အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၁၄

အချိန်သည် ယခုအခါ အမှန်ပင် အရေးတကြီး ဖြစ်နေ၏။ သန့်ရှင်းသောဝိညာဉ်တော်သည် ငါတို့အား ဘုရားသခင်၏ နှုတ်ကပတ်တော်များထံ လမ်းပြရန်အတွက် မတူညီသော နည်းလမ်းများစွာကို အသုံးပြု၏။ သင်သည် သမ္မာတရားအားလုံးဖြင့် ပြည့်စုံနေသင့်၏၊ သန့်ရှင်းစင်ကြယ်ခြင်း ရှိသင့်၏၊ ငါနှင့် စစ်မှန်သော နီးကပ်မှု၊ ဆက်သွယ်မှု ရှိသင့်၏။ သင့်အား မည်သည့် ရွေးချယ်စရာကိုမျှ ခွင့်မပြုထားချေ။ သန့်ရှင်းသောဝိညာဉ်တော်၏အမှုသည် စိတ်ခံစားချက်ကင်းမဲ့ကာ၊ သင်ကဲ့သို့ လူ အမျိုးအစားကို ပဓာနပြုသည် မဟုတ်။ သင်သည် ဆင်ခြေပေးခြင်းများ မရှိ၊ သင်၏ ကိုယ်ပိုင် အမြတ်အစွန်းများ နှင့် ဆုံးရှုံးမှုများအပေါ် ငြင်းခုံခြင်း မပြုဘဲ၊ ဖြောင့်မတ်ခြင်းကိုသာ ဆာလောင် ငတ်မွတ်စွာဖြင့် ရှာဖွေလိုက်နာရန် ဆန္ဒရှိနေသရွေ့၊ ငါသည် သင့်အား အသိဉာဏ်ပွင့်လင်းစေမည်ဖြစ်သည်။ သင်သည် မည်မျှပင် မိုက်မဲ၍ ပညာမဲ့ပါစေ၊ ငါသည် ယင်း အရာများကို မမြင်ပေ။ သင်သည် အပြုသဘောဆောင်သော ရှုထောင့်ဖြင့် မည်မျှ ကြိုးပမ်းလုပ်ဆောင်သည်ကို မြင်ရန်သာ ငါ ကြည့်သည်။ အကယ်၍ သင်သည် ကိုယ်ပိုင် ကမ္ဘာငယ်လေးထဲ၌ ပတ်ချာလည်လျက်၊ ဇာတိအယူအဆကို မြဲမြံစွာ ဆုပ်ကိုင်နေဆဲဆိုလျှင်၊ သင်သည် ဘေးအန္တရာယ်ထဲ၌ ရှိနေပြီဟု ငါသည် ထင်၏။ ချီဆောင်ခြင်းဆိုသည်မှာ အဘယ်နည်း။ ပစ်ပယ်ခံရခြင်းဆိုသည်မှာ မည်သည့် အဓိပ္ပာယ်ကို ဆိုလိုသနည်း။ ယနေ့အချိန်၌ ဘုရားသခင်၏ ရှေ့မှောက်တွင် သင်သည် မည်ကဲ့သို့ အသက်ရှင်သင့်သနည်း။ သင်သည် ငါနှင့်အတူ မည်ကဲ့သို့ တက်ကြွစွာ ပူးပေါင်းဆောင်ရွက်သင့်သနည်း။ သင်၏ ကိုယ်ပိုင် အယူအဆတို့ကို ဖယ်ရှားလော့၊ သင့်ကိုယ်သင် ပိုင်းခြားစိစစ်လော့၊ သင်၏ မျက်နှာဖုံးကို ချွတ်လော့၊ သင်၏ ယုံကြည်ချက်အမှန်တို့ကို ရှင်းလင်းစွာ မြင်လော့၊ သင့်ကိုယ်သင် ရွံမုန်းလော့၊ ဖြောင့်မတ်ခြင်းကို ဆာလောင် ငတ်မွတ်စွာဖြင့် ရှာဖွေတတ်သော စိတ်နှလုံးတစ်ခု ရှိလော့၊ သင်ကိုယ်တိုင်သည် အမှန်ပင် အနှစ်သာရမဲ့ကြောင်းကို ယုံကြည်လော့၊ သင့်ကိုယ်သင် စွန့်လွှတ်ရန် ဆန္ဒရှိလော့၊ သင်၏ ပြုမူလုပ်ဆောင်ပုံ အားလုံးကို ရပ်ပစ်နိုင်စွမ်းရှိလော့၊ ငါ၏ရှေ့တွင် သင့်ကိုယ်သင် သိမ်မွေ့စွာနေလော့၊ ဆုတောင်းခြင်းများကို ပို၍ ဆက်ကပ်လော့၊ ငါ့အပေါ် စစ်မှန်စွာ အားကိုးလော့၊ ငါ့အား လေးစားကြည်ညိုလော့၊ ထို့အပြင် ငါ၏ထံပါးသို့ ချဉ်းကပ်ခြင်း၊ ငါနှင့် မိတ်သဟာယဖွဲ့ခြင်းကို မရပ်တန့်စေနှင့်၊ ဤသည်မှာ အဓိကကျ၏။ လူတို့သည် ယေဘုယျအားဖြင့် ၎င်းတို့၏အတွင်း၌သာ ပိတ်မိနေကြပြီး၊ ဘုရားသခင်၏ ရှေ့မှောက်၌ မရှိကြချေ။

