၂၂။ သမ္မာတရားကို လက်တွေ့လုပ်ဆောင်ခြင်း သည် သဟဇာတဖြစ်သော ညီညွတ်မှု၏ သော့ချက်ဖြစ်သည်

အမေရိကန်နိုင်ငံ၊ သန်းဖုန်း

၂၀၁၈ သြဂုတ်လတုန်းက အစ်ကိုဝမ်နဲ့အတူတူ ရုပ်ရှင်မှာသုံးမယ့်ပစ္စည်းတွေလုပ်ဖို့ ကျွန်တော်တာဝန်ကျတယ်။ အစပိုင်းမှာတော့ ကျွန်တော်မသိတာတွေအများကြီးဖြစ်နေပြီးတော့ အစ်ကိုဝမ်ကိုပဲတစ်ချိန်လုံးမေးခဲ့ရတယ်။ နည်းနည်းကြာတော့ ကျွန်တော်အလုပ်သဘောကို နားလည်လာတယ်။ ပြီးတော့ အိမ်တွင်းပြင်ဆင်မှုဒီဇိုင်းကိုလေ့လာခဲ့ပြီးတော့ ဆောက်လုပ်ရေးလုပ်ငန်းမှာလည်း လုပ်ခဲ့ဖူးလို့ လက်သမားအတွေ့အကြုံလည်းနည်းနည်းရှိတယ်။ အဲဒါကြောင့်မကြာခင်မှာပဲ ကျွန်တော်ကိုယ်တိုင် အသုံးအဆောင်ပစ္စည်းတွေလုပ်နိုင်လာတယ်။ နောက်တော့ အစ်ကိုဝမ်က အိမ်တွင်း အသုံးအဆောင်ပစ္စည်းတွေ ဒီဇိုင်းဆွဲတာမှာထူးချွန်ပေမယ့် တကယ်လက်တွေ့ပစ္စည်းတွေလုပ်တာတော့ သိပ်မကျွမ်းကျင်လှဘူး။ အဲဒီတော့ အဲဒီအပိုင်းမှာ အမြင်မတူတာမျိုးရှိလာရင် ကျွန်တော်သူပြောတာကို နားမထောင်ချင်ခဲ့ဘူး။ ပစ္စည်းတွေပြုလုပ်တာမှာ ကျွန်တော်ကပိုတော်ပြီးတော့ ကျွန်တော့်အစီအစဥ်တွေကပဲ သူ့ထက်ပိုကောင်းတယ်လို့အမြဲထင်ခဲ့တယ်။ ကြာလာတော့ ကျွန်တော်တို့ အငြင်းအခုန်တွေပိုဖြစ်လာပြီးတော့ သစ်သားတုံးလေးတစ်တုံးနဲ့ပတ်သက်ပြီးတော့ အကြာကြီးငြင်းခုန်ရတယ်။ မကောင်းတတ်လို့သာ အလျှော့ပေးခဲ့တာမျိုးရှိပေမယ့် စိတ်ထဲမှာတော့ ကျွန်တော်မှန်တယ်လို့ပဲထင်နေမိတယ်။ ကြာလာတော့ ကျွန်တော်အရမ်းစိတ်ပျက်လာပြီးတော့ သူနဲ့လုံးဝတွဲမလုပ်ချင်တော့ဘူးဖြစ်လာတယ်။

တစ်ခါက ဗီဒီယိုတစ်ခုအတွက် ကောက်ရိုးအမိုးနဲ့အိမ်လုပ်ဖို့လိုတယ်။ ဒါပေမဲ့ ကျွန်တော်တို့မှာအိမ်တိုင်အတွက် ခိုင်ခံ့တဲ့သစ်ကမရှိတော့ ကိုယ့်ဘာသာလုပ်မှပဲရမယ်။ အဲဒါနဲ့ပတ်သက်ပြီးကျွန်တော်တို့ဆွေးနွေးကြတယ်။ ကျွန်တော်ကပြောတယ် အရင်ဆုံးတိုင်တွေအတွက် မိုလုပ်ရမယ်။ ပြီးမှအဲဒါကိုကွန်ကရစ်လောင်းလိုက်ရင် ပိုခိုင်မယ်လို့။ ဒါပေမဲ့ အစ်ကိုဝမ်က တိုင်တွေကအရမ်းချောပြီး လက်တွေ့မကျဘူးဖြစ်လိမ့်မယ်တဲ့။ အဝတ်စုတ်တွေကိုသာသုံးရင် သစ်ပင်ပင်စည်ရဲ့ပုံသဏ္ဌာန်နဲ့ အသားမျိုးကို တူအောင်လုပ်လို့ရတယ်တဲ့။ ကျွန်တော်တွေးမိတယ် “ငါဆောက်လုပ်ရေးလုပ်ငန်းမှာလုပ်ဖူးတယ် ဒါပေမဲ့ ကွန်ကရစ်တိုင်မှာအဝတ်ပတ်တာတစ်ခါမှမတွေ့ဖူးဘူး။ ဘာပုံစံပဲပေါက်ပေါက် အရမ်းထူလို့လုပ်ရကိုင်ရတာခက်ပြီးတော့ ခိုင်မှာလည်းမဟုတ်ဘူး” လို့။ အဲဒါကြောင့် ကျွန်တော်က သူ့အကြံဉာဏ်ကို ပယ်ချခဲ့တယ်။ ဒါပေမဲ့ သူကတော့လုပ်ကြည့်ချင်တယ်တဲ့။ ကျွန်တော့်အကြံဉာဏ်ကိုသူလက်မခံတာကိုတွေ့တော့ ကျွန်တော်လည်းဆန့်ကျင်ခဲ့တယ်။ ကျွန်တော်တွေးမိတယ် “ငါပြောတာကို ဘာလို့နားမထောင်ရတာလဲ။ နားမထောင်လည်း အကြောင်းမဟုတ်ပါဘူး။ ငါကအမှန်ပြောတာပဲ။ ရလဒ်ထွက်လာရင်သိလိမ့်မယ်။ အဲဒါကြောင့် မအောင်မမြင်ဖြစ်ရင် ငါ့အဆိုးမဆိုနဲ့” လို့။ ကျွန်တော်တို့သဘောတူညီမှုမရတာနဲ့ နှစ်ယောက်စလုံး ကိုယ့်အစီအစဥ်နဲ့ကိုယ်လုပ်ခဲ့ကြတယ်။ ကျွန်တော်တစ်ညလောက်လုပ်ခဲ့ပြီးတော့ တိုင်တစ်တိုင်ပြီးသွားတယ်။ အစ်ကိုဝမ်ရဲ့တိုင်ကရောဘယ်လိုနေမလဲ သိချင်မိတယ်။ ပြီးတော့ ကိုယ့်အစီအစဥ်နဲ့ကိုယ် လုပ်ခဲ့ကြတာဆိုတော့ တိုင်တွေကတွဲလို့ရောအဆင်ပြေပါ့မလားပေါ့။ ကျွန်တော်စိတ်ထဲ သိပ်ဘဝင်မကျတာနဲ့ သူ့တိုင်ကိုသွားကြည့်ခဲ့တယ်။ ကျွန်တော်ရောက်လို့ကြည့်ကြည့်တော့ သူ့တိုင်ကတော်တော်လေးအဆင်မပြေဘူး။ အဲဒီအချိန်မှာ “အဆင်မပြေဘူးလို့ ငါပြောသားပဲ။ နားမှမထောင်တာ။ အခုဆိုငါ့အကြံဉာဏ်ကိုပိုကောင်းတယ်ဆိုတာ အရှင်းကြီးဖြစ်သွားပြီ” လို့တွေးမိတယ်။ ပြီးတော့ ကျွန်တော် အစ်ကိုဝမ့်ကိုပြောလိုက်တယ် “အစ်ကိုဝမ်၊ တိုင်ကထူနေတယ်နော်။ ကျွန်တော်တို့ဆောက်မယ့် ကောက်ရိုးအမိုးအိမ်က အကြီးကြီးမဟုတ်ဘူး။ ဒါနဲ့တော်ပါ့မလား။ အက်ကြောင်းတွေလည်းအများကြီးပဲ။ ခိုင်မယ့်ပုံမပေါ်ဘူး။ ကျွန်တော်တို့တိုင်တွေက တစ်ခုနဲ့ တစ်ခုလုံးဝမတူဘူး။ ရုပ်ရှင်မှာဘယ်လိုလုပ်သုံးမလဲ။ အဲဒါလိုမျိုးမလုပ်နဲ့တော့။ ကျွန်တော်ပြောသလိုပဲလုပ်ပါလား” လို့ပြောလိုက်တယ်။ သူက “ငါ့တိုင်ကနည်းနည်းထူပေမယ့် ပြဿနာမရှိပါဘူး။ မင်းရဲ့ကွန်ကရစ်တိုင်က သစ်ပင်ပင်စည်နဲ့ မတူဘူး။ နောက်ကျရင်နည်းနည်းထပ်လုပ်ရလိမ့်မယ်။” လို့ပြောတော့ ကျွန်တော်အံ့အားသင့်ခဲ့ရတယ်။ သူကလက်မခံတဲ့အပြင် ကျွန်တော်လုပ်ထားတာကိုပါ မကောင်းဘူးလို့ပြောသေးတယ်။ တော်တော်ကို စိတ်ကသိကအောက်ဖြစ်ခဲ့ရတယ်။ ကျွန်တော်တွေးမိတယ် “ပြောရဆိုရတာ တော်တော်လက်ပေါက်ကပ်တာပဲ။ ခင်ဗျားနဲ့ဘယ်လိုမှအလုပ်တွဲလုပ်လို့မရဘူး။” လို့။ ကျွန်တော်ညစာစားပြီးတော့ ကွန်ပျူတာရှေ့မှာထိုင်ပြီး ပြန်စဥ်းစားမိတယ်။ စိတ်နည်းနည်းပျက်မိတယ်။ အစ်ကိုဝမ်က အမြဲသူလည်းမှားသေးတယ် ကျွန်တော်နဲ့လည်း အမြဲတမ်းထိပ်တိုက်တွေ့တယ်။ ကျွန်တော်သူနဲ့ တကယ်ကို အလုပ်တွဲမလုပ်ချင်တော့ဘူး။ ဒါပေမဲ့ ပြီးတော့ ကျွန်တော် ပြဿနာကိုရှောင်နေပြီးတော့ မနာခံဖြစ်တာကြာပြီဆိုတာကို သွားသတိရတယ်။ ကျွန်တော်ပိုပြီး စိတ်ရှုပ်ပြီး စိတ်ညစ်လာတာနဲ့ ဘုရားသခင်ရှေ့မှောက်ကိုသွားပြီး ဆုတောင်းခဲ့တယ်။ အစ်ကိုဝမ်နဲ့ ပိုအဆင်ပြေအောင် ကျွန်တော့်ကိုယ်ကျွန်တော်ပိုသိအောင်လမ်းပြပေးဖို့ တောင်းဆိုခဲ့တယ်။

