ဖြည့်စွက်ချက်- လူတို့ လျှောက်လှမ်းသော လမ်းကြောင်းက ၎င်းတို့ နောက်ဆုံးတွင် ရိတ်သိမ်းရမည့်အရာကို အဆုံးအဖြတ်ပေးသည်

ဘုရားသခင်ကို ယုံကြည်ခြင်း၏ ရည်ရွယ်ချက်မှာ အဘယ်အရာဖြစ်သနည်း။ ကျေးဇူးတော်နှင့် ကောင်းချီးများကို ရရှိရန်အတွက် ဖြစ်သလော။ အနှစ်မဲ့သော အသက်တာဖြင့် အသက်ရှင်ခြင်းကို ရှောင်ရှားရန်နှင့် အောက်တန်းကျသော စိတ်ဝင်စားမှုများမှ ရုန်းထွက်လွတ်မြောက်ရန် ဖြစ်သလော။ (မဟုတ်ပါ။) သို့ဆိုလျှင် အဘယ်အရာအတွက် ဖြစ်သနည်း။ (သမ္မာတရားကို ရရှိရန် ဖြစ်ပါသည်။) သမ္မာတရားကို ရရှိရန်၊ အသက်ကို ရရှိရန် ဖြစ်သည်။ သို့ဆိုလျှင် လူတို့ နေ့စဉ်နေ့တိုင်း လုပ်ဆောင်သမျှသည် ဤပန်းတိုင်ဆီသို့ ဦးတည်နေသလော။ သင်၏ တာဝန်ကို ထမ်းဆောင်ရာတွင် နေ့စဉ်နေ့တိုင်း သင် အသုံးပြုသော အချိန်နှင့် ခွန်အားသည် ဤပန်းတိုင်အတွက်ချည်းသာ ဖြစ်သလော။ လူတို့သည် သမ္မာတရားကို ရရှိရန်ဟူသော ရှင်းလင်းသည့် ပန်းတိုင်မရှိဘဲ ဘုရားသခင်ကို ယုံကြည်ကြသည်။ ၎င်းတို့၏ စိတ်နှလုံးထဲတွင် ဤရူပါရုံ ကဏ္ဍနှင့်ပတ်သက်၍ ဝေဝါးနေကြပြီး ဘုရားသခင်ကို ယုံကြည်ခြင်း၏ ရည်ရွယ်ချက်မှာ အဘယ်အရာဖြစ်သည်ကို ၎င်းတို့ မသိကြပေ။ ကောင်းချီးများ ရရှိရန်ဖြစ်သည်ကိုသာ ၎င်းတို့၏ စိတ်နှလုံးထဲတွင် သိထားကြသည့်အလား ဖြစ်သည်၊ သို့သော် ကောင်းချီးများ ရရှိရန် လူတစ်ဦးသည် မည်သည့်အရာကို လုပ်ဆောင်သင့်သနည်း။ ကောင်းချီးများ ရရှိရန်အတွက် သမ္မာတရားကို နားလည်ဖို့ကိုလည်းကောင်း၊ သမ္မာတရားကို လက်တွေ့လုပ်ဆောင်ဖို့ကိုလည်းကောင်း၊ သမ္မာတရား လိုက်စားဖို့ကိုလည်းကောင်း လိုအပ်ကြောင်း ၎င်းတို့ မသိကြပေ။ သို့ဆိုလျှင် ၎င်းတို့သည် သမ္မာတရားကို လိုက်စားသောသူများ ဖြစ်ကြသလော။ ဤအရာနှင့်ပတ်သက်၍ ၎င်းတို့လည်း မသေချာကြပေ။ ၎င်းတို့က “ဤသည်မှာ ပြဿနာကြီး မဟုတ်ပါ၊ ကျွန်ုပ်သည် ဘုရားသခင်ကို ရိုးသားစစ်မှန်စွာ ယုံကြည်သည်၊ ဘုရားသခင်သည် ကျွန်ုပ်ကို စွန့်ပစ်မည် မဟုတ်ပါ၊ ကျွန်ုပ်သည် သမ္မာတရားကို လိုက်စားသူတစ်ဦး မဟုတ်ဟု လူများက ပြောလျှင်ပင် ကိစ္စမရှိပါ” ဟု တွေးကြသည်။ တစ်ခါတစ်ရံတွင် အခြားသူများက မိမိတို့၏ အတွေ့အကြုံဆိုင်ရာ သက်သေခံချက်ကို ဝေမျှနေသည်ကို မြင်ရပြီး ၎င်းတို့ကိုယ်တိုင်ကမူ မည်သည့်အရာကိုမျှ မဝေမျှနိုင်သည့်အခါ ၎င်းတို့သည်လည်း စိတ်မကောင်းဖြစ်ကြကာ ၎င်းတို့၏ စိတ်နှလုံးထဲတွင် အနည်းငယ် စိုးရိမ်ပူပန်ပြီး ဂနာမငြိမ် ဖြစ်ကြသည်။ သို့သော် များသောအားဖြင့် ယင်းမှာ ပြဿနာကြီး မဟုတ်ဟု ၎င်းတို့ ခံစားကြရသည်။ ထိုသို့ဖြင့် မျက်စိတစ်မှိတ်အတွင်း ငါးနှစ် ကုန်လွန်သွားသည်၊ မျက်စိတစ်မှိတ်အတွင်း ဆယ်နှစ် ကုန်လွန်သွားသည်။ အချို့လူများသည် ယခုအခါ အသက်သုံးဆယ် သို့မဟုတ် လေးဆယ်အရွယ် ရှိနေကြပြီဖြစ်ပြီး အချို့မှာ အသက်ငါးဆယ်ကျော်နေကြပြီ ဖြစ်သည်၊ ၎င်းတို့သည် အိမ်ထောင်မပြုကြဘဲ မိမိတို့၏ တာဝန်ကို အမြဲ ထမ်းဆောင်နေကြသည်။ ယခုအချိန်အထိ သမ္မာတရား မည်မျှကို ၎င်းတို့ ရရှိပြီးဖြစ်သနည်း။ ၎င်းတို့တွင် အသက် ရှိသလော။ ၎င်းတို့ကိုယ်တိုင်လည်း မသေချာကြပေ။ ၎င်းတို့က “ကျွန်ုပ်သည် သမ္မာတရား အတော်များများကို နားလည်ပြီး တရားဒေသနာများစွာကို ဟောပြောနိုင်ပုံရသည်၊ ကျွန်ုပ်တွင် အသက် ရှိလောက်သည် မဟုတ်လော” ဟု ခံစားကြရသည်။ စုဝေးပွဲများအတွင်း၌ဖြစ်စေ၊ ၎င်းတို့၏ တာဝန်များတွင် ပြဿနာများနှင့် ကြုံတွေ့ရသည့်အခါ၌ဖြစ်စေ ၎င်းတို့သည် သမ္မာတရားတိုင်းကို နားလည်သည့်အလား ရှည်လျားစွာ ပြောဆိုနိုင်ကြသော်လည်း မည်သည့် လက်တွေ့ကျသော ပြဿနာများကိုမျှ မဖြေရှင်းနိုင်ကြပေ။ ၎င်းတို့ပြောဆိုသော အယူဝါဒများသည် မည်မျှပင် အပြောကောင်းနေပါစေ၊ ၎င်းတို့၏ တာဝန်များကို ထမ်းဆောင်ရာတွင် ၎င်းတို့သည် သမ္မာတရား စည်းမျဉ်းများနှင့်အညီ မပြုမူနိုင်ကြသေးဘဲ ကိစ္စရပ်များစွာတွင် မိမိတို့၏ ကိုယ်ပိုင်အလိုဆန္ဒကိုပင် လိုက်နေကြဆဲဖြစ်ကာ သမ္မာတရား စည်းမျဉ်းများကို စိုးစဉ်းမျှ နားမလည်ကြပေ။ သို့ဖြစ်၍ ၎င်းတို့၏ စိတ်နှလုံးထဲတွင် “ကျွန်ုပ်သည် သမ္မာတရားကို နားလည်သောသူ အမှန်တကယ် ဟုတ်သလော၊ မဟုတ်လော” ဟု တွေးလျက် ဇဝေဇဝါ ခံစားကြရသည်။ ၎င်းတို့သည် သမ္မာတရားကို နားလည်သောသူ ဟုတ်မဟုတ်ကို ၎င်းတို့ မသိကြပေ။ သို့ဆိုလျှင် ၎င်းတို့သည် သမ္မာတရားကို လိုက်စားပြီး သမ္မာတရားကို လက်တွေ့လုပ်ဆောင်သောသူများ ဖြစ်ကြသလော။ ၎င်းတို့ကိုယ်တိုင်လည်း ယင်းနှင့်ပတ်သက်၍ မသေချာကြပေ။ သို့ဆိုလျှင် ၎င်းတို့သည် သမ္မာတရားကို အမှန်တကယ် ရရှိပြီးဖြစ်သလော၊ မရရှိသေးသလော။ ဤအရာနှင့်ပတ်သက်၍ ၎င်းတို့ သံသယရှိနေကြဆဲ ဖြစ်သည်။ သို့ဆိုလျှင် ၎င်းတို့တွင် အသက် အမှန်တကယ် ရှိသလော၊ မရှိသလော။ မည်သို့ပင်ဖြစ်စေ အသက်ဟူသည်မှာ အတိအကျအားဖြင့် အဘယ်အရာဖြစ်သနည်း။ လူတစ်ဦးတွင် အသက်ရှိခြင်းက မည်သို့ ခံစားရသနည်း။ ၎င်းတို့တွင် ယင်းရှိသောအခါ လူတစ်ဦး၏ နေ့စဉ်ဘဝတွင် မည်သည့် အပြောင်းအလဲများ ဖြစ်ပေါ်မည်နည်း။ ၎င်းတို့၏ အတွေးအခေါ်များက မည်သို့ ပြောင်းလဲမည်နည်း။ ၎င်းတို့၏ လူ့သဘာဝတွင် မည်သည့် အပြောင်းအလဲများ ဖြစ်ပေါ်မည်နည်း။ ဤအရာများထဲမှ တစ်ခုတလေနှင့်ပတ်သက်၍ ၎င်းတို့ ရှင်းလင်းစွာ မသိကြပေ။ ၎င်းတို့သည် ဘုရားသခင်ကို နှစ်ပေါင်းမည်မျှ ယုံကြည်ခဲ့သည်ဖြစ်စေ သမ္မာတရား၏ ကဏ္ဍအချို့အကြောင်း ပြောဆိုသောအခါ ၎င်းတို့သည် စကားလုံးများနှင့် အယူဝါဒများအချို့ကို ဟောပြောနိုင်ကြသည်၊ သို့သော် သမ္မာတရားကို လက်တွေ့လုပ်ဆောင်ခြင်း စည်းမျဉ်းများ ပါဝင်လာသောအခါ ၎င်းတို့ကို အသေအချာ မရှင်းပြနိုင်ကြပေ။ အထူးသဖြင့် အချို့လူများသည် ၎င်းတို့၏ လုပ်ရပ်များတွင် စည်းမျဉ်းများနှင့် ဆန့်ကျင်သည့်အတွက် ပြုပြင်ခြင်းခံရပြီးနောက် အပျက်သဘောဆောင်လာရုံသာမက ဇဝေဇဝါဖြစ်လာပြီး မိမိတို့ကိုယ်ကို သံသယဝင်ကာ “ကျွန်ုပ်သည် အသက်ကို အမှန်တကယ် ရရှိပြီးဖြစ်သလော၊ မရရှိသေးသလော၊ သမ္မာတရားသည် ကျွန်ုပ်၏ စိတ်နှလုံးထဲတွင် နေရာတစ်ခု ရှိသလော၊ ယင်းက ကျွန်ုပ်၏ အသက် ဖြစ်လာပြီလော၊ ကျွန်ုပ်သည် ကယ်တင်ခြင်းကို အမှန်တကယ် ရရှိနိုင်သေးသလော” ဟု ပြောဆိုကြသည်။ သမ္မာတရား ပါဝင်ပတ်သက်သည့် ဤကိစ္စရပ်များအားလုံးနှင့်ပတ်သက်၍ ၎င်းတို့သည် နားဝေတိမ်တောင်ဖြစ်နေကြသော်လည်း သမ္မာတရား မပါဝင်ပတ်သက်သည့် အပြင်ပန်း ကိစ္စရပ်များနှင့်ပတ်သက်လာလျှင်မူ ၎င်းတို့ကို အလွန်ပင် ရှင်းလင်းစွာ မှတ်မိကြသည်။ ဥပမာအားဖြင့် ၎င်းတို့သည် ဘုရားသခင်ကို နှစ်၊ လ၊ ရက်ပေါင်း မည်မျှကြာ ယုံကြည်ခဲ့သည်ကိုဖြစ်စေ၊ မည်သည့်အဆင့်ရှိ ခေါင်းဆောင်အဖြစ် သို့မဟုတ် အမှုဆောင်အဖြစ် ၎င်းတို့ အစေခံခဲ့သည်ကိုဖြစ်စေ၊ မည်သည့် တာဝန်များကို ၎င်းတို့ ထမ်းဆောင်ခဲ့သည်ကိုဖြစ်စေ၊ အသင်းတော် အလုပ် မည်မျှကို ၎င်းတို့ လုပ်ဆောင်ခဲ့သည်ကိုဖြစ်စေ၊ နေရာမည်မျှသို့ ၎င်းတို့ ခရီးသွားခဲ့သည်ကိုဖြစ်စေ၊ ဧဝံဂေလိတရားဟောခြင်းအားဖြင့် လူမည်မျှကို ၎င်းတို့ ရရှိခဲ့သည်ကိုဖြစ်စေ၊ အသင်းတော် မည်မျှကို ၎င်းတို့ ရေလောင်းပေးခဲ့သည်ကိုဖြစ်စေ၊ ဘုရားသခင်အတွက် မိမိတို့ကိုယ်ကို အသုံးခံရာတွင် ၎င်းတို့ မည်မျှ ဆင်းရဲဒုက္ခခံခဲ့ရသည်ကိုဖြစ်စေ၊ ငွေမည်မျှကို ၎င်းတို့ ပူဇော်ဆက်ကပ်ခဲ့သည်ကိုဖြစ်စေ၊ ညီအစ်ကိုမောင်နှမများထံသို့ မည်သည့်အရာများကို ၎င်းတို့ လှူဒါန်းခဲ့သည်ကိုဖြစ်စေ၊ ၎င်းတို့ ဖမ်းဆီးခံရပြီး ထောင်ချခံရသည်မှာ အချိန်မည်မျှကြာသည်ကိုဖြစ်စေ၊ ရိုက်နှက်ခြင်း မည်မျှကို ၎င်းတို့ ခံခဲ့ရသည်ကိုဖြစ်စေ၊ ညှဉ်းပန်းနှိပ်စက်မှု မည်မျှကို ၎င်းတို့ ခံခဲ့ရသည်ကိုဖြစ်စေ၊ ဘုရားသခင်အတွက် ၎င်းတို့၏ သက်သေခံချက်တွင် ခိုင်မာစွာ ရပ်တည်သည်မှာ အကြိမ်မည်မျှရှိသည်ကိုဖြစ်စေ စသည်တို့ ဖြစ်သည်။ ၎င်းတို့သည် ဤအပြင်ပန်း ကိစ္စရပ်များအားလုံးကို ၎င်းတို့၏ မှတ်ဉာဏ်ထဲတွင် မြတ်နိုးစွာ သိမ်းဆည်းထားကြပြီး ယင်းတို့ကို မကြာခဏ သတိရတတ်ကြသည်။ ၎င်းတို့သည် ဤအရာအားလုံး၏ စာရင်းကို ၎င်းတို့၏ စိတ်ထဲတွင် မှတ်ထားကြပြီး စာရင်းတစ်ခုစီတိုင်းကို ရှင်းလင်းစွာ မှတ်မိကာ မည်သည့်အခါမျှ မမေ့လျော့ကြပေ။ သို့သော် သမ္မာတရား မည်မျှကို ၎င်းတို့ နားလည်ပြီး လက်တွေ့ကျမှု မည်မျှကို ၎င်းတို့ ပိုင်ဆိုင်သည်နှင့် ပတ်သက်လာလျှင်မူ ၎င်းတို့တွင် ယင်းနှင့်ပတ်သက်၍ ရှုပ်ထွေးနေသော စာရင်းတစ်ခု အမြဲ ရှိနေတတ်သည်။ မည်သည့် သမ္မာတရားများကို ၎င်းတို့ နားလည်သည်ကိုလည်းကောင်း၊ မည်သည့် သမ္မာတရားများကို ၎င်းတို့ လက်တွေ့လုပ်ဆောင်ပြီး ဖြစ်သည်ကိုလည်းကောင်း၊ အမှုအရာများ ၎င်းတို့အပေါ် ဖြစ်ပျက်သည့်အခါ သမ္မာတရားကို ၎င်းတို့ စွဲကိုင်နိုင်ခြင်း ရှိမရှိနှင့် စည်းမျဉ်းများနှင့်အညီ ပြုမူနိုင်ခြင်း ရှိမရှိကိုလည်းကောင်း ၎င်းတို့၏ စိတ်ထဲတွင် မည်သည့်အခါမျှ ရှင်းလင်းမှုမရှိပေ။ ဤအရာအားလုံးနှင့် ပတ်သက်၍ ၎င်းတို့တွင် ရှုပ်ထွေးနေသော စာရင်းတစ်ခု ရှိသည်။ ၎င်းတို့၏ ဖောက်ပြန်ပျက်စီးသော စိတ်သဘောထားများထဲမှ မည်သည့်အရာကို ၎င်းတို့ စစ်မှန်စွာ နားလည်သဘောပေါက်ထားသည်ကိုလည်းကောင်း၊ ယင်းတို့ကို ၎င်းတို့ ဖယ်ရှားပြီးဖြစ်ခြင်း ရှိမရှိကိုလည်းကောင်း၊ မည်သည့် ဖောက်ပြန်ပျက်စီးသော စိတ်သဘောထားများကိုလည်းကောင်း ၎င်းတို့ မကြာခဏ ထုတ်ဖော်သော်လည်း မဖယ်ရှားရသေးသည်ကိုလည်းကောင်း ၎င်းတို့၏ စိတ်ထဲတွင် ရှင်းလင်းမှုမရှိပေ။ ဤအရာအားလုံးနှင့် ပတ်သက်၍ ၎င်းတို့တွင် ရှုပ်ထွေးနေသော စာရင်းတစ်ခု ရှိသည်။ ဘုရားသခင်ကို နှစ်ပေါင်းများစွာ ယုံကြည်ပြီးနောက် မည်သည့် သမ္မာတရားများကို ၎င်းတို့ လက်တွေ့လုပ်ဆောင်နိုင်ပြီး မည်သည့်အရာများကို ၎င်းတို့ လက်တွေ့မလုပ်ဆောင်ရသေးဟူသည်ကိုလည်းကောင်း၊ သမ္မာတရား၏ မည်သည့် ကဏ္ဍများတွင် ၎င်းတို့ တိုးတက်မှုရှိခဲ့ပြီး မည်မျှ တိုးတက်ခဲ့သည်ဟူသည်ကိုလည်းကောင်း ဤအရာအားလုံးနှင့် ပတ်သက်၍ ၎င်းတို့တွင် ရှုပ်ထွေးနေသော စာရင်းတစ်ခု ရှိသည်။ ၎င်းတို့၏ လူ့သဘာဝအရ ၎င်းတို့ အတိအကျ မည်သို့ အသက်ရှင်နေထိုင်သည်၊ ၎င်းတို့တွင် အသိစိတ်နှင့် ဆင်ခြင်တုံတရား ပိုင်ဆိုင်ခြင်း ရှိမရှိနှင့် ၎င်းတို့သည် ပုံမှန် လူ့သဘာဝကို အသက်ရှင်နေထိုင်ပြီးဖြစ်ခြင်း ရှိမရှိဟူသည်တို့နှင့် ပတ်သက်၍ ဤအရာအားလုံးအတွက် ၎င်းတို့တွင် ရှုပ်ထွေးနေသော စာရင်းတစ်ခု ရှိသည်။ ၎င်းတို့၏ တာဝန်များထဲမှ မည်မျှကို ရိုးသားမှုနှင့် သစ္စာစောင့်သိခြင်းဖြင့် ၎င်းတို့ ထမ်းဆောင်ခဲ့သည်ကိုလည်းကောင်း၊ တာဝန် မည်မျှကို တမင်သက်သက် ဝတ်ကျေတမ်းကျေလုပ်ခြင်းဖြင့် ထမ်းဆောင်ခဲ့သည်ကိုလည်းကောင်း၊ မည်မျှက စံနှုန်းပြည့်မီအောင် လုပ်ဆောင်ခဲ့ပြီး မည်မျှက စံနှုန်းမပြည့်မီသေးဟူသည်ကိုလည်းကောင်း၊ မည်သည့် တာဝန်များတွင် ၎င်းတို့သည် စည်းမျဉ်းများနှင့်အညီ ပြုမူနိုင်ခဲ့သဖြင့် ဤတာဝန်များကို ၎င်းတို့ ထမ်းဆောင်မှုက ဘုရားသခင်ကို ကျေနပ်စေပြီး ဘုရားသခင်၏ ရည်ရွယ်ချက်များနှင့် ကိုက်ညီသည်ကိုလည်းကောင်း၊ မည်သည့် တာဝန်များတွင် ၎င်းတို့သည် သမ္မာတရား စည်းမျဉ်းများကို သဘောမပေါက်သေးဘဲ ဘုရားသခင်ကို ကျေနပ်စေရန် မစွမ်းဆောင်နိုင်သေးဟူသည်ကိုလည်းကောင်း ဤအရာအားလုံးနှင့် ပတ်သက်၍ ၎င်းတို့တွင် ရှုပ်ထွေးနေသော စာရင်းတစ်ခု ရှိသည်။ မည်သည့် ကဏ္ဍများတွင် ၎င်းတို့သည် ဘုရားသခင်၏ တောင်းဆိုချက်များကို ဖြည့်ဆည်းပေးနိုင်ပြီး ဘုရားသခင်ကို ကျိုးနွံနာခံနိုင်သည်ကိုလည်းကောင်း၊ မည်သည့် အတိုင်းအတာအထိ ၎င်းတို့သည် ဘုရားသခင်ကို ကျိုးနွံနာခံပြီးဖြစ်သည်ကိုလည်းကောင်း၊ မည်သည့် ကဏ္ဍများတွင် ၎င်းတို့သည် ဘုရားသခင်ကို မကျိုးနွံနာခံနိုင်သေးသည်ကိုလည်းကောင်း၊ ၎င်းတို့ ဘုရားသခင်ကို မကျိုးနွံနာခံနိုင်ခြင်းကို အဘယ်အရာက ဖြစ်စေခဲ့သည်ကိုလည်းကောင်း၊ ရှေ့ဆက်သွားရာတွင် ၎င်းတို့ မည်သို့ ဝင်ရောက်သင့်သည်ကိုလည်းကောင်း ဤအရာအားလုံးနှင့် ပတ်သက်၍ ၎င်းတို့တွင် မည်သည့် အစီအစဉ်မျှမရှိသည့်အပြင် မည်သည့် အတွေးမျှလည်း မရှိပေ၊ ထို့အပြင် ၎င်းတို့တွင် ရှင်းလင်းသော လမ်းကြောင်းတစ်ခု ရှိဖို့ဆိုသည်မှာ သာ၍ပင် ဝေးသေးသည်။ ဘုရားသခင်ကို နှစ်ပေါင်းများစွာ ယုံကြည်ပြီးနောက် ဘုရားအိမ်တော်၏ အကျိုးစီးပွားများကို ကာကွယ်ရန် အမှုအရာ မည်မျှကို ၎င်းတို့ လုပ်ဆောင်ခဲ့သည်၊ သို့မဟုတ် ကောင်းမှုများ မည်မျှကို ၎င်းတို့ ပြင်ဆင်ခဲ့သည်ကို ၎င်းတို့ မသိကြပေ။ မကောင်းမှု မည်မျှကို ၎င်းတို့ လုပ်ဆောင်ခဲ့သည် သို့မဟုတ် အဖျက်အမှောင့်လုပ်ခြင်းများနှင့် နှောင့်ယှက်ခြင်းများကို ဖြစ်စေခဲ့သည့် အမှုအရာ မည်မျှကို ၎င်းတို့ လုပ်ဆောင်ခဲ့သည်ကို ၎င်းတို့ မသိကြပေ။ ၎င်းတို့၏ မှတ်ဉာဏ်များထဲတွင် ၎င်းတို့သည် ဤအရာအချို့ကို လုပ်ဆောင်ခဲ့ပုံရသော်လည်း မကောင်းမှု ပြုပြီးနောက် ၎င်းတို့ နောင်တရခဲ့ခြင်း ရှိမရှိကို ၎င်းတို့ မသိကြပေ။ တစ်ခါတစ်ရံတွင် ၎င်းတို့သည် မကောင်းမှု ပြုခဲ့ကြောင်းကို သတိပြုမိနိုင်ပြီး စိတ်မကောင်းဖြစ်ကာ ဘုရားသခင်ထံ ဆုတောင်းပြီး ၎င်းတို့၏ အပြစ်များကို ဝန်ခံခဲ့ကြသော်လည်း ၎င်းတို့သည် ဘုရားသခင်၏ ခွင့်လွှတ်မှုကို ရရှိခဲ့ကြသလော။ ၎င်းတို့၏ စိတ်နှလုံးထဲတွင် စွပ်စွဲမှု တစ်ခုတလေ ရှိသလော။ ၎င်းတို့သည် ဤအရာများကိုလည်း မသိကြပေ။ ၎င်းတို့က “ကျွန်ုပ် စွပ်စွဲခံရသည်ဟု ခံစားရသည်ဖြစ်စေ၊ မခံစားရသည်ဖြစ်စေ မည်သူ ဂရုစိုက်သနည်း။ မည်သို့ပင်ဖြစ်စေ ယခု ကျွန်ုပ်သည် အတော်လေး သက်တောင့်သက်သာ နေထိုင်နေရသည်၊ ကျွန်ုပ်၏ တာဝန်ကို ထမ်းဆောင်နေဆဲ ဖြစ်သည်” ဟု မိမိတို့ဘာသာ တွေးကြသည်။ သို့ဆိုလျှင် ၎င်းတို့၏ တာဝန်ကို ထမ်းဆောင်ရာတွင် မည်မျှသော ကောင်းမှုများကို ၎င်းတို့ လုပ်ဆောင်ခဲ့သနည်း။ ၎င်းတို့လည်း သိပ်မပြောနိုင်ကြပေ၊ သို့သော် ၎င်းတို့သည် ကောင်းမှုအနည်းငယ်ကို လုပ်ဆောင်ခဲ့သည်ဟု ခံစားကြရသည်၊ မကြာသေးမီက ၎င်းတို့သည် ဧဝံဂေလိတရားဟောခဲ့ပြီး လူနှစ်ဦးကို ရရှိခဲ့သည်။ ၎င်းတို့တွင် ဤကောင်းမှု အရေအတွက် အနည်းငယ် ရှိသော်လည်း ၎င်းတို့သည် အမှုအရာများကို စည်းမျဉ်းများမရှိဘဲ လုပ်ဆောင်ကြပြီး မိမိတို့၏ ကိုယ်ပိုင်အလိုဆန္ဒအတိုင်းနှင့် ထင်ရာစိုင်းပြီး မဆင်မခြင် ပြုမူကြသည်ပင် ဖြစ်သည်၊ ဤသည်မှာ ဒုစရိုက်အမှုများနှင့် ညီမျှသလော။ ၎င်းတို့သည် ဤအရာနှင့် ပတ်သက်၍လည်း ရှင်းလင်းမှုမရှိကြပေ။ အသင်းတော်က ၎င်းတို့ကို ကိုင်တွယ်ဖြေရှင်းခြင်း မရှိသေးသည့်အပြင် ခေါင်းဆောင်များကလည်း ၎င်းတို့ကို ပြုပြင်ခြင်း သို့မဟုတ် ဤအရာများအတွက် ၎င်းတို့ကို တာဝန်ခံစေခြင်း မရှိသေးသောကြောင့် ယင်းတို့သည် ဒုစရိုက်အမှုများ မဟုတ်ဟု ၎င်းတို့ တွေးကြသည်၊ ၎င်းတို့ကို တာဝန်ခံစေခဲ့ပါက ဤအရာများသည် ဒုစရိုက်အမှုများ ဖြစ်ကောင်းဖြစ်နိုင်သည်ဟု တွေးကြသည်။ ကောင်းမှုများ မည်မျှကို ၎င်းတို့ ပြင်ဆင်ခဲ့သည်ကို ၎င်းတို့ မသိကြပေ။ လက်ရှိတွင် ၎င်းတို့ လုပ်ဆောင်နေသော အရာများသည် ကောင်းမှုများ သို့မဟုတ် ဒုစရိုက်အမှုများ ဖြစ်သည်ဖြစ်စေ၊ ယင်းတို့ထဲမှ မည်မျှက ကောင်းမှုများ ဖြစ်သည်ကိုဖြစ်စေ၊ ယင်းတို့ထဲမှ မည်မျှက ဒုစရိုက်အမှုများ ဖြစ်သည်ကိုဖြစ်စေ၊ မည်မျှက သမ္မာတရား စည်းမျဉ်းများနှင့် ကိုက်ညီသည်ကိုဖြစ်စေ၊ မည်မျှက အလုပ် အစီအစဉ်များနှင့် သမ္မာတရား စည်းမျဉ်းများကို ဆန့်ကျင်သည်ကိုဖြစ်စေ ၎င်းတို့ တစ်ခုမျှ မသိကြပေ။ ၎င်းတို့သည် ဤကိစ္စရပ်များ၏ မှတ်တမ်းတစ်ခုကို ဘယ်သောအခါမျှ မထားရှိခဲ့ကြပေ။ မည်သို့ပင်ဖြစ်စေ နေ့စဉ်နေ့တိုင်း ၎င်းတို့သည် အချိန်မှန် စားပြီး အိပ်ကြသည်၊ ဝိညာဉ်ရေးရာ ဆက်ကပ်ခြင်းများ သို့မဟုတ် အလုပ်အတွက် သတ်မှတ်ထားသော အချိန်တွင် ထကြသည်၊ ပြီးလျှင် အလုပ်လုပ်နေစဉ်တွင် တူညီသော အခြေအနေနှင့် ယခင်နေ့က တူညီသော အလုပ်အဆင့်များကို ထိန်းသိမ်းထားလျက် ၎င်းတို့ အစဉ်သဖြင့် လုပ်ဆောင်ခဲ့သော အရာများကို လုပ်ဆောင်ကြသည်။ သမ္မာတရားကို လိုက်စားခြင်းနှင့် သမ္မာတရား လက်တွေ့ကျမှုထဲသို့ ဝင်ရောက်ခြင်း သို့မဟုတ် ဖောက်ပြန်ပျက်စီးသော စိတ်သဘောထားများကို ဖယ်ရှားခြင်းနှင့် အသက်ကို ရရှိခြင်း ကိစ္စရပ်များကို ၎င်းတို့သည် တိတိကျကျ သို့မဟုတ် စနစ်တကျ မည်သည့်အခါမျှ သိရှိလာခြင်း သို့မဟုတ် အကျဉ်းချုပ်သုံးသပ်ခြင်း မရှိခဲ့ကြပေ။ ထို့ကြောင့် သမ္မာတရားကို လိုက်စားခြင်း သို့မဟုတ် အသက် ဝင်ရောက်မှု ပါဝင်ပတ်သက်သည့် မည်သည့်အရာမဆိုသည် ၎င်းတို့အတွက် ရှုပ်ထွေးနေသော စာရင်းတစ်ခု ဖြစ်သည်။ ငါ့ကို ပြောလော့၊ တစ်စုံတစ်ဦးသည် နေ့စဉ်နေ့တိုင်း ဤနည်းလမ်းအတိုင်း အသက်ရှင်နေထိုင်ပြီး ထိုသို့သော အခြေအနေမျိုးတွင် အသက်ရှင်နေထိုင်ပါက ၎င်းတို့သည် နားဝေတိမ်တောင်ဖြစ်နေကြသည် မဟုတ်လော။ (ဟုတ်ပါသည်။) “နားဝေတိမ်တောင်ဖြစ်သည်” ဟူသည်မှာ စာပေအသုံးအနှုန်းတစ်ခု ဖြစ်သည်၊ အရပ်သုံးစကားအရ ယင်းမှာ နေ့စဉ် ရည်ရွယ်ချက်မဲ့ ဖြတ်သန်းနေခြင်းကို ဆိုလိုသည်။ ဤအသက်ရှင်နေထိုင်မှု အခြေအနေ၊ ဤတည်ရှိမှု အခြေအနေသည် ကောင်းသလော၊ မကောင်းဘူးလော။ (မကောင်းပါ။) အပေါ်ယံအားဖြင့် ၎င်းတို့သည် ဘုရားသခင်ကို အတိုက်အခံလုပ်ခြင်း၏ သိသာထင်ရှားသော အပြုအမူများ သို့မဟုတ် သရုပ်သကန်များကို မပြသကြသော်လည်း သမ္မာတရားကို လိုက်စားခြင်း၊ အသက် ဝင်ရောက်မှု ကိစ္စရပ်တို့နှင့် ပတ်သက်လာလျှင်မူ ၎င်းတို့သည် နားဝေတိမ်တောင်ဖြစ်နေကြပြီး ယင်းနှင့်ပတ်သက်၍ အလေးအနက် မရှိကြပေ။ ဤအခြေအနေသည် နားဝေတိမ်တောင်ဖြစ်နေခြင်းက ဆိုလိုသည့်အရာ အတိအကျပင် ဖြစ်သည်။ ဤသည်က လူတစ်ဦး၏ ပြဿနာကို ရှင်းလင်းစွာ ပြသပြီး ဘုရားသခင်ကို ယုံကြည်ရာတွင် ၎င်းတို့ လျှောက်လှမ်းသော လမ်းကြောင်းကို ရှင်းလင်းစွာ ထုတ်ဖော်လေသည်။

