သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

ဘုရားသခင်၏ နေ့စဉ် နှုတ်ကပတ်တော်များ

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

လူသားမျိုးနွယ်၏ ဖောက်ပြန်ပျက်စီးမှုကို ဖော်ထုတ်ခြင်း (၁)

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၀၀)

နှစ်ထောင်ပေါင်းများစွာ ဖောက်ပြန်ပျက်စီးခဲ့ပြီးနောက် လူသားသည် ထုံတေထိုင်းမှိုင်းလာကာ၊ လူသား၏ ဘုရားသခင်ကို တော်လှန်ပုန်ကန်မှုသည် သမိုင်းစာအုပ်များတွင် မှတ်တမ်းတင်ရသည့် အတိုင်းအတာအထိ ကျယ်ပြောရုံမက လူကိုယ်တိုင် မိမိ၏ပုန်ကန်သည့် အမူအကျင့်ကို ကုန်စင်အောင် ဖော်ပြနိုင်စွမ်း မရှိသည့်အထိ ဘုရားသခင်ကို အတိုက်အခံပြုသော နတ်ဆိုးဖြစ်လာခဲ့သည်။ အဘယ်ကြောင့်ဆိုသော် လူသားသည် စာတန်၏ အကြီးအကျယ် ယိုယွင်းဖျက်ဆီးခြင်းကို ခံခဲ့ရပြီး စာတန်၏ လမ်းလွဲသွားစေခြင်းကို ခံခဲ့ရသည့် အတွက် သူသည် ဘယ်ကိုဦးတည်သွားရမည်ကို မသိပေ။ ယနေ့တိုင် လူသားသည် ဘုရားသခင်ကို သစ္စာဖောက်လျက်ရှိသည်။ လူသားသည် ဘုရားသခင်ကို တွေ့မြင်သောအခါ သူ့ကို သစ္စာဖောက်သည်။ ဘုရားသခင်ကို မမြင်မတွေ့နိုင်သော အခါတွင်လည်း သူ့ကို သစ္စာဖောက်သည်။ ဘုရားသခင်၏ ကျိန်ဆိုခြင်းနှင့် အမျက်တော်ကို မျက်မြင်တွေ့ခဲ့ရသော်လည်း ဘုရားသခင်ကို သစ္စာဖောက်ကြသော သူများပင် ရှိသေးသည်။ ထို့ကြောင့် လူ့အသိဉာဏ်သည် နဂိုအသုံးဝင်မှု ပျောက်ဆုံးကာ လူ့အသိစိတ်သည်လည်း နဂိုအသုံးဝင်မှု ပျောက်ဆုံးလေပြီဟု ငါဆိုသည်။ ငါကြည့်မျှော်သော လူသားသည် လူအရေခြုံထားသော သားရဲ၊ အဆိပ်ပြင်းသော မြွေဖြစ်သည်။ ငါ့မျက်စိရှေ့တွင် သနားဖွယ်ဖြစ်အောင် မည်မျှကြိုးစားသော်လည်း ငါသည် သူ့ကို မည်သည့်အခါမျှ သနားမည်မဟုတ်။ အဘယ်ကြောင့်ဆိုသော် လူသားသည် အဖြူနှင့်အမဲကြားရှိ ခြားနားချက်ကို နားလည်ခြင်းမရှိ၊ သမ္မာတရားနှင့် သမ္မာတရား မဟုတ်ခြင်းကြားရှိ ခြားနားချက်ကို နားလည်ခြင်း မရှိသောကြောင့် ဖြစ်သည်။ လူသားသည် အသိဉာဏ် ထုံထိုင်းလှသော်လည်း ကောင်းကြီးမင်္ဂလာများကို ရရှိရန် တောင့်တဆဲရှိသည်။ သူ၏ လူ့သဘာဝသည် အလွန်သိက္ခာမဲ့လျက်ပင် သူသည် ရှင်ဘုရင်၏ အချုပ်အခြာအာဏာကို ပိုင်ဆိုင်ရန် ဆန္ဒပြုဆဲရှိသည်။ ထိုကဲ့သို့သော အသိဉာဏ်ဖြင့် သူသည် မည်သူတို့၏ ရှင်ဘုရင် ဖြစ်နိုင်မည်နည်း။ ထိုသို့သော လူ့သဘာဝဖြင့် ရာဇပလ္လင်ပေါ်တွင် မည်သို့တက်ထိုင်အံ့နည်း။ လူသားသည် အကယ်စင်စစ်ပင် အရှက်မရှိပါတကား။ စိတ်ပျက်ဖွယ်ကောင်းသော စိတ်ကြီးဝင်နေသူ ဖြစ်သည်။ သင်တို့ အထဲတွင် ကောင်းချီးမင်္ဂလာများကို ရယူလိုသူများသည် ကြည့်မှန်ယူ၍ အကျည်းတန်သော မိမိ၏ ရုပ်သွင်ကို ရှုစားကြရန် ငါတိုက်တွန်းသည်။ သင့်တွင် ရှင်ဘုရင်ဖြစ်ထိုက်သော ဥပဓိရုပ် ရှိသလော။ ကောင်းကြီးမင်္ဂလာများကို ခံစားထိုက်သူ၏ မျက်နှာမျိုးကို ပိုင်ဆိုင်ခြင်းရှိသလော။ သင်၏ စိတ်သဘောထားထဲ၌ ပြောင်းလဲခြင်း စိုးစဉ်းမျှပင် မရှိသည့်အပြင် မည်သည့် သမ္မာတရားကိုမျှလည်း လက်တွေ့ကျင့်သုံးခြင်း မရှိသော်လည်း သင်သည် အံ့မခန်းဖွယ် မနက်ဖြန်ကို မျှော်နေသေးသလော။ သင်သည် မိမိကိုယ်ကိုမိမိ လှည့်ဖြားလေပြီ။ ဤမျှညစ်ညမ်းသောမြေတွင် မွေးဖွားလာသောလူသားသည် လူ့အဖွဲ့အစည်း၏ ပြင်းထန်စွာ ထိခိုက်ဖျက်ဆီးခြင်းကို ခံခဲ့ရပြီးဖြစ်သည်။ လူသားသည် ပဒေသရာဇ်စနစ်ဆိုင်ရာ ကိုယ်ကျင့်တရားများ၏ လွှမ်းမိုးခြင်းခံရကာ “အဆင့်မြင့်ပညာသင်ကျောင်းများ” တွင် သင်ယူခဲ့ကြသည်။ ခေတ်နောက်ကျသော စဉ်းစားတွေးတောခြင်း၊ ပျက်စီးယိုယွင်းသော စာရိတ္တ၊ လူ့ဘဝကို တန်ဖိုးမထားခြင်း၊ စက်ဆုပ်ဖွယ် အတွေးအခေါ်၊ လုံးဝဥဿုံ တန်ဖိုးမရှိသော ဘဝ၊ စာရိတ္တပျက်ပြားသော အသက်ရှင်ပုံနှင့် ဓလေ့စရိုက်များ၊ စသည်တို့ အားလုံးသည် လူ့နှလုံးသားအတွင်းသို့ ပြင်းပြင်းထန်ထန် ကျူးကျော်ဝင်ရောက်ကာ လူသား၏ အသိစိတ်ကို ပြင်းထန်စွာ တိုက်ခိုက်၍ အားလျော့စေခဲ့သည်။ အကျိုးဆက်မှာ လူသားသည် ဘုရားသခင်နှင့် ဝေးသည်ထက် ဝေးသွားသည့်အပြင် သူ့ကို ဆန့်ကျင်မှု ပိုမိုဆိုးရွားလာသည်။ လူ့စိတ်သဘောထားသည် တစ်နေ့ပြီးတစ်နေ့ ပိုမိုဆိုးယုတ်လာကာ ဘုရားသခင်အတွက် မည်သည့်အရာကိုမဆို လိုလိုချင်ချင် စွန့်လွှတ်လိုသည့်သူနှင့် ဘုရားသခင်ကို လိုလိုချင်ချင် နာခံလိုစိတ်ရှိသူ တစ်ဦးတစ်လေမျှ မရှိသည့်အပြင် ဘုရားသခင်၏ အသွင်သဏ္ဌာန်ကို လိုလိုချင်ချင် ရှာဖွေလိုသော ဆန္ဒရှိသူလည်း တစ်ဦးတစ်လေမျှ မရှိပေ။ ထိုသို့ပြုမည့်အစား လူသားသည် စာတန်၏ အုပ်စိုးမှုအောက်တွင် ပျော်ပါးကာ မည်သည့်အရာကိုမှ လုပ်ဆောင်ခြင်းမရှိပဲ၊ ရွှံ့နွံတောထဲ၌ ဇာတိပကတိ၏ ပျက်စီးယိုယွင်းခြင်းထံ မိမိကိုယ်ကို လုံးလုံးမြှုပ်နှံထားသည်။ အမှောင်ထုတွင် ကျင်လည်ကြသော လူသားတို့သည် သမ္မာတရားကို ကြားသောအခါပင် လက်တွေ့ကျင့်သုံးရန် စိတ်မကူးကြပေ။ ဘုရားသခင်၏ ပေါ်ထွန်းခြင်းကို ဖူးမြင်ခဲ့ရလျှင်ပင် ဘုရားသခင်ကို ရှာဖွေလိုသည့် ဆန္ဒပြင်းပြမှုလည်း မဖြစ်ပေါ်ကြပေ။ ထိုမျှလောက် အကျင့်ပျက်ပြီးသော လူသားမျိုးနွယ်သည် ကယ်တင်ခြင်းရယူရန် မည်သို့ဖြစ်နိုင်မည်နည်း။ ထိုမျှ ကိုယ်ကျင့်တရား နိမ့်ကျသော လူသားမျိုးနွယ်သည် အလင်းထဲတွင် မည်သို့နေနိုင်မည်နည်း။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “မပြောင်းလဲသော စိတ်သဘောထား ရှိခြင်းသည် ဘုရားသခင်နှင့် ရန်ဘက်ပြုခြင်းဖြစ်သည်” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၀၁)

လူသား၏ ဖောက်ပြန်ပျက်စီးသော စိတ်သဘောထားသည် စာတန်၏ အဆိပ်ခတ်ခြင်းနှင့် နင်းခြေခြင်းကို ခံရခြင်းမှ၊ ၎င်း၏စဉ်းစားတွေးခေါ်မှု၊ အကျင့်စာရိတ္တ၊ ထိုးထွင်းသိမြင်မှုနှင့် အသိစိတ်တို့အပေါ် စာတန်၏ လွန်ကဲစွာ ဘေးသင့်စေမှုတို့မှ ပေါ်ပေါက်လာခြင်း ဖြစ်သည်။ လူသား၏ ဤအခြေခံအချက်များသည် စာတန်၏ ဖျက်ဆီးခြင်းကိုခံရခဲ့ကာ၊ ၎င်းတို့သည် ဘုရားသခင်က နဂိုမူလတွင် ဖန်ဆင်းထားခဲ့ပုံနှင့် လုံးဝမတူကြသဖြင့်သာ လူသားသည် ဘုရားသခင်ကို ဆန့်ကျင်ကာ သမ္မာတရားကို နားမလည်ခြင်း ဖြစ်သည်။ ထိုကြောင့် လူ့စိတ်သဘောထားအတွင်း၌ ပြောင်းလဲခြင်းသည် သူ၏အတွေးအခေါ်၊ ထိုးထွင်းသိမြင်မှုနှင့် အသိဉာဏ်၏ ပြောင်းလဲခြင်းတို့ဖြင့် အစပြုရမည်။ သို့မှသာ သူ၏ဘုရားသခင်နှင့် ပတ်သက်သည့် အသိပညာနှင့် သမ္မာတရားနှင့် ပတ်သက်သော အသိပညာသည် ပြောင်းလဲမည်ဖြစ်သည်။ ယိုယွင်းပျက်စီးသည့် နယ်ပယ် အားလုံးတွင် အနက်ရှိုင်းဆုံး ယိုယွင်းခြင်းရှိသည့် မြေပေါ်၌ မွေးဖွားလာသူများသည် ဘုရားသခင်သည် အဘယ်ဖြစ်သည်၊ သို့မဟုတ် ဘုရားသခင်ကို ယုံကြည်ခြင်းဟူသည်မှာ အဘယ်အရာအား ဆိုလိုသည်ကို သာ၍ မသိမိုက်မဲလျက် ရှိကြသည်။ လူတို့သည် ယိုယွင်းပျက်စီးလေလေ၊ ဘုရားသခင် တည်ရှိခြင်းကို မသိလေလေ၊ အသိဉာဏ်နှင့် ထိုးထွင်းဉာဏ် ခေါင်းပါးလေလေဖြစ်သည်။ စာတန်၏ လူသားကို ဖျက်ဆီးခြင်းသည် လူသား၏ ဘုရားသခင်ကို အတိုက်အခံပြုခြင်းနှင့် ပုန်ကန်ခြင်း၏ အရင်းအမြစ်ဖြစ်သည်။ လူသားသည် စာတန်၏ ဖျက်ဆီးမှုကို ခံထားရသောကြောင့် လူ့အသိဉာဏ်ထုံသွားကာ၊ ကိုယ်ကျင့်တရား ယိုယွင်းပြီး သူ၏အတွေးများ ဆုတ်ယုတ်သွား၍ သူ့၌ နောက်ပြန် စိတ်ပိုင်းဆိုင်ရာ ရှုမြင်ပုံလည်း ရှိလာသည်။ စာတန်၏ ဖျက်ဆီးခြင်းမခံရမီ လူသားသည် သဘာဝအားဖြင့် ဘုရားသခင်နောက်လိုက်ကာ သူ၏နှုတ်ကပတ်တော်ကို ကြားပြီးနောက် ၎င်းတို့ကို နာခံခဲ့သည်။ သူ့၌ ပင်ကိုအားဖြင့် ယုတ္တိတန်သော အသိစိတ်နှင့် အသိတရားရှိခဲ့ပြီး ပုံမှန်လူ့သဘာဝကို ပိုင်ဆိုင်ခဲ့သည်။ စာတန်၏ ဖျက်ဆီးမှုကိုခံရပြီးနောက် သူ၏နဂိုအသိစိတ်၊ နဂိုအသိတရားနှင့် လူ့သဘာဝသည် ထုံထိုင်းသွားကာ စာတန်၏ ထိခိုက်စေခြင်းကို ခံခဲ့ရသည်။ ထိုကြောင့် သူသည် ဘုရားသခင်ကို နာခံခြင်းနှင့် ဘုရားသခင်အပေါ်ချစ်ခြင်း ပျောက်ဆုံးခဲ့ရသည်။ လူ့အသိစိတ် မူမမှန်ဖြစ်လာကာ၊ သူ၏စိတ်သဘောထားသည် တိရစ္ဆာန်၏ စိတ်သဘောထားနှင့် တူလာ၍ ဘုရားသခင်ကို သူ၏ပုန်ကန်ခြင်းသည် သာ၍ပင် အကြိမ်ရေစိပ်လာကာ သာ၍ပြင်းထန်လာသည်။ သို့ပါလျက် လူသားသည် ထိုအခြင်းအရာကို သိမှတ်ခြင်း၊ ရိပ်မိခြင်းမရှိဘဲ မဆင်မခြင် ဆန့်ကျင်ပုန်ကန်ခြင်းသာ ပြုလေသည်။ လူသား၏ စိတ်သဘောထားကို ဖွင့်ပြခြင်းသည် လူ့အသိစိတ်၊ ထိုးထွင်းသိမြင်စွမ်းနှင့် အသိတရားတို့ကို ထုတ်ဖော်ပြခြင်းဖြစ်သည်၊ ထို့ပြင် သူ၏အသိစိတ်နှင့် ထိုးထွင်းအမြင်တို့သည် အကောင်းပကတိ မဟုတ်တော့သည်သာမက သူ၏အသိတရားသည် အလွန်အမင်း ထိုင်းမှိုင်းလာခြင်းကြောင့် သူ့စိတ်သဘောထားသည် ဘုရားသခင်ကို ပုန်ကန်ခြင်းဖြစ်သည်။ အကယ်၍ လူသား၏ အသိဉာဏ်နှင့် ထိုးထွင်းသိမြင်စွမ်း မပြောင်းလဲနိုင်ပါက သူ့စိတ်သဘောထားသည် ဘုရားသခင်အလိုကျ ပြောင်းလဲနိုင်မည် မဟုတ်သည်ကို စဉ်းစားစရာမလိုပေ။ လူ့အသိဉာဏ် ပကတိမဟုတ်သော် သူသည် ဘုရားသခင်ကို အစေခံနိုင်မည် မဟုတ်ပေ။ ဘုရားသခင်မှ အသုံးပြုရန်လည်း မသင့်တော်ပေ။ “နဂိုအသိဉာဏ်” ဟူသည်မှာ ဘုရားသခင်ကို နာခံခြင်းနှင့် သူ့ကို သစ္စာရှိခြင်း၊ ဘုရားသခင်ကို ငံ့လင့်ခြင်း၊ ဘုရားသခင်ရှေ့ ပကတိဖြစ်နေခြင်း၊ ဘုရားသခင်ကို ထိတွေ့ခံစားတတ်သော သိစိတ်ရှိခြင်း တို့ကိုဆိုလိုသည်။ ဘုရားသခင်နှင့် တစ်စိတ်တစ်ဝမ်းတည်းဖြစ်၍ ဘုရားသခင်ကို တမင်တကာဆန့်ကျင်ခြင်း မရှိသည်ကို ရည်ညွှန်းသည်။ အသိဉာဏ် မူမမှန်သော သူများသည် ထိုသို့မဟုတ်။ လူသားသည် စာတန်၏ ယိုယွင်းဖျက်ဆီးခြင်းကို ခံခဲ့ရသော သူဖြစ်ရာ ဘုရားသခင်ကို တွေ့ထိခံစားတတ်သော သိစိတ်ရှိခြင်း မဆိုထားဘိ၊ ဘုရားသခင်အကြောင်း အယူအဆများ ထုတ်လုပ်ကာ ဘုရားသခင်ကို သစ္စာမရှိ၊ သို့မဟုတ် ငံ့လင့်ခြင်းလည်း မရှိပေ။ လူသားသည် ဘုရားသခင်ကို တမင်တကာဆန့်ကျင်ခြင်း၊ အကဲဖြတ်ခြင်း သာမက နောက်ကွယ်တွင် ဘုရားသခင်ကို စော်ကားမော်ကားပြုသည်။ လူသားသည် သူဘုရားသခင် ဖြစ်ကြောင်းကို ရှင်းရှင်းလင်းလင်း သိလျက် နောက်ကွယ်တွင် သူ့ကို အကဲဖြတ်ကာ သူ့ကို နာခံလိုစိတ် မရှိပေ။ ဘုရားသခင်ကို တောင်းဆိုခြင်းနှင့် တောင်းခံခြင်းကိုသာ တဇွတ်ထိုး ပြုလုပ်တတ်သည်။ အသိဉာဏ် မူမမှန်သော ဤလိုလူမျိုးသည် မိမိတွင် စက်ဆုပ်ရွံရှာဖွယ် အကျင့်ဓလေ့ရှိသည်ကို သိခြင်းငှာ မစွမ်းနိုင်ပေ၊ သို့မဟုတ် မိမိ၏ ပုန်ကန်မှုအတွက် နောင်တရခြင်းလည်း မရှိပေ။ အကယ်၍ လူတို့သည် မိမိကိုယ်ကို သိနိုင်စွမ်းရှိသော် အသိဉာဏ်အနည်းငယ်မျှ ပြန်လည် ရရှိလာခြင်းဖြစ်သည်။ လူတို့သည် ဘုရားသခင်ကို ပုန်ကန်လျက် မိမိကိုယ်ကို မိမိမသိလေလေ၊ အသိဉာဏ် ဆုတ်ယုတ်လေလေ ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “မပြောင်းလဲသော စိတ်သဘောထား ရှိခြင်းသည် ဘုရားသခင်နှင့် ရန်ဘက်ပြုခြင်းဖြစ်သည်” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၀၂)

ဖောက်ပြန်ပျက်စီးသော လူ့စိတ်သဘောထားကို ဖွင့်ပြသော အကြောင်းရင်းသည် အခြားမဟုတ်၊ သူ၏ထုံထိုင်းသောအသိတရား၊ မလိုမုန်းထားသော သဘာဝနှင့် ယုတ္တိမတန်သော အသိစိတ်တို့ဖြစ်သည်၊ အကယ်၍ လူသား၏ အသိတရားနှင့် အသိစိတ်သည် နဂိုအခြေအနေ ပြန်လည်ရရှိပါက၊ ဘုရားသခင်ရှေ့တွင် အသုံးခံထိုက်သူ ဖြစ်လာပေမည်။ လူသားသည် ဘုရားသခင်ကို တိုး၍ပုန်ကန်လာကာ၊ ယေရှုကို ကားတိုင်တွင် သံနှင့်ရိုက်၍ နောက်ဆုံးသောကာလတွင် လူ့ဇာတိခံယူသော ဘုရားသခင်ကို သူ့အိမ်သို့ ဝင်ခွင့်ပိတ်ပင်သည်သာမက၊ ဘုရားသခင်၏ ဇာတိခန္ဓာကို ရှုတ်ချကာ၊ ထိုဇာတိခန္ဓာကို အောက်တန်းကျသည်ဟု ရှုမြင်သည်အထိ ပြင်းထန်လာခြင်းသည် လူ့အသိတရား ထုံမြဲထုံခြင်း၊ လူ့အသိစိတ် လူစဉ်မမီသည့်အပြင် ပို၍ပို၍ ထိုင်းမှိုင်းခြင်းကြောင့် ဖြစ်သည်။ အကယ်၍ လူသား၌ လူ့သဘာဝ အနည်းငယ်မျှ ရှိခဲ့သော် လူ့ဇာတိခံယူသော ဘုရားသခင်၏ ဇာတိခန္ဓာကို ထိုသို့ရက်စက်စွာ ဆက်ဆံမည်မဟုတ်ပေ၊ အကယ်၍ သူ၌ အသိစိတ် အနည်းငယ်ရှိခဲ့သော် လူ့ဇာတိခံယူသော ဘုရားသခင်၏ ဇာတိခန္ဓာအပေါ် အလွန်ရက်စက်ခဲ့လိမ့်မည် မဟုတ်ပေ၊ အကယ်၍ သူ့၌ အသိတရား အနည်းငယ်မျှ ရှိခဲ့လျှင်လည်း လူ့ဇာတိခံယူသော ဘုရားသခင်ကို ထိုနည်းဖြင့် အလွန် “ကျေးဇူးတင်” ခဲ့လိမ့်မည် မဟုတ်ပေ။ လူသားသည် ဘုရားသခင် လူ့ဇာတိခံယူသော ကာလတွင် အသက်ရှင်လျက် ထိုကဲ့သို့ ကောင်းမွန်သော အခွင့်အရေးကိုပေးခဲ့သူ ဘုရားသခင်အား ကျေးဇူးမတင်နိုင်ရုံသာမက၊ ဘုရားသခင် ကြွလာခြင်းကို ကျိန်ဆဲ၏၊ သို့မဟုတ် ဘုရားသခင် လူ့ဇာတိခံယူခြင်းကို လုံးဝဂရုမစိုက်သည့်အပြင် ဆန့်ကျင်ခြင်းနှင့် ငြီးငွေ့ခြင်းသာလျှင် ရှိခဲ့သည်။ ဘုရားသခင် ကြွဆင်းလာခြင်းကို လူသားသည် မည်သို့သဘောထားသည်ဖြစ်စေ၊ လူသားသည် ဘုရားသခင်ကို စိုးစဉ်းမျှ ကြိုဆိုခြင်း မရှိဘဲ၊ သူ့ထံမှ မဆင်မခြင် တောင်းဆိုခြင်းမျိုးကို ပြုလုပ်တတ်သော်ငြားလည်း၊ ရှင်းရှင်းပြောရလျှင် ဘုရားသခင်သည် အစဉ်အမြဲပင် မိမိအမှုတော်ကို စိတ်ရှည်လက်ရှည် ဆောင်ရွက်ခဲ့သည်။ လူ့စိတ်သဘောထားသည် အလွန်ရက်စက်တတ်လာ၍၊ သူ့အသိစိတ်သည် အလွန်ထိုင်းမှိုင်းလာကာ၊ သူ၏အသိတရားသည်လည်း နတ်ဆိုး၏ လုံးဝနင်းခြေဖျက်ဆီးမှုကို ခံခဲ့ရ၍ ကြာမြင့်စွာကတည်းကပင် လူ၏နဂိုအသိတရား မဟုတ်တော့ပါ။ လူသားသည် လူ့ဇာတိခံယူသော ဘုရားသခင်က လူသားမျိုးနွယ်အပေါ် အသက်နှင့် ကျေးဇူးတော်များ သွန်းလောင်းပေးသည်ကို ကျေးဇူးမတင်သည့်အပြင်၊ မိမိကို သမ္မာတရား ပေးခြင်းအတွက် ဘုရားသခင်အား မနှစ်မြို့ပေ။ အကြောင်းမှာ လူသားသည် သမ္မာတရားကို စိုးစဉ်းမျှ စိတ်မဝင်စားသောကြောင့် ဘုရားသခင်ကို မနှစ်မြို့သောကြောင့် ဖြစ်သည်။ လူသားသည် လူ့ဇာတိခံယူသော ဘုရားသခင်ကို မိမိအသက်တာကို ပုံအပ်နိုင်ခြင်း မရှိသည့်အပြင်၊ ဘုရားသခင်၏ မျက်နှာသာပေးမှုရအောင် ကြိုးစားအားထုတ်ကာ ဘုရားသခင်ကို မိမိပေးသော ပမာဏထက် ဆယ်ဆမကသော အကျိုးအမြတ်ကို တောင်းဆိုသည်။ သိစိတ်နှင့် အသိဉာဏ် ထိုမျှခေါင်းပါးသော လူတို့သည် ဤအရာကို မိမိတို့ ကြီးကြီးမားမားကိစ္စမဟုတ်ဟု ထင်မှတ်သည်သာမက မိမိတို့သည် ဘုရားသခင်ကို အဆမတန်ပေးဆပ်ခဲ့ကာ ဘုရားသခင်မှ သူတို့ကို အနည်းငယ်သာ ပေးသည်ဟု ယုံကြည်ကြသည်။ ငါ့ကို ရေတစ်ခွက်ပေးလျက် လက်ဖြန့်ပြီး နွားနို့နှစ်ခွက်အတွက် ငါအခပေးရန် တောင်းဆိုသောသူများရှိသည်။ ငါ့အတွက် တစ်ညတာ တည်းခိုရန် အခန်းတစ်ခန်း ပြင်ဆင်ပေးကာ တည်းခိုခ အဆပေါင်းများစွာ တောင်းသောသူရှိသည်။ သင်တို့သည် ထိုသို့သော လူ့သဘောသဘာဝနှင့် သိစိတ်ရှိလျက်ပင် အသက်ကို ရလိမ့်မည်ဟု မျှော်လင့်ကြသေးသလော။ သင်တို့သည် အလွန်စက်ဆုပ်ဖွယ်ကောင်းသော အလေအလွင့်များ ဖြစ်ကြသည်တကား။ လူ့ဇာတိခံယူသော ဘုရားသခင်သည် ကုန်းမြေတစ်လျှောက်လုံး နှံ့အောင်သွားလျက်လာလျက် နားမည့်နေရာ မရှိရှာခြင်းသည် ဤကဲ့သို့ လူ့သဘာဝနှင့် သိစိတ်ကြောင့် မဟုတ်ပါလော။ သိစိတ်နှင့် လူ့သဘာဝကို ပိုင်ဆိုင်သူ မှန်လျှင်၊ ဘုရားသခင်၏ လုပ်ဆောင်ပြီးစီးခဲ့သော အလုပ် မည်မျှများသည်ဆိုခြင်းကြောင့်မဟုတ်၊ လုံးဝလုပ်ဆောင်ခဲ့ခြင်း မရှိသည့်တိုင် လူ့ဇာတိခံယူသော ဘုရားသခင်ကို ကိုးကွယ်ကာ သူ့ကို စိတ်အားထက်သန်စွာ အစေခံသင့်သည်။ ဤသည်မှာ နဂိုသိစိတ်ရှိသူတို့ ထမ်းဆောင်ရမည့် လူ့ကျင့်ဝတ် ဖြစ်သည်။ လူအများသည် ဘုရားသခင်ကို အစေခံရာတွင် အခြေအနေအကြောင်း စောဒကတက်ကြသည်။ လူသားဖြစ်သည် သို့မဟုတ် ဘုရားသခင်ဖြစ်သည်ကို သူတို့ အလေးမထားကြပေ။ သူတို့ကြုံရသော အခြေအနေကိုသာ အရေးဆိုကာ သူတို့အလိုရှိသော အောင်မြင်မှု နောက်သို့သာ လိုက်ကြသည်။ သင်တို့သည် ငါ့အတွက် အစားအစာချက်သောအခါ စားဖိုမှူးရထိုက်သော အခကြေးငွေကို တောင်းကြသည်။ ငါ့အတွက် ပြေးလွှားရသောအခါ ပြေးလွှားခ တောင်းကြသည်။ ငါ့အတွက် အလုပ်လုပ်သောအခါ လုပ်အားခ တောင်းကြသည်။ ငါ့အဝတ်အစားကို လျှော်ဖွပ်သောအခါ ဒိုဘီခ တောင်းကြသည်။ အသင်းတော်ကို ဆောင်မသောအခါ ရင်းစားပေးရန် တောင်းခံကြသည်။ စကားပြောရသောအခါ ဟောပြောခ တောင်းကြသည်။ စာအုပ်ဖြန့်ဝေသောအခါ ဖြန့်ဖြူးခ တောင်းကြသည်။ စာရေးသောအခါ ကလောင်ခ တောင်းကြသည်။ ငါ၏ ကိုင်တွယ်ဖြေရှင်းခြင်းကို ခံခဲ့သော သူများသည် ငါ့ထံမှ လျော်ကြေးငွေတောင်းခံသည့်အထိ ဖြစ်သည်။ အိမ်ပြန်ခိုင်းခြင်း ခံရသောသူများသည် ထိခိုက်သွားသော မိမိတို့၏ အမည်အတွက် လျော်ကြေးငွေ တောင်းကြသည်။ အိမ်ထောင်မကျသေးသော သူများသည် သတို့သား၊ သတို့သမီး တင်တောင်းခ သို့မဟုတ် အပျို၊ လူပျိုဘဝ ဆုံးရှုံးခ တောင်းကြသည်။ ကြက်သတ်သူသည် သတ်ခ တောင်းကြသည်။ အစားအစာ ကြော်ချက်သူသည် ကြော်ချက်ခ တောင်းကြသည်။ ဟင်းချိုချက်သူလည်း အခကြေးငွေ ရယူလိုကြသည်။ ဤသည်မှာ သင်တို့၏ ထည်ဝါခမ်းနားသော လူ့သဘာဝနှင့် သင်တို့၏ နွေးသောသိစိတ် အမိန့်အာဏာဖြင့် ဖန်တီးသော လုပ်ရပ်များပေတည်း။ သင်တို့၏ အသိဉာဏ် ဘယ်မှာနည်း။ သင်တို့၏ လူ့သဘာဝ ဘယ်မှာနည်း။ သင်တို့ကို ငါပြောမည်။ သင်တို့ ဆက်လက်၍ ဤသို့အသက်ရှင်လျှင် သင်တို့အကြားတွင် ဆောင်ရွက်နေသော ငါ့အလုပ်ကို ငါရပ်ဆိုင်းမည်။ သင်တို့နှင့်အတူ ငါအလုပ်လုပ်တော့မည်မဟုတ်။ လူအရေခြုံ သားရဲအုပ်အကြား ငါအလုပ် လုပ်မည်မဟုတ်။ ရိုင်းစိုင်းသောစိတ်ကို ချိုသာသောမျက်နှာဖြင့် ဖုံးထားသည့် ဤလိုလူစုအတွက် ဒုက္ခဆင်းရဲကို ငါခံမည်မဟုတ်။ ကယ်တင်ခြင်းကို ရယူနိုင်သည့်အလားအလာ စိုးစဉ်းမျှမရှိသော တိရစ္ဆာန်တစ်အုပ် အတွက် ငါအနစ်နာခံမည်မဟုတ်။ သင်တို့ကို ငါကျောခိုင်းသည့်နေ့သည် သင်တို့သေရမည့်နေ့ ဖြစ်သည်။ သင်တို့အပေါ် အမှောင်ထု ကျရောက်လာမည့်နေ့၊ အလင်းသည် သင်တို့အား စွန့်ခွာမည့်နေ့ ဖြစ်သည်။ သင်တို့ကို ငါပြောမည်။ ငါသည် သင်တို့ကဲ့သို့သော တိရစ္ဆာန်ထက် နိမ့်ကျသည့် လူစုအပေါ် သဒ္ဓါစိတ် ထားရှိမည် မဟုတ်ပေ။ ငါ့စကားနှင့် ငါ့လုပ်ဆောင်မှုအတွက် အတိုင်းအတာရှိသည်။ သင်တို့၏ လူ့သဘောသဘာဝနှင့် သိစိတ် အနေအထားအရ ငါအလုပ်ဆက်လုပ်တော့မည် မဟုတ်ပေ။ အကြောင်းမှာ သင်တို့၏သိစိတ် လွန်စွာချို့ယွင်းသောကြောင့် ငါအလွန်စိတ်ဆင်းရဲရကာ၊ စက်ဆုပ်ဖွယ်ကောင်းသော သင်တို့၏ အမူအကျင့်ကို ငါလွန်စွာ ရွံရှာမိသောကြောင့် ဖြစ်သည်။ လူ့သဘောသဘာဝနှင့် သိစိတ် လွန်စွာချို့ယွင်းသူတို့သည် ကယ်တင်လွတ်မြောက်ခြင်းရရှိနိုင်သည့် အလားအလာ လုံးဝမရှိပေ။ ထိုကဲ့သို့ နှလုံးသားကင်းမဲ့၍ ကျေးဇူကန်းသူတို့ကို ငါလုံးဝကယ်တင်မည် မဟုတ်ပေ။ ငါ၏နေ့ရက်ကာလ ကျရောက်လာသောအခါ၊ တစ်ချိန်က ကြောက်မက်ဖွယ် ကောင်းသော ငါ၏အမျက်ဒေါသကို ဆွခဲ့သည့် မနာခံခြင်း၏ သားသမီးများအပေါ် ပူပြင်းလှသော မီးလျှံကို မိုးရွာသကဲ့သို့ ထာဝရ ငါရွာသွန်းမည်။ တစ်ချိန်က ငါ့ကို စော်ကားမော်ကားလုပ်၍ ပစ်ပယ်သွားသော ထိုတိရစ္ဆာန်များကို ငါထာဝရ ပြစ်ဒဏ်ခတ်မည်။ တစ်ချိန်က ငါနှင့်အတူ နေထိုင် စားသောက်ခဲ့သော်လည်း ငါ့ကိုမယုံကြည်သည့်အပြင်၊ ငါ့ကို ဆဲရေးတိုင်းထွာကာ သစ္စာဖောက်သွားသော မနာခံခြင်း၏ သားများကို ခေတ်အဆက်ဆက် ငါ၏ ဒေါသမီးလောင်ကျွမ်းစေမည်။ ငါ၏ အမျက်ဒေါသကို ဆွခဲ့သူ အားလုံးကို ပြစ်ဒဏ်ခတ်မည်။ တစ်ချိန်က ငါ၏ တန်းတူရည်တူများအဖြစ် ငါ့အပါးတွင် ရပ်တည်လိုသောဆန္ဒရှိသော်လည်း ငါ့ကိုကိုးကွယ်ခြင်းနှင့် နာခံခြင်းမရှိခဲ့သော ထိုသားရဲများအပေါ် မိုးရွာသကဲ့သို့ ငါ၏အမျက်ဒေါသ အကုန်အစင် ရွာချမည်။ တစ်ချိန်က ငါ၏ပြုစုစောင့်ရှောက်မှုကို ခံစားခဲ့ရကာ ငါမိန့်မှာခဲ့သည့် လျှို့ဝှက်ဆန်းကြယ်မှုများကို နာခွင့်ရလျက် ငါ့ထံမှ လောကီစည်းစိမ်ကို ရယူရန် ကြိုးပမ်းခဲ့သော ထိုတိရစ္ဆာန်များအပေါ် လူသားကိုဆုံးမသော ငါ၏တုတ်သည် ကျရောက်လိမ့်မည်။ ငါ့နေရာကို လုရန် ကြိုးပမ်းသည့် မည်သူကိုမဆို ငါခွင့်လွှတ်မည် မဟုတ်ပေ။ ငါ့ထံမှ အစားအစာနှင့် အဝတ်အထည်ကို အတင်းယူရန် ကြိုးပမ်းသူများကို ငါချမ်းသာပေးမည် မဟုတ်ပေ။ ယခုတွင် သင်တို့သည် ကြောက်စရာ နှောင်ကြိုးမရှိ လွတ်လပ်လျက် ငါ့ထံမှတောင်းဆိုမှုများကို မမီမကမ်း ပြုလုပ်နေဆဲ ဖြစ်သည်။ ဒေါသနေ့ရက် ကျရောက်လာသော် သင်တို့ငါ့ကို တောင်းဆိုမှု ပြုတော့မည် မဟုတ်ပေ။ ထိုအချိန်တွင် သင်တို့ကျေနပ်သည့်အထိ မိမိဘာသာမိမိ “ပျော်ရွှင်ကြည်နူး” ခွင့်ကို ပေးမည်။ သင်တို့ ထာဝရ ပြန်မထလာနိုင်အောင် သင်တို့မျက်နှာကို မြေကြီးထဲသို့ အတင်းဖိသွင်းမည်။ ထိုအကြွေးကို အနှေးနှင့်အမြန် ငါ “ပြန်ဆပ်” မည်။ ထိုနေ့ရက်ကို သင်တို့စိတ်ရှည်လက်ရှည် စောင့်နေမည်ဟု ငါမျှော်လင့်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “မပြောင်းလဲသော စိတ်သဘောထား ရှိခြင်းသည် ဘုရားသခင်နှင့် ရန်ဘက်ပြုခြင်းဖြစ်သည်” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၀၃)

ဘုရားသခင်တွင် ခံစားတတ်သော စိတ်ရှိသောကြောင့် လူသားသည် ဘုရားသခင်နှင့် မဆည်းပူးနိုင်ခြင်း မဟုတ်ပေ။ လူသား၏ဆည်းပူးခြင်းကို ဘုရားသခင်က မလိုလားသောကြောင့်လည်း မဟုတ်ပေ။ လူသား၏ ဘုရားသခင်ကို မဆည်းပူးလိုခြင်းနှင့် ဘုရားသခင်ကို အပူတပြင်း ရှာဖွေတွေ့ရှိလိုသော ဆန္ဒမရှိသောကြောင့် ဖြစ်သည်။ ဘုရားသခင်ကို အမှန်ရှာဖွေသော လူသားတစ်ဦးအား ဘုရားသခင်က မည်သို့လျှင် ကျိန်ဆဲနိုင်မည်နည်း။ ပကတိ အသိဉာဏ်နှင့် သတိရှိသော သိစိတ်တစ်ခုကို ဘုရားသခင်က မည်သို့လျှင် ကျိန်ဆဲနိုင်မည်နည်း။ ဘုရားသခင်ကို အမှန်ကိုးကွယ်၍ ဘုရားသခင်အား အစေခံသူတစ်ဦးကို သူ၏ဒေါသမီးဖြင့် မည်သို့လျှင် လောင်ကျွမ်းစေနိုင်မည်နည်း။ ဘုရားသခင်၏ စကားကို နာခံခြင်းတွင် မွေ့လျော်နေသူတစ်ဦးသည် ဘုရားသခင်၏ အိမ်တော်မှ မည်သို့လျှင် ကန်ထုတ်ခြင်းကို ခံရနိုင်မည်နည်း။ ဘုရားသခင်အပေါ် ချစ်၍မဝသူ တစ်ဦးသည် ဘုရားသခင်၏ ပြစ်ဒဏ်ပေးမှု အောက်တွင် မည်သို့လျှင် နေရမည်နည်း။ ဘုရားသခင်အတွက် အရာရာကို ကြည်ဖြူစွာ စွန့်လွတ်နိုင်သူတစ်ဦးအား မည်သို့လျှင် အခြေအနေမဲ့သော သူကဲ့သို့ စွန့်ပစ်ထားခြင်း ခံရနိုင်မည်နည်း။ လူသားသည် ဘုရားသခင်နောက်သို့ လိုက်လိုစိတ်မရှိ။ မိမိပိုင်ဆိုင်သော ပစ္စည်းဥစ္စာကို ဘုရားသခင်အတွက် အသုံးခံလိုစိတ်မရှိ။ မိမိတစ်သက်တာ အစွမ်းအစများကို ဘုရားသခင်ထံ ဆက်ကပ်လိုစိတ် မရှိ။ ထိုသို့ပြုမည့်အစား ဘုရားသခင်ကို အစွန်းရောက်လွန်းသည် ဟူ၍လည်းကောင်း၊ အလွန်များစွာသော ဘုရားသခင်၏ အကြောင်းအရာသည် လူ့အယူအဆနှင့် ဆန့်ကျင်သည်ဟူ၍လည်းကောင်း ပြောတတ်သည်။ သင်တို့၏ ဘုရားသခင်ကို ရှာဖွေခြင်းမရှိသည့် အဖြစ်မှန်ကို မဆိုထားဘိ၊ သင်တို့သည် ဘုရားသခင်ကို အကြွင်းမဲ့ ဆက်ကပ်ကြသော်လည်း ဤလူ့သဘောသဘာဝမျိုးဖြင့် ဘုရားသခင်၏ ချီးမွမ်းမှုကို လုံးဝရမည် မဟုတ်ပေ။ သင်တို့သည် လူသားမျိုးနွယ်၏ အနာအဆာရှိသော ကုန်ပစ္စည်းဖြစ်သည်ကို မသိကြသလော။ သင်တို့၏ လူ့သဘောသဘာဝထက် အောက်တန်းကျသော သဘောသဘာဝ မရှိသည်ကို သင်တို့ မသိကြသလော။ သင်တို့အား ရည်ညွှန်းသည့် “ဂုဏ်ထူးဆောင်ဘွဲ့” ကို သင်တို့သိကြသလော။ ဘုရားသခင်အပေါ် စစ်မှန်သော ချစ်ခြင်းရှိသူများက သင်တို့ကို ဝံပုလွေဖခင်၊ ဝံပုလွေမိခင်၊ ဝံပုလွေသား၊ ဝံပုလွေမြေး ဟုခေါ်ကြသည်။ သင်တို့သည် ဝံပုလွေ၏ သားစဉ်မြေးဆက်၊ ဝံပုလွေလူမျိုး ဖြစ်ကြသည်။ မိမိ၏ မျိုးရိုးဗီဇကို သိထားသင့်သည်။ မမေ့လျော့သင့်ပေ။ သင်တို့သည် အများတကာထက် သာလွန်သည်ဟု မိမိကိုယ်ကို မတွေးထင်နှင့်။ လူသားမျိုးနွယ်ဝင် လူသားမဟုတ်သော အုပ်စုများတွင် သင်တို့သည် အဆိုးညစ်ဆုံး အုပ်စုဖြစ်သည်။ ဤအရာများကို သင်တို့မသိသလော။ သင်တို့အကြား အလုပ်လုပ်ခြင်းအားဖြင့် ငါမည်မျှ အရဲစွန့်ခဲ့ရသည်ကို သိကြသလော။ အကယ်၍ သင်တို့၏ အသိဉာဏ်သည် နဂိုအခြေအနေသို့ ပြန်မရောက်နိုင်ပါက၊ သင်တို့၏ သိစိတ်သည် ပုံမှန်အလုပ် မလုပ်နိုင်ပါက “ဝံပုလွေ” ဟုရည်ညွှန်းခြင်းမှ လွတ်မြောက်နိုင်မည်မဟုတ်၊ ကျိန်ခြင်းနေ့ရက်ကိုလည်း လွတ်မြောက်နိုင်မည် မဟုတ်သကဲ့သို့ ပြစ်ဒဏ်ပေးမည့်နေ့ကိုလည်း လွတ်မြောက်နိုင်မည် မဟုတ်ပေ။ သင်တို့သည် နိမ့်ကျစွာမွေးဖွားလာသည့် တန်ဖိုးမရှိသောလူသားဖြစ်သည်။ သင်တို့သည် ပင်ကိုဗီဇအရ ဆာလောင်သော ဝံပုလွေအုပ်စုတစ်စုဖြစ်ပြီး၊ အပျက်အဆီးနှင့် အမှိုက်ပုံသာ ဖြစ်သည်။ ငါသည် သင်တို့နှင့် တူသည်မဟုတ်။ မျက်နှာသာရရန် သင်တို့အကြား၌ ငါအလုပ်လုပ်ခဲ့ခြင်း မဟုတ်။ လိုအပ်၍ လုပ်ရခြင်းသာ ဖြစ်သည်။ သင်တို့သည် ငါ့ကို ဤကဲ့သို့ ဆက်လက်ပုန်ကန်နေမည် ဆိုပါက၊ ငါ့အလုပ်ကို ရပ်တန့်ကာ မည်သည့်အခါမျှ သင်တို့အတွက် ပြန်လုပ်တော့မည် မဟုတ်။ ယင်းအစား ငါ့ကို စိတ်ချမ်းသာစေမည့် လူတစ်စုထံသို့ ကူးသွားကာ သူတို့အတွက် လုပ်ဆောင်မည်။ ထိုနည်းဖြင့် သင်တို့ထံမှ ထာဝရထွက်သွားမည်။ အဘယ်ကြောင့်ဆိုသော် ငါ့ကိုရန်လိုသောသူများအား ကြည့်ရှုလိုသောစိတ် ငါ၌မရှိ။ ထို့ကြောင့် သင်တို့သည် ငါနှင့် သဟဇာတ ဖြစ်လိုသလော၊ သို့မဟုတ် ငါ့ကိုရန်ဘက်ပြုလိုသလော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “မပြောင်းလဲသော စိတ်သဘောထား ရှိခြင်းသည် ဘုရားသခင်နှင့် ရန်ဘက်ပြုခြင်းဖြစ်သည်” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၀၄)

လူသားများအားလုံးသည် ယေရှု၏ မျက်နှာတော်အစစ်ကို မြင်လိုကြပြီး သူနှင့်အတူ ရှိလိုကြ၏။ ယေရှုကို မမြင်လို သို့မဟုတ် သူနှင့်အတူ မရှိလိုပါဟု မည်သည့်ညီအစ်ကိုမောင်နှမ တစ်ဦးတစ်ယောက်ကမျှ ပြောမည်မဟုတ်ကြောင်း ငါယုံကြည်သည်။ ယေရှုကို သင်တို့မမြင်ဖူးမီ၊ ဆိုလိုသည်မှာ လူဇာတိခံယူထားသော ဘုရားသခင်ကို သင်တို့မမြင်ဖူးမီ၊ သင်တို့တွင် ဥပမာအားဖြင့် ယေရှု၏ပုံပန်း၊ သူ၏စကားပြောပုံ၊ သူ၏ဘဝနေထိုင်ပုံ အစရှိသည်တို့အပေါ် ထင်မြင်ချက်မျိုးစုံ လက်သင့်ခံထားနိုင်ဖွယ် ရှိသည်။ သို့ရာတွင် သင်တို့သည် သူ့ကို အမှန်တကယ်မြင်ရသည့်အခါ သင်တို့၏ ထင်မြင်ချက်များသည် လျင်မြန်စွာ ပြောင်းလဲသွားလိမ့်မည်။ ဤသည်မှာ အဘယ့်ကြောင့်နည်း။ သင်တို့သိလိုသလော။ လူသား၏သဘောထားကို လျစ်လျူရှု၍ မရသည်မှာ မှန်သော်လည်း၊ ခရစ်တော်၏အနှစ်သာရကို လူသားက ပြောင်းလဲရန်မှာ ပို၍ပင် သည်းမခံနိုင်စရာဖြစ်သည်။ သင်တို့သည် ခရစ်တော်ကို ထာဝရ အသက်ရှင်သောသူ သို့မဟုတ် ပညာရှိဟု မှတ်ယူသော်လည်း ခရစ်တော်အား ဘုရားသဘောသဘာဝ၏ အနှစ်သာရကို ပိုင်ဆိုင်ထားသော သာမန်လူဟု မည်သူကမျှ မှတ်ယူခြင်းမရှိ။ ထိုအတိုင်းဆိုလျှင် ဘုရားသခင်ကို မြင်တွေ့ရန် နေ့ရောညပါ တောင့်တကြသူအများအပြားသည် အကယ်စင်စစ် ဘုရားသခင်၏ ရန်သူများဖြစ်ပြီး သူနှင့် သဟဇာတမဖြစ်ကြပေ။ ဤသည်မှာ လူသားဘက်က အမှားမဟုတ်ပေသလော။ ယခုတိုင်အောင် သင်တို့သည် သင်တို့၏ယုံကြည်ချက်နှင့် သစ္စာစောင့်သိမှုတို့နှင့်ဆိုပါက ခရစ်တော်၏မျက်နှာတော်ကို ရှုမြင်ထိုက်ရန် လုံလောက်သည်ဟု ထင်နေကြဆဲဖြစ်သည်။ သို့သော် ပို၍လက်တွေ့ကျသောအရာများဖြင့် မိမိကိုယ်ကို ပြင်ဆင်ထားကြရန် သင်တို့ကို ငါတိုက်တွန်းပေ၏။ အကြောင်းမူကား အတိတ်၊ ပစ္စုပ္ပန်နှင့် အနာဂတ်တွင် ခရစ်တော်နှင့် ထိတွေ့ဆက်ဆံခဲ့သူ အများအပြားမှာ ကျရှုံးခဲ့ကြသည် သို့မဟုတ် ကျရှုံးကြလိမ့်မည် ဖြစ်သောကြောင့်ဖြစ်သည်၊ ထိုသူတို့အားလုံးသည် ဖာရိရှဲတို့၏အခန်းကဏ္ဍမှ ပါဝင်ကြ၏။ သင်တို့ကျရှုံးရသည့် အကြောင်းရင်းမှာ အဘယ်နည်း။ ဤသည်မှာ သင်တို့၏ အယူအဆများထဲတွင် ကြီးမြတ်ထည်ဝါပြီး ကြည်ညို လေးစားထိုက်သော ဘုရားသခင်တစ်ပါး ရှိနေခြင်းကြောင့်သာလျှင် ဖြစ်သည်။ သို့သော် အမှန်တရားမူကား လူသား၏အလိုအတိုင်းမဟုတ်။ ခရစ်တော်သည် ကြီးမြတ်ထည်ဝါခြင်းမရှိရုံသာမက သူသည် အထူးသဖြင့် သေးသိမ်၏။ သူသည် လူသားဖြစ်ရုံသာမက သာမန် လူသားတစ်ဦးဖြစ်၏။ သူသည် ကောင်းကင်ဘုံသို့ တက်ကြွသွားနိုင်ခြင်း မရှိရုံသာမက မြေကြီးပေါ်၌ပင် လွတ်လပ်စွာ သွားလာနိုင်ခြင်းမရှိ။ ထိုသို့ဖြစ်သောကြောင့် လူများက “စစ်မှန်သောခရစ်တော်” ကြွလာရန် စောင့်စားနေဆဲ အချိန်ကာလတစ်လျှောက်တွင် သူ့အား သာမန်လူတစ်ဦးကို ဆက်ဆံရသကဲ့သို့ ဆက်ဆံကြ၏၊ သူနှင့်အတူရှိစဉ် သူ့ကို ပေါ့ပေါ့တန်တန် ဆက်ဆံကြပြီး သူ့ကို ဂရုမစိုက်ဘဲ ပြောဆိုကြ၏။ သင်တို့သည် ကြွလာပြီးသော ခရစ်တော်ကို သာမန်လူတစ်ဦးကဲ့သို့ သဘောထားပြီး သူ၏နှုတ်ကပတ်တော်များကို သာမန်လူတစ်ဦး၏စကားကဲ့သို့ မှတ်ယူ၏။ ဤအကြောင်းကြောင့် ခရစ်တော်ထံမှ မည်သည့်အရာကိုမျှ သင်တို့မရရှိသည့်အပြင် သင်တို့၏အကျည်းတန်မှုကို အလင်းတွင် လုံးဝမြင်သာအောင် ပြသခဲ့ပြီဖြစ်၏။

ခရစ်တော်နှင့် ထိတွေ့ဆက်ဆံမှုမပြုမီ သင်၏စိတ်နေ သဘောထားသည် လုံးလုံးလျားလျား ပြောင်းလဲခဲ့ပြီဖြစ်ကြောင်း၊ သင်သည် ခရစ်တော်၏ သစ္စာစောင့်သိသော နောက်လိုက်ဖြစ်ကြောင်း၊ ခရစ်တော်၏ ကောင်းချီးမင်္ဂလာများကို သင့်ထက် ပို၍ခံစားထိုက်သူ မည်သူမျှမရှိကြောင်း သင့်အနေဖြင့် ထင်မြင်ယူဆကောင်း ယူဆနိုင်သည်၊ ထို့ပြင် လမ်းခရီးများစွာ ဖြတ်သန်းခဲ့ပြီး အလုပ်များစွာ လုပ်ဆောင်ခဲ့ကာ အသီးအပွင့်များစွာ သီးပွင့်စေခဲ့ပြီဖြစ်သောကြောင့် သင်သည် နောက်ဆုံးတွင် သရဖူကိုဆွတ်ခူးရမည့်သူတစ်ဦး အသေအချာဖြစ်လိမ့်မည်ဟု သင့်အနေဖြင့် ထင်မြင်ယူဆကောင်း ယူဆနိုင်၏။ သို့ရာတွင် သင်သိမည်မဟုတ်သော အမှန်တရား တစ်ရပ်ရှိ၏၊ လူသားသည် ခရစ်တော်ကိုမြင်သောအခါ သူ၏ဖောက်ပြန်ပျက်စီးသော စိတ်နေသဘောထား၊ သူ၏ပုန်ကန်မှုနှင့် တွန်းလှန်ခြင်းတို့မှာ ထုတ်ဖော်ခြင်းခံရပြီး၊ ဤအချိန်တွင် ထုတ်ဖော်ခြင်းခံရသည့် ပုန်ကန်မှုနှင့် တွန်းလှန်ခြင်းတို့သည် အခြားအချိန်ထက်ပို၍ အသေအချာ ပြည့်စုံစွာ ပေါ်လွင်နေလိမ့်မည်။ ဤသည်မှာ ခရစ်တော်သည် လူသားတော်ဖြစ်ပြီး သာမန်လူ့သဘာဝကို ပိုင်ဆိုင်ထားသည့် လူသားတော်ဖြစ်သဖြင့် လူတို့သည် သူ့ကိုရိုသေခြင်းမရှိ၊ လေးစားခြင်းလည်း မရှိသောကြောင့်ပင်ဖြစ်သည်။ ဘုရားသခင်သည် ဇာတိခန္ဓာ၌ အသက်ရှင်သည့်အတွက် လူသား၏ ပုန်ကန်မှုသည် အလွန်စေ့စေ့စပ်စပ်နှင့် အသေးစိတ် ကွက်ကွက်ကွင်းကွင်း ဖော်ထုတ်ခံရခြင်းဖြစ်၏။ ထို့ကြောင့် ခရစ်တော်ကြွလာခြင်းက လူသားမျိုးနွယ်၏ ပုန်ကန်မှုအားလုံးကို တူးဖော်ပြသခဲ့ပြီး လူသားမျိုးနွယ်၏ သဘောသဘာ၀ကို အထင်းသား ပေါ်လွင်စေခဲ့ပြီဟု ငါဆို၏။ ဤအရာကို “ကျားတစ်ကောင်ကို တောင်အောက်သို့ဆင်းလာအောင် ဖျားယောင်းခြင်း” နှင့် “ဝံပုလွေ တစ်ကောင်ကို သူ၏တွင်းအပြင်သို့ ထွက်လာအောင် သွေးဆောင်ခြင်း” ဟု ခေါ်သည်။ သင်သည် ဘုရားသခင်အပေါ် သစ္စာစောင့်သိသည်ဟု ဆိုဝံ့သလော။ သင်သည် ဘုရားသခင်အပေါ် အပြည့်အဝ နာခံမှုကို ပြသသည်ဟု ဆိုဝံ့သလော။ သင်သည် မပုန်ကန်တတ်ပါဟု ဆိုဝံ့သလော။ “ဘုရားသခင်သည် ကျွန်ုပ်ကို ပတ်ဝန်းကျင်သစ် တစ်ခုတွင် နေရာချပေးတိုင်း ကျွန်ုပ်သည် ညည်းတွားခြင်းမရှိဘဲ အစဉ်သဖြင့် ကျိုးနွံနာခံသည့်အပြင် ကျွန်ုပ်သည် ဘုရားသခင် အကြောင်း ယူဆချက်များလည်း လက်သင့်ခံမထားပါ” ဟု အချို့သူများကဆိုကြလိမ့်မည်။ အချို့သူများက “ဘုရားသခင် ကျွန်ုပ်ကို စေခိုင်းသည့် အရာမှန်သမျှကို ကျွန်ုပ်အစွမ်းရှိသမျှလုပ်ဆောင်ပြီး မည်သည့်အခါမျှ တာဝန်မပေါ့လျော့ပါ” ဟု ဆိုလိမ့်မည်။ သို့ဆိုလျှင် သင်တို့ကို ဤသို့ငါမေး၏၊ သင်တို့သည် ခရစ်တော်နှင့်အတူ အသက်ရှင်နေထိုင်သည့်အခါ သူနှင့် သဟဇာတဖြစ်နိုင်မည်လော။ ထို့ပြင် သူနှင့်မည်မျှကြာကြာ သဟဇာတဖြစ်မည်နည်း။ တစ်ရက်လော။ နှစ်ရက်လော။ တစ်နာရီလော။ နှစ်နာရီလော။ သင်တို့၏ ယုံကြည်ခြင်းသည် ချီးမွမ်းထိုက်ဖွယ်ဖြစ်နိုင်သော်လည်း သင်တို့တွင် တည်ကြည်ခိုင်မာမှုသဘော များစွာမရှိပေ။ သင်သည် ခရစ်တော်နှင့် အမှန်တကယ် အသက်ရှင်နေထိုင်သောအခါ သင်၏စကားများနှင့် အပြုအမူများမှတစ်ဆင့် မိမိကိုယ်ကို မှန်ကန်သည်၊ မိမိကိုယ်ကို အရေးပါသည်ဟု ထင်နေခြင်းတို့ တစ်စတစ်စပေါ်လွင်လာမည်ဖြစ်ပြီး သင်၏ ထောင်လွှားသောဆန္ဒများနှင့် သင်၏ နာခံမှုမရှိသော စိတ်ဓာတ်နှင့် ရောင့်ရဲတင်းတိမ်မှုကင်းမဲ့ခြင်းတို့သည်လည်း ပကတိ အတိုင်း ထုတ်ဖော်ပြသခံရလိမ့်မည်။ နောက်ဆုံးတွင် ရေသည်မီးနှင့် သဟဇာတမဖြစ်သည့်နည်းတူ သင်သည် ခရစ်တော်နှင့် သဘောကွဲလွဲသည်အထိ သင်၏မောက်မာခြင်းသည် သာ၍ကြီးမား လာပြီးနောက် သင်၏သဘောသဘာဝသည် လုံးလုံးမြင်သာ လာလိမ့်မည်။ ထိုအချိန်တွင် သင်၏ယူဆချက်များကို ဖုံးကွယ်ထား၍ မရနိုင်တော့ပါ၊ သင်၏မကျေနပ်ချက်များသည်လည်း ပကတိအတိုင်း ထွက်ပေါ်လာပြီး သင်၏ယုတ်ညံ့နိမ့်ကျသော လူ့သဘာဝမှာလည်း လုံးလုံးလျားလျား ထုတ်ဖော်ပြသခံရလိမ့်မည်။ သို့သော် ထိုအခါ၌ပင် သင်သည် သင်ကိုယ်တိုင်၏ပုန်ကန်မှုကို အသိအမှတ်ပြုရန် ဆက်လက်ငြင်းဆိုနေသေး၏။ ထို့အစား ဤကဲ့သို့သော ခရစ်တော်ကို လူသားအနေဖြင့် လက်ခံရန်မလွယ်ကူကြောင်း၊ သူသည် လူသားအပေါ် လွန်စွာမှပင် တောင်းဆိုလွန်းကြောင်း၊ အကယ်၍ သူသည် ပို၍ကြင်နာတတ်သော ခရစ်တော်ဖြစ်ခဲ့လျှင် မိမိသည် အပြည့်အဝ ကျိုးနွံနာခံလိမ့်မည်ဟု သင့်အနေဖြင့် ထင်မြင်ယူဆသည်။ သင်တို့၏ ပုန်ကန်ခြင်းမှာ တရားပြီး သူသည် သင်တို့ကို တရားလွန်အောင် တွန်းအားပေးသည့်အခါမှသာ သူ့ကိုပုန်ကန်တတ်သည်ဟု သင်တို့ ယူဆထားသည်။ သင်သည် ခရစ်တော်ကို ဘုရားသခင်ဟု မမှတ်ယူကြောင်းကိုလည်းကောင်း၊ သင်သည် သူ့ကိုနာခံရန် ရည်ရွယ်ချက်မရှိကြောင်းကိုလည်းကောင်း သင်တို့အနေဖြင့် မည်သည့် အခါကမျှ မထည့်တွက်ခဲ့ကြပေ။ စင်စစ်အားဖြင့် ခရစ်တော်သည် သင့်ကိုယ်ပိုင်သဘောဆန္ဒများအတိုင်း လုပ်ဆောင်ရမည်ဟု သင်ခေါင်းမာစွာ တောင်းဆိုပြီး၊ သူသည် သင့်ကိုယ်ပိုင်စိတ်ကူးနှင့် သဘောကွဲလွဲသည့်အရာတစ်ခုမျှ ပြုလုပ်သည်နှင့်တစ်ပြိုင်နက် သူသည် ဘုရားသခင်မဟုတ်ဘဲ လူသားတစ်ဦးသာဖြစ်သည်ဟု သင်ထင်မြင် ယူဆတော့သည်။ သင်တို့ထဲတွင် ဤနည်းဖြင့် သူနှင့်ဖက်ပြိုင်ခဲ့သူ အများအပြား မရှိပေသလော။ သို့ဖြစ်လျှင် သင်တို့ယုံကြည်သောသူမှာ အဘယ်သူနည်း။ ထို့ပြင် သင်တို့ မည်သည့်နည်းဖြင့် ရှာဖွေသနည်း။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ခရစ်တော်နှင့် သဟဇာတမဖြစ်သောသူများသည် အကယ်စင်စစ် ဘုရားသခင်၏ ရန်ဘက်များဖြစ်ကြသည်” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၀၅)

သင်တို့သည် အမြဲပင် ခရစ်တော်ကို တွေ့လိုကြသည်၊ သို့သော်လည်း သင်တို့အနေဖြင့် မိမိကိုယ်ကို လွန်စွာ အထင်မကြီးကြရန် ငါတိုက်တွန်း၏။ မည်သူမဆို ခရစ်တော်ကို မြင်ကောင်းမြင်နိုင်သော်လည်း မည်သူမျှ ခရစ်တော်ကိုမမြင်ထိုက်ဟု ငါဆိုသည်။ လူသား၏သဘောသဘာဝသည် ဆိုးယုတ်ခြင်း၊ မောက်မာခြင်း၊ ပုန်ကန်လိုခြင်းတို့နှင့် ပြည့်နေသောကြောင့် သင်သည် ခရစ်တော်ကို မြင်သောအခိုက်တွင် သင်၏သဘောသဘာဝသည် သင့်ကို ဖျက်ဆီးပြီး သေခြင်းသို့ စီရင်ချက်ချမှတ်လိမ့်မည်။ ညီအစ်ကို (သို့မဟုတ် ညီအစ်မ) တစ်ဦးနှင့် သင်၏ပေါင်းသင်းဆက်ဆံမှုတွင် သင့်အကြောင်း များစွာပေါ်လွင်မည် မဟုတ်သော်လည်း သင့်အနေဖြင့် ခရစ်တော်နှင့် ပေါင်းသင်းဆက်ဆံသည့်အခါ ဤမျှမလွယ်ကူပါ။ မည်သည့်အချိန်တွင်မဆို သင်၏အယူအဆများ အမြစ်စွဲလာနိုင်ပြီး သင်၏မောက်မာမှု အပင်ပေါက်လာကာ သင်၏ပုန်ကန်မှုသည်လည်း သဖန်းသီးကို သီးစေလိမ့်မည်။ ဤကဲ့သို့သော လူ့သဘာဝ ရှိနေသည့်သင်သည် ခရစ်တော်နှင့် ပေါင်းသင်းဆက်ဆံရန် မည်သို့ ထိုက်တန်နိုင်မည်နည်း။ သင်သည် နေ့တိုင်းအချိန်တိုင်း သူ့ကို အမှန်တကယ်ပင် ဘုရားသခင်အဖြစ် ဆက်ဆံနိုင်မည်လော။ ဘုရားသခင်ကို ကျိုးနွံနာခံမှု၏ စစ်မှန်မှု သင်၌ရှိလိမ့်မည်လော။ သင်တို့သည် မိမိတို့စိတ်နှလုံးများထဲရှိ မြင့်မြတ်သောဘုရားကို ယေဟောဝါအဖြစ် ကိုးကွယ်ကြသော်လည်း မြင်နိုင်သည့်ခရစ်တော်ကိုမူ လူသားတစ်ဦးအဖြစ် မှတ်ယူကြ၏။ သင်တို့၏အသိစိတ်သည် နိမ့်ကျလွန်းပြီး သင်တို့၏ လူ့သဘာဝသည်လည်း ယုတ်ညံ့လွန်း၏။ သင်တို့သည် ခရစ်တော်ကို ဘုရားသခင်အဖြစ် အမြဲတစေ မှတ်ယူနိုင်ခြင်းမရှိ၊ ရံဖန်ရံခါ သင်တို့သဘောတွေ့သည့်အခါမှသာလျှင် သူ့ကို ဖမ်းဆွဲဆုပ်ကိုင်၍ ဘုရားသခင်အဖြစ် ကိုးကွယ်ကြ၏။ ဤအကြောင်းကြောင့် သင်တို့သည် ဘုရားသခင်ကို ယုံကြည်သူများမဟုတ်၊ ခရစ်တော်ကို ဆန့်ကျင်တိုက်ခိုက်သည့် ကြံရာပါလူတစ်စုဖြစ်၏ဟု ငါဆို၏။ တစ်ပါးသူများကို ကြင်နာမှုပြသသောသူများပင်လျှင် ကျေးဇူးဆပ် ခံရသည်၊ သို့သော် သင်တို့အကြားတွင် ထိုသို့သောအမှုကို ဆောင်ရွက်ခဲ့သည့် ခရစ်တော်ကမူ လူသား၏ ချစ်ခြင်းကိုလည်းမရ၊ သူ၏ တုံ့ပြန်မှုဆုလာဘ်နှင့် ကျိုးနွံနာခံမှုကိုလည်း မရခဲ့ပေ။ ဤသည်မှာ ကြေကွဲဖွယ်ကောင်းသော အရာတစ်ခုမဟုတ်သလော။