အဲဒါပြီးတော့ ကျွန်တော်အသင်းတော်ရဲ့ ဝက်ဘ်ဆိုဒ်ကိုသွားပြီးတော့ အတူတကွပူးပေါင်းအမှုတော်ထမ်းဆောင်တာနဲ့ ပတ်သက်တဲ့ ဘုရားသခင်ရဲ့နှုတ်ကပတ်တော်တွေကို ဖတ်ခဲ့တယ်။ ဘုရားသခင်ကပြောတယ် “ယခုကာလတွင် များစွာသောလူတို့သည် အခြားသူများနှင့် ညှိနှိုင်းဆောင်ရွက်ရာ၌ မည်သည့်သင်ခန်းစာများ သင်ယူသင့်သည်ကို ဂရုမပြုကြပေ။ သင်တို့အများအပြားသည် အခြားသူများနှင့် ညှိနှိုင်းဆောင်ရွက်စဉ်တွင် သင်ခန်းစာများကို လုံးဝ မသင်ယူနိုင်သည်ကို ငါ တွေ့ရှိခဲ့လေပြီ။ သင်တို့အများစုက သင်တို့၏ ကိုယ်ပိုင်အမြင်များကို ဆုပ်ကိုင်တတ်ကြသည်။ အသင်းတော်၌ အလုပ်လုပ်သောအခါ သင်က သင့်အမြင်ကို ပြောပြီး၊ နောက်တစ်ယောက်က သူ့အမြင်ကိုပြောကာ အမြင်တစ်ခုက အခြားတစ်ခုနှင့် ဆက်စပ်မှုမရှိပေ။ သင်တို့သည် အကယ်စင်စစ် ပူးပေါင်းဆောင်ရွက်ခြင်း လုံးဝမရှိကြချေ။ သင်တို့အားလုံးသည် အသေးဆုံးသော နည်းလမ်းဖြင့်ပင် အသက်တာကို ရှာဖွေခြင်းမရှိဘဲ မိမိ၏ ကိုယ်ပိုင်စိတ်ကူး အမြင်များကို ပြောပြခြင်း သို့မဟုတ် သင့်အထဲတွင် သယ်ဆောင်ထားသည့် ‘ဝန်ထုပ်ဝန်ပိုးများ’ ကို လျှော့ချခြင်း၌သာ လွန်စွာ အာရုံစွဲငြိလျက် ရှိကြသည်။ အခြားတစ်ယောက် မည်သည့်အရာပြောသည် သို့မဟုတ် မည်သည့်အရာလုပ်သည်ကို ပဓာနမထားဘဲ သင့်ကိုယ်ပိုင် လမ်းကြောင်းကို လျှောက်သင့်သည်ဟု အမြဲယုံကြည်လျက် အလုပ်ကို ဝတ်ကျေတမ်းကျေ လုပ်ဆောင်နေပုံသာ ပေါက်သည်။ အခြားသူများ၏ အခြေအနေ မည်သည့်အရာ ဖြစ်နေပါစေ၊ သန့်ရှင်းသောဝိညာဉ်တော် သင့်ကို လမ်းပြသည့်အတိုင်း မိတ်သဟာယပြုသင့်သည်ဟု သင်ထင်သည်။ သင်သည် အခြားသူများ၏ စွမ်းရည်များကို မတွေ့နိုင်သကဲ့သို့ မိမိကိုယ်ကိုယ် စစ်ဆေးခြင်းငှာလည်း မစွမ်းနိုင်ကြပေ။ အမှုအရာများအပေါ် သင်၏လက်ခံခြင်းမှာ အမှန်တကယ် စံသွေပြီး မှားယွင်းသည်။ ထိုရောဂါဟောင်း ပြန်ထလေသကဲ့သို့ သင်တို့သည် မိမိကိုယ်ကိုယ် တရားနည်းလမ်းကျသည်ဟု ထင်မှတ်ခြင်းများစွာကို ယခုပင်လျှင် သင်တို့ ထုတ်ဖော်ပြသေးသည်ဟု ဆိုနိုင်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဣသရေလအမျိုးသားများ အစေခံခဲ့သကဲ့သို့ အစေခံလော့”) “ညီအစ်ကိုမောင်နှမများနှင့် ပူးပေါင်းဆောင်ရွက်ခြင်းသည် တစ်ယောက်သောသူ၏အားနည်းချက်အား အခြားသောသူ၏ ခွန်အားဖြင့် အားဖြည့်ခြင်းကိုဆိုလိုသည်။ အခြားသူ၏အားနည်းချက်အတွက် သင်၏အားသာချက်များကိုအသုံးပြု၍ ဖာထေးပေးခြင်း၊ အခြားသူများသည်လည်း သင့်ကိုဖာထေးပေးဖို့ရန် သူတို့၏ခွန်အားများအသုံးပြုခြင်းဖြစ်သည်။ ဤသည်မှာ အခြားသူ၏အားသာချက်ဖြင့် တစ်ယောက်သောသူ၏အားနည်းချက်များကို အားဖြည့်ခြင်းနှင့် စိတ်သဘောထားညီညွတစွာ ပူးပေါင်းဆောင်ရွက်ခြင်းကို ဆိုလိုခြင်းဖြစ်သည်။ စိတ်သဘောထားညီညွတ်စွာ ပူးပေါင်းဆောင်ရွက်ခြင်းရှိမှသာလျှင် လူတို့သည် ဘုရားသခင်ရှေ့၌ ကောင်းချီးခံစားရရှိပြီး ဤနည်းအားဖြင့် ကိစ္စအရပ်ရပ်သည်လည်း အစဥ်ချောမွေ့၊ တောက်ပ၍ မိမိသည်လည်း ပို၍စိတ်ချမ်းသာသောသူ ဖြစ်လာမည်။ သင်သည် သင်ပြောသည်ကို မည်သည့်အခါမှ နားမထောင်ချင်သောသူများနှင့် ပေါင်းဖော်ရာ၌ အမြဲခေါင်းမာ၍ အမြဲပင် ၎င်းတို့အပေါ် အပေါ်ယုံကြည်မှုမရှိလျှင်၊ သင်သည် သူတစ်ပါး၏ဂုဏ်သိက္ခာကို ထိန်းသိမ်းပေးရန် သင်ကြိုးစားသည့်တိုင် တစ်ပါးသူများသည် သင်ပြုသည့် အတိုင်းမပြုကြဘဲ ယင်းကို သင် မခံမရပ်နိုင်ဖြစ်လျှင်၊ သင်သည် သူတစ်ပါးတို့ ပြောသည့်အရာအပေါ်၌ သူတို့အား ချောင်ပိတ်၍ ပြန်လည်ပြောဆိုပြီး ထိုသူတို့သည် ဤအချက်ကို မှတ်မိကာ နောက်တစ်ဖန် ပြဿနာတစ်ခုပေါ်ပေါက်လာပါက သူတို့သည် သင့်အပေါ်ကို သင်ပြုသည့်အတိုင်း ပြုမူလျှင် သင်ပြုနေသည့်အရာသည် သင်၏အားသာချက်ဖြင့် အခြားသောသူ၏အားနည်းချက်အား အားဖြည့်ပေးခြင်း၊ စိတ်သဘောထားညီညွတ်စွာ ပူးပေါင်းဆောင်ရွက်ခြင်းဟူ၍ ခေါ်ဆိုနိုင်သလော။ ဤအရာသည် ပဋိပက္ခဖြစ်ခြင်း၊ သင်၏ ဖောက်ပြန်ပျက်စီးသော စိတ်သဘောထားနှင့် သင်၏အမျက်ဒေါသဖြင့် အသက်ရှင်ခြင်းဟုခေါ်ဆိုသည်။ ၎င်းသည် ဘုရားသခင်ထံမှ ကောင်းချီးလည်း မရရှိနိုင်ပါ။ ဘုရားသခင်ကို နှစ်သက်စေမည်လည်းမဟုတ်ပေ။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သဟဇာတဖြစ်သော ညှိနှိုင်းဆောင်ရွက်ခြင်း”) ကျွန်တော်နဲ့ အစ်ကိုဝမ်အဆင်မပြေတာက ကျွန်တော်က မာနကြီးပြီး ဘဝင်မြင့်တဲ့ စိတ်သဘောထားနဲ့ နေနေလို့ပဲဆိုတာကို ဘုရားသခင်ရဲ့နှုတ်ကပတ်တော်တွေက ပြသလိုက်တယ်။ ကျွန်တော်တို့ရဲ့အမှုတော်မှာ ကျွန်တော်ကပဲ နောက်ဆုံးဆုံးဖြတ်ချက်ကို ချချင်ခဲ့တယ်။ ရုပ်ရှင်သုံးပစ္စည်းတွေလုပ်တာမှာ ကျွန်တော်ကတော်တယ်၊ အစ်ကိုဝမ်ထက် ပိုတော်တယ်လို့အမြဲတမ်းထင်ခဲ့တယ်။ အဲဒါကြောင့် အမြဲတမ်းသူ့ကိုနှိမ်ပြီးတော့ ကျွန်တော့်ကိုနားထောင်ပြီး ကျွန်တော်ပြောသလိုပဲလုပ်စေချင်ခဲ့တယ်။ တိုင်တွေနဲ့ပတ်သက်ပြီး သူကအကြံဉာဏ်ပေးတော့ အဲဒါကိုကျွန်တော်မလေ့လာဘဲနဲ့ ချက်ချင်းပဲပယ်ချခဲ့တယ်။ သူ့ကိုနှိမ်ချပြီးတော့ မတူမတန်သလိုတောင် သဘောထားခဲ့တယ်။ သူကဘာမှမထူးချွန်လို့ သူ့အကြံဉာဏ်ကို ထည့်စဥ်းစားဖို့မလိုဘူးလို့ ထင်ခဲ့တယ်။ သူ့တိုင်တွေကမကောင်းတာကိုမြင်တော့ ကျွန်တော်မှန်တယ်လို့ထင်ပြီးတော့ သူလုပ်ထားတာကို မသိမသာချိုးနှိမ်ပြောခဲ့ပြီးတော့ ကျွန်တော်ပြောတာကို လက်ခံစေချင်ခဲ့တယ်။ ကျွန်တော့်အစီအစဥ်ရဲ့အားနည်းချက်တွေကို သူထောက်ပြတော့ ကျွန်တော်လက်မခံခဲ့သလို သူနဲ့အတူတူအဖြေရှာဖို့တောင် မစဥ်းစားခဲ့ဘူး။ ကျွန်တော်သူ့ကိုဆန့်ကျင်ပြီးတော့ သူနဲ့တောင်အလုပ်တွဲမလုပ်ချင်တော့ဘူးဖြစ်ခဲ့တယ်။ ကျွန်တော်ပြောဆို လုပ်ဆောင်နေတာအကုန်လုံးက ကျွန်တော်မှန်ကြောင်းပြဖို့ဖြစ်ပြီးတော့ သူ့ကိုနားထောင်စေချင်ခဲ့တယ်။ အဲဒါက မာနကြီးပြီး ဘဝင်မြင့်တဲ့ စာတန်ရဲ့စိတ်သဘောထားပါပဲ။ ဘုရားသခင်ရဲ့ ဒီနှုတ်ကပတ်တော်တွေနဲ့ သွားကိုက်ညီနေတယ် “သင်ပြုနေသည့်အရာသည် သင်၏အားသာချက်ဖြင့် အခြားသောသူ၏အားနည်းချက်အား အားဖြည့်ပေးခြင်း၊ စိတ်သဘောထားညီညွတ်စွာ ပူးပေါင်းဆောင်ရွက်ခြင်းဟူ၍ ခေါ်ဆိုနိုင်သလော။ ဤအရာသည် ပဋိပက္ခဖြစ်ခြင်း၊ သင်၏ ဖောက်ပြန်ပျက်စီးသော စိတ်သဘောထားနှင့် သင်၏အမျက်ဒေါသဖြင့် အသက်ရှင်ခြင်းဟုခေါ်ဆိုသည်။ ၎င်းသည် ဘုရားသခင်ထံမှ ကောင်းချီးလည်း မရရှိနိုင်ပါ။ ဘုရားသခင်ကို နှစ်သက်စေမည်လည်းမဟုတ်ပေ။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သဟဇာတဖြစ်သော ညှိနှိုင်းဆောင်ရွက်ခြင်း”) ဘုရားသခင်က အဲဒီလိုလူတွေကို စက်ဆုပ်တယ်ဆိုတာကို သူ့ရဲ့နှုတ်ကပတ်တော်တွေကနေတစ်ဆင့် ကျွန်တော်ခံစားလို့ရတယ်။ ဘုရားသခင်က ကျွန်တော်နဲ့ အစ်ကိုဝမ်ကိုတွဲလုပ်ဖို့ စီစဥ်ခဲ့တယ်။ တစ်ယောက်အားနည်းချက်ကို တစ်ယောက်ကကူညီပြီးတော့ အမှုတော်ကို ကောင်းကောင်းထမ်းဆောင်ဖို့မျှော်လင့်ခဲ့တယ်။ ဒါပေမဲ့ ကျွန်တော်က မာနနဲ့ပဲ ပြောဆိုလုပ်ကိုင်ခဲ့ပြီးတော့ ကျွန်တော်မှန်တယ်၊ ကျွန်တော်ကပဲဆုံးဖြတ်ချက်ချသင့်တယ်လို့ အမြဲထင်ခဲ့တယ်။ ကျွန်တော့်အတွေးအခေါ်ကိုပဲ အမှန်တရားအဖြစ် သူများတွေကိုလက်ခံစေချင်ခဲ့ပြီးတော့ ဘယ်သူ့အကြံဉာဏ်ကိုမှ လက်မခံခဲ့ဘူး။ ဘုရားသခင်က အဲဒီလိုစိတ်သဘောထားကို ပြင်းပြင်းထန်ထန်ကို မနှစ်မြို့ဘူး။ ကျွန်တော်တွေးမိလေလေ နောင်တတွေနဲ့ အပြစ်ရှိသလိုခံစားလာရလေဖြစ်ပြီးတော့ ဘုရားသခင်ရှေ့မှောက်မှာ သွားဆုတောင်းခဲ့တယ် “ဘုရားသခင် ကျွန်တော့်ရဲ့မာနကြောင့် သူများတွေနဲ့ အလုပ်ကောင်းကောင်းတွဲမလုပ်နိုင်ခဲ့ဘဲနဲ့ အဲဒါကြောင့် ကျွန်တော့်ရဲ့အမှုတော်ကို ထိခိုက်လာပါတယ်။ ကျွန်တော်ဝန်ချတောင်းပန်ချင်ပါတယ် ဘုရားသခင်။ ကျွန်တော်မာနကိုဘေးချိတ်ပြီးတော့ အမှုတော်ကို ညီအစ်ကိုတွေနဲ့အတူတွဲပြီးတော့ ကောင်းမွန်စွာထမ်းဆောင်ချင်ပါတယ်” လို့။

