ဘုရားသခင်နာမတော်တို့၏ နက်နဲမှု

22.08.2020

ယေဟောဝါ၊ ယေရှုနှင့် မေရှိယတို့အားလုံးသည် ငါ၏ဝိညာဉ်တော်ကို ကိုယ်စားပြုသော်လည်း၊ ဤအမည်နာမများသည် ငါ၏စီမံခန့်ခွဲခြင်း အစီအစဉ်နှင့်ဆိုင်သော မတူကွဲပြားသည့် ခေတ်များကိုသာ ရည်ညွှန်းပြီး ငါ၏အလုံးစုံ၌ ငါ့ကို ကိုယ်စားမပြုပေ။ ကမ္ဘာမြေပေါ်ရှိ လူတို့က ငါ့အားခေါ်ဝေါ်သော အမည်နာမများသည် ငါ၏အလုံးစုံသော စိတ်သဘောထားနှင့် ငါ၏ဖြစ်ခြင်းအားလုံးကို ရှင်းလင်းစွာ မပြောဆိုနိုင်ပေ။ ၎င်းတို့သည် မတူကွဲပြားသော ခေတ်များအတွင်း ငါ့အားခေါ်ဝေါ်ကြသော မတူညီသည့် အမည်နာမများမျှသာ ဖြစ်ပေသည်။ ထို့ကြောင့် နောက်ဆုံးခေတ်- နောက်ဆုံးသော ကာလ၏ ခေတ်- ရောက်ရှိသည့်အခါ၊ ငါ၏အမည်နာမသည် တစ်ဖန် ပြောင်းလဲလိမ့်မည်။ ငါ့ကို မေရှိယဟု ခေါ်ဖို့ မဆိုထားနှင့်၊ ယေဟောဝါ၊ သို့မဟုတ် ယေရှုဟုပင် ခေါ်မည်မဟုတ်၊ ငါ့ကို တန်ခိုးကြီးသော အနန္တတန်ခိုးရှင် ဘုရားသခင် ကိုယ်တော်တိုင်ဟူ၍ ခေါ်ကြမည် ဖြစ်ပြီး၊ ဤအမည်နာမအောက်တွင် ငါသည် ခေတ်ကာလ တစ်ခုလုံးကို အဆုံးသတ်သို့ ဆောင်ကြဉ်းမည် ဖြစ်သည်။(သိုးသငယ်နောက်လိုက်ပြီး သီချင်းအသစ်များကိုသီဆိုပါ) ခေတ်တစ်ခုစီက ဘုရားနာမတော်တွေရဲ့နောက်ကွယ်မှာ အဓိပ္ပာယ်ပါတယ်ဆိုတာကို ဒီ ဘုရားနှုတ်ကပတ်တော် ဓမ္မတေးက ကျွန်တော့်ကို ပြခဲ့တာပါ။ ဘုရားသခင်ရဲ့ စိတ်သဘောထားနဲ့ သူ့ရဲ့ဖြစ်ခြင်းကို နာမတော်တစ်ခုတည်းနဲ့ ကိုယ်စားပြုလို့မရဘူးလေ။ နာမတော်တစ်ခုဆိုတာ အဲဒီခေတ်အတွက် ကိုယ်တော် ဖော်ပြတဲ့ စိတ်သဘောထားကိုပဲ ကိုယ်စားပြုတယ်။ ဘုရားသခင်ရဲ့ဖြစ်ခြင်းဆိုတာ အားလုံးကို လွှမ်းခြုံတဲ့အပြင်၊ ထူးလည်း ထူးကဲပါတယ်။ လူတွေအနေနဲ့ ဘုရားကို ကန့်သတ်လို့မရဘူး။ သူ့နာမကိုလည်း မပြောင်းလဲဘူးလို့ သတ်မှတ်လို့မရဘူး။ ဟိုအရင်ကဆို ကျွန်တော်လည်း ခေတ်တစ်ခုစီမှာ ဘုရားသခင် ခံယူတဲ့ နာမတော်ရဲ့အဓိပ္ပာယ်ကို တကယ် နားမလည်ခဲ့ဘူး။ ဒီတော့ ကိုယ်တော့်နာမက မပြောင်းလဲနိုင်ဘူးလို့ပဲ ထင်ခဲ့တာ။ သခင်ယေရှုရဲ့နာမကိုပဲ ဖက်တွယ်ထားတယ်။ အနန္တတန်ခိုးရှင်ဘုရားသခင်ကို လက်မခံခဲ့ဘူး။ ကျွန်တော်က သခင့်ကို ကြိုဆိုခွင့်ကို ဆုံးရှုံးလုနီးပါး ဖြစ်ခဲ့တာပါ။

ကျွန်တော့်အဘွားက ကျွန်တော့်ကို ငယ်ငယ်လေးကတည်းက ဘုရားကျောင်း ခေါ်သွားတယ်။ သင်းအုပ်ကလည်း ဒီကျမ်းပိုဒ်တွေကို ကိုးကားပြတတ်တယ်၊ “ယေရှုခရစ်သည် မနေ့၊ ယနေ့၊ နောင်ကာလ အစဉ်အမြဲ မပြောင်းမလဲနေတော်မူ၏။” (ဟေဗြဲသြဝါဒစာ ၁၃:၈) “ထိုသခင်မှတပါး အဘယ်သူမျှ ကယ်တင်ခြင်းအမှုကို မတတ်နိုင်။ ထိုသခင်၏ နာမတော်မှတပါး ငါတို့ကို ကယ်တင်နိုင်သော နာမတစုံတခုမျှ ကောင်းကင်အောက် လူတို့တွင် မပေါ်မရှိ။” (တမန်တော်ဝတ္ထု ၄:၁၁-၁၂) သခင်ယေရှုကပဲ စစ်မှန်တဲ့ဘုရား ဖြစ်တယ်လို့ ကျွန်တော်က လက်ခံခဲ့တာ။ ကျွန်တော်က သူ့နာမနဲ့ သူ့လမ်းခရီးကို စောင့်ထိန်းနေသရွေ့၊ သူ ပြန်လာတဲ့အခါ၊ ကျွန်တော်က ကောင်းကင်ဆီ ယူဆောင်ခံရမယ်ပေါ့။

၂၀၁၇ မှာ ကျွန်တော့်မိန်းမက အနန္တတန်ခိုးရှင်ဘုရားသခင်ရဲ့ နိုင်ငံတော်ဧဝံဂေလိတရားကို လက်ခံလိုက်ရော။ ပြီးတော့ သူက ကျွန်တော့်ကိုလည်း အနန္တတန်ခိုးရှင်ဘုရားရဲ့ နောက်ဆုံးသောကာလ အမှုတော်ကို ကြားစေချင်တယ်။ ဒါနဲ့ သူက မိတ်သဟာယပြုပေးမယ့် အစ်မတစ်ယောက်ကို ခေါ်လာတယ်။ ကျွန်တော်လည်း နားထောင်ရတာပေါ့။ ဒါပေမဲ့ သူက သခင်ယေရှုကို အနန္တတန်ခိုးရှင်ဘုရားသခင်အဖြစ် ပြန်ပြီးကြွရောက်လာပြီလို့ ပြောလာတော့၊ ကျွန်တော် ဘာမှကို ဆက်မကြားချင်တော့ဘူး။ ကျွန်တော့်မိန်းမက အနန္တတန်ခိုးရှင်ဘုရားနောက် လိုက်တယ်ဆိုတာ သိလာတော့၊ ကျွန်တော်လည်း သူ့ကို ပိတ်ပင်တယ်။ “ငါတို့ကို ကယ်တင်ပေးတဲ့ နာမတော်ဆိုတာ တစ်ခုတည်းပဲရှိတယ်။ ငါတို့က သခင်ယေရှုရဲ့နာမကိုပဲ ဆက်ပြီး သစ္စာရှိဖို့လိုတယ်။ မင်းက ဒီလောက်နှစ်တွေ အကြာကြီး ယုံကြည်လာတာ၊ ပိုသိသင့်တယ်” လို့ ပြောလိုက်တယ်။။ သူကလည်း ပြန်ချေပတယ်ဗျ၊ “သခင်ယေရှုရဲ့နာမက ကျွန်မတို့ကို ကယ်တင်ခဲ့တယ်ဆိုတာ ကျွန်မတို့ အပြစ်စီရင်ခြင်းမခံရအောင်၊ ကျွန်မတို့အပြစ်တွေကို ခွင့်လွှတ်ပေးခဲ့တဲ့ သဘောပဲ။ ဒါပေမဲ့ ကျွန်မတို့က အပြစ်လုပ်ပြီးရင် ဝန်ခံတယ်ဆိုတဲ့ အခြေအနေထဲမှာ ရှင်သန်နေတုန်းပဲ။ အပြစ်ကနေ မလွတ်မြောက်သေးဘူး။ သခင်ယေရှုက အနန္တတန်ခိုးရှင်ဘုရားသခင်ဆိုတဲ့ နာမတော်နဲ့ ပြန်ကြွလာပြီးတော့၊ နိုင်ငံတော်ခေတ်ကို စတင်လိုက်ပြီ။ ကိုယ်တော်က တရားစီရင်ခြင်းအမှုကို ပြုနေတယ်။ သူက ဘုရားကို ဆန့်ကျင်တတ်တဲ့ ကျွန်မတို့ရဲ့ ဆိုးယုတ်တဲ့သဘာဝတွေကို ထုတ်ဖော်ဖို့၊ လူသားရဲ့အပြစ်တွေကို တရားစီရင်ဖို့၊ ပြီးတော့ ကျွန်မတို့ရဲ့ လွဲမှားတဲ့သဘာဝကို ဖြေရှင်းပေးမယ့် လမ်းတစ်ခု ပေးဖို့အတွက်၊ သမ္မာတရားတွေကို ဖော်ပြတယ်။ ကျွန်မတို့က ဘုရားရဲ့နိုင်ငံတော်ထဲ ဝင်ရောက်ရအောင်၊ အနန္တတန်ခိုးရှင်ဘုရားရဲ့ နောက်ဆုံးသောကာလ တရားစီရင်ခြင်းအမှုကို လက်ခံရမယ်” တဲ့။ ဒါပေမဲ့ ကျွန်တော်က အယူအဆတွေအပြည့်နဲ့ဆိုတော့၊ သူ ပြောတာကို လက်မခံခဲ့ဘူး။ သူက သူ့မိဘတွေရဲ့စကားကိုတော့ အမြဲနားထောင်တယ်။ ဒါနဲ့ ကျွန်တော်လည်း သူ့ကို တားဖို့ သူ့မိဘတွေကို အကူအညီတောင်းတယ်။ ဒါပေမဲ့ သူက အနန္တတန်ခိုးရှင်ဘုရားကို ပြန်ကြွလာတဲ့ သခင်ယေရှုဆိုပြီး အခိုင်အမာ ပြောတုန်းပဲ။ ကျွန်တော်တို့ကိုတောင် စူးစမ်းကြည့်ဖို့ တိုက်တွန်းနေတယ်။