သင့်အနေဖြင့် ဘုရားသခင်ကိုယုံကြည်သည့် နှစ်ကာလများ တစ်လျှောက်တွင် မည်သူ့ကိုမျှ ကျိန်ဆဲခဲ့ဖူးခြင်း၊ သို့မဟုတ် မကောင်းမှုကို ကျူးလွန်ခဲ့ဖူးခြင်း မရှိသော်လည်း ခရစ်တော်နှင့် သင်၏ပေါင်းသင်းဆက်ဆံရာ၌ အမှန်တရားကို မပြောနိုင်၊ ရိုးသားစွာ မပြုမူနိုင်၊ သို့မဟုတ် ခရစ်တော်၏နှုတ်ကပတ်တော်ကို မနာခံနိုင် ခြင်းမျိုး ဖြစ်ကောင်းဖြစ်နိုင်သည်။ သို့ဆိုလျှင် သင်သည် ကမ္ဘာပေါ်တွင် အန္တရာယ်အရှိဆုံးနှင့် မလိုမုန်းထားစိတ် အကြီးမားဆုံးသောသူဟု ငါဆိုသည်။ သင်သည် သင်၏ဆွေမျိုးများ၊ မိတ်ဆွေများ၊ ဇနီး (သို့မဟုတ် ခင်ပွန်း)၊ သားသမီးများနှင့် မိဘများအပေါ် အထူး ဖော်ရွေရင်းနှီး၍ အစဉ်သစ္စာရှိပြီး၊ သူတစ်ပါးအပေါ် မည်သည့်အခါမျှ အခွင့်အရေးမယူခြင်းတို့ ဖြစ်ကောင်းဖြစ်နိုင်သော်လည်း အကယ်၍ သင်သည် ခရစ်တော်နှင့် သဟဇာတမဖြစ်ပါက၊ သင်သည် သူနှင့် လိုက်လျောညီထွေစွာ အပြန်အလှန်မတုံ့လှယ်နိုင်ပါက၊ သင်သည် သင်၏အိမ်နီးချင်းများ သက်သာရာရစေရန် မိမိပိုင်ဆိုင်သမျှကို သုံးစွဲခြင်း သို့မဟုတ် သင့်အဖ၊ အမိနှင့် အိမ်သူအိမ်သားများကို စေ့စပ်စွာစောင့်ရှောက်ခြင်းတို့ ပြုလုပ်ပေးလျှင်ပင် သင်သည် ဆိုးယုတ်သည့်အပြင် ကောက်ကျစ်စဉ်းလဲသောလှည့်စားမှုနှင့် ပြည့်နေသေးသောသူဟု ငါဆိုမည်။ သင်သည် အခြားသူများနှင့် အဆင်ပြေသောကြောင့် သို့မဟုတ် ကောင်းမှုအနည်းငယ်ပြု သောကြောင့် သင့်အနေဖြင့် ခရစ်တော်နှင့် သဟဇာတဖြစ်သည်ဟု ကိုယ့်ကိုယ်ကိုယ်မထင်နှင့်။ သင်၏ဒါနပြုလိုသောရည်ရွယ်ချက်က ကောင်းကင်မှ ကောင်းချီးမင်္ဂလာများကို လိမ်လည်ရယူနိုင်သည်ဟု သင်ထင်သလော။ ကောင်းမှုအနည်းငယ်ပြုလုပ်ခြင်းသည် သင်၏ နာခံမှုကို အစားထိုးသည့်အရာတစ်ခုဟု သင်ထင်သလော။ သင်တို့တစ်ဦးမျှ ကိုင်တွယ်ဖြေရှင်းခြင်းနှင့် ပြုပြင်ခြင်းတို့ကို လက်မခံနိုင်ကြ။ ထို့အပြင် သင်တို့အားလုံးသည် ခရစ်တော်၏ သာမန်လူ့သဘာဝကိုလက်ခံယုံကြည်ရန် အခက်အခဲတွေ့ကြ သော်ငြားလည်း ဘုရားသခင်ကို သင်တို့နာခံကြောင်း အဆက်မပြတ် အသံကောင်းဟစ်နေကြသည်။ သင်တို့၏ ယုံကြည်ခြင်းမျိုးက ထိုက်တန်သော အပြစ်ဒဏ်ခတ်ခံရခြင်းကို ဖြစ်ပွားစေလိမ့်မည်။ စိတ်ကူးယဉ်အယုံမှားများထဲတွင် မွေ့လျော်၍ ခရစ်တော်ကိုမြင်တွေ့ရန် ဆန္ဒရှိနေခြင်းကို ရပ်လော့။ အကြောင်းမှာ သင်တို့၏ ဝိညာဉ်အသက်တာသည် သူ့ကိုမြင်တွေ့ရန် မထိုက်တန်လောက် အောင်ပင် သေးငယ်လွန်းသောကြောင့်ဖြစ်သည်။ သင်သည် သင်၏ ပုန်ကန်မှုကို အလျှင်းနုတ်ပယ်သန့်စင်၍ ခရစ်တော်နှင့် လိုက်လျောညီထွေရှိနိုင်သည့် ထိုအခိုက်အတန့်တွင် ဘုရားသခင်သည် သင့်ရှေ့တွင် အလိုအလျောက် ပေါ်လာလိမ့်မည်။ သင့်အနေဖြင့် ပြုပြင်ခြင်း သို့မဟုတ် စီရင်ခြင်းကို မခံခဲ့ရဘဲ ဘုရားသခင်ကို သွားတွေ့ပါက သင်သည် ဘုရားသခင်၏ရန်ဘက်တစ်ဦး ဧကန်မုချ ဖြစ်လာပြီး ပျက်စီးခြင်းအဖို့ သတ်မှတ်ခံရလိမ့်မည်။ လူသား၏ သဘောသဘာဝသည် ပင်ကိုအားဖြင့် ဘုရားသခင်ကို ရန်လို၏။ အကြောင်းမှာ လူသားများအားလုံးသည် စာတန်၏ အကြီးအကျယ် ဖောက်ပြန်ဖျက်ဆီးခြင်းကို ခံထားရခြင်းကြောင့်ဖြစ်သည်။ လူသားသည် သူ၏ဖောက်ပြန်ပျက်စီးခြင်းထဲမှနေ၍ ဘုရားသခင်နှင့် ပေါင်းသင်းဆက်ဆံရန် ကြိုးစားနေသည်ဆိုပါက ဤအရာမှ ကောင်းမွန်သောအရာ ဘာမျှထွက်မလာနိုင်သည်မှာ သေချာသည်။ သူ၏လုပ်ရပ်များနှင့် စကားလုံးများက နေရာတိုင်းအချိန်တိုင်း၌ သူ၏ဖောက်ပြန်ပျက်စီးမှုကို မြင်သာအောင်ပြမည်မှာ အသေအချာ ဖြစ်ပြီး၊ သူသည် ဘုရားသခင်နှင့် ပေါင်းသင်းဆက်ဆံသည့်အခါ သူ၏ပုန်ကန်မှုမှာ ရှုထောင့်တိုင်းမှ ဖော်ထုတ်ခြင်းခံရလိမ့်မည်။ အမှုမဲ့အမှတ်မဲ့ဖြင့် လူသားသည် ခရစ်တော်ကို ဆန့်ကျင်လာမည်၊ ခရစ်တော်ကို လှည့်ဖြားလာမည်၊ ခရစ်တော်ကို ပစ်ပယ်လာမည်။ ဤအရာဖြစ်လာသည့်အခါ လူသားသည် ပို၍ပင် စိတ်မချရသော အခြေအနေသို့ ရောက်လိမ့်မည်ဖြစ်ပြီး ဤသို့ဆက်ဖြစ်ပါက သူသည် အပြစ်ဒဏ်ပေးခံရသည့်သူ ဖြစ်လာလိမ့်မည်။

ဘုရားသခင်နှင့် ပေါင်းသင်းဆက်ဆံခြင်းသည် အလွန်အန္တရာယ်ရှိ သည်ဆိုပါက ဘုရားသခင်ကို ခပ်တန်းတန်းဆက်ဆံလျှင် ပို၍တော်ကာကျမည်ဟု အချို့က ယူဆနိုင်၏။ ဤကဲ့သို့သောသူများသည် မည်သည့်အရာကို ရရှိနိုင်မည်နည်း။ သူတို့သည် ဘုရားသခင်အပေါ် သစ္စာစောင့်သိနိုင်ပါမည်လော။ သေချာသည်မှာ ဘုရားသခင်နှင့် ပေါင်းသင်းဆက်ဆံခြင်းသည် အလွန်ခက်ခဲ၏။ သို့သော် ဤသည်မှာ လူသားသည် ဖောက်ပြန်ပျက်စီးနေသောကြောင့်သာဖြစ်ပြီး၊ ဘုရားသခင်သည် လူသားနှင့် ဆက်ဆံနိုင်စွမ်းမရှိသောကြောင့် မဟုတ်ပေ။ မိမိကိုယ်ကိုသိခြင်း၏ သမ္မာတရားကို အမှန်တကယ်သိရန် ပို၍ကြိုးစားအားထုတ်လျှင် သင်တို့အတွက် အကောင်းဆုံးဖြစ်မည်။ သင်တို့သည် အဘယ်ကြောင့် ဘုရားသခင်ထံမှ မျက်နှာသာ မရသေးသနည်း။ သင်တို့၏ စိတ်သဘောထားသည် အဘယ်ကြောင့် သူ့အတွက် စက်ဆုပ်ဖွယ်ကောင်းနေသနည်း။ သင်တို့၏ စကားပြောခြင်းသည် အဘယ်ကြောင့် သူ၏ရွံရှာမှုကို နှိုးဆွပေးနေသနည်း။ သင်တို့သည် သစ္စာစောင့်သိမှုအနည်းငယ်ကို ပြသပြီးသည်နှင့် ကိုယ့်ကိုယ်ကိုယ် ချီးမွမ်းပြောဆိုကြပြီး၊ အနည်းငယ် ထည့်ဝင်လှူဒါန်းရခြင်းအတွက် ဆုလာဘ်တောင်းဆိုကြသည်၊ သင်တို့သည် နာခံမှု အသင့်အတင့်ပြနိုင်လျှင် သူတစ်ပါးကို အထင်အမြင်သေးပြီး၊ သေးငယ်သောအမှုတစ်ခုခုကို ပြီးမြောက်လျှင် ဘုရားသခင်ကို ပမာမခန့်ပြုလာကြ၏။ ဘုရားသခင်ကို ကြိုဆိုဧည့်ခံသည့်အတွက် ငွေကြေး၊ လက်ဆောင်များနှင့် ချီးမွမ်းစကားများကို သင်တို့တောင်းဆိုကြ၏။ ငွေတစ်ပြားနှစ်ပြား ပေးလှူသည့်အခါ သင်တို့၏နှလုံးများ နာကျင်၏၊ တစ်ဆယ်ပေးသည့်အခါ ကောင်းချီးမင်္ဂလာများ တောင့်တ၍ ဂုဏ်ထူးအသရေဖြင့် ဆက်ဆံခံလိုကြ၏။ သင်တို့၏ လူ့သဘာဝအကြောင်း ပြောရကြားရသည်မှာ အကယ်ပင် မသတီစရာကောင်း၏။ သင်တို့၏စကားများ၊ အပြုအမူများတွင် ချီးမွမ်းထိုက်သောအရာ ရှိသလော။ မိမိတို့၏တာဝန်ကို ဆောင်ရွက်သူများနှင့် မဆောင်ရွက်သူများ၊ ဦးဆောင်သူများနှင့် နောက်လိုက်သူများ၊ ဘုရားသခင်ကို ကြိုဆိုဧည့်ခံသူများနှင့် ဧည့်မခံသူများ၊ ပေးကမ်းသူများနှင့် မပေးကမ်းသူများ၊ တရားဟောသူများနှင့် နှုတ်ကပတ်တော်ကို လက်ခံသူများ စသည်ဖြင့် ထိုကဲ့သို့သော လူအားလုံးတို့သည် မိမိကိုယ်ကို ချီးမွမ်းကြ၏။ ဤအရာသည် ရယ်ဖွယ်ကောင်းသည်ဟု သင်တို့မထင်ပေသလော။ သင်တို့သည် ဘုရားသခင်ကိုယုံကြည်ကြောင်း အသေအချာ သိသော်ငြားလည်း သင်တို့သည် ဘုရားသခင်နှင့် သဟဇာတ မဖြစ်နိုင်ကြ။ သင်တို့တွင် ကောင်းကျိုး လုံးဝမရှိကြောင်းကို အသေအချာ သိသော်ငြားလည်း သင်တို့သည် မလျှော့တမ်း ဝါကြွားကြ၏။ သင်တို့တွင် မိမိကိုယ်ကိုချုပ်တည်းနိုင်ခြင်း မရှိတော့သည်အထိ သင်တို့၏အသိစိတ်သည် ယိုယွင်းလာခဲ့ပြီကို သင်တို့ မခံစားရပေသလော။ ဤကဲ့သို့သော အသိစိတ်မျိုးနှင့် သင်တို့သည် ဘုရားသခင်နှင့် ပေါင်းသင်းဆက်ဆံရန် မည်သို့ သင့်တော်မည်နည်း။ ဤအခြေအနေမျိုးတွင် သင်တို့သည် ကိုယ့်ကိုယ်ကိုယ်အတွက် မစိုးရိမ်ကြသလော။ သင်တို့သည် ဘုရားသခင်နှင့် သဟဇာတမဖြစ်နိုင်သည်အထိ သင်တို့၏ စိတ်နေသဘောထားသည် ယိုယွင်းခဲ့ပြီ။ ဤသို့ဖြစ်သဖြင့် သင်တို့၏ ယုံကြည်ခြင်းသည် ရယ်ဖွယ်မကောင်းပေသလော။ သင်တို့၏ ယုံကြည်ခြင်းသည် ယုတ္တိကင်းမဲ့မနေသလော။ သင်၏အနာဂတ်ကို သင်မည်သို့ ကိုင်တွယ်ဖြေရှင်းမည်နည်း။ အဘယ်လမ်းကြောင်းအား သွားရမည်ဆိုသည်ကို သင်မည်သို့ ရွေးချယ်တော့မည်နည်း။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ခရစ်တော်နှင့် သဟဇာတမဖြစ်သောသူများသည် အကယ်စင်စစ် ဘုရားသခင်၏ ရန်ဘက်များဖြစ်ကြသည်” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၀၆)

ငါသည် နှုတ်ကပတ်တော်များစွာကို ဖော်ပြခဲ့ပြီးဖြစ်၍ ငါ၏အလိုဆန္ဒနှင့် စိတ်သဘောထားတို့ကိုလည်း ဖော်ပြခဲ့ပြီး ဖြစ်၏။ သို့သော်ငြားလည်း လူတို့သည် ငါ့ကို သိနိုင်စွမ်းနှင့် ငါ့ကို ယုံကြည်နိုင်စွမ်း မရှိကြသေးပေ။ သို့မဟုတ် ၎င်းတို့သည် ငါ့ကို နာခံနိုင်စွမ်း မရှိကြသေးပေဟု ဆိုနိုင်သည်။ သမ္မာကျမ်းစာထဲ နေထိုင်သူများ၊ ပညတ်တရားကြား နေထိုင်သူများ၊ လက်ဝါးကပ်တိုင် ပေါ်တွင် နေသူများ၊ အယူဝါဒနှင့်အညီ နေထိုင်သူများ၊ ယနေ့ ငါပြုသည့်အမှုအကြား နေသူများ— ၎င်းတို့အနက် မည်သူသည် ငါနှင့် သဟဇာတဖြစ်သနည်း။ သင်တို့သည် ကောင်းချီးမင်္ဂလာများနှင့် ဆုလာဘ်များ ခံစားရန်သာ စဉ်းစား၍ ငါနှင့် မည်သို့ သဟဇာတဖြစ်နိုင်မည် သို့မဟုတ် ငါနှင့် မသင့်မြတ်မှုမှ သင်တို့ကိုယ်သင်တို့ မည်သို့ တားဆီးရမည်ကို တစ်စိုးတစ်စဉ်းမျှပင် တစ်ခါမျှ မစဉ်းစားခဲ့ကြဖူးပေ။ ငါသည် သင်တို့အပေါ် လွန်စွာစိတ်ပျက်၏။ အဘယ်ကြောင့်ဆိုသော် ငါသည် သင်တို့ကို များစွာပေးခဲ့ပြီးဖြစ်သော်လည်း ငါသည် သင်တို့ထံမှ ရရှိခဲ့သည်မှာ နည်းပါးလွန်းလှ၏။ သင်တို့၏ လှည့်ဖြားမှု၊ သင်တို့၏ဝင့်ဝါမှု၊ သင်တို့၏လောဘ၊ သင်တို့၏ လွန်ကဲသောအလိုဆန္ဒများ၊ သင်တို့၏ သစ္စာဖောက်မှု၊ သင်တို့၏ မနာခံမှု— ၎င်းတို့အနက် မည်သည့် အရာသည် ငါ၏သတိပြုမှုမှ လွတ်မြောက်နိုင်မည်နည်း။ သင်တို့သည် ငါ့အား ဆင်ဝှေ့ရန်ရှောင်လုပ်၏၊ ငါ့အား လှည့်စား၏၊ ငါ့အား စော်ကား၏၊ ငါ့အား နားပူနားဆာလုပ်၏၊ ငါ့အား အတင်းအကျပ် တောင်းဆို၏၊ ယဇ်ကောင်များအတွက် ငါ့ကိုခြိမ်းခြောက်သည်— ထိုကဲ့သို့သော မကောင်းမှုသည် ငါ၏အပြစ်ဒဏ်မှ မည်သို့ ရှောင်တိမ်း နိုင်မည်နည်း။ သင်တို့၏ မကောင်းမှုပြုခြင်းသည် သင်တို့ငါနှင့် မသင့်မြတ်ခြင်း၏ အထောက်အထားဖြစ်၏။ ထို့အပြင် သင်တို့သည် ငါနှင့် သဟဇာတမဖြစ်ကြောင်း အထောက်အထားဖြစ်၏။ သင်တို့ တစ်ဦးစီသည် သင်တို့ကိုယ်သင်တို့ ငါနှင့် အလွန် သဟဇာတ ဖြစ်သည်ဟု ယူဆကြ၏။ သို့သော် ထိုသို့ဖြစ်ပါက ငြင်းဆိုနိုင်ခြင်း မရှိသော ဤအထောက်အထားသည် မည်သူနှင့် သက်ဆိုင်သနည်း။ သင်တို့ကိုယ်သင်တို့ ငါ့အပေါ် အဆုံးစွန်သော ရိုးသားမှုနှင့် သစ္စာရှိမှုတို့ ပိုင်ဆိုင်သည်ဟု ယူဆကြ၏။ သင်တို့သည် ကြင်နာလွန်း၍ ကရုဏာတရားကြီးမားလွန်းကာ ငါ့အပေါ် လွန်စွာ ဆက်ကပ်ခဲ့ပြီးပြီဟု ထင်ကြ၏။ သင်တို့သည် ငါ့အတွက် လုံလောက်စွာ ဆောင်ရွက် ပေးခဲ့ပြီးပြီဟု ထင်ကြ၏။ သို့သော် ဤအယူအဆများကို သင်တို့ကိုယ်တိုင်၏ အပြုအမူများနှင့် နှိုင်းယှဉ်ခဲ့ဖူးသလော။ သင်တို့သည် လွန်စွာဝင့်ဝါသည်၊ လွန်စွာ လောဘကြီးသည်၊ ဝတ်ကျေတမ်းကျေသာ လွန်စွာပြုသည်ဟု ငါဆို၏။ သင်တို့ငါ့အားလှည့်စားသည့် လှည့်ကွက်များသည် လွန်စွာကောင်း၍ သင်တို့တွင် လွန်စွာစက်ဆုပ်ဖွယ်ကောင်းသော ရည်ရွယ်ချက်များနှင့် စက်ဆုပ်ဖွယ်ကောင်းသော နည်းနာများ ရှိကြ၏။ သင်တို့၏ သစ္စာရှိမှုသည် လွန်စွာနည်းပါး၏။ သင်တို့၏ စိတ်ထက်သန်မှုသည် လွန်စွာသေးနုပ်၍ သင်တို့၏ အသိတရားသည် သာ၍ပင် ကင်းမဲ့နေ၏။ သင်တို့၏နှလုံးသားများတွင် မလိုမုန်းထားမှုများ များလွန်း၍ သင်၏ မလိုမုန်းထားစိတ်မှ မည်သူမျှ မကင်းလွတ်၊ ငါသည်ပင် မကင်းလွတ်ပေ။ သင်တို့၏သားသမီးများအတွက်၊ သို့မဟုတ် သင်တို့၏ ခင်ပွန်းအတွက် သို့မဟုတ် သင်တို့ကိုယ်တိုင်၏ ရှင်သန်မှုအတွက် ကြိုးပမ်းရန် သင်တို့သည် ငါ့ကို ပယ်ထား၏။ ငါ့အပေါ်ဂရုစိုက်မည့်အစား သင်တို့သည် သင်တို့၏မိသားစု၊ သင်တို့၏သားသမီးများ၊ သင်တို့၏ဂုဏ်ဒြပ်၊ သင်တို့၏အနာဂတ်နှင့် သင်တို့ကိုယ်တိုင်၏ အားရကျေနပ်မှုအတွက် သင်တို့ဂရုစိုက်ကြ၏။ သင်တို့ပြောဆို လုပ်ကိုင်ခဲ့စဉ် မည်သည့်အချိန်၌ သင်တို့သည် ငါ့ကို မည်သည့်အခါက စဉ်းစားမိခဲ့ဖူးသနည်း။ ရာသီဥတုအေးသည့်အခါ သင်တို့၏အတွေးများသည် သင်တို့၏သားသမီးများ၊ သင်တို့၏ ခင်ပွန်း၊ သင်တို့၏ဇနီး၊ သို့မဟုတ် သင်တို့၏ မိဘများထံသို့ လှည့်သွားကြ၏။ ရာသီဥတုပူသည့်အခါတွင်လည်း ငါသည် သင်တို့၏ အတွေးများတွင် နေရာယူခြင်း မရှိပေ။ သင်သည် သင်၏တာဝန်ကို ထမ်းဆောင်သည့်အခါ သင်ကိုယ်တိုင်၏ အကျိုးစီးပွားများ၊ သင်ကိုယ်တိုင်၏ ဘေးကင်းလုံခြုံရေး၊ သင်၏မိသားစုဝင်များကို စဉ်းစားနေ၏။ သင်သည် ငါ့အတွက် မည်သည့်အခါကများ ဆောင်ရွက် ခဲ့ဖူးသနည်း။ သင်သည် ငါ့ကို မည်သည့်အခါကများ စဉ်းစား ခဲ့ဖူးသနည်း။ မည်သို့ပင်အနစ်နာခံရသည်ဖြစ်စေ ငါနှင့် ငါ၏အမှု အတွက် သင့်ကိုယ်သင် မည်သည့်အခါက ဆက်ကပ်ခဲ့ဖူးသနည်း။ ငါနှင့်သင် သဟဇာတဖြစ်မှုအထောက်အထား မည်သည့်နေရာတွင် ရှိသနည်း။ ငါ့အပေါ် သင်၏သစ္စာရှိမှု၏ အမှန်တရားသည် မည်သည့် နေရာတွင် ရှိသနည်း။ ငါ့အပေါ် သင်၏နာခံမှု၏ အမှန်တရားသည် မည်သည့်နေရာတွင်ရှိသနည်း။ သင်၏ရည်ရွယ်ချက်များသည် ငါ၏ ကောင်းချီးမင်္ဂလာများ ခံစားရရေးအတွက် မဟုတ်သည့်အချိန် မည်သည့်အခါက ရှိခဲ့ဖူးသနည်း။ သင်တို့သည် ငါ့ကိုလှည့်စား၍ လှည့်ဖြား၏။ သင်တို့သည် သမ္မာတရားနှင့်ကစားကာ၊ သမ္မာတရား ရှိကြောင်း ကွယ်ဝှက်ထားကြလျက် သမ္မာတရား၏ အနှစ်သာရကို သစ္စာဖောက်ကြ၏။ သင်တို့ကိုယ်သင်တို့ ငါနှင့် မသင့်မြတ်စေကြ လွန်းသဖြင့် အနာဂတ်တွင် သင်တို့ကို မည်သည့်အရာက စောင့်နေသနည်း။ သင်တို့သည် မရေရာသော ဘုရားသခင်တစ်ပါးနှင့် သဟဇာတဖြစ်ရေးကိုသာ ကြိုးစားကြ၍ မရေရာသော ယုံကြည်ခြင်းကိုသာ ရှာဖွေကြ၏။ သို့ရာတွင် သင်တို့သည် ခရစ်တော်နှင့် သဟဇာတမဖြစ်ပေ။ သင်တို့၏ မကောင်းမှုသည် ဆိုးယုတ်သူတို့ခံစားထိုက်သည့် ဒဏ်ခတ်ခြင်းကို မရရှိထိုက်ပေ ဘူးလော။ ထိုအချိန်တွင် ခရစ်တော်နှင့် သဟဇာတ မဖြစ်သူ မည်သူမျှ အမျက်ဒေါသထွက်ရာနေ့မှ မလွတ်မြောက်နိုင်ကြောင်းကို သင်တို့ သိကြလိမ့်မည် ဖြစ်၍ ခရစ်တော်နှင့် မသင့်မြတ်သူများအပေါ် မည်ကဲ့သို့သော ဒဏ်ခတ်ခြင်းမျိုး ကျရောက်မည်ကိုလည်း သင်တို့ တွေ့ရှိကြလိမ့်မည်။ ထိုနေ့ကျရောက်သောအခါ ဘုရားသခင်အပေါ် သင်တို့၏ယုံကြည်ခြင်းအတွက် ကောင်းချီးမင်္ဂလာခံစားရကြောင်းနှင့် ကောင်းကင်ဘုံသို့ ဝင်ရောက်ခြင်းအကြောင်း သင်တို့၏ အိပ်မက်တို့သည် ပြိုကွဲကြရလိမ့်မည်။ သို့ရာတွင် ခရစ်တော်နှင့် သဟဇာတ ဖြစ်သောသူတို့အတွက်မူကား ဤသို့မဟုတ်ပေ။ ထိုသူတို့သည် များစွာဆုံးရှုံးခဲ့ကြသော်လည်း၊ အခက်အခဲများစွာ ခံစားခဲ့ကြရသော်လည်း၊ လူသားမျိုးနွယ်အပေါ် ငါထားရစ်ခဲ့မည့် အမွေအားလုံးကို ရကြလိမ့်မည်။ အဆုံးတွင် ငါသည်သာလျှင် ဖြောင့်မတ်သည့် ဘုရားသခင်ဖြစ်ကြောင်းနှင့် ငါသည်သာလျှင် လူသားမျိုးနွယ်အား သူ၏ လှပသော ပန်းတိုင်သို့ ခေါ်ဆောင်သွားနိုင်စွမ်း ရှိကြောင်း သင်တို့ နားလည်ကြလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်သည် ခရစ်တော်နှင့် သဟဇာတဖြစ်ရေးအတွက် လမ်းခရီးကို ရှာဖွေသင့်သည်” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၀၇)

ဘုရားသခင်သည် လူသားများကို များစွာ တာဝန် ပေးစေခိုင်းခဲ့ပြီးဖြစ်သည့်အပြင် မရေမတွက်နိုင်သော နည်းလမ်း များဖြင့် လူသားများ၏ ဝင်ရောက်မှုအတွက်လည်း လုပ်ဆောင်ခဲ့ပြီး ဖြစ်သည်။ သို့သော် လူတို့၏ အစွမ်းအစမှာ အလွန်နည်းသဖြင့် ဘုရားသခင်၏ နှုတ်ကပတ်တော်အများအပြားသည် သူတို့၌ အမြစ်တွယ်ခြင်း မရှိပေ။ ထိုကဲ့သို့ အစွမ်းအစအလွန်နည်းရသည့် အကြောင်းရင်း အမျိုးမျိုးရှိသည်။ ဥပမာအချို့မှာ လူသားတို့၏ အတွေးနှင့် အကျင့်စာရိတ္တ ယိုယွင်းပျက်စီးခြင်း၊ ကောင်းမွန်စွာ ပြုစုပျိုးထောင်မှု မခံခဲ့ရခြင်း၊ လူ၏နှလုံးသားထဲ၌ အလွန်စွဲမြဲစွာ အမြစ်တွယ်နေသော ရှေးရိုးစွဲ အယူစွဲမှုများ၊ လူတို့၏ အတွင်းနှလုံးသား နက်ရှိုင်းရာ၌ များစွာသော ဒုက္ခပြဿနာများ သိုထားစေခဲ့သည့် စာရိတ္တပျက်စီးယိုယွင်းနေသော အသက်ရှင် နေထိုင်ပုံများ၊ ယဉ်ကျေးမှုတစ်ခုကို အပေါ်ယံသာ နားလည်ခြင်း၊ ကိုးဆယ့်ရှစ်ရာခိုင်နှုန်းနီးပါးခန့်ရှိသော လူများက ယဉ်ကျေးမှုကို နားလည်ခြင်းနှင့်ဆိုင်သော ပညာရေး မရရှိသည့်အပြင် အရေအတွက်အားဖြင့် အလွန်နည်းသော လူတချို့သာ ယဉ်ကျေးမှု နှင့်ဆိုင်သော အဆင့်မြင့်ပညာရေးကို ရရှိနေခြင်းစသည့် အကြောင်းအရင်းများကြောင့် ဖြစ်သည်။ ထို့ကြောင့် လူတို့သည် ဘုရားသခင် သို့မဟုတ် ဝိညာဉ်တော်က အဘယ်အရာကို ဆိုလိုသည်ကို လုံးဝ မသိကြဘဲ ရှေးရိုးစွဲ အယူစွဲမှုများမှတစ်ဆင့် သိလာသည့် မရေရာ၊ မရှင်းလင်းသော ဘုရားသခင်၏ ပုံသဏ္ဌာန်ကိုသာ သိကြသည်။ နှစ်ထောင်ပေါင်းများစွာ ရှိခဲ့သည့် “မြင့်မြတ်သော အမျိုးသားရေးစိတ်ဓာတ်” ကြောင့် နှလုံးသားထဲရှိ ပျက်စီးစေတတ်သော လွှမ်းမိုးမှုများကြောင့် လူတို့၏ အစွမ်းအစအလွန်နည်းခြင်းဖြစ်သည်။ ထို့အပြင် လွတ်လပ်ခွင့် နည်းနည်းမျှမရှိ၊ ပြင်းပြသည့် ဆန္ဒ၊ ဇွဲလုံ့လနှင့် တိုးတက်အောင် လုပ်လိုသည့် ဆန္ဒလည်းမရှိဘဲ ကျွန်တစ်ဦးကဲ့သို့သော စိတ်ထား မျိုးစွဲကာ တက်ကြွစွာ စတင်လုပ်ဆောင်လိုခြင်းမရှိဘဲ၊ နောက်သို့ ပြန်သွားလိုသည့် သူများအဖြစ်ဆက်နေပြီး ရှေးရိုးစွဲ အတွေးအခေါ်များ၏ ချည်နှောင်မှုကို ခံရခြင်း စသည်တို့ ကြောင့်လည်း လူတို့၏ အစွမ်းအစအလွန်နည်းခြင်း ဖြစ်သည်။ ဤမှန်သော အချက်အလက်များကြောင့် လူသားများ၏ အတွေးအမြင်၊ စံများ၊ ကျင့်ဝတ်နှင့် စိတ်သဘောထားတို့သည် ဖျောက်ဖျက်၍ မရသည့် ညစ်ညမ်းသော အသွင်သဏ္ဌာန်၊ အကျည်းတန်သော အသွင်သဏ္ဌာန်ဖြင့် ကျန်ရစ်ခဲ့သည်။ လူသားများသည် အကြမ်းဖက်သမားများ၏ အမှောင်ကမ္ဘာ၌ နေထိုင်နေသည်ဟု ထင်ရပြီး မည်သူကမျှ ထူးကဲသာလွန်ဖို့ မကြိုးစားကြသည့်အပြင် စံထားရလောက်သည့် ကမ္ဘာသို့ ပြောင်းရွှေ့နေထိုင်ဖို့ မစဉ်းစားကြ။ ထိုသို့မစဉ်းစားဘဲ အသက်တာ၌ မိမိတို့ရှိသည့် အခြေအနေနှင့် ကျေနပ်နေကြသည်။ အသက်တာ၌ သားသမီးများမွေး၍ ပြုစုပျိုးထောင်ဖို့၊ ကြိုးစားအားထုတ်ဖို့၊ ချွေးထွက်သည်အထိ အလုပ်လုပ်ဖို့၊ ဟိုဟိုဒီဒီ သွားလာအလုပ်လုပ်ဖို့၊ သက်သောင့်သက်သာရှိ၍ ပျော်ရွှင်ဖွယ်ကောင်းသည့် မိသားစုကို ပိုင်ဆိုင်ဖို့၊ မိမိတို့၏ အိမ်ထောင်ဖက်ကို ချစ်ခင်နှစ်သက်ဖို့၊ နောင်လာနောင်သား သားသမီးများ ရရှိဖို့၊ အသက်တာ၏ နေဝင်ချိန် နှစ်များတွင် ပျော်ရွှင်မှုကို ရရှိဖို့ အိပ်မက်မက်ပြီး ငြိမ်းချမ်းစွာ အသက်ရှင်နေထိုင်ဖို့တို့ကို လုပ်ဆောင်ကာ သူတို့၏ နေ့ရက်များကို ကုန်လွန်စေဖို့ ကျေနပ်ကြသည်။ နှစ်ပေါင်းထောင်သောင်းချီသည့် အချိန်မှစပြီး ယနေ့ထိတိုင် လူတို့သည် ထိုအရာများကို လုပ်ဆောင်ပြီး ၎င်းတို့၏ အချိန်ကို ဖြုန်းတီးနေကြသည်။ မည်သူကမျှ စုံလင်သည့် အသက်တာကို မဖန်တီးကြ။ အောင်မြင်မှု၊ ချမ်းသာကြွယ်ဝမှုတို့ကို အပြိုင်အဆိုင်ရယူဖို့ကြိုးစားရင်း တစ်ဦးနှင့် တစ်ဦး ဒုက္ခပေးဖို့ ကြံစည်ကာ ဤအမှောင်ကမ္ဘာ၌ အချင်းချင်း အပြန်အလှန် သတ်ဖြတ်ဖို့သာ အားလုံးက စိတ်ပိုင်းဖြတ်ထား ကြသည်။ ဘုရားသခင်၏ ဆန္ဒသည် မည်သည့်အရာဖြစ်သည်ကို မည်သူ ရှာဖွေဖူးပါသနည်း။ ဘုရားသခင်၏ အလုပ်ကို ဂရုစိုက်ဖူးသူ ရှိသလော။ အမှောင်စွမ်းအား၏ နေရာယူခြင်းခံထားရသော လူသားများ၌ ရှိသည့် အရာများအားလုံးသည် လူ့သဘာဝ ဖြစ်လာသည်မှာ ကြာခဲ့ပြီဖြစ်သောကြောင့် ဘုရားသခင်၏ အလုပ်ကို လုပ်ရန် အလွန်ခက်ခဲလှသည်။ ယနေ့ ဘုရားသခင်က လူတို့ကို တာဝန်ပေးစေခိုင်းထားသည့်အရာများကို အရေးစိုက်ဖို့ လူတို့သည် အာရုံစိုက်လိုစိတ် သာ၍ပင် မရှိကြပေ။ မည်သို့ပင်ဖြစ်စေ ငါပြောနေသည့် အကြောင်းအရာသည် နှစ်ပေါင်းထောင်ချီကြာသည့် သမိုင်းဖြစ်သောကြောင့် ဤနှုတ်ကပတ်တော်များကို ငါမြွက်ဆိုခြင်းနှင့်ပတ်သက်၍ လူတို့ ငါ့အပေါ် စိတ်ရှိကြမည်မဟုတ်ဟု ငါယုံကြည်သည်။ သမိုင်းဟု ငါပြောသောအခါ၌ အချက်အလက်များနှင့် လူအားလုံးသိကြသည့် ကျော်မကောင်း၊ ကြားမကောင်း အကြောင်းအရာများကို ငါဆိုလိုသည်။ သို့ဖြစ်၍ အချက်အလက်များနှင့် မကိုက်ညီသော အကြောင်းအရာများကို ပြောခြင်းသည် အကျိုးမရှိသည့် လုပ်ရပ်ဖြစ်သည် မဟုတ်လော။ သို့သော် ဆင်ခြင်တုံတရားရှိသောသူများသည် ဤနှုတ်ကပတ်တော်များကို မြင်တွေ့သောအခါ နိုးထလာကြပြီး တိုးတက်အောင် ကြိုးစားကြလိမ့်မည်ဟုလည်း ငါယုံကြည်သည်။ လူသားများသည် ရောင့်ရဲမှုရှိပြီး ငြိမ်းချမ်းစွာ နေထိုင်၊ လုပ်ကိုင်ကာ ဘုရားသခင်ကိုလည်း တစ်ချိန်တည်းမှာ ချစ်နိုင်ကြလိမ့်မည်ဟု ဘုရားသခင်က မျှော်လင့်သည်။ လူသားများအားလုံး အနားယူနိုင်ဖို့သည် ဘုရားသခင်၏ ဆန္ဒဖြစ်သည်။ ထို့အပြင် မြေတစ်ပြင်လုံးကို ဘုရားသခင်၏ ဘုန်းနှင့် ပြည့်စေဖို့သည် ဘုရားသခင်၏ ကြီးမားသည့် ဆန္ဒဖြစ်သည်။ လူတို့သည် သတိလက်လျော့ရှိနေကြပြီး မနိုးထဘဲနေကြသည်မှာ ရှက်ဖွယ်ကောင်းသည့် အရာတစ်ခုဖြစ်သည်။ သူတို့သည် စာတန်၏ ဖျက်ဆီးမှုကို ဆိုးဆိုးရွားရွားခံရသောကြောင့် လူသားများ၏ အသွင်သဏ္ဌာန်ပင် မရှိကြတော့။ ထို့ကြောင့် လူ၏ အတွေး၊ အကျင့်စာရိတ္တနှင့် ပညာရေးတို့သည် အရေးကြီးသည့် အချိတ်အဆက်တစ်ခုအဖြစ် ဖြစ်ပေါ်လာပြီး လူသားများ၏ ယဉ်ကျေးမှုနှင့်သက်ဆိုင်သည့် အစွမ်းအစကို ပိုမိုမြှင့်တင်ရန်နှင့် သူတို့၏ ဝိညာဉ်ရေးရာအမြင်ကို ပြောင်းလဲပေးရန် ယဉ်ကျေးမှုကို နားလည်ခြင်းနှင့်ဆိုင်သော လေ့ကျင့်မှုသည် ဒုတိယအချိတ်အဆက်အဖြစ် ဖြစ်ပေါ်လာသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အမှုတော်နှင့် ဝင်ရောက်ခြင်း (၃)” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၀၈)

လူ့ဘဝသည် ဝင်ရောက်နေသည့် ကာလ၌ အမြဲပင် ပျင်းစရာကောင်းတတ်သည်၊ ဆုတောင်းခြင်း၊ ဘုရားသခင်၏ နှုတ်ကပတ်တော်ကို စားသောက်ခြင်း သို့မဟုတ် စုဝေးခြင်း စသည်တို့ဖြင့် ဝိညာဉ်အသက်တာသည် ငြီးငွေ့ဖွယ်ရာများနှင့် အမြဲပြည့်နေတတ်သည်။ ထို့ကြောင့် ဘုရားသခင်ကို ယုံကြည်ခြင်း သည် ကြီးကြီးမားမား ဝမ်းမြောက်ဖွယ်မရှိဟု လူတို့ အမြဲ ခံစားရကြသည်။ ဝိညာဉ်ရေးရာနှင့်ဆိုင်သည့် ထိုသို့သော လုပ်ဆောင်မှုများသည် စာတန်ဖျက်ဆီးထားသည့် လူ့မူလ စိတ်သဘောထားဖြင့် လူတို့ အမြဲလုပ်ဆောင်လေ့ရှိသော အရာများ ဖြစ်သည်။ လူတို့သည် တစ်ခါတစ်ရံ၌ သန့်ရှင်းသော ဝိညာဉ်တော်၏ ဉာဏ်အလင်းဖွင့်ပြမှုကို လက်ခံရရှိနိုင်သော်လည်း သူတို့၏ ပင်ကို အတွေးအခေါ်၊ စိတ်သဘောထား၊ အသက်ရှင်မှုပုံစံများနှင့် အမူအကျင့်တို့သည် အထဲ၌ အမြစ်တွယ်လျက် ရှိနေသေးသည်။ ထို့ကြောင့် သူတို့၏ စရိုက်သည် မပြောင်းလဲပေ။ လူတို့ လုပ်ဆောင်ကြသည့် အယူသီးသည့် လုပ်ဆောင်မှုများသည် ဘုရားသခင် အမုန်းဆုံး အရာများဖြစ်သည်။ သို့သော် လူတော်တော် များများသည် ထိုအရာများကို စွန့်လွှတ်နိုင်စွမ်း မရှိသေးပေ။ အယူသီးသည့် အဆိုပါ လုပ်ဆောင်မှုများသည် ဘုရားသခင် စေခိုင်းသည့် အရာများဖြစ်သည်ဟု တွေးထင်ကြပြီး ယနေ့တိုင် ထိုအရာများကို လုံးလုံးလျားလျား မစွန့်လွှတ်နိုင်သေးပေ။ လူငယ်များ စီစဉ်ကြသည့် မင်္ဂလာဆောင်အတွက် စားသောက်ပွဲများ၊ သတို့သမီး အဆင်တန်ဆာများ စသည့်အရာများ၊ ငွေ လက်ဆောင်များ၊ ညစာစားပွဲများ၊ ပျော်ရွှင်ဖွယ် အချိန်သမယများကို ကျင်းပသည့် အလားတူ လုပ်ဆောင်မှုများ၊ ဘိုးဘွားများက လက်ဆင့်ကမ်းပေးသည့် ပုံသေနည်းများ၊ သေသူကိုယ်စား လုပ်ဆောင်သည့် အဓိပ္ပာယ်မဲ့သည့် အယူသီးသော လုပ်ဆောင်မှုများ နှင့် အသုဘအခမ်းအနားများ စသည့်အရာများသည် ဘုရားသခင် အတွက် သာ၍ စက်ဆုပ်ရွံရှာဖွယ်ကောင်းသော အရာများဖြစ်သည်။ ဝတ်ပြုရာနေ့သည်ပင်လျှင် (ဘာသာရေးလောကမှ စောင့်ထိန်းသည့် ဥပုသ်နေ့အပါအဝင်) ဘုရားသခင်အတွက် စက်ဆုပ်ရွံရှာဖွယ် ဖြစ်သည်။ လူတစ်ဦးနှင့် တစ်ဦးအကြားရှိ ဆက်ဆံရေးနှင့် လောကီဆန်သော အပြန်အလှန် ပေါင်းသင်းဆက်ဆံမှုများ အားလုံးသည် ဘုရားသခင် လုံးဝ မနှစ်သက်သောအရာများ၊ ဘုရားသခင်က လက်မခံသော အရာများ ဖြစ်သည်။ လူတိုင်းသိကြသည့် နွေဦးပွဲတော်နှင့် ခရစ်စမတ်နေ့တို့နှင့်ဆိုင်သော ကစားစရာအရုပ်များ၊ တန်ဆာဆင်မှုများ (ဆင်တူပစ္စည်းများ၊ နှစ်သစ်ကူးကိတ်မုန့်၊ မီးရှူးမီးပန်းများ၊ မီးပုံးများ၊ ခရစ်စမတ် လက်ဆောင်များ၊ ခရစ်စမတ်ပွဲများနှင့် သန့်ရှင်းသော ပွဲတော်စားပွဲ) အကြောင်းကို မဆိုထားနှင့် ထိုပွဲတော်များကို ကျင်းပဖို့သည်ပင်လျှင် ဘုရားသခင်က မစေခိုင်းခဲ့ပါ။ ဤအရာများသည် လူတို့၏ စိတ်ထဲ၌ရှိသော ရုပ်တုဆင်းတုများ မဟုတ်လော။ ဥပုသ်နေ့၌ ချိုးဖဲ့သော ပေါင်မုန့်၊ စပျစ်ရည်နှင့် အထည်အကောင်းစားတို့ သည်လည်း လူတို့အတွက် ရုပ်တုဆင်းတုများကဲ့သို့ ဖြစ်သည်မှာ သာ၍ပင် ရှင်းလင်းပေါ်လွင်လှသည်။ တရုတ်နိုင်ငံ၌ လူသိများသော ရိုးရာပွဲတော်များဖြစ်သည့် နဂါးခေါင်းမြှင့်တင်သည့်နေ့၊ နဂါးလှေ ပွဲတော်၊ ဆောင်းဦးအလယ်ပွဲတော်၊ လားဘာပွဲတော်၊ နှစ်သစ်ကူးနေ့ စသည့် ပွဲတော်များအားလုံးနှင့် ဘာသာရေးလောကမှ အခြား ပွဲတော်များဖြစ်သည့် အီစတာပွဲတော်၊ ဗတ္တိဇံခံသည့်နေ့၊ ခရစ်စမတ်နေ့ စသည့် မလျော်ကန်သော ပွဲတော်များအားလုံးသည် ရှေးကတည်းက ယနေ့ထိတိုင် လူတော်တော်များများက လက်ဆင့်ကမ်း ကျင်းပခဲ့ကြသည့် ပွဲတော်များဖြစ်သည်။ ထိုပွဲများ အားလုံးသည် ဘုရားသခင် ဖန်ဆင်းခဲ့သည့် လူသားမျိုးနွယ်နှင့် လားလားမျှ သဟဇာတ မဖြစ်သော ပွဲများဖြစ်သည်။ လူသားများ၏ စိတ်ကူးစိတ်သန်း ကြွယ်ဝမှုနှင့် တီထွင်တတ်သော စိတ်ကူးများ ကြောင့် လူတို့သည် ထိုပွဲတော်များကို ယနေ့တိုင် လက်ဆင့်ကမ်း ကျင်းပနေကြခြင်းဖြစ်သည်။ ထိုအရာများအားလုံးသည် အပြစ်ကင်း သည့်အရာများဟု ထင်ရသော်လည်း အမှန်မှာ လူသားများအပေါ်၌ စာတန်လုပ်ဆောင်သော လှည့်စားမှုများဖြစ်သည်။ နေရာ တစ်နေရာ၌ စာတန်များ ပြည့်နှက်နေလေလေ၊ ထိုနေရာသည် သာ၍ ခေတ်နောက်ကျရုံသာမက ခေတ်နောက်ပြန်ဆွဲသောနေရာ ဖြစ်လေလေ၊ ထိုနေရာ၌ ခေတ်နောက်ကျသော ဓလေ့ထုံးစံများ သာ၍ နက်ရှိုင်းစွာ အမြစ်တွယ်လေလေဖြစ်သည်။ ထိုအရာများသည် လူတို့ လုံးဝမလှုပ်ရှားနိုင်အောင် တင်းကျပ်စွာ ချည်နှောင်ထားသည်။ ဘာသာရေးလောကမှ ပွဲတော်အများအပြားသည် မူလအစပြုခဲ့သည့် အချိန်ကအတိုင်း ဖြစ်သည်ဟု ထင်ရသည်၊ ဘုရားသခင်၏ အလုပ်နှင့် ဆက်စပ်ပေးသည့် ပေါင်းကူးတံတားကို ဖန်တီးပေး သည်ဟု ထင်ရသည်။ သို့သော် အမှန်မှာ အဆိုပါပွဲတော်များသည် ဘုရားသခင်ကို လူများမသိအောင် စာတန်က ချည်နှောင်ထားသော မမြင်နိုင်သည့်ကြိုးများဖြစ်သည်။ ထိုပွဲတော်များအားလုံးသည် စာတန်၏ ကောက်ကျစ်သော မဟာဗျူဟာများ ဖြစ်သည်။ အမှန်မှာ ဘုရားသခင်၏ လုပ်ငန်းအဆင့်တစ်ခု ပြီးသောအချိန်၌ ဘုရားသခင်သည် ထိုကာလ၌ အလုပ်လုပ်ပုံနှင့် ထိုကာလ၌ အသုံးပြုခဲ့သည့် အရာများကို ခြေရာ၊ လက်ရာတစ်ခုမျှ မချန်ဘဲ ဖျက်ဆီးလိုက်ပြီးဖြစ်သည်။ သို့သော်လည်း “ဘာသာတရား အလွန် ရိုသေကိုင်းရှိုင်းသော ယုံကြည်သူများ” သည် ထိုရုပ်ဝတ္ထု ပစ္စည်းများကို ဆက်လက် ကိုးကွယ်နေကြသည်။ ထိုအချိန် အတောအတွင်း၌ သူတို့သည် ဘုရားသခင်၌ ရှိသော အရာများ အကြောင်း သိသော်လည်း အလေးထား ဆင်ခြင်ခြင်း မရှိ၊ ဆက်လက်၍လည်း မလေ့လာကြ။ သူတို့သည် ဘုရားသခင်၏ မေတ္တာတရားနှင့် ပြည့်ဝနေကြသည်ဟု ထင်ရသော်လည်း အမှန်မှာ သူတို့သည် ဘုရားသခင်ကို သူတို့၏အိမ်မှ နှင်ထုတ်ခဲ့ကြပြီး စာတန်ကို စားပွဲပေါ်တင် ကိုးကွယ်နေခဲ့ကြသည်မှာ အချိန်အတန် ကြာပြီ ဖြစ်သည်။ ယေရှု၏ ရုပ်ပုံ၊ လက်ဝါးကပ်တိုင်၊ မာရိ၊ ယေရှု၏ ဗတ္တိဇံနှင့် နောက်ဆုံးသော ညစာစားပွဲစသည့်အရာများကို လူတို့သည် ကောင်းကင်နိုင်ငံ၏သခင်အဖြစ် သဘောထားကာ အလေးအမြတ်ထားကြသည်။ ထိုသို့လုပ်နေစဉ်တလျှောက်လုံးတွင် “အဖဘုရား” ဟု အကြိမ်ကြိမ်အော်ခေါ်ကြသည်။ ဤအရာများ အားလုံးသည် ရယ်ဖွယ်ရာကောင်းလှသည် မဟုတ်လော။ ယနေ့ထိတိုင် လူသားများအကြား မျိုးဆက်တစ်ဆက်မှ တစ်ဆက်သို့ လက်ဆင့်ကမ်းလာခဲ့ကြသည့် ခပ်ဆင်ဆင် ဆိုရိုး စကားများနှင့် ဓလေ့ထုံးစံများသည် ဘုရားသခင်အတွက် မုန်းတီးဖွယ်ကောင်းသည့် အရာများဖြစ်သည်။ ထိုအရာများသည် ဘုရားသခင် ရှေ့ဆက်သွားမည့်လမ်း၌ ဆိုးဆိုးဝါးဝါး အဟန့်အတားဖြစ်စေသည့် အရာများ၊ လူတို့၏ ဝင်ရောက်မှုကို အကြီးအကျယ် အဟန့်အတားဖြစ်စေသည့် အရာများဖြစ်သည်။ စာတန်က လူသားများကို မည်မျှ ဖျက်ဆီးထားသည်ကို ထည့်မစဉ်းစားလျှင်ပင် လူတို့၏ အတွင်း၌ သက်သေခံလီ၏ ပညတ်ကဲ့သို့သော အရာများ၊ လောရင့်စ်၏ အတွေ့အကြုံ၊ စောင့်ကြည့်သူနီ၏ ကွင်းဆင်းသုတေသနပြုမှုများ၊ ပေါလု၏ လုပ်ဆောင်မှုများတို့နှင့် လုံးဝပြည့်နှက်နေသည်။ လူသားများ အပေါ်၌ ဘုရားသခင် အလုပ်လုပ်နိုင်ရန်အတွက် နည်းလမ်း လုံးဝမရှိပေ။ အဘယ်ကြောင့်ဆိုသော် သူတို့သည် အတွင်း၌ မိမိကိုယ်ကိုယ် အလွန်အားကိုးကြသောကြောင့်၊ ပညတ်တရားများ၊ စည်းမျဉ်း၊ စည်းကမ်းများ၊ ဥပဒေများ၊ စနစ်များကဲ့သို့သော အရာများနှင့် ပြည့်နေသောကြောင့် ဖြစ်သည်။ လူတို့၏ ရှေးရိုးစွဲ အယူသီးမှုများအတိုင်း လုပ်ဆောင်လိုမှုအပြင် ထိုအရာများသည် လူသားများကို ဖမ်းဆီးချုပ်နှောင်ကာ ဝါးမျိုထားသောကြောင့် ဖြစ်သည်။ လူတို့၏ အတွေးများသည် အရောင်အသွေး စုံလင်စွာ မြင်ရပြီး တိမ်စီးသည့် ထူးထူးဆန်းဆန်း သက်ရှိသတ္တဝါများပါသည့် ဒဏ္ဍာရီနတ်သမီးပုံပြင် တစ်ပုဒ်ကို ပြနေသော စိတ်ဝင်စားစရာ ရုပ်ရှပ်ဇာတ်လမ်းတစ်ခုလို ဖြစ်သည်။ စိတ်ကူးစိတ်သန်း အလွန်ကောင်းသောကြောင့် လူများကို တအံ့တသြ ဆွံ့အ သွားစေသည့် ဇာတ်လမ်းတစ်ခုလို ဖြစ်သည်။ အမှန်ကို ပြောရမည်ဆိုလျှင် ဘုရားသခင် ယနေ့ လာလုပ်သည့် အလုပ်သည် အဓိကအားဖြင့် လူသားများ၏ အယူသီးသည့် ပင်ကိုစရိုက် လက္ခဏာများကို ကိုယ်တွယ်ဖြေရှင်း ပပျောက်စေပြီး ၎င်းတို့၏ စိတ်သဘောထားအမြင်ကို လုံးလုံးလျားလျား ပြောင်းလဲစေဖို့ ဖြစ်သည်။ ဘုရားသခင်၏ အလုပ်သည် မျိုးဆက်များမှတစ်ဆင့် လူသားတို့ လက်ဆင့်ကမ်းထားသော အမွေအနှစ်ကြောင့် ယနေ့ထိတိုင် မတည်တံ့ခဲ့ပါ။ ဝိညာဉ်ရေးရာ၌ အလွန်အားကြီး သူတစ်ဦး၏ အမွေကိုရဖို့မလိုဘဲ သို့မဟုတ် ဘုရားသခင်က အခြားခေတ်ကာလတစ်ခု၌ လုပ်ဆောင်ခဲ့သည့် မည်သည့် ကိုယ်စားပြုအလုပ် တစ်ခုကိုမျှ ဆက်ခံရန်မလိုဘဲ ဘုရားသခင် ကိုယ်တိုင် အစပြုကာ ပြီးစီးအောင်လုပ်ခဲ့သည့် အလုပ်ဖြစ်သည်။ လူသားများသည် ထိုအရာများအကြောင်း လုံးဝ စိတ်ပူဖို့ မလိုပေ။ ယနေ့ ဘုရားသခင် စကားပြောသည့်ပုံနှင့် အလုပ်လုပ်သည့် ပုံသည် အရင်လိုမဟုတ်ဘဲ ကွဲပြားသော အသွင်တစ်မျိုး ဖြစ်သည်။ ထို့ကြောင့် လူသားများသည် အဘယ်ကြောင့် ကိုယ့်ဒုက္ခကိုယ် ရှာသင့်သနည်း။ လူသားများသည် ၎င်းတို့၏ ဘိုးဘေးများ၏ အမွေကို ဆက်လက် ထိန်းသိမ်းရင်း လက်တလော ရေစီးကြောင်းအတွင်း၌ ယနေ့ အသက်ရှင်လျှောက်လှမ်းကြလျှင် သူတို့သည် သူတို့၏ ပန်းတိုင်ကို ရောက်ကြမည် မဟုတ်ပေ။ ဘုရားသခင်သည် ထိုသို့သော အပြုအမူကို အလွန်ပင် ရွံရှာသည်၊ လူ့လောက၏ နေ့၊ လ၊ နှစ်များကို စက်ဆုပ်ရွံရှာသလိုပင် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အမှုတော်နှင့် ဝင်ရောက်ခြင်း (၃)” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၀၉)

လူ့စိတ်သဘောထားကို ပြောင်းလဲဖို့အတွက် အကောင်းဆုံးနည်းမှာ သူတို့၏ အတွင်းနှလုံးသားထဲ၌ အကြီးအကျယ် အဆိပ်ခတ်ထားခြင်းခံရသည့် အစိတ်အပိုင်းများကို ပြန်ကောင်းအောင်လုပ်ပြီး လူတို့၏ အတွေးနှင့် အကျင့်သိက္ခာကို သူတို့ကိုယ်တိုင် စတင်ပြောင်းလဲနိုင်အောင် အခွင့်ပေးရန်ဖြစ်သည်။ ပထမဦးဆုံးအနေနှင့် ဘာသာရေးဓလေ့ထုံးစံများ၊ ဘာသာရေး လှုပ်ရှားမှုများ၊ နှစ်များ၊ လများနှင့် ပွဲများသည် ဘုရားသခင်အတွက် မုန်းတီးဖွယ်ကောင်းသည့် အရာများဖြစ်ကြောင်းကို လူတို့မြင်ဖို့ လိုအပ်သည်။ သူတို့သည် ထိုသို့ရှေးဆန်သော အတွေးအခေါ်များ၏ ချုပ်နှောင်မှုများမှ ရုန်းထွက်ပြီး အရိုးစွဲနေသည့် အယူသီးမှုများ အတိုင်း လုပ်ဆောင်လိုစိတ်တိုင်းကို လုံးလုံးလျားလျား ဖယ်ဖျောက် သင့်သည်။ ထိုအရာများအားလုံးသည် ဝင်ရောက်ရန်အတွက် လူသားများ လုပ်ဆောင်ရမည့် အရာများဖြစ်သည်။ ဘုရားသခင်သည် လူသားများအား အဘယ်ကြောင့် လောကီကမ္ဘာမှ ဦးဆောင်ခေါ်ထုတ်သွားကြောင်း၊ အဘယ်ကြောင့် စည်းမျဉ်း၊ စည်းကမ်းများနှင့် ဝေးရာသို့ ဦးဆောင်ခေါ်ထုတ်သွားကြောင်းကို သင်တို့နားလည်ရမည်။ ထိုသို့နားလည်ခြင်းသည် ဂိတ်တံခါးတစ်ခု ကဲ့သို့ဖြစ်ပြီး ထိုတံခါးအားဖြင့် သင်တို့ဝင်လိမ့်မည်ဖြစ်သည်။ ဤအရာများသည် သင်တို့၏ ဝိညာဉ်ရေးနှင့်ဆိုင်သော အတွေ့အကြုံ နှင့် မည်သို့မျှ မပတ်သက်သော်လည်း အထက်ဖော်ပြပါ အရာများသည် သင်တို့၏ ဝင်ရောက်မှုကို ပိတ်ပင်တားဆီးနေသည့် အကြီးမားဆုံးသော အတားအဆီးများဖြစ်ကာ ထိုအတားအဆီးများ က သင်တို့ ဘုရားသခင်ကို မသိအောင် ဟန့်တားထားသည်။ ထိုအတားအဆီးများသည် လူတို့ကို ပိုက်ကွန်သဖွယ် ဖမ်းဆီး ချုပ်နှောင်ထားသည့် အရာများဖြစ်သည်။ လူတော်တော် များများသည် ကျမ်းစာကို အလွန်အကျွံဖတ်ကြပြီး ကျမ်းစာထဲမှ ကျမ်းပိုဒ်အမြောက်အမြားကို အလွတ်ရွတ်ဆိုနိုင်ကြသည်။ ယနေ့ သူတို့၏ ဝင်ရောက်မှုထဲ၌ လူတို့သည် ဘုရားသခင်၏အလုပ်ကို တိုင်းတာဖို့အတွက် ၎င်းတို့ကိုယ်တိုင်သတိမထားမိဘဲ ကျမ်းစာကို အသုံးပြုကာ ဘုရားသခင်၏ အလုပ်၌ လက်ရှိအဆင့်၏ အခြေခံသည် ကျမ်းစာ ဖြစ်သည့်အလား၊ လက်ရှိအဆင့်၏ ဇာစ်မြစ်သည် ကျမ်းစာဖြစ်သည့်အလား ပြုမူကြသည်။ ဘုရားသခင်၏ အလုပ်သည် ကျမ်းစာနှင့် ကိုက်ညီသောအခါ လူတို့သည် ဘုရားသခင်၏ အလုပ်ကို အားရပါးရ ထောက်ခံကြပြီး လေးစားသဘောကျကြသည်။ ဘုရားသခင်၏ အလုပ်သည် ကျမ်းစာနှင့် မကိုက်ညီသောအခါ၌မူ လူတို့သည် ချွေးစေးပြန်သည်အထိ အလွန်စိုးရိမ်ပူပန်တတ်ကြသည်။ ဘုရားသခင် အဘယ်ကြောင့် ထိုသို့အလုပ်လုပ်ကြောင်းကို ကျမ်းစာထဲ၌ ရှာဖွေကြသည်။ ဘုရားသခင်လုပ်သည့် အလုပ်ကို ကျမ်းစာ၌ မဖော်ပြထားလျှင် လူတို့သည် ဘုရားသခင်ကို လျစ်လျူရှုကြလေ့ရှိသည်။ ယနေ့ခေတ်အချိန်၌ လုပ်ဆောင်နေသော ဘုရားသခင်၏ အလုပ်နှင့် ပတ်သက်၍ ပြောရလျှင် လူအများစုသည် ဘုရားသခင်၏ အလုပ်ကို သတိထားပြီး လက်ခံကြသည်၊ မိမိတို့ နာခံလိုသည့် အချက်ကိုသာ ရွေးပြီးနာခံကြသည်၊ ဘုရားသခင်၏ အလုပ်အကြောင်းကို သိဖို့ဆိုလျှင် စိတ်မဝင်စားကြ၊ အတိတ်က အကြောင်းအရာများနှင့် ပတ်သက်လျှင်မူ လူအများစုသည် တစ်ဝက်ကို ဖက်တွယ်ထားပြီး တစ်ဝက်ကိုတော့ စွန့်လွှတ်တတ် ကြသည်ဟု ပြောနိုင်သည်။ ဤသို့ဖြစ်နေကြခြင်းကို ဝင်ရောက်မှုဟု ခေါ်နိုင်ပါသလော။ အခြားသူများ၏ စာအုပ်များကို ရတနာသဖွယ် ဖက်တွယ်ထားကာ နိုင်ငံတော်တံခါးကို ဖွင့်နိုင်သည့် ရွှေသော့သဖွယ် သဘောထားကြသည်။ ယနေ့ခေတ်၌ လူတို့သည် သူတို့အား ဘုရားသခင် မည်သည့်အရာကို လုပ်စေလိုကြောင်းကို သိလိုစိတ် လုံးဝမပြကြ။ ထို့အပြင် “ထက်မြက်သောပညာရှင်” တော်တော် များများက ဘုရားသခင်၏ နှုတ်ကပတ်တော်များကို ဘယ်ဖက်လက် ၌ ကိုင်ထားပြီး အခြားသူများ၏ “အပြောင်မြောက်ဆုံးလက်ရာများ” ကို ညာဖက်လက်၌ ကိုင်ထားကြသည်။ ဘုရားသခင်၏ နှုတ်ကပတ်တော်များ မှန်ကန်ကြောင်းကို အပြည့်အဝ သက်သေပြရန်အတွက် ထိုလက်ရာများအထဲ၌ ဘုရားသခင်၏ မျက်မှောက် နှုတ်ကပတ်တော်များ၏ ဇာစ်မြစ်ကို ရှာဖွေတွေ့ရှိလို သည့်အလား ပြုမူကြသည်။ ထို့အပြင် အဆိုပါ အပြောင်မြောက်ဆုံး လက်ရာများက အလုပ်လုပ်နေသည့်အလား သူတို့သည် နှုတ်ကပတ်တော်များကို ထိုလက်ရာများနှင့်ပင် ပေါင်းစပ်ပြီး ဘုရားသခင်၏ နှုတ်ကပတ်တော်များကို အခြားသူများအား ရှင်းပြကြသည်။ အမှန်ကို ပြောရလျှင် လူသားများအကြား၌ ယနေ့ခေတ် သိပ္ပံနယ်ပယ်မှ နောက်ဆုံးပေါ် အောင်မြင်မှုများ၊ တစ်နည်းအားဖြင့်ဆိုသော် ယခင်က မည်သူကမျှ မလုပ်နိုင်ခဲ့ဖူးသည့် သိပ္ပံနယ်ပယ်မှ အောင်မြင်မှုများကို (ဆိုလိုသည်မှာ ဘုရားသခင်၏ အလုပ်၊ ဘုရားသခင်၏ နှုတ်ကပတ်တော်များ၊ အသက်ကို ဝင်စားဖို့အတွက်လမ်း) တစ်ကြိမ်တစ်ခါမျှ အထင်မကြီးဖူးသည့် “သိပ္ပံနယ်ပယ်မှ သုတေသနပညာရှင်များ” အများအပြားရှိသည်။ သို့ဖြစ်၍ လူအားလုံးသည် “ကိုယ့်ကိုယ်ကိုယ် အားကိုးနေကြသော” သူများဖြစ်ပြီး မိမိတို့၏ ပြောဆိုနိုင်စွမ်းကို အသုံးပြု၍ အကြီးအကျယ် “တရားဟော” ကာ “ဘုရားသခင်၏ နာမည်ကောင်း” ကို ဝါကြွားနေကြသည်။ ထိုသို့ဖြစ်နေစဉ်တွင် သူတို့၏ ကိုယ်ပိုင်ဝင်ရောက်မှုသည် အန္တရာယ်နှင့် ကြုံနိုင်သည့် အခြေအနေ၌ ရှိနေပြီး လက်ရှိအချိန်၌ ဖန်ဆင်းခံအရာများသည် ဘုရားသခင်နှင့် ဝေးကွာနေသလို သူတို့သည် ဘုရားသခင်၏ သတ်မှတ်ချက်များနှင့် ဝေးကွာနေသည်ဟု ထင်ရသည်။ ဘုရားသခင်၏ အလုပ်ကို လုပ်ရန် မည်မျှလွယ်ကူပါသနည်း။ လူတို့သည် မိမိတို့အသက်တာ၏ တစ်ဝက်ကို လွန်ခဲ့သည့်နေ့တွင် ထားခဲ့ပြီး ကျန်တစ်ဝက်ကို ယနေ့သို့ ယူဆောင်လာရန်၊ တစ်ဝက်ကို စာတန်ထံသို့ ပေးပြီး ကျန်တစ်ဝက်ကို ဘုရားသခင်ထံ ဆက်သရန် စိတ်ပိုင်းဖြတ်ထားကြပြီးသားဖြစ်သည်ဟု ထင်ရသည်။ ထိုသို့ လုပ်ဆောင်ခြင်းသည် သူတို့၏ ဩတ္တပ္ပစိတ်ကို ဖြေသိမ့်ပြီး စိတ်သက်သာမှုတစ်မျိုးမျိုးကို ခံစားရရန်အတွက် တစ်ခုတည်းသော နည်းလမ်းဖြစ်သကဲ့သို့ ပြုမူကြသည်။ လူတို့၏ အတွင်းစိတ်ထဲ၌ ရှိသော ကမ္ဘာသည် တဖြည်းဖြည်း မသိမသာနှင့် အန္တရာယ် အလွန်ကြီးလာပြီး သူတို့သည် မနက်ဖြန်နေ့ကိုသာမက လွန်ခဲ့သည့် နေ့ကိုလည်း ဆုံးရှုံးမှာ ကြောက်ကြသည်၊ စာတန်နှင့် ယနေ့ကာလ၏ ဘုရားသခင်ကို စော်ကားမိမှာလည်း အလွန်အမင်း ကြောက်ကြသည်။ ယနေ့ခေတ် ဘုရားသခင်သည် သူတို့၏ မျက်စိထဲ၌ ဘုရားသခင်လည်း ဖြစ်သည်၊ ဘုရားသခင်လည်း မဖြစ်သေးဟု ထင်ရသည်။ လူတို့သည် ၎င်းတို့၏ အတွေးအခေါ်နှင့် အကျင့်စာရိတ္တကို ကောင်းကောင်းမွန်မွန် ပြုစုပျိုးထောင်ခြင်း မရှိကြသောကြောင့် သူတို့၌ ထိုးထွင်းနားလည်နိုင်စွမ်း အထူးတလည် ကင်းမဲ့နေကြပြီး ယနေ့ခေတ်၌ တွေ့ရသော အလုပ်သည် ဘုရားသခင်၏ အလုပ် ဟုတ်၏၊ မဟုတ်၏ကို လုံးဝမပြောနိုင်ကြ။ ထိုသို့ဖြစ်သည်မှာ လူတို့၏ ရှေးကျပြီး အယူသီးသည့် အတွေးအခေါ်သည် အလွန်အရိုးစွဲနေသောကြောင့် သူတို့သည် အယူသီးမှုများနှင့် သမ္မာတရားကိုသာမက ဘုရားသခင်နှင့် ရုပ်တု၊ ဆင်းတုများကို အမျိုးအစားတစ်မျိုးတည်း အဖြစ် သတ်မှတ်လာခဲ့ကြပြီး ထိုအရာများကို ခွဲခွဲခြားခြား သတ်မှတ်ဖို့လည်း စိတ်မဝင်စားကြသောကြောင့် ဖြစ်နိုင်သည်။ ထို့အပြင် သူတို့သည့် သူတို့၏ ဦးနှောက်များ ပျက်သည်အထိ စဉ်းစားပြီးသည့်တိုင် ရှင်းရှင်းလင်းလင်း ခွဲခြားနိုင်စွမ်းမရှိသေးဟု ထင်ရသည်။ ထို့ကြောင့် လူသားများသည် သူတို့သွားနေသည့် လမ်းပေါ်၌ ရပ်ကာ ရှေ့ဆက်မသွားကြတော့ခြင်းဖြစ်သည်။ ဤပြဿနာများအားလုံး ဖြစ်ပေါ်လာခြင်းမှာ လူတို့သည် အတွေးအခေါ် အယူဝါဒနှင့် ပတ်သက်လျှင် မှန်သော ပညာရေးအမျိုးအစားကို မရရှိခဲ့ကြသောကြောင့် ဖြစ်ပြီး ထိုသို့ဖြစ်ခြင်းကြောင့် သူတို့၏ ဝင်ရောက်မှု၌ ကြီးမားသော အခက်အခဲများနှင့် ကြုံရသည်။ အကျိုးဆက်အနေနှင့် လူတို့သည် စစ်မှန်သော ဘုရားသခင်၏ အလုပ်ကို မည်သည့်အခါ၌မျှ စိတ်မဝင်စားကြပေ၊ လူ့လုပ်ရပ်၏ (ထူးချွန်သော ပုဂ္ဂိုလ်များဟု သူတို့မြင်သည့်သူများ) တံဆိပ်ခတ်ခံထားရသလို ထိုအရာကိုသာ ဇွဲရှိရှိ ဖက်တွယ်ထားကြသည်။ ဤအကြောင်းအရာများသည် လူသားများ ဝင်ရောက်သင့်သည့် နောက်ဆုံးပေါ် အကြောင်းအရာများဖြစ်သည် မဟုတ်လော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အမှုတော်နှင့် ဝင်ရောက်ခြင်း (၃)” မှ

အောက်ခြေမှတ်စု(များ)-

၁။ “ဇွဲရှိရှိ ဖက်တွယ်ထားကြသည်” ဟူသည့်စကားကို သရော်သည့် ပုံစံဖြင့် အသုံးပြုထားခြင်းဖြစ်သည်။ ဤစကားစုက “လူတို့သည် ခေါင်းမာပြီး ထိန်းဖို့ခက်သည်၊ ခေတ်နောက်ကျနေသည့် အရာများကို စွဲကိုင်ထားကြပြီး လက်မလွှတ်လိုကြ” ဟူသည့် အဓိပ္ပာယ်ကို ရည်ညွှန်းသည်။

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၁၀)

