အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ခုနစ် ယုံကြည်သူ အသစ်များမှ အနည်းဆုံးအနေဖြင့် နားလည်ထားသင့်သည့် သမ္မာတရားများ၏ အခြားသော ရှုထောင့်အချို့

၃။ ဘုရားသခင်ကို ယုံကြည်ရာ၌ သင်သည် ဘုရားသခင်နှင့် သာမန် ဆက်ဆံရေးကို တည်ဆောက်သင့်သည်

ဆက်စပ်သော ဘုရားသခင်၏ နှုတ်ကပတ်တော်များ-

ဘုရားသခင်ကို ယုံကြည်ရာတွင် အနည်းဆုံးအနေဖြင့် သင်သည် ဘုရားသခင်နှင့် ပုံမှန်ဆက်ဆံရေးရှိမှုကိစ္စကို ဖြေရှင်းရမည်။ ဘုရားသခင်နှင့် ပုံမှန်ဆက်ဆံရေးမရှိပါက ဘုရားသခင်ကို ယုံကြည်ခြင်း၏ အဓိပ္ပာယ်မှာ ပျောက်ဆုံးသွားသည်။ ဘုရားသခင်နှင့် ပုံမှန်ဆက်ဆံရေး တည်ဆောက်ခြင်းကို ဘုရားသခင်၏ရှေ့မှောက်တွင် သင်၏စိတ်နှလုံးကို ငြိမ်သက်စေခြင်းအားဖြင့် အလုံးစုံရရှိခြင်းဖြစ်သည်။ ဘုရားသခင်နှင့် ပုံမှန်ဆက်ဆံရေးဟူသည်မှာ ဘုရားသခင်၏မည်သည့်အမှုကိုမဆို သံသယမဝင်ခြင်း၊ သို့မဟုတ် မငြင်းပယ်ခြင်းတို့ကို ပြုနိုင်ပြီး ဆက်ကပ်နာခံခြင်း ဖြစ်သည်သာမက ဘုရားသခင်၏မျက်မှောက်တွင် မှန်ကန်သော ရည်ရွယ်ချက်များ ရှိခြင်း၊ သင့်ကိုသင် မစဉ်းစားခြင်း၊ မည်သည့်အရာပင်ပြုနေသည်ဖြစ်စေ ဘုရားသခင့်မိသားစု၏ အကျိုးစီးပွားများကို အရေးအကြီးဆုံးအရာအဖြစ် အစဉ်အမြဲထားခြင်း၊ ဘုရားသခင်၏ စောင့်ကြည့်မှုကို လက်ခံခြင်းနှင့် ဘုရားသခင်၏ အစီအမံများကို ကျိုးနွံနာခံခြင်းတို့ဖြစ်သည်။ သင့်အနေဖြင့် တစ်စုံတစ်ရာကို လုပ်သည့်အချိန်တိုင်းတွင် ဘုရားသခင်၏မျက်မှောက်၌ သင်၏စိတ်နှလုံးကို ငြိမ်သက်စွာထားနိုင်သည်။ ဘုရားသခင်၏အလိုတော်ကို သင်နားမလည်လျှင်ပင် သင်၏တာဝန်နှင့် ဝတ္တရားများကို သင်စွမ်းဆောင်နိုင်သမျှ အကောင်းဆုံး ဖြည့်ဆည်းပေးနေရမည်။ ဘုရားသခင်၏အလိုတော် ထုတ်ဖော်ပြသခြင်းကို သင့်အနေဖြင့် ခံရပြီးနောက် ၎င်းကို လက်တွေ့လုပ်ဆောင်ခြင်းငှာ စောင့်စားရန် အချိန်နှောင်းလွန်းခြင်းမရှိပေ။ ဘုရားသခင်နှင့် သင်၏ဆက်ဆံရေး ပုံမှန်ဖြစ်လာသည့်အခါ သင်သည် လူများနှင့်လည်း ပုံမှန်ဆက်ဆံရေး ရရှိလာလိမ့်မည်။ အရာခပ်သိမ်းကို ဘုရားသခင်၏ နှုတ်ကပတ်တော်များကို အခြေပြုပြီး တည်ဆောက်ထားသည်။ ဘုရားသခင်၏ နှုတ်ကပတ်တော်များကို စားသောက်ခြင်းအားဖြင့် ဘုရားသခင်၏ သတ်မှတ်ချက်များနှင့်အညီ လက်တွေ့လုပ်ဆောင်လော့၊ သင်၏အမြင်ကို မှန်ကန်စွာထားလော့၊ ထို့ပြင် ဘုရားသခင်ကို ဆန့်ကျင်သော၊ သို့မဟုတ် အသင်းတော်ကို နှောင့်ယှက်သော အရာများကို မလုပ်ဆောင်နှင့်။ ညီအစ်ကိုမောင်နှမများ၏ အသက်တာများအတွက် အကျိုးမရှိသော အရာများကို မလုပ်နှင့်၊ အခြားသူများအတွက် အထောက်အကူမဖြစ်စေသော အရာများကို မပြောနှင့်၊ ရှက်ဖွက်ကောင်းသော အရာများကို မလုပ်နှင့်။ အရာရာကို မျှမျှတတနှင့် ဂုဏ်သိက္ခာရှိစွာ လုပ်ဆောင်ပြီး ဘုရားသခင်၏ ရှေ့မှောက်တွင် ယင်းတို့ကို တင့်တယ်စေလော့။ တစ်ခါတစ်ရံတွင် လူ့ဇာတိသည် အားနည်းတတ်သော်လည်း သင်သည် ဘုရားသခင်၏မိသားစု အကျိုးဖြစ်ထွန်းစေရေးကို အရေးအကြီးဆုံးအရာအဖြစ် အလေးထားနိုင်ကာ သင်၏ကိုယ်ပိုင်အကျိုးစီးပွားများကို မမက်မောဘဲ ဖြောင့်မတ်ခြင်းတရားကို လုပ်ဆောင်နိုင်၏။ ဤနည်းလမ်းအတိုင်း သင်လက်တွေ့လုပ်ဆောင်နိုင်ပါက ဘုရားသခင်နှင့် သင်၏ဆက်ဆံရေးသည် ပုံမှန်ဖြစ်လိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်နှင့် သင်၏ ဆက်ဆံရေး မည်ကဲ့သို့ရှိသနည်း” မှ