ဘုရားသခင်ကို ယုံကြည်သည့် လုပ်ငန်းစဉ်တွင် သမ္မာတရားကို လိုက်စားခြင်းနှင့် အသက် ဝင်ရောက်မှု ကိစ္စရပ်များနှင့် ပတ်သက်လာလျှင်မူ လူတစ်ဦး၏ သဘောထား၊ ပုဂ္ဂလဓိဋ္ဌာန်ကျသော အလိုဆန္ဒများ သို့မဟုတ် သရုပ်သကန်များသည် မည်သို့ပင် ရှိနေပါစေ ဘုရားသခင်၏ အမြင်တွင် လူတစ်ဦး ရှိနေသော အခြေအနေက ၎င်းသည် လျှောက်လှမ်းနေသည့် လမ်းကြောင်းကို ပြသလေသည်။ အချို့လူများသည် ဘုရားသခင်ကို စတင်ယုံကြည်သည့် အချိန်မှစ၍ သမ္မာတရားကို မချစ်မြတ်နိုးကြဘဲ သမ္မာတရားကို မည်သို့ပင် မိတ်သဟာယဖွဲ့သည်ဖြစ်စေ ၎င်းတို့သည် ယင်းကို လက်မခံကြပေ။ ၎င်းတို့ လျှောက်လှမ်းသော လမ်းကြောင်းသည် သေခြင်းနှင့် ငရဲဆီသို့ တည့်မတ်စွာ ဦးတည်နေသော လမ်းကြောင်းတစ်ခု ဖြစ်သည်။ အချို့လူများသည် ဘုရားသခင်ကို စတင်ယုံကြည်လာသည့်အခါ ဘုရားသခင်၏ တောင်းဆိုချက်များကို နားမလည်ကြဘဲ ကောင်းချီးများ ရရှိရန်နှင့် ကောင်းကင်နိုင်ငံတော်သို့ ဝင်ရောက်ရန်ကိုသာ လိုက်စားကြသည်။ သို့သော် ဘုရားသခင်၏ နှုတ်ကပတ်တော်များကို အဆက်မပြတ် စားသောက်ခြင်းအားဖြင့် ၎င်းတို့သည် သမ္မာတရားကို နားလည်လာကြပြီး သမ္မာတရားကို လိုက်စားနိုင်ကြကာ သမ္မာတရားကို ရရှိရန်အလို့ငှာ ဆင်းရဲဒုက္ခကို သည်းခံနိုင်ပြီး အဖိုးအခ ပေးဆပ်နိုင်ကြသည်။ နောက်ဆုံးတွင် ၎င်းတို့ လျှောက်လှမ်းသော လမ်းကြောင်းသည် အလင်းနှင့် ကောင်းကင်နိုင်ငံတော်ဆီသို့ ဦးတည်နေကြောင်းကို မြင်တွေ့နိုင်သည်။ အသက် ဝင်ရောက်မှု ကိစ္စရပ်များနှင့် ပတ်သက်၍ လူအများစုသည် ၎င်းတို့၏ ပန်းတိုင်များတွင် အလားတူ ရှင်းလင်းမှုမရှိကြဘဲ မရှင်းမရှင်း ဖြစ်နေသော အခြေအနေတွင် ရှိနေကြသည်။ သို့သော် ဤလူများ၏ သရုပ်သကန်များမှ အကဲဖြတ်ရလျှင် အချို့သည် သမ္မာတရားကို လုံးဝ လက်မခံကြပေ၊ ၎င်းတို့၏ တာဝန်များကို ထမ်းဆောင်ရာတွင် တစ်စိုက်မတ်မတ် ဝတ်ကျေတမ်းကျေလုပ်ကြပြီး ဘုရားသခင်ကို နှစ်ပေါင်းများစွာ ယုံကြည်ပြီးနောက် စိုးစဉ်းမျှ မပြောင်းလဲခဲ့ကြပေ။ ၎င်းတို့ လျှောက်လှမ်းသော လမ်းကြောင်းသည် ပျက်စီးခြင်းနှင့် ငရဲဆီသို့ ဦးတည်နေသော လမ်းကြောင်းတစ်ခု ဖြစ်သည်။ အခြားတစ်ဖက်တွင် အချို့လူများသည် သမ္မာတရားကို လက်ခံနိုင်ကြသည်၊ ၎င်းတို့၏ တာဝန်များကို ထမ်းဆောင်ရာတွင် ပြုပြင်ခြင်းကို လက်ခံနိုင်ကြသည်၊ စစ်မှန်သော ကျိုးနွံနာခံခြင်း အချို့ ရှိကြပြီး ၎င်းတို့၏ တာဝန်များကို စံနှုန်းပြည့်မီအောင် တဖြည်းဖြည်း လုပ်ဆောင်လာနိုင်ကြသည်။ ၎င်းတို့ လျှောက်လှမ်းသော လမ်းကြောင်းသည် အလင်းနှင့် ကောင်းကင်နိုင်ငံတော်ဆီသို့ ဦးတည်နေသော လမ်းကြောင်းတစ်ခု ဖြစ်သည်။ သမ္မာတရားကို စိုးစဉ်းမျှ လက်မခံသောသူများ၊ တစ်နည်းအားဖြင့် ပျက်စီးခြင်း လမ်းကြောင်းဆီသို့ တည့်မတ်စွာ ဦးတည်နေသောသူများသည် ၎င်းတို့၏ တာဝန်ကို ထမ်းဆောင်ရာတွင် မကောင်းမှုကို အဆက်မပြတ် ပြုကြပြီး သမ္မာတရားနှင့် ဆန့်ကျင်ကာ ဘုရားသခင် စက်ဆုပ်ရွံရှာသော လုပ်ရပ်များကို မကြာခဏ ကျူးလွန်ကြလျက် အသင်းတော်အသက်တာနှင့် အသင်းတော်အလုပ်ကို နှောင့်ယှက်ကြသည်။ ဤလူများသည် “ထူးခြားသော” သရုပ်သကန်အချို့ကို ပြသကြသည်။ ဆိုလိုသည်မှာ ၎င်းတို့သည် ဘုရားသခင်ကို စတင်ယုံကြည်သည့် အချိန်မှစ၍ ယခုအချိန်အထိ မည်သည့်အခါမျှ နောင်တမရခဲ့ကြပေ၊ ပြီးလျှင် ၎င်းတို့၏ တာဝန်ကို ထမ်းဆောင်ရာတွင် ၎င်းတို့သည် မကြာခဏ ဝတ်ကျေတမ်းကျေလုပ်ကြသည်၊ ကလိမ်ကကျစ်ကျပြီး ခိုကပ်ကြသည်၊ လွယ်ကူသောအလုပ်များကို ရွေးချယ်ပြီး ခက်ခဲသောအလုပ်များကို ရှောင်လွှဲကြကာ ဘုရားအိမ်တော်၏ အကျိုးစီးပွားများကို မကာကွယ်ကြပေ။ ၎င်းတို့သည် အထူးသဖြင့် တစ်ကိုယ်ကောင်းဆန်ပြီး စက်ဆုပ်ဖွယ်ကောင်းကြကာ မိမိတို့၏ ကိုယ်ပိုင် သာယာမွေ့လျော်မှုအတွက်ကိုသာ ဂရုစိုက်ကြသည်။ ဤသည်မှာလည်း ဤလူများ၏ လက္ခဏာတစ်ခု ဖြစ်သည်။ သာ၍ပင် ဆိုးယုတ်သော လူအချို့ ရှိသေးသည်၊ ၎င်းတို့၏ တာဝန်ကို လုပ်ဆောင်သည့် လုပ်ငန်းစဉ်တွင် ၎င်းတို့သည် မကောင်းမှုများ ပြုလုပ်လျက် သောင်းကျန်းကြပြီး ထင်ရာစိုင်း၍ မဆင်မခြင် ပြုမူကြကာ အလုပ် အစီအစဉ်များနှင့်အညီ မည်သည့်အခါမျှ လက်တွေ့မလုပ်ဆောင်ကြ သို့မဟုတ် အလုပ်ကို အကောင်အထည်မဖော်ကြပေ။ ၎င်းတို့၏ တာဝန်တွင် အဆင့်အတန်းအတွက် မကြာခဏ ယှဉ်ပြိုင်ကြပြီး မိမိတို့ကိုယ်ကို ချီးမြှောက်ကာ သက်သေခံကြလျက် မိမိတို့၏ ကိုယ်ပိုင် အမှီအခိုကင်းသော နိုင်ငံတော်ကို တည်ထောင်ရန် လူများကို ဆွဲဆောင်စည်းရုံးသော သူများလည်း ရှိကြသည်။ ၎င်းတို့၏ တာဝန်ကို လုပ်ဆောင်နေစဉ် ပူဇော်သက္ကာများကို ခိုးယူကြသူများ၊ ပူဇော်သက္ကာများကို ဖြုန်းတီးကြသူများနှင့် ဘုရားအိမ်တော်၏ အကျိုးစီးပွားများကို သစ္စာဖောက်ကြသူများလည်း ရှိကြသည်။ ဤသရုပ်သကန်များသည် အပြုသဘောဆောင်သလော သို့မဟုတ် အပျက်သဘောဆောင်သလော။ (အပျက်သဘောဆောင်ပါသည်။) ဤလူများသည် ဘုရားသခင်ကို စတင်ယုံကြည်သည့် အချိန်မှစ၍ ထိုသို့သော သရုပ်သကန်များကို ပြသခဲ့ကြသည်။ ဘုရားအိမ်တော်က ၎င်းတို့ကို အခွင့်အရေးများ ဆက်ပေးနေသည်။ အစွမ်းအစ အနည်းငယ်ရှိသူ အချို့ကို ကြီးကြပ်ရေးမှူး၏ တာဝန်ကို လုပ်ဆောင်ရန် စီစဉ်ပေးသော်လည်း စွမ်းဆောင်ရည် ညံ့ဖျင်းသည့် အချိန်ကာလတစ်ခုပြီးနောက် ၎င်းတို့ကို ကဏ္ဍတစ်ခုတည်းရှိသော တာဝန်ကို လုပ်ဆောင်ရန် စီစဉ်ပေးသည်။ သို့သော် ကဏ္ဍတစ်ခုတည်းရှိသော တာဝန်တွင်ပင် ၎င်းတို့သည် ဝတ်ကျေတမ်းကျေ လုပ်ကြဆဲဖြစ်သည်၊ မကောင်းမှုများ ပြုလုပ်လျက် သောင်းကျန်းကြသည်၊ ထင်ရာစိုင်းပြီး မဆင်မခြင်ပုံစံဖြင့် ပြုမူကြသည်၊ အဖျက်အမှောင့်လုပ်ခြင်းများနှင့် နှောင့်ယှက်ခြင်းများကို ဖြစ်စေကြပြီး အချို့က အဆင့်အတန်းနှင့် အာဏာအတွက်ပင် ယှဉ်ပြိုင်ကြကာ ဘုရားအိမ်တော်၏ အကျိုးစီးပွားများကို မကာကွယ်ကြပေ။ အခွင့်အရေးရသည့်အခါ ၎င်းတို့သည် ပူဇော်သက္ကာများကိုပင် ခိုးယူကြပြီး ပူဇော်သက္ကာများကို ဖြုန်းတီးကြသည်။ ၎င်းတို့သည် ဘုရားသခင်ကို နှစ်ပေါင်းမည်မျှ ယုံကြည်ခဲ့သည်ဖြစ်စေ ၎င်းတို့၌ရှိသော ဤသရုပ်သကန်များသည် စိုးစဉ်းမျှ လျော့ပါးသွားခြင်း မရှိသည့်အပြင် စိုးစဉ်းမျှ ပြောင်းလဲသွားခြင်းလည်း မရှိပေ။ နောက်ဆုံးတွင် ၎င်းတို့၌ အဘယ်အရာကို မြင်တွေ့ရသနည်း။ ယင်းမှာ ဤလူများသည် ၎င်းတို့၏ တာဝန်ကို ထမ်းဆောင်ရာတွင် တစ်စိုက်မတ်မတ် ဝတ်ကျေတမ်းကျေလုပ်ကြသည်၊ ကလိမ်ကကျစ်ကျပြီး ခိုကပ်ကြသည်၊ လွယ်ကူသောအလုပ်များကို ရွေးချယ်ပြီး ခက်ခဲသောအလုပ်များကို ရှောင်လွှဲကြကာ လူ့ဇာတိဆိုင်ရာ သက်တောင့်သက်သာရှိမှုတွင်ပင် မွေ့လျော်ခံစားပြီး တာဝန်မဲ့စွာ ပြုမူကြခြင်း ဖြစ်သည်။ ၎င်းတို့၏ သရုပ်သကန်များသည် တစ်ခါတစ်ရံ သို့မဟုတ် ယာယီမဟုတ်ဘဲ တစ်စိုက်မတ်မတ် ဖြစ်သည်။ ဤသည်မှာ ၎င်းတို့အတွက် ဒုက္ခရောက်စရာ ဖြစ်သည်။ ၎င်းတို့၏ တာဝန်ကို ထမ်းဆောင်ရာတွင် ၎င်းတို့သည် တစ်စိုက်မတ်မတ် ဝတ်ကျေတမ်းကျေလုပ်ကြသည်၊ မကောင်းမှုများ ပြုလုပ်လျက် သောင်းကျန်းကြပြီး အဖျက်အမှောင့်လုပ်ခြင်းများနှင့် နှောင့်ယှက်ခြင်းများကို ဖြစ်စေကြကာ မည်သူက ၎င်းတို့ကို စကားပြောသည်ဖြစ်စေ ၎င်းတို့ မပြောင်းလဲကြပေ။ တရားဒေသနာ မည်မျှကို ၎င်းတို့ ကြားရသည်ဖြစ်စေ ၎င်းတို့ မည်သည့်အခါမျှ နောင်တမရကြ သို့မဟုတ် နောင်တရသော စိတ်နှလုံး မရှိကြပေ။ အဆင့်အတန်းအတွက် တစ်စိုက်မတ်မတ် ယှဉ်ပြိုင်ကြသူများ၊ ဘုရားအိမ်တော်၏ အကျိုးစီးပွားများကို တစ်စိုက်မတ်မတ် သစ္စာဖောက်ကြသူများနှင့် ဘုရားအိမ်တော်၏ အကျိုးစီးပွားများကို မည်သည့်အခါမျှ မကာကွယ်ကြသူများလည်း ရှိကြသည်။ “တစ်စိုက်မတ်မတ်” ဟူသော စကားလုံးသည် နားလည်ရန် လွယ်ကူသလော။ ၎င်းတို့၏ တာဝန်ကို ထမ်းဆောင်ရာတွင် မည်သူက ဝတ်ကျေတမ်းကျေလုပ်သည်၊ ထင်ရာစိုင်းပြီး မဆင်မခြင် ဖြစ်သည်ဖြစ်စေ၊ ဆိုးရွားသော သရုပ်သကန်အချို့ ရှိသည်ဖြစ်စေ ဘုရားအိမ်တော်က ၎င်းတို့ကို နောင်တရရန် အခွင့်အရေးများစွာ အစဉ်သဖြင့် ပေးလေသည်။ ၎င်းတို့၏ ယာယီ သရုပ်သကန်များကြောင့် ၎င်းတို့ကို နှင်ထုတ်ပြီး ၎င်းတို့၏ တာဝန်ကို လုပ်ဆောင်ခွင့် မပြုတော့ခြင်း မည်သည့်အခါမျှ မဟုတ်ပေ။ ထိုအစား ၎င်းတို့ကို အကြိမ်ကြိမ် တိုက်တွန်းနှိုးဆော်သည်၊ သမ္မာတရားအကြောင်း မိတ်သဟာယဖွဲ့ပေးပြီး မေတ္တာဖြင့် ကူညီကာ ပံ့ပိုးပေးသည်။ ထို့အပြင် သန့်ရှင်းသောဝိညာဉ်တော်က ၎င်းတို့ကို အပိုဆောင်း အတိုင်းအတာတစ်ခုအထိ လှုံ့ဆော်သည်၊ ဉာဏ်ပွင့်စေပြီး ပြစ်တင်မောင်းမဲသည်။ လူတို့က အလုပ်ကို လုပ်ဆောင်ကြပြီး သန့်ရှင်းသောဝိညာဉ်တော်ကလည်း အလုပ်ကို လုပ်ဆောင်သည်၊ သို့တိုင် ဤကဲ့သို့သော လူများသည် စိတ်နှလုံးထဲတွင် ရိုးရိုးရှင်းရှင်းပင် စိတ်နှလုံးမာကျောကြပြီး သမ္မာတရားကို အလွန်အမင်း မနှစ်မြို့ကြပေ။ ၎င်းတို့သည် သမ္မာတရားကို မည်သည့်အခါမျှ လက်မခံကြပေ၊ ညီအစ်ကိုမောင်နှမများ၏ ကူညီမှု၊ ဝေဖန်မှု၊ နောက်ဆက်တွဲလိုက်လုပ်မှု သို့မဟုတ် ကြီးကြပ်မှုတို့ကို ၎င်းတို့ မည်သည့်အခါမျှ လက်မခံကြသည့်အပြင် သန့်ရှင်းသောဝိညာဉ်တော်၏ ဉာဏ်ပွင့်စေခြင်းနှင့် ရိုက်နှက်ဆုံးမခြင်းကို သာ၍ပင် လက်မခံကြပေ။ ၎င်းတို့သည် ဘုရားသခင်ကို သုံးနှစ် သို့မဟုတ် ငါးနှစ် ယုံကြည်ခဲ့သည်ဖြစ်စေ၊ ဆယ်နှစ် သို့မဟုတ် အနှစ်နှစ်ဆယ် ယုံကြည်ခဲ့သည်ဖြစ်စေ ၎င်းတို့သည် ဤအတိုင်းပင် ရှိနေကြသည်။ ယခုအခါ ၎င်းတို့သည် အသက်ပိုကြီးလာပြီး အနည်းငယ် ပို၍ ရင့်ကျက်ကာ အတွေ့အကြုံရှိပုံရသော်လည်း ၎င်းတို့သည် မိမိတို့၏ တာဝန်များကို တစ်ပုံစံတည်း လုပ်ဆောင်ကြဆဲဖြစ်သည်။ ၎င်းတို့သည် တစ်စိုက်မတ်မတ် ဝတ်ကျေတမ်းကျေလုပ်ကြပြီး မကောင်းသောအရာများကို ပြုလုပ်လျက် သောင်းကျန်းကြသည်။ ၎င်းတို့သည် ဤအနှစ်နှစ်ဆယ်အတွက် လုံးဝ မပြောင်းလဲဘဲ ဤကဲ့သို့ပင် ဖြစ်နေခဲ့ကြသည်။ ၎င်းတို့ စကားပြောသောအခါ ၎င်းတို့၏ ပါးစပ်များသည် မုသားများဖြင့် ပြည့်လျှံနေပြီး ၎င်းတို့သည် အမှန်တရားကို မည်သည့်အခါမျှ မပြောကြပေ။ ယခုအချိန်တွင်ပင် ၎င်းတို့သည် ဤကဲ့သို့ပင် ဖြစ်နေကြဆဲဖြစ်သည်။ ၎င်းတို့ စကားလုံး မည်မျှ ပြောဆိုသည်ဖြစ်စေ မည်သည့်အရာက မှန်ပြီး မည်သည့်အရာက မှားသည်ကို လူတစ်ဦး မသိနိုင်ပေ။ ၎င်းတို့အကြားတွင် ရိုးသားသော စကားတစ်ခွန်းမျှ မရှိပေ။ ဤအနှစ်နှစ်ဆယ်အတွင်း ၎င်းတို့၏ တာဝန်များကို လုပ်ဆောင်ရာတွင် ၎င်းတို့ အနည်းငယ် ဆင်းရဲဒုက္ခခံခဲ့ရပြီး ဧဝံဂေလိတရားဟောခြင်းအားဖြင့် လူအချို့ကို ရရှိခဲ့သော်လည်း ၎င်းတို့၏ အသက်စိတ်သဘောထားသည် စိုးစဉ်းမျှ မပြောင်းလဲခဲ့ပေ။ ၎င်းတို့သည် အထူးသဖြင့် ကလိမ်ကကျစ်ကျပြီး လှည့်ဖြားတတ်ကြဆဲ ဖြစ်သည်။ ၎င်းတို့သည် ရိုးသားသော စကားတစ်ခွန်းမျှ မပြောနိုင်သော မြွေအိုကြီးများသာ ဖြစ်ကြသည်။ ဤသည်က ၎င်းတို့သည် သမ္မာတရားကို ချစ်မြတ်နိုးသောသူများ မဟုတ်ကြောင်း သက်သေပြရန် လုံလောက်သည်။ ၎င်းတို့သည် ယင်းကို အနည်းငယ် နားလည်လျှင်ပင် ယင်းကို လက်တွေ့မလုပ်ဆောင်နိုင်ကြပေ။ ၎င်းတို့သည် မည်သည့် လူစားမျိုး ဖြစ်ကြသနည်း။ ၎င်းတို့သည် တစ်စိုက်မတ်မတ် ဝတ်ကျေတမ်းကျေလုပ်သောသူများ၊ မကောင်းသောအရာများကို ပြုလုပ်လျက် တစ်စိုက်မတ်မတ် သောင်းကျန်းပြီး ထင်ရာစိုင်းကာ မဆင်မခြင်ပုံစံဖြင့် ပြုမူသောသူများ၊ အဖျက်အမှောင့်လုပ်ခြင်းများနှင့် နှောင့်ယှက်ခြင်းများကို တစ်စိုက်မတ်မတ် ဖြစ်စေသောသူများ၊ အာဏာအတွက် ယှဉ်ပြိုင်သောသူများနှင့် တစ်စိုက်မတ်မတ် လှည့်ကွက်များသုံးကာ လိမ်ညာပြီး လှည့်ဖြားသောသူများ ဖြစ်ကြသည်။ ၎င်းတို့သည် ဉာဏ်များသော မြေခွေးအိုများ ဖြစ်ကြသည်။ ၎င်းတို့သည် မြွေဟောင်းများ၊ ကိုင်တွယ်ရခက်သော ငါးရှဉ့်အိုများ၊ နတ်ဆိုးအိုများ၊ စာတန်အိုများသာ ဖြစ်ကြသည်ဟု ဆိုနိုင်သည်။ ၎င်းတို့၏ လုပ်ရပ်များအားလုံး မတိုင်မီတွင် “တစ်စိုက်မတ်မတ်” ဟူသော အထူးပြုပုဒ်ကို ထည့်သွင်းရမည်။ “တစ်စိုက်မတ်မတ်” ဟု ထည့်သွင်းလိုက်သည်နှင့်တစ်ပြိုင်နက် ယင်းသည် ၎င်းတို့အပေါ် ပုဂ္ဂိုလ်ရေး ဘက်လိုက်မှု ကိစ္စတစ်ခု မဟုတ်တော့ဘဲ ၎င်းတို့၏ ကိုယ်ပိုင် လုပ်ရပ်များနှင့် အပြုအမူတို့ကြောင့် ဖြစ်ပေါ်လာသော အရာတစ်ခု ဖြစ်လိမ့်မည်။ လူတိုင်း၏ အမြင်တွင် ဤသူသည် ဤအရာများကို တစ်ကြိမ် သို့မဟုတ် နှစ်ကြိမ်မျှသာ လုပ်ဆောင်ခဲ့ခြင်း မဟုတ်ပေ။ ၎င်းတို့သည် အကျင့်ပါနေသော ပြစ်မှုကျူးလွန်သူတစ်ဦး ဖြစ်သည်။ နိုင်ငံအသီးသီးရှိ ရဲဌာနများသည် အကျင့်ပါနေသော ပြစ်မှုကျူးလွန်သူများကို မည်သို့ ဆက်ဆံကြသနည်း။ အကျင့်ပါနေသော ပြစ်မှုကျူးလွန်သူများ၏ ရာဇဝတ်မှု မှတ်တမ်းများကို မော်ကွန်းတင်ထားရမည်။ ရာဇဝတ်မှုတစ်ခု ဖြစ်ပွားသည့်အခါတိုင်း ဤအကျင့်ပါနေသော ပြစ်မှုကျူးလွန်သူများသည် အဓိက သံသယရှိသူများ ဖြစ်ကြပြီး ရဲများသည် အမှုကို စတင်စုံစမ်းစစ်ဆေးပြီး ၎င်းတို့၏ စုံစမ်းမေးမြန်းမှုကို စတင်သည့်အခါ ၎င်းတို့နှင့် သေချာပေါက် စတင်လိမ့်မည်။ သို့ဆိုလျှင် ဘုရားအိမ်တော်တွင် ၎င်းတို့၏ တာဝန်ကို တစ်စိုက်မတ်မတ် ဝတ်ကျေတမ်းကျေလုပ်သော သူများနှင့် ပတ်သက်၍ကော အသို့နည်း။ ဝတ်ကျေတမ်းကျေလုပ်ခြင်းနှင့် မကောင်းမှုများ ပြုလုပ်လျက် သောင်းကျန်းခြင်းနှင့်ဆိုင်သော ၎င်းတို့၏ သရုပ်သကန်များသည် တစ်ကြိမ် သို့မဟုတ် နှစ်ကြိမ်မျှသာ ဖြစ်ပျက်သောအရာများ မဟုတ်သည့်အပြင် အထူး အခြေအနေများတွင်သာ ဖြစ်ပျက်ခြင်းလည်း မဟုတ်ပေ။ ဤအခြေအနေများနှင့် သရုပ်သကန်များသည် ၎င်းတို့၏ တာဝန်ကို ၎င်းတို့ သဘောထားပြုမူသည့် တစ်စိုက်မတ်မတ် နည်းလမ်း ဖြစ်သည်။ ၎င်းတို့၏ တာဝန်ကို ၎င်းတို့ သဘောထားပြုမူသည့် ဤတစ်စိုက်မတ်မတ် နည်းလမ်းမှ အကဲဖြတ်ရလျှင် သမ္မာတရားအပေါ် ၎င်းတို့၏ သဘောထားမှာ အဘယ်အရာဖြစ်သည်ကို မြင်တွေ့နိုင်သည်။ သို့ဆိုလျှင် သမ္မာတရားအပေါ် ၎င်းတို့၏ သဘောထားမှာ အဘယ်အရာဖြစ်သနည်း။ (၎င်းတို့သည် ယင်းကို အလွန်အမင်း မနှစ်မြို့ကြကာ ယင်းအပေါ် အတိုက်အခံလုပ်သည်ဟု ခံစားကြရပါသည်။) ဤလူစားမျိုးသည် သမ္မာတရားကို အလွန်အမင်း မနှစ်မြို့ကြကာ ယင်းအပေါ် အတိုက်အခံလုပ်သည်ဟု ခံစားကြရသည်။ ၎င်းတို့သည် ယင်းကို မည်သည့်အခါမျှ လက်မခံကြပေ။ ၎င်းတို့၏ စိတ်နှလုံး နက်ရှိုင်းရာတွင် ၎င်းတို့သည် ယင်းကို အထင်သေးကြပြီး အပြုသဘောဆောင်သောအရာများကို စက်ဆုပ်ရွံရှာကြသည်။ မည်သူက ၎င်းတို့နှင့် သမ္မာတရားအကြောင်း မိတ်သဟာယဖွဲ့သည်ဖြစ်စေ ၎င်းတို့ နားမထောင်ကြပေ။ နောင်တရရန် အခွင့်အရေး မည်မျှ ၎င်းတို့ကို ပေးသည်ဖြစ်စေ ၎င်းတို့သည် ယင်းတို့ကို တန်ဖိုးမထား သို့မဟုတ် အလေးအနက် မထားကြပေ။ ၎င်းတို့သည် မိမိတို့ အလိုရှိသလို၊ မိမိတို့ကို စိတ်ကျေနပ်စေသည့် မည်သည့်နည်းလမ်းဖြင့်မဆို ပြုမူကြသည်။ သန့်ရှင်းသောဝိညာဉ်တော်က ၎င်းတို့ကို လှုံ့ဆော်သည့်အခါ ၎င်းတို့တွင် မည်သည့် ခံစားချက်မျှမရှိဘဲ ယင်းကို ဂရုမစိုက်ကြပေ။ ၎င်းတို့သည် လူတို့၏ တိုက်တွန်းနှိုးဆော်မှုများနှင့် ကူညီမှုကို အလွန်အမင်း မနှစ်မြို့ကာ လျစ်လျူရှုကြသည်၊ ပြီးလျှင် ထိုလူများက ၎င်းတို့ကို ပြုပြင်ပါက ၎င်းတို့သည် ဒေါသထွက်ကြသည်၊ အမျက်ထွက်ကြသည်၊ ၎င်းတို့ကို စိတ်ဆိုးကြပြီး ၎င်းတို့၏ စိတ်နှလုံးထဲတွင် ရွံရှာမှုကို ခံစားကြရသည်။ အသင်းတော်တွင် အဆင့်တိုင်း၌ လူတစ်ဦးစီ၏ သရုပ်သကန်များနှင့် ပတ်သက်သော အကဲဖြတ်ချက်တစ်ခု ရှိပြီး ဤအကဲဖြတ်ချက်သည် လူတစ်ဦး၏ အဆုံးသတ်အတွက် အလွန် အရေးကြီးသည်။ လူတစ်ဦး၏ စရိုက်လက္ခဏာကို သရုပ်ဖော်နေချိန်တွင် ၎င်းတို့၏ ဒုစရိုက်အမှု သရုပ်သကန်များ၌ “တစ်စိုက်မတ်မတ်” ဟူသော စကားလုံးကို ထည့်သွင်းပါက ဤသည်မှာ ၎င်းတို့အတွက် ဒုက္ခရောက်စရာ ဖြစ်သည်။ ထိုသို့သော လူများသည် အတိအကျအားဖြင့် မည်သည့် လမ်းကြောင်းမျိုးကို လျှောက်လှမ်းနေကြသည်ဟူသည်မှာ အလွန် ရှင်းလင်းလာသည်။ သို့ဆိုလျှင် ၎င်းတို့သည် အတိအကျအားဖြင့် မည်သည့် လမ်းကြောင်းကို လျှောက်လှမ်းနေကြသနည်း။ ယင်းသည် ပျက်စီးခြင်းဆီသို့ ဦးတည်သော လမ်းကြောင်းတစ်ခုလော၊ သို့မဟုတ် ကယ်တင်ခြင်းဆီသို့ ဦးတည်သော လမ်းကြောင်းတစ်ခုလော။ (ပျက်စီးခြင်းဆီသို့ ဦးတည်သော လမ်းကြောင်းတစ်ခု ဖြစ်ပါသည်။) ဤရလဒ်က အဘယ်ကြောင့် ဖြစ်ပေါ်လာသနည်း။ ဤသည်မှာ ဤလူများအပေါ် တရားစီရင်ခြင်းလော။ ဤသည်မှာ လက်တွေ့ အခြေအနေနှင့် မကိုက်ညီဘူးလော။ (မဟုတ်ပါ။) ၎င်းတို့ကို နောင်တရရန် အခွင့်အရေးများ ပေးသင့်သေးသလော။ (မပေးသင့်ပါ။) အချို့လူများက “ငါတို့သည် ၎င်းတို့ကို လုံးဝ အဆုံးအဖြတ်ပေး၍ မပစ်ပယ်သင့်ပါ၊ တစ်နေ့တွင် ၎င်းတို့ နောင်တရကောင်း ရလိမ့်မည်” ဟု ပြောကြသည်။ နိနေဝေမြို့သားများသည် ဒုစရိုက်အမှု မြောက်မြားစွာကို ကျူးလွန်ခဲ့ကြပြီး ၎င်းတို့၏ ဒုစရိုက်အမှုများသည် ဘုရားသခင်၏ နားတော်သို့ ပေါက်ကြားသွားခဲ့သည်။ ဘုရားသခင်က ၎င်းတို့ကို ဖျက်ဆီးတော့မည့်အခါ နိနေဝေမြို့သည် ရက်ပေါင်းလေးဆယ်အတွင်း ဖျက်ဆီးခံရမည်ဖြစ်ကြောင်း ၎င်းတို့ကို ပြောဆိုရန် သတင်းစကားတစ်ခု ပေးပို့ဖို့ ယောနကို ကြိုတင် စေလွှတ်ခဲ့သည်။ ဤအရာကို ကြားပြီးနောက် နိနေဝေမြို့သားများသည် မည်သို့ ပြုမူခဲ့ကြသနည်း။ ရက်ပေါင်းလေးဆယ်အတွင်း ၎င်းတို့သည် လျှော်တေအဝတ်ကို ဝတ်ဆင်ပြီး ပြာပေါ်မှာထိုင်ကာ ဘုရားသခင်ထံ နောင်တရခဲ့ကြသည်။ သို့သော် ယခုအခါ ၎င်းတို့၏ တာဝန်ကို လုပ်ဆောင်နေစဉ် တစ်စိုက်မတ်မတ် စွမ်းဆောင်ရည် ညံ့ဖျင်းသူများအတွက် ၎င်းတို့ကို နောင်တရရန် ရက်ပေါင်းလေးဆယ် အကြိမ်မည်မျှ ပေးပြီးဖြစ်သနည်း။ ၎င်းတို့ နောင်တရခဲ့ကြသလော။ ၎င်းတို့တွင် နောင်တရရန် လိုလားစိတ် ရှိသလော။ ၎င်းတို့သည် နောင်တရခြင်းဆီသို့ တိမ်းညွတ်မှု တစ်ခုတလေကို ပြသကြသလော။ (မပြသပါ။) လွန်ခဲ့သော ဆယ်နှစ် သို့မဟုတ် အနှစ်နှစ်ဆယ်အတွင်း ၎င်းတို့၏ သရုပ်သကန်များသည် မကောင်းမှု ပြုခြင်းများ တစ်စိုက်မတ်မတ် ဖြစ်နေခဲ့သည်၊ သို့ဆိုလျှင် လာမည့် ဆယ်နှစ် သို့မဟုတ် အနှစ်နှစ်ဆယ်အတွင်း ၎င်းတို့ ပြောင်းလဲနိုင်သလော။ ၎င်းတို့သည် မကောင်းမှု ပြုခြင်းကို ရပ်တန့်နိုင်သလော။ ယင်းမှာ မသိနိုင်သောအရာ ဖြစ်ကောင်းဖြစ်နိုင်သော်လည်း လွန်ခဲ့သော ဆယ်နှစ် သို့မဟုတ် အနှစ်နှစ်ဆယ်အတွင်း ဤလူများ၏ အမျိုးမျိုးသော သရုပ်သကန်များသည် ၎င်းတို့၏ အပြုအမူများနှင့် သရုပ်သကန်များအားလုံးက သမ္မာတရားနှင့် ဆန့်ကျင်ကြောင်း၊ ဘုရားသခင်ကို အတိုက်အခံလုပ်ပြီး ဘုရားသခင်ကို ဆန့်ကျင်ကြောင်း ပြသရန် လုံလောက်သည်။ ဤသည်က ၎င်းတို့၏ စိတ်နှလုံးများသည် သမ္မာတရားကို အလွန်အမင်း မနှစ်မြို့ကြောင်း၊ ၎င်းတို့၏ သဘာဝ အနှစ်သာရသည် ဆိုးညစ်ပြီး သမ္မာတရားကို ချစ်မြတ်နိုးသည့် အရာမရှိကြောင်းနှင့် ၎င်းတို့သည် သမ္မာတရားကို ချစ်မြတ်နိုးပြီး လက်တွေ့လုပ်ဆောင်သည့် လူ့သဘာဝကို မပိုင်ဆိုင်ကြောင်း သက်သေပြလေသည်။ လွန်ခဲ့သော ဆယ်နှစ် သို့မဟုတ် အနှစ်နှစ်ဆယ်အတွင်း ၎င်းတို့၏ သရုပ်သကန်များမှ အကဲဖြတ်ရလျှင် ဤသည်မှာ ကောက်ချက် ဖြစ်သည်။ ယခုအချိန်အထိ ကောက်ချက်က ဤသို့ဖြစ်သောကြောင့် ၎င်းတို့၏ လူ့သဘာဝနှင့် ၎င်းတို့၏ အနှစ်သာရမှ အကဲဖြတ်ရလျှင် လာမည့် ဆယ်နှစ်၊ အနှစ်နှစ်ဆယ် သို့မဟုတ် အနှစ်သုံးဆယ်အတွင်း ၎င်းတို့အထဲမှ မည်သူမဆိုသည် စစ်မှန်စွာ နောင်တရပြီး ပြောင်းလဲနိုင်လိမ့်မည်လော။ လူသုံးဆယ်တွင် တစ်ဦး ရှိနိုင်သလော။ လူငါးဆယ်တွင် တစ်ဦး ရှိနိုင်သလော။ လူတစ်ရာတွင် တစ်ဦး ရှိနိုင်သလော။ ဆိုလိုသည်မှာ လာမည့် ဆယ်နှစ် သို့မဟုတ် အနှစ်နှစ်ဆယ်အတွင်း ၎င်းတို့သည် အသိစိတ်၏ သတိပြုမိခြင်းကို ရုတ်တရက် ရရှိနိုင်သလော၊ သမ္မာတရားနှင့် အပြုသဘောဆောင်သောအရာများကို စိတ်ဝင်စားလာနိုင်သလော၊ သမ္မာတရားနှင့် အပြုသဘောဆောင်သောအရာများကို လက်ခံနိုင်သလော၊ မိမိတို့ကိုယ်ကို သိရှိလာပြီး ရိုးသားစစ်မှန်သော နောင်တရခြင်း ရှိနိုင်သလော၊ ပြီးလျှင် အတိတ်က ၎င်းတို့ ပြုခဲ့သော မကောင်းမှုအတွက် နောင်တရပြီး အကြွေးတင်နေသည်ဟု ခံစားရနိုင်သလော။ သင်တို့၏ လေ့လာစောင့်ကြည့်မှုများအပေါ် အခြေခံ၍ အချိုးအစားမှာ အဘယ်နည်း။ လူတစ်ထောင်တွင် တစ်ဦး ရှိနိုင်သလော။ (လူတစ်ထောင်တွင်ပင် တစ်ဦးမျှ မရှိဟု ကျွန်ုပ် ထင်ပါသည်။) ဤအရာကို သင် မည်သည့်အရာအပေါ် အခြေခံသနည်း။ (ဘုရားသခင်ကို ဆယ်နှစ် သို့မဟုတ် အနှစ်နှစ်ဆယ် ယုံကြည်နေစဉ်အတွင်း ထိုသို့သော လူများ၏ သမ္မာတရားအပေါ် သဘောထားသည် တစ်စိုက်မတ်မတ် ရွံရှာခြင်းနှင့် အတိုက်အခံလုပ်သည်ဟု ခံစားရခြင်း ဖြစ်ခဲ့ပြီး ၎င်းတို့သည် သမ္မာတရားကို စိုးစဉ်းမျှ လက်မခံကြသည့်အပြင် နောင်တရခြင်း၏ သရုပ်သကန်ကို စိုးစဉ်းမျှ မပြသခဲ့ကြဟူသော အချက်အပေါ် အခြေခံပါသည်။ ထိုအရာက ၎င်းတို့သည် အနာဂတ်တွင်လည်း စစ်မှန်စွာ နောင်တရမည် မဟုတ်ကြောင်း သက်သေပြပါသည်။) ဤပြောဆိုချက်သည် မှန်ကန်တိကျသလော။ (မှန်ကန်တိကျပါသည်။) အချို့လူများက “ကျွန်ုပ်တို့သည် အခြားသူများအပေါ် သည်းခံပြီး ခွင့်လွှတ်သင့်သည်။ လွန်ခဲ့သော ဆယ်နှစ် သို့မဟုတ် အနှစ်နှစ်ဆယ်အတွင်း ၎င်းတို့ နောင်တမရခဲ့ပါက ယင်းမှာ ၎င်းတို့ ငယ်ရွယ်ပြီး မရင့်ကျက်သေးသောကြောင့်ဖြစ်စေ၊ ၎င်းတို့တွင် ကောင်းမွန်သော မိသားစု အခြေအနေများ ရှိပြီး အလိုလိုက်ခံရကာ အကျင့်ပျက်နေသောကြောင့်ဖြစ်စေ၊ ၎င်းတို့တွင် မြင့်မားသော လူမှုရေး အဆင့်အတန်းနှင့် အချို့သော အားသာချက်များ ရှိသောကြောင့်ဖြစ်စေ ဖြစ်သည်။ ၎င်းတို့ကို ဤကဲ့သို့ ဖြစ်စေခဲ့သည်မှာ ဤအထူး အခြေအနေများနှင့် ပတ်ဝန်းကျင်များ မဟုတ်လော။ လာမည့် ဆယ်နှစ် သို့မဟုတ် အနှစ်နှစ်ဆယ်အတွင်း ၎င်းတို့သည် ထိုမိသားစု ပတ်ဝန်းကျင်များနှင့် ဆိုးရွားသော အကြောင်းရင်းများ၏ လွှမ်းမိုးမှုများမှ ရုန်းထွက်လွတ်မြောက်ပြီး ၎င်းတို့ ပြောင်းလဲကောင်း ပြောင်းလဲနိုင်သည်” ဟု ပြောကြသည်။ ယင်းမှာ ပြောရန် ခက်ခဲသည်။ သို့သော် ဤလူများ၏ အတိတ်မှ သရုပ်သကန်များအပေါ် အခြေခံ၍ ၎င်းတို့၏ သရုပ်သကန်များ မတိုင်မီတွင် “တစ်စိုက်မတ်မတ်” ဟူသော အထူးပြုပုဒ် ထည့်သွင်းခံရသူ အားလုံးသည် ကြီးမားသော အန္တရာယ်တွင် ရှိနေကြသည်။ ဤလူ တစ်ရာ သို့မဟုတ် တစ်ထောင်တွင်ပင် စစ်မှန်စွာ နောင်တရနိုင်သူ တစ်ဦးတစ်ယောက်မျှ ရှိရန် မဖြစ်နိုင်ပေ။ ၎င်းတို့၏ ဒုစရိုက်အမှု တစ်ခုတလေ မတိုင်မီတွင် “တစ်စိုက်မတ်မတ်” ဟူသော အထူးပြုပုဒ်ကို မထည့်သွင်းရသေးပါက ထိုသို့သော လူများအတွက် မျှော်လင့်ချက် အနည်းငယ် ရှိနေသေးကောင်း ရှိနေနိုင်သေးသည်။ ယင်းသည် လာမည့် သုံးနှစ်မှ ငါးနှစ်အတွင်း ၎င်းတို့၏ သရုပ်သကန်များက အဘယ်အရာ ဖြစ်မည်ဆိုသည့်အပေါ် မူတည်လိမ့်မည်။ ယင်းမှာ ၎င်းတို့ ငယ်ရွယ်ပြီး မရင့်ကျက်သေးသောကြောင့်ဖြစ်စေ၊ သို့မဟုတ် ဘုရားသခင်ကို ၎င်းတို့၏ ယုံကြည်ခြင်းတွင် အခြေခံအုတ်မြစ် မရှိသောကြောင့်ဖြစ်စေ၊ ၎င်းတို့တွင် အစွမ်းအစ ညံ့ဖျင်းသောကြောင့်ဖြစ်စေ၊ အချို့သော ဓမ္မဓိဋ္ဌာန်ကျသည့် ပတ်ဝန်းကျင်ဆိုင်ရာ အကြောင်းရင်းများက သမ္မာတရားကို ၎င်းတို့ လက်ခံခြင်းနှင့် နားလည်ခြင်းအပေါ် သက်ရောက်မှု ရှိခဲ့သောကြောင့်ဖြစ်စေ ဖြစ်ပါက၊ ယင်းသည် ဤဓမ္မဓိဋ္ဌာန်ကျသော အကြောင်းရင်းများကြောင့် ဖြစ်ပြီး ဒုစရိုက်အမှုများနှင့်ဆိုင်သော ၎င်းတို့၏ သရုပ်သကန်များသည် ယာယီမျှသာ ဖြစ်ပါက နောက်ထပ် လေ့လာစောင့်ကြည့်ရန် လိုအပ်သည်။ သို့သော် ယခုအချိန်အထိ ဒုစရိုက်အမှုများကို အဆက်မပြတ် ကျူးလွန်သူများ၊ ၎င်းတို့၏ သရုပ်သကန်များ မတိုင်မီတွင် “တစ်စိုက်မတ်မတ်” ဟူသော စကားလုံးကို ထည့်သွင်းခံရသူများသည် ၎င်းတို့၏ ခရီးဆုံးပန်းတိုင်အတွက် လုံလောက်သော ကောင်းမှုများကို မပြင်ဆင်ခဲ့ကြပေ။ ထိုအစား ဘုရားသခင်ကို ယုံကြည်သည့် ၎င်းတို့၏ လုပ်ငန်းစဉ်တွင် ၎င်းတို့သည် ဒုစရိုက်အမှု မြောက်မြားစွာကို စုဆောင်းခဲ့ကြသည်။ ၎င်းတို့သည် ဆိုးယုတ်သော လူများဖြစ်ကြောင်း ဝန်ခံရန် ငြင်းပယ်ကြပြီး ၎င်းတို့ ခံစားခဲ့ရသော ဆင်းရဲဒုက္ခများ၊ ၎င်းတို့ ပေးဆပ်ခဲ့သော အဖိုးအခနှင့် ဘုရားသခင်ကို ကာလကြာရှည် ယုံကြည်သူများအဖြစ် ၎င်းတို့၏ ဝါရင့်မှုတို့ကို အသုံးပြုကာ မိမိတို့ မှန်ကန်ကြောင်း ရှင်းချက်ထုတ်ရန်လည်း ကြိုးစားကြခြင်းမျှသာ ဖြစ်သည်။ ဤလူများ လျှောက်လှမ်းသော လမ်းကြောင်းသည် ၎င်းတို့ရှေ့တွင် ချထားရုံသာမက လူတိုင်းရှေ့တွင်လည်း ထုတ်ဖော်ပြသထားသည်။ ၎င်းတို့၏ သရုပ်သကန်များနှင့် ထုတ်ဖော်မှုများ၊ ၎င်းတို့၏ လုပ်ရပ်များနှင့် အပြုအမူ၊ ၎င်းတို့၏ တာဝန်ကို လုပ်ဆောင်ခြင်းအပေါ် ၎င်းတို့၏ သဘောထား၊ သမ္မာတရားအပေါ် ၎င်းတို့၏ သဘောထားနှင့် အပြုသဘောဆောင်သောအရာ အားလုံးအပေါ် ၎င်းတို့၏ သဘောထားတို့သည် ၎င်းတို့၏ အနှစ်သာရကို ပြသရန် လုံလောက်နေပြီ ဖြစ်သည်။ အမှန်ပင်၊ ၎င်းတို့၏ တာဝန်အပေါ် ၎င်းတို့၏ သဘောထားနှင့် သမ္မာတရားအပေါ် ၎င်းတို့၏ သဘောထားတို့သည်လည်း ၎င်းတို့ လျှောက်လှမ်းနေသော လမ်းကြောင်းကို ထုတ်ဖော်ပြီး ဖြစ်သည်။

လူတို့ လျှောက်လှမ်းသော လမ်းကြောင်းက ၎င်းတို့ နောက်ဆုံးတွင် ရိတ်သိမ်းရမည့်အရာကို အဆုံးအဖြတ်ပေးသည်။ လူတို့သည် ပျက်စီးခြင်း လမ်းကြောင်းကို လျှောက်လှမ်းပါက ၎င်းတို့ နောက်ဆုံးတွင် ရိတ်သိမ်းရမည့်အရာမှာ ငရဲတံခါးများကို ဖွင့်ပြီး ငရဲသို့ ဆင်းသက်ရခြင်း ဖြစ်သည်။ ဤသည်မှာ အခြားသူများနှင့် မည်သို့မျှ မသက်ဆိုင်ပေ။ ယင်းကို အခြားလူများက ဖြစ်စေခဲ့ခြင်း မဟုတ်ဘဲ သင် လျှောက်လှမ်းသော လမ်းကြောင်းက နောက်ဆုံးတွင် ဖြစ်ပေါ်စေသော ရလဒ်သာ ဖြစ်သည်။ သင်သည် ဘုရားသခင်ကို နှစ်ပေါင်းများစွာ ယုံကြည်ခဲ့ပြီး ပြစ်မှားခြင်းများစွာကို ကျူးလွန်ခဲ့သည်၊ လမ်းမှားအချို့ကို လျှောက်ခဲ့ပြီး မှန်ကန်သော လမ်းကြောင်းမှ သွေဖည်သည့် အရာအချို့ကို လုပ်ဆောင်ခဲ့သည်မှာ ဖြစ်ကောင်းဖြစ်နိုင်သည်။ ဘုရားသခင်ကို ပုန်ကန်ခြင်းနှင့် ဘုရားသခင်ကို အတိုက်အခံလုပ်ခြင်း လုပ်ရပ်အချို့ကို ကျူးလွန်ခဲ့သူ အချို့ပင် ရှိကြသည်။ ဤသရုပ်သကန်များသည် မကောင်းသည့်အပြင် ဘုရားသခင်၏ အမြင်တွင် ယင်းတို့သည် ပြစ်တင်ရှုတ်ချခံရသော်လည်း သင်သည် ဖောက်ပြန်ပျက်စီးသော စိတ်သဘောထားကို ထုတ်ဖော်ပြီး ဘုရားသခင်ကို ပုန်ကန်ကာ အတိုက်အခံလုပ်သည့် တစ်ချိန်တည်းမှာပင် မိမိကိုယ်ကို ဆင်ခြင်သုံးသပ်နိုင်ပြီး စစ်မှန်စွာ လှည့်ပြန်နိုင်ပါက၊ ပြီးလျှင် ကောင်းမှုများစွာကို တက်ကြွစွာ ပြင်ဆင်ရန် သင်၏ ရိုးသားမှု၊ အဖိုးအခ ပေးဆပ်မှု၊ သမ္မာတရားကို သင်၏ လက်တွေ့လုပ်ဆောင်မှုနှင့် သမ္မာတရားအပေါ် သင်၏ အပြုသဘောဆောင်ပြီး တက်ကြွသော သဘောထားတို့ကို အသုံးပြုနိုင်ပါက သင့်အပေါ် ဘုရားသခင်၏ သဘောထားသည် ပြောင်းလဲသွားလိမ့်မည်။ ဥပမာအားဖြင့် အန္တိခရစ်များနှင့် ဆိုးယုတ်သော လူများက အသင်းတော်၏ အလုပ်ကို အဖျက်အမှောင့်လုပ်ပြီး နှောင့်ယှက်ကာ ညီအစ်ကိုမောင်နှမများကို အထင်အမြင်မှားစေသည့်အခါ သင်သည် အန္တိခရစ်များနှင့် ဆိုးယုတ်သော လူများ၏ ဒုစရိုက်အမှုများကို ချက်ချင်း ဖော်ထုတ်နိုင်ပြီး ၎င်းတို့၏ အဖျက်အမှောင့်လုပ်ခြင်းများနှင့် နှောင့်ယှက်ခြင်းများကို ရပ်တန့်စေကာ ညီအစ်ကိုမောင်နှမများကို ကာကွယ်ပေးပြီး ဘုရားအိမ်တော်၏ အကျိုးစီးပွားများကို ကာကွယ်ပေးနိုင်သည်ဟု ဆိုကြပါစို့။ ထို့အပြင် သင်၏ တာဝန်ကို လုပ်ဆောင်သည့် လုပ်ငန်းစဉ်တွင် မမျှော်လင့်ထားသော အခက်အခဲများနှင့် အတားအဆီးများစွာ ရှိခဲ့ပြီး သင်သည် သင်၏ အချိန်၊ စွမ်းအားနှင့် ရုပ်ပိုင်းဆိုင်ရာ ခွန်အားတို့ကို အသုံးပြုခဲ့သည်။ လူ့ဇာတိဆိုင်ရာ သာယာမွေ့လျော်မှု၏ ပျော်ရွှင်ဖွယ် အချိန်များကို စွန့်လွှတ်ကာ ဤအခက်အခဲများနှင့် ပြဿနာများကို ဖြေရှင်းရန် သင်၏ အစွမ်းကုန် ကြိုးပမ်းအားထုတ်ခဲ့သည်။ သင်၏ တိုက်တွန်းမှု၊ ကြီးကြပ်မှုနှင့် နောက်ဆက်တွဲလုပ်မှုမှတစ်ဆင့်၊ သင်၏ ဆင်းရဲဒုက္ခခံခြင်းနှင့် အဖိုးအခ ပေးဆပ်ခြင်းမှတစ်ဆင့် အသင်းတော်၏ ဧဝံဂေလိအလုပ်သည် ပုံမှန်နှင့် ချောမွေ့စွာ တိုးတက်ပြီး ရှေ့ဆက်နိုင်ခဲ့သည်။ ထို့အပြင် ဧဝံဂေလိတရား ဟောခြင်း လုပ်ငန်းစဉ်တွင် သင်သည် အစွမ်းအစကောင်းပြီး သမ္မာတရားကို သဘောပေါက်နားလည်နိုင်စွမ်းရှိသူ အချို့ကို ခေါ်ဆောင်လာခဲ့ပြီး ၎င်းတို့နှင့်အတူ အမျိုးမျိုးသော သမ္မာတရားများအကြောင်းကို ရှင်းလင်းစွာ မိတ်သဟာယဖွဲ့ပေးခဲ့ကာ ၎င်းတို့ကို မှန်သော လမ်းခရီးတွင် အခြေခံအုတ်မြစ်ချနိုင်စေရန်၊ အသင်းတော်တွင် ၎င်းတို့၏ တာဝန်ကို လုပ်ဆောင်နိုင်စေရန်နှင့် အချို့သော အလုပ်များတွင် စွမ်းဆောင်ရည်ရှိသော လက်ထောက်များ ဖြစ်လာစေရန် လုပ်ဆောင်ပေးခဲ့သည်။ သို့မဟုတ် သင်သည် ဘုရားအိမ်တော်ရှိ အချို့သော အထူးပြု အလုပ်များတွင် အရေးပါသော အခန်းကဏ္ဍမှ ပါဝင်ခဲ့ပြီး အလုပ်၏ တိုးတက်မှုကို မြှင့်တင်ရန်နှင့် ယင်း၏ ရလဒ်များကို တိုးတက်စေရန် ထိရောက်သော အလုပ်နည်းလမ်းများ သို့မဟုတ် အလုပ်အဆင့်များကို အသုံးပြုခဲ့သည်။ သို့မဟုတ် အသင်းတော်အသက်တာတွင် သင်သည် အပျက်သဘောဆောင်ပြီး အားနည်းသော၊ သို့မဟုတ် လမ်းပျောက်နေပြီး လမ်းကြောင်းတစ်ခု ကင်းမဲ့နေသော ညီအစ်ကိုမောင်နှမအချို့ကို ကူညီပေးခဲ့သည်။ ၎င်းတို့ကို ရှေ့ဆက်ရမည့် လမ်းကြောင်းတစ်ခု ရှာတွေ့ရန်၊ ဘုရားသခင်၏ ရည်ရွယ်ချက်များကို နားလည်ပြီး သူ့ကို အထင်အမြင်မလွဲရန်နှင့် သမ္မာတရားကို လိုက်စားရန် သန္နိဋ္ဌာန်ရှိစေဖို့ ကူညီပေးခဲ့သည်။ သာ၍ပင် ကောင်းသည်မှာ သင်သည် ဤလူများကို တာဝန်တစ်ခု လုပ်ဆောင်ရန်နှင့် ဘုရားသခင်အတွက် မိမိတို့ကိုယ်ကို အသုံးခံရန် လိုလားလာစေရန် တိုက်တွန်းအားပေးနိုင်ခဲ့သည်။ သို့မဟုတ် အချို့သော သတ်သတ်မှတ်မှတ် အလုပ်များတွင် သင်သည် မရှိမဖြစ်လိုအပ်သော အခန်းကဏ္ဍတစ်ခုကို တာဝန်ယူခဲ့သည်။ သင်လုပ်ဆောင်သော အလုပ်သည် ခက်ခဲပင်ပန်းပြီး ပင်ပန်းနွမ်းနယ်စေကာ မည်သည့် ထင်ပေါ်မှုမျှ မရှသည့်တိုင် သင်သည် မထင်ရှားသော၊ နောက်ကွယ်မှ အလုပ်သမားတစ်ဦး ဖြစ်လိုပြီး မည်သည့် ဆုလာဘ်ကိုမျှ မတောင်းဆိုဘဲ သင်၏ ရိုးသားမှုနှင့် သစ္စာစောင့်သိခြင်းကို ပူဇော်ဆက်ကပ်ရန်သာ ရှာဖွေလျက် အားထုတ်ခဲ့ခြင်းမျိုး ဖြစ်ကောင်းဖြစ်နိုင်သည်။ ဤကဲ့သို့သော အပြုသဘောဆောင်သည့် သရုပ်သကန်များအားလုံးသည် ဘုရားသခင်၏ အမြင်တွင် အမှတ်ရထိုက်သော ကောင်းမှုများ ဖြစ်ကြသည်။ အခြားတစ်ဖက်တွင် သင်သည် ဤအရာများနှင့် ကြုံတွေ့ရသည့်အခါ သင်၏ တာဝန်ကို လုပ်ဆောင်ရန်နှင့် သင်၏ တာဝန်ဝတ္တရားများကို ကောင်းမွန်စွာ ဖြည့်ဆည်းရန် ပျက်ကွက်ရုံသာမက လက်ရှောင်ပြီး ဘေးမှနေ၍ အခြေအနေကို ကြည့်ကာ ရယ်မောသည်။ ယင်းတို့ကို လုံးဝ လျစ်လျူရှုကာ မျက်ကွယ်ပြုပြီး နားပိတ်ထားခြင်းမျိုး ဖြစ်ကောင်းဖြစ်နိုင်သည်။ သင် လုပ်နိုင်သည့်အရာကို မလုပ်ဆောင်သည့်အပြင် သင် ပင်ပန်းသွားမည်ကို စိုးရိမ်သဖြင့် အကြံပြုချက်တစ်ခု ပေးရန်ပင် အနှောင့်အယှက်မခံနိုင်ပေ။ သင်သည် အားလပ်လေ ပိုကောင်းလေဟု တွေးလျက် ဖြစ်နိုင်သည့်အခါတိုင်း အမှုအရာများကို ခေါင်းရှောင်သည်။ စေ့စပ်သေချာပြီး တာဝန်ယူမှုရှိခြင်းသည် မတန်ဟု သင် အစဉ်သဖြင့် ခံစားရပြီး အလုပ်ကိစ္စများနှင့် ပတ်သက်၍ အနှောင့်အယှက်ခံရခြင်းသည် ဒုက္ခများလွန်းသည်ဟု ခံစားရသည်။ ဤသရုပ်သကန်များသည် အသင်းတော်၏ အလုပ်ကို အဖျက်အမှောင့်လုပ်ခြင်းနှင့် နှောင့်ယှက်ခြင်းဟူသော ဒုစရိုက်အမှုများနှင့် ကွဲပြားသော်လည်း၊ ပြီးလျှင် ဘုရားသခင်က သင့်ကို အကဲဖြတ်ချက် အဆိုးတစ်ခု ပေးမည် မဟုတ်သော်လည်း သူသည် သင့်ကို အကဲဖြတ်ချက် အကောင်းတစ်ခုလည်း ပေးမည်မဟုတ်ပေ။ သင့်ကို အကဲဖြတ်ချက် အကောင်းတစ်ခု မပေးခြင်းဖြင့် ငါ အဘယ်အရာကို ဆိုလိုသနည်း။ ယင်းမှာ ဤအရာများတွင် သင်သည် ကောင်းမှုများကို မပြင်ဆင်ခဲ့သည့်အပြင် ဘုရားသခင်၏ အမှတ်ရခြင်းကို ရရှိစေမည့် အရာများကိုလည်း မလုပ်ဆောင်ခဲ့ဟု ဆိုလိုသည်။ သင်သည် ဤအရာများနှင့် ကြုံတွေ့ရသည့်အခါ ကောင်းမှုများကို ပြင်ဆင်ရန် အခွင့်အရေးကို လက်လွတ်ခဲ့သည်။ သင်သည် အလွန် မိုက်မဲသည်။ သင်သည် ယုံကြည်စိတ်ချရခြင်း မရှိပေ၊ ရာထူးတိုးခံရရန် မထိုက်တန်ပေ၊ ချီးမြှောက်ခံရရန် မထိုက်တန်ပေ၊ ပြီးလျှင် ဘုရားသခင်၏ ကိစ္စရပ်များကို အပ်နှံခံရရန် မထိုက်တန်ပေ။ သင်သည် နောဧ၊ အာဗြဟံတို့နှင့် ကွာခြားလွန်းလှသည်။ ငါ့ကို ပြောလော့၊ ဘုရားသခင်က မည်သည့်အရာကိုမျှ မအပ်နှံရဲသော လူတစ်ဦးသည် နောက်ဆုံးတွင် ငရဲသို့ သေချာပေါက် သွားမည်မဟုတ်သော်လည်း သူသည် ကောင်းကင်နိုင်ငံတော်သို့ ဝင်ရောက်နိုင်သလော။ ယင်းမှာ မသေချာဟုသာ ဆိုနိုင်ပြီး မေးခွန်းသင်္ကေတ အများအပြားက ယင်းနောက်တွင် လိုက်ပါလာသည်။ ယင်းသည် မသေချာမှုများစွာဖြင့် ပြည့်နှက်နေသည်။ ဤမသေချာမှုသည် ၎င်းတို့၏ တစ်စိုက်မတ်မတ် သရုပ်သကန်များအပေါ် အခြေခံသည်။ လူတိုင်းကို ၎င်းတို့ အဘယ်ကြောင့် ဘုရားသခင်ကို ယုံကြည်သနည်း၊ ၎င်းတို့သည် ကောင်းကင်နိုင်ငံတော်သို့ ဝင်ရောက်လိုသလော သို့မဟုတ် ငရဲသို့ သွားလိုသလောဟု သင် မေးပါက အချို့လူများက ဤမေးခွန်းသည် အလွန် မိုက်မဲသည်ဟု ပြောလျက် သင့်ကို လှောင်ပြောင်ကြလိမ့်မည်။ “မည်သူက ငရဲသို့ သွားပြီး ဖျက်ဆီးခံလိုမည်နည်း။ မည်သူက ကောင်းကင်နိုင်ငံတော်သို့ ဝင်ရောက်ပြီး ကယ်တင်ခြင်းကို မရရှိလိုဘဲ နေမည်နည်း” ဟူ၍ ဖြစ်လေသည်။ သို့သော် ဤမေးခွန်းကို မေးရန် အမှန်တကယ် လိုအပ်သည်။ ယင်းမှာ မိုက်မဲခြင်း မဟုတ်ပေ။ အချို့လူများသည် ဤနည်းလမ်းအတိုင်း မိမိတို့ကိုယ်ကို မည်သည့်အခါမျှ ဆင်ခြင်သုံးသပ်ခြင်း မရှိခဲ့ကြပေ။ ၎င်းတို့သည် အခြေအနေများနှင့် ကြုံတွေ့ရသည့်အခါ ပြဿနာကို အစဉ်သဖြင့် ကြောက်ရွံ့ပြီး အငြင်းပွားမှုများကို ဖိတ်ခေါ်မည်ကို ကြောက်ရွံ့ကြသည်။ အထူးသဖြင့် ဆိုးယုတ်သော လူများက အသင်းတော် အလုပ်ကို အဖျက်အမှောင့်လုပ်ပြီး နှောင့်ယှက်သည်ကို မြင်ရသည့်အခါ၊ ဘုရားသခင် ရွေးချယ်ထားသော လူများ အထင်အမြင်မှားစေခြင်းနှင့် အခွင့်ကောင်း အယူခံရခြင်းတို့ကြောင့် အသင်းတော် အလုပ် ရှေ့ဆက်မသွားနိုင်သည်ကို မြင်ရသည့်အခါ ၎င်းတို့သည် ဘုရားသခင်က လူတို့ကို စိစစ်နေကြောင်းကို သတိမပြုမိကြသည့်အပြင် ဤသည်မှာ ကောင်းမှုများကို ပြင်ဆင်ရန် အခွင့်အရေးတစ်ခု အတိအကျ ဖြစ်ကြောင်းကိုလည်း သတိမပြုမိကြပေ။ ထိုအစား ၎င်းတို့သည် လူ့အကြိုက်လိုက်သူတစ်ဦး ဖြစ်ရန် ရွေးချယ်ပြီး သမ္မာတရား စည်းမျဉ်းများကို စွန့်လွှတ်ကြကာ မိမိတို့ကိုယ်ကို စိုးစဉ်းမျှ ဆင်ခြင်သုံးသပ်ခြင်း မရှိကြပေ။ သင်၏ တာဝန်ဝတ္တရားမှာ အဘယ်အရာ ဖြစ်သနည်း။ သင်၏ တာဝန်မှာ အဘယ်အရာဖြစ်သနည်း။ သင့်အတွက် ဘုရားသခင်၏ တာဝန်ပေးစေခိုင်းချက်မှာ အဘယ်အရာဖြစ်သနည်း။ ဘုရားသခင်သည် နှုတ်ကပတ်တော်များစွာကို ပြောဆိုခဲ့ပြီး အလုပ်များစွာကို လုပ်ဆောင်ခဲ့သည်။ သင့်အတွက် ဘုရားသခင်၏ မျှော်လင့်ချက်မှာ အဘယ်အရာဖြစ်သနည်း။ သင်သည် ဘုရားသခင်ကို ကျေနပ်ဖွယ်ကောင်းသော အဖြေတစ်ခု ပေးနိုင်သလော။ သင်သည် ကောင်းမှုများကို ပြင်ဆင်ပြီးပြီလော။ ဤကိစ္စရပ်များအားလုံးတွင် သင်သည် မိမိကိုယ်ကို မကြာခဏ ဆင်ခြင်သုံးသပ်ရမည်ဖြစ်ပြီး သင်၏ စိတ်နှလုံးထဲတွင် ရှင်းလင်းမှု ရှိရမည်။

