၁၆၇ ခရစ်တော်သည် ကျွန်ုပ်တို့၏ ဘုရားသခင်
၁
ဘုရား၏စကားက အသက်တန်ခိုးကို သယ်ဆောင်၊
ကျွန်ုပ်တို့ လျှောက်ဖို့ လမ်းကို ပြသ
သမ္မာတရားကို နားလည်ရန် ကူညီပေးတာ။
သူ့စကားနှင့် သူပြောပုံဖြင့် ကျွန်ုပ်တို့ဆွဲဆောင်ခြင်းခံရ
ဒီမထူးခြားတဲ့ လူတစ်ဦးရဲ့ ခံစားချက်ကို စိတ်ဝင်စားမိစေတယ်။
ကျွန်ုပ်တို့အတွက် အမှုပြုလျက်၊
ဘုရား အသွေးသွန်းကာ အိပ်ရေးပျက်ခံတာ
ကျွန်ုပ်တို့အတွက် မျက်ရည်ကျ၊ သက်ပြင်းချ၊ နာမကျန်းခြင်းခံစားရ
ကျွန်ုပ်တို့ကယ်တင်ခြင်းအတွက် အရှက်ကွဲခံရလေတာ။
ငါတို့ရဲ့ ထုံအ မှုနဲ့ ပုန်ကန်မှုတို့က သူ့နှလုံးသားမှ မျက်ရည်စီးစေ။
ဒီလိုဖြစ်တည်မှုအား ပုံမှန်လူသားမှာ မရှိနိုင်
ပျက်စီးသော လူသားက လက်လှမ်း၍မမီနိုင်။
ဖန်ဆင်းခံသတ္တဝါမပိုင်ဆိုင်နိုင်တဲ့
မေတ္တာ၊ သည်းခံခြင်း၊ စိတ်ရှည်ခြင်းကို ဘုရား ပြသ။
ဒီပုံမှန်ဖြစ်သည့်၊ မထင်ရှားသောသူဟာ ငါတို့၏ငြင်းပယ်ခြင်းခံရ
သူဟာ နေ့ည ကျွန်ုပ်တို့ တောင့်တသည့် ကျွန်ုပ်တို့ အတွေးများထဲက
သခင်ယေရှု မဟုတ်လားလေ
သူပါပဲ၊ ငါတို့ဘုရားပါပဲ သမ္မာတရား၊ အသက်နှင့် လမ်းခရီး။
၂
သူမှအပ ဘယ်သူမှ ငါတို့ရဲ့အတွေးအားလုံးကို မသိနိုင်ပါ၊
ငါတို့ရဲ့ သဘာဝ၊ အနှစ်သာရကို သဘောမပေါက်နိုင်ပါ
လူသားမျိုးနွယ်ရဲ့ ပုန်ကန်ခြင်း၊
ဖောက်ပြန်ပျက်စီးမှုကို တရားမစီရင်နိုင်
ငါတို့အလယ် ကောင်းကင်ဘုံရှိ
ဘုရားကိုယ်စား အလုပ်လုပ်ကာ စကားမပြောနိုင်ကြပေ။
သူမှအပ ဘယ်သူမှ အခွင့်အာဏာ၊
ဉာဏ်ပညာနှင့် ဘုရားသခင်ရဲ့ ဂုဏ် မရှိကြ
ဘုရား၏ စိတ်သဘောထား၊ သူဖြစ်ခြင်းနှင့် အရာအားလုံးကို
ဘုရား သူ့ထံမှ ထုတ်ပြန်တာ။
ဒီပုံမှန်ဖြစ်သည့်၊ မထင်ရှားသောသူဟာ ငါတို့၏ ငြင်းပယ်ခြင်းခံရ
သူဟာ နေ့ည ကျွန်ုပ်တို့ တောင့်တသည့် ကျွန်ုပ်တို့ အတွေးများထဲက
သခင်ယေရှု မဟုတ်လားလေ
သူပါပဲ၊ ငါတို့ဘုရားပါပဲ သမ္မာတရား၊ အသက်နှင့် လမ်းခရီး။
၃
သူမှအပ ဘယ်သူမှ ငါတို့ထံ အလင်းမယူဆောင်၊ လမ်းမပြနိုင်ဘူး
ယနေ့ထိ ဘုရားမပြသေးသော နက်နဲမှုများကို မဖွင့်ပြနိုင်။
သူမှတစ်ပါး ဘယ်သူမှငါတို့ကို ကျေးကျွန်ဘဝ၊
စာတန်ဆီမှရတဲ့ ငါတို့ဖောက်ပြန်တဲ့စိတ်သဘောထားမှ မကယ်တင်နိုင်။
၄
ဘုရားကို သူကိုယ်စားပြု၊ ဘုရားရဲ့နှလုံးသားကအသံ
တိုက်တွန်းနှိုးဆော်မှုများ၊
လူသားမျိုးနွယ်အဖို့ တရားစီရင်ခြင်းကို သူမိန့်မြွက်။
ခေတ်သစ်၊ ကောင်းကင်သစ်နှင့် မြေကြီးအသစ်ကို သူယူဆောင်လာ။
ငါတို့အတွက် အသစ်သောမျှော်လင့်ခြင်းနှင့် အမှုသစ်ကို သူယူဆောင်လာ
မရေရာတဲ့ ငါတို့ဘဝကို သူအဆုံးသတ်ပေး
ကယ်တင်ခြင်း လမ်းကြောင်းအား ရှုမြင်ခွင့်ပေးရင်းလေ။
ငါတို့ဖြစ်တည်မှု သူအနိုင်ယူ၊ ငါတို့နှလုံးသားကို သူရရှိ
ယခုငါတို့စိတ်များနိုးကြား၊ ငါတို့ဝိညာဉ်များပြန်ရှင်သန်။
ဒီပုံမှန်ဖြစ်သည့်၊ မထင်ရှားသောသူဟာ ငါတို့၏ ငြင်းပယ်ခြင်းခံရ
သူဟာ နေ့ည ကျွန်ုပ်တို့ တောင့်တသည့် ကျွန်ုပ်တို့ အတွေးများထဲက
သခင်ယေရှု မဟုတ်လားလေ
သူပါပဲ၊ ငါတို့ဘုရားပါပဲ သမ္မာတရား၊ အသက်နှင့် လမ်းခရီး။
“နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ နောက်ဆက်တွဲ (၄)- ဘုရားသခင်၏ တရားစီရင်မှုနှင့် ပြစ်တင်ဆုံးမမှု၌ ဘုရားသခင်၏ ပေါ်ထွန်းခြင်းကို ရှုမြင်ခြင်း” ကို ကောက်နုတ်၍ ဆီလျော်စွာ ပြုပြင်ထားသည်
