အခန်း ၅၅

ပြောဆိုကြသည့် သာမန် လူ့သဘာ၀သည် လူများစိတ်ကူးသလို သဘာဝလွန်မဟုတ်ပေ။ သို့သော် လူအားလုံး၊ အဖြစ်အပျက်များ နှင့် အကြောင်းအရာများ၏ အ နှောင်အဖွဲ့ ကို ကျော်လွန်နိုင်သည်။ ပတ်ဝန်းကျင်၏ အင်အားများကို ကျော်လွန်နိုင်၍ မည်သည့်နေရာ၊ မည်သည့်ပတ်ဝန်းကျင်တွင်မဆို ငါ့အားချဉ်းကပ်နိုင်ရန်၊ ငါနှင့် ဆက်သွယ်ပြောဆိုရန် ပြုလုပ်နိုင်သည်။ ငါ၏ ရည်ရွယ်ချက်တို့ကို သင်တို့ အမြဲတမ်း မှားယွင်းစွာ မှတ်ယူတတ်သည်။ သင်တို့သည် သာမန် လူ့ဘဝကို နေထိုင်သင့်သည်ဟု ငါ ပြောဆိုသည့်အခါတွင် သင်သည် မိမိကိုယ်ကိုယ် ထိန်းချုပ် ၍ သင်၏ ဇာတိပကတိကို ထိန်းချုပ်သည်။ သို့သော် ဝိညာဉ်တော်အတွင်းတွင် ဂရုတစိုက် ရှာဖွေရန် သင် အာရုံမစိုက်ဘဲ၊ ပြင်ပတွင် မည်သည့်အရာကို ဝတ်ဆင်ရမည်ကိုသာ သင် အာရုံစိုက်၍ သင့်အတွင်းတွင်ရှိသည့် ငါ၏ ဖွင့်ပြချက်နှင့် သင့်အတွင်းတွင်ရှိသော ငါ၏ လှုံ့ဆော်ပေးမှုကို သင်မမြင်မိပေ။ သင်သည် အလွန် ဂရုမစိုက်တတ်သူဖြစ်သည်။ နမော်နမဲ့ နိုင်လွန်းသည်။ သင့်ထံသို့ ငါအပ်နှံထားသည့်အရာကို ပြီးဆုံးအောင်ပြုလုပ်ခြင်းသည် ကြီးမားသည့် အောင်မြင်မှု တစ်ခု ဖြစ်နေခြင်းကြောင့် လော။ သင်သည် မိုက်မဲသည်။ သင်သည် နက်ရှိုင်းစွာ အမြစ်တွယ်ရေးကို အာရုံစိုက် မနေပေ။ "သစ်ပင်ပေါ်မှ သစ်ရွက်တစ်ရွက် မဖြစ်လေနှင့်။ သစ်ပင်၏ အမြစ်ဖြစ်လော့"။ ဤသည်ကား အမှန်တစ်ကယ်ပင် သင်၏ ဆောင်ပုဒ်လော။ စဉ်းစားဆင်ခြင်မှုမရှိ။ ဂရုစိုက်ခြင်းမရှိ။ သင်သည် တစ်စုံတစ်ရာ အနည်းငယ်မျှ ရှိသည်ဟု ထင်မြင်လျှင် ကျေနပ်သွားသည်။ ငါ၏ အလိုတော်ကို သင် ဂရုစိုက်သည်မှာ နည်းလွန်းလှ၏။ ယခုမှစ၍ ဂရုစိုက်လော့။ ငြိမ်သက်မနေနှင့်။ အဆိုးမြင်ခြင်း မရှိနှင့်။ သင် အစေခံသည့်အခါတွင် ငါထံ သာ၍ ကြိမ်ဖန်များစွာ ချဉ်းကပ်ကာ ငါနှင့် သာ၍ ဆက်သွယ်ပြောဆိုလော့။ ဤသည်သာ သင်၏ တစ်ခုတည်းသော ထွက်ပေါက်ဖြစ်သည်။ သင်သည် သင့်ကိုယ်သင် ငြင်းပယ်ပြီးသည်ကို၊ သင်၏ပျော့ကွက်များကို သိရှိသည်ကို၊ သင်၏ အားနည်းချက်များကို သိမြင်သိကို ငါ သတိပြုမိသည်။ သို့သော် သိမြင်ခြင်းသက်သက်သည် မလုံလောက်ပေ။ သင်သည် ငါနှင့် ပူးပေါင်းလုပ်ကိုင်ဆောင်ရွက်ရန် လိုအပ်ပြီး ငါ၏ ရည်ရွယ်ချက်တို့ကို သင် နားလည်သည့်အခါတွင် ၎င်းတို့ကို သင် ချက်ချင်း လက်တွေ့ကျင့်သုံးလော့။ ဤအရာသည် ငါ၏ ဝန်ထုပ်ဝန်ပိုးကို အလေးထားကြောင်း ပြသရန် အကောင်းဆုံးနည်းလမ်း၊ နာခံလိုက်နာရန် အကောင်းဆုံးနည်းလမ်းဖြစ်သည်။