လူတိုင်းသည် ကောင်းချီးများကို ရရှိလိုကြသည်။ မည်သူကမျှ ဖျက်ဆီးခံရပြီး ငရဲသို့ အပို့ခံရခြင်းကို မလိုလားကြပေ။ သို့သော် လူများစွာသည် မိမိတို့ကိုယ်ကို မထိန်းချုပ်နိုင်ဘဲ မကောင်းမှုကို ထပ်ခါတလဲလဲ ပြုကြပြီး ငရဲဆီသို့ ဦးတည်သော လမ်းကြောင်းအတိုင်း အရှိန်ပြင်းပြင်းဖြင့် သွားနေကြသည်။ အချို့လူများသည် ဘုရားအိမ်တော်က ပေးသော ၎င်းတို့၏ တာဝန်ကို ထမ်းဆောင်ရန် အခွင့်အရေးများကို အကြိမ်ကြိမ် လျစ်လျူရှုကြသည်။ သန့်ရှင်းသောဝိညာဉ်တော်က ၎င်းတို့ကို လှုံ့ဆော်ပြီး ပြစ်တင်မောင်းမဲသည့်အခါ ယင်းကို လျစ်လျူရှုကြကာ ဘုရားအိမ်တော်၏ ကူညီမှုနှင့် မျှော်လင့်ချက်များကို လျစ်လျူရှုကြသည်။ ၎င်းတို့သည် မိမိတို့ကိုယ်ကို စိုးစဉ်းမျှ ဆင်ခြင်သုံးသပ်ခြင်းမရှိဘဲ ဝတ်ကျေတမ်းကျေလုပ်ခြင်း၊ မကောင်းမှုများ ပြုလုပ်လျက် သောင်းကျန်းခြင်း၊ ထင်ရာစိုင်းပြီး မဆင်မခြင် ပြုမူခြင်းနှင့် အသင်းတော်၏ အလုပ်ကို အဖျက်အမှောင့်လုပ်ပြီး နှောင့်ယှက်ခြင်းတို့ကို မလျှော့တမ်း လုပ်ဆောင်ကြသည်။ ၎င်းတို့သည် ပြုပြင်၍မရသော၊ အရှက်မဲ့သည့် လူများသာ ဖြစ်ကြသည် မဟုတ်လော။ သင်သည် ဤကဲ့သို့ မကောင်းမှုကို အဆက်မပြတ် ကျူးလွန်သည်။ အခြားသူများက သင့်ကို ယင်းသို့ လုပ်ဆောင်ရန် အတင်းအကျပ် ခိုင်းစေခြင်း မဟုတ်ပေ။ ယင်းမှာ သင်၏ ကိုယ်ပိုင် ရွေးချယ်မှု၊ သင် ကိုယ်တိုင် နှစ်သက်ပြီး လုပ်ဆောင်ရန် ပျော်ရွှင်သောအရာတစ်ခု ဖြစ်သည်မှာ သိသာထင်ရှားသည်။ တစ်စုံတစ်ဦးက သင် လျှောက်လှမ်းနေသော လမ်းကြောင်းသည် ဘုရားသခင်ကို အတိုက်အခံလုပ်သော လမ်းကြောင်းတစ်ခုဖြစ်ပြီး ငရဲဆီသို့ ဦးတည်သော လမ်းကြောင်းတစ်ခု ဖြစ်သည်ဟု ပြောပါက သင်သည် စိတ်မကောင်းဖြစ်ပြီး အပျက်သဘောဆောင်သည်ဟု ခံစားရသည်။ သင်သည် မည်သည့်အရာနှင့် ပတ်သက်၍ အပျက်သဘောဆောင်သည်ဟု ခံစားနေရသနည်း။ သင်သည် ကိုယ့်ဒုက္ခကိုယ်ရှာခဲ့ခြင်းဖြစ်ပြီး သင် စိုက်ပျိုးခဲ့သည့်အရာကို သင် ပြန်ရိတ်သိမ်းရခြင်း မဟုတ်လော။ ယင်းမှာ သင့်အတွက် နည်းပင်နည်းသေးသည် မဟုတ်လော။ အချို့လူများက “ကျွန်ုပ်သည် မိမိကိုယ်ကို မထိန်းချုပ်နိုင်ဘဲ မကောင်းမှု ကျူးလွန်မိပါသည်။ အကြိမ်တိုင်းတွင် ကျွန်ုပ်သည် အမှုအရာများကို ကောင်းမွန်စွာ လုပ်ဆောင်လိုသော်လည်း ကျွန်ုပ် လုပ်ဆောင်ပြီးသွားသည့်အခါ ကျွန်ုပ်၏ လုပ်ရပ်များ၏ အကျိုးဆက်များသည် သိပ်မကောင်းသည်ကို တွေ့ရှိရပါသည်” ဟု ပြောကြသည်။ သင်သည် မကောင်းမှုကို ကျူးလွန်ခဲ့သည်။ အဖျက်အမှောင့်လုပ်ခြင်းများနှင့် နှောင့်ယှက်ခြင်းများကို ဖြစ်စေခဲ့ပြီး အသင်းတော်၏ အလုပ်ကို ဆုံးရှုံးမှုများ ဖြစ်စေခဲ့သည်။ သင်၏ ပြစ်မှားခြင်းများအတွက် သင့်ကို တာဝန်ခံစေခြင်း မရှိလျှင်ပင် ယင်းတို့သည် ၎င်းတို့၏ နောက်ကွယ်တွင် ဖုံးကွယ်နေသော အန္တရာယ်များကို ချန်ထားခဲ့ပြီး အနာဂတ်တွင် ယင်းတို့ကို သင် ထပ်မံ ကျူးလွန်နိုင်သည်။ ဤသည်မှာ အလွန် အန္တရာယ်များသည်။ ယင်းမှာ လူတစ်ဦး လျှောက်လှမ်းခဲ့သော လမ်းကြောင်းတစ်ခုနှင့် တူသည်။ ၎င်းတို့ လျှောက်လှမ်းခဲ့သည့် မည်သည့်နေရာတွင်မဆို ၎င်းတို့သည် ခြေရာများကို ချန်ထားခဲ့မည်မှာ သေချာသည်။ သင် ကျူးလွန်ခဲ့သော ပြစ်မှားခြင်းများကို သင် ဝန်ခံသလော။ ယင်းတို့အတွက် သင် နောင်တရသလော။ သင်သည် အကြွေးတင်နေပြီး ဝမ်းနည်းသည်ဟု ခံစားရသလော။ ယင်းတို့ကြောင့် သင် ခါးသီးစွာ ငိုကြွေးသလော။ သင် လှည့်ပြန်ပြီးပြီလော။ သင်၏ ဒုစရိုက်အမှုများကို သင် အမှန်တကယ် မုန်းတီးသလော။ သင်၏ လက်ထဲတွင်ရှိသော မကောင်းမှုကို သင် စွန့်လွှတ်ပြီး ဘုရားသခင်ထံ ရိုးသားစစ်မှန်စွာ နောင်တရပြီးပြီလော။ အချို့လူများက “ကျွန်ုပ်သည်လည်း ကိုယ့်ကိုယ်ကိုယ် မုန်းတီးပါသည်။ ကျွန်ုပ်သည် တိတ်တဆိတ် ကိုယ့်ပါးကိုယ် မရေမတွက်နိုင်အောင် ရိုက်ခဲ့ပြီး ဘုရားသခင်ရှေ့တွင် ဒူးထောက်ကာ ဆုတောင်းရင်း ခါးသီးစွာ ငိုကြွေးခဲ့ပါသည်” ဟု ပြောကြသည်။ သင်သည် ဤလုပ်ငန်းစဉ်များကို ဖြတ်သန်းခဲ့ရကောင်း ဖြတ်သန်းခဲ့ရနိုင်သော်လည်း ဘုရားသခင်သည် ဤလုပ်ငန်းစဉ်များကို မကြည့်ပေ။ ဘုရားသခင် ကြည့်သည့်အရာမှာ သင်၏ သရုပ်သကန်များ ဖြစ်သည်။ တူညီသော အခြေအနေ ထပ်မံ ပေါ်ပေါက်လာသည့်အခါ သို့မဟုတ် တူညီသော တာဝန်က သင့်အပေါ် ထပ်မံ ကျရောက်လာသည့်အခါ ယင်းကို သင် မည်သို့ သဘောထားပြုမူသနည်း။ သင့်တွင် ရိုးသားမှုနှင့် သစ္စာစောင့်သိခြင်း ရှိသလော။ သင်သည် အဖိုးအခ ပေးဆပ်နိုင်သလော။ သင်သည် ဘုရားသခင်၏ နှုတ်ကပတ်တော်များနှင့်အညီ ပြုမူနိုင်သလော။ သင် လှည့်ပြန်ခြင်း၏ သရုပ်သကန်များမှာ အဘယ်အရာများ ဖြစ်သနည်း။ သင်၏ လက်ထဲတွင်ရှိသော မကောင်းမှုကို သင် စွန့်လွှတ်ပြီးပြီလော။ အတိတ်၌ သင်လုပ်ဆောင်ခဲ့သော မကောင်းသောအရာများကို သင် ဆက်လက် လုပ်ဆောင်နေဆဲလော။ သင်သည် လိမ်ညာနေဆဲလော၊ ထင်ရာစိုင်းပြီး မဆင်မခြင် ပြုမူနေဆဲလော၊ အလုပ် အစီအစဉ်များနှင့် သမ္မာတရား စည်းမျဉ်းများကို ဆန့်ကျင်နေဆဲလော၊ သင်၏ ကိုယ်ပိုင် ရည်မှန်းချက်များနှင့် လိုအင်ဆန္ဒများအတိုင်း ပြုမူနေဆဲလော၊ ပြီးလျှင် အသင်းတော် အလုပ်ကို အဖျက်အမှောင့်လုပ်ပြီး နှောင့်ယှက်ရန် ဆိုးယုတ်သော လူများနှင့် ပူးပေါင်းကြံစည်နေဆဲလော၊ သင်သည် ဤကဲ့သို့ ပြုမူနေဆဲဖြစ်ပါက သင်၏ နောင်တရခြင်းနှင့် ခါးသီးစွာ ငိုကြွေးခြင်းတို့သည် အယောင်ဆောင်ပြီး ဝတ်ကျေတမ်းကျေ ဖြစ်သည်။ ဝတ်ကျေတမ်းကျေဖြစ်ပြီး အယောင်ဆောင်သော နောင်တရခြင်းကို အဘယ်အရာအဖြစ် စရိုက်လက္ခဏာ သရုပ်ဖော်သနည်း။ (ကြောင်သူတော်ဆန်ခြင်း ဖြစ်ပါသည်။) ယင်းကို ကြောင်သူတော်ဆန်ခြင်းအဖြစ် စရိုက်လက္ခဏာ သရုပ်ဖော်သလော။ ယင်းကို ကြောင်သူတော်ဆန်ခြင်းအဖြစ် စရိုက်လက္ခဏာ သရုပ်ဖော်သည်။ ဤပြောဆိုချက်သည် မှန်ကန်တိကျသလော။ (မှန်ကန်တိကျပါသည်။) ဘုရားသခင်၏ အမြင်တွင် ထိုသို့ ခါးသီးစွာ ငိုကြွေးခြင်းနှင့် ထိုသို့သော နောင်တရခြင်းတို့သည် လှည့်ဖြားခြင်း ဖြစ်သည်။ ဥပမာအားဖြင့် ဘုရားသခင်က “ယခုနှစ် စပါးရိတ်သိမ်းမှုမှ ဆန်ဆယ်ပေါင်ကို ငါ့ထံ ပူဇော်လော့” ဟု ပြောသည်။ အချို့လူများသည် ယင်းကို မပူဇော်လိုကြဘဲ မိမိတို့ကိုယ်တိုင် စားရန် သိမ်းထားလိုကြသည်။ သို့ဖြစ်၍ ၎င်းတို့သည် စပါးခွံဆယ်ပေါင်ကို ယူပြီး ယဇ်ပလ္လင်ပေါ်တွင် တင်ထားကြသည်။ ယင်းမှာ အဘယ်အရာဖြစ်သည်ကို မေးသည့်အခါ ၎င်းတို့က စပါးဖြစ်သည်ဟု ပြောကြသည်။ ဘုရားသခင်က “ငါသည် သင့်ကို ဆန်တောင်းခဲ့သည် မဟုတ်လော” ဟု ပြောသည်။ ၎င်းတို့က “စပါးသည် ဆန်ဖြစ်ပါသည်” ဟု ပြောကြသည်။ ဤသည်မှာ လှည့်ဖြားခြင်းလော။ (ဟုတ်ပါသည်။) ဤသည်မှာ မျက်နှာပြောင်တိုက်၍ လှည့်ဖြားခြင်း ဖြစ်သည်။ မကောင်းမှု ပြုပြီးနောက် သင်သည် သင်၏ အပြစ်ကို ဝန်ခံသည်။ ဘုရားသခင်ကို အကြွေးတင်နေသည်ဟု ထပ်ခါတလဲလဲ ပြောဆိုပြီး ခါးသီးစွာပင် ငိုကြွေးသည်။ သို့သော် ထို့နောက်တွင် မည်သည့်အရာမျှ မဖြစ်ခဲ့သည့်အလား သင် ပြုမူပြီး အမှုအရာများကို ယခင်ကအတိုင်း တူညီသော နည်းလမ်းဖြင့် ဆက်လက် လုပ်ဆောင်သည်။ ဘုရားသခင်သည် ဤအပြုအမူမျိုးကို လှည့်ဖြားခြင်းအဖြစ် စရိုက်လက္ခဏာ သရုပ်ဖော်သည်။ ဘုရားသခင်၏ အမြင်တွင် ဤလှည့်ဖြားသော အပြုအမူမျိုးသည် ဒုစရိုက်အမှုများနှင့် ညီမျှသည်။ အကယ်၍ သင့်တွင် ပြောင်းလဲရန်နှင့် သမ္မာတရား စည်းမျဉ်းများနှင့်အညီ ပြုမူရန် သန္နိဋ္ဌာန် အမှန်တကယ် ရှိပါက သင်သည် ဆုံးဖြတ်ချက်များ ချရန် သို့မဟုတ် ခါးသီးစွာ ငိုကြွေးရန် မလိုအပ်ပေ။ ယင်းကို ဦးစွာ လုပ်ဆောင်လော့။ သင် လုပ်ဆောင်နိုင်သည့်အခါ ဘုရားသခင်ထံ သစ္စာဝတ်ပြုလော့။ သင် မလုပ်ဆောင်နိုင်ပါက သင်သည် သစ္စာဝတ် လုံးဝ မပြုရပေ။ သင် သစ္စာဝတ်ပြုပါက ဘုရားသခင်သည် ယင်းကို အလေးအနက်ထားမည်ဖြစ်ပြီး သင် သစ္စာဝတ်ပြုခဲ့သည့်အရာ၏ ရလဒ်ကို တောင်းဆိုလိမ့်မည်။ သင် ယင်းကို မဖြည့်ဆည်းနိုင်ပါက ဘုရားသခင်၏ အမြင်တွင် ယင်းသည် လှည့်ဖြားခြင်း ဖြစ်သည်။ ဘုရားသခင်ကို လှည့်ဖြားခြင်းသည် သင့်အပေါ် မှတ်တမ်းတင်ထားသော နောက်ထပ် ဒုစရိုက်အမှုတစ်ခု ဖြစ်လာသည်။ သို့ဖြစ်၍ သင်သည် ရိုးသားစစ်မှန်စွာ နောင်တမရနိုင်ဘဲ သင်၏ သစ္စာဝတ်များဖြင့် ဘုရားသခင်ကို လှည့်ဖြားပါက သင် လျှောက်လှမ်းနေသော လမ်းကြောင်းသည် ပျက်စီးခြင်းဆီသို့ ဦးတည်သော လမ်းကြောင်းတစ်ခု ဖြစ်သည်။ သင်၏ ဒုစရိုက်အမှု တစ်ခုစီတိုင်းသည် ငရဲတံခါးများကို ထုနှက်ခြင်းတစ်ခု ဖြစ်သည်။ ဤထုနှက်ခြင်းများထဲမှ တစ်ခုက နောက်ဆုံးတွင် ယင်းတို့ကို ဖွင့်ကောင်းဖွင့်နိုင်ပြီး သင် သေဆုံးရမည့်အချိန် ရောက်ရှိလာလိမ့်မည်။ အချို့လူများအတွက် ၎င်းတို့ ဘုရားသခင်ကို စတင်ယုံကြည်သည့် အချိန်မှစ၍ ယခုအချိန်အထိ ၎င်းတို့၏ လုပ်ရပ်များနှင့် အပြုအမူများအားလုံးသည် ဒုစရိုက်အမှုများကို အဆက်မပြတ် စုဆောင်းပြီး ငရဲတံခါးများကို ထုနှက်နေခြင်းများ ဖြစ်ခဲ့သည်ဟု ဆိုနိုင်သည်။ တစ်ချိန်တည်းမှာပင် ဘုရားသခင်၏ အမျက်ဒေါသကို စုဆောင်းနေခြင်း ဖြစ်ခဲ့သည်။ ၎င်းတို့သည် ဘုရားသခင်၏ အပြစ်ဒဏ်ပေးခြင်း ၎င်းတို့အပေါ် ကျရောက်လာရန် စောင့်ဆိုင်းနေကြသည်။ သို့သော် အခြားလူများသည် ဘုရားသခင်ကို ယုံကြည်သည့် လုပ်ငန်းစဉ်တွင် အပြုသဘောဆောင်ပြီး မှန်ကန်သော ဦးတည်ချက်ဖြင့် တိုးတက်နေကြသည်။ ၎င်းတို့ လျှောက်လှမ်းသော လမ်းကြောင်းသည် ကောင်းကင်နိုင်ငံတော်သို့ သွားရာလမ်း ဖြစ်သည်။ ဤကာလအတွင်း ၎င်းတို့သည် ပုန်ကန်တတ်ပြီး ဖောက်ပြန်ပျက်စီးသော စိတ်သဘောထားများကို ထုတ်ဖော်ကြသော်လည်း၊ ပြီးလျှင် ၎င်းတို့တွင် ဘုရားသခင်နှင့် ပတ်သက်သော အယူအဆများနှင့် စိတ်ကူးများ သေချာပေါက် ရှိကြပြီး ၎င်းတို့၏ တာဝန်ကို ထမ်းဆောင်ရာတွင် မိမိတို့၏ ကိုယ်ပိုင် အလိုဆန္ဒ ရှိကြသော်လည်း ဤသရုပ်သကန်များကို ထုတ်ဖော်နေစဉ် သို့မဟုတ် ဤအပြုအမူများကို ပြုမူဆောင်ရွက်နေစဉ် ၎င်းတို့သည် သမ္မာတရားကိုလည်း အဆက်မပြတ် လက်ခံနေကြပြီး ၎င်းတို့၏ ဖောက်ပြန်ပျက်စီးသော စိတ်သဘောထားများကို အဆက်မပြတ် ဖယ်ရှားကာ ယင်းတို့ကို ပြောင်းလဲစေလျက် ရှိသည်။ ၎င်းတို့သည် ရိုးသားစစ်မှန်စွာ လှည့်ပြန်ခဲ့ကြပြီး သမ္မာတရားကို လက်ခံခြင်းနှင့် ကျိုးနွံနာခံခြင်းတို့၏ သရုပ်သကန်များနှင့် လက်တွေ့ကျမှုကို ပိုင်ဆိုင်ကြသည်။ ထိုသို့သော လူများသည် တစ်ချိန်က ပြစ်မှားခြင်းများစွာကို ကျူးလွန်ခဲ့ပြီး ဘုရားသခင် စက်ဆုပ်ရွံရှာကာ ပြစ်တင်ရှုတ်ချသော အရာအချို့ကို လုပ်ဆောင်ခဲ့ကြသော်လည်း ၎င်းတို့သည် သမ္မာတရားကို နားလည်ပြီး လှည့်ပြန်ပြီးနောက် ၎င်းတို့၏ ဖောက်ပြန်ပျက်စီးသော စိတ်သဘောထားများကို တဖြည်းဖြည်း ဖယ်ရှားကြပြီး မကောင်းမှုကို မပြုကြတော့ပေ။ ၎င်းတို့၏ လှည့်ပြန်ခြင်းနှင့်အတူ သမ္မာတရားအတွက် ဆင်းရဲဒုက္ခကို ကြံ့ကြံ့ခံရန်နှင့် အဖိုးအခ ပေးဆပ်ရန် ၎င်းတို့၏ သန္နိဋ္ဌာန်နှင့် ဆုံးဖြတ်ချက်တို့ဖြင့် ၎င်းတို့သည် ဘုရားသခင်ကို တို့ထိခံစားရစေသည်။ တစ်ချိန်တည်းမှာပင် ၎င်းတို့၏ ကြိုးပမ်းအားထုတ်မှုများနှင့် လုပ်ရပ်များ၊ ပြီးလျှင် ၎င်းတို့ ပြင်ဆင်သော ကောင်းမှုများသည် ဘုရားသခင်၏ လက်သင့်ခံခြင်းနှင့် အသိအမှတ်ပြုခြင်းကို တဖြည်းဖြည်း ရရှိကြပြီး ဤအရာများကို ဘုရားသခင်က အမှတ်ရလေသည်။ ထိုသို့သော လူများ၏ ယေဘုယျ သရုပ်သကန်များမှ အကဲဖြတ်ရလျှင် သင်တို့ မကြာခဏ ပြောသကဲ့သို့ ၎င်းတို့သည် အခြေခံအားဖြင့် မှန်ကန်သောသူများ ဖြစ်ကြသည်။ ဤမှန်ကန်သောသူများ လျှောက်လှမ်းသည့် လမ်းကြောင်းသည် ကောင်းကင်နိုင်ငံတော်ဆီသို့ ဦးတည်သော လမ်းကြောင်း၊ ကယ်တင်ခြင်းဆီသို့ ဦးတည်သော လမ်းကြောင်း ဖြစ်သည်။ ထိုသို့သော လူများသည် ကယ်တင်ခြင်း လမ်းကြောင်းပေါ်တွင် လျှောက်လှမ်းနေကြသည်။ အမှန်ပင်၊ ဤလူများ၏ သရုပ်သကန်များသည် အခြေခံအားဖြင့် အခြားသူများ၏ တွန်းအားပေးမှု၊ ကြီးကြပ်မှု၊ စီမံခန့်ခွဲမှု သို့မဟုတ် ပြုပြင်မှုတို့၏ ရလဒ် မဟုတ်သည့်အပြင် အသင်းတော်၏ စီမံအုပ်ချုပ်ရေးဆိုင်ရာ အမိန့်များ၏ စည်းမျဉ်းစည်းကမ်းကြောင့်လည်း မဟုတ်ပေ။ ထိုအစား ၎င်းတို့သည် တက်ကြွစွာ လှည့်ပြန်ကြပြီး ၎င်းတို့၏ အသက် ဝင်ရောက်မှုတွင် ၎င်းတို့၌ ကိုယ်ပိုင် အစီအစဉ်များနှင့် အကြံအစည်များအပြင် ၎င်းတို့၏ ကိုယ်ပိုင် တက်ကြွသော ဆုံးဖြတ်ချက်လည်း ရှိကြသည်။ ဤလူများ လျှောက်လှမ်းသော လမ်းကြောင်းသည် မှန်ကန်သော လမ်းကြောင်း ဖြစ်သည်။ ၎င်းတို့သည် ဤအပြုသဘောဆောင်ပြီး တက်ကြွသော သရုပ်သကန်များဖြင့် ၎င်းတို့၏ ကိုယ်ပိုင် ပန်းတိုင်အတွက် ကောင်းမှုများကို ပြင်ဆင်နေကြသည်။ ၎င်းတို့ လျှောက်လှမ်းမည့် လမ်းကြောင်းကို အဆုံးအဖြတ်ပေးပြီး ၎င်းတို့အပေါ် ဘုရားသခင်၏ သဘောထားကို အဆုံးအဖြတ်ပေးသည်မှာ ၎င်းတို့၏ ပုဂ္ဂလဓိဋ္ဌာန်ကျသော ကိုယ်ပိုင် လိုက်စားမှု ဖြစ်သည်။ နောက်ဆုံးတွင် ၎င်းတို့၏ ပုဂ္ဂလဓိဋ္ဌာန်ကျသော ကိုယ်ပိုင် လိုက်စားမှုကြောင့် ၎င်းတို့သည် ဘုရားသခင်ထံမှ သင့်လျော်သော အဆုံးအဖြတ်တစ်ခုနှင့် သင့်လျော်သော ခရီးဆုံးပန်းတိုင်တစ်ခုကို ခံယူနိုင်ကြသည်။

ငါ့ကို ပြောလော့၊ ကောင်းမှုများကို ပြင်ဆင်ခြင်းဟု မှတ်ယူခံရရန်အလို့ငှာ လူတို့သည် တရားသောအမှုများကို မည်သို့ လုပ်ဆောင်သင့်သနည်း၊ ပြီးလျှင် ၎င်းတို့သည် ဤအရာကို မည်သည့်အခြေအနေနှင့် အနေအထားတွင် လုပ်ဆောင်ရမည်နည်း။ အနည်းဆုံးအားဖြင့်၊ ၎င်းတို့တွင် အပြုသဘောဆောင်ပြီး တက်ကြွသော သဘောထားတစ်ခု ရှိရမည်ဖြစ်ကာ၊ မိမိတို့၏ တာဝန်ကို ထမ်းဆောင်နေစဉ်တွင် သစ္စာစောင့်သိရမည်၊ သမ္မာတရား စည်းမျဉ်းများအတိုင်း ထမ်းဆောင်နိုင်ရမည်ဖြစ်ပြီး ဘုရားအိမ်တော်၏ အကျိုးစီးပွားများကို ကာကွယ်စောင့်ရှောက်ရမည်။ အပြုသဘောဆောင်ပြီး တက်ကြွခြင်းသည် အဓိကသော့ချက် ဖြစ်သည်။ သင်သည် အစဉ်သဖြင့် မလှုပ်မယှက်ဖြစ်နေပါက ဤသည်မှာ ပြဿနာရှိသည်။ ယင်းမှာ သင်သည် ဘုရားအိမ်တော်၏ အဖွဲ့ဝင်တစ်ဦး မဟုတ်သည့်အလား ဖြစ်သည်။ သင်သည် သင်၏ တာဝန်ကို ထမ်းဆောင်နေခြင်း မဟုတ်ဘဲ လစာရရှိရန်အလို့ငှာ အလုပ်ရှင်တစ်ဦး၏ အမိန့်အရ ယင်းကို မလုပ်မနေရ ထမ်းဆောင်နေရခြင်း ဖြစ်သည်။ သင်သည် ယင်းကို မိမိသဘောအလျောက် ထမ်းဆောင်ခြင်း မဟုတ်ပေ။ သင်သည် ယင်းကို အနည်းငယ် ထမ်းဆောင်လျှင်ပင် သင် ထမ်းဆောင်ရမည်ဖြစ်သောကြောင့် ထမ်းဆောင်နေခြင်းဖြစ်ပြီး သင်သည် ယင်းကို မထုံတက်သေး ထမ်းဆောင်နေခြင်း ဖြစ်သည်။ သင်၏ အကျိုးစီးပွားများ မပါဝင်ပါက သင်သည် ယင်းကို လုံးဝ ထမ်းဆောင်မည်မဟုတ်ပေ။ သို့မဟုတ် မည်သူကမျှ သင့်ကို မကြီးကြပ်ပါက သင်သည် ယင်းကို သေချာပေါက် ထမ်းဆောင်မည်မဟုတ်ပေ။ ထိုသို့သော အပျက်သဘောဆောင်ပြီး မထုံတက်သေးဖြစ်သော လုပ်ရပ်များသည် ကောင်းမှုများ မဟုတ်ပေ။ ထို့ကြောင့် ဤလူစားမျိုးသည် အလွန် မိုက်မဲသည်။ ၎င်းတို့သည် အပြုသဘောဆောင်သောအရာများကို လုပ်ဆောင်ခြင်းနှင့် ၎င်းတို့ လုပ်ဆောင်သင့်သည့်အရာကို လုပ်ဆောင်ခြင်းတို့တွင် အလွန် မထုံတက်သေး ဖြစ်ကြသည်။ ၎င်းတို့သည် မိမိတို့ စဉ်းစားနိုင်သောအရာများကို မလုပ်ဆောင်ကြသည့်အပြင် အချိန်နှင့် ခွန်အား လိုအပ်သည့် ၎င်းတို့ လုပ်ဆောင်နိုင်စွမ်းရှိသော အရာများကိုလည်း မလုပ်ဆောင်ကြပေ။ အခြားသူများ ယင်းတို့ကို လုပ်ဆောင်ပါက အကောင်းဆုံးဖြစ်သည်ဟု ၎င်းတို့ တွေးလျက် ဘေးမှနေ၍ စောင့်ကြည့်နေကြရုံသာ ဖြစ်သည်။ ဤသည်မှာ ဒုက္ခ​ေပေးပြီး ၎င်းတို့၏ တာဝန်ကို ကောင်းမွန်စွာ ထမ်းဆောင်ရန် ၎င်းတို့အတွက် အလွန် ခက်ခဲသည်။ ပထမဦးစွာ သင်၏ အစွမ်းအစက မလုံလောက်သောကြောင့် မဟုတ်ပေ။ ဒုတိယအချက်အနေဖြင့်၊ သင်၏ အတွေ့အကြုံက မလုံလောက်သောကြောင့် မဟုတ်ပေ။ တတိယအနေဖြင့်၊ ယင်းကို လုပ်ဆောင်ရန် သင့်တွင် သင့်တော်သော အခြေအနေများ မရှိသောကြောင့် မဟုတ်ပေ။ သင်သည် ဤအလုပ်ကို လုပ်ဆောင်ရန် အစွမ်းအစကို ပိုင်ဆိုင်ပြီး အကယ်၍ သင်သည် အချိန်နှင့် အားအင်ကို အသုံးပြုမည်ဆိုလျှင် ယင်းကို သင်လုပ်ဆောင်နိုင်လိမ့်မည် ဖြစ်သော်လည်း သင်မလုပ်ဆောင်ပေ။ သင်သည် ကောင်းမှုများကို ပြင်ဆင်ရန် ပျက်ကွက်လေသည်။ ဤသည်မှာ အလွန်ဝမ်းနည်းဖွယ်ရာကောင်းသည်။ အဘယ်ကြောင့် ဝမ်းနည်းဖွယ်ရာကောင်းသည်ဟု ငါပြောရသနည်း။ အကြောင်းမှာ နှစ်ပေါင်းများစွာ ကြာပြီးနောက် သင်သည် ဤအရာကို ပြန်ပြောင်းကြည့်မည်ဆိုလျှင် သင်နောင်တရလိမ့်မည်ဖြစ်ပြီး၊ ထိုအလုပ်ကို လုပ်ဆောင်ရန် ထိုနှစ်၊ ထိုလနှင့် ထိုနေ့သို့ သင်ပြန်သွားလိုလျှင် အမှုအရာများက ပြောင်းလဲသွားပြီးဖြစ်ကာ ထိုအချိန်သည်လည်း ကျော်လွန်သွားပြီးဖြစ်လိမ့်မည်။ သင်သည် ထိုအခွင့်အရေးကဲ့သို့ ဒုတိယအခွင့်အရေးတစ်ခုကို ရရှိလိမ့်မည်မဟုတ်ပေ။ ထိုအခွင့်အရေး လွန်သွားသည့်အခါ လွန်သွားပြီဖြစ်သည်၊ ယင်းကို ဆုံးရှုံးသွားသည့်အခါ ဆုံးရှုံးသွားပြီဖြစ်သည်။ အကယ်၍ သင်သည် ကောင်းမွန်သော အစားအစာကို စားသုံးခြင်း သို့မဟုတ် ကောင်းမွန်သော အဝတ်အစားများကို ဝတ်ဆင်ခြင်းကဲ့သို့သော ဇာတိပကတိဆိုင်ရာ သာယာမှုများကို ဆုံးရှုံးရလျှင်၊ ဤသည်မှာ အရေးမကြီးလှပေ။ အကြောင်းမှာ ဤအရာများသည် အနှစ်သာရမရှိသည့်အပြင်၊ သင်၏ အသက်ဝင်ရောက်မှု သို့မဟုတ် သင်၏ ကောင်းမှုများ ပြင်ဆင်ခြင်းအပေါ် သို့မဟုတ် သင်၏ ပန်းတိုင်အပေါ် မည်သည့်သက်ရောက်မှုမျှ မရှိသောကြောင့် ဖြစ်သည်။ သို့သော်လည်း၊ အကယ်၍ တစ်စုံတစ်ခုသည် သင့်အပေါ်ထားသော ဘုရားသခင်၏ သဘောထားနှင့်လည်းကောင်း၊ အကဲဖြတ်ချက်နှင့်လည်းကောင်း ဆက်စပ်မှုရှိလျှင် သို့မဟုတ် သင်လျှောက်လှမ်းသော လမ်းကြောင်းနှင့်လည်းကောင်း၊ သင်၏ ပန်းတိုင်နှင့်လည်းကောင်း ဆက်စပ်မှုရှိလျှင်၊ ယင်းကို လုပ်ဆောင်ရန် အခွင့်အရေးကို ဆုံးရှုံးခြင်းသည် အလွန်ဝမ်းနည်းဖွယ်ရာကောင်းသည်။ အကြောင်းမှာ ယင်းသည် သင်၏ အနာဂတ် ဖြစ်တည်မှုလမ်းကြောင်းပေါ်တွင် အစွန်းအထင်းတစ်ခုကို ချန်ထားခဲ့မည်ဖြစ်ပြီး နောင်တများကို ဖြစ်ပေါ်စေမည်ဖြစ်ကာ၊ သင်၏ ဘဝတစ်ခုလုံးတွင် ယင်းအတွက် ပြန်လည်ပေးဆပ်ရန် နောက်ထပ်အခွင့်အရေးတစ်ခုကို သင်ဘယ်တော့မျှ ရရှိလိမ့်မည်မဟုတ်သောကြောင့် ဖြစ်သည်။ ဤသည်မှာ ဝမ်းနည်းဖွယ်ရာကောင်းသည် မဟုတ်လော။ သင်၏ အစွမ်းအစက အလွန်ညံ့ဖျင်းပြီး ဤအလုပ်ကို သင်မထမ်းဆောင်နိုင်လျှင်၊ ယင်းမှာ ဝမ်းနည်းဖွယ်ရာမကောင်းပေ။ ဘုရားအိမ်တော်သည် အခြားတစ်စုံတစ်ဦးအား ယင်းကို လုပ်ဆောင်ရန် စီစဉ်ပေးနိုင်သည်။ သင်သည် ဤအရာကို ကောင်းမွန်စွာ လုပ်ဆောင်နိုင်စွမ်းရှိသော်လည်း မလုပ်ဆောင်ပါက ယင်းမှာ အလွန်အမင်း ဝမ်းနည်းဖွယ်ရာကောင်းသည်။ ဤသည်မှာ ဘုရားသခင်က သင့်အား ပေးသော အခွင့်အရေးတစ်ခုဖြစ်သော်လည်း သင်သည် ယင်းကို အလေးအနက်မထားပေ။ ဤအခွင့်အရေးကို သင် အမိအရ အသုံးမချသည့်အပြင် သင်၏ လက်ချောင်းများကြားမှ လွတ်ထွက်သွားစေသည်။ ဤသည်မှာ အလွန်ဝမ်းနည်းဖွယ်ရာကောင်းလှပေသည်။ သင့်အတွက်မူ ယင်းမှာ ဝမ်းနည်းဖွယ်ရာကောင်းသည်။ ဘုရားသခင်အတွက်မူ ယင်းမှာ စိတ်ပျက်စရာဖြစ်သည်။ ဘုရားသခင်သည် သင့်အား လုံလောက်သော အစွမ်းအစနှင့် သာလွန်ကောင်းမွန်သော အခြေအနေများကို ပေးထားပြီး၊ အချို့အရာများကို ရှင်းလင်းစွာ မြင်နိုင်စေကာ ဤအလုပ်အတွက် အရည်အချင်းပြည့်မီစေသည်။ သို့သော်လည်း သင်သည် မိမိ၏ တာဝန်အပေါ် မှန်ကန်သော သဘောထားမရှိပေ၊ သင်၌ သစ္စာစောင့်သိခြင်း ရှိဖို့မဆိုထားနှင့်၊ စိတ်ရင်းမှန် မရှိသည့်အပြင် ယင်းကို ကောင်းမွန်စွာ လုပ်ဆောင်ရန် အကောင်းဆုံး ကြိုးစားလိုစိတ် မရှိပေ။ ဤသည်မှာ ဘုရားသခင်ကို အလွန်စိတ်ပျက်စေသည်။ သို့ဖြစ်၍၊ သင်သည် ပျင်းရိပြီး သင့်အား ပေးအပ်ထားသော အလုပ်ကို စိတ်အနှောင့်အယှက်ဖြစ်သည်ဟု အစဉ်သဖြင့် ခံစားရကာ လုပ်ဆောင်လိုစိတ်မရှိသည့်အပြင်၊ “အဘယ်ကြောင့် အခြားတစ်စုံတစ်ဦးကို မခိုင်းဘဲ ကျွန်ုပ်ကို ခိုင်းရသနည်း” ဟု စိတ်ထဲတွင် မြည်တမ်းပါက ဤသည်မှာ မိုက်မဲသော အတွေးတစ်ခု ဖြစ်သည်။ တာဝန်တစ်ခု သင့်အပေါ် ကျရောက်လာသည့်အခါ ယင်းမှာ ကံအကြောင်းမလှသည့် ဖြစ်ရပ်တစ်ခုမဟုတ်ပေ။ ယင်းမှာ ဂုဏ်ယူစရာတစ်ခုဖြစ်ပြီး ယင်းသည် ဘုရားသခင်၏ ချီးမြှောက်ခြင်းဖြစ်၏။ ယင်းကို ဝမ်းမြောက်ဝမ်းသာ သင် လက်ခံသင့်ပြီး သင်ထမ်းဆောင်သင့်သည့် တာဝန်ကို ထမ်းဆောင်သင့်သည်၊ ယင်းက သင့်အား ပင်ပန်းနွမ်းနယ်စေမည် မဟုတ်ပေ။ ဆန့်ကျင်ဘက်အားဖြင့်၊ သင်သည် သင်၏တာဝန်ကို ကောင်းမွန်စွာ ထမ်းဆောင်ပြီး သမ္မာတရားကို နားလည်ကာ ပြဿနာများကို ဖြေရှင်းလျှင်၊ သင်၏ စိတ်နှလုံးထဲတွင် တည်ငြိမ်ပြီး စိတ်ချခိုင်မာသည်ဟု ခံစားရလိမ့်မည်ဖြစ်ကာ ဘုရားသခင်ကို သင်စိတ်ပျက်စေခဲ့မည် မဟုတ်ပေ။ ဘုရားသခင်၏ ရှေ့မှောက်တွင် သင်သည် ယုံကြည်ခြင်းရှိလိမ့်မည်ဖြစ်ပြီး ခေါင်းမော့ရင်ကော့၍ ကျင့်ကြံပြုမူနိုင်လိမ့်မည်။ သင်သည် သင်၏တာဝန်ကို ကောင်းမွန်စွာ မဖြည့်ဆည်းခဲ့သည့်အပြင် အစဉ်သဖြင့် ဝတ်ကျေတမ်းကျေလုပ်နေပါက ဤသည်မှာ ပြစ်မှားခြင်းတစ်ခုဖြစ်ပြီး ဆုံးရှုံးမှုတစ်ခုမျှ သင် မဖြစ်စေခဲ့လျှင်ပင် ဤပြစ်မှားခြင်းသည် သင်၏ စိတ်နှလုံးထဲတွင် တစ်သက်တာ နောင်တကို ချန်ထားခဲ့လိမ့်မည်။ ဤပြစ်မှားခြင်းသည် အဆုံးမရှိသော တွင်းနက်ကြီးတစ်ခုကဲ့သို့ ဖြစ်လိမ့်မည်။ ယင်းကို စဉ်းစားမိသည့်အခါတိုင်း၊ သင်သည် နာကျင်မှုနှင့် မသက်မသာဖြစ်မှုကို ခံစားရမည်ဖြစ်ပြီး၊ နှလုံးသားကို စူးရှနာကျင်စေသည့် ပြင်းထန်သောဝေဒနာကို ခံစားရလိမ့်မည်။ သင်သည် ငြိမ်သက်ခြင်း သို့မဟုတ် ဝမ်းမြောက်ခြင်း လုံးဝ ရှိလိမ့်မည်မဟုတ်သည်သာမက၊ ဆန့်ကျင်ဘက်အားဖြင့်၊ နောင်တနှင့် စိတ်ဆင်းရဲခြင်း၏ နာကျင်မှုသည် သင်၏ တစ်သက်တာလုံးအတွက် သင့်နှင့်အတူ ပါရှိနေမည်ဖြစ်ပြီး မည်သည့်အခါမျှ ဖျောက်ဖျက်၍မရနိုင်ပေ။ ဤသည်မှာ ထာဝရ နောင်တတစ်ခုမဟုတ်လော။ ဘုရားသခင်၏ ရှုထောင့်အမြင်မှ ကြည့်လျှင်ကော အဘယ်သို့နည်း။ ဘုရားသခင်သည် ဤကိစ္စရပ်၏ သဘောသဘာဝကို အဆုံးအ​ဖြတ်ပေးရန် သမ္မာတရား စည်းမျဉ်းများကို အသုံးပြုသောကြောင့် ယင်း၏ သဘောသဘာဝသည် သင်ခံစားရသည်ထက် များစွာ ပို၍ပြင်းထန်လေသည်။ သင်နားလည်သလော။ (နားလည်ပါသည်။) သို့ဖြစ်၍ ဘုရားသခင်သည် သင်လျှောက်လှမ်းနေသော လမ်းကြောင်းကို ရှုမြင်ရန်အတွက် သင်၏ ပုံမှန်စွမ်းဆောင်ရည်ကိုလည်းကောင်း၊ သမ္မာတရားနှင့် သင်၏ တာဝန်အပေါ်ထားသော သင်၏ သဘောထားကိုလည်းကောင်း ပြည့်စုံစွာ ထည့်သွင်းစဉ်းစားလိမ့်မည်။ သမ္မာတရားနှင့် သင်၏ တာဝန်အပေါ်ထားသော သင်၏ သဘောထားသည် အစဉ်သဖြင့် ဝတ်ကျေတမ်းကျေဖြစ်သည် ဆိုကြပါစို့။ သင်သည် အပေါ်ယံတွင် ကတိများပေးသော်လည်း နောက်ကွယ်တွင် ယင်းတို့ကို လက်တွေ့မလုပ်ဆောင်သည့်အပြင် အလေလိုက်ကာ အချိန်ဖြုန်းနေပြီး အရေးတကြီးဖြစ်သည့်အသိစိတ် ကင်းမဲ့၍ ဘုရားသခင်၏ ရည်ရွယ်ချက်များကို အလေးထားသည့် အပြုသဘောဆောင်သော သဘောထားတစ်ခု မရှိဟု ဆိုကြပါစို့။ အပြင်ပန်းအားဖြင့် သင်သည် အဖျက်အမှောင့်လုပ်ခြင်းများနှင့် နှောင့်ယှက်ခြင်းများကို မဖြစ်စေသော်လည်း၊ မကောင်းမှုကို မပြုသော်လည်း၊ ထင်ရာမြင်ရာနှင့် မဆင်မခြင် ပြုမူခြင်း သို့မဟုတ် မတော်မတရားမှုများကို ကျူးလွန်လျက် သောင်းကျန်းခြင်း မရှိသည့်အပြင်၊ သင်သည် စည်းမျဉ်းလိုက်နာပြီး အတော်လေး အကျင့်ကောင်းသောသူတစ်ဦးဖြစ်ပုံရသော်လည်း၊ ဘုရားသခင်က သင့်အား လုပ်ဆောင်ရန် တောင်းဆိုသည့်အရာကို သင်သည် အပြုသဘောဆောင်စွာနှင့် တက်ကြွစွာ မလုပ်ဆောင်ဘဲ၊ ထိုအစား သင်သည် ဉာဏ်များပြီး ခိုကပ်ကာ၊ တကယ့်အလုပ်ကို လုပ်ဆောင်ခြင်းအား ရှောင်ကြဉ်သည်ဟု ဆိုကြပါစို့။ ထိုသို့ဆိုလျှင် သင်သည် အမှန်တကယ် မည်သည့်လမ်းကြောင်းကို လျှောက်လှမ်းနေခြင်း ဖြစ်သနည်း။ ယင်းသည် အန္တိခရစ်တစ်ဦး၏ လမ်းကြောင်း မဟုတ်လျှင်ပင်၊ အနည်းဆုံးအနေဖြင့် ယင်းသည် အယောင်ဆောင် ခေါင်းဆောင်တစ်ဦး၏ လမ်းကြောင်း ဖြစ်သည်။