နှစ်ထောင်ပေါင်း အချို့၏ ရှေးဟောင်းယဉ်ကျေးမှုနှင့် သမိုင်းနှင့် ပတ်သက်သည့် အသိပညာသည် သူ၏အတွေးအခေါ်၊ အယူအဆများနှင့် စိတ်နေစိတ်ထားတို့ကို သြဇာမသက်ရောက် နိုင်အောင်နှင့် ဘက်တီးရီးယားပိုးဖြင့် မဆွေးမြည့်မပျက်စီးစေနိုင်အောင် တင်းကျပ်စွာ ပိတ်ဆီးထား ခဲ့သည်။ နောက်တစ်ဖန် အလင်းကို မမြင်တွေ့စိမ့်သောငှာ မြေအောက် အကျဉ်းတိုက်များထဲသို့ ဘုရားသခင်၏ နှင်ထုတ်ခြင်းကို ၎င်းတို့သည် ခံခဲ့ရသည့်အလား လူများသည် ငရဲ၏ ဆယ့်ရှစ်ခုမြောက် သံသရာထဲ၌ နေထိုင်သည်။ ကံကျွေးချစနစ်ဆိုင်ရာ အတွေးအခေါ်သည် လူသားကို အသက် မနည်းရှူနေရပြီး မွန်းကျပ်စေသည်အထိ ဖိနှိပ်ထားသည်။ ၎င်းတို့တွင် ခုခံခြင်းငှာ ခွန်အား စိုးစဉ်းမျှပင် မရှိဘဲ ဆိတ်ငြိမ်စွာပင် သည်းခံပြီးရင်း သည်းခံနေရသည်။...မည်သူကမျှ ဖြောင့်မတ်ခြင်းနှင့် တရားမျှတမှုအတွက် ရပ်တည်ရန် သို့မဟုတ် တိုက်ခိုက်ရန် လုံးဝမဝံ့ရဲကြ၊ လူတို့သည် ကံကျွေးချစနစ်ဆိုင်ရာ ကိုယ်ကျင့်တရား၏ ထိုးနှက်မှုနှင့် မတရားဖိနှိပ်မှုတို့အောက်၌ တိရစ္ဆာန်တစ်ကောင်ထက်ပင် ပိုဆိုးသော အသက်တာကို တစ်နေ့ပြီးတစ်နေ့၊ တစ်နှစ်ပြီးတစ်နှစ်၊ ရှင်သန်နေကြသည်။ လူသားသည် ကမ္ဘာမြေကြီးပေါ်၌ ပျော်ရွှင်မှုကို ခံစားနိုင်ရန် ဘုရားသခင်ကို ရှာဖွေခြင်းငှာ မည်သည့်အခါမှ မတွေးတောခဲ့ပေ။ လူသားသည် ညှိုးခြောက်ကာ ညိုတူးနေသော ဆောင်းဦး ရွက်ကြွေများကဲ့သို့ နေခြစ်ခြစ်တောက်ပူသည့်ဒဏ်ကို ခံခဲ့ရသည့် အလားပင်ဖြစ်သည်။ ကြာမြင့်စွာကတည်းက လူသားသည် ၎င်းတို့၏မှတ်ဉာဏ်ကို ဆုံးရှုံးသွားပြီး ငရဲနှင့်အတူ ပျက်စီးသွား စိမ့်သောငှာ နောက်ဆုံးသောကာလ၏ ကြွလာခြင်းကိုစောင့်ရင်းနှင့် လူ့လောကဟူသော အမည်နှင့် ငရဲထဲတွင် ခိုကိုးရာမဲ့စွာ နေထိုင်သည်မှာ ၎င်းတို့ တောင့်တသည့် နောက်ဆုံးသောကာလ သည် အေးလူသော ငြိမ်သက်ခြင်းကို ၎င်းတို့ခံစားရမည့် နေ့ဖြစ်လေသည့်အလား ဖြစ်တော့သည်။ လူသားသည် ခုခံရန် သာ၍ပင် မစွမ်းနိုင် ဖြစ်စေရန် ကံကျွေးချစနစ်ဆိုင်ရာ ကျင့်ဝတ်များသည် လူသား၏ အသက်တာကို “မရဏာနိုင်ငံ” သို့ ယူဆောင်သွားခဲ့သည်။ အမျိုးမျိုးသော ဖိနှိပ်မှုများသည် လူသားကို မရဏထဲသို့ သာ၍နက်ရှိုင်းစွာ တဖြည်းဖြည်းနှင့် ကျဆင်းသွား စေပြီး ဘုရားသခင်ထံမှ ဝေးကွာသွားစေသည်။ ယခုတွင်မူ ဘုရားသခင်သည် လူသားနှင့် သူစိမ်းလုံးလုံးပင် ဖြစ်သွားပြီး သူတို့ဆုံတွေ့ကြသောအခါ လူသားသည် သူ့ကို လျင်မြန်စွာ ရှောင်ရှား၏။ လူသားသည် ဘုရားသခင်ကို တစ်ခါမှ မသိဖူး သို့မဟုတ် မတွေ့ဖူးသည့်အလား သူ့ကို အရေးမစိုက်ဘဲ ပယ်ထားသည်။ သို့သော်လည်း ဘုရားသခင်သည် လူ့အသက်တာ၏ ရှည်လျားသော ခရီးလမ်း တစ်လျှောက်လုံးတွင် လူသားအတွက် စောင့်ဆိုင်းနေခဲ့ပြီး၊ သူ၏မချုပ်တည်းနိုင်သော အမျက်ဒေါသကို ၎င်းထံ ကျရောက်စေခဲ့ခြင်း လုံးဝမရှိခဲ့။ လူသားသည် နောင်တရရန်နှင့် အသစ်တဖန် စတင်ရန်သာ သူသည် စကားတစ်လုံးမျှ မဟဘဲ တိတ်ဆိတ်စွာ စောင့်ဆိုင်းနေခဲ့သည်။ ရှေးကာလ၌ ဘုရားသခင်သည် လူ့လောကသို့ ကြွလာခဲ့ပြီး လူသားကဲ့သို့ တူညီသောဆင်းရဲဒုက္ခကို ကြံ့ကြံ့ခံခဲ့သည်။ လူသားနှင့်အတူ နှစ်ပေါင်းများစွာတိုင် သူနေထိုင်ခဲ့ပြီး မည်သူကမျှ သူ၏ တည်ရှိမှုကို မသိရှိခဲ့ကြ။ ဘုရားသခင်သည် သူကိုယ်တိုင် ယူဆောင်လာသည့် အလုပ်ကို လုပ်ဆောင်နေရင်းနှင့် လူ့လောကထဲရှိ ယုတ်ညံ့ခြင်း၏ ဝေဒနာကို ဆိတ်ငြိမ်စွာ ကြံ့ကြံ့ခံနေခဲ့သည်။ ခမည်းတော် ဘုရားသခင်၏ အလိုတော်နှင့် လူသားမျိုးနွယ်၏ လိုအပ်ချက်များအတွက် သူသည် လူသားတို့ ယခင်တစ်ခါမျှ မကြုံတွေ့ မခံစားဖူးသည့် ဆင်းရဲဒုက္ခများကို ခံစားရင်း ဆက်လက် ကြံ့ကြံ့ခံခဲ့သည်။ ခမည်းတော် ဘုရားသခင်၏ အလိုနှင့် လူသားမျိုးနွယ်၏ လိုအပ်ချက်များအတွက် သူသည် လူသားရှေ့မှောက်တွင် တိတ်ဆိတ်စွာနှင့် လူသားတို့ကို အစေခံခဲ့ပြီး မိမိကိုယ်မိမိ နှိမ့်ချခဲ့သည်။ ရှေးဟောင်းယဉ်ကျေးမှုနှင့် ပတ်သက်သည့် အသိပညာသည် လူသားကို ဘုရားသခင်၏ မျက်မှောက်မှ ခိုးယူသွားခဲ့ပြီး လူသားကို မာရ်နတ်တို့၏ ရှင်ဘုရင်နှင့် ၎င်း၏ သားများထံ လွှဲအပ်ခဲ့သည်။ စာအုပ်လေးအုပ်နှင့် ဂန္တဝင်ကျမ်းငါးကျမ်းက တို့သည် လူသား၏ အတွေးအခေါ်နှင့် အယူအဆတို့ကို အခြားသော ပုန်ကန်ခြင်းခေတ်ထဲသို့ ဆောင်ယူသွားပြီး ထိုစာအုပ်များနှင့် ဂန္တဝင်ကျမ်းတို့ကို ရေးခဲ့သော သူများကို တိုး၍ကိုးကွယ်စေကာ ဘုရားသခင်နှင့် ပတ်သက်သည့် လူသားတို့၏ အယူအဆများကို တိုးစေခဲ့သည်။ မာရ်နတ်တို့၏ ရှင်ဘုရင်သည် လူသား၏ နှလုံးသားကို အားရဝမ်းသာ သိမ်းပိုက်နေစဉ် ၎င်းသည် အကြင်နာမဲ့စွာဖြင့် ဘုရားသခင်ကို လူသား၏ နှလုံးသားထဲမှ လူသားတို့ သတိပြုမိခြင်း မရှိဘဲနှင့် ပထုတ်ပစ်ခဲ့သည်။ ထိုအချိန်မှစ၍ လူသားသည် မာရ်နတ်တို့ ရှင်ဘုရင်၏ မျက်နှာရှိသည့် အကျည်းတန်ကာ ကောက်ကျစ်သော စိတ်ဝိညာဉ်ကို ပိုင်ဆိုင်ခဲ့၏။ ဘုရားသခင်ကို မုန်းတီးခြင်းသည် ၎င်းတို့၏ ရင်ဘတ်များကို ဖြည့်လေပြီး မာရ်နတ်တို့ ရှင်ဘုရင်၏ မလိုမုန်းထားမှုသည် လူသားအထဲ၌ တစ်နေ့ပြီးတစ်နေ့ ပျံ့နှံ့သည်မှာ လူသားသည် လုံးဝဥဿုံ ဝါးမြိုခံခဲ့ရသည်အထိ ဖြစ်သည်။ လူသားသည် လွတ်လပ်မှု အနည်းငယ်မျှ မရှိတော့ဘဲ မာရ်နတ်တို့၏ ရှင်ဘုရင်၏ ချုပ်နှောင်မှုများမှ လွတ်မြောက်ရန် နည်းလမ်း လုံးဝ မရှိတော့။ လူသားသည် ထိုနေရာတွင်ပင် အဖမ်းခံရပြီး၊ ၎င်း၏ မျက်မှောက်တွင် ဆက်ကပ်အပ်နှံခြင်းဖြင့် ပြိုလဲကျရုံမှလွဲပြီး ရွေးချယ်စရာ မရှိတော့ပေ။ ကြာမြင့်စွာသောအချိန်က လူသား၏ စိတ်နှလုံးနှင့် စိတ်ဝိညာဉ်တို့သည် မွေးကင်းစအနေအထားတွင်သာ ရှိဆဲဖြစ်ကာ၊ မာရ်နတ်တို့၏ ရှင်ဘုရင်သည် ထိုအတွင်းထဲ၌ ဘုရားမဲ့ဝါဒီဟူသော အကျိတ်၏ အစေ့ကို ပျိုးချခဲ့ပြီး လူသားကို “သိပ္ပံနှင့် နည်းပညာကို သင်ယူခြင်း၊ ခေတ်မီရေးလေးချက်ကို အကောင်အထည်ဖော်ခြင်း၊ လောကကြီး၌ ဘုရားသခင်ဟူသည် မရှိ” စသည်ကဲ့သို့သော ယုတ္တိအမှားများကို သွန်သင်သည်။ ထိုမျှ သာမကဘဲ အားလုံးကို မိမိနိုင်ငံအတွက် အမှုထမ်းရန် ကလေးဘဝတည်းမှ အသင့်ရှိနေရန် တောင်းဆိုလျက် ၎င်းသည် “ကျွန်ုပ်တို့၏ ဝီရိယရှိသော အားထုတ်မှု မှတစ်ဆင့် လှပသော ဇာတိမြေကို တည်ဆောက်ကြပါစို့” ဟုလည်း ထပ်ဖန်တလဲလဲ ကြွေးကြော်ခဲ့သည်။ လူသားသည် မရည်ရွယ်ပါဘဲနှင့် ၎င်း၏ရှေ့မှောက်သို့ ယူဆောင်ခြင်း ခံရပြီး (ဘုရားသခင်သည် လူသားမျိုးနွယ် အားလုံးကို သူ၏ လက်တော်ထဲ၌ ကိုင်ထားခြင်းကို ရည်ညွှန်းလျက်) ၎င်းသည် မဆိုင်းမတွပင် မိမိကိုယ်ကိုယ် ဂုဏ်တင်ခဲ့လေသည်။ ၎င်းသည် တစ်ကြိမ်တစ်ခါမျှပင် မရှက်ခဲ့ဖူး သို့မဟုတ် အရှက်တရား မရှိခဲ့ပေ။ ထို့အပြင် ၎င်းသည် ဘုရားသခင်၏ လူတို့ကို ၎င်း၏အိမ်ထဲသို့ အရှက်မရှိ ဖမ်းသွားချုပ်ထားပြီး မိမိမှာမူ စားပွဲပေါ်သို့ ကြွက်တစ်ကောင် လေအလား ခုန်တက်ကာ မိမိအား ဘုရားသခင်အဖြစ် လူသားကို ကိုးကွယ် စေလေသည်။ ၎င်းသည် ထင်ရာစိုင်း ရမ်းကားသူပင် ဖြစ်တော့သည်။ ၎င်းသည် “လောကကြီး၌ ဘုရားသခင် ဟူသည် မရှိ။ လေသည် သဘာဝနိယာမများကြောင့် ဖြစ်သည်၊ မိုးသည် ရေငွေ့ဖွဲ့၍ မိုးစက်များအဖြစ် ကမ္ဘာမြေကြီးသို့ ကျလာသော အစက်များပင် ဖြစ်သည်၊ မြေငလျင်ဆိုသည်မှာ ဘူမိဗေဒဆိုင်ရာ ပြောင်းလဲခြင်းများ ကြောင့် ကမ္ဘာ့မျက်နှာပြင် တုန်ခါခြင်း ဖြစ်သည်၊ မိုးခေါင်ခြင်း ဆိုသည်မှာ နေမင်း၏ မျက်နှာပြင်ပေါ်၌ အဏုမြူ ဒြပ်မှုန်များ ပြိုကွဲပျက်စီးမှုကြောင့် ဖြစ်ပေါ်လာသော လေထုထဲရှိ ခြောက်သွေ့မှုကြောင့် ဖြစ်သည်။ ထိုအရာများမှာ သဘာဝ ဖြစ်စဉ်များ ဖြစ်သည်။ အဘယ်အပိုင်းသည် ဘုရားသခင်၏ လုပ်ဆောင်ချက် ဖြစ်သနည်း၊” ဟူသည့် တုန်လှုပ်ဖွယ် မကောင်းသတင်းများကို ဟစ်ကြော်လေသည်။ ၎င်းသည် “လူသားမှာ ရှေးမျောက်ဝံများမှ ဆင်းသက်လာပြီး ယနေ့ လောကကြီးသည် လွန်ခဲ့သော နှစ်ပေါင်း ကုဋေတစ်ရာခန့်က ရှေးကျသော လူ့အဖွဲ့အစည်းတစ်ခုမှ အဆင့်ဆင့် ပြောင်းလဲ လာခဲ့ခြင်း ဖြစ်သည်။ နိုင်ငံတစ်နိုင်ငံ တိုးတက်ကြီးပွားသည် သို့မဟုတ် ကျရှုံးသည် ဆိုခြင်းမှာ ထိုနိုင်ငံ၏ ပြည်သူများ လက်ထဲတွင် မူတည်သည်၊” ဟူသော အရှက်မဲ့သည့် ထုတ်ပြန်ချက်များကိုပင် ကြွေးကြော်သည်။ နောက်ဘက်တွင် ၎င်းသည် လူသားကို ၎င်းအား နံရံများပေါ်၌ ဇောက်ထိုး ချိတ်ဆွဲစေပြီး ဌာပနာထားရန်နှင့် ကိုးကွယ်ခြင်းခံရရန် စားပွဲများပေါ် တင်စေသည်။ “ဘုရားသခင် မရှိ” ဟု ၎င်းက ဟစ်အော် နေစဉ်၊ ၎င်းသည် ၎င်းကိုယ်၎င်း ဘုရားအဖြစ် မှတ်ယူပြီး ဘုရားသခင်ကို ကမ္ဘာ၏ ပြင်ပသို့ မဆုတ်မနစ် တွန်းထုတ်နေသည်။ ၎င်းသည် ဘုရားသခင်၏ နေရာ၌ အစားဝင်ပြီး မာရ်နတ်တို့၏ ရှင်ဘုရင်အဖြစ် ပြုမူသည်။ လုံးဝ ရယ်ဖွယ်ရာပင် ကောင်းတော့သည်။ ၎င်းသည် လူတစ်ယောက်ကို အဆိပ်ရှိသော အမုန်းတရား၏ ဝါးမျိုခြင်းကို ခံရစေသည်။ ဘုရားသခင်သည် ၎င်း၏ ထာ၀ရရန်သူဖြစ်ပြီး ဘုရားသခင်သည် ၎င်းနှင့် ကျေအေး၍မရနိုင်သည့် ပုံပေါ်သည်။ ၎င်းသည် အပြစ်ဒဏ်ပေးခြင်း မခံရသေးဘဲ လွတ်နေဆဲရှိစဉ် ၎င်းသည် ဘုရားသခင်ကို နှင်ထုတ်ရန် ကျိတ်ကြံလေသည်။ ၎င်းမှာ ထိုသို့သော မာရ်နတ်တို့၏ ရှင်ဘုရင်ပင် ဖြစ်တော့သည်။ ငါတို့သည် ၎င်း၏ တည်ရှိမှုကို အဘယ်သို့ သည်းခံနိုင်မည်နည်း။ ဘုရားသခင်၏ အလုပ်ကို နှောင့်ယှက်ပြီး ထိုအလုပ်ကို ပျက်စီး၍ လုံးလုံး ဖရိုဖရဲ မဖြစ်မချင်း ၎င်းသည် အနားယူမည်မဟုတ်သည်မှာ ၎င်းသည် ငါးသေလျှင်သေ သို့မဟုတ် ကွန်ပျက်လျှင်ပျက်၊ ဘုရားသခင်ကို အဆုံးတိုင်အောင် ဆန့်ကျင်လိုသည့် အလားဖြစ်သည်။ ၎င်းသည် ဘုရားသခင်ကို တမင်တကာ ဆန့်ကျင်ပြီး သာ၍ပင် ချဉ်းကပ်သည်။ ၎င်း၏ မသတီစရာ မျက်နှာသည် ကြာမြင့်စွာကတည်းက လုံးလုံးလျားလျား ဖော်ထုတ်ခြင်း ခံခဲ့ရပြီး ယခုတွင်မူ ပွန်းပဲ့လျက်၊ ပျက်စီးယိုယွင်းလျက် ရှိပြီး ဆိုးရွားသည့် အတိဒုက္ခထဲ၌ ရှိနေသော်လည်း ၎င်းသည် ဘုရားသခင်အပေါ် မိမိ၏ မုန်းတီးခြင်းကိုမူ စိတ်လျှော့ခြင်းမရှိသည်မှာ ၎င်းသည် မိမိ၏ နှလုံးသားထဲမှ မုန်းတီးခြင်းကို ဖြေလျှော့နိုင်ရန် ဘုရားသခင်ကို တစ်ကိုက်တည်းနှင့် လုံးလုံးလျားလျား ဝါးမျိုနိုင်ရန် အလိုရှိသည့်အလား ဖြစ်သည်။ ဘုရားသခင်၏ ဤမုန်းတီးဖွယ် ရန်သူဖြစ်သည့် ၎င်းကို ငါတို့သည် မည်သို့လျှင် သည်းခံနိုင် မည်နည်း။ ၎င်းကို အမြစ်ဖြတ် ချေမှုန်းခြင်းနှင့် လုံးလုံးလျားလျား သုတ်သင်ခြင်းသာလျှင် ငါတို့အသက်တာ၏ လိုအင်ကို ​အကောင်အထည်ပေါ်စေလိမ့်မည်။ ၎င်းသည် မည်သို့လျှင် သောင်းကျန်းပြေးလွှားနေခွင့်ကို ရနေသနည်း။ လူသားမှာ ကောင်းကင်နေမင်းကိုပင် မသိတော့ဘဲ ထုံတေထိုင်းမှိုင်းလာသည့် အတိုင်းအတာအထိ ၎င်းသည် လူသားကို ယိုယွင်းဖျက်ဆီးခဲ့သည်။ လူသားသည် ပုံမှန် လူ့ဆင်ခြင်တုံတရားကို ဆုံးရှုံးသွားလေပြီ။ ကျန်ရှိနေသော အန္တရာယ်ကို ကြောက်ရွံ့မှုအား ရှင်းရှင်းသုတ်သင်ရန်နှင့် ဘုရားသခင်၏ အမှုကို မကြုံစဖူးသော ခံညားထည်ဝါမှုသို့ သာ၍ဆောလျင်စွာ ရောက်ရှိစေခွင့်ပြုရန် အတွက် ၎င်းကို ဖျက်ဆီးရန်နှင့် မီးရှို့ရန် ငါတို့သည် ငါတို့၏ ဖြစ်တည်ခြင်း တစ်ခုလုံးကို အဘယ်ကြောင့် မပူဇော်မဆက်ကပ်ကြ သနည်း။ ဤလူယုတ်မာ အုပ်စုသည် လူသားတို့ အကြား ရောက်လာပြီး အကြွင်းမဲ့ ဆူပူမှုနှင့် ဝရုန်းသုန်းကား အခြေအနေကို ဖြစ်ပေါ်စေ ခဲ့သည်။ ၎င်းတို့သည် လူသားအားလုံးကို ချောက်ကမ်းပါး အစွန်းသို့ ခေါ်ဆောင်လာခဲ့ပြီး လူသားတို့ကို အစိတ်စိတ် အမွှာမွှာကွဲသွား စိမ့်သောငှာ တွန်းချရန်နှင့် လူသားတို့၏ အလောင်းကောင်များကို ဝါးမျိုရန် တိတ်တဆိတ် ကြံစည်နေသည်။ ၎င်းတို့သည် ဘုရားသခင်၏ အစီအစဉ်ကို ဖြိုခွဲရန်နှင့် နိုင်ချေမရှိသည့် လောင်းကစားကို ဘုရားသခင်နှင့် ယှဉ်ပြိုင်ရန် အချည်းနှီး မျှော်လင့်လေသည်။ ဤသည်မှာ လုံးဝလွယ်ကူသည် မဟုတ်ချေ။ အယုတ်မာဆုံးသော ပြစ်မှုများကို ကျူးလွန်သည့် မာရ်နတ်တို့၏ ရှင်ဘုရင်အတွက် ကားတိုင်သည် စင်စစ်ပင် ပြင်ဆင်ထားပြီး လေပြီ။ ဘုရားသခင်သည် လက်ဝါးကပ်တိုင်နှင့် မသက်ဆိုင်ဘဲ ထိုကားတိုင်ကို မာရ်နတ်အတွက် ချန်ထားခဲ့ပြီး ဖြစ်သည်။ ဘုရားသခင်သည် ကြာမြင့်စွာကတည်းက အောင်ပွဲခံလျက် ထွက်ပေါ်ခဲ့ပြီး လူသားမျိုးနွယ်၏ အပြစ်များအတွက် ပူဆွေးခြင်းကို ခံစားခြင်း မရှိတော့။ သူသည် လူသားမျိုးနွယ် အားလုံးထံ ကယ်တင်ခြင်းကို ဆောင်ယူလာမည် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အမှုတော်နှင့် ဝင်ရောက်ခြင်း (၇)” မှ

အောက်ခြေမှတ်စု(များ)-

၁။ “ဘက်တီးရီးယားပိုးဖြင့် မဆွေးမြည့်မပျက်စီးစေနိုင်အောင်” ကို ဤနေရာတွင် သရော်သည့်စကား ရည်ရွယ်သည်။ လူတို့သည် မိမိတို့၏ အသိပညာ၊ ယဉ်ကျေးမှုနှင့် ဝိညာဉ်ရေးရာ အမြင်များ တင်းကျပ်လွန်းသည်ကို ဆိုလိုသည်။

၂။ “အပြစ်ဒဏ်ပေးခြင်း မခံရသေးဘဲ လွတ်နေဆဲရှိ” ဆိုသည်မှာ နတ်ဆိုးက ဒေါသပေါက်ကွဲပြီး လျှောက်ရမ်းသည်ကို ဖော်ညွှန်းပါသည်။

၃။ “လုံးလုံး ဖရိုဖရဲ” ဆိုသည်မှာ မာရ်နတ်၏ ကြမ်းကြုတ်သော အပြုအမူသည် သည်းမခံနိုင်လောက်အောင်ပင် ဖြစ်ပုံကို ရည်ညွှန်းသည်။

၄။ “ပွန်းပဲ့လျက်၊ ပျက်စီးယိုယွင်းလျက်” ဆိုသည်မှာ မာရ်နတ်တို့၏ရှင်ဘုရင်၏ အကျည်းတန်သော မျက်နှာကို ရည်ညွှန်းသည်။

၅။ “နိုင်ချေမရှိသည့် လောင်းကစား” ဆိုသည်မှာ မာရ်နတ်၏ စဉ်းလဲ၍ မကောင်းသော အကြံ အစည်များကို တင်စားပြောဆိုခြင်း ဖြစ်သည်။ ဤစကားစုကို သရော်သည့်သဘောနှင့် သုံးထားသည်။

က။ စာအုပ်လေးအုပ်နှင့် ဂန္တဝင်ကျမ်းငါးကျမ်းတို့သည် တရုတ်နိုင်ငံတွင် ကွန်ဖြူးရှပ်ဝါဒ၏ ခိုင်လုံသော စာအုပ်များဖြစ်သည်။

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၁၁)

ထိပ်ဖျားမှ အောက်ခြေအထိနှင့် အစအဦးမှ နိဂုံးအဆုံးအထိ စာတန်သည် ဘုရားသခင်၏ အလုပ်ကို နှောင့်ယှက်နေခဲ့ပြီး ဘုရားသခင်နှင့် စိတ်သဘောထား ဆန့်ကျင်စွာ ပြုမူနေခဲ့သည်။ ရှေးဟောင်း ယဉ်ကျေးမှုဆိုင်ရာ အမွေအနှစ်နှင့် ပတ်သက်သည့် ပြောဆိုဆွေးနွေးခြင်း၊ ရှေးဟောင်းယဉ်ကျေးမှု၏ အဖိုးထိုက်သော အသိပညာ၊ တာအိုဝါဒနှင့် ကွန်ဖြူးရှပ်ဝါဒတို့၏ အဆုံးအမများနှင့် ကွန်ဖြူးရှပ်ဝါဒ၏ ဂန္တဝင် ကျမ်းများနှင့် ကံကျွေးချ စနစ်ဆန်သော ထုံးတမ်းများ အားလုံးတို့သည် လူသားကို ငရဲထဲသို့ ဆွဲယူသွားသည်။ မျက်မှောက်ခေတ် အဆင့်မြင့် သိပ္ပံပညာနှင့် နည်းပညာတို့အပြင် တိုးတက်သော စက်မှုလုပ်ငန်း၊ စိုက်ပျိုးမွေးမြူရေးနှင့် ကူးသန်းရောင်းဝယ်ရေးတို့သည်လည်း မည်သည့်နေရာမှာမှ ရှာမတွေ့နိုင်။ ယင်းအစား ဘုရားသခင်၏ အလုပ်ကို တမင်တကာ နှောင့်ယှက်ရန်၊ ဆန့်ကျင်ရန်နှင့် ဖျက်ဆီးရန်အလို့ငှာ ရှေး “မျောက်ဝံများ” မှ ပြန့်ပွားစေခဲ့သည့် ကံကျွေးချစနစ်ဆိုင်ရာ ထုံးတမ်းများ သက်သက်ကိုသာ အသားပေး သည်။ ၎င်းသည် လူသားကို ယနေ့ထိတိုင် နှိပ်စက်ခဲ့သည်သာမကဘဲ ၎င်းသည် လူသားကို လုံးလုံးလျားလျား ဝါးမျိုခြင်းငှာ ဆန္ဒရှိသည်။ ကံကျွေးချစနစ်ဆိုင်ရာ ကျင့်ဝတ်များကို သင်ကြားခြင်းနှင့် ရှေးဟောင်း ယဉ်ကျေးမှု၏ အသိပညာကို လက်ဆင့်ကမ်းခြင်းတို့သည် လူသားကို ကြာရှည်စွာ ကူးစက်စွဲကပ် နေခဲ့ပြီး လူသားကို မာရ်နတ် အကြီးနှင့် အသေးများအဖြစ်သို့ ပြောင်းလဲခဲ့သည်။ ဘုရားသခင်ကို မဆိုင်းမတွ လက်ခံပြီး ဘုရားသခင်၏ ကြွလာခြင်းကို အထူးအားရရွှင်လန်းစွာနှင့် ကြိုဆိုကြမည့် လူအနည်းငယ်သာ ရှိသည်။ လူသား၏ မျက်နှာသည် လူသတ်မှုနှင့် ပြည့်နှက်နေပြီး အရပ်ခပ်သိမ်း၌ မရဏ တရားသည် လေထုထဲတွင် ပျံ့နှံ့နေသည်။ ၎င်းတို့သည် ဘုရားသခင်ကို ဤကုန်းမြေမှ နှင်ထုတ်ရန် ကြိုးစား ကြသည်၊ လက်ထဲတွင် ဓားမြောင်များနှင့် ဓားရှည်များနှင့်အတူ ၎င်းတို့သည် ဘုရားသခင်ကို သုတ်သင် ပယ်ရှင်းရန်အလို့ငှာ မိမိတို့ကိုယ်မိမိ စစ်ခင်းကျင်းရန် စီစဉ်လေသည်။ ဘုရားသခင်မရှိဟု အစဉ်တစိုက်ပင် သွန်သင်ခြင်းခံရသော လူသားတို့နေရာ အရပ်ဖြစ်သည့် မာရ်နတ်၏ ကုန်းမြေတစ်လျှောက်တွင် ရုပ်တု ဆင်းတုများ ပျံ့နှံ့နေသည်။ ဤကုန်းမြေ၏ အထက်တွင် မီးလောင်နေသော စာရွက်များနှင့် အမွှေးနံ့သာတို့၏ ညှီစို့စို့အနံ့သည် စိမ့်ဝင်ပျံ့နှံ့နေပြီး ထိုအနံ့မှာ အလွန်ပင် ထူထဲလှသည့်အတွက် မွန်းကျပ်စေ၏။ မြွေသည် ရစ်လိမ်လျက် ခွေခေါက်သည့်အခါ ထောင်းခနဲထွက်လာသော အနည်အနှစ်တို့၏ အနံ့ဖြစ်ပုံရပြီး ၎င်းအနံ့သည် လူသားမှာ မပျို့အန်ဘဲ မနေနိုင်သည်အထိ ပြင်းထန်လှသည်။ ၎င်းအပြင် ဆိုးညစ်သော နတ်ဆိုးများသည် ကျမ်းစာများကို သံပြိုင်ရွတ်ဆို နေကြသည်ကို သဲ့သဲ့မျှကြားနိုင်ပေသည်။ ထိုအသံသည် ဝေးကွာ လှသော ငရဲမှ လာသည့်ပုံရပြီး လူသားသည် ကျောရိုးတစ်လျှောက် မအေးစိမ့်သွားဘဲ မနေနိုင်ပါ။ ဤကုန်းမြေတစ်လျှောက်၌ သက်တံ ရောင်စုံနှင့် ရုပ်တုဆင်းတုများသည် ပြန့်ကျဲနေပြီး၊ ယင်းသည် ကုန်းမြေတစ်ခုလုံးကို ကာမဂုဏ်ဖြင့် သာယာကြည်နူးဖွယ်ရာ လောကကြီးအဖြစ် ပြောင်းလဲ သွားစေကာ၊ ၎င်း၏ ဆိုးညစ်သော အကြံအစည်သည် အောင်မြင် သွားသည့် အလား မာရ်နတ်တို့၏ ရှင်ဘုရင်သည် ဆက်လက် ကောက်ကျစ်စွာ ရယ်မောနေလေသည်။ ထိုအချိန် အတောအတွင်း လူသားသည် ထိုအရာကို လုံးဝ သတိမထား မိသကဲ့သို့၊ မာရ်နတ်သည် လူသားကို အသိတရားမဲ့ပြီး အရေးနိမ့် လာသည့် အတိုင်းအတာထိတိုင် ယိုယွင်းဖျက်ဆီးခဲ့ပြီး ဖြစ်သည် ကိုလည်း မသိချေ။ ၎င်းသည် ဘုရားသခင်နှင့်ပတ်သက်သည့် အရာခပ်သိမ်းကို တစ်ချက်တည်းနှင့် ရှင်းလင်းသုတ်သင်ရန်၊ ဘုရားသခင်ကို နောက်တစ်ဖန် ဖျက်ဆီးရမ်းကားရန်နှင့် လုပ်ကြံသတ်ဖြတ်ရန် အလိုရှိပြီး၊ ဘုရားသခင်၏ အလုပ်ကို ဖြိုဖျက်ရန်နှင့် နှောင့်ယှက်ရန် ကြိုးပမ်း၏။ ၎င်းသည် ဘုရားသခင်အား အဆင့်အတန်း တစ်တန်းတည်း ဖြစ်ရန် အဘယ်သို့အခွင့်ပြုနိုင်ခဲ့သနည်း။ လူသားတို့အကြား အလုပ်ကို ဘုရားသခင်၏ “ကြားဝင်ဖက်ခြင်း” အား ၎င်းသည် အဘယ်သို့ သည်းခံနိုင်မည်နည်း။ ၎င်း၏မသတီစရာမျက်နှာကို ဖော်ထုတ်ရန် ဘုရားသခင်အား အဘယ်သို့နှင့် ခွင့်ပြုနိုင်ရသနည်း။ ၎င်း၏ အလုပ်ကို ဘုရားသခင်က နှောင့်ယှက်ရန် ၎င်းသည် အဘယ်သို့ နှင့် ခွင့်ပြုရသနည်း။ ဒေါသဖြင့် ယမ်းပုံမီးကျ ဖြစ်နေသော ဤမာရ်နတ်သည် ကမ္ဘာမြေကြီး ပေါ်ရှိ ၎င်း၏ အင်ပါယာ နန်းတော်ကို ဘုရားသခင်က ထိန်းချုပ်မှုရသွားစေရန် အဘယ်သို့နှင့် ခွင့်ပြုရသနည်း။ အဘယ်သို့နှင့် ၎င်းသည် အရှုံးကို လိုလိုလားလား ဝန်ခံသနည်း။ ၎င်း၏ မသတီစရာ အသွင်အပြင်သည် အဘယ်ရာဖြစ်သည်ကို ဖော်ထုတ်ခြင်းခံ ခဲ့ရသောကြောင့် ငိုရမလို ရယ်ရမလို ဖြစ်နေကာ ပြောဆိုဖို့ရန် ဧကန်ပင် အခက်တွေ့လှ၏။ ဤသည်မှာ ၎င်း၏ အနှစ်သာရပင် မဟုတ်လော။ အကျည်းတန်သော ဝိညာဉ်ရှိသော်လည်း ၎င်းသည် မယုံနိုင်လောက်အောင်ပင် ချောမောလှပသည်ဟု ၎င်းယုံကြည် နေဆဲရှိ၏။ ကြံရာပါများ ၏ ထိုအုပ်စုတို့။ ၎င်းတို့သည် အပျော်အပါး၌ မွေ့လျော်ရန်နှင့် ကစဉ့်ကလျားဖြစ်စေရန် သေမျိုးဖြစ်သော လူသား အကြား ဆင်းသက်လာသည်။ ၎င်းတို့၏ နှောင့်ယှက်မှုသည် လောကကြီးထဲ၌ ပြောင်းလဲလွယ်မှုကို ဖြစ်ပေါ်စေပြီး လူသား၏ နှလုံးသားထဲသို့ အကြောက်တရားကို ယူဆောင်လာကာ လူသားသည် မူလက သန့်ရှင်းသော လူသား၏ နောက်ဆုံးလက္ခဏာ အစအန ပျောက်ဆုံးသွားပြီး စားကျက်ကွင်း၏ အလွန်အမင်း အကျည်းတန်သော လူမဆန်သည့် သားရဲနှင့် သဏ္ဌာန်တူ သွားသည်အထိ ၎င်းတို့သည် လူသားကို လှည့်ဖြားခဲ့လေသည်။ ၎င်းတို့ သည် ကမ္ဘာမြေကြီးပေါ်၌ မင်းဆိုးမင်းညစ်များအဖြစ် အာဏာယူ ကြရန်ပင် ဆန္ဒရှိကြ၏။ ဘုရားသခင် ၏ အလုပ်သည် အရှေ့သို့တိုးရန် အနိုင်နိုင် ဖြစ်သွားစေရန် ၎င်းတို့သည် ဘုရားသခင်၏ အလုပ်ကို ဟန့်တားပြီး ကြေးနီနှင့် သံမဏိတံတိုင်းများဖြင့် တင်းကျပ်စွာ ပိတ်ဆို့ထားသည့်အလား လူသားကို ပိတ်ထား၏။ များစွာသော အပြစ်များကို ကျူးလွန်ခဲ့ပြီး များပြားလှသော ဒုက္ခ ဖြစ်ပွားစေခဲ့ပြီးနောက် ၎င်းတို့သည် ပြစ်တင် ဆုံးမခြင်းကို စောင့်မျှော်ရုံမှလွဲ၍ အခြားအဘယ်အရာကို မည်သို့လျှင် မျှော်လင့်နိုင်ပါမည်နည်း။ မာရ်နတ်များ နှင့် ဆိုးသွမ်းသော ဝိညာဉ်များသည် ကမ္ဘာမြေကြီးပေါ်၌ ဒေါသတကြီး လျှောက်ရမ်း နေခဲ့ပြီး ဘုရားသခင်၏ အလိုတော်နှင့် အပတ်တကုတ် လုံ့လစိုက်ထုတ်ခြင်းတို့ကို ပိတ်ပင်တားဆီးခဲ့ကာ ၎င်းတို့ကို မဖောက်ထွင်းနိုင်အောင် ပြုသည်။ သေထိုက်သော အပြစ်ပါ တကား။ ဘုရားသခင်သည် အဘယ်သို့လျှင် မစိုးရိမ်ဘဲနှင့် နေနိုင်မည်နည်း။ ဘုရားသခင်သည် အဘယ်သို့လျှင် အမျက်ဒေါသမထွက်ဘဲ နေနိုင်မည်နည်း။ ၎င်းတို့သည် ဘုရားသခင် ၏ အလုပ်ကို ဆန့်ကျင်ခြင်းနှင့် ကြီးလေးသော အဟန့်အတားကို ဖြစ်ပေါ် စေသည်။ အလွန်အမင်း ပုန်ကန်သည်တကား။ ထိုမာရ်နတ် အကြီးအငယ်တို့သည်ပင် သာ၍တန်ခိုးကြီးသော မာရ်နတ်၏ ခွန်အားကို မှီ၍ မောက်မာလာကြပြီး ခလောက်ဆန်ရန် စတင်တော့သည်။ ၎င်းတို့သည် သမ္မာတရားကို ရှင်းလင်းစွာ နားလည်သော်လည်း တမင်တကာ ခုခံကြ၏။ ပုန်ကန်ခြင်း၏ သားများပါတကား။ ၎င်းတို့၏ ငရဲဘုရင်သည် ယခု၌ မင်းမြောက်ပလ္လင်သို့ တက်ခဲ့ ပြီးဖြစ် သည့်အတွက် ၎င်းတို့သည် မာန်ဝင့်လာကြပြီး အခြားသူများ အားလုံးကို အထင်အမြင်သေးစွာ ဆက်ဆံသည့်အလား ဖြစ်သည်။ မည်မျှတို့သည် သမ္မာတရားကို ရှာဖွေ၍ ဖြောင့်မတ်ခြင်း တရားကို လိုက်လျှောက်သနည်း။ ၎င်းတို့ အားလုံးသည် ဝက်များနှင့် ခွေးများကဲ့သို့ သားရဲများ ဖြစ်ကြပြီး ၎င်းတို့၏ ဦးခေါင်းများကို လှုပ်ယမ်း၍ ကစဉ့်ကလျားဖြစ်မှုကို လှုံ့ဆော်ရန် နောက်ချေးပုံထဲသို့ နံဟောင်သော ယင်ကောင် တစ်အုပ်ကို ဦးဆောင်လေသည်။ ၎င်းတို့ကိုယ်တိုင်သည် နံစော်နေသော ယင်ကောင်များထက် မပိုသည်ကို မသိဘဲ၊ ၎င်းတို့၏ငရဲဘုရင်သည် ဘုရင်များထဲတွင် အသာလွန်ဆုံးသော ဘုရင်ဖြစ်သည်ဟု ၎င်းတို့ယုံကြည်ကြသည်။ ထိုမျှသာမကဘဲ ၎င်းတို့သည် မိမိတို့၏ မိဘများအဖြစ် ရှိနေကြသည့် ဝက်များနှင့် ခွေးများကို အားကိုး၍ ဘုရားသခင်၏ ဖြစ်တည်မှုနှင့် ပတ်သက်၍ သွားပုပ်လေလွင့် မှတ်ချက်များ ပြုကြသည်။ မှုန်မွှားသေးငယ်လှသော ထိုယင်ကောင်များအနေဖြင့် ၎င်းတို့သည် ၎င်းတို့၏ မိဘများကို သွားချွန်ထက်နေသော ဝေလငါးများ သမျှ ကြီးမားလှသည်ဟု တွေးထင်ကြသည်။ ၎င်းတို့သည် သေးကွေးလှသော်လည်း ၎င်းတို့၏ မိဘများမှာ ၎င်းတို့ထက် ကုဋေတစ်ရာမျှ သာ၍ ကြီးမားသော မသန့်ရှင်းသည့် ဝက်များနှင့် ခွေးများ ဖြစ်ကြောင်းကို သဘောမပေါက်ကြသလော။ မိမိတို့၏ နိမ့်ကျခြင်းကို သတိမမူဘဲ ၎င်းတို့သည် ထိုဝက်များနှင့် ခွေးများတို့၏ ပုပ်စပ်သော အနံ့အသက်ကို အခြေခံ၍ ဒေါသတကြီး လျှောက်ရမ်းပြီး အနာဂတ်မျိုးဆက်များကို ပေါက်ပွားရန် ယုံမှားသော အကြံအစည် ရှိကြသည်။ ယင်းမှာ အကြွင်းမဲ့ပင် အရှက်မဲ့ခြင်းတည်း။ ၎င်းတို့၏ ကျောပေါ်တွင် တောင်ပံစိမ်းများနှင့် (ဤသည်မှာ ဘုရားသခင်ကို ယုံကြည်သည်ဟု ၎င်းတို့ အခိုင်အမာ ဆိုခြင်းကို ရည်ညွှန်း၏) ၎င်းတို့သည် မိမိတို့၏ မစင်ကြယ်မှုများကို လူသားထံသို့ လျှို့ဝှက်စွာ စွန့်ပစ်နေရင်း မိမိတို့ကိုယ်ပိုင်၏ အလှတရားနှင့် ဆွဲဆောင်မှုတိုကို အရပ်တကာ၌ ကြွားဝါကာ စတင်၍ စိတ်ကြီးဝင်လာ ကြသည်။ ၎င်းတို့၏ မစင်ကြယ်မှုများကို သက်တံရောင် တောင်ပံတစ်စုံက ဖုံးကွယ်ပေးနိုင်သည့်အလား ၎င်းတို့သည် မာန်ဝင့်၍ပင် နေကြပြီး ထို့ကြောင့် ဤနည်းများဖြင့် ၎င်းတို့သည် စစ်မှန်သော ဘုရားသခင်၏ ဖြစ်တည်မှုကို နှိပ်ကွပ်ဖို့ သူတို့၏ ဖိနှိပ်ခြင်းကို ယူဆောင်လာကြသည် (ဤသည်မှာ ဘာသာရေးလောက၏ အတွင်း ဇာတ်လမ်းကို ရည်ညွှန်းသည်)။ ယင်ကောင်၏ တောင်ပံများသည် လှပ၍ နှစ်သက်ကြည်နူးဖွယ် ကောင်းသော်ငြားလည်း စင်စစ်တွင်မူ ၎င်းသည် ညစ်ညူးခြင်းနှင့် ပြည့်နှက်လျက် ရောဂါပိုးများနှင့် ပေကျံနေသော မှုန်မွှားသေးငယ်လှသည့် ယင်ကောင် တစ်ကောင် ထက် ဘာမျှမပိုဆိုခြင်းကို လူသားသည် လုံးဝမသိပေ။ ၎င်းတို့၏ မိဘများဖြစ်သည့် ဝက်များနှင့် ခွေးများ၏ ခွန်အားကိုမှီ၍ ၎င်းတို့သည် အလွန်အမင်း ကြမ်းကြုတ်ရက်စက်စွာ့ ကုန်းမြေတစ်လျှောက် ဒေါသတကြီး ပတ်ရမ်းနေကြသည် (ဤသည်မှာ စစ်မှန်သောဘုရားသခင်နှင့် သမ္မာတရားကို သစ္စာဖောက်သော နိုင်ငံတော်၏ အင်တိုက်အားတိုက် ထောက်ခံမှုကို အခြေပြု၍ ဘုရားသခင်ကို ညှဉ်းပန်းနှိပ်စက်ကြသည့် ဘာသာရေး ခေါင်းဆောင်များကို ရည်ညွှန်းသည်)။ ယင်းမှာ ယုဒလူမျိုး ဖာရိရှဲများ၏ ဝိညာဉ်တို့သည် ဘုရားသခင်နှင့်အတူ အဆင်းနီသော နဂါးကြီး၏ တိုင်းနိုင်ငံဆီသို့ ပြန်လာခဲ့ပြီး ၎င်းတို့၏ အသိုက်ဟောင်းဆီသို့ ပြန်လာခဲ့သည့် အလားပင် ဖြစ်သည်။ ၎င်းတို့သည် လွန်ခဲ့သော နှစ်ထောင်ပေါင်း အချို့က ၎င်းတို့၏ အလုပ်ကို ပြန်လည်လုပ်ကိုင်ရင်း၊ ညှဉ်းပန်းနှိပ်စက်ခြင်း နောက်တစ်သုတ်ကို တစ်ဖန်ပြန်လည် စတင်ခဲ့သည်။ အကျင့်ပျက်သော ဤလူစုသည် အဆုံးတွင် ကမ္ဘာမြေကြီးပေါ်၌ ပျက်ယွင်းမည်မှာ သေချာ၏။ နှစ်ထောင်ပေါင်းအချို့အကြာတွင် မသန့်ရှင်းသော ဝိညာဉ်များသည် သာ၍ပင် ကောက်ကျစ်လာပြီး လှည့်ဖြားလာပုံ ရလေသည်။ ၎င်းတို့သည် ဘုရားသခင်၏ အလုပ်ကို လျှို့ဝှက်စွာ ယုတ်လျော့အောင်ပြုရန် နည်းလမ်းများကို အစဉ်တစိုက်ပင် တွေးတော သည်။ ၎င်းတို့သည် စဉ်းလဲပြီး ကလိမ်ကျတတ်ကာ လွန်ခဲ့သော နှစ်ထောင်ပေါင်းအချို့က အဖြစ်ဆိုးကို ၎င်းတို့၏ မွေးရပ်ဌာနေတွင် ပြန်လည်တစ်ဖန် ဖြစ်လာစေရန် ဆန္ဒရှိကြသည်။ ထိုအရာသည် ဘုရားသခင်ကို ကျယ်လောင်စွာ အော်ဟစ်ရန် စေ့ဆော်လုနီးပါး ဖြစ်ပြီး ၎င်းတို့ကို အမြစ်ဖြတ်သုတ်သင်ခြင်းငှာ တတိယ ကောင်းကင်ဘုံသို့ ပြန်ကြွသွားလိုခြင်းကို ဘုရားသခင်သည် မနည်းထိန်းနေရ၏။ လူသားက ဘုရားသခင်ကို ချစ်ရန်အလို့ငှာ သူသည် ဘုရားသခင်၏ အလို၊ ဘုရားသခင်၏ ဝမ်းမြောက်ခြင်းနှင့် ဝမ်းနည်းခြင်းတို့ကို နားလည်ရမည်ဖြစ်သည့်အပြင် ဘုရားသခင် အဘယ်အရာကို စက်ဆုပ်သည်ဆိုခြင်းကိုလည်း နားလည်ရမည်။ ဤသည်မှာ လူသား၏ ရှေ့တိုး ဝင်ရောက်ခြင်းကို သာ၍ ကောင်းမွန်စေလိမ့်မည်။ လူသား၏ ဝင်ရောက်မှုသည် သာ၍ မြန်လေလေ၊ ဘုရားသခင်၏ စိတ်နှလုံးသည် သာ၍ ကျေနပ်လေလေ ဖြစ်သည်၊ မာရ်နတ်တို့၏ ရှင်ဘုရင်ကို လူသားတို့၏ ထိုးထွင်း သိမြင်မှုသည် သာ၍ရှင်းလင်းလေလေ၊ လူသားသည် ဘုရားသခင်၏ အလိုဆန္ဒသည် ပြည့်စုံနိုင်ရန် ဘုရားသခင် အနီး သာ၍ ချဉ်းကပ်လေလေ ဖြစ်သည်၊ ထိုသို့အားဖြင့် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အမှုတော်နှင့် ဝင်ရောက်ခြင်း (၇)” မှ

အောက်ခြေမှတ်စု(များ)-

၁။ “ဝါးမျိုခြင်း” ဆိုသည်မှာ လူတို့ကို အလုံးစုံ အဓမ္မလုယူသော မာရ်နတ်တို့ ရှင်ဘုရင်၏ ကြမ်းကြုတ်သည့် အပြုအမူကို ရည်ညွှန်းသည်။

၂။ “ကြံရာပါများ” ဆိုသည်မှာ “လူရမ်းကားတစ်သိုက်” နှင့် အမျိုးအစားတူသည်။

၃။ “ကစဉ့်ကလျားဖြစ်မှုကို လှုံ့ဆော်” ဆိုသည်မှာ မာရ်နတ်နှင့်ဆိုင်သော လူတို့သည် မည်သို့ သောင်းကျန်းကြမ်းတမ်းပုံ၊ ဘုရားသခင်၏ အမှုကို ဟန့်တား၍ ဆန့်ကျင်ကြပုံကို ရည်ညွှန်းသည်။

၄။ “သွားရှိသော ဝေလငါး” ဆိုသည်မှာ သရော်သည့် သဘောနှင့် သုံးထားခြင်း ဖြစ်သည်။ ယင်ကောင်များသည် သေးငယ်လွန်းလှပုံမှာ ဝက်များနှင့် ခွေးများပင် ၎င်းတို့အတွက် သွားရှိသော ဝေလငါးတမျှ ကြီးသည်ဟု မြင်ရပုံကို တင်စားဆိုထားခြင်း ဖြစ်သည်။

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၁၂)

နှစ်ပေါင်းထောင်ချီတိုင်အောင် ဤကုန်းမြေသည် ညစ်ညူးခြင်း၏ ကုန်းမြေ ဖြစ်ခဲ့သည်၊ ထိုကုန်းမြေ သည် မခံမရပ်နိုင်လောက်အောင် ညစ်ညမ်းကာ စိတ်ဆင်းရဲမှုနှင့် ပြည့်နှက်နေပြီး တစ္ဆေများသည် နေရာတိုင်းတွင် သောင်းကျန်း နေကြကာ လိမ်လည်လှည့်ဖြား နေကြ၍ အခြေအမြစ် မရှိသော စွပ်စွဲချက်များကို ပြုလုပ်နေကြလျက် အကြင်နာတရား ကင်းမဲ့ကာ ရက်စက်ကြမ်းကြုတ် နေကြ၍ ဤတစ္ဆေမြို့အား နင်းခြေလျက် ယင်းမြို့ကို အသေကောင်များဖြင့် ပြန့်ကျဲနေစေခဲ့သည်။ ယိုယွင်းနေသော အရာ၏ အပုပ်နံ့သည် ကုန်းမြေကို ဖုံးလွှမ်းနေပြီး လေထုတွင် စိမ့်ဝင်ပျံ့နှံ့လျက် ရှိကာ၊ ယင်းသည် တင်းကျပ် စွာ စောင့်ကြပ်ခြင်း ခံနေရ၏။ မိုးကောင်းကင်အား လွန်၍ လောကကြီးအား မည်သူ မြင်နိုင်သနည်း။ မာရ်နတ်သည် လူသား၏ ခန္ဓာကိုယ်တစ်ခုလုံးကို တင်းကျပ်စွာ တုပ်နှောင်ထားပြီး၊ သူ၏ မျက်လုံး နှစ်လုံး စလုံးကို ထုတ်ပစ်ကာ သူ၏နှုတ်ခမ်းများအားလည်း ခိုင်မြဲစွာ စေ့စေ့ ပိတ်ထားလေသည်။ ထိုးဖောက်၍ မရနိုင်သော မာရ်နတ်တို့၏ နန်းတော်လေအလား တစ္ဆေမြို့အပေါ် အနီးကပ် ဆက်လက် စောင့်ကြပ်နေရင်း မာရ်နတ်များ၏ ရှင်ဘုရင်သည် ယနေ့ထက်ထိ နှစ်ထောင်ပေါင်း အချို့တိုင်အောင် သောင်းကျန်း နေခဲ့သည်။ ဤခြံစောင့်ခွေးအုပ်စုသည် ဘုရားသခင်သည် ၎င်းတို့ကို မသိလိုက်သည့်အချိန်မှာ ဖမ်းဆီးသွားပြီး ၎င်းတို့အားလုံးကို သုတ်သင်ပယ်ရှင်းကာ ပျော်ရွှင်ခြင်းနှင့် ငြိမ်သက်ခြင်း၏ နေရာ မရှိဘဲ ဖြစ်စေ မည်ကို နက်ရှိုင်းစွာ ကြောက်ရွံ့ နေကြလျက် စူးရဲသော မျက်လုံးများနှင့် စူးစိုက်ကြည့်နေသည်။ ဤတစ္ဆေမြို့၏ လူများသည် ဘုရားသခင်အား မည်သို့လျှင် မြင်တွေ့ဖူးလိမ့် မည်နည်း။ ၎င်းတို့သည် ဘုရားသခင်၏ ကြင်နာခြင်းနှင့် ချစ်မြတ်နိုးဖွယ်ကောင်းခြင်းကို ခံစားခဲ့ဖူးသလော။ လူ့လောက၏ အရေးကိစ္စများနှင့် ပတ်သက်၍ ၎င်းတို့တွင် အဘယ်သုံးသပ်ချက်တို့ ရှိကြသနည်း။ ၎င်းတို့အထဲမှ မည်သူသည် ဘုရားသခင်၏ ထက်သန်သော အလိုကို နားလည်နိုင်သနည်း။ လူ့ဇာတိခံယူသော ဘုရားသခင်သည် လုံးလုံး ကွယ်ဝှက် လျက် ရှိရစ်နေသည်မှာ သိပ်အံ့သြစရာ မဟုတ်ပါချေ။ မာရ်နတ်များသည် သနားကြင်နာခြင်းကင်း၍ လူမဆန်သည့် ဤကဲ့သို့သော အမိုက်မှောင် လူ့အဖွဲ့အစည်းတွင် မျက်စိတစ်မှိတ်အတွင်း လူများကို သတ်သော မာရ်နတ်များ၏ ရှင်ဘုရင် သည် ချစ်ခင်၍ ကြင်နာကာ သန့်ရှင်းသော ဘုရားသခင်၏ တည်ရှိမှုကို အဘယ်သို့လျှင် သည်းခံနိုင်မည်နည်း။ ဘုရားသခင်၏ ကြွရောက်လာခြင်းကို အဘယ်သို့လျှင် ၎င်းသည် လက်ခုပ်တီး၍ သြဘာပေးနိုင်မည်နည်း။ ဤလက်ပါးစေတို့။ ၎င်းတို့သည် ကြင်နာခြင်းကို မုန်းတီးခြင်းနှင့် ပြန်ပေးဆပ်ကြသည်၊ ၎င်းတို့သည် ကြာမြင့်စွာကတည်းက ဘုရားသခင်အား အထင်အမြင်သေးကြသည်၊ ၎င်းတို့သည် ဘုရားသခင်အား ညှဉ်းပန်းနှိပ်စက် ကြသည်၊ ၎င်းတို့သည် အစွန်းရောက်သော လူရိုင်းများ ဖြစ်သည်၊ ၎င်းတို့၌ ဘုရားသခင် အား အလေးထားမှု စိုးစဉ်းမျှပင် မရှိ၊ ၎င်းတို့သည် အဓမ္မလုယူကာ လုယက်တိုက်ဖျက်ကြသည်၊ ၎င်းတို့သည် အသိတရား လုံးလုံး ကွယ်ပျောက်ကြပြီး အသိတရား အလုံးစုံကို ဆန့်ကျင်ကြကာ အပြစ်မဲ့သော သူကို အသိစိတ် မဲ့ခြင်းသို့ သွေးဆောင်ကြလေသည်။ ရှေးကာလ၏ ဘိုးဘေး များလော။ ချစ်မြတ်နိုးရသော ခေါင်းဆောင်များလော။ ၎င်းတို့ အားလုံးသည် ဘုရားသခင်အား ဆန့်ကျင်ကြလေသည်။ ၎င်းတို့၏ ဝင်ရောက်စွက်ဖက်မှုသည် ကောင်းကင်အောက်ရှိ အရာခပ်သိမ်းကို မှောင်မိုက်သည့် အနေအထားနှင့် ပရမ်းပတာအနေအထားတွင် ထားခဲ့လေ၏။ ဘာသာရေး လွတ်လပ်ခြင်းလော။ နိုင်ငံသားများ၏ တရားဝင် ရပိုင်ခွင့်များနှင့် အကျိုးစီးပွားများလော။ ယင်းတို့ အားလုံးသည် အပြစ်အား ဖုံးကွယ်ဖို့ရန်အတွက် လှည့်စားမှုများပင် ဖြစ်ကြသည်။ ဘုရားသခင်၏ အလုပ်ကို မည်သူ ပံ့ပိုးခဲ့သနည်း။ ဘုရားသခင်၏ အလုပ်အတွက် မည်သူသည် ၎င်းတို့၏ အသက်တာကို စွန့်လွှတ်ခဲ့သနည်း၊ သို့မဟုတ် သွေးမြေခခဲ့သနည်း။ မျိုးဆက်တစ်ဆက်ပြီး တစ်ဆက်တိုင်အောင်၊ မိဘများမှသည် သားသမီးများအထိ ကျွန်ပြုခံရသော လူသားသည် ဘုရားသခင်အား ခပ်ဆတ်ဆတ်ပင် ကျွန်ပြုခဲ့ကြသည်— အဘယ်သို့လျှင် ဤအရာသည် အမျက်ဒေါသကို မနှိုးဆော်ဘဲရှိနိုင်မည်နည်း။ နှစ်ထောင်ပေါင်း များစွာသော အမုန်းတရားသည် နှလုံးသားထဲတွင် အနယ်ထိုင်နေခဲ့သည်၊ နှစ်ပေါင်းထောင်ချီသော အပြစ်နှင့် ပြည့်နှက်မှုသည် နှလုံးသားထက် တွင် ရေးထွင်းထားလျက် ရှိသည်— အဘယ်သို့လျှင် ဤအရာသည် စက်ဆုပ်ရွံရှာခြင်းကို မလှုံ့ဆော်ဘဲ ရှိနိုင်မည်နည်း။ အပြစ်ပေးသော ဘုရားသခင်သည် မိမိ၏ရန်သူကို အကြွင်းမဲ့ ဇီဝိန်ချုပ်စေပြီး ၎င်းအား ဆက်လက် ၍ သောင်းကျန်းခွင့်မပြုတော့ဘဲ ၎င်းအား စိတ်ရှိသည်အတိုင်း ပြဿနာများ ဖန်တီးခွင့် မပေးတော့ပေ။ ယခုသည် အချိန်ကျပေပြီ။ လူသားသည် ကြာမြင့်စွာ ကတည်းကပင် သူ၏ ခွန်အား အလုံးစုံ ကို စုစည်းခဲ့လေပြီ၊ သူ၏ ကြိုးထုတ်မှု အားလုံးကို ပေးအပ်မြှုပ်နှံခဲ့ကာ အဖိုးအခတိုင်းကို ဤအရာအတွက် ပေးဆပ်ခဲ့လေပြီ။ မာရ်နတ်၏ အကျည်းတန်သော မျက်နှာကို ဆုတ်ဖြဲကာ၊ မျက်စိကွယ်စေခြင်း ခံခဲ့ရပြီး ဆင်းရဲ ဒုက္ခနှင့် ဝေဒနာ အမျိုးမျိုးကို ကြံ့ကြံ့ခံခဲ့ရသော လူများကို ၎င်းတို့၏ နာကျင်မှုမှ ထလာစေလျက် ဤဆိုးညစ်သော မာရ်နတ်အိုအား သူတို့ ကျောခိုင်းခွင့်ပြုပေးရန် ဖြစ်သည်။ ဘုရားသခင်၏ အလုပ်အတွက် ထိုကဲ့သို့သော ထိုးဖောက်၍ မရနိုင်သည့် အတားအဆီးကို အဘယ်ကြောင့် တည်ထောင်ရ သနည်း။ ဘုရားသခင်၏ လူစုများကို လှည့်ဖြားရန် အဘယ်ကြောင့် အမျိုးမျိုးသော လှည့်ကွက်များကို အသုံး ချသနည်း။ စစ်မှန်သော လွတ်လပ်မှု၊ တရားဝင် ရပိုင်ခွင့်နှင့် အကျိုးစီးပွားတို့က အဘယ်မှာများနည်း။ တရား မျှတခြင်းကား အဘယ်မှာနည်း။ နှစ်သိမ့်ရာကား အဘယ်မှာနည်း။ နွေးထွေးမှုကား အဘယ်မှာနည်း။ ဘုရား သခင်၏ လူများအား လှည့်စားရန် အဘယ်ကြောင့် ကောက်ကျစ်သော အကြံအစည်များကို အသုံးပြုသနည်း။ ဘုရားသခင်၏ ကြွလာခြင်းကို ဖိနှိမ်ရန် အဘယ်ကြောင့် အင်အားသုံးရသနည်း။ ဘုရားသခင်အား သူဖန်ဆင်း ခဲ့သည့် ကမ္ဘာမြေကြီးပေါ်တွင် အဘယ်ကြောင့် လွတ်လပ်စွာ သွားလာခွင့် မပြုရသနည်း။ ဘုရားသခင်အား ခေါင်းချစရာ နေရာမရှိသည့် တိုင်အောင် အဘယ်ကြောင့် လိုက်လံဖမ်းဆီးသနည်း။ လူသားတို့ အကြား နွေးထွေးမှုကား အဘယ်မှာနည်း။ လူတို့အကြား ကြိုဆိုခြင်းကား အဘယ်မှာနည်း။ ဘုရားသခင်၌ ထိုကဲ့သို့ အလွန်အမင်း တောင့်တခြင်းကို အဘယ်ကြောင့် ဖြစ်စေသနည်း။ ဘုရားသခင်အား အဘယ်ကြောင့် အထပ်ထပ် ခေါ်ခိုင်းအောင် လုပ်ရသနည်း။ ဘုရားသခင်အား သူ၏ ချစ်လှစွာသော သားအတွက် စိတ်ပူစေရန် အဘယ်ကြောင့် အတင်းအကျပ်ပြုရသနည်း။ ဤအမိုက်မှောင် လူ့အဖွဲ့အစည်းတွင် ၎င်း၏ ဝမ်းနည်းဖွယ် ခြံစောင့်ခွေးများတို့သည် ဘုရားသခင်အား သူဖန်ဆင်းခဲ့သည့် လောကကြီးထဲ လွတ်လပ်စွာ ဝင်ထွက်သွားလာခွင့်ကို အဘယ်ကြောင့် မပြုရသနည်း။ နာကျင်မှုနှင့် ဆင်းရဲဒုက္ခတို့ အလယ်၌ နေနေရသော လူသား သည် အဘယ်ကြောင့် နားမလည်ရသနည်း။ သင်တို့အတွက်နှင့် ဘုရားသခင်သည် ကြီးစွာသော ညှဉ်းဆဲခြင်း ကို ကြံ့ကြံ့ခံခဲ့ပြီ၊ ကြီးစွာသော နာကျင်မှုနှင့် သူ၏ ချစ်လှစွာသောသား၊ သူ၏ အသွေးနှင့် အသားကို သူသည် သင်တို့အား နှင်းအပ်ခဲ့ပြီ— ထို့ကြောင့် သင်တို့သည် အဘယ်အတွက်နှင့် မမြင်ချင် ယောင်ဆောင်နေကြသနည်း။ လူဘုံအလယ်တွင် သင်တို့သည် ဘုရားသခင်၏ ကြွရောက်လာခြင်း ကို ငြင်းပယ်ကြပြီး ဘုရားသခင်၏ ခင်မင်ရင်းနှီးမှုကို ငြင်းဆိုခဲ့ကြ၏။ အဘယ်ကြောင့် သင်တို့သည် အလွန်တရာမှပင် ကျိုးကြောင်း မဆင်ခြင် နိုင်ရသနည်း။ သင်တို့သည် ဤကဲ့သို့သော အမိုက်မှောင် လူ့အဖွဲ့အစည်းအတွင်းရှိ မတရားမှုများကို ကြံ့ကြံ့ခံရန် ဆန္ဒရှိနေကြသလော။ နှစ်ထောင်ချီသည့် မုန်းတီးမှုဖြင့် သင်တို့၏ ဝမ်းဗိုက်များကို ဖြည့်ရမည့် အစား အဘယ်ကြောင့် သင်တို့သည် မိမိတို့ကိုယ်မိမိ မာရ်နတ်တို့ ရှင်ဘုရင်၏ “ချေး” နှင့် သိပ်ထည့်ကြ သနည်း။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အမှုတော်နှင့် ဝင်ရောက်ခြင်း (၈)” မှ

အောက်ခြေမှတ်စု(များ)-

၁။ “အခြေအမြစ် မရှိသော စွပ်စွဲချက်များကို ပြုလုပ်နေကြလျက်” သည် မာရ်နတ်မှ လူတို့အား ဘေးပြုရာတွင် သုံးသော နည်းလမ်းများကို ရည်ညွှန်းသည်။

၂။ “တင်းကျပ်စွာ စောင့်ကြပ်ခြင်း ခံနေရ၏” သည် မာရ်နတ်သည် လူတို့အား နှိပ်စက်ဖိစီးရာတွင် သုံးသော နည်းလမ်းများသည် အထူးသဖြင့် ရက်စက်လှပြီး လူတို့ကို အလွန်တရာမှပင် ထိန်းချုပ်သည့် အတွက် ၎င်းတို့မှာ ရွေ့လျားရန်ပင် နေရာလွတ် မကျန်တော့ကြောင်းကို ညွှန်ပြသည်။

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၁၃)