တစ်စုံတစ်ရာကို သင်လုပ်သည့်အခါတိုင်းတွင် သင်၏အရင်းခံအကြောင်းများသည် မှန်မမှန်ကို သင်ဆန်းစစ်ရမည်။ ဘုရားသခင်၏ သတ်မှတ်ချက်များအတိုင်း သင်လုပ်ဆောင်နိုင်ပါက ဘုရားသခင်နှင့် သင်၏ဆက်ဆံရေးသည် ပုံမှန်ဖြစ်ပေသည်။ ယင်းမှာ အနိမ့်ဆုံးသတ်မှတ်ချက်ဖြစ်သည်။ အကယ်၍ သင်သည် သင်၏အရင်းခံအကြောင်းများကို ဆန်းစစ်သည့်အခါ မမှန်ကန်သောအရာများ ပေါ်ထွက်လာပါက၊ အကယ်၍ ယင်းတို့ကို သင်မျက်ကွယ်ပြုနိုင်ပြီး ဘုရားသခင်၏ နှုတ်ကပတ်တော်များအတိုင်း သင်လုပ်ဆောင်နိုင်ပါက သင်သည် ဘုရားသခင်၏ ရှေ့မှောက်တွင် မှန်ကန်သောသူ ဖြစ်လာလိမ့်မည်။ ယင်းသည် ဘုရားသခင်နှင့် သင်၏ဆက်ဆံရေးမှာ ပုံမှန်ဖြစ်ပြီး သင်လုပ်ဆောင်သမျှတို့သည် ဘုရားသခင်အတွက်ဖြစ်ကာ သင်ကိုယ်တိုင်အတွက် မဟုတ်သည်ကို ပြသလိမ့်မည်။ တစ်စုံတစ်ခုကို သင်လုပ်ဆောင်သည့် အချိန်တိုင်း၊ သို့မဟုတ် ပြောဆိုသည့် အချိန်တိုင်းတွင် သင်၏စိတ်နှလုံးကို တည့်မှန်အောင်ထားရမည်ဖြစ်ပြီး ဖြောင့်မတ်ရမည်ဖြစ်ကာ သင့်စိတ်ခံစားမှုများ၏ ဦးဆောင်ရာသို့ မလိုက်ရ၊ သို့မဟုတ် သင်၏ကိုယ်ပိုင်ဆန္ဒနှင့်အညီ မလုပ်ဆောင်ရ။ ယင်းတို့သည် ဘုရားသခင်ကို ယုံကြည်သူတို့က မိမိတို့ကိုယ်တိုင် ပြုကျင့်သော အခြေခံစည်းမျဉ်းများဖြစ်သည်။ လူတစ်ဦး၏ အရင်းခံအကြောင်းများနှင့် ဝိညာဉ်အသက်တာတို့ကို သေးငယ်သောအရာတွင် ပေါ်လွင်စေနိုင်သည် ဖြစ်သောကြောင့် ဘုရားသခင်အားဖြင့် စုံလင်အောင်ပြုခြင်းခံရသော လမ်းကြောင်းပေါ်သို့ ဝင်ရောက်ရန် လူတို့သည် ဦးစွာပထမ သူတို့၏ ကိုယ်ပိုင်အရင်းခံအကြောင်းများနှင့် ဘုရားသခင်နှင့် သူတို့၏ဆက်ဆံရေးကို ဖြေရှင်းကြရမည်။ ဘုရားသခင်နှင့် သင်၏ဆက်ဆံရေးသည် ပုံမှန်ဖြစ်သည့်အခါမှသာလျှင် သင်သည် ဘုရားသခင်အားဖြင့် စုံလင်အောင်ပြုခြင်းခံရနိုင်ပြီး ထို့နောက်တွင်မှသာ သင့်ကို ဘုရားသခင်၏ ကိုင်တွယ်ဖြေရှင်းခြင်း၊ ပြုပြင်ခြင်း၊ ဆုံးမပဲ့ပြင်ခြင်းနှင့် စစ်ဆေးခြင်းတို့သည် ၎င်းတို့၏ လိုလားသော သက်ရောက်မှု ရှိလာနိုင်မည်ဖြစ်သည်။ တစ်နည်းအားဖြင့်ဆိုလျှင် လူတို့သည် သူတို့၏စိတ်နှလုံးများအတွင်းတွင် ဘုရားသခင်ကို ထားရှိနိုင်ပြီး ကိုယ်ရေးကိုယ်တာ အကျိုးစီးပွားများကို မရှာဖွေ၊ သူတို့၏ ကိုယ်ရေးကိုယ်တာ အနာဂတ်အကြောင်း စဉ်းစားခြင်းများ (ဇာတိပကတိအကြောင်း တွေးတောခြင်းကို ရည်ညွှန်းသည်) မပြုလုပ်ဘဲ အသက်တာ ဝင်ရောက်မှု ဝန်ထုပ်ဝန်ပိုးကို ထမ်းရွက်ကာ သမ္မာတရားကို လိုက်စားရန်အတွက် အကောင်းဆုံးလုပ်ဆောင်ကြပြီး ဘုရားသခင်၏ အမှုကို နာခံကြသည်။ ဤနည်းလမ်းအားဖြင့် သင်ရှာဖွေသော ရည်မှန်းချက်များ မှန်ကန်ပြီး ဘုရားသခင်နှင့် သင်၏ဆက်ဆံရေးသည် ပုံမှန်ဖြစ်၏။ ဘုရားသခင်နှင့် တစ်ဦးတစ်ယောက်၏ ဆက်ဆံရေးကို မှန်ကန်စေရန် ပြင်ဆင်ခြင်းသည် ထိုသူ၏ ဝိညာဉ်ရေးရာ ခရီးလမ်းကို ဝင်ရောက်ခြင်း၏ ပထမခြေလှမ်းဖြစ်သည်ဟု ပြောနိုင်သည်။ လူသား၏ ကံကြမ္မာသည် ဘုရားသခင်၏ လက်တွင်း၌ ရှိပြီး ဘုရားသခင်က