အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

စိတ်သဘောထားပြောင်းလဲသွားသောသူများသည် ဘုရားသခင်၏လက်တွေ့ကျသောအမှန်တရားထဲသို့ ဝင်ရောက်ခဲ့ပြီးသောသူများဖြစ်သည်

လူအများထဲတွင် သန့်ရှင်းသောဝိညာဉ်တော်နေရာယူသည့် လမ်းကြောင်းသည် လူများ၊ အဖြစ်အပျက်များ၊ အရာဝတ္တု များအားလုံးထဲတွင်နစ်ဝင်နေသော ၎င်းတို့၏နှလုံးသားများကိုဆွဲထုတ်ကာ ဘုရားသခင်၏နှုတ်ကပတ်တော်များထဲသို့ ထည့်သွင်းပေးရန်ဖြစ်သည်။ ဤနည်းအားဖြင့် ဘုရားသခင်၏ နှုတ်ကပတ်တော်များသည် လုံးလုံးလျားလျား သံသယဖြစ်ဖွယ် မရှိဘဲ အလုံးစုံမှန်ကန်ကြောင်းကို ၎င်းတို့၏ နှလုံးသားများ၌ ၎င်းတို့အားလုံး ယုံကြည်ကြမည်ဖြစ်သည်။ သင်သည် ဘုရားသခင်ကို ယုံကြည်ပြီးဖြစ်သည့်အတွက် သူ၏နှုတ်ကပတ်တော်များကိုလည်း ယုံကြည်ရမည်ဖြစ်သည်။ သင်သည် ဘုရားသခင်ကို ယုံကြည်လာသည်မှာ နှစ်ပေါင်းများစွာရှိပြီဖြစ်သော်လည်း သန့်ရှင်းသောဝိညာဉ်တော်၏ လမ်းကြောင်းကိုမသိပါက သင်သည် ယုံကြည်သူအမှန်တကယ်ဟုတ်ပါ၏လော။ သာမန်လူတစ်ယောက်၏ အသက်တာနှင့် ဘုရားသခင်ရှိသောလူသားတစ်ဦး၏ သင့်တော်သောအသက်တာကိုပိုင်ဆိုင်ရန်အတွက် ပထမဦးစွာ ဘုရားသခင်၏ နှုတ်ကပတ်တော်တို့ကို ယုံကြည်ရမည်ဖြစ်သည်။ သင်သည် လူတို့အထဲတွင် သန့်ရှင်းသောဝိညာဉ်တော်လုပ်သည့် အလုပ်၏ပထမခြေလှမ်းကို စုံလင်စေခြင်းမရှိသေးပါက သင်၌အခြေခံအုတ်မြစ်မရှိပေ။ သင်၌ အခြေခံအကျဆုံးသောသဘောတရား ကင်းမဲ့နေ၍ လမ်းကြောင်းကို အဘယ်သို့ ရှေ့ဆက်လျှောက်လှမ်းနိုင်မည်နည်း။ ဘုရားသခင်မှလူသားအားစုံလင်စေခြင်း လမ်းကြောင်းမှန်ကို လိုက်လျှောက်ခြင်းသည် သန့်ရှင်းသောဝိညာဉ်တော်၏ ယခုမျက်မှောက်အလုပ်၏ လမ်းကြောင်းမှန်အတွင်း ဝင်ရောက်ခြင်းဖြစ်၏။ သန့်ရှင်းသောဝိညာဉ်တော် လျှောက်လှမ်းသည့် လမ်းကြောင်းကို လိုက်လျှောက်ခြင်းလည်းဖြစ်သည်။ ယခု သန့်ရှင်းသောဝိညာဉ်တော် လျှောက်လှမ်းသည့် လမ်းကြောင်းသည် ဘုရားသခင်၏ ယခုမျက်မှောက် နှုတ်ကပတ်တော်များဖြစ်သည်။ ထို့ကြောင့် လိုက်လျှောက်လှမ်းမည့်သူသည် နာခံမှုရှိရမည်ဖြစ်၍ လူ့ဇာတိခံယူသော ဘုရားသခင်၏ မျက်မှောက် နှုတ်ကပတ်တော်များကို စားသောက်ရမည်ဖြစ်သည်။ သူသည် နှုတ်ကပတ်တော်၏အလုပ်ကို လုပ်ဆောင်နေခြင်းဖြစ်၍၊ အရာအားလုံးသည် သူ၏နှုတ်ကပတ်တော်မှ ပြောကြားထားခြင်းဖြစ်ကာ၊ အရာအားလုံးသည် သူ၏မျက်မှောက်နှုတ်ကပတ်တော်များဖြစ်သော၊ သူ၏နှုတ်ကပတ်တော်များ၌ တည်ထောင်ထားခြင်းဖြစ်သည်။ ဘုရားသခင်၏ လူ့ဇာတိခံယူခြင်းကို လုံး၀ သံသယကင်းခြင်းအကြောင်း ဖြစ်စေ၊ သူ့အားသိရှိခြင်းအကြောင်းဖြစ်စေ၊ လူတစ်ဦးသည် သူ၏နှုတ်ကပတ်တော်အတွက် လွန်စွာ ကြိုးပမ်းအားထုတ်ရမည်ဖြစ်သည်။ ထိုသို့မဟုတ်ပါက ထိုသူသည် အဘယ်အရာကိုမျှ ပြီးမြောက်နိုင်မည်မဟုတ်ဘဲ ၎င်းတွင် မည်သည့်အရာမျှ ကျန်မည်မဟုတ်ပေ။ ဘုရားသခင်အား သိကျွမ်းလာခြင်းနှင့် သူ၏နှုတ်ကပတ်တော်များတို့အားစားသောက်ခြင်းအပေါ် အခြေခံလျက် သူ့အား ကျေနပ်စေခြင်းဖြင့်သာ သူနှင့် သင့်တော်သောဆက်ဆံရေးကို လူတစ်ဦးသည် တဖြည်းဖြည်း တည်ထောင်နိုင်မည် ဖြစ်သည်။ သူ၏နှုတ်ကပတ်တော်အားစားသောက်ကာ ထိုအရာများကို လက်တွေ့လုပ်ဆောင်ကျင့်သုံးခြင်းသည် ဘုရားသခင်နှင့် အကောင်းဆုံးသောပူးပေါင်းပါဝင်ခြင်းဖြစ်ပြီး လက်တွေ့လုပ်ဆောင်ခြင်းသည် သူ၏လူများထဲမှတစ်ဦးအဖြစ် အကောင်းဆုံး သက်သေခံချက်ဖြစ်သည်။ ဘုရားသခင်၏ မျက်မှောက်နှုတ်ကပတ်တော်များ၏ အနှစ်သာရကို နားလည်သဘောပေါက်ပြီး နာခံမှုရှိနိုင်လျှင်၊ ထိုသူသည် သန့်ရှင်းသောဝိညာဉ်တော်ဦးဆောင်နေသော လမ်းကြောင်းပေါ် တွင် အသက်ရှင်နေသောသူဖြစ်ပြီး ဘုရားသခင်၏ လူသားကိုစုံလင်စေမှုလမ်းကြောင်းအမှန်ပေါ်တွင် ၀င်ရောက်ခဲ့ပြီး သူဖြစ်သည်။ လူတို့သည် ကျေးဇူးတော်၊ ငြိမ်သက်ခြင်းနှင့် ဝမ်းမြောက်ခြင်းကို ရှာဖွေခဲ့ပြီးနောက် ဘုရားသခင်၏ အလုပ်ကိုရရှိနိုင်ခဲ့ကြသည်။ ယခုတွင်မူ ကွဲပြားလေ၏။ ထိုသူတို့၌ လူ့ဇာတိခံယူသော ဘုရားသခင်၏ နှုတ်ကပတ်တော် မရှိလျှင်၊ ထိုနှုတ်ကပတ်တော်၏ အမှန်တရား မရှိလျှင်၊ ထိုသူတို့သည် ဘုရားသခင်၏ ထောက်ခံမှုကိုမခံရနိုင်ဘဲ ဘုရားသခင်၏ ရှင်းလင်းသုတ်သင်ခြင်းကို ခံရမည်ဖြစ်သည်။ သင့်တော်သော ဝိညာဉ်အသက်တာကိုပိုင်ဆိုင်ရန်အလို့ငှာ ပထမဦးစွာ ဘုရားသခင်၏နှုတ်ကပတ်တော်တို့ကို စားသောက်ကာ လက်တွေ့လုပ်ဆောင်လော့။ ထိုအခြေခံအုတ်မြစ် ပေါ်တွင် ဘုရားသခင်နှင့် လူအကြား သင့်တော်သောဆက်ဆံရေးကိုတည်ဆောက်လော့။ သင်မည်ကဲ့သို့ ပူးပေါင်းသနည်း။ သူ၏လူများထဲမှတစ်ယောက် ဖြစ်ကြောင်း သင်မည်ကဲ့သို့ သက်သေခံမည်နည်း။ ဘုရားသခင်နှင့် သင့်တော်သော ဆက်ဆံရေးကို သင်မည်ကဲ့သို့ တည်ဆောက်မည်နည်း။