ဘုရားသခင် အလုပ်အတွက် အတားအဆီးများမှာ မည်မျှ ကြီးမားသနည်း။ တစ်စုံတစ်ယောက်မှ သိခဲ့ဖူးလေသလော။ စွဲမြဲနေသည့် အယူသည်းသော အရောင်ဆိုးမှုများနှင့် ပိတ်လှောင်ခံ ထားရသည့် လူများတွင် အဘယ်သူသည် ဘုရားသခင်၏ စစ်မှန်သော မျက်နှာတော်ကို သိကျွမ်းရန် တတ်စွမ်းနိုင်မည်နည်း။ ခေတ်နောက်ကျော့သော ယဉ်ကျေးမှုဆိုင်ရာ ဤအသိပညာ သည် အလွန်ပင် တိမ်လှပြီး အဓိပ္ပာယ် မရှိသည့်အတွက် ၎င်းတို့သည် ဘုရားသခင်မှ ပြောကြားခဲ့သော နှုတ်ကပတ်တော်များကို အဘယ်သို့လျှင် လုံးလုံးလျားလျား နားလည်နိုင်မည်နည်း။ ၎င်းတို့အား မျက်နှာချင်းဆိုင်၍၊ နှုတ်ချင်းဆိုင်၍ ပြောဆိုကာ ဖြည့်သွင်းပေးလျှင်ပင် ၎င်းတို့သည် အဘယ်သို့လျှင် နားလည် နိုင်မည်နည်း။ တစ်ခါတစ်ရံတွင် ဘုရားသခင်၏ နှုတ်ကပတ်တော် များသည် ပင်းနေသော နားများအပေါ်သို့ ကျရောက်သွားလေသည့် အလားပင် ဖြစ်သည်။ လူများသည် စိုးစဉ်းမျှပင် တုံ့ပြန်ခြင်း မရှိ၊ သူတို့၏ ဦးခေါင်းများကို လှုပ်နေလျက် အဘယ်အရာကိုမျှ နားလည်ခြင်း မရှိ။ အဘယ်သို့လျှင် ဤအရာသည် စိတ်မပူစေဘဲ ရှိမည်နည်း။ ဤ “အလှမ်းဝေး၍ ရှေးကျသော ယဉ်ကျေးမှု ဆိုင်ရာ သမိုင်းနှင့် ယဉ်ကျေးမှုဆိုင်ရာ အသိပညာ” သည် ထိုကဲ့သို့သော အသုံးမကျသော လူအုပ်စုတစ်စုကို ပြုစုပျိုးထောင်ခဲ့ လေပြီ။ ဤရှေးကျသော ယဉ်ကျေးမှု— အဖိုးတန်သော အမွေအနှစ်— ဆိုသည်မှာ အမှိုက် ပုံကြီးသာ ဖြစ်တော့သည် တကား။ ယင်းသည် အမြဲတည်တံ့သော အရှက်တရား ဖြစ်လာသည်မှာ ကြာပြီဖြစ်ပြီး ပြောပြရန်ပင် မသင့်ပါတကား။ ယင်းအရာသည် လူတို့ကို ဘုရားသခင်အား ဆန့်ကျင်ခြင်း၏ လှည့်ကွက်များနှင့် နည်းပရိယာယ်များကို သင်ပေးခဲ့ပြီး အမျိုးသား ပညာရေး၏ “နည်းစနစ်ကျ၍ ညင်သာ သော လမ်းညွှန်မှု” သည် လူများကို ဘုရားသခင်အား သာ၍ပင် မနာခံရန်အကြောင်း ဖြစ်စေခဲ့သည်။ ဘုရား သခင် အလုပ်၏ အစိတ်အပိုင်း အသီးသီးသည် အလွန်တရာမှပင် ခက်ခဲလှပြီး ကမ္ဘာပေါ်ရှိ သူ့အလုပ်၏ အဆင့်အသီးသီးသည် ဘုရားသခင်အား စိတ်သောက ရောက်နေစေခဲ့သည်။ ကမ္ဘာပေါ်ရှိ သူ၏ အလုပ်သည် ခက်ခဲလှသည် တကား။ ကမ္ဘာပေါ်ရှိ ဘုရားသခင်အလုပ်၏ အဆင့်များတွင် ကြီးစွာသော ဆင်းရဲဒုက္ခတို့ ပါဝင် သည်— လူသား၏ အားနည်းမှု၊ ချို့ယွင်းမှု၊ ကလေးဆန်မှု၊ မသိနားမလည်မှုနှင့် လူသားနှင့် ပတ်သက်၍ အရာအားလုံး— တစ်ခုချင်းစီတိုင်းအား ဘုရားသခင် သည် စေ့စပ်သေချာစွာ စီစဉ်ခဲ့ပြီး တိကျမှန်ကန်စွာ ထည့်သွင်း စဉ်းစားပေးခဲ့သည်။ လူသားသည် မည်သူမျှ ထောင်ချောက် မဆင်ရဲသော သို့မဟုတ် ရန်မစရဲသော စက္ကူကျား ကဲ့သို့ပင် ဖြစ်သည်။ ထိလိုက်ရုံလေးနှင့် သူသည် ပြန်ကိုက်လေသည်၊ သို့မဟုတ်ပါက လဲကျပြီး လမ်းပျောက် လေတော့သည်၊ ယင်းသို့ဖြစ်ခြင်းမှာ အာရုံစူးစိုက်မှု အနည်းငယ်လေးမျှ ဆုံးသွား သည်နှင့် အကျင့်ဆိုးကို ပြန်၍ ကျင့်သည့်အလား၊ သို့မဟုတ်ပါက ဘုရားသခင်အား လျစ်လျူရှုသည့်အလား၊ သို့မဟုတ် သူ၏ ဝက်များနှင့် ခွေးများ၏ အမိအဖတို့ ခန္ဓာကိုယ်များ၏ မသန့်ရှင်းသော အရာများ၌ မွေ့လျော်ရန် ၎င်းတို့ထံ ပြေးသွားလေသည့် အလားပင် ဖြစ်တော့သည်။ ကြီးစွာသော အဟန့်အတားပါတကား။ လက်တွေ့အရတွင် သူ၏ အဆင့် အသီးသီးတွင် ဘုရားသခင်သည် သွေးဆောင်ဖြားယောင်းခြင်း ခံရကာ အဆင့်အားလုံး နီးပါး၌ ကြီးစွာသော အန္တရာယ်ကို ဘုရားသခင် စွန့်စားရင်ဆိုင်ရသည်။ သူ၏ နှုတ်ကပတ်တော်များ သည် စိတ်ရင်းမှန်၍ ရိုးသားကာ မလိုတမာစိတ်တို့ မပါသော် ငြားလည်း မည်သူသည် ယင်းတို့ကို လက်ခံလိုစိတ် ရှိသနည်း။ မည်သူသည် လုံးလုံးလျားလျား ဆက်ကပ် အပ်နှံလိုစိတ် ရှိသနည်း။ ၎င်းသည် ဘုရားသခင်၏ နှလုံးသားအား ကြေကွဲစေသည်။ သူသည် လူသားအတွက် နေ့ရောညပါ ကြိုးပမ်းသည်၊ လူသား၏ အသက်တာအတွက်နှင့် သူသည် သောကဗျာပါရနှင့် ဝိုင်းဝိုင်းလည် နေခဲ့ပြီး လူသား၏ အားနည်းမှုကို သူသည် စာနာလေသည်။ သူ့အလုပ်၏ အဆင့်အသီးသီးတွင် သူပြောသော နှုတ်ကပတ်တော်တိုင်း အတွက် သူသည် များစွာသော အလှည့်အပြောင်းများကို ကြံ့ကြံ့ခံခဲ့သည်။ သူသည် ဆုပ်လည်းဆူး၊ စားလည်းရူးသော အခြေအနေတွင် အမြဲရောက်နေခဲ့ပြီး လူသား၏ အားနည်းမှု၊ နာမခံမှု၊ ကလေးဆန်မှုနှင့် ခုခံနိုင်စွမ်း မရှိမှုတို့ကို နှစ်ဆယ့်လေးနာရီပတ်လုံး ကြိမ်ဖန်တစ်လဲလဲ အမြဲတွေးတောသည်။ ဤသည်ကို မည်သူသည် သိခဲ့ဖူးသနည်း။ မည်သူ့ကို ဘုရားသခင် သည် ယုံကြည်စိတ်ချကာဖွင့်ပြောနိုင်သနည်း။ မည်သူသည် နားလည်ခြင်းငှာ တတ်စွမ်းနိုင်မည်နည်း။ အမြဲတစေပင် ဘုရားသခင်သည် လူသား၏ အပြစ်များနှင့် လူသား၏ သတ္တိမရှိမှုနှင့် ကြောက်ချေးပါမှုကို စက်ဆုပ်ရွံရှာပြီး အမြဲတစေပင် သူသည် လူသား ၏ ခုခံနိုင်စွမ်း မရှိခြင်းအတွက် စိုးရိမ်ပူပန်ပြီး လူသား၏ အရှေ့တွင် တည်ရှိနေသည့် လမ်းကြောင်းအား ချင့်ချိန် စဉ်းစားပေးသည်။ အစဉ်အမြဲပင် ဘုရားသခင်သည် လူသား၏ လုပ်ရပ်များနှင့် စကားလုံးများကို လေ့လာစိစစ်သည့်အခါ ယင်းတို့သည် သူ့အား သနားကရုဏာ၊ အမျက်ဒေါသနှင့် ပြည့်စေပြီး ဤအရာများကို မြင်တွေ့နေရခြင်းသည် သူ့နှလုံးသားအား အစဉ်အမြဲပင် နာကျင်မှုများ ယူဆောင်လာပေးသည်။ အပြစ်မဲ့သော သူတို့သည် အဆုံးတွင်တော့ အကြင်နာကင်းမဲ့ လာလေပြီ၊ အဘယ်ကြောင့် ဘုရားသခင်သည် ၎င်းတို့အတွက် အမှုအရာများကို ခက်ခဲအောင် အမြဲပင် လုပ်ရသနည်း။ ချည့်နဲ့သော လူသားတွင် ဇွဲလုံ့လတို့ လုံးဝဥဿုံ ကင်းမဲ့လေသည်၊ အဘယ်ကြောင့် ဘုရားသခင်သည် လူသားပေါ် ယင်းကဲ့သို့ မရပ်စဲသော အမျက်ဒေါသ အမြဲပင် ရှိရသနည်း။ အားနည်း၍ အစွမ်းမဲ့သော လူသားသည် ရှင်သန်မှုစွမ်းအင်များ စိုးစဉ်းမျှပင် မရှိကြတော့၊ အဘယ်ကြောင့် ဘုရားသခင်သည် လူသားအား အမြဲပင် သူ၏ မနာခံမှုအတွက် ပြစ်တင်ကြိမ်းမောင်း ရသနည်း။ ကောင်းကင်ဘုံရှိ ဘုရားသခင်၏ ခြိမ်းခြောက်မှုများကို မည်သူသည် ခံရပ်နိုင်မည်နည်း။ အဆုံးတွင် လူသားသည် ကျိုးပဲ့လွယ်၍ အကျဉ်းအကျပ်ထဲ ရောက်နေပြီး ဘုရားသခင်သည် သူ၏ အမျက်ဒေါသကို သူ၏ နှလုံးသားအထဲ နက်ရှိုင်းရာသို့ ဖိထားလေပြီ၊ သို့မှသာ လူသားသည် မိမိကိုယ်မိမိ ဖြည်းညှင်းစွာ ဆင်ခြင် သုံးသပ်နိုင်ရန် ဖြစ်သည်။ သို့သော်လည်း စိုးရိမ်ဖွယ်ဖြစ်သည့် ဒုက္ခထဲ ကျရောက်နေသော လူသား သည် ဘုရားသခင်၏ အလိုတော်နှင့် ပတ်သက်၍ တန်ဖိုးထားလေးမြတ်မှု စိုးစဉ်းမျှ မရှိချေ။ သူသည် မာရ်နတ် တို့၏ အိုသော ရှင်ဘုရင်၏ နင်းခြေခြင်းကို ခံနေခဲ့ရသော်လည်း လုံးလုံးပင် သတိမူမိခြင်းမရှိ၊ သူသည် အမြဲပင် ဘုရားသခင်အား ဆန့်ကျင်သည်၊ သို့မဟုတ် သူသည် ဘုရားသခင် အား မပူမအေး သဘောထားမျိုး ထားရှိသည်။ ဘုရားသခင်သည် အလွန်များစွာသော နှုတ်ကပတ်တော်များကို ပြောကြားခဲ့ သော်လည်း မည်သူသည် ယင်းတို့ကို လေးနက်စွာ ခံယူခဲ့ဖူးသနည်း။ လူသားသည် ဘုရား သခင်၏ နှုတ်ကပတ်တော်များကို နားလည်ခြင်းမရှိ၊ သို့သော်လည်း သူသည် စိတ်ဒုက္ခမရောက်၊ တောင့်တ ခြင်း မရှိဘဲ ရှိနေပြီး အိုသော မာရ်နတ်၏ အနှစ်သာရကိုလည်း စစ်မှန်စွာ သိရှိခဲ့ခြင်း လုံးဝ မရှိချေ။ လူတို့သည် မရဏနိုင်ငံ၊ ငရဲတွင် နေကြသော်လည်း မိမိတို့ကိုယ်မိမိ ပင်လယ် ကြမ်းပြင်မှ နန်းတော်ထဲတွင် နေကြရသည်ဟု ယုံကြည်နေကြသည်။ ၎င်းတို့သည် အဆင်းနီသော နဂါးကြီး၏ နှိပ်ကွပ်ခြင်းကို ခံရသော်လည်း မိမိတို့ကိုယ်မိမိ တိုင်းပြည်၏ “ကျေးဇူးပြုခြင်း” ခံရသည် ဟု တွေးထင်ကြသည်။ ၎င်းတို့သည် မာရ်နတ်၏ ကဲ့ရဲ့လှောင်ပြောင်ခြင်းကို ခံရသော်လည်း မိမိတို့ကိုယ်မိမိ ဇာတိပကတိ၏ အသာလွန်ဆုံးသော ဖန်တီးကြံဆမှုကို ပျော်မွေ့နေရသည်ဟု တွေးထင်ကြသည်။ ၎င်းတို့သည် အလွန်ပင် ညစ်ပဲ့စုတ်ပြတ်လျက် အောက်တန်းကျသော စုတ်ချာချာလူ တစ်သိုက်တို့ ဖြစ်ကြသည်တကား။ လူသားသည် ကံမကောင်း အကြောင်းမလှမှုနှင့် ကြုံတွေ့ခဲ့ရပြီး ဖြစ်သော်လည်း သူသည် ယင်းကို မသိ၊ ဤအမိုက်မှောင် လူ့အဖွဲ့အစည်း အတွင်း အဖြစ်ဆိုး တစ်ခုနောက်တစ်ခု ခံစားရ သော်လည်း သူသည် ယင်းကို လုံးဝသိရှိခြင်း မရှိသေး။ အဘယ်အချိန်မှ သူသည် ကိုယ့်ကိုယ်ကိုယ် ကြင်နာခြင်းနှင့် ကျွန်သဘောဆန်သော စိတ်သဘောထားမှ မိမိကိုယ်မိမိ ပထုတ်လိမ့်မည်နည်း။ အဘယ်ကြောင့် သူသည် ဘုရားသခင်၏ နှလုံးသားအား အလွန်မှပင် အလေးမထားဘဲ ရှိနေရသနည်း။ သူသည် ဤဖိနှိပ်မှုနှင့် ဒုက္ခဆင်းရဲအတွက် တိတ်တဆိတ်ပင် အပြစ်မယူ လျစ်လျူရှုထားလေ သလော။ အမှောင်မှ အလင်းသို့ သူပြောင်းနိုင်သည့် နေ့ရက်ကို သူသည် ဆန္ဒ မရှိလေသလော။ သမ္မာတရားနှင့် ဖြောင့်မတ်ခြင်းတို့အပေါ် တရားမျှတမှု မရှိခြင်းကို နောက်တစ်ဖန် ကုစားရန် သူသည် ဆန္ဒ မရှိလေသလော။ လူတို့သည် သမ္မာတရားအား စွန့်ပယ်လျက် အမှန်တရားများကို မလိမ့်တပတ်လုပ်သည်ကို သူသည် ဘာမျှမလုပ်ဘဲ ထိုင်ကြည့်နေရန် ဆန္ဒရှိလေသလော။ ဤနှိပ်စက်ညှဉ်းဆဲမှုအား ဆက်လက်၍ ကြံ့ကြံ့ခံနေရသည်ကို သူသည် ပျော်လေသလော။ သူသည် ကျွန်ဖြစ်ရန် အလိုရှိလေ သလော။ ဘုရားသခင်၏ လက်ထဲတွင် သူသည် ဤကျရှုံးသော ပြည်ကြီး၏ ကျွန်များနှင့်အတူ အတူတူ ပျက်စီးခြင်းသို့ ရောက်ရန် အလိုရှိလေသလော။ သင်၏ စိတ်ပိုင်းဖြတ်ချက်ကား အဘယ် မှာနည်း။ သင်၏ ရည်မှန်းချက်ကား အဘယ်မှာနည်း။ သင်၏ ဂုဏ်သိက္ခာကား အဘယ်မှာနည်း။ သင်၏ သမာဓိကား အဘယ်မှာနည်း။ သင်၏ လွတ်လပ်ခြင်းကား အဘယ်မှာနည်း။ သင်သည် မာရ်နတ်တို့၏ ရှင်ဘုရင်၊ အဆင်းနီသော နဂါးကြီးထံ သင်၏ဘဝ တစ်ခုလုံးကို စွန့်လွှတ်ရန် အလိုရှိလေသလော။ ၎င်းမှ သင့်အား သေသည်တိုင်အောင် နှိပ်စက်ကလူပြုသည်ကို သင်သည် ပျော်ရွှင်စွာခွင့်ပြုလေသလော။ နက်နဲရာ၏ မျက်နှာပြင်သည် ပရမ်းပတာဖြစ်လျက် မှောင်မိုက်နေသည်၊ ထိုကဲ့သို့သော ဒုက္ခဝေဒနာကို ခံစားနေရသော အများပြည်သူများသည် ကောင်းကင်ဘုံထံသို့ ဟစ်ကြွေးကြကာ ကမ္ဘာမြေကြီးကို တိုင်တန်းကြလေသည်။ မည်သည့်အချိန်တွင် လူသားသည် သူ၏ ဦးခေါင်းကို မြင့်မြင့် မော့နိုင် မည်နည်း။ လူသားသည် အရိုးပေါ် အရေတင်နေ၍ ကြုံလှီလှသည်၊ သူသည် ဤရက်စက်၍ အာဏာရှင်ကဲ့သို့ ကြမ်းကြုတ်လှသော မာရ်နတ်အား အဘယ်သို့လျှင် ရင်ဆိုင်နိုင်မည်နည်း။ သူသည် တတ်နိုင်သည်နှင့် ချက်ချင်းပင် ဘုရားသခင်အား အဘယ်ကြောင့် သူ၏ အသက်တာကို မပေးရသနည်း။ အဘယ်ကြောင့် လူသားသည် ယိမ်းယိုင်လျက် ရှိနေသေးသနည်း၊ ဘုရားသခင်၏ အလုပ်ကို သူသည် မည်သည့် အချိန်တွင် ပြီးစီးနိုင်မည်နည်း။ ဤသို့ ရောက်တတ်ရာရာ နှိပ်စက်ခြင်းနှင့် ဖိနှိပ်ခြင်းကို ခံရ၍ သူ၏ ဘဝ တစ်ခုလုံးသည် အဆုံးတွင် အချည်းနှီးသက်သက် ဖြုန်းပြီးဖြစ်သွားပေမည်။ အဘယ်ကြောင့် သူသည် ရောက် လာရန် ယင်းသို့ အလောတကြီး ဖြစ်နေရသနည်း၊ ထွက်ခွာသွားရန် ယင်းသို့ အလျင်လိုနေရသနည်း။ ဘုရား သခင်အား ပေးအပ်ရန် သူသည် အဘယ်ကြောင့် တန်ဖိုးရှိသောအရာ တစ်စုံတစ်ခုကို သိမ်းထားခြင်း မရှိရသနည်း။ နှစ်ထောင်ချီတိုင် မုန်းတီးခြင်းကို သူသည် မေ့လျော့သွား လေပြီလော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အမှုတော်နှင့် ဝင်ရောက်ခြင်း (၈)” မှ

အောက်ခြေမှတ်စု(များ)-

၁။ “အလှမ်းဝေး” အား ပြောင်လှောင်သရော်သည့် သဘောနှင့် သုံးထားသည်။

၂။ “နည်းစနစ်ကျ၍ ညင်သာသော လမ်းညွှန်မှု” ကို လှောင်ပြောင်သရော်စွာ သုံးထားခြင်း ဖြစ်သည်။

၃။ “ကျေးဇူးပြုခြင်း ခံရသည်” ကို ထုံထိုင်းပုံရ၍ ကိုယ့်ကိုယ်ကိုယ် သိခြင်း မရှိသော လူများကို သရော် လှောင်ပြောင်ရန် သုံးထားခြင်း ဖြစ်သည်။

၄။ “အဖြစ်ဆိုး တစ်ခုနောက်တစ်ခု ခံစားရ” သည် လူများမှာ အဆင်းနီသော နဂါးကြီး၏ နိုင်ငံတွင် မွေးဖွားလာကြပြီး ၎င်းတို့သည် မိမိတို့၏ ဦးခေါင်းများကို မမော့နိုင်ကြခြင်းကို ညွှန်ပြသည်။

၅။ “သင်၏ဘဝတစ်ခုလုံးကို စွန့်လွှတ်ရန်” ဆိုသည်မှာ ယုတ်ညံ့သော အဓိပ္ပါယ်ဖြင့် ဆိုလိုသည်။

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၁၄)

ယနေ့ သင်တို့ နားလည်လာရသော အရာများသည် စုံလင်ခြင်းသို့ မရောက်ခဲ့သော အတိတ်သမိုင်း တစ်လျှောက်က လူပုဂ္ဂိုလ်များထက် သာ၍အဆင့်မြင့်သည်။ စမ်းသပ်မှုများနှင့် ပတ်သက်သည့် သင်တို့၏ အသိဉာဏ်များဖြစ်စေ၊ ဘုရားသခင်အား ယုံကြည်ခြင်းဖြစ်စေ၊ ၎င်းတို့အားလုံးသည် ဘုရားသခင်၌ မည်သည့်ယုံကြည်သူမဆို၏ အသိဉာဏ်ထက် သာ၍ မြင့်မားလေသည်။ သင်တို့ နားလည်သော အရာများမှာ ပတ်ဝန်းကျင် အနေအထားများကြောင့် ဖြစ်သည့် စစ်ဆေးစမ်းသပ်ခြင်း များကို သင်တို့ မရင်ဆိုင်မီ သင်တို့ သိလာသော အရာဖြစ်သည်။ သို့သော် သင်တို့၏ ဝိညာဉ်အရွယ်ထက် ထို စမ်းသပ်စစ်ဆေးခြင်းများမှာ ပို၍ လုံးလုံးလျားလျား ကြီးမားနေသည်။ သင်တို့ သိသောအရာသည် သင်တို့ လက်တွေ့ လုပ်ဆောင်သော အရာထက် သာ၍ မြင့်မားသည်။ ဘုရားသခင်ကို ယုံကြည်သောသူတို့သည် ဘုရားသခင်ကို ချစ်မြတ်နိုးသင့်ကြောင်း၊ ကောင်းချီး ရဖို့ရန်အတွက်သာ မကြိုးစားသင့်ဘဲ ဘုရားသခင်၏ အလိုကို ပြည့်စုံစေဖို့သာ ကြိုးစားသင့်ကြောင်း သင်တို့ ပြောတတ်သော်လည်း သင်တို့၏ အသက်တာထဲတွင် ထင်ရှားပြသသည့် အရာတို့မှာ အပြောနှင့် အလုပ် တစ်ခြားစီ ဖြစ်နေသည်။ သင်တို့ အသက်တာထဲမှ ထွက်သော အရာများသည် အင်မတန် ပုပ်သိုးနံဟောင်နေသည်။ လူအများစုသည် ငြိမ်သက်ခြင်းရရန်နှင့် အခြားသော အကျိုးများကို ရရှိရန်အတွက်သာ ဘုရားသခင်ကို ယုံကြည်ကြသည်။ သင့်အတွက် အကျိုး မရှိပါက ဘုရားသခင်ကို သင်မယုံကြည်၊ ဘုရားသခင်၏ ကျေးဇူးတော်ကို သင်မခံစားရပါက စိတ်ကောက် သည်။ သင်ပြောပြီးသောအရာသည် သင်၏ စစ်မှန်သောဝိညာဉ်အရွယ်ဖြစ်နိုင်မည်နည်း။ သားသမီးများ နေမကောင်းဖြစ်ခြင်း၊ ခင်ပွန်းသည်များ ဆေးရုံတက်ရခြင်း၊ စီးပွားကျခြင်း၊ မိသားစုဝင်များ၏ ဖိနှိပ်ညှင်းဆဲမှုကို ခံရခြင်းစသဖြင့် ရှောင်လွှဲ၍မရသော မိသားစု အခက်အခဲ ပြဿနာများကို ကြုံတွေ့သည့် အခါ သင်၏ နေ့စဉ် အသက်တာ၌ ဖြစ်လေ့ရှိသော အဆိုပါ အခက်အခဲ ပြဿနာများကိုပင် သင်ကျော်လွှား အောင်မြင်နိုင်ခြင်း မရှိ။ ထိုကဲ့သို့ အခက်အခဲပြဿနာများကို ကြုံတွေ့သည့်အခါ သင်စိုးရိမ်ထိတ်လန့် တတ်ကြသည်၊ ဘာလုပ်၍ ဘာကိုင်ရမှန်းမသိ ဖြစ်တတ်ပြီး ဘုရားသခင်ကို အချိန်တိုင်းလိုလို ညည်းတွား ကြသည်။ ဘုရားသခင်၏ နှုတ်ကပတ်တော်သည် သင့်အား လှည့်စားသည်ဟု လည်းကောင်း ဘုရားသခင်၏ အလုပ်သည် သင့်အား ရှုပ်ထွေးစေသည်ဟု လည်းကောင်း သင်ညည်းတွားသည်။ သင်တို့တွင် ထိုကဲ့သို့သော အတွေးများ မရှိသလော။ သင်တို့၌ ထိုသို့ တစ်ခါတစ်ရံသာ တွေးတော ညဉ်းညူသည်ဟု သင်ထင်သလော။ ထိုကဲ့သို့သော ဖြစ်ရပ်များတွင် အသက်ရှင်ရင်း သင်တို့သည် နေ့စဉ် အချိန်ကို ကုန်လွန်စေကြသည်။ ဘုရားသခင်အပေါ် ယုံကြည်သည့် ယုံကြည်ခြင်း အဘယ်သို့ ခိုင်ခံ့စေမည့် အကြောင်း၊ ဘုရားသခင်၏ အလိုကို အဘယ်သို့ ကျေနပ်စေရန် အသက်ရှင်မည့် အကြောင်း သင်တို့ အနည်းငယ်မျှ မဆင်ခြင်။ သင်တို့၏ ဝိညာဉ်အရွယ်သည် ငယ်လွန်းသည်၊ ကြက်ပေါက်စကလေး၏ အရွယ်ထက်ပင် ပို၍ ငယ်သည်။ သင်တို့ မိသားစု၏လုပ်ငန်းတွင် ငွေအရှုံးပေါ်သည့်အခါ ဘုရားသခင်ကို ညည်းတွားကြသည်၊ ဘုရားသခင်၏ အကွယ်အကာ မရှိသော နေရာ၌ သင်တို့ ရောက်နေမှန်း သိသည့်အခါတွင်လည်း ဘုရားသခင်ကို ညည်းတွား ကြသည်၊ သင်တို့ မွေးမြူသော ကြက်ကလေးများထဲမှ တစ်ကောင် သေသည့်အခါ၊ သို့မဟုတ် နွားခြံထဲမှ နွားအိုကြီး တစ်ကောင် ဖျားနာသည့်အခါပင်လျှင် သင်တို့ ညဉ်းတွားတတ်ကြသည်၊ သင်၏သား အိမ်ထောင်ပြုရန် အချိန်တန်သော်လည်း သင်မိသားစု၌ ငွေကြေးအလုံအလောက် မရှိသည့်အခါတွင် သင် ညည်းတွားသည်၊ သင်သည် ဧည့်ဝတ်ပြုခြင်းတာဝန်ကို ဆောင်ရွက်ချင်သော်လည်း ယင်းကို မတတ်နိုင်သောအခါ၌လည်း သင်ညည်းတွားသည်။ သင်သည် ညည်းတွားမှုများနှင့် ပြည့်လျှံလျက်ရှိပြီး ထိုအကြောင်းကြောင့် သင်သည် တစ်ခါတစ်ရံ စည်းဝေးပွဲများကို မတက်ရောက် သို့မဟုတ် ဘုရားသခင်၏ နှုတ်ကပတ်တော်များကိုလည်း မစားနိုင်၊ မသောက်နိုင် ဖြစ်နေသည်၊ အချိန်အတော်အတန် ကြာမြင့်စွာ သင်သည် ယုတ်လျော့ ကျဆင်းခြင်း အသက်တာဖြင့်သာ ရှင်နေသည်။ ယနေ့ သင့်အသက်တာ၌ ဖြစ်ပျက်သမျှသည် သင်၏ တက်လမ်း သို့မဟုတ် ကံကြမ္မာနှင့် တစ်စုံတစ်ရာမျှ မသက်ဆိုင်၊ ဘုရားသခင်ကို သင်မသိ၊ မယုံကြည် လျှင်လည်း ထိုအရာများကို ကြုံတွေ့နိုင်သည်။ သို့သော်လည်း ယနေ့ သင်သည် ဖြစ်ပျက်သမျှအတွက် ဘုရားသခင်ကို တာဝန်ယူခိုင်းပြီး ဘုရားသခင်က သင့်အား သုတ်သင်ပယ်ရှင်းလိုက်ကြောင်း အကျောက် အကန် ဆိုသည်။ သင်၏ ဘုရားသခင်အား ယုံကြည်မှုမှာကော မည်သို့နည်း၊ သင်၏ အသက်ကို ဧကန်အမှန် အပ်နှံပြီးပြီလော။ ယောဘ ကြုံတွေ့ခဲ့သည့် စမ်းသပ်ခြင်းမျိုးကို သင်တို့ ကြုံတွေ့ခံစား ရပါက ယနေ့ ဘုရားသခင် နောက်လိုက်သော သင်တို့ထဲတွင် အဘယ်သူမျှ တည်ကြည်ခိုင်ခံ့စွာ အဆုံးတိုင် ရပ်တည်နိုင်ကြမည် မဟုတ်၊ သင်တို့အားလုံး လဲကျပျက်စီးကုန်မည်။ ထို့အပြင် သင်တို့နှင့် ယောဘ အကြားတွင် မတူညီသော လောကတစ်ခု အင်မတန် ရိုးရှင်းစွာ တည်ရှိနေသည်။ ယနေ့တွင် အကယ်၍ သင်တို့၏ ပိုင်ဆိုင်မှု ပစ္စည်းဥစ္စာများ တစ်ဝက်နီးပါး အသိမ်းယူခံရပါက ဘုရားသခင် တည်ရှိသည့် အကြောင်း ကိုပင် သင်တို့ ငြင်းဆန်ရဲကြလိမ့်မည်၊ အကယ်၍ သင်တို့၏ သား သို့မဟုတ် သမီး သင်တို့ထံမှ ရုတ်သိမ်း ခံရပါက သင်တို့ လမ်းမပေါ်သို့ ထွက်၍ ကျယ်လောင်စွာ ဆဲဆိုပြစ်တင်ကြမည်၊ အကယ်၍ သင်၏ အသက်မွေးဝမ်းကျောင်းပြုရန် တစ်ခုတည်းသောနည်းလမ်းမှာ ထွက်ပေါက်မရှိသော အခြေအနေသို့ ရောက်သည့်အခါ သင်သည် ဘုရားသခင်နှင့် အပြတ်အသတ် ငြင်းခုံကာ သင့်အား အစကတည်းက အဘယ်ကြောင့် စိုးရိမ်ကြောက်ရွံ့စေသော စကားများ ကို ငါပြောရသနည်းဟု သင်တို့ မေးကြလိမ့်မည်။ ယင်းကဲ့သို့ အချိန်များတွင် သင်တို့ မလုပ်ရဲသည့်အရာ ရှိမည်မဟုတ်။ ဤသို့ဖြင့် သင်တို့သည် စစ်မှန်သောထိုးထွင်းအမြင် တစ်စုံတစ်ရာကို မရသေးကြောင်းနှင့် စစ်မှန်သော ဝိညာဉ်အသက်တာ မရှိကြောင်း ပြသနေသည်။ သင်တို့သည် လွန်စွာသိည့်အတွက် သင်တို့၏ အထဲမှ စမ်းသပ် စစ်ဆေးခြင်းများသည် အင်မတန် ကြီးမားသော်လည်း သင်တို့၏ အမှန်တကယ် သိခြင်းသည် သင်တို့ သတိပြုမိသော အရာများနှင့် ယှဉ်ပါက အပုံတစ်ထောင်တွင် တစ်ပုံမျှသာ မရှိချေ။ နားလည်ခြင်းနှင့် အသိပညာ၌သာ မရပ်တန့်ကြနှင့်။ သင်တို့ မည်မျှ လက်တွေ့ အသက်ရှင်နိုင်ကြောင်း၊ သင်တို့ ကိုယ်တိုင် ကြိုးပမ်းလုပ်ဆောင်၍ ကျသော ချွေးစက်အားဖြင့် သန့်ရှင်းသော ဝိညာဉ်တော်၏ မည်မျှ ဉာဏ်အလင်းပေး ခံရခြင်းနှင့် အလင်းပေးခြင်းအဖြစ် အသွင်ပြောင်းလဲသွားကြောင်းကို သာမက သင်တို့ ကိုယ်ပိုင် စိတ်ဆုံးဖြတ်ချက်ဖြင့် သင်တို့၏ အလေ့အကျင့် မည်မျှတို့ကို လက်တွေ့ ဖြစ်မြောက်အောင် လုပ်ဆောင် နိုင်ကြောင်းကို သင်တို့ တွေ့မြင်လျှင် သာ၍ကောင်းမည်။ သင်၏ ဝိညာဉ်အရွယ်နှင့် အလေ့အကျင့်တို့ကို သင်အလေးအနက် ထားသင့်သည်။ ဘုရားသခင်အား သင့်ယုံကြည်ခြင်း၌ မည်သူ့အတွက်မဆို ဝတ်ကျေ တမ်းကျေ သာမန်ကာလျှံကာ စိတ်ဓါတ်ဖြင့် ပြုစုလုပ်ဆောင်ရန် မကြိုးစားသင့်။ နောက်ဆုံးတွင် သမ္မာတရားနှင့် အသက်ကို သင်ရယူနိုင်ခြင်း ရှိ၊ မရှိ ဆိုသည်မှာ သင်ကိုယ်တိုင်၏ ကြိုးပမ်းအားထုတ်ခြင်း အပေါ်တွင် မူတည်ပေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လက်တွေ့လုပ်ဆောင်ခြင်း (၃)” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၁၅)

အချို့သည် မိမိတို့ကိုယ်ကိုယ် လှလှပပ ဆင်ယင်ကြသော်လည်း အပေါ်ယံဖြစ်၏။ ညီအစ်မများသည် မိမိတို့ကိုယ်ကိုယ် ပန်းများကဲ့သို့ လှလှပပ ဆင်ယင်ကြပြီး ညီအစ်ကိုများသည် မင်းညီမင်းသားများ သို့မဟုတ် ချမ်းသာကြွယ်ဝသော ဂိုက်ထုတ်လွန်းသူများကဲ့သို့ ဝတ်စားကြသည်။ ၎င်းတို့စားသည့်အရာနှင့် ဝတ်သည့်အရာများ ကဲ့သို့သော အပေါ်ယံ အရာများနှင့်ပတ်သက်၍သာ ၎င်းတို့ ဂရုစိုက်ကြသည်။ အတွင်းတွင်၊ ၎င်းတို့သည် ခိုကိုးရာမဲ့ဖြစ်ကာ ဘုရားသခင်နှင့်ဆိုင်သော အသိပညာ အနည်းငယ်မျှ မရှိကြချေ။ ဤတွင် မည်သည့် အဓိပ္ပါယ်ရှိနိုင်သနည်း။ ပြီးလျှင်၊ ဆင်းရဲနုံချာသော သူတောင်းစားများကဲ့သို့ ဝတ်ဆင်ကြသူအချို့ ရှိ၏- ၎င်းတို့သည် အရှေ့ အာရှကျွန်များနှင့် အမှန်တူကြ၏။ သင်တို့ကို ငါ တောင်းဆိုသည့်အရာကို သင်တို့ အမှန်တကယ် နားမလည်ကြသလော။ သင်တို့ကိုယ်ကြား ဆွေးနွေးကြလော့။ မည်သည့်အရာကို သင်တို့ အမှန်ရရှိကြပြီနည်း။ သင်တို့သည် ဤနှစ်ကာလများအားလုံး၌ ဘုရားသခင်ကို ယုံကြည်ကြပြီး ဖြစ်သော်လည်း သင်တို့ ရိတ်သိမ်းကြသည်မှာ ဤမျှသာ ဖြစ်သည်- သင်တို့ ကသိကအောက်မဖြစ်ကြဘူးလော။ သင်တို့ မရှက်ကြဘူးလော။ ဤနှစ်ကာလများအားလုံးတွင် မှန်သော လမ်းခရီးကို သင်တို့ လိုက်စားနေခဲ့ကြပြီးဖြစ်သော်လည်း ယနေ့ သင်တို့၏ ဝိညာဉ်အသက်တာသည် စာငှက်တစ်ကောင်ထက် နိမ့်ကျဆဲဖြစ်၏။ သင်တို့ကြားက ငယ်ရွယ်သော အမျိုးသမီးများကို ကြည့်လော့၊ သင်တို့အချင်းချင်း နှိုင်းယှဉ်နေကြရင်း သင်တို့၏ အဝတ်အစားများနှင့် မိတ်ကပ်ဖြင့် ဓါတ်ပုံများကဲ့သို့ လှပနေကြ၏- သင်တို့ မည်သည့်အရာကို နှိုင်းယှဉ်ကြသနည်း။ သင်တို့၏ သာယာမှုလော။ သင်တို့၏ တောင်းဆိုမှုများလော။ ငါသည် စံပြမယ်များကို စုဆောင်းရန် ကြွလာပြီဟု သင်တို့ ထင်ကြသလော။ သင်တို့တွင် အရှက်မရှိကြ။ သင်တို့၏ အသက်တာသည် အဘယ်မှာနည်း။ သင်တို့ လိုက်စားသည့်အရာမှာ သင်တို့၏ ကိုယ်ပိုင် လွန်ကဲသော စိတ်ဆန္ဒသာ ဖြစ်သည် မဟုတ်လော။ သင်သည် အလွန် လှပသည်ဟု သင်ထင်၏၊ သို့သော် ဝတ်ကောင်းစားလှ မျိုးစုံဖြင့် သင် ဝတ်ဆင်ကောင်း ဝတ်ဆင်နိုင်သော်လည်း၊ အမှန်တွင် သင်သည် နောက်ချေးပုံတစ်ခု၌ မွေးဖွားသည့် လူးလွန့်လှုပ်ရှားနေသည့် လောက်ကောင်တစ်ကောင် ဖြစ်သည် မဟုတ်လော။ ယနေ့တွင်၊ သင်သည် ကောင်းကင်ဘုံ နှင့်ဆိုင်သော ဤကောင်းချီးမင်္ဂလာများကို မွေ့လျော်ဖို့ ကံကောင်းသည်မှာ သင်၏ လှပသော မျက်နှာကြောင့်မဟုတ်ဘဲ၊ ဘုရားသခင်သည် သင့်ကို ချီးမြှောက်ခြင်းအားဖြင့် ချွင်းချက်တစ်ခု ပြုလုပ်နေသောကြောင့် ဖြစ်သည်။ သင် မည်သည့်နေရာမှ လာသည်ကို သင် မရှင်းမလင်း ဖြစ်နေဆဲလော။ အသက်တာဟု ပြောလိုက်လျှင်ပင်၊ သင်သည် ရုပ်တုတစ်ခုကဲ့သို့ ဆွံ့အလျက်၊ သင်သည် နှုတ်ပိတ်ပြီး ဘာမျှမပြောပေ၊ သို့တိုင် သင်သည် မိမိကိုယ်ကိုယ် ဝတ်စား ဆင်ယင်ဝံ့သေး၏။ သင်၏ မျက်နှာကို ပါးနီနှင့် ပေါင်ဒါတို့ လိမ်းဖို့ လိုလားသေး၏။ ၎င်းတို့၏ မျက်နှာများပေါ်တွင် ခပ်တည်တည် မျက်နှာပေးများဖြင့် စိမ်ပြေနပြေ လမ်းလျှောက်ရင်း တစ်နေ့လုံး အချိန်ကုန်ဆုံးနေသော၊ ထိန်းမနိုင် သိမ်းမရသော သင်တို့ကြားက ဂိုက်ထုတ်လွန်းသူ ထိန်းရကျောင်းရ ခက်သည့် အမျိုးသားများကို ကြည့်လော့။ ဤသည်မှာ လူတစ်ဦး ပြုမူသင့်သည့် ပုံလော။ သင်တို့ကြားက အမျိုးသားဖြစ်စေ အမျိုးသမီးဖြစ်စေ အသီးသီးတို့သည် တစ်နေ့လုံး သင်တို့၏ အာရုံကို မည်သည့်အရာ၌ မြှုပ်နှံထားသနည်း။ သင်တို့သည် မိမိတို့ကိုယ်ကိုယ် ကျွေးမွေးဖို့ရန် မည်သူ့အပေါ် မှီခိုသည်ကို သိကြသလော။ သင်၏ အဝတ်အစားကို ကြည့်လော၊ သင်၏လက်၌ ရိတ်သိမ်းခဲ့သည့်အရာကို ကြည့်လော့၊ သင်၏ ဝမ်းဗိုက်ကို ပွတ်လော့- ဤယုံကြည်ခြင်း နှစ်ကာလများတစ်လျှောက်လုံး သင် ပေးဆပ်ပြီးဖြစ်သည့် သွေးနှင့်ချွေး အဖိုးအခမှ မည်သည့်အရာကို သင် အကျိုးအမြတ် ရရှိပြီနည်း။ ရှုခင်းသွားကြည့်ဖို့ သင် တွေးသေး၏၊ သင်၏ အပုပ်နံ့ထွက်နေသော ခန္ဓာကို တန်ဆာဆင်ဖို့ သင် တွေးဆဲဖြစ်သည်- သုံးမရသော လိုက်စားမှုများပေတည်း။ ပုံမှန် လူတစ်ဦးဖြစ်ဖို့ သင့်ကို တောင်းဆိုထားသော်လည်း၊ ယခုတွင် သင်သည် တကယ်ကို မူမမှန်သာမက၊ ဖောက်ပြန်ပေသည်။ ထိုသို့သော လူတစ်ဦးသည် ငါ့ရှေ့သို့လာဖို့ရန် အဘယ်သို့ ရဲတင်းမှု ရှိနိုင်ရသနည်း။ ဤသို့သော လူ့သဘာဝတစ်ခုဖြင့်၊ သင်၏ ဆွဲဆောင်မှုများကို ထုတ်ပြရင်းနှင့် သင်၏ ခန္ဓာကိုယ်ကို ကြွားလုံးထုတ်ရင်း၊ ဇာတိပကတိ၏ တပ်မက်မှုများအတွင် အစဉ်အမြဲ အသက်ရှင်ရင်း- သင်သည် ညစ်ညူးသော နတ်ဆိုးများနှင့် ဝိညာဉ်ဆိုးများ၏ သားမြေးစဉ်ဆက်တစ်ဦး ဖြစ်သည် မဟုတ်လော။ ထိုသို့သော ညစ်ညူးသည့် နတ်ဆိုးတစ်ဦးကို အချိန်ကြာမြင့်စွာ တည်ရှိမြဲတည်ရှိဖို့ရန် ငါသည် ခွင့်ပြုလိမ့်မည်မဟုတ်။ ပြီးလျှင် သင်၏ နှလုံးသားထဲ၌ သင် တွေးသည့်အရာကို ငါ မသိဟု မထင်လေနှင့်။ သင်တို့အနေဖြင့် မိမိ၏ တပ်မက်မှုနှင့် မိမိ၏ ဇာတိပကတိကို တင်းတင်းကျပ်ကျပ် ထိန်းချုပ်သင့်၏၊ သို့သော် သင်၏ စိတ်နှလုံးထဲက သင် သိုထားသည့် အတွေးများကို အဘယ်သို့ ငါ မသိနိုင်ရမည်နည်း။ သင်၏ မျက်လုံးများ တပ်မက်သည့်အရာအားလုံးကို အဘယ်သို့ ငါ မသိနိုင်ရမည်နည်း။ သင်တို့၏ ခန္ဓာကိုယ်ကို ထုတ်ပြဖို့အလို့ငှာ အသင် မိန်းမငယ်တို့သည် မိမိတို့ကိုယ်ကိုယ် အလွန်လှပစေကြသည် မဟုတ်လော။ ယောက်ျားများသည် သင်တို့အဖို့ အဘယ်အကျိုးရှိ သနည်း။ သင်တို့ကို ဒုက္ခပင်လယ်မှ ၎င်းတို့က အမှန်ပင် ကယ်တင်နိုင်သလော။ သင်တို့ကြားက ဂိုက်ထုတ်လွန်းသူများအတွက်မူ၊ သင်တို့အားလုံးသည် မိမိတို့ကိုယ်ကိုယ် မွန်မွန်ရည်ရည် ရှိပြီး ခံ့ညားသည့်ပုံပေါ်စေဖို့ ဝတ်ဆင်ကြ၏၊ သို့သော် ဤသည်မှာ သင်တို့၏ မြူးကြွားကြွရွ နှစ်လိုဖွယ်ကောင်းသော ပုံပန်းများဆီသို့ အာရုံစိုက်စေဖို့ စီစဉ်ထားသည့် မာယာတစ်ခု ဖြစ်သည် မဟုတ်လော။ ဤအရာကို သင်တို့ မည်သူ့အတွက် လုပ်ဆောင်နေကြသနည်း။ မိန်းမများသည် သင်တို့အဖို့ မည်သည့် အကျိုးရှိသနည်း။ ၎င်းတို့သည် သင်တို့ အပြစ်၏ အရင်းအမြစ် ဖြစ်ကြသည် မဟုတ်လော။ အသင် ယောက်ျားနှင့် မိန်းမတို့၊ သင်တို့ကို နှုတ်ကပတ်တော်များစွာ ငါ ပြောပြီးလေပြီ၊ သို့တိုင် သင်တို့သည် ၎င်းတို့အနည်းငယ်မျှကိုသာ လိုက်နာခဲ့ပြီးဖြစ်သည်။ သင်တို့ နားများသည် ထိုင်းကြ၏၊ သင်တို့ မျက်စိများ မှုန်သွားကြပြီး သင်တို့၏ စိတ်နှလုံးများက မာကျောကြသည်မှာ သင်တို့ ခန္ဓာကိုယ်များတွင် တပ်မက်မှုကလွဲ၍ ဘာမျှမရှိသည်အထိ၊ ထိုအထဲတွင် သင်တို့ မိနေကြပြီး မလွတ်မြောက်နိုင်သည်အထိ ဖြစ်သည်။ လောက်ကောင်များဖြစ်သည့်၊ ညစ်ညူးမှုနှင့် အညစ်အကြေးထဲတွင် လူးလွန့်ကြသည့် သင်တို့အနီး မည်သည့်နေရာကိုမဆို အဘယ်သူ သွားချင်မည်နည်း။ သင်တို့သည် နောက်ချေးပုံထဲမှ ငါ ချီးမြှောက်ခဲ့သည့်သူများထက် ဘာမျှမပိုသည်ကို၊ နဂိုမူလအားဖြင့် ပုံမှန် လူ့သဘာဝအား သင်တို့ မပိုင်ဆိုင်ခဲ့ကြသည်ကို မမေ့လျော့နှင့်။ သင်တို့ကို ငါ တောင်းဆိုသော အရာမှာ မူလက သင်တို့ မပိုင်ဆိုင်ခဲ့ကြသည့် ပုံမှန် လူ့သဘာဝဖြစ်သည်၊ သင်တို့၏ တပ်မက်မှုကို ထုတ်ပြဖို့ မဟုတ်သကဲ့သို့၊ နှစ်ပေါင်းအလွန်များစွာကြာ နတ်ဆိုးက လေ့ကျင့်ပေးခဲ့သည့် သင်တို့၏ ဆီချေးစော်နံသော ဇာတိပကတိကို အတားအဆီးမဲ့ ပြုမူခွင့်ပေးဖို့ မဟုတ်ချေ။ ထိုသို့ သင်တို့ကိုယ်သင်တို့ ဝတ်ဆင်ကြသည့်အခါ၊ သင်တို့ ပိုမို နက်ရှိုင်းစွာ ကျော့ကွင်း မိလာကြမည်ကို မကြောက်ကြသလော။ သင်တို့သည် နဂိုမူလက အပြစ်နှင့်သက်ဆိုင်သည်ကို မသိကြသလော။ သင်တို့၏ ခန္ဓာကိုယ်များသည် သင်တို့၏ အခြေအနေများကို သည်းမခံနိုင်အောင် အကျည်းတန်ပြီး ညစ်ညူးသော နတ်ဆိုးများအဖြစ် ထုတ်ဖော်ပြရင်း သင်တို့၏ အဝတ်အစားမှပင် ယိုစိမ့်သည့် တပ်မက်မှုဖြင့် အလွန်ပြည့်လှသည်ကို သင်တို့ မသိကြသလော။ ဤအရာကို သင်တို့သည် မည်သူမဆိုထက် သာ၍ ရှင်းလင်းစွာ သိကြသည်မှာ မှန်သည် မဟုတ်လော။ သင်တို့၏ စိတ်နှလုံးများ၊ သင်တို့၏ မျက်စိများ၊ သင်တို့၏ နှုတ်ခမ်းများ- ၎င်းတို့အားလုံးကို ညစ်ညူးသော နတ်ဆိုးများက ညစ်ညမ်းစေပြီး ဖြစ်သည် မဟုတ်လော။ သင်၏ ဤအစိတ်အပိုင်းများသည် ညစ်ညူးကြသည် မဟုတ်လော။ သင် မပြုမူသရွေ့ အသန့်ရှင်းဆုံး ဖြစ်သည်ဟု သင် ထင်သလော။ လှပသော အဝတ်အစားများကို ဝတ်ဆင်ခြင်းက သင်တို့၏ ယုတ်ညံ့သော ဝိညာဉ်များကို ဖုံးကွယ်နိုင်သည်ဟု သင် ထင်သလော။ ယင်းက အလုပ်ဖြစ်မည် မဟုတ်။ သာ၍ လက်တွေ့ကျရန် သင်တို့ကို ငါ အကြံပေး၏။ အယောင်မဆောင်၊ ဟန်မဆောင်နှင့်၊ ပြီးလျှင် မိမိတို့ကိုယ်ကိုယ် ပြစားဝင့်ဝါခြင်း မရှိနှင့်။ သင်တို့သည် အချင်းချင်း သင်တို့၏ တပ်မက်မှုကို ကြွားလုံးထုတ်ကြသည်၊ သို့သော် အပြန်အလှန်အားဖြင့် သင်တို့ ရရှိမည့်အရာမှာ ထာဝရ ဆင်းရဲဒုက္ခခံစားခြင်းနှင့် ရက်စက်သော ပြစ်တင်ဆုံးမခြင်းသာ ဖြစ်သည်။ သင်တို့ အချင်းချင်း မျက်စပစ်ဖို့နှင့် စိတ်ကူးယဉ်ချစ်ဇာတ်လမ်းထဲ မွေ့လျော်ဖို့ အဘယ်လိုအပ်သနည်း။ ဤသည်မှာ သင်တို့၏ ဂုဏ်သိက္ခာ အတိုင်းအဆ၊ သင်တို့၏ တည်ကြည်မှု အတိုင်းအတာလော။ သင်တို့ထဲမှ မကောင်းသော ဆေးနှင့် နတ်ဝိဇ္ဇာအတတ်တို့တွင် ပါဝင်ပတ်သက်သူများကို ငါ စက်ဆုပ်၏။ သင်တို့အထဲတွင် မိမိတို့ကိုယ်တိုင်၏ ဇာတိပကတိကို ချစ်သော ငယ်ရွယ်သည့် ယောက်ျားများနှင့် မိန်းမများကို ငါ စက်ဆုပ်၏။ ယခု သင်တို့ကို ပုံမှန်လူ့သဘာဝ ပိုင်ဆိုင်ဖို့ သတ်မှတ်ထားပြီး သင်တို့၏ တပ်မက်မှုကို သင်တို့အား ကြွားလုံးထုတ်ခွင့် မပြုထားသောကြောင့် သင်တို့ မိမိကိုယ်ကိုယ် ချုပ်တည်းပါက ပိုကောင်းပေမည်- သို့တိုင် သင်တို့၏ ဇာတိပကတိသည် အလွန်ပေါများပြီး သင်တို့၏ တပ်မက်မှုက အလွန်ကြီးမားသည့်အတွက် သင်တို့သည် ရရှိနိုင်သော အခွင့်အရေးတိုင်းကို အရယူကြပေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လက်တွေ့လုပ်ဆောင်ခြင်း (၇)” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၁၆)

ယခုတွင်၊ သင်တို့၏ လိုက်စားခြင်းက ထိရောက်မှုရှိ မရှိဆိုသည်ကို လောလောဆယ် သင်တို့ ပိုင်ဆိုင်သည့်အရာအားဖြင့် တိုင်းတာပေသည်။ ဤသည်မှာ သင်တို့၏ အကျိုးဆက်ကို ဆုံးဖြတ်ဖို့ အသုံးပြုသည့်အရာ ဖြစ်သည်။ ဤသည်မှာ၊ သင်တို့၏ အကျိုးဆက်သည် သင်တို့ ပြုပြီးသည့် စွန့်လွတ်မှုများနှင့် သင်တို့ လုပ်ဆောင်ပြီးဖြစ်သည့် အရာများတွင် ထုတ်ဖော်ပြခံရသည်ဟု ဆိုလိုသည်။ သင်တို့၏ အကျိုးဆက်ကို သင်တို့၏ လိုက်စားမှု၊ သင်တို့၏ ယုံကြည်ခြင်းနှင့် သင်တို့ လုပ်ဆောင်ပြီးဖြစ်သည့် အရာအားဖြင့် သိစေလိမ့်မည်ဖြစ်သည်။ သင်တို့ အားလုံးအလယ်တွင်၊ ကယ်တင်၍ မရနိုင်သော သူများစွာ ရှိနှင့်လေသည်၊ အကြောင်းမူကား ယနေ့သည် လူတို့၏ အကျိုးဆက်များကို ထုတ်ဖော်ပြသည့် နေ့ရက်ဖြစ်ပြီး ငါ၏ အမှု၌ ငါသည် မပြတ်မသားဖြစ်မည်မဟုတ်၊ ငါသည် လုံးဝ ကယ်တင်၍ မရသော သူတို့ကို လာမည့်ခေတ်ထဲသို့ ငါ ဦးဆောင်မည်မဟုတ်။ ငါ၏ အမှု ပြီးစီးသည့် အချိန်တစ်ချိန် ရှိလိမ့်မည်။ ငါသည် လုံးဝ ကယ်တင်၍မရနိုင်သည့် ထိုနံစော်သော၊ ဝိညာဉ်ကင်းမဲ့သော အသေကောင်များအပေါ် အမှုပြုမည်မဟုတ်။ ယခုသည် လူသား၏ ကယ်တင်ခြင်း၏ နောက်ဆုံးသော ကာလဖြစ်ပြီး အချည်းနှီးသော အမှုကို ငါလုပ်ဆောင်မည်မဟုတ်။ ကောင်းကင်နှင့် မြေကြီးကို မကြိမ်းမောင်းနှင့်- ကမ္ဘာလောက၏ အဆုံးသည် ရောက်လာ နေပြီဖြစ်သည်။ ယင်းကို ရှောင်လွှဲမရနိုင်ပေ။ အမှုအရာများသည် ဤအခြေအနေထိ ရောက်လာပြီးဖြစ်ကာ ၎င်းတို့ကို ရပ်တန့်စေဖို့ လူသားတစ်ဦးအနေဖြင့် သင် လုပ်ဆောင်နိုင်သည့်အရာ ဘာမျှမရှိ။ အမှုအရာများကို သင် ဆန္ဒရှိသည့်အတိုင်း ပြောင်းလဲ၍ မရနိုင်။ မနေ့က၊ သမ္မာတရားကို လိုက်စားဖို့ သင် အဖိုးအခ မပေးခဲ့သကဲ့သို့ သင်သည် သစ္စာမရှိခဲ့ပေ။ ယနေ့တွင်၊ အချိန်ကျလာပေပြီ၊ သင်သည် ကယ်တင်မရနိုင်ပေ။ မနက်ဖြန်တွင်၊ သင်သည် ပယ်ရှင်းခံ ရလိမ့်မည်ဖြစ်ပြီး သင်၏ ကယ်တင်ခြင်းအတွက် လူးသာလွန့်သာ ရှိလိမ့်မည်မဟုတ်။ ငါ၏ စိတ်နှလုံးသည် နူးညံ့သိမ်မွေ့ပြီး သင့်ကို ကယ်တင်ဖို့ ငါ အစွမ်းကုန် လုပ်ဆောင်နေသော်လည်း၊ သင့်အတွက် သင် မကြိုးပမ်းပါက သို့မဟုတ် သင့်အတွက် မည်သို့မျှ သင်မစဉ်းစားပါက၊ ဤအရာသည် ငါနှင့် အဘယ်သို့ သက်ဆိုင်သနည်း။ ၎င်းတို့၏ ဇာတိပကတိကိုသာ စဉ်းစားသူနှင့် ဇိမ်ခံစရာကို မွေ့လျော်သောသူများ၊ ယုံကြည်သည်ဟု ထင်ရသော်လည်း အမှန်တကယ် မယုံကြည်သူများ၊ မကောင်းသောဆေးနှင့် နတ်ဝိဇ္ဇာအတတ်၌ ပါဝင်ပတ်သက်သူများ၊ လူတကာနှင့် သောင်းပြောင်းလိင်ဆက်ဆံကာ စုတ်ဖွာပြီး စုတ်ပြတ်နေသူများ၊ ယေဟောဝါထံ ယဇ်ပူဇော်မှုများနှင့် သူ၏ ပိုင်ဆိုင်မှုများကို ခိုးယူသောသူများ၊ တံစိုးလက်ဆောင်များကို နှစ်သက်သောသူများ၊ ကောင်းကင်သို့ တက်ကြွရန် အလဟဿ အိပ်မက်မက်နေသူများ၊ မာန်မာနထောင်လွှားပြီး စိတ်ကြီးဝင်သူများ၊ ပုဂ္ဂိုလ်ရေးကျော်ကြားမှုနှင့် ပစ္စည်းဥစ္စာအတွက်သာ ကြိုးပမ်းကြသူများ၊ ရိုင်းပျသော စကားများကို ဖြန့်ဖြူးသူများ၊ ဘုရားသခင်ကိုယ်တိုင်အား ပြစ်မှားစော်ကားသူများ၊ ဘုရားသခင်ကိုယ်တိုင်အား ဝေဖန်မှုများပြုပြီး အသရေပျက်အောင် လုပ်ကြံပြောဆိုသည်မှလွဲ၍ ဘာမျှမလုပ်ဆောင်သောသူများ၊ အုပ်စုများဖွဲ့ပြီး လွတ်လပ်မှုကို ရှာဖွေသောသူများ၊ ဘုရားသခင်ထက် မိမိတို့ကိုယ်ကိုယ် ချီးမြှောက်သောသူများ၊ လိင်ကိစ္စများတွင် ကိုယ်ကျင့်သိက္ခာကင်းမဲ့မှု၌ မိနေသည့် ပေါ့ပျက်ပျက် လူငယ်၊ သက်လတ်ပိုင်းနှင့် သက်ကြီး အမျိုးသားများနှင့် အမျိုးသမီးများ၊ ပုဂ္ဂိုလ်ရေးကျော်ကြားမှုနှင့် ပစ္စည်းဥစ္စာ၌ မွေ့လျော်ပြီး အခြားအရာများအပြင် ပုဂ္ဂိုလ်ရေး အဆင့်အတန်းနောက် လိုက်သူများ၊ အပြစ်၌ ပိတ်မိနေသည့် နောင်တမရသော လူများ- ၎င်းတို့ အားလုံးသည် ကယ်တင်မရသောသူများ ဖြစ်ကြသည်မဟုတ်လော။ လိင်ကိစ္စများတွင် ကိုယ်ကျင့်သိက္ခာကင်းမဲ့ခြင်း၊ အပြစ်နှင့်ပြည့်ခြင်း၊ မကောင်းသောဆေး၊ နတ်ဝိဇ္ဇာအတတ်၊ ရိုသေလေးမြတ်မှုမရှိသော အပြုအမူနှင့် ရိုင်းပျသော စကားများအားလုံးသည် သင်တို့ကြားတွင် သောင်းကျန်းနေ၏။ ပြီးလျှင် သမ္မာတရားနှင့် အသက်နှင့်ဆိုင်သော နှုတ်ကပတ်တော်များသည် သင်တို့အလယ်တွင် နင်းချေခံရကြပြီး သန့်ရှင်းသော ဘာသာစကားသည် သင်တို့ကြားတွင် ညစ်ညမ်းလေသည်။ အညစ်အကြေးနှင့် မနာခံမှုတို့ဖြင့် ပွထနေသည့် အသင် တပါးအမျိုးသားတို့။ သင်တို့၏ နောက်ဆုံး ရလဒ်သည် မည်သည့်အရာ ဖြစ်လိမ့်မည်နည်း။ ဇာတိပကတိကို နှစ်သက်သူ၊ ဇာတိပကတိနှင့်ဆိုင်သည့် နတ်ဝိဇ္ဇာအတတ်ကို ကျူးလွန်သောသူနှင့် လိင်ကိစ္စ၌ ကိုယ်ကျင့်သိက္ခာမဲ့သည့် အပြစ်တွင် မိနေသောသူတို့သည် အဘယ်သို့ ဆက်လက်ရှင်သန်ဖို့ ရဲတင်းနိုင်သနည်း။ သင်တို့ကဲ့သို့သော လူတို့သည် ကယ်တင်မရသည့် လောက်ကောင်များ ဖြစ်ကြသည်ကို သင် မသိသလော။ ဟိုဟို သည်သည် တောင်းဆိုဖို့ မည်သည့်အရာက သင့်ကို အခွင့်ရှိစေသနည်း။ ယနေ့ထိ၊ သမ္မာတရားကို မနှစ်သက်သောသူနှင့် ဇာတိပကတိကိုသာ ချစ်သောသူတို့၌ ပြောင်းလဲမှု စိုးစဉ်းမျှ မရှိလေပြီ- ထိုသို့သော လူတို့သည် အဘယ်သို့ ကယ်တင်ခံရနိုင်အံ့နည်း။ အသက်လမ်းခရီးကို မနှစ်သက်သောသူ၊ ဘုရားသခင်ကို ချီးမြှောက်ခြင်း မရှိသကဲ့သို့ သူ့ကို သက်သေမခံသောသူ၊ မိမိတို့၏ ကိုယ်ပိုင်အဆင့်အတန်းအဖို့ လျှို့ဝှက်ကြံစည်သောသူ၊ မိမိတို့ကိုယ်ကိုယ် ထောမနာပြုသောသူများ- ၎င်းတို့သည် ယနေ့တွင်ပင် ဤအတိုင်း ရှိနေသေးသည် မဟုတ်လော။ ၎င်းတို့ကို ကယ်တင်ရာတွင် အဘယ်တန်ဖိုး ရှိသနည်း။ သင် ကယ်တင်ခံရနိုင်ခြင်း ရှိမရှိဆိုသည်မှာ သင် မည်မျှဝါရင့်သည် သို့မဟုတ် နှစ်ပေါင်းမည်မျှ သင် အလုပ်လုပ်နေခဲ့ပြီး ဖြစ်သည်ဆိုသည့်အပေါ် မူတည်ခြင်းမရှိပေ၊ သင့်တော်သော အရည်အချင်းများကို တစ်ဆင့်ပြီးတစ်ဆင့် သင် မည်မျှတည်ဆောက်ပြီးပြီဆိုသည့်အပေါ် သာ၍ပင် မူတည်ခြင်းမရှိပေ။ ယင်းထက်၊ ထိုအရာသည် သင်၏လိုက်စားခြင်းက အသီးသီးခြင်း ရှိမရှိ ဆိုသည့်အပေါ် မူတည်လေသည်။ ကယ်တင်ခံရသူတို့သည် အသီးသီးသည့် “သစ်ပင်များ” ဖြစ်ပြီး၊ စိမ်းလန်းစိုပြေသော သစ်ရွက်များ၊ အလျှံပယ်သော ပန်းပွင့်များနှင့် ဖြစ်သော်လည်း မသီးပွင့်သည့် သစ်ပင်များ မဟုတ်သည်ကို သင် သိသင့်သည်။ လမ်းများတွင် နှစ်များစွာ လှည့်လည်သွားလာရင်း သင် အချိန်ကုန်ဆုံးပြီးဖြစ်လျှင်ပင်၊ ယင်းက မည်သည့်အရေးနည်း။ သင်၏ သက်သေခံချက်မှာ အဘယ်မှာနည်း။ ဘုရားသခင်အပေါ် သင်၏ ကြည်ညိုခြင်းသည် သင့်ကိုယ်သင် ချစ်ခြင်းနှင့် သင်၏ ရမ္မက်ကြီးသော ဆန္ဒများထက် များစွာ လျော့လေသည်- ဤကဲ့သို့သော လူမျိုးသည် အကျင့်ပျက်သော သူတစ်ဦး ဖြစ်သည်မဟုတ်လော။ ၎င်းတို့သည် ကယ်တင်ခြင်းအတွက် အဘယ်သို့ နမူနာနှင့် စံပုံစံ ဖြစ်နိုင်မည်နည်း။ သင်၏ သဘာဝဗီဇသည် ပြုပြင်မရ၊ သင်သည် အလွန်ပုန်ကန်လွန်းလှပြီး၊ သင့်ကို ကယ်တင်၍ ရနိုင်မည် မဟုတ်ပေ။ ထိုသို့သော လူတို့သည် ပယ်ရှင်းခံရမည့်သူများ ဖြစ်ကြသည် မဟုတ်လော။ ငါ၏ အမှုပြီးစီးသည့် အချိန်သည် သင်၏ နောက်ဆုံးနေ့ရက် ရောက်ရှိသည့်အချိန် ဖြစ်သည် မဟုတ်လော။ ငါသည် သင်တို့ကြားတွင် အလွန်များလှစွာသော အမှုများကို ပြုပြီးဖြစ်ကာ အလွန်များလှစွာသော နှုတ်ကပတ်တော်များကို ပြောဆိုပြီးလေပြီ- ထိုအရာထဲမှ သင်တို့ အမှန်တကယ် မည်မျှနားဝင်ခဲ့သနည်း။ သင်တို့ မည်မျှ နာခံဖူးပါသနည်း။ ငါ၏ အမှုအဆုံးသတ်သည့်အခါ၊ ယင်းသည် သင်ငါ့ကို ဆန့်ကျင်ခြင်း ရပ်သည့်အချိန်၊ ငါ့ကို ဆန့်ကျင်ရပ်တည်ခြင်းအား သင် ရပ်တန့်သည့်အချိန် ဖြစ်လိမ့်မည်။ ငါ အမှုပြုစဉ်၊ သင်တို့သည် စဉ်ဆက်မပြတ် ငါ့ကို ဆန့်ကျင်ပြုမူ၏။ ငါ၏ နှုတ်ကပတ်တော်များကို သင်တို့ ဘယ်သောအခါမျှ မလိုက်နာကြ။ ငါ၏ အမှုကို ငါလုပ်ဆောင်ပြီး သင်သည် သင်၏ ကိုယ်ပိုင်နိုင်ငံငယ်ကို ဖန်တီးရင်း သင်၏ ကိုယ်ပိုင် “အလုပ်” ကို လုပ်သည်။ သင်တို့သည် ငါ့ကို အရာရာတွင် ငါ့ကို ဆန့်ကျင်နေသည့် မြေခွေးများနှင့် ခွေးများ တစ်အုပ်သာဖြစ်သည်။ ၎င်းတို့၏ မဆုတ်မနစ်သော ချစ်ခြင်းမေတ္တာကို သင့်အား ပေးသောသူတို့ကို ထွေးပိုက်ရန် သင်တို့ စဉ်ဆက်မပြတ် ကြိုးစားနေကြ၏- သင်တို့၏ ရိုသေမှုမှာ အဘယ်မှာနည်း။ သင်တို့ လုပ်သမျှတိုင်းသည် လှည့်ဖြားသော အရာဖြစ်သည်။ သင်တို့တွင် နာခံခြင်း သို့မဟုတ် ကြောက်ရွံ့ခြင်း မရှိသကဲ့သို့ သင်တို့ လုပ်သမျှတိုင်းသည် လှည့်ဖြားသောအရာနှင့် ပြစ်မှား စော်ကားသောအရာ ဖြစ်၏။ ထို့သို့သော လူတို့သည် ကယ်တင်ခံရ နိုင်သလော။ ကာမဂုဏ်အာရုံဆိုင်ရာ အကျင့်ပျက်ပြီး ကာမရာဂ စိတ်ပြင်းပြသော သူတို့သည် ၎င်းတို့၏ ကိုယ်ပိုင် ပျော်မွေ့ခြင်းအတွက် မြူဆွယ်တတ်သော မိန်းမပျက်တို့ကို မိမိတို့ထံ အစဉ်အမြဲ ဆွဲခေါ်လိုကြလေသည်။ ထိုသို့သော ကာမဂုဏ်အာရုံဆိုင်ရာ အကျင့်ပျက်သော မကောင်းဆိုးဝါးများကို ငါသည် လုံးဝ ကယ်တင် လိမ့်မည်မဟုတ်။ ညစ်ညူးသော မကောင်းဆိုးဝါးတို့၊ အသင်တို့ကို ငါ မုန်း၏၊ ပြီးလျှင် သင်၏ ကာမရာဂစိတ်ပြင်းပြမှုနှင့် မြူဆွယ်ခြင်းတို့သည် သင်တို့ကို ငရဲသို့ ထိုးဆင်းစေလတ္တံ့။ သင်တို့ကိုယ်သင်တို့ မည်သို့ ရှင်းပြမည်နည်း။ အသင် ညစ်ညူးသော မကောင်းဆိုးဝါးများနှင့် ဝိညာဉ်ဆိုးများတို့သည် ရွံ့ရှာဖွယ်ဖြစ်၏။ သင်တို့သည် စက်ဆုပ်ဖွယ် ဖြစ်၏။ ထိုသို့သော အမှိုက်သည် အဘယ်သို့ ကယ်တင်ခံရနိုင်မည်နည်း။ အပြစ်ထဲ၌ မိနေသည့် ၎င်းတို့သည် ကယ်တင်ခံရနိုင်သေးသလော။ ယနေ့၊ ဤသမ္မာတရား၊ ဤလမ်းခရီးနှင့် ဤအသက်တို့ကို သင်တို့ စိတ်မဝင်စားစေပေ။ ယင်းထက်၊ သင်တို့သည် အပြစ်နှင့်ပြည့်ဝခြင်း၊ ငွေ၊ ရပ်တည်ချက်၊ ကျော်ကြားမှုနှင့် အကျိုးအမြတ်၊ ဇာတိပကတိ၏ ပျော်မွေ့ခြင်း၊ အမျိုးသားများ၏ ချောမောခန့်ညားခြင်းနှင့် အမျိုးသမီးတို့၏ ဆွဲဆောင်မှုတို့ကို စိတ်ဝင်စားကြ၏။ ငါ၏ နိုင်ငံတော်ထဲသို့ ဝင်ရောက်ဖို့ရန် သင်တို့ကို မည်သည့်အရာက အရည်အချင်းနှင့် ပြည့်မီစေသနည်း။ လူတို့ကြား သင်တို့၏ သိက္ခာကို မဆိုနှင့်ဦးတော့၊ သင်တို့၏ ပုံရိပ်သည် ဘုရားသခင်၏ ပုံရိပ်ထက်ပင် ကြီးမား၏၊ သင်တို့၏ အဆင့်အတန်းသည် ဘုရားသခင်၏ အဆင့်အတန်းထက်ပင် မြင့်မား၏- သင်တို့သည် လူတို့ကိုးကွယ်သည့် ရုပ်တုဆင်းတုများ ဖြစ်လာကြပေပြီ။ သင်သည် ကောင်းကင်တမန်မင်း ဖြစ်လာပြီ မဟုတ်လော။ ကယ်တင်ခြင်း အမှု အဆုံးသတ်ဖို့ နီးမည့်အချိန်လည်းဖြစ်သော လူတို့၏နိဂုံး ထုတ်ဖော်ပြခံရသည့် အချိန်တွင်၊ သင်တို့သည် ကယ်တင်မရသည့် အလောင်းကောင်များ ဖြစ်ကြလိမ့်မည်ဖြစ်ပြီး ပယ်ရှင်းခံရကြပေမည်။ ကယ်တင်ခြင်း အမှု ပြုသည့် အတောအတွင်းတွင်၊ ငါသည် လူအားလုံးအပေါ် ကြင်နာပြီး ကောင်းမြတ်၏။ အမှု အဆုံးသတ်သည့်အခါတွင်၊ လူအမျိုးအစား အမျိုးမျိုး၏ အကျိုးဆက်များ ထုတ်ဖော်ပြခံရလိမ့်မည် ဖြစ်ပြီး၊ ထိုအချိန်တွင် ငါသည် ကြင်နာကာ ကောင်းမြတ်တော့လိမ့်မည် မဟုတ်ပေ။ အကြောင်းမူကား ထိုအချိန်တွင် လူတို့၏ အကျိုးဆက်များသည် ထုတ်ဖော်ပြခံရပြီးဖြစ်သကဲ့သို့ တစ်ဦးစီသည် မိမိတို့၏အမျိုးအစားအလိုက် ခွဲခြားခံရပြီးဖြစ်ကာ နောက်ထပ် ကယ်တင်ခြင်းအမှု ပြုခြင်းက အသုံးဝင်လိမ့်မည် မဟုတ်သည့်အတွက် ဖြစ်သည်။ အဘယ်ကြောင့်ဆိုသော် ကယ်တင်ခြင်းခေတ်သည် လွန်သွားပြီးဖြစ်ကာ၊ ထိုသို့လွန်သွားပြီးဖြစ်သဖြင့်၊ ၎င်းသည် ပြန်ရောက်လာလိမ့်မည် မဟုတ်သောကြောင့် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လက်တွေ့လုပ်ဆောင်ခြင်း (၇)” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၁၇)