အချို့လူများသည် အထက်က စီစဉ်သည့် မည်သည့်အရာကိုမဆို လုပ်ဆောင်လျက် မိမိတို့၏ တာဝန်ကို ထမ်းဆောင်ရာတွင် ကျိုးနွံနာခံမှုရှိပုံပေါ်ကြသည်။ သို့သော် “သင်သည် သင်၏ တာဝန်ကို ဝတ်ကျေတမ်းကျေ ထမ်းဆောင်သလော။ စည်းမျဉ်းများအတိုင်း လုပ်ဆောင်သလော” ဟု မေးသည့်အခါ၊ ၎င်းတို့သည် “အထက်က ညွှန်ကြားသည့်အတိုင်း ကျွန်ုပ်လုပ်ဆောင်ပြီး မတော်မတရားမှုများကို ကျူးလွန်ကာ သောင်းကျန်းရန် မဝံ့ရဲပါ” ဟုသာ ပြောဆိုလျက် မည်သည့် တိကျသော အဖြေကိုမျှ မပေးနိုင်ကြပေ။ ၎င်းတို့၏ တာဝန်ကို ဖြည့်ဆည်းပြီးပြီလောဟု မေးသည့်အခါ၊ ၎င်းတို့က “ကောင်းပြီ၊ ကျွန်ုပ်လုပ်ဆောင်သင့်သည့်အရာကို လုပ်ဆောင်နေပါသည်”ဟု ပြောဆိုကြသည်။ ၎င်းတို့သည် မိမိတို့၏ တာဝန်ကို ထမ်းဆောင်ရာတွင် အလျင်စလိုမရှိဘဲ ဂရုမစိုက်သည့် ဤသဘောထားမျိုး အစဉ်သဖြင့် ရှိကြသည်။ သိသာထင်ရှားသော ပြဿနာများ မပေါ်ပေါက်ခဲ့သော်လည်း သမ္မာတရား စည်းမျဉ်းများနှင့်အညီ တိုင်းတာပါက ၎င်းတို့၏ တာဝန်ကို ၎င်းတို့ ထမ်းဆောင်မှုသည် အကျိုးသက်ရောက်မှု မရှိသည့်အပြင် စံနှုန်းလည်း မပြည့်မီပေ။ သို့သော် ၎င်းတို့ ဂရုမစိုက်ကြပေ။ ၎င်းတို့သည် အတိတ်၌ ၎င်းတို့ လုပ်ဆောင်ခဲ့သည့်အတိုင်း တူညီသော ဝတ်ကျေတမ်းကျေ နည်းလမ်းဖြင့် ပြုမူကြဆဲဖြစ်ပြီး ၎င်းတို့ တက်ကြွစွာ ဦးဆောင်ဦးရွက် လုပ်ဆောင်သင့်သည့် အရာများနှင့် ပတ်သက်လာလျှင် ၎င်းတို့သည် မထုံတက်သေး ဖြစ်နေကြဆဲဖြစ်သည်။ ၎င်းတို့ လုံးဝ မပြောင်းလဲခဲ့ကြပေ။ ၎င်းတို့သည် အရှက်မဲ့စွာ ခေါင်းမာနေကြသည် မဟုတ်လော။ ၎င်းတို့သည် ဤသဘောထားကို အစဉ်သဖြင့် ထိန်းသိမ်းထားကြသည်။ “သင်၌ ပြောင်မြောက်သည့် အကြံအစည်များ ထောင်ချီ ရှိကောင်းရှိနိုင်သည်။ သို့သော် ကျွန်ုပ်၌ ကိုယ်ပိုင်စည်းမျဉ်းများ ရှိသည်။ ဤသည်မှာ ကျွန်ုပ်ဖြစ်သည့်ပုံစံဖြစ်သည်။ ကျွန်ုပ်ကို သင်မည်သည့်အရာ သင်လုပ်နိုင်သည်ကို ကြည့်ကြစို့။ ဤသည်မှာ ကျွန်ုပ်၏ သဘောထားပင်တည်း”ဟူ၍ ဖြစ်သည်။ ၎င်းတို့သည် အလွန်အမင်း ယုတ်မာသောအရာ သို့မဟုတ် ဆိုးယုတ်သောအရာ တစ်ခုတလေကို မလုပ်ဆောင်ခဲ့ကြသော်လည်း ကောင်းမှုများကိုလည်း အနည်းငယ်သာ လုပ်ဆောင်ခဲ့ကြသည်။ မည်သည့်လမ်းကြောင်းကို ၎င်းတို့ လျှောက်လှမ်းနေသည်ဟု သင်ပြောမည်နည်း။ ဘုရားသခင်ကို ယုံကြည်ခြင်းနှင့် လူတစ်ဦး၏ တာဝန်အပေါ် ဤသို့သော သဘောထားမျိုးသည် ကောင်းမွန်သလော။ (မကောင်းမွန်ပါ။) သမ္မာကျမ်းစာရှိ ဗျာဒိတ်ကျမ်းတွင် ဘုရားသခင်က ဤသို့ ပြောသည်။ “ထိုသို့အအေးမဟုတ်၊ အပူမဟုတ်၊ နွေးရုံရှိသောကြောင့် ငါ၏ခံတွင်းသည် သင့်ကိုထွေးထုတ်ပြီ။” (ဗျာဒိတ်ကျမ်း ၃:၁၆) နွေးရုံရှိခြင်း၊ အအေးမဟုတ် အပူမဟုတ်ဖြစ်ခြင်း၊ ဤသဘောထားသည် ကောင်းမွန်သလော။ (မကောင်းမွန်ပါ။) ဤလူစားမျိုးသည် ၎င်းတို့၏ စိတ်ထဲတွင် ၎င်းတို့၏ ကိုယ်ပိုင် တွက်ချက်မှုများလည်း ရှိကြသည်။ “ကျွန်ုပ်၏ တာဝန်ကို ထမ်းဆောင်ရာတွင် ကျွန်ုပ်သည် မကောင်းမှု မပြုသရွေ့ သို့မဟုတ် အသင်းတော်၏ အလုပ်ကို အဖျက်အမှောင့် မလုပ်သရွေ့ ကျွန်ုပ် ပြစ်တင်ရှုတ်ချခြင်း ခံရမည် မဟုတ်ပါ။ ကျွန်ုပ်၏ တာဝန်ကို ကောင်းမွန်စွာ ထမ်းဆောင်ခြင်းက အလွန် ပင်ပန်းနွမ်းနယ်စေပြီး ဆင်းရဲဒုက္ခများစွာ လိုအပ်ပါက ကျွန်ုပ် ယင်းကို ထမ်းဆောင်မည် မဟုတ်ပါ။ ကျွန်ုပ်သည် ကိုယ့်ကိုယ်ကိုယ် ပင်ပန်းနွမ်းနယ်စေမည် မဟုတ်သော်လည်း ကြီးမားသော အမှားများကိုလည်း ပြုလုပ်မည် မဟုတ်ပါ။ ထိုနည်းအားဖြင့် ကျွန်ုပ်သည် ရှင်းလင်းပစ်ခြင်း သို့မဟုတ် ဖယ်ရှားရှင်းလင်းခြင်း ခံရမည် မဟုတ်သည့်အပြင် တာဝန် မထမ်းဆောင်သော သူများထက် များစွာ ပိုကောင်းနေဆဲ ဖြစ်သည်။ ထို့ကြောင့် ကျွန်ုပ်သည် အအေးမဟုတ်၊ အပူမဟုတ် နွေးရုံသာနေသည်။ သင်က ကျွန်ုပ်ကို မည်သည့်အရာကိုမဆို လုပ်ဆောင်ရန် တောင်းဆိုလျှင်၊ ကျွန်ုပ် လုပ်ဆောင်ပေးမည်။ သို့သော် သင်က ကျွန်ုပ်ကို တစ်စုံတစ်ခု လုပ်ဆောင်ရန် မပြောလျှင်၊ ကျွန်ုပ် ဝင်ရောက်စွက်ဖက်မည် မဟုတ်ပါ။ ဤနည်းအားဖြင့်၊ ကျွန်ုပ် ပင်ပန်းမည်မဟုတ်သည့်အပြင်၊ ထို့အပြင် လူတို့သည် ကျွန်ုပ်၌ အမှားရှာနိုင်မည် မဟုတ်ပါ။ ဤလုပ်နည်းကိုင်နည်းသည် အလွန်ကောင်းသည်”ဟူ၍ ဖြစ်သည်။ ဤသို့သော ကျင့်ကြံပြုမူနည်းသည် ကောင်းမွန်သလော။ (မကောင်းမွန်ပါ။) မကောင်းကြောင်းကို သင်သိသည်၊ သို့ဆိုလျှင် သင်၏ လက်တွေ့လုပ်ဆောင်မှုသည် မည်သို့ ပြောင်းလဲသင့်သနည်း။ သင်သည် သမ္မာတရားကို လိုက်စားခြင်းလမ်းကြောင်းအား လျှောက်လှမ်းရန် မည်သည့်အခါမျှ မရှာဖွေသည့်အပြင်၊ စာတန်၏ အတွေးအခေါ်များဖြင့် မရမက အသက်ရှင်နေသေးလျှင်၊ သင်သည် ကယ်တင်ခြင်းရရှိမည့် မျှော်လင့်ချက်မရှိဖို့ သေချာနေသည်။ သင်သည် ဤလောကတွင် ဤနည်းလမ်းအတိုင်း ကျင့်ကြံပြုမူပါက သင်သည် အမှန်ပင် အားသာချက် ရှိလိမ့်မည်။ လောကီဆိုင်ရာ ဆက်ဆံမှုများအတွက် သင်၏ အတွေးအခေါ်နှင့် ယင်းအပေါ် သင်၏ သဘောထားက သင့်ကို ကာကွယ်ပေးလိမ့်မည်ဖြစ်ပြီး သင်သည် လူတို့ကိုလည်း စော်ကားမိမည်မဟုတ်ပေ။ ထို့အပြင် ဂုဏ်သိက္ခာနှင့် ဂုဏ်သတင်းရှိသော ထိုအထက်တန်းလွှာ လူများသည် သင်က ၎င်းတို့အတွက် ခြိမ်းခြောက်မှုတစ်ခုဖြစ်သည်ဟု ခံစားရမည်မဟုတ်ဘဲ ၎င်းတို့အားလုံးက သင့်ကို အလွန် တန်ဖိုးထားကြလိမ့်မည်။ အဆင့်အတန်းမရှိသော ထိုအောက်တန်းလွှာ လူများသည်လည်း သင့်ကို စော်ကားဝံ့ကြမည်မဟုတ်ပေ။ သို့ဖြစ်၍ သင်သည် အတော်လေး လူကြိုက်များလိမ့်မည်။ အောက်တန်းလွှာ လူများနှင့် အထက်တန်းလွှာ လူများ နှစ်ရပ်စလုံးအတွက် သင်သည် ၎င်းတို့ စည်းရုံးသိမ်းသွင်းရန် ကြိုးပမ်းမည့်သူတစ်ဦး ဖြစ်လိမ့်မည်၊ သင်သည် အလွန် အလိုရှိခံရသူတစ်ဦး ဖြစ်လိမ့်မည်ဖြစ်ပြီး သင်သည် အသိုင်းအဝိုင်းအားလုံးကို မြင့်သည်ဖြစ်စေ၊ နိမ့်သည်ဖြစ်စေ၊ ဆိုးသည်ဖြစ်စေ၊ ကောင်းသည်ဖြစ်စေ လွယ်ကူစွာ ဖြတ်သန်းသွားလာနိုင်လိမ့်မည်။ သို့သော် သင်သည် ဘုရားအိမ်တော်တွင်လည်းကောင်း၊ ဘုရားသခင်၏ ရှေ့မှောက်တွင်လည်းကောင်း လောကီဆိုင်ရာ ဆက်ဆံမှုများအပေါ် ဤသဘောထားမျိုးကို အသုံးပြုနေဆဲဖြစ်ပါက ယင်းသည် အလုပ်ဖြစ်မည် မဟုတ်ပေ။ သမ္မာတရား ပါဝင်ပတ်သက်သည့် အမျိုးမျိုးသော စည်းမျဉ်းများအားလုံးသည် သင့်ထံမှ သဘောထားတစ်ခုကို တောင်းဆိုပြီး ဤသဘောထားသည် မှန်သည်ဖြစ်စေ၊ မှားသည်ဖြစ်စေ၊ အမည်းဖြစ်စေ၊ အဖြူဖြစ်စေ၊ အမှန်ဖြစ်စေ၊ အမှားဖြစ်စေ ဖြစ်သည်။ ယင်းသည် အထူးသဖြင့် ရှင်းလင်းပြီး အထူးသဖြင့် စည်းမျဉ်းနှင့်ညီသည်။ ယင်းတို့သည် သင်၏ ကြားနေလမ်းစဉ်ထက် သင်၏ ရပ်တည်ချက်နှင့် သင်၏ တိကျသော အမြင်ရှုထောင့်ကို တောင်းဆိုသည်။ ကြားနေလမ်းစဉ်ကို လိုက်နာသူများသည် သမ္မာတရားရှေ့တွင် ခိုင်မာစွာ မရပ်တည်နိုင်ကြပေ။ “ကျွန်ုပ် နေထိုင်သည့်နည်းလမ်းက မည်မျှ လိမ္မာပါးနပ်သည်ကို ကြည့်လိုက်ပါ။ ကျွန်ုပ်သည် ကလေးဘဝကတည်းက ဤနည်းလမ်းကို အသုံးပြု၍ ကိုယ့်ကိုယ်ကိုယ် ကာကွယ်ရန် သင်ယူခဲ့ပြီး ယခုအချိန်အထိ ကျွန်ုပ်၏ ဘဝကို ပြန်ကြည့်ရာတွင် ဤနည်းလမ်းသည် အလွန် လက်တွေ့ကျသည်ဟု ကျွန်ုပ် ခံစားရသည်။ ဘုရားသခင်ကို ယုံကြည်လာပြီးနောက်တွင်လည်း ကျွန်ုပ်သည် ဤနည်းလမ်းဖြင့် အသက်ရှင်နေဆဲ ဖြစ်သည်။ ဘုရားသခင်ကို ယုံကြည်ခဲ့သည့် နှစ်များအတွင်း ကျွန်ုပ်သည် ပြုပြင်ခြင်း မခံခဲ့ရပါ၊ ကျွန်ုပ်၏ တာဝန်ကို ထမ်းဆောင်ရာတွင် သိသိသာသာ မကျရှုံးခဲ့ပါ၊ ကြီးမားသော စစ်ဆေးခြင်း သို့မဟုတ် စမ်းသပ်ခြင်း တစ်ခုတလေကိုမျှ မခံခဲ့ရသည့်အပြင် ဘုရားသခင်သည် ကျွန်ုပ်ကို မည်သည့်အခါမျှ ပြစ်တင်ရှုတ်ချခြင်း သို့မဟုတ် ပစ်ပယ်ခြင်း မရှိခဲ့ပါ။ ကျွန်ုပ်သည် ကျင့်ကြံပြုမူရာတွင် မည်မျှ အောင်မြင်ကြောင်း၊ ယင်း၌ မည်မျှ ကျွမ်းကျင်ကြောင်း ကြည့်လိုက်ပါ” ဟု မတွေးနှင့်။ သင် မှားသည်။ သင်သည် မည်သို့ ကျင့်ကြံပြုမူရမည်ကို မသိပေ။ သင်သည် ကိစ္စရပ်တိုင်းကို ချဉ်းကပ်ရန်နှင့် သမ္မာတရားကို ချဉ်းကပ်ရန် စဉ်းလဲသော နည်းလမ်းတစ်ခုကို အသုံးပြုသည်။ ဤနည်းလမ်းသည် လုံးဝ မှားယွင်းပြီး ဤသို့လုပ်ဆောင်ခြင်းဖြင့် သင်သည် ခိုင်မာစွာ မရပ်တည်နိုင်ပေ။ “ကျွန်ုပ်သည် ဤသို့ လုပ်ဆောင်လေ့ရှိပြီး အစဉ်သဖြင့် အောင်မြင်ခဲ့သည်။ ကျွန်ုပ် မည်သည့်အခါမျှ မကျရှုံးခဲ့သည့်အပြင် မည်သည့်အခါမျှ အရှက်မကွဲခဲ့ သို့မဟုတ် ကျွန်ုပ်၏ မသိနားမလည်မှုကို မပြသခဲ့ပါ။ ယခု ကျွန်ုပ်သည် ဘုရားသခင်ကို ယုံကြည်သောကြောင့် လောကီဆိုင်ရာ ဆက်ဆံမှုများအတွက် ဤအဆင့်မြင့်ဆုံးသော နည်းဗျူဟာကို ဆက်လက် စွဲကိုင်ထားမည်” ဟု တွေးလျက် ကံကို အားကိုးသည့် စိတ်ဓာတ်မျိုး မထားနှင့်။ ဤသည်မှာ သင် မိုက်မဲခြင်းဖြစ်သည်ဟု ငါပြောသည်။ ဘုရားသခင်သည် လူတို့ကို ကယ်တင်ရန် အဘယ်ကြောင့် နှုတ်ကပတ်တော်များစွာကို ပြောဆိုသနည်း။ ယင်းမှာ ဤနှုတ်ကပတ်တော်များ၏ လမ်းပြမှုအောက်တွင် ဘဝ၏ မှန်ကန်သော လမ်းကြောင်းသည် အဘယ်အရာဖြစ်ကြောင်းနှင့် လူတို့သည် မည်သည့် လမ်းကြောင်းမျိုးကို လျှောက်လှမ်းသင့်ကြောင်း နားလည်နိုင်စေရန် အတိအကျ ဖြစ်သည်။ ယင်းမှာ သင့်ကို ရွေးချယ်ခွင့်ပေးရန် ဖြစ်သည်။ ယင်းမှာ သင့်ကို ဤနေရာတွင် အခွင့်အရေးယူပြီး ပြီးစလွယ် ဖြတ်သန်းခွင့်ပေးရန် မဟုတ်ပေ။ ယင်းသည် သင့်ကို အခွင့်အရေးယူပြီး ပြီးစလွယ် ဖြတ်သန်းခွင့်ပေးရန် ဖြစ်ပါက ဘုရားသခင်သည် ဤနှုတ်ကပတ်တော်များကို ပြောဆိုမည် မဟုတ် သို့မဟုတ် ဤအလုပ်ကို လုပ်ဆောင်မည် မဟုတ်ပေ။ အမျိုးမျိုးသော ကိစ္စရပ်များနှင့် ပတ်သက်၍ ငါတို့၏ မိတ်သဟာယဖွဲ့ခြင်းတွင် သမ္မာတရားနှင့် ဆန့်ကျင်သောအရာ အားလုံးကို အဘယ်ကြောင့် အလွန် ရှင်းလင်းစေသနည်း။ ယင်းမှာ အပြုသဘောဆောင်သောအရာများသည် အဘယ်အရာဖြစ်ကြောင်းနှင့် အပျက်သဘောဆောင်သောအရာများသည် အဘယ်အရာဖြစ်ကြောင်း သင့်ကို ပြောပြရန် အတိအကျ ဖြစ်သည်။ သို့မှသာ သင်သည် ယင်းတို့ကို သေသေချာချာ ခွဲခြားသိမြင်နိုင်ပြီး ယင်းတို့ကို ရှင်းလင်းစွာ မြင်တွေ့နိုင်မည် ဖြစ်သည်။ အပြုသဘောဆောင်သောအရာများနှင့် အပျက်သဘောဆောင်သောအရာများသည် ဘုရားသခင်ရှေ့မှောက်တွင် လုံးဝ ပွင့်လင်းပြီး ထုတ်ဖော်ထားကာ ပွင့်လင်းမြင်သာမှု ရှိသည်။ ယင်းတို့သည် မရေရာခြင်း မရှိပေ။ ထို့ကြောင့် မည်သည့်အရာကိုမဆို လုပ်ဆောင်ရာတွင်လညးကောင်း၊ သင်၏ လမ်းကြောင်းကို ရွေးချယ်ရာတွင်လည်းကောင်း ရှင်းလင်းမှုရှိရန် ဘုရားသခင်က သင့်ကို တောင်းဆိုသည်။ သင်၏ သဘောထားသည် ရှင်းလင်းရမည်ဖြစ်ပြီး သင်၏ အတွေးများနှင့် အမြင်များသည် ရှင်းလင်းရမည်။ ဝေဝါးသောအရာ တစ်ခုမျှ မရှိရပေ။ သမ္မာတရားနှင့် သမ္မာတရား စည်းမျဉ်းများ ပါဝင်ပတ်သက်သည့်အရာတွင် ဒွိဟဖြစ်သောအရာ တစ်ခုမျှ မပါဝင်ပေ။ အမည်းသည် အမည်းဖြစ်သည်၊ အဖြူသည် အဖြူဖြစ်သည်၊ ဟုတ်သည်မှာ ဟုတ်သည်ဖြစ်ပြီး မဟုတ်သည်မှာ မဟုတ်သည် ဖြစ်သည်။ လိမ်ညာမှုတစ်ခုသည် အကြိမ်တစ်ထောင် ပြောဆိုခံရလျှင်ပင် ယင်းမှာ လိမ်ညာမှုတစ်ခုသာ ဖြစ်နေဆဲဖြစ်ပြီး မည်သည့်အခါမျှ အမှန်တရား ဖြစ်မလာနိုင်ပေ။ သမ္မာတရားသည် လောကတွင် ယင်းကို လက်ခံသူ နည်းပါးလျှင်ပင်၊ သို့မဟုတ် နိုင်ငံများစွာက ယင်းကို ငြင်းပယ်ပြီး ပြစ်တင်ရှုတ်ချလျှင်ပင် သမ္မာတရားအဖြစ် ရှိနေဆဲ ဖြစ်သည်။ သမ္မာတရားသည် အမြဲတစေ သမ္မာတရားဖြစ်ပြီး မှားယွင်းပြီး အဓိပ္ပာယ်မဲ့ခြင်း သို့မဟုတ် မိစ္ဆာဒိဋ္ဌိအယူ လုံးဝ ဖြစ်လာမည် မဟုတ်ပေ။ စာတန်နှင့်ဆိုင်သော အပျက်သဘောဆောင်သည့် အရာများကို လူမည်မျှ လိုက်နာသည်ဖြစ်စေ၊ ယင်းတို့သည် လောကီ ရေစီးကြောင်းတစ်ခု ဖြစ်လာသည်မှာ နှစ်ပေါင်းမည်မျှ ကြာသည်ဖြစ်စေ ယင်းတို့သည် အပျက်သဘောဆောင်သောအရာများ ဖြစ်နေဆဲဖြစ်ပြီး စာတန်နှင့် ဆိုင်နေဆဲ ဖြစ်သည်။ ယင်းတို့သည် အပြုသဘောဆောင်သောအရာများအဖြစ် မည်သည့်အခါမျှ ပြောင်းလဲသွားမည် မဟုတ်ပေ။ ပြောင်းပြန်အားဖြင့် အပြုသဘောဆောင်သောအရာများသည် ဤလောကတွင် တိုက်ခိုက်ခံရ၊ ဖိနှိပ်ခံရပြီး ပြစ်တင်ရှုတ်ချခံရလျှင်ပင် အပြုသဘောဆောင်သော အရာများအဖြစ် ရှိနေဆဲဖြစ်ပြီး မည်သည့်အခါမျှ အပျက်သဘောဆောင်သောအရာများ ဖြစ်လာမည် မဟုတ်ပေ။ ဘုရားသခင်သည် ထာဝရ ဘုရားသခင်ဖြစ်သည်။ ထာဝရ တရားမျှတမှု၏ ပြယုဂ်ဖြစ်ပြီး အပြုသဘောဆောင်သောအရာ အားလုံး၏ ကိုယ်စားလှယ် ထာဝရ ဖြစ်သည်။ ဘုရားသခင်၏ အဆင့်အတန်းသည် ပြောင်းလဲခြင်း မရှိသည့်အပြင် သူ၏ အနှစ်သာရသည်လည်း ပြောင်းလဲခြင်းမရှိပေ။ တစ်ချိန်တည်းမှာပင် စာတန်သည် ထာဝရ စာတန်ဖြစ်သည်။ ဆိုးယုတ်မှု၏ ထာဝရ ပြယုဂ်ဖြစ်သည်။ ဆိုးယုတ်မှု ဗဟိုချက်၏ ကိုယ်စားလှယ် ထာဝရ ဖြစ်သည်၊ ထာဝရ အပျက်သဘောဆောင်ပြီး ယင်းသည် အပြုသဘောဆောင်သောအရာတစ်ခု မည်သည့်အခါမျှ ဖြစ်လာမည် မဟုတ်ပေ။

အချို့လူများက “အသင်းတော်တွင် အသက်ရှင်နေထိုင်ရာ၌ သင်သည် ပြောင်းလွယ်ပြင်လွယ် ရှိရမည်။ မည်သည့်ဘက်ကိုမျှ အလွန်အမင်း မယိမ်းနှင့်။ သမ္မာတရားကို လက်မခံနှင့်။ သို့သော် ယင်းကို အလွန်အမင်း မနှစ်မြို့ခြင်းလည်း မရှိစေနှင့်။ အပြုသဘောဆောင်သော ပုဂ္ဂိုလ်များ သို့မဟုတ် အပျက်သဘောဆောင်သော ပုဂ္ဂိုလ်များကို မပြစ်မှားနှင့်။ လှေနံနှစ်ဖက်နင်းနေသူတစ်ဦး ဖြစ်ခြင်းက အကောင်းဆုံး ဖြစ်သည်။ ကျွန်ုပ်သည် အပြုသဘောဆောင်သောအရာများကို မဆန့်ကျင်သည့်အပြင် အပျက်သဘောဆောင်သောအရာများကိုလည်း မဝေဖန်ပါ။ ကျွန်ုပ်သည် သမ္မာတရားကို လိုက်စားသောသူများကို မျက်နှာချိုသွေးခြင်း သို့မဟုတ် ၎င်းတို့၏ မျက်နှာသာရရန် ကြိုးစားခြင်း မရှိသည့်အပြင် ၎င်းတို့နှင့် ရင်းနှီးအောင်လည်း မလုပ်ပါ။ ကျွန်ုပ်သည် အန္တိခရစ်များနှင့်လည်း အလှမ်းဝေးအောင် မနေပါ။ သင်သည် ကျွန်ုပ်ကို မည်သည့်အရာ လုပ်နိုင်သနည်း။ ကျွန်ုပ်သည် ဘဝကို မည်မျှ ရှင်းလင်းစွာ နားလည်သည်ကို ကြည့်လော့” ဟု ပြောကြသည်။ ဤသည်မှာ ရှင်းလင်းစွာ နားလည်ခြင်းလော။ ဤသည်မှာ ရှင်းလင်းစွာ နားလည်ခြင်း မဟုတ်ပေ။ ဤသည်မှာ မိုက်မဲခြင်း ဖြစ်သည်။ ဤသည်မှာ နားဝေတိမ်တောင်ဖြစ်နေခြင်းနှင့် အမှားနှင့်အမှန်ကို မခွဲခြားနိုင်ခြင်း ဖြစ်သည်။ ထိုသို့သောသူသည် နားဝေတိမ်တောင်ဖြစ်သောသူ ဖြစ်သည်။ ဤကဲ့သို့သော မျက်နှာနှစ်ဖက်ရှိသူသည် လုံးဝ မကောင်းကြောင်း ငါ သင့်ကို ပြောမည်။ ဤနည်းလမ်းအတိုင်း အသက်ရှင်နေထိုင်ခြင်း၏ နောက်ဆုံးရလဒ်မှာ အဘယ်အရာ ဖြစ်မည်နည်း။ (၎င်းတို့တွင် အဆုံးသတ် မရှိသည့်အပြင် ခရီးဆုံးပန်းတိုင်လည်း မရှိဖြစ်ပါမည်။) ၎င်းတို့သည် ကိုယ့်ခရီးဆုံးပန်းတိုင်ကိုယ် ဖျက်ဆီးပြီးဖြစ်လိမ့်မည်။ ၎င်းတို့သည် အပြုသဘောဆောင်သောအရာများကို မဆန့်ကျင်သော်လည်း အနှစ်သာရအားဖြင့် ၎င်းတို့သည် အပြုသဘောဆောင်သောအရာများကို လက်ခံခဲ့ခြင်းလည်း မရှိပေ။ မဆန့်ကျင်ခြင်းသည် လက်ခံခြင်းနှင့် မတူသည့်အပြင် အပျက်သဘောဆောင်သောအရာများကို မဝေဖန်ခြင်းသည် ယင်းတို့ကို လက်လွှတ်ခြင်းနှင့် မတူပေ။ အပြုသဘောဆောင်သောအရာများကို လက်မခံခြင်းနှင့် အပျက်သဘောဆောင်သောအရာများကို မဝေဖန်ခြင်းအားဖြင့် သင်သည် အပျက်သဘောဆောင်သောအရာများနှင့် အပျက်သဘောဆောင်သော ရှုထောင့်အမြင်များကို လက်လွှတ်ပြီးဖြစ်သည်ဟု ထင်သလော။ သင်သည် ယင်းတို့ကို လက်မလွှတ်နိုင်ပေ။ အပြုသဘောဆောင်သောအရာများကို လက်ခံခြင်းနှင့် သမ္မာတရားကို လက်ခံခြင်းအားဖြင့်သာ လူတို့၏ အပျက်သဘောဆောင်သော အတွေးများနှင့် ရှုထောင့်အမြင်များအပြင် စာတန်နှင့်ဆိုင်သော ဆိုးညစ်သည့် အတွေးများနှင့် ရှုထောင့်အမြင်များကို တဖြည်းဖြည်း လက်လွှတ်နိုင်ပြီး ချိုးဖျက်နိုင်သည်။ ထိုအခါမှသာ လူတို့သည် သမ္မာတရား စည်းမျဉ်းများနှင့် ကိုက်ညီသော လက်တွေ့လုပ်ဆောင်မှုများ၊ ထိုးထွင်းသိမြင်မှုများ၊ နားလည်မှုနှင့် စံသတ်မှတ်ချက်များနှင့်အတူ အပြုသဘောဆောင်သော အတွေးများနှင့် ရှုထောင့်အမြင်များကို လက်ခံနိုင်မည် ဖြစ်သည်။ တစ်နည်းအားဖြင့် သင်သည် အပြုသဘောဆောင်သော အတွေးများနှင့် ရှုထောင့်အမြင်များကို လက်ခံလိုပါက၊ သင်သည် သမ္မာတရားကို လက်ခံလိုပါက၊ သင်သည် သမ္မာတရားကို သင့်အထဲသို့ ဝင်ရောက်စေပြီး သင်၏ အသက် ဖြစ်လာစေလိုပါက သင်သည် အတွင်း၌ရှိသောအရာကို ဦးစွာ ဖယ်ရှားရမည်ဖြစ်ပြီး ထို့နောက် သမ္မာတရားကို လက်ခံကာ သမ္မာတရားကို သင့်အထဲသို့ ဝင်ရောက်ခွင့်ပေးပြီး သင်၏ စိတ်နှလုံးထဲတွင် အာဏာစွဲကိုင်ခွင့် ပေးရမည်။ ဤသည်မှာ သမ္မာတရားကို အသက်အဖြစ် ရှိခြင်း ဖြစ်သည်။ သမ္မာတရားကို လိုက်စားခြင်းကို ဤနည်းလမ်းဖြင့် လက်တွေ့လုပ်ဆောင်သည်။ ဘုရားသခင်ကို ယုံကြည်ခြင်း၏ အဓိက ရည်ရွယ်ချက်မှာ သမ္မာတရားကို ရရှိရန် ဖြစ်သည်။ သမ္မာတရားနှင့် ဆန့်ကျင်သော အမျိုးမျိုးသော အတွေးများနှင့် ရှုထောင့်အမြင်များကို သင် ပိုင်းခြားသိမြင်နိုင်ရမည်။ အထူးသဖြင့် သင်သည် စာတန်၏ အတွေးအခေါ်ကို လိုက်နာသော လူစားမျိုး ဖြစ်ပါက သင်သည် ကြားနေလမ်းစဉ် ချဉ်းကပ်မှု၏ ကလိမ်ကကျစ်ကျသော အတွေးများနှင့် ရှုထောင့်အမြင်များကို စွန့်လွှတ်ရမည်ဖြစ်ပြီး ယင်းတို့ကို သတိရှိရှိ ပုန်ကန်ရမည်။ သင် ကြုံတွေ့ရသော အခြေအနေများတွင် ထိုသို့သော အတွေးများနှင့် ရှုထောင့်အမြင်များ ပေါ်ပေါက်လာသည့်အခါ ယင်းတို့သည် မှားယွင်းကြောင်းကို သင် သတိပြုမိရမည်ဖြစ်ပြီး သင် ဤသို့ တွေးရမည်။ “ဘုရားသခင်၏ နှုတ်ကပတ်တော်များက မည်သို့ ဆိုသနည်း။ ဘုရားသခင်က မည်သည့်အရာကို တောင်းဆိုသနည်း။ သမ္မာတရား စည်းမျဉ်းများနှင့် ကိုက်ညီသည့် မည်သည့် ပြုမူနည်းကိုမဆို ကျွန်ုပ်သည် အစပြုလုပ်ဆောင်မည်ဖြစ်ပြီး ယင်းနှင့်အညီ ပြုမူရန် ကြိုးပမ်းမည်။ ကြားနေလမ်းစဉ် ချဉ်းကပ်မှု၏ အတွေးများနှင့် ရှုထောင့်အမြင်များကို ကျွန်ုပ်အား အုပ်စိုးခွင့် သို့မဟုတ် သမ္မာတရားကို လက်တွေ့လုပ်ဆောင်ခြင်းမှ ကျွန်ုပ်ကို ဟန့်တားခွင့် မပေးပါ။ ထိုအစား ဘုရားသခင်၏ နှုတ်ကပတ်တော်များ၊ သမ္မာတရားကို ကျွန်ုပ်၏ ကျင့်ကြံပြုမူခြင်းနှင့် လုပ်ရပ်များအတွက်၊ ပြီးလျှင် ကျွန်ုပ်၏ တာဝန်ကို ထမ်းဆောင်ခြင်းအတွက် စံသတ်မှတ်ချက်များ ဖြစ်လာခွင့် ပေးရမည်။” ဤနည်းလမ်းအတိုင်း လက်တွေ့လုပ်ဆောင်ခြင်းက ကွဲပြားသော ရလဒ်တစ်ခုကို ဖြစ်ပေါ်စေလိမ့်မည်။ ယင်းသည် အလွန် သေးငယ်သော ကိစ္စတစ်ခုဖြစ်ပြီး ဘုရားသခင်၏ အမှတ်ရခြင်းကို ခံထိုက်ခြင်း မရှိလျှင်ပင် အနည်းဆုံးအနေဖြင့် ဘုရားသခင်သည် ယင်းကို ပြစ်တင်ရှုတ်ချမည် မဟုတ်ပေ။ ဤနည်းလမ်းအတိုင်း သင်၏ လုပ်ရပ်များ တဖြည်းဖြည်း စုပုံလာသည်နှင့်အမျှ သင်၏ ကောင်းမှုများသည် တဖြည်းဖြည်းချင်း ပြင်ဆင်ပြီး ဖြစ်လာလိမ့်မည်။ သင်၏ လုပ်ရပ်များကို ဘုရားသခင်၏ အမြင်တွင် ကောင်းမှုများအဖြစ် မှတ်ယူနိုင်ပါက သင်သည် မျှော်လင့်ချက် ရှိလိမ့်မည်။ သင်သည် မှန်ကန်ပြီး အပြုသဘောဆောင်သော ဦးတည်ချက်နှင့် ပန်းတိုင်တစ်ခုကို စတင်ရရှိလာလိမ့်မည်ဖြစ်ပြီး သင်သည် အပြုသဘောဆောင်သောသူ၊ မှန်ကန်သောသူတစ်ဦး စတင်ဖြစ်လာလိမ့်မည်။ ဤနည်းအားဖြင့် သင်သည် ငရဲဆီသို့ ဦးတည်သော ပျက်စီးခြင်း လမ်းကြောင်းနှင့် အလှမ်းဝေးသွားမည်ဖြစ်ပြီး ကောင်းကင်နိုင်ငံတော်ဆီသို့ ဦးတည်သော လမ်းကြောင်းဆီသို့ တဖြည်းဖြည်း လှည့်လာလိမ့်မည်။ ဤသည်မှာ လူတစ်ဦး လှည့်ပြန်နိုင်ခြင်း၏ ကောင်းမွန်သော ရလဒ်တစ်ခု ဖြစ်သည်။ ဤအရာသည် စွမ်းဆောင်ရရှိရန် လွယ်ကူသလော။ ယင်းမှာ လူတစ်ဦးသည် သမ္မာတရားကို မည်သည့် အတိုင်းအတာအထိ ချစ်မြတ်နိုးသည်ဆိုသည့်အပေါ် မူတည်သည်။ သင်သည် အမှားတစ်ခု ပြုလုပ်မိပြီး “ကျွန်ုပ်သည် မိမိကိုယ်ကို အမှန်ပင် မုန်းတီးလေသည်။ ဤမျှ ယုတ်ညံ့ပြီး စက်ဆုပ်ဖွယ်ကောင်းသည့်အရာကို ကျွန်ုပ် မည်သို့ဖြစ်၍များ လုပ်နိုင်ရသနည်း။ ကိုယ့်ပါးကိုယ် နှစ်ချက်လောက် ရိုက်ချင်စိတ်များ အမှန်ပင် ပေါက်နေသည်” ဟုသာ ပြောပါက ကိုယ့်ကိုယ်ကိုယ် မုန်းတီးရုံမျှဖြင့် ယင်းသည် မည်သည့် အကျိုးမျှ ရှိမည်မဟုတ်ပေ။ အဓိကသော့ချက်မှာ သင် အမှားတစ်ခု ပြုလုပ်မိသည့်အခါ ယင်းတွင် အဘယ်အရာက မှားယွင်းနေသည်ကိုလည်းကောင်း၊ ယင်းကို လုပ်ဆောင်ရန် သင့်ကို အဘယ်အရာက တွန်းအား ပေးခဲ့သည်ကိုလည်းကောင်း၊ သမ္မာတရားကို သင် လက်တွေ့မလုပ်ဆောင်နိုင်ရသည့် အကြောင်းအရင်းကိုလည်းကောင်း၊ အရင်းခံ အကြောင်းရင်းမှာ အဘယ်အရာဖြစ်သည်ကိုလည်းကောင်း၊ သင်၏ လုပ်ရပ်များ၏ အခြေခံနှင့် စည်းမျဉ်းများမှာ အဘယ်အရာဖြစ်သည်ကိုလည်းကောင်း သင် ပိုင်းခြားသိမြင်နိုင်ရမည် ဖြစ်သည်။ အဓိကသော့ချက်မှာ ကိစ္စတစ်ခုခုနှင့် ရင်ဆိုင်ရသည့်အခါ သင်သည် ဘုရားသခင်၏ နှုတ်ကပတ်တော်များနှင့်အညီ သတိရှိရှိ ပြုမူနေခြင်း ရှိမရှိနှင့် သင်၏ စာတန်နှင့်ဆိုင်သော အတွေးများနှင့် အမြင်များ၊ သင်၏ ရည်မှန်းချက်များနှင့် လိုအင်ဆန္ဒများ၊ ပြီးလျှင် သင်၏ ရည်ရွယ်ချက်များနှင့် အစီအစဉ်များကို သတိရှိရှိ ပုန်ကန်နေခြင်း ရှိမရှိဟူသည်လည်း ဖြစ်သည်။ သင်သည် ဤအရာများအားလုံးကို သတိရှိရှိ လုပ်ဆောင်ခဲ့ပါက သင်သည် ကောင်းမှုများကို ပြင်ဆင်ပြီးဖြစ်သည်။ ဤသည်မှာ ကောင်းမြတ်သောအရာတစ်ခု ဖြစ်ပြီး သင်သည် တစ်စုံတစ်ခုကို ရရှိပြီးဖြစ်သည်။ ဤရလဒ်မျိုးသည် ကောင်းမွန်သလော။ ဤသည်မှာ သင်တို့ မြင်တွေ့လိုသော ရလဒ်လော။ ဤသည်မှာ သင်တို့ လိုက်စားလိုသည့်အရာလော။ (ဟုတ်ပါသည်။) ယခုအခါ လူအများစုသည် မည်သည့် ရှုထောင့်အမြင်မျိုးကို စွဲကိုင်ထားကြသနည်း။ ယင်းမှာ ဤသို့ဖြစ်သည်။ “ကျွန်ုပ်သည် မကောင်းမှု မပြုပါ သို့မဟုတ် အဖျက်အမှောင့်လုပ်ခြင်းများနှင့် နှောင့်ယှက်ခြင်းများကို မဖြစ်စေပါ။ အချိန်ပြည့်တာဝန်ထမ်းဆောင်သော အသင်းတော်မှ ကျွန်ုပ် ရှင်းလင်းပစ်ခြင်း မခံရသရွေ့ အရာအားလုံး အဆင်ပြေပါသည်။ ကျွန်ုပ်သည် ကောင်းမှုများစွာကို မပြင်ဆင်ခဲ့သော်လည်း၊ ပြီးလျှင် ကျွန်ုပ်၏ တာဝန်တွင် ကျွန်ုပ်သည် သိပ်ပြီး သစ္စာစောင့်သိမှု မရှိ၊ စိတ်ရင်းမှန် သိပ်မရှိသည့်အပြင် သမ္မာတရား စည်းမျဉ်းများနှင့်အညီ လေးလေးနက်နက် လက်တွေ့မလုပ်ဆောင်သော်လည်း ကျွန်ုပ်သည် မကောင်းမှု မပြု သို့မဟုတ် အဖျက်အမှောင့်လုပ်ခြင်းများနှင့် နှောင့်ယှက်ခြင်းများကို မဖြစ်စေသရွေ့ ယင်းမှာ လုံလောက်သည် မဟုတ်လော” ဟူ၍တည်း။ ဤရှုထောင့်အမြင်က မည်သို့ရှိသနည်း။ ဤသည်မှာ ယိုယွင်းနေသော အတွေးနှင့် ရှုထောင့်အမြင်တစ်ခု ဖြစ်သည်။ ယင်းသည် တိုးတက်မှုကို မရှာဖွေသောအရာ ဖြစ်သည်။ သင်သည် မကောင်းမှု မပြု သို့မဟုတ် အဖျက်အမှောင့်လုပ်ခြင်းများနှင့် နှောင့်ယှက်ခြင်းများကို မဖြစ်စေသရွေ့ သင်သည် လူကောင်းတစ်ဦး၊ မွန်မြတ်သော လူတစ်ဦးဖြစ်သည်ဟုလည်းကောင်း၊ သင်သည် ခိုင်မာစွာ ရပ်တည်နိုင်ပြီး သင်လုပ်ဆောင်သည့်အရာသည် သမ္မာတရားနှင့် ကိုက်ညီသည်ဟုလည်းကောင်း သင် လုံးဝ မတွေးရပေ။ ယင်းမှာ မှားယွင်းသည်ဟု ငါ သင့်ကို ပြောမည်။ ဤသည်မှာ မိုက်မဲသော တွေးခေါ်ပုံတစ်ခု ဖြစ်သည်။ မကောင်းမှု မပြုခြင်းသည် ကောင်းမှုများကို ပြင်ဆင်ခြင်းနှင့် မညီမျှပေ။ မကောင်းမှု မပြုခြင်းနှင့် ကောင်းမှုများကို ပြင်ဆင်ခြင်းတို့သည် မတူညီသော သဘောတရား နှစ်ခု ဖြစ်သည်။ မကောင်းမှု မပြုဘဲ တာဝန်တစ်ခုကို ထမ်းဆောင်ခြင်းသည် ဖန်ဆင်းခံတစ်ဦး လုပ်ဆောင်ရမည့်အရာ ဖြစ်သည်။ ယင်းသည် ပုံမှန် လူ့သဘာဝ၏ အသိစိတ်နှင့် ဆင်ခြင်တုံတရား ရှိသူများ ပိုင်ဆိုင်သင့်သည့် သရုပ်သကန်တစ်ခု ဖြစ်သည်။ ဥပမာအားဖြင့် အချို့လူများက “လူသတ်မှု ကျူးလွန်သူများ ရှိသော်လည်း ကျွန်ုပ်သည် ထိုသို့ မလုပ်ဆောင်ခဲ့ပါ။ ထိုသူသည် အခြားလူများထံမှ ပစ္စည်းများကို ခိုးယူခဲ့သော်လည်း ကျွန်ုပ်သည် ထိုသို့ မလုပ်ဆောင်ခဲ့ပါ။ ဤသည်မှာ ကျွန်ုပ်သည် လူကောင်းတစ်ဦးဖြစ်ကြောင်း ဆိုလိုပါသည်” ဟု ပြောကြသည်။ ယင်းမှာ ကြွားလုံးထုတ်ထိုက်သလော။ ၎င်းတို့၏ အခိုင်အမာ ပြောဆိုချက်သည် မှန်ကန်သလော။ (မမှန်ကန်ပါ။) ဤသည်မှာ သဘောတရားများကို ရောထွေးနေခြင်း ဖြစ်သည်။ သူခိုးတစ်ဦး မဖြစ်ခြင်း၊ လူသတ်မှု သို့မဟုတ် မီးရှို့မှု မကျူးလွန်ခြင်းနှင့် တရားမဝင် လိင်ပိုင်းဆိုင်ရာ ဆက်ဆံမှုများကို မလုပ်ဆောင်ခြင်းတို့သည် လူကောင်းတစ်ဦး ဖြစ်ခြင်းနှင့် မတူပေ။ မကောင်းမှု မကျူးလွန်ခြင်း သို့မဟုတ် ဥပဒေကို မချိုးဖောက်ခြင်းသည် လူကောင်းတစ်ဦး ဖြစ်ခြင်းနှင့် ကွဲပြားသော သဘောတရားတစ်ခု ဖြစ်သည်။ လူကောင်းတစ်ဦး ဖြစ်ခြင်းတွင် ယင်း၏ ကိုယ်ပိုင် စံနှုန်းများ ရှိသည်။ မကောင်းမှု မပြုခြင်းနှင့် ကောင်းမှုများကို ပြင်ဆင်ခြင်းတို့သည်လည်း သီးခြား သဘောတရား နှစ်ခု ဖြစ်သည်။ မကောင်းမှုမပြုဘဲ သင်၏တာဝန်ကို ထမ်းဆောင်ခြင်းသည် ပုံမှန်လူတစ်ဦးအနေဖြင့် သင်စွမ်းဆောင်ရရှိသင့်သည့်အရာတစ်ခု ဖြစ်သည်။ သို့သော် ကောင်းမှုများကို ပြင်ဆင်ခြင်းဟူသည်မှာ သင်သည် ဘုရားသခင်၏ တောင်းဆိုချက်များနှင့် သမ္မာတရား စည်းမျဉ်းများအတိုင်း သမ္မာတရားကို တက်ကြွစွာနှင့် အပြုသဘောဆောင်စွာ လက်တွေ့လုပ်ဆောင်ပြီး သင်၏တာဝန်ကို ကောင်းမွန်စွာ ဖြည့်ဆည်းရမည်ဟု ဆိုလိုသည်။ သင်သည် သစ္စာစောင့်သိမှု ရှိရမည်၊ ဒုက္ခဆင်းရဲများကို ခံနိုင်ပြီး အဖိုးအခပေးလိုစိတ်ရှိရမည်၊ တာဝန်ယူလိုစိတ်ရှိရမည်ဖြစ်ပြီး အပြုသဘောဆောင်စွာနှင့် တက်ကြွစွာ ပြုမူနိုင်စွမ်းရှိရမည်။ ဤစည်းမျဉ်းများအတိုင်း လုပ်ဆောင်သော လုပ်ရပ်များသည် အခြေခံအားဖြင့် အားလုံးမှာ ကောင်းမှုများပင် ဖြစ်သည်။ ၎င်းတို့သည် ကိစ္စကြီးများဖြစ်စေ၊ ကိစ္စငယ်များဖြစ်စေ၊ လူတို့၏ အမှတ်ရခြင်းကို ခံထိုက်သည်ဖြစ်စေ၊ မခံထိုက်သည်ဖြစ်စေ၊ လူတို့က အလွန်တန်ဖိုးထားသည်ဖြစ်စေ၊ အရေးမပါဟု မှတ်ယူသည်ဖြစ်စေ၊ သို့မဟုတ် လူတို့က အာရုံစိုက်ထိုက်သည်ဟု ထင်သည်ဖြစ်စေ၊ ဘုရားသခင်၏ အမြင်တွင်မူ ယင်းတို့အားလုံးသည် ကောင်းမှုများ ဖြစ်ကြသည်။ သင်သည် ကောင်းမှုများကို ပြင်ဆင်ထားပြီးဖြစ်ပါက ယင်းက နောက်ဆုံးတွင် သင့်ထံသို့ ကောင်းချီးများကို ဆောင်ကြဉ်းပေးမည်ဖြစ်ပြီး ဘေးဒုက္ခများကို ဆောင်ကြဉ်းပေးမည်မဟုတ်ပေ။ အချို့လူများသည် မည်သည့်ကောင်းမှုကိုမျှ လုံးဝ မပြင်ဆင်ဘဲ အောက်ပါအချက်ဖြင့်သာ တင်းတိမ်ရောင့်ရဲနေကြသည်။ “ကျွန်ုပ်သည် ခိုင်းသည့် မည်သည့်အရာကိုမဆို လုပ်ဆောင်ပြီး သွားခိုင်းသည့် မည်သည့်နေရာကိုမဆို သွားပါသည်။ ကျွန်ုပ်သည် မည်သည့်အခါမျှ ထင်ရာမြင်ရာပုံစံဖြင့် ပြောဆိုခြင်း သို့မဟုတ် ပြုမူခြင်းမရှိသကဲ့သို့ မည်သည့်အခါမျှ ထိခိုက်နစ်နာစေခြင်း မရှိဘဲ ပြဿနာရှာခြင်း သို့မဟုတ် အဖျက်အမှောင့်လုပ်ခြင်းနှင့် နှောင့်ယှက်ခြင်းတို့ကို မပြုလုပ်ပါ။ ကျွန်ုပ်သည် အမှန်တကယ် နာခံပြီး ကောင်းစွာပြုမူနေထိုင်ပါသည်” ဟူ၍ ဖြစ်သည်။ ၎င်းတို့သည် ဤသို့သော သဘောထားမျိုးကို အစဉ်သဖြင့် ထားရှိကြသည်။ ၎င်းတို့သည် မိမိတို့၏ တာဝန်ကို ထမ်းဆောင်ရာတွင် သမ္မာတရားကို တက်ကြွစွာ လိုက်စားခြင်း သို့မဟုတ် စည်းမျဉ်းများကို လိုက်နာစောင့်ထိန်းခြင်း မရှိကြပေ။ ၎င်းတို့သည် မိမိတို့၏ လမ်းလွဲခြင်းများနှင့် အမှားများကို တွေ့ရှိသည့်အခါ ယင်းတို့ကို ချက်ချင်း ပြုပြင်ခြင်း သို့မဟုတ် ပြောင်းလဲခြင်း မရှိကြပေ။ ၎င်းတို့သည် ပုန်ကန်ခဲ့ပြီး ဖောက်ပြန်ပျက်စီးသော စိတ်သဘောထားများကို ထုတ်ဖော်ခဲ့ကြောင်း တွေ့ရှိသည့်အခါ မိမိတို့ကိုယ်ကို မည်သည့်အခါမျှ ဆင်ခြင်သုံးသပ်ခြင်း မရှိကြသည့်အပြင် ပြဿနာကို ဖြေရှင်းရန် သမ္မာတရားကို တက်ကြွစွာ ရှာဖွေခြင်းလည်း မရှိကြပေ။ ထိုအစား ၎င်းတို့သည် မိမိတို့ လုပ်ချင်သည့် မည်သည့်အရာကိုမဆို လုပ်ဆောင်ကြသည်။ ၎င်းတို့သည် ဘုရားအိမ်တော်၏ အကျိုးစီးပွားများကို ဆုံးရှုံးနစ်နာစေမည့် ကြီးမားသော မကောင်းမှု တစ်ခုတလေကို မပြုလုပ်ခဲ့သော်လည်း အသင်းတော်အလုပ်၏ တိုးတက်မှုကို ထိခိုက်စေခဲ့ဆဲဖြစ်သည်။ အလွန်ဆုံးဆိုရလျှင် ၎င်းတို့၏ တာဝန်ထမ်းဆောင်မှုသည် အလုပ်လုပ်ပေးခြင်းမျှသာ ဖြစ်ပြီး အလုပ်လုပ်ပေးခြင်းသည် သဘောသဘာဝအရ ကောင်းမှုတစ်ခု ဖြစ်လာရန် စံမမီပေ။ သို့ဆိုလျှင် ကောင်းမှုများကို နောက်ဆုံးတွင် မည်သို့ အဓိပ္ပာယ်ဖွင့်ဆိုသနည်း။ ယင်းမှာ သင်လုပ်ဆောင်သည့်အရာသည် အနည်းဆုံးအားဖြင့် သင်၏ကိုယ်ပိုင် အသက်ဝင်ရောက်မှုနှင့် ညီအစ်ကိုမောင်နှမများ၏ အသက်ဝင်ရောက်မှုအတွက် အထောက်အကူဖြစ်ပြီး ဘုရားအိမ်တော်၏ အလုပ်အတွက် အကျိုးရှိသည့်အခါ ဖြစ်သည်။ ယင်းသည် သင့်ကိုယ်သင်အတွက်၊ အခြားသူများအတွက်နှင့် ဘုရားအိမ်တော်အတွက် အကျိုးရှိပါက သင်၏ စွမ်းဆောင်ရည်သည် ဘုရားသခင်ရှေ့မှောက်တွင် ထိရောက်ပြီး ဘုရားသခင်၏ အသိအမှတ်ပြုခြင်းကို ခံရသည်။ ဘုရားသခင်သည် သင့်အား အမှတ်ပေးလိမ့်မည်။ သို့ဖြစ်၍ ဤအရာများကို သုံးသပ်လော့။ လွန်ခဲ့သောနှစ်များအတွင်း သင်သည် ကောင်းမှုမည်မျှကို ပြင်ဆင်ခဲ့ပြီးပြီနည်း။ ဤကောင်းမှုများသည် သင်၏ ပြစ်မှားခြင်းများကို ချေဖျက်နိုင်သလော။ ၎င်းတို့ကို ချေဖျက်ပြီးနောက်တွင် ကောင်းမှုမည်မျှ ကျန်ရှိသနည်း။ သင်သည် သင့်ကိုယ်သင် အမှတ်ပေးရန် လိုအပ်ပြီး ဤအရာကို ခိုင်မာစွာ သဘောပေါက်ရန် လိုအပ်သည်၊ ဤကိစ္စနှင့်ပတ်သက်၍ သင်သည် နားဝေတိမ်တောင် မဖြစ်ရပေ။