သင်၏နေ့စဉ်အသက်တာတွင် ဘုရားသခင်နှင့် သင့်တော်သည့် ဆက်ဆံရေးရှိ၊ မရှိကိုသိနိုင်ရန်အတွက် အောက်ပါ အချက်များအားဖြင့် ကြည့်နိုင်သည်။

၁။ ဘုရားသခင်၏ ကိုယ်ပိုင်သက်သေခံချက်များကို သင်ယုံကြည်သလော။

၂။ ဘုရားသခင်၏ နှုတ်ကပတ်တော်များသည် စစ်မှန်၍ အမှားအယွင်းကင်းကြောင်းကို သင့်နှလုံးသား၌ သင်လက်ခံယုံကြည် သလော။

၃။ သင်သည် သူ၏နှုတ်ကပတ်တော်များအား လက်တွေ့ကျင့်သုံးသောသူ တစ်ဦးလော။

၄။ သင့်အပေါ် သူအပ်နှံထားသည့်အရာများအပေါ်တွင် ဆက်ကပ်အပ်နှံလုပ်ဆောင်သလော။ ထိုအရာအပေါ် မည်ကဲ့သို့ ဆက်ကပ်အပ်နှံလုပ်ဆောင်နိုင်မည်နည်း။

၅။ သင်လုပ်ဆောင်သည့်အရာအားလုံးသည် ဘုရားသခင် ကျေနပ်စေခြင်းအလို့ငှာနှင့် သစ္စာရှိ ခြင်းအလို့ငှာ လုပ်ဆောင်သလော။

ဤအဆင့်တွင် သင်သည် ဘုရားသခင်နှင့် သင့်တော်သောဆက်ဆံရေးရှိ၊ မရှိကို သိနိုင်ရန်အတွက် အထက်ဖေါ်ပြပါ အချက်များအားဖြင့် ကြည့်နိုင်သည်။

သင်သည် သင့်အပေါ်ဘုရားသခင်အပ်နှင်းသည့်အရာများနှင့် သူ၏ကတိတော်ကို လက်ခံနိုင်ပြီး သန့်ရှင်းသောဝိညာဉ်တော်၏ လမ်းကြောင်းကို လိုက်လျှောက်နိုင်လျှင် ဘုရားသခင်၏အလိုတော်ကို ဆောင်ရွက်နေခြင်းပင်ဖြစ်သည်။ သန့်ရှင်းသော ဝိညာဉ်တော်၏ လမ်းကြောင်းနှင့် ပတ်သက်၍ သင်၏အတွင်းစိတ်၌ ရှင်းလင်းမှုရှိသလော။ သင်၏ မျက်မှောက်အပြုအမူများသည် သူ၏လမ်းကြောင်းနှင့် ကိုက်ညီမှုရှိသလော။ သင်၏စိတ်နှလုံးသည် ဘုရားသခင်အား ချဉ်းကပ်နေသလော။ သင်သည် သန့်ရှင်းသောဝိညာဉ်တော်ထံမှ အသစ်လွင်ဆုံးသော အလင်းနောက်ကိုလိုက်ရန် လိုလိုလားလားရှိသလော။ ဘုရားသခင်၏ ရယူခြင်းခံရရန် လိုလိုလားလားရှိသလော။ သင်သည် ဤလောကတွင် ဘုရားသခင်၏ ဘုန်းတော်ကို ကိုယ်ထင်ပြသည့်အရာအဖြစ် ဖြစ်လာရန် လိုလိုလားလားရှိသလော။ ဘုရားသခင် သတ်မှတ်ထားသည့်အရာများကို ရရှိရန်အတွက် သင် ဆန္ဒရှိသလော။ သင်သည် ဘုရားသခင် စကားပြောသည်နှင့် ပူးပေါင်းလိုသောဆန္ဒရှိပြီး သူ့အားကျေနပ်စေလိုသော ဆန္ဒ ရှိလျှင်၊ ဤသည်မှာ သင်၏အတွင်းမှ ပြောင်းလဲစေသည့် အင်အားဖြစ်လျှင်၊ ဘုရားသခင်၏နှုတ်ကပတ်တော်သည် သင်၏နှလုံးသားထဲတွင် အသီးသီးစေခဲ့ပြီဖြစ်ကြောင်းဆိုလိုသည်။ သင်သည် ထိုကဲ့သို့သောဆန္ဒမျိုးမရှိဘဲ သင်၏နောက်လိုက်ခြင်း၌ ရည်မှန်းချက်မရှိလျှင်၊ သင်၏နှလုံးသားအပေါ်တွင် ဘုရားသခင် တိုက်တွန်းခြင်း မရှိသေးဟု ဆိုလိုခြင်းဖြစ်သည်။