ကျွန်တော်လည်း အနန္တတန်ခိုးရှင်ဘုရားသခင်ကို သူ မယုံကြည်တော့အောင် ကြိုးစားကြည့်တယ်။ အချိန်ရတိုင်း ကျမ်းစာမှာ ရှာဖွေကြည့်တယ်။ အွန်လိုင်းမှာ နာမည်ကြီးသင်းအုပ်တွေရဲ့တရားတွေ တွေ့ပြီဆိုလည်း၊ သူ့ကို ဖွင့်ပြဖို့၊ ဒေါင်းလုဒ်ဆွဲလိုက်တယ်။ သူ့စိတ် ပြောင်းလာမယ်လို့ပဲ ထင်ခဲ့တာ။ ဒါပေမဲ့ တကယ်တမ်းကျတော့ သူက ကျွန်တော့်ကို ပြန်တရားဟောသွားတယ်။ ကျွန်တော်လည်း ဒေါသဖြစ်တာပေါ့။ ဒါပေမဲ့ ဘာမှမတတ်နိုင်ဘူးလေ။ ကျွန်တော်တို့နှစ်ယောက်လုံး ကိုယ်ယုံကြည်ရာကိုပဲ ဆက်လုပ်ကြတယ်။ ကျွန်တော်က သူ့ကို ဆန့်ကျင်တယ်ဆိုတာကို သေချာအောင်တော့ ပြရတာပေါ့။ သူက အနန္တတန်ခိုးရှင်ဘုရားရဲ့ နှုတ်ကပတ်တော်တွေကို ဖတ်တယ်။ ကျွန်တော်က သမ္မာကျမ်းစာ ဖတ်တယ်။ သူက သူ့အသင်းတော်ရဲ့ဓမ္မတေးတွေ ဖွင့်ရင်၊ ကျွန်တော်က သခင့်ကို ချီးမွမ်းတယ်။ သူက သူ့အသင်းတော်ရဲ့တရားတွေ နားထောင်ရင်၊ ကျွန်တော်က သင်းအုပ်တွေ ဟောတာကို နားထောင်တယ်။ သမ္မာကျမ်းအကြောင်းလည်း ကျွန်တော်တို့နှစ်ယောက် ငြင်းခုံကြတယ်။ သူက ဟိုအရင်ကတော့ ပြောဆိုကြပြီဆိုရင် ကျွန်တော့်ကို လုံးဝ မယှဉ်နိုင်ခဲ့ဘူး။ အခုတော့ သူ ပြောသမျှက တကယ်ကို ထိုးထွင်းအမြင်ပါတယ်။ သူ့စကားတွေက အရှိန်အဝါပါတယ်။ သူ ပြန်ပြောပြီဆို ကျွန်တော့်မှာ တအံ့တသြနဲ့ အာစေးမိသလို ဖြစ်သွားရော။ ကျွန်တော် သူ့ကို နှိမ်လို့မရခဲ့ဘူး။ ကျွန်တော် စဉ်းစားတယ်၊ ငါ့လက်ရှိ သမ္မာကျမ်းစာအသိနဲ့ သူ့ကို မယှဉ်နိုင်ဘူးဆိုတော့၊ ငါ သူ့ကို နိုင်အောင်၊ သမ္မာကျမ်းကို လေ့လာရမယ်ပေါ့။

တစ်ရက်တော့ ထွက်မြောက်ရာကျမ်း အခန်း ၃ မှာ ဒါကို တွေ့မိတယ်၊ “ထို့အပြင် ဘုရားသခင်က မောရှေအား မိန့်တော်မူသည်မှာ၊ သင်တို့ ဘိုးဘေးများ၏ ဘုရားသခင်၊ အာဗြဟံ၏ ဘုရားသခင်၊ ဣဇက်နှင့် ယာကုပ်တို့၏ ဘုရားသခင် ယေဟောဝါသည် သင်တို့ထံသို့ ငါ့ကို စေလွှတ်တော်မူသည်ဟု ပြောရမည်၊ ဤသည်မှာ အစဉ်အမြဲ ငါ၏ အမည်နာမဖြစ်ပြီး လူမျိုးဆက်အားလုံးအဖို့ ငါ၏ အထိမ်းအမှတ်ဖြစ်၏။(ထွက်မြောက်ရာကျမ်း ၃:၁၅) အဲဒီနောက်မှာ ကျွန်တော် စဉ်းစားမိတယ်၊ ယေဟောဝါဆိုတာ ကိုယ်တော့်ရဲ့ အစဉ်အမြဲ အမည်နာမဖြစ်တယ်လို့ ဘုရားသခင်ရဲ့နှုတ်ကပတ်တော်က ရှင်းရှင်းလင်းလင်း ဖော်ပြပေမဲ့၊ ကျေးဇူးတော်ခေတ်မှာ ကိုယ်တော့်ကို ဘာဖြစ်လို့ ယေရှုလို့ ခေါ်ခဲ့တာလဲ။ ဓမ္မဟောင်းကျမ်းမှာ ပြောတာက “ငါတစ်ပါးသည်သာ ယေဟောဝါ ဖြစ်ပြီး ငါမှတစ်ပါး ကယ်တင်သောအရှင် မရှိ။(ဟေရှာယအနာဂတ္တိကျမ်း ၄၃:၁၁) ဓမ္မသစ်ကျမ်းမှာကျတော့ “ထိုသခင်မှတပါး အဘယ်သူမျှ ကယ်တင်ခြင်းအမှုကို မတတ်နိုင်။ ထိုသခင်၏ နာမတော်မှတပါး ငါတို့ကို ကယ်တင်နိုင်သော နာမတစုံတခုမျှ ကောင်းကင်အောက် လူတို့တွင် မပေါ်မရှိ။” (တမန်တော်ဝတ္ထု ၄:၁၁-၁၂) အဲဒါတွေအားလုံးက ဘာကိုဆိုလိုတာလဲ။ ဒီကျမ်းပိုဒ်တွေကို ကျွန်တော် အကြိမ်ကြိမ် ဖတ်တယ်။ ဒါပေမဲ့ ပိုပြီး ခေါင်းရှုပ်သွားတာပဲ ရှိတယ်။ “သခင်ယေရှုက ငါတို့ရဲ့ကယ်တင်ရှင် မဟုတ်ဘူးလား။ ယေဟောဝါနဲ့ ယေရှုဆိုတာ တစ်ပါးတည်းသော ဘုရားဖြစ်တယ်ဆိုရင်၊ သူတို့အမည်နာမတွေက ဘာလို့ ကွဲပြားလွန်းတာလဲ။ ငါ့မိန်းမ ပြောသလို၊ ဘုရားရဲ့နာမတွေက ပြောင်းလဲတယ်ဆိုတာ အမှန်ပဲလား” ပေါ့။ ကျွန်တော်တို့ချင်း ငြင်းခုံတာတွေကနေ ကျွန်တော် နားလည်မိတယ်လေ။ ကျွန်တော့်မိန်းမက အနန္တတန်ခိုးရှင်ဘုရားကို ယုံကြည်ပြီးကတည်းက၊ သူ့ထိုးထွင်းအမြင်က တိုးတက်သွားတယ်။ သူ့စကားတွေက ခြေခြေမြစ်မြစ်ရှိတယ်။ သန့်ရှင်းသောဝိညာဉ်တော်ရဲ့ လုပ်ဆောင်ချက် မပါရင်၊ ဘယ်သူမှ အဲဒီလိုမျိုး သူတို့ဘာသာ မတိုးတက်နိုင်ဘူးလေ။ ကျွန်တော်လည်း ကိုယ့်ကိုယ်ကိုယ် စမေးမိတယ်၊ “မှားနေတဲ့သူက ငါပဲလား။ အနန္တတန်ခိုးရှင်ဘုရားသခင်က တကယ်ပဲ သခင် ပြန်လာခြင်းလား။ အရှေ့အရပ်မှလျှပ်ပြက်ခြင်းက လမ်းမှန်ပဲလား။ လမ်းမှန် ဖြစ်နေလျက်နဲ့၊ ငါက ငါ့မိန်းမကို တားတယ်ဆိုရင်၊ ဘုရားကို ဆန့်ကျင်မိတာ မဟုတ်ဘူးလား” ပေါ့။ ကျွန်တော် လုံးဝ ကျဉ်းထဲကျပ်ထဲရောက်သွားတာ။ ဒါကို ပွင့်ပွင့်လင်းလင်း ပြောလိုက်ချင်ပေမဲ့၊ ကျွန်တော့်မာနကို မစွန့်လွှတ်ချင်ဘူး ဖြစ်နေတယ်။