ခွဲခန့်မှတ်သားထားပြီးဖြစ်ကာ လူတို့ကိုယ်တိုင်က ပြောင်းလဲခြင်း မပြုနိုင်သော်လည်း ဘုရားသခင်အားဖြင့် စုံလင်အောင်ပြုခြင်း၊ သို့မဟုတ် ရယူခြင်း ခံရနိုင်မည် မခံရနိုင်မည် ဆိုသည်မှာ ဘုရားသခင်နှင့် သင်၏ဆက်ဆံရေး ပုံမှန်ဖြစ်ခြင်း မဖြစ်ခြင်းအပေါ်တွင် မူတည်သည်။ သင့်တွင် အားနည်းသော၊ သို့မဟုတ် မနာခံတတ်သော အစိတ်အပိုင်းများ ရှိကောင်းရှိနိုင်သည်။ သို့သော်လည်း သင်၏အမြင်သည် မှန်ကန်ပြီး သင်၏အရင်းခံအကြောင်းများသည် မှန်ကန်နေသရွေ့၊ ထို့ပြင် ဘုရားသခင်နှင့် သင်၏ဆက်ဆံရေးကို မှန်ကန်စွာထားရှိပြီး ပုံမှန်ဖြစ်အောင် လုပ်ထားသရွေ့ သင်သည် ဘုရားသခင်အားဖြင့် စုံလင်အောင်ပြုခြင်းခံရရန် အရည်အသွေး ပြည့်မီလိမ့်မည်။ သင်သည် ဘုရားသခင်နှင့် မှန်ကန်သော ဆက်ဆံရေး မရှိပါက၊ သို့မဟုတ် ဇာတိပကတိအတွက်၊ သို့မဟုတ် သင့်မိသားစုအတွက် လုပ်ဆောင်ပါက သင်မည်မျှ ကြိုးစားဆောင်ရွက်သည်ဖြစ်စေ ထိုအရာအားလုံးသည် အချည်းနှီးဖြစ်လိမ့်မည်။ အကယ်၍ ဘုရားသခင်နှင့် သင်၏ဆက်ဆံရေးသည် ပုံမှန်ဖြစ်ပါက အခြားအရာအားလုံးသည် နေရာတကျ ရှိလိမ့်မည်။ ဘုရားသခင်သည် အခြားမည်သည့်အရာကိုမျှ မကြည့်ပေ၊ သင်မည်သူ့ကို ယုံကြည်သနည်း၊ မည်သူ့အတွက် သင်ယုံကြည်သနည်းနှင့် အဘယ်ကြောင့် သင်ယုံကြည်သနည်း အစရှိသည့် ဘုရားသခင်၌ ယုံကြည်ခြင်းအပေါ် သင်၏အမြင်များ မှန်ကန်မှု ရှိမရှိကိုသာ ကြည့်သည်။ ထိုအရာများကို သင်သည် ရှင်းလင်းစွာ မြင်နိုင်ပြီး သင်၏အမြင်များနှင့် လက်တွေ့လုပ်ဆောင်မှုတို့ကို မှန်ကန်စွာ ထားရှိနိုင်ပါက သင်၏အသက်တာသည် တိုးတက်မှုကို ရပြီး သင်သည် လမ်းကြောင်းမှန်ပေါ်သို့ ဧကန်ပင် ဝင်ရောက်နိုင်လိမ့်မည်။ ဘုရားသခင်နှင့် သင်၏ဆက်ဆံရေး ပုံမှန်မဟုတ်ဘဲ ဘုရားသခင်ကို ယုံကြည်မှုအပေါ် သင်၏အမြင်များ လွဲချော်နေပါက ယင်းတို့သည် အခြားအရာအားလုံးကို တားဆီးထားလိမ့်မည်။ ဘုရားသခင်ကို မည်သို့ သင်ယုံကြည်သည်ဖြစ်စေ သင်သည် အဘယ်အရာကိုမျှ ရရှိလိမ့်မည် မဟုတ်ပေ။ ဘုရားသခင်နှင့် သင်၏ဆက်ဆံရေး ပုံမှန်ဖြစ်သည့်အခါမှသာလျှင် ဇာတိပကတိကို သင်မျက်ကွယ်ပြုပြီး ဆုတောင်းခြင်း၊ ဒုက္ခခံခြင်း၊ ကြံ့ကြံ့ခံခြင်း၊ နာခံခြင်း၊ သင်၏ညီအစ်ကိုမောင်နှမများကို ကူညီခြင်းနှင့် ဘုရားသခင်အတွက် လုံ့လပိုစိုက်ထုတ်ခြင်း အစရှိသည်တို့ကို လုပ်ဆောင်သောအခါ ဘုရားသခင်သည် သင့်ကို လက်ခံလိမ့်မည်ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်နှင့် သင်၏ ဆက်ဆံရေး မည်ကဲ့သို့ရှိသနည်း” မှ

လူများက ဘုရားသခင်ကို ယုံကြည်ကြ၏၊ ဘုရားသခင်ကို ချစ်ကြ၏၊ ထို့ပြင် ဘုရားသခင်၏ဝိညာဉ်တော်ကို မိမိတို့၏စိတ်နှလုံးနှင့် တို့ထိခြင်းအားဖြင့် ဘုရားသခင်အား ကျေနပ်စေကြ၏၊ ထိုသို့ဖြင့် သူ၏ကျေနပ်အားရမှုကို ရရှိကြသည်၊ ထို့ကြောင့် ဘုရားသခင်၏ နှုတ်ကပတ်တော်များနှင့် သူတို့စိတ်နှလုံးထိတွေ့မှုရှိသည့်အချိန်တွင်၊ သူတို့သည် ဘုရားသခင်၏ဝိညာဉ်တော်အားဖြင့် စေ့ဆော်မှုကိုခံရကြ၏။ အကယ်၍ သင်သည် မှန်ကန်သောဝိညာဉ်ရေးအသက်တာကို ရယူလိုပြီး ဘုရားသခင်နှင့် မှန်ကန်သောဆက်ဆံရေးကို တည်ဆောက်လိုလျှင် သင့်စိတ်နှလုံးကို သူ့ထံ ဦးစွာအပ်နှံရမည်ဖြစ်ကာ သူ့၏ရှေ့မှောက်၌ သင့်စိတ်နှလုံးကို ငြိမ်သက်စေရမည်ဖြစ်သည်။ ဘုရားသခင်ထံသို့ သင့်စိတ်နှလုံးကို ပုံအပ်ပြီးမှသာ သင့်အနေဖြင့် မှန်ကန်သောဝိညာဉ်ရေး အသက်တာတစ်ခုကို တဖြည်းဖြည်း ကြီးထွားစေနိုင်သည်။ အကယ်၍ လူတို့သည် ဘုရားသခင်ကို ယုံကြည်ရာ၌ မိမိတို့၏စိတ်နှလုံးကို သူ့အား အပ်နှံခြင်းမရှိပါက၊ သူတို့၏စိတ်နှလုံးသည် ဘုရားသခင်ထံ၌ မရှိပါက၊ သူ၏ဝန်ထုပ်ကို မိမိတို့ဝန်ထုပ်သဖွယ် သဘောမထားဘဲနေပါက သူတို့လုပ်ဆောင်မှုဟူသမျှသည် ဘုရားသခင်ကို လိမ်လည်လှည့်စားနေခြင်းဖြစ်ပြီး ထိုအရာအားလုံးသည် ဘာသာရေးလိုက်စားသောသူတို့၏ အကျင့်ပင်ဖြစ်သည်။ ယင်းက ဘုရားသခင်၏ ချီးမွမ်းမှုကို မရနိုင်ပေ။ ဘုရားသခင်သည် ဤပုဂ္ဂိုလ်မျိုးဆီက ဘယ်အရာကိုမျှ မရနိုင်၊ ဤပုဂ္ဂိုလ်မျိုးသည် ဘုရားသခင်၏အမှုတော်၌ အဖြည့်ခံတစ်ဦးအဖြစ်မျှသာ အစေခံနိုင်သည်၊ ဘုရားအိမ်တော်ထဲက အဆင်တန်ဆာတစ်ခုပမာ နေရာယူပြီး အသုံးမကျသောသူဖြစ်သည်၊ ဤပုဂ္ဂိုလ်မျိုးကို ဘုရားကအသုံးမပြုချေ။ ထိုသို့သော ပုဂ္ဂိုလ်တစ်ဦးတွင် သန့်ရှင်းသောဝိညာဉ်တော် အလုပ်လုပ်ဖို့ရန်အတွက် အခွင့်အရေးမရှိရုံမျှမက စုံလင်ခြင်း၏ တန်ဖိုးလည်း ဘာတစ်ခုမျှမရှိပေ။ ယင်းပုဂ္ဂိုလ်မျိုးသည် အမှန်စင်စစ် “လမ်းလျှောက်နေသောလူသေ” ဖြစ်၏။ သူတို့တွင် သန့်ရှင်းသောဝိညာဉ်တော်အသုံးပြုနိုင်သည့် အစိတ်အပိုင်းတစ်ခုမျှမရှိကြ။ သူတို့အားလုံးသည် စာတန်အပိုင်စီးခံရသောသူများဖြစ်ကြ၏၊ စာတန်၏ အစွန်းရောက်အောင် ဖောက်ပြန်ပျက်စီးစေခြင်းကို ခံထားရကာ ဘုရားသခင်၏သုတ်သင်ဖယ်ရှင်းခြင်းခံစရာများ ဖြစ်ကြသည်။ မျက်မှောက်တွင် သန့်ရှင်းသောဝိညာဉ်တော်က လူတို့၏အားသာချက်များကို အသုံးချခြင်းအားဖြင့်သာမက သူတို့၏အားနည်းချက်များကို ပြောင်းလဲပေးခြင်းနှင့် စုံလင်စေခြင်းအားဖြင့်လည်း လူများကို အသုံးပြုနေသည်။ သင်၏စိတ်နှလုံးကို ဘုရားသခင်ထံသို့ ပုံအပ်နိုင်ပြီး သူ၏ရှေ့မှောက်၌ ငြိမ်ဝပ်စေနိုင်လျှင် သန့်ရှင်းသောဝိညာဉ်တော်၏ ဉာဏ်အလင်းပေးခြင်းနှင့် ဖွင့်ပြခြင်းကို ရရှိဖို့အလို့ငှာ သန့်ရှင်းသောဝိညာဉ်တော်အားဖြင့် အသုံးပြုခြင်းခံရနိုင်မည့် အခွင့်အရေးနှင့် အရည်အသွေးများကို သင်ရရှိလိမ့်မည်၊ ထို့အပြင် သန့်ရှင်းသောဝိညာဉ်တော်က သင့်အားနည်းချက်များကို ဖာထေးပေးမည့် အခွင့်အရေးကိုပင် သင်ရရှိလိမ့်မည်။ သင့်စိတ်နှလုံးကို ဘုရားသခင်အား ပေးအပ်သောအခါ သင့်အနေဖြင့် အပြုသဘောဆောင်သော ရှုထောင့်အတွင်းသို့ နက်သည်ထက်နက်အောင် ဝင်ရောက်နိုင်မည်ဖြစ်ကာ ထိုးထွင်းအမြင်နှင့်ဆိုင်သည့် သာ၍မြင့်သောအဆင့်ပေါ်တွင် ရှိလာနိုင်မည်၊ အပျက်သဘောဆောင်သော ရှုထောင့်၌မူ သင်၌ မိမိအမှားများနှင့် အားနည်းချက်များကို နားလည်ခြင်းပိုမိုရှိလာမည်ဖြစ်ကာ ဘုရားသခင်၏အလိုတော်ကို ဖြည့်ဆည်းရန် ကြိုးပမ်းရာ၌ ပိုမိုစိတ်အားထက်သန်ပြီး တုံဏှိဘာဝေ မနေတော့ဘဲ နိုးကြားတက်ကြွစွာ ဝင်ရောက်လာလိမ့်မည်။ ယင်းက သင်သည် မှန်ကန်သောသူတစ်ဦးဖြစ်သည်ဟု ဆိုလိုလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်နှင့် မှန်ကန်သောဆက်ဆံရေးတစ်ခု တည်ဆောက်ခြင်းသည် အလွန်အရေးကြီး၏” မှ

