အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

စုံလင်ခြင်းကိုရယူနိုင်ရန် ဘုရားသခင်၏ အလိုတော်ကို သတိပြုကြလော့။

သင်သည်ဘုရားသခင်၏အလိုတော်ကို သတိပြုလေလေ၊ သင့်ထံတွင် ဝန်ထုပ်ဝန်ပိုး များလေ၊ သင့်ထံတွင် ဝန်ထုပ်ဝန်ပိုး ပိုများလေ သင့်အတွေ့အကြုံကြွယ်ဝလာလေဖြစ်သည်။ ဘုရားသခင်၏ အလိုတော် ကိုသင်သတိပြုမိချိန်တွင်၊ ဘုရားသခင်သည်သင့်ထံသို့ ဤဝန်ထုပ်ကိုပေးကာ၊ သူယုံကြည်စိတ်ချအပ်နှံထားသည့်အရာများနှင့်ပတ်သတ်၍ သင့်ကို ဉာဏ်အလင်းပေး ပါလိမ့်မည်။ ဘုရားသခင်သည်သင့်ကိုဤဝန်ထုပ်ကိုပေးပြီးသည့်နောက်တွင်၊ သင်သည် ဘုရားသခင်၏နှုတ်ကပတ် တော်များကိုစားသောက်နေစဉ်တွင် ဤရှုထောင့်၏သမ္မာတရားများကို စိတ်ဝင်စားမှုရှိပါလိမ့်မည်။ အကယ်၍သင့်ထံတွင် ညီအစ်ကို မောင်နှမများ၏ဘဝ အခြေအနေများနှင့်သက်ဆိုင်သော ဝန်ထုပ်တစ်ခုရှိပါက၊ ဤဝန်ထုပ် သည် ဘုရားသခင်မှ သင့်ကိုယုံကြည်၍အပ်နှံထားသောဝန်ထုပ်ဖြစ်ပြီး၊ သင့်နေ့စဉ် ဆုတောင်းချက်များတွင် ဤဝန်ထုပ်ကိုအမြဲတမ်းသယ်ဆောင်ပါလိမ့်မည်။ ဘုရားသခင် လုပ်ဆောင်သောအရာမှာ သင့်ကိုယုံကြည်၍အပ်နှံခြင်းဖြစ်ပြီး၊ ဘုရားသခင်လုပ်စေလိုသော အရာကို သင်သည် လုပ်ဆောင်ရန်ဆန္ဒရှိပါက၊ ယင်းသည် ဘုရားသခင်၏ဝန်ထုပ်ကို သင့်ကိုယ်ပိုင်ဝန်ထုပ်အဖြစ် သယ်ဆောင်ခြင်းဟုအဓိပ္ပါယ်ရပါသည်။ ဤနေရာ၌ သင်၏ ဘုရားသခင့်နှုတ်ကပတ်တော် များကိုစားသောက်ခြင်းက ဤရှုထောင့်များထဲမှ ပြဿနာများအပေါ်တွင် ဦးတည်လိမ့်မည်ဖြစ်ပြီး၊ ဤပြဿနာများကိုငါဘယ်လို ဖြေရှင်းမည်နည်းဟု သင်စဉ်းစားလိမ့်မည်။ ငါ့ညီအစ်ကိုမောင်နှမများကို သူတို့၏စိတ်ဝိညာဉ် ပျော်ရွှင်မှုရစေရန် လွှတ်မြောက်ခွင့်ငါမည်သို့ပေးမည်နည်း။ သင်သည်မိဿဟာရဖွဲ့နေစဉ်တွင် ဤပြဿနာများ ဖြေရှင်းခြင်းကို အာရုံစိုက်လိမ့်မည်။ ဘုရားသခင်၏ နှုတ်ကပတ်တော်များကို စားသောက်နေစဉ်၊ ဤပြဿနာများနှင့် ပတ်သတ်သော နှုတ်ကပတ် တော်များအား မှီဝဲစားသောက်ခြင်း ကိုသင်အာရုံစိုက်လိမ့်မည်။ ဤဝန်ထုပ်ကို သယ်ဆောင်နေစဉ်တွင် သင်သည် ဘုရားသခင်၏ နှုတ်ကပတ်တော်များ ကိုစားသောက်နေလိမ့်မည်။ ဘုရားသခင်သင့်အပေါ် ထားသောလိုလားချက်များကို သင်နားလည်လိမ့်မည်။ ဤနေရာတွင် လျှောက်လှမ်းရန် လမ်းကြောင်းနှင့် ပတ်သတ်၍ သင်ပို၍ရှင်းလင်းလာလိမ့်မည်။ ယင်းသည် သင့်ဝန်ထုပ်မှ ယူဆောင်လာသော သန့်ရှင်းသော ဝိညာဉ်တော်၏ ဉာဏ်ဖွင့်ပေးခြင်းနှင့် အလင်းပေးခြင်းဖြစ်ပြီး ယင်းသည် ဘုရားသခင်မှ သင့်ကိုလမ်းညွှန်မှုပေးခြင်းဖြစ်သည်။ ငါသည်အဘယ်ကြောင့်ဤသို့ဆို သနည်း။ အကယ်၍ သင့်တွင် ဝန်ထုပ်ဝန်ပိုးမရှိပါက ဘုရားသခင်၏နှုတ်ကပတ်တော် များကို စားသောက်နေစဉ်တွင် သတိမှုမိမည်မဟုတ်ပေ။ ဝန်ထုပ်ကိုသယ်ဆောင်ကာ ဘုရားသခင်၏နှုတ်ကပတ်များကို စားသောက်နေစဉ်တွင် ဘုရားသခင့် နှုတ်ကပတ်တော်များ၏ အနှစ်သာရကိုဖမ်းဆုပ်ပြီး၊ သင့်လမ်းကြောင်း ကိုရှာဖွေကာ၊ ဘုရားသခင့်အလိုတော်ကိုသတိပြုမပါလိမ့်မည်။ ထို့ကြောင့် သင်၏ဆုတောင်းခြင်းများထဲတွင်ဘုရားသခင်အား သင့်အပေါ်တွင်ဝန်ထုပ်များပို၍ချပေးရန် တောင်းဆိုသင့်သည်။ သို့မှသာ ဘုရားသခင်သည် သင့်ကို ပို၍ကြီးမားသောအရာများ အပ်နှံနိုင်မည်ဖြစ်ပြီး၊ သင်သည်လည်း ရှေ့ဆက် လိုက်လျှောက်ရန်လမ်းကြောင်းတစ်ခုကို ရှာဖွေနိုင်မှုပိုအားကောင်းလာကာ ဘုရားသခင်၏ နှုတ်ကပတ်တော်များကို စားသောက်ခြင်းတွင် သင်သည် ပို၍အကျိုး ထိရောက်မှုရှိ လာမည်။ ဘုရားသခင်၏နှုတ်ကပတ်တော်များ၏အနှစ်သာရများကို နားလည်နိုင်ပြီး သန့်ရှင်းသော ဝိညာဉ်တော်၏ စိတ်ထိတွေ့မှုကို ပို၍လက်ခံနိုင်ပါလိမ့်မည်။