အဲဒါပြီးတော့ ဘုရားသခင်နှုတ်ကပတ်တော်တွေထဲက နောက်စာပိုဒ်တစ်ခုကိုဆက်ဖတ်ခဲ့တယ်။ အနန္တတန်ခိုးရှင် ဘုရားသခင် ပြောသည်မှာ- “တာဝန်တစ်ခုထမ်းဆောင်ရန် ပူးပေါင်းဆောင်ရွက်ရသည့်အချိန်တွင် လူနှစ်ဦးသည် ကိစ္စအကြောင်းအရာတစ်ခု၏ အခြေခံသဘောတရားအပေါ်၌ သဘောထားကွဲလွဲမှုရှိပါသည်။ သူတို့၌ ကွဲပြားသေ ရှုထောင့် များနှင့် ကွဲပြားသောအမြင်များရှိပါသည်။ ၎င်းအခြေအနေ၌ မည်သည့်အရာဖြစ်နိုင်သနည်း။ ဤကိစ္စသည် မကြာခဏဖြစ်ပျက်နေသလော။ ဤအရာသည် လူများ၏ စိတ်သဘောထားများ၊ အရည်အချင်းများ၊ ထိုးထွင်းသိမြင်မှုများ၊ အသက်အရွယ်များ၊ အတွေ့အကြုံများ မတူညီ မှုတို့မှဖြစ်ပေါ်စေသည့် သာမန်ဖြစ်စဥ်တစ်ခုဖြစ်ပါသည်။ လူနှစ်ဦး၏အတွေးခေါ်သည် တထပ်တည်းကျ၍ တူညီနိုင်ဖို့ဆိုသည်မှာ မဖြစ်နိုင်ပေ။ ထို့ကြောင့် လူနှစ်ဦး၏ အတွေးအခေါ် နှင့် အမြင်များ၌ ကွဲပြားမှုဖြစ်လာနိုင်ခြင်းသည် ပုံမှန်ဖြစ်စဉ်တစ်ခုဖြစ်ပြီး ဖြစ်လေ့အရှိဆုံးသောအရာတစ်ခုဖြစ်သည်။ ဤဖြစ်စဉ်ထဲ၌ မိမိကိုယ်ကိုယ် မချည်နှောင်ပါနှင့်။ အရေးပါသော မေးခွန်းမှာ ဤကဲ့သို့သော ကိစ္စများဖြစ်ပေါ်လျှင် သင်သည် ဘုရားသခင်ရှေ့မှောက်၌ စည်းလုံးခြင်းရရှိရန်နှင့် ထင်မြင်ယူဆချက်များ တညီတညွတ်တည်းဖြစ်ရန် မည်သို့ ပူးပေါင်းဆောင်ရွက်ကာ ကြိုးစားသင့်သနည်းဆိုသည့် အချက်ဖြစ်ပေသည်။ တညီတညွတ်တည်း သဘောထားရှိခြင်း၏ ရည်ရွယ်ချက်ပန်းတိုင်မှာ အဘယ်နည်း။ ဤကိစ္စနှင့်ပတ်သက်၍ သမ္မာတရား၏ အခြေခံသဘောတရားကိုရှာဖွေရန်နှင့် သင်၏ကိုယ်ပိုင် သို့မဟုတ် တစ်စုံတစ်ယောက်၏ ရည်ရွယ်ချက်ဖြင့် လုပ်ဆောင်ခြင်းမဟုတ်ဘဲ ဘုရားသခင်၏ ရည်ရွယ်ချက်ကို အတူတကွရှာဖွေရန် ဆိုလိုခြင်းပင်ဖြစ်သည်။ ဤသည်မှာ သင့်မြတ်သောပူး‌ပေါင်းဆောင်ရွက်ခြင်းရရှိစေသော လမ်းကြောင်းပင်ဖြစ်သည်။ ဘုရာသခင်၏ ရည်ရွယ်ချက်နှင့် သူတောင်းဆိုသည့် အခြေခံသဘောတရားများအား သင်ရှာဖွေသည့်အချိန်မှသာလျှင် စည်းလုံးညီညွတ်ခြင်းကို သင်ရရှိနိုင်မည်ဖြစ်သည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သဟဇာတဖြစ်သော ညှိနှိုင်းဆောင်ရွက်ခြင်း”) ဘုရားသခင်ရဲ့နှုတ်ကပတ်တော်တွေကို ဖတ်ပြီးသွားတော့ ကျွန်တော်တို့ပူးပေါင်းဆောင်ရွက်တာမှာ သဘောတူညီမှုရဖို့ တစ်ယောက်ပြောတာကိုပဲ နားထောင်လို့မရဘဲ သမ္မာတရားရဲ့ အခြေခံသဘောတရားတွေကို သေချာလေ့လာဆည်းပူးမယ်ဆိုတာကို ကျွန်တော်သိလိုက်ရတယ်။ တကယ်စစ်မှန်တဲ့ သဟဇာတဖြစ်တဲ့ ပူးပေါင်းဆောင်ရွက်မှုဆိုတာ သမ္မာတရားကိုလိုက်စားပြီးတော့ အခြေခံသဘောတရားအတိုင်း လုပ်ဆောင်ခြင်းပဲ။ အစ်ကိုဝမ်နဲ့ ကျွန်တော်က မတူညီတဲ့ အသိဉာဏ်၊ အတွေ့အကြုံနဲ့ ကျွမ်းကျင်မှုတွေရှိတော့ အလုပ်မှာ အမြင်မတူတာ သဘာဝပါပဲ။ သူနဲ့အတူတူ အခြေခံသဘောတရားတွေကို လိုက်စားပြီးတော့ ကျွန်တော့်မာနကို ဘေးချိတ်ထားတတ်အောင်လုပ်ရမယ်။ ကျွန်တော်တို့တွေ သမ္မာတရားကို နာခံပြီးတော့ ဘုရားသခင်အိမ်တော်ရဲ့အလုပ်တွေကို ထိန်းသိမ်းရမယ်။ အဲဒါမှ ကျွန်တော်တို့ရဲ့အမှုတော်မှာ သန့်ရှင်းသောဝိဉာဥ်တော် ရဲ့လမ်းညွှန်မှုကိုရရှိလိမ့်မယ်။ အဲဒါကိုသဘောပေါက်သွားတော့ ကျွန်တော် နောက်နေ့မိတ်သဟာယဖွဲ့တာမှာ အစ်ကိုဝမ်ကို ပွင့်ပွင့်လင်းလင်းပြောဖို့ဆုံးဖြတ်ခဲ့တယ်။ အဲဒါမှကျွန်တော်တို့အတူတူ ရုပ်ရှင်ပစ္စည်းတွေကို ကောင်းကောင်းလုပ်နိုင်မှာ။ အံ့သြစရာကောင်းတာက သူကကျွန်တော့်ကိုလာရှာပြီးတော့ သူအရမ်းခေါင်းမာခဲ့ပြီးတော့ သူ့အစီအစဥ်ကလည်းမကောင်းဘူးလို့ပြောလာတယ်။ သူလုပ်ထားတဲ့တိုင်ကိုတောင်ဖျက်လိုက်ပြီးတော့ ကျွန်တော့်အကြံဉာဏ်အတိုင်းလုပ်တော့မလို့တဲ့။ သူအဲဒီလိုပြောတာကြားရတော့ ကျွန်တော်ရှက်မိတယ်။ ကျွန်တော့်ရဲ့အခြေအနေနဲ့ နားလည်ခဲ့တာတွေကိုလည်း အစ်ကိုဝမ်ကိုပြောပြခဲ့ပြီးတော့ ကျွန်တော်တို့နှစ်ယောက်လုံး မာနတွေကိုရှေ့တန်းမတင်တော့ ကျွန်တော်တို့ကြားထဲမှာ အတားအဆီးမရှိတော့ဘူး။ အဲဒါပြီးတော့ အမှုတော်မှာ ကျွန်တော်ရဲ့လိုအပ်ချက်တွေကိုလည်းမြင်လာတယ်။ ကျွန်တော်လုပ်ခဲ့တဲ့တိုင်က အရမ်းချောပြီးတော့ တကယ့်သစ်ပင်ပင်စည်နဲ့မတူပါဘူး။ နောက်တစ်ခေါက်လောက်တော့ အပြောင်းအလဲတွေလုပ်ဖို့လိုသေးတယ်။ ကျွန်တော်အစ်ကိုဝမ်နဲ့သွားတိုင်ပင်ခဲ့ပြီးတော့ ခဏလေးနဲ့ပဲ ကျွန်တော်တို့ အဖြေကိုရှာတွေ့ခဲ့ပါတယ်။ ကျွန်တော်တို့ တစ်ယောက်လိုအပ်တာကို တစ်ယောက်ကဖြည့်ပေးခဲ့ပြီးတော့ တစ်ရက်တည်းမှာပဲ သုံးတိုင်ပြီးခဲ့ပါတယ်။ အရင်ကဆို တစ်နေ့လုံးလောက်လုပ်မှ နှစ်တိုင်လောက်ပဲပြီးပြီးတော့ တစ်ခုမှလည်းမကောင်းဘူး။ အခုဆို အလုပ်လည်းအများကြီးပိုပြီးတယ်။ သမ္မာတရားကို လက်တွေ့လုပ်ဆောင်ပြီးတော့ အမှုတော်မှာ ညီအစ်ကိုမောင်နှမတွေနဲ့ ပူးပေါင်းဆောင်ရွက်ဖို့က ဘယ်လောက်အရေးကြီးလဲဆိုတာကို ကျွန်တော်သဘောပေါက်သွားတယ်။ ဒါပေမဲ့ ကျွန်တော်က အရမ်းမာနကြီးပြီး ဘဝင်မြင့်လို့ သိပ်မကြာခင်မှာပဲ အခြားလူတွေနဲ့လည်း အလုပ်တွဲလုပ်ရတာအဆင်မပြေဖြစ်ခဲ့သေးတယ်။