လူသားသည် မှောင်မိုက်လွှမ်းမိုးမှု အရိပ်အောက်နှင့် မည်သို့မျှ လွတ်မြောက်နိုင်ခြင်း မရှိသည့် စာတန်လွှမ်းမိုးမှု၏ အချုပ်အနှောင်တွင် နေနေခဲ့ပါသည်။ စာတန်၏ပြောင်းလဲမှု ခံရပြီးနောက် လူသား၏ စိတ်နေသဘောထားသည် တိုး၍အကျင့်ပျက်လာနေ၏။ လူသားသည် အကျင့်ပျက်သည့် စာတန်ဆန်သော စိတ်နေသဘောထားဖြင့် ဘုရားသခင်ကို စစ်မှန်စွာမချစ်နိုင်ဘဲ အမြဲရှိနေခဲ့သည်ဟု ဆိုနိုင်သည်။ သို့ဖြစ်၍ လူသားသည် ဘုရားသခင်ကို ချစ်လိုပါက မိမိကိုယ်ကို သူတစ်ပါးထက် သာ၍ဖြောင့်မှန်သည်၊ သာ၍ အရေးပါသည် ဟူသောစိတ်၊ ဝင့်ဝါစိတ်၊ အထင်ကြီးစိတ်တို့ကို ပယ်ချွတ်ရမည်ဖြစ်သည်။ ၎င်းတို့အားလုံးမှာ စာတန်၏ စိတ်နေသဘောထားများ ဖြစ်သည်။ သို့မဟုတ်ပါက လူသား၏ ချစ်ခြင်းသည် မသန့်စင်သော ချစ်ခြင်း၊ စာတန်၏ ချစ်ခြင်းဖြစ်ပြီး ဘုရားသခင်က လုံးဝ လက်မခံနိုင်သော ချစ်ခြင်းဖြစ်၏။ စုံလင်စေရန် တိုက်ရိုက် လုပ်ဆောင်ခြင်း၊ ကိုင်တွယ်ဖြေရှင်းခြင်း၊ ရိုက်နှက်ဆုံးမခြင်း၊ ချိုးဖဲ့ခြင်း၊ ပြုပြင်ခြင်း၊ ဆုံးမပဲ့ပြင်ခြင်း၊ စစ်ဆေးခြင်း မရှိဘဲ သို့မဟုတ် သန့်ရှင်းသော ဝိညာဉ်တော်က သန့်စင်ခြင်း မရှိဘဲ မည်သူမျှ ဘုရားသခင်ကို စစ်မှန်စွာ ချစ်နိုင်မည် မဟုတ်ပါ။ သင်၏ စိတ်နေသဘောထား တစ်စိတ်တစ်ပိုင်းသည် ဘုရားသခင်ကို ကိုယ်စားပြုသဖြင့် သင်သည် ဘုရားသခင်ကို စစ်မှန်စွာ ချစ်နိုင်သည်ဟု ဆိုလျှင် သင်သည် ဝင့်ဝါစိတ်ဖြင့် ပြောဆိုသူဖြစ်ပြီး ရယ်ဖွယ်ကောင်းသူ ဖြစ်၏။ ထိုသို့သော လူသားများသည် ကောင်းကင်တမန်မင်း ဖြစ်၏။ လူသား၏ မွေးရာပါ သဘောသဘာဝသည် ဘုရားသခင်ကို တိုက်ရိုက် ကိုယ်စားမပြုနိုင်။ ဘုရားသခင်က စုံလင်စေခြင်း အားဖြင့် လူသားသည် ၎င်း၏မွေးရာပါ သဘောသဘာဝ စိတ်ကို စွန့်ပစ်ရမည်။ ထို့နောက် ဘုရားသခင်၏ အလိုကို ဂရုပြုခြင်းအားဖြင့်သာ ဘုရားသခင် အလိုကို ဖြည့်ဆည်းသည့်အပြင် သန့်ရှင်းသော ဝိညာဉ်တော်၏ လုပ်ဆောင်မှုကို ခံယူမှသာ ဘုရားသခင်သည် ထိုသူ၏ အသက်တာကို လက်ခံနိုင်မည် ဖြစ်သည်။ သန့်ရှင်းသော ဝိညာဉ်တော်က အသုံးပြုသူ မဟုတ်လျှင် ဇာတိပကတိ၌ နေထိုင်သူ အဘယ်သူမျှ ဘုရားသခင်ကို တိုက်ရိုက် ကိုယ်စားမပြုနိုင်။ သို့သော် သန့်ရှင်းသော ဝိညာဉ်တော်က အသုံးပြုသောသူ ပင်လျှင် ၎င်း၏စိတ်သဘောထားနှင့် အသက်ရှင်နေထိုင်မှုတို့သည် ဘုရားသခင်ကို လုံးဝ ကိုယ်စားပြုသည်ဟု မဆိုနိုင်။ ၎င်း၏ အသက်ရှင်နေထိုင်မှုကို သန့်ရှင်းသော ဝိညာဉ်တော်က လမ်းပြသည်ဟုသာ ဆိုနိုင်သည်။ ထိုသို့သော လူသား၏ စိတ်နေသဘောထားသည် ဘုရားသခင်ကို ကိုယ်စားမပြုနိုင်ပါ။

လူသား၏ စိတ်နေသဘောထားကို ဘုရားသခင်က ချမှတ်သည်ဟု ဆိုခြင်းမှာ မေးခွန်းထုတ်စရာ မလိုသော အရာဖြစ်ပြီး အပြု သဘောဆောင်သည်ဟု ယူဆနိုင်ပါသည်။ ထိုစိတ်နေသဘောထားကို စာတန်က ပြောင်းလဲပြီးပြီ ဖြစ်သည်။ ထို့ကြောင့် လူသား၏ စိတ်နေသဘောထား တစ်ရပ်လုံးသည် စာတန်၏ စိတ်နေသဘောထား ဖြစ်သည်။ ဘုရားသခင်သည် စိတ်နေသဘောထားအရ အမှုအရာများကို ဆောင်ရွက်ရာတွင် ရိုးစင်းသဖြင့် လူသားသည်လည်း ဤသို့ပြုမူ၍ ဤသို့ အကျင့်စာရိတ္တ ရှိသောကြောင့် ၎င်း၏ ဤစိတ်နေသဘောထားသည် ဘုရားသခင်ကို ကိုယ်စားပြုသည်ဟု တစ်စုံတစ်ဦးက ဆိုကောင်း ဆိုနိုင်သည်။ ထိုသူသည် မည်သို့သောသူနည်း။ အကျင့်ပျက်သည့် စာတန်ဆန်သော စိတ်နေသဘောထားသည် ဘုရားသခင်ကို ကိုယ်စားပြု နိုင်သလော။ ၎င်း၏ စိတ်နေသဘောထားသည် ဘုရားသခင်ကို ကိုယ်စားပြုသည်ဟုဆိုသူ မည်သူမဆိုသည် ဘုရားသခင်အား ပြစ်မှား၍ သန့်ရှင်းသော ဝိညာဉ်တော်အား စော်ကားခြင်း ဖြစ်သည်။ သန့်ရှင်းသော ဝိညာဉ်တော်၏ ဆောင်ရွက်ခြင်း ရှုထောင့်မှဆိုလျှင် ဘုရားသခင် မြေကြီးပေါ်တွင် ဆောင်ရွက်သည့် အမှုသည် သိမ်းပိုက်စိုးမိုး အောင်နိုင်ရန်အတွက်သာ ဖြစ်၏။ ထို့ကြောင့် လူသား၏ စာတန်ဆန်သော ပျက်စီးသည့် စိတ်နေသဘောထား အများအပြားမှာ သန့်ရှင်းစင်ကြယ်ခြင်း မရှိသေးပါ။ ၎င်းအပြင် လူသား၏ အသက်ရှင်မှုသည် ထိုအတွက်ကြောင့် စာတန်၏ရုပ်သွင်သာ ရှိနေသေးခြင်းဖြစ်သည်။ လူက ကောင်းမွန်သည်ဟု ယုံကြည်သောအရာသာဖြစ်ပြီး လူသား၏ ဇာတိပကတိ လုပ်ရပ်များကို ကိုယ်စားပြုသည်၊ သို့မဟုတ် ပို၍တိကျစွာ ပြောရလျှင် ဤသည်မှာ စာတန်ကို ကိုယ်စားပြုပြီး ဘုရားသခင်ကို လုံးဝ ကိုယ်စားမပြုနိုင်ပါ။ လူသားသည် မြေကြီးပေါ်တွင် ကောင်းကင်ဘုံဘဝကဲ့သို့ နေထိုင်နိုင်သည့် အတိုင်းအတာအထိ ဘုရားသခင်အပေါ် ချစ်ခြင်းမေတ္တာ ရှိနေခဲ့ပြီး၊ “အို ဘုရားသခင်၊ ကိုယ်တော့်အပေါ် ကျွန်ုပ်၏ ချစ်ခြင်းမေတ္တာမှာ မလုံလောက်ပါ” ဟူသော ပြောဆိုမှုများ ပြုလုပ်နိုင်ကာ အမြင့်ဆုံးဘုံတွင် ရောက်နေသော်လည်း ထိုသူသည် ဘုရားသခင်၏ အသက်တာအတိုင်း အသက်ရှင်သည်၊ သို့မဟုတ် ဘုရားသခင်ကို ကိုယ်စားပြုသည်ဟု သင်မဆိုနိုင်သေးပါ။ အကြောင်းမှာ လူသား၏ အနှစ်သာရသည် ဘုရားသခင်၏ အနှစ်သာရနှင့် မတူသောကြောင့် ဖြစ်သည်။ လူသားသည် ဘုရားဖြစ်ရန် မဆိုနှင့် ဘုရားသခင်၏ အသက်တာအတိုင်း မည်သည့်အခါမျှ နေနိုင်မည် မဟုတ်။ သန့်ရှင်းသော ဝိညာဉ်တော်က လူသား၏ အသက်တာကို လမ်းပြခဲ့သည်မှာ ဘုရားသခင်က လူသားကို တောင်းဆိုသည်နှင့် အညီသာ ဖြစ်သည်။

စာတန်၏ ပြုမူဆောင်ရွက်ချက်အားလုံးသည် လူသားတွင် ထင်ရှားနေ၏။ ထို့ကြောင့် လူသား၏ ပြုမူ ဆောင်ရွက်ချက် အားလုံးသည် စာတန်၏ ဖော်ပြချက်သာဖြစ်၍ ဘုရားသခင်ကို ကိုယ်စားမပြုနိုင်။ လူသားသည် စာတန်၏ ပြယုဂ်ဖြစ်ပြီး လူသား၏ စိတ်နေသဘောထားသည် ဘုရားသခင်၏ စိတ်နေသဘောထားကို ကိုယ်စားမပြုနိုင်ပါ။ လူအချို့သည် အကျင့်ကောင်းကြ၏။ ထိုသူတို့၏ အကျင့်စာရိတ္တမှ တစ်ဆင့် ဘုရားသခင်သည် အမှုအချို့ ဆောင်ရွက်ကောင်း ဆောင်ရွက်နိုင်ပြီး၊ ထိုသူတို့ ပြုသောအမှုကို သန့်ရှင်းသော ဝိညာဉ်တော်က လမ်းပြခြင်းဖြစ်သည်။ သို့သော် ထိုသူတို့၏ စိတ်နေသဘောထားသည် ဘုရားသခင်ကို ကိုယ်စားမပြု နိုင်ပါ။ ထိုသူတို့အပေါ် ဘုရားသခင်၏ အမှုသည် အတွင်းတွင် ရှိပြီးသား အရာနှင့်သာ လုပ်ကိုင်၍ ချဲ့ထွင်ခြင်းဖြစ်သည်။ ပရောဖက်များဖြစ်စေ၊ အတိတ်ကာလများက ဘုရားသခင် အသုံးပြုခဲ့သော လူသားများဖြစ်စေ၊ မည်သူမျှ သူ့ကို တိုက်ရိုက်ကိုယ်စားမပြုနိုင်။ အခြေအနေအရ အကျပ်ကိုင်ခံရသည့် အခါမှသာ လူသားအားလုံးသည် ဘုရားသခင်ကို ချစ်လာကြပြီး တစ်ဦးမျှ မိမိဆန္ဒအလျောက် ပူးပေါင်းလုပ်ကိုင်ရန် ကြိုးပမ်းခြင်းမရှိပါ။ မည်သည့်အရာတို့က ကောင်းသောအရာ များနည်း။ ဘုရားသခင်ထံမှ တိုက်ရိုက်လာသည့် အရာအားလုံးသည် ကောင်း၏။ သို့ရာတွင် လူသား၏ စိတ်နေသဘောထားကို စာတန်က ပြောင်းလဲခဲ့ပြီဖြစ်၍ ဘုရားသခင်ကို ကိုယ်စားမပြုနိုင်။ လူ့ဇာတိ ခံယူသော ဘုရားသခင် သူ၏မေတ္တာ၊ သူ၏ ဒုက္ခခံလိုခြင်း၊ သူ၏ ဖြောင့်မတ်ခြင်း၊ နာခံခြင်း၊ နှိမ့်ချခြင်းနှင့် သိုဝှက်ခြင်းတို့အားလုံးသာလျှင် ဘုရားသခင်ကို တိုက်ရိုက် ကိုယ်စားပြု၏။ ဤသည်မှာ သူကြွလာစဉ်က သူသည် အပြစ်ကင်းစင်ပြီး ဘုရားသခင်ထံမှ တိုက်ရိုက်ကြွလာကာ စာတန်၏ ပြောင်းလဲမှု ခံခဲ့ရခြင်း မရှိ၍ဖြစ်သည်။ ယေရှုသည် အပြစ်ရှိသည့် ဇာတိပကတိ သဏ္ဌာန်သာလျှင် ရှိပြီး အပြစ်ကို ကိုယ်စားမပြုပါ။ ထို့ကြောင့် ကားစင်တင်ခြင်းအားဖြင့် သူ၏အမှု အောင်မြင်စွာ မပြီးဆုံးမီ အချိန်အထိ (သူ့ကို ကားစင်တင်သည့်အချိန် အပါအဝင်) သူ၏ ပြုမူဆောင်ရွက်ချက်များ၊ စကားများ အားလုံးသည် ဘုရားသခင်ကို တိုက်ရိုက် ကိုယ်စားပြုသည်။ အပြစ်သဘောရှိသော လူသားသည် ဘုရားသခင်ကို ကိုယ်စား မပြုနိုင်ကြောင်းနှင့် လူသား၏အပြစ်သည် စာတန်ကို ကိုယ်စားပြုကြောင်း သက်သေပြရန် ယေရှု၏ နမူနာမှာ လုံလောက် ပါသည်။ အပြစ်သည် ဘုရားသခင်ကို ကိုယ်စားပြုခြင်းမရှိ၊ ဘုရားသခင်သည် အပြစ်မဲ့သည်ဟု ဆိုလိုသည်။ သန့်ရှင်းသော ဝိညာဉ်တော်က လူသား၌ ဆောင်ရွက်ခဲ့သည့် အမှုပင်လျှင် သန့်ရှင်းသော ဝိညာဉ်တော်၏ လမ်းပြမှုကြောင့်ဟုသာ ယူဆနိုင်ပြီး လူသားက ဘုရားသခင်ကိုယ်စား ဆောင်ရွက်ခဲ့ခြင်းဟု မဆိုနိုင်ပါ။ သို့သော် လူသားနှင့်ပတ်သက်၍ ၎င်း၏အပြစ်သော်လည်းကောင်း၊ ၎င်း၏ စိတ်နေသဘောထားသော် လည်းကောင်း၊ ဘုရားသခင်ကို ကိုယ်စားပြုခြင်းမရှိ။ ယနေ့နှင့် အတိတ်ကာလ တစ်လျှောက်လုံး သန့်ရှင်းသော ဝိညာဉ်တော်က လူသားအပေါ် ဆောင်ရွက်ချက်၏ ရှုထောင့်မှနေ၍၊ လူသားအပေါ် သန့်ရှင်းသော ဝိညာဉ်တော်က ဆောင်ရွက်ချက်အများစု ပြုလုပ်ခဲ့ခြင်းဖြစ်၏။ ဤသည်ကြောင့် လူသားသည် ၎င်းနေထိုင်သော အသက်တာ ရှိနေခြင်းဖြစ်သည်။ သို့ရာတွင် ဤသည်မှာ တစ်ဘက်သတ်သာဖြစ်ပြီး သန့်ရှင်းသော ဝိညာဉ်တော်က ကိုင်တွယ်ဖြေရှင်းခြင်းနှင့် ဆုံးမပဲ့ပြင်ခြင်း ခံရပြီးနောက် လူသားအနည်းငယ်သာလျှင် သမ္မာတရားအတိုင်း အသက်ရှင်နိုင်၏။ သန့်ရှင်းသော ဝိညာဉ်တော်၏ လက်ရာသာလျှင် ရှိပြီး လူသား၏ ပါဝင်မှု ကင်းမဲ့နေသည်ဟု ဆိုလိုသည်။ ယခု ရှင်းလင်းစွာ မြင်တွေ့နိုင်ပြီလား။ သို့ဖြစ်လျှင် သန့်ရှင်းသော ဝိညာဉ်တော် အမှုဆောင်နေစဉ် သူနှင့်အတူ သင်အတတ်နိုင်ဆုံး အမှုဆောင်ပြီး သင်၏တာဝန် ကျေပွန်ရန် သင်ဘာလုပ်သင့်သနည်း။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဖောက်ပြန်ပျက်စီးသော လူသားသည် ဘုရားသခင်ကို ကိုယ်စားပြုခြင်းငှာ မတတ်စွမ်းနိုင်” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၁၈)

ဘုရားသခင်၌ သင်၏ယုံကြည်ခြင်း၊ သင်၏ သမ္မာတရားကို လိုက်စားခြင်းနှင့် သင်မိမိကိုယ်ကို ပြုမူပုံပင်လျှင် လက်တွေ့ကျမှုအပေါ် အားလုံးအခြေပြုသင့်သည်- သင်ပြုသမျှအရာအားလုံး လက်တွေ့ကျသင့်ပြီး၊ အရိပ်ပမာ၊ စိတ်ကူးယဉ်ဆန်သော အရာတို့ကို သင်မလိုက်စားသင့်ပေ။ ဤနည်းဖြင့် ပြုမူခြင်းမှာ တန်ဖိုးမဲ့သည့်အပြင်၊ ထိုသို့သော ဘဝတစ်ခုမှာ အရေးပါမှုမရှိပေ။ သင်၏ လိုက်စားခြင်းနှင့် ဘဝအသက်တာမှာ မုသားနှင့် လှည့်ဖြားမှုများကြားတွင်သာ သုံးစွဲခြင်းခံရပြီး၊ သင်သည် အဖိုးတန်ပြီး အရေးပါသောအရာတို့ကို မလိုက်စားခြင်းကြောင့်၊ သင်ရရှိသည့် တစ်ခုတည်းသော အရာမှာ သမ္မာတရားနှင့် မစပ်ဆိုင်သောအရာများဖြစ်သည့် အဓိပ္ပါယ်မရှိသော တွေးခေါ်မျှော်မြင်ခြင်းနှင့် အယူဝါဒတို့ဖြစ်သည်။ ထိုသို့သော အရာတို့သည် သင့်ဖြစ်တည်မှု၏ အရေးပါမှု၊ တန်ဖိုးတို့နှင့် စပ်လျဉ်းခြင်းမရှိဘဲ အနှစ်သာရမရှိသော နယ်ပယ်ဆီသို့သာ သင့်ကို ခေါ်ဆောင် သွားနိုင်သည်။ ဤနည်းအားဖြင့်၊ သင့်ဘဝတစ်ခုလုံးသည် တန်ဖိုး သို့မဟုတ် အရေးပါမှုမရှိဘဲ ဖြစ်လိမ့်မည်- ပြီးလျှင် သင်သည် အရေးပါသော အသက်တာကို မလိုက်စားလျှင် သင်အနှစ်တစ်ရာ အသက်ရှင်နိုင်ပြီး အားလုံး အချည်းနှီး ဖြစ်လိမ့်မည်။ ယင်းကို လူသားဘဝတစ်ခုဟု မည်သို့ ခေါ်ဆိုနိုင် မည်နည်း။ အမှန်တွင် ယင်းမှာ တိရစ္ဆာန်တစ်ကောင်၏ဘဝဖြစ်သည် မဟုတ်လော။ ထိုနည်းတူစွာ၊ သင်တို့သည် ဘုရားသခင်၌ ယုံကြည်ချက်လမ်းကြောင်းအတိုင်း လိုက်လျှောက်ရန် ကြိုးစားကြသော်လည်း၊ မြင်တွေ့ရနိုင်သော ဘုရားသခင်ကို လိုက်စားဖို့ ကြိုးစားခြင်းမရှိဘဲ၊ ထိုအစား၊ မမြင်နိုင် မထိတွေ့နိုင်သော ဘုရားသခင်ကို ဝတ်ပြုကိုးကွယ်ကြလျှင်၊ ထိုသို့သော လိုက်စားခြင်းသည် ပို၍ပင် အချည်းနှီးဖြစ်သည် မဟုတ်လော။ အဆုံးတွင်၊ သင်၏ လိုက်စားခြင်းသည် ပျက်ဆီးခြင်း အစုအပုံတစ်ခု ဖြစ်လာလိမ့်မည်။ ထိုကဲ့သို့သော လိုက်စားခြင်းက သင့်အား မည်သည့် အကျိုးကျေးဇူးဖြစ်စေသနည်း။ လူသားနှင့် ပတ်သက်၍ အကြီးမားဆုံးသော ပြဿနာမှာ၊ သူသည် မမြင်နိုင်သော သို့မဟုတ် ထိတွေ့မရနိုင်သော အရာများ၊ အလွန့်အလွန် လျှို့ဝှက်ဆန်းကြယ်ပြီး အံ့သြဖွယ်ဖြစ်သော အရာများ၊ လူသားမှ စိတ်ကူးမရနိုင်သော အရာများနှင့် သေမျိုးသာသာမျှဖြစ်သော သူတို့မှ မရရှိနိုင်သော အရာများကိုသာ ခုံမင်နှစ်သက်ခြင်း ဖြစ်သည်။ ဤအရာများ ပို၍လက်တွေ့မကျလေလေ၊ အခြားအရာအားလုံးကို အလေးမထားဘဲ ၎င်းတို့ကို လိုက်စားသော လူသားမှ ၎င်းတို့အား ပိုမိုခွဲခြမ်းစိတ်ဖြာလေလေဖြစ်ပြီး၊ ၎င်းတို့ကို ရရှိရန် ကြိုးပမ်းလေသည်။ ၎င်းတို့ ပိုမိုလက်တွေ့မကျလေလေ၊ လူသားသည် ၎င်းတို့ကို ပိုမိုနီးကပ်စွာ စေ့စေ့စပ်စပ်ကြည့်ရှုကာ ခွဲခြမ်းစိတ်ဖြာလေလေဖြစ်ပြီး ၎င်းတို့အကြောင်း မိမိ၏ ပြည့်စုံ စေ့စပ်သော ကိုယ်ပိုင် စိတ်ကူးများကို ဖန်တီးသည်အထိပင် ဖြစ်လေသည်။ ဆန့်ကျင်ဖက်တွင်၊ အမှုအရာတို့သည် ပိုလက်တွေ့ကျလေလေ၊ လူသားက ၎င်းတို့နှင့် စပ်ဆိုင်၍ ပိုအရေးမထားလေလေ ဖြစ်၏၊ သူသည် ၎င်းတို့ကို လွယ်လွယ် အထင်အမြင်သေးကာ၊ မထီလေးစားပင် ပြုပေသည်။ ဤသည်မှာ ယနေ့ ငါလုပ်ဆောင်သော လက်တွေ့ကျသည့် အလုပ်အပေါ် သင်တို့၏သဘောထား အတိအကျဖြစ်သည် မဟုတ်လော။ ထိုကဲ့သို့သောအရာများ ပိုမိုလက်တွေ့ကျလေလေ၊ သင်တို့သည် ၎င်းတို့အပေါ် ပိုမိုဆန့်ကျင်၍ မစူးစမ်းဘဲခွဲခြားဆက်ဆံ လေလေဖြစ်ကြ၏၊ ၎င်းတို့ကို ဆန်းစစ်ဖို့ သင်တို့အချိန်မပေးဘဲ လျစ်လျူရှု၍သာ ထားကြ၏၊ ဤလက်တွေ့ကျ၍ ရိုးရှင်းသော လိုအပ်ချက်များကို သင်တို့အထင်အမြင်သေးပြီး၊ လက်တွေ့ အကျဆုံးသော ဤဘုရားသခင်အကြောင်း မြားမြောင်လှသော အယူအဆများပင် တည်ထားကာ၊ သူ၏ လက်တွေ့ကျမှုနှင့် သာမန်ဖြစ်ခြင်းတို့ကို လုံးဝ လက်ခံနိုင်စွမ်းမရှိကြပေ။ ဤနည်းအားဖြင့်၊ သင်တို့သည် မရေရာမှုအလယ်တွင် ယုံကြည်နေကြသည် မဟုတ်လော။ သင်တို့သည် အတိတ်ကာလ၏ မရေရာသော ဘုရားသခင်၌ မယိမ်းယိုင်သော ယုံကြည်မှုတစ်ခု ရှိကြပြီး၊ ယနေ့၏ လက်တွေ့ကျသော ဘုရားသခင်၌ စိတ်ပါဝင်စားမှုမရှိကြ။ ဤသည်မှာ မနေ့က ဘုရားသခင်နှင့် ယနေ့ ဘုရားသခင်တို့သည် ကွဲပြားသော ခေတ်ကာလနှစ်ခုမှ ဖြစ်သောကြောင့် မဟုတ်လော။ ယင်းမှာ မနေ့က ဘုရားသခင်သည် ကောင်းကင်ဘုံ၏ အဆင့်မြင့်သော ဘုရားသခင်ဖြစ်ပြီး ယနေ့ ဘုရားသခင်မှာမူ ကမ္ဘာမြေပေါ်က သေးငယ်သော လူသားတစ်ဦး ဖြစ်သောကြောင့်လည်း မဟုတ်လော။ ထို့အပြင်၊ ယင်းမှာ လူသားမှကိုးကွယ်သော ဘုရားသခင်သည် သူ၏အယူအဆများမှ ထွက်ပေါ်သော ဘုရားသခင် တစ်ပါးဖြစ်ပြီး၊ ယနေ့၏ ဘုရားသခင်မှာမူ ကမ္ဘာမြေပေါ်၌ ထွက်ပေါ်သော ဇာတိပကတိ အစစ်အမှန်တစ်ပါး ဖြစ်သောကြောင့် မဟုတ်လော။ အရာအားလုံး ထည့်သွင်းစဉ်းစားလိုက်ပါက၊ ယနေ့၏ ဘုရားသခင်သည် လက်တွေ့ကျလွန်းသောကြောင့် လူသားက မလိုက်စားခြင်းဖြစ်သည် မဟုတ်လော။ အဘယ်ကြောင့်ဆိုသော် ယနေ့၏ ဘုရားသခင်က လူသားကို စေခိုင်းသောအရာမှာ လူသားက မလုပ်ချင်ဆုံးသောအရာ အတိအကျဖြစ်၍၊ သူ့ကို ရှက်ကြောက်စေသောအရာ ဖြစ်သောကြောင့် ဖြစ်၏။ ဤအရာက လူသားအဘို့ အမှုအရာတို့ကို ခက်ခဲစေသည် မဟုတ်လော။ ဤအရာက သူ၏အမာရွတ်များကို ဖော်ထုတ်ပြသည် မဟုတ်လော။ ဤနည်းအားဖြင့်၊ လက်တွေ့ကျမှုကို မလိုက်စားသော သူများစွာတို့သည် လူ့ဇာတိခံဘုရားသခင်၏ ရန်သူများ ဖြစ်လာကြပြီး၊ အန္တိခရစ်များ ဖြစ်လာကြ၏။ ဤအရာသည် သိသာထင်ရှားသော အမှန်တရားတစ်ခု မဟုတ်လော။ ဘုရားသခင် လူ့ဇာတိမခံယူသေးသည့် အတိတ်ကာလတွင်၊ သင်သည် ဘာသာရေးပုဂ္ဂိုလ်တစ်ဦး သို့မဟုတ် ဘုရားတရားကိုင်းရှိုင်းသော ယုံကြည်သူတစ်ဦး ဖြစ်ကောင်း ဖြစ်ခဲ့ပေမည်။ ဘုရားသခင်က ဇာတိပကတိ ဖြစ်လာခဲ့ပြီးနောက်၊ ထိုကဲ့သို့ ဘုရားတရားကိုင်းရှိုင်းသော ယုံကြည်သူများစွာသည် အမှတ်တမဲ့ အန္တိခရစ် ဖြစ်လာကြသည်။ ဤသည်မှာ မည်သို့ဖြစ်သည်ကို သင်သိသလော။ ဘုရားသခင်၌ သင်၏ ယုံကြည်ချက်အရ၊ သင်သည် လက်တွေ့ကျမှုကို အာရုံမစိုက် သို့မဟုတ် သမ္မာတရားကို မလိုက်စားပေ၊ သို့သော် ထိုအစား၊ မုသားများအပေါ် စွဲလမ်းလေသည်- ဤသည်မှာ လူ့ဇာတိခံဘုရားသခင်ကို ထားသော သင့်ရန်ငြိုး၏ အရှင်းလင်းဆုံး အရင်းအမြစ် ဖြစ်သည် မဟုတ်လော။ လူ့ဇာတိခံဘုရားသခင်ကို ခရစ်တော်ဟု ခေါ်သည်၊ ထို့ကြောင့် လူ့ဇာတိခံဘုရားသခင်ကို မယုံကြည်သောသူအပေါင်းတို့သည် အန္တိခရစ်ဖြစ်ကြသည် မဟုတ်လော။ ထို့ကြောင့် သင်ယုံကြည်ပြီး အမှန်တကယ် ချစ်ခင်သောသူမှာ ဤလူ့ဇာတိခံဘုရားသခင်လော။ လက်တွေ့အကျဆုံးနှင့် သဘာဝထက် လွန်ကဲစွာ သာမန်ဖြစ်သောသူမှာ အမှန်တကယ်ပင် ဤအသက်ရှင်ပြီး အသက်ရှူနေသော ဘုရားသခင်လော။ သင့်လိုက်စားခြင်း၏ ရည်ရွယ်ချက် အတိအကျမှာ မည်သည့်အရာနည်း။ ယင်းမှာ ကောင်းကင်ဘုံ၌လော သို့မဟုတ် မြေကြီးပေါ်မှာလော။ ယင်းမှာ အယူအဆတစ်ခုလော သို့မဟုတ် သမ္မာတရားလော။ ယင်းမှာ ဘုရားသခင်လော သို့မဟုတ် သဘာဝလွန်သက်ရှိ တစ်ရပ်လော။ အမှန်တွင်မူ၊ သမ္မာတရားသည် ဘဝဆောင်ပုဒ်များ၏ အစစ်မှန်ဆုံးသော အရာဖြစ်ပြီး လူသားမျိုးနွယ်အားလုံးအကြား ထိုကဲ့သို့ဆောင်ပုဒ်များ၏ အမြင့်ဆုံးသောအရာဖြစ်သည်။ ယင်းမှာ ဘုရားသခင်က လူသားအပေါ် တောင်းဆိုချက်ဖြစ်ပြီး ဘုရားသခင်ကိုယ်တိုင် လုပ်ဆောင်သည့်အမှု ဖြစ်သောကြောင့် ယင်းကို ဘဝ၏ ဆောင်ပုဒ်ဟုခေါ်ခြင်း ဖြစ်သည်။ ယင်းမှာ တစ်စုံတစ်ရာမှ ကောက်ချက်ချ ထားသော ဆောင်ပုဒ်တစ်ခု မဟုတ်သလို၊ ကြီးမြတ်သောပုဂ္ဂိုလ်တစ်ဦးထံမှ နာမည်ကျော်ကိုးကားချက်တစ်ခုလည်း မဟုတ်ပေ၊ ယင်းအစား၊ ၎င်းမှာ လူသားမျိုးနွယ်ဆီ ကောင်းကင်၊ မြေကြီးနှင့် အရာခပ်သိမ်းတို့၏ အရှင်သခင်ထံမှ မိန့်မြွက်ချက်ဖြစ်ပြီး၊ လူသားမှ ကောက်ချက်ချ ထားသော စကားလုံးအချို့မဟုတ်ဘဲ ဘုရားသခင်၏ ပင်ကိုအသက်ဖြစ်သည်။ ထို့ကြောင့်၊ ယင်းကို ဘဝဆောင်ပုဒ်အပေါင်း၏ အမြင့်ဆုံးဟု ခေါ်ခြင်းဖြစ်သည်။ သမ္မာတရားကို လက်တွေ့ကျင့်သုံးခြင်းဟူသော လူသား၏ လိုက်စားခြင်းမှာ သူ၏တာဝန်ဝတ္တရားကို ထမ်းဆောင်ခြင်းဖြစ်သည်။ ယင်းမှာ၊ ဘုရားသခင်၏ တောင်းဆိုချက်ကို ကျေနပ်စေခြင်းနှင့် ဆိုင်သော လိုက်စားခြင်းဖြစ်သည်။ ဤတောင်းဆိုချက်၏ အနှစ်သာရမှာ အဘယ်သူမျှ မရရှိနိုင်သော အချည်းနှီးအယူဝါဒအစား၊ သမ္မာတရား အားလုံး၏ အစစ်မှန်ဆုံးသောအရာ ဖြစ်သည်။ သင်၏ လိုက်စားခြင်းမှာ အယူဝါဒမှလွဲ၍ အခြားဘာမျှမဟုတ်ဘဲ စစ်မှန်မှု မပါဝင်လျှင်၊ သမ္မာတရားကို သင်ဆန့်ကျင်ပုန်ကန်သည် မဟုတ်လော။ သင်သည် သမ္မာတရားကို တိုက်ခိုက်သောသူတစ်ဦး ဖြစ်သည်မဟုတ်လော။ ထိုကဲ့သို့သော ပုဂ္ဂိုလ်တစ်ဦးသည် ဘုရားသခင်ကို ချစ်ရန် အဘယ်သို့ လိုက်စားနိုင်မည်နည်း။ လက်တွေ့ကျမှုမရှိသောလူတို့သည် သမ္မာတရားကို သစ္စာပျက်သော သူများဖြစ်ကြပြီး၊ အားလုံးက ပင်ကိုအားဖြင့် ပုန်ကန်သောသူများဖြစ်ကြသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်နှင့် သူ၏ အမှုကို သိရှိသူတို့သာ ဘုရားသခင်ကို ကျေနပ်စေနိုင်၏” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၁၉)

သင်တို့အားလုံးသည် ဘုရားသခင်၏ရှေ့၌ ဆုချီးမြှင့်ခံလိုကြပြီး ဘုရားသခင်၏ မျက်နှာသာပေးခြင်းကို ခံလိုကြသည်၊ လူတိုင်းသည် ဘုရားသခင်ကို စတင်ယုံကြည်သောအခါ ထိုသို့သောအရာများကို မျှော်လင့်ကြသည်၊ အဘယ်ကြောင့်ဆိုသော် လူတိုင်းသည် သာ၍မြင့်မားသော အရာများနောက် ကောက်ကောက်ပါအောင် လိုက်ခြင်းတွင် အာရုံများနေပြီး မည်သူကမျှ အခြားသူများ၏နောက်တွင် မကျန်ခဲ့လိုသောကြောင့် ဖြစ်သည်။ လူတို့သည် ထိုအတိုင်းပင် ဖြစ်ကြသည်။ ထိုအကြောင်းအတိအကျကြောင့်ပင် သင်တို့အထဲမှ လူတော်တော်များများသည် ကောင်းကင်ဘုံရှိ ဘုရားသခင်ကို မျက်နှာလို မျက်နှာရလုပ်ရန် စဉ်ဆက်မပြတ် ကြိုးစားနေကြခြင်းဖြစ်သည်၊ သို့သော် စင်စစ်အားဖြင့် ဘုရားသခင်အပေါ်၌ထားသော သင်တို့၏ သစ္စာစောင့်သိမှုနှင့် ရိုးသားပွင့်လင်းမှုသည် သင်တို့၏ ကိုယ့်ကိုယ်ကိုယ် အပေါ်ထားသော သစ္စာစောင့်သိမှု၊ ရိုးသားပွင့်လင်းမှုတို့နှင့်ယှဉ်လျှင် အလွန်ပင် နည်းလှသည်။ ငါအဘယ်ကြောင့် ဤသို့ပြောသနည်း။ အဘယ်ကြောင့်ဆိုသော် ဘုရားသခင်အပေါ်၌ထားရှိသော သင်တို့၏ သစ္စာစောင့်သိမှုကို ငါလုံးဝအသိအမှတ်မပြုသောကြောင့်ဖြစ်သည့်အပြင် သင်တို့၏နှလုံးသားအထဲ၌ရှိသော ဘုရားသခင်၏တည်ရှိမှုကို ငါလက်မခံ သောကြောင့်ဖြစ်သည်။ တစ်နည်းအားဖြင့်ဆိုရလျှင် သင်တို့ကိုးကွယ်သော ဘုရားသခင်၊ သင်တို့မြတ်နိုးသော မရေရာသည့် ဘုရားသခင်သည် လုံး၀မတည်ရှိ။ ဤကဲ့သို့ ငါတပ်အပ်ပြောနိုင်သည်မှာ သင်တို့သည် စစ်မှန်သော ဘုရားသခင်နှင့် အလွန်ဝေးကွာနေသောကြောင့် ဖြစ်သည်။ သင်တို့၏သစ္စာစောင့်သိမှုသည် သင်တို့၏နှလုံးသားအထဲ၌ရှိသော ရုပ်တုဆင်းတုကြောင့်ဖြစ်သည်၊ ထိုအချိန်အတောအတွင်း ကြီးလည်း မကြီးမြတ်၊ သေးလည်းမသေးငယ်ဟူ၍ သင်တို့မှတ်ယူကြသော ဘုရားသခင်ဖြစ်သည့် ငါ့ကိုမူ သင်တို့သည် စကားလုံးများဖြင့်သာ အသိအမှတ်ပြုကြသည်။ သင်တို့သည် ဘုရားသခင်နှင့် ဝေးကွာနေသည်ဟု ငါပြောသောအခါ စစ်မှန်သော ဘုရားသခင်နှင့် သင်တို့ကွာ လှမ်းနေလင့်ကစား မရေရာသော ဘုရားသခင်ကမူ အနီးအပါးတွင် ရှိနေသည့်ပုံရသည်ဟု ငါဆိုလိုခြင်းဖြစ်သည်။ “မကြီးမြတ်” ဟူသည့် စကားကို ငါပြောသောအခါ သင်တို့ယနေ့ယုံကြည်သော ဘုရားသခင်သည် ကြီးကြီးမားမား အစွမ်းအစများမရှိသော လူတစ်ယောက်မျှသာ၊ သိပ်မမြင့်မြတ်သော လူတစ်ယောက်မျှသာ ဖြစ်သည်ဟု ထင်ရသည့်ပုံကို ရည်ညွှန်း၍ ပြောခြင်းဖြစ်သည်။ “မသေးငယ်” ဟူသည့်စကားကို ငါပြောသောအခါ ဤလူသည် လေလာအောင် မဆင့်ခေါ်နိုင်၊ မိုးရွာအောင် အမိန့်မပေးနိုင်သော်လည်း မည်သို့ပင်ဆိုစေကာမူ လူတို့အား လုံးဝမိန်းမောတွေဝေသွားစေလျက် ကောင်းကင်နှင့် မြေကြီးကို တုန်လှုပ်စေသည့် အမှုကိုပြုရန်အလို့ငှာ ဘုရားသခင်၏ ဝိညာဉ်တော်ကို သူခေါ်ဆိုနိုင်သည်ဟု ဆိုလိုသည်။ အပြင်ပန်းအားဖြင့် သင်တို့အားလုံးသည် မြေကြီးပေါ်ရှိ ခရစ်တော်ကို အလွန်နာခံကြသည်ဟု ထင်ရသော်လည်း စင်စစ်အားဖြင့် သင်တို့၌ ခရစ်တော်ကို ယုံကြည်ခြင်း မရှိကြသကဲ့သို့ သူ့ကို ချစ်လည်းမချစ်ကြပေ။ ဆိုလိုသည်မှာ သင်တို့ ဧကန်အမှန် ယုံကြည်သောသူသည် သင်တို့၏ခံစားချက်များနှင့်ဆိုင်သည့် မရေရာသော ဘုရားသခင်သာဖြစ်ပြီး သင်တို့ဧကန်အမှန်ချစ်သည့်သူမှာ နေ့ညမပြတ် သင်တို့တောင့်တသော်လည်း လူကိုယ်တိုင် မည်သည့်အခါမျှ မမြင်ဖူးသည့် ဘုရားသခင်သာဖြစ်သည်။ ဤခရစ်တော်အပေါ်၌ထားသော သင်တို့၏ ယုံကြည်ခြင်းမှာမူ စိုးစဉ်းမျှသာဖြစ်ပြီး သူ့အပေါ် သင်တို့၏ ချစ်ခြင်းမှာလည်း ဘာမျှမဟုတ်ပေ။ ယုံကြည်ခြင်းဟုဆိုရာ၌ ယုံကြည်မှုနှင့် စိတ်ချမှုကိုဆိုလို၍ ချစ်ခြင်းသည် မည်သည့်အခါမျှ ခွဲခွာခြင်းမရှိသည့် ကြည်ညိုခြင်းနှင့် စိတ်နှလုံးထဲ၌ နှစ်ထောင်းအားရ သဘောကျခြင်းကို ဆိုလိုသည်။ သို့တိုင် ယနေ့ကာလ၏ ခရစ်တော်အပေါ်၌ထားရှိသော သင်တို့၏ ယုံကြည်ခြင်းနှင့် ချစ်ခြင်းသည် ထိုအရာကိုမီရန် များစွာလိုအပ်နေ၏။ ယုံကြည်ခြင်းနှင့်ပတ်သက်၍ သင်တို့အနေဖြင့် သူ့ကို မည်သို့ယုံကြည်သနည်း။ ချစ်ခြင်းနှင့်ပတ်သက်၍ သင်တို့အနေဖြင့် သူ့ကို မည်သို့ချစ်သနည်း။ သင်တို့သည် သူ၏စိတ်သဘောထားကို လုံးဝ နားမလည်ကြ၊ သူ၏အနှစ်သာရကို သာ၍ပင် မသိကြ၊ ထိုသို့ဖြစ်သောကြောင့် သင်တို့သည် သူ့ကို မည်သို့ယုံကြည်ကြသနည်း။ သူ့အပေါ် သင်တို့ယုံကြည်ခြင်း၏ စစ်မှန်မှုသည် အဘယ်မှာနည်း။ သင်တို့အနေဖြင့် သူ့ကို မည်သို့ချစ်သနည်း။ သူ့ကို သင်တို့ချစ်ခြင်း၏ စစ်မှန်မှုသည် အဘယ်မှာနည်း။

လူအများအပြားသည် ယနေ့ထက်ထိတိုင် ငါ့နောက်သို့ မဆိုင်းမတွ လိုက်ခဲ့ကြသည်။ ထို့ကြောင့် ယခင်နှစ်များတစ်လျှောက်၌ သင်တို့သည် အလွန်ပင်ပန်းနွမ်းလျမှုကိုလည်း ခံစားခဲ့ကြရ၏။ ငါသည် သင်တို့ အယောက်စီတိုင်း၏ ပင်ကိုစရိုက်နှင့် အလေ့အထများကို စေ့စေ့စပ်စပ် နားလည်ပြီးဖြစ်သည်၊ သင်တို့တစ်ယောက်စီတိုင်းနှင့် ဆက်ဆံရသည်မှာ အလွန့်အလွန်ပင် ခဲယဉ်းလှသည်။ ဝမ်းနည်းစရာကောင်းသည်မှာ ငါသည် သင်တို့အကြောင်း များစွာသိထားသော်လည်း သင်တို့သည် ငါ့အကြောင်းကို နည်းနည်းလေးမျှပင် နားမလည်ကြခြင်းဖြစ်သည်။ ထို့ကြောင့် စိတ်ရှုပ်ထွေးနေသည့်အချိန်၌ သင်တို့သည် နှပ်ချခြင်းကိုခံလိုက်ရသည်ဟု လူတို့က ပြောကြသည်မှာ အံ့သြဖွယ်ရာ မဟုတ်ပေ။ စင်စစ် သင်တို့သည် ငါ၏စိတ်ထဲ၌ ရှိသည့်အရာကို နားလည်ရန်ဝေးစွ၊ ငါ၏စိတ်သဘောထားကိုပင် လုံးဝနားမလည်ကြချေ။ ယခုခေတ်တွင် သင်တို့၌ရှိသည့် ငါနှင့်ပတ်သက်သော လွဲမှားသည့် အမြင်များသည် တစ်မုဟုတ်ချင်း ကြီးထွားလာနေပြီး ငါ့အပေါ်၌ထားသော သင်တို့၏ ယုံကြည်ခြင်းသည်လည်း ဇဝေဇဝါဖြစ်နေသော ယုံကြည်ခြင်းဖြစ်နေသေးသည်။ သင်တို့သည် ငါ့ကိုယုံကြည်ကြသည်ဟု ပြောသည်ထက် သင်တို့သည် ငါ့ကို မျက်နှာလို မျက်နှာရလုပ်ရန် ကြိုးစားနေကြပြီး ငါ့ကို ကြိုးစားဖားနေကြသည်ဟု ပြောခြင်းက ပို၍သင့်တော်လိမ့်မည်။ ငါ့အား ဆုချနိုင်သူ မည်သူမဆို၏နောက်သို့ ငါလိုက်မည်ဖြစ်ပြီး၊ ဘုရားသခင်ဖြစ်စေ၊ မည်သည့်ဘုရားတစ်ပါးပါးဖြစ်စေ ငါ့အား ကြီးစွာသော ဘေးအန္တရာယ်ဆိုးများမှ လွတ်မြောက်စေနိုင်သူကို ငါယုံကြည်မည်ဟူသော သင်တို့၏ ရည်ရွယ်ချက်များသည် အလွန်ပင် ရိုးရှင်းလှသည်။ ယင်းတို့တွင် ငါအမှုထားစရာကိစ္စ တစ်ခုမျှမရှိပေ။ သင်တို့အထဲတွင် ထိုသို့သောသူများစွာရှိကာ ဤအခြေအနေသည် အလွန်စိုးရိမ်ဖွယ်ကောင်း၏။ အကယ်၍ တစ်နေ့တွင် သင်တို့အထဲမှ မည်ရွေ့မည်မျှတို့သည် ခရစ်တော်၏အနှစ်သာရကို ထိုးထွင်းမြင် သောကြောင့် ခရစ်တော်ကို ယုံကြည်ကြသည်ကို သိရန် စမ်းသပ်မှု တစ်ရပ်ပြုမည်ဆိုပါက သင်တို့အထဲမှ တစ်ယောက်တလေကမျှ ငါ့အတွက် စိတ်ကျေနပ်ဖွယ်မဖြစ်မည်ကို ငါစိုးရိမ်သည်။ သို့ဖြစ်၍ သင်တို့ ယုံကြည်သော ဘုရားသခင်သည် ငါနှင့် များစွာကွာခြားသည်၊ ထိုသို့ဖြစ်သောကြောင့် ဘုရားသခင်အပေါ်၌ထားသော သင်တို့ ယုံကြည်ခြင်း၏ အနှစ်သာရမှာ အဘယ်နည်းဟူသည့် မေးခွန်းကို သင်တို့အယောက်စီတိုင်း သုံးသပ်ဆင်ခြင်ကြည့်ပါက အကျိုးယုတ်မည် မဟုတ်ပေ။ သင်တို့၏ ဘုရားသခင်ဟုဆိုသောအရာကို သင်တို့ ယုံကြည်လေလေ၊ သင်တို့သည် ငါနှင့်ဝေးရာသို့ လမ်းလွဲလေလေဖြစ်သည်။ သို့ဖြစ်လျှင် ဤပြဿနာ၏ အဓိကအချက်မှာ အဘယ်နည်း။ ဤမေးခွန်းမျိုးကို သင်တို့အနေဖြင့် မသုံးသပ်မဆင်ခြင်ဖူးသည်မှာ သေချာသည်၊ သို့သော် ဤမေးခွန်း၏ လေးနက်မှုကို သင်တို့ စဉ်းစားမိဖူးသလော။ ဤပုံစံမျိုးနှင့် ဆက်လက်ယုံကြည်နေခြင်း၏ အကျိုးဆက်များကို သင်တို့စဉ်းစားဖူးသလော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “မြေကြီးပေါ်ရှိ ဘုရားသခင်ကို သိရှိနိုင်ပုံ” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၂၀)

အခြားသူများအပေါ် သံသယမထားသည့်သူများကို ငါသဘောကျသည်၊ ထို့အပြင် သမ္မာတရားကို မဆိုင်းမတွ လက်ခံသောသူများကိုလည်း ငါနှစ်သက်၏၊ ထိုသို့သောလူနှစ်မျိုးကို ငါအလွန်ဂရုစိုက်သည်၊ အဘယ်ကြောင့်ဆိုသော် ငါ၏အမြင်၌ သူတို့သည် ရိုးသားသောသူများ ဖြစ်ကြသောကြောင့်ဖြစ်သည်။ အကယ်၍ သင်တို့သည် လိမ်လည်လှည့်ဖျားတတ်လျှင် လူတိုင်းနှင့် ကိစ္စတိုင်းကို သတိထားပြီး သံသယဝင်နေမည်ဖြစ်၍ ငါ့အပေါ်၌ထားသော သင်တို့၏ ယုံကြည်ခြင်းသည် သံသယအုတ်မြစ်အပေါ်၌ တည်ထားသည့် ယုံကြည်ခြင်း ဖြစ်နေလိမ့်မည်။ ထိုသို့သော ယုံကြည်ခြင်းကို မည်သည့်အခါမျှ ငါအသိအမှတ်ပြုနိုင်မည် မဟုတ်ပေ။ စစ်မှန်သော ယုံကြည်ခြင်း မရှိသော သင့်တွင် စစ်မှန်သော ချစ်ခြင်းမေတ္တာ သာ၍ပင် ကင်းမဲ့နေသည်။ အကယ်၍ သင်သည် ဘုရားသခင်ကို သံသယဝင်တတ်သည့်အပြင် သင်ဆန္ဒရှိသည့်အတိုင်း သူ့အကြောင်းကို ထင်ကြေးပေးတတ်လျှင် သင်သည် လူတို့ထဲတွင် အလိမ်လည် အလှည့်ဖျားတတ်ဆုံးသူဖြစ်သည်မှာ သံသယဖြစ်စရာ မလိုပေ။ ခွင့်မလွှတ်နိုင်သော အပြစ်များဖြင့် ပြည့်နေသော၊ သေးသိမ်သည့် စရိုက်လက္ခဏာရှိသော၊ တရားမျှတမှုနှင့် ဆင်ခြင်တုံတရား ကင်းမဲ့သော၊ တရားမျှတသောသဘော ကင်းမဲ့သော၊ ရက်စက်သည့် နည်းပရိယာယ်များ ပြုတတ်သော၊ ဖောက်ပြန်ပြီး ကောက်ကျစ်သော၊ ဆိုးယုတ်မှုနှင့် အမှောင်ထုကို နှစ်သက်သော စသည့်စရိုက်လက္ခဏာများရှိသူ လူသားနှင့် ဘုရားသခင်တူနိုင်မတူနိုင်ကို သင်မှန်းဆသည်။ လူတို့၌ ဘုရားသခင်နှင့်ပတ်သက်သည့် အသိပညာ စိုးစဉ်းမျှပင် မရှိသောကြောင့် ၎င်းတို့တွင် ထိုသို့သောအတွေးများရှိခြင်းဖြစ်သည် မဟုတ်လော။ ထိုသို့သော ယုံကြည်ခြင်းသည် အပြစ်နှင့်ဘာမျှမထူး။ ထို့အပြင် ငါနှစ်သက်သောသူများသည် ခယဝယလုပ်ကာ ဖားတတ်သောသူများ အတိအကျပင်ဖြစ်ကြောင်း၊ ထိုသို့မလုပ်တတ်သူများသည် ဘုရားသခင်၏ အိမ်တော်တွင် ကြိုဆိုခြင်းခံရမည်မဟုတ်ဘဲ သူတို့သည် ထိုအိမ်တော်ရှိ မိမိတို့၏နေရာကို ဆုံးရှုံးလိမ့်မည်ဖြစ်ကြောင်း ယုံကြည်ကြသူအချို့ပင် ရှိသည်။ ဤနှစ်များတစ်လျှောက် သင်တို့ဆည်းပူးထားသည်မှာ ဤအသိပညာတစ်ခုသာလော။ ဤသည်မှာ သင်တို့ရရှိခဲ့သောအရာလော။ ထို့ပြင် ငါနှင့်ပတ်သက်သော သင်တို့၏အသိအမြင်သည် ထိုသို့သော အထင်အမြင်မှားများသာမကပေ၊ သာ၍ဆိုးသည်မှာ ဘုရားသခင်၏ ဝိညာဉ်တော်ကို သင်တို့၏ စော်ကားခြင်းနှင့် ကောင်းကင်ဘုံကို ရှုတ်ချပြောဆိုခြင်းတို့ဖြစ်သည်။ ထို့ကြောင့် သင်တို့၏ ထိုသို့သော ယုံကြည်ခြင်းသည် ငါနှင့်ဝေးရာသို့ သင်တို့ကို လမ်းလွဲသွားစေ မည်သာဖြစ်ပြီး သင်တို့အား ငါ့ကို ပိုပြီးဆန့်ကျင်သူများ ဖြစ်စေမည်သာ ဖြစ်သည်ဟု ငါပြောခြင်းဖြစ်၏။ နှစ်ပေါင်းများစွာ အလုပ်လုပ်ခဲ့သည့် ကာလအတွင်းတွင် သင်တို့သည် သမ္မာတရားများစွာကို မြင်ခဲ့ပြီးဖြစ်သည်၊ သို့သော် ငါ၏နားက မည်သည့်အရာများ ကြားခဲ့သည်ကို သင်တို့သိသလော။ သင်တို့အထဲမှ လူမည်မျှသည် သမ္မာတရားကို လက်ခံရန် လိုလားကြသနည်း။ သမ္မာတရားအတွက် အဖိုးအခကိုပေးရန် သင်တို့လိုလိုလားလား ရှိသည်ဟု သင်တို့အားလုံးယုံကြည်ကြသည်၊ သို့သော် သင်တို့ထဲမှ လူမည်မျှသည် သမ္မာတရားအတွက် အမှန်တကယ် ဒုက္ခခံခဲ့ဖူးသနည်း။ သင်တို့၏ နှလုံးသားများထဲ၌ မဖြောင့်မတ်မှုများသာ ရှိသောကြောင့် မည်သူပင်ဖြစ်ပါစေ လူတိုင်းသည် ညီတူညီမျှပင် လိမ်လည်လှည့်ဖျားတတ်ပြီး ကောက်ကျစ်ကြသည်ဟု သင်တို့ယုံကြည်ကြ သည်မှာ လူ့ဇာတိခံယူသော ဘုရားသခင်သည် သာမန်လူတစ်ယောက် ကဲ့သို့ပင် ကြင်နာတတ်သော နှလုံးသား၊ သို့မဟုတ် စေတနာ မေတ္တာမရှိသူဟုပင် ယုံကြည်ကြသည်အထိ ဖြစ်တော့၏။ ထိုမျှမကသေး မြင့်မြတ်သော စရိုက်နှင့် သနားကြင်နာတတ်ကာ ကောင်းမြတ်သော သဘာဝသည် ကောင်းကင်ဘုံရှိ ဘုရားသခင်၌သာလျှင် ရှိသည်ဟု သင်တို့ယုံကြည်ကြသည်။ ထိုသို့သော သန့်ရှင်းသူမျိုးမရှိကြောင်း၊ မြေကြီးပေါ်တွင် အမှောင်ထုနှင့် ဆိုးယုတ်မှုကသာ အုပ်စိုးကြောင်း သင်တို့ယုံကြည်ကြပြီး ဘုရားသခင်ဆိုသည်မှာမူ ကောင်းသောအရာများ နှင့် လှပသောအရာများကို တောင့်တသော လူ၏ဆန္ဒကို ဖြည့်ဆည်းပေးမည့်သူ၊ လူတို့က လုပ်ကြံဖန်တီးထားသော ဒဏ္ဍာရီလာ ပုဂ္ဂိုလ်ဖြစ်သည်ဟု သင်တို့ယုံကြည်ကြသည်။ သင်တို့၏စိတ်ထဲတွင် ကောင်းကင်ဘုံ၌ရှိသော ဘုရားသခင်သည် အလွန်တော်မှန်၍ ဖြောင့်မတ်ကာ ကြီးမြတ်ပြီး ကိုးကွယ်ခြင်းနှင့် နှစ်သက်လေးစားခြင်းကို ခံထိုက်သည်ဟု မြင်ကြပြီး မြေကြီးပေါ်၌ရှိသော ဤဘုရားသခင်မှာမူ ကောင်းကင်ဘုံ၌ရှိသော ဘုရားသခင်ကို အစားထိုးထားသူဖြစ်ပြီး တန်ဆာပလာတစ်ခုမျှသာ ဖြစ်သည်ဟု မြင်ကြသည်။ ဤဘုရားသခင်သည် ကောင်းကင်ဘုံ၌ရှိသော ဘုရားသခင်နှင့် မတူညီနိုင်၊ တစ်တန်းတည်းထား၍ ဖော်ပြဖို့ဆိုသည်မှာ သာ၍မဖြစ်နိုင်ဟု သင်တို့ယုံကြည်ကြသည်။ ဘုရားသခင်၏ ကြီးမြတ်မှု၊ ဂုဏ်အသရေ နှင့်ပတ်သက်လာပါက ၎င်းတို့သည် ကောင်းကင်ဘုံ၌ရှိသော ဘုရားသခင်နှင့်သက်ဆိုင်သော်လည်း လူတို့၏သဘာဝ၊ ဖောက်ပြန်မှု နှင့်ပတ်သက်၍မူ ၎င်းတို့သည် မြေကြီးပေါ်၌ရှိသော ဘုရားသခင်နှင့် ဆိုင်သည့် ဂုဏ်သတ္တိများ ဖြစ်သည်ဟု သင်တို့ယုံကြည်ကြသည်။ ကောင်းကင်ဘုံ၌ရှိသော ဘုရားသခင်သည် ထာဝစဉ်မြင့်မြတ်သော်လည်း မြေကြီးပေါ်၌ရှိသော ဘုရားသခင်မှာမူ အစဉ်သဖြင့် အရေးမပါဘဲ အားနည်းကာ အရည်အချင်း မပြည့်မီဟု သင်တို့ယုံကြည်ကြသည်။ ကောင်းကင်ဘုံရှိ ဘုရားသခင်သည် စိတ်ခံစားမှုအတိုင်းမလုပ်တတ်၊ ဖြောင့်မတ်ခြင်းသာ ဖြစ်သော်လည်း မြေကြီးပေါ်တွင်ရှိသော ဘုရားသခင်၌မူ တစ်ကိုယ်ကောင်းဆန်သော ရည်ရွယ်ချက်များသာရှိပြီး မည်သည့်တရားမျှတမှု၊ သို့မဟုတ် မည်သည့်ဆင်ခြင်တုံတရားမျှ မရှိဟု သင်တို့ယုံကြည်ကြသည်။ ကောင်းကင်ဘုံ၌ရှိသော ဘုရားသခင်၌ ကောက်ကျစ်မှု အနည်းငယ်မျှ မရှိ၊ သူသည် အစဉ်အမြဲ သစ္စာရှိသော်လည်း မြေကြီးပေါ်ရှိ ဘုရားသခင်၌မူ မရိုးသားသောသဘောထား အစဉ်အမြဲရှိသည်ဟု သင်တို့ယုံကြည်ကြသည်။ ကောင်းကင်ဘုံ၌ရှိသော ဘုရားသခင်သည် လူသားကို မြတ်မြတ်နိုးနိုး ချစ်သော်လည်း မြေကြီးပေါ်၌ရှိသော ဘုရားသခင်မှာမူ လူသားကို ကောင်းကောင်း ဂရုမစိုက်၊ လုံးဝလျစ်လျူရှုထားခြင်းပင် ပြုသည်ဟု သင်တို့ယုံကြည် ကြသည်။ ဤမှားယွင်းသည့်အသိကို သင်တို့၏နှလုံးသားများထဲ၌ သိုထားသည်မှာ အချိန်ကြာပြီဖြစ်ပြီး အနာဂတ်တွင်လည်း အလားတူ ဆက်ဖြစ်နေနိုင်သည်။ ခရစ်တော်၏ လုပ်ဆောင်ချက်အားလုံးကို သင်တို့သည် မဖြောင့်မတ်သောသူတို့၏ ရှုထောင့်ဖြင့် ကြည့်ကြကာ ခရစ်တော်၏အလုပ်အပြင် ခရစ်တော်၏ ကိုယ်ပိုင်လက္ခဏာနှင့် အနှစ်သာရတို့ကိုလည်း သင်တို့သည် ကောက်ကျစ်သူတို့၏ ရှုထောင့်မှ သုံးသပ်ကြသည်။ သင်တို့ရှေ့မှလူများ မည်သည့်အခါကမျှ မလုပ်ဖူးသည့် ကြီးမားသော အမှားတစ်ခုကို သင်တို့ ကျူးလွန်ခဲ့ကြပြီ။ တစ်နည်းဆိုသော် ဦးခေါင်း၌ သရဖူဆောင်းထားသည့် ကောင်းကင်ဘုံရှိ မြင့်မြတ်သော ဘုရားသခင်ကိုသာ သင်တို့အစေခံကြပြီး အလွန်အရေးမပါလွန်းသဖြင့် သင်တို့အတွက် မြင်နိုင်စွမ်းမရှိဟု မှတ်ယူသည့် ဘုရားသခင်ကိုမူ မည်သည့်အခါကမျှ သင်တို့အစေမခံပေ။ ဤသည်မှာ သင်တို့၏အပြစ် မဟုတ်လော။ ဤသည်မှာ ဘုရားသခင်၏ စိတ်သဘောထားကို သင်တို့စော်ကားမှု၏ ဖြစ်ရိုးဖြစ်စဉ်နမူနာတစ်ခု မဟုတ်လော။ သင်တို့သည် ကောင်းကင်ဘုံ၌ရှိသော ဘုရားသခင်ကို ကိုးကွယ်ကြသည်။ မြင့်မားသော ရုပ်တုများကို မြတ်နိုးကြပြီး နှုတ်ရေးကြွယ်ခြင်းကြောင့် ကျော်ကြားသူများကို အထင်ကြီးကြသည်။ သင်၏လက်ထဲသို့ ကြွယ်ဝချမ်းသာမှုများ ဖြည့်ပေးသော ဘုရားသခင်၏ အမိန့်ပေးခြင်းကို သင်ဝမ်းမြောက်စွာခံယူ၍ သင်၏အလိုဆန္ဒမှန်သမျှကို ဖြည့်ဆည်းပေး နိုင်သည့် ဘုရားသခင်ကို အလွန်တမ်းတသည်။ သင်မကိုးကွယ်သည့် တစ်ဦးတည်းသောသူမှာ မမြင့်မြတ်သော ဤဘုရားသခင်သာ ဖြစ်သည်၊ သင်မုန်းသည့် တစ်ခုတည်းသောအရာမှာ မည်သည့်လူကမျှ အထင်မကြီးနိုင်သည့် ဤဘုရားသခင်နှင့် ပေါင်းသင်းဆက်ဆံခြင်းပင် ဖြစ်သည်။ သင်မလုပ်လိုသည့် တစ်ခုတည်းသောအရာမှာ သင့်ကို အသပြာတစ်ပြားမျှ မပေးဖူးသည့် ဤဘုရားသခင်ကို အစေခံခြင်းပင် ဖြစ်သည်၊ သူ့ကို သင်တောင့်တလာအောင် မလုပ်နိုင်သည့် တစ်ဦးတည်းသော သူမှာ ချစ်ဖွယ်မကောင်းသော ဤဘုရားသခင် ဖြစ်သည်။ ဤကဲ့သို့သော ဘုရားသခင်မျိုးသည် သင်၏ဆန္ဒကို ဖြည့်ဆည်းပေးဖို့ရန် မဆိုထားနှင့် သင်၏အမြင်ကျယ်လာအောင်၊ ရတနာတစ်ခုကိုတွေ့သကဲ့သို့ သင်ခံစားရအောင် မလုပ်ပေးနိုင်သော ဘုရားသခင်ဖြစ်သည်။ သို့ဖြစ်လျှင် သင်သည် အဘယ်ကြောင့် သူ့နောက်ကို လိုက်သနည်း။ ဤသို့သောမေးခွန်းမျိုးကို သင်တွေးတောခဲ့ ဖူးသလော။ သင်ပြုသောအရာသည် ခရစ်တော်ကို စော်ကားသည်သာ မဟုတ်ပေ၊ သာ၍အရေးကြီးသည်မှာ ထိုအရာသည် ကောင်းကင်ဘုံ၌ ရှိသော ဘုရားသခင်ကိုလည်း စော်ကားခြင်းဖြစ်၏။ ဘုရားသခင်ကို သင်တို့ယုံကြည်ခြင်း၏ ရည်ရွယ်ချက်မှာ ထိုသို့စော်ကားဖို့ မဟုတ်ဟု ငါထင်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “မြေကြီးပေါ်ရှိ ဘုရားသခင်ကို သိရှိနိုင်ပုံ” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၂၁)