လူတို့သည် နိုင်ငံတော်၏ လေ့ကျင့်ရေးအတွင်း တရားဝင်ပါဝင်ခဲ့ပြီဖြစ်သောကြောင့် ၎င်းတို့အပေါ် ဘုရားသခင်၏ သတ်မှတ်ချက်များသည်လည်း တိုးမြှင့်ခဲ့ပြီးဖြစ်သည်။ တစ်စုံတစ်ဦးသည် ထိုအရာကို အဘယ်သို့မြင်နိုင်မည်နည်း။ လူတို့သည် အသက်တာမရှိဟု ယခင်ကပြောခဲ့ကြသည်။ သို့သော် ယခုတွင်မူ လူတို့သည် အသက်တာကို ရှာဖွေလာကြသည်။ ဘုရားသခင်၏လူများဖြစ်ရန် ရှာဖွေလာကြသည်။ ဘုရားသခင်သည် မိမိကိုပိုင်ဆိုင်ပြီး ဘုရားသခင်အားဖြင့် စုံလင်ခြင်းသို့ရောက်ရန်အတွက် ရှာဖွေကြသည်။ ဤအရာသည် တို့းမြှင့်ခံရခြင်း မဟုတ်ပါသလော။ အမှန်စင်စစ် လူသားများအပေါ်သတ်မှတ်ချက်များသည် ယခင်ကထက် ပိုမိုရိုးရှင်းသည်။ အစေခံသူများ သို့မဟုတ် အသေခံသူများ ဖြစ်ရန် မလိုအပ်တော့ပေ။ ၎င်းတို့ အပေါ်သတ်မှတ်သည့်အရာမှာ ဘုရားသခင်၏လူဖြစ်ရန်သာ ဖြစ်သည်။ ထိုအရာသည် ပိုမိုရိုးရှင်းသည် မဟုတ်လော။ သင်၏စိတ်နှလုံးအား ဘုရားသခင်ထံဆက်ကပ်ပြီး သူ၏လမ်းပြမှုကို ခံယူလျှင် အရာအားလုံးသည် အကောင်အထည်ပေါ်လာကြမည်ဖြစ်သည်။ ဤအရာကို အဘယ်ကြောင့် အလွန်ခက်ခဲသော အရာဖြစ်သည်ဟု သင်ထင်သနည်း။ ယခု အသက်တာထဲဝင်ရောက်ခြင်းနှင့်ပတ်သက်၍ ပြောကြရာတွင် ယခင်ကထက် ရှင်းလင်းမှုရှိ၏၊ လူများသည် စစ်မှန်သောဘဝအသက်တာအကြောင်းနှင့် ပတ်သက်၍ ရှင်းရှင်းလင်းလင်းမသိရှိခဲ့ကြပေ။ ဘုရားသခင်၏ နှုတ်ကပတ်တော်ကို တုံ့ပြန်သောသူများ၊ သန့်ရှင်းသောဝိညာဉ်တော်၏ ဉာဏ်အလင်းရခြင်းနှင့် အလင်းပေးခြင်းများရှိသောသူများ၊ သူ့ရှေ့၌ စုံလင်ခြင်းရပြီး စိတ်သဘောထားပြောင်းလဲသွားသောသူများ အားလုံးသည် အသက်ရှိသောသူများ ဖြစ်ကြသည်။ ဘုရားသခင်အလိုရှိသောအရာသည် အသက်ရှိသည့်အရာများဖြစ်သည်။ အသက်မဲ့သောအရာများ မဟုတ်။ သင်သည် အသက်မဲ့နေလျှင် သင့်၌အသက်မရှိ။ ဘုရားသခင်လည်း သင့်ကိုစကားပြောမည်မဟုတ်။ သူ၏လူတစ်ဦးဖြစ်လာရန် အတွက်လည်း သူသည် သင့်ကို အထူးသဖြင့် တင်မြှောက်လိမ့်မည်မဟုတ်။ သင်တို့သည် ဘုရားသခင်ထံမှ ကြီးမားသော ကောင်းချီးမင်္ဂလာများစွာကို ခံစားရပြီး၊ ဘုရားသခင်သည် သင်တို့၏စိတ်ဓာတ်ကိုမြှင့်တင်ပေးပြီးဖြစ်သည့် အားလျော်စွာ၊ ဤအရာသည် သင်တို့အားလုံးသည် အသက်ရှိသောသူဖြစ်သည်ဟုဆိုလိုခြင်းဖြစ်ကာ၊ အသက်ရှိသောသူများသည် ဘုရားသခင်ထံမှ လာသည်ဟု ဆိုလိုခြင်းဖြစ်သည်။