ငါ့ကို ပြောလော့။ ဤကိစ္စရပ်များနှင့်ပတ်သက်၍ ငါ၏ မိတ်သဟာယသည် လိုအပ်သလော။ (လိုအပ်ပါသည်။) ငါသည် ဤစကားများကို သင်တို့အား ပြောဆိုရမည်ဖြစ်ပြီး သင်တို့အား လမ်းညွှန်မှုအချို့ ပေးရမည်။ သင်တို့အား လမ်းညွှန်မှုများ ပေးခြင်း၏ ရည်ရွယ်ချက်မှာ သင်တို့၏ စိတ်အားထက်သန်မှုကို ဖျောက်ဖျက်ပစ်ရန် မဟုတ်သည့်အပြင် သင်တို့ကို လှောင်ပြောင်ရန် မဟုတ်ဘဲ သင်တို့ကို ပြစ်တင်ရှုတ်ချရန် ဆိုလျှင် ပို၍ပင် မဟုတ်ပေ။ ထိုအစား ယခု ချက်ချင်း၊ ယခု လောလောဆယ်၊ လက်ရှိအချိန်တွင် သင်တို့ မည်သည့် အခြေအနေ၌ ရှိနေသည်၊ သင်တို့၏ အခြေအနေမှာ မည်သည့်အရာဖြစ်သည်နှင့် ဖြစ်လာနိုင်သော အန္တရာယ်များမှာ အဘယ်အရာများဖြစ်သည်ကို သင်တို့ သိရှိစေရန်အလို့ငှာ သင်တို့ကို သတိပေးချက်တစ်ခု ပေးရန်၊ သတိပေးခေါင်းလောင်း ထိုးပေးရန် ဖြစ်သည်။ သင်တို့သည် မိမိတို့၏ စိတ်နှလုံးထဲတွင် ဤအရာများနှင့်ပတ်သက်၍ ရှင်းလင်းနေရမည်။ ဘုရားသခင်ကို ယုံကြည်ရာတွင် လူတို့သည် ဘုရားသခင်၏ ရှေ့မှောက်၌ မိမိတို့၏ အခြေအနေမှာ မည်သည့်အရာဖြစ်သည်ကို အစဉ်မပြတ်နှင့် မကြာခဏဆိုသလို ဆန်းစစ်ရမည်။ ဘုရားသခင်နှင့် ၎င်းတို့၏ ဆက်ဆံရေးသည် မည်သို့ရှိသည်၊ ၎င်းတို့နှင့် ဘုရားသခင်ကြားတွင် ပဋိပက္ခများနှင့် အတားအဆီးများ တည်ရှိခြင်း ရှိမရှိ၊ ၎င်းတို့တွင် ဘုရားသခင်နှင့်ပတ်သက်၍ အယူအဆများနှင့် နားလည်မှုလွဲမှားခြင်းများ ရှိမရှိ၊ ၎င်းတို့တွင် ဘုရားသခင်အပေါ် အကျိုးသင့်အကြောင်းသင့်မရှိသော တောင်းဆိုမှုများ ရှိမရှိနှင့် ၎င်းတို့၏ အလုံးစုံသော သရုပ်သကန်များကို ဘုရားသခင်က မည်သို့ ရှုမြင်သည်ဟူသည်တို့ကို ၎င်းတို့သည် အစဉ်မပြတ်နှင့် ရှင်းလင်းစွာ သိရှိရမည်။ လူတို့သည် ဤအရာများကို နားလည်ပြီး သိရှိရမည်။ ဤသည်မှာ ၎င်းတို့၏ အသက် ဝင်ရောက်မှုအတွက် များစွာ အကျိုးရှိသည်။ ဤနည်းလမ်းအတိုင်း လက်တွေ့လုပ်ဆောင်ခြင်း၏ ရည်ရွယ်ချက်မှာ လူတို့သည် ဘုရားသခင်၏ ရည်ရွယ်ချက်များနှင့်အညီ တိကျမှန်ကန်စွာ ပြုမူနိုင်ကြောင်း သေချာစေရန် ဖြစ်သည်။ မည်သည့် လမ်းမှားကိုမျှ မလိုက်ရ၊ မိမိတို့ကိုယ်ကို ကျေနပ်နေခြင်း မရှိရ။ ပြီးလျှင် မိမိတို့ကိုယ်ကိုနှင့် အခြားသူများကို မလှည့်ဖြားရပေ။ မည်သည့် လမ်းမှားကိုမျှ မလိုက်ခြင်းဟူသည်မှာ သင်၏ ကိုယ်ပိုင် လမ်းလွဲကို မလိုက်လျှောက်ခြင်းကို ဆိုလိုသည်။ ဘုရားသခင်ကို ယုံကြည်ရာတွင် သင်၏ ဤစွမ်းဆောင်ရည်သည် အတော်လေး ကောင်းမွန်သည်ဟု သင်ထင်သောကြောင့် ဤလမ်းကြောင်းအတိုင်း ဆက်လက် လျှောက်လှမ်းလေသည်။ သို့ရာတွင် သင်သည် မှန်ကန်သော လမ်းကြောင်းမှ သွေဖည်သွားခဲ့ပြီဖြစ်ကြောင်း ထင်ရှားလာသည်။ ဘုရားသခင်သည် သင့်ကို စွန့်ပစ်ခဲ့သည်မှာ ကြာပြီဖြစ်ပြီး သန့်ရှင်းသော ဝိညာဉ်တော်သည် သင့်အထဲတွင် အလုပ်လုပ်ခြင်းကို ရပ်တန့်သွားခဲ့ပြီဖြစ်သည်။ ဘုရားသခင်သည် သင့်ကို ရွံမုန်းသော်လည်း သင်၏ ယုံကြည်ခြင်းတွင် ကောင်းစွာ လုပ်ဆောင်နေသည်ဟု သင် ထင်နေဆဲဖြစ်သည်။ “ဘုရားသခင်ကို ယုံကြည်ခြင်းမှ အရာများကို ကျွန်ုပ် ရရှိပြီးဖြစ်သည်။ ယခု ကျွန်ုပ်သည် ဒုက္ခဆင်းရဲကို ခံနိုင်ပြီ။ ယခု ကျွန်ုပ် မကောင်းမှုမပြုတော့။ အဖျက်အမှောင့်လုပ်ခြင်းများကို မည်သို့ ရှောင်ကြဉ်ရမည်ကို ကျွန်ုပ် သိသည်။ ပြီးလျှင် အဖျက်အမှောင့်လုပ်ပြီး နှောင့်ယှက်သူများသည် အဘယ်ကြောင့် ရှင်းလင်းပစ်ခြင်း သို့မဟုတ် ဖယ်ကြဉ်ထားခြင်း ခံရသည်ကိုလည်းကောင်း၊ ၎င်းတို့သည် အဘယ်ကြောင့် တာဝန်ထမ်းဆောင်ခွင့် မရကြသည်ကိုလည်းကောင်း ယခု ကျွန်ုပ် သိပါပြီ” ဟု သင်ဆိုလေသည်။ ဤအရာများကို သိရုံဖြင့် မလုံလောက်ပေ။ ဘုရားသခင်၏ လမ်းခရီးကို လိုက်လျှောက်ရန် မည်သို့ ပြုမူရမည်၊ မှန်ကန်သော လမ်းကြောင်းပေါ်တွင် လျှောက်လှမ်းရန် မည်သို့ လက်တွေ့လုပ်ဆောင်ရမည်နှင့် ကယ်တင်ခြင်းကို ရရှိနိုင်ရန် မည်သို့ ပြုမူရမည်တို့ကို သင် သိရမည်။ ဤအရာအားလုံးသည် အလွန် အရေးကြီးသည်။ သင်သည် ပုံမှန် အချိန်ကာလများတွင် ပြန်လည်သုံးသပ်မှုများ ပြုလုပ်ပြီး ကောက်ချက်ချရမည်။ ဤအကြောင်းအရာအတွက် ဤမျှသာ ဖြစ်သည်။ ဤကာလအတွင်း ငါတို့ မိတ်သဟာယဖွဲ့နေခဲ့သည့် အကြောင်းအရာနှင့်ပတ်သက်၍ ဆက်လက် မိတ်သဟာယဖွဲ့ကြစို့။

သမ္မာတရား လိုက်စားခြင်းအတွက် ပထမဆုံး လက်တွေ့လုပ်ဆောင်မှု- လက်လွှတ်ခြင်း

မိမိနှင့် ဘုရားသခင်ကြားရှိ အတားအဆီးများနှင့် ဘုရားသခင်အပေါ် မိမိ၏ ရန်လိုမုန်းတီးမှုကို လက်လွှတ်ခြင်း

၁။ ဘုရားသခင်နှင့်ပတ်သက်သော မိမိ၏ အယူအဆများနှင့် စိတ်ကူးများကို လက်လွှတ်ခြင်း- ဘုရားသခင်၏ အမှုတော်နှင့်ပတ်သက်သော မိမိ၏ အယူအဆများနှင့် စိတ်ကူးများကို လက်လွှတ်ခြင်း

စ။ ဘုရားသခင်၏ အမှုတော်သည် လူတို့၏ ပင်ကိုအခြေအနေများကို မပြောင်းလဲပေ- ယင်းက ၎င်းတို့၏ ဖောက်ပြန်ပျက်စီးသော စိတ်သဘောထားများကို ပြောင်းလဲရန် ရည်ရွယ်သည်

၆။ ပင်ကိုအခြေအနေများ၊ လူ့သဘာဝနှင့် ဖောက်ပြန်ပျက်စီးသော စိတ်သဘောထားများ၏ သရုပ်သကန်အမျိုးမျိုး

ဤကာလအတွင်း ငါတို့၏ မိတ်သဟာယဖွဲ့ခြင်းသည် သမ္မာတရားကို မည်သို့ လိုက်စားရမည်ဟူသည့်အရာအတွင်းရှိ “လက်လွှတ်ခြင်း” ၏ လက်တွေ့လုပ်ဆောင်ခြင်း စည်းမျဉ်းတွင် ပါဝင်သော သတ်သတ်မှတ်မှတ် အကြောင်းအရာတစ်ခုဖြစ်သည့် ပင်ကိုအခြေအနေများ၊ လူ့သဘာဝနှင့် ဖောက်ပြန်ပျက်စီးသော စိတ်သဘောထားများအကြောင်း ဖြစ်သည်။ ဤအရာနှင့်ပတ်သက်၍ အကြိမ်များစွာ မိတ်သဟာယဖွဲ့ပြီးနောက်တွင် ယခုအခါ သင်တို့သည် ပင်ကိုအခြေအနေများ၊ လူ့သဘာဝနှင့် ဖောက်ပြန်ပျက်စီးသော စိတ်သဘောထားများဟူသည့် ဤကဏ္ဍသုံးရပ်နှင့် သက်ဆိုင်သော သတ်သတ်မှတ်မှတ် သရုပ်သကန်အချို့၊ ထုတ်ဖော်ချက်အချို့နှင့်ပတ်သက်၍ ပိုင်းခြားသိမြင်မှု အနည်းငယ် ရှိကြပြီလော။ (ဤအရာများနှင့်ပတ်သက်၍ ကျွန်ုပ်၏ ပိုင်းခြားသိမြင်မှုသည် ယခင်ကထက် အတော်အတန် ပိုကောင်းလာပါသည်။ ယခင်က ကျွန်ုပ်သည် ကိုယ်ကျင့်စရိုက်နှင့် ဖောက်ပြန်ပျက်စီးသော စိတ်သဘောထားများကို မကြာခဏ ရောထွေးလေ့ရှိသော်လည်း ဘုရားသခင်၏ ပြီးခဲ့သည့် မိတ်သဟာယဖွဲ့ခြင်း အကြိမ်အနည်းငယ်မှတစ်ဆင့် ယခုအခါ ယင်းတို့ကို အတိုင်းအတာတစ်ခုအထိ ကျွန်ုပ် ခွဲခြားနိုင်ပြီ ဖြစ်ပါသည်။) ဤအရာများကို ခွဲခြားရန် အဘယ်ကြောင့် လိုအပ်သနည်း။ (ယင်းမှာ ကျွန်ုပ်တို့အတွင်းရှိ မည်သည့်ပြဿနာများကို မလွဲမသွေ ဖြေရှင်းရမည်နှင့် မည်သည့်ပြဿနာများကို မှန်ကန်စွာ သဘောထားပြုမူရန်သာ လိုအပ်သည်ကို ကျွန်ုပ်တို့ သိရှိနိုင်ရန်အတွက် ဖြစ်ပါသည်။) ပြောသွားသည်မှာ ကောင်းလှပေသည်။ ဤသို့ အသေးစိတ် မိတ်သဟာယဖွဲ့ခြင်းက ပင်ကိုအခြေအနေများ၊ လူ့သဘာဝနှင့် ဖောက်ပြန်ပျက်စီးသော စိတ်သဘောထားများကြားရှိ ကွဲပြားမှုများကို ပို၍ ရှင်းလင်းစေပြီး သီးခြားအရာနှစ်ခုဖြစ်သည့် ဖောက်ပြန်ပျက်စီးသော စိတ်သဘောထားများနှင့် အလွန် ညံ့ဖျင်းသော ကိုယ်ကျင့်စရိုက်၏ သရုပ်သကန်များကို လူတို့ ပို၍ ရှင်းလင်းစွာ နားလည်သဘောပေါက်လာကြသည်။ အထူးသဖြင့် လူတို့သည် ဆိုးရွားသော ကိုယ်ကျင့်စရိုက်၊ ဖောက်ပြန်ပျက်စီးသော စိတ်သဘောထားများနှင့် ပင်ကိုအခြေအနေများကြားကို ခွဲခြားနိုင်ကြသည်။ ၎င်းတို့သည် လူ့သဘာဝရှိ အချို့သော ချို့ယွင်းချက်များကို ဖောက်ပြန်ပျက်စီးသော စိတ်သဘောထားများအဖြစ် မှတ်ယူကြမည် မဟုတ်သည့်အပြင် ပင်ကိုအခြေအနေများအတွင်းရှိ အချို့သော ဟာကွက်များနှင့် ချို့ယွင်းချက်များကိုလည်း ဖောက်ပြန်ပျက်စီးသော စိတ်သဘောထားများအဖြစ် သေချာပေါက် မှတ်ယူကြမည် မဟုတ်ပေ။ လူတို့တွင် ဤပိုင်းခြားသိမြင်မှု ရှိသောအခါ ၎င်းတို့သည် ဖောက်ပြန်ပျက်စီးသော စိတ်သဘောထားများ၏ အမျိုးမျိုးသော သရုပ်သကန်များနှင့်ပတ်သက်၍ တိုး၍ ရှင်းလင်းလာကြပြီး ဖောက်ပြန်ပျက်စီးသော စိတ်သဘောထားများနှင့် မသက်ဆိုင်သည့် ပြဿနာများနှင့်ပတ်သက်၍ တစ်ဆိတ်ကိုတစ်အိတ် လုပ်တော့မည် မဟုတ်ပေ။ တစ်ချိန်တည်းမှာပင် ၎င်းတို့သည် ဖောက်ပြန်ပျက်စီးသော စိတ်သဘောထားများဟူသည် အမှန်တကယ် အဘယ်အရာ ဖြစ်သည်ကိုလည်း ပို၍ ရှင်းလင်းစွာ နားလည်သဘောပေါက်ကြသည်။ သို့ဆိုလျှင် ဖောက်ပြန်ပျက်စီးသော စိတ်သဘောထားများဟူသည် အတိအကျ အဘယ်အရာဖြစ်သည်ကို သင်တို့ ရှင်းလင်းစွာ ရှင်းပြနိုင်သလော။ ဖောက်ပြန်ပျက်စီးသော စိတ်သဘောထားများသည် ပင်ကိုအခြေအနေများနှင့် တစ်စုံတစ်ရာ ဆက်စပ်မှု ရှိသလော။ ယင်းတို့သည် ပင်ကိုအခြေအနေများ၏ လွှမ်းမိုးမှုကို ခံရသလော။ (မခံရပါ။) လူတစ်ဦးသည် ရုပ်ရည်ချောမောပြီး အသားအရေ ဖြူဝင်းကာ အချိုးအစားကျသော မျက်နှာသွင်ပြင်များ ရှိသည်ဟု ဆိုပါစို့၊ သူ၏ ရုပ်ရည်သွင်ပြင် ကောင်းမွန်သောကြောင့် သူ့တွင် ဖောက်ပြန်ပျက်စီးသော စိတ်သဘောထားများ မရှိဟုလည်းကောင်း၊ သူ၏ လူ့သဘာဝသည် သူ၏ ရုပ်ရည်ကဲ့သို့ပင် စုံလင်ပြီး စင်ကြယ်သည်ဟုလည်းကောင်း၊ သူသည် လုံးဝ မာနထောင်လွှားခြင်း သို့မဟုတ် ဆိုးညစ်ခြင်း မရှိဘဲ ထူးကဲစွာ သန့်ရှင်းသည်ဟုလည်းကောင်း ဆိုနိုင်သလော။ ဤသို့ ဆိုနိုင်သလော။ (မဆိုနိုင်ပါ။) ဤသို့ မိတ်သဟာယဖွဲ့ပြီးဖြစ်ရာ ဖောက်ပြန်ပျက်စီးသော စိတ်သဘောထားများ၊ ပင်ကိုအခြေအနေများနှင့် လူ့သဘာဝဟူသည့် ဤကဏ္ဍသုံးရပ်ကြားရှိ ကွဲပြားမှုများသည် ယခုအခါ အခြေခံအားဖြင့် ရှင်းလင်းသွားပြီ မဟုတ်လော။ (ဟုတ်ပါသည်။) ယင်းတို့ကို ပိုင်းခြားသိမြင်ရန် လွယ်ကူပေသည်။

စီးပွားရေးလုပ်ရာတွင် ကျွမ်းကျင်ခြင်း

ပြီးခဲ့သည့်အကြိမ်က စီးပွားရေးလုပ်ရန် နှစ်သက်ခြင်းအကြောင်းကို ငါတို့ မိတ်သဟာယဖွဲ့ခဲ့ကြသည်။ စီးပွားရေးလုပ်ရန် နှစ်သက်ခြင်းနှင့် သဘောကျခြင်းဟူသည့် ဤသရုပ်သကန်ကို မည်သည့်ကဏ္ဍအောက်တွင် အမျိုးအစားခွဲခြားသင့်သနည်း။ (ပင်ကိုအခြေအနေများ ဖြစ်ပါသည်။) ယင်းကို အဘယ်ကြောင့် ပင်ကိုအခြေအနေတစ်ခုအဖြစ် သတ်မှတ်သနည်း။ (ယင်းမှာ စိတ်ဝင်စားမှုနှင့် ဝါသနာတစ်ခုဖြစ်သောကြောင့် ပင်ကိုအခြေအနေတစ်ခုအဖြစ် သတ်မှတ်ခြင်း ဖြစ်ပါသည်။) တစ်ချက်အနေဖြင့် ယင်းမှာ စိတ်ဝင်စားမှုနှင့် ဝါသနာတစ်ခု ဖြစ်သည်။ အခြားတစ်ချက်အနေဖြင့် လူတစ်ဦးသည် စီးပွားရေးလုပ်ရန် နှစ်သက်ပြီး စီးပွားရေးအတွက် ဉာဏ်ရှိပါက ၎င်းသည် အတတ်ပညာဆိုင်ရာ လေ့လာမှုများ မလုပ်ဆောင်ဘဲနှင့် ပင်ကိုအားဖြင့် ကျွမ်းကျင်ပြီး အခြားသူများ၏ လမ်းညွှန်မှုမပါဘဲ ယင်းကို နားလည်နိုင်ကာ ငွေမည်သို့ရှာရမည်၊ အကျိုးအမြတ် မည်သို့ရယူရမည်၊ စီးပွားရေး အခွင့်အလမ်းများကို မည်သို့ ဆုပ်ကိုင်ရမည် စသည်တို့ကို သိရှိပါက ဤသူသည် ၎င်း၏ ပင်ကိုအခြေအနေများအတွင်း စီးပွားရေးလုပ်ခြင်း၌ အားသာချက်တစ်ခုကို ပိုင်ဆိုင်လေသည်။ လူတစ်ဦးသည် ဤအားသာချက်ကို မွေးရာပါ ပိုင်ဆိုင်ထားပါက ယင်းမှာ သေချာပေါက် ပင်ကိုအခြေအနေတစ်ခုဖြစ်ပြီး ပင်ကိုအခြေအနေများသည် မွေးဖွားပြီးနောက် ရရှိသော လွှမ်းမိုးမှုများနှင့် သက်ဆိုင်မှု အနည်းငယ်သာ ရှိသည်။ သင် မြင်သလော၊ အချို့လူများသည် အသက် ၁၅ နှစ် သို့မဟုတ် ၁၆ နှစ်အရွယ် ကျောင်းတက်နေစဉ်မှာပင် စီးပွားရေးလုပ်ရန် စတင်သင်ယူကြသည်။ ၎င်းတို့သည် ကောင်းမွန်သောအရာတစ်ခုခု ရရှိသည့်အခါတိုင်း ယင်းကို ရောင်းချရန် နည်းလမ်းများ စဉ်းစားကြသည်။ ၎င်းတို့သည် မိဘများပေးသော မွေးနေ့လက်ဆောင်များကိုပင် ရောင်းချကြသည်။ ၎င်းတို့သည် မိမိတို့၏ မုန့်ဖိုးကို သုံးမည့်အစား စီးပွားရေးလုပ်ရန် ယင်းတို့အားလုံးကို စုဆောင်းထားကြသည်။ ၎င်းတို့ အသက် ၁၈ နှစ် သို့မဟုတ် ၁၉ နှစ်အရွယ်သို့ ရောက်သောအခါ အသေးစား စီးပွားရေးလုပ်ငန်းများကို လည်ပတ်နိုင်နေပြီ ဖြစ်သည်။ ကျောင်းတွင် ၎င်းတို့၏ အမှတ်များမှာ သာမန်မျှသာဖြစ်သော်လည်း ၎င်းတို့သည် စီးပွားရေးလုပ်ရန် ခေါင်းရှိကြသည်၊ တွက်ချက်ရာတွင် မြန်ဆန်ကြပြီး စီးပွားရေးအတွက် အထူး ပါရမီရှိကြသည်။ ဤသည်မှာ အားသာချက်တစ်ခု ဖြစ်သည်။ စီးပွားရေးလုပ်ရန် နှစ်သက်ခြင်းသည် ပင်ကိုအခြေအနေများအတွင်းရှိ အားသာချက်များ သို့မဟုတ် စိတ်ဝင်စားမှုများနှင့် ဝါသနာများ၏ အမျိုးအစားများအောက်တွင် အကျုံးဝင်သည်။ မည်သို့ပင်ဖြစ်စေ ယင်းမှာ ပင်ကိုအခြေအနေများ၏ ကဏ္ဍတစ်ခုဖြစ်ပြီး ဤသည်မှာ စီးပွားရေးလုပ်ရန် နှစ်သက်ခြင်းဟူသည့် သရုပ်သကန်ကို အမျိုးအစားခွဲခြားထားသည့် နေရာဖြစ်သည်။ အချို့လူများသည် စီးပွားရေးနှင့်ပတ်သက်သော ဝါသနာ သို့မဟုတ် အားသာချက်တစ်ခု မလွဲမသွေ ရှိကြသည်မဟုတ်ပေ။ ၎င်းတို့သည် စီးပွားရေးလုပ်သောအခါ လူတို့ကို လိမ်လည်ခြင်းနှင့် လှည့်ဖြားခြင်းအပေါ် အဓိက မှီခိုကြသည်။ ၎င်းတို့သည် မိမိတို့၏ ကိုယ်ပိုင် ကြိုးစားအားထုတ်မှုနှင့် ရုန်းကန်မှုမှတစ်ဆင့် သို့မဟုတ် တရားဝင် စီးပွားရေး နည်းလမ်းများနှင့် နည်းစနစ်များကို အသုံးပြုခြင်းအားဖြင့် ငွေရှာကြခြင်း မဟုတ်ဘဲ ထိုအစား အကျိုးအမြတ်ရယူရန်နှင့် ငွေရှာရန်ဟူသည့် ၎င်းတို့၏ ပန်းတိုင်ကို ဖြစ်မြောက်အောင်မြင်ရန်အလို့ငှာ ပုံစံအမျိုးမျိုးဖြင့် လိမ်လည်လှည့်ဖြားခြင်းနှင့် ဥပဒေ၏ ဟာကွက်များကို အမြတ်ထုတ်ခြင်းတို့ကို အသုံးပြုကြသည်။ ဤသည်မှာ မည်သည့် ပြဿနာမျိုး ဖြစ်သနည်း။ ထိုသို့သော လူများသည် ဤနည်းလမ်းအတိုင်း စီးပွားရေးကို တစ်သမတ်တည်း လုပ်ဆောင်ကြသည်။ ဤသည်မှာ ၎င်းတို့၏ လူ့သဘာဝ အခြေအမြစ်နှင့် သက်ဆိုင်သလော။ (သက်ဆိုင်ပါသည်။) ထိုသို့သော လူ့သဘာဝသည် ကောင်းသလော သို့မဟုတ် ဆိုးသလော။ (ဆိုးပါသည်။) ယင်းက မည်သို့ ဆိုးသနည်း။ ထိုသို့သော လူများ၏ လူ့သဘာဝနှင့်ပတ်သက်လာလျှင် ယေဘုယျအားဖြင့် ပြောရပါက ၎င်းတို့တွင် ဆိုးရွားသော ကိုယ်ကျင့်စရိုက် ရှိကြသည်။ စီးပွားရေးလုပ်ရာတွင် လူတို့၏ ရည်ရွယ်ချက်မှာ အမြဲတစေ ငွေရှာရန် ဖြစ်သည်။ သင်သည် တရားဝင် စီးပွားရေးလုပ်ဆောင်သည့် နည်းလမ်းများမှတစ်ဆင့် ငွေရှာပါက ဤသည်မှာ သင့်ထံတွင် ရှိသော စွမ်းရည်တစ်ခုဖြစ်ပြီး ယင်းမှာ ဘုရားသခင်က သင့်အား ပေးထားသည့် အားသာချက်မှ ဆောင်ကြဉ်းပေးသော အကျိုးကျေးဇူးတစ်ခု ဖြစ်သည်။ သို့သော် တစ်စုံတစ်ဦးသည် တရားဝင် စီးပွားရေးလုပ်ဆောင်သည့် နည်းလမ်းများမှတစ်ဆင့် ငွေနှင့် အကျိုးအမြတ်ကို မရယူဘဲ ပုံစံအမျိုးမျိုးဖြင့် လိမ်လည်လှည့်ဖြားခြင်းမှတစ်ဆင့် ရယူပါက ထိုသို့သော လူများသည် တည်ကြည်မှု ကင်းမဲ့ပြီး ယုတ်ညံ့သော ကိုယ်ကျင့်စရိုက် ရှိကြသည်။ ထိုသို့သော လူများတွင် အသိစိတ် ရှိသလော။ (မရှိပါ။) အရပ်သုံးစကားဖြင့် ဆိုရလျှင် ၎င်းတို့၏ အသိစိတ်သည် လုံးဝ ပုပ်ပွနေသည်။ ၎င်းတို့တွင် အသိစိတ် မရှိကြပေ။ ၎င်းတို့တွင် အသိစိတ်မရှိဟု ငါတို့ အဘယ်ကြောင့် ဆိုသနည်း။ (ယေဘုယျအားဖြင့် အသိစိတ်ရှိသော လူများသည် အခြားလူများကို လိမ်လည်ပြီး လှည့်ဖြားပြီးနောက် လိပ်ပြာမလုံဘဲ ထိုအရာများကို ထပ်မလုပ်ကြတော့ပါ။ သို့သော် အသိစိတ်မရှိသော လူများသည် အကျိုးအမြတ်ရရှိရန်ကိုသာ ဂရုစိုက်ကြပါသည်။ ၎င်းတို့၏ အသိစိတ်တွင် မည်သည့် သတိပြုမိခြင်းမျှ လုံးဝမရှိသဖြင့် ၎င်းတို့သည် ထိုအရာများကို ဆက်လက် လုပ်ဆောင်နေကြခြင်း ဖြစ်ပါသည်။) ၎င်းတို့တွင် အသိစိတ်၏ လုပ်ဆောင်ချက် မရှိပေ။ ၎င်းတို့တွင် အသိစိတ်မရှိဟုလည်း ဆိုနိုင်သည်။ ၎င်းတို့တွင် အသိစိတ်ရှိပါက ၎င်းတို့၏ အသိစိတ်သည် အလုပ်လုပ်မည်ဖြစ်ပြီး တစ်စုံတစ်ဦးကို တစ်ကြိမ် လှည့်ဖြားပြီးနောက် ၎င်းတို့၏ အသိစိတ်ထံမှ မိမိကိုယ်ကို အပြစ်တင်မှုကို ၎င်းတို့ ခံစားရလိမ့်မည်။ ၎င်းတို့ အကျိုးအမြတ် ရရှိခဲ့လျှင်ပင် ၎င်းတို့၏ အတွင်း၌ အလွန် ဆိုးရွားစွာ ခံစားရလိမ့်မည်။ ၎င်းတို့ ငွေသုံးသောအခါ ၎င်းတို့၏ မျက်နှာသည် နီရဲလာမည်ဖြစ်ပြီး ၎င်းတို့ လုပ်ဆောင်ခဲ့သည့်အရာသည် ညစ်ပတ်ပြီး ယုတ်ညံ့သည်ဟု ခံစားရလျက် ၎င်းတို့၏ အတွင်း၌ စိတ်မသက်မသာ ခံစားရလိမ့်မည်။ ထို့ကြောင့် ထိုအချိန်မှစ၍ ၎င်းတို့သည် မည်သူ့ကိုမျှ နောက်တစ်ဖန် လှည့်ဖြားတော့မည် မဟုတ်ပေ။ ဖြစ်နိုင်​ေချေရှိသော အကျိုးအမြတ်သည် မည်မျှပင် ကြီးမားပါစေ ၎င်းတို့သည် ယင်းကို မည်သည့်အခါမျှ လုပ်ဆောင်မည် မဟုတ်ပေ။ ဤသည်မှာ အသိစိတ်၏ လုပ်ဆောင်ချက် ဖြစ်သည်။ သို့သော် အခြားသူများကို လိမ်လည်ခြင်း၊ လှည့်စားခြင်းနှင့် လှည့်ဖြားခြင်းတို့တွင် ကျွမ်းကျင်သောသူများသည် ၎င်းတို့ အလိုရှိသည့် အချိန်တိုင်း ဤအရာကို လုပ်ဆောင်ကြလိမ့်မည်။ ၎င်းတို့ အောင်မြင်ပြီးနောက် ငွေသုံးသောအခါ ၎င်းတို့၏ စိတ်နှလုံးထဲတွင် ဆိုးရွားစွာ ခံစားရခြင်း မရှိကြပေ။ ငွေကို လက်ဝယ်ရရှိသည်နှင့်တစ်ပြိုင်နက် ၎င်းတို့သည် မိမိတို့ကိုယ်ကို လိမ္မာပါးနပ်ပြီး ထက်မြက်သည်ဟု ထင်ကြကာ ၎င်းတို့၏ လှည့်ဖြားသည့် နည်းဗျူဟာများ အောင်မြင်မှုအတွက် ဝမ်းမြောက်ကြပြီး အထူးသဖြင့် ဂုဏ်ယူကြသည်။ ၎င်းတို့သည် ကုန်ပစ္စည်းများကို အလေးချိန်ခိုး၍ ရောင်းကြသည်၊ ဆေးတုများ၊ ဂျင်ဆင်းတုများ၊ ရေထိုးထားသော အသားများကို ရောင်းကြသည်။ ၎င်းတို့ ရောင်းချသမျှ အရာအားလုံးသည် ရောနှောထားပြီး လှည့်ဖြားမှုပါဝင်သည်။ ၎င်းတို့ ပါဝင်လုပ်ဆောင်သည့် စီးပွားရေးလုပ်ငန်းတိုင်းတွင် လှည့်ဖြားသည့် နည်းဗျူဟာများနှင့် ထောင်ချောက်များ ပါဝင်ပြီး ၎င်းတို့ရှာဖွေသော ငွေအားလုံးကို လိမ်လည်လှည့်ဖြားသော နည်းလမ်းများမှတစ်ဆင့် ရယူထားခြင်း ဖြစ်သည်။ ၎င်းတို့သည် မည်သည့် စီးပွားရေးကို လုပ်ဆောင်သည်ဖြစ်စေ သင့်လျော်သော စျေးနှုန်းကို တောင်းခံကာ စည်းမျဉ်းကို လိုက်နာသောနည်းလမ်းဖြင့် မည်သည့်အခါမျှ မလုပ်ဆောင်ကြပေ။ သင် မြင်သလော၊ အချို့လူများသည် စီးပွားရေးလုပ်သောအခါ ပုံမှန်ဖောက်သည်များကို အထူးတလည် လှည့်ဖြားကြသည်။ ဥပမာအားဖြင့် သင်သည် ၎င်းတို့ထံမှ မကြာခဏ ဝယ်ယူပြီး သင့်တွင် ငွေရှိကြောင်း ၎င်းတို့ သိပါက ၎င်းတို့က အခြားသူများကို ယွမ် ၁၀ ဖြင့် ရောင်းချသော ပစ္စည်းတစ်ခုအတွက် သင့်ကို ယွမ် ၁၀၀ တောင်းခံလိမ့်မည်။ ၎င်းတို့က “ကျွန်ုပ်က ဤအရာကို အခြားမည်သူ့ကိုမျှ မရောင်းပါ။ သင့်အတွက်သာ ချန်ထားခြင်း ဖြစ်သည်။ ကျွန်ုပ်တို့ မည်မျှ ခိုင်မာသော ဆက်ဆံရေးရှိသည်ကို မြင်သလော။ သင် ဈေးတန်တန်ဖြင့် ရနေသည် မဟုတ်လော” ဟုပင် ပြောဆိုကြလိမ့်မည်။ ၎င်းတို့သည် လူများကို လှည့်ဖြားပြီး ၎င်းတို့ကို ကျေးဇူးတင်သကဲ့သို့ပင် ခံစားရစေသည်။ ၎င်းတို့သည် မည်မျှ ကျွမ်းကျင်သော လှည့်ဖြားသူများ ဖြစ်ကြသနည်း။ မိမိတို့၏ အသိစိတ်တွင် မိမိကိုယ်ကို စွပ်စွဲသည့် မည်သည့် ခံစားချက်မျှ မရှိသော လူများသည် မည်သည့်အရာကို လုပ်ဆောင်သည်ဖြစ်စေ ၎င်းတို့၏ အသိစိတ်တွင် အပြစ်တင်မှု သို့မဟုတ် သတိပြုမိခြင်းကို မခံစားရပေ။ ထို့ကြောင့် ထိုသို့သော လူများတွင် အသိစိတ် မရှိဟု ဆိုနိုင်သည်။ ၎င်းတို့၏ ဆင်ခြင်တုံတရားသည် မည်သို့ပင်ရှိစေကာမူ ၎င်းတို့၏ အသိစိတ် တစ်ခုတည်းဖြင့်သာ အကဲဖြတ်ရလျှင် ဤလူများသည် လူ့သဘာဝ ကင်းမဲ့ပြီး ယုတ်ညံ့သော ကိုယ်ကျင့်စရိုက် ရှိကြသည်။ ယင်းက မည်သည့် အတိုင်းအတာအထိ ယုတ်ညံ့သနည်း။ ၎င်းတို့တွင် အသိစိတ်မရှိသည့်အပြင် လူ့သဘာဝလည်း မရှိပေ။ ဆိုလိုသည်မှာ ၎င်းတို့သည် ပုံမှန်လူများတွင်ရှိသော အသိစိတ်၏ သတိပြုမိခြင်း၊ လုပ်ဆောင်ချက်နှင့် ချုပ်တည်းမှုများ ကင်းမဲ့နေကြသည်။ ဤချုပ်တည်းမှုများ မရှိဘဲနှင့် ၎င်းတို့သည် မည်သည့်အရာကိုမဆို လုပ်ဆောင်နိုင်စွမ်း ရှိကြသည်။ စီးပွားရေးလုပ်ရာတွင် ၎င်းတို့သည် လိမ်လည်ခြင်းနှင့် လှည့်ဖြားခြင်းတို့ကို လုပ်ဆောင်နိုင်ကြသည်။ မည်သည့် စီးပွားရေး လုပ်ငန်းစဉ်များတွင်မဆို ၎င်းတို့သည် မသမာမှုများလုပ်နိုင်ပြီး စည်းမျဉ်းများကို ချိုးဖောက်နိုင်ကြသည်။ ၎င်းတို့သည် မည်သည့် ကိုယ်ကျင့်တရားမဲ့သော လုပ်ရပ်ကိုမဆို ကျူးလွန်နိုင်ကြသည်။ ၎င်းတို့ အိမ်ဆောက်သောအခါတွင်ပင် အရည်အသွေးညံ့သော ပစ္စည်းများကို အသုံးပြုကြသည်။ သင် မြင်သလော၊ တရုတ်ပြည်မကြီးရှိ ထိုယိုင်နဲ့နေသော အဆောက်အအုံများနှင့် အဆောက်အအုံ ပြိုကျမှုများ၏ အကြောင်းရင်းမှာ အဘယ်နည်း။ ယင်းမှာ အဘယ်ကြောင့်ဆိုသော် အလွန်အမင်းများပြားသော အကျိုးအမြတ်များကို ရယူရန်အလို့ငှာ တည်ဆောက်သူများသည် စံမမီသော ကွန်ကရစ် ဖျော်စပ်မှု အချိုးအစားများနှင့် သံမဏိသံချောင်း အသုံးပြုမှု နည်းစနစ်များကို အသုံးပြုခဲ့ကြပြီး ယင်းက အဆောက်အအုံများ၏ အခြေအနေကို ထိခိုက်စေခဲ့ပြီးဖြစ်သောကြောင့် ဖြစ်သည်။ ရလဒ်အနေဖြင့် လူများ ပြောင်းရွှေ့နေထိုင်ပြီး မကြာမီတွင် အချို့သော အဆောက်အအုံများ ပြိုကျလေသည်။ ပြင်းအား ငါး သို့မဟုတ် ခြောက်ရှိသော ငလျင်လှုပ်ပါက အဆောက်အအုံ အများစုသည် ပြိုကျလိမ့်မည်ဖြစ်ပြီး အကျိုးဆက်များကို စိတ်ကူးကြည့်၍ပင် ရနိုင်မည်မဟုတ်ပေ။ ထိုမသမာသော ကန်ထရိုက်များသည် အသိစိတ် လုံးဝမရှိကြပေ။ လူများ သေဆုံးသည်ကို မြင်သည်နှင့်တစ်ပြိုင်နက် ၎င်းတို့သည် အခြေအနေကို ကိုင်တွယ်ရန် တန်ပြန်အစီအမံများ လုပ်ဆောင်ဖို့ မိမိတို့အား ငွေကြေးထောက်ပံ့သူများကို ချက်ချင်း ရှာဖွေကြသည်။ ၎င်းတို့အား ငွေကြေးထောက်ပံ့သူများသည် လုံလောက်စွာ အင်အားကြီးမားပြီး တန်ပြန်အစီအမံများ ရှိပါက ထိုကိစ္စကို အောင်မြင်စွာ ဖုံးကွယ်ထားနိုင်လေသည်။ ထိုသေဆုံးမှု အနည်းငယ်ကို နာရေးစရိတ် အနည်းငယ်ဖြင့် ဖုံးဖိလိုက်ကြပြီး မည်သူကမျှ ၎င်းတို့ကို လုံးဝ တာဝန်ခံခိုင်းနိုင်မည် မဟုတ်ပေ။ ၎င်းတို့၏ အသိစိတ်တွင် မည်သည့် သတိပြုမိခြင်းမျှ မရှိပေ။ သေဆုံးမှု အနည်းငယ်ကို မဆိုထားနှင့်၊ လူ ဒါဇင်ပေါင်းများစွာ၊ ရာပေါင်းများစွာ သို့မဟုတ် သောင်းပေါင်းများစွာ သေဆုံးခဲ့လျှင်ပင် ယင်းက ၎င်းတို့အတွက် မည်သည့်အဓိပ္ပာယ်မျှ ရှိမည်မဟုတ်ပေ။ ၎င်းတို့၏ အမြင်တွင် လူ့အသက်များသည် ပုရွက်ဆိတ်များ၏ အသက်များနှင့် မကွဲပြားပေ။ ယင်းတို့သည် မည်သည့်အဓိပ္ပာယ်မျှ မရှိပေ။ ငါ့ကို ပြောလော့၊ ထိုသို့သော လူများတွင် အသိစိတ် ရှိသလော။ အသိစိတ်မရှိသော လူများကို လူ့သဘာဝမရှိဟု ဆိုနိုင်သည်။ သို့ဆိုလျှင် စီးပွားရေးလုပ်စဉ် အခြားသူများကို လိမ်လည်ခြင်းနှင့် လှည့်ဖြားခြင်းဟူသည့် ၎င်းတို့၏ လုပ်ရပ်များသည် ဖောက်ပြန်ပျက်စီးသော စိတ်သဘောထားများ၏ ထုတ်ဖော်ချက်များ ဖြစ်သလော။ (ဟုတ်ပါသည်။) ဤအရာအတွင်း၌ သတ်သတ်မှတ်မှတ်ဖြစ်သော ဖောက်ပြန်ပျက်စီးသည့် စိတ်သဘောထားများ ရှိသည်။ မည်သည့် ဖောက်ပြန်ပျက်စီးသော စိတ်သဘောထားများ ဖြစ်သနည်း။ (ရက်စက်ကြမ်းကြုတ်ခြင်းနှင့် လှည့်ဖြားတတ်ခြင်း ဖြစ်ပါသည်။) ၎င်းတို့၏ ထူးခြားသော လက္ခဏာဖြစ်ပြီး ကိုယ်စားပြုသော ဖောက်ပြန်ပျက်စီးသည့် စိတ်သဘောထားများမှာ လှည့်ဖြားတတ်ခြင်းနှင့် ကောက်ကျစ်ဆိုးယုတ်မှုတို့ ဖြစ်သည်။ ပုံစံအမျိုးမျိုးဖြင့် လိမ်လည်လှည့်ဖြားခြင်းကို လုပ်ဆောင်နိုင်သူများသည် အထူးသဖြင့် လှည့်ဖြားတတ်ကြသည်။ တစ်ခါတစ်ရံတွင် လူများကို လှည့်ဖြားရန်နှင့် လိမ်လည်ရန် ၎င်းတို့ အသုံးပြုသော နည်းလမ်းများသည် သင် မည်သည့်အခါမျှ မျှော်လင့်ထားမည်မဟုတ်သော အရာများဖြစ်ပြီး ၎င်းတို့က သင့်ကို အတော်လေး ကောင်းမွန်စွာ ဆက်ဆံနေသည်ဟု တွေးလျက် ၎င်းတို့၏ လှည့်ဖြားခြင်းကို ခံနေရစဉ်တွင် သင်သည် အတော်လေး ပျော်ရွှင်နေသည်ဟုပင် ခံစားရနိုင်သေးသည်။ အချိန်ကြာမြင့်ပြီးနောက်မှသာ သင်သည် နိုးကြားလာပြီး သင် လှည့်စားခံလိုက်ရကြောင်းကို ရုတ်တရက် နားလည်သဘောပေါက်လေသည်။ ပြီးလျှင် သင်သည် ၎င်းတို့ကို သွားရောက်ရှာဖွေသောအခါ ၎င်းတို့သည် အရိပ်အယောင်မျှမရှိဘဲ ပျောက်ကွယ်သွားကြပြီ ဖြစ်သည်။ လူများကို လှည့်ဖြားသည့် ၎င်းတို့၏ နည်းလမ်းများသည် ရှုပ်ထွေးပွေလီလိုက်ပါတကား။ ၁၉၈၀ ဝန်းကျင်နှင့် ၁၉၉၀ ဝန်းကျင်တွင် တရုတ်နိုင်ငံ၊ ကွမ်တုန်း၌ စက်မှုနှင့် စီးပွားရေးလုပ်ငန်းများသည် နှိုင်းယှဉ်ချက်အရ ဖွံ့ဖြိုးတိုးတက်ခဲ့သည်။ နှိုင်းယှဉ်ချက်အရ အဆင့်မြင့်သော အချို့သော အိမ်သုံးလျှပ်စစ်ပစ္စည်းများသည် ပြည်တွင်းဒေသများသို့ မရောက်ရှိသေးသဖြင့် အချို့သော ပြည်တွင်းလူများသည် ခေတ်ရေစီးကြောင်းအတိုင်း လိုက်နိုင်ရန်အလို့ငှာ ယင်းတို့ကို ဝယ်ယူရန် ကွမ်တုန်းသို့ ခရီးသွားခဲ့ကြသည်။ ဤဖောက်သည်များသည် ပြည်တွင်းဒေသများမှ ဖြစ်ကြောင်း ကုန်သည်များ သဘောပေါက်သွားသောအခါ ဤသည်မှာ လှည့်ဖြားမှုတစ်ခုကို လုပ်ဆောင်ရန် ၎င်းတို့၏ အခွင့်အရေး မည်သို့ဖြစ်သည်ကို ၎င်းတို့ စတင်တွေးတောကြလေသည်။ ပြည်တွင်းလူများသည် အသံဖမ်းစက်များ၊ ရုပ်မြင်သံကြားစက်များနှင့် အခြား အသုံးအဆောင်ပစ္စည်းများကို ဝယ်ယူခဲ့ကြသည်။ ငွေပေးချေပြီးနောက် ရောင်းချသူများသည် အာမခံကာလ မည်မျှကြာကြောင်းကိုပင် ၎င်းတို့အား ပြောပြခဲ့ပြီး အသုံးအဆောင်ပစ္စည်းများနှင့်ပတ်သက်၍ ပြဿနာတစ်စုံတစ်ရာရှိပါက ပြန်လာ၍ လဲလှယ်နိုင်ကြောင်း ပြောဆိုခဲ့ရာ ယင်းက အရောင်းအပြီး ဝန်ဆောင်မှုသည် အတော်လေး ကောင်းမွန်သည်ဟု ဖောက်သည်များကို ခံစားရစေခဲ့သည်။ ၎င်းတို့ ထွက်ခွာတော့မည့်အချိန်တွင် ရောင်းချသူများက လျှပ်စစ်ပစ္စည်းများကို ထုပ်ပိုးရန် လိုအပ်သည်ဟု ပြောဆိုခဲ့ပြီး ထို့နောက် ယင်းတို့ကို ထုပ်ပိုးရန် အနောက်ဘက်သို့ ယူသွားခဲ့ကြသည်။ သို့သော် ဖောက်သည်များ အိမ်ပြန်ရောက်၍ ထုပ်ပိုးမှုကို ဖွင့်ကြည့်သောအခါ အသုံးအဆောင်ပစ္စည်းများအစား အတွင်း၌ အုတ်ခဲများနှင့် ကျောက်ခဲများကိုသာ တွေ့ရှိခဲ့ရသည်။ ထိုအချိန်မှသာ ကုန်သည်များက ပစ္စည်းလဲလှယ်လိုက်ကြောင်းနှင့် ၎င်းတို့ လှည့်ဖြားခံလိုက်ရကြောင်းကို ၎င်းတို့ နားလည်သဘောပေါက်ခဲ့ကြသည်။ ၎င်းတို့ကို ရှာဖွေရန် ပြန်သွားရမည့် ခရီးမှာ အလွန်ဝေးမည်ဖြစ်ပြီး ခရီးစရိတ်များစွာလည်း ကုန်ကျမည်ဖြစ်သောကြောင့် ၎င်းတို့သည် ဆုံးရှုံးမှုကိုသာ မျိုသိပ်ထားနိုင်ခဲ့ပြီး ထိုအတွေ့အကြုံမှ သင်ခန်းစာတစ်ခုကို သင်ယူခဲ့ရသည်။ သင် တစ်စုံတစ်ခုကို ဝယ်ယူသောအခါ လက်တစ်ဖက်ဖြင့် ငွေပေးချေပြီး အခြားလက်တစ်ဖက်ဖြင့် ကုန်ပစ္စည်းကို ယူရမည်ဖြစ်ကာ သင် ပေးချေခဲ့သည့်အရာကို ရရှိကြောင်း သေချာစေရန် အရာအားလုံးကို လူကိုယ်တိုင် စစ်ဆေးရမည် ဖြစ်သည်။ ဤကဲ့သို့သော ကိစ္စမျိုးသည် စီးပွားရေးခရီးစဉ်များ မကြာခဏ သွားလေ့ရှိသူများတွင် မကြာမကြာ ဖြစ်ပွားတတ်သည်။ ယခုအခါ ထိုသို့သော ဖြစ်ရပ်များသည် မြို့တစ်မြို့တည်းတွင် ရံဖန်ရံခါ ဖြစ်ပွားမှုများသာ မဟုတ်တော့ဘဲ အဖြစ်များလာခဲ့ပြီ ဖြစ်သည်။ ပုံစံအမျိုးမျိုးဖြင့် လိမ်လည်ခြင်းနှင့် လှည့်ဖြားခြင်း ဖြစ်ရပ်များသည် တိုးပွားလာနေပြီး စီးပွားရေးလုပ်သော လူများ ပို၍ပို၍ များလာကာ လှည့်ဖြားနေကြသည်။ ယခင်က အဘယ်ကြောင့် ဤမျှလောက် မရှိခဲ့သနည်း။ အဘယ်ကြောင့်ဆိုသော် ထိုအချိန်က အချို့လူများသည် ဤလှည့်ဖြားသည့် နည်းဗျူဟာများကို မတွေ့ရှိသေးသောကြောင့်သာ ဖြစ်သည်။ ဤလှည့်ဖြားသည့် နည်းဗျူဟာများ လူ့အဖွဲ့အစည်းတွင် ခေတ်စားလာသည်နှင့်တစ်ပြိုင်နက် ကုန်သည်များသည် တစ်ဦးပြီးတစ်ဦး အတုယူကာ လိုက်လုပ်လာကြပြီး ၎င်းတို့အားလုံး ယင်းကို စတင်လုပ်ဆောင်ခဲ့ကြသည်။ ၎င်းတို့အားလုံး ယင်းကို စတင်လုပ်ဆောင်ခဲ့ကြသည်ဟူသည်မှာ ယင်းက ၎င်းတို့၏ အသိစိတ်သည် နောက်ပိုင်းတွင် ဖောက်ပြန်ပျက်စီးသွားခဲ့သည်ဟု ဆိုလိုနိုင်သလော။ မဟုတ်ပေ၊ ဤလူများသည် မွေးရာပါ အသိစိတ် သိပ်မရှိကြပေ။ ယခင်က ၎င်းတို့၏ အတွေ့အကြုံ သို့မဟုတ် အသိပညာ အဆင့်အတန်းကြောင့် အခြားသူများကို ဤကဲ့သို့ မည်သို့ လှည့်ဖြားရမည်၊ လိမ်လည်ရမည်ကို ၎င်းတို့ နားမလည်သေးခြင်းသာ ဖြစ်သည်။ နောက်ပိုင်းတွင် လူမှုရေး ပတ်ဝန်းကျင်၏ ဖောက်ပြန်ပျက်စီးမှုနှင့်အတူ ၎င်းတို့သည် ထိုသို့သောအရာများကို လုပ်ဆောင်ရာတွင် တိုး၍ ရက်စက်ကြမ်းကြုတ်လာပြီး အကြင်နာမဲ့လာကြကာ ၎င်းတို့၏ လုပ်ရပ်များ၏ သဘောသဘာဝသည် တိုး၍ ယုတ်မာလာခဲ့သည်။

