အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ရှစ်ဆယ့်တစ်ခုမြောက်သော မိန့်မြွက်ချက်

အို၊ ဤညစ်ညမ်းပြီး ဖောက်ပြန်တတ်သော ကာလဟောင်း။ ငါသည် သင့်ကို ဝါးမြိုလိမ့်မည်။ ဇိအုန်တောင်။ ငါ့ကို ကြိုဆိုနှုတ်ဆက်ဖို့ရန် ထလော့။ ငါ၏ စီမံခန့်ခွဲမှုအစီအစဉ် ပြီးမြောက်ခြင်းအတွက်၊ ငါ၏ ကြီးမြတ်သော လုပ်ဆောင်မှု အောင်မြင်စွာ ပြီးမြောက်ခြင်းအတွက်၊ အဘယ်သူသည် ထကာ၊ ချီးမြှောက်ခြင်း မပြုရန် ဝံ့ရဲသနည်း။ အဘယ်သူသည် ပျော်ရွှင်မှုဖြင့် ထလျက်၊ မရပ်မနား မခုန်ဘဲ နေရဲသနည်း။ သူတို့သည် ငါ၏လက်ဖြင့် သူတို့၏သေခြင်းကို တွေ့ကြုံရလိမ့်မည်။ အနည်းငယ်မျှသော သနားခြင်းကရုဏာ သို့မဟုတ် ချစ်ခင်ကြင်နာခြင်းမရှိဘဲ ဘက်မလိုက်ခြင်းတို့ဖြင့် ငါ၏ ဖြောင့်မတ်ခြင်းကို လူတိုင်းအပေါ် လုပ်ဆောင်မည်။ လူသားအားလုံးတို့။ ချီးမွမ်းခြင်းကို ပေးရန် ထလျက်၊ ငါ့ကို ချီးကျူးထောမနာပြုကြလော့။ အလုံးစုံသော မဆုံးနိုင်သည့် ဘုန်းသည် ထာဝရကာလမှ ထာဝရကာလတိုင် ငါ့အားဖြင့် တည်ရှိပြီး၊ ငါ့အားဖြင့် တည်ထောင်ခြင်း ဖြစ်သည်။ အဘယ်သူသည် သူကိုယ်တိုင်အတွက် ဘုန်းကို ခံယူဝံ့သနည်း။ အဘယ်သူသည် ငါ၏ ဘုန်းကို ရုပ်ဝတ္တုပစ္စည်းကဲ့သို့ ဆက်ဆံဝံ့သနည်း။ ငါ၏ လက်ဖြင့် သူတို့သည် ကွပ်မျက်ခြင်းကို ခံရလိမ့်မည်။ အို၊ ရက်စက်ကြမ်းကြုတ်သော လူသားများ။ ငါသည် သင်တို့ကို ဖန်ဆင်းခဲ့ပြီး၊ သင်တို့အဖို့ ကျွေးမွေး ပြုစုစောင့်ရှောက်ခဲ့ကာ ငါသည် သင်တို့ကို ယနေ့တိုင်အောင် ဦးဆောင်ခဲ့သော်လည်း၊ သင်တို့သည် ငါ့ကို အနည်းငယ်မျှပင် မသိဘဲ၊ ငါ့ကို လုံးဝ ချစ်မြတ်နိုးခြင်းမရှိ။ ငါသည် သင်တို့အား သနားကြင်နာမှုကို အဘယ်ကဲ့သို့ ထပ်မံ၍ ပြနိုင်မည်နည်း။ ငါသည် သင်တို့ကို အဘယ်ကဲ့သို့ ကယ်တင်နိုင်မည်နည်း။ သင်တို့ကို ငါ၏ အမျက်ဒေါသဖြင့်သာ ဆက်ဆံနိုင်သည်။ သင်တို့ကို ပျက်စီးခြင်းဖြင့် ပြန်လည်ပေးဆပ်ကာ၊ သင်တို့ကို ထာဝရ ပြစ်တင်ဆုံးမခြင်းဖြင့် ပြန်လည်ပေးဆပ်မည်။ ဤအရာသည် ဖြောင့်မတ်မှန်ကန်ခြင်း ဖြစ်ပြီး၊ ထိုအရာမှာ ဤနည်းလမ်းသာ ဖြစ်နိုင်သည်။