ဘုရားသခင်၏ နှုတ်ကပတ်တော်များကို စားသောက်ခြင်း၊ လက်တွေ့ဆုတောင်း ခြင်း၊ ဘုရားသခင်၏ဝန်ထုပ်ကိုလက်ခံခြင်း၊ ဘုရားသခင်သင့်ကိုယုံကြည်အပ်နှံ သည့်အရာကိုလက်ခံခြင်း- ဤအရာအားလုံးသည် သင့်ရှေ့တွင် လမ်းရှိရခြင်း၏ ရည်ရွယ်ချက်အတွက်ဖြစ်ပါသည်။ ဘုရားသခင်အတွက် သင့်၌ဝန်ထုပ်ပို၍ရှိလေလေ၊ ဘုရားသခင်မှသင့်ကို စုံလင် အောင်ပြုလုပ်နိုင်ရန်လွယ်ကူလေလေဖြစ်သည်။ အချို့သော သူများသည် ခေါ်ခြင်းခံရသည့်တိုင်အောင် ပူးပေါင်းဆောင်ရွက်ရန်ဆန္ဒမရှိကြပေ။ ထိုသို့သောသူများသည် သက်တောင့်သက်သာရှိမှုတွင်ပျော်ပါးယစ်မူးရန်ဆန္ဒရှိသော လူပျင်းများဖြစ်သည်။ ဘုရားသခင်ကို ဆပ်ကပ်ခြင်းတွင် သင်ပါဝင်ရန်တောင်းဆိုလေလေ သင်သည် ပို၍များသော အတွေ့အကြုံကို ရနိုင်လေလေဖြစ်သည်။ သင့်ထံတွင် ပို၍များသောဝန်ထုပ်များရှိ၍၊ ပို၍တွေ့ကြုံမှုရှိလာပါက၊ သင့်ကိုစုံလင်အောင်ပြုလုပ်ပေးနိုင်မည့် အခွင့်အရေးများပို၍ရှိလာပါလိမ့်မည်။ ထို့ကြောင့် သင်သည် ဘုရားသခင်ကို ရိုးသားမှုဖြင့် အမှုတော်ဆောင်နိုင်မည်ဆိုပါက ဘုရားသခင်၏ဝန်ထုပ်ဝန်ပိုးများကို သတိပြုမိပါလိမ့်မည်။ ဤနည်းဖြင့် ဘုရားသခင်မှစုံလင်အောင်ပြုလုပ်ပေးနိုင်မည့် အခွင့်အရေး များသင့်တွင် ပို၍ရှိလာပါလိမ့်မည်။ ထိုသို့သောလူအုပ်စုသည် ဤအချိန်တွင် စုံလင်အောင်ပြုလုပ်ခြင်းခံရသည်။ သန့်ရှင်းသောဝိညာဉ်တော်သည် သင့်၌လှုပ်ရှားလေလေ၊ ဘုရားသခင့်ဝန်ထုပ်ကိုသတိပြုမိရန် သင်ဆက်ကပ်မြှုပ်နှံမှုအချိန်ပိုများလေလေဖြစ်ပြီး၊ ဘုရားသခင်မှ သင့်ကိုစုံလင်အောင်ပြုလုပ် ပေးလေလေဖြစ်မည်။ ဘုရားသခင်မှ သင့်ကိုရနိုင် လေလေဖြစ်ပြီး၊ အဆုံးတွင် သင်သည် ဘုရားသခင်မှအသုံးပြုသော သူတစ်ဦး ဖြစ်လာပါမည်။ လက်ရှိတွင် အသင်းတော်အတွက် မည်သည့်ဝန်ထုပ်ကိုမျှ သယ်ဆောင်ခြင်း မရှိသည့်သူအချို့ ရှိသည်။ ဤသူများသည်ပေါ့ဆပြီး အပျင်းထူကာ သူတို့ကိုယ်ပိုင်ဇာတိပကတိအတွက်သာ ဂရုပြုကြသည်။ သူတို့သည်အလွန် တကိုယ် ကောင်းဆန်ပြီး မျက်စိလည်းကန်းကြသည်။ အကယ်၍သင်သည် ဤကိစ္စကိုရှင်းလင်းစွာ မမြင်နိုင်လျှင် သင့်ထံတွင် မည်သည့်ဝန်ထုပ်မှရှိလိမ့်မည်မဟုတ်ပေ။ သင်သည် ဘုရားသခင်၏အလိုတော်ကို သတိပြုမိလေလေ၊ ဘုရားသခင်သည် သင့်ကို ပို၍လေးလံသောဝန်ထုပ်ကို အပ်နှံလေလေဖြစ်သည်။ တစ်ကိုယ်ကောင်းဆန်သော သူများသည် ထိုသို့ဒုက္ခခံစားရန်၊ အဖိုးအခပေးရန်ဆန္ဒမရှိကြပေ။ ရလဒ်အနေဖြင့် သူတို့သည် ဘုရားသခင်မှ စုံလင်အောင်ပြုလုပ်ပေးမည့် အခွင့်အရေးကို ဆုံးရှုံးကြပါလိမ့်မည်။ ဤသည်မှ မိမိကိုယ်ကို ထိခိုက်အောင်လုပ်ခြင်းပင်မဟုတ်ပါလား။ အကယ်၍သင်သည် ဘုရားသခင်၏ အလိုတော်ကို သတိပြုသူတစ်ဦးဖြစ်ပါက၊ အသင်းတော်အတွက် စစ်မှန်သော ဝန်ထုပ်ကို ရှိလာစေပါမည်။ အမှန်အားဖြင့် အသင်းတော်အတွက် ဝန်ထုပ်တစ်ခုဟုဤအရာကို ခေါ်မည့်အစား၊ ယင်းသည် သင့်ကိုယ်ပိုင်အသက်တာအတွက် ဝန်ထုပ်တစ်ခုပင်ဖြစ်ပါသည်။ အကြောင်းမှာ အသင်းတော်အတွက် သင်ဖြစ်ပေါ်လာစေသောဝန်ထုပ်သည်၊ ထိုသို့သောအတွေ့အကြုံ များမှတဆင့် ဘုရားသခင်မှ သင့်ကိုစုံလင်အောင်ပြုလုပ်ပေးရန် ဖြစ်သည်။ ထို့ကြောင့် အသင်းတော်အတွက် အလေးဆုံးဝန်ထုပ်ကို သယ်ဆောင်သူ မည်သူမဆို၊ အသက်တာတွင်းသို့ဝင်ရောက်ရန် ဝန်ထုပ်ကို သယ်ဆောင်သူ မည်သူမဆိုသည် ဘုရားသခင်၏စုံလင်အောင်ပြုလုပ်ပေးခြင်းကိုခံရပါမည်။ ဤသည်ကို သင်ရှင်းလင်းစွာမြင်ပါရဲ့လား။ သင်ပါဝင်သောအသင်းတော်သည် ရှုပ်ထွေးနေသော်လည်း