ဒါကို အဖြေရှာဖို့ဆိုပြီး ကျွန်တော်လည်း အနန္တတန်ခိုးရှင်ဘုရားသခင် အသင်းတော်ရဲ့ ယူကျုချန်နယ်ကို စပြီးတော့ ပုံမှန်ဝင်ကြည့်ဖြစ်တယ်၊ အနန္တတန်ခိုးရှင်ဘုရားသခင်ရဲ့ နောက်ဆုံးသောကာလ အမှုတော်ကို တိတ်တိတ်လေး စူးစမ်းတယ်ပေါ့။ တစ်ရက်မှာ၊ ကယ်တင်ရှင်သည် “ကယ်တင်ရှင်သည် ‘ဖြူသောမိုးတိမ်’ စီးလျက် ပြန်ကြွလာနှင့်ပြီးဖြစ်သည်” ဆိုတဲ့ ဘုရားနှုတ်ကပတ်တော် ကျမ်းပိုဒ်တစ်ခုကို တွေ့တယ်၊ “‘ယေဟောဝါ’ ဆိုသည်မှာ ဣသရေလ၌ ငါအမှုပြုသည့် အတောအတွင်း ငါခံယူခဲ့သောနာမ ဖြစ်ပြီး ယင်းမှာ လူသားအပေါ် သနားညှာတာနိုင်သူ၊ လူသားကို ကျိန်ဆဲနိုင်ပြီး၊ လူသား၏ဘဝကို လမ်းပြပေးနိုင်သည့် ဣသရေလလူမျိုးများ (ဘုရားသခင် ရွေးချယ်ထားသောလူမျိုး)၏ ဘုရားသခင်ဟု အဓိပ္ပာယ်ရသည်။ ကြီးမြတ်သော တန်ခိုးကို ပိုင်ဆိုင်ပြီး ဉာဏ်ပညာနှင့် ပြည့်ဝသည့် ဘုရားသခင် ဖြစ်သည်။ ‘ယေရှု’ သည် ဧမာနွေလဖြစ်ပြီး၊ ယင်းက ချစ်ခြင်းမေတ္တာနှင့် ပြည့်ဝသည့်၊ သနားခြင်းကရုဏာဖြင့် ပြည့်ဝသကဲ့သို့ လူသားကို ရွေးနုတ်သည့် အပြစ်ဖြေရာယဇ်ဟု ဆိုလိုသည်။ သူသည် ကျေးဇူးတော်ခေတ်၏ အမှုကို လုပ်ဆောင်ခဲ့ကာ၊ ကျေးဇူးတော်ခေတ်ကို ကိုယ်စားပြုပြီး၊ စီမံခန့်ခွဲခြင်း အစီအစဉ်နှင့်ဆိုင်သော အမှု၏ တစ်စိတ်တစ်ဒေသကိုသာ ကိုယ်စားပြုနိုင်သည်။...ခေတ်အသီးသီးနှင့် အမှု၏ အဆင့်အသီးသီးတွင်၊ ငါ၏နာမသည် အခြေအမြစ်ကင်းမဲ့ခြင်း မရှိဘဲ၊ အရေးပါမှုကို ကိုယ်စားပြု ထိန်းသိမ်းပေသည်- အမည်နာမ အသီးသီးက ခေတ်တစ်ခုကို ကိုယ်စားပြုသည်။ ‘ယေဟောဝါ’ သည် ပညတ်တော်ခေတ်ကို ကိုယ်စားပြုပြီး၊ ဣသရေလလူမျိုးများ ကိုးကွယ်ကြသော ဘုရားသခင်အတွက် ဂုဏ်ပြုသော အမည်နာမ ဖြစ်သည်။ ‘ယေရှု’ သည် ကျေးဇူးတော်ခေတ်ကို ကိုယ်စားပြုပြီး ကျေးဇူးတော်ခေတ် အတွင်း ရွေးနုတ်ခံခဲ့ရသူ အားလုံး၏ ဘုရားသခင်၏နာမ ဖြစ်သည်။ နောက်ဆုံးသော ကာလအတွင်းတွင် ကယ်တင်ရှင်ယေရှု၏ ကြွရောက်ခြင်းကို လူသားက တောင့်တဆဲ ဖြစ်ပြီး၊ ယုဒပြည်တွင် ခံယူခဲ့သော ရုပ်သွင်ဖြင့် ကြွလာရန် သူ့ကို မျှော်လင့်ဆဲ ဖြစ်ပါက၊ အနှစ်ခြောက်ထောင် စီမံခန့်ခွဲမှု အစီအစဉ်တစ်ခုလုံးသည် ရွေးနုတ်ခြင်းခေတ်၌ ရပ်တန့်သွားပြီးဖြစ်မည် ဖြစ်ကာ၊ နောက်ထပ် မည်သို့မျှ တိုးတက်နိုင်မည် မဟုတ်ပေ။ ထို့အပြင် နောက်ဆုံးသော ကာလသည် မည်သည့်အခါမျှ ရောက်ရှိမည် မဟုတ်သကဲ့သို့၊ ခေတ်သည် မည်သည့်အခါမျှ အဆုံးသတ်သို့ ရောက်မည် မဟုတ်ပေ။ ဤသည်မှာ အဘယ်ကြောင့်ဆိုသော် ကယ်တင်ရှင်ယေရှုသည် လူသားမျိုးနွယ်တို့၏ ရွေးနုတ်ခြင်းနှင့် ကယ်တင်ခြင်းအတွက်သာ ဖြစ်သောကြောင့် ဖြစ်သည်။ ကျေးဇူးတော်ခေတ်ရှိ အပြစ်သားအားလုံး အတွက် ယေရှု၏နာမကို ငါခံယူခဲ့ခြင်း ဖြစ်သော်လည်း၊ ယင်းသည် လူသားမျိုးနွယ် တစ်ရပ်လုံးကို အဆုံးသတ်တစ်ခုဆီသို့ ငါဆောင်ကြဉ်းမည့် နာမ မဟုတ်ပေ။(နှုတ်ကပတ်တော်သည် လူ့ဇာတိ၌ ပေါ်လာ၏) ကျွန်တော့်စိတ်ထဲမှာ ဒါကို ပြန်ပြန်ပြီး စဉ်းစားကြည့်တယ်။ ယေဟောဝါနဲ့ ယေရှုဆိုတဲ့ နာမတော်တွေရဲ့ အဓိပ္ပာယ်ကို အနန္တတန်ခိုးရှင်ဘုရား ရှင်းပြတာက ရှင်းလင်းပြတ်သားလွန်းတယ်။ ခေတ်တစ်ခုအတွက် ဘုရားရဲ့နာမတော်ဆိုတာ အဲဒီခေတ်ကိုပဲ ကိုယ်စားပြုတာလို့ ကျွန်တော် မြင်မိတယ်။ “ယေဟောဝါ” ဆိုတာ ဘုရားသခင်က ပညတ်တော်ခေတ်မှာ သူ့အမှုတော်အတွက် ခံယူခဲ့တဲ့ အမည်နာမပဲ၊ အဲဒီနာမက သနားကရုဏာနဲ့ ကျိန်ဆိုခြင်းဆိုတဲ့ သူ့စိတ်သဘောထားကို ပြတယ်။ “ယေရှု” ဆိုတာက ကျေးဇူးတော်ခေတ်အတွက် ဘုရားသခင်ရဲ့ အမည်နာမပဲ၊ ချစ်ခင်ကြင်နာတဲ့ စိတ်သဘောထားကို ပြတယ်။ ဘုရားသခင်ရဲ့နာမက မပြောင်းလဲနိုင်တာ မဟုတ်မှန်း၊ ကျွန်တော် နောက်ဆုံး မြင်မိတယ်။ ဘုရားအမှုတော်ရဲ့ အဆင့်သစ်တစ်ခုဆိုတာလည်း နာမတော်သစ်တစ်ခုကို ဆိုလိုတာပဲ။ ဒါကြောင့် နောက်ဆုံးသောကာလမှာ သခင် ပြန်လာတဲ့အခါ၊ သူ့မှာ နာမတော်သစ်တစ်ခု ရှိလာမှာပဲ။