ငါ၏ နိုင်ငံတော်သည် ခိုင်မာတောင့်တင်းပြီး မြဲမြံတည်ငြိမ်ကာ၊ ၎င်းသည် အဘယ်သောအခါမျှ ပြိုကျလိမ့်မည် မဟုတ်ဘဲ ၎င်းသည် ထာဝရကာလတိုင် တည်ရှိလိမ့်မည်။ ငါ့သားများ၊ ငါ၏ သားဦးများ၊ ငါ၏ လူများတို့သည် ငါနှင့်အတူ ကောင်းချီးမင်္ဂလာများကို ထာဝရအစဉ်အမြဲ ပျော်ရွှင်ခံစားကြရလိမ့်မည်။ ဝိညာဉ်ရေးရာများကို နားမလည်သော ထိုသူများနှင့်၊ သန့်ရှင်းသော ဝိညာဉ်တော်ထံမှ ဗျာဒိတ်တော်ကို မရရှိသော သူများတို့သည် ငါ၏ နိုင်ငံတော်မှ အနှေးနှင့်အမြန် ဖြတ်ထုတ်ခြင်းကို ခံရလိမ့်မည်။ သူတို့သည် သူတို့၏ ကိုယ်ပိုင် ဆန္ဒအလျောက် ထွက်ခွာလိမ့်မည် မဟုတ်ဘဲ ငါ၏ ဘုန်းအာနုဘော်၊ ငါ၏ လှံတံ၏ အုပ်စိုးခြင်းအားဖြင့် အတင်းအဓမ္မနှင်လွှတ်ခြင်းခံမည်ဖြစ်သည့်အပြင်၊ သူတို့သည် ငါ၏ ခြေထောက်ဖြင့် ကန်ထုတ်ခြင်း ခံရကြလိမ့်မည်။ ညစ်ညမ်းသော ဝိညာဉ်များ၏ (မွေးစကပင်) အချိန်တစ်ခုထိ ပိုင်ဆိုင်ခြင်း ခံရသောသူများသည် ယခုတွင် ထုတ်ဖော်ခြင်းကို ခံရလိမ့်မည်။ ငါသည် သင့်ကို အပြင်သို့ ကန်ထုတ်လိုက်လိမ့်မည်။ ငါပြောခဲ့သောအရာကို သင်မှတ်မိနေသေးသလော။ သန့်ရှင်း၍ အပြစ်မပါသော ဘုရားသခင်၊ ငါသည် ဆိုးဝါး၍ ညစ်ပတ်ပေရေသော ဗိမာန်တွင် မနေထိုင်ပေ။ ဆိုးညစ်သောဝိညာဉ် စွဲကပ်လျက်ရှိသော သူများသည် သူတို့ကိုယ်သူတို့ သိကြပြီး ငါရှင်းပြရန် မလိုပေ။ ငါသည် သင့်ကို ခွဲခန့်မှတ်သားထားခဲ့ခြင်း မဟုတ်။ သင်သည် စာတန်အို ဖြစ်လျက်ပင်၊ ငါ၏ နိုင်ငံတော်ကို ထိုးဖောက်ဝင်ရောက်ချင်သေးသည်။ လုံးဝမရပေ။ သင့်ကိုငါပြောနေသည်။ ယနေ့တွင် သင့်အတွက် ငါသည် ထိုအရာကို ရှင်းလင်းအောင် ပြုလုပ်ပေးမည်။ လူသားမျိုးနွယ်ကို ဖန်ဆင်းခြင်းတွင် ငါရွေးချယ်ခဲ့သောသူတို့ကို