သန့်ရှင်းသော ဝိညာဉ်တော်၏ လက်ရှိ အမှုသည် လူတို့အနေဖြင့် စိတ်ကူးကြည့်ရန် အမှန်ပင် ခက်ခဲပြီး၊ အားလုံးသည် အမှန်တကယ် ဖြစ်ပေါ်၏။ ဆင်ခြင်မှုကင်းမဲ့ခြင်းသည် သင့်အတွက် အမှန်တကယ်ပင် အဆင်ပြေလိမ့်မည် မဟုတ်ပေ။ အကယ်၍ သင်၏ နှလုံးသား နှင့် စိတ်သည် မမှန်ကန်လျှင်၊ သင်သည် လွတ်မြောက်စရာလမ်း ရှိလိမ့်မည် မဟုတ်။ သင်သည် အစမှ အဆုံးတိုင်အောင် အချိန်တိုင်းတွင် သတိရှိကာ၊ ပေါ့ဆမှုကို တားဆီးကာကွယ်ရန် သေချာစေရမည်။ အမြဲမပြတ် သတိရှိရှိဖြင့် စောင့်ဆိုင်းနေသောသူများ၊ ငါ၏ရှေ့မှောက်တွင် သိမ်မွေ့သောသူများသည် မင်္ဂလာရှိကြ၏။ မိမိတို့၏ စိတ်နှလုံးဖြင့် ငါ့အား အမြဲမပြတ် လေးစားကြည်ညိုသောသူ၊ ငါ၏ အသံကို ဂရုတစိုက် အလေးပေး နားထောင်သောသူ၊ ငါ၏ လုပ်ဆောင်ချက်များကို အာရုံပြုသောသူ နှင့် ငါ၏ နှုတ်ကပတ်တော်တို့ကို လက်တွေ့ကျင့်ဆောင်သောသူများသည် မင်္ဂလာရှိကြ၏။ အချိန်သည် နှောင့်နှေးမှုကို အမှန်ပင် ခွင့်ပြုနိုင်သည် မဟုတ်။ အမျိုးမျိုးသော ကပ်ဆိုးတို့သည် သင်တို့အားလုံးကို ရေလွှမ်းမိုးမှု တစ်ခုကဲ့သို့ ဝါးမျိုပစ်ရန်အလို့ငှာ ၎င်းတို့၏ ရက်စက်ကြမ်းကြုတ်သော၊ သွေးစွန်းနေသော ပါးစပ်ပေါက်များကို ဖွင့်ဟလျက်၊ မွှေနှောက်သောင်းကျန်းကြလိမ့်မည်။ ငါ၏ သားတို့၊ အချိန်သည် ရောက်ရှိလေပြီ။ ချင့်ချိန်တွေးဆဖို့ရန် မရှိတော့ပေ။ သင်တို့အား ငါ၏ အကာအကွယ် အောက်သို့ ပို့ဆောင်ပေးမည့် တစ်ခုတည်းသော လွတ်လမ်းမှာ ငါ၏ရှေ့မှောက်သို့ ပြန်လာခြင်းပင် ဖြစ်သည်။ သင်၌ သားယောက်ျား၏ အကျင့်သိက္ခာခွန်အား ရှိရမည်၊ အားလျော့ခြင်း သို့မဟုတ် စိတ်ပျက်ခြင်း မရှိနှင့်။ သင်သည် ငါ၏ ခြေလှမ်းများကို မီအောင်လိုက်ရမည်၊ အသစ်သော အလင်းကို မငြင်းပယ်နှင့်၊ သင်တို့အား အဘယ်သို့ စားသောက်ရမည်ကိုဆိုရာတွင် သင်တို့သည် နာခံ၍ သင့်တင့်လျောက်ပတ်စွာ စားသောက်သင့်၏။ တစ်ဦးနှင့် တစ်ဦး ထင်ရာမြင်ရာ တိုက်ခိုက်ရန် သို့တည်းမဟုတ် ယှဉ်ပြိုင်ရန် ယခုတွင် အချိန်ရှိသေးသလော။ သင်သည် ဝလင်စွာ မစားသောက်ဘဲ၊ သမ္မာတရားနှင့်လည်း လုံးလုံး ပြည့်စုံခြင်းမရှိလျှင်၊ တိုက်ပွဲကို