အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ငါးဆယ့်ခုနစ်ခုမြောက် မိန့်မြွက်ချက်

သင်၏ စဉ်းစားတွေးတောမှုများ၊ စိတ်ကူးအကြံဉာဏ်များနှင့် သင်၏ ပြုမှုဆောင်ရွက်မှု တစ်ခုချင်းစီတိုင်းကို စစ်ဆေးပြီးပြီလော။ ၎င်းတို့အထဲမှ မည်သည့်အရာများသည် ငါ၏ အလိုနှင့်ကိုက်ညီပြီး မည်သည့်အရာများမှာ မကိုက်ညီသည်ကို သင်ရှင်းလင်းသလော။ ဤအရာများကို ထိုးထွင်းသိမြင်နိုင်စွမ်း သင်၌မရှိပါလေတကား။ သင်သည် အဘယ်ကြောင့် ငါ့ရှေ့မှောက်သို့ မလာသနည်း။ ငါသင့်ကို မပြောပြသောကြောင့်လော သို့မဟုတ် အခြားအကြောင်းပြချက်ကြောင့်လော။ ဤသည်ကို သင်သိသင့်သည်။ ပေါ့ဆသောသူတို့သည် ငါ၏ အလိုကို နားလည်နိုင်ခြင်း လုံးဝမရှိ၊ သို့မဟုတ် ကြီးမြတ်သော အလင်းပေးမှုနှင့် ဗျာဒိတ်ကို မရရှိနိုင်ပေ။

အသင်းတော်သည် အာဟာရကို မရရှိနိုင်ခြင်းနှင့် စစ်မှန်သည့် မိတ်သဟာယပြုမှုမရှိခြင်းတို့၏ အကြောင်းရင်းကို သင်ရှာဖွေတွေ့ရှိခဲ့ပြီးပြီလော။ မည်သည့်အချက်တွေက သင့်ကြောင့်ဖြစ်သည်ဆိုသည်ကို သင်သတိပြုမိသလော။ အသက်ကို ထောက်ပံ့ပေးပြီး ငါ၏ အသံကို ထုတ်လွှတ်ဖို့ သင့်ကို ငါညွှန်ကြားခဲ့သည်။ ဤအရာများကို သင်လုပ်ပြီးပြီလော။ သင်၏ ညီအစ်ကို မောင်နှမများ၏ အသက်တာတိုးတက်မှုကို နှောင့်နှေးစေခြင်းအတွက် သင်တာဝန်ယူနိုင်သလော။ သင်သည် ပြဿနာများကို ကြုံတွေ့ရသည့်အခါတွင် အေးဆေးတည်ငြိမ်မည့်အစား စိတ်ပူပင်မောပန်းနေသည်။ သင်သည် အမှန်တကယ်ကို သိမြင်မှု မရှိပေတကား။ ငါ၏ အသံကို သန့်ရှင်းသူများထံသို့ ထုတ်လွှတ်ပေးသင့်သည်။ သန့်ရှင်းသောဝိညာဉ်တော်၏ အမှုတော်ကို မဖိနှိပ်နှင့်။ ငါ့အတွက် အချိန်ကို မနှောင့်နှေးစေနှင့်။ မည်သည့်အချက်ကမျှ မည်သူ့ကိုမျှ အကျိုးမဖြစ်စေပါ။ ငါ့အတွက် သင်၏ စိတ်နှင့် ကိုယ်ခန္ဓာကို နှစ်မြှုပ်ထားရန် ငါအလိုရှိသည်။ ထိုမှသာ သင်၏ စဉ်းစားတွေးတောမှုနှင့် စိတ်ကူးအကြံဉာဏ်တိုင်းသည် ငါ့အတွက်ဖြစ်နိုင်မည်၊ ငါအလိုရှိသည့်အရာကို သင် အလိုရှိနိုင်မည်၊ ငါစဉ်းစားတွေးတောသည့်အရာကို သင်စဉ်းစားတွေးတောနိုင်မည်၊ သင်ပြုလုပ်သည့် မည်သည့်အရာမဆိုသည် ယနေ့နိုင်ငံတော်နှင့် ငါ၏ စီမံခန့်ခွဲမှုအတွက် ဖြစ်နိုင်ပြီး သင့်ကိုယ်သင်အတွက် လုပ်ဆောင်မှု မရှိခြင်းတို့ ဖြစ်နိုင်ပေမည်။ ဤအရာကသာ ငါ၏ နှလုံးသားကို ကျေနပ်စေလိမ့်မည်။