သင်သည် စိုးရိမ်ခြင်း သို့မဟုတ် ပူပန်ခြင်းရှိမနေသေးလျှင်၊ အကယ်၍ ညီအစ်ကို မောင်နှမများသည် ဘုရားသခင်၏နှုတ်ကပတ်တော်များကို သင့်လျော်စွာ စားသောက်ခြင်းမရှိကြသော်လည်း၊ သင်သည် ထိုအရာကို မျက်ကွယ်ပြု ထားပါက သင်သည်သင့်ဝန်ထုပ်များကို သယ်ဆောင်ခြင်းမရှိပါ။ ထိုသို့သော သူများကို ဘုရားသခင်ကြိုက်နှစ်သက်တော်မမူ။ ဘုရားသခင်နှစ်သက်တော်မူသောသူများသည် ဖြောင့်မတ်မှုအတွက် ဆာလောင် မွတ်သိပ်ကြပြီး သူ၏အလိုတော်ကို သတိမူခြင်းရှိ ကြသည်။ ထို့ကြောင့် သင်တို့သည် ယခု ဘုရားသခင့်ဝန်ထုပ်ကို သတိပြုသင့်ပါသည်။ သင်သည်ဘုရားသခင့်ဝန်ထုပ်များကို သတိမပြုမှီတွင် ဘုရားသခင်၏ ဖြောင့်မတ်သော ပင်ကိုသဘောထားကို လူအားလုံးထံသို့ ပြသရန်အတွက်စောင့်မနေသင့်ပါ။ သို့ပြုပါက အချိန် အလွန် နောက်ကျသွားနိုင်သည်မဟုတ်ပါလား။ ယခုအချိန်သည် ဘုရားသခင်မှ စုံလင်အောင်ပြု လုပ်ပေးနိုင်မည့် အခွင့်ကောင်းတစ်ခု မဟုတ်ပါလား။ အကယ်၍ သင်သည် ဤအခွင့်အရေးကို လက်လွှတ်ဆုံးရှုံးလိုက်ရပါက၊ မောရှေသည် ခါနန်ပြည်သို့ မဝင်ရောက်နိုင်သဖြင့် သူ့ဘဝတစ်လျှောက်တွင် နောင်တရကာ ကြေကွဲဝမ်းနည်းခြင်းဖြင့် သေဆုံးသည့်နှယ်၊ သင့်ကျန်ဘဝတစ်လျှောက်တွင် နောင်တရ နေပါလိမ့်မည်။ ဘုရားသခင်၏ဖြောင့်မတ်သည့်စိတ်သဘောထား ကို လူတို့အားလုံးထံသို့ ဖော်ပြသည်နှင့် တစ်ပြိုင်နက် သင်သည် နောင်တရပါလိမ့်မည်။ ဘုရားသခင်သည်သင့်ကို ပြစ်တင်ဆုံးမခြင်းမရှိသည့်တိုင်၊ သင်ကိုယ်တိုင် နောင်တကြောင့် သင့်ကိုယ်သင် ဝေဖန်ပြစ်တင်ပါလိမ့်မည်။ လူအချို့တို့သည် ဤအရာကို လက်ခံယုံကြည်ခြင်း မရှိကြပေ။ အကယ်၍သင်သည်ဤအချင်းအရာကိုမယုံလျှင်စောင့်၍ကြည့်နေပါ။ လူအချို့တို့သည် ဤနှုတ်ကပတ်တော်များကို ပြည့်စုံစေသကဲ့သို့ ဆပ်ကပ်ကြလိမ့်မည်။ ဤနှုတ်ကပတ် တော်များအတွက်တင်လှူပူဇော်မှုခံရန် သင်ဆန္ဒရှိပါသလား။

အကယ်၍သင်သည် ဘုရားသခင်မှသင့်ကိုစုံလင်အောင်ပြုလုပ်ပေးမည့် အခွင့်အရေးများ ကို ရှာဖွေခြင်းမရှိပါက၊ အကယ်၍ စုံလင်ခြင်းခံရအောင် အောင်ရှာဖွေရန်သင်ကြိုးစားခြင်းမရှိပါက သင်သည်နောက်ဆုံး၌နောင်တဖြင့် ပြည့်နေမည်ဖြစ်သည်။ ယခုအချိန်သည် စုံလင်အောင် ပြုလုပ်ရန် အကောင်းဆုံးအခွင့်အရေးဖြစ်သည်။ - ဒါက အကောင်းဆုံးအချိန် ဖြစ်သည်။ အကယ်၍သင်သည် ဘုရားသခင်မှ စုံလင်အောင်ပြုခြင်း ကိုစိတ်ထက်သန်စွာ ရှာဖွေခြင်းမရှိပါက၊ သူ၏အမှုတော်ပြီးမြောက်သည်နှင့်တစ်ပြိုင်နက် အချိန်လွန် နောက်ကျ သွားပါလိမ့်မည်။ ဤအခွင့်အရေးကို သင်လက်လွတ်လိုက်ရပါမည်။ သင့်ရည်မှန်းချက်မည်မျှ ကြီးမြတ်နေစေကာမူ ဘုရားသခင်သည် အမှုတော်ကို ဆောင်ရွက်ခြင်း မရှိတော့ပါက၊ သင်ပေးအပ်သော အားစိုက်ထုတ်မည်မျှပင်ရှိနေစေကာမူ သင့်ကိုစုံလင် အောင် မည်သို့သောအခါမျှ ပြုလုပ်နိုင်တော့မည်မဟုတ်ပေ။ သင်သည် ဤအခွင့်အရေးကို ဆုပ်ကိုင်ကာ သန့်ရှင်းသော ဝိညာဉ်တော်၏ကြီးမြတ်သောအမှုတော် အားဖြင့် ပူးပေါင်း လုပ်ဆောင်သင့်သည်။ အကယ်၍သင်သည် ဤအခွင့်အရေးကို ဆုံးရှုံးလျှင်၊ သင်မည်မျှကြိုးစားစေကာမူ နောက်ထပ်အခွင့်အရေးထပ်မံ မရနိုင်တော့ပေ။ လူအချို့က “ဘုရားသခင်သည်ကျွန်ုပ်ရဲ့ ဝန်ထုပ်တွေကိုသတိပြုမိဖို့ ကျွန်ုပ်ဆန္ဒရှိပါတယ်။ ကိုယ်တော့အလိုတော်ကို ကျေနပ်စေနိုင်စေဖို့ ကျွန်ုပ်ဆန္ဒရှိပါတယ်။” ဟုဟစ်အော် ကြသည်။ သို့ရာတွင် သူတို့သည် လိုက်လျှောက်ရန် လမ်းကြောင်းမရှိကြပေ။ ထို့ကြောင့် သူတို့၏ဝန်ထုပ်များသည် ရှည်ကြာခံနိုင်မည်မဟုတ်ပေ။ အကယ်၍လမ်းကြောင်း တစ်ခုရှိပါက၊ သင်သည် အတွေ့အကြုံများကို တဆင့်ပြီးတဆင့် ရရှိနိုင်ပြီး၊ ထိုအတွေ့အကြုံကိုစနစ်တကျ တည်ဆောက်ကာ ဖွဲ့စည်းခြင်းခံရပါလိမ့်မည်။ ဝန်ထုပ်တစ်ခု ပြီးမြောက်ပြီးနောက်တွင်၊ သင့်ကိုနောက်တစ်ခု ထပ်မံပေးအပ်ပါလိမ့်မည်။ သင့်ဘဝအတွေ့အကြုံကို ပို၍နက်ရှိုင်းစေခြင်းအားဖြင့်၊ သင့်ဝန်ထုပ်များကိုလည်း ပို၍နက်ရှိုင်းလာစေပါသည်။ အချို့သောသူတို့သည် သန့်ရှင်းသောဝိညာဉ်တော်နှိုးဆော်မှ သာဝန်ထုပ်ကိုသယ်ဆောင်ကြသည်။ အချိန်ကာလတစ်ခုကြာမြင့်ပြီးနောက် လက်တွေ့ လုပ်ဆောင်ရန် လမ်းကြောင်းမရှိတော့သည့်အချိန်တွင် သူတို့သည် မည်သည့်ဝန်ထုပ်ကိုမျှ သယ်ဆောင်ခြင်းမရှိတော့ပေ။ ဘုရားသခင်၏ နှုတ်ကပတ် တော်များကို စားသောက် ရုံဖြင့် သင့်ဝန်ထုပ်များကို အပြည့်အဝဖြေရှင်း နိုင်မည်မဟုတ်ပေ။ သမ္မာတရားများစွာကို နားလည်ခြင်းဖြင့်၊ သင်သည် ထိုးထွင်းသိမြင်နိုင်စွမ်းကိုရရှိကာ၊ သမ္မာတရားကိုအသုံးပြု၍ ပြဿနာများကိုဖြေရှင်းနိုင်ပြီး၊ ဘုရားသခင်၏ နှုတ်ကပတ်တော်များနှင့် ဘုရားသခင်၏ အလိုတော်များကို တိကျသောနားလည်မှုပိုရှိလာပါလိမ့်မည်။ ဤအရာများဖြင့် သင်သည် ဝန်ထုပ်များကို ဖြစ်ပေါ်လာလာစေမည်။ သင့်၌ဝန်ထုပ်ရှိမှသာလျှင် ကောင်းမွန်သော အမှုကိုလုပ်ဆောင်နိုင်လာပါလိမ့်မည်။ အကယ်၍သင့်ထံတွင် ဝန်ထုပ်သာရှိနေပြီး သမ္မာတရားနှင့်ပတ်သတ်သော ရှင်းလင်းသည့်နားလည်မှုမရှိပါက၊ အလုပ်မဖြစ်ပြန်ပါ။ ဘုရားသခင့် နှုတ်ကပတ် တော်များကိုသင်ကိုယ်တိုင်အတွေ့အကြုံ ရှိသင့်ပြီး ထို နှုတ်ကပတ် တော်များ ကို မည်သို့ လက်တွေ့လုပ် ဆောင်မည်ကိုသိသင့်ကာ အခြားသူများအတွက် သင်ပေးအပ်နိုင်မှု မရှိမှီတွင် သင်ကိုယ်တိုင် သမ္မာတရားထဲသို့ အရင်ဝင်ရောက်ပြီး အခြားသူများကို ဦးဆောင်ကာ ဘုရားသခင်၏ စုံလင်အောင်ပြုခြင်းကို ခံရပါမည်။

“လမ်းကြောင်း … (၄)” တွင်ပြောထားသည်မှာ ခေတ်ကာလများမတိုင်မှီတွင် သင်တို့ သည် ဘုရားသခင်မှကြိုတင်သတ်မှတ်ထားသော ကောင်းကင်နိုင်ငံသားအားလုံးဖြစ်ပြီး၊ ဤအရာကို မည်သူမျှသင့်ထံမှယူဆောင်မသွားနိုင်ပါ ဟူ၍ဖြစ်သည်။ ဘုရားသခင်သည် လူတိုင်းမိမိကိုယ်ကိုအသုံးခံရန်နှင့် စုံလင်အောင် ပြုခြင်းကိုခံစေရန်ဆန္ဒရှိပြီး လူတို့ကို သူ၏လူအဖြစ်ရပ်တည်ခြင်းကို လိုလားကာ၊ ဘုရားသခင်၏လူဖြစ်လာခြင်းသည်သာလျှင်သူ၏ဆန္ဒကိုဖြည့်ဆည်းခြင်း ဖြစ်သည်ဟု ထပ်မံ ပြောထားခဲ့သည်။ ထိုအချိန်တွင် ဤကိစ္စအပေါ်တွင်သင်သည် နှီးနှောမှုလုပ်မည်။ ဘုရားသခင်၏လူများ အတွက်အရည်အချင်းသတ်မှတ်ချက်ပေါ်မူတည် ၍ တိုးဝင်ရန်လမ်းကြောင်းအပေါ်တွင် နှီးနှောမှုလုပ်မည်။ ထို့ကြောင့် ထိုအချိန်တွင် သန့်ရှင်းသောဝိညာဉ်တော်မှလုပ်ဆောင်သော အမှုတော် သည်လူတိုင်းကို အနှုတ်သဘောဆောင်သော အခြေအနေမှ ထုတ်ယူရန်နှင့် အပြုသဘောဆောင် သော အခြေအနေသို့ ဦးဆောင်ရန်ဖြစ်သည်။ ထိုကာလအတွင်းတွင် သန့်ရှင်းသောဝိညာဉ်တော် ၏အမှုတော်လမ်းကြောင်းမှာ ဘုရားသခင်၏လူတို့သည် ဘုရားသခင်၏ နှုတ်ကပတ်တော်များ အပေါ်တွင်မွေ့လျော်ရန်၊ ခေတ်ကာလများမတိုင်မှီကပင်ဘုရားလူအဖြစ် ကြိုတင် သတ်မှတ်ခံထားရပြီး၊ ဤအရာကို စာတန် က အဝေးသို့ယူဆောင် မသွားနိုင်ကြောင်း တစ်ဦးစီရှင်းလင်းစွာနားလည်အောင်ခွင့်ပေးရန်ဖြစ်ပါသည်။ ထို့ကြောင့် -“ဘုရား သခင် ကျွန်ုပ်သည် ကိုယ်တော့ လူဖြစ်လိုပါသည်။ အကြောင်းမှာ ခေတ်ကာလများ မတိုင်မှီကပင် ကျွန်ုပ်တို့ ကိုကြိုတင်သတ်မှတ်ထားနှင့်ပြီဖြစ်ပြီး ကိုယ်တော်သည်ကျွန်ုပ်တို့ အပေါ် သို့အပ်နှင်းထားနှင့် ပြီဖြစ်သည်။ ကျွန်ုပ်တို့သည် ဤနေရာကိုရယူလိုပြီး ကိုယ်တော်ကို စိတ်ကျေနပ်စေ လိုပါသည်။” ဟုသင်ဆုတောင်းသည်။ သင်သည် ဤနည်းအတိုင်း ဆုတောင်းချိန်တွင် သန့်ရှင်းသောဝိညာဉ်တော်သည်သင့်အတွင်း၌လှုပ်ရှား ပါလိမ့်မည်။ ယင်းသည် သန့်ရှင်းသောဝိညာဉ်တော်၏အမှုတော်လမ်းကြောင်းဖြစ်သည်။ ဤအချိန်ကာလတွင် ဘုရားသခင်ရှေ့တော်မှောက်၌ သင့်နှလုံးသားကို ငြိမ်သက်စေရန် ဆုတောင်းကာ လက်တွေ့ကျင့်ကြံရပါမည်။ သို့မှသာ သင်သည် ကောင်းကင်နိုင်ငံအတွက် လေ့ကျင့်မှုသို့တိုးဝင်ခွင့်နှင့် အသက်တာတို့ကို ရှာဖွေတွေ့ရှိနိုင်မည် ဖြစ်သည်။ ယင်းသည် ပထမခြေလှမ်းဖြစ်သည်။ ဤကာလတွင် ဘုရားသခင်၏အမှုတော်မှာ လူတိုင်းကို လမ်းကြောင်းမှန်သို့ဝင်ရောက်နိုင်စေရန်၊ ပုံမှန်ဝိညာဉ်ရေးရာအသက်တာနှင့် စစ်မှန်သော အတွေ့အကြုံကိုရရှိစေရန်၊ သန့်ရှင်းသော ဝိညာဉ်တော်လှုပ်ရှားစေရန်နှင့် ဤအခြေခံပေါ် မူတည်၍ ဘုရားသခင်မှအပ်နှံထားသော အရာကိုလက်ခံရန်ဖြစ်သည်။ ကောင်းကင်နိုင်ငံ အတွက် လေ့ကျင့်မှုသို့တိုးဝင်ခြင်း၏ရည်ရွယ်ချက်မှာ စကားလုံးတိုင်း၊ လုပ်ရပ်တိုင်း၊ လှုပ်ရှားမှုတိုင်းနှင့် တွေးခေါ်မှုနှင့် အကြံဉာဏ်တိုင်းသည် ဘုရားသခင့် နှုတ်ကပတ် စကားတော်ထဲသို့တိုးဝင်ခွင့်ရရန်ဖြစ်ပြီး၊ ဘုရားသခင်၏သင့်စိတ်ကို ထိတွေ့မှု အခွင့်ကိုပို ရလာစေရန်နှင့် ဘုရားသခင်အတွက် ချစ်ခြင်းမေတ္တာနှင့် ဘုရားသခင်၏အလိုတော် အတွက် ပို၍လေးလံသောဝန်ဖြစ်ပေါ်လာစေရန်ဖြစ်သည်။ သို့မှသာ လူတိုင်းသည် ဘုရားသခင်စုံလင်အောင်လုပ်ဆောင်ပေးမည့်လမ်းကြောင်းနှင့် မှန်ကန်သော လမ်းကြောင်း ပေါ်တွင်ရှိမည်ဖြစ်သည်။ သင်သည် ဘုရားသခင်မှစုံလင်အောင်ပြုထားသော လမ်းကြောင်း ပေါ်တွင်ရှိနေသည်နှင့်တစ်ပြိုင်နက်၊ သင်သည် မှန်ကန်သော လမ်းကြောင်း ပေါ်သို့ ရောက်ပြီဖြစ်သည်။

သင့်စိတ်နှင့်အကြံအစည်များအပြင် သင့်မှားယွင်းသောရည်ရွယ်ချက်များကို ပြင်ဆင်နိုင်ပြီး၊ သင့်ဇာတိပကတိကို အာရုံထားခြင်းမှ ဘုရားသခင်၏ အလိုတော်ကို အာရုံပြုခြင်းသို့ ပြောင်းလိုက်လျှင်၊ မှားယွင်းသော ရည်ရွယ်ချက်များရှိသော်လည်းသင်သည် သူတို့ကို ဖြန့်ဝေခြင်းမပြုပဲ၊ ဘုရားသခင်အလိုတော်နှင့်အညီ ပြုမူလျှင်၊ ထိုသို့သော ပြောင်းလဲမှုကိုရယူနိုင်ပါက သင်သည် အသက်တာအတွေ့အကြုံ ၏ မှန်ကန်သော လမ်းကြောင်းပေါ်တွင်ရှိပါမည်။ သင့်ဆုတောင်းခြင်း အလေ့အကျင့် များသည် မှန်ကန်သော လမ်းကြောင်းပေါ်တွင်ရှိနေလျှင်၊ ဤအချိန်သည် သင့်ဆုတောင်းခြင်း များ ထဲတွင် သန့်ရှင်းသောဝိညာဉ်တော်၏ ထိတွေ့လှုပ်ရှားမှုကိုခံရသည့်အချိန်ဖြစ်သည်။ သင်ဆုတောင်း သည့်အချိန်တိုင်းတွင်၊ သင်သည် သန့်ရှင်းသောဝိညာဉ်တော်၏လှုပ်ရှားမှုကို ခံရမည်။ သင်ဆုတောင်းသည့်အချိန်တိုင်းတွင်၊ ဘုရားသခင်ရှေ့မှောက်၌သင့်နှလုံးသားကို ငြိမ်သက် စေနိုင်လိမ့်မည်။ ဘုရားသခင်၏နှုတ်ကပတ်တော်တစ်ပိုဒ်ကို သင်စားသောက်နေသည့် အချိန်တိုင်းတွင်၊ သင်သည် ဘုရားသခင်လက်ရှိတွင် လုပ်ဆောင် နေသည့် အမှုတော်ကို ဖမ်းဆုပ်နားလည်နိုင်ပြီး၊ မည်သို့ဆုတောင်းရမည်၊ ပူးပေါင်းရမည်၊ တိုးဝင်ရမည် တို့ကို သိပါက ဤအရာသည်သာ ဘုရားသခင်၏နှုတ်ထွက်စကားတော်များကို စားသောက်ခြင်းမှရရှိသော ရလဒ်ဖြစ်သည်။ ဘုရားသခင့်စကားတော်မှ တဆင့် တိုးဝင်ခွင့်လမ်းကြောင်းကို သင်ရှာဖွေတွေ့ရှိ၍ ဘုရားသခင့်အမှုတော်၏ လက်ရှိစွမ်းအားနှင့် သူ၏ နှုတ်ကပတ်တော်များထဲမှ သန့်ရှင်းသောဝိညာဉ်တော်၏အမှုတော်လမ်းကြောင်းကို