ဆင်နွှဲနိုင်မည်လော။ အကယ်၍ သင်သည် ဘာသာတရားကို အောင်မြင်လိုပါက၊ သမ္မာတရားဖြင့် လုံးလုံးလျားလျား ပြည့်စုံနေရမည်။ ငါ၏ နှုတ်ကပတ်တော်များကို ပို၍ စားသောက်ကာ၊ ငါ၏နှုတ်ကပတ်တော်များကို ပို၍ ဆင်ခြင်လော့။ သင်တို့သည် ငါ၏ နှုတ်ကပတ်တော်များကို အမှီအခိုကင်းစွာ စားသောက်၍၊ ဘုရားသခင်ထံပါးသို့ တိုးဝင်ခြင်းဖြင့် အစပြုရမည်။ ဤသည်မှာ သင့်အတွက် သတိပေးချက်တစ်ခု ဖြစ်စေလော့။ သင်သည် ဂရုပြုရမည်။ ထက်မြက်သောသူတို့သည် သမ္မာတရား၌ အလျင်အမြန် နိုးထသင့်ပေ၏။ သင် မစွန့်လိုသော အရာအားလုံးကို စွန့်လွှတ်လော့။ ဤအရာများသည် သင်၏ အသက်တာအတွက် အမှန်တကယ်ပင် အန္တရာယ်ရှိပြီး၊ အကျိုးမရှိကြောင်းကို သင့်အား ငါ နောက်တစ်ကြိမ် ထပ်၍ဆိုပြီ။ သင်သည် သင်၏ လုပ်ဆောင်မှုများတွင် ငါ့အပေါ် အမှီပြုနိုင်မည်ဟု ငါ မျှော်လင့်သည်၊ ထိုသို့မဟုတ်လျှင် ရှေ့၌ ရှိသည့် တစ်ခုတည်းသောလမ်းမှာ သေခြင်းလမ်း ဖြစ်လိမ့်မည်၊ ထိုအခါ သင်သည် ရှင်သန်ခြင်း လမ်းကို မည်သည့် နေရာ၌ သွား၍ ရှာဖွေမည်နည်း။ အပြင်ပန်း အရာများနှင့် အလုပ်ရှုပ်ခြင်းကိုသာ နှစ်သက်သော သင်၏ စိတ်နှလုံးကို ရုပ်သိမ်းလော့။ အခြားသော လူတို့အား မနာခံတတ်သော သင်၏ စိတ်နှလုံးကို ရုပ်သိမ်းလော့။ သင်၏ အသက်တာသည် မရင့်ကျက်နိုင်ဘဲ၊ သင်သည်လည်း စွန့်ပစ်ခြင်း ခံရသည်ဆိုလျှင်၊ သင့်အား ခလုတ်တိုက်၍ လဲစေသောသူမှာ သင်ကိုယ်တိုင်ပင် ဖြစ်လိမ့်မည် မဟုတ်လော။ ယခုအခါ သန့်ရှင်းသောဝိညာဉ်တော်၏ အမှုသည် သင် စိတ်ကူးသကဲ့သို့ မဟုတ်ပေ။ အကယ်၍ သင်၏ အယူအဆများကို မစွန့်လွှတ်နိုင်လျှင်၊ သင်သည် ကြီးစွာသော ဆုံးရှုံးခြင်းတစ်ခုကို ကြုံရလိမ့်မည်။ အကယ်၍ အမှုတော်သည် လူသား၏ အယူအဆများနှင့် ကိုက်ညီနေခဲ့မည်ဆိုလျှင်၊ သင်၏ အိုဟောင်းသော သဘာဝနှင့် အယူအဆများသည် ပေါ်လွင်နိုင်လိမ့်မည်လော။ သင့်ကိုယ်သင် သိနိုင်လိမ့်မည်လော။ သင်၌ မည်သည့် အယူအဆမျှ မရှိဟူ၍ သင်သည် ဆက်၍ ထင်ကောင်းထင်နိုင်၏၊ သို့သော် ဤအကြိမ်တွင် သင်၏ အကျည်းတန်သော စရိုက်လက္ခဏာအမျိုးမျိုးသည် ရှင်းလင်းစွာ ပေါ်လွင်လာမည် ဖြစ်သည်။ သင့်ကိုယ်သင် စဉ်းစဉ်းစားစား မေးလော့-