သင်တို့ကို ဘုရားသခင်အားရနှစ်သက်ရန် သင်တို့တောင့်တကြသည်၊ သို့သော် သင်တို့သည် ဘုရားသခင်နှင့် ဝေးကွာလျက်ရှိ၏။ ထိုသို့ဆိုလျှင် ပြဿနာမှာ အဘယ်အရာဖြစ်သနည်း။ သင်တို့သည် သူ၏ နှုတ်ကပတ်တော်များကိုသာ လက်ခံကြပြီး သူ၏အစီအစဉ်တိုင်းကို လက်ခံနိုင်ရန်၊ သူ့ကို အပြည့်အဝယုံကြည်နိုင်ရန်ဝေးစွ၊ သူ၏ကိုင်တွယ် ဖြေရှင်းခြင်းနှင့် ပြုပြင်ခြင်းကိုပင် လက်မခံကြပေ။ ထိုသို့ဆိုလျှင် ပြဿနာမှာ အဘယ်အရာဖြစ်သနည်း။ နောက်ဆုံးဆန်းစစ်ကြည့်လျှင် သင်တို့၏ ယုံကြည်ခြင်းသည် အကောင်လုံးဝမပေါက်နိုင်သော ဗလာဥခွံဖြစ်သည်။ အကြောင်းမှာ သင်တို့၏ ယုံကြည်ခြင်းသည် သင်တို့ထံသို့ သမ္မာတရား မယူဆောင်လာပေး၊ သို့မဟုတ် အသက်ကို မပေးဘဲ ထိုအစား ဆက်လက်အသက်ရှင်နိုင်သည်ဟူသည့် လွဲမှားသော ခံစားချက်နှင့် မျှော်လင့်ခြင်းကိုသာ ပေးခဲ့သည်။ ဘုရားသခင်ကို သင်တို့ယုံကြည်ခြင်း၏ ရည်ရွယ်ချက်မှာ ထိုသို့သော လွဲမှားသည့် ခံစားချက်နှင့် မျှော်လင့်ခြင်းဖြစ်သည်၊ သမ္မာတရားနှင့် အသက်တို့ မဟုတ်ပေ။ ထို့အတွက်ကြောင့် ဘုရားသခင်ကို သင်တို့ယုံကြည်ခြင်း၏ ဖြစ်စဉ်သည် ခယဝယလုပ်ခြင်းနှင့် အရှက်အကြောက်မဲ့ခြင်းမှတစ်ဆင့် ဘုရားသခင်ကို မျက်နှာလို မျက်နှာရလုပ်ရန် ကြိုးစားခြင်းသက်သက်ဖြစ်၍ စစ်မှန်သော ယုံကြည်ခြင်းအဖြစ် မည်သည့်နည်းနှင့်မျှ မသတ်မှတ်နိုင်ဟု ငါပြောခြင်းဖြစ်၏။ ဤသို့သော ယုံကြည်ခြင်းမျိုးမှ မည်သို့လျှင် အကောင်ပေါက်နိုင်မည်နည်း။ တစ်နည်းအားဖြင့် ဤသို့သော ယုံကြည်ခြင်းမျိုးသည် မည်သည့်အရာကို အထမြောက်စေနိုင်သနည်း။ ဘုရားသခင်ကို သင်တို့ယုံကြည်ကြခြင်း၏ ရည်ရွယ်ချက်မှာ သင်တို့၏ ကိုယ်ပိုင်ရည်မှန်းချက်များကို စွမ်းဆောင်ရရှိရန် သူ့ကို အသုံးချဖို့ဖြစ်၏။ ဤသည်မှာ ဘုရားသခင်၏ စိတ်သဘောထားကို သင်တို့စော်ကားခြင်း အကြောင်း နောက်ထပ်အချက်အလက်တစ်ခုဖြစ်သည် မဟုတ်လော။ သင်တို့သည် ကောင်းကင်ဘုံရှိ ဘုရားသခင်၏ တည်ရှိမှုကို ယုံသော်လည်း မြေကြီးပေါ်ရှိ ဘုရားသခင်၏ တည်ရှိမှုကိုမူ ငြင်းပယ်ကြ၏၊ သို့ရာတွင် သင်တို့၏အမြင်များကို ငါအသိအမှတ်မပြု၊ လက်တွေ့ကျကာ မြေကြီးပေါ်၌ရှိသော ဘုရားသခင်ကို အစေခံသောသူများကိုသာ ငါချီးကျူးပြီး မြေကြီးပေါ်၌ရှိသော ခရစ်တော်ကို တစ်ကြိမ်တစ်ခါမျှ အသိအမှတ် မပြုသူများကိုမူ ငါလုံးဝမချီးကျူးပေ။ ကောင်းကင်ဘုံ၌ရှိသော ဘုရားသခင်ကို ထိုသို့သောသူများက မည်မျှပင် သစ္စာစောင့်သိသည်ဖြစ်စေ အဆုံး၌ သူတို့သည် ကောက်ကျစ်သောသူများကို အပြစ်ပေးသည့် ငါ့လက်မှ လွတ်မြောက်မည်မဟုတ်။ ထိုသူတို့သည် ကောက်ကျစ်သော သူများ ဖြစ်ကြ၏၊ ဘုရားသခင်ကို ဆန့်ကျင်ပြီး ခရစ်တော်ကို မည်သည့်အခါကမျှ ဝမ်းမြောက်ဝမ်းသာ မနာခံဖူးသော ဆိုးယုတ်သူများ ဖြစ်ကြသည်။ မှန်ပေ၏၊ ထိုသူတို့အထဲတွင် ခရစ်တော်ကို မသိသောသူများ၊ ထို့အပြင် ခရစ်တော်ကို အသိအမှတ်မပြုသောသူများအားလုံး ပါဝင်သည်။ ကောင်းကင်ဘုံ၌ရှိသော ဘုရားသခင်အပေါ် သစ္စာစောင့်သိနေသရွေ့ ခရစ်တော်ကို မိမိစိတ်ကြိုက် ဆက်ဆံနိုင်သည်ဟု သင်ယုံကြည်သလော။ မှားလေစွ။ ခရစ်တော်ကို သင်မသိခြင်းသည် ကောင်းကင်ဘုံ၌ရှိသော ဘုရားသခင်ကို မသိခြင်းပင် ဖြစ်သည်။ ကောင်းကင်ဘုံ၌ရှိသော ဘုရားသခင်ကို မည်မျှပင် သင်သစ္စာစောင့်သိသည်ဖြစ်စေ ယင်းမှာ အချည်းနှီးစကားနှင့် ဟန်ဆောင်မှုမျှသာဖြစ်သည်၊ အဘယ်ကြောင့် ဆိုသော် မြေကြီးပေါ်၌ရှိသော ဘုရားသခင်သည် သမ္မာတရားနှင့် သာ၍နက်နဲသော အသိဉာဏ်ကို လူတို့လက်ခံရရှိရာတွင် အခရာကျသည် သာမကဘဲ လူကို ဝေဖန်ရှုတ်ချခြင်းနှင့် ထိုအရာပြီးနောက် ကောက်ကျစ်သောသူများကို အပြစ်ဒဏ်ပေးရန် အချက်အလက်များ ရယူရာတွင်လည်း အခရာကျသောကြောင့်ဖြစ်သည်။ ကောင်းသည့် ရလဒ်များ နှင့် ဆိုးသည့်ရလဒ်များကို သင်နားလည်ပြီလော။ ထိုရလဒ်များကို သင်ခံစားဖူးပြီလော။ ဘုရားသခင်ကို သိဖို့အတွက် သင်တို့သည် ကောင်းကင်ဘုံ၌ရှိသော ဘုရားသခင်ကို သိရမည်သာမက သာ၍အရေးကြီးသည်မှာ မြေကြီးပေါ်၌ရှိသော ဘုရားသခင်ကို သိရမည်ဟူသည့် သမ္မာတရားကို သင်တို့တစ်နေ့နားလည်လာဖို့ ငါအလိုရှိသည်။ မည်သည့်အရာကို ဦးစားပေးသင့်ကြောင်းကို ဇဝေဇဝါမဖြစ်နှင့်၊ သို့မဟုတ် အဓိကမဟုတ်သည့် အရာကို အဓိကနှင့် အစားမထိုးနှင့်။ သို့မှသာ ဘုရားသခင်နှင့် ကောင်းမွန်သော ဆက်ဆံရေးကို အမှန်တကယ် သင်တည်ဆောက်နိုင်မည်၊ ဘုရားသခင်နှင့် အမှန်တကယ် ပိုရင်းနှီးနိုင်မည်၊ သင်၏နှလုံးသားကို ဘုရားသခင်နှင့် ပိုနီးအောင် အမှန်တကယ် လုပ်ဆောင်နိုင်မည် ဖြစ်သည်။ သင့်အနေဖြင့် ယုံကြည်လာသည်မှာ နှစ်ပေါင်းများစွာကြာနေပြီး ငါနှင့်ပေါင်းသင်းဆက်ဆံ လာခဲ့သည်မှာ ကာလကြာမြင့်နေပြီဖြစ်သော်လည်း ငါနှင့် ဝေးကွာ နေသေးလျှင် သင်သည် ဘုရားသခင်၏ စိတ်သဘောထားကို မကြာခဏ စော်ကားသောကြောင့် ဖြစ်ရမည်ဖြစ်ပြီး သင်၏အဆုံးကိုလည်း ခန့်မှန်းဖို့ အလွန်ခက်ပေလိမ့်မည်ဟု ငါပြော၏။ ငါနှင့် နှစ်ပေါင်းများစွာကြာအောင် ပေါင်းသင်းဆက်ဆံခဲ့ခြင်းက သင့်ကို လူ့သဘာဝရှိသောသူ၊ သမ္မာတရားရှိသောသူအဖြစ် ပြောင်းလဲအောင် ဆောင်ရွက်နိုင်ခြင်း မရှိသည်သာမက သင်၏ဆိုးယုတ်သော စရိုက်များကို သင်၏သဘာဝထဲတွင် အရိုးစွဲသွားအောင်ပြုပါက၊ ထို့အပြင် သင်သည် ယခင်ကထက် နှစ်ဆနှစ်ပြန် မာနထောင်လွှားလာသည်သာမကဘဲ ငါ့အပေါ် သင်၏အထင်အမြင်လွဲခြင်းများသည်လည်း တိုးပွားလာလိုက် သည်မှာ ငါ့ကိုပင် သင်၏လက်ထောက်လေးတစ်ဦးအဖြစ် သဘောထား လာသည်အထိ ဖြစ်လာပါက သင်၏ရောဂါသည် အရေပြား၌သာမက အရိုးထိတိုင်အောင် စွဲနေပြီဟု ငါပြော၏။ သင်လုပ်ရန်မှာ သင့်အတွက် အသုဘအစီအစဉ် လုပ်ပေးသည်ကို စောင့်ရန်သာ ကျန်တော့၏။ သို့ပြုလျှင် သင်သည် ငါ့ကို သင်၏ဘုရားသခင်ဖြစ်ပေးပါရန် အသနားခံဖို့ မလိုတော့ပေ၊ အကြောင်းမှာ သင်သည် ခွင့်မလွှတ်နိုင်သောအပြစ်၊ သေဒဏ်ပေးထိုက်သောအပြစ်ကို ကျူးလွန်ထားသောကြောင့် ဖြစ်သည်။ ငါသည် သင့်ကို ကရုဏာထားနိုင်သော်မှ ကောင်းကင်ဘုံ၌ရှိသော ဘုရားသခင်က သင်၏အသက်ကို နှုတ်ယူဖို့ အပြင်းအထန် တောင်းဆိုမည်ဖြစ်သည်၊ အဘယ်ကြောင့်ဆိုသော် ဘုရားသခင်၏ စိတ်သဘောထားကို သင်၏စော်ကားခြင်းသည် သာမန်ပြဿနာတစ်ခု မဟုတ်ဘဲ အလွန်ကြီးလေးသည့်သဘာဝရှိသော ပြဿနာတစ်ခု ဖြစ်သောကြောင့်ဖြစ်သည်။ အချိန်တန်လျှင် သင့်ကို ကြိုတင်၍ သတိမပေးဟု ငါ့ကို အပြစ်မတင်နှင့်။ အစပြန်ကောက်ရမည်ဆိုလျှင်- သင်သည် မြေကြီးပေါ်၌ရှိသော ဘုရားသခင်ဖြစ်သူ ခရစ်တော်ကို သာမန်လူတစ်ဦးအဖြစ်သာ သတ်မှတ်ဆက်ဆံလျှင်၊ တစ်နည်းအားဖြင့် ဤဘုရားသခင်သည် သာမန်လူတစ်ယောက်ထက်မပိုဟု ယုံကြည်လျှင် သင်ပျက်စီးရပေလိမ့်မည်။ ဤသည်မှာ သင်တို့အားလုံးအတွက် ငါ၏တစ်ခုတည်းသော သတိပေးချက်ပင်တည်း။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “မြေကြီးပေါ်ရှိ ဘုရားသခင်ကို သိရှိနိုင်ပုံ” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၂၂)

လူသားတွင် ယုံကြည်ခြင်းနှင့်ပတ်သက်၍ မသေချာသော စကားလုံးသာရှိသည်။ သို့ရာတွင် လူသားသည် ဘယ်အတွက်ကြောင့် ယုံကြည်ခြင်းရှိသည်ကိုမဆိုထားနှင့် ယုံကြည်ခြင်းကို မည်သည့် အရာဖြင့်ဖွဲ့စည်းထားသည်ကို မသိပါ။ လူသားနားလည်သည်မှာ အလွန်နည်းပါး၍ လူသားကိုယ်တိုင်တွင် မပြည့်စုံမှု များပြားလွန်း နေပါသည်။ သူသည် မဆင်မခြင် အသိဉာဏ်မဲ့စွာဖြင့်သာ ငါ့ကို ယုံကြည်သည်။ ယုံကြည်ခြင်းဆိုသည်မှာ အဘယ်အရာ ဆိုသည်ကိုဖြစ်စေ၊ ငါ့ကို အဘယ်ကြောင့် ယုံကြည်သည်ကိုဖြစ်စေ သူမသိသော်လည်း သဲသဲမဲမဲ ဆက်၍ယုံကြည်သည်။ ငါသည် လူသားအပေါ်တောင်းဆိုသည်မှာ ဤနည်းဖြင့် ငါ့ကို သဲသဲမဲမဲ ပဌနာပြုရုံ သို့မဟုတ် ငါ့ကို ရောက်တတ်ရာရာ နည်းဖြင့် ယုံကြည်ရုံတို့မျှသာ မကပါ။ ငါ၏အမှုမှာ လူသား ငါ့ကိုတွေ့၍ ငါ့ကိုသိလာရန် ဖြစ်သည်။ ငါ၏ အမှုတော်ကြောင့် လူသားသည် ငါ့ကိုအထင်ကြီး၍ အမြင်သစ်တစ်မျိုးဖြင့် ကြည့်ရန်မဟုတ်။ ငါယခင်က နိမိတ် လက္ခဏာများစွာနှင့် အံ့ဘွယ်အမှုအရာများကို ပြသခဲ့ပြီး အံ့သြဖွယ်ဖြစ်ရပ်များစွာကို လုပ်ဆောင်ခဲ့ပြီး ဖြစ်သည်။ ထိုစဉ်က ဣသရေလတို့သည် ငါ့ကို ကြီးစွာသောလေးစားမှု ပြခဲ့ပြီး ဖျားနာသူတို့၏ အနာရောဂါကို ငြိမ်းစေနိုင်ပြီး နတ်ဆိုးတို့ကို နှင်ထုတ်နိုင်သည့် ငါ၏ထူးခြားသောအစွမ်းတို့ကို လွန်စွာကြောက်ရွံ့ ခဲ့သည်။ ထိုစဉ်က ယုဒလူမျိုးတို့သည် အနာရောဂါငြိမ်းစေနိုင်သည့် ငါ၏တန်ခိုးတို့မှာ ပိုင်နိုင်လှ၍ အံ့မခန်းဟု ထင်ခဲ့ကြသည်။ ဤကဲ့သို့သော ငါ၏ လုပ်ဆောင်ချက်များကြောင့် သူတို့အားလုံး ငါ့ကို လေးစားကြ၏။ ငါ၏တန်ခိုးအားလုံးအတွက် သူတို့ ကြီးစွာသော ကြည်ညိုလေးစားစိတ်ပေါ်ခဲ့သည်။ သို့ဖြစ်၍ အံ့သြဖွယ်ဖြစ်ရပ်များ ငါလုပ်ဆောင်သည်ကို တွေ့သူ မည်သူမဆိုသည် ငါ့နောက်သို့ အနီးကပ် လိုက်ခဲ့သည့်အတွက် ဖျားနာသောသူတို့၏အနာရောဂါ ငါငြိမ်းစေသည်ကို ကြည့်ရန် ထောင်ပေါင်းများစွာသော လူတို့သည် ငါ့ကိုဝိုင်းရံခဲ့ကြသည်။ ငါသည် နိမိတ်လက္ခဏာနှင့် အံ့ဖွယ် အမှုအရာများစွာကို ပြသခဲ့သော်လည်း လူသားသည် ငါ့ကို ပိုင်နိုင်သည့်သမားတော်တစ်ဦးအဖြစ်မျှသာ မှတ်ယူခဲ့သည်။ ထိုအချိန်က ထိုသူတို့ကို သင်ကြားသည့် စကားများစွာ ငါပြောခဲ့သည်ဖြစ်သော်လည်း ငါ့ကို တပည့်များထက်သာသည့်ဆရာ အဖြစ်မျှသာ မှတ်ယူခဲ့ကြသည်။ ယနေ့တိုင်အောင်ပင် ငါ့အမှုတော်၏ သမိုင်းဝင်မှတ်တမ်းများကို လူသားများတွေ့ပြီးသည်နောက် ငါ့ကို ဖျားနာသူတို့ကို အနာရောဂါငြိမ်းစေသည့် သမားတော်ကြီးတစ်ပါးနှင့် အသိဉာဏ်မဲ့သူတို့၏ဆရာဟု ထိုသူတို့ ဆက်လက် အဓိပ္ပါယ်ကောက် ကြသည်။ ထို့နောက် ငါ့ကို သနားကြင်နာတတ်သော သခင်ယေရှု ခရစ်ဟု ဆုံးဖြတ်ခဲ့ကြသည်။ ကျမ်းစာကို အနက်အဓိပ္ပါယ် ပြန်သောသူတို့သည် အနာရောဂါငြိမ်းစေရာတွင် ငါ့ထက်သာလွန်၍ ကျွမ်းကျင် နိုင်ခဲ့ကြပေသည်။ သို့မဟုတ် ယခု ၎င်းတို့၏ ဆရာများထက် သာလွန်သည့် တပည့်များပင် ဖြစ်ကောင်းဖြစ်နိုင် ပါသည်။ သို့သော် ဤသို့သော အလွန်ထင်ရှားကျော်ကြားသော လူများဖြစ်သည့် ၎င်းတို့၏အမည်များကို ကမ္ဘာတစ်ဝှမ်း သိကြသူများက ငါ့ကို သမားတော်တစ်ဦးမျှသာဟု အလွန်နိမ့်ကျစွာ ထင်မှတ်ကြသည်။ ငါ၏လုပ်ဆောင်ချက်များသည် ကမ်းခြေများရှိ သဲလုံးများထက် အရေအတွက်သာ၍ များပြားပြီး ငါ၏ဉာဏ်ပညာ သည်လည်း ရှောလမုန်မင်းကြီး၏ သားအားလုံး၏ ဉာဏ်ပညာထက် သာ၍ကြီးမားသည်။ သို့သော် လူသားများသည် ငါ့ကို အရေးသိပ် မပါသည့် သမားတော်အဖြစ်နှင့် လူသား၏ လူမသိသူမသိဆရာ အဖြစ်မျှသာ ငါ့ကိုထင်မှတ်ကြသည်။ သူတို့၏အနာရောဂါကို ငါငြိမ်းစေရေးအတွက်သာ ငါ့ကို လူများစွာတို့က ယုံကြည်ကြသည်။ သူတို့၏ခန္ဓာအတွင်းမှ မသန့်ရှင်းသည့်ဝိညာဉ်များကို ငါမောင်းထုတ်ရေးအတွက် ငါ၏တန်ခိုးများကို အသုံးပြုရန် အတွက်သာ ငါ့ကို လူများစွာတို့က ယုံကြည်ကြသည်။ ငါ့ထံမှ ငြိမ်သက်ခြင်းနှင့် ဝမ်းမြောက်ခြင်းတို့ ရရေးအတွက်သာ ငါ့ကို လူများစွာတို့က ယုံကြည်ကြသည်။ သာ၍များသော ရုပ်ပိုင်းဆိုင်ရာ ဓနဥစ္စာကို ငါ့ထံမှ တောင်းခံရန်အတွက်သာ ငါ့ကို လူများစွာတို့က ယုံကြည်ကြသည်။ ဤဘဝတွင် အေးအေးချမ်းချမ်း နေထိုင်နိုင်ပြီး နောင်လာမည့်ဘဝတွင် ဘေးကင်းလုံခြုံရေးအတွက်သာ ငါ့ကို လူများစွာတို့က ယုံကြည်ကြသည်။ ငရဲ၏ဒုက္ခဆင်းရဲကို ရှောင်ရှားပြီး၊ ကောင်းကင်၏ကောင်းချီးမင်္ဂလာများ ရရှိရေးအတွက်သာ ငါ့ကို လူများစွာတို့က ယုံကြည်ကြသည်။ လူများစွာတို့က ယာယီ နှစ်သိမ့်မှုအတွက်သာ ငါ့ကိုယုံကြည်ပြီး နောင်လာမည့်ဘဝအတွက် မည်သည့်အရာမျှ ရရန်မကြိုးစားကြပေ။ လူသားအပေါ် ငါ့ဒေါသ ကျရောက်စေပြီး သူနဂိုက ပိုင်ဆိုင်ခဲ့သော ဝမ်းမြောက်ခြင်းနှင့် ငြိမ်သက်ခြင်းတို့ကို ငါသိမ်းပိုက်လိုက်သောအခါ လူသားသည် သံသယရှိလာ၏။ ငါသည် လူသားကို ငရဲ၏ဒုက္ခပေး၍ ကောင်းကင်၏ ကောင်းချီးမင်္ဂလာတို့ကို ပြန်လည်သိမ်းယူသည့်အခါ လူသား၏အရှက်သည် ဒေါသအသွင်သို့ ပြောင်းသွား၏။ လူသားသည် ငါ့ကို သူ့အား ရောဂါငြိမ်းစေရန် တောင်းဆိုသည့်အခါ ငါသည် သူ့ကို အရေးမစိုက်ဘဲ သူ့ကိုရွံရှာခြင်းရှိ၏၊ လူသားသည် ဆိုးယုတ်သော ပယောဂအတတ်နှင့် မှော်အတတ်တို့၏ နည်းလမ်းကိုရှာရန်သာ ငါ့ထံမှ ထွက်ခွာသွားခဲ့ကြသည်။ ငါ့ထံမှ လူသားတောင်းဆိုခဲ့ပြီး သမျှအားလုံးကို ငါယူပစ်လိုက်သောအခါ လူသားသည် အစအနရှာ၍ မရအောင် ပျောက်သွားကြ၏။ ထို့ကြောင့် ငါပေးသည့်ကျေးဇူးတော် များလွန်းပြီး ရရန်အကျိုးအမြတ် များလွန်းသဖြင့် လူသားသည် ငါ့ကို ယုံကြည်သည်ဟု ငါဆို၏။ ယုဒလူတို့သည် ငါ၏ကျေးဇူးတော်ကြောင့် ငါ့ကိုယုံကြည်ကြပြီး ငါသွားရာနောက်သို့ လိုက်ခဲ့ကြသည်။ အသိဉာဏ်နှင့် အတွေ့အကြုံနည်းသည့် ဤမသိနားမလည်သော လူသားတို့သည် ငါပြသည့် နိမိတ်လက္ခဏာများနှင့် အံ့သြဖွယ်ရာများကို တွေ့ရန်သာ ကြိုးပမ်းကြ၏။ အကြီးမြတ်ဆုံးအံ့ဖွယ်အမှုတို့ ပြုလုပ်နိုင်သည့် ယုဒလူတို့၏အိမ်၏ဦးခေါင်းဟု ငါ့ကိုမှတ်ယူကြ၏။ ထို့ကြောင့် ငါသည် လူသားတို့အထဲမှ နတ်ဆိုးတို့ကို နှင်ထုတ် သောအခါ ထိုသူတို့သည် ဇဝေဇဝါကြီးစွာဖြစ်လျက် ငါသည် ဧလိယ ဖြစ်၏။ ငါသည် မောရှေဖြစ်၏။ ငါသည် ပရောဖက်တို့အနက် ရှေးအကျဆုံး ဖြစ်၏။ ငါသည် အကြီးမြတ်ဆုံးသော သမားတော် ဖြစ်၏ဟု ၎င်းတို့အကြား ပြောဆိုကြ၏။ ငါသည် အသက်ဖြစ်၏။ လမ်းခရီးဖြစ်၏။ သမ္မာတရားလည်းဖြစ်၏ဟု ငါကိုယ်တိုင် ပြောခြင်းမှလွဲ၍ မည်သူမျှ ငါ၏ဖြစ်တည်ခြင်းကိုသော်လည်းကောင်း၊ ငါမည်သူမည်ဝါ ဖြစ်ခြင်းကိုသော်လည်းကောင်း မသိနိုင်ခဲ့။ ကောင်းကင်ဘုံသည် ငါ့အဖ နေထိုင်ရာနေရာဖြစ်၏ဟု ငါကိုယ်တိုင် ပြောခြင်းမှလွဲ၍ ငါသည်ဘုရားသခင်၏သားတော် ဖြစ်ကြောင်းနှင့် ဘုရားသခင် ကိုယ်တိုင် ဖြစ်ကြောင်းကို မည်သူမျှ မသိခဲ့။ ငါသည် လူသားမျိုးနွယ် အားလုံးထံ ရွေးနုတ်ခြင်းကို ယူဆောင်လာမည်ဖြစ်ပြီး လူသားမျိုးနွယ်ကို ရွေးမည်ဟု ငါကိုယ်တိုင် ပြောခြင်းမှလွဲ၍ ငါသည် လူသားတို့ကို ရွေးနုတ်တော်မူသောသူ ဖြစ်ကြောင်း မည်သူမျှမသိခဲ့။ လူသားတို့သည် ငါ့ကို ကျေးဇူးပြုတတ်သောသူနှင့် သနားကြင်နာ တတ်သောသူအဖြစ်သာ သိခဲ့ကြသည်။ ထို့အပြင် ငါမည်သူ ဖြစ်သည်အားလုံးကို ငါကိုယ်တိုင် ရှင်းပြနိုင်ခြင်းမှလွဲ၍ မည်သူမျှ ငါ့ကိုမသိ။ ထို့အပြင် ငါသည် အသက်ရှင်တော်မူသော ဘုရားသခင်၏သားတော် ဖြစ်ကြောင်းကို မည်သူမျှ ယုံကြည်ခြင်း မရှိ။ လူသားသည် ငါ့ကို ဤသို့သာယုံကြည်ပြီး ငါ့ကို ဤသို့ လှည့်စားခဲ့သည်။ ငါ့အပေါ် ဤသို့အမြင်များရှိလျှင် လူသားသည် ငါ့အတွက် မည်သို့သက်သေခံနိုင်မည်နည်း။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ယုံကြည်ခြင်းအကြောင်း သင်ဘာသိသနည်း” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၂၃)

ဘုရားသခင်အပေါ် လူတို့ ယုံကြည်ခဲ့သည်မှာ ကြာပြီ ဖြစ်သော်လည်း လူအများစုမှာ “ဘုရားသခင်” ဟူသည့် စကားလုံးကို လုံးဝနားလည်ခြင်း မရှိပါ။ ၎င်းတို့သည် ယောင်ချာချာနှင့်သာ နောက်လိုက်နေကြခြင်း ဖြစ်သည်။ လူသားသည် ဘုရားသခင်အား မည်သည့်အတွက်ကြောင့် ယုံကြည်သင့်သည်ကို လုံးဝမသိ၊ ဘုရားသခင် ဟူသည် အဘယ်နည်းကိုလည်း အတိအကျမသိပါ။ လူတို့သည် ဘုရားသခင်ကို ယုံကြည်လျက် နောက်လိုက်ရန်သာ သိ၍ ဘုရားသခင်ဟူသည် အဘယ်နည်းကို မသိ၊ ဘုရားသခင်ကိုလည်း နားမလည်ပါက၊ ဤသည်မှာ ကမ္ဘာပေါ်တွင် အကြီးမားဆုံးသော ပြက်လုံးတစ်ရပ်ပင် မဟုတ်ပါလား။ ယခုလောက်ဆိုလျှင် လူတို့သည် ကောင်းကင်နှင့် ပတ်သက်သည့် နက်နဲသောအရာများကို တွေ့မြင်ခဲ့ပြီး ဖြစ်သော်လည်း၊ ယခင်က လူသားတို့ တစ်ခါမျှ နားမလည်ခဲ့သော လေးနက်သည့် အသိဉာဏ်များအကြောင်း ကြားခဲ့ပြီးဖြစ်သော်လည်း ၎င်းတို့သည် အခြေခံအကျဆုံး အရာအများအပြား၊ ချင့်ချိန်စဉ်းစားခြင်း မပြုရသေးသည့် သမ္မာတရားများကို နားမလည်ပါ။ အချို့သူများက “ကျွန်ုပ်တို့ ဘုရားသခင်ကို ယုံကြည်ခဲ့သည်မှာ နှစ်ပေါင်းများစွာ ကြာလှပြီ။ ဘုရားသခင်ဟူသည် အဘယ်အရာဖြစ်ကြောင်း မသိဘဲ အဘယ်သို့ ရှိနိုင်မည်နည်း။ ဤသည်မှာ ကျွန်ုပ်တို့ကို နှိမ်ရာ မရောက်ပေဘူးလား” ဟု ပြောချင်ပြောနိုင်သည်။ သို့သော် လက်တွေ့တွင် ယနေ့လူတိုင်း ငါ့နောက်သို့ လိုက်နေသော်လည်း မည်သူမျှ ယခုလက်ရှိ အလုပ် အားလုံးကို နားမလည်ပါ။ ဘုရားသခင်အကြောင်း အလွန်ရှုပ်ထွေးသည့် ထိုမေးခွန်းများကို မဆိုထားနှင့် ၎င်းတို့သည် အရိုးရှင်းဆုံးနှင့် အလွယ်ဆုံး မေးခွန်းများကိုပင် လက်လွှတ်ကုန်ကြသည်။ သင်ဘေးဖယ် လိုက်သည့် မေးခွန်းများ၊ သင်သိရှိနိုင်စွမ်း မရှိသော ထိုမေးခွန်းများသည် သင်နားလည် သင့်ဆုံးသော မေခွန်းများဖြစ်ကြောင်း သင်သိသင့်သည်။ အကြောင်းမှာ သင်သည် လူအုပ်နောက်သို့ လိုက်ရန်သာသိကာ မိမိလိုအပ်မည့် အရာများကို ရယူထားရန် အာရုံမစိုက်၊ ဂရုမပြုသောကြောင့် ဖြစ်၏။ သင်သည် ဘုရားသခင်ကို အဘယ်ကြောင့် ယုံကြည်သင့်သည်ကို အမှန်တကယ် သိပါသလား။ ဘုရားသခင်ဟူသည် အဘယ်နည်းဆိုသည်ကို သင်အမှန်တကယ် သိပါသလား။ လူသားဟူသည် အဘယ်နည်းဆိုသည်ကို သင်အမှန်စင်စစ် သိပါသလား။ ဘုရားသခင်ကို ယုံကြည်သော လူသားတစ်ဦး အနေဖြင့် ဤအရာများကို နားမလည်နိုင်ပါက သင်သည် ဘုရားသခင်ကို ယုံကြည်သူ တစ်ဦးအနေဖြင့် သိက္ခာမကျပေဘူးလား။ ငါ၏ ယနေ့အမှုမှာ လူတို့ ၎င်းတို့၏ အနှစ်သာရကို နားလည်ရန်၊ ငါလုပ်သည့် အမှုအရာ ခပ်သိမ်းကို နားလည်ရန်နှင့် ဘုရားသခင်၏ မျက်နှာ အစစ်အမှန်ကို သိရန်ဖြစ်သည်။ ဤသည်မှာ ငါ့စီမံခန့်ခွဲမှု အစီအစဉ်၏ နိဂုံးလုပ်ရပ်၊ ငါ့အမှု၏ နောက်ဆုံးအဆင့် ဖြစ်သည်။ ထို့ကြောင့် ဘဝ၏ နက်နဲသော အရာခပ်သိမ်းကို ကြိုတင်၍ သင်တို့အား ငါပြောခြင်းဖြစ်၏။ သို့မှသာ ငါ့ထံမှ ထိုအရာများကို သင်တို့အားလုံး လက်ခံနိုင်မည် ဖြစ်သည်။ ဤသည်မှာ နောက်ဆုံးသော ကာလ၏ အမှုဖြစ်သဖြင့် သင်တို့နားလည်ခြင်းမရှိ၊ ခံနိုင်ရည် မရှိသော်လည်း သင်တို့ယခင်က တစ်ခါမျှ ခံယူခဲ့ခြင်းမရှိသော ဘဝ၏ သမ္မာတရား ခပ်သိမ်းကို သင်တို့အား ငါပြောပြရမည်။ အဘယ်ကြောင့်ဆိုသော် သင်တို့သည် အလွန်ချို့တဲ့လွန်းလျက် လိုအပ်သည့် အရာများ ကင်းမဲ့လွန်း၍သာ ဖြစ်သည်။ ငါသည် ငါ၏အမှုကို နိဂုံးချုပ်လိုသည်။ ငါ၏ လိုအပ်သည့်အမှု ခပ်သိမ်းကို ပြီးဆုံးလိုပြီး ငါသင်တို့အား စေခိုင်းနေသည့်အရာကို အပြည့်အစုံ အသိပေးလိုသည်။ ဤသည်မှာ အမှောင်ထု လွှမ်းမိုးချိန်၌ သင်တို့သည် နောက်တစ်ဖန် လမ်းလွဲ၍ စာတန်၏ လှည့်ဖြားမှုအတွင်း ကျရောက်ခြင်းမှ ကာကွယ်ရန်ဖြစ်သည်။ သင်တို့ နားမလည်နိုင်သည့် လမ်းခရီး များစွာရှိ၏။ သင်တို့ နားမလည်သည့် ကိစ္စများစွာရှိ၏။ သင်တို့သည် အသိဉာဏ် ကင်းမဲ့လွန်း၏။ ငါသည် သင်တို့၏ ဝိညာဉ်အသက်တာနှင့် အားနည်းချက်များကို ကောင်းစွာသိ၏။ ထို့ကြောင့် သင်တို့ နားလည်နိုင်စွမ်း မရှိသည့် နှုတ်ကပတ်တော်များစွာ ရှိသော်လည်း သင်တို့ယခင်က တစ်ခါမျှ ခံယူခဲ့ခြင်းမရှိသည့် သမ္မာတရား အားလုံးအကြောင်း ငါသင်တို့ကို ပြောပြလိုသေး၏။ အကြောင်းမှာ သင်တို့၏လက်ရှိ ဝိညာဉ်အသက်တာဖြင့် သင်တို့သည် ငါ့အတွက် သက်သေခံနိုင်ခြင်း ရှိ၊ မရှိကို ငါ စိုးရိမ်နေ၍ဖြစ်သည်။ ငါသည် သင်တို့ကို အထင်သေး၍မဟုတ်။ သင်တို့ခပ်သိမ်းသည် ငါ၏ စနစ်တကျသင်ကြားမှု မခံယူရသေးသော သားရဲ တိရစ္ဆာန်များဖြစ်ကာ သင်တို့အတွင်း ဘုန်းတော် မည်မျှရှိသည်ကို အမှန်စင်စစ် မေးခွန်းထုတ်ဖွယ်ရာ ကောင်းပေသည်။ သင်တို့အပေါ် လုပ်ဆောင်ချက်အတွက် ငါသည် ကြီးမားသော အင်အားကို အသုံးပြုခဲ့ပြီး ဖြစ်သော်လည်း သင်တို့အတွင်းရှိ အပြုသဘောဆောင်သော အရာများသည် လုံးဝ မရှိလုနီးပါးပင် ဖြစ်ချိန်တွင် အပျက်သဘောဆောင်သော အရာများကိုမူ လက်ချောင်းများတွင် ရေတွက်နိုင်ပြီး စာတန်ကိုအရှက်ရစေသည့် သက်သေခံချက်များအဖြစ်သာ အသုံးဝင်ကြသည်။ သင်တို့ အတွင်းရှိ ကျန်အရာခပ်သိမ်းနီးပါးသည် စာတန်၏ အဆိပ်ဖြစ်၏။ သင်တို့ကို ကြည့်ရသည်မှာ သင်တို့ကို ကယ်တင်နိုင်ခြင်း မရှိတော့သကဲ့သို့ ဖြစ်၏။ ထို့ကြောင့် လက်ရှိ အခြေအနေသည် ဤသို့ ဖြစ်နေသည့်အတွက် ငါသည် သင်တို့၏ ပြုမူပြောဆိုပုံ အမျိုးမျိုးကို ကြည့်၍ နောက်ဆုံးတွင် သင်တို့၏ ဝိညာဉ်အသက်တာအမှန်ကို သိ၏။ ထို့ကြောင့် ငါသည် သင်တို့အတွက် ပူပန်နေရခြင်း ဖြစ်သည်- မိမိဘဝကို မိမိဘာသာ အသက်ရှင်ရမည့် အခါတွင် လူသားသည် ယနေ့ထက် ပို၍ကောင်းသည့် ဘဝ သို့မဟုတ် အလားတူဘဝသို့ အမှန်တကယ် ရောက်ရှိမည်လား။ သင်တို့၏ ကလေးဆန်သည့် ဝိညာဉ်အသက်တာအတွက် စိုးရိမ်ပူပန်ခြင်း မရှိဘူးလား။ သင်တို့သည် အခြေအနေ ခပ်သိမ်းတွင် ငါနှင့် ငါ့အပေါ်သာ သစ္စာရှိသော ရွေးချယ်ခံရသည့် ဣသရေလအမျိုးကဲ့သို့ အမှန်စင်စစ် နေနိုင်မည်လား။ သင်တို့အထဲက ထုတ်ဖော်ပြသည့်အရာမှာ မိဘများ ထံမှ လမ်းလွဲသွားကြသည့် ကလေးသူငယ်များ ကျီစယ်ဆော့ကစားခြင်း မဟုတ်ဘဲ သခင်၏ ကျာပွတ်များ လက်လှမ်းမမီနိုင်သည့် တိရစ္ဆာန်များမှ ပေါက်ကွဲထွက်လာသော ဆိုးရွားယုတ်မာမှုဖြစ်၏။ သင်တို့သည် သင်တို့၏ သဘောသဘာဝကို သိထားသင့်သည်။ ဤသဘော သဘာဝသည် သင်တို့အားလုံးတွင် ရှိနေသည့် အားနည်းချက်လည်း ဖြစ်၍ သင်တို့အားလုံးတွင် ရှိနေသည့် ဖျားနာမှုဖြစ်သည်။ ထို့ကြောင့် ယနေ့ သင်တို့အပေါ် ငါ၏ တစ်ခုတည်းသော တိုက်တွန်းနှိုးဆော်မှုမှာ ငါ့အတွက် သက်သေခံရန်သာ ဖြစ်သည်။ မည်သည့် အခြေအနေတွင်မှ အနာဟောင်းကို တစ်ဖန်ပြန်၍ ထကြွခွင့် မပြုပါနှင့်။ အရေးကြီးဆုံး အရာမှာ သက်သေခံရန်ပင် ဖြစ်သည်။ ဤသည်မှာ ငါ့အမှု၏ အဓိကအချက်ဖြစ်သည်။ မာရိသည် အိပ်မက်တွင် ပေါ်လာသော ယေဟောဝါ၏ ဗျာဒိတ်ပေးသည်ကို ယုံကြည်၍ နာခံကာ လက်ခံသကဲ့သို့ သင်တို့သည် ငါ့နှုတ်ကပတ်တော်များကို လက်ခံသင့်သည်။ ဤသည်သာလျှင် ဖြူစင်ရာရောက်သည်။ အကြောင်းမှာ သင်တို့သည် ငါ၏ နှုတ်ကပတ်တော်များကို အများဆုံး ကြားသူများဖြစ်၍ ငါ၏ ကောင်းချီးမင်္ဂလာကို ခံစားရဆုံး သူများ ဖြစ်၍ဖြစ်သည်။ ငါသည် သင်တို့ကို ငါ၏တန်ဖိုးရှိသော ပိုင်ဆိုင်မှု ခပ်သိမ်းကို ပေးနေကာ အရာခပ်သိမ်းကို သင်တို့ကို လုံးဝ အပ်နှင်းပေးနေ၏။ သို့ရာတွင် သင်တို့၏ အနေအထားနှင့် ဣသရေလ အမျိုးတို့၏ အနေအထားတို့မှာ လွန်စွာ ကွဲပြား၏။ လုံးဝခြားနား၏။ သို့ရာတွင် ၎င်းတို့နှင့် နှိုင်းယှဉ်ပါက သင်တို့သည် များစွာပို၍ ရရှိနေပေသည်။ ထိုသူတို့သည် ငါပေါ်ထွက်လာရန် အသည်းအသန် စောင့်သော်လည်း သင်တို့သည် သာယာသော နေ့များတွင် ငါနှင့်အတူရှိလျက် ငါ၏ ကြွယ်ဝ ချမ်းသာမှုများကို အတူခံစားကြ၏။ ထိုသူတို့နှင့် နှိုင်းယှဉ်လိုက်သည့်အခါ သင်တို့တွင် ငါ့ကိုကျယ်လောင်စွာ ညည်းညူ၍ ငါနှင့် ကျယ်လောင်စွာ ခိုက်ရန်ဖြစ်ပွားကာ ငါ၏ပိုင်ဆိုင်မှုမှ ဝေစုများကို တောင်းခွင့် အဘယ်သို့ရှိသနည်း။ သင်တို့ ရသည်များမှာ မလုံလောက်ပေဘူးလား။ ငါသည် သင်တို့ကို များစွာပေးသော်လည်း သင်တို့ငါ့ကို ပြန်ပေးသည်မှာ ငါ့ကို အသည်းကွဲစေသည့် ဝမ်းနည်းမှု၊ စိုးရိမ်လွန်ကဲမှုနှင့် ဖိနှိပ်၍ မရသော မကျေချမ်းမှုနှင့် မကျေနပ်မှုသာ ဖြစ်၏။ သင်တို့သည် လွန်စွာရွံမုန်းစရာ ကောင်းသော်လည်း သင်တို့အပေါ် သနားစိတ် ကိုလည်း နှိုးဆွ၏။ ထို့ကြောင့် ငါသည် အခြားလမ်းမရှိဘဲ ငါ၏ မကျေချမ်းမှုကို မျိုသိပ်၍ ငါ၏ ကန့်ကွက်ချက်များကို သင်တို့ထံ အဖန်ဖန် ဖွင့်ဟဖို့ရန်သာရှိ၏။ ဤ နှစ်ထောင်ပေါင်း များစွာသော လုပ်ဆောင်မှုကာလတွင် ယခင်က ငါသည် လူသားအပေါ် မည်သည့် ကန့်ကွက်မှုမျှ မပြုခဲ့။ အကြောင်းမူကား လူသား၏ တိုးတက်မှု ရာဇဝင်တွင် သင်တို့အကြား အလှည့်ဖြားဆုံးတို့သာလျှင် ကျော်ကြားကြောင်း ငါတွေ့ခဲ့၍ဖြစ်သည်။ ၎င်းတို့သည် ကျော်ကြားသော ရှေးဘိုးဘေးမှ သင်တို့ကိုပေးခဲ့သော တန်ဖိုးရှိသည့် အမွေများကဲ့သို့ ဖြစ်၏။ ထိုလူသား အဆင့်မမီသော ဝက်များနှင့် ခွေးများကို ငါမုန်းတီးလှသည်။ သင်တို့တွင် အသိတရား ကင်းမဲ့လွန်းသည်။ သင်တို့၏ အကျင့်စာရိတ္တသည် အောက်တန်းကျလွန်း၏။ သင်တို့၏ အသည်းနှလုံးသည် မာကြောလှ၏။ ငါ၏ ဤနှုတ်ကပတ်တော်များနှင့် ဤအမှုတို့ကို ဣသရေလသို့ ယူသွားခဲ့ပါက ငါသည် လွန်လေပြီးသော ကာလများစွာကပင် ဘုန်းတန်ခိုးရရှိခဲ့မည် ဖြစ်သည်။ သင်တို့အကြား တွင်ကား ဤသို့မဟုတ်။ သင်တို့အကြားတွင် ရက်စက်သည့် လစ်လျူရှုမှု၊ သင်တို့၏ တမင်ဂရုမပြုမှုနှင့် သင်တို့၏ အကြောင်းပြချက်များသာလျှင် ရှိ၏။ သင်တို့သည် ခံစားချက် ကင်းမဲ့လွန်းလျက် တန်ဖိုးမဲ့လွန်းသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို သင်မည်သို့ နားလည်သနည်း” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၂၄)

သင်တို့အားလုံးအနေဖြင့် ယခုအခါတွင် ဘုရားသခင်ကို ယုံကြည်ခြင်းအရာ၏ အဓိပ္ပာယ်အစစ်အမှန်ကို သဘောပေါက်သင့် ပေပြီ။ ယခင်က ငါပြောခဲ့သည့် ဘုရားသခင်ကို ယုံကြည်ခြင်း၏ အဓိပ္ပာယ်သည် သင်တို့၏ အပြုသဘောဆောင်သော ဝင်ရောက်မှုနှင့် ဆက်စပ်သည်။ ယနေ့၌မူ ဘုရားသခင်ကို ယုံကြည်ခြင်း၏ အဓိပ္ပာယ်သည် ထိုကဲ့သို့မဟုတ်ပေ။ ဘုရားသခင်အပေါ်ထားရှိသော သင်တို့ယုံကြည်ခြင်း၏ အနှစ်သာရကို ယနေ့ ငါဆန်းစစ်ကြည့် လိုသည်။ မှန်ပေသည်၊ ဤသည်မှာ သင်တို့ကို အနုတ်သဘောဆောင်သည့် ရှုထောင့်မှ လမ်းညွှန်ခြင်းဖြစ်သည်။ အကယ်၍ ငါဤသို့မပြုလုပ်ပါက သင်တို့သည် သင်တို့၏ ရုပ်သွင်အမှန်ကို မည်သည့်အခါမျှ သိရှိလာမည် မဟုတ်ဘဲ၊ သင်တို့၏ ဘာသာတရားကိုင်းရှိုင်းမှုနှင့် သစ္စာရှိမှုအပေါ်တွင် အမြဲကြွားဝါနေမည် ဖြစ်သည်။ တစ်နည်းအားဖြင့် သင်တို့၏နှလုံးသားအတွင်းရှိ နက်ရှိုင်းလှသောနေရာမှ အကျည်းတန်မှုကို ငါထုတ်ဖော်မပြပါက သင်တို့တစ်ဦးစီသည် မိမိတို့ခေါင်းပေါ်တွင် မိမိတို့ဘာသာ သရဖူဆောင်းကာ မိမိကိုယ်ကို ဂုဏ်ဖော်နေမည်ဖြစ်သည်။ သင်တို့၏ မာန်တက်၍ မာနထောင်လွှားတတ်သည့် သဘာဝဗီဇသည် သင်တို့၏အသိစိတ်ကို ပြန်လည်သစ္စာဖောက်မိစေရန်၊ ခရစ်တော်ကို ပုန်ကန်၊ ဖီဆန်မိစေရန်၊ သင်တို့၏အကျည်းတန်မှုကို ထုတ်ဖော် ပြစေရန် တွန်းအားပေးပြီး ထိုသို့အားဖြင့် သင်တို့၏ရည်ရွယ်ချက်များ၊ အယူအဆများ၊ လွန်ကျူးသော တပ်မက်မှုများနှင့် လောဘခိုးဝေ နေသော မျက်လုံးများကို အလင်းထဲတွင် ပေါ်အောင်ပြသည်။ ထိုသို့ဖြစ်လင့်ကစား သင်တို့သည် ခရစ်တော်၏ အမှုအတွက် သင်တို့၏ဘဝကို အပ်နှံမည်ဟု ဆက်လက်၍ဝန်ခံပြောဆိုနေပြီး၊ ကြာမြင့်စွာကတည်းက ခရစ်တော်ပြောခဲ့သော သမ္မာတရားများကို ထပ်ခါတလဲလဲ ပြန်လည်ပြောဆိုနေကြသည်။ ဤသည်မှာ သင်တို့၏ “ယုံကြည်ခြင်း” ဖြစ်သည်။ ဤသည်မှာ “မစင်ကြယ်မှု မရှိသော သင်တို့၏ ယုံကြည်ခြင်း” ဖြစ်သည်။ ငါသည် လူအတွက် အလွန်တင်းကြပ်သော စံနှုန်းကို တောက်လျှောက်စွဲကိုင်ထားခဲ့သည်။ အကယ်၍ သင်၏သစ္စာစောင့်သိမှုသည် သင်၏ရည်ရွယ်ချက်များ၊ သတ်မှတ်ချက်များနှင့် ဒွန်တွဲ၍ ပါလာပါက သင်၏ သစ္စာစောင့်သိမှုဟုဆိုသော မည်သည့်အရာကိုမျှ ငါမခံယူလိုပေ။ အကြောင်းမှာ မိမိတို့၏ရည်ရွယ်ချက်များဖြင့် ငါ့ကိုလှည့်ဖြားသူများ၊ သတ်မှတ်ချက်များနှင့် ငါ့ထံမှ အတင်းအကျပ် တောင်းယူသူများကို ငါစက်ဆုပ်ရွံရှာသောကြောင့် ဖြစ်သည်။ လူ့အနေဖြင့် ငါ့အား အပြည့်အဝ သစ္စာစောင့်သိကြရန်နှင့် ယုံကြည်ခြင်းဟူသော စကားလုံး တစ်လုံးအတွက် အရာခပ်သိမ်းကို လုပ်ဆောင်ပြီး သက်သေပြကြ ရန်သာ ငါအလိုရှိသည်။ ငါပျော်ရွှင်စေဖို့အတွက် အချိုသတ်ထားသော စကားများကို သင်တို့အသုံးပြုသည်ကို ငါစက်ဆုပ်သည်။ ငါသည် သင်တို့ကို စိတ်ရင်းလုံးလုံးနှင့် အမြဲဆက်ဆံသဖြင့် သင်တို့သည်လည်း ငါ့အပေါ် စစ်မှန်သောယုံကြည်ခြင်းဖြင့် ပြုမူဆက်ဆံစေလိုသည်။ ယုံကြည်ခြင်းနှင့်ပတ်သက်လာလျှင် လူအများအပြားက သူတို့၌ ယုံကြည်ခြင်းရှိသောကြောင့် ဘုရားသခင်နောက်သို့ သူတို့လိုက်ခြင်း ဖြစ်ကြောင်း၊ သို့မဟုတ်လျှင် ထိုသို့သော ဆင်းရဲဒုက္ခကို သူတို့ခံကြမည် မဟုတ်ကြောင်း ထင်ကောင်း ထင်ကြလိမ့်မည်ဖြစ်သည်။ ထိုသို့ဆိုလျှင် ငါက သင့်ကို ဤသို့မေးလိုသည်- ဘုရားသခင်ရှိကြောင်း သင်ယုံကြည်သော်လည်း သူ့ကို အဘယ်ကြောင့် တစ်ခါမျှ သင် မရိုသေမလေးမြတ်သနည်း။ ဘုရားသခင်ရှိကြောင်း သင်ယုံကြည်လျှင် သင့်စိတ်နှလုံးထဲ၌ အဘယ်ကြောင့် သူ့ကိုကြောက်ရွံ့သည့်စိတ် မရှိသနည်း။ ခရစ်တော်သည် ဘုရားသခင်၏ လူ့ဇာတိခံယူခြင်း ဖြစ်သည်ကို သင်လက်ခံသော်လည်း အဘယ်ကြောင့် သင်သည် သူ့အပေါ် ထိုသို့မထီမဲ့မြင်ပြုသနည်း။ အဘယ်ကြောင့် သင်သည် သူ့အပေါ် မရိုမသေဆက်ဆံသနည်း။ သူ့ကို အဘယ်ကြောင့် ပေါ်တင်ဝေဖန်အကဲဖြတ်သနည်း။ သူ၏ လှုပ်ရှားမှုများအပေါ် အဘယ်ကြောင့် သင်အမြဲစောင့်ကြည့်ရသနည်း။ သူ၏အစီအစဉ်များကို အဘယ်ကြောင့် မနာခံသနည်း။ အဘယ်ကြောင့် သူ၏ နှုတ်ကပတ်တော်နှင့်အညီ မပြုမူသနည်း။ သူ့ထံ၌ ပေးလှူထားသည့် အရာများကို အဘယ်ကြောင့် အတင်းအကျပ်တောင်းယူကာ လုယက်သနည်း။ အဘယ်ကြောင့် သင်သည် ခရစ်တော်နေရာတွင် ဝင်စကားပြောသနည်း။ သူ၏အမှုနှင့် နှုတ်ကပတ်တော်တို့မှာ မှန်၏၊ မမှန်၏ကို အဘယ်ကြောင့် သင်ဝေဖန်အကဲဖြတ်သနည်း။ သူ၏ နောက်ကွယ်တွင် အဘယ်ကြောင့် သူ့ကို စော်ကားပြောဆိုရဲသနည်း။ သင်တို့၏ယုံကြည်ခြင်းတွင် ပါဝင်သည့်အရာများမှာ ဤအရာများနှင့် အခြားအရာများဖြစ်သလော။

သင်တို့၏အထဲ၌ ခရစ်တော်ကို မယုံကြည်သည့် အရိပ်လက္ခဏာများ ကိန်းအောင်းနေကြောင်းကို သင်တို့၏စကားနှင့် အပြုအမူတို့၏ အစိတ်အပိုင်းတိုင်းက ဖော်ပြနေသည်။ သင်တို့ လုပ်ဆောင်သော အရာများအတွက် သင်တို့၏ရည်ရွယ်ချက်များနှင့် ပန်းတိုင်များသည်လည်း မယုံကြည်မှုဖြင့် ပြည့်နှက်နေသည်။ သင်တို့မျက်လုံးထဲရှိအကြည့်မှ ထွက်ပေါ်နေသော ထိုသဘောသည် ပင်လျှင် ယင်းအရိပ်အယောင်များဖြင့် စွန်းထင်းနေသည်။ တစ်နည်းအားဖြင့် သင်တို့တစ်ဦးစီတိုင်းသည် တစ်နေ့တာ၏ မိနစ်တိုင်းတွင် မယုံကြည်သည့် အရိပ်လက္ခဏာများကို ကိန်းအောင်း ထားကြသည်။ အချိန်တိုင်းတွင် သင်တို့သည် ခရစ်တော်အား သစ္စာဖောက်သွားနိုင်သည့် အန္တရာယ်ရှိကြောင်းကို ဆိုလိုသည်။ အကြောင်းမှာ သင်တို့၏ ကိုယ်ခန္ဓာထဲတွင် စီးဆင်းနေသော သွေးတို့သည် လူဇာတိခံယူသော ဘုရားသခင်အပေါ် မယုံကြည်မှုနှင့် ပြည့်နေသောကြောင့် ဖြစ်သည်။ ထို့ကြောင့် ဘုရားသခင်ကို ယုံကြည်ခြင်းလမ်းပေါ်တွင် သင်တို့ထားခဲ့သော ခြေရာတို့သည် နက်ရှိုင်းမှုမရှိဟု ငါပြော၏။ ဘုရားသခင်ကို ယုံကြည်ခြင်းလမ်းတစ်လျှောက် သင်ခရီးနှင်ရာတွင် မြေပြင်ပေါ်၌ သင်၏ခြေကို ခိုင်မာစွာမတည်ထားပေ၊ သင်သည် ဝတ်ကျေတမ်းကျေ လုပ်နေခြင်းသာ ဖြစ်သည်။ သင်တို့သည် ခရစ်တော်၏ နှုတ်ကပတ်တော်ကို မည်သည့်အခါကမျှ အပြည့်အဝ မယုံကြည်ကြဘဲ၊ ထိုနှုတ်ကပတ်တော်ကို ချက်ချင်း လက်တွေ့လုပ်ဆောင်ခြင်း မပြုနိုင်ကြပေ။ ဤအကြောင်းကြောင့် သင်တို့သည် ခရစ်တော်ကို မယုံကြည်ကြခြင်း ဖြစ်သည်။ သူနှင့်ပတ်သက်၍ အယူအဆများ အမြဲရှိနေခြင်းမှာလည်း သင်တို့အနေဖြင့် သူ့ကို မယုံကြည်သည့် အခြားအကြောင်းရင်းတစ်ခု ဖြစ်သည်။ ခရစ်တော်၏ အမှုနှင့်ပတ်သက်၍ ယုံကြည်မှု အမြဲကင်းမဲ့ခြင်း၊ ခရစ်တော်၏ နှုတ်ကပတ်တော်ကို နားမထောင်ခြင်း၊ ခရစ်တော်ပြုလုပ်သော အမှုတိုင်းအပေါ် ထင်မြင်ချက်ရှိနေခြင်းနှင့် ထိုအမှုကို ကောင်းမွန်စွာ နားမလည်နိုင်ခြင်း၊ မည်သည့်ရှင်းပြချက်မျိုးကို ကြားရသည်ဖြစ်ပါစေ၊ မိမိတို့၏ အယူအဆများကို စွန့်လွှတ်ပစ်ရန် အခက်တွေ့နေခြင်း၊ အစရှိသည့်အချက်များသည် သင်တို့၏နှလုံးသားထဲ၌ ရောနှော နေသော မယုံကြည်ခြင်း၏ အရိပ်လက္ခဏာများ ဖြစ်ကြသည်။ သင်တို့သည် ခရစ်တော်၏ အမှုနောက်သို့လိုက်ပြီး၊ တစ်ခါမျှ နောက်ကျမကျန်ရစ်ခဲ့ဖူးသော်လည်း သင်တို့၏နှလုံးသားထဲ၌ အလွန်များပြားသော ပုန်ကန်မှုများ ရောနှောနေသည်။ ဤပုန်ကန်မှုသည် ဘုရားသခင်အပေါ်ထားသော သင်၏ ယုံကြည်ခြင်း၌ရှိသည့် မစင်ကြယ်ခြင်းဖြစ်သည်။ သင်တို့အနေနှင့် သဘောတူချင်မှ တူလိမ့်မည်။ သို့ရာတွင် ထိုအရာမှတစ်ဆင့် သင်၏ကိုယ်ပိုင် ရည်ရွယ်ချက်များကို သင်သတိမပြုနိုင်လျှင် သင်သည် ပျက်စီးမည့်သူထဲတွင် ပါဝင်နေမည်မှာ မလွဲဧကန်ပင်ဖြစ်သည်။ အကြောင်းမှာ ဘုရားသခင်သည် သူ့အား စစ်မှန်စွာ ယုံကြည်သောသူတို့ကိုသာလျှင် စုံလင်အောင် ပြုပေးပြီး၊ သူ့ကို အယုံအကြည် မရှိသူများကိုမူ ထိုသို့မပြုပေးသောကြောင့်ဖြစ်သည်။ ထို့ပြင် သူသည် ဘုရားသခင်ဖြစ်သည်ဟု တစ်ခါမျှ မယုံကြည်ကြသော်လည်း အင်တင်တင်ဖြင့် သူ့နောက်လိုက် နေသူများကို စုံလင်အောင် လုံးဝပြုပေးမည် မဟုတ်ပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်သည် ဘုရားသခင်ကို ယုံကြည်သူစစ်စစ် ဖြစ်သလော” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၂၅)

အချို့သောသူများသည် တရားစီရင်မှုကို မဆိုထားနှင့် သမ္မာတရား၌ပင် ဝမ်းမမြောက်ကြပေ။ ထို့အစား သူတို့သည် အာဏာနှင့် ဥစ္စာဓနတွင် ဝမ်းမြောက်ကြသည်။ ထိုသို့သောသူများကို အာဏာရှာသူများဟု ခေါ်သည်။ သူတို့သည် ကမ္ဘာပေါ်၌ အရှိန်အဝါရှိသော ဂိုဏ်းဂဏများနှင့် ကျမ်းစာကျောင်းများမှလာသော သင်းအုပ်များနှင့် ဆရာများကိုသာ အထူးသီးသန့် ရှာဖွေကြသည်။ သမ္မာတရားလမ်းကို လက်ခံပြီးဖြစ်သော်ငြားလည်း သူတို့သည် အယုံအကြည်ကင်းမဲ့နေဆဲဖြစ်ပြီး သူတို့ကိုယ်သူတို့ အပြည့်အဝ ပေးအပ်မြှုပ်နှံနိုင်ခြင်း မရှိကြသေးပေ။ ဘုရားသခင်အတွက် စွန့်လွှတ် အနစ်နာခံခြင်းအကြောင်း ပြောသော်လည်း သူတို့မျက်လုံးများသည် ကြီးကျယ်သော သင်းအုပ်များနှင့် ဆရာများအပေါ်တွင်သာ အာရုံစိုက်ပြီး ခရစ်တော်ကို ဘေးသို့ဖယ်ထားကြသည်။ သူတို့၏ နှလုံးသားများသည် ကျော်ကြားမှု၊ ကြွယ်ဝမှုနှင့် ဂုဏ်အသရေ တို့ဖြင့်သာ ပြည့်နေသည်။ ထိုကဲ့သို့ နုံချာလွန်းသူတစ်ယောက်သည် လူမြောက်မြားစွာကို သိမ်းပိုက်နိုင်စွမ်းရှိကြောင်းနှင့် လုံးဝ မထူးခြားသောသူတစ်ဦးသည် လူများကို စုံလင်စေနိုင်ကြောင်းကို သူတို့လုံးဝမယုံကြည်ကြပေ။ ဖုန်မှုန့်နှင့် နွားချေးပုံများထဲ၌ရှိသော ဤအညတရလူများသည် ဘုရားသခင်၏ ရွေးချယ်ခြင်းကို ခံထားရသောသူများ ဖြစ်သည်ကို သူတို့လုံးဝမယုံကြည်ကြပေ။ အကယ်၍ ထိုသို့သောသူများသည် ဘုရားသခင်၏ကယ်တင်ခြင်းကို ခံရမည့်သူများဖြစ်လျှင် ကောင်းကင်နှင့်မြေကြီး ပြောင်းပြန်ဖြစ်ကာ လူတိုင်းခေါင်းပြုတ်မတတ် ရယ်မောကြလိမ့်မည်ဟု သူတို့ယုံကြည် ကြသည်။ အကယ်၍ ဘုရားသခင်သည် ထိုသို့သော အညတရလူများကို စုံလင်အောင်ပြုရန် ရွေးချယ်ခဲ့သည်ဆိုပါက ကြီးမြတ်သောသူများသည် ဘုရားကိုယ်တိုင်ပင် ဖြစ်လာလိမ့်မည်ဟု သူတို့ယုံကြည်ကြသည်။ သူတို့၏ ထင်မြင်ယူဆချက်များသည် မယုံကြည်မှုနှင့် စွန်းထင်း နေသည်။ အကယ်စင်စစ် သူတို့သည် မယုံကြည်ဖို့နေနေသာသာ ရယ်စရာကောင်းသော သားရဲတိရစ္ဆာန်များဖြစ်သည်။ အကြောင်းမှာ သူတို့သည် ရာထူးနေရာ၊ ဂုဏ်နှင့် အာဏာတို့ကိုသာ တန်ဖိုးထား ကြပြီး၊ သူတို့အထင်ကြီးသည့်အရာမှာ လူအုပ်ကြီးများနှင့် ဂိုဏ်းဂဏ ကြီးများသာ ဖြစ်သောကြောင့်ဖြစ်သည်။ သူတို့သည် ခရစ်တော်၏ ဦးဆောင်ခြင်းခံရသောသူများကို အလေးထားမှုမရှိကြ။ သူတို့သည် ခရစ်တော်ကို ကျောခိုင်းထားသော သစ္စာဖောက်များ၊ သမ္မာတရားနှင့် အသက်ကို ကျောခိုင်းထားသော သစ္စာဖောက်များသာ ဖြစ်ကြသည်။

သင်လေးစားအားကျသည့်အရာမှာ ခရစ်တော်၏နှိမ့်ချမှု မဟုတ်ဘဲ သိုးထိန်းယောင်ဆောင်သော ထင်ရှားသည့် ထိုသူတို့သာ ဖြစ်သည်။ သင်သည် ခရစ်တော်၏ ချစ်ခင်နှစ်လိုဖွယ်ကောင်းမှု၊ သို့မဟုတ် ဉာဏ်ပညာကို ချစ်ခင်ခြင်းမရှိဘဲ၊ ဆိုးညစ်သော ကမ္ဘာကြီးနှင့်ပတ်သက်နေကြသည့် လျှပ်ပေါ်လော်လည်သူများကိုသာ ချစ်သည်။ ခေါင်းချရန် နေရာမရှိသော ခရစ်တော်၏ ဝေဒနာကို သင်သည် လှောင်ရယ်သည်။ လှူဖွယ်ပစ္စည်းများကို သိမ်းဆည်းကာ သောက်စားပျော်ပါးနေသော အလောင်းကောင်များကိုမူ သင်သည် လေးစားအားကျနေ၏။ သင်သည် ခရစ်တော်နှင့်အတူတကွ ဒုက္ခခံစားလိုစိတ်မရှိဘဲ ဇာတိကပတိ၊ ကျမ်းဟောင်းတရားများနှင့် ထိန်းချုပ်မှုတို့ကိုသာ သင့်အားပေးသော အဆင်အခြင်မဲ့သည့် အန္တိခရစ်များ၏ ရင်ခွင်ထဲသို့ ဝမ်းပန်းတသာ ခြေစုံပစ်ဝင်သွားသည်။ ယခုအချိန်အထိတိုင်အောင် သင့်နှလုံးသားသည် သူတို့ထံ၊ သူတို့၏ဂုဏ်သတင်းထံ၊ သူတို့၏ အဆင့်အတန်းထံ၊ သူတို့၏ အရှိန်အဝါထံ လှည့်ထားဆဲဖြစ်သည်။ သို့တိုင်အောင် သင်သည် ခရစ်တော်၏အမှုကို လက်ခံရန် ခက်ခဲသည့်သဘောထား၊ လက်မခံ လိုသည့်သဘောထားကို ဆက်လက်စွဲကိုင်ထားဆဲဖြစ်သည်။ ဤအကြောင်းကြောင့် ခရစ်တော်ကို အသိအမှတ်ပြုသော ယုံကြည်ခြင်း သင်၌မရှိဟု ငါပြောခြင်းဖြစ်သည်။ သင့်အနေဖြင့် ခရစ်တော်နောက်သို့ ယနေ့ထက်ထိ လိုက်လာသည့်အကြောင်းမှာ သင်၌ အခြားရွေးစရာ မရှိခဲ့သောကြောင့်သာဖြစ်သည်။ မြင့်မြတ်သော ပုံရိပ်တသီတတန်းသည် သင့်နှလုံးသားထဲတွင် အစဉ်အမြဲ အခိုင်အမာရှိနေသည်။ သူတို့၏စကားလုံးနှင့် လုပ်ရပ်တိုင်းကိုသာမက သူတို့၏ လွှမ်းမိုးမှုရှိသော စကားလုံးများနှင့် လက်ရာများကို သင်မမေ့နိုင်ပေ။ သင်တို့၏နှလုံးသားထဲတွင် သူတို့သည် အစဉ်အမြဲ အကြီးမြတ်ဆုံး ဖြစ်နေသည်၊ ထာဝရသူရဲကောင်းများ ဖြစ်နေကြသည်။ သို့ရာတွင် ယနေ့ကာလ၏ ခရစ်တော်အတွက်မူ ထိုသို့မဟုတ်ပေ။ သင်၏နှလုံးသားထဲတွင် သူသည် အစဉ်မထင်မရှားဖြစ်နေပြီး ရိုသေလေးစားခံထိုက်ခြင်းမရှိသူ အစဉ်ဖြစ်နေသည်။ အကြောင်းမှာ သူသည် အလွန်သာမန်ဖြစ်နေပြီး၊ မြင့်မြတ်ရန်မဆိုထားနှင့် လွှမ်းမိုးမှုလည်း အလွန်နည်းသောကြောင့် ဖြစ်သည်။

မည်သို့ပင်ဆိုစေ သမ္မာတရားကို တန်ဖိုးမထားသူများ အားလုံးသည် မယုံကြည်သူများနှင့် သမ္မာတရားကို သစ္စာဖောက်သူများ ဖြစ်ကြသည်ဟု ငါပြော၏။ ထိုသို့သောသူများသည် ခရစ်တော်၏ သဘောကျမှုကို မည်သည့်အခါမျှ ရမည်မဟုတ်ပေ။ သင့်ထဲတွင် မယုံကြည်မှု မည်မျှရှိပြီး ခရစ်တော်ကို သစ္စာဖောက်မှု မည်မျှရှိသည်ကို သင်ယခု ဖော်ထုတ်သိရှိခဲ့ပြီးပြီလော။ သင့်ကို ငါအလေးအနက် တိုက်တွန်းမည်- သင်သည် သမ္မာတရားလမ်းကို ရွေးချယ်ခဲ့သဖြင့် သင်သည် စိတ်နှလုံးအကြွင်းမဲ့ ပေးအပ်မြှုပ်နှံ သင့်သည်၊ စိတ်နှစ်ခွဖြစ်ခြင်း၊ သို့မဟုတ် စိတ်မပါ့တပါဖြစ်ခြင်း မရှိနှင့်။ ဘုရားသခင်သည် လောကကြီးနှင့် မသက်ဆိုင်သကဲ့သို့ လူပုဂ္ဂိုလ် တစ်ဦးတစ်ယောက်နှင့်လည်း သက်ဆိုင်ခြင်းမရှိဘဲ၊ သူ့ကို အမှန်တကယ် ယုံကြည်သောသူအားလုံး၊ သူ့ကို ကိုးကွယ်သူအားလုံး၊ မိမိကိုယ်ကို သူ့အပေါ်ဆည်းကပ်ပြီး သစ္စာရှိသောသူများ အားလုံးနှင့်သာ သက်ဆိုင်ကြောင်းကို သင်နားလည်သင့်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်သည် ဘုရားသခင်ကို ယုံကြည်သူစစ်စစ် ဖြစ်သလော” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၂၆)

ဘုရားသခင်ကို လူတို့ယုံကြည်ရာ၌ ဘုရားသခင်က ၎င်းတို့ကို သင့်တော်သည့် ခရီးပန်းတိုင်ကိုပေးစေရန်၊ နေအောက်ရှိ ကျေးဇူးတော်အပေါင်းကို ၎င်းတို့အား ပေးစေရန်၊ ဘုရားသခင်ကို ၎င်းတို့၏အစေခံဖြစ်အောင် လုပ်ရန်၊ ၎င်းတို့နှင့် ငြိမ်းချမ်းပြီး ရင်းနှီးသော ဆက်ဆံရေးကို ဘုရားသခင်ထိန်းသိမ်းထားစေရန်နှင့် ၎င်းတို့အကြားတွင် ပဋိပက္ခ တစ်စုံတစ်ရာ မည်သည့်အခါမျှ မပေါ်ပေါက်စေရန် သူတို့ကြိုးစား ကြသည်။ တစ်နည်းအားဖြင့်ဆိုသော် ဘုရားသခင်ကို ၎င်းတို့၏ ယုံကြည်ခြင်းသည် “သင်တို့ဆုတောင်းချက်အားလုံးကို ငါနားညောင်းမည်” ဟူ၍ သမ္မာကျမ်းစာထဲ၌ ပြောထားသည့်အတိုင်း ၎င်းတို့၏ တောင်းဆိုချက်များအားလုံးကို ဖြည့်ဆည်းပေးရန်၊ ၎င်းတို့ဆုတောင်းသမျှကို အပ်နှင်းပေးရန် ဘုရားသခင် ကတိပေးခြင်းငှာ သူတို့တောင်းဆိုကြသည်။ ဘုရားသခင်သည် အချိန်မရွေး၊ နေရာမရွေး၌ လူတို့နှင့် ကောင်းမွန်သော ဆက်ဆံရေးကို ထိန်းသိမ်းထားသည့် အမြဲတမ်း ကြင်နာတတ်သော ကယ်တင်ရှင် ယေရှုဖြစ်သည့်အားလျော်စွာ ဘုရားသခင်အနေဖြင့် မည်သူတစ်ဦး တစ်ယောက်ကိုမျှ တရားမစီရင်ဖို့၊ သို့မဟုတ် ကိုင်တွယ်ဆုံးမခြင်း မပြုဖို့ သူတို့တောင်းဆိုကြသည်။ လူတို့ ဘုရားသခင်ကိုယုံကြည်ပုံမှာ ဤသို့ဖြစ်၏- ၎င်းတို့ပုန်ကန်သည်ဖြစ်စေ၊ နာခံသည်ဖြစ်စေ သူက ကျိုးကြောင်းမကြည့်ဘဲ အရာရာကို ၎င်းတို့အား ပေးသနားမည်ဟု ယုံကြည်လျက် သူတို့က ဘုရားသခင်ကို အရှက်မရှိ တောင်းဆိုမှုများ ပြုလုပ်ကြသည်။ ထိုသူတို့သည် ဘုရားသခင်ကို အဆက်မပြတ် “အကြွေးမှတ်” ကြပြီး သူက အတိုက်အခံမပြုဘဲ သူတို့ကို ”ပြန်ဆပ်” ရမည့်အပြင် နှစ်ဆပြန်ဆပ်ရမည်ဟု ယုံကြည်ကြသည်။ ဘုရားသခင်က သူတို့ထံမှ တစ်စုံတစ်ရာရယူထားခြင်း ရှိရှိမရှိရှိဟု သူတို့ကစဉ်းစားသည်။ ဘုရားသခင်သည် သူတို့ပြုသမျှ နုနိုင်ရုံသာရှိပြီး နှစ်ပေါင်းများစွာ ဖုံးကွယ်နေသည့် သူ၏ဉာဏ်ပညာနှင့် ဖြောင့်မတ်သော စိတ်သဘောထားတို့ကို သူတို့၏ခွင့်ပြုချက်မပါဘဲ သူ့စိတ်ကြိုက် ဖော်ထုတ်ပြနိုင်ရန်ဝေးစွ၊ လူတို့ကို ထင်ရာမြင်ရာ စီစဉ်ညွှန်ကြားခြင်းပင် သူမပြုနိုင်။ ဘုရားသခင်ထံ သူတို့၏အပြစ်များကို ဝန်ခံရုံသက်သက် ဝန်ခံကြပြီး ဘုရားသခင်က ထိုအပြစ်များကို ဖြေရှင်းပေးမည်၊ သူသည် ထိုသို့ပြုခြင်းကို စိတ်ကုန်ငြီးငွေ့သွားခြင်း ရှိမည်မဟုတ်၊ ထို့ပြင် ထိုကဲ့သို့ အမြဲဖြစ်နေမည်ဟု ယုံကြည်ကြသည်။ သမ္မာကျမ်းစာထဲ၌ ဘုရားသခင်သည် သူတစ်ပါးကို စေစားခြင်းငှာ လာခြင်းမဟုတ်ဘဲ သူတစ်ပါး၏အစေကို ခံခြင်းငှာလာကြောင်း၊ ထို့ပြင် လူသား၏ အစေခံဖြစ်ရန် လာခဲ့ကြောင်း မှတ်သားထားသောကြောင့် လူတို့သည် ဘုရားသခင်က သူတို့ကို နာခံရုံသာဖြစ်မည်ဟု ယုံကြည်လျက် ဘုရားသခင်ကို ဆရာလုပ်ကြသည်။ သင်တို့သည် ထိုကဲ့သို့ပင် အမြဲတမ်း ယုံကြည်ခဲ့သည်မဟုတ်လော။ သင်တို့သည် ဘုရားသခင် ထံမှ မည်သည့်အရာကိုမျှ မရနိုင်သည့်အခါ ထွက်ပြေးလိုကြသည်။ တစ်ခုခုနားမလည်သည့်အခါ သင်တို့သည် အလွန်မကျေမချမ်း ဖြစ်ကြ၏၊ ထို့ပြင် ဆဲရေးတိုင်းထွာခြင်းမျိုးစုံကို သံကုန်ဟစ်သည် အထိပင် လုပ်လာကြသည်။ ဘုရားသခင်၏ ဉာဏ်ပညာနှင့် အံသြဖွယ်ရာကို ဘုရားသခင်ကိုယ်တိုင် အပြည့်အဝ ထုတ်ဖော် ပြသရန် သင်တို့သက်သက်ခွင့်မပြု၊ ထိုအစား သင်တို့သည် ယာယီငြိမ်းအေးချမ်းသာခြင်းနှင့် သက်သောင့်သက်သာရှိခြင်းတို့ကို ခံစားရရန်သာ လိုချင်ကြသည်။ ယခုထိတိုင်အောင်ပင် ဘုရားသခင်အပေါ် သင်တို့၏ယုံကြည်ခြင်းသဘောထားမှာ ယခင်အတိုင်း အမြင်ဟောင်းများပင် ဖြစ်သည်။ အကယ်၍ ဘုရားသခင်သည် ဘုန်းအာနုဘော်ကို အနည်းငယ်ပြလိုက်ပါက သင်တို့သည် စိတ်မချမ်းမမြေ့ဖြစ်ကြ၏၊ သင်တို့၏ ဝိညာဉ်အသက်တာက အဘယ်ကဲ့သို့ရှိသည်ကို ယခု အတိအကျ သိမြင်ကြပြီလော။ သင်တို့၏အမြင်ဟောင်းများ မပြောင်းလဲဘဲနှင့် သင်တို့သည် ဘုရားသခင်အပေါ် သစ္စာစောင့်သိသည်ဟု မထင်လိုက်နှင့်။ သင့်အပေါ်သို့ တစ်စုံတစ်ခု မကျရောက်မချင်း အရာရာသည် အထစ်အငေါ့မရှိ ဖြောင့်ဖြောင့်ဖြူးဖြူးဖြစ်သည်ဟု သင်မှတ်ထင်ပြီး ဘုရားသခင်ကို အခေါင်အဖျားတိုင်အောင် ချစ်သည်။ သို့သော် အသေးအမွှားတစ်စုံတစ်ရာ သင့်အပေါ်ကျရောက်ပြီ ဆိုသည်နှင့် သင်သည် မရဏာနိုင်ငံသို့ သက်ဆင်းလေတော့သည်။ ဤသည်မှာ ဘုရားသခင်အပေါ် သင်၏သစ္စာစောင့်သိခြင်းပင်လော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်တို့သည် ရာထူးဂုဏ်ဒြပ်ဆိုင်ရာ ကောင်းချီးများကို ဘေးဖယ်ပြီး လူသားအတွက် ကယ်တင်ခြင်းကို ယူဆောင်လာရန် ဘုရားသခင်၏ အလိုတော်ကို နားလည်သင့်၏” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၂၇)