အကယ်၍ သင်သည် ဘုရားသခင်နှင့် မှန်ကန်သောဆက်ဆံရေးကို ရရှိလိုလျှင် သင့်စိတ်နှလုံးသည် ဘုရားသခင်ကို အားထားရမည်၊ ဤအခြေခံအုတ်မြစ်ပေါ်မှနေ၍ သင်သည် အခြားလူများနှင့် မှန်ကန်သောဆက်ဆံရေးတစ်ခုလည်း ရရှိလိမ့်မည်။ သင်၌ ဘုရားသခင်နှင့် မှန်ကန်သောဆက်ဆံရေး မရှိလျှင် အခြားသူများနှင့် သင်၏ဆက်ဆံရေးများကို ထိန်းသိမ်းဖို့ရန် မည်သည့်အရာကိုပင် သင်ပြုသည်ဖြစ်စေ၊ မည်မျှကြိုးစားပြီး လုပ်ဆောင်သည်ဖြစ်စေ၊ သို့မဟုတ် အားအင်မည်မျှကို သင်အသုံးပြုသည်ဖြစ်စေ လုပ်ဆောင်သမျှသည် လူ့ဘဝဒဿနနှင့်သာ သက်ဆိုင်နေဆဲဖြစ်လိမ့်မည်။ လူများက သင့်ကို ချီးမွမ်းကြစေရန်အလို့ငှာ သင်သည် လူ့အမြင်၊ လူ့ခံယူချက်အားဖြင့် လူများအကြားတွင် သင့်ရပ်တည်ချက်နေရာကို ထိန်းသိမ်းစောင့်ရှောက်နေခြင်းဖြစ်သည်။ သင်သည် ဘုရားသခင်၏နှုတ်ကပတ်တော်နှင့်အညီ လူများနှင့် မှန်ကန်သောဆက်ဆံရေးများ မတည်ဆောက်ပေ။ အကယ်၍ သင်သည် လူများနှင့်ဆက်ဆံရေးများအပေါ် အာရုံမစိုက်ဘဲ ဘုရားသခင်နှင့် မှန်ကန်သောဆက်ဆံရေးကိုသာ ထိန်းသိမ်းလျှင်၊ သင့်စိတ်နှလုံးကို ဘုရားသခင်အား ပုံအပ်ရန်ဆန္ဒရှိနေပြီး သူ့ကိုနာခံတတ်ရန်သင်ယူလျှင် လူအပေါင်းတို့နှင့် သင်၏ဆက်ဆံရေးများမှာ အလိုအလျောက် မှန်ကန်လာလိမ့်မည်။ ဤနည်းအားဖြင့် ယင်းဆက်ဆံရေးများသည် ဇာတိပကတိပေါ်တွင်မဟုတ်ဘဲ ဘုရားသခင့်ချစ်ခြင်းမေတ္တာ၏ အခြေခံအုတ်မြစ်ပေါ်တွင်သာ တည်ဆောက်ထားပေလိမ့်မည်။ ဇာတိပကတိအပေါ်အခြေခံ၍ အပြန်အလှန်အကျိုးပြုမှုများ မရှိသလောက်ဖြစ်သော်လည်း ဝိညာဉ်၌မူကား မိတ်သဟာယဖွဲ့ခြင်းသာမက ချစ်ခြင်းမေတ္တာ၊ နှစ်သိမ့်ခြင်းနှင့် အချင်းချင်းပံ့ပိုးခြင်းရှိ၏။ ဤအမှုအားလုံးကို ဘုရားသခင်အား ကျေနပ်အားရစေသည့် နှလုံးသားတစ်ခုအပေါ်အခြေခံပြီး ပြုလုပ်ခြင်းဖြစ်သည်။ ဤဆက်ဆံရေးများကို လူ့ဘဝဒဿနကို အမှီပြုကာ ထိန်းသိမ်းပြုစုသည်မဟုတ်၊ ၎င်းတို့သည် ဘုရားအတွက်ဝန်တာထားသည့် စိတ်သဘောထားကြောင့်သာ အလိုအလျောက်ဖြစ်ပေါ်လာခြင်းဖြစ်သည်။ ၎င်းတို့သည် လူ့ကြိုးစားအားထုတ်မှုကို မလိုအပ်ပေ၊ ၎င်းတို့ကို ဘုရားသခင့်နှုတ်ကပတ်တော်၏ အခြေခံသဘောတရားများအားဖြင့် ကျင့်ကြံပြုမူကြခြင်းဖြစ်သည်။ ဘုရားသခင်၏အလိုတော်ကို ထောက်ထားဖို့အလို့ငှာ သင်အလိုဆန္ဒရှိသလော။ ဘုရားသခင်၏ရှေ့တွင် “ဆင်ခြင်တုံတရားမရှိသော” ပုဂ္ဂိုလ်တစ်ဦးဖြစ်ရန် သင်ဆန္ဒရှိသလော။ သင့်စိတ်နှလုံးကို ဘုရားသခင်အား အကြွင်းမဲ့ပေးအပ်ရန်နှင့် လူအများကြားတွင် သင့်ရာထူးကို မထည့်တွက်ဘဲနေဖို့ရန် သင်ဆန္ဒရှိသလော။ သင်ပေါင်းသင်းခဲ့သည့် လူအပေါင်းတို့အနက်မှ မည်သူတို့နှင့် အကောင်းဆုံးဆက်ဆံရေးများ သင်၌ရှိသနည်း။ ထိုသူအပေါင်းတို့အနက် မည်သူတို့နှင့် အဆိုးဆုံးဆက်ဆံရေးများ သင်၌ရှိသနည်း။ လူများနှင့် သင်၏ဆက်ဆံရေးများ မှန်ကန်သလော။ သင့်အနေဖြင့် လူတိုင်းကို ညီတူညီမျှဆက်ဆံသလော။ အခြားသူများနှင့် သင်၏ဆက်ဆံရေးများကို သင်၏ဘဝဒဿနနှင့်အညီ ထိန်းသိမ်းသလော၊ သို့မဟုတ် ဘုရားသခင်၏ချစ်ခြင်းမေတ္တာအပေါ် အခြေခံ၍ တည်ဆောက်ထားသလော။ လူတစ်ဦးက မိမိစိတ်နှလုံးကို ဘုရားသခင်အား မပေးသည့်အခါ သူ့ဝိညာဉ်သည် တုံးလာသည်၊ ထုံထိုင်းလာပြီး သတိမမူဖြစ်လာသည်။ ယင်းပုဂ္ဂိုလ်မျိုးက ဘုရားသခင်၏နှုတ်ကပတ်တော်များကို မည်သည့်အခါမျှ နားလည်လိမ့်မည်မဟုတ်သကဲ့သို့ ဘုရားသခင်နှင့် မှန်ကန်သောဆက်ဆံရေးကိုလည်း မည်သည့်အခါမျှ ရလိမ့်မည်မဟုတ်ပေ၊ ယင်းပုဂ္ဂိုလ်မျိုးက မိမိတို့၏စိတ်နေသဘောထားကို မည်သည့်အခါမျှ ပြောင်းလဲလိမ့်မည် မဟုတ်ချေ။ လူတစ်ဦး၏ စိတ်နေသဘောထားပြောင်းလဲခြင်းဆိုသည်မှာ သူ၏စိတ်နှလုံးကို ဘုရားသခင်အား အကြွင်းမဲ့ပေးအပ်ခြင်းနှင့် ဘုရားသခင်၏နှုတ်ကပတ်တော်များမှ ဉာဏ်ပွင့်စေခြင်းနှင့် အလင်းပေးခြင်းကို ရရှိခြင်းဖြစ်စဉ်ပေတည်း။ ဘုရားသခင်၏အမှုက လူတစ်ဦးကို နိုးကြားတက်ကြွစွာ ဝင်ရောက်စေနိုင်သကဲ့သို့ အသိပညာရရှိပြီးနောက်တွင် သူ၏အပျက်သဘောဆောင်သော လက္ခဏာများကို ရှင်းလင်းဖယ်ရှားစေနိုင်သည်။ သင်သည် သင်၏စိတ်နှလုံးကို ဘုရားသခင်အား ပေးအပ်နိုင်သည့်အချိန်တွင် သင့်ဝိညာဉ်အထဲ၌ သိမ်မွေ့သောလှုပ်ရှားခြင်းဟူသမျှကို သင်သတိမူနိုင်လိမ့်ဖြစ်ပြီး ဘုရားသခင်ထံမှရရှိသော ဉာဏ်ပွင့်စေခြင်းနှင့် အလင်းပေးခြင်းဟူသမျှကို သင်သိလိမ့်မည်။ ဤအရာကို ကိုင်စွဲထားလော့၊ သို့ပြုလျှင် သင်သည် သန့်ရှင်းသောဝိညာဉ်တော်အားဖြင့် စုံလင်အောင်ပြုခံရခြင်းတည်းဟူသော လမ်းကြောင်းထဲသို့ တဖြည်းဖြည်းဝင်ရောက်လာလိမ့်မည်။ ဘုရားသခင်၏ရှေ့မှောက်၌ သင့်စိတ်နှလုံးငြိမ်ဝပ်စွာရှိနိုင်လေလေ သင့်ဝိညာဉ်၏တုံ့ပြန်နိုင်မှု နိုးကြားထက်မြက်လေလေနှင့် နူးညံ့သိမ်မွေ့လေလေဖြစ်ကာ သင့်ဝိညာဉ်က သန့်ရှင်းသောဝိညာဉ်တော်၏ လှုပ်ရှားမှုကို ပိုမိုသတိမူသိမြင်နိုင်လေလေ ဖြစ်သဖြင့် သင်နှင့်ဘုရားသခင်၏ ဆက်ဆံရေးသည် တိုး၍ မှန်ကန်လာလိမ့်မည်။ လူများအကြား မှန်ကန်သောဆက်ဆံရေးဟူသည် မိမိတို့စိတ်နှလုံးကို ဘုရားသခင်အား ပေးအပ်ခြင်းအပေါ်တွင် အခြေခံ၍တည်ဆောက်ထားသည်၊ ၎င်းကို လူ၏ ကြိုးစားအားထုတ်မှုအားဖြင့်မရနိုင်။ မိမိတို့နှလုံသားများထဲတွင် ဘုရားသခင်မရှိလျှင် လူများကြားထဲမှ အချင်းချင်း ဆက်ဆံရေးများသည် ဇာတိပကတိ၏ဆက်ဆံရေးများ သက်သက်သာဖြစ်ကြသည်။ ယင်းတို့သည် မမှန်ကန်ဘဲ တပ်မက်ခြင်းတဏှာ၏အလိုသို့ လိုက်ခြင်းဖြစ်သဖြင့် ဘုရားသခင် မုန်တီး၍ ရွံရှာသောဆက်ဆံရေးများ ဖြစ်ကြ၏။ အကယ်၍ သင့်ဝိညာဉ်သည် တို့ထိခြင်းခံရပြီဟု သင်ဆိုပါလျက်နှင့် သင်သည် သင်နှစ်သက်သောလူများ၊ သင်အထင်ကြီးသောသူ မည်သူမဆိုနှင့် မိတ်သဟာယအမြဲဖွဲ့လိုပြီးသကာလ သင်မနှစ်သက်သောရှာဖွေသူ နောက်တစ်ဦးရှိနေသော်လည်း သူ့အပေါ် သင်ဘက်လိုက်မှုအစွဲထားကာ ထိတွေ့ဆက်ဆံမှုမပြုလျှင်ကား ဤအရာက သင်သည် စိတ်ခံစားမှုကို ဦးစားပေးသော ပုဂ္ဂိုလ်တစ်ဦးဖြစ်ပြီး ဘုရားသခင်နှင့် မှန်ကန်သောဆက်ဆံရေး သင်၌လုံးဝမရှိသည့် နောက်ထပ်သက်သေပင်ဖြစ်သည်။ သင်သည် ဘုရားသခင်ကို လိမ်လည်လှည့်ဖြားရန်နှင့် မိမိ၏အကျည်းတန်ခြင်းကို ဖုံးကွယ်ရန် ကြိုးစားနေသည်။ အကယ်၍ သင်နားလည်သည့်အရာအချို့ကို သင်ဝေငှနိုင်သည့်တိုင် ရည်ရွယ်ချက်အမှားများ သင့်မှာရှိလျှင် သင်လုပ်ဆောင်သော အရာတိုင်းသည် လူ့စံချိန်များအားဖြင့်သာလျှင် အကောင်းဖြစ်၏။ ဘုရားသခင်သည် သင့်ကိုချီးမွမ်းမည်မဟုတ်၊ သင်သည် ဇာတိအားဖြင့်လုပ်ဆောင်နေပြီး