အသက်၏သဘောထားကို ပြောင်းလဲရန် လိုက်လျှောက်ရေးအတွက် လက်တွေ့လုပ်ဆောင်ရမည့် လမ်းကြောင်းသည် ရိုးရှင်းသည်။ သန့်ရှင်းသောဝိညာဉ်တော် မျက်မှောက်ပြောကြားသည့် အရာများကို သင်၏လက်တွေ့လုပ်ဆောင်နေသည့် အတွေ့ အကြုံများ၌ လိုက်လျှောက်နိုင်လျှင် သင်၏စိတ်သဘောထားကို ပြောင်းလဲရန်အမှုကို စွမ်းဆောင်နိုင်မည်ဖြစ်သည်။ သန့်ရှင်းသောဝိညာဉ်တော်ပြောသည့်အရာဟူသမျှကို ရှာဖွေကာ လိုက်လျှောက်နိုင်လျှင်၊ သင်သည် သူ့ကို နာခံသောသူဖြစ်သည်။ ဤနည်းအားဖြင့် သင်သည် သင်၏သဘောထားများကို ပြောင်းလဲနိုင်မည်ဖြစ်သည်။ လူသား၏စိတ်သဘောထားသည် သန့်ရှင်းသောဝိညာဉ်တော်၏ မျက်မှောက်နှုတ်ကပတ်တော်များဖြင့် ပြောင်းလဲသည်။ အကယ်၍ သင်သည် အတိတ်မှအတွေ့အကြုံအဟောင်းများနှင့် စည်းမျဉ်းများကို အစဉ် ထိန်းသိမ်းထားပါက သင်၏စိတ် သဘောထားသည် ပြောင်းလဲလိမ့်မည်မဟုတ်။ အကယ်၍ သန့်ရှင်းသောဝိညာဉ်တော်သည် ယနေ့တွင် လူအားလုံးကို သာမန်လူသားတစ်ယောက်၏ အသက်တာသို့ဝင်ရန် ပြောကြားသော်လည်း၊ သင်သည် အပေါ်ယံကိုသာ ဆက်၍ အာရုံစိုက်ပြီး လက်တွေ့ဘဝအတွက် ဇဝေဇဝါဖြစ်နေကာ ၎င်းကို အလေးအနက် မထားပါက၊ သူ၏နှုတ်ကပတ်တော်အတိုင်း လိုက်လျှောက်မှုမရှိသည့်သူသာ ဖြစ်ကာ သန့်ရှင်းသောဝိညာဉ်တော် ဦးဆောင်သည့် လမ်းကြောင်းကိုဝင်ရောက်ခြင်းရှိသည့်သူမဟုတ်ပေ။ သင်၏ စိတ်သဘော ထားပြောင်းလဲနိုင်ခြင်းရှိ၊မရှိသည် သင်မှ သန့်ရှင်းသောဝိညာဉ်တော်၏ မျက်မှောက် နှုတ်ကပတ်တော်များကို ထိန်းသိမ်းနိုင်မှုနှင့် စစ်မှန်သောနားလည်မှုရှိ၊မရှိတို့ပေါ်တွင် မူတည်သည်။ ဤအရာသည် ယခင်သင်တို့နားလည်ထားသည်နှင့် ခြားနားသည်။ ယခင် သင်နားလည်ထားသော စိတ်သဘောထားပြောင်းလဲခြင်းဆိုသည်မှာ၊ သူတစ်ပါးအပေါ်တွင် အလွယ်တကူဝေဖန်တတ်သော သင်သည် ဘုရားသခင်၏ ဆုံးမပဲ့ပြင်ခြင်းကြောင့် စကားကို သတိလက်လွတ်မပြောတော့ခြင်းဖြစ်သည်။ သို့သော် ဤအရာသည် ပြောင်းလဲခြင်း၏ ကဏ္ဍတစ်ခုမျှသာ ဖြစ်ကာ ယခု အရေးအကြီးဆုံးအပိုင်းသည် သန့်ရှင်းသောဝိညာဉ်တော်၏ လမ်းပြမှုကို လိုက်လျှောက်ခြင်းဖြစ်သည်။ သင်သည် ဘုရားသခင်ပြောသည့် အရာတိုင်းကို လိုက်လျှောက်ရမည်။ သင်သည် သူပြောသည့်အရာတိုင်းကို နာခံရမည်။ လူတို့သည် မိမိတို့၏ စိတ်သဘောထားများကို မိမိတို့ဘာသာမိမိတို့ မပြောင်းလဲနိုင်ကြပေ။ ဘုရားသခင် နှုတ်ကပတ်တော်၏ တရားစီရင်ခြင်း၊ ပြစ်တင်ဆုံးမခြင်းနှင့် နာကျင်သော စစ်ဆေးခြင်း၊ သို့မဟုတ် ဘုရားသခင်နှုတ်ကပတ်တော် ၏ ကိုင်တွယ်ခြင်း၊ ဆုံးမပဲ့ပြင်ခြင်းနှင့် ပြုပြင်ခြင်းများကိုလည်း ခံရမည်ဖြစ်သည်။ ထို့နောက်မှသာ ထိုသူတို့သည် ဘုရားသခင်ကို လှည့်ဖြားရန် မကြိုးစား၊ ပေါ့ပေါ့ဆဆ ဝတ်ကျေတမ်းကျေ သဘောထားမည် မဟုတ်ဘဲ နာခံမှုရှိကာ ကိုးကွယ်ဆည်းကပ်မည် ဖြစ်သည်။ လူတို့သည် ဘုရားသခင်၏နှုတ်ကပတ်တော်၏ စစ်ဆေးမှုအားဖြင့်သာ စိတ်သဘောထားပြောင်းလဲမှုများ ဖြစ်ပေါ်သည်။ နှုတ်ကပတ်တော်၏ ဖော်ထုတ်ခြင်း၊ တရားစီရင်ခြင်း၊ ဆုံးမပဲ့ပြင်ခြင်း၊ ကိုင်တွယ်ခြင်းများကို ကြုံဖူးသည့်သူများသာ မဆင်မခြင်လုပ်ဆောင်ခြင်း မရှိတော့ဘဲ တည်ငြိမ်ကာ ဣန္ဒြေရလာကြမည်။ အရေးကြီးဆုံးအချက်မှာ ထိုသူတို့သည် ဘုရားသခင်၏ မျက်မှောက်နှုတ်ကပတ်တော်များကို နာခံလာနိုင်ကြပြီး ဘုရားသခင်၏အမှုကို နာခံကြ ခြင်းဖြစ်ကာ ထိုအရာသည် လူသားများ၏ သဘောထားများနှင့် ကွဲလွဲနေသော်မှ ၎င်းတို့သည် ထိုအရာများကို ဘေးဖယ်ထားနိုင်ကာ ရည်ရွယ်ချက်ရှိရှိ နာခံကြသည်။ ယခင်အချိန်များတွင် စိတ်သဘောထား၏ ပြောင်းလဲခြင်းနှင့်ပတ်သက်၍ ပြောကြားရာတွင်၊ မိမိကိုယ် မိမိစွန့်ပယ်ခြင်း၊ ဇာတိပကတိကို ဒုက္ခခံစေခြင်း၊ မိမိတို့ကိုယ်ခန္ဓာကို ပဲ့ပြင်ဆုံးမခြင်း၊ ဇာတိပကတိ၏လိုလားမှုများကို ပထုတ်ခြင်းများကို အဓိကထားသည်ကို တွေ့ရသည်။ ဤသည်မှာ စိတ်သဘောထားပြောင်းလဲခြင်း တစ်မျိုးဖြစ်သည်။ စိတ်သဘောထား ပြောင်းလဲခြင်းကို အမှန်တကယ်ဖေါ်ပြသည့်အရာမှာ ဘုရားသခင်၏ မျက်မှောက်နှုတ်ကပတ်တော်များကို နာခံခြင်းနှင့် သူ၏အလုပ်အသစ်များကို အမှန်တကယ် နားလည်သဘောပေါက်နိုင်ခြင်းဖြစ်ကြောင်း လူတို့ ယခုသိကြပြီဖြစ်သည်။ ဤနည်းအားဖြင့် လူတို့သည် ၎င်းတို့အယူအဆများထဲမှ ယခင်ကနားလည်ထားသည့် ဘုရားသခင်ကို ပစ်ပယ်လိုက်နိုင်မည်ဖြစ်ပြီး သူ့အပေါ် စစ်မှန်သောနားလည်ခြင်းနှင့် နာခံခြင်းကို ရရှိမည် ဖြစ်သည်။ ဤအရာသည်သာ စိတ်သဘောထားပြောင်းလဲခြင်းကို အမှန်တကယ်ဖော်ပြသောအရာဖြစ်သည်။