သင် ငါ့ကို မည်သို့ ဆက်ဆံသည်ဖြစ်စေ ငါသည် သင်နှင့် သန့်ရှင်းသူအားလုံးတို့အပေါ်သို့ ငါ၏ အလိုတော်ကို လုပ်ကိုင်ဆောင်ရွက်လိုသည်။ ငါ၏ အလိုတော်ကို နယ်မြေတစ်ခုလုံးသို့ အဆီးအတားမရှိ လုပ်ကိုင်ဆောင်ရွက်ရန် ငါအလိုရှိသည်။ ဤအချက်ကို သေချာစွာ သတိပြုလော့။ ဤအရာသည် ငါ၏ စီမံခန့်ခွဲမှုအမိန့်များနှင့် သက်ဆိုင်သည်။ သင်သည် အနည်းငယ်မျှ ကြောက်ရွံ့ခြင်း မရှိသလော။ သင်၏ လုပ်ဆောင်ချက်တို့နှင့် အပြုအမူတို့အတွက် ကြောက်ရွံ့တုန်လှုပ်ခြင်း မရှိသလော။ သန့်ရှင်းသူအားလုံးအကြားတွင် ငါ၏ ရည်ရွယ်ချက်ကို သိအောင်လုပ်နိုင်သူ ရှားပါးသည်။ သင်သည် ငါ၏ အလိုကို လုံးဝ သိနားလည်သည့် သူတစ်ယောက်အနေဖြင့် ထူးခြားသူ မဖြစ်ချင်ပေဘူးလော။ ယခုအချိန်တွင် ငါ၏ အရေးကြီးသည့် ရည်မှန်းချက်သည် ငါ၏ အလိုကို အပြည့်အဝ အလေးထားသည့် လူအုပ်စုကို ရှာဖွေရန်ဖြစ်သည်ကို သင် သိသလော။ သင်သည် ထိုသူတို့ထဲမှ တစ်ဦး မဖြစ်လိုဘူးလော။ သင်သည် ငါ့အတွက် သင့်ကိုယ်သင် အသုံးချရန်၊ ငါ့အတွက် သင့်ကိုယ်သင် ပေးအပ်ရန် ဆန္ဒမရှိဘူးလော။ သင်သည် အနည်းဆုံးပေးအပ်ရန်၊ အားစိုက်မှု အနည်းငယ်မျှ ပြုလုပ်ရန်အတွက် ပင် ဆန္ဒမရှိပေ။ ဤသို့ ဆက်လက်ဖြစ်ပေါ်လျှင် ငါ၏ အပတ်တကုတ် ကြိုးစားအားထုတ်မှုတို့သည် သင်တို့ထံတွင် ဖြုန်းတီး ရလိမ့်မည်။ သင့်အား ဤအရာကို ငါ ထောက်ပြ ပြီးသော် ဤပြဿနာ၏ အရေးကြီးမှုကို သင် နားလည်ခြင်း မရှိပါသေးသလော။