သင်သည် ငါ့အား နာခံသောသူတစ်ယောက် ဖြစ်သလော။

သင်၏ ဇာတိကို စွန့်လွှတ်၍ ငါ၏နောက်သို့ လိုက်ရန် ဆန္ဒရှိပြီး၊ အဆင့်သင့်ရှိသလော။

သင်သည် ဖြူစင်သော စိတ်နှလုံးတစ်ခုဖြင့် ငါ၏ မျက်နှာကို ရှာဖွေသောသူတစ်ယောက်လော။

ငါ၏အနီးအနားသို့ မည်ကဲ့သို့ လာ၍၊ ငါနှင့် မည်သို့မိတ်သဟာယဖွဲ့ရမည်ကို သင် သိသလော။

သင်သည် ငါ၏ရှေ့မှောက်တွင် သင့်ကိုယ်သင် သိမ်မွေ့စွာ နေ၍၊ ငါ၏ အလိုကို ရှာနိုင်သလော။

သင့်အား ငါ ထုတ်ဖော်ပြသော နှုတ်ကပတ်တော်တို့ကို သင်သည် လက်တွေ့ကျင့်ဆောင်သလော။

ငါ၏ရှေ့မှောက်တွင် သင်သည် သာမန် အခြေအနေတစ်ခုကို ထိန်းသိမ်းနိုင်သလော။

စာတန်၏ စဉ်းလဲသော အကြံအစည်များကို သင် မြင်နိုင်စွမ်းရှိသလော။ သင်သည် ယင်းတို့ကို ဖော်ထုတ်ပြဝံ့သလော။