နောက်တော့ အနန္တတန်ခိုးရှင်ဘုရားသခင်ရဲ့ ဒီ နှုတ်ကပတ်တော်တွေကို ကျွန်တော် တွေ့ပြန်ရော။ "ငါ့ကို တစ်ချိန်က ယေဟောဝါဟု သိရှိခဲ့ကြသည်။ ငါ့ကို မေရှိယဟုလည်း ခေါ်ခဲ့ကြပြီး၊ လူတို့က ချစ်ခြင်းမေတ္တာနှင့် ရိုသေကြည်ညိုမှုဖြင့် ငါ့ကို ကယ်တင်ရှင်ယေရှုဟု တစ်ချိန်က ခေါ်ခဲ့ကြသည်။ သို့သော်လည်း ယနေ့တွင် ငါသည် လူအများက အတိတ်ကာလများတွင် သိခဲ့ကြသည့် ယေဟောဝါ သို့မဟုတ် ယေရှု မဟုတ်တော့ပေ။ ငါသည် နောက်ဆုံးသောကာလတွင် ပြန်ကြွလာပြီး ဖြစ်သည့် ဘုရားသခင်၊ ခေတ်ကို အဆုံးသတ်မည့် ဘုရားသခင် ဖြစ်ပေသည်။ ငါသည် မြေကြီးစွန်းမှ ထမြောက်တော်မူသော၊ ငါ၏အလုံးစုံသော စိတ်သဘောထားနှင့် ပြည့်ဝသကဲ့သို့၊ သြဇာအာဏာ၊ ဂုဏ်သိက္ခာ၊ ဘုန်းအာနုဘော်တို့နှင့် ပြည့်ဝနေသော ဘုရားသခင် ကိုယ်တော်တိုင် ဖြစ်သည်။ လူတို့သည် ငါနှင့် မည်သည့်အခါမျှ မဆက်ဆံဖူးပေ၊ ငါ့ကို မည်သည့်အခါမျှ မသိကျွမ်းဖူးကြသကဲ့သို့၊ ငါ၏စိတ်သဘောထားကို အမြဲတစေ မသိနားမလည် ဖြစ်ကြသည်။ ကမ္ဘာမြေကြီးကို ဖန်ဆင်းခြင်းမှသည် ယနေ့ထိတိုင်၊ လူတစ်ဦးတစ်ယောက်မျှ ငါ့အား မမြင်ဖူးလေပြီ။ ဤသည်မှာ နောက်ဆုံးသောကာလ၌ လူသားထံ ပေါ်ထွန်းသော်လည်း၊ လူသားအလယ် ကွယ်ဝှက်သည့် ဘုရားသခင် ဖြစ်ပေသည်။ သူသည် လောင်ကျွမ်းနေသော နေမင်းနှင့် တောက်လောင်နေသော မီးလျှံကဲ့သို့၊ တန်ခိုးနှင့်ပြည့်ကာ သြဇာအာဏာဖြင့် ပြည့်လျှမ်းလျက်၊ လူသားအလယ် အမှန်တကယ်နှင့် စစ်မှန်စွာ နေထိုင်လျက် ရှိသည်။ ငါ၏နှုတ်ကပတ်တော်များအားဖြင့် တရားစီရင်ခြင်း မခံရမည့် လူ သို့မဟုတ် အမှုအရာ တစ်ခုမျှ မရှိသကဲ့သို့၊ မီးလျှံ၏ လောင်ကျွမ်းခြင်းမှတစ်ဆင့် သန့်စင်ခြင်း မခံရမည့် လူ သို့မဟုတ် အမှုအရာ တစ်ခုမျှ မရှိပေ။ နောက်ဆုံးတွင် တိုင်းနိုင်ငံအားလုံးသည် ငါ့နှုတ်ကပတ်တော်များကြောင့် ကောင်းချီးပေးခံရမည် ဖြစ်ပြီး ငါ့နှုတ်ကပတ်တော်များကြောင့်လည်း တစ်စစီ ကြေမွပျက်စီး သွားလိမ့်မည် ဖြစ်သည်။ ဤနည်းဖြင့် နောက်ဆုံးသောကာလ အတွင်းရှိ လူအားလုံးက ငါသည် ပြန်ကြွလာသည့် ကယ်တင်ရှင် ဖြစ်ပြီး၊ လူသားမျိုးနွယ်အားလုံးကို သိမ်းပိုက်သော အနန္တတန်ခိုးရှင် ဘုရားသခင် ဖြစ်သည်ကို တွေ့မြင်ကြပေမည်။ ပြီးလျှင် ငါသည် တစ်ချိန်က လူသားအတွက် အပြစ်ဖြေရာယဇ် ဖြစ်ခဲ့သော်လည်း၊ နောက်ဆုံးသောကာလတွင် ခပ်သိမ်းသောအရာတို့ကို မီးရှို့ဖျက်ဆီးသည့် နေမင်း၏ မီးတောက်မီးလျှံများလည်း ဖြစ်လာသည့်အပြင်၊ ခပ်သိမ်းသောအရာတို့ကို ထုတ်ဖော်ပြသည့် ဖြောင့်မတ်ခြင်း၏ နေမင်းလည်း ဖြစ်လာသည်ကို အားလုံး တွေ့မြင်ရလိမ့်မည်။ ဤသည်မှာ နောက်ဆုံးသောကာလ၌ ငါ၏အမှု ဖြစ်သည်။ လူအားလုံးက ငါသည် ဖြောင့်မတ်သော ဘုရားသခင်၊ လောင်ကျွမ်းနေသော နေမင်းနှင့် တောက်လောင်နေသော မီးလျှံဖြစ်သည်ကို တွေ့မြင်နိုင်ရန်အလို့ငှာနှင့် အားလုံးက တစ်ပါးတည်း စစ်မှန်သော ဘုရားသခင် ငါ့ကို ကိုးကွယ်နိုင်ကြဖို့အလို့ငှာ၊ ပြီးလျှင် ၎င်းတို့သည် ငါ၏စစ်မှန်သော မျက်နှာကို တွေ့မြင်နိုင်ကြရန်အလို့ငှာ ဤအမည်နာမကို ငါယူပြီး ဤစိတ်သဘောထားကို ငါပိုင်ဆိုင်ပေသည်- ငါသည် ဣသရေလအမျိုးသားတို့၏ ဘုရားသခင် ဖြစ်သည်သာမက၊ ရွေးနုတ်ရှင်သာ ဖြစ်သည် မဟုတ်ပေ။ ငါသည် ကောင်းကင်၊ မြေကြီးနှင့် ပင်လယ်ပြင် တစ်လျှောက်လုံးရှိ အဖန်ဆင်းခံ သတ္တဝါအားလုံး၏ ဘုရားသခင် ဖြစ်ပေသည်။(နှုတ်ကပတ်တော်သည် လူ့ဇာတိ၌ ပေါ်လာ၏) ဒီနှုတ်ကပတ်တော်တွေက သြဇာအာဏာပါတယ်။ စကားလုံးတိုင်းက ကျွန်တော့်စိတ်ကို ကိုင်လှုပ်သလိုပဲ။ အဲဒါတွေက ဘုရားသခင်ရဲ့ပြောစကားတွေပဲ ဖြစ်ရမယ်။ ဘုရားနာမတော်တွေရဲ့ နက်နဲမှုကို ဘယ်သူကများ ထုတ်ဖော်နိုင်မှာလဲ။ အဲဒါကို မြင်မိလေလေ၊ ဘုရားရဲ့အသံတော်ပဲဆိုတာကို ပိုပြီး ခံစားမိလေလေပဲ။ အဲဒီအချိန်မှာ ရှင်ယောဟန် အခန်း ၁၆ အပိုဒ် ၁၃ ကို သွားသတိရတယ်၊ “သမ္မာတရားနှင့်ပြည့်စုံသော ထိုဝိညာဉ်တော်သည် ရောက်လာသောအခါ၊ သမ္မာတရားကို သင်တို့အား အကြွင်းမဲ့ သွန်သင်ပြလိမ့်မည်။ ထိုဝိညာဉ်တော်သည် ကိုယ်အလိုအလျောက်ဟောပြောမည်မဟုတ်။ ကြားသမျှတို့ကို ဟောပြောလိမ့်မည်။ နောင်လာလတ္တံ့သောအရာတို့ကိုလည်း သင်တို့အား ဖော်ပြ လိမ့်မည်။” ဒါဆို ကျွန်တော်တို့ကို ဒီလိုသမ္မာတရားတွေ ပြောပြတဲ့သူဆိုတာ ဘုရားသခင်ကလွဲလို့ တခြားရှိနိုင်ပါဦးမလား။ သင်းအုပ်တွေ တော်တော်များများ ဟောပြောတာကို ကျွန်တော် ကြားခဲ့ဖူးတယ်။ ဒါပေမဲ့ ဘယ်သူကမှ ဓမ္မဟောင်းကျမ်းမှာ ယေဟောဝါ၊ ဓမ္မသစ်ကျမ်းမှာ ယေရှုဆိုတဲ့ ဘုရားအမည်နာမတွေရဲ့ အဓိပ္ပာယ်ကို ရှင်းမပြခဲ့ကြဘူး။ ကျွန်တော်ကတော့ အနန္တတန်ခိုးရှင်ဘုရားသခင်ဆိုတာ သခင်ယေရှုရဲ့ ထင်ရှားပြခြင်းလို့ပဲ မြင်မိတော့တယ်။ အနန္တတန်ခိုးရှင်ဘုရားကို ငြင်းပယ်ပြီး၊ ကျွန်တော့်မိန်းမကို ဆွဲခေါ်ဖို့ ကြိုးစားခဲ့တဲ့ အချိန်တွေကို ပြန်စဉ်းစားကြည့်တော့၊ ကျွန်တော် တော်တော် ရှက်သွားတယ်။ ဘုရားရဲ့အမှုတော်ကို မစူးစမ်းဘဲ ဝေဖန်ခဲ့တာတွေကို နောင်တရမိတယ်။ ကျွန်တော်က ပညာမဲ့ခဲ့တာပဲ။ ဟိုအရင်က ဖာရိရှဲတွေဆိုရင်၊ သူတို့အယူအဆတွေနဲ့ ကျမ်းစာရဲ့တိုက်ရိုက်အဓိပ္ပာယ်ကို အခြေခံပြီး၊ သခင်ယေရှုရဲ့အမှုတော်ကို ရှုတ်ချခဲ့ကြတော့၊ သူတို့အားလုံး ဘုရားရဲ့အပြစ်ဒဏ်ပေးခြင်းကို မခံခဲ့ရဘူးလား။ ဒါကြောင့် ကျွန်တော်လည်း ဒီသင်ခန်းစာကို နမူနာယူပြီးတော့၊ ဘုရားရဲ့ နောက်ဆုံးသောကာလ အမှုတော်ကို စူးစမ်းသင့်တယ်လေ။ ကျွန်တော်လည်း ခေတ်သစ် ဖာရိရှဲတစ်ယောက် ဖြစ်မလာချင်ခဲ့ဘူး။