တစ်ခါက ရိုက်ကွင်းနေရာမှာ ညီအစ်ကိုမောင်နှမတွေ မိုးခိုဖို့ ရွက်ဖျင်တဲထိုးဖို့ကို ကျွန်တော်နဲ့ အစ်ကိုလီတွဲလုပ်ရတယ်။ ကျွန်တော်တို့ရဲ့ ဆွေးနွေးမှုမှာ ကျွန်တော်ပေးတဲ့ အကြံဉာဏ်ကို သူကအရမ်းသဘောကျတယ်။ အဲဒီအချိန်မှာ “ကျွန်တော်က အရင်ကဆောက်လုပ်ရေးမှာလုပ်ခဲ့ဖူးတော့ ခင်ဗျားထက်တော့ပိုသိတာပေါ့” လို့တွေးမိတယ်။ ဒါပေမဲ့ အဲဒါပြီးတော့ သူကစိတ်ပူတာတစ်ခုရှိတယ်တဲ့။ “သတ္တုတိုင်က ၁၆ တိုင်ပဲရှိတယ်။ ဒီအစီအစဥ်အတွက်လောက်ပါ့မလား။ ကောင်းပါ့မလား။ စိတ်ရောချရပါ့မလား” လို့သူကပြောတယ်။ လို့သူကပြောတယ်။ ကျွန်တော်က “တြိဂံပုံစံဆောက်မှာလေ။ တြိဂံပုံစံအဆောက်အဦးတွေရဲ့ ဟန်ချက်ညီမှုအကြောင်းကို မသင်ဖူးဘူးလား။ ခိုင်တယ်။ ဘာမှမဖြစ်ဘူးလို့” တွေးမိတယ်။ အဲဒါနဲ့ကျွန်တော်လည်း အထက်စီးလေသံနဲ့ ပြန်ပြောခဲ့တယ်။ “၁၀၀ ရာခိုင်နှုန်း စိတ်ချရပါတယ်ဆိုတာတော့မရှိဘူး။ ဒါပေမဲ့ အဆင့် ၁၀ ဟာရီကိန်းမုန်တိုင်းမတိုက်သရွေ့တော့ အဆင်ပြေမှာပါ” လို့။ ပြီးတော့ သူကကျွန်တော့်ကိုပုံကြမ်းဆွဲပြီး အသေးစိတ်တွေရှင်းပြခိုင်းတယ်။ ကျွန်တော်လည်းစိတ်မရှည်တော့ဘဲနဲ့ “မလိုဘူး။ ပုံကြမ်းကခေါင်းထဲမှာအကုန်ရှိပြီးသား။ သေချာအောင်လုပ်လိုက်မယ်” လို့ပြောလိုက်တယ်။ သူဘာမှထပ်မပြောတော့ဘူး။ နောက်နေ့ နေ့လည်မှာ ကျွန်တော်တဲကိုစဆောက်ကြတော့ တခြားညီအစ်ကိုတစ်ယောက်က အမိုးကိုစိတ်ချရအောင်လို့ သတ္ထုတိုင်နှစ်တိုင်ကိုအရင်ထောင်ပြီးမှ ဘေးဘက်တွေကို ခိုင်အောင်လုပ်သင့်တယ်လို့ အကြံပေးတယ်။ အဲဒါကိုကြားတော့ “အဲဒီလိုဆို အချိန်အများကြီးပိုကြာသွားမှာ။ ငါသေချာစဥ်းစားပြီးပြီ။ ငါ့နည်းလမ်းကအကောင်းဆုံးပဲ။ မင်းကလူသစ်။ ဆွေးနွေးတုန်းကလည်းမပါဘူး။ ငါ့အစီအစဥ်က သေချာပေါက်ပိုကောင်းတယ်” လို့တွေးမိတယ်။ အဲဒါနဲ့ ကျွန်တော်သူ့ကိုပြောလိုက်တယ် “အဲဒီလိုဆို အရမ်းကြာသွားလိမ့်မယ်။ အဲဒီတိုင်နှစ်တိုင်က ပြီးရင်လည်းပြန်ဖြုတ်ရမှာပဲ။ အဲဒီတော့ အနောက်နေစဆောက်တာက ပိုမြန်လိမ့်မယ်” လို့။ ကျွန်တော်ကသူပြောတာကို လက်ခံမယ့်ပုံမပေါ်တော့ သူဘာမှဆက်မပြောတော့ဘူး။ အဲဒါနဲ့ ကျွန်တော့်အစီအစဥ်အတိုင်းပဲ တဲကိုစဆောက်ခဲ့တယ်။ ကျွန်တော်လှေကားထိပ်ကိုလည်းရောက်ရော သတ္ထုတိုင်က ချိတ်ကရုတ်တရက် ချောင်ပြီးတော့ တိုင်ကလဲကျသွားတယ်။ ကံကောင်းချင်တော့ မြက်ခင်းပေါ်ပဲကျပြီးတော့ ပစ္စည်းတွေ၊ လူတွေကိုမထိခဲ့ဘူး။ ကျွန်တော်တော်တော်လန့်သွားတယ်။ “ဘယ်လိုဖြစ်တာပါလိမ့်” လို့တွေးမိတယ်။ “ငါသေချာကြပ်ထားရဲ့သားနဲ့ ဘယ်လိုလုပ်ပြုတ်ကျတာလဲ။ တစ်ယောက်ယောက်က တည့်တည့်မကိုင်ထားလို့ ချိတ်ကမကြပ်တာနေမယ်” လို့ပေါ့။ ကျွန်တော်ကအဲဒီလိုရိုးရိုးလေးပဲ ယူဆခဲ့ပြီးတော့ အရမ်းကြီးထပ်မစဥ်းစားခဲ့ဘူး။ ကျွန်တော့်အစီအစဥ်အတိုင်းပဲ ဆက်ပြီးဆောက်ခဲ့တယ်။ အဲဒါပြီးတော့ အခုလေးတင်ထောင်လိုက်တဲ့တိုင်က ကျွန်တော်ပေါ်ကို ပြုတ်ကျတယ်။ ကျွန်တော်တက်နေတဲ့ လှေကားတည့်တည့်ကိုပဲ။ ကျွန်တော် လှေကားပေါ် ခြောက်ပေအမြင့်လောက်ကနေ ပြုတ်ကျတယ်။ ဘာဒဏ်ရာမှမရတာကံကောင်းတယ်။ ဒီအဖြစ်အပျက်နှစ်ခုက သူ့ဘာသာထဖြစ်တာမဟုတ်ဘူးဆိုတာကို ကျွန်တော်သဘောပေါက်သွားတယ်။ ဘုရားသခင်ရဲ့ဂရုစိုက်မှုနဲ့ အကာအကွယ်ပေးမှုကြောင့်သာမဟုတ်ရင် ဒီတိုင်တွေကြောင့် တစ်ယောက်ယောက်ထိခိုက်သွားရင် အကျိုးဆက်က အရမ်းဆိုးရွားသွားမှာ။ အဲဒါကိုတွေးမိလေလေ ပိုအပြစ်ရှိသလိုခံစားရပြီး ကြောက်လေလေဖြစ်ပြီးတော့ ဘုရားသခင်ရှေ့မှောက်မှာ အမြန်သွားဆုတောင်းခဲ့တယ်။ “ဘုရားသခင် ဒီနေ့တလွဲတချော်တွေဖြစ်ခဲ့ပါတယ်။ နောက်ကွယ်မှာ အရှင့်ရဲ့ကောင်းမွန်တဲ့ အလိုတော်နဲ့ ကျွန်တော့်အတွက် သင်ယူစရာတစ်ခုခုရှိမယ်ဆိုတာကို သိပါတယ်။ ဒါပေမဲ့ ကျွန်တော်ဘာကိုသင်ခန်းစာယူရမှန်းမသိဘူးဖြစ်နေပါတယ်။ အရှင့်ရဲ့အလိုတော်ကိုသိအောင် ကျွန်တော့်ကို လမ်းပြပြီးတော့ အလင်းပေးတော်မူပါ” လို့ဆုတောင်းခဲ့တယ်။ ဆုတောင်းပြီးတော့ ဘုရားသခင်ရဲ့နှုတ်ကပတ်တော်တွေကို တွေးမိခဲ့တယ်။ “တစ်စုံတစ်ခုကို သင်လုပ်ဆောင်သည့်အခါတိုင်း၊ ယင်းက အမြဲတမ်း လွဲချော်တတ်သည် သို့မဟုတ် ရပ်တန့်သွားတတ်သည်။ ဤသည်မှာ ဘုရားသခင်၏ ဆုံးမပဲ့ပြင်ခြင်း ဖြစ်သည်။ တစ်ခါတစ်ရံတွင် သင်သည် ဘုရားသခင်အား နာခံမှုမရှိဘဲ ပုန်ကန်တတ်သော အရာတစ်ခုခုကို ပြုလုပ်သည့်အခါ၊ အခြားမည်သူမျှ မသိနိုင်သော်လည်း ဘုရားသခင်သိ၏။ သူသည် သင့်ကို အလွတ်မပေးဘဲ၊ သင့်ကို သူဆုံးမပဲ့ပြင်လိမ့်မည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “စုံလင်ခြင်းသို့ ရောက်မည့်သူများသည် စစ်ဆေးခြင်းကို ခံကြရမည်”) စိတ်ထဲမှာ အဲဒီနှုတ်ကပတ်တော်တွေကိုပဲ တွေးနေမိတယ်။ “အခြားမည်သူမျှ မသိနိုင်သော်လည်း ဘုရားသခင်သိ၏။ သူသည် သင့်ကို အလွတ်မပေးဘဲ၊ သင့်ကို သူဆုံးမပဲ့ပြင်လိမ့်မည်။” နောက်တော့ တဲဆောက်တာနဲ့ပတ်သက်ပြီးတော့ ညီအစ်ကိုတွေအပေါ်မှာ ကျွန်တော်ဘယ်လောက်အထင်အမြင်သေးခဲ့လဲဆိုတာကို သဘောပေါက်လာတယ်။ ကျွန်တော်သူတို့ရဲ့အကြံဉာဏ်တွေကို လုံးဝနားမထောင်ခဲ့ဘဲနဲ့ တန်းပြီးပယ်ချခဲ့တယ်။ ကျွန်တော်မှန်တယ်ပဲထင်ခဲ့ပြီးတော့ ကျွန်တော်လုပ်ချင်တာကိုပဲ လုပ်သင့်တယ်လို့တွေးခဲ့တယ်။ ကျွန်တော်ဘယ်လောက်တောင် ဘဝင်မြင့်လိုက်သလဲ။ တဲကစဆောက်ကတည်းက မခိုင်တာပါ။ အထဲမှာ သရုပ်ဆောင်တွေရှိနေတုန်းသာ ပြိုကျရင် အကျိုးဆက်က မတွေးရဲစရာပဲ။ အဲဒီလိုတွေးမိတော့ ကျွန်တော့်ကိုယ်ကျွန်တော်ပြောင်းလဲဖို့ ဘုရားသခင်ကိုဆုတောင်းခဲ့တယ်။ ပြီးတော့ သခင်ယေရှု ပြောဖူးတာတစ်ခုကို သွားသတိရတယ်။ “မြေကြီးပေါ်မှာ သင်တို့တွင် နှစ်ယောက်တို့သည် သဘောချင်းတူ၍ ဆုတောင်းလျှင်၊ တောင်းသမျှသောဆုတို့ကို ကောင်းကင်ဘုံ၌ ရှိတော်မူသော ငါ၏ခမည်းတော်သည် ပေးတော်မူလတံ့။” (ရှင်မဿဲခရစ်ဝင် ၁၈:၁၉) ဘုရားသခင်ရဲ့နှုတ်ကပတ်တော်တွေက ကျွန်တော့်ကိုလှုပ်နှိုးလိုက်ပြီးတော့ ကျွန်တော်ဒီအတိုင်းဆက်သွားလို့မဖြစ်ဘဲနဲ့ ညီအစ်ကိုတွေနဲ့ တိုင်တိုင်ပင်ပင်နဲ့ ပူးပေါင်းဆောင်ရွက်ရမယ်ဆိုတာကို သိသွားတယ်။ ပြီးတော့ နောက်တစ်ခုလည်းစဥ်းစားမိတယ်။ လုံခြုံရေးက ပထမပဲလေ။ အရေးအကြီးဆုံးက ကျွန်တော်တို့မှာရှိတဲ့ ပစ္စည်းတွေနဲ့ တဲကိုခိုင်ခိုင်ခံ့ခံ့ဆောက်ဖို့ပဲ။ အဲဒါနဲ့ ညီအစ်ကိုတွေက ကျွန်တော့်ရဲ့နဂိုအစီအစဥ်အတိုင်းဆိုရင် ခိုင်အောင်ဆောက်ဖို့အတွက် သတ္ထုတိုင်မလောက်ဘူးလို့ပြောတယ်။ ဒါပေမဲ့ အလယ်မှာ တိုင်နှစ်တိုင်ထောင်လိုက်ရင် အမိုးကတော့ စိတ်ချရသွားမယ်တဲ့။ ကျွန်တော်သူတို့ပြောတာကို အပြည့်အဝသဘောတူခဲ့ပါတယ်။ ကျွန်တော့်ရဲ့နဂိုအစီအစဥ်အတိုင်းဆို အန္တရာယ်အများကြီးရှိနိုင်တယ်။ အဲဒါနဲ့ကျွန်တော်တို့တိုင်ပင်ခဲ့ပြီးတော့ အပြီးသတ်အစီအစဥ်ကို ခဏလေးနဲ့ရခဲ့ပါတယ်။ ကျွန်တော်တို့ သတ္ထုတိုင်အလုံလောက်ရခဲ့ပြီးတော့ မိုးမချုပ်ခင် အဆုံးသတ်နိုင်ခဲ့တယ်။