လူတို့၏ အသက်တာကိုဝင်ရောက်ခြင်းနောက်လိုက်ခြင်းသည် ဘုရားသခင်၏ နှုတ်ကပတ်တော်များ၌ အခြေခံသည်။ အရာအားလုံးသည် နှုတ်ကပတ်တော်အားဖြင့်သာ ပြီးမြောက်သည်ဟု ယခင်ကပြောခဲ့ကြသည်။ သို့သော် ဤအချက်အလက်များကိုတွေ့ရှိသူ တစ်ဦးမျှမရှိခဲ့ပေ။ ဤအဆင့်တွင် သင်သည် အတွေ့အကြုံအတွင်း ဝင်ရောက်လျှင် လုံး၀ရှင်းလင်းသွားမည်ဖြစ်သည်။ ဤသည်မှာ အနာဂတ် စမ်းသပ်မှုများအတွက် ကောင်းမွန်သော အခြေခံအုတ်မြစ်ကို တည်ဆောက်နေခြင်းဖြစ်သည်။ ဘုရားသခင် မည်သည့်အရာကို ပြောသည်ဖြစ်စေ သင်သည် နှုတ်ကပတ်တော်များအတွင်း ဝင်ရောက်ရန်သာလိုသည်။ ဘုရားသခင်က သူသည် လူတို့ကို စတင်ကာပြစ်တင်ဆုံးမသည်ဟုပြောသည့်အခါ သင်လက်ခံရမည်။ ဘုရားသခင်သည် လူတို့ကိုသေစေပါက၊ သင်သည် ထိုစမ်းသပ်မှုကိုလက်ခံရမည်။ သင်သည် သူ၏ အသစ်လွင်ဆုံး သောမိန့်မြွက်ချက်များအတိုင်း အသက်ရှင်ပါက အဆုံး၌ ဘုရားသခင်၏ နှုတ်ကပတ်တော်သည် သင့်ကိုစုံလင်စေလိမ့်မည်။ ဘုရားသခင်၏နှုတ်ကပတ်တော်အား လိုက်နာလေလေ၊ သာ၍လျင်မြန်စွာစုံလင်လေလေ ဖြစ်လိမ့်မည် ။ ငါသည် အဘယ်ကြောင့် အကြိမ်ကြိမ် မိသဟာရဖွဲ့၍ သင်တို့အား ဘုရားသခင်၏နှုတ်ကပတ်တော်များကို နားလည်ရန်နှင့် ဝင်ရောက်ရန် တောင်းဆိုသနည်း။ ဘုရားသခင်၏ နှုတ်ကပတ်တော်နောက်လိုက်ခြင်းကို အာရုံစူးစိုက်၊ တွေ့ကြုံခံစားကာ ၎င်းတို့၏ လက်တွေ့ဘဝအတွင်းသို့ ဝင်ရောက်နိုင်မှသာလျှင် သန့်ရှင်းသောဝိညာဉ်တော်သည် သင့်အတွင်း၌ အလုပ်လုပ်ရန် အခွင့်အလမ်းရမည် ဖြစ်သည်။ ထို့ကြောင့် သင်တို့အားလုံးသည် ဘုရားသခင်အလုပ်၏ နည်းလမ်းတိုင်းတွင် ပြိုင်ပွဲဝင်များဖြစ်ကြသည်။ သင်တို့ခံစားနေရသောအရာများသည် ကြီးမားသည်ဖြစ်စေ သေးငယ်သည် ဖြစ်စေ၊ အဆုံး၌ အမှတ်တရ လက်ဆောင်ကိုရရှိမည်ဖြစ်သည်။ သင်၏နောက်ဆုံးသော စုံလင်ခြင်းကို အထမြောက်စေရန် သင်သည် ဘုရားသခင်၏နှုတ်ကပတ်တော်ကို ဝင်ရောက်ရမည်ဖြစ်သည်။ သန့်ရှင်းသောဝိညာဉ်တော်မှ လူတို့ကိုစုံလင်စေရန် သူသည် တဖက်သတ်မလုပ်ဆောင်ပေ။ သူသည် လူတို့၏ ပူးပေါင်းဆောင်ရွက်မှုလိုအပ်သည်။ သူသည် လူတိုင်း နိုးကြားစွာ သူနှင့် ပူးပေါင်းပါဝင်ရန် လိုအပ်သည်။ ဘုရားသခင်သည် မည်သည့်အရာကိုပြောသည်ဖြစ်စေ၊ သင်သည် သူ၏နှုတ်ကပတ်တော်များအတွင်း ဝင်ရောက်ရန်သာ ဖြစ်သည်။ ဤအရာသည် သင်တို့၏ဘဝများအတွက် သာ၍အကျိုးအမြတ် ရှိစေသည်။ အရာအားလုံးသည် သင်တို့၏စိတ်သဘောထား ပြောင်းလဲရန်အတွက်သာဖြစ်သည်။ သင်သည် ဘုရားသခင်၏ နှုတ်ကပတ်တော်များအတွင်း ဝင်ရောက်သည့်အခါ၊ သင်၏စိတ်နှလုံးသည် ဘုရားသခင်၏တို့ထိခြင်း ခံရမည်ဖြစ်ပြီး ဤအဆင့်တွင် ဘုရားသခင်ပြီးမြောက်စေလိုသော အရာအားလုံးကို သင်နားလည်သဘောပေါက်နိုင်မည် ဖြစ်ပြီး သင်သည် ထိုအရာများကို ရယူလိုသောဆန္ဒ ရှိမည်ဖြစ်သည်။ ပြစ်တင်ဆုံးမခြင်းကာလများတွင် အချို့သောသူများသည် ထိုအရာကို အလုပ်၏နည်းလမ်းတစ်ခုဟု