အဲဒီနောက်မှာ ကျွန်တော်လည်း အချိန်အားရတိုင်း၊ အနန္တတန်ခိုးရှင်ဘုရားသခင်ရဲ့ နှုတ်ကပတ်တော်တွေကို ဖတ်တယ်။ အသင်းတော်ရဲ့ရုပ်ရှင်တွေ ကြည့်တယ်။ အထူးသဖြင့် မှန်ကန်သော ကိုးကွယ်ခြင်း၏နက်နဲသောအရာ၊ ဘုရားသခင်၌ ယုံကြည်ခြင်းဆိုတဲ့ ဇာတ်ကားတွေကို ကြိုက်မိတယ်။ သူတို့အတွေ့အကြုံတွေက စစ်မှန်တယ်။ သူတို့မိတ်သဟာယကလည်း ရှင်းလွန်းတယ်။ အနန္တတန်ခိုးရှင်ဘုရားသခင်ဆိုတာ သခင် ပြန်လာခြင်းဖြစ်မှန်း၊ ကျွန်တော် နားလည်သွားတယ်။ ဒါနဲ့ အနန္တတန်ခိုးရှင်ဘုရားရဲ့အမှုတော်ကို လက်ခံဖို့ ဆုံးဖြတ်လိုက်တယ်။ ကျွန်တော့်မိန်းမကိုလည်း အသိပေးချင်ပေမဲ့၊ ရှက်တာပေါ့ဗျာ။ တစ်ရက် သူ အိမ်ပြန်ရောက်တဲ့အချိန်မှာ ကျွန်တော်က၊ “ကဲ ဒီနေ့ ဘာတွေ မိတ်သဟာယပြုခဲ့လဲ” ဆိုပြီး မေးလိုက်ရော။ သူ တကယ် အံ့သြသွားတယ်၊ “ရှင်က မိတ်သဟာယ ပြုပေးစေချင်လို့လား။ အဲဒါကြောင့် မေးတာလား။ အသင်းတော်က တစ်ယောက်ယောက်ကို ဆွေးနွေးပေးဖို့ ခေါ်လာလို့ရတယ်၊ ဘယ်လိုလဲ” ဆိုပြီး ပြန်မေးတယ်။ သူ အဲဒီလိုပြောလိုက်တော့၊ ကျွန်တော် တော်တော် ဝမ်းသာသွားတယ်။ ဒါပေမဲ့ ရှက်ကိုးရှက်ကန်းဖြစ်နေတုန်းပဲ။ “မင်း ခေါ်လာချင်ခေါ်လာပေါ့” လို့ပဲ ပြောလိုက်တယ်။

အနန္တတန်ခိုးရှင်ဘုရားသခင် အသင်းတော်က အစ်မနှစ်ယောက် ရောက်ချလာတာပေါ့။ ဒါနဲ့ ကျွန်တော် ဆုံးဖြတ်ရခက်နေတဲ့အကြောင်း ပြောပြတယ်။ “ကျွန်တော်က အနန္တတန်ခိုးရှင်ဘုရားရဲ့ နှုတ်ကပတ်တော်တွေကို အွန်လိုင်းမှာ ဖတ်နေတာပါ။ ခေတ် ပြောင်းလဲရင် ဘုရားရဲ့နာမတော်လည်း ပြောင်းလဲတယ်ဆိုတာ၊ ကျွန်တော် အခု နားလည်နေပြီ။ ဒါပေမဲ့ တချို့ဟာတွေက ယုတ္တိမတန်သေးဘူး။ သမ္မာကျမ်းမှာ ပြောတယ်၊ ‘ယေရှုခရစ်သည် မနေ့၊ ယနေ့၊ နောင်ကာလ အစဉ်အမြဲ မပြောင်းမလဲနေတော်မူ၏။’ (ဟေဗြဲသြဝါဒစာ ၁၃:၈) ‘ထိုသခင်မှတပါး အဘယ်သူမျှ ကယ်တင်ခြင်းအမှုကို မတတ်နိုင်။ ထိုသခင်၏ နာမတော်မှတပါး ငါတို့ကို ကယ်တင်နိုင်သော နာမတစုံတခုမျှ ကောင်းကင်အောက် လူတို့တွင် မပေါ်မရှိ။’ (တမန်တော်ဝတ္ထု ၄:၁၁-၁၂)” “သခင်ယေရှုရဲ့နာမက မပြောင်းလဲနိုင်ဘူးလို့ ကျမ်းစာမှာ ဖော်ပြတယ်။ ဒါဆို သူ့ကို နောက်ဆုံးသောကာလမှာ အနန္တတန်ခိုးရှင်ဘုရားသခင်လို့ ဘာကြောင့် ခေါ်တာလဲ၊ ယေရှုပဲ မဟုတ်ဘူးလား” ပေါ့။ အဲဒါနဲ့ သူတို့က အနန္တတန်ခိုးရှင်ဘုရားရဲ့ နှုတ်ကပတ်တော်တွေကို ဖတ်ပြတယ်၊ “သူ၏ အနှစ်သာရ၊ သူ၏အရာအားလုံးနှင့် ဖြစ်ခြင်းသည် မည်သည့်အခါမျှ ပြောင်းလဲမည်မဟုတ်ပေ။ သို့သော်လည်း သူ၏ အမှုအတွက်မူ၊ သူသည် အစဉ်အမြဲ အသစ်ဖြစ်ပြီး မည်သည့်အခါမျှ အိုဟောင်းခြင်း မရှိသည့်အတွက်၊ ယင်းသည် ရှေ့သို့ ဦးတည်ချက်တစ်ခုဖြင့် အစဉ်အမြဲ တိုးတက်နေသည်၊ အစဉ်အမြဲ ပိုမို နက်ရှိုင်းနေပေသည်။ ခေတ်တိုင်းတွင် ဘုရားသခင်သည် နာမ အသစ်ကို ခံယူသည်၊ ခေတ်တိုင်းတွင် သူသည် အမှုသစ်ကို လုပ်ဆောင်ပြီး၊ ခေတ်တိုင်းတွင် သူသည် သူ၏ ဖန်ဆင်းခြင်းများကို သူ၏ အသစ်သော အလိုနှင့် အသစ်သော စိတ်သဘောထားကို မြင်ခွင့်ပေးလေသည်။” “အချို့က ဘုရားသခင်၏ အမည်နာမသည် ပြောင်းလဲခြင်းမရှိဟု ပြော၏။ သို့ဖြစ်လျှင် ယေဟောဝါ၏အမည်သည် အဘယ်သို့ ယေရှုဖြစ်လာခဲ့သနည်း။ မေရှိယ ကြွလာမည်ကို ပရောဖက်ပြုထားခဲ့၏၊ သို့ဖြစ်လျှင် ယေရှုဟူသော အမည်ရှိသည့် လူသားတစ်ဦး အဘယ်ကြောင့် ကြွလာခဲ့သနည်း။ ဘုရားသခင်၏ နာမသည် အဘယ်ကြောင့် ပြောင်းလဲခဲ့သနည်း။ ထိုသို့သော အမှုကို အချိန်ကြာမြင့်စွာက ဆောင်ရွက်ခဲ့သည် မဟုတ်လော။ ယနေ့တွင် ဘုရားသခင်သည် သာ၍သစ်လွင်သောအမှုကို မပြုနိုင်သလော။ ယမန်နေ့၏ အမှုသည် ပြောင်းလဲနိုင်သကဲ့သို့၊ ယေဟောဝါ၏ အမှုမှ ယေရှု၏အမှု လိုက်လာနိုင်ပေသည်။ ထိုသို့ဆိုလျှင် ယေရှု၏အမှုကိုလည်း အခြားအမှုက မဆက်ခံနိုင်သလော။ ယေဟောဝါ၏နာမသည် ယေရှုအဖြစ်သို့ ပြောင်းလဲနိုင်ခဲ့ပါက၊ ယေရှု၏နာမသည်လည်း မပြောင်းလဲနိုင်သလော။ ဤအရာမှ မည်သည့်အရာမျှ မထူးဆန်းပေ။ ယင်းမှာ လူတို့သည် ရိုးအလွန်းကြခြင်းသာ ဖြစ်သည်။ ဘုရားသခင်သည် အစဉ်အမြဲ ဘုရားသခင်ဖြစ်လိမ့်မည်။ သူ၏အမှု မည်သို့ပြောင်းလဲသည်ဖြစ်စေ၊ ပြီးလျှင် သူ၏ အမည်နာမ မည်သို့ ပြောင်းလဲနိုင်သည်ကို ပဓာနမထားဘဲ၊ သူ၏စိတ်သဘောထားနှင့် ဉာဏ်ပညာတို့သည် မည်သည့်အခါတွင်မျှ ပြောင်းလဲလိမ့်မည်မဟုတ်။ ဘုရားသခင်ကို ယေရှု၏နာမဖြင့်သာ ခေါ်ဆိုနိုင်သည်ဟု သင်ယုံကြည်ပါက၊ သင်၏ အသိပညာသည် အလွန် နည်းပါးလွန်းလှပေသည်။” “ယေရှုနာမကို ရွေးနုတ်ခြင်းအမှုအတွက် ခံယူထားခြင်းဖြစ်သည်၊ ထို့ကြောင့် နောက်ဆုံးသောကာလတွင် သူပြန်ကြွလာသောအခါ ထိုနာမဖြင့်ပင် သူ အခေါ်ခံရဆဲဖြစ်မည်လော။ သူသည် ရွေးနုတ်ခြင်းအမှုကို လုပ်ဆောင်ဦးမည်လော။ ယေဟောဝါနှင့် ယေရှုသည် တစ်လုံးတစ်ဝတည်းဖြစ်သော်လည်း၊ မတူညီသော ခေတ်များတွင် မတူညီသော နာမများဖြင့် ခေါ်ဆိုခံရသည်မှာ အဘယ်ကြောင့်နည်း။ ယင်းသို့ ခေါ်ဆိုခံရခြင်းမှာ ၎င်းတို့၏ အမှုနှင့်သက်ဆိုင်သည့် ခေတ်များက မတူညီသောကြောင့် ဖြစ်သည် မဟုတ်လော။ နာမတစ်ခုတည်းက ဘုရားသခင်ကို သူ၏ အလုံးစုံတွင် ကိုယ်စားပြုနိုင်မည်လော။ ထိုသို့ဖြစ်သောကြောင့် ဘုရားသခင်ကို မတူညီသော ခေတ်တစ်ခေတ်တွင် မတူသော နာမတစ်ခုဖြင့် ခေါ်ဆိုရမည်ဖြစ်ပြီး၊ သူသည် ခေတ်ကို ပြောင်းလဲရန်နှင့် ကိုယ်စားပြုရန် နာမကို အသုံးပြုရပေမည်။ အကြောင်းမှာ မည်သည့်နာမ တစ်ခုကမျှ ဘုရားသခင်ကိုယ်တိုင်ကို အပြည့်အဝ ကိုယ်စားမပြုနိုင်သောကြောင့် ဖြစ်ပြီး နာမတစ်ခုချင်းသည် သက်ဆိုင်ရာခေတ်တွင် ဘုရားသခင် စိတ်သဘောထား၏ ယာယီရှုထောင့်ကိုသာ ကိုယ်စားပြုနိုင်သောကြောင့် ဖြစ်သည်။ ယင်းနာမ လုပ်ရန် လိုအပ်သည့်အလုပ်ဟူသမျှအားလုံးမှာ သူ၏အမှုကို ကိုယ်စားပြုရန် ဖြစ်သည်။ သို့ဖြစ်ရာ၊ ဘုရားသခင်သည် ခေတ်တစ်ခုလုံးကို ကိုယ်စားပြုရန် သူ၏စိတ်သဘောထားနှင့် သင့်လျော်သည့် မည်သည့် နာမကိုမဆို ရွေးချယ်နိုင်သည်။(နှုတ်ကပတ်တော်သည် လူ့ဇာတိ၌ ပေါ်လာ၏)

ဖတ်ပြပြီးတော့ သူတို့ထဲက တစ်ယောက်က ဆွေးနွေးပေးတယ်၊ “ဘုရားသခင်က ဘယ်တော့မှ မပြောင်းလဲဘူးဆိုတာ သူ့အနှစ်သာရနဲ့ စိတ်သဘောထားကို ရည်ညွှန်းတာ။ သူ့နာမတော်ကို ရည်ညွှန်းတာမဟုတ်ဘူး။ ဘုရားသခင်ရဲ့အမှုတော်က အမြဲတမ်း ရှေ့ကိုပဲ တိုးတက်နေတယ်။ ခေတ်အပြောင်းအလဲကို မူတည်ပြီး သူ့အမည်နာမကို အသစ်ပြောင်းလဲတယ်။ နာမတော်တစ်ခုက ခေတ်တစ်ခေတ်ကို ကိုယ်စားပြုတယ်။ ဘုရားအမှုတော်ရဲ့ အဆင့်တစ်ခုကိုလည်း ကိုယ်စားပြုတယ်။ ဘုရားရဲ့နာမက မပြောင်းမလဲရှိနေတယ်လို့ ပြောတာက၊ အဲဒီနာမဟာ အဲဒီခေတ်တစ်လျှောက်လုံး မပြောင်းလဲတော့ဘူး၊ အဲဒီခေတ်အတွက် သူ့အမှုတော် ပြီးဆုံးတဲ့အထိ ဆက်ရှိနေလိမ့်မယ်လို့ ဆိုလိုတာပဲ။ ဒါပေမဲ့ ဘုရားသခင်က ခေတ်သစ်တစ်ခုမှာ စပြီး လုပ်ဆောင်ပြီဆိုရင်၊ သူ့အမှုတော်သစ်နဲ့အတူ သူ့အမည်နာမကိုပါ ပြောင်းလဲတယ်။ ခေတ်သစ်တစ်ခုကို အစပျိုးပေးတဲ့ ဘုရားရဲ့နာမတော်ဆိုတာ အဲဒီခေတ်အတွက် သူ့အမှုတော်နဲ့ သူ့စိတ်သဘောထားကို ကိုယ်စားပြုတယ်။ ဘုရားရဲ့နာမတော်က ပညတ်တော်ခေတ်မှာ ယေဟောဝါ၊ ဒီတော့ အဲဒီနာမတော်အောက်မှာပဲ အမှုတော်ပြုခဲ့တယ်။ လူတွေကို လမ်းပြဖို့ စည်းမျဉ်းနဲ့ ပညတ်တော်တွေကို ထုတ်ပြန်ပေးတယ်။ အဲဒီတော့ အပြစ်ဆိုတာ ဘာလဲ၊ ယေဟောဝါကို ဘယ်လိုကိုးကွယ်မလဲဆိုတာကို သိလာကြတယ်။ စည်းမျဉ်းနဲ့ ပညတ်တွေကို စောင့်ထိန်းပြီး၊ ဘုရားရဲ့ ကောင်းချီးပေးခြင်းကို ဘယ်လိုခံယူမလဲဆိုတာ သိလာကြတယ်။ ပညတ်ကို ချိုးဖောက်သူတိုင်း အပြစ်ဒဏ်ပေးခံရတယ်။ ပညတ်တော်ခေတ်မှာ ယေဟောဝါဆိုတဲ့ နာမက ဘုန်းအာနုဘော်၊ ကျိန်ဆိုခြင်း၊ သနားကရုဏာနဲ့ အမျက်ဒေါသဆိုတဲ့ ဘုရားရဲ့စိတ်သဘောထားကို ကိုယ်စားပြုခဲ့တယ်။ အဲဒီခေတ် အဆုံးသတ်တဲ့အချိန်မှာ လူတွေက အများကြီး အကျင့်ပျက်လာကြတယ်။ ပညတ်ကို မလိုက်နာနိုင်ကြတော့ဘူး။ ပညတ်ကို ချိုးဖောက်တဲ့အတွက် အားလုံးက သေချာပေါက် ပျက်စီးကြတော့မယ်” “ဘုရားသခင်က သူ့အမှုတော်ရဲ့အစီအစဉ်နဲ့ အကျင့်ပျက် လူသားမျိုးနွယ်ရဲ့ လိုအပ်ချက်တွေကို အခြေခံပြီးတော့ လူ့ဇာတိခံယူလာခဲ့တယ်။ ‘ယေရှု’ဆိုတဲ့ နာမကို သုံးပြီး ကျေးဇူးတော်ခေတ်ကို စတင်တယ်၊ ပညတ်တော်ခေတ်ကို အဆုံးသတ်လိုက်တယ်။ ဘုရားရဲ့ ချစ်ခင်ကြင်နာတတ်တဲ့ စိတ်သဘောထားကို ပြရင်း၊ လူတွေအပေါ် ကြီးမားတဲ့ ကျေးဇူးတော် ပေးအပ်ရင်းနဲ့၊ လူသားမျိုးနွယ်ကို ရွေးနုတ်ပေးခဲ့တယ်။ နောင်တရရာလမ်းကိုလည်း ပေးခဲ့တယ်။ နောက်ဆုံး ကျွန်မတို့ကို အပြစ်တွေကနေ ရွေးနုတ်ဖို့၊ ကားတိုင်တင်ခံခဲ့တယ်။ အဲဒီအချိန်ကစပြီး၊ ကျွန်မတို့အပြစ်တွေ ခွင့်လွှတ်ခံရတဲ့အတွက်၊ ဘုရားရဲ့ များပြားလွန်းတဲ့ ကျေးဇူးတော်ကို ခံစားရတဲ့အတွက် ကျွန်မတို့က သခင်ယေရှုရဲ့နာမမှာ ဆုတောင်းခဲ့ကြတာပဲ။ ယေရှုဆိုတဲ့နာမတော်က ရွေးနုတ်ခြင်းကို ကိုယ်စားပြုတယ်။ အကျင့်ပျက်လူသားမျိုးနွယ်ကို သနားကရုဏာ၊ မေတ္တာနဲ့ ရွေးနုတ်တဲ့ အပြစ်ဖြေရာယဇ်လို့လည်း အဓိပ္ပာယ်ရတယ်။ ခေတ်တစ်ခုစီအတွက် ဘုရားသခင် ခံယူတဲ့ အမည်နာမနောက်ကွယ်မှာ အဓိပ္ပာယ်ရှိတယ်။ နာမတော်တစ်ခုစီက ဆိုင်ရာဆိုင်ရာခေတ်အတွက် သူ့အမှုတော်နဲ့ စိတ်သဘောထားကို ကိုယ်စားပြုတယ်။ ဘုရားရဲ့အမှုတော်က အမြဲတမ်း တိုးတက်နေသလို၊ သူ့အမည်နာမကလည်း သူ့အမှုတော်ရဲ့ အဆင့်တစ်ခုစီအလိုက် ပြောင်းလဲတာပါ။ ကျေးဇူးတော်ခေတ်မှာ၊ ကမ္ဘာမြေပေါ် ကြွတဲ့အခါ၊ ဘုရားက ယေဟောဝါဆိုတဲ့ နာမကိုပဲ ဆက်ယူခဲ့တယ်ဆိုရင် သူ့အမှုတော်က ပညတ်တော်ခေတ်မှာပဲ ဆက်ရှိနေခဲ့လိမ့်မယ်။ လူသားတွေလည်း ဘုရားရဲ့ရွေးနုတ်ခြင်းကို လုံးဝ ရနိုင်ခဲ့ကြမှာမဟုတ်ဘူး။ ပညတ်ကို ချိုးဖောက်တဲ့အတွက် အပြစ်ဒဏ်ပေးခံရပြီး ဇာတ်သိမ်းခဲ့ကြမှာပဲ။ ပြန်ကြွလာတဲ့ သခင့်ကို ‘ယေရှု’ အဖြစ် ဆက်ပြီး ခေါ်ဝေါ်နေတယ်ဆိုရင်၊ လူသားမျိုးနွယ်အနေနဲ့ ကျေးဇူးတော်ခေတ်ကနေ ရှေ့ဆက်တိုးတက်နိုင်မှာ မဟုတ်ဘူး။ အပြစ်ကနေ လွတ်မြောက်ပြီး၊ အပြည့်အဝ ကယ်တင်ခံရဖို့၊ ဘုရားရဲ့နိုင်ငံတော်ထဲ ဝင်ရောက်ဖို့ ဘယ်တော့မှ ဖြစ်လာမှာမဟုတ်ဘူး” တဲ့။