ညကျတော့ ကျွန်တော်အဲဒီနေ့အကြောင်းကို ပြန်စဥ်းစားကြည့်တယ်။ ကျွန်တော့်ရဲ့ဘဝင်မြင့်မှုကြောင့် ဒုက္ခရောက်တော့မလို့ဖြစ်ခဲ့ရပြီးတော့ အဲဒါကိုစိတ်ထဲကမထုတ်နိုင်ခဲ့ဘူး။ ကျွန်တော်ဘုရားသခင်ကို အမြန်ဆုတောင်းခဲ့ပြီးတော့ ကျွန်တော့်ကိုယ်ကျွန်တော်သိအောင် လမ်းပြပေးဖို့တောင်းဆိုခဲ့တယ်။ ကျွန်တော်ဖုန်းကိုယူပြီး အသင်းတော်ဝက်ဘ်ဆိုဒ်ကိုသွားပြီးတော့ ဘုရားသခင်ရဲ့ ဒီနှုတ်ကပတ်တော်တွေကို ဖတ်ခဲ့ပါတယ်။ အနန္တတန်ခိုးရှင် ဘုရားသခင် ပြောသည်မှာ- “အချို့သောသူများသည် သူတို့၏တာဝန်များဆောင်ရွက်စဥ်တွင်ပင် သမ္မာတရားကို မရှာဖွေကြပေ။ သူတို့ စိတ်ကျေနပ်စေရုံမျှသာ လုပ်ဆောင်ကြသည်။ သူတို့၏ကိုယ်ပိုင်စိတ်ကူးများအတိုင်းသာ တဇွတ်ထိုးပြုမူကြပြီး အမြဲပင် ထင်ရာစိုင်းကာ မဆင်မခြင်ပြုလုပ်ကြပေသည်။ ‘မဆင်မခြင်ထင်ရာစိုင်းခြင်း’ ဆိုသည်မှာ ဘာကိုဆိုလိုသနည်း။ ၎င်းသည် ကိစ္စတခုခုတွေ့ကြုံသည့်အခါ သူတစ်ပါးပေးသော အကြံညဏ်ကို အလေးမထား၊ စဉ်းစားတွေးခေါ်မှုမရှိဘဲ ကိုယ်အမြင်အတိုင်း ပြုမူခြင်းကိုဆိုလိုသည်။ သင့်ကို မည်သူမှ မထိုးဖောက်နိုင်။ သင့်စိတ်ကို မည်သူမှပြောင်းလဲစေနိုင်။ ဤကဲ့သို့ သင်သည် နည်းနည်းလေးမှ မယိမ်းယိုင်နိုင်။ သင်သည် ကိုယ့်စိတ်သဘောကိုသာဆုပ်ကိုင်ထား ပြီးအဓိပ္ပာယ်ရှိသည့်အရာကို အခြားသူများပြောဆိုသည့်တိုင် သင်သည်နားမထောင်ပေ။ သင့်နည်းလမ်းသည်သာ မှန်ကန်သည်ဟု သင်ယုံကြည်သည်။ သင့်နည်းလမ်းက မှန်ကန်သည်ဆိုလျှင်ပင် သင်သည် သူတစ်ပါး၏အကြံညဏ်များကို အလေးထားမသင့်သလော။ သို့တိုင် သင်အလေးမထားပေ။ အခြားသူများသည် သင့်အား ခေါင်းမာသောသူဟု ခေါ်ဝေါ်ကြလိမ့်မည်။ မည်မျှလောက် ခေါင်းမာသနည်း။ နွားဆယ်ကောင်မျှပင် သင့်ကိုမဆွဲနိုင်အောင် ခေါင်းမာလှပေသည်။ လုံးဝခေါင်းမာသည်။ အလွန်အကျူး စိတ်ကြီးဝင်ပြီး တဇွတ်ထိုးလုပ်သည်။ ကိုယ်တိုင်မမြင်သ‌ရွေ့ အမှန်တရားကိုမမြင်နိုင်သော အမျိုးအစား ဖြစ်သည်။ ထိုကဲ့သို့ခေါင်းမာမှုသည် ထင်ရာစိုင်းခြင်းအဆင့်သို့ မြင့်တက်မလာပေဘူးလော။ သင်နှစ်သက်သမျှ၊ သင်ထင်မြင်သည့်အရာမှန်သမျှကို သင်ပြုပြီး မည်သူ့ကိုမျှ သင်နားမထောင်။ သင်ပြုလုပ်သည့်အရာသည် သမ္မာတရားနှင့်မကိုကဟု တစ်စုံတစ်ယောက်ပြောဆိုသော် ‘သမ္မာတရားနှင့် ကိုက်ညီညီ မညီညီ ငါလုပ်မည်။ ၎င်းသည်သမ္မာတရားနှင့်မကိုက်ညီသော်လည်း အကြောင်းပြချက်အမျိုးမျိုးကိုငါပေးမည် သို့မဟုတ် မှန်ကန်ကြောင်းပြမည်။ သင်နားလည်အောင် ငါလုပ်မည်။ ဤအရာအပေါ် ငါ၏ သဘောထားမပြောင်း။’ ဟူ၍ သင်ပြောပေလိမ့်မည်။ အခြားသူများက သင့်လုပ်ရပ်များသည် အနှောင့်အယှက် ဖြစ်စေသည်၊ ၎င်းသည် ဆိုးရွားသည့်အကျိုးဆက်တွေဆီကို ဦးတည်စေသည်၊ ၎င်းသည် ဘုရားသခင့်အိမ်တော်၏ အကျိုးကိုထိခိုက်စေသည်ဟု ပြောကြမည်။ သို့တိုင် သင်သည် သူတို့ကိုအလေးမထားဘဲ ‘ဤအရာသည် သင်နှစ်သက်သည်ဖြစ်စေ မနှစ်သက်သည်ဖြစ်စေ ငါလုပ်နေသည့်အရာဖြစ်သည်။ ဒီနည်းအတိုင်းသာ ငါလုပ်ချင်သည်။ သင်သာ လုံးဝမှားယွင်းနေပြီး ငါသာလျှင် တရားမျှတသည်။’ ဟု ထပ်၍ အကြောင်းပြချက်များကိုဆက်ပေးနေ၏။ သင်သည် အမှန်တကယ် တရားမျှတမှုရှိနိုင်ပြီး သင်လုပ်ဆောင်နေသည့်အရာသည် ဆိုးရွားသောအကျိုးဆက်များမရှိဘဲဖြစ်နိုင်ပေသည်။ သို့သော်လည်း သင်ထုတ်ဖော်ပြသသည့် စိတ်သဘောထားသည် မည်သည့်အရာနည်း။ (မာနထောင်လွှားခြင်းပင်ဖြစ်သည်။) မာနထောင်လွှားသောသဘာဝက သင့်ကို ခေါင်းမာစေသည်။ လူတို့က ဤခေါင်းမာသော စိတ်သဘောထား ရှိသောအခါ သူတို့သည် တစ်ဇွတ်ထိုးလုပ်တတ်သည် မဟုတ်လော။” (ဘုရားသခင်၏ မိတ်သဟာယဖွဲ့ခြင်း) “မာနထောင်လွှားခြင်းသည် လူသား၏ ဖောက်ပြန်ပျက်စီးသော စိတ်သဘောထား၏ အရင်းအမြစ်ဖြစ်သည်။ လူတို့သည် ပို၍ မာနထောင်လွှားလေ သူတို့သည် ဘုရားသခင်ကို ပို၍ဆန့်ကျင်လေ ဖြစ်တတ်သည်။ ဤပြဿနာက အဘယ်မျှ ဆိုးရွားလိုက်သနည်း။ မာနထောင်လွှားသော စိတ်သဘောထားနှင့် လူတို့သည် အခြားလူတိုင်းကို သူတို့၏အောက်၌ ရှိသည်ဟု ယူဆကြသည့်အပြင်၊ အဆိုးဆုံးမှာ သူတို့သည် ဘုရားကိုပင် တင်စီးနေကြလေသည်။ အချို့လူတို့သည် အပြင်ပန်းတွင် ဘုရားသခင်၌ ယုံကြည်သက်ဝင်ပြီး သူ့ကို လိုက်လျှောက်ကြသည့်ပုံ ပေါ်သော်လည်း၊ သူတို့သည် သူ့ကို ဘုရားသခင်အဖြစ် လုံးဝမဆက်ဆံကြချေ။ သူတို့သည် သမ္မာတရားကို ပိုင်ဆိုင်ထားသည်ဟု အမြဲထင်မြင်ကြပြီး မိမိကိုယ်ကိုယ် အလွန်အထင်ကြီးတတ်ကြသည်။ ဤသည်မှာ မာနထောင်လွှားသော စိတ်သဘောထား၏ အနှစ်သာရနှင့် အရင်းအမြစ်ဖြစ်ပြီး၊ ယင်းက စာတန်ထံမှ လာလေသည်။ ထို့ကြောင့် မာနထောင်လွှားခြင်း ပြဿနာကို ဖြေရှင်းရမည်။ လူတစ်ဦးသည် အခြားလူများထက် ပိုသာသည်ဟူသော ထင်မြင်ချက်မှာ အသေးအဖွဲကိစ္စ ဖြစ်သည်။ အရေးပါသောအချက်မှာ လူတစ်ဦး၏ မာနထောင်လွှားသော စိတ်သဘောထားက ဘုရားသခင်၊ သူ၏အုပ်ချုပ်မှုနှင့် သူ၏စီမံချက်များအပေါ် နာခံခြင်းမှ သူ့ကို ဟန့်တားနေခြင်းပင် ဖြစ်သည်၊ ထိုကဲ့သို့သောသူသည် အခြားသူများအပေါ် အာဏာရှိရေးအတွက် ဘုရားသခင်နှင့်ယှဉ်ပြိုင်လိုစိတ် အမြဲရှိနေသည်။ ထိုကဲ့သို့သောလူက ဘုရားသခင်အားချစ်ခြင်း သို့မဟုတ် သူ့အားနာခံခြင်းကို မဆိုထားနှင့်၊ ဘုရားသခင်အားကြောက်ရွံ့ခြင်း စိုးစဉ်းမျှ မရှိပေ။” (ဘုရားသခင်၏ မိတ်သဟာယဖွဲ့ခြင်း) ဘုရားသခင်ရဲ့နှုတ်ကပတ်တော်တွေက ကျွန်တော့်ရဲ့အရုပ်ဆိုးအကျည်းတန်မှုကို ပြသလိုက်တယ်။ ကျွန်တော်ဟာ ဘုရားသခင်ရဲ့နှုတ်ကပတ်တော်တွေက ဖော်ထုတ်လိုက်သလိုပဲ ခေါင်းမာပြီး မလျော်ကန်သူတစ်ယောက်ပါပဲ။ အဲဒီတဲကိုဆောက်တော့လည်း ကျွန်တော့်ရဲ့အတွေ့အကြုံတွေကိုပဲ ဖက်တွယ်ပြီးတော့ တဇွတ်ထိုးလုပ်ခဲ့ပြန်တယ်။ တခြားညီအစ်ကိုတွေရဲ့ အကြံဉာဏ်တွေကို နားမထောင်ဘဲ ချက်ချင်းပဲပယ်ချခဲ့တယ်။ သူတို့က လုံခြုံအောင်လုပ်ဖို့နဲ့ အမိုးကိုစိတ်ချရအောင်လုပ်ဖို့ သတိပေးခဲ့ပေမယ့်လည်း ကျွန်တော်ကလျစ်လျူရှုခဲ့တယ်။ ကျွန်တော်ကပဲဆုံးဖြတ်ပြီးတော့ အားလုံးက ကျွန်တော်ဖြစ်ချင်သလိုပဲ လုပ်စေချင်ခဲ့တယ်။ သူများတွေကို နှိမ်ချပြီးတော့ ခေါင်းမာတတ်တဲ့ ဇာစ်မြစ်က ကျွန်တော့်ရဲ့ဘဝင်မြင့်တတ်တဲ့ ဘဘာဝ ပဲဆိုတာကို ကျွန်တော်သိလိုက်တယ်။ ဘဝင်မြင့်ပြီး ကိုယ့်သဘောအတိုင်းပဲလုပ်တာကြောင့် ကျွန်တော့်ရဲ့အမှုတော်ကို အရင်ကလည်းထိခိုက်ပြီးပြီ။ ဒါပေမဲ့ ဒီတစ်ခေါက်ကျတော့ အကျိုးအကြောင်းသင့်လျော်တဲ့ အကြံဉာဏ်မျိုးတောင် နားမထောင်ဘဲနဲ့ ကျွန်တော့်အစီအစဥ်ကိုပဲဇွတ်လုပ်ခဲ့ပြီးတော့ အန္တရာယ်နဲ့ ကြုံရမလိုတောင်ဖြစ်ခဲ့တယ်။ ကျွန်တော့်ရဲ့ဘဝင်မြင့်မှုကြောင့် ခေါင်းမာပြီး အာဏာရှင်ဆန်ခဲ့တယ်။ ကျွန်တော်သူများတွေနဲ့ အလုပ်တွဲလုပ်လို့ အဆင်မပြေခဲ့ဘဲ ကျွန်တော့်နှလုံးသားထဲမှာ ဘုရားသခင်ရှိမနေခဲ့ပါဘူး။ ဘုရားသခင်အိမ်တော်ရဲ့အလုပ်တွေနဲ့ သူများတွေရဲ့ လုံခြုံရေးကိုတောင် ကျွန်တော်ဂရုမစိုက်ခဲ့ဘူး။ ကျွန်တော်လုပ်ချင်တာကို လုပ်ဖို့ပဲသိတယ်။ ကျွန်တော့်ရဲ့ဘဝင်မြင့်မှုကြောင့် အသိစိတ် အကုန်လုံးကို ဆုံးရှုံးခဲ့တယ်။ ဘုရားသခင်ရဲ့ဂရုစိုက်မှုနဲ့ အကာအကွယ်ပေးမှုကြောင့်သာမဟုတ်ရင် အကျိုးဆက်တွေက မတွေးရဲစရာပဲ။ အဲဒီလိုမျိုးလုပ်ကိုင်တာက ဘယ်လောက်အန္တရာယ်များလဲဆိုတာကို ကျွန်တော်သဘောပေါက်သွားတယ်။ ကျွန်တော့်ရဲ့အမှုတော်ကို နှောင့်နှေးစေရုံတင်မကဘဲ တစ်ယောက်ယောက်လည်း ပြင်းပြင်းထန်ထန် ထိခိုက်သွားနိုင်တယ်။ အဲဒီအချိန်ကျမှ နောင်တရလည်း ဘာမှမထူးတော့ဘူး။ အဲဒီလိုတွေးမိတော့ ကျွန်တော်အရမ်းလန့်သွားတယ်။ ကျွန်တော့်ရဲ့ဘဝင်မြင့်တတ်တဲ့ သဘာဝကို နည်းနည်း နားလည်လာပြီးတော့ အမှုတော်ကို အဲဒီလိုမျိုးဆက်မထမ်းဆောင်ချင်တော့ဘူး။