ဤသို့သော လူများသည် စီးပွားရေးလုပ်သောအခါ လိမ်လည်ခြင်းနှင့် လှည့်ဖြားခြင်း နည်းလမ်းများကို အသုံးပြုကြသည်၊ သို့ဆိုလျှင် ၎င်းတို့သည် အခြားအရာများကို လုပ်ဆောင်နေချိန်တွင်လည်း လူများကို လိမ်လည်ပြီး လှည့်ဖြားကြမည်လော။ (ဟုတ်ပါသည်။) စီးပွားရေးလုပ်သည့် ၎င်းတို့၏ နည်းလမ်းများနှင့် နည်းစနစ်များအပြင် လိမ်လည်ခြင်းနှင့် လှည့်ဖြားခြင်းကဲ့သို့သော အမှုအရာများအပေါ် ၎င်းတို့၏ သဘောထားသည် ၎င်းတို့၏ လူ့သဘာဝကို ကိုယ်စားပြုသည်။ ၎င်းတို့တွင် ဤသို့သော လူ့သဘာဝ ရှိသောကြောင့် ၎င်းတို့ မည်သည့်အရာကို လုပ်ဆောင်သည်ဖြစ်စေ အခြားသူများကို လိမ်လည်ခြင်းနှင့် လှည့်ဖြားခြင်း မဟုတ်လျှင်ပင် ယင်းထက် ပို၍ ကောင်းမွန်မည် မဟုတ်ပေ။ အဘယ်ကြောင့်ဆိုသော် ဤသို့သော လူ့သဘာဝသည် ၎င်းတို့ ဤအရာများကို လုပ်ဆောင်သည့် အခြေခံဖြစ်သောကြောင့် ၎င်းတို့ မည်သည့်အရာကို လုပ်ဆောင်သည်ဖြစ်စေ ယင်း၏ သဘောသဘာဝသည် အခြေခံအားဖြင့် အတူတူပင် ဖြစ်သည်၊ ဆိုလိုသည်မှာ ၎င်းတို့သည် အသိစိတ်၏ သတိပြုမိခြင်း လုံးဝ ကင်းမဲ့နေကြသည်။ ဤလူများသည် အရာရှိများ ဖြစ်လာသောအခါ ၎င်းတို့ စကားပြောဆိုပြီး ပြုမူသည့် နည်းလမ်းများသည် ၎င်းတို့ စီးပွားရေးလုပ်သောအခါနှင့် အတူတူပင် ဖြစ်သည်၊ ၎င်းတို့တွင် အသိစိတ်၏ လုပ်ဆောင်ချက် မရှိပေ၊ ၎င်းတို့သည် လိမ်လည်ပြီး လှည့်ဖြားကြသည်၊ လူများကို နာကျင်စေပြီး သတ်ဖြတ်ကြကာ ဥပဒေကို ချိုးဖောက်ကြသည်၊ ၎င်းတို့သည် လူ့သဘာဝ၊ ကိုယ်ကျင့်တရားနှင့် ကိုယ်ကျင့်တရားဆိုင်ရာ တရားမျှတမှုတို့ကို ဆန့်ကျင်သည့် မည်သည့်အရာကိုမဆို လုပ်ဆောင်နိုင်စွမ်း ရှိကြသည်။ ၎င်းတို့သည် စီးပွားရေးတွင်သာမက နိုင်ငံရေးတွင်လည်း ဤနည်းအတိုင်း ပြုမူကြသည်။ ၎င်းတို့သည် သိပ္ပံနည်းကျ သုတေသနကို လုပ်ဆောင်ပါက ၎င်းတို့ ပါဝင်ပတ်သက်နေသည့် နယ်ပယ် ကွဲပြားသောကြောင့် ၎င်းတို့၏ လူ့သဘာဝသည် ပြောင်းလဲနိုင်သလော။ မပြောင်းလဲနိုင်ပါ။ ငါ့ကို ပြောလော့၊ အသင်းတော်တွင် အထွေထွေကိစ္စရပ်များဆိုင်ရာ အလုပ်ကို လုပ်ဆောင်ခြင်းနှင့်ပတ်သက်လာလျှင် ထိုသို့သော လူများတွင် အားသာချက်တစ်ခု ရှိသလော။ အချို့လူများက “ထိုသူသည် တစ်ချိန်က လောကီတွင် သူဌေးကြီး သို့မဟုတ် အမှုဆောင်အရာရှိချုပ်တစ်ဦး ဖြစ်ခဲ့သည်။ စီးပွားရေးလုပ်သည့် ၎င်းတို့၏ နည်းလမ်းများသည် အထူးသဖြင့် လိမ္မာပါးနပ်သော်လည်း အနည်းငယ် မလျောက်ပတ်ပေ၊ တစ်ခါတစ်ရံတွင် ၎င်းတို့သည် လူများကို လိမ်လည်ပြီး လှည့်ဖြားကြသည်။ အသင်းတော်တွင် အထွေထွေ ကိစ္စရပ်များဆိုင်ရာ အလုပ်ကို လုပ်ဆောင်ရန် ဤလူစားမျိုးကို မြှင့်တင်ပေးခြင်းသည် သင့်လျော်ခြင်း ရှိမရှိကို ကျွန်ုပ် မသိပါ” ဟု ပြောကြသည်။ ငါ့ကို ပြောလော့၊ ဤလူစားမျိုးသည် လူကောင်းတစ်ဦး ဖြစ်သလော။ ၎င်းတို့သည် အမှန်တကယ် ပင်ကိုစွမ်းရည်ရှိသူတစ်ဦး ဖြစ်သလော။ (မဟုတ်ပါ။) အချို့လူများသည် ဤပုဂ္ဂိုလ်များကို ပင်ကိုစွမ်းရည်ရှိသူများအဖြစ် အစဉ်သဖြင့် မှတ်ယူကြပြီး ထိုလူသည် အမှုဆောင်အရာရှိချုပ် သို့မဟုတ် အကြီးတန်း အမှုဆောင်တစ်ဦး ဖြစ်ခဲ့သည်ဟုလည်းကောင်း၊ အခြားပုဂ္ဂိုလ်တစ်ဦးသည် လူ့အဖွဲ့အစည်းရှိ ထိပ်တန်း ထူးချွန်လူငယ်ဆယ်ဦးထဲမှ တစ်ဦး သို့မဟုတ် စံပြ အလုပ်သမားတစ်ဦး ဖြစ်ခဲ့သည်ဟုလည်းကောင်း၊ အခြားသူများသည် မဟာဘွဲ့ သို့မဟုတ် ပါရဂူဘွဲ့များ ရရှိထားသည်၊ သို့မဟုတ် ရှေ့နေများ သို့မဟုတ် သတင်းထောက်များအဖြစ်၊ သို့မဟုတ် အစိုးရဝန်ထမ်းများအဖြစ် သို့မဟုတ် အရာရှိများအဖြစ် အလုပ်လုပ်ခဲ့ဖူးသည်ဟုလည်းကောင်း ပြောဆိုလျက် လူ့အဖွဲ့အစည်းတွင် ဂုဏ်သတင်း အနည်းငယ်ရှိသော ဤလူများအားလုံးကို ထောက်ခံအကြံပြုကြသည်။ ဤပုဂ္ဂိုလ်များကို ထောက်ခံအကြံပြုသော လူများသည် အမှန်တကယ်တွင် ဝိညာဉ်ရေးရာ နားလည်သဘောပေါက်မှု ကင်းမဲ့ကြပြီး သမ္မာတရားကို နားမလည်ကြပေ။ ၎င်းတို့က ဘုရားအိမ်တော်ရှိ အမျိုးမျိုးသော အလုပ်ကိစ္စရပ်များကို လူ့အဖွဲ့အစည်းရှိ အလွှာပေါင်းစုံမှ ဤပင်ကိုစွမ်းရည်ရှိသူများနှင့် အထက်တန်းလွှာများက တာဝန်ယူရန် လိုအပ်သည်ဟု ခံစားရရုံမျှသာ ဖြစ်သည်၊ ထို့ကြောင့် ၎င်းတို့သည် ဤအလုပ်ကိစ္စရပ်များအတွက် ကြီးကြပ်ရေးမှူးများ၏ အခန်းကဏ္ဍကို တာဝန်ယူရန် ဤလူများကို ထောက်ခံအကြံပြုကြသည်။ ဤလူများသည် ကြီးကြပ်ရေးမှူးများ ဖြစ်လာပြီးနောက် ၎င်းတို့သည် အလုပ်ကို ကောင်းမွန်စွာ ကိုင်တွယ်ရန် ပျက်ကွက်ခဲ့သည်သာမက ယင်းကို လုံးဝ ဖရိုဖရဲဖြစ်အောင်လည်း လုပ်ခဲ့ကြသည်၊ ရလဒ်အနေဖြင့် အသင်းတော်၏ အလုပ်တွင် နေရာတိုင်း၌ ကမောက်ကမဖြစ်မှုများ ပေါ်ပေါက်လာခဲ့သည်၊ ယင်းမှာ လုံးဝ အဓိပ္ပာယ်မရှိသောအရာပါတကား။ ဤလူများ လုပ်နိုင်သမျှမှာ အကြောင်းပြချက်မရှိဘဲ တဇောက်ကန်း ပြုမူရဲခြင်း၊ မကောင်းမှုများကို ကျူးလွန်လျက် သောင်းကျန်းခြင်း၊ မဆင်မခြင်နှင့် ရဲတင်းခြင်း အပြင် အချို့သော အလုပ်များကို မျက်နှာပြောင်တိုက်၍ လုပ်ဆောင်ခြင်းတို့သာ ဖြစ်သည်၊ ထိုအရာမှလွဲ၍ သမ္မာတရား စည်းမျဉ်းများနှင့်အညီ ၎င်းတို့ အမှန်တကယ် လုပ်ဆောင်နိုင်သည့် အလုပ်ကိစ္စရပ် တစ်ခုတလေမျှ မရှိခဲ့ပေ။ ဤလူများ၏ အကြီးမားဆုံးသော လက္ခဏာမှာ ၎င်းတို့ လုပ်ဆောင်သည့် မည်သည့်အရာတွင်မဆို သမ္မာတရားကို မည်သည့်အခါမျှ မရှာဖွေခြင်းနှင့် ဘုရားသခင်ကို ကြောက်ရွံ့သော စိတ်နှလုံးများ ကင်းမဲ့ခြင်းတို့ ဖြစ်သည်။ ၎င်းတို့သည် အဘယ်ကြောင့် ကြီးကြပ်ရေးမှူးများ ဖြစ်လာနိုင်ကြသနည်း။ အကြောင်းရင်းတစ်ခုမှာ ၎င်းတို့သည် လူ့အဖွဲ့အစည်းရှိ အလွှာပေါင်းစုံမှ အထက်တန်းလွှာများ၊ ပင်ကိုစွမ်းရည်ရှိသူများနှင့် မဏ္ဍိုင်များ ဖြစ်သည်ဟု ယုံကြည်ကြသောကြောင့် ဖြစ်သည်၊ ထို့ကြောင့် ၎င်းတို့သည် ဘုရားအိမ်တော်သို့ ရောက်လာပြီးနောက် အဓိက ရာထူးများကို ရယူရမည်၊ အဓိက တာဝန်များကို ထမ်းဆောင်ပြီး အရေးကြီးသော အခန်းကဏ္ဍများမှ ပါဝင်ရမည်ဟုလည်းကောင်း၊ ၎င်းတို့တွင် ဂုဏ်သတင်း ရှိရမည်ဖြစ်ပြီး လေးစားမှု ပေးခံရမည်ဟုလည်းကောင်း၊ ဘုရားအိမ်တော်သည် ၎င်းတို့မပါဘဲ မရပ်တည်နိုင်ဟုလည်းကောင်း ၎င်းတို့ တွေးထင်ကြသည်။ ထို့ကြောင့် ၎င်းတို့သည် မိမိတို့ကိုယ်ကို ထင်ပေါ်ကျော်ကြားအောင် တွန်းပို့ကြပြီး ကြီးကြပ်ရေးမှူးများ ဖြစ်လာရန်နှင့် အလုပ်ကို တာဝန်ယူရန် ကြိုးစားကြသည်။ အခြားအကြောင်းရင်းတစ်ခုမှာ ဘုရားအိမ်တော်ကလည်း ၎င်းတို့ကို အခွင့်အရေးများ ပေးသောကြောင့် ဖြစ်သည်။ ၎င်းတို့သည် အလုပ်ကို လုပ်ဆောင်ရန် လိုလားကြသောကြောင့် ၎င်းတို့ကို စမ်းသပ်လုပ်ဆောင်ခွင့် ပေးထားသည်၊ ၎င်းတို့ အရည်အချင်း ပြည့်မီသည်ဖြစ်စေ၊ မပြည့်မီသည်ဖြစ်စေ စမ်းသပ်ခြင်းခံရမည် ဖြစ်သည်။ သို့သော် ဤလူများတွင် မည်သည့် စစ်မှန်သော ပင်ကိုစွမ်းရည် သို့မဟုတ် အမှန်တကယ်ဖြစ်သော အသိပညာမျှ မရှိကြပေ။ ၎င်းတို့သည် သမ္မာတရားကို နားလည်ခြင်း ရှိမရှိနှင့် သမ္မာတရား စည်းမျဉ်းများနှင့်အညီ ပြုမူနိုင်ခြင်း ရှိမရှိကို မပြောနှင့်ဦး၊ ၎င်းတို့၏ ကိုယ်ပိုင် အစွမ်းအစ၊ ပါရမီများ၊ ထိုးထွင်းသိမြင်မှု၊ အမျိုးမျိုးသော ကိစ္စရပ်များကို သဘောပေါက်နားလည်နိုင်စွမ်း၊ အမှုအရာများကို ရှုမြင်နိုင်စွမ်းနှင့် ကိစ္စရပ်များကို ကိုင်တွယ်နိုင်စွမ်းတို့အရသာ ကြည့်လျှင်ပင် ၎င်းတို့ထဲမှ အများစုတွင် စစ်မှန်သော ပင်ကိုစွမ်းရည် သို့မဟုတ် အမှန်တကယ်ဖြစ်သော အသိပညာ မရှိကြပေ။ ၎င်းတို့တွင် စစ်မှန်သော ပင်ကိုစွမ်းရည် သို့မဟုတ် အမှန်တကယ်ဖြစ်သော အသိပညာ မရှိကြပေ၊ သို့ဆိုလျှင် ၎င်းတို့သည် အဓိက တာဝန်များကို ရယူရန်နှင့် အလုပ်ကို ပခုံးပြောင်းတာဝန်ယူရန် အဘယ်ကြောင့် ဤမျှ စိတ်အားထက်သန်ပြီး တက်ကြွနေကြသေးသနည်း။ အဘယ်ကြောင့်ဆိုသော် ၎င်းတို့၏ ရည်မှန်းချက်နှင့် အချည်းနှီးဖြစ်သော ဂုဏ်မောက်မှုတို့က အလုပ်လုပ်နေသောကြောင့် ဖြစ်သည်၊ ထို့အပြင် ၎င်းတို့သည် မျက်နှာပြောင်တိုက်ကြသည်၊ ၎င်းတို့သည် မိမိတို့၏ ကိုယ်ပိုင် အတိုင်းအတာ အစစ်အမှန်ကို မသိကြဘဲ အမြဲတစေ ကိုယ်ရည်သွေးလိုကြသည်။ ရလဒ်အနေဖြင့် ၎င်းတို့သည် အလုပ်ကို ကောင်းမွန်စွာ လုပ်ဆောင်ရန် ပျက်ကွက်ကြပြီး အရှက်ကွဲရုံသာ ရှိသည်။ ငါ အဘယ်ကြောင့် ဤသို့ ပြောသနည်း။ အဘယ်ကြောင့်ဆိုသော် ဤလူများသည် ဤအခန်းကဏ္ဍများကို တာဝန်ယူပြီးနောက် ၎င်းတို့ လုပ်ဆောင်ခဲ့သည့် အလုပ်တိုင်းသည် ဖရိုဖရဲဖြစ်ပြီး လုံးဝ ကမောက်ကမ ဖြစ်နေသောကြောင့် ဖြစ်သည်။ စကားတစ်ခွန်းတည်းဖြင့် ဖော်ပြရလျှင် ယင်းမှာ “ကမောက်ကမ” ဖြစ်သည်။ ၎င်းတို့သည် လူများကို အသုံးပြုရာတွင် စည်းမျဉ်းများ မရှိခဲ့ပေ၊ ကိစ္စရပ်များကို ကိုင်တွယ်ရာတွင် စည်းမျဉ်းများ မရှိခဲ့ပေ၊ ၎င်းတို့သည် ပူဇော်သက္ကာများကို အကြောင်းပြချက်မရှိဘဲ သုံးစွဲခဲ့ကြပြီး အမျိုးမျိုးသော အလုပ်ကိစ္စရပ်များကို အချိန်မီ နောက်ဆက်တွဲလုပ်ဆောင်ခြင်း သို့မဟုတ် ကိုင်တွယ်ခြင်း မရှိခဲ့ကြပေ။ အခြေခံအကျဆုံးသော အထွေထွေကိစ္စရပ်များဆိုင်ရာ အလုပ်ပင်လျှင် ၎င်းတို့ထဲမှ အများစု တာဝန်ယူနိုင်သည့်အရာထက် ကျော်လွန်နေခဲ့သည်၊ ၎င်းတို့သည် အရာအားလုံးကို လုံးဝ ဖရိုဖရဲဖြစ်အောင် လုပ်ခဲ့ကြသည်။ လယ်ယာစိုက်ပျိုးခြင်း၊ ကြက်မွေးမြူခြင်း၊ သိုးမွေးမြူခြင်း၊ ၎င်းတို့ထဲမှ မည်သူမျှ ထိုသို့သော အလုပ်များအတွက် အရည်အချင်း မပြည့်မီခဲ့ကြပေ။ မည်သည့်ရာသီတွင် မည်သည့်အရာကို စိုက်ပျိုးရမည်၊ မြေကို မည်သည့်အချိန်တွင် ထွန်ယက်ရမည်၊ မြေဩဇာကျွေးရမည်၊ ပေါင်းသင်ရမည်၊ သို့မဟုတ် မည်သည့်အချိန်တွင် ရိတ်သိမ်းရမည်ကို ၎င်းတို့ ရှင်းလင်းစွာ မသိခဲ့ကြပေ။ ၎င်းတို့သည် မိမိတို့၏ အလုပ်အားလုံးကို ရှုပ်ထွေးမှုထဲသို့ ပစ်ချခဲ့ကြသည်။ အစပိုင်းတွင် ဘုရားအိမ်တော်က ဤလူများကို အသုံးမပြုခဲ့ပါက ဘုရားအိမ်တော်သည် ၎င်းတို့ကို အခွင့်အရေးများ မပေးဘဲ ၎င်းတို့ကို အထင်သေးနေသည်ဟု ၎င်းတို့ ခံစားခဲ့ရလိမ့်မည်။ ထို့ကြောင့် ၎င်းတို့ကို အခွင့်အရေးများ ပေးခဲ့သည်၊ ပြီးလျှင် ၎င်းတို့ကို အသုံးပြုခြင်း၏ ရလဒ်မှာ အဘယ်နည်း။ ၎င်းတို့သည် မိမိတို့၏ အလုပ်ကို လုံးဝ ဖရိုဖရဲဖြစ်အောင် လုပ်ခဲ့ကြပြီး နောက်ဆုံးတွင် ဘုရားအိမ်တော်က ၎င်းတို့၏ အရှုပ်အထွေးကို ရှင်းလင်းပေးခဲ့ရဆဲ ဖြစ်သည်။ ၎င်းတို့ လုပ်ဆောင်ခဲ့သည့် အလုပ်ကိစ္စရပ်တိုင်းသည် အထက်မှ လမ်းညွှန်မှုနှင့် စိစစ်မှု ပေးရန် လိုအပ်ခဲ့သည်၊ အိမ်တွင်းနှင့် အိမ်ပြင် သန့်ရှင်းမှုကို ထိန်းသိမ်းခြင်းကဲ့သို့သော အသေးအဖွဲ ကိစ္စများအတွက်ပင်လျှင် အထက်မှ လမ်းညွှန်မှု ပေးခဲ့ရသည်။ နောက်ဆုံးတွင် အထက်မှ တင်းကျပ်သော ကြီးကြပ်မှု၊ စီစဉ်မှုနှင့် ညှိနှိုင်းဆောင်ရွက်မှုတို့ကို လုပ်ဆောင်လျက် အစကတည်းက အရာအားလုံးကို တစ်ဆင့်ပြီးတစ်ဆင့် လမ်းညွှန်ပြီး ညွှန်ကြားခြင်းမှတစ်ဆင့် ယခုအခါ အလုပ်သည် အခြေခံအားဖြင့် လမ်းကြောင်းမှန်ပေါ်သို့ ရောက်ရှိသွားပြီဟုသာ မှတ်ယူနိုင်သည်။ အခြားမည်သည့်အရာကိုမျှ မပြောဘဲ လယ်ယာများနှင့်ပတ်သက်သည့် ပြဿနာများအကြောင်းကိုသာ ပြောရလျှင် သန့်ရှင်းမှုကို စီမံခန့်ခွဲရန် အနည်းဆုံး သင့်လျော်သော လူများ ရှိရမည်ဖြစ်သည်။ လူအများစုသည် တောရိုင်းတိရစ္ဆာန်များနှင့် တူကြသည်၊ အမှိုက်များကို နေရာတိုင်းတွင် ပစ်ချကြသည်၊ ပတ်ဝန်းကျင်အပေါ် သက်ရောက်မှုကို မစဉ်းစားဘဲ စကားပြောကြသည်၊ အော်ဟစ်ပြီး ဟိန်းဟောက်ကြသည်၊ ၎င်းတို့သည် ဘာသာတရား မရှိသူများနှင့် လုံးဝ တစ်ထေရာတည်း ဖြစ်ကြသည်။ ဤသတ်သတ်မှတ်မှတ်ဖြစ်သော အထွေထွေကိစ္စရပ်များကို ရင်ဆိုင်ရသောအခါ ဤပင်ကိုစွမ်းရည်ရှိသူများဟု ခေါ်သောသူများထဲမှ တစ်ဦးတစ်ယောက်မျှ အမှုအရာများကို စနစ်တကျ ကောင်းမွန်စွာ စီမံခန့်ခွဲနိုင်ခြင်း မရှိခဲ့ပေ။ ၎င်းတို့သည် သန့်ရှင်းမှုနှင့် ပတ်ဝန်းကျင်ကို စီမံခန့်ခွဲခြင်းကဲ့သို့သော အသေးအဖွဲ ကိစ္စများကိုပင် ကောင်းမွန်စွာ မကိုင်တွယ်နိုင်ခဲ့ကြပေ။ ဤအပြင်ပန်း ကိစ္စရပ်များသည် သမ္မာတရားနှင့် မသက်ဆိုင်ပေ၊ အစွမ်းအစ အနည်းငယ်နှင့် အသိစိတ် အနည်းငယ်ရှိသူ မည်သူမဆို ယင်းတို့ကို ကောင်းမွန်စွာ ကိုင်တွယ်နိုင်သင့်သည်၊ တစ်စုံတစ်ဦးသည် ဤအပြင်ပန်း ကိစ္စရပ်များကိုပင် ကောင်းမွန်စွာ မကိုင်တွယ်နိုင်ပါက ၎င်းတို့သည် လုံးဝ အသုံးမကျပေ။ ထိုလူများသည် အသိစိတ်နှင့် ဆင်ခြင်တုံတရား၊ သို့မဟုတ် အစွမ်းအစနှင့် ပါရမီ မရှိကြသော်လည်း အရာရှိများ ဖြစ်လိုကြပြီး အမိန့်ပေးလိုကြသည်။ ၎င်းတို့ကို အရာရှိများ ဖြစ်ခွင့်မပေးသောအခါ ၎င်းတို့သည် အာခံပြီး ငြင်းခုံကြကာ မည်သူ့ကိုမျှ အလျှော့မပေးကြပေ။ ၎င်းတို့သည် နတ်ဆိုးများ မဟုတ်လော။ ဘုရားအိမ်တော်က ဤနတ်ဆိုးများကို ဖော်ထုတ်ကာ ဖယ်ရှားရှင်းလင်းပြီးနောက် လယ်ယာကို စီမံခန့်ခွဲရန် သင့်လျော်သော လူများကို ရွေးချယ်ခဲ့သည်။ အထက်၏ လမ်းညွှန်မှုနှင့် စီစဉ်မှုတို့ကြောင့် ယခုအခါ လယ်ယာကို အထူးသဖြင့် ကောင်းမွန်စွာ တည်ဆောက်ထားပြီး လူတိုင်းက ယင်းကို နှစ်သက်ကြသည်။ ဒေသခံများကလည်း ယင်းကို အမှန်တကယ် အားကျကြပြီး အလွန် အသိအမှတ်ပြုကြသည်။ ၎င်းတို့ထဲမှ အချို့က “လယ်ယာတစ်ခုကို ဤမျှ သန့်ရှင်းပြီး လှပအောင် စီမံခန့်ခွဲထားသည်ကို ကျွန်ုပ် မည်သည့်အခါမျှ မမြင်ဖူးပါ။ ကျွန်ုပ်တို့သည် ဆယ်နှစ်အတွင်းမှာပင် ဤအတိုင်းအတာအထိ ပြောင်းလဲနိုင်မည် မဟုတ်ပါ။ သင်တို့သည် ယင်းကို ဤမျှ မြန်မြန်ဆန်ဆန်၊ ဤမျှ ကောင်းမွန်စွာ မည်သို့ စီမံခန့်ခွဲနိုင်သနည်း။ ယင်းကို ဤကဲ့သို့ ပြောင်းလဲရန် သင်တို့ နှစ်မည်မျှ အချိန်ယူခဲ့ရသနည်း” ဟု ပြောဆိုခဲ့ကြသည်။ အမှန်တွင် ထိုသို့သော ကြီးမားသည့် ပြောင်းလဲမှုသည် တစ်နှစ်သာ အချိန်ယူခဲ့ရပြီး မြေရိုင်းတစ်ခုကို ညီအစ်ကိုမောင်နှမများ မြင်တွေ့ရသည့် ပန်းခြံတစ်ခု၊ ဥယျာဉ်တစ်ခုအဖြစ်သို့ ပြောင်းလဲပေးခဲ့သည်။ အချို့က ဤနေရာသည် နတ်ပြည်နှင့်တူသည်၊ ပန်းချီကားတစ်ချပ်နှင့်တူသည်ဟုပင် ပြောဆိုခဲ့ကြသည်။ သင့်လျော်သော စီစဉ်မှုနှင့် တည်ဆောက်မှုသည် အမှန်တကယ်ပင် ကွာခြားမှုကို ဖြစ်စေသည်။ ဤနေရာသည် မူလက ဖုန်များနှင့် ရွှံ့များ ဖုံးလွှမ်းနေပြီး နေရာတိုင်းတွင် အမှိုက်များနှင့် ရှုပ်ထွေးမှုများ ရှိနေခဲ့သည်။ နောက်ပိုင်းတွင် ရှင်းလင်းခြင်းနှင့် စည်းမျဉ်းသတ်မှတ်ခြင်းတို့မှတစ်ဆင့် ယင်းသည် တဖြည်းဖြည်း တိုးတက်လာခဲ့သည်။ အချိန်ကြာလာသည်နှင့်အမျှ လူတိုင်းသည် ဤသို့သော နေထိုင်မှု ပတ်ဝန်းကျင်နှင့် အသားကျလာခဲ့ပြီး ယင်းက အနည်းငယ် ညစ်ပတ်လာလျှင် သို့မဟုတ် ရှုပ်ပွလာလျှင် အချို့လူများသည် ယင်းနှင့် အသားမကျတော့သည့် အတိုင်းအတာအထိပင် ဖြစ်လာခဲ့သည်။ သင် မြင်သလော၊ ဤသို့သော စီမံခန့်ခွဲမှုမှတစ်ဆင့် လူအများစုသည် အကျိုးကျေးဇူးရရှိကြပြီး ကောင်းမွန်သော နေထိုင်မှု အလေ့အထများကို ဖြစ်ပေါ်စေကြသည်။ အထက်၏ ကိုယ်တိုင် လမ်းညွှန်မှုအောက်တွင်သာ ဤသို့သော တည်ဆောက်မှုကို အောင်မြင်နိုင်ခြင်း ဖြစ်သည်။ ယင်းနှင့် ဆန့်ကျင်ဘက်အနေဖြင့် အမှန်တကယ်တွင် ဤပင်ကိုစွမ်းရည်ရှိသူများဟု ခေါ်သောသူများထဲမှ မည်သူမျှ အမှန်တကယ်ဖြစ်သော မည်သည့်အရာကိုမျှ မလုပ်ဆောင်နိုင်ကြပေ။ ၎င်းတို့သည် အခြေခံ သန့်ရှင်းရေး အလုပ်ကိုပင် ကောင်းမွန်စွာ မစီမံခန့်ခွဲနိုင်ကြပေ။ ၎င်းတို့သည် အခန်းတစ်ခန်းကို သင့်လျော်ပုံပေါ်စေမည့် နည်းလမ်းဖြင့် မည်သို့ ပြင်ဆင်ရမည်ကို မသိကြပေ၊ ပြီးလျှင် မည်သည့်လူစားမျိုးသည် မည်သည့်တာဝန်ကို ထမ်းဆောင်ရန် သင့်လျော်သည်ကို ၎င်းတို့ ထိုးထွင်းမသိမြင်နိုင်ကြပေ။ ဤလူများသည် မည်သည့် အလုပ်မျိုးကို တာဝန်ယူထမ်းရွက်နိုင်သနည်း။ ၎င်းတို့သည် မည်သည့်အလုပ်ကိုမျှ လုံးဝ မလုပ်ဆောင်နိုင်ကြပေ။ ၎င်းတို့သည် မိမိတို့၏ ကိုယ်ပိုင် နေထိုင်မှု ပတ်ဝန်းကျင်ကိုပင် စီမံခန့်ခွဲနိုင်ခြင်း မရှိကြပေ။ ၎င်းတို့ကို ပင်ကိုစွမ်းရည်ရှိသူများအဖြစ် မည်သို့ မှတ်ယူနိုင်မည်နည်း။ ဤလူများသည် ထိုဉာဏ်ရည် အနည်းငယ်မျှပင် မရှိကြပေ၊ ၎င်းတို့သည် ရှင်းလင်းစွာ စကားမပြောနိုင်ကြပေ၊ အမှုအရာများကို တိကျမှန်ကန်မှုမရှိဘဲ ရှုမြင်ကြပြီး ၎င်းတို့တွင် လွတ်လပ်သော ဆုံးဖြတ်ချက် မရှိကြပေ။ ဤအရာက ၎င်းတို့သည် စစ်မှန်သော ပင်ကိုစွမ်းရည်နှင့် အမှန်တကယ်ဖြစ်သော အသိပညာရှိသည့် လူများမဟုတ်ဘဲ ကိုးကားချက် အမှတ်အသားအတွင်းရှိ “ပင်ကိုစွမ်းရည်ရှိသူများ” သာ ဖြစ်ကြောင်း ပြသနေသည်။ ပင်ကိုစွမ်းရည်ရှိသူများသည် အမှုအရာများကို တန်ဖိုးထားနိုင်စွမ်း၊ အမှုအရာများကို အကဲဖြတ်နိုင်စွမ်းနှင့် တန်ဖိုးထားနိုင်စွမ်း၊ ပြီးလျှင် ထိုးထွင်းသိမြင်မှုတို့ကဲ့သို့သော ၎င်းတို့၏ လူ့သဘာဝရှိ အချို့သော အရည်အသွေးများကို ဦးစွာ ပိုင်ဆိုင်ရမည်ဖြစ်သည်။ ၎င်းတို့သည် ဤအရည်အသွေးများကို မပိုင်ဆိုင်ပါက သတ်သတ်မှတ်မှတ်ဖြစ်သော ကိစ္စရပ်များကို ကိုင်တွယ်သောအခါ ၎င်းတို့သည် မိမိတို့ကိုယ်ကို အရှက်ကွဲစေရုံသာ ရှိပြီး ၎င်းတို့သည် ဥယျာဉ်တစ်ခု သို့မဟုတ် မြေတစ်ဧက သို့မဟုတ် နှစ်ဧကကိုပင် မစီမံခန့်ခွဲနိုင်၊ မစီစဉ်နိုင်ပါက၊ သို့မဟုတ် ယင်းကို ထိရောက်စွာ အသုံးမချနိုင်ပါက ထိုသို့သော လူများနှင့်ပတ်သက်၍ ပင်ကိုစွမ်းရည်ရှိသောအရာ တစ်ခုမျှ မရှိပေ။ သင်သည် ကမ္ဘာမြေကြီးတစ်ခုလုံးကို စီမံခန့်ခွဲရန် မလိုအပ်ပေ၊ သင့်အား မြေတစ်ဧက သို့မဟုတ် နှစ်ဧကကို ကောင်းမွန်စွာ စီမံခန့်ခွဲရန်၊ ဆိုလိုသည်မှာ ယင်းတို့ လှပပြီး သန့်ရှင်းလာစေရန်နှင့် သပ်ရပ်လှပသော ပတ်ဝန်းကျင်တစ်ခုအဖြစ်သို့ ပြောင်းလဲသွားစေရန် ရှင်းလင်းသပ်ရပ်အောင် လုပ်ဆောင်ဖို့သာ ပေးအပ်ထားခြင်း ဖြစ်သည်၊ လူများ ထိုနေရာတွင် နေထိုင်ရသည်မှာ အံ့သြဖွယ် ကောင်းလိုက်လေခြင်း၊ ငှက်များပင်လျှင် ရောက်ရှိလာသည်နှင့်တစ်ပြိုင်နက် ထွက်ခွာသွားရန် လိုလားကြမည် မဟုတ်ပေ။ ဤပင်ကိုစွမ်းရည်ရှိသူများဟု ခေါ်သောသူများသည် လုံးဝ မည်သည့်အရာမျှ မဟုတ်ကြပေ။ ၎င်းတို့သည် မည်သည့် လက်တွေ့ကျသော အလုပ်ကိုမျှ မလုပ်ဆောင်နိုင်ကြပေ။ ၎င်းတို့နှင့်ပတ်သက်၍ ပင်ကိုစွမ်းရည်ရှိသောအရာ လုံးဝ မရှိပေ၊ ၎င်းတို့သည် ၎င်းတို့၏ လူ့သဘာဝတွင် လိုအပ်နေသော အရာများရှိသည်။ ၎င်းတို့သည် မည်သည့်အရာကိုမျှ ကောင်းမွန်စွာ မလုပ်ဆောင်နိုင်ကြသည့်တိုင် ၎င်းတို့သည် မိမိတို့ကိုယ်ကို ကိုယ်ရည်သွေးလိုကြပြီး ခေါင်းဆောင်များနှင့် အမှုဆောင်များ ဖြစ်လိုကြဆဲဖြစ်ကာ အဓိက ရာထူးများကို ရယူလိုပြီး ကြီးကြပ်ရေးမှူးများ ဖြစ်လိုကြဆဲ ဖြစ်သည်။ ဤသည်မှာ မည်သည့် စိတ်သဘောထားမျိုး ဖြစ်သနည်း။ ဤသည်မှာ မာနထောင်လွှားသော စိတ်သဘောထား ဖြစ်သည်။