ယုံကြည်ကာ ဘုရားသခင်၏နှုတ်ကပတ်တော်များကို မယုံကြည်ကြပေ။ ရလဒ်အနေဖြင့် ထိုသူတို့သည် စစ်ဆေးခြင်းကိုမကြုံခဲ့ရဘဲ ပြစ်တင်ဆုံးမခြင်းကာလ၌လည်း တစ်စုံတစ်ရာမျှ ရရှိခဲ့ခြင်းမရှိ၊ နားလည်သဘောပေါက်ခဲ့ခြင်းလည်းမရှိကြပေ။ သံသယ စိုးစဉ်းမျှမရှိဘဲ ဤနှုတ်ကပတ်တော်များအတွင်းသို့ စစ်မှန်စွာ ဝင်ရောက်ခဲ့ကြသူ အချို့ ရှိခဲ့၏။ ထိုသူတို့သည် ဘုရားသခင်၏နှုတ်ကပတ်တော်တို့သည် အမှားအယွင်းမရှိ မှန်ကန်ကာ လူများသည်လည်း ပြစ်တင်ဆုံးမခြင်းကိုခံသင့်သည်ဟု ပြောကြသည်။ ထိုသူတို့သည် ဤအရာများအတွင်း အချိန်အတိုင်းအတာတစ်ခုအထိ ရုန်းကန်ကြပြီး ၎င်းတို့၏ အနာဂတ်များနှင့် ပန်းတိုင်များကို လက်လွှတ်လိုက်ကြသည်။ ၎င်းမှထွက်လာသည်နှင့် ၎င်းတို့၏ စိတ်သဘောထားများ သိသာစွာ ပြောင်းလဲသွားခဲ့ကာ ဘုရားသခင်ကိုလည်း သာ၍လေးနက်စွာ နားလည်သဘောပေါက်ခဲ့ကြသည်။ ပြစ်တင်ဆုံးမခြင်းအလယ်မှ ထွက်လာသောသူများအားလုံးသည် ဘုရားသခင်၏ နှစ်သက်ဖွယ်ရာကောင်းမှုကို ခံစားရကာ ဘုရားသခင်အလုပ်၏ဤအဆင့်တွင် လုပ်ဆောင်သောအရာသည် သူ၏ကြီးများသောချစ်ခြင်းမေတ္တာသည် လူသားများအပေါ် ကျရောက်ခြင်းဖြစ်ကြောင်းကို ထိုသူတို့သိကြသည်။ ဘုရားချစ်ခြင်းမေတ္တာ၏ အောင်နိုင်ခြင်းနှင့် ကယ်တင်ခြင်းဖြစ်ကြောင်း သိကြသည်။ ဘုရားသခင်၏အတွေးများသည် အစဉ်အမြဲကောင်းမြတ်ကြောင်းနှင့် လူသား၏အထဲတွင် ဘုရားသခင်ပြုသောအမှုအားလုံးသည် အမုန်းမဟုတ်၊ ချစ်ခြင်းမေတ္တာ ဖြစ်ကြောင်းကိုလည်း ထိုသူတို့ပြောကြသည်။ ဘုရားသခင်၏ နှုတ်ကပတ်တော်အား ယုံကြည်မှုမရှိ၊ အလေးမထားသောသူများသည် ပြစ်တင်ဆုံးမသောကာလများ၌ စစ်ဆေးခြင်းမခံရကြ။ အကျိုးရလဒ်နေဖြင့် သန့်ရှင်းသောဝိညာဉ်တော်၏ အဖော်ပြုခြင်းမခံရ။ မည်သည့်အကျိုးအမြတ်မျှ မရပေ။ ပြစ်တင်ဆုံးမခြင်းကာလများသို့ ၀င်ရောက်သူများသည် စစ်ဆေးခြင်းခံရ သော်လည်း သန့်ရှင်းသောဝိညာဉ်တော်သည် ၎င်းတို့အထဲတွင် လျှို့ဝှက်စွာလှုပ်ရှားနေပြီး အကျိုးရလဒ်အနေဖြင့် ၎င်းတို့၏အသက်တာတွင် စိတ်သဘောထား ပြောင်းလဲမှုများကိုကြုံတွေ့ကြရသည်။ အချို့သောသူများသည် အပြင်ပန်းသဏ္ဍာန်တွင် အလွန်ပင်အပြုသဘော ဆောင်သည့်အသွင်ရှိသည်။ အလွန်ပျော်ရွှင်ကြသည်။ သို့သော် ထိုသူတို့သည် ဘုရားသခင်၏ နှုတ်ကပတ်တော်၏ စစ်ဆေးခြင်းခံရသည့်အနေအထားသို့ ၀င်ရောက်ခြင်းမရှိ၊ ပြောင်းလဲခြင်း အလျဉ်းမရှိကြ။ ဤသည်မှာဘုရားသခင်၏ နှုတ်ကပတ်တော်အား ယုံကြည်ခြင်းမရှိခြင်း၏ နောက်ဆက်တွဲအကျိုးဖြစ်သည်။ သူ၏နှုတ်ကပတ်တော်အား ယုံကြည်မှုမရှိလျှင် သန့်ရှင်းသော ဝိညာဉ်တော်သည် သင့်အထဲ၌ အလုပ်လုပ်မည်မဟုတ်။ ဘုရားသခင်သည် သူ၏နှုတ်ကပတ်တော်အား ယုံကြည်သည့် လူတိုင်းအား မိမိကိုယ်ကိုဖော်ပြသည်။ သူ၏နှုတ်ကပတ်တော်အား ယုံကြည်ကာ နားလည်သဘောပေါက်သူတိုင်း သူ၏ချစ်ခြင်းမေတ္တာကို ပိုင်ဆိုင်ရရှိမည်ဖြစ်သည်။