"ငါ့အတွက် စစ်မှန်စွာ အသုံးတော်ခံသည့် သူများအတွက် ငါသည် သင့်ကို ကြီးမြတ်စွာ ကောင်းချီးပေးမည်။" သင် မြင်သလော။ ဤအရာကို သင့်အား ငါ အကြိမ်ပေါင်းများစွာ ပြောခဲ့သည်။ သို့ရာတွင် သင်သည် သံသယများစွာ ရှိနေသေးသည်။ မိသားစု ပတ်ဝန်းကျင်ကို ကြောက်ရွံနေသည်။ ပြင်ပ ပတ်ဝန်းကျင်ကို ကြောက်ရွံ့နေသည်။ သင့်အတွက် မည်သည့်အရာက ကောင်းမွန်သည်ကို သင် အမှန်တကယ် မသိရှိပေ။ ငါသည် ရိုးသားသည့်၊ ရိုးရှင်းသည့်၊ ပွင့်လင်းသည့် လူများကိုသာ အသုံးပြုသည်။ သင်သည် ငါက သင့်ကို အသုံးပြုရန်အတွက် ပျော်ရွှင်ပြီး လိုလိုလားလားရှိနေသည်။ သို့သော် မည်သည့်အတွက်ကြောင့် သင် အလွန် စိုးရိမ်နေဆဲရှိနေသနည်း။ ငါ၏ စကားတို့သည် သင့်အပေါ်သို့ အကျိုးသက်ရောက်မှု မရှိခြင်း ဖြစ်နိုင်သလော။ ငါသည် သင့်ကို အသုံးပြုနေသည်ဟု ငါပြောခဲ့သည်။ သို့သော်လည်း သင်သည် ဤအရာကို တည်ကြည်ခိုင်မာစွာ ယုံကြည်နိုင်ခြင်း မရှိပါ။ ငါသည် သင့်ကို စွန့်လွှတ်မည်ကို သင် ကြောက်ရွံ့နေလျက် သင်သည် အမြဲတမ်း သံသယဝင်နေသည်။ သင်၏ ထင်မြင်ယူဆချက်တို့သည် အလွန်ပင် အမြစ်တွယ်နေသည်။ ငါသည် သင့်ကို အသုံးပြုနေသည်ဟု ပြောခြင်း၏ အဓိပ္ပါယ်မှာ ငါသည် သင့်ကို အသုံးပြုနေသည်ဟူ၍ပင် ဖြစ်သည်။ သင်သည် မည်သည့်အတွက်ကြောင့် အမြဲတမ်း သံသယဝင်နေသနည်း။ ငါသည် အလုံအလောက် ရှင်းလင်းစွာ ပြောခြင်း မရှိ၍လော။ ငါပြောသည့် စကားလုံးတိုင်းတို့သည် မှန်ကန်ပေသည်။ မမှန်ကန်သည့် မိန့်မြွက်ချက် တစ်ခုမျှ မရှိပေ။ ငါ့သား။ ငါ့ကို ယုံကြည်လော့။ ငါ၏ ကိုယ်စား ဆက်ကပ်အပ်နှံလော့။ သို့ဖြစ်လျှင်ငါသည်လည်း သင့်ကို ဆက်ကပ်အပ်နှံလိမ့်မည်မှာ သေချာ၏။

အရှေ့သို့- အခန်း ၅၄

နောက်တစ်ခုသို့- အခန်း ၅၆

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

ဆုတောင်းခြင်းကို လက်တွေ့လုပ်ဆောင်ခြင်းနှင့် ပတ်သက်၍

သင်တို့၏ နေ့စဉ်အသက်တာတွင် ဆုတောင်းခြင်းကို သင်တို့ အရေးမထားပေ။ လူသားသည် ဆုတောင်းခြင်း ကိစ္စရပ်ကို လျစ်လျူရှု၏။ ဆုတောင်းချက်များသည်...

ဘုရားသခင်သည် သူ၏စိတ်တော်နှင့် ထိတွေ့သောသူတို့ကို စုံလင်စေသည်

ယခု ဘုရားသခင်သည် သူနှင့်အတူ ပူးပေါင်း ဆောင်ရွက်ရန် ကြိုးပမ်းသူ၊ သူ၏အလုပ်ကို နာခံနိုင်သူ၊ ဘုရားသခင်ပြောသော နှုတ်ကပတ်တော်များကို အမှန်...

ဘုရားသခင်၏ အမှုအဆင့် သုံးဆင့်ကို သိခြင်းသည် ဘုရားသခင်ကို သိခြင်း၏ လမ်းကြောင်းဖြစ်သည်

လူသားမျိုးနွယ်အား စီမံခန့်ခွဲခြင်းအမှုကို အဆင့်သုံးဆင့်ခွဲထား၏။ ဆိုလိုသည်မှာ လူသားမျိုးနွယ်အား ကယ်တင်ခြင်းအမှုကို အဆင့်သုံးဆင့်...

လူသားမျိုးနွယ် တစ်ရပ်လုံးသည် လက်ရှိအချိန်အထိ မည်ကဲ့သို့ ဖွံ့ဖြိုးတိုးတက်လာပုံကို သင်သိသင့်သည်

နှစ်ပေါင်း ၆၀၀၀ ကျော်ရှိခဲ့သည့် လုပ်ဆောင်ချက်တစ်ခုလုံးသည် အချိန်နှင့်အမျှ တဖြည်းဖြည်းချင်း ပြောင်းလဲ လာခဲ့သည်။ ဤလုပ်ဆောင်ချက်၏...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်— ကယ်တင်ရှင်၏ ပေါ်ထွန်းခြင်းနှင့် အမှုတော် ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်