ငါပြုလုပ်သည့် မည်သည့်အရာမဆို သက်သေမပါရှိသည့်အရာ မရှိချေ။ သင်သည် အဘယ်ကြောင့် ငါ့ကို အတုမယူသနည်း။ သင်လုပ်ဆောင်သည့်အရာအတွက် အဘယ်ကြောင့် သက်သေ မရှာဖွေသနည်း။ သင်သည် ငါ့ကို အဘယ်အရာထပ်ပြောစေချင်သနည်း။ သင့်ကို သင်ကြားပြသရန် သင်၏ လက်ကို ငါဆွဲကိုင်ထား၏။ သို့သော် သင်သည် သင်ယူနိုင်ခြင်း မရှိပေ။ သင်သည် အလွန်မိုက်မဲပေ၏။ သင်သည် နောက်တစ်ဖန် အစမှ ပြန်စချင်သလော။ စိတ်ပျက်အားလျော့ခြင်း မရှိနှင့်။ ကိုယ့်ကိုယ်ကိုယ် ပြန်လည်၍ အားတင်းထားပြီး သန့်ရှင်းသောသူများ မျှဝေပေးအပ်ထားသည့် မျှော်လင့်ချက်များနှင့် လိုအင်ဆန္ဒများကို အလုံးစုံ ကိုယ်စားပြု၍ သင့်ကိုယ်သင် နှစ်မြှုပ်အပ်နှံခြင်းရှိရမည်။ ဤစကားတို့ကို သတိရလော့။ “ငါ့အတွက် ရိုးသားစွာ အသုံးခံသောသူများကို ငါသည် ဧကန်ပင် ကြီးစွာ ကောင်းချီးပေးမည်”။

သင်သည် မည်သည့်အရာကို လုပ်ဆောင်သည်ဖြစ်စေ စီစဉ်တကျ လုပ်ဆောင်ရမည်။ ပရမ်းပတာ မလုပ်ဆောင်ရ။ သင်သည် မိမိ၏ လက်ဖမိုးကို သိသကဲ့သို့ သန့်ရှင်းသူများကို သိမြင်သည်ဟု အမှန်တကယ် ပြောဆိုရဲသလော။ ဤအချက်က သင်သည် အသိဉာဏ်ပညာမရှိ၊ ဤအခြင်းအရာကို သင်အလေးထားခြင်းမရှိ၊ အချိန်ပေးခြင်းမရှိဟု ပြဆိုနေသည်။ ဤအခြင်းအရာအပေါ်တွင် သင်သည် အမှန်တကယ် အချိန်အားလုံး ပေးနိုင်လျှင် သင်၏ အတွင်းစိတ်အခြေအနေသည် မည်သို့ဖြစ်မည်ကို သိမြင်ပါ။ သင်သည် ကိုယ့်စိတ်သဘောနှင့် အားထုတ်မှုများပြုလုပ်ရန် ကြိုးစားခြင်းမရှိဘဲ တရားသေ အကြောင်းပြချက်များကိုသာ ရှာဖွေပြီး ငါ၏အလိုကို ထည့်သွင်းစဉ်းစားမှု လုံးဝမရှိပေ။ ဤအချက်သည် ငါ့အား အလွန်ပင် နာကျင်ထိခိုက်စေသည်။ ဤနည်းလမ်းဖြင့် ရှေ့ဆက်မသွားနှင့်။ ဤသည်မှာ ငါသည် သင့်အား ပေးသနားသော ကောင်းချီးများကို သင်လက်မခံခြင်းကြောင့် ဖြစ်နိုင်သလော။