သင်တို့ ရှာဖွေရာတွင်၊ တစ်ဦးချင်းစီ၌ များစွာသော အယူအဆများ၊ မျှော်လင့်ချက်များနှင့် အနာဂတ်များ ရှိကြသည်။ လက်ရှိအမှုမှာ ရာထူးအဆင့်အတန်းအပေါ် သင်တို့၏ တပ်မက်မှုနှင့် သင်တို့၏ လွန်ကဲသော အလိုဆန္ဒများကို ကိုင်တွယ်ဖြေရှင်းရန်အတွက် ဖြစ်သည်။ မျှော်လင့်ချက်များ၊ အဆင့်အတန်းနှင့် အယူအဆများ အားလုံးသည် စာတန်ဆန်သော စိတ်သဘောထား၏ ဂန္တဝင် ကိုယ်စားပြုချက်များ ဖြစ်သည်။ လူတို့၏ စိတ်နှလုံးများထဲတွင် ဤအရာများ တည်ရှိနေရသည့် အကြောင်းရင်းမှာ စာတန်၏ အဆိပ်အတောက်သည် လူတို့၏ အတွေးအခေါ်များအား အမြဲတစေ ပျက်စီးယိုယွင်းစေနေခြင်းကြောင့်ဖြစ်ပြီး လူတို့သည် စာတန်၏ ဤစုံစမ်းနှောင့်ယှက်မှုများကို အမြဲတစေ မဖယ်ရှား နိုင်ခြင်းကြောင့် ဖြစ်သည်။ ၎င်းတို့သည် အပြစ်တရားကြားတွင် အသက်ရှင်နေကြသော်လည်း၊ ၎င်းအား အပြစ်ဟု မယုံကြည်ကြ သကဲ့သို့၊ ၎င်းတို့သည်၊ “ငါတို့သည် ဘုရားသခင်ကို ယုံကြည်သောကြောင့် သူသည် ငါတို့အပေါ် ကောင်းချီး မင်္ဂလာများကိုပေးပြီး ငါတို့အတွက် အရာခပ်သိမ်းကို သင့်တော်သလို စီစဉ်ပေးရမည်။ ငါတို့သည် ဘုရားသခင်ကို ယုံကြည်သောကြောင့် ငါတို့သည် အခြားသူများထက် သာလွန်ကာ ငါတို့၌ အခြားသူများထက် သာလွန်သော အဆင့်အတန်းနှင့် အနာဂတ်တစ်ခု ရှိရမည်။ ငါတို့သည် ဘုရားသခင်ကို ယုံကြည်သည့်အတွက် သူသည် ငါတို့အား အကန့်အသတ်မရှိသော ကောင်းချီးမင်္ဂလာများကို ပေးကို ပေးရမည်။ သို့မဟုတ်ပါက ၎င်းကို ဘုရားသခင်အား ယုံကြည်ခြင်းဟု ခေါ်လိမ့်မည် မဟုတ်” ဟူ၍ ယုံကြည် ကြသေးသည်။ လူတို့သည် ၎င်းတို့ အသက်ရှင်ရန်အတွက် အမှီပြုခဲ့သော အတွေးအခေါ်များသည် ၎င်းတို့ သစ္စာဖောက်သော သူများ၊ သူရဲဘောကြောင်သောသူများ နှင့် စက်ဆုပ်ဖွယ် ကောင်းသောသူများ ဖြစ်လာသည်အထိ ၎င်းတို့၏ စိတ်နှလုံးများကို နှစ်ပေါင်းများစွာ ပျက်စီးယိုယွင်းစေခဲ့သည်။ ၎င်းတို့၌ စိတ်ဓာတ်ခွန်အားနှင့် စိတ်ဆုံးဖြတ်ချက် ကင်းမဲ့ကြသည်သာမက ၎င်းတို့သည် လောဘကြီးလာကြပြီး၊ မောက်မာလာကြကာ၊ တစ်ဇွတ်ထိုး လုပ်လာကြလေသည်။ ၎င်းတို့၌ အတ္တကို ကျော်လွန်သော စိတ်ဆုံးဖြတ်ချက် တစ်ခုတစ်လေ လုံးဝကင်းမဲ့နေပြီး ထိုမျှမက ၎င်းတို့၌ ဤမှောင်မိုက် လွှမ်းမိုးမှုများ၏ ချုပ်ချယ်မှုများကို ဖယ်ရှားရန် သတ္တိ အနည်းငယ်ပင် မရှိကြချေ။ လူတို့၏ အတွေးအခေါ်များ နှင့် အသက်တာများသည် ပုပ်သိုးလွန်းသည်မှာ ဘုရားသခင် အပေါ် ယုံကြည်ခြင်းနှင့် သက်ဆိုင်သော ၎င်းတို့၏ ရှုထောင့်အမြင်များမှာ သည်းမခံနိုင်အောင် အကျည်းတန် နေသေးသည်သာမက ဘုရားသခင်အပေါ် ယုံကြည်ခြင်း အကြောင်း ၎င်းတို့၏ ရှုထောင့်အမြင်များကို လူတို့ ပြောကြသည့်အခါ ၎င်းမှာ တကယ်ပင် နားမခံနိုင်စရာ ဖြစ်သည်။ လူအားလုံးသည် သူရဲဘောကြောင်ကြသည်၊ အစွမ်းအစမရှိ၊ စက်ဆုပ်ရွံရှာဖွယ် ဖြစ်ကြသည်သာမက ခိုင်ခံ့ခြင်းလည်း မရှိကြပေ။ ၎င်းတို့သည် အမှောင်စွမ်းအားများကို ရွံရှာခြင်း မရှိကြသကဲ့သို့ အလင်းနှင့် သမ္မာတရားကို ချစ်ခြင်း မရှိကြ၊ ထိုသို့ဖြစ်ရမည့်အစား ၎င်းတို့ကို ထုတ်ပစ်ရန်အတွက် အစွမ်းကုန် လုပ်ဆောင်ကြသည်။ သင်တို့၏ လက်ရှိအတွေးအခေါ်များနှင့် ရှုထောင့်အမြင်များမှာ “ငါသည် ဘုရားသခင်ကို ယုံကြည်သည့် အတွက် ငါ့အား ကောင်းချီးမင်္ဂလာများကိုသာ သွန်းလောင်း ပေးသင့်ပြီး ငါ၏ အဆင့်အတန်းသည် မည်သည့်အခါမျှ ကျဆင်းခြင်း မရှိမည့်အကြောင်းနှင့် ၎င်းသည် မယုံကြည်သူများ၏ အဆင့်အတန်းထက် ပို၍ မြင့်မားသည်မှာ သေချာစေသင့်သည်။” ဟူ၍ ဤကဲ့သို့ပင် ဖြစ်သည် မဟုတ်လော။ သင်တို့သည် ထိုကဲ့သို့ ရှုထောင့်အမြင်မျိုးကို တစ်နှစ် သို့မဟုတ် နှစ်နှစ်သာမဟုတ်ဘဲ နှစ်ပေါင်းများစွာ သင်တို့အထဲ၌ သိုထားကြလေပြီ။ သင်တို့၏ အလဲအလှယ် သဘောတွေးခေါ်ပုံသည် အလွန်အကျွံ တိုးတက်လျက်ရှိသည်။ သင်တို့သည် ယနေ့ ဤအဆင့်သို့ ရောက်ခဲ့ကြသော်လည်း၊ တစ်နေ့ သင်၏ အဆင့်အတန်း ဆုံးရှုံးသွားကာ သင်၏နာမည် ပျက်စီးသွားမည်ကို ကြီးမားစွာပူပင်၍၊ သင်တို့သည် အဆင့်အတန်းကို လက်မလွှတ်သေးဘဲ၊ ၎င်းကို နေ့စဉ် စုံစမ်းမေးမြန်းရန်နှင့် လေ့လာရန် အမြဲတစေ ရုန်းကန်သည်။ လူတို့သည် ၎င်းတို့၏ သက်သောင့်သက်သာ ရှိလိုသောဆန္ဒကို မည်သည့်အခါမျှ ဘေးဖယ်ထားခဲ့ခြင်း မရှိကြပေ။ ထို့ကြောင့် ယနေ့ သင်တို့ကို ထိုသို့ ငါ တရားစီရင်သည်နှင့်အမျှ၊ အဆုံးတွင် သင်တို့ မည်သည့် အတိုင်းအတာအထိ နားလည်မှု ရှိလိမ့်မည်နည်း။ သင်တို့၏ အဆင့်အတန်း မမြင့်သော်လည်း ဘုရားသခင်၏ မြှင့်တင်ခြင်းကို ခံစားခဲ့ရသည်ဟု သင်တို့ဆိုကြလိမ့်မည်။ သင်တို့သည် နိမ့်ကျစွာ မွေးဖွား လာခဲ့သောကြောင့် သင်တို့၌ အဆင့်အတန်း မရှိပေ၊ သို့သော် ဘုရားသခင်သည် သင့်ကို မြှင့်တင်သော‌ကြောင့် သင် အဆင့်အတန်း ရရှိပေသည်- ယင်းမှာ ဘုရားသခင် သင်တို့အား ပေးသနားသောအရာဖြစ်သည်။ ယနေ့ သင်တို့သည် ဘုရားသခင်၏ လေ့ကျင့်သင်ကြားပေးခြင်း၊ သူ၏ ပြစ်တင်ဆုံးမခြင်းနှင့် သူ၏ တရားစီရင်ခြင်းကို ကိုယ်တိုင်ကိုယ်ကျ လက်ခံရရှိနိုင်သည်။ ဤသည်မှာ သူ၏ မြှင့်တင်ပေးခြင်း သာ၍ပင်ဖြစ်သည်။ သင်တို့သည် သူ၏ သန့်စင်ပေးခြင်းနှင့် လောင်မြိုက်စေခြင်းကို ကိုယ်တိုင်ကိုယ်ကျ လက်ခံရရှိနိုင်သည်။ ဤသည်မှာ ဘုရားသခင်၏ ကြီးမားသော ချစ်ခြင်းမေတ္တာ ဖြစ်သည်။ ခေတ်ကာလများတစ်လျှောက်တွင် သူ၏ သန့်စင်ပေးခြင်းနှင့် လောင်မြိုက်စေခြင်းကို လက်ခံ ရရှိခဲ့သောသူ တစ်ဦးတစ်ယောက်မျှ မရှိခဲ့သကဲ့သို့၊ သူ၏ နှုတ်ကပတ်တော်များအားဖြင့် စုံလင်ခြင်းခံရသည့် လူတစ်ဦးမျှ မရှိခဲ့ပေ။ ဘုရားသခင်သည် ယခု သင်တို့အား မျက်နှာချင်းဆိုင် စကားပြောနေသည်၊ သင်တို့အား သန့်စင်ပေးနေသည်၊ သင်တို့၏ ဆန့်ကျင်ပုန်ကန်လိုသော အတွင်းသဘောကို ထုတ်ဖော်ပြသ နေပေသည်- ဤသည်မှာ သူ၏ မြှင့်တင်ပေးခြင်း အစစ်အမှန်ပင် ဖြစ်သည်။ လူတို့သည် မည်သည့် အရည်အချင်းများ ရှိကြသနည်း။ ၎င်းတို့သည် ဒါဝိဒ်၏မျိုးဆက် သို့မဟုတ် မောဘ၏ သားစဉ်မြေးဆက်များ ဖြစ်ပါစေ အကျဉ်းချုပ်အားဖြင့်၊ လူများသည် ဝါကြွားစရာ အကြောင်းမရှိသော ဖန်ဆင်းခံများ ဖြစ်ကြသည်။ သင်တို့သည် ဘုရားသခင်၏ ဖန်ဆင်းခံများ ဖြစ်ကြသည့်အတွက် သင်တို့သည် ဖန်ဆင်းခံတစ်ဦး၏ တာဝန်ကို ထမ်းရွက်ရမည်။ သင်တို့အပေါ် အခြားသော သတ်မှတ်ချက်များ မရှိပေ။ သင်တို့သည်- “အို ဘုရားသခင်။ ကျွန်ုပ်၌ အဆင့်အတန်း ရှိသည်ဖြစ်စေ မရှိသည်ဖြစ်စေ၊ ကျွန်ုပ် ကိုယ့်ကိုယ်ကိုယ် ယခု သဘောပေါက်ပါပြီ။ အကယ်၍ ကျွန်ုပ်၏ အဆင့်အတန်း မြင့်ပါက ၎င်းမှာ ကိုယ်တော်၏ ချီးမြှောက်ခြင်းကြောင့်ဖြစ်ပြီး၊ အဆင့်အတန်း နိမ့်ပါက ကိုယ်တော်၏ စီမံပေးခြင်းကြောင့် ဖြစ်ပါ၏။ အရာခပ်သိမ်းသည် ကိုယ်တော်၏ လက်တော်ထဲ၌ ရှိပါ၏။ ကျွန်ုပ်၌ ရွေးချယ်စရာ မရှိသကဲ့သို့ ညည်းတွားစရာအကြောင်း တစ်စုံတစ်ရာ မရှိပါ။ ကျွန်ုပ်သည် ဤနိုင်ငံနှင့် ဤလူမျိုးအကြားတွင် မွေးဖွားလာမည့် အကြောင်းနှင့် အရာခပ်သိမ်းသည် ကိုယ်တော်၏စီမံမှုအတွင်း ရှိခြင်းကြောင့် ကျွန်ုပ် လုပ်ဆောင်သင့်သမျှမှာ ကိုယ်တော်၏ အုပ်စိုးမှုအောက်တွင် အကြွင်းမဲ့ နာခံဖို့ဖြစ်ကြောင်းကို ကိုယ်တော် စီမံခဲ့ခြင်း ဖြစ်ပါ၏။ ကျွန်ုပ်သည် အဆင့်အတန်းအပေါ် အာရုံမစိုက်ပါ၊ အမှန်မှာတော့ ကျွန်ုပ်သည် ဖန်ဆင်းခံတစ်ဦးသာ ဖြစ်ပါ၏။ အကယ်၍ ကိုယ်တော်သည် အကျွန်ုပ်အား အဆုံးမဲ့သော တွင်းနက်၊ ကန့်နှင့်ရောသော မီးအိုင်ထဲသို့ ထည့်လျှင်လည်း ကျွန်ုပ်သည် ဘာမျှမဟုတ်ဘဲ ဖန်ဆင်းခံ တစ်ဦးမျှသာ ဖြစ်ပါ၏။ အကယ်၍ ကိုယ်တော်သည် ကျွန်ုပ်ကို အသုံးပြုပါက ကျွန်ုပ်သည် ဖန်ဆင်းခံတစ်ဦး ဖြစ်ပါ၏။ အကယ်၍ ကိုယ်တော်သည် ကျွန်ုပ်ကို စုံလင်စေလျှင်၊ ကျွန်ုပ်သည် ဖန်ဆင်းခံ တစ်ဦးသာ ဖြစ်ပါသေး၏။ အကယ်၍ ကိုယ်တော်သည် ကျွန်ုပ်ကို စုံလင်စေခြင်း မပြုလျှင်လည်း၊ ကျွန်ုပ်သည် ဖန်ဆင်းခံ တစ်ဦးထက် မပိုခြင်းကြောင့် ကျွန်ုပ်သည် ကိုယ်တော့်အား ဆက်၍ ချစ်နေဦးမည် ဖြစ်သည်။ ကျွန်ုပ်သည် ဖန်ဆင်းရှင်သခင်၏ ဖန်ဆင်းခြင်းကိုခံခဲ့ရသော ဘာမျှ မပြောပလောက်သည့် ဖန်ဆင်းခံ တစ်ဦးထက် ဘာမျှမပိုပါ၊ အဖန်ဆင်းခံ လူသားအားလုံးထဲမှ တစ်ဦးသာ ဖြစ်ပါ၏။ ကျွန်ုပ်အား ဖန်ဆင်းခဲ့သူမှာ ကိုယ်တော်ဖြစ်ပြီး ယခု ကိုယ်တော်သည် အကျွန်ုပ်အား ကိုယ်တော်၏ အလိုရှိသည့် အတိုင်း ပြုရန် ကိုယ်တော်၏ လက်တော်ထဲ၌ တစ်ဖန် ထားတော်မူ၏။ အရာခပ်သိမ်းသည် ကိုယ်တော် စီမံပြီးဖြစ်သည့် အရာ ဖြစ်သောကြောင့် ကျွန်ုပ်သည် ကိုယ်တော်၏ တန်ဆာပလာနှင့် ကိုယ်တော်၏ အဖြည့်ခံဖြစ်ရန် လိုလားပါ၏။ မည်သူမျှ ထိုအရာကို မပြောင်းလဲနိုင်ပါ။ ခပ်သိမ်းသော အရာနှင့် အဖြစ်အပျက်မှန်သမျှသည် ကိုယ်တော်၏ လက်တော်ထဲ၌ ရှိကြပါ၏။” ဟု ဆုတောင်းသင့်သည်။ ရာထူးအဆင့်အတန်း အပေါ် သင်အာရုံ မပြုတော့မည့်အချိန် ရောက်လာသည့်အခါ၊ သင်သည် ထိုအရာမှ လွတ်မြောက်လိမ့်မည် ဖြစ်သည်။ ထိုအခါမှသာ သင်သည် ယုံကြည်ရဲရင့်စွာ ကြိုးစားနိုင်လိမ့်မည် ဖြစ်ပြီး၊ ထိုအခါမှသာ သင်၏ စိတ်နှလုံးသည် မည်သည့် ချုပ်နှောင်မှုမဆိုထံမှ လွတ်မြောက်လာနိုင်ပေမည်။ လူတို့သည် ဤအရာများမှ ကယ်ထုတ်ခြင်းကို ခံရသည်နှင့်တစ်ပြိုင်နက်၊ ၎င်းတို့၌ စိုးရိမ်ပူပန်စရာများ ရှိတော့မည် မဟုတ်ပေ။ သင်တို့ အများစု၌ ယခု ရှိနေသော စိုးရိမ်ပူပန်စရာများမှာ အဘယ်နည်း။ သင်တို့သည် အဆင့်အတန်း၏ ကန့်သတ်ခြင်းကို အမြဲ ခံနေကြရပြီး သင်တို့၏ ကိုယ်ပိုင် တက်လမ်းများကိုသာ ပူပန်နေကြသည်။ သင်တို့သည် ဘုရားသခင်၏ မိန့်မြွက်ချက် စာမျက်နှာများကို စဉ်ဆက်မပြတ် လှန်‌လှောနေကြသည်၊ လူသားမျိုးနွယ်၏ ခရီးပန်းတိုင်နှင့် သက်ဆိုင်၍ ပြောဆိုမှုများကို ဖတ်ရှုရန် ဆန္ဒရှိနေကြပြီး၊ သင်တို့၏ တက်လမ်းများက မည်သည့်အရာများဖြစ်သည်ဆိုသည်နှင့် သင်တို့၏ ခရီးပန်းတိုင်က မည်သည့်အရာဖြစ်သည်ဆိုသည်တို့ကို သိချင် နေကြသည်။ “ငါသည် တက်လမ်းတစ်ခုတစ်လေ အမှန် ရှိသလော။ ဘုရားသခင်က ထိုတက်လမ်းများကို ဖယ်ရှားလိုက် ပြီလော။ ငါသည် အဖြည့်ခံတစ်ဦး ဖြစ်သည်ဟုသာ ဘုရားသခင် ပြော၏။ သို့ဆိုလျှင် ငါ၏ တက်လမ်းများမှာ အဘယ်နည်း” ဟု သင်တို့ သိချင်ကြသည်။ သင်တို့၏ တက်လမ်းများနှင့် ကံကြမ္မာကို ဘေးဖယ်ထားဖို့ သင်တို့အတွက် ခက်ပေသည်။ ယခုတွင် သင်တို့သည် နောက်လိုက်များ ဖြစ်ကြပြီး အမှု၏ ဤအဆင့်ကို သိနားလည်မှုအချို့ ရရှိကြပြီးဖြစ်သည်။ သို့သော်၊ အဆင့်အတန်းအတွက် သင်တို့၏ တပ်မက်မှုကို သင်တို့ ဘေးမဖယ်ထားကြသေး။ သင်တို့၏ အဆင့်အတန်း မြင့်မားသည့်အခါ သင်တို့ ကောင်းစွာ ကြိုးစားကြသော်လည်း၊ သင်တို့၏ အဆင့်အတန်း နိမ့်သည့်အခါ သင်တို့ မကြိုးစား ကြတော့ပေ။ အဆင့်အတန်းနှင့်ဆိုင်သော ကောင်းချီး မင်္ဂလာများမှာ သင်တို့၏ စိတ်ထဲ၌ အမြဲရှိနေသည်။ လူအများစုသည် အပျက်သဘောဆောင်ခြင်းမှ အဘယ်ကြောင့် မိမိတို့ကိုယ်ကိုယ် မဖယ်ရှားနိုင်ကြပါသနည်း။ အဖြေမှာ စိတ်ပျက်ဖွယ်ရာ တက်လမ်းများကြောင့် အမြဲတစေ ဖြစ်သည် မဟုတ်လော။ ဘုရားသခင်၏ မိန့်မြွက်ချက်များကို ထုတ်ပြန်သည်နှင့်တစ်ပြိုင်နက် သင်တို့သည် သင်တို့၏ အဆင့်အတန်းနှင့် ကိုယ်ပိုင်လက္ခဏာမှာ အကယ်စင်စစ် မည်သည့်အရာ ဖြစ်ကြောင်းကို အလောတကြီး ကြည့်ကြသည်။ သင်တို့သည် အဆင့်အတန်းနှင့် ကိုယ်ပိုင်လက္ခဏာကို ဦးစားပေးကြပြီး၊ ရူပါရုံကို ဒုတိယနေရာသို့ အဆင့်ချသည်။ တတိယနေရာမှာ သင်တို့ ဝင်ရောက်သင့်သည့် အရာတစ်ခု ဖြစ်ပြီး စတုတ္တနေရာမှာ ဘုရားသခင်၏ လက်ရှိ အလိုတော် ဖြစ်သည်။ သင်တို့အတွက် ဘုရားသခင်ပေးသော နာမည် ဂုဏ်ပုဒ်ဖြစ်သည့် “အဖြည့်ခံများ” မှာ ပြောင်းလဲခြင်း ရှိ မရှိ သင်တို့ ဦးစွာပထမ ကြည့်ကြသည်။ သင်တို့ အဖန်တလဲလဲ ဖတ်ရှုကြပြီး “အဖြည့်ခံ” ဟူသော နာမည်ဂုဏ်ပုဒ်ကို ဖယ်ရှားလိုက်ကြောင်းကို သင်တို့ မြင်သည့်အခါ သင်တို့ ပျော်ရွှင်လာကာ ဘုရားသခင်ကို အားပါးတရ ကျေးဇူးတင်ကြပြီး သူ၏ ကြီးမြတ်သော တန်ခိုးကို ချီးမွမ်းကြသည်။ သို့သော်လည်း သင်တို့သည် အဖြည့်ခံများ ဆက်ဖြစ်နေသေးကြောင်းကို မြင်သည့်အခါ သင်တို့သည် ဝမ်းနည်းလာကြကာ၊ ချက်ချင်းဆိုသလို သင်တို့၏ စိတ်နှလုံးထဲက လှုံ့ဆော်မှုက ပျောက်ကွယ်သွားလေသည်။ ဤနည်းလမ်းဖြင့် သင်ရှာဖွေလေလေ ရိတ်သိမ်းမှု နည်းလေလေ ဖြစ်လိမ့်မည်။ အဆင့်အတန်းအတွက် လူတစ်ဦး၏ အလိုဆန္ဒ ကြီးမားလေလေ၊ ၎င်းတို့အား ပို၍ပြင်းထန်စွာ ကိုင်တွယ်ဖြေရှင်းရန် လိုလေလေ ဖြစ်ပြီး ၎င်းတို့သည် ကြီးမားသော စစ်ဆေးခြင်းကို ကြုံရလေလေဖြစ်သည်။ ထိုသို့သော လူတို့သည် အသုံးမကျသောသူများ ဖြစ်သည်။ ၎င်းတို့အနေဖြင့် ဤအရာများကို လုံးလုံးလျားလျား လက်လွှတ်ရန်အလို့ငှာ ၎င်းတို့အား လုံလောက်စွာ ကိုင်တွယ်ဖြေရှင်းပြီး တရားစီရင်ရမည် ဖြစ်သည်။ အကယ်၍ သင်တို့သည် ဤနည်းဖြင့် အဆုံးတိုင်အောင် လိုက်စားပါက၊ မည်သည့် အရာကိုမျှ ရိတ်သိမ်းရမည် မဟုတ်ပေ။ အသက်ကို မလိုက်စားသောသူများသည် ပြောင်းလဲခြင်း မခံရနိုင်သကဲ့သို့၊ သမ္မာတရားကို ဆာငတ်ခြင်းမရှိသော သူများသည် သမ္မာတရားကို မရနိုင်ကြပေ။ သင်သည် ကိုယ်တိုင်ကိုယ်ကျ ပြောင်းလဲခြင်းနှင့် ဝင်ရောက်ခြင်းကို လိုက်စားခြင်းအား အာရုံမစိုက်ဘဲ၊ ယင်းအစား လွန်ကဲသော တပ်မက်မှုများနှင့် ဘုရားသခင်အပေါ် သင်၏ချစ်ခြင်းမေတ္တာကို ကန့်သတ်ပြီး သူ့ထံ တိုးဝင်ချဉ်းကပ်ခြင်းကို တားဆီးသော အရာများအပေါ် သင် အမြဲတစေ အာရုံစိုက်၏။ ထိုအရာများသည် သင့်အား ပြောင်းလဲစေနိုင်သလော။ ၎င်းတို့သည် သင့်အား နိုင်ငံတော်ထဲသို့ ခေါ်ဆောင်လာနိုင်သလော။ သင်၏ လိုက်စားခြင်း ရည်ရွယ်ချက်မှာ သမ္မာတရားကို ရှာဖွေရန် မဟုတ်ပါက သင်သည် ဤအခွင့်အရေးကို အသုံးချပြီး လောကထဲသို့ ပြန်သွားပြီး အောင်မြင်အောင် လုပ်သင့်သည်။ ဤပုံစံဖြင့် သင်၏အချိန်ကို ဖြုန်းတီးခြင်းမှာ အမှန်တကယ် မတန်ပေ၊ အဘယ်ကြောင့် သင့်ကိုယ်သင် နှိပ်စက်ရသနည်း။ လှပသော အပြင်လောကကြီးထဲတွင် အမျိုးမျိုးသော အရာတို့ကို သင်မွေ့လျော်ခံစားနိုင်သည်မှာ မမှန်သလော။ ငွေ၊ လှပသော အမျိုးသမီးများ၊ အဆင့်အတန်း၊ ပကာသန၊ မိသားစု၊ သားသမီး၊ စသဖြင့်- လောက၏ ဤထုတ်ကုန်များမှာ သင်မွေ့လျော် ခံစားနိုင်သည့် အကောင်းဆုံးသောအရာများ ဖြစ်သည် မဟုတ်လော။ သင်ပျော်ရွင်နိုင်မည့် နေရာတစ်ခုကို ရှာဖွေလျက် ဤနေရာတွင် တဝဲလည်လည်လုပ်နေခြင်းမှာ အဘယ် အသုံးဝင်သနည်း။ လူသား၌ ခေါင်းချရာမျှ မရှိ၊ ထို့ကြောင့် သင်၌ သောကကင်းဝေးသော နေရာတစ်ခု အဘယ်သို့ ရှိနိုင်မည်နည်း။ သူသည် သင့်အတွက် သောကကင်းဝေးပြီး လှပသောနေရာ တစ်ခုကို အဘယ်သို့ ဖန်တီးပေးနိုင်မည်နည်း။ ၎င်းမှာ ဖြစ်နိုင်ပါသလော။ ငါ၏တရားစီရင်ခြင်းအပြင် သမ္မာတရားနှင့် ပတ်သက်သည့် သွန်သင်ချက်များကိုသာ ယနေ့ သင်ရရှိနိုင်သည်။ ငါ့ထံမှ နှစ်သိမ့်မှုကို သင်မရနိုင်သကဲ့သို့ နေ့ရောညပါ သင် တောင့်တသည့် ပန်းခင်းလမ်းကို သင်ရနိုင်မည် မဟုတ်ပေ။ သင့်အပေါ်သို့ လောက၏ ကြွယ်ဝချမ်းသာမှုများကို ငါအပ်နှင်းမည်မဟုတ်။ အကယ်၍ သင်စစ်မှန်စွာ လိုက်စားပါက ငါသည် သင့်အား အသက်လမ်းကို အလုံးစုံပေးလိုပြီး သင့်အား ရေထဲသို့ ပြန်လွှတ်ပေးသော ငါးတစ်ကောင်ကဲ့သို့ ဖြစ်စေရန် ငါသည် လိုလားလျက်ရှိသည်။ အကယ်၍ သင်စစ်မှန်စွာ မလိုက်စားပါက အရာခပ်သိမ်းကို ငါပြန်ယူမည်။ သက်သောင့်သက်သာဖြစ်ခြင်းကို လောဘကြီးသောသူများနှင့် ဝက်များနှင့် ခွေးများကဲ့သို့သောသူများကို ငါ နှုတ်မှလာသော နှုတ်ကပတ်တော်များကို ပေးရန် ငါအလိုမရှိပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အဖြည့်ခံဖြစ်ရန် သင်အဘယ်ကြောင့် လိုလားခြင်းမရှိသနည်း” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၂၈)

မိမိလုပ်သမျှအရာရာတိုင်း၌ ဖြောင့်မတ်ခြင်းရှိ၊ မရှိနှင့် မိမိ၏အပြုအမူများသည် ဘုရားသခင်၏ နည်းလမ်းများနှင့် ကိုက်ညီ၊ မညီ ဆင်ခြင်လေ့လာနေခြင်းသည် ဘုရားသခင်ကို ယုံကြည်သူတို့၏ လူ့အမူအကျင့် စည်းမျဉ်းများပင်ဖြစ်သည်။ ဘုရားသခင်၏ ဂရုစိုက်စောင့်ရှောက်မှုကို လက်ခံပြီး ဘုရားသခင် စိတ်ကျေနပ်အောင် လုပ်ဆောင်နိုင်သူများသည် ဖြောင့်မတ်သောသူများဟု ခေါ်ဆိုခြင်းခံရမည် ဖြစ်သည်။ ဘုရားသခင်၏ ဂရုစိုက်ခြင်း၊ ကာကွယ်ခြင်းနှင့် ပြည့်စုံ ကောင်းမွန်ခြင်းတို့ကို လက်ခံရယူသောသူများသည် ဘုရားသခင် ရှေ့၌ ဖြောင့်မတ်သောသူများဖြစ်ကြပြီး ဘုရားသခင်မှ အမြတ်တနိုးထား ကြည့်ရှုစောင့်ရှောက်ခြင်း ခံရသူများဖြစ်သည်။ လက်ရှိအချိန်တွင် ဘုရားသခင်၏ နှုတ်ကပတ်တော်များကို များများခံယူလေလေ၊ ဘုရားသခင်၏ အလိုတော်ကို ပို၍နားလည်လိုက်လျှောက် နိုင်လေလေ ဖြစ်ပြီး ထိုသို့အားဖြင့် ဘုရားသခင်၏ နှုတ်ကပတ်တော်များနှင့် အသက်ရှင်ကာ ကိုယ်တော်၏ တောင်းဆိုချက်များနှင့် ပို၍ ပြည့်စုံလာ နိုင်မည် ဖြစ်သည်။ ဤအရာမှာ ဘုရားသခင်မှ သင်တို့ကို တာဝန်ပေးစေခိုင်းချက်ပင်ဖြစ်ပြီး သင်တို့လုပ်ဆောင် အောင်မြင်ရမည့် အရာလည်း ဖြစ်သည်။ အကယ်၍ သင်တို့သာ ထင်မြင်ယူဆချက်များ သုံးပြီး ဘုရားသခင်ကို မပြောင်းလဲနိုင်သော ရွှံ့စေးရုပ်တုပမာ သဘောထားကာ အသေးစိတ် ဖော်ပြတိုင်းတာရန်နှင့် ကိုယ်တော်အား အလုပ်အကိုင်နယ်ပယ် အကန့်အသတ်တစ်ခုထဲ ချုပ်ထိန်းထားကာ ကျမ်းစာထဲ၌သာ ဘောင်ခတ်ထားရန် ကြိုးစားမည်ဆိုပါက ဤအရာသည် သင်တို့က ဘုရားသခင်ကို ပြစ်မှားမိခြင်း၏ သက်သေပင်ဖြစ်သည်။ အဘယ်ကြောင့်ဆိုသော် ဓမ္မဟောင်းခေတ်ကာလက ယုဒအမျိုးသားများသည် ဘုရားသခင်ကို ရုပ်တုဆင်းတုအဖြစ် သွန်းလုပ်ကြပြီး သူတို့နှလုံးသားထဲတွင် ဘုရားသခင်ကို မေရှိယဟုသာ ခေါ်ဆိုနိုင်ကြောင်းနှင့် မေရှိယဟု အခေါ်ခံရသော သူသာလျှင် ဘုရားသခင်ဖြစ်ကြောင်း မှတ်ယူပြီး ဘုရားသခင်ကို (အသက်မဲ့သော) ရွှံ့စေးရုပ်တုပမာ သဘောထားကာ ကိုးကွယ်အစေခံကြသည့်အတွက် ထိုခေတ်မှ ယေရှုကို ကားတိုင်ပေါ် သံမှိုဆွဲနှက်ပြီး သေဒဏ်ပေးကာ အပြစ်မဲ့သော ယေရှုကို သေဒဏ်ချမှတ်ခဲ့ကြသည်။ ဘုရားသခင်မှာ မည့်သည့်အပြစ်မှ မပြုခဲ့သော်ငြားလည်းဘဲ လူသားတို့မှာ ဘုရားသခင်ကို သက်ညှာထောက်ထားခြင်းမရှိ၊ တုန်လှုပ်ခြင်း စိုးစဉ်းမျှမရှိပဲ ကိုယ်တော်အား သေဒဏ်ပေးခဲ့ကြသည်။ ဤသို့ဖြင့် ယေရှုမှာ ကားစင်တင်သတ်ခံခဲ့ရ၏။ ဘုရားသခင်သည် ပြောင်းလဲခြင်း မရှိဟု လူတို့က အမြဲယုံကြည်လေ့ရှိပြီး ဘုရားသခင်၏ အစီအမံကို နားလည်သဘောပေါက်သည့် ပုံစံနှင့် ဘုရားသခင်လုပ်ဆောင်သမျှ အရာအားလုံးသည် ကိုယ်တော့်မှာ လူ့လက်ခုပ်ထဲ ရှိဘိသည့်အလား ကျမ်းစာအရ အဓိပ္ပာယ်သတ်မှတ် ဖွင့်ဆိုကြ၏။ လူသားများမှာ လွန်လွန်ကဲကဲပင် ရယ်ဖွယ်ရာဖြစ်နေကြပြီး လွန်လွန်ကဲကဲပင် မာနထောင်လွှားနေကြကာ သူတို့အားလုံးမှာ ချဲ့ကားပြောဆိုခြင်းကို ဝါသနာထုံကြ၏။ ဘုရားသခင်နှင့်ပတ်သက်ပြီး သင်၏အသိပညာမှာ မည်မျှပင်ကြီးမားနေစေကာမူ သင်သည် ဘုရားသခင်ကို မသိကျွမ်းကြောင်း၊ ဘုရားသခင်ကို ဆန့်ကျင်ဆုံးသောသူ တစ်ယောက်ပင် ဖြစ်ကြောင်း၊ ဘုရားသခင်က ပြီးပြည့်စုံအောင် ပြုပြင်ပေးထားသော လမ်းကို လိုက်မလျှောက်နိုင်၊ ဘုရားသခင်၏ လုပ်ဆောင်ချက်ကိုလည်း အဆုံးစွန်မလိုက်နာနိုင်သောကြောင့် သင်သည် ဘုရားသခင်အား ပြစ်မှားမိပြီဖြစ်ကြောင်း ငါပြောဦးမည်။ အဘယ်ကြောင့် ဘုရားသခင်သည် လူတို့၏ လုပ်ဆောင်ချက်များအပေါ် မည်သည့်အခါမျှ ကျေနပ်တော် မမူနိုင်ရသနည်း။ အဘယ်ကြောင့်ဆိုသော် လူသားသည် ဘုရားသခင်ကို မသိကျွမ်း၊ သူ၌ အယူအဆများ များစွာရှိကာ၊ ဘုရားသခင်နှင့်ပတ်သက်ပြီး သူ၏အသိပညာမှာ လက်တွေ့အရှိတရားနှင့် တစ်စက်မျှပင် မကိုက်ညီ သောကြောင့်ဖြစ်သည်၊ ထိုအစား သူသည် အပြောင်းအလဲမရှိဘဲ ဓာတ်ပြားဟောင်းကြီးကိုသာ ငြီးငွေ့ဖွယ် ပြန်ပြန်ဖွင့်နေပြီး အခြေအနေတိုင်းအတွက် တူညီသောကိုင်တွယ်ဖြေရှင်းနည်းကိုသာ အသုံးပြုသောကြောင့်ဖြစ်သည်။ ထို့ကြောင့် ယနေ့ခေတ်တွင် ဘုရားသခင်သည် ကမ္ဘာမြေကြီးသို့ ဆင်းကြွလာမည်ဆိုပါက လက်ဝါးကပ်တိုင်ပေါ်တွင် လူသားများမှ သံမှိုဆွဲနှက်ရိုက်ထားခြင်းကို ခံရဦးမည်ပင် ဖြစ်သည်။ ရက်စက်ပြီး အကြင်နာတရား ကင်းမဲ့သော လူသားမျိုးနွယ်ပါတကား။ လျှို့ဝှက်ကောက်ကျစ် စဉ်းလဲခြင်း၊ တစ်ယောက်နှင့်တစ်ယောက် တွန်းထိုးတိုက်ခိုက်ကြခြင်း၊ ဂုဏ်ပကာသနနှင့် စည်းစိမ်ဥစ္စာအတွက် ယှဉ်ပြိုင်ကြခြင်း၊ အချင်းချင်း သတ်ဖြတ်နေခြင်းများ၊ ဤအရာများ မည်သည့်အချိန် ပြီးဆုံးမည်နည်း။ ဘုရားသခင်သည် နှုတ်ကပတ်တော်များ သိန်းသန်းချီ မြွက်ဆိုခဲ့ သော်ငြားလည်းပဲ မည်သူတစ်ဦးတစ်ယောက်ကမျှ အသိတရား မရကြပါ။ သူတို့သည် သူတို့မိသားစုများအတွက်၊ သူတို့၏ သားသမီးများအတွက်၊ သူတို့၏အလုပ်အကိုင်အတွက်၊ အနာဂတ် မျှော်မှန်းချက်များအတွက်၊ အဆင့်အတန်းအတွက်၊ ဂုဏ်ပကာသနအတွက်၊ ငွေကြေးအတွက်၊ အသွေးအသားအတွက်၊ စားရေးဝတ်ရေးများအတွက်သာ လှုပ်ရှား ဆောင်ရွက်ကြပြီး ဤဆောင်ရွက်ချက်များကား အမှန်ပင် ဘုရားသခင် အတွက်ဟု ဆိုသလော။ သူတို့၏ လုပ်ဆောင်ချက်များမှာ ဘုရားသခင်အတွက်ဟုဆိုသော လူများထဲမှာပင်လျှင် ဘုရားသခင်အား သိကျွမ်းသောသူမှာ အနည်းငယ်သာရှိ၏။ မိမိအကျိုးစီးပွားအတွက် မလုပ်ဆောင်သောသူ မည်မျှရှိမည်နည်း။ မိမိအဆင့်အတန်းအား ထိန်းသိမ်းထားနိုင်ရန်အလို့ငှာ အခြားသူများကို မဖိနှိပ်သူ၊ ခွဲခြားမဆက်ဆံသူ မည်မျှရှိမည်နည်း။ ဤအကြောင်းကြောင့်ပင် ဘုရားသခင်မှာ အကြိမ်ရေ မရေတွက်နိုင်လောက်အောင်ပင် အတင်းအဓမ္မ သေဒဏ်စီရင်ခြင်းခံခဲ့ရ၏။ မရေတွက်နိုင်သော အရိုင်းဆန်သည့် တရားသူကြီးများက ဘုရားသခင်ကို စီရင်ချက်ချခဲ့ကာ ကားတိုင်ပေါ်တွင် နောက်တစ်ကြိမ် သံမှိုဆွဲနှက်ရိုက်ထားခဲ့ကြ၏။ ဘုရားသခင်အတွက် အမှန်တကယ် ပြုမူဆောင်ရွက်သောကြောင့် ဖြောင့်မတ်သောသူဟု ဘယ်နှစ်ယောက်အား ခေါ်ဆိုနိုင်မည်နည်း။

ဘုရားသခင်၏ရှေ့တော်တွင် သန့်ရှင်းမြင့်မြတ်သူ တစ်ယောက် အဖြစ် သို့မဟုတ် ဖြောင့်မတ်သော သူတစ်ယောက် အဖြစ်သို့ ပြီးပြည့်စုံစွာ ပြုပြင်ပြောင်းလဲခံဖို့ရန်မှာ ဤမျှလွယ်ကူပါ၏လော။ “မြေကြီးပေါ်တွင် ဖြောင့်မတ်သောသူမရှိ၊ ဖြောင့်မတ်သူများမှာ ဤလောကထဲတွင်မရှိ” ဆိုသည့်အချက်မှာ သိသာထင်ရှားလွန်းသည့် အမှန်တရားပင်ဖြစ်သည်။ သင်တို့သည် ဘုရားသခင်၏ ရှေ့မှောက်သို့ ဝင်ရောက်လာသည့်အခါ သင်တို့ ဝတ်ဆင်ထားသောအရာ၊ သင်တို့၏ စကားနှင့် အပြုအမူအားလုံး၊ သင်တို့၏ အတွေးအခေါ်များနှင့် အကြံဉာဏ်များအားလုံး၊ သင်တို့နေ့တိုင်း မက်သော အိမ်မက်များကိုပင်လျှင် တွေးတော ဆင်ခြင်ကြည့်ပါ၊ ဤအရာအားလုံးသည် သင်တို့တစ်ကိုယ်ဘို့ အတွက်သာဖြစ်သည်။ ဤအရာများသည် လက်ရှိအမှန်ဖြစ်ပျက်နေသော အရာများပင် မဟုတ်လော။ “ဖြောင့်မတ်ခြင်း” ဆိုသည်မှာ အလှူအတန်း ပေးခြင်းကိုမဆိုလို၊ ကိုယ်နှင့်စပ်ဆိုင်သောသူကို ကိုယ်နှင့်အမျှ ချစ်ခြင်းကိုလည်းမဆိုလို၊ ခိုက်ရန်မပြုခြင်း၊ မငြင်းခုန်ခြင်း၊ မလုယက်ခြင်း၊ မခိုးခြင်းကိုလည်း မဆိုလို။ ဖြောင့်မတ်ခြင်းဆိုသည်မှာ သခင်ယေရှုပြုမူ ဆောင်ရွက်ခဲ့သည့် အရာများအတိုင်း အချိန်၊ သို့မဟုတ် နေရာကို ပဓာနမထားဘဲ ဘုရားသခင်၏ တာဝန်ပေးစေခိုင်းချက်ကို မိမိ၏တာဝန်ဟုမှတ်ယူကာ ဘုရားသခင်၏ စီစဉ်ညွှန်ကြားမှုများနှင့် အစီအစဉ်များကို မိမိ၏ခါတော်မီအလုပ်တာဝန်အဖြစ် လိုက်နာခြင်းကို ဆိုလိုသည်။ ဤသည်မှာ ဘုရားသခင်က မြွက်ကြားခဲ့သော ဖြောင့်မတ်ခြင်းတရားပင် ဖြစ်သည်။ ဖြောင့်မတ်သောသူဟု ခေါ်ဆိုခြင်းခံရသော ထိုလောတမှာလည်း ဘုရားသခင်က စေလွှတ် လိုက်သော ကောင်းကင်တမန် နှစ်ယောက်ကို မိမိကိုယ်ကျိုးအတွက် ငဲ့ညာခြင်းမရှိပဲ ကယ်တင်ခဲ့သည့်အတွက်ကြောင့်ပင် ဖြစ်သည်။ ထိုအချိန်က သူပြုခဲ့သည့်အရာကို ဖြောင့်မတ်သည်ဟု ခေါ်ဆိုနိုင်ရုံသာရှိပြီး သူကိုယ်၌ကိုမူ ဖြောင့်မတ်သောလူဟူ၍ ခေါ်ဆို၍ မရနိုင်ပါ။ လောတမှ သူ၏ သမီးနှစ်ယောက်ကို ကောင်းကင်တမန် နှစ်ယောက်အတွက် အလဲအလှယ်အနေနှင့် ပေးခဲ့ခြင်းမှာ ဘုရားသခင်ကို ဖူးမြင်ဖူး၍သာ ဖြစ်သည်။ သူ၏ အတိတ်က အပြုအမူအားလုံးမှာလည်း ဖြောင့်မတ်ခြင်းကို ကိုယ်စားမပြုပါ။ ထို့ကြောင့်ပင် “မြေကြီးပေါ်တွင် ဖြောင့်မတ်သောသူမရှိ” ဟု ငါပြောသည်။ တိုးတက်ပြုပြင်မှု ရေစီးကြောင်းထဲတွင်ရှိသော သူများထဲမှာပင်လျှင် မည်သူတစ်ဦး တစ်ယောက်ကမျှ ဖြောင့်မတ်သောသူဟု အခေါ်မခံနိုင်ပါ။ သင်၏ လုပ်ဆောင်ချက်များ မည်မျှပင်ကောင်းနေပါစေ၊ ဘုရားသခင်၏နာမတော် ကြီးမြတ်ခြင်းရှိစေရန် သင်မည်မျှပင် ပြုပြင်နေပါစေ၊ တစ်ပါးသူများအား ရိုက်နှက်ခြင်း၊ ကျိန်ဆဲခြင်းလည်း မရှိ၊ သူတို့ထံမှ ခိုးယူခြင်း၊ လုယက်ခြင်းလည်း မရှိငြားစေကာမူ သင့်အား ဖြောင့်မတ်သောသူဟု ခေါ်၍ မရနိုင်သေးပါ။ အကြောင်းမှာ ဤအရာများကို သာမန် လူတစ်ယောက်ကပင် လုပ်ဆောင်နိုင်၍ဖြစ်သည်။ ယခုလောလောဆယ်၌ အဓိကကျသည့်အချက်မှာ ဘုရားသခင်ကို သင်မသိကျွမ်းခြင်းပင် ဖြစ်သည်။ သင့်တွင် လက်ရှိ၌ ပုံမှန်လူ့သဘောသဘာဝ အနည်းငယ် ရှိသည်ဟုသာ ပြောနိုင်ပြီး ဘုရားသခင်မြွက်ကြားခဲ့သော ဖြောင့်မတ်ခြင်း၏ အခြေခံသဘောတရားများ သင်၌ မရှိသည့်အတွက် သင်လုပ်ဆောင်သည့် မည်သည့်အရာကမျှ ဘုရားသခင်အား သင်သိကျွမ်းသည်ဆိုခြင်းကို သက်သေမပြနိုင်ပါ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဆိုးသွမ်းသောသူများသည် အပြစ်ဒဏ်ပေးခြင်းကို ခံကြရလိမ့်မည်” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၂၉)

ဘုရားသခင် ကောင်းကင်ပေါ်တွင် ကျိန်းဝပ်နေခဲ့စဉ်က လူတို့သည် သူ၏ လုပ်ဆောင်ချက်များနှင့် ဘုရားသခင်အား လှည့်စားရန် ကြိုးစားခဲ့သည်။ ယနေ့ခေတ် လူတို့အလယ် ဘုရားသခင် ကျိန်းဝပ်နေစဉ်မှာပင်လျှင်— မည်သည့်အချိန်ထိ ကျိန်းဝပ်နေမည်မှန်း မည်သူမျှမသိနိုင်— ထိုလူတို့သည် ဘုရားသခင်အတွက် စိတ်မပါဘဲ ဖြစ်နေကြတုန်းဖြစ်ပြီး ဘုရားသခင်ကို လှည့်စားရန် ကြိုးစားတုန်းပင် ဖြစ်သည်။ လူတို့၏တွေးတောမှုမှာ အစွန်းရောက်သည်အထိပင် ဖောက်ပြန်နေသည် မဟုတ်လော။ ယင်းသည် ယုဒနှင့် အတူတူပင် ဖြစ်သည်။ ယေရှုမကြွလာခင်တွင် ယုဒမှာ သူ၏ညီအစ်ကို မောင်နှမများကို အလိမ်အညာများ ပြောတတ်ပြီး သခင်ယေရှုကြွလာပြီး နောက်ပိုင်းတွင်လည်း ပြောင်းလဲမသွားပါ။ သူ့တွင် ယေရှုအား သိကျွမ်းခြင်း အနည်းငယ်ပင် မရှိသောကြောင့် အဆုံးမှာတော့ ယေရှုကို သစ္စာဖောက်သွားခဲ့ခြင်းပင် ဖြစ်သည်။ ဤကဲ့သို့ဖြစ်ခဲ့ရခြင်းမှာ သူဘုရားသခင်အား မသိကျွမ်းခဲ့၍ပင် မဟုတ်ပါလော။ သင်တို့သည် ယနေ့ခေတ်တွင် ဘုရားသခင်ကို သိကျွမ်းခြင်း မရှိသေးပါက ယုဒကဲ့သို့သူမျိုး ဖြစ်လာနိုင်ဖွယ်ရာရှိပြီး ထို့နောက်တွင် လွန်ခဲ့သော နှစ်ပေါင်းထောင်ချီက ဖြစ်ပျက်ခဲ့သော ကျေးဇူးတော်ခေတ်၌ ယေရှုကားစင်တင်ခံရသည့် အဖြစ်ဆိုးသည် ပြန်လည်တစ်ဖန် ဖြစ်နေရဦးမည်ဖြစ်သည်။ ဤအကြောင်းများကို သင်တို့ မယုံကြည်ကြသလော။ ဤအရာသည် အမှန်တရားပင်ဖြစ်၏။ ယနေ့ခေတ်တွင် လူအများစုမှာ ထိုကဲ့သို့သော အခြေအနေတွင် ရှိနေကြပြီး (ငါ၏ ပြောကြားခြင်းမှာ အနည်းငယ် စောကောင်းစောနိုင်ပါသည်) ထိုသူများသည် ယုဒဇာတ်ကောင်အဖြစ် ဘဝဇာတ်ကကြမည်ပင် ဖြစ်သည်။ ငါဖြီးဖြန်းပြောနေခြင်းမဟုတ်၊ အဖြစ်မှန်ကိုပြောနေခြင်း ဖြစ်သည့်အတွက် သင်တို့ယုံရမည်။ လူများစွာမှာ နှိမ့်ချဟန် ယောင်ဆောင်ကြသော်လည်း သူတို့၏ နှလုံးသားထဲတွင်တော့ စီးဆင်းခြင်းမရှိသည့် နံဟောင်နေသော ရေမှလွဲ၍ မည်သည့်အရာမှမရှိ။ ယခုတွင် အသင်းတော်ထဲမှ လူများစွာလည်း ဤကဲ့သို့ပင် ဖြစ်သည်။ ငါသည် ဘာမျှမသိဟု သင်တို့ထင်ကြသည်မဟုတ်လော။ ယနေ့ပင် ငါ၏ဝိညာဉ်တော်သည် ငါ့အတွက် အဆုံးအဖြတ်ပေးပြီး ငါ့အဖို့ သက်သေခံလေပြီ။ ငါဘာမျှမသိဟု သင်မှတ်ယူသလော။ သင့်နှလုံးထဲရှိ စဉ်းလဲသော အတွေးများနှင့် သင့်နှလုံးထဲ သိမ်းထားသောအရာများကို တစ်ခုမျှ ငါနားမလည်နိုင်ဟု သင်ထင်သလော။ ဘုရားသခင်မှာ အလွယ်တကူ လှည့်စား၍ရသူလော။ သင်ဆက်ဆံချင်သည့်အတိုင်း ဘုရားသခင်ကို ဆက်ဆံ၍ ရမည်ဟု ထင်သလော။ အတိတ်တွင် သင်တို့မှာ ချုပ်နှောင်ခြင်း ခံနေရသည်ကို ငါစိတ်ပူပန်ကာ သင်တို့၏ ဇက်ကြိုးများကို ငါလွှတ်ဖြည်ပေးလျက် ရှိသော်လည်း မည်သူတစ်ဦးတစ်ယောက်ကမျှ ငါ၏သူတို့အပေါ် ကောင်းမြတ်ခြင်းကို နားမလည်ကြပါ။ ငါသည်သူတို့အား တစ်လက်မပေးသည်ကို တစ်မိုင်မျှ ယူသွားကြလေပြီ။ အချင်းချင်းမေးကြည့်ကြပါ၊ ငါသည် မည်သူတစ်ဦးတစ်ယောက်ကိုမျှ ကိုင်တွယ်ဖြေရှင်းခြင်း မရှိလုနီးပါးပင်ဖြစ်ပြီး၊ မည်သူ့ကိုမျှလည်း မည်သည့်အခါကမျှ ပေါ့ပေါ့တန်တန်ပင် အပြစ်ဖော်မဆုံးမခဲ့ သော်ငြားလည်း လူ၏အယူအဆများနှင့် လှုံ့ဆော်မှုများကို ငါရှင်းလင်းစွာ သိ၏။ ဘုရားသခင် ကိုယ်တော်တိုင်ပင်လျှင် သက်သေခံတော်မူသော ကိုယ်တော်အား မိုက်မဲသူအဖြစ် သင်ထင်သလော။ ဟုတ်ခဲ့သည်ရှိသော် သင်သည် အလွန်ကန်းသော သူတစ်ယောက်ဟု ငါပြောမည်။ ငါသင့်ကို မဆုံးမဘဲနေမည်။ သင်မည်မျှ ဖောက်ပြားယုတ်မာလာမည်နည်း ဆိုသည်ကို စောင့်ကြည့်ကြစို့။ သင်၏ လှည့်ကွက်များ၊ ဘုရားသခင်ကို ချစ်နိုင်ရန် သင်၏အကောင်းဆုံး ကြိုးစားမှုများသည် သင့်ကို ကယ်တင်နိုင်မည်လား ဆိုသည်ကို စောင့်ကြည့်ကြစို့။ ယနေ့တွင် သင့်ကို ငါမစီရင်။ ဘုရားသခင်က သင့်ကို မည်ကဲ့သို့ ပြစ်ဒဏ်ပေးမည်ဆိုသည်ကို ကိုယ်တော်၏ အချိန်ရောက်သည်အထိ စောင့်ကြည့်ကြစို့။ ငါ့တွင် ယခုသင်နှင့် ဟိုဟိုသည်သည် ပြောနေဖို့ရန် အချိန်မရှိသကဲ့သို့ သင့်အတွက်နှင့် ငါ၏ကြီးမြတ်သောအလုပ်ကို နှောင့်နှေးကြန့်ကြာ ဖို့ရန်လည်း အလိုမရှိ။ ဘုရားသခင်အတွက် သူ၏အချိန်ကို အပဲ့ခံကာ တီကောင်ပိုးရွကဲ့သို့သော သင်နှင့်ဆက်ဆံဖို့ရန် သင်မထိုက်တန်၊ သို့ကြောင့် သင်မည်မျှ အကျင့်စာရိတ္တပျက်စီးနိုင်မည် ဆိုသည်ကိုပင် စောင့်ကြည့်ကြစို့။ ဤကဲ့သို့သောသူများသည် ဘုရားသခင်ကို အနည်းငယ်လေးမျှ သိကျွမ်းရန်ပင် အားထုတ်ခြင်းမရှိ၊ ဘုရားသခင်ကို ချစ်ခင်ခြင်း မရှိသော်ငြားလည်းပဲ ဘုရားသခင်၏ ဖြောင့်မတ်သောသူဟု ခေါ်ဆိုခြင်းခံရရန် လိုချင်ကြသည်မှာ ဟာသဖြစ်လို့နေသည်ပင် မဟုတ်လော။ ရိုးသားသောသူ အနည်းငယ် အမှန်တကယ် ရှိနေသေးသည့်အတွက် အသက်တစ်ခုပင် ထောက်ပံ့ပေးရန် ငါ့ကိုယ်ငါ ဆင်ခြင်မည်။ ယနေ့ပြီးစီးသင့်သည့်အရာကိုသာ ပြီးမြောက်အောင် ငါလုပ်ဆောင်မည်။ ထို့နောက် အယောက်စီတိုင်းတို့အပေါ်တွင် သူတို့၏ အမူအကျင့်များအရ အပြစ်ဒဏ် စီရင်ခြင်းများ ချမှတ်ပေးမည်။ ငါပြောသင့်သည့် အရာကိုသာ ငါမြွက်ကြားခဲ့ခြင်းဖြစ်ပြီး ဤအရာမှာ ငါ၏ အလုပ်ပင်ဖြစ်သည်။ ငါလုပ်သင့်သည့်အရာကိုသာ ငါလုပ်တော်မူပြီး ငါမလုပ်သင့်သည့်အရာကို ငါလုပ်တော်မမူ။ သင်တို့၏ ဘုရားသခင်ကို သိကျွမ်းခြင်းသည် မည်မျှစစ်မှန်သည်ကို သင်တို့ စဉ်းစားဆင်ခြင်ရင်း အချိန်ကိုအသုံးချဖို့ ငါမျှော်လင့်နေတုန်းပင်ဖြစ်သည်။ ဘုရားသခင်ကို ကားတိုင်တော်ပေါ်တွင် နောက်တစ်ဖန်သံမှိုဆွဲနှက်ကြသော သူများထဲတွင် သင်ပါဝင်နေသလော။ အဆုံးသတ်အနေဖြင့် ငါပြောကြားမည်၊ “ဘုရားသခင်ကို ကားတိုင်တင်ကြသော သူတို့၌ အမင်္ဂလာ ရှိစေသတည်း။”

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဆိုးသွမ်းသောသူများသည် အပြစ်ဒဏ်ပေးခြင်းကို ခံကြရလိမ့်မည်” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၃၀)

ယနေ့လမ်းကြောင်းကို သင်တို့ လျှောက်လှမ်းကြသည်နှင့်အမျှ၊ အသင့်တော်ဆုံးသော လိုက်စားမှုမျိုးမှာ အဘယ်နည်း။ သင်၏ လိုက်စားမှုတွင် သင့်ကိုယ်သင် မည်သည့် လူစားမျိုးကဲ့သို့ မြင်သင့်သနည်း။ စမ်းသပ်မှုများဖြစ်စေ အခက်အခဲဖြစ်စေ၊ သို့မဟုတ် ရက်စက်သော ပြစ်တင်ဆုံးမခြင်းနှင့် ကျိန်ဆဲခြင်းဖြစ်စေ သင့်အပေါ် ယနေ့ ကျရောက်သည့် အရာအားလုံးကို မည်သို့ ချဉ်းကပ်သင့်သည်ကို သင် သိသင့်၏။ ကိစ္စရပ်များအားလုံးတွင် ယင်းကို သေချာသုံးသပ်သင့်၏။ ဤအရာကို အဘယ်ကြောင့် ငါ ပြောသနည်း။ ထိုအရာကို ငါ ပြောသည်မှာ ယနေ့ သင့်အပေါ် ကျရောက်သည့်အရာသည်၊ တကယ်တမ်းတွင်၊ အဖန်ဖန် ဖြစ်ပေါ်သည့် တိုတောင်းသော စမ်းသပ်မှုများ ဖြစ်သောကြောင့် ဖြစ်သည်။ သင်သည် ယင်းတို့ကို စိတ်ပိုင်းဆိုင်ရာ အလွန်ခက်ခဲပင်ပန်းသော အရာအဖြစ် မယူဆသောကြောင့် သင်သည် အမှုအရာတို့ကို ဆက်လက်ဖြစ်ပေါ်စေပြီး တိုးတက်မှုကို လိုက်စားရာတွင် အဖိုးတန်သော အရာတစ်ခုအဖြစ် မမှတ်ယူပေ။ သင်သည် အရေးမထားလွန်းလှပါတကား။ လက်စသတ်တော့ ဤအဖိုးတန်သော အရာကို သင်၏ မျက်လုံးရှေ့တွင် မျောလွင့်နေသည့် တိမ်တစ်ခုကဲ့သို့ သင် တွေးထင်နေပေသည်တကား။ အကြိမ်ကြိမ် တသွင်သွင်သွန်ချသည့် ဤပြင်းထန်သော ရိုက်ချက်များ- တိုးတောင်းပြီး သင့်အဖို့ ပျော့ပြောင်းပုံရသည့် ရိုက်ချက်များကို သင် တန်ဖိုးမထားဘဲ၊ အလေးအနက်မထားဘဲလျက် ရံဖန်ရံခါ တံခါးခေါက်သံများ သက်သက်အလား သဘောထားရင်း သင် စိတ်မပါတပါ ကြည့်လေသည်။ သင်သည် အလွန် မာနထောင်လွှား၏။ အကြိမ်ကြိမ် လာတတ်သည့် မုန်တိုင်းများနှင့်ဆင်တူသည့် ဤပြင်းထန်သော တိုက်ခိုက်မှုများအပေါ် သင်သည် အပူအပင်မရှိခြင်းကိုသာ ပြလေသည်။ တစ်ခါတရံ သင်၏ စိတ်မဝင်စားခြင်းကို ထုတ်ဖော်ပြလျက် စိတ်မပါတပါ အပြုံးကိုပင် သင်ပေးသည်- အကြောင်းမူကား သင်သည် ထိုသို့သော “ကံအကြောင်းမလှသည့် ဖြစ်ရပ်များ” ကို အဘယ်ကြောင့် ဆက်ခံစားနေရသည်ကို မိမိကိုယ်ကိုယ် ဘယ်သောအခါမျှ တွေးထင်ဖူးခြင်း မရှိသောကြောင့်ဖြစ်သည်။ ငါသည် လူသားအဖို့ အလွန်မတရားသလော။ သင့်ကို ငါ အပြစ်ရှာနေသလော။ သင်၏ စိတ်နေစိတ်ထားနှင့်ပတ်သက်သည့် ပြဿနာများသည် ငါ ဖော်ပြသမျှလောက် မပြင်းထန်သော်လည်း သင်၏ အပြင်ပန်း တည်ငြိမ်အေးဆေးမှုမှတဆင့် သင်သည် စုံလင်သော သင်၏ အတွင်းကမ္ဘာ ပုံရိပ်တစ်ခုကို အချိန်ကြာမြင့်စွာကတည်းက ဖန်တီးပြီးဖြစ်လေသည်။ သင်၏စိတ်နှလုံးအတွင်း နက်ရှိုင်းသောနေရာများတွင် ဖုံးကွယ်နေသည့် တစ်ခုတည်းသောအရာမှာ ရိုင်းစိုင်းသော ဆဲရေးခြင်းနှင့် မြင်သာရုံမျှဖြစ်သော ဝမ်းနည်းမှုဖြစ်သည်ဟု ငါသင့်ကို ပြောပါက အကျိုးရှိမည် မဟုတ်ပေ။ သင်သည် ထိုသို့သော စမ်းသပ်မှုများကို ဒုက္ခခံခဲ့ရသည်မှာ အလွန်မတရားဟု ခံစားရသောကြောင့်၊ သင် ကျိန်ဆဲလေသည်။ စမ်းသပ်မှုများက လောက၏ ဆင်းရဲဒုက္ခကို သင့်အား ခံစားစေပြီး၊ ဤအရာကြောင့်၊ သင်သည် ညိုးငယ်ခြင်းနှင့် ပြည့်လေသည်။ ဤဆက်ကာဆက်ကာ ဖြစ်သော ထိုးနှက်မှုများနှင့် ဆုံးမပဲ့ပြင်ခြင်းတို့ကို အကောင်းတကာ အကောင်းဆုံးသော ကွယ်ကာမှုအဖြစ် မြင်ရမည့်အစား၊ ၎င်းတို့ကို ကောင်းကင်ဘုံ၏ အဓိပ္ပါယ်မဲ့သော ဒုက္ခဖြစ်စေခြင်းအဖြစ် သို့မဟုတ် သင့်အပေါ်သို့ရောက်သည့် သင့်တင့်သော ဒဏ်ခတ်ခံရခြင်းအဖြစ် သင် မြင်၏။ သင်သည် အလွန် မသိနားမလည် လိုက်လေတကား။ သင်သည် ကောင်းမွန်သော အချိန်များကို အမှောင်ထဲတွင် ရက်ရက်စက်စက် ပိတ်လှောင်ထား၏။ တစ်ချိန်ပြီးတစ်ချိန်၊ အံ့ဩလောက်စရာ စမ်းသပ်မှုများနှင့် ဆုံးမပဲ့ပြင်ခြင်းတို့ကို သင်၏ ရန်သူများထံမှ တိုက်ခိုက်မှုများအဖြစ် ရှုမြင်သည်။ သင်သည် သင်၏ ပတ်ဝန်းကျင်ကို ကျင့်သားရနိုင်စွမ်း မရှိသကဲ့သို့၊ ကျင့်သားရရန် သာ၍ မလိုလားပေ၊ အကြောင်းမူကား ထပ်တလဲလဲဖြစ်သော- သင့်အဖို့ ရက်စက်သည့်- ဤပြစ်တင်ဆုံးမမှုမှ မည်သည့်အရာကိုမျှ ရရှိဖို့ လိုလားခြင်း မရှိသည့်အတွက် ဖြစ်သည်။ သင်သည် ရှာဖွေခြင်းမရှိသကဲ့သို့ စူးစမ်းစစ်ဆေးခြင်းလည်း မရှိပေ၊ သင်၏ ကံကြမ္မာကိုသာ သင် ကြိတ်မှိတ်လက်ခံထားပြီး သင် ရှိနေသည့်နေရာကို လက်ခံထားသည်။ သင့်အဖို့ ရက်စက်ကြမ်းကြုတ်သည့် ပြစ်တင်ဆုံးမမှုများဟု ထင်ရသည့် အရာသည် သင်၏ စိတ်နှလုံးကို မပြောင်းလဲသကဲ့သို့ သင်၏ စိတ်နှလုံးကို မသိမ်းပိုက်ပေ။ ယင်းအစား၊ ၎င်းတို့က သင့်ကို နှလုံးသားတွင် ထိုးနှက်ကြလေသည်။ သင်သည် ဤ “ရက်စက်သော ပြစ်တင်ဆုံးမမှု” ကို ဤဘဝတွင် သင်၏ ရန်သူအဖြစ်မျှသာ မြင်ပြီး ဘာကိုမျှ သင် မရရှိခဲ့ပေ။ သင်သည် မိမိကိုယ်ကိုယ် ဖြောင့်မတ်သည်ဟု အလွန်မှတ်ယူသည်တကား။ သင်သည် အလွန် စက်ဆုပ်ဖွယ်ဖြစ်သောကြောင့် ထိုသို့သော စမ်းသပ်မှုများကို ခံရသည်ဟု သင် ယုံကြည်ခဲလှ၏။ ယင်းအစား၊ သင်သည် မိမိကိုယ်ကိုယ် အလွန် ကံခေသည်ဟု ထင်ပြီး၊ ငါသည် သင့်ကို အမြဲ အပြစ်ရှာနေသည်ဟု သင် ပြော၏။ ယနေ့အထိ၊ ငါ ပြောပြီး လုပ်ဆောင်သည့်အရာအပေါ် သင်သည် အသိပညာ မည်မျှ အမှန်တကယ် ရှိသနည်း။ သင်သည် ကောင်းကင်ထက် အနည်းငယ်မျှသာ နိမ့်ကျသော်လည်း ကမ္ဘာမြေထက် အလွန်မြင့်မားသည့် မွေးရာပါ ပါရမီရှင်တစ်ဦး ဖြစ်သည်ဟု မထင်လေနှင့်။ သင်သည် အခြားမည်သူမဆိုထက် မတော်ချေ- ပြီးလျှင် သင်သည် မိမိကိုယ်ကိုယ် အလွန်အထင်ကြီးပြီး သိမ်ငယ်သည့်စိတ် လုံးဝမရှိသည့်အတွက်၊ သင်သည် ဆင်ခြင်တုံတရား ပိုင်ဆိုင်သည့် ကမ္ဘာမြေပေါ်က မည်သူမဆိုထက် ချစ်စဖွယ် သာ၍မိုက်မဲသည်ဟုပင် ဆိုနိုင်ပေသည်။ သင်သည် ငါ၏ လုပ်ရပ်များကို အသေးစိတ်အကျဆုံး သိမြင်ပုံရလေသည်။ အမှန်တွင်၊ သင်သည် ငါ လုပ်ဆောင်မည့်အရာကို မသိသကဲ့သို့ ယခု ငါ လုပ်ဆောင်နေသည့်အရာကို သာ၍ မသိသည့်အတွက်၊ အခြေခံအားဖြင့် ဆင်ခြင်တုံတရား ကင်းမဲ့နေသူတစ်ဦး ဖြစ်ပေသည်။ ထို့ကြောင့် သင်သည် လူ့ဘဝနှင့်သက်ဆိုင်၍ အနည်းငယ်မျှ သိမြင်မှုမရှိသော်လည်း မြေကို ထွန်ယက်စိုက်ပျိုးစဉ် ကောင်းကင်ဘုံ၏ ကောင်းချီးမင်္ဂလာများအပေါ် မှီခိုရသော လယ်သမားတစ်ဦးဖြစ်သည့် မြေပေါ် ပင်ပင်ပန်းပန်းအလုပ်လုပ်နေသည့် အိုမင်းသော လယ်သမားတစ်ဦးနှင့်ပင် တန်းတူမဟုတ်ဟု ငါဆိုရ၏။ သင်သည် မိမိ၏ အသက်တာအဖို့ နှစ်ခါမတွေး၊ ကျော်ကြားမှုနှင့်သက်ဆိုင်၍ သင် ဘာမျှမသိသကဲ့သို့၊ မိမိကိုယ်ကိုယ် သိသောစိတ်တစ်ခုတစ်လေမျှ သင် သာ၍မရှိချေ။ သင်သည် အလွန် “မြင့်မြတ်” ပါသည်တကား။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လေ့လာသင်ယူခြင်း မရှိသောသူများ နှင့် မည်သည့်အရာကိုမျှ မသိသောသူများ- ထိုသူတို့သည် သားရဲများပင် ဖြစ်သည် မဟုတ်လော” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၃၁)