ဘုရားသခင်၏ ဝန်ထုပ်ဝန်ပိုးအပေါ် သင်သည် မည်သို့ အလေးထားသနည်း။

သင်သည် ဘုရားသခင်၏ ဝန်ထုပ်ဝန်ပိုးကို အလေးထားသူတစ်ယောက်လော။

သန့်ရှင်းသော ဝိညာဉ်တော်၏ အမှုကို သင် မည်ကဲ့သို့ နားလည်သဘောပေါက်သနည်း။

ဘုရားသခင်၏ မိသားစုအတွင်း၌ အချိတ်အဆက်မိစွာဖြင့် မည်သို့ အစေခံသနည်း။

ငါ့အတွက် မည်ကဲ့သို့ အခိုင်အမာ သက်သေခံသနည်း။

သမ္မာတရားအတွက် ကောင်းစွာသော တိုက်လှန်ခြင်းကို အဘယ်သို့ တိုက်လှန်သနည်း။

သင်သည် ဤသမ္မာတရားတို့ကို အချိန်ယူကာ စေ့စေ့စပ်စပ် စဉ်းစားဆင်ခြင်ရမည်။ နေ့ရက်သည် အလွန် နီးကပ်နေပြီဖြစ်ကြောင်းကို သက်သေပြရန် အချက်အလက်များမှာ ပြည့်စုံလေပြီ။ ဘေးဒုက္ခများ မတိုင်မီ သင်တို့သည် စုံလင်ခြင်းသို့ ရောက်ရမည်၊ ဤအရာသည် အစောတလျင် ဖြေရှင်းရမည့် လွန်စွာအရေးကြီးသော ကိစ္စတစ်ခုပင် ဖြစ်၏။ ငါသည် သင်တို့အား စုံလင်စေရန် အလိုရှိသော်လည်း၊ သင်တို့သည် အမှန်ပင် မထိန်းမနိုင်သိမ်းမနိုင် ဖြစ်နေကြောင်းကို ငါ မြင်ရသည်။ သင်သည် အနိုင်မခံအရှုံးမပေးလိုစိတ် ရှိသော်လည်း၊ သင်သည် ယင်းစိတ်ကို အကောင်းဆုံး အသုံးမချသည့်အပြင်၊ အရေးကြီးဆုံးသောအရာများကိုလည်း နားမလည်သဘောမပေါက်သေးချေ။ ယင်းအစား သင် နားလည်သဘောပေါက်သည်မှာ အသေးအမွှား ကိစ္စရပ်များသာ ဖြစ်၏။ ဤအရာများအပေါ် ချင့်ချိန်ခြင်းမှာ အဘယ် အကျိုး ရှိသနည်း။ ဤသည်မှာ အချိန် ဖြုန်းခြင်းပင် မဟုတ်လော။ ငါသည် သင်တို့အား ဤနည်းဖြင့် သနားခြင်းကရုဏာကို ပြသော်လည်း၊ သင်တို့သည် တစ်စုံတစ်ရာ တန်ဖိုးထားကြောင်း ပြရန် ပျက်ကွက်ကြပြီး၊ တစ်ဦးနှင့် တစ်ဦးအကြား ခိုက်ရန်သာဖြစ်ကြသဖြင့်၊ ငါ၏ အပတ်တကုတ်ပြုရသော ကြိုးပမ်းမှု အားလုံးမှာ အချည်းနှီးဖြစ်သွားသည် မဟုတ်လော။ အကယ်၍ ဤနည်းအတိုင်း ဆက်သွားမည်ဆိုလျှင်၊ ငါသည် သင်တို့အား အချိန်ယူကာ ချော့ယူတော့မည် မဟုတ်။ သင်တို့အား ငါ ပြောမည်၊ သမ္မာတရားကို စတင်ကာ နားလည်ခြင်း မရှိလျှင်၊ သန့်ရှင်းသောဝိညာဉ်တော်၏ အမှုကို သင်တို့ထံမှ ရုပ်သိမ်းလိမ့်မည်။ သင်တို့အား စားသောက်ရန်အလို့ငှာ ထပ်၍ မပေးတော့ဘဲ၊ သင်တို့သည် သင့်တော်သည်ဟု ထင်သည့်အတိုင်း ယုံကြည်ကြလေတော့။ ငါ၏ နှုတ်ကပတ်တော်များကို ပြည့်စုံစေ့စပ်စွာ ပြောခဲ့လေပြီ။ နားထောင်ခြင်း၊ နားမထောင်ခြင်းသည် သင်တို့အပေါ် မူတည်၏။ အချိန် ရောက်၍ သင်တို့သည် စိတ်ရှုပ်ထွေး၍၊ ရှေ့ဆက်ရန် လမ်း မရှိဘဲ၊ စစ်မှန်သော အလင်းကိုလည်း မမြင်နိုင်သည့်အခါမျိုး၌ ငါ့အား အပြစ်တင်မည်လော။ ပညာမဲ့လှသည်တကား။ သင်၏ ဇာတိကို တင်းကျပ်စွာ ဖက်တွယ်၍၊ လက်လွှတ်ရန် ငြင်းပယ်သည်ဆိုလျှင်၊ အကျိုးဆက်မှာ မည်သို့ဖြစ်သင့်သနည်း။ သင်၏ အလုပ်မှာ အချည်းနှီး ကျင့်သုံးမှုတစ်ခုသာ ဖြစ်လိမ့်မည် မဟုတ်လော။ ဘေးဒုက္ခများ ကျရောက်သည့်အခါမှ ဖယ်ထားခံရခြင်းသည် သနားစရာပင် ကောင်းလေစွ။