ငါသည် ငါ၏အရည်အသွေးနှင့် စိတ်သဘောထားတို့ဖြင့် ပြည့်ဝစေမည်၊ ထိုကြောင့် ယနေ့ သူတို့သည် ငါ့တစ်ဦးတည်းကိုသာ သစ္စာရှိသည်၊ သူတို့သည် အသင်းတော်အတွက် ဝန်ထုပ်ကို ထမ်းနိုင်ကြပြီး သူတို့သည် ငါ့အတွက် သူတို့ကိုယ်ကို အသုံးခံလိုကြကာ သူတို့၏ အလုံးစုံဖြစ်ခြင်းများကို ငါ့ထံ ဆက်ကပ်လိုကြသည်။ ထိုကြောင့် ငါမရွေးချယ်သောသူတို့သည် အတိုင်းအတာ တစ်ခုအထိ စာတန်၏ ဖျက်ဆီးခြင်းကို ခံကြရပြီး ငါ၏ အရည်အသွေးနှင့် ငါ၏စိတ်သဘောထားတို့ သူတို့၌မရှိပေ။ ငါ၏နှုတ်ကပတ်တော်များသည် ရှေ့နောက်မညီဟု သင်တို့ထင်ကြသော်လည်း နှုတ်ကပတ်တော်ရှိ “သင်တို့ကို ငါခွဲခန့်မှတ်သား ရွေးချယ်ထားပြီး ဖြစ်သောကြောင့် သင်တို့သည် သင်တို့၏ အပြုအမူများအတွက် အကျိုးဆက်ကို ခံရမည်” ဟူသမျှသည် စာတန်ကို ရည်ညွှန်းသည်။ ယခု သင်တို့ကို အချက်တစ်ချက်အား ရှင်းပြမည်၊ ယနေ့ ထ၍ အသင်းတော်၏သြဇာကို ကျင့်သုံးနိုင်သောသူများ၊ အသင်းတော်ကို ဦးဆောင်လမ်းပြသောသူများ၊ ငါ၏ ဝန်ထုပ်ကို ထည့်သွင်းစဉ်းစားသူများနှင့် ထူးခြားသောတာဝန်များကို ပိုင်ဆိုင်သောသူများ တစ်ဦးတစ်ယောက်မှ ခရစ်တော်၏အစေခံများ မဟုတ်ကြပေ။ သူတို့အားလုံးသည် ငါခွဲခန့်မှတ်သားထားပြီး ရွေးချယ်ထားသောသူများဖြစ်သည်။ ဤအရာကို ငါပြောသည်မှာ သင်တို့ အလွန်အမင်း ပူပန်ခြင်း မရှိရန်နှင့် အသက်တာ တိုးတက်မှုကို မနှောင့်နှေးစေရန်ဖြစ်သည်။ အဘယ်မျှလောက်သောသူတို့သည် သားဦးများ၏ ဂုဏ်အဆင့်အတန်းကို ရယူနိုင်မည်နည်း။ ဤအရာသည် ဒီပလိုမာဘွဲ့ရယူသကဲ့သို့ လွယ်ကူသည့်အရာတစ်ခု ဖြစ်နိုင်သလော။ မဖြစ်နိုင်ပေ။ အကယ်၍ငါသည် သင်တို့ကို မစုံလင်စေခဲ့လျှင်၊ သင်တို့သည် အတိုင်းအတာ တစ်ခုအထိ စာတန်၏ ဖျက်ဆီးခြင်းကိုခံရသည်မှာ ကြာမြင့်နေပြီး ဖြစ်လိမ့်မည်။ ထို့ကြောင့်ပင် ငါသည် ငါ့အား သစ္စာရှိသော သူတို့ကို အစဉ်အမြဲ ကြည့်ရှုပြုစုပြီး စောင့်ရှောက်ကာ သူတို့ကို