ဘုရားသခင်၏နှုတ်ကပတ်တော်လာသည့်စကားများကို လိုက်လျှောက်လော့။ ထိုအရာကို နိုးကြားစွာ အာရုံစူးစိုက်လုပ်ဆောင်လော့။ မည်သည့်အရာများကို လက်တွေ့လုပ်ဆောင် ရမည်ကိုရှာဖွေလော့။ ထိုကဲ့သို့ လုပ်ဆောင်ခြင်းအားဖြင့်သာ သင့်အသက်တာထဲရှိ စိတ်သဘောထားကို ပြောင်းလဲနိုင်မည် ဖြစ်သည်။ ဤနည်းလမ်းအားဖြင့်သာ သင်သည် ဘုရားသခင်၏စုံလင်စေခြင်းကို ရရှိနိုင်မည်ဖြစ်ပြီး ဤနည်းအားဖြင့် စုံလင်ခြင်းသို့ ရောက်ရှိလာသောသူများသာလျှင် သူ၏အလိုတော်နှင့် အညီဖြစ်နိုင်မည်။ အလင်းသစ်ကို ရရှိရန်အတွက် သင်သည် သူ၏နှုတ်ကပတ်တော်နှင့်အညီ နေထိုင်အသက်ရှင်ရမည်။ သင်သည် သန့်ရှင်းသော ဝိညာဉ်တော်၏ တို့ထိခြင်းကို တစ်ကြိမ်ကြုံဖူးရုံဖြင့် လုံလောက်မှုလုံးဝမရှိပေ။ သင်သည် ထိုထက်နက်နဲရာကို သွားရမည်ဖြစ်သည်။ သန့်ရှင်းသောဝိညာဉ်တော်၏ တို့ထိခြင်းကို တစ်ကြိမ်မျှသာခံရသောသူများသည် ၎င်းတို့၏ စိတ်အားထက်သန်မှုကို နှိုးဆော် ခံရသဖြင့် ရှာဖွေလိုသောစိတ်များ ပေါက်ဖွားလာသကဲ့သို့သာ ဖြစ်သည်။ သို့သော် ရေရှည်အတွက် ထိန်းသိမ်းထားနိုင်ခြင်း မရှိကြ။ ထို့ကြောင့် ၎င်းတို့သည် သန့်ရှင်းသောဝိညာဉ်တော်၏ တို့ထိခြင်းကို အစဉ်အမြဲခံနေကြရမည်။ ဘုရားသခင်၏ဝိညာဉ်တော်သည် လူများ၏ဝိညာဉ်များကို လှုပ်ရှားပါမည်အကြောင်း၊ သူတို့အသက်တာ၏ စိတ်သဘောထားများ ပြောင်းလဲရန်လုပ်ဆောင်ပါမည်အကြောင်း၊ ဘုရားသခင်၏တို့ထိခြင်းကို ရှာဖွေနေစဉ် မိမိသည် လုံလောက်ခြင်းမရှိသည်ကို နားလည်သဘောပေါက်ပါမည့်အကြောင်း၊ သူ၏နှုတ်ကပတ်တော်များကို တွေ့ကြုံခံစားနေစဉ် မိမိတို့အထဲမှ (မိမိကိုယ်မိမိ သူတပါးထက်သာ၍ ဖြောင့်မတ်သည်ဟုထင်မြင်ခြင်း၊ မာနကြီးခြင်း၊ မိမိတို့၏ ကိုယ်ပိုင်အယူအဆများစသည့်) မသန့်ရှင်းသောအရာများကို ဆေးကြောရန် ငါမျှော်လင့်သည်ကို ငါသည်အကြိမ်ကြိမ်ပြောကြားခဲ့ပြီဖြစ်သည်။ အလင်းသစ်များကို မိမိမှ အစပြု၍ လက်ခံရရှိနေခြင်းသည် လုံလောက်ပြီဟု မယုံကြည်လိုက်ပါနှင့်။ အဖျက်သဘောဆောင်သည့် ကဏ္ဍများကိုလည်း ဖယ်ထုတ်ရဦးမည် ဖြစ်သည်။ သင်တို့သည် အပြုသဘောဆောင်သည့်ကဏ္ဍအားဖြင့်သာ ဝင်ရောက်ရန်လိုအပ်သည်မဟုတ်၊ အဖျက်သဘောဆောင်သည့် ကဏ္ဍများမှလည်း မိမိတို့အတွင်းရှိ မသန့်ရှင်းသောအရာများကို ပယ်ထုတ်ရမည်ဖြစ်သည်။ မိမိအတွင်းတွင် မည်သည့်မသန့်ရှင်းသည့်အရာများ ရှိနေသေးသည်နှင့်ပတ်သက်၍ အစဉ်အမြဲ စစ်ဆေးနေရမည် ဖြစ်သည်။ လူတို့၏ ဘာသာရေးအယူအဆများ၊ ရည်ရွယ်ချက်များ၊ မျော်လင့်ချက်များ၊ မိမိကိုယ် မိမိ သူတပါးထက်သာ၍ ဖြောင့်မတ်သည်ဟု ထင်မြင်မှုများနှင့် မာနကြီးမှုများသည် မသန့်ရှင်းသောအရာများဖြစ်ကြသည်။ ဘုရားသခင်၏ နှုတ်ကပတ်တော်လာ ဗျာဒိတ်တော်နှင့် မိမိကိုယ်မိမိနိုင်းယှဉ်ကာ၊ မိမိအတွင်း၌ ကိုင်စွဲထားနေနိုင်သည့် ဘာသာရေးဆိုင်ရာအယူအဆများ ရှိမရှိ ကြည့်လော့။ ထိုအရာများကို အမှန်တကယ် သိမှသာလျှင် သင်သည် ထိုအရာများကို ပယ်ထုတ်နိုင်မည်ဖြစ်သည်။ အချို့သောသူများက ယခုတွင် သန့်ရှင်းသောဝိညာဉ်တော်၏ လက်ရှိအမှု၏ အလင်းနောက်သို့ လိုက်ရုံနှင့်သာ လုံလောက်ကာ အခြား မည်သည့်အရာကိုမျှ အလေးထားစရာ မလိုဟု ပြောကြသည်။ ထိုသို့ဆိုလျှင် သင်၏ဘာသာရေး အယူအဆများပေါ်လာသောအခါ ၎င်းတို့ကို မည်ကဲ့သို့သုတ်သင်ရှင်းလင်းမည်နည်း။ ဘုရားသခင်၏ နှုတ်ကပတ်တော်နောက် လိုက်ရာတွင် ထိုမျှရိုးရှင်းသည်ဟု သင်ထင်ပါသလား။ သင်၏လက်တွေ့ဘဝထဲတွင် ဖျက်ဆီးနိုင်သော ဘာသာရေးနှင့်ပတ်သက်သည့်အရာများ ရှိသေးသည်။ ထိုအရာများပေါ်လာသောအခါ၊ သင်၏အသစ်သော အရာများကို လက်ခံနိုင်သောစွမ်းရည်ကို ဖျက်စီးနိုင်သည်။ ဤအရာအားလုံးသည် အမှန်တကယ် ရှိသော ပြဿနာများဖြစ်သည်။ သင်သည် သန့်ရှင်းသောဝိညာဉ်တော်၏ မျက်မှောက်နှုတ်ကပတ်တော်များကိုသာ နာခံပါက ဘုရားသခင်၏ အလိုတော်ကို ဖြည့်ဆည်းနိုင်မည်မဟုတ်ပေ။ သန့်ရှင်းသောဝိညာဉ်တော်၏ မျက်မှောက်အလင်းနောက်လိုက်ရာတွင်၊ သင်သည် မိမိဆုပ်ကိုင်ထားသည့် အယူအဆများ၊ ရည်ရွယ်ချက်များ၊ မိမိကိုယ် မိမိ သူတပါးထက် သာ၍ဖြောင့်မတ်သည်ဟူသော အထူးခံယူချက်နှင့် ဘုရားသခင်ကို နာခံမှုမရှိသည့် အပြုအမှုများကို သိမှတ်သင့်သည်။ ထိုအရာများအားလုံးကို သိမှတ်ပြီးပါက ၎င်းတို့ကို ပစ်ပယ်ရမည်ဖြစ်သည်။ သင်၏ယခင်ကအပြုအမူများ၊ ဆောင်ရွက်သောအရာများကို ပစ်ပယ်ခိုင်းခြင်းသည် သန်းရှင်းသောဝိညာဉ်တော်၏ မျက်မှောက်နှုတ်ကပတ်တော်များကို လိုက်လျှောက်ရန်အတွက် ဖြစ်သည်။ စိတ်သဘောထားပြောင်းလဲခြင်းအတွက် တစ်ဖက်၌ ဤသည်ကို နှုတ်ကပတ်တော်အားဖြင့်ရရှိခြင်းဖြစ်ပြီး အခြားတစ်ဖက်တွင်မူ လူများ၏ပူးပေါင်းဆောင်ရွက်မှုလိုအပ်သည်။ ဆိုလိုသည်မှာ ဘုရားသခင်၏အလုပ်နှင့် လူသား၏လက်တွေ့ လုပ်ဆောင်မှုနှစ်ခုစလုံးသည် မရှိမဖြစ်လိုအပ်သောအရာများဖြစ်ကြသည်။