ဘုရားသခင်၏ဝန်တာစိတ်အတိုင်း လုပ်ဆောင်နေသည်မဟုတ်ပေ။ ဘုရားသခင်၏ရှေ့တွင် သင့်စိတ်နှလုံးကို ငြိမ်ဝပ်စွာထားရှိနိုင်ပြီး ဘုရားသခင်ကိုချစ်သောသူအပေါင်းတို့နှင့် မှန်ကန်သောအပြန်အလှန်အကျိုးပြုမှုများ သင်၌ရှိမှသာလျှင် သင်သည် ဘုရားသခင်အသုံးပြုရန် သင့်လျော်ပေသည်။ ဤနည်းအားဖြင့် သင်သည် အခြားသူများနှင့် မည်သို့ပင်ပေါင်းသင်းပါလေစေ ဘဝဒဿနအတိုင်း မဟုတ်တော့ဘဲ ဘုရားသခင်၏ဝန်တာစိတ်ကိုထောက်ထားပြီး သူ၏ရှေ့၌ အသက်ရှင်ခြင်း ဖြစ်လိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်နှင့် မှန်ကန်သောဆက်ဆံရေးတစ်ခု တည်ဆောက်ခြင်းသည် အလွန်အရေးကြီး၏” မှ

ဘုရားသခင်၏ မိန့်မြွက်ချက် တစ်ခုချင်းစီကို သင်ဖတ်ကြားပြီး နားလည်မှုရှိပြီးသည့်နောက်တွင် ယင်းကို သင်လက်တွေ့လုပ်ဆောင်သင့်သည်။ ယခင်က မည်သို့ပင် သင်လက်တွေ့လုပ်ဆောင်ခဲ့ပါစေ၊ အတိတ်ကာလတွင် သင်၏ဇာတိပကတိက အားနည်းကောင်းအားနည်းခဲ့မည်၊ သင်သည် ပုန်ကန်ခဲ့ပြီး ခုခံကောင်း ခုခံခဲ့လိမ့်မည်၊ ဤသည်က သိပ်အရေးမကြီးသည့်အပြင် ယနေ့ သင့်အသက်တာ ဖွံ့ဖြိုးမှုကိုလည်း မဟန့်တားနိုင်ပေ။ ယနေ့တွင် သင်၌ ဘုရားသခင်နှင့် ပုံမှန်ဆက်ဆံရေး ရှိနေနိုင်သရွေ့ မျှော်လင့်ချက် ရှိနေသည်။ ဘုရားသခင်၏ နှုတ်ကပတ်တော်ကို သင်ဖတ်သည့်အချိန်တိုင်းတွင် သင်၌ အပြောင်းအလဲများရှိပြီး သင်၏အသက်တာသည် ပိုကောင်းရန်အတွက် ပုံသဏ္ဌာန်ပြောင်းလဲသွားသည်ကို အခြားလူများအား တွေ့မြင်စေပါက ယင်းက ဘုရားသခင်နှင့် သင်၏ဆက်ဆံရေးသည် ပုံမှန်ဖြစ်ပြီး မှန်ကန်စွာ ထားရှိပြီးဖြစ်သည်ကို ပြသသည်။ ဘုရားသခင်သည် လူသားများကို သူတို့၏ ဖောက်ဖျက်မှုများအပေါ် အခြေခံပြီး ဆက်ဆံခြင်းမပြုပေ။ ၎င်းကို သင်နားလည်ပြီး သတိပြုမိသည့်နောက်ပိုင်းတွင် သင်သည် ဆန့်ကျင်ခုခံခြင်း နောက်တစ်ဖန် မပြုနိုင်သရွေ့ ဘုရားသခင်က သင့်အပေါ် သနားခြင်းကရုဏာ ရှိနေဆဲပင်ဖြစ်မည်။ သင်၌ ဤအသိရှိပြီး ဘုရားသခင်၏ စုံလင်အောင်ပြုပေးခြင်းကို လိုက်လျှောက်လိုသည့် ဆန္ဒရှိပါက ဘုရားသခင်၏ မျက်မှောက်တွင် သင်၏အခြေအနေက ပုံမှန်ပင် ဖြစ်နေမည်။ သင်အဘယ်အရာကိုပင် ပြုသည်ဖြစ်စေ ဤအရာကို ငါလုပ်လျှင် ဘုရားသခင် မည်ကဲ့သို့ထင်မည်နည်း၊ ယင်းသည် ညီအစ်ကိုမောင်နှမများကို အကျိုးပြုမည်လော၊ ယင်းသည် ဘုရားသခင်၏ အိမ်တော်အလုပ်အတွက် အကျိုးပြုမည်လော စသည်တို့ကို ဆင်ခြင်သုံးသပ်လော့။ သင်၏ဆုတောင်းခြင်း၊ မိတ်သဟာယပြုခြင်း၊ စကားပြောဆိုခြင်း၊ လုပ်ကိုင်ခြင်းနှင့် လူများနှင့် ဆက်သွယ်ခြင်းတို့တွင် သင်၏ရည်ရွယ်ချက်များကို ဆန်းစစ်ပြီး သင်နှင့် ဘုရားသခင်၏ဆက်ဆံရေးသည် ပုံမှန်ဟုတ်မဟုတ်ကို ဆန်းစစ်လော့။ သင်၏ရည်ရွယ်ချက်များနှင့် အတွေးအခေါ်များကို သင်သည် မခွဲခြားမသိမြင်နိုင်ပါက သင့်တွင် ဆုံးဖြတ်တတ်မှု မရှိပေ၊ ဤအချက်က သမ္မာတရားအပေါ် သင်သည် စိုးစဉ်းမျှသာ နားလည်ကြောင်း သက်သေပြနေခြင်းဖြစ်သည်။ ဘုရားသခင်လုပ်ဆောင်သမျှ တစ်ခုစီတိုင်းကို သင်သည် ရှင်းရှင်းလင်းလင်း နားလည်နိုင်ပြီး ဘုရားသခင်ဘက်မှ ရပ်တည်၍ ဘုရားသခင်၏ နှုတ်ကပတ်တော်အတိုင်း အမှုအရာများကို ရှုမြင်နိုင်ပါက