ဘေးအန္တရာယ်နှင့် ဒုက္ခထဲမှ ကာကွယ်မည်ဆိုသည်ကို ငါသည် ထပ်ကာထပ်ကာ အလေးထား ပြောကြားခဲ့ခြင်းဖြစ်သည်။ ငါ၏ ခွဲခန့်မှတ်သားထားခြင်း မခံရသော ထိုသူများမှာ၊ ညစ်ညမ်းသော ဝိညာဉ်များ စွဲကပ်သောသောသူများ၊ ထုံထိုင်းသော သူများ၊ ဉာဏ်ထိုင်းသော သူများနှင့် ဝိညာဉ်ရေးရာ၌ ကြီးထွားခြင်း ရပ်တန့်နေသော သူများနှင့် အသင်းတော်များကို ဦးမဆောင်နိုင်သောသူများ (စိတ်ဆန္ဒရှိသော်လည်း ရူပါရုံများနှင့်ပတ်သက်၍ မရှင်းလင်းသောသူများကို ဆိုလိုသည်) တို့ဖြစ်ကြသည်။ ၎င်းတို့ကို ငါ၏ မြင်ကွင်းမှ လျှင်မြန်စွာ ဖယ်ရှားသင့်ပြီး၊ မြန်ဆန်လေ ကောင်းလေပင်ဖြစ်ကာ၊ ထိုသို့အားဖြင့် သင်တို့ကို တွေ့မြင်ရခြင်းဖြင့် ငါသည် စက်ဆုပ်ရွံ့ရှာပြီး ဒေါသထွက်ခြင်းတို့ ဖြစ်လာမည်မဟုတ်။ အကယ်၍သင်သည် လျှင်မြန်စွာ လွတ်မြောက်သွားမည် ဆိုပါက၊ သင်သည် ပြစ်တင်ဆုံးမခြင်းခံရမှု လျော့နည်းသွားမည် ဖြစ်သော်လည်း၊ သင်အချိန်ကြာမြင့်စွာ ဆွဲနေပါက ပြစ်တင်ဆုံးမခြင်းသည် သာ၍ ပြင်းထန်လိမ့်မည် ဖြစ်သည်။ သင်နားလည်သလော။ အလွန်တရာ အရှက်ကင်းမဲ့ခြင်း မဖြစ်နှင့်။ သင်သည် ကိုယ်ကျင့်တရားပျက်ပြီး ထိန်းမနိုင်သိမ်းမရ၊ အလေးအနက်မထားဘဲ သတိမမူဖြစ်ကာ မိမိမှာမည်ကဲ့သို့သော အမှိုက်မျိုးဖြစ်သည်ကိုပင် လုံးဝမသိတော့ပေ။ သင်သည် မျက်စိကန်းသောသူဖြစ်သည်တကား။

ငါ၏ နိုင်ငံတော်တွင် တန်ခိုးအာဏာ ကိုင်စွဲထားသော သူအားလုံးမှာ ငါ၏ သေချာစွာ ရွေးချယ်ခြင်းကို ခံထားရသောသူများ ဖြစ်ပြီး၊ အထပ်ထပ်အခါခါ စစ်ဆေးမှုများကို တွေ့ကြုံခဲ့သူများဖြစ်သည်။ အဘယ်သူတစ်ဦးတစ်ယောက်မျှ သူတို့ကို အနိုင်ယူနိုင်ခြင်းမရှိ။ ငါသည် သူတို့အား ခွန်အားကို ပေးထားခဲ့သောကြောင့် သူတို့သည် ဘယ်သောအခါမျှ လဲကျခြင်း သို့မဟုတ် လမ်းလွဲသွားခြင်း ဖြစ်လိမ့်မည်မဟုတ်။ ငါ၏ ထောက်ခံချက်ကို သူတို့သည် ရရှိခဲ့ပြီးဖြစ်သည်။ ယနေ့မှစ၍ လျှို့ဝှက်သောသူများသည် သူတို့၏ စစ်မှန်သော အရောင်ကို ပြလိမ့်မည်ဖြစ်ပြီး၊ ၎င်းတို့သည် အမျိုးမျိုးသော ရှက်ဖွယ်ကောင်းသော အရာများကို တတ်နိုင်ကြသည်။ သို့သော်လည်း သူတို့သည် နောက်ဆုံး၌ စာတန်ကို ပြစ်တင်ဆုံးမပြီး မီးရှို့ဖျက်ဆီးသော ငါ၏လက်မှ လွတ်မြောက်လိမ့်မည် မဟုတ်။ ငါ၏ ဗိမာန်သည် သန့်ရှင်းပြီး သပ်ရပ်လိမ့်မည်။ ထိုအရာအားလုံးသည် ငါ့ကို သက်သေခံချက်များ ဖြစ်ကာ၊ ငါ၏သရုပ်သကန် ဖြစ်ပြီး၊ ငါ၏ နာမအတွက် ဘုန်းဖြစ်သည်။ ဤအရာမှာ ငါ၏ ထာဝရ ကိန်းဝပ်ရာဖြစ်ပြီး ငါ၏ ထာဝရ ချစ်ခြင်းမေတ္တာကို ခံသည့်အရာဖြစ်သည်။ ၎င်းကို ငါသည် မကြာခဏ ချစ်သောလက်ဖြင့် ကြင်နာစွာပွတ်သပ်ကာ၊ ချစ်ခြင်းမေတ္တာ ဘာသာစကားဖြင့် ၎င်းကို နှစ်သိမ့်၍၊ ချစ်မေတ္တာ မျက်စိများဖြင့် ၎င်းကို ဂရုစိုက်ပြီး၊ မေတ္တာရင်ခွင်ဖြင့် ၎င်းအား ပွေ့ဖက်သောကြောင့်၊ ၎င်းသည် ညစ်ညမ်းသောသူတို့ ထောင်ချောက်များအတွင်း ကျဆင်းသွားခြင်း သို့မဟုတ် စာတန်၏ လှည့်စားခြင်းတို့ ခံရလိမ့်မည်မဟုတ်။ ယနေ့တွင် ငါ့အတွက် အစေခံသော်လည်း ကယ်တင်ခြင်း မခံရသောသူများသည် နောက်ဆုံးအချိန်အတွက် ငါ၏ အသုံးချခြင်းကို ခံရလိမ့်မည်။ ငါသည် ထိုအရာများကို အဘယ်ကြောင့် ငါ၏ နိုင်ငံတော်မှ ဖယ်ရှားရန် အလျင်အမြန်ပြုသနည်း။ ငါ၏ မြင်ကွင်းမှ ၎င်းတို့ကို ငါသည် အဘယ်ကြောင့် မောင်းထုတ်ရသနည်း။ ငါသည် သူတို့ကို ငါ၏ ရိုးတွင်းခြင်ဆီအတွင်းအထိ မုန်းတီးသည်။ ငါသည် သူတို့ကို အဘယ်ကြောင့် မကယ်တင်သနည်း။ ငါသည် သူတို့ကို အဘယ်ကြောင့် အလွန်မုန်းတီးသနည်း။ ငါသည် အဘယ့်ကြောင့် သူတို့ကို သေသည်တိုင်အောင် ရိုက်နှက်ရသနည်း။ ငါသည် အဘယ်ကြောင့် သူတို့ကို ဖျက်ဆီးပစ်ရလိမ့်မည်နည်း။ (သူတို့၏ ပြာမှုန့်များ အပါအဝင် သူတို့၏ သေးငယ်သော အပိုင်းအစပင် ငါ၏ မြင်ကွင်းတွင် မကျန်ရှိနိုင်။) အဘယ်ကြောင့်နည်း။ အဆင်းနီသော နဂါးကြီး၊ ရှေးမြွေဟောင်းနှင့် စာတန်အိုသည် ငါ၏ နိုင်ငံတော်သို့ ကပ်မြှောင်နေရန် ရှာဖွေနေသည်။ ထပ်လောင်းစဉ်းစားလော့။ ၎င်းတို့အားလုံးသည် မည်သည့်အရာမျှ ဖြစ်လာလိမ့်မည် မဟုတ်ဘဲ၊ ပြာမှုန့်များ အဖြစ်သို့ ပြောင်းလဲသွား လိမ့်မည်။