အဲဒါပြီးတော့ လက်တွေ့လုပ်ဆောင်ရမယ့်လမ်းကြောင်းကို ဘုရားသခင်ရဲ့နှုတ်ကပတ်တော်တွေထဲမှာ ရှာတွေ့ခဲ့တယ်။ ဘုရားသခင်၏ နှုတ်ကပတ်တော်၌ ပြောထားသည်- “မာန်မတက်နှင့်။ သင်သည် လုပ်ငန်းဆိုင်ရာ ကျွမ်းကျင်မှု အရှိဆုံးသော သူဖြစ်လျှင်ပင် သို့မဟုတ် ဤနေရာတွင် ရှိသောသူများထဲမှ သင်၏ အရည်အချင်းသည် အကြီးမြတ်ဆုံးဖြစ်သည်ဟု သင်ထင်လျှင်ပင် အလုပ်ကို သင်တစ်ဦးတည်း တာဝန်ယူနိုင်ပါသလော။ သင်သည် အမြင့်ဆုံးသော အဆင့်အတန်းရှိလျှင်ပင် အလုပ်ကို တစ်ဦးတည်း တာဝန်ယူနိုင်ပါသလော။ အယောက်တိုင်း၏ အကူအညီမရှိဘဲ သင် တာဝန်မယူနိုင်ပေ။ ထို့ကြောင့် မည်သူမျှ မာနမထောင်လွှားသင့်သကဲ့သို့ မည်သူမျှ တစ်ဖက်သတ် ပြုမူဖို့ ဆန္ဒမရှိသင့်ပေ။ မိမိ၏ မာနကို မျိုသိပ်သင့်သည်။ မိမိ၏ ကိုယ်ပိုင်အတွေးများနှင့် အမြင်များကို လက်လွှတ်ပြီး လုပ်ဖော်ကိုင်ဖက်အားလုံးနှင့် ညီညွတ်မှုဖြင့် လုပ်ဆောင်သင့်ပေသည်။ ဤလူတို့သည် သမ္မာတရားကို လက်တွေ့လုပ်ဆောင်ပြီး လူ့သဘာဝ ပိုင်ဆိုင်သော လူများ ဖြစ်ကြ၏။ ထိုသို့သော လူများသည် ဘုရားသခင်၏ ချစ်ခြင်းကို ခံရကြကာ ၎င်းတို့သာ ၎င်းတို့၏ တာဝန်ကို ဆောင်ရွက်ရာတွင် ဆက်ကပ်အပ်နှံနိုင်ကြပေသည်။ ဤအရာတစ်ခုတည်းသာ ဆက်ကပ်အပ်နှံခြင်း၏ သရုပ်သကန်တစ်ခု ဖြစ်သည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လျော်ကန်သော တာဝန်ဖြည့်ဆည်းခြင်းသည် လိုက်ဖက်ညီသော ပူးပေါင်းလုပ်ဆောင်ခြင်း လိုအပ်သည်”) ပူးပေါင်းဆောင်ရွက်မှုရဲ့ အခြေခံသဘောတရားတွေကို ဘုရားသခင်ရဲ့နှုတ်ကပတ်တော်တွေက ပြသလိုက်တယ်။ လူတစ်ယောက်ဟာ ဘယ်လောက်ပဲထူးချွန်ပြီး တော်နေပါစေ အားနည်းချက်တွေ လိုအပ်တာတွေတော့ရှိတာပါပဲ။ အရာရာကိုလုပ်နိုင်တဲ့သူဆိုတာ မရှိပါဘူး။ ကျွန်တော်တို့အနေနဲ့ ကိုယ့်မာနကိုဘေးချိတ်ပြီး သူများတွေနဲ့ အတူတူလုပ်ကိုင်တတ်ရမယ်။ အဲဒါမှ လူတိုင်းက ဘုရားသခင်ပေးအပ်ထားတာတွေကို အသုံးချနိုင်ပြီးတော့ ကျွန်တော်တို့ရည်ရွယ်ထားတဲ့အတိုင်း တာဝန်ကို ကောင်းကောင်းထမ်းဆောင်နိုင်မှာ။ ကျွန်တော့်ရဲ့အမှုတော်ကို ပြန်စဥ်းစားကြည့်တော့ ကျွန်တော့်မှာမရှိတဲ့ အရည်အချင်းတွေ တချို့ညီအစ်ကိုမောင်နှမတွေမှာရှိတယ်။ သူတို့ထောက်ပြပြီး အကူအညီပေးတော့ ဒုတိယတစ်ခေါက်မှာ ကျွန်တော်ပိုကောင်းအောင်လုပ်နိုင်ခဲ့တယ်။ တစ်ခါတလေမှာ ကျွန်တော်မတွေးမိတာတွေ သူတို့ဆီမှာရှိပြီးတော့ သူတို့အကြံဉာဏ်ကိုယူလိုက်ရင် တချို့ပြဿနာတွေမဖြစ်တော့ဘူးပေါ့။ အဲဒါတွေပြန်စဥ်းစားမိရင် ကျွန်တော်ရှက်မိတယ်။ အရင်က ကျွန်တော့်ကိုယ်ကျွန်တော်မသိခဲ့ဘူး။ အသားလွတ် ဘဝင်မြင့်နေခဲ့မိတယ်။ ဒါပေမဲ့ အခုတော့ သူများတွေရဲ့ပူးပေါင်းဆောင်ရွက်မှုနဲ့ အကူအညီကိုလိုအပ်မှန်း ကျွန်တော်သိသွားပါပြီ။ အဲဒီလိုမှမဟုတ်ရင် ကျွန်တော့်ရဲ့အမှုတော်ကို ကောင်းကောင်းထမ်းဆောင်နိုင်မှာမဟုတ်ဘူး။ ကျွန်တော်ဘဝင်မြင့်ပြီးတော့ သူများတွေနဲ့ ပူးပေါင်းမဆောင်ရွက်တဲ့အခါ အခက်အခဲတွေနဲ့ကြုံတွေ့ရတယ်ဆိုတဲ့ အတွေ့အကြုံကိုရလိုက်ပါတယ်။ ဝန်ချတောင်းပန်၊ ကျွန်တော့်မာနကို ဘေးချိတ်ပြီး သူများတွေနဲ့ အတူတူလုပ်ဆောင်တဲ့အခါမှာတော့ ဘုရားသခင်ရဲ့လမ်းညွှန်မှုနဲ့ ကောင်းချီးပေးမှုကို ရရှိခဲ့ပါတယ်။ ဘုရားသခင်က လူသားဆန်ပြီး သမ္မာတရားကို လက်တွေ့လုပ်ဆောင်တဲ့သူတွေကို ကြိုက်နှစ်သက်တယ်ဆိုတာကို ကျွန်တော်သိလိုက်ရတယ်။ အဲဒါကကျွန်တော့်အတွက် တကယ်သင်ခန်းစာရပြီးတော့ လက်တွေ့လုပ်ဆောင်ရမယ့်လမ်းကြောင်းကိုလည်း ရှာတွေ့ခဲ့ပါတယ်။