နောက်တော့ ကျန်တဲ့အစ်မက ဆက်ဆွေးနွေးပေးတယ်၊ “သခင်ယေရှုက ကျွန်မတို့အပြစ်တွေကို ကျေးဇူးတော်ခေတ်မှာ ခွင့်လွှတ်ခဲ့တယ်ဆိုပေမဲ့၊ ကျွန်မတို့က သဘာဝအရ လွဲမှားနေတုန်းပဲ။ မာနထောင်လွှားကြတယ်။ တစ်ကိုယ်ကောင်းဆန်၊ လောဘကြီးပြီး ရွံစရာကောင်းကြတယ်။ ကျွန်မတို့ရဲ့ ဖောက်ပြန်ပျက်စီးမှုက ကျွန်မတို့ထဲမှာ နက်နက်ရှိုင်းရှိုင်း အမြစ်တွယ်နေတုန်းပဲ။ အဲဒါကြောင့် ကျွန်မတို့က ဘုရားကို ခုခံပြီး အပြစ်လုပ်မိကြတယ်။ အပြစ်လုပ်ပြီးရင် ဝန်ခံမယ်ဆိုတဲ့ အခြေအနေထဲမှာ ရှင်သန်ကြတယ်။ ကျွန်မတို့က ကိုယ်တော့်နိုင်ငံတော်ထဲ မဝင်ရောက်နိုင်သေးပါဘူး။ ဘုရားရဲ့သန့်ရှင်းခြင်းကြောင့် ကျွန်မတို့က သူ့နိုင်ငံတော်ထဲ ဝင်ရောက်ဖို့ မထိုက်တန်ကြဘူး။ ဘုရားသခင်က အနန္တတန်ခိုးရှင်ဘုရားဆိုတဲ့ နာမတော်နဲ့ နောက်ဆုံးသောကာလမှာ ပြန်ကြွရောက်လာပြီ။ လူသားတွေကို ဖောက်ပြန်ပျက်စီးခြင်းကနေ ကယ်တင်ဖို့၊ နိုင်ငံတော်ခေတ်ကို စတင်နေပါပြီ တဲ့။ အခု သခင့်ကို အနန္တတန်ခိုးရှင်ဘုရားလို့ ခေါ်ဝေါ်တယ်ဆိုတာ ပရောဖက်ပြုချက်တွေကို ပြည့်စုံစေတာလို့ သူက ပြောတယ်၊ ‘အကြင်သူသည် အောင်မြင်၏။ ထိုသူကို ငါသည် ငါ၏ ဘုရားသခင်ဗိမာန်တော်၌ တိုင် ဖြစ်စေမည်။ နောင်တဖန် သူသည် အပြင်သို့ မရွေ့ရ။ ငါ၏ ဘုရားသခင်နာမတော်ကို၎င်း၊ ငါ၏ ဘုရားသခင်မြို့တော်၏ နာမကို၎င်း၊ ငါ၏နာမသစ်ကို၎င်း၊ ထိုသူအပေါ်၌ ငါသည် အက္ခရာတင်မည်။(ဗျာဒိတ်ကျမ်း ၃:၁၂)ငါသည် အာလဖဖြစ်၏။ သြမေဃလည်း ဖြစ်၏ဟု အနန္တတန်ခိုးနှင့်ပြည့်စုံတော်မူ၍၊ ပစ္စုပ္ပန်၊ အတိတ်၊ အနာဂတ်ကာလ အစဉ်ရှိတော်မူသော ထာဝရအရှင် ဘုရားသခင် မိန့်တော်မူ၏။(ဗျာဒိတ်ကျမ်း ၁:၈) ဗျာဒိတ်ကျမ်း ၁၁:၁၇ မှာလည်း ပါတယ်၊ ‘အနန္တတန်ခိုးနှင့်ပြည့်စုံ၍၊ ပစ္စုပ္ပန်၊ အတိတ်၊ အနာဂတ်ကာလအစဉ်ရှိတော်မူသော ထာဝရအရှင် ဘုရားသခင်၊ ကိုယ်တော်၏ မဟာတန်ခိုးတော်ကို ယူဆောင်၍ စိုးစံတော်မူသော ကျေးဇူးတော်ကို အကျွန်ုပ် တို့သည် ချီးမွမ်းပါ၏။’ အနန္တတန်ခိုးရှင်ဘုရားသခင်က နောက်ဆုံးသောကာလမှာ တရားစီရင်တယ်။ ကျွန်မတို့အနေနဲ့ ပျက်စီးမှုအားလုံးရဲ့ ဇာစ်မြစ်ကို နားလည်နိုင်အောင်၊ စာတန်ကြောင့် ဖောက်ပြန်ပျက်စီးခြင်းရဲ့ အဖြစ်မှန်ကို မြင်နိုင်အောင်၊ ဘုရားရဲ့ ဖြောင့်မတ်တဲ့ စိတ်သဘောထားကို သိနိုင်ကြအောင်၊ လူသားတွေရဲ့ ဖောက်ပြန်ပျက်စီးမှုကို ဖော်ထုတ်ပြဖို့အတွက် သမ္မာတရားကို ဟောကြားပါတယ်။ ဒါမှ ကျွန်မတို့က ကိုယ့်ကိုယ်ကိုယ် စွန့်ပယ်နိုင်လာတယ်။ ဘုရားနှုတ်ကပတ်တော်တွေကို လက်တွေ့လုပ်ဆောင်နိုင်လာတယ်။ ဘုရားကို ကြောက်ရွံ့ပြီး မကောင်းမှုကို ရှောင်ကြဉ်နိုင်လာတယ်။ တဖြည်းဖြည်းနဲ့ ဆိုးယုတ်တဲ့ စိတ်သဘောထားတွေကနေ လွတ်မြောက်ပြီး၊ သန့်စင်လာမယ်။ ပြီးတော့ အပြည့်အဝ ကယ်တင်ခံရလိမ့်မယ်။” ဘုရားက တရားစီရင်ခြင်းအမှုတော်ကတစ်ဆင့် လူတွေကို အမျိုးအစားအလိုက် ခွဲထုတ်ခြင်းလည်း ပြုပါတယ်။ ဘယ်လိုပုန်ကန်ပြစ်မှားမှုကိုမှ သည်းမခံတဲ့၊ ဖြောင့်မတ်ပြီး ဘုန်းအာနုဘော်ပြည့်စုံတဲ့ သူ့စိတ်သဘောထားကို ထုတ်ဖော်ပြနေတာပါ။ နောက်ဆုံးမှာ သူ့ရဲ့ နှစ် ၆၀၀၀ စီမံခန့်ခွဲမှုအစီအစဉ်ကို အဆုံးသတ်ပြီး၊ ဒီကမ္ဘာဟောင်းကို ဖျက်ဆီးလိမ့်မယ်။ အနန္တတန်ခိုးရှင်ဘုရားသခင်ရဲ့နာမတော်ကို လက်ခံသူတွေ၊ တရားစီရင်ခြင်း ခံရပြီး သန့်စင်ခံရသူတွေ အားလုံးဟာ ဘုရားရဲ့နိုင်ငံတော်ထဲ ခေါ်ဆောင်ခံရလိမ့်မယ်။ သမ္မာတရားကို မုန်းတီးသူတွေ၊ အနန္တတန်ခိုးရှင်ဘုရားသခင်ကို ဆန့်ကျင်ရှုတ်ချသူတွေကတော့ ကပ်ဘေးကြီးတွေထဲ စွန့်ပစ်ခံရပြီး အပြစ်ဒဏ်ပေးခံရလိမ့်မယ်။ အဲဒါက ဘုရားရဲ့စီမံခန့်ခွဲမှုလုပ်ဆောင်ချက်ကို ပြီးဆုံးစေလိမ့်မယ်။ အဲဒီနောက်မှာ ဘုရားသခင်က အမည်နာမတစ်ခုခု ရှိတော့မှာမဟုတ်ဘူး။ ဖန်ဆင်းရှင်ဆိုတဲ့ သူ့ရဲ့ မူလ ပကတိအဖြစ်တော်ကိုပဲ ပြန်ဖော်ထုတ်လိမ့်မယ်။ ဘုရားသခင် ပြောထားတဲ့အတိုင်းပါပဲ၊ ‘ဘုရားသခင်ကို ယေဟောဝါ၊ ယေရှု၊ သို့မဟုတ် မေရှိယဟု မခေါ်သည့်နေ့ရက်သည် ရောက်လာလိမ့်မည်- သူသည် ဖန်ဆင်းရှင်သက်သက် ဖြစ်လိမ့်မည်။ ထိုအချိန်တွင်၊ ကမ္ဘာမြေကြီးပေါ်ရှိ သူ၏အမှုသည် အဆုံးသတ်သို့ ရောက်ရှိလာပြီး ဖြစ်ကာ၊ ယင်းနောက်တွင် သူ၏နာမများလည်း ရှိတော့မည် မဟုတ်သည့်အတွက်၊ ကမ္ဘာမြေကြီးပေါ်တွင် သူရယူခဲ့သည့် နာမများ အားလုံးသည် အဆုံးသတ်သို့ ရောက်ပေလိမ့်မည်။ ဖန်ဆင်းရှင်၏ အုပ်စိုးမှုအောက်သို့ အရာခပ်သိမ်း ရောက်လာချိန်တွင်၊ အလွန်သင့်လျော်သော်လည်း မပြည့်စုံသည့် နာမတစ်ခုကို သူသည် အဘယ်သို့ လိုအပ်သေးသနည်း။ သင်သည် ယခု ဘုရားသခင်၏ နာမကို ရှာဖွေနေဆဲလော။ ဘုရားသခင်ကို ယေဟောဝါဟုသာ ခေါ်နိုင်သည်ဟု သင်ပြောဝံ့ဆဲဖြစ်သလော။ ဘုရားသခင်ကို ယေရှုဟုသာ ခေါ်နိုင်သည်ဟု သင်ပြောဝံ့ဆဲလော။ ဘုရားသခင်ကို ပြစ်မှားစော်ကားခြင်း အပြစ်ကို သင်ခံနိုင်သလော။’” (နှုတ်ကပတ်တော်သည် လူ့ဇာတိ၌ ပေါ်လာ၏) ဒီအစ်မတွေရဲ့မိတ်သဟာယကြောင့် ကျွန်တော် လှိုက်လှိုက်လှဲလှဲ ခံစားရတယ်။ ဘုရားရဲ့နာမတော်တွေနောက်ကွယ်က အဓိပ္ပာယ်ကို မြင်သွားတယ်။ ဖန်ဆင်းရှင်ဖြစ်တဲ့ ကိုယ်တော်က အမည်နာမတစ်ခု မလိုခဲ့ပါဘူး။ ဒါပေမဲ့ သူက လူသားတွေကို ကယ်တင်ဖို့ နာမအမျိုးမျိုးကို ခံယူခဲ့တာပဲ။ ယေဟောဝါ၊ ယေရှု၊ အနန္တတန်ခိုးရှင်ဘုရားသခင်ဆိုတာ တစ်ပါးတည်းပါပဲ။ ကိုယ်တော်က မတူညီတဲ့ ခေတ်သုံးခေတ်မှာ အမှုတော်အဆင့်သုံးဆင့်ကို ပြုခဲ့တာပဲ။ နာမတော်တစ်ခုစီမှာ ကိုယ်ပိုင်အဓိပ္ပာယ်တွေ ရှိတယ်။ ခေတ်တစ်ခုစီအတွက် ဘုရားသခင်ရဲ့စိတ်သဘောထားနဲ့ အမှုတော်ကို ကိုယ်စားပြုကြတာပါ။ နောက်ဆုံးမှာ ကျွန်တော်လည်း အနန္တတန်ခိုးရှင်ဘုရားသခင်ရဲ့ နောက်ဆုံးသောကာလ အမှုတော်ကို လက်ခံခဲ့ပါတယ်။