စီးပွားရေးလုပ်ရာတွင် လူများကို လိမ်လည်ခြင်းနှင့် လှည့်ဖြားခြင်းကို နှစ်သက်သည့် အကြောင်းအရာကို ပြန်ပြောကြစို့။ လူများကို လိမ်လည်ခြင်းနှင့် လှည့်ဖြားခြင်းသည် မည်သည့် ပြဿနာမျိုး ဖြစ်သနည်း။ ပြဿနာ၏ ကဏ္ဍတစ်ခုမှာ ထိုသို့သော လူများ၏ လူ့သဘာဝသည် ဆိုးရွားခြင်း ဖြစ်သည်၊ ၎င်းတို့တွင် အသိစိတ် သို့မဟုတ် ဆင်ခြင်တုံတရား မရှိကြပေ။ သို့ဆိုလျှင် ၎င်းတို့၏ အပြုအမူမှ အကဲဖြတ်ရပါက ၎င်းတို့သည် မည်သည့် ဖောက်ပြန်ပျက်စီးသော စိတ်သဘောထားများကို ထုတ်ဖော်ကြသနည်း။ ပထမဦးစွာ ထိုသို့သော လူများ၏ စိတ်သဘောထားသည် လှည့်ဖြားတတ်ပြီး ကောက်ကျစ်ဆိုးယုတ်သည်၊ ဒုတိယအနေဖြင့် ၎င်းတို့သည် သမ္မာတရားကို အလွန်အမင်း မနှစ်မြို့ကြသည့်အပြင် စိတ်နှလုံးမာကျောကြသည်။ ၎င်းတို့သည် အခြားသူများကို လိမ်လည်သောအခါ ၎င်းတို့ ပြသသည့် အကြင်နာမဲ့မှုသည် ရက်စက်ကြမ်းကြုတ်ခြင်း ဖြစ်သည်၊ ၎င်းတို့၏ ပစ်မှတ်သည် ချမ်းသာသည်ဖြစ်စေ၊ ဆင်းရဲသည်ဖြစ်စေ၊ ပစ်မှတ်တွင် ငွေရှိသည်ဖြစ်စေ၊ မရှိသည်ဖြစ်စေ ၎င်းတို့သည် မည်သည့် သနားကရုဏာမျှ မပြဘဲ ထိုသူတို့ကို အတူတူပင် လှည့်ဖြားကြသည်။ ထိုသို့သော လူများ၏ ဖောက်ပြန်ပျက်စီးသော စိတ်သဘောထားများသည် ကဏ္ဍတိုင်းတွင် အတော်လေး ပြင်းထန်သည်။ ငါ့ကို ပြောလော့၊ ထိုသို့သော လူများအတွက် ကယ်တင်ခြင်းရရှိရန် လွယ်ကူသလော။ (မလွယ်ကူပါ။) ၎င်းတို့၏ ဖောက်ပြန်ပျက်စီးသော စိတ်သဘောထားများအရ အကဲဖြတ်ရလျှင် ၎င်းတို့အတွက် ကယ်တင်ခြင်းရရှိရန် မလွယ်ကူပေ။ သို့ဆိုလျှင် ၎င်းတို့၏ လူ့သဘာဝအရ မည်သည့်ကဏ္ဍက ၎င်းတို့အတွက် ကယ်တင်ခြင်းရရှိရန် ခက်ခဲစေသနည်း။ အခြေခံအကြောင်းရင်းတစ်ခု ရှိသလော။ (၎င်းတို့တွင် အသိစိတ် မရှိပါ။) မှန်ပေသည်၊ အသိစိတ်မရှိသော လူများအတွက် ကယ်တင်ခြင်းရရှိရန် မလွယ်ကူပေ။ ၎င်းတို့တွင် အသိစိတ်၏ စွမ်းရည်သည် ပျောက်ကွယ်သွားပြီ ဖြစ်သည်၊ ယင်းသည် မရှိတော့ပေ။ အသိစိတ်၏ လုပ်ဆောင်ချက် မရှိဘဲနှင့် လူတစ်ဦးသည် သမ္မာတရားကို လက်ခံရန်နှင့် သမ္မာတရားကို လက်တွေ့လုပ်ဆောင်ရန် အခြေခံ အခြေအနေကို မပိုင်ဆိုင်ပေ။ ထို့ကြောင့် ၎င်းတို့အတွက် ကယ်တင်ခြင်းရရှိရန် အလွန် ခက်ခဲသည်၊ ၎င်းတို့သည် ကယ်တင်ခြင်း မရရှိနိုင်ဟုလည်း ဆိုနိုင်သည်။ ဤလူစားမျိုးသည် အလုပ်လုပ်ပေးရန် လိုလားပြီး အတိုင်းအတာတစ်ခုအထိ ထိုသို့ လုပ်ဆောင်နိုင်သည်မှာလည်း ဖြစ်နိုင်ချေရှိပြီး နောက်ဆုံးတွင် ၎င်းတို့၏ အလုပ်လုပ်ပေးခြင်းသည် စံနှုန်းပြည့်မီပြီး ဘုရားသခင်၏ သတ်မှတ်ချက်များနှင့် ကိုက်ညီသောကြောင့် ၎င်းတို့သည် သစ္စာစောင့်သိသော အလုပ်လုပ်ပေးသူများ ဖြစ်လာပြီး အသက်ရှင်ကျန်ရစ်ကြလိမ့်မည်။ ဤသည်မှာလည်း ဘုရားသခင်၏ ကျေးဇူးတော် ဖြစ်သည်။ သစ္စာစောင့်သိသော အလုပ်လုပ်ပေးသူများသည် အသက်ရှင် ကျန်ရစ်နိုင်သော်လည်း ယင်းက ၎င်းတို့သည် ကယ်တင်ခြင်း ရရှိပြီးဖြစ်သည်ဟု မဆိုလိုပေ။ အသက်ရှင်ကျန်ရစ်ခြင်းနှင့် ကယ်တင်ခြင်းရရှိခြင်းတို့သည် မတူညီသော သဘောတရားနှစ်ခု ဖြစ်သည်။ ယင်းတို့ကြားတွင် ကွာဟချက်တစ်ခုနှင့် ကွဲပြားမှုတစ်ခု ရှိသည်။ လူတစ်ဦး၏ လုပ်ရပ်များ၏ စည်းမျဉ်းများ၊ စည်းများ၊ ဦးတည်ချက်နှင့် ပန်းတိုင်များသည် ၎င်းတို့၏ လူ့သဘာဝ ကောင်းမွန်ခြင်း ရှိမရှိနှင့် ကြီးမားသော အတိုင်းအတာအထိ ဆက်စပ်နေသည်။ လူတစ်ဦးသည် အပြုသဘောဆောင်သောအရာများကို နှစ်သက်ပါက သို့မဟုတ် တရားမျှတစိတ် အနည်းငယ် ရှိပါက ဤအရာက ၎င်းတို့၏ အသိစိတ်တွင် သတိပြုမိခြင်း ရှိကြောင်း ပြသသည်၊ ယင်းက ဤသူတွင် အသိစိတ် အနည်းငယ် ရှိကြောင်း ပြသသည်။ အချို့လူများ၏ ကျင့်ကြံပြုမူခြင်းတွင် ၎င်းတို့သည် တရားမျှတစိတ် မရှိကြသည့်အပြင် မည်သည့် အပြုသဘောဆောင်သော ရွေးချယ်မှုများကိုမျှ မလုပ်ဆောင်ကြပေ။ ၎င်းတို့သည် ကောက်ကျစ်ဆိုးယုတ်သော အရာများကို လုပ်ဆောင်ရန်သာ နှစ်သက်ကြပြီး အပြုသဘောဆောင်သောအရာများကို အလွန်အမင်း အော်ဂလီဆန်ကြသည်။ အထူးသဖြင့် တစ်စုံတစ်ဦးက အပြုသဘောဆောင်သော ပြုမူခြင်း နည်းလမ်းများအကြောင်း၊ လူတစ်ဦးသည် ၎င်းတို့၏ ကျင့်ကြံပြုမူခြင်းတွင် လူ့သဘာဝ၊ အသိစိတ်နှင့် ကိုယ်ကျင့်တရားဆိုင်ရာ စည်းများ မဖြစ်မနေ ရှိရမည်ဖြစ်ပြီး စည်းမျဉ်းများကို လိုက်နာရမည်ဖြစ်ကြောင်း အနည်းငယ် ပြောဆိုသောအခါ ၎င်းတို့က ဤအရာကို တရားဟောနေခြင်းအဖြစ် မြင်ကြသည်။ ယင်းကို “တရားဟောနေခြင်း” ဟု ခေါ်ဆိုခြင်းမှာ ကြားကောင်းအောင် ပြောဆိုခြင်း ဖြစ်သည်၊ အမှန်တကယ်တွင် ၎င်းတို့သည် မထီမဲ့မြင်ပြုပြီး လှောင်ပြောင်ကြသည်။ ဤနည်းအတိုင်း ကျင့်ကြံပြုမူခြင်းသည် ကျရှုံးမှုတစ်ခုဖြစ်သည်ဟု ၎င်းတို့ ယုံကြည်ကြသည်၊ “သင်၏ ဘဝသည် မည်မျှ သနားစရာကောင်းသည်ကို ကြည့်လော့။ သင်သည် ပုံစံအမျိုးမျိုးဖြင့် မည်သို့ လိမ်လည်လှည့်ဖြားရမည်ကို မသိသည့်အပြင် ကောက်ကျစ်စဉ်းလဲခြင်းမှတစ်ဆင့် အကျိုးကျေးဇူးများကို မည်သို့ ရယူရမည်ကိုလည်း မသိပေ။ သင်၏ ကျင့်ကြံပြုမူခြင်းတွင် သင်သည် အမြဲတစေ စည်းမျဉ်းကို ပုံသေစောင့်ထိန်းသည်၊ အလွန် သတ္တိကြောင်သည်။ ဤခေတ် ဤအခါတွင် ရဲတင်းသူများသည် အဝစားရပြီး သတ္တိကြောင်သူများသည် ငတ်မွတ်ကြသည်။ သင်သည် သတ္တိကြောင်ပါက သင် အောင်မြင်မည် မဟုတ်ပေ” ဟူ၍ ဖြစ်သည်။ အသိစိတ်နှင့် စည်းမျဉ်းများဖြင့် ကျင့်ကြံပြုမူခြင်းအားဖြင့် သင်သည် သတ္တိကြောင်နေခြင်းသာ ဖြစ်သည်ဟုလည်းကောင်း၊ ပုံစံအမျိုးမျိုးဖြင့် လိမ်လည်လှည့်ဖြားရဲခြင်းအားဖြင့် ၎င်းတို့သည် ရဲတင်းနေကြခြင်း ဖြစ်သည်ဟုလည်းကောင်း ၎င်းတို့ ယုံကြည်ကြသည်။ သို့သော် ယင်းမှာ ၎င်းတို့ ရဲတင်းသောကြောင့် အမှန်တကယ် ဖြစ်သလော။ အဆင်းနီသော နဂါးကြီး၏ နိုင်ငံတွင် ဘုရားသခင်ကို ယုံကြည်သော အချို့လူများသည် နှိပ်စက်ညှဉ်းပန်းခံရခြင်းနှင့် ဖမ်းဆီးခံရခြင်းတို့ကို မကြောက်ရွံ့ကြဘဲ ဘုရားသခင်ကို ယုံကြည်ခြင်း၌ ဆက်လက် တည်ကြည်နေကြဆဲ ဖြစ်သည်။ ဤအရာသည် ရဲတင်းခြင်း သို့မဟုတ် သတ္တိကြောင်ခြင်းနှင့် တစ်စုံတစ်ရာ သက်ဆိုင်မှု ရှိသလော။ (မရှိပါ။) ဤသည်မှာ ၎င်းတို့၏ လိုက်စားမှုနှင့် ဆက်စပ်နေသည်၊ ၎င်းတို့၏ လူ့သဘာဝတွင် ၎င်းတို့၌ ဘုရားသခင်ကို ယုံကြည်ခြင်းအတွက် လိုအပ်ချက်နှင့် တောင့်တမှု ရှိကြသည်။ ဤသည်မှာ ရဲတင်းခြင်း သို့မဟုတ် သတ္တိကြောင်ခြင်း ကိစ္စ မဟုတ်ပေ။ အချို့လူများသည် စီးပွားရေးလုပ်သောအခါ ပုံစံအမျိုးမျိုးဖြင့် လိမ်လည်လှည့်ဖြားကြသည်။ အကြိမ်များစွာတွင် ၎င်းတို့သည် လိုက်လံဖမ်းဆီးခံရခြင်း၊ ၎င်းတို့၏ ပိုင်ဆိုင်မှုများ သိမ်းဆည်းခံရခြင်း၊ သို့မဟုတ် ဒေဝါလီခံရခြင်းနှင့် ပိတ်သိမ်းရခြင်း အန္တရာယ်တို့ကို ရင်ဆိုင်ရသော်လည်း ၎င်းတို့သည် လူများကို ယခင်အတိုင်းပင် ဆက်လက် လှည့်ဖြားကြသည်။ ၎င်းတို့၏ လှည့်ဖြားခြင်းက အသက်ဆုံးရှုံးမှု ဖြစ်စေလျှင်ပင် ၎င်းတို့ ဂရုမစိုက်ကြပေ။ အချို့လူများသည် စီးပွားရေးလုပ်သောအခါ ကုမ္ပဏီတုတစ်ခုကို တည်ထောင်ခြင်းအားဖြင့် အခြားသူများကို လှည့်ဖြားကြသည်၊ အမှန်တကယ်တွင် ဤကုမ္ပဏီသည် လုံးဝ မတည်ရှိသည့်အပြင် ယင်းတွင် စစ်မှန်သော စီးပွားရေးလုပ်ငန်း မရှိပေ၊ မည်သည့် ထုတ်ကုန်များကိုမျှလည်း မထုတ်လုပ်ပေ။ ၎င်းတို့သည် နေရာတိုင်းတွင် အော်ဒါများမှာယူရန် လူများကို လှည့်ဖြားဖို့ ၎င်းတို့၏ အပြောအဟော ကောင်းခြင်းအပေါ်တွင်သာ မှီခိုကြသည်။ အခြားလူများက ၎င်းတို့ကို စရန်ငွေ ပေးချေသည်နှင့်တစ်ပြိုင်နက် ၎င်းတို့သည် အရိပ်အယောင်မျှ မချန်ထားဘဲ ချက်ချင်း ထွက်ပြေးလွတ်မြောက်သွားကြသည်။ ၎င်းတို့သည် ဤကဲ့သို့ လူများကို အရောင်းအဝယ် တစ်ခုပြီးတစ်ခု လှည့်ဖြားကြပြီး ၎င်းတို့ ငွေကို လိမ်လည်ရယူပြီးနောက် ၎င်းတို့၏ မိသားစုတစ်ခုလုံးသည် အကောင်းဆုံး အစားအသောက်များကို စားသောက်လျက် ဇိမ်ကျကျ နေထိုင်ကြသည်။ အချို့လူများသည် မည်သည့် အတိုင်းအတာအထိ လှည့်ဖြားခြင်းတွင် ပါဝင်လုပ်ဆောင်ကြသနည်း။ ၎င်းတို့သည် အဆင့်မြင့် အဖွဲ့အစည်းများနှင့် အေဂျင်စီများကိုပင် လှည့်ဖြားကြသည်။ တစ်ခါတစ်ရံတွင် ၎င်းတို့သည် အလွန် အန္တရာယ်များသော အခြေအနေတွင် ရှိနေပြီး တစ်စုံတစ်ဦးက ၎င်းတို့၏ လှည့်ကွက်များကို ထိုးထွင်းသိမြင်ကာ ၎င်းတို့ကို ဖော်ထုတ်နိုင်ချေရှိသည်။ ၎င်းတို့၏ လုပ်ရပ်များသည် မိမိတို့ကို အန္တရာယ်ကျရောက်စေမည်ကို ၎င်းတို့၏ စိတ်နှလုံးထဲတွင် အမှန်တကယ် သိကြသော်လည်း ၎င်းတို့ ဂရုမစိုက်ကြပေ။ ကံကောင်းထောက်မစွာဖြင့် ၎င်းတို့ လွတ်မြောက်သွားပါက နောက်ထပ်အခါအခွင့်သင့်ပါက လူများကို ဆက်လက် လှည့်ဖြားကြလိမ့်မည်။ ၎င်းတို့၏ လှည့်ဖြားမှုများမှတစ်ဆင့် ငွေရှာ၍ရနေသရွေ့ ၎င်းတို့သည် အနိုင်ရပြီဟုလည်းကောင်း၊ “ကျော်ကြားမှုနှင့် အောင်မြင်မှုကို ရရှိပြီ” ဟုလည်းကောင်း ၎င်းတို့ ထင်ကြသည်။ သို့သော် သင်က ၎င်းတို့ကို ဘုရားသခင်ကို ယုံကြည်ရန် တောင်းဆိုပါက ၎င်းတို့ မယုံကြည်ရဲကြပေ။ ၎င်းတို့က “ဘုရားသခင်ကို ယုံကြည်ခြင်းက ကျွန်ုပ်ကို အစိုးရ၏ ပြစ်ဒဏ်ချမှတ်ခြင်းနှင့် ဖမ်းဆီးခြင်းကို ခံရစေလိမ့်မည်။ ကျွန်ုပ် မယုံကြည်ရဲပါ” ဟု ပြောကြသည်။ သို့သော် ပုံစံအမျိုးမျိုးဖြင့် လိမ်လည်လှည့်ဖြားခြင်းနှင့်ပတ်သက်လာလျှင် ၎င်းတို့သည် ဖမ်းဆီးခံရမည်ကို မကြောက်ရွံ့ကြပေ။ သင်သည် စုဝေးပွဲများသို့ သွားပါက ၎င်းတို့က “သင်သည် အမှန်တကယ် ရဲတင်းသည်။ နိုင်ငံတော်သည် ယခုအချိန်တွင် ယုံကြည်သူများကို အရူးအမူး ဖမ်းဆီးပြီး နှိပ်စက်ညှဉ်းပန်းနေသည်၊ သင်သည် မည်သို့ဖြစ်၍များ စုဝေးပွဲများသို့ သွားရဲသေးသနည်း” ဟုပင် ပြောကြသည်။ သင်က “ဘုရားသခင်ကို ယုံကြည်ပြီး မှန်ကန်သော လမ်းကြောင်းကို လျှောက်လှမ်းသော ကျွန်ုပ်တို့သည် ဖမ်းဆီးခံရမည်ကို မကြောက်ရွံ့ပါ။ သင်တို့သည် ကုမ္ပဏီတုများကို လည်ပတ်ပြီး လှည့်ဖြားမှုများ လုပ်ဆောင်ရန် အလွန် အန္တရာယ်များသည်၊ သင် အဘယ်ကြောင့် မကြောက်ရွံ့သနည်း” ဟု ပြောသည်။ ၎င်းတို့က “ကျွန်ုပ်တို့ စီးပွားရေးသမားများသည် အန္တရာယ်များကို ရင်ဆိုင်ရမည်ကို မကြောက်ရွံ့ပါ။ သို့သော် အစိုးရက ယုံကြည်သူများကို ဖမ်းဆီးရန် ဤမျှ ကြိုးစားနေချိန်တွင် သင်တို့သည် စုဝေးပွဲများသို့ တက်ရဲသေးသည်မှာ အလွန် ရဲတင်းသည်” ဟု ပြောကြသည်။ ဘုရားသခင်ကို ယုံကြည်သူများ ဖမ်းဆီးခံနေရသည်ကို မြင်သောအခါ ၎င်းတို့သည် မယုံကြည်ရဲကြပေ၊ သို့သော် စီးပွားရေးလုပ်စဉ် လှည့်ဖြားခြင်းအတွက် ဖမ်းဆီးခံရမည်ကိုမူ ၎င်းတို့ မကြောက်ရွံ့ကြပေ။ ၎င်းတို့သည် မည်သည့် လူယုတ်မာမျိုး ဖြစ်သနည်း။ ဤအရာက လူတို့၏ လူ့သဘာဝရှိ ကွဲပြားမှုကို ပြသနေသည် မဟုတ်လော။ လူတို့ကြားတွင် ဤကွဲပြားမှု အတိအကျ ရှိသည်။ လူတို့၏ ဖောက်ပြန်ပျက်စီးသော စိတ်သဘောထားများသည် အတူတူပင် ဖြစ်သည်၊ ၎င်းတို့အားလုံးတွင် ထိုတူညီသော ဖောက်ပြန်ပျက်စီးသည့် စိတ်သဘောထားများ ရှိကြသည်၊ သို့သော် ၎င်းတို့၏ လူ့သဘာဝရှိ ကွဲပြားမှုများအရ အကဲဖြတ်ရသော် အချို့လူများသည် ဘုရားသခင်ကို မည်သည့်အခါမျှ ယုံကြည်နိုင်မည် မဟုတ်ပေ၊ ၎င်းတို့သည် ဘုရားအိမ်တော်၏ အဖွဲ့ဝင်များ မည်သည့်အခါမျှ ဖြစ်နိုင်မည် မဟုတ်ပေ။ ထိုသို့သော လူများသည် ဘုရားသခင်ကို ယုံကြည်လျှင်ပင် ၎င်းတို့သည် ကယ်တင်ခြင်းကို မည်သည့်အခါမျှ မရရှိနိုင်ပေ။ ဤအရာကို မည်သည့်ကဏ္ဍမှ မြင်တွေ့နိုင်သနည်း။ ယင်းကို ၎င်းတို့၏ လူ့သဘာဝမှ မြင်တွေ့နိုင်သည်။ အချို့လူများသည် ၎င်းတို့၏ ဇနီးများ ဘုရားသခင်ကို ယုံကြည်ခြင်းကို ထောက်ခံအားပေးကြသော်လည်း ၎င်းတို့၏ ဇနီးများက ယုံကြည်ရန် ၎င်းတို့ကို တိုက်တွန်းသောအခါ ယင်းမှာ အလွန် အန္တရာယ်များပြီး ၎င်းတို့ မယုံကြည်ရဲကြောင်း ပြောကြသည်။ သို့တိုင်အောင် စီးပွားရေးလုပ်ရာတွင် ၎င်းတို့သည် ပုံစံအမျိုးမျိုးဖြင့် လိမ်လည်လှည့်ဖြားကြပြီး ၎င်းတို့ မည်မျှ အန္တရာယ်နှင့် ရင်ဆိုင်ရပါစေ ၎င်းတို့ ဂရုမစိုက်ကြပေ။ ၎င်းတို့သည် မည်သည့် ဥပဒေကိုမဆို ချိုးဖောက်နိုင်စွမ်း ရှိကြပြီး မည်သည့် နည်းဗျူဟာများကိုမဆို အသုံးပြုရဲကြသည်။ အစိုးရက မည်မျှ နီးကပ်စွာ စောင့်ကြည့်စစ်ဆေးသည်ဖြစ်စေ၊ ဥပဒေအရ မည်သည့် ပြစ်ဒဏ်ချမှတ်ခြင်းများနှင့် ပြစ်ဒဏ်များ ချမှတ်သည်ဖြစ်စေ ၎င်းတို့ ဂရုမစိုက်ကြပေ။ ၎င်းတို့သည် မည်သို့ ကျင့်ကြံပြုမူသည်နှင့်ပတ်သက်၍ စည်းများ မရှိကြပေ၊ ၎င်းတို့ ပြုမူသောအခါ အကျိုးဆက်များကို ဂရုမစိုက်ကြပေ၊ ပြီးလျှင် အကျိုးအမြတ် ရရှိရန် ရှိနေသရွေ့ အရာအားလုံး အဆင်ပြေသည်ဟု ၎င်းတို့ ထင်ကြသည်။ ထိုသို့သော လူတစ်ဦးသည် ဘုရားသခင်ကို ယုံကြည်ပါက ၎င်းတို့သည် သမ္မာတရားကို မရရှိနိုင်သည့်အပြင် ကယ်တင်ခြင်းကိုလည်း မရရှိနိုင်ပေ၊ အဘယ်ကြောင့်ဆိုသော် ၎င်းတို့သည် သမ္မာတရားကို မနှစ်သက်ဘဲ ငွေကိုသာ နှစ်သက်သောကြောင့် ဖြစ်သည်။ ၎င်းတို့ စီးပွားရေးလုပ်နေသရွေ့ ၎င်းတို့သည် အခြားသူများကို လိမ်လည်ပြီး လှည့်ဖြားကြလိမ့်မည်ဖြစ်ကာ ၎င်းတို့သည် မသမာမှုများလုပ်ကြလိမ့်မည်၊ ၎င်းတို့၏ မည်းမှောင်သော စိတ်နှလုံးသည် မိမိကိုယ်ကို ထုတ်ဖော်ပြသလေသည်။ ဤသို့သော ကိုယ်ကျင့်စရိုက်ရှိသူ တစ်စုံတစ်ဦးသည် လုံးဝ ဇာတ်သိမ်းသွားပြီ ဖြစ်သည်၊ ဘုရားသခင်သည် ဤလူစားမျိုးကို မကယ်တင်ပေ။ အချို့လူများက “ဤကဲ့သို့သော လူတစ်ဦးသည် ငွေများစွာရှာပြီး ယင်းကို ဘုရားအိမ်တော်သို့ ပူဇော်ဆက်ကပ်ပါက မည်သို့ဖြစ်မည်နည်း” ဟု ပြောကြသည်။ ဘုရားအိမ်တော်သည် ထိုသို့သော ငွေကို လက်မခံပေ၊ ဘုရားအိမ်တော်သည် တရားဝင် နည်းလမ်းများမှတစ်ဆင့် မရှာဖွေထားသော ငွေကို လက်မခံပေ။ ထိုလူစားမျိုးသည် ၎င်းတို့ စီးပွားရေးလုပ်သည်နှင့်တစ်ပြိုင်နက် ပုံစံအမျိုးမျိုးဖြင့် လိမ်လည်လှည့်ဖြားလိမ့်မည်၊ ၎င်းတို့တွင် အလွန် ညံ့ဖျင်းသော လူ့သဘာဝ ရှိသည်။ ယင်းက မည်မျှ ညံ့ဖျင်းသနည်း။ သင်က ၎င်းတို့ကို ၎င်းတို့၏ အသိစိတ်ကို ဆန်းစစ်ရန် တောင်းဆိုပါက ၎င်းတို့က “ကျွန်ုပ် မည်သည့်အရာကိုမျှ မခံစားရပါ။ ကျွန်ုပ်၏ အသိစိတ် မည်သည့်နေရာတွင် ရှိသည်ကို ကျွန်ုပ် မသိပါ။ အသိစိတ်ဟူသည် အဘယ်အရာဖြစ်သည်ကိုဖြစ်စေ၊ ယင်းက တစ်ပေါင်လျှင် မည်မျှတန်သည်ကိုဖြစ်စေ ကျွန်ုပ် မသိပါ” ဟု ပြောကြသည်။ ထိုအချိန်တွင် သင် နားလည်သဘောပေါက်သည်၊ “၎င်းတို့သည် ဤစီးပွားရေးလုပ်ငန်းကိုသာ လုပ်သော အခြားလူများထက် ငွေကို ပိုမို မြန်ဆန်စွာ ရှာဖွေနိုင်သည်မှာ မထူးဆန်းပေ။ ဖောက်သည်များအားလုံး ၎င်းတို့ထံမှ သွားရောက်ဝယ်ယူကြသည်မှာ မထူးဆန်းပေ။ ဤသူသည် ကောက်ကျစ်စဉ်းလဲသော နည်းဗျူဟာများကို အသုံးပြုသည်၊ ၎င်းတို့ စီးပွားရေးလုပ်သောအခါ မသမာသော အလေ့အကျင့်များ လုပ်ဆောင်ကြပြီး ၎င်းတို့၏ လှည့်ဖြားသော အပြုအမူသည် အမှန်တကယ် ဆိုးရွားလေသည်” ဟူ၍ ဖြစ်သည်။ သို့သော် ၎င်းတို့သည် ဤအရာကို ရှက်ဖွယ်ကောင်းသောအရာအဖြစ် မမြင်သည်သာမက ၎င်းတို့က “ကိုယ့်ကိုယ်ကိုယ် ကြည့်ကြဦး။ စီးပွားရေးကို အလွန် အလေးအနက်ထားပြီး သင့်လျော်စွာ လုပ်ဆောင်နေကြသည်။ သင်တို့သည် တစ်စုံတစ်ဦးကို တစ်ကြိမ် လှည့်ဖြားလိုက်သည်နှင့် သင်တို့၏ နှလုံးတလှပ်လှပ်ခုန်သည်အထိ အလွန် ကြောက်ရွံ့သွားကြသည်။ ကျွန်ုပ်ကို ကြည့်စမ်းပါ၊ ကျွန်ုပ် မကြောက်ပါ။ စက်မှုနှင့် ကူးသန်းရောင်းဝယ်ရေးဌာနနှင့် ရဲတပ်ဖွဲ့တို့က မည်သည့် သက်သေအထောက်အထားမျှ မရရှိသရွေ့ အရာအားလုံး အဆင်ပြေသည်။ ကျွန်ုပ်ကို တရားစွဲချင်သလော။ သင့်တွင် သက်သေအထောက်အထား မရှိပါ။ ကျွန်ုပ် လူများကို မည်မျှ လိမ္မာပါးနပ်စွာ လှည့်ဖြားသည်ကို ကြည့်စမ်းပါ။ သင် လုပ်နိုင်သလော။ သင် မလုပ်နိုင်ပါ။ သင် တစ်စုံတစ်ဦးကို လှည့်ဖြားလိုက်သည့် အခိုက်အတန့်တွင် သင်သည် မိမိကိုယ်ကို ဖော်ထုတ်လိုက်ခြင်း ဖြစ်သည်။ သင့်တွင် ကျွန်ုပ်၌ရှိသော နည်းဗျူဟာများ မရှိပါ။ သင်၏ အစွမ်းအစသည် ညံ့ဖျင်းသည်” ဟု ပြောဆိုလျက် ကိုယ်ရည်သွေးပြီး ဂုဏ်ယူကြသေးသည်။ ဤသည်မှာ မည်သည့် လူစားမျိုး ဖြစ်သနည်း။ ၎င်းတို့သည် ဆိုးယုတ်သောသူ ဖြစ်သည်။ ၎င်းတို့ကို ကယ်တင်ရန် မျှော်လင့်ချက် တစ်စုံတစ်ရာ ရှိသေးသလော။ ၎င်းတို့သည် ကယ်တင်၍မရနိုင်တော့ပေ။ ထိုသို့သော လူများတွင် ဖောက်ပြန်ပျက်စီးသော စိတ်သဘောထားများ ရှိသောကြောင့် ၎င်းတို့ကို မကယ်တင်နိုင်ခြင်း မဟုတ်ဘဲ ၎င်းတို့၏ လူ့သဘာဝသည် အလွန် ညံ့ဖျင်းသောကြောင့် ဖြစ်သည်။ မည်သည့်နည်းလမ်းဖြင့် ညံ့ဖျင်းသနည်း။ ၎င်းတို့တွင် လူ့သဘာဝ မရှိသည့်အပြင် အသိစိတ်လည်း မရှိသည့်နည်းလမ်းဖြင့် ညံ့ဖျင်းသည်၊ ၎င်းတို့သည် မိမိတို့၏ အသိစိတ်ကို ဆုံးရှုံးသွားကြပြီ ဖြစ်သည်။ လူတစ်ဦး၏ အသိစိတ်ကို ဆုံးရှုံးသွားခြင်းဟူသည် အဘယ်အရာကို ဆိုလိုသနည်း။ ယင်းမှာ အသိစိတ်၏ စည်းများမရှိဘဲ အမှုအရာများကို လုပ်ဆောင်ခြင်းကို ဆိုလိုသည်။ ဤစည်းများကို အသိစိတ်အပေါ်တွင် တည်ဆောက်ထားသည်၊ အသိစိတ်သည် စည်းများကို ဖွဲ့စည်းထားသည်။ စီးပွားရေးလုပ်စဉ် ပုံစံအမျိုးမျိုးဖြင့် လိမ်လည်လှည့်ဖြားခြင်းအားဖြင့် သင် မည်သူ့ကို လိမ်လည်သည်ဖြစ်စေ၊ ယင်းမှာ လူဆိုးတစ်ဦးဖြစ်စေ၊ လူကောင်းတစ်ဦးဖြစ်စေ၊ မည်သို့ပင်ဖြစ်စေ လုပ်ရပ်ကိုယ်၌က ကိုယ်ကျင့်တရား၊ အသိစိတ်နှင့် လူ့သဘာဝတို့ကို ဆန့်ကျင်နေသည်။ ထိုသို့သောအရာကို လုပ်ဆောင်ပြီးသည်နှင့်တစ်ပြိုင်နက် သင်သည် မိမိ၏ အသိစိတ်တွင် လိပ်ပြာမလုံမှုကို ထာဝရ ခံစားရလိမ့်မည်။ ယင်းသည် တစ်သက်တာ အမည်းစက်တစ်ခု ဖြစ်လာလိမ့်မည်။ သင်သည် အမှန်တကယ် လူသားဆန်ပါက ထိုသို့သောအရာကို မည်သည့်အခါမျှ မလုပ်ဆောင်သင့်ပေ။ သင်၏ လှည့်ဖြားမှုများ၏ ပစ်မှတ်သည် မည်သူပင်ဖြစ်ပါစေ၊ ပြီးလျှင် သင် လှည့်ဖြားသည့် ငွေပမာဏသည် မည်မျှပင်ဖြစ်ပါစေ သင်သည် ဆိုးယုတ်သော လူများနှင့် လူဆိုးများကို လှည့်ဖြားလျှင်ပင် ယင်းမှာ လှည့်ဖြားခြင်းပင် ဖြစ်သည်။ ထို့ကြောင့် အခြေအနေများ သို့မဟုတ် သင် ဆက်ဆံနေရသူ မည်သူပင်ဖြစ်ပါစေ သင်သည် လူများကို မည်သည့်အခါမျှ မလှည့်ဖြားသင့်ပေ။ ဤသည်မှာ သင်၏ ကျင့်ကြံပြုမူခြင်းတွင် အသိစိတ်၏ စည်းများ ရှိခြင်းဖြစ်ပြီး ယင်းမှာ အသိစိတ်၏ လုပ်ဆောင်ချက်မှ လာသော ချုပ်တည်းသည့် အင်အား ဖြစ်သည်။ သင့်တွင် အသိစိတ်၏ လုပ်ဆောင်ချက် ရှိပါက သင် လုပ်ဆောင်သည့်အရာတွင် စည်းများ ရှိလိမ့်မည်။ သင့်တွင် အသိစိတ်၏ လုပ်ဆောင်ချက် မရှိပါက သင်သည် ထိုစည်းများကို ကျော်ဖြတ်လိမ့်မည်ဖြစ်ပြီး မည်သည့်အရာကိုမဆို လုပ်ဆောင်နိုင်စွမ်း ရှိလိမ့်မည်။ ဤကဲ့သို့သော ပုဂ္ဂိုလ်များသည် အသိစိတ်နှင့် ဆင်ခြင်တုံတရား အနည်းငယ်မျှပင် မရှိကြသည့်အပြင် ၎င်းတို့သည် သားရဲတိရစ္ဆာန်များထက် ပို၍ ဆိုးရွားသည်ဟု ဆိုနိုင်သည်။ အချို့လူများက ဤပြောဆိုချက်သည် အလွန် လွန်ကဲသည်ဟု ထင်ပါက ယင်းကို အခြားတစ်နည်းဖြင့် ပြောကြစို့၊ ဆင်ခြင်တုံတရား အနည်းငယ်မျှပင် မရှိသော လူတစ်ဦးသည် သားရဲတိရစ္ဆာန်တစ်ကောင်နှင့် တူသည်။ လူ့သဘာဝမရှိသော လူများသည် သားရဲတိရစ္ဆာန်များ မဟုတ်လော။ လူတစ်ဦးသည် လူသားဖြစ်သော်လည်း လူ့သဘာဝ မရှိပါက ၎င်း၏ အနှစ်သာရမှာ အဘယ်နည်း။ ယင်းမှာ သားရဲတိရစ္ဆာန်တစ်ကောင်၏ အနှစ်သာရ မဟုတ်လော။ ၎င်းနှင့် သားရဲတိရစ္ဆာန်တစ်ကောင်ကြားရှိ ကွဲပြားမှုမှာ ၎င်းသည် မတ်မတ် လမ်းလျှောက်နိုင်ပြီး ၎င်းတွင် ဘာသာစကား ရှိသည်၊ သို့သော် သားရဲတိရစ္ဆာန်များသည် လူသား၏ ဘာသာစကား စွမ်းရည်ကို မပိုင်ဆိုင်ကြပေ။ အကျိုးအမြတ်ရရှိရန်အလို့ငှာ၊ သင်သည် ပုံစံအမျိုးမျိုးဖြင့် လိမ်လည်လှည့်ဖြားခြင်းတွင် ပါဝင်လုပ်ဆောင်ရန် အမျိုးမျိုးသော နည်းလမ်းများနှင့် နည်းစနစ်များကို အသုံးပြုနိုင်စွမ်း ရှိသည်၊ သို့သော် သားရဲတိရစ္ဆာန်များတွင် ထိုသို့သော နည်းလမ်းများ မရှိပေ။ ထို့ကြောင့် ဤလူစားမျိုးသည် သားရဲတိရစ္ဆာန်များနှင့် ညီမျှသည်ဟု ပြောဆိုခြင်းမှာ အမှန်တကယ်တွင် ၎င်းတို့အပေါ် သက်ညှာပေးနေခြင်း ဖြစ်သည်၊ အမှန်တွင် ထိုသို့သော လူများသည် သားရဲတိရစ္ဆာန်များထက် အမှန်တကယ် ပို၍ ဆိုးရွားကြသည်။ သားရဲတိရစ္ဆာန်များထက် ပို၍ ဆိုးရွားသောသူများသည် ကယ်တင်ခြင်းကို ရရှိနိုင်သလော။ ၎င်းတို့သည် သမ္မာတရားကို အနည်းငယ်မျှပင် လက်မခံကြပေ၊ ၎င်းတို့သည် ငွေကိုသာ နှစ်သက်ကြသည်။ ဤသည်မှာ ၎င်းတို့၏ သဘာဝနှင့်ဆိုင်သော ပြဿနာတစ်ခုဖြစ်ပြီး မည်သူကမျှ ယင်းကို မပြောင်းလဲနိုင်ပေ။ ထိုသို့သော လူများကို သမ္မာတရား လက်ခံရန် မျှော်လင့်ခြင်းသည် ကြက်ဖတစ်ကောင် ဥဥရန် မျှော်လင့်ခြင်းနှင့် တူသည်၊ ယင်းမှာ မည်သည့်အခါမျှ ဖြစ်လာမည် မဟုတ်ပေ။ ထို့ကြောင့် ဖောက်ပြန်ပျက်စီးသော လူသားမျိုးနွယ်အလယ်တွင် အကျိုးအမြတ်အတွက် လူသတ်မှု ကျူးလွန်သူများ သို့မဟုတ် ရာဇဝတ်မှုများ လုပ်ဆောင်ပြီး ဥပဒေကို ချိုးဖောက်သူများကို ဖယ်ထုတ်လိုက်လျှင် ပုံစံအမျိုးမျိုးဖြင့် လိမ်လည်လှည့်ဖြားသော ဤလူများသည် အဆိုးရွားဆုံးသော လူ့သဘာဝ ရှိသည်ဟု မှတ်ယူနိုင်သည်၊ ၎င်းတို့သည် လူသားမျိုးနွယ်၏ အညစ်အကြေးများ၊ လူသားမျိုးနွယ်၏ ယုတ်ညံ့သူများ ဖြစ်ကြသည်။ ကြီးမားသော စီးပွားရေး ဖွံ့ဖြိုးတိုးတက်မှုရှိသည့် ဤလက်ရှိခေတ်တွင် စီးပွားရေးလုပ်စဉ် ပုံစံအမျိုးမျိုးဖြင့် လိမ်လည်လှည့်ဖြားသော ဤကဲ့သို့သော လူများ အထူးသဖြင့် အများအပြား ရှိသည်။ သို့သော် ဤလူများ မည်မျှပင် များပြားပါစေ၊ မည်သို့ပင်ဖြစ်စေ ထိုသို့သော သရုပ်သကန်များသည် လူ့သဘာဝနှင့်ဆိုင်သော ပြဿနာတစ်ခုကို သရုပ်ဖော်ပြရန် လုံလောက်ပေသည်။ လူတစ်ဦး၏ အသိစိတ်သည် မည်သို့ရှိသည်၊ ထို့အပြင် ၎င်းတို့တွင် အသိစိတ်၏ စည်းများ ရှိမရှိဟူသည်မှာ ၎င်းတို့၏ လူ့သဘာဝကို တိုင်းတာရန်အတွက် ညွှန်ပြချက်တစ်ခု ဖြစ်သည်။ လူ့သဘာဝပင် မရှိသောသူ တစ်စုံတစ်ဦးသည် မည်သို့ ကယ်တင်ခြင်း ရရှိနိုင်မည်နည်း။ အနည်းဆုံးအနေဖြင့် လူတစ်ဦး၏ လူ့သဘာဝတွင် သမ္မာတရားကို လက်ခံရန် အခြေအနေများ ပါဝင်ရမည်ဖြစ်သည်။ ပုံစံအမျိုးမျိုးဖြင့် လိမ်လည်လှည့်ဖြားသူများသည် ၎င်းတို့၏ လူ့သဘာဝအတွင်း သမ္မာတရားကို လက်ခံရန် အခြေအနေများကို အခြေခံအားဖြင့် မပိုင်ဆိုင်ကြပေ။ ထို့ကြောင့် သင်က ၎င်းတို့၏ ဖောက်ပြန်ပျက်စီးသော စိတ်သဘောထားများကို ဖယ်ရှားရန်အလို့ငှာ သမ္မာတရားကို လက်ခံရန် ၎င်းတို့ကို တောင်းဆိုပါက ဤအရာသည် ၎င်းတို့ ဖြစ်မြောက်အောင်မြင်ရန် မဖြစ်နိုင်ပေ။ အသိစိတ်နှင့် ဆင်ခြင်တုံတရား ရှိသူများသာလျှင် သမ္မာတရားကို လက်ခံနိုင်ပြီး ၎င်းတို့၏ ဖောက်ပြန်ပျက်စီးသော စိတ်သဘောထားများကို ဖယ်ရှားနိုင်ကာ ထိုသို့ဖြင့် ကယ်တင်ခြင်းကို ရရှိနိုင်သည်၊ အဘယ်ကြောင့်ဆိုသော် ၎င်းတို့၏ အသိစိတ်တွင် အတိုင်းအတာတစ်ခုအထိ သတိပြုမိခြင်း ရှိပြီး ၎င်းတို့ ကျင့်ကြံပြုမူပြီး ပြုမူသောအခါ ၎င်းတို့၏ အသိစိတ်သည် တိကျသော လုပ်ဆောင်ချက်တစ်ခုကို လုပ်ဆောင်နိုင်သောကြောင့် ဖြစ်သည်။ သင်သည် ထိုသို့သော လူများနှင့် သမ္မာတရားအကြောင်း မိတ်သဟာယဖွဲ့ပြီး သမ္မာတရားထဲသို့ မည်သို့ ဝင်ရောက်ရမည်၊ ဖောက်ပြန်ပျက်စီးသော စိတ်သဘောထားများကို မည်သို့ ဖယ်ရှားရမည်၊ မည်သည့်အရာများသည် ဘုရားသခင်၏ ရည်ရွယ်ချက်များနှင့် ကိုက်ညီပြီး မည်သည့်အရာများသည် မကိုက်ညီကြောင်းနှင့် လူတို့သည် မည်သို့ ပြုမူသင့်ကြောင်းတို့ကို ပြောဆိုသောအခါ ၎င်းတို့သည် လက်ခံနိုင်ပြီး ကျိုးနွံနာခံနိုင်ကြသည်။ ထိုသို့သော လူများနှင့် သမ္မာတရားအကြောင်း မိတ်သဟာယဖွဲ့ခြင်းသည် သင့်လျော်သည်၊ ၎င်းတို့သည် မှန်ကန်သော လက်ခံသူများ ဖြစ်ကြသည်။ အခြားသူများကို လိမ်လည်ခြင်းနှင့် လှည့်ဖြားခြင်းဟူသည့် အဓိကနည်းလမ်းဖြင့် စီးပွားရေးလုပ်သည့် သူများနှင့် သမ္မာတရားအကြောင်း သင် မိတ်သဟာယဖွဲ့ပါက နံရံတစ်ခုကို စကားပြောနေခြင်းနှင့် အတူတူပင် ဖြစ်ပေမည်။ ထို့ကြောင့် စီးပွားရေးလုပ်နေသော ထိုသို့သော လူများနှင့်ပတ်သက်လာလျှင် ၎င်းတို့သည် စီးပွားရေးလုပ်ရာတွင်နှင့် လူများနှင့် ၎င်းတို့၏ အရောင်းအဝယ်များနှင့် ဆက်ဆံရေးများတွင် တရားဝင် နည်းလမ်းများကို အသုံးပြုခြင်း ရှိမရှိ၊ ၎င်းတို့တွင် အသိစိတ်၏ ချုပ်တည်းမှုများနှင့် စည်းများ ရှိမရှိနှင့် လူများနှင့် ၎င်းတို့၏ အရောင်းအဝယ်များနှင့် ဆက်ဆံရေးများတွင် ၎င်းတို့၏ အသိစိတ်သည် အလုပ်လုပ်နိုင်ခြင်း ရှိမရှိတို့ကိုသာ စောင့်ကြည့်လေ့လာလော့။ လူတစ်ဦး၏ အသိစိတ်သည် အလုပ်လုပ်နိုင်ပြီး ၎င်းအပေါ် ချုပ်တည်းသည့် အင်အားတစ်ခု သက်ရောက်နိုင်ပါက ၎င်းသည် လက်သင့်ခံနိုင်ဖွယ်ဖြစ်ပြီး ပေါင်းသင်းဆက်ဆံရန် တန်ဖိုးရှိသည်။ ထိုသို့သော လူများကို ဧဝံဂေလိတရား ဟောပြောနိုင်ပြီး သမ္မာတရားအကြောင်း မိတ်သဟာယဖွဲ့နိုင်သည်။ ၎င်းတို့သည် သမ္မာတရားကို လက်ခံနိုင်ပါက ၎င်းတို့အတွက် ကယ်တင်ခြင်းရရှိရန် မျှော်လင့်ချက် ရှိသည်။ စီးပွားရေးလုပ်ရန် နှစ်သက်ခြင်းအကြောင်း ငါတို့၏ ဆွေးနွေးမှုအတွက် ဤမျှသာ ဖြစ်သည်။