ငါသည် ဤခေတ်ကို ဖျက်ဆီးမည်၊ ထိုအရာကို ငါ၏နိုင်ငံတော်အဖြစ် ပြောင်းလဲပြီး ထာဝရကာလတိုင် ငါချစ်မြတ်နိုးသည့် လူများနှင့်အတူ နေထိုင်ကာ ပျော်မွေ့မည်။ ထိုကဲ့သို့သော မသန့်ရှင်းသော အရာများသည် ငါ၏ နိုင်ငံတော်၌ ဆက်လက်နေထိုင်နေရန် မစဉ်းစားသင့်ပေ။ နောက်ကျိသောရေ၌ ငါးမျှားနိုင်မည်ဟု သင်ထင်သလော။ ထပ်လောင်းစဉ်းစားလော့။ ငါ၏ မျက်စိတို့ဖြင့် အရာအားလုံးသည် စစ်ဆေးခြင်းခံရသည်ကို သင်မသိ။ ငါ၏ လက်များဖြင့် အရာအားလုံးတို့ စီစဉ်ထား ခြင်းခံရသည်ကို သင်မသိ။ သင်သည် မြင့်မားစွာ ကြည်ညိုလေးစားခြင်း ခံရသည်ဟု မထင်နှင့်။ သင်တို့တစ်ဦးချင်းစီသည် သင်တို့နှင့် သင့်တော်သည့် နေရာကိုယူရမည်။ နှိမ့်ချသည်ဟု ဟန်မဆောင်နှင့် (ကောင်းချီးမင်္ဂလာခံစား ရသူများကို ရည်ညွှန်းသည်) သို့မဟုတ်၊ တုန်လှုပ်ကာ ကြောက်ရွံ့ခြင်းမဖြစ်နှင့် (ကံဆိုးခြင်း ဒုက္ခကို ခံစားရသော သူများကို ရည်ညွှန်းသည်) ယခု၊ လူတိုင်းသည် မိမိတို့နှလုံးသားများထဲ၌ သူတို့ကိုယ်သူတို့သိသင့်သည်။ အကယ်၍ ငါသည် သင့်နာမည်ကို မဖော်ပြလျှင်ပင် သင်သည် သေချာသင့်သည်၊ အဘယ်ကြောင့်ဆိုသော် ငါ၏ နှုတ်ကပတ်တော်များသည် တစ်ဦးချင်းစီတိုင်းကို ဦးတည်ထားခြင်းကြောင့်ဖြစ်သည်။ သင်သည် ငါ၏ ရွေးချယ်ခြင်းကို ခံရသူ ဟုတ်သည်ဖြစ်စေ၊ မဟုတ်သည်ဖြစ်စေ ငါ၏ နှုတ်ကပတ်တော်များသည် သင်တို့၏ လက်ရှိ အခြေအနေများကို ဦးတည်ထားခြင်း ဖြစ်သည်။ တစ်နည်းအားဖြင့် အကယ်၍ သင်တို့သည် ငါ၏ ရွေးချယ်ခြင်းခံရသော သူများအကြား၌ ရှိသောသူများဖြစ်သည်ဆိုလျှင်၊ သင်၏ တင်ပြပုံကို အခြေခံကာ၊ ငါရွေးချယ်ထားသောသူများ၏ အခြေအနေကို ငါပြောဆိုခြင်းဖြစ်သည်၊ ငါမရွေးချယ်ထားသော သူများအတွက်လည်း သူတို့၏ အခြေအနေနှင့်အညီ ငါပြောခြင်းဖြစ်သည်။ ထို့ကြောင့် ငါ၏ နှုတ်ကပတ်တော်များသည် အမှတ်တစ်နေရာအထိ ပြောဆိုသည်။ ထိုအရာကို လူတစ်ဦးချင်းစီတိုင်းသည် ကောင်းစွာ နားလည်ခံယူတတ်သင့်သည်။ သင်တို့ကိုယ်သင်တို့ မလှည့်စားနှင့်။ မကြောက်ရွံ့နှင့်။ အဘယ်ကြောင့်ဆိုသော် လူတို့၏ အရေအတွက်မှာ ကန့်သတ်ထားခြင်းခံရပြီး၊ အနည်းငယ်မျှသော မစို့မပို့ လှည့်စားမှုသည် အလုပ်ဖြစ်လိမ့်မည် မဟုတ်။ ငါရွေးချယ်သူဟုပြောသော မည်သူမဆို ရွေးချယ်ခြင်းခံရပြီး၊ သင်မည်မျှပင် ကောင်းစွာဟန်ဆောင်သည်ဖြစ်စေ ငါ၏ အရည်အချင်းမပါလျှင် သင်သည် ကျဆုံးလိမ့်မည်။ ငါသည် ငါ့စကားကို တည်စေသောကြောင့်၊ ငါ၏ ကိုယ်ပိုင် အစီအစဉ်များကို ငါသည် သာမန်ကာလျှံကာဖြင့် မနှောင့်ယှက်၊ ငါလုပ်သော အရာမှန်သမျှသည် မှန်ကန်သောကြောင့်၊ ငါလုပ်ချင်သမျှကို ငါသည် လုပ်ကိုင်ကာ၊ ငါသည် အထွတ်အထိပ်ဖြစ်ပြီး၊ ငါသည် အတုမရှိသောသူဖြစ်သည်။ ဤအကြောင်းအရာကို သင်ရှင်းလင်းသလော။ သင်နားလည်သလော။

ယခုတွင်၊ ငါ၏ နှုတ်ကပတ်တော်များကို ဖတ်ပြီးနောက်၊ ညစ်ညမ်းမှုများကို ပြုသောသူတို့၊ လိမ်လည်ပြီး လှည့်စားတတ်သော သူတို့လည်း တိုးတက်မှုကို ရှာဖွေရန် ကြိုးစားအားထုတ်ကြသည်၊ သူတို့၏ ရှာဖွေမှု၌ အားထုတ်ခြင်းသည် ဓမ္မဓိဌာန်မကျပေ။ သူတို့သည် ငါ၏နိုင်ငံတော်သို့ သွားသည့် သူတို့၏လမ်းကို တိုးဝှေ့ဝင်ရန် အဖိုးအခ အနည်းငယ်သာ ပေးလိုကြသည်။ နောက်တစ်ကြိမ် စဉ်းစားလော့။ (ငါသည် သူတို့အား နောင်တရခွင့်ကို မပေးထားသောကြောင့် ဤလူများသည် မျှော်လင့်ချက်မဲ့နေကြသည်။) ငါ၏ နိုင်ငံတော် တံခါးဝကို ငါစောင့်ရှောက်သည်။ ငါ၏ နိုင်ငံတော်ကို လူတို့သည် သူတို့သဘောရှိ ဝင်နိုင်လိမ့်မည်ဟု သင်ထင်သလော။ မည်ကဲ့သို့သော အမှိုက်သရိုက်မျိုးမဆို ငါ၏ နိုင်ငံတော်က လက်ခံလိမ့်မည်ဟု သင်ထင်သလော။ အသုံးမကျသော အမှိုက်များကို