူပေးခဲ့တယ်။ သူတို့ မပြောင်းလဲနိုင်ဘူးဆိုတာ မဟုတ်ပါဘူး။ အဓိကအချက်က သမ္မာတရားကို လက်ခံနိုင်လား၊ ရှာဖွေသလားဆိုတာကို ကြည့်တာ။ သူတို့က သမ္မာတရားကို လက်ခံနိုင်ရင်၊ ဘုရားသခင်ရဲ့ တရားစီရင်မှု၊ ပြစ်တင်ဆုံးမမှု၊ ပြုပြင်မှု နဲ့ ကိုင်တွယ်ဖြေရှင်းမှုကို လက်ခံနိုင်ရင် သူတို့ မပြောင်းလဲနိုင်စရာ၊ ဘုရားသခင်ကြောင့် မပြည့်စုံနိုင်စရာ အကြောင်းမရှိပါဘူး။ တကယ်တော့ ပါရမီတွေ၊ အားသာချက်တွေနဲ့ အစွမ်းအစရှိသူတွေအားလုံးဟာ အတော်လေး မာနထောင်လွှားကြတယ်။ ဒါပေမဲ့ သူတို့ရဲ့အစွမ်းအစကောင်းတာကြောင့် သူတို့ရဲ့တာဝန်တွေ အောင်မြင်ပြီး သမ္မာတရားကို မြန်မြန်ဆန်ဆန် နားလည်နိုင်ကြတယ်။ လူတွေက သမ္မာတရားကို နားလည်ပြီး စည်းမျဉ်းနဲ့ အညီ ပြုမူတဲ့အခါ ဘုရားသခင်ရဲ့အလုပ်ကို အမှန်တကယ်အကျိုးဖြစ်စေတယ်။ အစ်ကိုချန်မှာ အစွမ်းအစကောင်းရှိခဲ့တယ်။ ဒါကြောင့် ကျွန်မ သူ့ကို ပံ့ပိုးဖို့ မိတ်သဟာပိုဖွဲ့ပြီး မေတ္တာတရားနဲ့ ပိုကူညီသင့်တယ်။ ဒါကသာ ဘုရားရဲ့အလိုတော်နဲ့ ညီမယ်မဟုတ်လား။

သမ္မာတရားမပါဘဲနဲ့ ကျွန်မတို့ရဲ့ ဆိုးယုတ်တဲ့ အကျင့်ပျက်စိတ်သဘောထားတွေနဲ့ လူတွေကို ဆက်ဆံတာက ညီအစ်ကိုမောင်နှမတွေကို ထိခိုက်စေနိုင်တယ်၊ သူတို့ရဲ့ အသက်ဝင်ရောက်မှုနဲ့ အသင်းတော်အလုပ်နှစ်ခုလုံးကို နှောင့်နှေးစေနိုင်တယ်ဆိုတာကို ဒီ အတွေ့အကြုံက ကျွန်မကို သိမြင်လာစေခဲ့ပါတယ်။ ဒါက ပြစ်မှားခြင်းပဲ၊ ဒုစရိုက်မှုပြုတာပဲ။ သမ္မာတရားရဲ့ စည်းမျဉ်းတွေနဲ့အညီ တခြားသူတွေကို ဆက်ဆံဖို့ ဘယ်လောက်အရေးကြီးလဲဆိုတာ ကျွန်မသိခဲ့တယ်။ ဘုရားသခင်ရဲ့နှုတ်ကပတ်တော်တွေ လမ်းညွှန်မှုကြောင့် ကျွန်မ ဒီလိုအသိတရားလေး ရလာတာ။

အရှေ့သို့- ၁၀။ ဝတ်ကျေတမ်းကျေလုပ်ဆောင်ခြင်းကို ကုစားပြီးနောက်မှသာ တာဝန်ကို မှန်မှန်ကန်ကန် ဆောင်ရွက်နိုင်သည်

နောက်တစ်ခုသို့- ကျွန်မ ကြုံခဲ့ရသော စမ်းသပ်မှု

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

ဘုရားသခင်၏ နှုတ်ကပတ်တော်များက လမ်းခရီးကို ဦးဆောင်သည်

ရှောင်ချင်၊ ရှန်းကျီ ဘုရားသခင်၏ နှုတ်ကပတ်တော်များက၊ “လူတို့ကို ဖော်ထုတ်ရာတွင် ဘုရားသခင်၏ ရည်ရွယ်ချက်မှာ ၎င်းတို့ကို ရှင်းပစ်ဖို့ရန် မဟုတ်၊...

သမ္မာတရားကိုနားလည်ခြင်းဖြင့်သာ မိမိကိုယ်ကို စစ်မှန်စွာ သိမြင်ခြင်း

ဝန်ဝန်၊ ချန်းချူ မြို့၊ ဂျီလင်းစီရင်စု ကျွန်တော့်အမြင်တွင်တော့ ဖောက်ပြန်ပျက်ဆီးမှု တစ်စုံတစ်ရာ မမြင်ရသည့် အပြင်ပန်း...

ခုနှစ်နှစ် စမ်းသပ်ခြင်းများက ကျွန်တော့်၏ စရိုက်မှန်များကို ထုတ်ဖော်ပြသည်

ချင်ဟွေး၊ ဟေလုံကျန်းစီရင်စု ၁၉၉၄ ခုနှစ်တွင်၊ ကျွန်တော့် အမေနှင့်အတူ နောက်ဆုံးသော ကာလ ဘုရားသခင်၏ အမှုတော်ကို ကျွန်တော် လက်ခံခဲ့ပါသည်။...

ကျရှုံးနေသည့် ယောက်ျားတစ်ယောက်၏ အသွင်ကူးပြောင်းခြင်း

တုံရှင်း၊ ဖူချန်စီရင်စု ကျွန်တော့်ကို ကျေးလက်ဒေသမှာ မွေးဖွားခဲ့ပါသည်။ နိမ့်ကျသည့် လယ်သမားမျိုးရိုး မှနေလာပြီး ထို့ထက်ဆိုးသည်မှာ...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေများ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်