ပြန်တွေးကြည့်ရင်၊ ကျွန်တော် မိုက်မဲပြီး ဘာမှမမြင်ခဲ့တာတွေကို မုန်းမိတယ်။ ကျွန်တော်က ကျမ်းစာကိုပဲ ဖက်တွယ်ပြီး၊ ဘုရားရဲ့နာမက ဘယ်တော့မှ မပြောင်းလဲဘူးဆိုတာတွေ၊ ကိုယ်တော့်ကို ယေရှုလို့ပဲ အစဉ်အမြဲ ခေါ်လိမ့်မယ်ဆိုတာတွေ တွေးခဲ့တာ။ အနန္တတန်ခိုးရှင်ဘုရားသခင်က သူ့အမှုတော်ရဲ့သမ္မာတရားကို မဖော်ပြဘူးဆိုရင်၊ ကျွန်တော်က ကျမ်းစာကို ဆက်ပြီး ယုံကြည်နေမိမှာ။ ဘုရားနာမတော်တွေရဲ့ အဓိပ္ပာယ်ကိုလည်း ဘယ်တော့မှ နားလည်မှာမဟုတ်ဘူး။ အထူးသဖြင့် ဘုရားရဲ့အမှုတော်အကြောင်းပေါ့။ ကျွန်တော်လည်း အနန္တတန်ခိုးရှင်ဘုရားသခင်ရဲ့ နောက်ဆုံးသောကာလ အမှုတော်ကို ခုခံမိပြီးတော့၊ ဖယ်ရှားခြင်း ခံနေရလောက်ပြီ။ ဘုရားသခင်ရဲ့လမ်းပြမှုက ကျေးဇူးကြီးလွန်းပါတယ်။ ကိုယ်တော်က သူ့အသံကို ကြားခွင့်ပေးပြီး၊ သူ့ရှေ့မှောက် ရောက်ခွင့်ပေးခဲ့တယ်လေ။ အနန္တတန်ခိုးရှင်ဘုရားသခင်ကို ကျွန်တော် ကျေးဇူးတင်လွန်းလို့ပါ။

မည်သို့နှောင်တရပြောင်းလဲ မှသာလျှင် ဘုရားသခင်၏ ကွယ်ကာခြင်းကို ရရှိနိုင်မယ်ဆိုတာကို မိတ်ဆွေသိချင်ပါသလား။ ကျွန်ုပ်တို့ကို ချက်ချင်းဆက်သွယ်ပါ။

သက်ဆိုင်သည့် အကြောင်းအရာ

ဤအသံက မည်သည့်နေရာက လာသနည်း

ရှီရင်း၊ တရုတ်ပြည်ကျွန်မက ခရစ်ယာန်မိသားစု တစ်စုတွင် မွေးဖွားလာပြီး၊ ကျွန်မ၏ ဆွေမျိုးများစွာတို့သည် တရားဟောဆရာများ ဖြစ်ကြသည်။ ကျွန်မ...

ကျမ်းစာကို ယုံကြည်ခြင်းက ဘုရားသခင်ကို ယုံကြည်ခြင်းနှင့် တူသလား

အနန္တတန်ခိုးရှင် ဘုရားသခင် ပြောသည်မှာ- “နှစ်ပေါင်းများစွာ ကြာအောင်၊ လူတို့၏ (ကမ္ဘာပေါ်က အဓိက ဘာသာကြီး သုံးခုအနက် တစ်ခုဖြစ်သည့်...

ဘုရားသခင်တွင် တိကျသောလိင် ရှိပါသလား၊ အနက်ပြန်ခြင်းအသစ်ကို ကျွန်တော် ရှာဖွေတွေ့ရှိသည် (အပိုင်း ၁)

ဘိုအဲန်း၊ ဘရာဇီးလ်နိုင်ငံ ထံမှ အယ်ဒီတာ့ မှတ်စု- “ဘုရားသခင်တွင် တိကျသော လိင် ရှိပါသလား” ဟူသည့်မေးခွန်းနှင့် ပတ်သက်လာသောအခါ ခရစ်ယာန်များစွာက...

Messenger မှတဆင့် ကျွန်ုပ်တို့ကို ဆက်သွယ်လိုက်ပါ။