ငါ၏နိုင်ငံတော်သည် လက်ခံမည်ဟုထင်သလော။ သင်သည် မှားယွင်းနေသည်။ ယနေ့တွင် ငါ၏ နိုင်ငံတော်၌ ရှိသောသူတို့သည် ငါနှင့်အတူ ရှင်ဘုရင်အာဏာကို စွဲကိုင်ထားကြပြီး၊ ငါသည် သူတို့ကို ဂရုတစိုက် ပျိုးထောင်ခဲ့ခြင်းဖြစ်သည်။ ဤအရာမှာ လိုချင်ရုံနှင့် ရယူနိုင်သည့် တစ်စုံတစ်ခုသောအရာမဟုတ်၊ သင်သည် ငါ၏ အတည်ပြုခြင်း ခံရမည်။ ထို့အပြင် ဤအရာမှာ တစ်ဦးတစ်ယောက်နှင့် ဆွေးနွေးတိုင်ပင်သော အရာမဟုတ်ဘဲ ဤအရာများမှာ ငါကိုယ်တိုင် စီစဉ်ထားသော အရာတစ်စုံတစ်ခုဖြစ်သည်။ ငါပြောသမျှ ဖြစ်သည်။ ငါ၏ ဉာဏ်မမီနိုင်အောင် နက်နဲသော အရာတို့ကို ငါချစ်သော သူတို့အား ထုတ်ဖော်ပြသည်။ ဆိုးညစ်မှုကို လုပ်ဆောင်သောသူတို့သည်၊ ဆိုလိုသည်မှာ၊ ငါ၏ရွေးကောက်ခြင်းမခံရသောသူများသည် ထိုအရာများကို ရရှိဖို့ရန် အခွင့်မရှိပေ။ ထိုအရာတို့ကို သူတို့ကြားရသော်ငြားလည်း သူတို့သည် နားလည်ကြမည်မဟုတ်ပေ၊ အကြောင်းမှာ စာတန်သည် သူတို့၏မျက်စိကို ဖုံးထားပြီး သူတို့၏ နှလုံးသားများကို ဖမ်းဆုပ်ထားကာ သူတို့၏ ဖြစ်ခြင်းအလုံးစုံကို ပျက်စီးစေသောကြောင့်ဖြစ်သည်။ ငါ၏အပြုအမူများသည် အံသြဖွယ်ဖြစ်ပြီး အမြော်အမြင်ရှိကာ ငါ၏အမှုအတွက် အရာအားလုံးကို ငါဆော်သြစည်းရုံးသည်ဟု အဘယ်ကြောင့် ပြောရသနည်း။ ငါသည် ငါခွဲခန့်မှတ်သား ရွေးချယ်ထားခြင်းမရှိသောသူများကို အပြစ်ဒဏ်ပေးရန်နှင့် ဖျက်ဆီးရန် စာတန်ဆီသို့ ငါလွှဲပြောင်းပေးအပ်မည်။ ငါသည် မည်သည့်အရေးယူမှုမျှ လုပ်မည်မဟုတ်၊ ဤအရာသည် ငါအဘယ်မျှလောက် ဉာဏ်ရှိကြောင်းပင် ဖြစ်သည်။ မည်သူသည် ဤအရာကို တွေးတောဖူးသနည်း။ မည်သည့်ကြိုးစားအားထုတ်မှုမျှ လုံးဝမရှိဘဲ ငါ၏ ကြီးမြတ်သော အမှုသည် ပြီးမြောက်အောင်မြင်ပြီ ဖြစ်သည်၊ မဟုတ်သလော။

ယခင်က:ရှစ်ဆယ်ခုမြောက်သော မိန့်မြွက်ချက်

နောက်တစ်ခုသို့:ရှစ်ဆယ့်သုံးခုမြောက်သော မိန့်မြွက်ချက်

သင်နှစ်သက်နိုင်သည့် အရာများ