ကိုင်စွဲထားနိုင်ပါက၊ ဤအရာက သင်သည် မှန်ကန်သောလမ်းကြောင်းပေါ်တွင်ရှိ နေသည်ကိုပြသပါသည်။ အကယ်၍သင်သည် ဘုရားသခင်၏ နှုတ်ကပတ်တော်များ ကိုစားသောက်နေစဉ်တွင် အဓိကအချက်များကိုနားလည်သွားခြင်းမရှိပါက၊ ဘုရားသခင်၏ နှုတ်ကပတ်တော်များကို စားသောက်ပြီးနောက်တွင် လိုက်လျှောက် လမ်းကြောင်းတစ်ခုကို သင်မရှာဖွေနိုင်ပါက သင်သည် ဘုရားသခင်၏ နှုတ်ကပတ်တော်များကို မည်သို့စားသောက်ရမည်ကို မသိသေးကြောင်းနှင့် ဘုရားသခင် ၏ နှုတ်ကပတ်တော်များကိုစားသောက်ရန်အတွက် နည်းလမ်း သို့မဟုတ် နိယာမကို ရှာဖွေမတွေ့ရှိသေးကြောင်းကို ပြသနေပါသည်။ အကယ်၍သင်သည် လက်ရှိတွင် ဘုရားသခင်လုပ်ဆောင်သောအမှုတော်ကို နားလည်နိုင်ခြင်းမရှိပါက သင်သည် ဘုရားသခင်၏စေစားချက်ကို လက်ခံနိုင်ခြင်း ရှိမည်မဟုတ်ပေ။ ဘုရားသခင် လက်ရှိလုပ်ဆောင်နေသော အမှုတော်တို့သည် လက်ရှိကာလတွင်လူတို့ တိုးဝင်သင့်ပြီး၊ သိရှိထားသင့်သည့်အရာဖြစ်သည်။ သင်တို့သည် ဤအရာများကို ဖမ်းဆုပ်ရရှိ ထားပြီးပြီလား။

ဘုရားသခင်၏ နှုတ်ကပတ်တော်ကိုစားသောက်ပြီး ရလဒ်အနေဖြင့်၊ သင့်ဝိညာဉ် အသက်တာသည် ပုံမှန်ဖြစ်သွားသည့်နှင့်တစ်ပြိုင်နက်၊ သင်သည် ဘုရားသခင်၏ နှုတ်ကပတ်တော်များကို ပုံမှန်စားသောက်ခြင်း၊ ပုံမှန်ဆုတောင်းခြင်း၊ သင့်အသင်းတော် အသက်တာကို ပုံမှန်ကဲ့သို့ လုပ်ဆောင်ခြင်းတို့ပြုနိုင်ပါမည်။ သင်တွေ့ကြုံ နိုင်သော စစ်ကြောစုံစမ်းခြင်းများ၊ သင်တွေ့ကြုံ နိုင်သော အကျိုးဆက်များ၊ သင်သည်းခံရသည့် အသွေးအသားနာမကျန်းမှု၊ ညီအစ်ကိုမောင်နှမများ၏ခပ်ခွာခွာ ဆက်ဆံမှု၊သို့မဟုတ် သင့်မိသားစုအခက်အခဲများ မည်သို့ပင်ရှိနေဖြစ်နေစေကာမူ၊ အကယ်၍သင်သည် ဤနေရာ သို့ရောက်နိုင်ပါက၊ သင်သည် မှန်ကန်သောလမ်းကြောင်းပေါ်တွင် ရောက်နေပြီဖြစ်ကြောင်း ကိုထိုအရာကပြသနေပါသည်။ လူအချို့တို့သည် အလွန်နုနယ်ကြပြီးဇွဲလုံ့လ ကင်းမဲ့ကြသည်။ သူတို့သည် အချို့သော သေးငယ်သည့် အတားအဆီးများကို ရင်ဆိုင်ရချိန်တွင် ညဉ်းညူကြသည်။ - အင်အားနည်းလာကြသည်။ သမ္မာတရားကိုရှာဖွေခြင်းသည် ဇွဲလုံ့လနှင့် စိတ်ဆုံးဖြတ်ခြင်းတို့လိုအပ်သည်။ အကယ်၍ သင်သည် ဘုရားသခင်၏ အလိုတော်ကို ဤတစ်ကြိမ်တွင် ကျေနပ်အောင်မပြုနိုင်ပါက သင့်ကိုယ်သင်စက်ဆုပ်သင့်ပြီး၊ နောက်တစ်ကြိမ်တွင် ဘုရားသခင်၏ အလိုတော်ကိုကျေနပ်အောင် လုပ်ဆောင်မည်ဟု နှလုံးသားထဲ၌ တိုးတိတ်စွာဆုံးဖြတ်သင့်သည်။ အကယ်၍ ဤအချိန်တွင် သင်သည် ဘုရားသခင်၏ဝန်ထုပ်ကိုသတိမပြုမိပါက၊ အနာဂတ်တွင် တူညီသော ခလုတ်ကန်သင်း ကိုရင်ဆိုင်ရချိန်၌ ဇာတိပကတိစိတ် ကိုတွန်းလှန်ကာ ဘုရားသခင်၏အလိုတော်ကို ကျေနပ်စေမည်ဟူသော ဆုံးဖြတ်ချက်ခိုင်မာသင့်သည်။ ဤသို့အားဖြင့် သင်သည် ချီးမွမ်းထိုက်သူဖြစ်လာခြင်းဖြစ်သည်။ လူအချို့တို့သည် သူတို့၏ကိုယ်ပိုင်အတွေးများနှင့် အကြံဉာဏ်များမှန်သည် မမှန်သည်ကိုပင် မသိကြပေ။ ထိုသို့သောသူများသည် ရူးသွပ်သူများဖြစ်သည်။ အကယ်၍သင့်နှလုံးသားဆန္ဒကိုနှိမ်နင်းပြီး အသွေးအသားကို ဆန့်ကျင်လိုပါက၊ သင့်ရည်ရွယ်ချက်များမှန်မမှန်ကိုသင်အရင်သိထားသင့်ပြီး မှသာ၊ သင့်နှလုံးသားဆန္ဒ ကို နှိမ်နင်းနိုင်မည်ဖြစ်သည်။ အကယ်၍သင့်ရည်ရွယ်ချက်များ မှန်မမှန်ကို သင်မသိပါက သင့်နှလုံးသားဆန္ဒကိုနှိမ်နင်း၍၊ ဇာတိပကတိကို တွန်းလှန်နိုင်ပါမည်လား။ အကယ်၍သင်တွန်းလှန်ခဲ့လျှင်ပင်၊ ထိုအရာကို ရှုပ်ထွေးသော ပုံစံဖြင့် လုပ်ဆောင်နေခြင်းဖြစ်သည်။ သင်၏မှားယွင်းသောရည်ရွယ်ချက်များကို