သင်၏ရှေ့လျှောက်အစေခံမှုတွင် သင်သည် ဘုရားသခင်၏အလိုတော်ကို မည်ကဲ့သို့ ဖြည့်နိုင်မည်နည်း။

အရေးပသော အချက်တစ်ချက်မှာ အသက်တာထဲသို့ ဝင်ရောက်ခြင်းနောက်လိုက်ရန်၊ စိတ်သဘောထားပြောင်းလဲခြင်းနောက်လိုက်ရန် နှင့် သမ္မာတရားနောက် သာ၍နက်ရှိုင်းစွာ လိုက်ရန်လည်းဖြစ်သည်။ ဤလမ်းကြောင်းသည် ဘုရားသခင်အားဖြင့် စုံလင်ခြင်းသို့ရောက်ရှိပြီး ဘုရားသခင်၏ရယူခြင်းကို ခံရရန်ဖြစ်သည်။ သင်တို့အားလုံးသည် ဘုရားသခင်၏ တာဝန်ပေးစေခိုင်းချက်များကို ရရှိရန်ဖြစ်သည်။ ထိုသို့ဖြစ်ပါကထိုအရာသည် အဘယ်အရာနည်း။ ဤအရာသည် အလုပ်၏ နောက်တဆင့်ဖြစ်သည့် စကြဝဠာတစ်ခွင်လုံးတွင် ပြုလုပ်သည့် သာ၍ကြီးမားသည့်အလုပ်ဖြစ်သည်။ ထို့ကြောင့် သင်သည် အသက်တာ၏ စိတ်ဘောထားပြောင်းလဲမှု နောက်သို့ လိုက်ရမည်ဖြစ်သည်။ ယင်းအားဖြင့် သင်သည် နောက်နောင်တွင် ဘုရားသခင်၏အလုပ်အားဖြင့် ဘုန်းတော်ထင်ရှားသော ဘုရားသခင်၏သက်သေစစ်မှန်စွာဖြစ်လာရန်နှင့် အနာဂတ်အလုပ်များအတွက် နမူနာဖြစ်လာရန်ဖြစ်သည်။ ယနေ့ လိုက်နေခြင်းသည် အနာဂတ်အလုပ်အတွက် အခြေခံအုတ်မြစ်များ ချနေခြင်းဖြစ်သည်။ သူ၏သက်သေဖြစ်လာရန်အတွက် သင့်ကို ဘုရားသခင် အသုံးပြုရန်ဖြစ်သည်။ ဤအရာသည် သင်လိုက်နေသောအရာ ဖြစ်ပါက သန့်ရှင်းသောဝိညာဉ်တော် ရှိနေခြင်းကို သင်ရရှိမည် ဖြစ်သည်။ သင်လိုက် နေသောအရာ မြင့်မားလေလေ၊ သင်သည် စုံလင်ခြင်းခံရရန် သာ၍ဖြစ်နိုင်လေလေ ဖြစ်သည်။ သင်သည် သမ္မာတရားနောက် လိုက်လျှောက်လေလေ၊ သန့်ရှင်းသောဝိညာဉ်တော်သည် သာ၍အလုပ်လုပ်လေလေ ဖြစ်မည်။ လိုက်လျှောက်မှုအတွက် သင်၏အားအင်ပိုမိုကြီးမားလေလေ၊ သာ၍ ရရှိလေလေ ဖြစ်မည်။ သန့်ရှင်းသောဝိညာဉ်တော်သည် လူ၏အတွင်းအနေအထားပေါ် မူတည်၍ စုံလင်စေသည်။ လူအချို့တို့သည် ဘုရားသခင်၏အသုံးတော်ခံရန်ဆန္ဒမရှိ၊ သူ့အားဖြင့်စုံလင်ခြင်းရရန်လည်း ဆန္ဒမရှိကြောင်းနှင့် ၎င်းတို့၏ဇာတိပကတိထဲတွင်ငြိမ်သက်ခြင်းရှိကာ ဘေးကပ်ဆိုးဒဏ်များကို မခံစားရလျှင် လုံလောက်ပြီ ဖြစ်ကြောင်း ပြောကြသည်။ အချို့သောသူများသည် ကောင်းကင်နိုင်ငံတော်သို့ ဝင်ရောက်ရန် ဆန္ဒမရှိကြသော်လည်း နက်သောတွင်းထဲသို့ ကျဆင်းလိုသောဆန္ဒမူ ရှိကြသည်။ ဘုရားသခင်သည် ထိုဆန္ဒကိုလည်း ဖြည့်ဆည်းပေးမည် ဖြစ်သည်။ သင်လိုက်လျှောက်သော မည်သည့်အရာကိုမဆို ဘုရားသခင်သည် ဖြည့်ဆည်းပေးမည်ဖြစ်သည်။ ထို့ကြောင့် ယခုမျက်မှောက်တွင် သင်လိုက်လျှောက်သော အရာသည် အဘယ်အရာနည်း။ စုံလင်ခြင်းခံရရန်အတွက် သင်လိုက်လျှောက်နေသလော။ သင်၏ ယခုမျက်မှောက် အပြုအမူနှင့် ဆောင်ရွက်ချက်များသည် ဘုရားသခင်အားဖြင့် စုံလင်ခြင်းခံရရန်နှင့် ဘုရားသခင်၏ရယူခြင်းကို ခံရရန်အတွက်လော။ သင်၏နေ့စဉ်အသက်တာတွင် ဤနည်းဖြင့် မိမိကိုယ်မိမိ အဆက်မပြတ်တိုင်းတာရမည်ဖြစ်သည်။ သင်၏စိတ်နှလုံးသည် ဦးတည်ချက် တစ်ခုတည်းကို လိုက်လျှောက်ရန်သာ အာရုံစူးစိုက်မှုရှိပါက ဘုရားသခင်သည် သင့်အား ဧကန်မုချစုံလင်စေမည်ဖြစ်သည်။ ဤသည်မှာ သန့်ရှင်းသောဝိညာဉ်တော်၏ လမ်းကြောင်းဖြစ်သည်။ သန့်ရှင်းသောဝိညာဉ်တော်ဦးဆောင်သည့် လမ်းကြောင်းသည် လူတို့၏ရှာဖွေခြင်းအားဖြင့် ရရှိသည်။ ဘုရားသခင်အားဖြင့် စုံလင်ခြင်းခံရကာ ဘုရားသခင်ရယူသောအရာ ဖြစ်ရန် တောင့်တလေလေ၊ သန့်ရှင်းသောဝိညာဉ်တော်သည် သင်၏အထဲ၌ အလုပ်လုပ်လေလေ ဖြစ်သည်။ သင်သည် ရှာဖွေမှုမရှိ၊ အဖျက်သဘောဆောင်ကာ နောက်ကြောင်းပြန် လှည့်လေလေ၊ သန့်ရှင်းသောဝိညာဉ်သည် အလုပ်လုပ်ရန် အခွင့်အလမ်း နည်းပါးလေလေဖြစ်သည်။ သန့်ရှင်းသောဝိညာဉ်တော်သည် သင့်အား တဖြည်းဖြည်းနှင့်စွန့်ခွာသွားလိမ့်မည်။ သင်သည် ဘုရားသခင်အားဖြင့် စုံလင်ခြင်းကိုခံရလိုသလော။ သင်သည် ဘုရားသခင်၏ရယူခြင်းကို ခံရလိုသလော။ သင်သည် ဘုရားသခင်၏အသုံးပြုခြင်းကို ခံရလိုသလော။ သင်တို့သည် မိမိတို့ ပြုလုပ်သည့် အရာအားလုံးတွင် ဘုရားသခင်အားဖြင့် စုံလင်ခြင်းခံရရန်၊ ဘုရားသခင်၏ရယူခြင်းခံရရန်နှင့် ဘုရားသခင်၏အသုံးပြုခြင်းကိုခံရန်အတွက် လုပ်ဆောင်သင့်သည်။ သင်တို့၏အထဲတွင် ဘုရားသခင်၏ ပြုလုပ်ချက်များကို စကြဝဠာတစ်ခုလုံးအား တွေ့မြင်ခွင့်ပေးသင့်သည်။ အရာအားလုံးထဲတွင် သင်တို့သည် ၎င်းတို့၏အရှင်သခင်ဖြစ်သည်။ ရှိနေသောအရာအားလုံးထဲတွင် ဘုရားသခင်အား သင်တို့သည် သင်တို့ကြောင့် သက်သေခံချက်နှင့် ဘုန်းတော်ထင်ရှားခြင်းများကို ခံစားခွင့်ပေးမည်။ သင်တို့သည် ကောင်းချီးမင်္ဂလာအခံစားရဆုံး မျိုးဆက်ဖြစ်ကြောင်းကို ဤအရာမှ ပြသနေသည်။

ယခင်က:ဘုရားသခင်၏ အသစ်ဆုံးသော အလုပ်ကို သိပြီး ဘုရားသခင်၏ ခြေရာများအတိုင်း လိုက်လျှောက်ပါ

နောက်တစ်ခုသို့:ဘုရားသခင်ရှေ့မှောက်တွင် သင်၏ စိတ်နှလုံးအား ငြိမ်သက်စေခြင်း

သင်နှစ်သက်နိုင်သည့် အရာများ