ယခုအချိန်သည် အသင်းတော်အား တည်ဆောက်ခြင်း၏ အရေးပါသောအဆင့် ဖြစ်၏။ သင်သည် ငါနှင့် တက်ကြွစွာ ပူးပေါင်းဆောင်ရွက်နိုင်စွမ်း မရှိသကဲ့သို့၊ ငါ့ထံ၌ သင့်ကိုယ်သင် စိတ်နှလုံးအကြွင်းမဲ့ ဆက်ကပ်နိုင်စွမ်း မရှိလျှင်၊ အရာခပ်သိမ်းကို စွန့်လွှတ်နိုင်စွမ်း မရှိလျှင်၊ သင်သည် ဆုံးရှုံးခြင်းကို ကြုံရလိမ့်မည်။ သင့်ထံ၌ အခြားသော ရည်ရွယ်ချက်များ ဆက်ရှိနိုင်ဦးမည်လော။ သင်တို့အနေဖြင့် နောင်တရကာ၊ အသစ်ပြန်စမည်လောဟူ၍ စောင့်မျှော်လျက်၊ ငါသည် သင်တို့အား သက်ညှာမှုကို ဤနည်းဖြင့် ပြခဲ့၏။ သို့သော်လည်း ယခုအခါ ဤအရာအတွက် အမှန်တကယ် အချိန်မပေးနိုင်သည့်အပြင်၊ ငါသည် အခြေအနေ တစ်ရပ်လုံးကို အဘက်ဘက်မှ သုံးသပ်ရမည်ဖြစ်သည်။ ဘုရားသခင်၏ စီမံခန့်ခွဲမှု အစီအစဉ်၏ ရည်ရွယ်ချက်အလို့ငှါ၊ အရာခပ်သိမ်းသည် ရှေ့သို့ ရွေ့လျားနေကြ၏။ ငါ၏ ခြေလှမ်းများသည်လည်း နေ့ရက်တိုင်း၊ နာရီတိုင်း၊ တဒင်္ဂတိုင်းတွင် ရှေ့ဆက် ချီတက်နေပြီး၊ မီအောင် မလိုက်နိုင်သောသူများသည် ပစ်ပယ်ခြင်းကို ခံရကြလိမ့်မည်။ နေ့ရက်တိုင်းတွင် အသစ်သောအလင်း ရှိ၏၊ နေ့ရက်တိုင်းတွင် အသစ်သော လုပ်ဆောင်ချက်များကို ပြီးစီးစေ၏၊ နေ့ရက်တိုင်းတွင် အသစ်သော အကြောင်းအရာများရှိပြီး၊ အလင်းကို မမြင်နိုင်သောသူများသည် မျက်ကန်းသောသူများပင် ဖြစ်လေ၏။ သဘောပေါက်နားလည်ခြင်း မရှိသူများသည် သုတ်သင်ဖယ်ရှင်းခြင်း ခံကြရလိမ့်မည်။

ယခင်က:အခန်း ၁၃

နောက်တစ်ခုသို့:အခန်း ၁၅

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မြွက်ဆိုချက်များ လက်ရွေးစင်များ သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ အောင်မြင်သောသူများ၏ သက်သေခံချက်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