သင်၏အမြင်များ မှန်ကန်လိမ့်မည်။ ထို့ကြောင့် ဘုရားသခင်နှင့် ကောင်းမွန်သည့် ဆက်ဆံရေးတစ်ခုကို တည်ဆောက်ခြင်းသည် ဘုရားသခင်ကို ယုံကြည်သူ မည်သူမဆိုအတွက် ထိပ်ဆုံးဦးစားပေး ဖြစ်ရမည်။ လူအယောက်စီတိုင်း ယင်းကို အရေးကြီးသည့် တာဝန်အဖြစ်၊ သူတို့၏ အဓိကအသက်တာဖြစ်ရပ်အဖြစ် မှတ်ယူသင့်သည်။ သင်လုပ်ဆောင်သမျှ အရာတိုင်းတွင် သင်သည် ဘုရားသခင်နှင့် ပုံမှန်ဆက်ဆံရေး ရှိမရှိကို ချိန်ဆဆုံးဖြတ်ရမည်။ ဘုရားသခင်နှင့် သင်၏ဆက်ဆံရေးက ပုံမှန်ဖြစ်ပြီး သင်၏ရည်ရွယ်ချက်များက မှန်နေပါက ယင်းကို လုပ်ဆောင်လော့။ ဘုရားသခင်နှင့် ပုံမှန်ဆက်ဆံရေးကို ထိန်းသိမ်းထားရန်အတွက် သင်သည် ပုဂ္ဂိုလ်ရေးရာ အကျိုးများကို ဆုံးရှုံးရန် မကြောက်ရွံ့ရ၊ စာတန်ကို အနိုင်ယူခွင့်မပေးရ၊ စာတန်အား သင့်ကိုစွဲချက်တင်ခွင့် မပေးရ၊ ထို့ပြင် စာတန်က သင့်အားပြက်ရယ်ပြုခြင်းကို ခွင့်မပြုရ။ ထိုသို့သော ရည်ရွယ်ချက်သည် သင်နှင့် ဘုရားသခင်၏ဆက်ဆံရေး ပုံမှန်ဖြစ်ခြင်း၏ သရုပ်သကန်ပင်ဖြစ်သည်။ ၎င်းသည် ဇာတိပကတိအတွက် မဟုတ်ဘဲ ဝိညာဉ်ငြိမ်းချမ်းမှုအတွက်ဖြစ်သည်၊ ယင်းသည် သန့်ရှင်းသောဝိညာဉ်တော်၏ အမှုကို ရရှိခြင်းအတွက်နှင့် ဘုရားသခင်၏ အလိုတော်ကို ကျေနပ်မှုပေးရန်အတွက် ဖြစ်သည်။ သင်သည် မှန်ကန်သည့် အခြေအနေသို့ ဝင်ရောက်မည်ဆိုလျှင် ဘုရားသခင်နှင့် ကောင်းမွန်သည့် ဆက်ဆံရေးကို တည်ဆောက်ရမည်၊ ဘုရားသခင်ကို ယုံကြည်ခြင်းနှင့်ပတ်သက်သည့် သင်၏အမြင်ကို မှန်ကန်စွာ ထားရှိရမည်။ ယင်းက ဘုရားသခင်အား သင့်ကို သိမ်းပိုက်ရန် ခွင့်ပြုခြင်း၊ သူ့နှုတ်ကပတ်တော်များ၏ အသီးအပွင့်များကို သင့်အထဲတွင် ဖော်ထုတ်ပြရန် ခွင့်ပြုခြင်းနှင့် သင့်ကို ပို၍ပင် ဉာဏ်ဖွင့်ပေးပြီး အလင်းပေးရန် ခွင့်ပြုခြင်းတို့ဖြစ်သည်။ ဤနည်းလမ်းဖြင့် သင်သည် မှန်ကန်သည့် အမူအကျင့်ထဲသို့ ဝင်ရောက်လိမ့်မည်။ ဘုရားသခင်၏ လက်ရှိနှုတ်ကပတ်တော်များကို စဉ်ဆက်မပြတ် စားသောက်လော့၊ သန့်ရှင်းသော ဝိညာဉ်တော်အမှု၏ လက်ရှိလမ်းကြောင်းထဲသို့ ဝင်ရောက်လော့၊ ဘုရားသခင်၏ လက်ရှိသတ်မှတ်ချက်များအတိုင်း လုပ်ဆောင်လော့၊ ခေတ်ဟောင်း လက်တွေ့လုပ်ဆောင်မှုများကို မလိုက်လျှောက်နှင့်၊ လုပ်ဆောင်မှုနည်းလမ်းဟောင်းများကို မဖက်တွယ်ဘဲ ယနေ့အမှု၏ လုပ်နည်းလုပ်ဟန်ထဲသို့ လျင်မြန်စွာ ဝင်ရောက်လော့။ ဤနည်းလမ်းအားဖြင့် သင်နှင့် ဘုရားသခင်၏ဆက်ဆံရေးက အပြည့်အဝ ပုံမှန်ဖြစ်မည်ဖြစ်ပြီး သင်သည် ဘုရားသခင်ကို ယုံကြည်ခြင်းလမ်းကြောင်း အမှန်ထဲသို့ ဝင်ရောက်လိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်နှင့် သင်၏ ဆက်ဆံရေး မည်ကဲ့သို့ရှိသနည်း” မှ

ယခင်က:မှန်သောလမ်းကို ရှာဖွေရာ၌ သင်၌ ဆင်ခြင်တုံတရား ပိုင်ဆိုင်ရမည်

နောက်တစ်ခုသို့:ဘုရားသခင်ကို ယုံကြည်သူများ ပိုင်ဆိုင်သင့်သော သန့်ရှင်းသူများနှင့်ဆိုင်သော ကျင့်ဝတ်

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မြွက်ဆိုချက်များ လက်ရွေးစင်များ သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ အောင်မြင်သောသူများ၏ သက်သေခံချက်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