အိုး ဘုရားသခင်၊ ကိုယ်တော်၏ သားသမီးသည် ကိုယ်တော့်ကို ပေးဆပ်စရာရှိနေသည်။ ကိုယ်တော်၏ အလုပ်ကို ကျွန်ုပ်အလေးအနက်ထားခြင်းမရှိခဲ့ပါ၊ သို့မဟုတ် ကိုယ်တော်၏ အလိုတော်ကို ထည့်သွင်းစဉ်းစားခြင်းမရှိခဲ့သလို ကိုယ်တော်၏ အလေးအနက် တိုက်တွန်းအားပေးမှုအပေါ်တွင် ကျွန်ုပ် သစ္စာစောင့်သိခြင်း မရှိခဲ့ပါ။ ကိုယ်တော်၏ သားသမီးသည် ဤအရာအားလုံးတို့ကို ပြန်ပြီး ပြုပြင်ချင်ပါသည်။ ကျွန်ုပ်အား ကိုယ်တော် မစွန့်ပစ်ပါနှင့်။ ကိုယ်တော်၏ အမှုတော်ကို ကျွန်ုပ်မှတစ်ဆင့် ဆက်လက် ဆောင်ရွက်တော်မူပါ။ အိုး ဘုရားသခင် ကိုယ်တော်၏ သားသမီးကို တစ်ဦးတည်း ပစ်မထားပါနှင့်။ အချိန်တိုင်းတွင် ကျွန်ုပ်နှင့် အတူရှိတော်မူပါ။ အိုး ဘုရားသခင် ကိုယ်တော်၏ သားသမီးသည် ကိုယ်တော် ကျွန်ုပ်ကို ချစ်သည်ကို သိမြင်ပါသည်။ သို့ရာတွင် ကျွန်ုပ်သည် ကိုယ်တော်၏ အလိုတော်ကို နားလည်နိုင်ခြင်း မရှိပါ။ ကိုယ်တော်၏ ဝန်ထုပ်ဝန်ပိုးအတွက် မည်သို့ အရေးထားရမည်ကို ကျွန်ုပ်မသိပါ။ ကိုယ်တော် ကျွန်ုပ်ကို တာဝန်ပေးစေခိုင်းထားသည့်အရာကို ကျွန်ုပ် မည်သို့ ပြီးမြောက်အောင် လုပ်ဆောင်ရမည်ကို ကျွန်ုပ်မသိပါ။ အသင်းတော်ကို မည်သို့ ဦးဆောင်လမ်းပြရမည်ကို သာ၍ပင် မသိပါ။ ဤအခြင်းအရာအပေါ်တွင် ကျွန်ုပ်သည် စိတ်ပျော်ရွှင်မှုမရှိဘဲ စိတ်ဖိစီးနေသည်ကို ကိုယ်တော် သိပါသည်။ အိုး ဘုရားသခင်၊ အချိန်တိုင်းမှာ ကျွန်ုပ်အား လမ်းညွှန်ပြသတော်မူပါ။ ကျွန်ုပ်မည်မျှ မှားယွင်းနေသည်ကို ယခုမှသာ ကျွန်ုပ်သိပါသည်။ အလွန်များပြားပါသည်။ ကျွန်ုပ်သည် အမှန်တကယ်ကို ဖော်ပြနိုင်စွမ်းမရှိပါ။ ကိုယ်တော်၏ အနန္တတန်ခိုးနှင့် ပြည့်စုံသည့် လက်တော်နှင့် ကိုယ်တော်၏ သားသမီးအား ကျေးဇူးတော်ကို ပြသတော်မူပါ။ အချိန်တိုင်းမှာ ကိုယ်တော်၏ သားသမီးအား ထောက်ပံ့တော်မူပါ။ ကိုယ်တော်၏ သားသမီးသည် ကိုယ်တော့်ရှေ့မှာ အလုံးစုံ ပျပ်ဝပ်နိုင်ရန်၊ သူ၏ ကိုယ်ပိုင်ရွေးချယ်မှုများကို မပြုလုပ်တော့ရန်၊ သူ၏ ကိုယ်ပိုင် စဉ်းစားတွေးတောမှုများ သို့မဟုတ် စိတ်ကူး အကြံဉာဏ်များ မရှိရန် ပြုလုပ်တော်မူပါ။ အိုး ဘုရားသခင် ကိုယ်တော်၏ သားသမီးသည် ကိုယ်တော့်အကျိုးသက်သက်အတွက်၊ ယနေ့နိုင်ငံတော်၏ အကျိုးသက်သက်အတွက် အရာအားလုံးကို လုပ်ဆောင်ချင်သည်ကို ကိုယ်တော်သိပါသည်။ ယခုအချိန်တွင် ကျွန်ုပ် မည်သည့်အရာများကို စဉ်းစားနေသည်၊ မည်သည့်အရာကို လုပ်ဆောင်နေသည်ကို ကိုယ်တော်သိပါသည်။ အိုး ဘုရားသခင် ကျွန်ုပ်ကို ကိုယ်တော်တိုင် ရှာဖွေတော်မူပါ။ ကိုယ်တော်၏ အားအင်သည် ကျွန်ုပ်၏ လုပ်ကိုင်ဆောင်ရွက်မှုများကို အဖော်ပြုပေးရန် အလို့ငှာ အသက်တာတွင် အချိန်တိုင်း၌ ကျွန်ုပ်နှင့်အတူ လျှောက်လှမ်းပြီး ကျွန်ုပ်နှင့်အတူ နေထိုင်ဖို့ကိုသာ ကျွန်ုပ်တောင်းဆိုပါသည်။

ယခင်က:ငါးဆယ့် ငါးခုမြောက် မိန့်မြွက်ချက်

နောက်တစ်ခုသို့:ခြောက်ဆယ်တစ်ခုမြောက်သော မိန့်မြွက်ချက်

သင်နှစ်သက်နိုင်သည့် အရာများ