ဆန့်ကျင်၍တွန်းလှန်ခြင်းသည် ဇာတိပကတိကို ဆန့်ကျင်တွန်းလှန်ခြင်းဖြစ်ကြောင်း ကို သင်သိထားသင့်ပါသည်။ သင့်ရည်ရွယ်ချက်များ၊ ထင်မြင်ချက်များနှင့် အကြံဉာဏ်များသည် မမှန်ကန်ကြောင်းကိုသင်သိလျှင်၊ နောက်ပြန်လှည့်ကာ မှန်ကန်သော လမ်းကြောင်းတွင် အမြန်ပြန်လှည့်လှမ်းလျှောက်သင့်ပါသည်။ သင်သည် ပထမဆုံးအနေဖြင့် ဤအခြေအနေ တွင်ထိုးဖောက် ကျော်လွှားမှုပြုလုပ်ပြီး ထိုသို့သောလုပ်ဆောင်ချက်များမှတဆင့် တိုးဝင်ရပါမည်။ အကြောင်းမှာ သင့်ရည်ရွယ်ချက်များသည် မှန်ကန်မှုရှိမရှိဆိုသည်ကို သင်သာအသိဆုံး ဖြစ်သောကြောင့်ပင်တည်း။ မှားယွင်းသော ရည်ရွယ်ချက်များ ကိုပြင်ဆင်ပြီး၊ ဘုရားသခင်ဖို့အလို့ငှာဖြစ်သွားပါက သင့်နှလုံးသားဆန္ဒကိုနှိမ်နင်း အောင်မြင်သည့်ပန်းတိုင် ကိုသင်ရရှိသွားပြီဖြစ်သည်။

ယခုသင်တို့အတွက်အဓိကသော့ချက်မှာ၊ ဘုရားသခင်နှင့်ပတ်သတ်သောအသိတရား ရှိရန်၊ ဘုရားသခင့်အမှုတော်နှင့်ပတ်သတ်အသိတရားရှိရန်နှင့် သန့်ရှင်းသောဝိညာဉ်တော် သည်လူတို့ပေါ်တွင် သူ၏အမှုတော်ကိုမည်သို့ဆောင်ရွက်နေသည် ကိုသိထားရန် ဖြစ်ပါသည်။ ဤသည်မှာ မှန်ကန်သောလမ်းကြောင်းထဲသို့ ဝင်ရောက်ရန် သော့ချက် ဖြစ်ပါသည်။ သင်သည် သော့ကို ဆုပ်ကိုင်ပြီး သည်နှင့်တစ်ပြိုင်နက် မှန်ကန်သော လမ်းကြောင်းထဲသို့ဝင်ရောက်ရန် သင့်အတွက် လွယ်ကူသွားပါလိမ့်မည်။ သင်သည် ဘုရားသခင်ကိုယုံကြည်ပြီး၊ ဘုရားသခင်ကိုသိသည်။ ဤသည်က ဘုရားသခင်အပေါ် ထားသောသင့်ယုံကြည်ခြင်း သည်စစ်မှန်သည်ကိုပြသနေခြင်းဖြစ်သည်။ သင်သည် အဆုံးထိအတွေ့အကြုံတို့ကိုခံစားတွေ့ကြုံရသော်လည်း ဘုရားသခင်ကိုမသိနိုင်သေးလျှင် သင်သည် အမှန်တကယ်ပင်ဘုရားသခင်ကိုဆန့်ကျင်သူတစ်ဦးဖြစ်သည်။ ယေရှု ခရစ်တော်ကို ယုံကြည်သော်လည်း ယနေ့ လူ့ဇာတိခံယူသော ဘုရားသခင်ကို ယုံကြည်ခြင်းမရှိသောသူအားလုံးတို့သည်စီရင်ခြင်းခံရပါမည်။ သူတို့အားလုံးသည် ယနေ့ခေတ်၏ဘုရားသခင်ကိုသတိမပြုမိကြပဲ၊ ဘုရားသခင်ကို ဆန့်ကျင်နေကြခြင်း ကြောင့် သူတို့သည် ခေတ်သစ်ဖာရိရှဲများဖြစ်ကြသည်။ သူတို့သည် ယေရှုအပေါ်တွင် ယုံကြည်ဆက်ကပ်မှုမည်မျှရှိသည်ဖြစ်စေ အရာအားလုံးသည် အလဟဿဖြစ်လိမ့်မည်။ သူတို့သည် ဘုရားသခင်၏ချီးမွှမ်းခြင်းကို ရရှိလိမ့်မည်မဟုတ်ပေ။ ဘုရားသခင်ကို ယုံကြည်သည်ဟုပြောသော်လည်း ဘုရားသခင်နှင့်ပတ်သတ်၍သူတို့နှလုံးသားများထဲတွင် စစ်မှန်သောအသိတရားမရှိပါက၊ ထိုသူအားလုံးသည် သူတော်ကောင်းယောင်ဆောင်သူ များ ဖြစ် ကြသည်။

ဘုရားသခင်မှစုံလင်အောင်ပြုခြင်းကိုရှာဖွေရန် လူတစ်ယောက်သည် ပထမဆုံး ဘုရားသခင်မှ စုံလင်အောင်ပြုလုပ်ခြင်း၊ စုံလင်အောင်ပြုလုပ်ခြင်းခံရစေရန်အတွက် မည်သည့်အခြေအနေတို့ကို ပိုင်ဆိုင်ထားသင့်သည် ဆိုသည့် အဓိပ္ပါယ်ကို နားလည်ထား သင့်ပြီး၊ ထိုသို့သောအရာများကို နားလည်သည်နှင့်တစ်ပြိုင်နက်တွင် လိုက်လျှောက်ရန် လမ်းကြောင်းကို ရှာဖွေသင့်ပါသည်။ လူတစ်ဦးသည် ဘုရားသခင်မှ စုံလင်အောင် ပြုခြင်းခံရရန်အတွက် အရည်အချင်းတစ်ခုကို ပိုင်ဆိုင်ထားသင့်ပါသည်။ များစွာသော သင်တို့သည် အဖိုးအခတစ်စုံတရာနှင့် သင်၏နှလုံးသွင်းကြိုးပမ်းမှုကို ပေးရန်လိုအပ်သည့်၊ ရှိသင့်သောအရည်အချင်းကိုမပိုင်ဆိုင်ကြပေ။ သင့်စွမ်းရည်နည်းလေလေ သင်အားစိုက် ထုတ်ရမည့် နှလုံးသွင်းကြိုးပမ်းမှုများလေလေဖြစ်သည်။ ဘုရားသခင့် နှုတ်ကပတ်တော် များကို သင်နားလည်မှုများလေလေ၊ လက်တွေ့ လျှောက်လှမ်းလေလေ၊ ဘုရားသခင်မှ စုံလင်အောင်ပြုထားသောလမ်းကြောင်းထဲသို့ ဝင်ရောက်နိုင်ရန် လျင်မြန် လေလေ ဖြစ်သည်။ ဆုတောင်းခြင်းအားဖြင့် ဆုတောင်းချက်များအလယ်တွင် သင့်ကို စုံလင်အောင်ပြုနိုင်သည်။ ဘုရားသခင်၏နှုတ်ကပတ်တော်များကို စားသောက်ခြင်း အားဖြင့် ဘုရားသခင့်နှုတ်ကပတ်တော်များ၏အနှစ်သာရကိုနားလည်နိုင်ပြီး ဘုရားသခင့် နှုတ်ကပတ်တော်၏ အမှန်တရားအတိုင်း အသက်ရှင်ကာ သင့်ကိုစုံလင်အောင် ပြုလုပ်ခြင်း ခံရမည်ဖြစ်သည်။ ဘုရားသခင်၏နှုတ်ထွက်စကားများကို နေ့စဉ်တွေ့ကြုံခံစားခြင်းမှတဆင့် သင့်တွင် ကင်းမဲ့နေသောအရာကိုသင်သိရှိလာသည်။ ထို့အပြင် သင်၏ပျော့ကွက်နှင့် အားနည်းချက်ကို သိရှိလာကာ ဘုရားသခင်ထံသို့ ဆုတောင်းကာ ထိုမှတဆင့် သင့်ကို တစ်ဖြည်းဖြည်းနှင့် စုံလင်အောင်ပြုလုပ်ခြင်း ခံရပါလိမ့်မည်။ စုံလင်အောင်ပြုခြင်းသို့ သွားသည့်လမ်းကြောင်းများ- ဆုတောင်းခြင်း၊ ဘုရားသခင်နှုတ်ကပတ်တော်များ ကိုစားသောက်ခြင်း၊ ဘုရားသခင့်နှုတ်ကပတ်တော်များ၏ အနှစ်သာရကိုနားလည်ခြင်း၊ ဘုရားသခင့်နှုတ်ကပတ်တော်များကို တွေ့ကြုံခံစားရန် တိုးဝင်ခြင်း၊ သင့်ထံတွင်ကင်းမဲ့ နေသည့် အရာကိုသိမြင်လာခြင်း၊ ဘုရားသခင်၏အမှုတော်ကို နာခံခြင်း၊ ဘုရားသခင့် ဝန်ထုပ်ကိုသတိမူလာမိခြင်းနှင့် သင်၏ကြင်နာသောနှလုံးသားမှတဆင့် ဇာတိပကတိကို စွန့်လွှတ်လာခြင်း နှင့် သင့်အတွေ့အကြုံများကိုတိုးပွားစေသော ညီအကို မောင်နှမများနှင့် မကြာခဏတွေ့ဆုံ မိတ်သဟာရဖွဲ့ခြင်းတို့ဖြစ်သည်။ အများနှင့်ဆိုင်သောအသက်တာဖြစ်စေ သင့်ကိုယ်ပိုင်အသက်တာဖြစ်စေ၊ ကြီးမားသော သို့မဟုတ် သေးငယ်သော အစည်းအဝေးများဖြစ်စေ၊ ထိုအရာအားလုံးသည် သင့်ကို အတွေ့အကြုံများရလာစေရန်နှင့် လေ့ကျင့်မှုများကို ရရှိလာခွင့်ပေးသည်။ သို့မှသာ သင့်နှလုံးသားသည် ဘုရားသခင်ရှေ့မှောက်တွင် ငြိမ်သက်ပြီး ဘုရားသခင့်ထံသို့လှည့် လာနိုင်မည်ဖြစ်သည်။ ဤအချင်းအရာအားလုံးသည် စုံလင်အောင်ပြုလုပ်ခြင်းဖြစ်စဉ်ဖြစ်သည်။ မြွက်ကြားခဲ့ပြီးသော ဘုရားသခင်၏ နှုတ်ကပတ်တော်များကို တွေ့ကြုံခံစားရခြင်းသည် ဘုရားသခင်၏ နှုတ်ကပတ်တော်ကို အမှန်တကယ်အရသာခံရခြင်းနှင့် သင့်အထဲ၌အသက်ရှင် နေထိုင်ခွင့်ပေးခြင်း ဟုအဓိပ္ပါယ် ရသည်။ သို့မှသာ သင့်ထံတွင် ဘုရားသခင်အပေါ်၌ပို၍ကြီးမားသောသစ္စာတရားနှင့် ချစ်ခြင်းမေတ္တာရှိမည်ဖြစ်သည်။ ဤနည်းအားဖြင့် သင်သည် စာတန်၏ ပျက်ပြားနေသော စိတ်သဘောထားတို့ကို တဖြည်းဖြည်းခွာချနိုင်ပါလိမ့်မည်။ သင့်ကိုယ်သင် မသင့်လျော်သော အရင်းခံ အကြောင်းများမှ တစ်ဖြည်းဖြည်း အာရုံဖျောက်ပစ်လိုက်နိုင်ပြီး၊ သာမာန်လူသား တစ်ယောက်နည်းတူ အရိုးထုတ်သွားနိုင်ပါလိမ့်မည်။ ဘုရားသခင်အတွက် ချစ်ခြင်းမေတ္တာ သည်သင့်ထဲ၌ ကြီးမားလေလေ၊ ဆိုလိုသည်မှာ၊ ဘုရားသခင်မှ သင့်ကိုစုံလင်အောင် ပြုလုပ်လာလေလေ၊ စာတန်မှသင့်ကို အကျင့်ပျက်ပြား အောင်လုပ်နိုင်မှုနည်း လေလေဖြစ်သည်။ သင့်လက်တွေ့အတွေ့အကြုံများအားဖြင့် သင့်ကို စုံလင်အောင်လုပ်မည့် လမ်းကြောင်းထဲသို့ သင်တစ်ဖြည်းဖြည်း တိုးဝင်နိုင်ပါလိမ့်မည်။ သို့ဖြစ်၍၊ သင့်အနေဖြင့် စုံလင်အောင် ပြုလုပ်ခံရရန်ဆန္ဒရှိပါက၊ ဘုရားသခင်၏ အလိုတော်ကိုသတိပြုခြင်းနှင့် ဘုရားသခင်၏နှုတ်ကပတ်တော်ကို တွေ့ကြုံခံစားခြင်း တို့သည် အထူးအရေးကြီး လှပါသည်။

ယခင်က:ဘုရားသခင်ရှေ့မှောက်တွင် သင်၏ စိတ်နှလုံးအား ငြိမ်သက်စေခြင်း

နောက်တစ်ခုသို့:ဘုရားသခင်ကို စစ်မှန်သော နှလုံးသားနှင့် နာခံသောသူတို့သည် ဘုရားသခင်ပိုင်သောသူများ ဧကန်အမှန် ဖြစ်ကြလိမ့်မည်

သင်နှစ်သက်နိုင်သည့် အရာများ