သင်တို့သည် ငါ၏ အထပ်ထပ် သွန်သင်ခြင်းကို ကြာမြင့်စွာကတည်းက သင်တို့ သိပ်မစဉ်းစားကြတော့ပေ။ ၎င်းတို့ကို သင်တို့၏ အားလပ်သည့်အချိန်အတွက် ကစားစရာများကဲ့သို့ပင် သင်တို့ သဘောထားကြပြီး သင်တို့၏ ကိုယ်ပိုင် “ကာကွယ်စောင့်ရှောက်သည့် အဆောင်” အဖြစ် အမြဲ ယူဆကြလေသည်။ စာတန်၏ စွပ်စွဲမှုကို ခံရသည့်အခါ သင် ဆုတောင်းသည်။ အပျက်သဘောဆောင်သည့်အခါ သင် အိပ်မောကျသည်။ ပျော်ရွှင်သည့်အခါ သင် ဟိုဟိုသည်သည် ပြေးလွှားသည်။ သင့်ကို ငါ အပြစ်တင်သည့်အခါ၊ သင်သည် အလွန်ကျိုးနွံသည်။ သင် ငါ့ကို စွန့်ခွာသည့်အခါ သင်သည် အလွန်စိတ်လှုပ်ရှားစွာ ရယ်မောလေသည်။ လူအုပ်ထဲတွင်၊ သင့်ထက် မြင့်မားသူ မည်သူမျှမရှိသော်လည်း သင်သည် မာနအထောင်လွှားဆုံးသူအဖြစ် မိမိကိုယ်ကိုယ် ဘယ်သောအခါမျှ မတွေးပေ။ စကားဖြင့် ဖော်ပြမရနိုင်အောင် သင်သည် အစဉ် ဘဝင်မြင့်ပြီး မာန်တက်လေသည်။ မည်သည့်အရာကိုမျှ မသိသကဲ့သို့ ဘယ်သောအခါမျှ သဘောပေါက်ခြင်း မရှိသည့် ထိုသို့သော “ငယ်ရွယ်သော အမျိုးကောင်းသားများနှင့် အပျိုစင်များ” နှင့် “အရှင်သခင်များနှင့် လူကုံထံနွယ် အမျိုးသမီးများ” သည် ငါ၏ နှုတ်ကပတ်တော်များကို အဖိုးထိုက်တန်သော ရတနာတစ်ခုအဖြစ် အဘယ်သို့ သဘောထားနိုင်မည်နည်း။ ယခု သင့်ကို ငါ ဆက်လက် မေးမည်- အင်မတန် ရှည်ကြာသည့် အချိန်ကာလတစ်လျှောက်တွင် သင်သည် ငါ၏ နှုတ်ကပတ်တော်များနှင့် အမှုမှ မည်သည့်အရာကိုသာ သင်ယူပြီးပြီနည်း။ လှည့်ဖြားခြင်းတွင် သင်သည် သာ၍ ပရိယာယ်များလာပြီ မဟုတ်လော။ သင်၏ ဇာတိပကတိသည် သာ၍ ခေတ်မီလာပြီ မဟုတ်လော။ ငါ့အပေါ် သင်၏ သဘောထားသည် သာ၍ သာမန်ကာလျှံကာ ဖြစ်လာပြီ မဟုတ်လော။ သင့်ကို ငါတဲ့တိုးပြော၏- ငါသည် အမှုများစွာ ပြုပြီးဖြစ်သော်လည်း ထိုအမှုက ကြွက်တစ်ကောင်၏ သတ္တိကဲ့သို့ ဖြစ်နေကျဖြစ်သည့် သင်၏ သတ္တိကို တိုးစေပြီး ဖြစ်သည်။ ငါသည် အလွန် ကြင်နာပြီး သင်၏ ဇာတိပကတိကို အကြမ်းဖက်မှု သုံးလျက် ဘယ်သောအခါမျှ အရေးမယူသည့်အတွက် ငါ့အပေါ် သင်၏ စိုးရိမ်ပူပန်ခြင်းသည် တစ်နေ့တခြား လျော့ပါးလာလေသည်။ ငါသည် ရိုင်းစိုင်းသော မှတ်ချက်များကို ပြုရုံမျှ ပြုနေသည်ဟု သင် ထင်ကောင်းထင်မည်- သို့သော် ငါသည် သင့်ကို မကြာခဏ ပြုံးပြပြီး ဘယ်သောအခါမျှ သင့်ကို ဗြောင် အပြစ်မတင်သလောက် ဖြစ်သည်။ ထို့အပြင်၊ သင်၏ အားနည်းချက်ကို ငါသည် အစဉ် ခွင့်လွှတ်လျက်ရှိပြီး၊ ဤအရာကြောင့်သာ မြွေက လယ်သမားကောင်းကို ဆက်ဆံသကဲ့သို့ သင်သည် ငါ့ကို ဆက်ဆံခြင်း ဖြစ်သည်။ လူသား၏ အကဲခတ်ခြင်း စွမ်းရည်နှင့်ဆိုင်သည့် ကျွမ်းကျင်မှု၊ ထိုကျွမ်းကျင်မှုကို ငါ လေးစားလိုက်ပါဘိ။ သင့်ကို အမှန်ပြောရလျှင်၊ ယနေ့တွင် သင်၏ စိတ်နှလုံးသည် ကြောက်ရွံ့ခြင်း မရှိသည့် စိတ်နှလုံး ဟုတ် မဟုတ် ဆိုသည်မှာ အရေးမကြီးပေ။ ငါသည် စိုးရိမ်ခြင်း မရှိသကဲသို့ ပူပန်ခြင်းလည်း မရှိ။ သို့သော် ဤအရာကိုလည်း သင့်အား ငါ ပြောရမည်- အသင် “ပါရမီရှိသည့် လူ” သည်၊ မသိနားမလည်ကာ သင်ယူဖို့ရန် မလိုလားသူ ဖြစ်သည့်အလျောက်၊ နောက်ဆုံးတွင် သင်၏ မိမိကိုယ်မိမိ ကျေနပ်သည့်၊ သေးနုပ်သည့် ပါးနပ်မှုအားဖြင့် ဖြုတ်ချခံရလိမ့်မည်- သင်သည် ဆင်းရဲဒုက္ခခံရပြီး ပြစ်တင်ဆုံးမခံရသည့်သူ ဖြစ်လိမ့်မည်။ ငါသည် သင်နှင့် တူသောအမျိုး မဟုတ်သည့်အတွက်၊ ငရဲထဲတွင် သင်ဆက်လက် ဒုက္ခခံရသည်နှင့်အမျှ သင့်ကို အဖော်ပြုရလောက်အောင် အလွန် မိုက်မဲလိမ့်မည် မဟုတ်။ သင်သည် ငါ၏ ကျိန်ဆဲခြင်းကို ခံရသော်လည်း၊ ငါ၏ သွန်သင်ခြင်းခံရကာ ကယ်တင်ခံရသည့် အဖန်ဆင်းခံတစ်ဦး ဖြစ်သည်ကို မမေ့လျော့နှင့်။ သင်၌ ငါခွဲခွာရန် မလိုလားသည့် အရာတစ်ခုမျှ ငါ့အတွက် မရှိပေ။ ငါ အမှုပြုသည့်အခါတိုင်း၊ မည်သည့်လူများ၊ အဖြစ်အပျက်များ သို့မဟုတ် အရာဝတ္ထုများအားဖြင့်မျှ တားဆီးမခံရပေ။ လူသားမျိုးနွယ်အပေါ် ငါ၏ သဘောထားများနှင့် အယူအဆများသည် အစဉ်အမြဲ တူညီလေသည်။ သင်သည် ငါ၏ စီမံခန့်ခွဲမှုအဖို့ အဖြည့်ခံဖြစ်သည့်အတွက် သင့်ကို ငါ သိပ်မနှစ်သက်လှပေ၊ ထို့အပြင် သင်နှင့်ပတ်သက်၍ အခြားအရာတစ်ခုတစ်လေထက် သာ၍ ကောင်းသောအရာ ဘာမျှမရှိပေ။ ဤသည်မှာ သင့်အဖို့ ငါ၏ အကြံပြုချက်ဖြစ်၏- သင်သည် ဘုရားသခင်၏ အဖန်ဆင်းခံ သတ္တဝါထက် ဘာမျှမပိုသည်ကို အမြဲတမ်း အမှတ်ရလော့။ သင်သည် ငါနှင့်အတူ နေထိုင်နိုင်သော်လည်း သင် မည်သူမည်၀ါဖြစ်သည်ကို သင် သိသင့်၏။ သင့်ကိုယ်သင် အလွန် အထင်မကြီးလေနှင့်။ သင့်ကို ငါ အပြစ်မတင်သော်လည်း၊ သို့မဟုတ် သင့်ကို မကိုင်တွယ်မဖြေရှင်းသကဲ့သို့ သင့်ကို အပြုံးဖြင့် ရင်မဆိုင်သော်လည်း၊ ဤအရာက သင်သည် ငါနှင့် အမျိုးတူသည်ဟု သက်သေမပြပေ။ သင်သည် သမ္မာတရားကို လိုက်စားသူများထဲမှ တစ်ဦးဖြစ်ပြီး၊ သမ္မာတရားကိုယ်၌ မဟုတ်သည်ကို သင် သိသင့်သည်။ ငါ၏ နှုတ်ကပတ်တော်များနှင့်အတူ ပြောင်းလဲခြင်းကို သင် လုံးဝ မရပ်သင့်။ ဤအရာမှ သင် မလွတ်မြောက်နိုင်။ ဤရခဲသည့် အခွင့်အရေး လာသည့်အချိန်၊ ဤကြီးမြတ်သော အချိန်ကာလအတွင်းတွင် တစ်စုံတစ်ရာကို ကြိုးစားကာ လေ့လာသင်ယူဖို့ သင့်ကို ငါ အကြံပြု၏။ ငါ့ကို မလှည့်စားနှင့်။ ငါ့ကို သင်ကြိုးစားပြီး လှည့်စားရန် မြှောက်လုံး ပင့်လုံး အသုံးပြုဖို့ ငါ မလိုအပ်ပေ။ ငါ့ကို သင် ရှာဖွေသည့်အခါ၊ ငါ့အတွက် သက်သက် မဟုတ်ဘဲ သင်ကိုယ်တိုင်အတွက် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လေ့လာသင်ယူခြင်း မရှိသောသူများ နှင့် မည်သည့်အရာကိုမျှ မသိသောသူများ- ထိုသူတို့သည် သားရဲများပင် ဖြစ်သည် မဟုတ်လော” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၃၂)

သင်တို့ လက်ရှိဖြတ်သန်းနေရသော နေ့ရက်တိုင်းသည် အရေးပါလှပြီး၊ သင်တို့၏ ပန်းတိုင်နှင့် ကံကြမ္မာအတွက် အခရာအကျဆုံးဖြစ်သည်ဖြစ်၍ ယနေ့ သင်တို့၌ရှိသော အရာအားလုံးနှင့် ကုန်ဆုံးသွားသော မိနစ်တိုင်းကို သင်တို့တန်ဖိုးထားရမည်။ သင်တို့သည် ဤဘဝကို အချည်းနှီး အသက်မရှင်သွားရန်အလို့ငှာ သင်တို့ကိုယ်သင်တို့ အကြီးမားဆုံးသော အကျိုးများပေးနိုင်ရန် သင်တို့၏အချိန်ကို ဖြစ်နိုင်သမျှ အကျိုးဖြစ်ထွန်းအောင် ဆောင်ရွက်ရမည်။ ဤနှုတ်ကပတ်တော်များကို အဘယ်ကြောင့် ငါပြောနေခြင်းနှင့် ပတ်သက်၍ သင်တို့ခေါင်းရှုပ်ကောင်း ခေါင်းရှုပ်နိုင်သည်။ ပွင့်ပွင့်လင်းလင်းပြောပါက သင်တို့အားလုံး၏ ပြုမူ လုပ်ဆောင်ပုံများကို ငါအားမရ မကျေနပ်။ အကြောင်းမှာ သင်တို့အတွက်ထားရှိသော ငါ၏မျှော်လင့်ချက်များသည် သင်တို့ ယခုဖြစ်နေသောအရာမျှသာ မဟုတ်၍ဖြစ်၏။ ဤအကြောင်းကြောင့် ငါဤသို့ပြောနိုင်၏၊ သင်တို့ အယောက်ချင်းစီတိုင်းသည် အန္တရာယ်နှင့် လက်တစ်ကမ်းအလို၌ ရောက်နေကြ၏။ အကူအညီရရန်အတွက် သင်တို့ ယခင်က ဟစ်ကြော်ခဲ့ခြင်းများနှင့် သမ္မာတရားကို လေ့လာလိုက်စားရန်၊ အလင်းကို ရှာဖွေရန်တို့အတွက် သင်တို့၏ အလျင်က ပြင်းပြသော ဆန္ဒများသည် နိဂုံးချုပ်တော့မည်။ ဤသည်မှာ သင်တို့ငါ့ကို နောက်ဆုံးကျေးဇူးဆပ်ပုံဖြစ်ပြီး ထိုအရာကို မည်သည့်အခါမျှ ငါမမျှော်လင့်ခဲ့ပေ။ သင်တို့ကြောင့် ငါအင်မတန် စိတ်ပျက်ခဲ့ရသည့်အတွက် အမှန်တရားများနှင့် ဆန့်ကျင်၍ ပြောရန် ငါအလိုမရှိ။ သင်တို့သည် ဤကိစ္စကို ငုံ့ခံရန် အလိုမရှိ၊ လက်တွေ့အရှိတရားကို ရင်မဆိုင်ရဲသော်လည်း ငါသည် သင်တို့အား ဤမေးခွန်းကို လေးလေးနက်နက် မေးရလိမ့်မည်၊ ဤနှစ်များတစ်လျှောက် သင်တို့၏ နှလုံးသားများထဲ၌ အဘယ်အရာများနှင့် ပြည့်နေခဲ့သနည်း။ မည်သူ့ကို သင်တို့ နှလုံးသားများက သစ္စာစောင့်သိသနည်း။ ဤမေးခွန်းများသည် အလွန်အမင်း ရုတ်ခြည်းဖြစ်လှသည်ဟု မပြောနှင့်၊ ထို့ပြင် ထိုကဲ့သို့သောအရာများကို အဘယ်ကြောင့် ငါမေးသနည်းဟု မမေးမြန်းနှင့်။ ဤအချက်ကို သိထားလော့- သင်တို့ အကြောင်းကို ငါဂဃနဏသိပြီး သင်တို့ကို ငါအင်မတန် ဂရုစိုက်ကာ သင်တို့လုပ်သည့်အရာ၌ ငါ့နှလုံးသားကို များစွာပေးအပ်မြှုပ်နှံထားသည့်အတွက် သင်တို့ကို မပြီးနိုင် မဆုံးနိုင် ဖြေရှင်းခိုင်းကာ ခါးသီးလှသော အခက်အခဲကို ငါသည်းခံခဲ့ခြင်း ဖြစ်သည်။ သို့သော်လည်း သင်တို့သည် အရေးမစိုက်မှုနှင့် မခံမရပ်နိုင်လောက်သော ကျောခိုင်းသွားခြင်း တို့နှင့်သာ ငါ့ကိုပြန်ပေးဆပ်ကြသည်။ သင်တို့သည် ငါ့အပေါ် အလွန်မေ့လျော့ပေါ့ဆနိုင်လွန်းသည်၊ ထိုအရာကို မည်သို့လျှင် ငါလုံးဝမသိဘဲ ရှိမည်နည်း။ ဤအရာဖြစ်နိုင်သည်ဟု သင်တို့ယုံကြည်ပါက သင်တို့သည် ငါ့အပေါ် ကြင်နာခြင်းနှင့် ဧကန်အမှန် မဆက်ဆံကြောင်းကို ထိုအချက်က တိုး၍ သက်သေပြသည်။ သို့အတွက်ကြောင့် သင်တို့သည် မျက်စိမှိတ် နားပိတ်ပြီး မသိချင်ယောင်ဆောင်နေကြသည်ဟု ငါပြောသည်။ သင်တို့အားလုံးသည် အလွန်တော်တတ်နေကြရကား သင်တို့ အဘယ်အရာ လုပ်နေသနည်းဆိုသည်ကိုပင် သင်တို့မသိကြ၊ ထိုသို့ဆိုလျှင် သင်တို့သည် ငါ့ကို ရှင်းပြဖို့ရန် အဘယ်အရာကို အသုံးပြုကြမည်နည်း။

ငါ့အတွက် အလေးအထားရဆုံးမေးခွန်းမှာ သင်တို့၏ နှလုံးသားများသည် မည်သူ့ကို သစ္စာစောင့်သိသနည်း ဟူသည်ပင် ဖြစ်သည်။ သင်တို့အယောက်ချင်းစီတိုင်းသည် မိမိတို့၏အတွေးများကို စုစည်းလျက် မည်သူ့ကို မိမိတို့သစ္စာ စောင့်သိသနည်း၊ မည်သူ့အတွက် မိမိတို့အသက်ရှင်နေ သနည်းဆိုသည်ကို မိမိတို့ကိုယ်မိမိ မေးကြည့်ကြဖို့လည်း ငါမျှော်လင့်သည်။ သင်တို့အနေဖြင့် ဤမေးခွန်းများကို တစ်ခါမျှ ဂရုတစိုက် မစဉ်းစားမဆင်ခြင်ခဲ့ဖူးခြင်းမျိုး ဖြစ်ကောင်းဖြစ်နိုင် သဖြင့် ဤအဖြေများကို သင်တို့အတွက် ငါဖော်ပြပေးမည် ဆိုလျှင် မည်သို့သဘောရသနည်း။

လူသားသည် မိမိအတွက်သာ ရပ်တည်နေထိုင်၍ မိမိကိုယ်ကိုသာ သစ္စာစောင့်သိသည် ဟူသောအချက်ကို မှတ်ဉာဏ်ရှိသူတိုင်း လက်ခံကြလိမ့်မည်။ သင်တို့သည် မိမိတို့၏ သက်ဆိုင်ရာ ဘဝများထဲ၌ ရှင်သန်ရပ်တည်နေကြပြီး အသီးသီးသည် ကိုယ့်ဒုက္ခနှင့်ကိုယ် ရုန်းကန်နေကြရကား သင်တို့၏အဖြေများသည် ရာနှုန်းပြည့်မှန်ကန်မည်ဟု ငါမယုံကြည်။ ထို့ကြောင့် သင်တို့သည် သင်တို့ချစ်သောသူများ၊ သင်တို့ကို စိတ်ကျေနပ်စေသော အရာများကို သစ္စာစောင့်သိကြပြီး သင်တို့ကိုယ်သင်တို့မူ ရာနှုန်းပြည့် သစ္စာမစောင့်သိကြချေ။ သင်တို့နှင့် နီးစပ်ရာလူများ၊ အဖြစ်အပျက်များနှင့် အကြောင်းအရာများက သင်တို့ တစ်ယောက်ချင်းစီကို လွှမ်းမိုးထားသောကြောင့် သင်တို့ကိုယ် သင်တို့ အပြည့်အဝ သစ္စာမစောင့်သိနိုင်ကြခြင်းဖြစ်၏။ သင်တို့အနေဖြင့် မိမိတို့ကိုယ်ကို သစ္စာရှိခြင်းအား ငါထောက်ခံရန် ဤနှုတ်ကပတ်တော်များကို ငါပြောနေခြင်းမဟုတ်ဘဲ တစ်ခုခုအပေါ် သင်တို့၏ သစ္စာစောင့်သိမှုကို ဖော်ထုတ်ဖို့ရန် ပြောခြင်းဖြစ်၏၊ အကြောင်းမှာ နှစ်ပေါင်းမြောက်မြားစွာတစ်လျှောက်တွင် သင်တို့တစ်ဦးတလေထံမှ သစ္စာစောင့်သိမှုကို မည်သည့်အခါမျှ ငါမရရှိခဲ့သောကြောင့်ဖြစ်၏။ သင်တို့သည် ဤနှစ်ပေါင်းများစွာ တစ်လျှောက်လုံးတွင် ငါ့နောက်သို့ လိုက်လျှောက်နေခဲ့ ကြသော်လည်း ငါ့အပေါ်၌ မြူမှုန်မျှပင် သစ္စာမစောင့်သိခဲ့ကြ။ ယင်းအစား သင်တို့သည် သင်တို့ချစ်သောသူများနှင့် သင်တို့ကို စိတ်ကျေနပ်စေသော အရာများကိုသာ အမြဲတမ်း ဗဟိုပြုကြ လွန်းသည့်အတွက် သင်တို့သွားလေရာရာ၌ ထိုအရာများကို သင်တို့မြတ်နိုးတန်ဖိုးထားကြပြီး လုံးဝမစွန့်လွှတ်ကြပေ။ သင်တို့သည် ငါ့နောက်သို့ လိုက်လျှောက်သည့် အချိန်အတော အတွင်း ဖြစ်တတ်သည့် မိမိတို့ချစ်မြတ်နိုးသော အရာတစ်ခုနှင့် ပတ်သက်၍ စိတ်ထက်သန်လာချိန်၊ သို့တည်းမဟုတ် သဲကြီးမဲကြီး ဖြစ်လာသောအချိန်၊ သို့မဟုတ် သင်တို့သည် ငါ့နှုတ်ကပတ်တော်များကို နားထောင်နေချိန်၌ပင်လျှင် ထိုသို့ဖြစ်တတ်ကြသည်။ ထို့ကြောင့် သင်တို့ကို ငါတောင်းဆို သည့်အတိုင်း ငါ့ကို သစ္စာစောင့်သိရမည့်အစား သင်တို့သည် မိမိတို့၏ “အချစ်တော်များ” ကိုသာ သစ္စာစောင့်သိပြီး ချစ်ခင်မြတ်နိုးကြသည်ဟု ငါပြောမည်။ ငါ့အတွက် တစ်ခု၊ နှစ်ခုမျှ သင်တို့ စွန့်လွှတ်နိုင်ကောင်း စွန့်လွှတ်နိုင်သော်ငြားလည်း ထိုအရာသည် သင်တို့၏ အရာအားလုံးကို ကိုယ်စားမပြု၊ သင်တို့ အမှန်တကယ် သစ္စာစောင့်သိသူမှာ ငါဖြစ်သည်ဆိုခြင်းကိုလည်း မပြသပေ။ သင်တို့သည် သင်တို့အရူးအမူးဖြစ်သောအရာကို လုပ်ဆောင်ခြင်းများနှင့်သာ ဆက်စပ်ပတ်သက်ချင်ကြ၏- အချို့က သားနှင့်သမီးများအပေါ် သစ္စာစောင့်သိကြသည်၊ အချို့မှာမူ လင်ယောက်ျား၊ ဇနီးမယား၊ စည်းစိမ်ဥစ္စာ၊ အလုပ်အကိုင်၊ အထက်လူကြီး၊ ဂုဏ်အရှိန်အဝါ၊ သို့မဟုတ် မိန်းမများအပေါ် သစ္စာစောင့်သိကြသည်။ သင်တို့ သစ္စာစောင့်သိသော အရာများအတွက် သင်တို့သည် စိတ်ပင်ပန်းခြင်း၊ သို့မဟုတ် စိတ်အနှောင့်အယှက်ဖြစ်ခြင်းမျိုး မည်သည့်အခါမျှ မရှိကြပေ၊ ထိုအစား သင်တို့သည် သင်တို့သစ္စာစောင့်သိသည့်အရာများကို သာ၍မြင့်မားသော အရည်အသွေးနှင့် သာ၍များသော အရေအတွက်ပါ ပိုင်ဆိုင်ဖို့ရန် တိုး၍ တောင့်တကြပြီး မည်သည့်အခါမျှ စိတ်ပျက် အားလျော့ခြင်း မရှိချေ။ ငါကိုယ်တိုင်နှင့် ငါ၏ နှုတ်ကပတ်တော်များသည် သင်တို့ အရူးအမူးဖြစ်နေသော အရာများ၏နောက်ဆုံးကို အမြဲတွန်းပို့ခံနေရသည်။ ထိုအရာများကို နောက်ဆုံး၌ နေရာချရန်မှလွဲ၍ သင်တို့မှာ အခြားရွေးစရာမရှိ။ မိမိတို့ ယခုတိုင် ရှာမတွေ့သေးသော သစ္စာစောင့်သိရမည့်အရာအတွက် ထိုနောက်ဆုံးနေရာကိုပင် ကွက်လပ်ချန်ထားကြသောသူများပင် ရှိကြသေး၏။ ထိုသူတို့၏ နှလုံးသားများထဲ၌ ငါဟူသည်မှာ အရိပ်အယောင်မျှပင် တစ်ခါမျှ မရှိခဲ့စဖူး။ သင်တို့ကို ငါတောင်းဆိုသောအရာများ များလွန်း နေ၏၊ သို့မဟုတ် ငါသည် သင်တို့ကို အမှားမှားအယွင်းယွင်း စွပ်စွဲနေသည်ဟု သင်တို့ ထင်ကောင်းထင်လိမ့်မည်၊ သို့သော် သင်တို့မိသားစုများနှင့် ပျော်ရွှင်စွာ အချိန်ဖြုန်းနေသည့်အချိန်၌ သင်တို့သည် ငါ့ကို တစ်ကြိမ်တစ်ခါမျှ သစ္စာမစောင့်သိခဲ့ ဆိုသည့်အချက်ကို သင်တို့စဉ်းစားမိကြ၏လော။ ဤကဲ့သို့သော အချိန်များ၌ သင်တို့ မနာကျင်ကြသလော။ သင်တို့၏ နှလုံးသားများသည် ဝမ်းမြောက်ခြင်းနှင့် ပြည့်နှက်နေသောအခါ၊ သင်တို့၏ အားထုတ်မှုများအတွက် ဆုချခံရသောအခါ သင်တို့သည် မိမိတို့ကိုယ်မိမိ လုံလောက်သော သမ္မာတရားနှင့် ဖြည့်ဆည်းမထားသည်ကို အားမငယ်သလော။ ငါ၏ ထောက်ခံချက် မရသဖြင့် သင်တို့သည် မည်သည့်အချိန်က ငိုကြွေးခဲ့ကြဖူးသနည်း။ သင်တို့၏ သားများ၊ သမီးများအတွက် သင်တို့သည် ဦးနှောက်အခြောက်ခံ၊ ဒုက္ခအကြီးအကျယ်ခံ နေသော်လည်း သင်တို့သည် အားမရနိုင်သေး၊ သူတို့အတွက် သင်တို့၏ကြိုးစားမှုက မလုံလောက်သေး၊ သူတို့အတွက် သင်တို့၏လုံ့လအားလုံးကို မပေးအပ် မမြှုပ်နှံရသေးဟု သင်တို့ ယုံကြည်နေကြ၏။ သို့သော် ငါ့ကိုမူ သင်တို့သည် အမြဲတမ်း မေ့လျော့ပေါ့ဆ၍ ဂရုမစိုက်ဘဲ နေကြသည်၊ ငါ့ကို သင်တို့၏ မှတ်ဉာဏ်များထဲ၌သာထားပြီး သင်တို့၏ နှလုံးသားထဲ၌ကား ငါ့ကို ကြာရှည် တည်နေစေခြင်းမရှိ။ သင်တို့အပေါ်ထားသော ငါ၏ပေးအပ်မြှုပ်နှံမှုနှင့် လုံ့လများကို သင်တို့သည် အမြဲတမ်း မခံစားကြဘဲ နားလည်အသိအမှတ်ပြုမှုလည်း သင်တို့၌ တစ်စက်မျှ မရှိခဲ့ကြ။ သင်တို့သည် အတိုချုံးသာ နှိုင်းဆဆင်ခြင်ကြပြီး ထိုအရာမှာ လုံလောက်ပြီဟု ယုံကြည်ကြသည်။ ဤသို့သော “သစ္စာစောင့်သိမှု” မျိုးမှာ ကြာမြင့်စွာ ငါတောင့်တခဲ့သောအရာ မဟုတ်ဘဲ ကြာမြင့်စွာ ကတည်းက ငါစက်ဆုပ်သောအရာဖြစ်သည်။ သို့သော် ငါအဘယ်အရာကို ပြောသည်ဖြစ်စေ သင်တို့သည် တစ်ခု၊ နှစ်ခုကိုသာ ဆက်လက်ဝန်ခံနေကြပြီး အပြည့်အဝ လက်ခံရန်မူ မတတ်နိုင်ကြ၊ အကြောင်းမှာ သင်တို့အားလုံးသည် သင်တို့ကိုယ်သင်တို့ အလွန် “ယုံကြည်စိတ်ချ” နေကြပြီး ငါပြောသော နှုတ်ကပတ်တော်များထဲမှ အဘယ်အရာအား လက်ခံရမည်ကို သင်တို့သည် အမြဲတမ်း ရွေးချယ် ကောက်ယူကြ၏။ အကယ်၍ သင်တို့သည် ယနေ့တွင် ဤအတိုင်း ရှိနေသေးပါက သင်တို့၏ မိမိတို့ကိုယ်မိမိ ယုံကြည်နေမှုကို တုံ့ပြန်ဖို့နည်းလမ်းအချို့ ငါ၌ရှိသည်။ ထို့အပြင် ငါ၏ နှုတ်ကပတ်တော်အားလုံးသည် မှန်ကန်ကြောင်းနှင့် အချက်အလက်ကို လိုရာဆွဲ၍ မမှန်မကန်ပြောဆိုခြင်း မဟုတ်ကြောင်း သင်တို့လက်ခံလာအောင် ငါပြုမည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်မည်သူ့ကို သစ္စာစောင့်သိသနည်း” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၃၃)

အကယ်၍ ယခုတွင် ငါသည် သင်တို့ရှေ့၌ ငွေကြေးအချို့ကို ပုံပေးပြီး လွတ်လပ်စွာ ရွေးချယ်ခွင့်ပေးပါက၊ ထို့ပြင် ငါသည် သင်တို့၏ ရွေးချယ်မှုအတွက် သင်တို့ကို ပြစ်တင်ရှုတ်ချမည် မဟုတ်ပါက အများစုသည် ငွေကြေးကိုသာ ရွေးပြီး သမ္မာတရားကို ပစ်ပယ်ကြပေလိမ့်မည်။ သင်တို့ထဲက ပိုကောင်းသောလူများသည် ငွေကြေးကို မယူဘဲ သမ္မာတရားကို အင်တင်တင်နှင့် ရွေးချယ်ကြလိမ့်မည်၊ ထိုနှစ်မျိုးကြားထဲမှ လူများမှာမူ လက်တစ်ဖက်နှင့် ငွေကြေးကို ဖမ်းကိုင်လျက် ကျန်လက်တစ်ဖက်နှင့် သမ္မာတရားကို ဖမ်းကိုင်ကြလိမ့်မည်။ ဤနည်းနှင့်ဆိုပါက သင်တို့၏ ဗီဇရုပ်များသည် ပကတိအတိုင်း ရှင်းသွားလိမ့်မည် မဟုတ်လော။ သမ္မာတရားနှင့် သင်တို့သစ္စာစောင့်သိသော အရာတစ်ခုခုကို ရွေးကြစတမ်း ဆိုပါက သင်တို့အားလုံးသည် ထိုကဲ့သို့သော ရွေးချယ်မှုမျိုးကိုသာ ပြုကြလိမ့်မည်ဖြစ်ပြီး သင်တို့၏ သဘောထားသည် တစ်ပုံစံတည်း ရှိနေရစ်မည်ဖြစ်သည်။ ထိုသို့ဖြစ်သည် မဟုတ်လော။ သင်တို့ထဲ၌ အမှားနှင့် အမှန်ကြား ဗျာများနေသောသူများ များစွာရှိသည် မဟုတ်လော။ အပြုသဘောနှင့် အနုတ်သဘော၊ အဖြူနှင့် အမည်းကြားရှိ ယှဉ်ပြိုင်ပွဲများ၌ သင်တို့သည် မိသားစုနှင့် ဘုရားသခင်ကြား၊ သားသမီးများနှင့် ဘုရားသခင်ကြား၊ ငြိမ်းချမ်းခြင်းနှင့် ပြိုကွဲပျက်စီးခြင်းကြား၊ ချမ်းသာခြင်းနှင့် ဆင်းရဲခြင်းကြား၊ ဂုဏ်ဒြပ်ရှိခြင်းနှင့် ဂုဏ်ဒြပ်မဲ့ခြင်းကြား၊ ထောက်ခံမှုခံရခြင်းနှင့် ဘေးဖယ်ထားမှုခံရခြင်း အစရှိသည်တို့အကြား၌ သင်တို့ပြုခဲ့သော ရွေးချယ်မှုများကို သင်တို့ အသေအချာသိသည်။ ငြိမ်းချမ်းသော မိသားစုနှင့် အိမ်ထောင်ကွဲ မိသားစုအကြားဆိုလျှင် သင်တို့သည် တုံ့ဆိုင်းမနေဘဲ ပထမတစ်ခုကို ရွေးကြသည်၊ စည်းစိမ်ဥစ္စာနှင့် တာဝန်ဝတ္တရား ဆိုလျှင်လည်း ကမ်းခြေသို့ ပြန်ဆိုက်လိုစိတ်ပင် မရှိဘဲက ပထမတစ်ခုကိုသာ ထပ်ရွေးကြသည်၊ စည်းစိမ်ရှိခြင်းနှင့် ဆင်းရဲမှုအကြားဆိုလျှင်လည်း ပထမတစ်ခုကိုသာ ရွေးကြသည်၊ သမီး၊ သား၊ ဇနီး၊ ယောက်ျားနှင့် ငါ၏အကြားဆိုလျှင်လည်း ပထမတစ်ခုကိုသာ ရွေးကြသည်၊ အယူအဆနှင့် သမ္မာတရား ဆိုလျှင်လည်း ပထမတစ်ခုကိုသာ ရွေးကြသည်။ သင်တို့၏ ဒုစရိုက်လုပ်ရပ်များ အားလုံးကို ရင်ဆိုင်ရပြီးသောနောက် သင်တို့အပေါ်ထားသော ငါ၏ယုံကြည်မှုမှာ လုံးဝပင် ပျောက်ဆုံးသွား၏။ သင်တို့၏စိတ်နှလုံးများသည် ပျော့ပျောင်းဖို့ တင်းခံနိုင်လွန်းကြသည်ကို ငါအလွန်အံ့သြမိသည်။ ကြည့်ရ သရွေ့ နှစ်ပေါင်းများစွာတိုင်အောင် ပေးအပ်မြှုပ်နှံမှုနှင့် လုံ့လထုတ်မှုသည် ကျောခိုင်းမှုနှင့် သင်တို့၏ စိတ်ပျက် အားလျော့ခြင်းတို့ကိုသာ ငါ့ထံယူဆောင်လာပေးခဲ့သည်။ သို့သော် တစ်ယောက်ချင်းစီ၏ရှေ့၌ ငါ၏နေ့ရက်ကို အလုံးစုံချခင်းထားပြီး ဖြစ်သည့်အတွက် သင်တို့အပေါ်ထားသော ငါ၏မျှော်လင့်ချက်များမှာ တစ်နေ့ပြီးတစ်နေ့ ပိုကြီးထွားလာ၏။ သို့သော်လည်း သင်တို့သည် အမှောင်ထုအပြင် မကောင်းမှုနှင့် သက်ဆိုင်သောအရာများကို မလျှော့တမ်း ရှာဖွေနေကြပြီး ၎င်းတို့ကို စွန့်လွှတ်ဖို့ ငြင်းဆန်ကြသည်။ ထိုသို့ဆိုလျှင် သင်တို့၏ ရလဒ်ကား အဘယ်အရာဖြစ်မည်နည်း။ ဤအကြောင်းကို သင်တို့ သေသေချာချာ တွေးကြည့်ဖူးသလော။ အကယ်၍ သင်တို့ကို ထပ်ရွေးခိုင်းပါက သင်တို့၏ရပ်တည်ချက်သည် မည်သို့ဖြစ်လိမ့်မည်နည်း။ ယခင်အတိုင်းပင် ဖြစ်ကြဦးမည်လော။ သင်တို့က ငါ့ကို စိတ်ပျက်မှုနှင့် စုတ်ချာချာ ဝမ်းနည်းမှုတို့ကို ထပ်ပေးဦးမည်လော။ သင်တို့၏ နှလုံးသားများသည် ငွေ့ငွေ့လေးသာ နွေးနေဦးမည်လော။ ငါ၏ နှလုံးသားကို နှစ်သိမ့်စေဖို့ရန်အတွက် အဘယ်အရာလုပ်ရမည်ကို သင်တို့ မသိဘဲနေဦးမည်လော။ ယခုအခိုက်အတန့်၌ သင်တို့သည် အဘယ်အရာကို ရွေးချယ်မည်နည်း။ သင်တို့အနေဖြင့် ငါ၏နှုတ်ကပတ်တော်များကို နာခံမည်လော၊ ငြီးငွေ့မည်လော။ ငါ၏နေ့ရက်ကို သင်တို့၏ ရှေ့မှောက်၌ ချခင်းထားပြီးပြီဖြစ်ကာ သင်တို့ရင်ဆိုင်ရသောအရာမှာ ဘဝသစ်နှင့် အစပြုမှတ်အသစ် ဖြစ်သည်။ သို့သော် ဤအစပြုမှတ်အသစ်ဆိုသည်မှာ အတိတ်က အလုပ်သစ်တစ်ခု၏ အစမဟုတ်ဘဲ အလုပ်ဟောင်း၏ အဆုံးသတ်ဖြစ်သည်။ တစ်နည်းအားဖြင့် ဤသည်မှာ နောက်ဆုံးအလုပ်ဖြစ်၏။ ဤအစပြုမှတ်နှင့်ပတ်သက်၍ အဘယ် အရာက တစ်မူထူးခြားသည်ကို သင်တို့အားလုံး နားလည်ကြ မည်ဟု ငါယုံကြည်၏။ သို့သော် မကြာမီတစ်နေ့တွင် သင်တို့သည် ဤအစပြုမှတ်၏ စစ်မှန်သော အဓိပ္ပာယ်ကို နားလည်လာမည် ဖြစ်သည့်အတွက် ၎င်းကို အတူတကွ ဖြတ်ကျော်ပြီး လာမည့်ဇာတ်သိမ်းပိုင်းကို ကြိုဆိုကြစို့။ သို့သော် ငါစိတ်မသက်မသာဖြစ်နေဆဲ အကြောင်းမှာ အဓမ္မနှင့် ဓမ္မကို ရင်ဆိုင်ရသောအခါ သင်တို့သည် အဓမ္မကို အမြဲ ရွေးချယ်နေကြဆဲ ဖြစ်သည့်အကြောင်းပင်။ သို့သော် ထိုအရာအားလုံးသည် သင်တို့အတိတ်ကဖြစ်သည်။ သင်တို့၏ အတိတ်က အရာအားလုံးကို ငါသည်လည်း မေ့ပစ်ချင်၏၊ သို့သော် ဤအရာ ပြုလုပ်ရန်မှာ ခက်ကားခက်လှ၏။ သို့ဖြစ်စေကာမူ ဤသည်ကို လုပ်နိုင်မည့် အလွန် ကောင်းသောနည်းလမ်းတစ်ခု ငါ၌ရှိ၏။ အနာဂတ်သည် အတိတ်ကို အစားထိုးပါစေ၊ သင်တို့၏ ယနေ့ သရုပ်မှန်အတွက် အတိတ်က အရိပ်များကို လွင့်ပြယ်သွားခွင့်ပေးလော့။ ထို့ကြောင့် နောက်ထပ်တစ်ခါ ရွေးချယ်မှုပြုရန် ငါသည် သင်တို့ကို ဒုက္ခပေးရပေဦးမည်၊ ထိုအခါ သင်တို့အနေဖြင့် မည်သူ့ကို သစ္စာစောင့်သိသည်ကို ငါတို့ အတိအကျသိရပေလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်မည်သူ့ကို သစ္စာစောင့်သိသနည်း” မှ

အောက်ခြေမှတ်စု(များ)-

က။ ကမ်းခြေသို့ ပြန်ဆိုက်- ဤသည်မှာ တရုတ်ဓလေ့သုံးစကားဖြစ်ပြီး “ဒုစရိုက်လမ်းများကို ကျောခိုင်းသည်” ဟု အဓိပ္ပာယ်ရ၏။

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၃၄)

ပန်းတိုင်အကြောင်းကို ပြောသည့်အခါတိုင်း သင်တို့သည် ထိုအကြောင်းအရာကို အထူးအလေးအနက်ထား ပြောဆိုတတ်ကြသည်။ သင်တို့အားလုံးသည် ထိုကိစ္စနှင့်ပတ်သက်လျှင် အထူးတလည် ထိလွယ်ရှလွယ်တတ်ကြသည်။ အချို့သောပုဂ္ဂိုလ်များသည် ကောင်းမွန်သော ပန်းတိုင်တစ်ခုကို အဆုံးတွင် ရဖို့အတွက် ဘုရားသခင်ကို အလွန်ပင် ဦးညွှတ်ပြပ်ဝပ်ချင်နေကြသည်။ သင်တို့၏ စိတ်အားထက်သန်မှုကို ငါနားလည်နိုင်သည်။ စကားလုံးများဖြင့် သင်တို့ ထုတ်ပြောစရာ မလိုပေ။ သင်တို့သည် သင်တို့၏ ခန္ဓာ ဘေးဒုက္ခခံရမှာကို လုံးဝ အလိုမရှိကြ။ နောင်အနာဂါတ်တွင် ကြာရှည်စွာ အပြစ်ပေးခံရမည်ကို ပို၍ပင် မလိုလားကြ။ သင်တို့သည် ဘဝကို သာ၍ လွတ်လပ်လွယ်ကူစွာ ဖြတ်သန်းဖို့ကိုသာ မျှော်လင့်ကြသည်။ ထို့အတွက်ကြောင့် ပန်းတိုင်အကြောင်း ပြောသည့်အခါတိုင်း သင်တို့ အထူးတလည် စိတ်လှုပ်ရှားတတ်ကြသည်။ သေသေချာချာ အာရုံမစိုက်လျှင် ဘုရားသခင်ကို စော်ကားမိပြီး ဒဏ်ခတ်ခံရမည်ကို အလွန်အမင်း ကြောက်ရွံ့နေကြသည်။ သင်တို့၏ ပန်းတိုင်ကို ရောက်ဖို့အတွက် အလျော့အတင်းပြုလုပ်ရန် သင်တို့ တုံ့ဆိုင်းမနေခဲ့ကြ။ သင်တို့အထဲမှ တစ်ချိန်က ဉာဏ်နီဉာဏ်နက်များပြီး ပေါ့ပေါ့ဆဆ နေထိုင်ခဲ့ကြသည့် သူတော်တော်များများသည်ပင်လျှင် ရုတ်ခြည်းပင် အထူးနူးညံ့သိမ်မွေ့ပြီး စိတ်ရင်းဖြင့် လုပ်ဆောင်လာကြသည်။ သင်တို့၏ စိတ်ရင်းဖြင့် လုပ်ဆောင်မှုသည် ကျောစိမ့်စဖွယ်ပင် ဖြစ်သည်။ မည်သို့ပင်ဆိုစေကာမူ သင်တို့အားလုံးသည် “ရိုးသားသော” နှလုံးသားကို ပိုင်ဆိုင်ကြသည်။ အစမှအဆုံးတိုင် သင်တို့သည် ငါ့အားရင်ဖွင့်ပြောဆိုခဲ့ကြသည်။ သင်တို့၏ နှလုံးသားထဲမှ မည်သည့် လျှို့ဝှက်ချက်ကိုမျှ မဖုံးကွယ်ခဲ့ကြ။ အပြစ်တင်မှု၊ လိမ်လည်လှည့်ဖြားမှု သို့မဟုတ် သစ္စာရှိမှု တို့နှင့် ဆိုင်သော လျှို့ဝှက်ချက်များ ဖြစ်ပါစေ သင်တို့သည် ငါ့အား ရင်ဖွင့် ပြောဆိုခဲ့ကြသည်။ ခြုံပြောရလျှင် သင်တို့သည် သင်တို့ နှလုံးသား၏ အနက်ရှိုင်းဆုံးနေရာမှ ပဓာနကျသော အရာများကို အလွန်ပွင့်လင်းစွာ ငါအား ဝန်ခံခဲ့ပြီးဖြစ်သည်။ မှန်ပါသည်၊ ထိုကိစ္စများသည် ငါ့အတွက် ကြုံတွေ့နေကျကိစ္စများလို ဖြစ်နေပြီ ဖြစ်သဖြင့် ငါသည် မည်သည့်အခါမှ ထိုကိစ္စများကို မရှောင်လွှဲခဲ့ပေ။ သင်တို့သည် ဘုရားသခင်၏ ထောက်ခံမှုကို ရရှိဖို့ ဆံချည်တစ်မျှင် စွန့်ရမည်ထက် သင်တို့၏ ပန်းတိုင်ကို ရောက်ဖို့အတွက် မီးပင်လယ်ထဲသို့သာ ဆင်းလိုကြသည်။ ဤသို့ဆိုသော်လည်း ငါသည် သင်တို့အား အလွန်အမင်း တရားသေ ဆက်ဆံနေခြင်း မဟုတ်။ သင်တို့၏ သစ္စာရှိသော နှလုံးသားသည် ငါလုပ်သမျှကို ရင်ဆိုင်ဖို့ အလွန်တရာပင် လုံလောက်မှု မရှိသောကြောင့် ဖြစ်သည်။ ငါဆိုလိုသည့်အရာကို သင်တို့ နားလည်ချင်မှ နားလည်ပေမည်။ ထို့ကြောင့် သင်တို့ကို ရိုးစင်းသည့် ရှင်းလင်းချက်လေးတစ်ခု ပေးမည်။ သင်တို့ လိုအပ်သည့်အရာသည် သမ္မာတရားနှင့် အသက် မဟုတ်၊ မည်သို့ပြုမူဆောင်ရွက်ရမည်ဟူသော နိယာမများလည်း မဟုတ်၊ အထူးသဖြင့် ငါအပတ်တကုတ် အားထုတ်ကြိုးပမ်းလုပ်ဆောင်ထားသည့် အလုပ်လည်း မဟုတ်ပေ။ သင်တို့ လိုအပ်သောအရာမှာ ရုပ်ပိုင်းဆိုင်ရာ ပိုင်ဆိုင်မှုများဖြစ်သော ချမ်းသာကြွယ်ဝမှု၊ အဆင့်အတန်း၊ မိသားစု၊ အိမ်ထောင်ရေးစသည်တို့ ဖြစ်သည်။ ငါ၏ နှုတ်ကပတ်တော်များနှင့် ငါ၏အလုပ်ကို သင်တို့သည် လုံးဝ ဥပေက္ခါပြုထားကြသည်။ ထို့ကြောင့် သင်တို့၏ ယုံကြည်ခြင်းကို “နိုးကြားတက်ကြွမှုမရှိသော ယုံကြည်ခြင်း” ဟု ငါပြောနိုင်သည်။ သင်တို့သည် သင်တို့ လုံးလုံးလျားလျား ဆပ်ကပ်ထားသော အရာများကို ရဖို့အတွက် ဘာမဆို လုပ်လိုကြသော်လည်း သင်တို့၏ ယုံကြည်ခြင်းအကျိုးအတွက်ဆိုလျှင်တော့ မည်သည့်အရာကိုမျှ မပစ်ပယ်လိုကြကြောင်းကို ငါသိပြီးဖြစ်သည်။ သင်တို့သည် အတော်အသင့်သာ သစ္စာရှိပြီး အတော်အသင့်သာ လေးလေးနက်နက်ရှိကြသည်။ ထို့ကြောင့် စိတ်နှလုံးထဲ၌ အပြည့်အဝ ရိုးသားမှု မရှိသူများသည် ဘုရားသခင်ကို ယုံကြည်ခြင်း မရှိသည့် ရှုံးနိမ့်သူများဟု ငါပြောခြင်း ဖြစ်သည်။ သေချာစဉ်းစားကြည့်ပါ။ သင်တို့အထဲတွင် ရှုံးနိမ့်သူများစွာ ရှိပါသလား။

ဘုရားသခင်အားယုံကြည်ရာ၌ အောင်မြင်မှုဆိုသည်မှာ မိမိတို့၏ ဆောင်ရွက်ချက်များကြောင့် ရရှိသည့်အရာ ဖြစ်ကြောင်းကို သင်တို့ သိသင့်သည်။ မအောင်မြင်ဘဲ အရှုံးနှင့်ရင်ဆိုင်ရခြင်းသည်လည်း အခြားအကြောင်းအချက်များကြောင့် မဟုတ်၊ မည်သူမပြု မိမိမှုသာ ဖြစ်သည်။ သင်တို့သည် ဘုရားသခင်ကို ယုံကြည်ရမည့်အစား ပိုမိုခက်ခဲပြီး ပို၍ ဒုက္ခခံရမည့် အလုပ်တစ်ခုခုကိုသာ ပြီးအောင် လုပ်လိုကြသည်။ ထိုသို့သောကိစ္စကိုသာ သင်တို့ အလွန်အလေးအနက်ထား လုပ်ဆောင်လိုသည်ကို ငါယုံကြည်သည်။ ထိုသို့သောကိစ္စနှင့် ပတ်သက်လျှင် သင်တို့သည် အမှားတစ်ခုမျှပင် မလုပ်လိုကြ။ ယင်းသည် သင်တို့အားလုံး အသက်တာ၌ မရပ်မနား ကြိုးပမ်းလုပ်ဆောင်နေသည့် အရာများ ဖြစ်သည်။ သင်တို့သည် သင်တို့မိသားစုဝင်တစ်ဦးတစ်ယောက်ကိုမျှ လိမ်လည်လှည့်ဖြားမည် မဟုတ်သည့် အခြေအနေမျိုးတွင်ပင် ဇာတိခန္ဓာထဲရှိ ငါ့ကို လိမ်လည်လှည့်ဖြားနိုင်ကြသည်။ ဤသည်မှာ သင်တို့ အစဉ်အမြဲ လုပ်ဆောင်လေ့ရှိသည့် လုပ်ရပ်တစ်ခုဖြစ်သလို သင်တို့ဘဝတွင် လက်တွေ့ကျင့်သုံးသောမူလည်း ဖြစ်သည်။ သင်တို့၏ ပန်းတိုင်ကို ရောက်နိုင်ဖို့၊ လှပ၍ ပျော်ရွှင်ဖွယ်ကောင်းသော ပန်းတိုင်တစ်ခုရှိဖို့နှင့် ငါ့ကို လိမ်လည်လှည့်ဖြားဖို့အတွက် သင်တို့သည် ယုံမှားစေသော ပုံရိပ်ကို ပျိုးထောင်နေကြသည် မဟုတ်လော။ သင်တို့၏ သစ္စာနှင့် ရိုးသားမှုသည် ယာယီသာ ဖြစ်ကြောင်း ငါ သတိထားမိသည်။ သင်တို့၏ ဆန္ဒများနှင့် သင်တို့၏ ပေးဆပ်သည့် အရာသည် အနာဂတ်အတွက်မဟုတ် လတ်တလောအတွက်သာ ဖြစ်သည် မဟုတ်လော။ သာယာလှပသည့် ပန်းတိုင်တစ်ခုသို့ သေချာပေါက် ရောက်ရှိရန် သင်တို့သည် နောက်ဆုံးအနေဖြင့် တစ်ကြိမ်တစ်ခုသာ ကြိုးစားအားထုတ်လိုကြသည်။ သင်တို့၏ ရည်ရွယ်ချက်မှာ အပေးအယူပြုလုပ်ဖို့သာ ဖြစ်သည်။ သမ္မာတရားအတွက် ကျေးဇူးသိသောကြောင့် မဟုတ်၊ ငါပေးဆပ်ခဲ့သည့် တန်ဖိုးနှင့်အညီ ငါ့ကို ပြန်လည် ပေးဆပ်ဖို့အတွက်လည်း မဟုတ်ပေ။ တစ်နည်းဆိုသော် သင်တို့သည် ပါးနပ်လိမ်မာစွာသာ ဆောင်ရွက်လိုကြသည်။ ကိုယ်လိုတာကို ရဖို့အတွက် ကြိုးပမ်းလိုသည့် ဆန္ဒမရှိကြ။ ဤသည်မှာ သင်တို့၏ နှလုံးသားထဲမှဆန္ဒ မဟုတ်ပါသလော။ သင်တို့ ဟန်မဆောင်ကြနှင့်၊ ထိုအပြင် မအိပ်နိုင်၊ မစားနိုင်ဖြစ်သည်အထိ သင်တို့၏ ပန်းတိုင်အကြောင်း ခေါင်းပေါက်အောင် မစဉ်းစားကြနှင့်။ အဆုံးတွင် သင်တို့၏ ပန်းတိုင်ကို အဆုံးအဖြတ်ပေးပြီး ဖြစ်မည်မှာ အမှန်ပင် မဟုတ်ပါလော။ သင်တို့သည် ပွင့်လင်းပြီး တည်ကြည်သော နှလုံးသားများဖြင့် သင်တို့၏တာဝန်ကို ကျေပွန်အောင် အစွမ်းကုန် လုပ်ဆောင်သင့်သည်၊ မည်သည့်အရာကိုမဆို ပေးဆပ်ဖို့ ဝန်မလေးဘဲ လုပ်ဆောင်လိုသောစိတ် ရှိသင့်သည်။ သင်တို့ ပြောခဲ့ကြသည့်အတိုင်း နေ့ရက်အချိန် ကျရောက်သည့်အခါ ဘုရားသခင်သည် သူ့အတွက် ဒုက္ခခံခဲ့သူ သို့မဟုတ် ပေးဆပ်ခဲ့သူ မှန်သမျှအပေါ် တာဝန်ပေါ့လျော့မည် မဟုတ်ပေ။ ဤခံယူချက်မျိုးသည် စွဲကိုင်ထားထိုက်သည့် ခံယူချက်မျိုးဖြစ်ပြီး ထိုအရာကို သင်မည်သည့်အခါမျှ မမေ့သင့်ပေ။ ဤနည်းအားဖြင့်သာ သင်တို့ကို ငါစိတ်ချနိုင်မည်ဖြစ်သည်။ သို့မဟုတ်လျှင် သင်တို့နှင့်ပတ်သက်၍ မည်သည့်အခါမျှ ငါစိတ်အေးလက်အေးနေနိုင်မည် မဟုတ်သည့်အပြင် သင်တို့သည် ငါ၏ မနှစ်မြို့ခြင်းခံရသူများ အစဉ်ဖြစ်နေလိမ့်မည်။ သင်တို့အားလုံးသည် သင်တို့၏ သြတပ္ပစိတ်ကို နာခံပြီး ငါ့အတွက် သင်၏အရာအားလုံးကို ပေးဆပ်ကာ ငါ၏အလုပ်အတွက် အစွမ်းကုန်ကြိုးစားရုံသာမက ငါ၏ဧဝံဂေလိလုပ်ငန်းအတွက် တစ်သက်လုံး ကြိုးပမ်းဆောင်ရွက်နိုင်မည်ဆိုပါက ငါ၏နှလုံးသားသည် သင်တို့အတွက် ဝမ်းမြောက်မှုဖြင့် မကြာခဏခုန်ပေါက်နေမည် မဟုတ်လော။ သင်တို့နှင့်ပတ်သက်၍ ငါ လုံးလုံးစိတ်ချနိုင်မည် မဟုတ်လော။ သင်တို့လုပ်ဆောင်နိုင်သည့်အရာသည် ငါမျှော်လင့်ထားသည့်အရာ၏ အလွန်သေးနုတ်သည့် အစိတ်အပိုင်းလေးတစ်ခုမျှသာ ဖြစ်နေသည်မှာ ရှက်ဖွယ်လိလိပင် ဖြစ်သည်။ ဤအခြေအနေမျိုးတွင် သင်တို့သည် သင်တို့မျှော်လင့်ထားသည့်အရာကို ငါ့ထံမှ ရှာဖွေရန် မည်သို့လျှင် အတင့်ရဲနိုင်မည်နည်း။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ပန်းတိုင်” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၃၅)

သင်တို့၏ ပန်းတိုင်နှင့် ကံကြမ္မာသည် သင်တို့အတွက် အလွန်အရေးကြီးသည်။ ယင်းတို့သည် သင်တို့ အလွန်စိတ်ဝင်စားသည့် ကိစ္စများဖြစ်သည်။ သင်တို့သည် ကိစ္စများကို ဆောင်ရွက်သောအခါ၌ အထူး ဂရုစိုက်ဆောင်ရွက်ခြင်း မရှိလျှင် ပန်းတိုင် မရှိခြင်းနှင့်တူသည်၊ သင်တို့၏ ကံကြမ္မာကို ဖျက်ဆီးခြင်းပင်ဖြစ်သည်ဟု သင်တို့ ယုံကြည်ကြသည်။ သို့သော် ပန်းတိုင်အတွက်သာ ကြိုးပမ်းအားထုတ်ခြင်းသည် အကျိုးမဲ့သည့် အားထုတ်မှုဖြစ်သည်ကို သင်တို့ သတိပြုမိပါသလား။ ထိုသို့သော ကြိုးပမ်းအားထုတ်မှုမျိုးသည် စစ်မှန်သော အားထုတ်မှု မဟုတ်၊ အတုအယောင်၊ အလိမ်အညာသာ ဖြစ်သည်။ ဤသို့ဖြစ်ပါက မိမိတို့၏ ပန်းတိုင်အတွက် လုပ်ဆောင်သော သူတို့သည် အဆုံး၌ ရှုံးနိမ်ကြလိမ့်မည်။ အဘယ်ကြောင့်ဆိုသော် လိမ့်လည်လှည့်ဖျားမှုကြောင့် ဘုရားသခင်ကို လူတို့၏ယုံကြည်ခြင်း၌ ကျရှုံးမှုများဖြစ်ပေါ်သောကြောင့် ဖြစ်သည်။ ငါသည် မြှောက်ပင့်ခြင်း၊ ဖော်လံဖားခြင်း၊ စိတ်အားထက်သန်စွာ ဆက်ဆံခြင်းတို့ကို မခံလိုကြောင်းကို အရင်က ပြောခဲ့ပြီးဖြစ်သည်။ ငါသည် ရိုးသားသောသူများအား ငါ၏သမ္မာတရားနှင့် မျှော်လင့်ချက်များကို လက်ခံစေလိုသည်။ ထို့အပြင် လူအများက ငါ့အတွက် စဉ်းစားပေးပြီး ငါ့ကို အထူးဂရုစိုက်နိုင်စွမ်းရှိကာ ငါ့အတွက် အရာအားလုံးကို စွန့်လွှတ်နိုင်စွမ်းရှိသည်ကို ငါနှစ်သက်သည်။ ဤနည်းအားဖြင့်သာလျှင် သင်တို့သည် ငါ၏ စိတ်နှလုံးကို နှစ်သိမ့်နိုင်သည်။ ယခုအချိန်တွင် သင့်တို့ထံ၌ ငါ မနှစ်သက်သည့်အချက် မည်မျှရှိသနည်း။ ငါနှစ်သက်သည့် အချက် မည်မျှများများ ရှိသနည်း။ သင်တို့၏ ပန်းတိုင်ကို ရောက်အောင်ကြိုးစားလုပ်ဆောင်စဉ် သင်တို့၌ တွေ့ရသည့် အကျည်းတန်မှုများအားလုံးကို သင်တို့ သတိပြုမိခြင်း မရှိကြပါသလော။

အကောင်းမြင်ပြီး တက်ကြွသော မည်သည့်နှလုံးသားကိုမဆို ထိခိုက်နာကျင်စေလိုသည့်ဆန္ဒ ငါ၏စိတ်နှလုံးထဲ၌ မရှိပေ။ အထူးသဖြင့် မိမိ၏ တာဝန်ကို သစ္စာရှိစွာ ဆောင်ရွက်နေသူတို့ကို အားလျော့အောင် လုပ်လိုသောဆန္ဒ ငါ၌မရှိပေ။ မည်သို့ပင်ဆိုစေကာမူ သင်တို့၏ မစုံလင်မှုများအကြောင်းနှင့် သင်တို့၏ နှလုံးသားများအတွင်းထဲ၌ ညစ်နွမ်းသည့်စိတ်ရှိကြောင်းကို သင်တို့အယောက်စီတိုင်းအား ငါသတိပေးရမည် ဖြစ်သည်။ ဤသို့ပြုလုပ်ရခြင်း၏ ရည်ရွယ်ချက်မှာ ငါ၏နှုတ်ကပတ်တော်များနှင့် ရင်ဆိုင်ရသောအခါ သင်တို့သည် သင်တို့၏ စစ်မှန်သောနှလုံးသားကို သင်တို့ဆက်ကပ်နိုင်စွမ်းရှိဖို့အတွက် ငါမျှော်လင့်ရန် ဖြစ်သည်။ အကြောင်းမှာ ငါအမုန်းတီးဆုံးအရာမှာ လူတို့ ငါ့ကို လိမ်လည်လှည့်ဖြားခြင်းပင် ဖြစ်သည်။ ငါ၏အလုပ်၏ နောက်ဆုံးအဆင့်၌ သင်တို့သည် ထူးချွန်ပြောင်မြောက်စွာ ဆောင်ရွက်နိုင်စွမ်းရှိပြီး၊ အပြည့်အဝဆက်ကပ်လျက် စိတ်မပါ့တပါ မရှိတော့ဖို့ကိုသာလျှင် ငါမျှော်လင့်သည်။ မှန်ပါသည်၊ သင်တို့အားလုံး၌ ကောင်းသောလမ်းဆုံးပန်းတိုင် ရှိဖို့ရန်လည်း ငါမျှော်လင့်သည်။ မည်သို့ပင်ဆိုစေကာမူ ငါ၏ ကိုယ်ပိုင်တောင်းဆိုချက် ရှိသေးသည်။ ယင်းမှာ သင်တို့သည် ငါ့အပေါ် အပြည့်အဝနှင့် အဆုံးတိုင်ဆက်ကပ်မှုကိုပေးအပ်ဖို့ အကောင်းဆုံးဆုံးဖြတ်ချက်ချမှတ်ရန်ဖြစ်သည်။ လူတစ်ဦးသည် ထိုအပြည့်အဝ ဆက်ကပ်မှုမရှိပါက ထိုပုဂ္ဂိုလ်သည် စာတန်တန်ဖိုးထားရသူ ဧကန်အမှန် ဖြစ်လာတော့မည်။ ပြီးလျှင်ထိုသူကို ငါ ဆက်လက်အသုံးပြုမည်မဟုတ်။ သူ့မိဘများ၏ ကြည့်ရှုစောင့်ရှောက်ခြင်းခံရဖို့အတွက် သူ့ကို ငါအိမ်ပြန်လွှတ်မည်။ ငါ၏ အလုပ်သည် သင်တို့အတွက် အလွန်အထောက်အကူ ဖြစ်ခဲ့သည်။ သင်တို့ထံမှ ငါရဖို့ မျှော်လင့်သည့်အရာမှာ ရိုးသားပြီး တိုးတက်ရာသို့ ဆန္ဒပြင်းပြသော နှလုံးသားဖြစ်သည်။ သို့ရာတွင် ယခုအချိန်ထိ ငါ ဘာမျှ မရရှိသေးပေ။ စဉ်းစားကြည့်ပါ- တစ်နေ့ ငါသည် စကားလုံးများဖြင့် ပြောပြရန် အတိုင်းအတာထက်ကျော်လွန်၍ အလွန်ပင် စိတ်ထိခိုက်နေရသေးလျှင် ငါသည်သင်တို့ကို မည်သို့ မြင်မည်နည်း။ ငါသည် သင်တို့ကို ဖော်ဖော်ရွေရွေ ဆက်ဆံမည်လော။ ငါ၏စိတ်နှလုံးသည် ငြိမ်သက်ခြင်း ရှိမည်လော။ ခက်ခက်ခဲခဲ စိုက်ပျိုးပြီးနောက် သီးနှံတစ်ခုတစ်လေကိုမျှ ရိတ်သိမ်းခြင်း မပြုရသေးသည့် သူတစ်ဦး၏ ခံစားချက်ကို သင်တို့ နားလည်ပါသလား။ ထိခိုက်ဒါဏ်ရာ ကြီးကြီးမားမားရရှိထားသူတစ်ဦး၏ နာကျင်မှု မည်မျှကြီးမားသည်ကို သင်တို့ နားလည်ပါသလား။ မျှော်လင့်ချက်အပြည့်နှင့် လူတစ်ဦးသည် တစ်စုံတစ်ဦးနှင့် အဆင်မပြေဖြစ်ပြီး ခွဲခွာရသောအခါ၌ ခံစားရသည့် နာကျင်မှုကို သင်တို့ ခံစားဖူးပါသလား။ ရန်စခြင်းခံခဲ့ရသော သူတစ်ဦး၏ ဒေါသကို သင်တို့ မြင်ဖူးပါသလား။ ရန်လိုသည့် စိတ်ဖြင့် ဆက်ဆံခြင်းကို ခံရရုံသာမက လိမ်လည်လှည့်ဖျားခြင်းခံခဲ့ရသူတစ်ဦး ခံစားရသည့် အလျင်အမြန် လက်စားချေလိုသည့် ခံစားချက်ကို သင်တို့ နားလည်နိုင်ပါသလား။ အဆိုပါပုဂ္ဂိုလ်များ၏ စိတ်ကို သင်တို့ နားလည်လျှင် အယောက်စီတိုင်းကို အပြစ်နှင့်အလျေက် ပေးဆပ်မည့်အချိန်၌ ဘုရားသခင်၌ မည်သို့သော စိတ်သဘောထားရှိမည်ကို မှန်းဆကြည့်ဖို့ သင်တို့အတွက် မခက်ခဲသင့်ဟု ငါထင်ပါသည်။ နိဂုံးချုပ်အနေဖြင့် သင်တို့၏ ပန်းတိုင်အတွက် သင်တို့အားလုံးသည် အလေးအနက်ထား ကြိုးစားအားထုတ်ကြမည်ဟု ငါမျှော်လင့်။ မည်သို့ပင်ဖြစ်စေကာမူ သင်တို့ကြိုးပမ်းအားထုတ်သောအခါ၌ လှည့်ဖြားသည့် နည်းလမ်းများကို အသုံးမပြုကြနှင့်။ သို့မဟုတ် ငါ၏စိတ်နှလုံးထဲ၌ သင်တို့ကို စိတ်ပျက်နေလိမ့်အုံးမည်။ ထိုကဲ့သို့ စိတ်ပျက်ခြင်းသည် မည်သည့်အရာကို ဖြစ်စေသနည်း။ သင်တို့သည် ကိုယ့်ကိုယ်ကို လှည့်စားနေခြင်းပင် မဟုတ်လော။ မိမိတို့၏ လမ်းဆုံးပန်းတိုင်အတွက် ဆင်ခြင်စဉ်းစားမှုပြုသော်လည်း ယင်းကို ဖျက်ဆီးသောသူများသည် ကယ်တင်၍အနည်းဆုံးရနိုင်မည့်သူများ ဖြစ်သည်။ ထိုကဲ့သို့သော ပုဂ္ဂိုလ်များ အလွန်အမင်း ဒေါသထွက်လျှင်ပင် မည်သူက သူတို့ကို ကိုယ်ချင်းစာနာမည်နည်း။ ခြုံပြောရလျှင် သင်တို့၌ သင့်တော်ကောင်းမွန်သော ပန်းတိုင်တစ်ခုရှိလာဖို့ ငါဆန္ဒပြုလိုစိတ် ရှိဆဲဖြစ်သည်။ ထို့အပြင် သင်တို့ထဲမှ တစ်ဦးတစ်ယောက်မျှ ဘေးဒါဏ်မခံရဖို့ ငါမျှော်လင့်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ပန်းတိုင်” မှ

ယခင်က:၉။ လူသားမျိုးနွယ်၏ ဖောက်ပြန်ပျက်စီးမှုကို ဖော်ထုတ်ခြင်

နောက်တစ်ခုသို့:လူသားမျိုးနွယ်၏ ဖောက်ပြန်ပျက်စီးမှုကို ဖော်ထုတ်ခြင်း (၂)

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလခရစ်တော်၏ မိန့်မြွက်ချက်များ (လက်ရွေးစင်များ) နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ နောက်ဆုံးသောကာလ၏ ခရစ်တော်အတွက် သက်သေများ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ ဘုရားသခင်၏ နေ့စဉ် နှုတ်ကပတ်တော်များ