တတိယမြောက်မနက်ကျတော့ ညီအစ်ကိုတစ်ယောက်က တဲကိုနည်းနည်းပိုခိုင်အောင်ကူပေးဖို့ ကျွန်တော့်ကို အကူအညီလာတောင်းတယ်။ ကျွန်တော်တွေးမိတယ် “ဒီနေ့ နေ့လည်ရုပ်ရှင်ရိုက်ပြီးရင် ပြန်ဖျက်မှာပဲ။ လိုလို့လား” လို့ပေါ့။ ဒါပေမဲ့ ပြီးတော့ ဘုရားသခင်ရဲ့နှုတ်ကပတ်တော်တွေကို တွေးမိတယ် “မည်သူမျှ မာနမထောင်လွှားသင့်သကဲ့သို့ မည်သူမျှ တစ်ဖက်သတ် ပြုမူဖို့ ဆန္ဒမရှိသင့်ပေ။ မိမိ၏ မာနကို မျိုသိပ်သင့်သည်။ မိမိ၏ ကိုယ်ပိုင်အတွေးများနှင့် အမြင်များကို လက်လွှတ်ပြီး လုပ်ဖော်ကိုင်ဖက်အားလုံးနှင့် ညီညွတ်မှုဖြင့် လုပ်ဆောင်သင့်ပေသည်။ ဤလူတို့သည် သမ္မာတရားကို လက်တွေ့လုပ်ဆောင်ကြ၏။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လျော်ကန်သော တာဝန်ဖြည့်ဆည်းခြင်းသည် လိုက်ဖက်ညီသော ပူးပေါင်းလုပ်ဆောင်ခြင်း လိုအပ်သည်”) ဘုရားသခင်ရဲ့နှုတ်ကပတ်တော်တွေက ကျွန်တော်လက်တွေ့လုပ်ဆောင်ရမယ့် လမ်းကြောင်းကိုပေးလိုက်တယ်။ အစ်ကိုလီနဲ့ ပူးပေါင်းဆောင်ရွက်ဖို့ ကျွန်တော့်ရဲ့ကိုယ်ပိုင်အမြင်တွေကို စွန့်လွှတ်ရမယ်။ သူမှန်သည်ဖြစ်စေ မှားသည်ဖြစ်စေ အရင်ဆုံး နာခံပြီးတော့ လေ့လာလိုက်စားရမယ်။ ပြီးတော့ ရုပ်ရှင်ရိုက်ဖို့က ငါးနာရီ ခြောက်နာရီလောက်ကျန်သေးတာကို သတိထားမိတယ်။ ရာသီဥတုကဘယ်လိုလာမလဲဆိုတာကို မပြောနိုင်ဘူးလေ။ ပိုခိုင်အောင်လုပ်ထားတာ ပိုစိတ်ချရတာပေါ့။ အဲဒါနဲ့ ညီအစ်ကိုတစ်ယောက် ကျွန်တော်ရယ် တဲကိုပိုခိုင်အောင်လုပ်ခဲ့ကြတယ်။ နေ့လည် ၂ နာရီ ၃ နာရီလောက်လည်းကျရော ရုတ်တရက် မိုးသက်လေပြင်းကျတယ်။ မုန်တိုင်းက မိနစ် ၄၀ လောက်ကြာတယ်။ မုန်တိုင်းပြီးတဲ့အထိကို ကျွန်တော်တို့ တဲထဲမှာစောင့်ခဲ့ကြတယ်။ ကျွန်တော်ပြောမပြတတ်တဲ့ ခံစားမှုတစ်ခုကိုရလိုက်တယ်။ ဘုရားသခင်ဟာ ဘယ်လောက်တန်ခိုးကြီးပြီး ဉာဏ်အမြော်အမြင်ရှိလည်းဆိုတာကို ကျွန်တော်တွေ့လိုက်ရတယ်။ တခြားလူတွေရဲ့အကြံပေးမှုတွေကြောင့် ကျွန်တော့်ရဲ့ အကျင့်ပျက်စိတ်သဘောထား ကိုသိလိုက်ရရုံတင်မကဘဲ ဘုရားသခင်ကလည်း အဲဒီလိုအံ့သြစရာကောင်းတဲ့နည်းလမ်းနဲ့ သတိပေးပြီး မုန်တိုင်းဒဏ်ကနေ ကျွန်တော်တို့ကိုကာကွယ်ပေးခဲ့တယ်။ ကျွန်တော်နှလုံးသားထဲကနေပြီးတော့ ဘုရားသခင်ကို နက်နက်ရှိုင်းရှိုင်းကို ကျေးဇူးတင်မိပါတယ်။

ဒီအတွေ့အကြုံတွေက ကျွန်တော့်ရဲ့ဘဝင်မြင့်တတ်တဲ့ စာတန်ရဲ့သဘာဝကို နားလည်လာစေပြီးတော့ သဟဇာတဖြစ်တဲ့ ပူးပေါင်းဆောင်ရွက်မှုကို လမ်းဖွင့်ပေးခဲ့ပါတယ်။ သမ္မာတရားကို လက်တွေ့လုပ်ဆောင် ပြီးတော့ အမှုတော်မှာခေါင်းမမာတာက သူများတွေနဲ့ အဆင်ပြေပြေလုပ်ဆောင်ဖို့အတွက် တကယ်အရေးပါမှန်းတွေ့ခဲ့ရပါတယ်။ ကျွန်တော်နားလည်ပြီး သိခဲ့ရတာတွေက ဘုရားသခင်ရဲ့နှုတ်ကပတ်တော်တွေကနေတစ်ဆင့် တရားစီရင်မှု၊ ထုတ်ဖော်ခြင်းနဲ့ ဆုံးမပဲ့ပြင်မှုတွေကြောင့်ပါပဲ။ အနန္တတန်ခိုးရှင်ဘုရားသခင် ရဲ့ကျေးဇူးတော်ကြောင့်ပါပဲ။

အရှေ့သို့- ၂၁။ လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

နောက်တစ်ခုသို့- ၂၃။ ကိုယ့်တာဝန်ကို ထမ်းဆောင်ခြင်းဟာ ဘာကိုဆိုလိုတယ်ဆိုတာ နောက်ဆုံးတော့ ကျွန်မ သိပြီ

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

၆၄။ မာနထောင်လွှားခြင်းသည် ကျရှုံးခြင်းမတိုင်မီ လာ၏

တရုတ်နိုင်ငံ ကွမ်ရှီး ဒေသ၊ ရှင်းကျယ်အနန္တတန်ခိုးရှင် ဘုရားသခင် ပြောသည်မှာ- “မာနထောင်လွှားခြင်းသည် လူသား၏ ဖောက်ပြန်ပျက်စီးသော စိတ်သဘောထား၏...

၂၁။ လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

ပြင်သစ်၊ ရှီးယွမ်လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး...

၆၇။ လူသား၏ ပုံစံအတိုင်း အနည်းငယ် အသက်ရှင်နေထိုင်ခြင်းသည် ဧကန်အမှန် အလွန်ကောင်း၏

ကနေဒါနိုင်ငံ၊ ထားရှီအနန္တတန်ခိုးရှင် ဘုရားသခင် ပြောသည်မှာ- “သူ၏ အနှစ်ခြောက်ထောင် စီမံခန့်ခွဲမှု အစီအစဉ် အဆုံးမသတ်မီ- လူ အတန်းအစား အသီးသီး၏...

၃၆။ ကြွယ်ဝချမ်းသာမှုနှင့် အောင်မြင်ကျော်ကြားမှုတို့မှလွတ်မြောက်ခြင်း

တရုတ်နိုင်ငံ ရှန်းတုန်း စီရင်စု၊ ရှောင်မင်ဘုရားသခင်၏ နှုတ်ကပတ်တော်၌ ပြောထားသည်- “လူတို့သည် ကျော်ကြားမှုနှင့် အမြတ်အစွန်းအတွက်သာ...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်