အနုပညာကို နှစ်သက်ခြင်း

ယခု အနုပညာကို နှစ်သက်ခြင်းအကြောင်းကို ကြည့်ကြစို့။ အနုပညာကို နှစ်သက်သူများသည် သီချင်းဆိုခြင်း၊ ကခုန်ခြင်းနှင့် တူရိယာများ တီးခတ်ခြင်းတို့ကို မွေးရာပါ နှစ်သက်ကြပြီး ၎င်းတို့သည် ဖျော်ဖြေတင်ဆက်ခြင်းလည်း နှစ်သက်ကြသည်။ လူပိုများလေလေ၊ ၎င်းတို့ ပို၍ စိတ်လှုပ်ရှားလာလေလေ ဖြစ်သည်၊ ပြီးလျှင် ၎င်းတို့သည် လူတိုင်းကို ပျော်ရွှင်စေရန်နှင့် အပန်းဖြေစေရန်အလို့ငှာ ဟာသပြဇာတ်တိုများ ကပြခြင်း၊ ပြဇာတ်တိုများ ကပြခြင်း၊ သီချင်းဆိုခြင်း၊ ကခုန်ခြင်း သို့မဟုတ် တူရိယာများ တီးခတ်ခြင်းတို့ကို လုပ်ဆောင်လျက် ဖျော်ဖြေမှု အနည်းငယ် ပြုလုပ်လိုကြသည်။ အနုပညာကို နှစ်သက်ခြင်းသည် မည်သည့် သရုပ်သကန်မျိုး ဖြစ်သနည်း။ ပထမဦးစွာ အနုပညာသည် အပြုသဘောဆောင်သောအရာများ သို့မဟုတ် အပျက်သဘောဆောင်သောအရာများ ပါဝင်ဖွဲ့စည်းထားခြင်း ရှိမရှိကို ငါတို့ ကြည့်ရှုရန် လိုအပ်သည်။ သင်တို့သည် ဤအရာနှင့်ပတ်သက်၍ မရှင်းလင်းပါက သင်တို့ကို ငါ မေးပါရစေ၊ သီချင်းဆိုခြင်းနှင့် ကခုန်ခြင်းသည် လူ့သဘာဝ၏ မှန်ကန်သင့်လျော်သော လိုအပ်ချက်များဖြစ်သည်ဟု သင်တို့ ထင်သလော။ (ဟုတ်ပါသည်။) ယင်းတို့သည် လူ့သဘာဝ၏ မှန်ကန်သင့်လျော်သော လိုအပ်ချက်များ ဖြစ်ကြသည်။ ဆိုလိုသည်မှာ လူတို့သည် ဘဝကို ပျော်ရွှင်ဖွယ်ဖြစ်စေရန်၊ ဘဝ၏ ဝမ်းမြောက်မှုကို ပိုမိုတိုးပွားစေရန် သို့မဟုတ် ၎င်းတို့၏ စိတ်ခံစားချက်တစ်ခုကို ဖော်ပြရန်အလို့ငှာ ၎င်းတို့၏ သီချင်းဆိုသံများ၊ ခန္ဓာကိုယ် အမူအရာ သို့မဟုတ် အနုပညာ နည်းလမ်းတစ်မျိုးမျိုးကို အသုံးပြုကြသည်။ ဤအရာကို မှန်ကန်သင့်လျော်သည်ဟု မှတ်ယူနိုင်သလော။ (မှတ်ယူနိုင်ပါသည်။) ယခု မူလ အကြောင်းအရာဖြစ်သည့် အနုပညာကို နှစ်သက်ခြင်း၊ သီချင်းဆိုခြင်းနှင့် ကခုန်ခြင်း၊ တူရိယာများ တီးခတ်ခြင်းနှင့် ဖျော်ဖြေတင်ဆက်ခြင်းတို့ကို နှစ်သက်ခြင်းသို့ ပြန်သွားကြစို့၊ ဤသရုပ်သကန်မျိုးများသည် မည်သည့် ကဏ္ဍနှင့် သက်ဆိုင်သနည်း။ (စိတ်ဝင်စားမှုများနှင့် ဝါသနာများနှင့်သက်ဆိုင်ပါသည်။) ယင်းတို့သည် စိတ်ဝင်စားမှုများနှင့် ဝါသနာများ ဖြစ်သောကြောင့် မည်သည့်အရာအောက်တွင် အကျုံးဝင်သနည်း။ (ပင်ကိုအခြေအနေများ ဖြစ်ပါသည်။) အချို့ကလေးများသည် အသက် ငါးနှစ် သို့မဟုတ် ခြောက်နှစ်အရွယ်မှစ၍ ဂီတကို နားထောင်ခြင်းနှင့် အကများကို ကြည့်ရှုခြင်းကို နှစ်သက်ကြပြီး ဂီတ၏ စည်းချက်ကို ကြားသောအခါ ၎င်းတို့၏ လက်များနှင့် ခြေထောက်များသည် စတင်လှုပ်ရှားလာကာ ကခုန်လိုစိတ် ပြင်းပြမှုကို ခံစားကြရသည်။ ဤသည်မှာ မွေးရာပါ ဖြစ်သည်။ အချို့လူများသည် သီချင်းများနှင့် အကဂီတကို ကြားပြီး သင်ယူလိုကြသော်လည်း ၎င်းတို့၏ ဆယ်ကျော်သက် သို့မဟုတ် အသက် နှစ်ဆယ်အရွယ်များတွင်ပင် မသင်ယူနိုင်ကြပေ။ ၎င်းတို့အတွက် ကခုန်ရန် သင်ယူဖို့ ကြိုးစားခြင်းသည် အလွန် ပင်ပန်းခက်ခဲပြီး ၎င်းတို့သည် အထူးသဖြင့် ကိုးရိုးကားရား နိုင်ကြသည်။ ဤသည်မှာလည်း မွေးရာပါ ဖြစ်သည်။ ယင်းနှင့် ဆန့်ကျင်ဘက်အနေဖြင့် သီချင်းဆိုခြင်းနှင့် ကခုန်ခြင်းကို မွေးရာပါ နှစ်သက်သူများသည် ဂီတဖွင့်သံကို ကြားသောအခါ ပျော်ရွှင်စွာ စတင်ကခုန်နိုင်ကြသည်။ တစ်စုံတစ်ဦး သီချင်းဆိုသည်ကို ၎င်းတို့ ကြားသောအခါ ၎င်းတို့သည် လိုက်ဆိုနိုင်ပြီး ၎င်းတို့ထံမှ သင်ယူနိုင်ကာ အကြိမ်အနည်းငယ်မျှ လေ့ကျင့်ပြီးနောက်တွင် ၎င်းတို့ကိုယ်တိုင် ယင်းကို သီဆိုနိုင်ကြသည်။ ဤအရာက ဤလူစားမျိုးအတွက် ဤအရာများသည် မွေးရာပါဖြစ်ပြီး ၎င်းတို့၏ သွေးထဲသားထဲတွင် ပါကြောင်း သက်သေပြနေသည်၊ ၎င်းတို့သည် ဤအရာများကို ပင်ကိုအားဖြင့် နှစ်သက်ကြပြီး ၎င်းတို့သည် ယင်းတို့၌ ကျွမ်းကျင်ကြသည်။ မည်သူကမျှ ၎င်းတို့ကို မသင်ပေးဘဲနှင့် ယင်းတို့ကို မည်သို့ လုပ်ဆောင်ရမည်ကို ၎င်းတို့ သိကြသည်။ အသက် ခုနစ်နှစ် သို့မဟုတ် ရှစ်နှစ်အရွယ်မျှဖြင့် ဒေသပြဇာတ် စာသားအနည်းငယ်ကို သီဆိုနိုင်သော အထူးသဖြင့် ထူးချွန်သည့် ပုဂ္ဂိုလ်အချို့ပင် ရှိပြီး ၎င်းတို့၏ သီဆိုမှုသည် ထိုစစ်မှန်သော ခံစားချက်ရှိကာ ယင်းသည် မှန်ကန်သော သံစဉ်တွင်ရှိပြီး မှန်ကန်သော စည်းချက်အတိုင်း သွားသည်၊ ယင်းမှာ အမှန်တကယ် ရှားပါးပေသည်။ အချို့ကလေးများသည် ခေတ်ပေါ်သီချင်း အနည်းငယ်ကိုပင် သီဆိုနိုင်ကြပြီး အချို့က အိန္ဒိယအက၊ ရှင်းကျန်းအက သို့မဟုတ် ခေတ်ပေါ်အက ကဲ့သို့သော ပုံစံများဖြင့် ကခုန်နိုင်ကြသည်။ ၎င်းတို့သည် အကသီချင်းများ သို့မဟုတ် ဂီတကို ကြားသောအခါ ယင်းတို့ကို အလိုအလျောက် နှစ်သက်ကြပြီး ဂီတနှင့်အညီ ၎င်းတို့၏ ခန္ဓာကိုယ်များကို လျင်မြန်စွာ စတင်၍ လှုပ်ရှားကြသည်။ သင်က ၎င်းတို့ကို သီချင်းဆိုခွင့် မပေးပါက ၎င်းတို့သည် ၎င်းတို့၏ စိတ်နှလုံးထဲတွင် တိတ်တဆိတ် သီဆိုကြလိမ့်မည် သို့မဟုတ် အသံထွက်၍ သီဆိုရန် သင့်လျော်သော နေရာတစ်ခုကို ရှာဖွေကြလိမ့်မည်။ ၎င်းတို့သည် သီချင်းဆိုလိုရုံသာဖြစ်ပြီး သီချင်းဆိုရန် နှစ်သက်ကြကာ မည်သူကမျှ ၎င်းတို့ကို တားဆီး၍ မရနိုင်ပေ။ ၎င်းတို့သည် ၎င်းတို့၏ မိဘများ၏ လွှမ်းမိုးမှုကို မခံခဲ့ရသည့်အပြင် မည်သူကမျှလည်း ၎င်းတို့ကို မသင်ပေးခဲ့ပေ။ ၎င်းတို့ ငယ်စဉ်ကတည်းက ၎င်းတို့သည် ဤအားသာချက်များ သို့မဟုတ် ဝါသနာများကို ပိုင်ဆိုင်ခဲ့ကြသည်။ ဤသည်မှာ ပင်ကိုအခြေအနေတစ်ခု ဖြစ်ကြောင်း သိသာထင်ရှားသည်၊ ၎င်းတို့တွင် အနုပညာအပေါ် မွေးရာပါ စိတ်ဝင်စားမှုတစ်ခု ရှိကြသည်။ ထိုကလေးများသည် အနုပညာကို စိတ်ဝင်စားပါက ၎င်းတို့သည် ဤအလုပ်ကို လုပ်ကိုင်ရမည်လော၊ ၎င်းတို့၏ တစ်သက်တာလုံး ဤလုပ်ငန်းနယ်ပယ်တွင် အလုပ်တစ်ခုကို လုပ်ဆောင်ရမည်လော။ မလွဲမသွေတော့ မဟုတ်ပေ။ ယင်းမှာ ဘုရားသခင်၏ အမိန့်ဖြင့် ပြဋ္ဌာန်းမှုအပေါ်၊ ဘုရားသခင်က သူ၏ အချုပ်အခြာအာဏာကို မည်သို့ ကျင့်သုံးပြီး အမှုအရာများကို မည်သို့ စီစဉ်သည်ဟူသည့်အပေါ် မူတည်သည်။ ဘုရားသခင်က ၎င်းတို့ကို အနုပညာနယ်ပယ်တွင် အလုပ်လုပ်ရန် စီစဉ်ပါက ၎င်းတို့သည် ၎င်းတို့၏ တစ်သက်တာလုံး ဤလုပ်ငန်းနယ်ပယ်နှင့် ချည်နှောင်ခံရလိမ့်မည်။ သို့သော် ဘုရားသခင်က ၎င်းတို့ကို ဤလုပ်ငန်းနယ်ပယ်တွင် အလုပ်လုပ်ရန် စီစဉ်ထားခြင်း သို့မဟုတ် အမိန့်ဖြင့် ပြဋ္ဌာန်းထားခြင်း မရှိပါက ၎င်းတို့တွင် ဤစိတ်ဝင်စားမှုနှင့် ဝါသနာသာ ရှိလိမ့်မည်ဖြစ်ပြီး ၎င်းတို့က ယင်းကို နှစ်သက်လျှင်ပင် ၎င်းတို့အတွက် ထိုအလုပ်ကို လုပ်ကိုင်ရန် ဖြစ်နိုင်မည် မဟုတ်ပေ။ အချို့လူများသည် ကလေးဘဝကတည်းက အနုပညာကို နှစ်သက်ခဲ့ကြသည်။ ၎င်းတို့၏ မိဘများက ကလေးတွင် ဤစိတ်ဝင်စားမှုနှင့် ဝါသနာရှိသည်ကို မြင်သောအခါ “ယင်းကို ပျိုးထောင်ပေးကြစို့။ ငါတို့ မိသားစုက အနုပညာ ပင်ကိုစွမ်းရည်ရှိသူတစ်ဦးကို မွေးထုတ်ပေးနိုင်ကောင်း ပေးနိုင်လိမ့်မည်။ ငါတို့ကလေးက နာမည်ကြီးလာပြီး ကြယ်ပွင့်တစ်ပွင့်ပင် ဖြစ်လာကောင်း ဖြစ်လာလိမ့်မည်” ဟု တွေးကြသည်။ သို့ဖြင့် ၎င်းတို့သည် ကလေး၏ ကခုန်ခြင်းနှင့် သီချင်းဆိုခြင်း သင်ယူမှုများတွင် စတင်ပျိုးထောင်ပေးကြပြီး နောက်ဆုံးတွင် ကလေးသည် အနုပညာကျောင်းသို့ ဝင်ခွင့်ရသွားသည်။ သင်တန်းဆင်းပြီးနောက်တွင် အနုပညာအပေါ် ကလေး၏ စိတ်ဝင်စားမှုနှင့် ဝါသနာက အားကောင်းနေဆဲ ဖြစ်သော်လည်း ၎င်းတို့သည် ဤလုပ်ငန်းနယ်ပယ်တွင် အလုပ်လုပ်နိုင်ခြင်း ရှိမရှိဟူသည်မှာ မသေချာပေ။ ၎င်းတို့သည် ဤအလုပ်ကို လုပ်ကိုင်တော့မည့် အချိန်တွင် ၎င်းတို့၏ စိတ်အခြေအနေ ပြောင်းလဲသွားပြီး ဤအလုပ်အပေါ် ၎င်းတို့၏ သဘောထားနှင့် အမြင်များ ပြောင်းလဲသွားသည်မှာ ဖြစ်နိုင်ချေရှိသည်၊ ပြီးလျှင် ဓမ္မဓိဋ္ဌာန်ကျသော အခြေအနေများအတွင်းရှိ အမျိုးမျိုးသော အကြောင်းရင်းများကြောင့် ၎င်းတို့သည် ဤလုပ်ငန်းနယ်ပယ်တွင် ပါဝင်ဆောင်ရွက်ရန် လွဲချော်သွားသည်မှာလည်း ဖြစ်နိုင်ချေရှိသည်။ ဤအရာအားလုံးသည် ဖြစ်နိုင်ချေရှိသည်၊ ယင်းမှာ ဘုရားသခင်၏ ကြိုတင်ပြဋ္ဌာန်းမှုအပေါ် မူတည်သည်။ သို့သော် ယင်းကို အခြေခံအကြောင်းရင်းမှ ကြည့်ပါက ကလေး၏ စိတ်ဝင်စားမှုနှင့် ဝါသနာသည် ၎င်းတို့၏ ပင်ကိုအခြေအနေ ဖြစ်သည်၊ ၎င်းတို့ မမွေးဖွားမီကပင် ဘုရားသခင်သည် ၎င်းတို့အတွက် ဤအားသာချက်ကို စီစဉ်ပေးခဲ့ပြီးဖြစ်ကာ ၎င်းတို့၏ လူ့သဘာဝတွင် အချို့သော အထူး အရည်အသွေးများကို ပေါင်းထည့်ပေးခဲ့ပြီး ၎င်းတို့ကို ဂီတ၊ အကနှင့် အနုပညာ၏ အခြားကဏ္ဍများတွင် မွေးရာပါ အထူးသဖြင့် အာရုံခံစားလွယ်စေပြီး ကျွမ်းကျင်စေခဲ့သည်။ ထို့ကြောင့် ၎င်းတို့၏ နေ့စဉ်ဘဝတွင် ၎င်းတို့ ထုတ်ဖော်သည့်အရာမှာ သီချင်းဆိုခြင်းနှင့် ကခုန်ခြင်းကို အထူးသဖြင့် နှစ်သက်ခြင်း ဖြစ်သည်။ ၎င်းတို့၏ ပင်ကိုစရိုက်သည် သွက်လက်သည်ဖြစ်စေ၊ ရှက်တတ်သည်ဖြစ်စေ၊ ၎င်းတို့သည် စကားပြောရန် နှစ်သက်သည်ဖြစ်စေ၊ စကားပြောရန် မနှစ်သက်သည်ဖြစ်စေ၊ မည်သို့ပင်ဖြစ်စေ ၎င်းတို့၏ သွေးထဲသားထဲတွင် ဖယ်ရှား၍မရနိုင်သော အရာတစ်ခု ရှိသည်၊ ၎င်းတို့သည် သီချင်းဆိုရန် နှစ်သက်ကြသည်၊ ကခုန်ရန် နှစ်သက်ကြပြီး၊ ဖျော်ဖြေတင်ဆက်ရန် နှစ်သက်ကြသည်။ အချို့လူများသည် သီချင်းဆိုနေချိန်တွင် အလွန်အမင်း တက်ကြွလာပြီး ၎င်းတို့၏ ဝိညာဉ်တွင် လွတ်မြောက်မှု ခံစားချက်တစ်ခုကို ခံစားရသော်လည်း သင်က ၎င်းတို့ကို စကားပြောသောအခါ အလွန် ရှက်တတ်ကြဆဲဖြစ်ပြီး ၎င်းတို့သည် မိမိတို့ကိုယ်ကို ဖော်ပြရာတွင် သို့မဟုတ် လူများနှင့် ဆက်သွယ်ပြောဆိုရာတွင် မကျွမ်းကျင်ကြပေ။ အခြားသူများနှင့် ပေါင်းသင်းဆက်ဆံသောအခါ ၎င်းတို့သည် အထူးသဖြင့် တောင့်တင်းပြီး စိတ်လှုပ်ရှားနေကြကာ ဤအခြေအနေများကို မည်သို့ ကိုင်တွယ်ရမည်ကို မသိဘဲ စိုးရိမ်ထိတ်လန့်ပြီး ကြောက်ရွံ့နေကြသေးသည်။ သို့သော် ၎င်းတို့သည် ဖျော်ဖြေတင်ဆက်ရန် စင်မြင့်ပေါ်သို့ တက်ရောက်သောအခါ ပေါ့ပေါ့ပါးပါး လုပ်ဆောင်နိုင်ကြသည်၊ ယင်းမှာ ၎င်းတို့သည် အခြားလူတစ်ဦး ဖြစ်သွားသကဲ့သို့ပင် ဖြစ်သည်။ ဘာသာတရား မရှိသူများက ဤသည်မှာ ၎င်းတို့၏ နယ်ပယ်ရှိ “စောင့်ရှောက်သော နတ်ဘုရား” က ၎င်းတို့ကို အသက်မွေးဝမ်းကျောင်းပြုရန် ဤစွမ်းရည်ကို ပေးသနားခြင်းဖြစ်သည်ဟု ပြောကြသည်၊ ဤအရာက မှန်ကန်သလော။ အမှန်တကယ်တွင် ဤသည်မှာ ဘုရားသခင်၏ အမိန့်ဖြင့် ပြဋ္ဌာန်းမှု ဖြစ်သည်။ လူတစ်ဦးရှိ မွေးရာပါ အားသာချက်များ၊ စိတ်ဝင်စားမှုများနှင့် ဝါသနာများသည် ဘုရားသခင်၏ ကြိုတင်ပြဋ္ဌာန်းမှုနှင့် ဆက်စပ်နေသည်။ လူတစ်ဦးတွင် မည်သည့် အားသာချက်များနှင့် ဝါသနာများ ရှိသည်ဖြစ်စေ ယင်းတို့အားလုံးကို ဘုရားသခင်က ကြိုတင်ပြဋ္ဌာန်းထားခြင်း ဖြစ်သည်။ ဘုရားသခင်က သင့်အား စိတ်ဝင်စားမှုနှင့် ဝါသနာတစ်ခုကို ပေးပါက သင်သည် ယင်းကို နှစ်သက်ပြီး သင်၏ စိတ်နှလုံး နက်ရှိုင်းရာမှ ယင်းကို တန်ဖိုးထားလေးမြတ်ကာ ယင်းနှင့်ပတ်သက်၍ အထူးသဖြင့် စိတ်အားထက်သန်မှုကို ခံစားရသည်။ သင်သည် ဤအလုပ်ကို လုပ်ဆောင်သောအခါ သို့မဟုတ် ဤအလုပ်နှင့် ဆက်စပ်သော အရာတစ်ခုခုကို လုပ်ဆောင်သောအခါ သင်သည် အတွင်း၌ အထူးသဖြင့် အေးချမ်းပြီး သက်သောင့်သက်သာရှိသည်ဟု ခံစားရကာ သင်သည် ယင်းကို အထူးသဖြင့် စိတ်ဝင်စားလေသည်။ ထို့ကြောင့် သင့်တွင် အားသာချက် တစ်မျိုးမျိုး ရှိပါက ဘုရားအိမ်တော်၏ အလုပ်က ယင်းကို လိုအပ်သောအခါ သင်သည် ထိုသက်ဆိုင်ရာ တာဝန်ကို ထမ်းဆောင်သင့်သည်။ သင့်အတွက် ဤသည်မှာ သင်၏ အားသာချက်ကို အသုံးချရန် အကောင်းဆုံး အခွင့်အရေး ဖြစ်သည်။ အလားတူပင် ဤအားသာချက်ကို ဘုရားသခင်က သင့်အား ပေးထားခြင်းဖြစ်သောကြောင့် ယင်းမှာ သင်၏ ကိုယ်ပိုင် ပိုင်ဆိုင်မှု မဟုတ်ပေ၊ သင်သည် ယင်းကို မိမိသဘောအတိုင်း တလွဲအသုံးမပြုသင့်ပေ။ ဘုရားအိမ်တော်၏ အလုပ်က ယင်းကို လိုအပ်သောအခါ သင်သည် ယင်းကို အသုံးချပြီး ဘုရားသခင်ထံ ပူဇော်ဆက်ကပ်သင့်ကာ သင်၏ တာဝန်တွင် ယင်းကို အသုံးပြုသင့်သည်။ ဤသည်မှာ သင် ကယ်တင်ခြင်းရရှိရန်အတွက် အဆင်ပြေသော အခြေအနေတစ်ခုဖြစ်ပြီး ယင်းမှာ ဘုရားသခင်က သင့်အား ပေးထားသည့် သာလွန်သော အခြေအနေတစ်ခုလည်း ဖြစ်သည်၊ သင်သည် ယင်းကို ကောင်းမွန်စွာ အသုံးချပြီး ကောင်းမွန်စွာ အသုံးပြုသင့်ကာ ချန်လှပ်မထားသင့်ပေ။ ထိုနည်းအားဖြင့် တစ်ဖက်တွင် သင်သည် မိမိ၏ အားသာချက်ကို အသုံးချနိုင်ပြီး အခြားတစ်ဖက်တွင် ဘုရားသခင်၏ မေတ္တာကို ကျေးဇူးဆပ်ရန် သင်၏ တာဝန်ကိုလည်း ကောင်းမွန်စွာ ဖြည့်ဆည်းနိုင်သည်။ ဤသည်မှာ ကောင်းသည် မဟုတ်လော။ (ဟုတ်ပါသည်။)

ဘုရားသခင်သည် လူတို့ကို အချို့သော အားသာချက် အမျိုးအစားများကို ပေးထားပြီး ရှေးခေတ်တွင်ဖြစ်စေ၊ ခေတ်သစ်တွင်ဖြစ်စေ ဤအရာများထဲမှ တစ်ခုဖြစ်သည့် အနုပညာကို မည်သည့်အခါမျှ အလေးအနက် မထားခဲ့ကြဘဲ အောက်ခြေလူတန်းစားများ၏ အရာများထဲတွင် အမြဲတစေ စာရင်းသွင်းခံခဲ့ရသည်။ အထူးသဖြင့် နှိုင်းယှဉ်ချက်အရ ရိုးရာဆန်ပြီး ပဒေသရာဇ်ဆန်သော အချို့သော လူမှုရေး ပတ်ဝန်းကျင်များတွင် လူအားလုံးသည် အနုပညာကို အစွဲအလမ်းရှိသော အမြင်ဖြင့် ကြည့်ရှုကြပြီး အနုပညာကို အချို့က အမြဲတစေ ခွဲခြားဆက်ဆံကြသည်။ လူတို့ကြားတွင် အနုပညာကို ဤနည်းအတိုင်း သရုပ်ဖော်ကြပြီး ယင်းတို့တွင် ဤသို့သော အဆင့်အတန်း၊ အနေအထား သို့မဟုတ် အဓိပ္ပာယ်ဖွင့်ဆိုချက် ရှိကြသည်၊ အဘယ်ကြောင့်ဆိုသော် လူတို့၏ အယူအဆများ၊ လူတို့၏ ပဒေသရာဇ်ဆန်သော စိတ်ကူးများ၊ သို့မဟုတ် စာတန်က လူတို့ထဲသို့ သွတ်သွင်းပေးသည့် ထိုလွဲချော်ပြီး မှားယွင်းပြီး အဓိပ္ပာယ်မဲ့သော အတွေးများနှင့် အမြင်များကြောင့် ဖြစ်သည်။ အခြားအကြောင်းရင်းတစ်ခု ရှိသေးသည်၊ ယင်းမှာ ဆိုးယုတ်သော လူ့အဖွဲ့အစည်းနှင့် ဆိုးယုတ်သော ခေတ်ရေစီးကြောင်းများ၏ လွှမ်းမိုးမှုကြောင့် ဤလုပ်ငန်းနယ်ပယ်တွင် ဆိုးရွားသော ပတ်ဝန်းကျင်တစ်ခု ဖြစ်ပေါ်လာခဲ့ခြင်း ဖြစ်သည်၊ ထို့ကြောင့် လူတို့သည် အနုပညာ လုပ်ငန်းနယ်ပယ်ကို ညံ့ဖျင်းသော အကဲဖြတ်မှုတစ်ခု ပေးကြသည်။ ဤလုပ်ငန်းနယ်ပယ်တွင် ပါဝင်လုပ်ဆောင်နေသော အချို့လူများသည် အပျက်သဘောဆောင်ပြီး ကောက်ကျစ်ဆိုးယုတ်သော အရာများစွာကို လုပ်ဆောင်ရန် အနုပညာတွင် ၎င်းတို့၏ စိတ်ဝင်စားမှုများနှင့် အားသာချက်များကို အသုံးပြုခဲ့ကြသည်၊ ယင်းက အနုပညာကို အမည်းစက်ထင်စေခဲ့ပြီး အနုပညာ၏ သဘောသဘာဝကို လွဲချော်စေခဲ့သည်။ ရလဒ်အနေဖြင့် လူတို့သည် အနုပညာလောကနှင့်ပတ်သက်၍ အပျက်သဘောဆောင်သော ထင်မြင်ချက်များစွာကို ဖြစ်ပေါ်စေခဲ့ပြီး အနုပညာတွင် အလုပ်လုပ်သူများ သို့မဟုတ် ဤနယ်ပယ်တွင် စိတ်ဝင်စားမှုများနှင့် ဝါသနာများရှိသူများကို အပျက်သဘောဆောင်သော ပုဂ္ဂိုလ်များအဖြစ် မှတ်ယူကြသည်။ သို့သော် ဤလူ့အဖွဲ့အစည်းနှင့် လူသားမျိုးနွယ်က ဤအားသာချက်မျိုးကို မည်သို့ပင် ရှုမြင်ပါစေ အချုပ်အားဖြင့်ဆိုရလျှင် မည်သူမဆို ၎င်းတို့သည် ဘုရားအိမ်တော်၏ အဖွဲ့ဝင်တစ်ဦးဖြစ်စေ၊ ဘုရားအိမ်တော်၏ ပြင်ပမှ လူတစ်ဦးဖြစ်စေ ဤနယ်ပယ်တွင် အားသာချက် သို့မဟုတ် စိတ်ဝင်စားမှုနှင့် ဝါသနာတစ်ခု ရှိပါက ဤအားသာချက်နှင့် ဝါသနာသည် ပင်ကိုအခြေအနေများ ဖြစ်ကြောင်း ငြင်းဆို၍မရပေ။ ယင်းတို့သည် ပင်ကိုအခြေအနေများ ဖြစ်သောကြောင့်ပင် ယင်းတို့သည် အပျက်သဘောဆောင်ခြင်း သို့မဟုတ် ကောက်ကျစ်ဆိုးယုတ်ခြင်း မရှိပေ။ သတ်သတ်မှတ်မှတ်ဖြစ်သော ခေတ်ကာလများရှိ အချို့သော မှားယွင်းသည့် အတွေးများနှင့် သဘောတရားများ၏ ဦးတည်ချက်ကြောင့်သာ အနုပညာနှင့် ယင်းတွင် ပါဝင်လုပ်ဆောင်သူများကို ကောက်ကျစ်ဆိုးယုတ်ပြီး အပျက်သဘောဆောင်သော အရာများအဖြစ် သတ်မှတ်ခဲ့ကြခြင်း ဖြစ်သည်။ ဤသည်မှာ သမိုင်းတစ်လျှောက်လုံးတွင် မကြာခဏ ဖြစ်ပွားခဲ့သောအရာ ဖြစ်သည်။ ယင်းမှာ ပဲပိစပ်များကို လူတို့ စားသုံးရန် နှစ်သက်သည့် မွှေးကြိုင်သော တို့ဟူးအဖြစ် ပြုလုပ်နိုင်သော်လည်း အနံ့အသက်ဆိုးသော တို့ဟူးဖြစ်လာစေရန် မှိုကဲ့သို့သော အဏုဇီဝပိုးမွှားများဖြင့် အချဉ်ဖောက်နိုင်သည်နှင့် တူသည်။ သင်သည် အနံ့အသက်ဆိုးသော တို့ဟူးကို စားရန် မနှစ်သက်သောကြောင့်သာ ပဲပိစပ်များသည် ဆိုးရွားသည်ဟု မပြောနိုင်ပေ။ ဤယုတ္တိရှိသော ကျိုးကြောင်းဆင်ခြင်မှုသည် မှန်ကန်သလော။ (မဟုတ်ပါ။) ယင်းက မှားယွင်းသည်မှာ သိသာထင်ရှားပေသည်၊ ယင်းမှာ လွဲချော်နေသည်။ ထို့ကြောင့် လူ့အဖွဲ့အစည်းရှိ အနုပညာ အုပ်စုများအတွင်း ညစ်ပတ်ပြီး အကျည်းတန်သော အရာအချို့ ရှိသော်လည်း အနုပညာကိုယ်၌က ညစ်ပတ်သည်၊ အကျည်းတန်ပြီး အပျက်သဘောဆောင်သည်ဟု သင် မပြောနိုင်ပေ၊ အနုပညာကို နှစ်သက်ပြီး ကျွမ်းကျင်သော ဤလူများအားလုံးသည် ကောက်ကျစ်ဆိုးယုတ်ပြီး အကျည်းတန်သော အပျက်သဘောဆောင်သည့် ပုဂ္ဂိုလ်များဖြစ်သည်ဟု သင် ပို၍ပင် မပြောနိုင်ပေ။ ဤသည်မှာ မှားယွင်းသော ကျိုးကြောင်းဆင်ခြင်မှု ဖြစ်သည်၊ ယင်းမှာ မှန်ကန်သော သဘောပေါက်နားလည်မှု မဟုတ်ပေ။ ထိုလူအချို့သည် ကောက်ကျစ်ဆိုးယုတ်သောကြောင့် ၎င်းတို့ ကျွမ်းကျင်သော အနုပညာသည်လည်း ကောက်ကျစ်ဆိုးယုတ်သည်ဟု သင် ပြောပါက ဤသည်မှာ ကြီးမားသော အမှားတစ်ခု ဖြစ်သည်။ ဘုရားသခင်က လူတို့ကို ပေးထားသည့် အမျိုးမျိုးသော အားသာချက်များသည် လူ့လောကကို အစေခံရန် ရည်ရွယ်သည်။ လူသားမျိုးနွယ်တွင် ယဉ်ကျေးမှုဘဝ မရှိပါက ယင်းမှာ အလွန်အမင်း ပျင်းစရာကောင်းပေမည်။ ဘုရားသခင်က လူတို့အတွက် ယဉ်ကျေးမှုဘဝတစ်ခု ရှိရန် စီစဉ်ပေးခြင်းသည် မမှားပေ။ ထိုကောက်ကျစ်ဆိုးယုတ်သော အရာများအားလုံးသည် နတ်ဆိုးများနှင့် စာတန်က အနှောင့်အယှက်များ ဖန်တီးရန် အခွင့်အရေးများကို အမြတ်ထုတ်ခြင်းကြောင့် ဖြစ်ရခြင်း ဖြစ်သည်။ နောက်ဆုံးတွင် စုံလင်အောင် ပြုလုပ်ခြင်းခံရမည့် ပြီးပြည့်စုံသော လူသားမျိုးနွယ်နှင့် နှိုင်းယှဉ်ပါက ဘုရားသခင် ဖန်ဆင်းခဲ့သော ဤလူသားမျိုးနွယ်သည် ယခုအခါ ပြီးပြည့်စုံခြင်း မရှိဘဲ ချို့ယွင်းချက်များ ရှိသော်လည်း ဤအရာက ဘုရားသခင် ဖန်ဆင်းခဲ့သော လူသားမျိုးနွယ်သည် ကောက်ကျစ်ဆိုးယုတ်သည်ဟုဖြစ်စေ၊ အပျက်သဘောဆောင်သည်ဟုဖြစ်စေ မဆိုလိုပေ၊ ဤအရာများသည် မတူညီသော သဘောတရားနှစ်ခု ဖြစ်သည်။ သင်တို့ နားလည်သလော။ (နားလည်ပါသည်။) ဤဆိုးယုတ်သော ခေတ်နှင့် ဆိုးယုတ်သော လောကက အနုပညာအပြင် သီချင်းဆိုခြင်းနှင့် ကခုန်ခြင်းရှိ စိတ်ဝင်စားမှုများ၊ ဝါသနာများ၊ သို့မဟုတ် အားသာချက်များကို မည်သို့ပင် သတ်မှတ်ပါစေ၊ မည်သို့ပင်ဖြစ်စေ ယင်းတို့သည် လူ့သဘာဝ၏ လိုအပ်ချက်များဖြစ်ကြောင်းနှင့် ယင်းတို့သည် အချို့သော အထူးလူများ ပိုင်ဆိုင်သည့် စိတ်ဝင်စားမှုများနှင့် ဝါသနာများလည်း ဖြစ်ကြောင်းကို ငြင်းဆို၍မရပေ။ ယင်းတို့သည် စိတ်ဝင်စားမှုများနှင့် ဝါသနာများ ဖြစ်သောကြောင့် ယင်းတို့သည် လူတို့အတွက် မွေးရာပါဖြစ်ပြီး လူတို့ မွေးဖွားလာကတည်းက ပါလာသောအရာ ဖြစ်သည်၊ ဆိုလိုသည်မှာ ယင်းတို့သည် ဘုရားသခင်ထံမှ လာပြီး ဘုရားသခင်က ပေးထားခြင်း ဖြစ်သည်။ လူတို့ မမွေးဖွားမီကပင် ဘုရားသခင်သည် ၎င်းတို့တစ်ဦးစီ ပါဝင်လုပ်ဆောင်မည့် အသက်မွေးဝမ်းကျောင်းကို ကြိုတင်ပြဋ္ဌာန်းထားပြီး ဖြစ်သည်၊ အချို့လူများကို စီးပွားရေးလုပ်ရန် ကူးသန်းရောင်းဝယ်ရေးတွင် ထားရှိသည်၊ အချို့ကို အလုပ်သမားများဖြစ်ရန် စက်ရုံများတွင် ထားရှိသည်၊ အချို့ကို လယ်ယာအလုပ်လုပ်ရန် စိုက်ပျိုးရေးတွင် ထားရှိသည်၊ အချို့ကို ဆရာများဖြစ်ရန် ပညာရေးတွင် ထားရှိသည်၊ ပြီးလျှင် အချို့ကို ဖျော်ဖြေသူများဖြစ်ရန် အနုပညာတွင် ထားရှိသည်။ ဘုရားသခင်သည် ၎င်းတို့ မွေးဖွားလာချိန်တွင် မတူညီသော လူများအတွင်း အမျိုးမျိုးသော အားသာချက်များကို ထားရှိပြီးဖြစ်သည်။ ဆိုလိုသည်မှာ ၎င်းတို့၏ ဇာတိပကတိ အသက်တာအတွင်း လူတစ်ဦးစီ၏ စိတ်ဝင်စားမှုများ၊ ဝါသနာများနှင့် အားသာချက်များသည် ကွဲပြားကြသည်။ သင် မမွေးဖွားမီကပင် ဘုရားသခင်သည် သင့်အတွက် အထူးဖြစ်ပြီး ကွဲပြားသော အရာအချို့ကို ပေါင်းထည့်ပေးခဲ့ပြီး ဖြစ်သည်။ သင့်တွင် စိတ်ဝင်စားမှုများနှင့် ဝါသနာများ သို့မဟုတ် အားသာချက်များ မရှိပါက ဘုရားသခင်က ယင်းတို့ကို သင့်အား မပေါင်းထည့်ပေးခဲ့ဟု သင် မညည်းညူသင့်ပေ။ ဤအရာများမရှိဘဲနှင့် သင်သည် အသက်ရှင်နိုင်ဆဲဖြစ်ပြီး သင်၏ တာဝန်ကို ထမ်းဆောင်နိုင်ဆဲ ဖြစ်သည်။ အခြားသူများနှင့် နှိုင်းယှဉ်ပါက သင်သည် မည်သည့်အရာမျှ လိုအပ်နေခြင်း မရှိပေ၊ အဘယ်ကြောင့်ဆိုသော် သင့်တွင် တာဝန်တစ်ခုကို ထမ်းဆောင်ရန် အခြားသူများနှင့် တူညီသော အခွင့်အရေး ရှိသောကြောင့် ဖြစ်သည်။ သင်၏ ဖောက်ပြန်ပျက်စီးသော စိတ်သဘောထားများသည် အခြားသူများ၏ စိတ်သဘောထားများနှင့် အတူတူပင် ဖြစ်သည်၊ လူတို့၏ ပင်ကိုအခြေအနေများ ကွဲပြားခြင်းသာ ဖြစ်သည်၊ လူတစ်ဦးစီတွင် ကိုယ့်အားသာချက်နှင့်ကိုယ်၊ ကိုယ့်အားနည်းချက်နှင့်ကိုယ် ရှိကြသည်။ သို့ဆိုလျှင် အဓိကအချက်မှာ အဘယ်နည်း။ အဓိကအချက်မှာ လူ့သဘာဝရှိ ကွဲပြားမှုများ ဖြစ်သည်။ ၎င်းတို့၏ ပင်ကိုအခြေအနေများအတွင်း အချို့သော အထူး စိတ်ဝင်စားမှုများ၊ ဝါသနာများနှင့် အားသာချက်များကို ပိုင်ဆိုင်သော လူတစ်ဦးသည် အထူး ပင်ကိုစွမ်းရည်မျိုးရှိသူ မဟုတ်သည့်အပြင် ၎င်းတို့၏ ပင်ကိုအခြေအနေများအတွင်း မည်သည့် စိတ်ဝင်စားမှုများ၊ ဝါသနာများ၊ သို့မဟုတ် အားသာချက်များကိုမျှ မပိုင်ဆိုင်သော လူတစ်ဦးသည်လည်း သာမန်လူစားမျိုး မဟုတ်ပေ။ လူတိုင်းသည် အနည်းနှင့်အများဆိုသလို အတူတူပင် ဖြစ်ကြသည်။ ဘုရားသခင်က သင့်အား မည်သည့်အရာကို ပေးသည်ဖြစ်စေ သူသည် သင့်ထံမှ တောင်းဆိုပြီး သင်သည် ယင်းကို သင်၏ တာဝန်တွင် အသုံးပြုသင့်သည်၊ ပြီးလျှင် သူက သင့်အား မပေးသောအရာ အရာတစ်ခုကိုမျှ သင့်ထံမှ အပိုဆောင်း၍ မတောင်းဆိုပေ။ ဘုရားသခင်သည် သင့်အား စိတ်ဝင်စားမှုများနှင့် ဝါသနာများ၊ သို့မဟုတ် အားသာချက်များကို မပေးခဲ့သော်လည်း သင်၏ လူ့သဘာဝအတွင်း သင်ပိုင်ဆိုင်သော အမျိုးမျိုးသော အရာများ သို့မဟုတ် အခြေအနေများသည် သင် အလုပ်ကိစ္စရပ်တစ်ခု သို့မဟုတ် တာဝန်တစ်ခုကို တာဝန်ယူဆောင်ရွက်ရန်အတွက် လုံလောက်ဆဲ ဖြစ်သည်။ သင်သည် ယင်းကို တာဝန်မယူနိုင်ပါက သင်သည် တာဝန်တစ်ခုကို ထမ်းဆောင်သူများ၏ အတန်းအစား ပြင်ပမှ တစ်စုံတစ်ဦး ဖြစ်နိုင်ချေရှိပြီး ယင်းမှာ လုံးဝ အခြားကိစ္စတစ်ခု ဖြစ်ပေမည်။

အနုပညာကို နှစ်သက်ခြင်း အကြောင်းအရာနှင့်ပတ်သက်သည့် ငါတို့၏ ဆွေးနွေးမှုကို ဤနေရာတွင် အဆုံးသတ်မည်။ ဤအားသာချက်မျိုး၏ သရုပ်ဖော်ချက်သည် ယခုအခါ သင်တို့အတွက် ရှင်းလင်းသင့်ပြီ ဖြစ်သည်။ အနုပညာကို နှစ်သက်သူများသည် ထူးဆန်းသည်ဟုဖြစ်စေ၊ ကောက်ကျစ်ဆိုးယုတ်သည်ဟုဖြစ်စေ မထင်ကြနှင့်။ သင်တို့သည် ဤနည်းအတိုင်း တွေးပါက သင်တို့၏ သဘောပေါက်နားလည်ခြင်းသည် အလွန် လွဲချော်နေသည်။ သင်တို့သည် ထိုသို့သော လူများကို မှန်ကန်စွာ ဆက်ဆံသင့်သည်၊ ထိုသို့သော လူများနှင့် မှန်ကန်စွာ ပေါင်းသင်းဆက်ဆံသင့်ပြီး ၎င်းတို့ ကျွမ်းကျင်ပြီး နားလည်သော အတတ်ပညာဆိုင်ရာ နည်းစနစ်များကို ၎င်းတို့၏ တာဝန်များတွင် အသုံးချရန် ၎င်းတို့ကို အားပေးသင့်သည်။ သင်သည် ခေါင်းဆောင်တစ်ဦး သို့မဟုတ် အမှုဆောင်တစ်ဦး ဖြစ်ပါက ထိုလူများ ၎င်းတို့၏ အားသာချက်များကို အသုံးချရာတွင် ကူညီရန်၊ လမ်းပြရန်နှင့် ညွှန်ကြားရန် မှန်ကန်သော လုပ်နည်းကိုင်နည်းကို အသုံးပြုဖို့ သင်ယူရမည်၊ သို့မှသာ ၎င်းတို့သည် လမ်းကြောင်းမှန်ပေါ်သို့ ရောက်ရှိနိုင်ပြီး ၎င်းတို့၏ စိတ်ဝင်စားမှုများ၊ ဝါသနာများနှင့် ဆက်စပ်သော တာဝန်တစ်ခုကို တာဝန်ယူနိုင်မည်ဖြစ်ကာ ထိုသို့ဖြင့် စံနှုန်းပြည့်မီသော ဖန်ဆင်းခံများ ဖြစ်လာပြီး ဘုရားသခင်က ၎င်းတို့ကို ပေးထားသည့် အမျိုးမျိုးသော စိတ်ဝင်စားမှုများ၊ ဝါသနာများနှင့် အားသာချက်များနှင့် ထိုက်တန်သူများ ဖြစ်လာမည်ဖြစ်သည်။ ၎င်းတို့သည် မိမိတို့၏ စိတ်ဝင်စားမှုများနှင့် ဝါသနာများနှင့် ဆက်စပ်သော တာဝန်တစ်ခုကို တာဝန်ယူဆောင်ရွက်နိုင်ခြင်း မရှိပါက ၎င်းတို့အတွက် အခြား တာဝန်တစ်ခုကို ထမ်းဆောင်သည်မှာလည်း အဆင်ပြေသည်။ သို့သော် ၎င်းတို့၏ ကိုယ်ပိုင် စိတ်ဝင်စားမှုများနှင့် ဝါသနာများ ရှိခြင်းမှ ၎င်းတို့ကို ကန့်သတ်မထားသင့်ပေ၊ အဘယ်ကြောင့်ဆိုသော် ဤသည်မှာ လူ့သဘာဝ၏ အစိတ်အပိုင်းတစ်ခု ဖြစ်သောကြောင့် ဖြစ်သည်။

ထိုအချက်နှင့်ပတ်သက်၍ ကိစ္စတစ်ခုကို ငါ သတိရမိသည်၊ ယခုအချိန်တွင် ဘုရားအိမ်တော်၌ အဆိုတော်သစ်အချို့သည် သီချင်းများကို အသံသွင်းခဲ့ကြသည်။ ဤအဆိုတော်သစ်များသည် လုပ်ငန်းပိုင်းဆိုင်ရာ အတတ်ပညာကို လုံ့လဝီရိယရှိစွာ ဆည်းပူးပြီး သီချင်းဆိုခြင်းကို လေ့ကျင့်ပြီးနောက် ကန့်လန့်ကာနောက်ကွယ်တွင် အလုပ်လုပ်ခြင်းမှသည် ပင်မစင်မြင့်ပေါ်တွင် ဖျော်ဖြေတင်ဆက်ခြင်းသို့ ကူးပြောင်းလျက် နောက်ဆုံးတွင် အချောသတ် သီချင်းများကို အသံသွင်းနိုင်ခဲ့ကြသည်။ ၎င်းတို့၏ သီဆိုမှုသည် ပညာရှင်ဆိုင်ရာ စံနှုန်းတစ်ခုကို မမီဘဲ ကျွမ်းကျင်သော အဆိုတော်များ၏ အဆင့်အတန်းသို့ မရောက်ရှိသေးသော်လည်း၊ ပိုမိုကောင်းမွန်လာရန် လိုအပ်ချက်များ ရှိသေးသော်လည်း ၎င်းတို့ထဲမှ အချို့သည် အတွေ့အကြုံရင့်ကျက်သော ကျွမ်းကျင်လိမ္မာမှု သိပ်မပါဘဲ သီဆိုကြသည်၊ အချို့သော အဆိုတော်များ၏ အသံများသည် သိပ်မသာယာသည့်အပြင် ၎င်းတို့၏ ဖျော်ဖြေတင်ဆက်မှုများသည် မျက်စိပသာဒ သိပ်မဖြစ်သော်လည်း ၎င်းတို့၏ တာဝန်ကို ထမ်းဆောင်ရာတွင် ၎င်းတို့၏ သဘောထားသည် အားပေးမှုနှင့် ထိုက်တန်ပေသည်။ ဝါသနာရှင်တစ်ဦးဖြစ်ခြင်းမှသည် အတွေ့အကြုံ မရှိသေးသော အဆိုတော်တစ်ဦး၊ အဆိုတော်သစ်တစ်ဦးအဖြစ် ဖန်သားပြင်ပေါ်တွင် ပေါ်ထွက်လာခြင်းသို့ ကူးပြောင်းခြင်းသည် အားပေးမှုနှင့် ထိုက်တန်သောအရာတစ်ခု ဖြစ်သည်။ သို့ဆိုလျှင် ဤကိစ္စနှင့်ပတ်သက်၍ သင်တို့ကို ငါ ပြောလိုသောအရာမှာ အဘယ်နည်း။ ယင်းမှာ ဤအဆိုတော်သစ်များ အသံသွင်းထားသော ဓမ္မသီချင်း ဗီဒီယိုများကို အင်တာနက်ပေါ်သို့ တင်သောအခါ သင်တို့သည် ၎င်းတို့ကို အနည်းငယ် အားပေးသင့်သည်ဟူ၍ ဖြစ်သည်။ ၎င်းတို့ အကျိုးကျေးဇူးရရှိနိုင်သည့် ကောင်းမွန်သော အကြံပြုချက်အချို့ကိုလည်း သင်တို့ ပေးနိုင်သည်၊ သို့သော် အပြစ်မရှာကြနှင့်၊ ၎င်းတို့ကို မထီမဲ့မြင်ပြုသော နည်းလမ်းဖြင့် မနှိမ့်ချကြနှင့်၊ ပြီးလျှင် အလွန်အမင်း ဝေဖန်ခြင်း မပြုကြနှင့်။ ဤသဘောထားသည် မကောင်းပေ၊ အနည်းဆုံးအနေဖြင့် ယင်းတွင် မေတ္တာနှင့် သည်းခံခြင်း မရှိသည့်အပြင် ယင်းမှာ မိမိ၏ ညီအစ်ကိုမောင်နှမများအပေါ် ထားရှိသင့်သည့် သဘောထား မဟုတ်ပေ။ သို့ဆိုလျှင် ၎င်းတို့ကို ဆက်ဆံရန် သင့်လျော်သော နည်းလမ်းမှာ အဘယ်နည်း။ သင်တို့သည် ၎င်းတို့ကို အားပေးပြီး ၎င်းတို့အတွက် အနည်းငယ် အားပေးအားမြှောက်ပြုသင့်သည်၊ ပြီးနောက် သင့်လျော်သော အကြံပြုချက်အချို့ကို ပေးသင့်သည်၊ ဤအရာကသာ ၎င်းတို့အတွက် အကျိုးရှိပေသည်။ အနည်းဆုံးအနေဖြင့် ၎င်းတို့သည် စင်မြင့်ပေါ်တွင် ရပ်တည်ပြီး ဘုရားသခင်ကို ချီးမွမ်းရန် ဓမ္မသီချင်းများကို သီဆိုဖို့ သတ္တိရှိကြသည်၊ ယင်းမှာ ဘုရားသခင် ရွေးချယ်ထားသော လူများအတွက် အကျိုးရှိပေသည်။ ထို့ကြောင့် လူတိုင်းသည် ၎င်းတို့၏ တာဝန်ကို ကောင်းမွန်စွာ ထမ်းဆောင်နိုင်ရန် ၎င်းတို့ကို ကူညီသင့်ပြီး လူတိုင်းသည် တာဝန်မဲ့သော မှတ်ချက်များကို လုံးဝ မပေးရသည့်အပြင် ၎င်းတို့ကို မနာလိုခြင်း မရှိရပေ။ ဘုရားအိမ်တော်တွင် သီချင်းဆိုရာ၌ ပင်ကိုစွမ်းရည်ရှိသော လူများ ပိုမိုရှိလာသည့်အတွက် ငါတို့သည် ပျော်ရွှင်ပြီး ဝမ်းမြောက်သင့်သည်၊ ဤသည်မှာ ကောင်းသောအရာတစ်ခု ဖြစ်သည်။ ဤနယ်ပယ်တွင် အားသာချက်များရှိသူများအားလုံးကို ယင်းတို့ကို အသုံးချခွင့် ပေးသင့်သည်၊ ၎င်းတို့အားလုံးကို အခွင့်အရေးများ ပေးသင့်သည်။ ၎င်းတို့ကိုယ်တိုင်တွင် ယုံကြည်မှု သိပ်မရှိကြသည့်အပြင် ၎င်းတို့တွင်ရှိသော စိတ်ဝင်စားမှုများနှင့် ဝါသနာ အနည်းငယ်အတွက် ထွက်ပေါက်တစ်ခု မရှိကြပေ။ ၎င်းတို့သည် ဤတာဝန်ကို ကောင်းမွန်စွာ ထမ်းဆောင်ရန် လိုလားစိတ်ရှိပြီး ဓမ္မသီချင်း ဗီဒီယိုများကို အသံသွင်းထားပါက သင်က ယင်းကို မြင်သောအခါ အနည်းဆုံး နှစ်ကြိမ် သို့မဟုတ် သုံးကြိမ်မျှ နားထောင်သင့်သည်၊ အာရုံစိုက်ပြီး ဂရုတစိုက် နားထောင်သင့်သည်၊ ပြီးလျှင် ၎င်းတို့ကို အားပေးမှု အနည်းငယ် ပေးသင့်သည်။ ၎င်းတို့၏ နောက်ကွယ်တွင် ၎င်းတို့ကို အရိုအသေမတန်နှင့်။ အခြားညီအစ်ကိုမောင်နှမများကို ၎င်းတို့ သီဆိုသော သီချင်းများကို ပိုမို နားထောင်ရန်နှင့် ၎င်းတို့ကို လိုက်ခ်များ ပိုမိုပေးရန် သင် ပြောသင့်သည်။ ၎င်းတို့ထဲမှ အချို့သည် စစ်မှန်သော ခံစားချက်ဖြင့် စာကြောင်းတိုင်းကို အတော်လေး ရှင်းလင်းစွာ အသံထွက်လျက် အတော်လေး ကောင်းမွန်စွာ သီဆိုကြသည်၊ ၎င်းတို့၏ ဝတ်စားဆင်ယင်မှုနှင့် အမူအရာသည် ဂုဏ်သိက္ခာရှိပြီး သင့်တင့်လျောက်ပတ်ကာ ၎င်းတို့ကို အခြားသူများအတွက် သင့်လျော်ပုံပေါ်စေသည်။ သို့သော် အခြားသူများမှာမူ ၎င်းတို့၏ အသံများနှင့် နည်းစနစ်ပိုင်းဆိုင်ရာ ရင့်ကျက်မှုတို့အရ အနည်းငယ် လိုအပ်နေနိုင်ပေသည်။ သင်သည် ဂီတအကြောင်း အနည်းငယ် သိရှိပြီး ချို့ယွင်းချက်များကို ထုတ်ဖော်ပြသနိုင်ပါက ၎င်းတို့ကို မလှောင်ပြောင်နှင့်၊ ၎င်းတို့ကို သင့်တင့်လျောက်ပတ်စွာ ဆက်ဆံလော့၊ ပြီးလျှင် ၎င်းတို့ကို အတူတူပင် အားပေးပြီး ထောက်ခံလော့။ ဤသည်မှာ မိသားစုဝင်တစ်ဦးအနေဖြင့်ဖြစ်စေ၊ ညီအစ်ကိုအနေဖြင့်ဖြစ်စေ၊ ညီအစ်မတစ်ဦးအနေဖြင့်ဖြစ်စေ သင် ထားရှိသင့်သည့် သဘောထား ဖြစ်သည်။ အခြားသူများကို နှိမ့်ချသော သို့မဟုတ် အခြားသူများကို အထင်သေးစေသော အရာများကို လုပ်ဆောင်ခြင်းအားဖြင့် လူဆိုးများကို အတုမယူနှင့်။ သင်ကိုယ်တိုင် စင်မြင့်ပေါ်သို့ မတက်နိုင်သော်လည်း အခြားမည်သူမဆို တက်ရောက်သောအခါ သင်သည် မနာလိုဖြစ်လာသည်၊ ၎င်းတို့ကို အရိုအသေတန်သည်၊ ပြီးလျှင် ၎င်းတို့၏ နောက်ကွယ်တွင် သေးသိမ်သော မှတ်ချက်များ ပေးပါက ဤသည်မှာ လူ့သဘာဝ ကင်းမဲ့နေခြင်း ဖြစ်သည်။ ဤနည်းအတိုင်း ကျင့်ကြံပြုမူခြင်းသည် မကောင်းပေ၊ ယင်းမှာ စက်ဆုပ်ဖွယ်ကောင်းသည်။ သင်သည် ၎င်းတို့၏ ချို့ယွင်းချက်များကို ထုတ်ဖော်ပြသနိုင်လျှင်ပင် သင်သည် ၎င်းတို့ကို အားပေးသင့်ဆဲ ဖြစ်သည်။ ၎င်းတို့သည် ညီအစ်ကိုမောင်နှမများ ဖြစ်သောကြောင့် သင် ဤသို့ လုပ်ဆောင်သင့်သည်၊ ၎င်းတို့သည် ကျွမ်းကျင်သူများ မဟုတ်သည့်အပြင် အတတ်ပညာဆိုင်ရာ လေ့ကျင့်သင်ကြားမှုကိုလည်း မခံယူခဲ့ရပေ၊ ပြီးလျှင် ၎င်းတို့ ယခုကဲ့သို့ သီဆိုနိုင်ခြင်းသည် ၎င်းတို့၏ ကိုယ်ပိုင် ရှာဖွေလေ့လာမှု၊ လေ့ကျင့်မှုနှင့် ကြိုးစားအားထုတ်မှုတို့၏ ရလဒ်သက်သက်သာ ဖြစ်သည်။ သို့ဆိုလျှင် ၎င်းတို့ကို အဘယ်ကြောင့် အားမပေးရမည်နည်း။ သင်သည် အားပေးတတ်ရန်နှင့် သည်းခံတတ်ရန် သင်ယူပြီး ၎င်းတို့၏ သီဆိုမှုတွင် ချို့ယွင်းချက်အချို့ကို သင် သတိပြုမိသည့်တိုင်အောင် ၎င်းတို့ကို မေတ္တာနှင့် သည်းခံခြင်းဖြင့် မှန်ကန်စွာ ဆက်ဆံနိုင်ဆဲဖြစ်ပါက ဤအရာက သင့်တွင် လူ့သဘာဝ ရှိကြောင်း ပြသနေသည်။ အချို့လူများသည် ဘုရားအိမ်တော်ရှိ အဆိုတော်များကို ဘာသာတရား မရှိသော လောကမှ ကျွမ်းကျင်သော အဆိုတော်များနှင့် အစဉ်သဖြင့် နှိုင်းယှဉ်ကြပြီး ထို့ကြောင့် ဘုရားအိမ်တော်ရှိ အဆိုတော်များကို အထင်သေးကာ ထိုထိုဤဤပြော၍ အပြစ်ရှာကြသည်။ ဤသည်မှာ လူ့သဘာဝ ကင်းမဲ့ခြင်း ဖြစ်သည်။ သင်သည် အခြားသူများ၏ အားနည်းချက်များကို အစဉ်သဖြင့် ထုတ်ဖော်ပြသပြီး သင်သည် အခြားသူများထက် ပိုကောင်းသည်၊ ပိုသာလွန်သည်ဟု အစဉ်သဖြင့် ထင်ပါက သင်သည် လူများကို စိတ်လှုပ်ရှားစေသော သီချင်းတစ်ပုဒ်ကို အဘယ်ကြောင့် မသီဆိုနိုင်သနည်း။ အခြားသူများကို အပြစ်မရှာနှင့်။ အသင်းတော်ရှိ အဆိုတော်များသည် အတတ်ပညာဆိုင်ရာ နောက်ခံများမှ လာကြခြင်း မဟုတ်ပေ၊ သို့သော် ၎င်းတို့နှင့်ပတ်သက်၍ အထူးဖြစ်သော အရာတစ်ခု ရှိသည်၊ ဤအလုပ်ကို လုပ်ဆောင်ရာတွင် ၎င်းတို့သည် အသက်မွေးဝမ်းကျောင်းတစ်ခုတွင် ပါဝင်လုပ်ဆောင်နေခြင်း မဟုတ်ပေ၊ ၎င်းတို့သည် ၎င်းတို့၏ တာဝန်ကို ထမ်းဆောင်နေကြခြင်း ဖြစ်သည်။ ၎င်းတို့၏ တာဝန်မှာ ဘုရားသခင်၏ နှုတ်ကပတ်တော်များကို သီဆိုရန်နှင့် ဘုရားသခင်၏ နှုတ်ကပတ်တော်များကို သက်သေခံရန်နှင့် ဖြန့်ချိရန် ၎င်းတို့၏ အသံများကို အသုံးပြုဖို့ ဖြစ်သည်။ ထို့ကြောင့် သင်သည် ၎င်းတို့ကို အားပေးသင့်သည်။ ဤသို့ လုပ်ဆောင်ခြင်းသည် ကောင်းသည် မဟုတ်လော။ (ဟုတ်ပါသည်။) ဤသည်မှာ လူ့သဘာဝ ရှိခြင်းဖြစ်သည်။ အဆိုတော်သစ်တစ်ဦး သီချင်းဆိုသည်ကို သင် နားထောင်သောအခါ “ဤသူ၏ အသံသည် မကောင်းပါ။ ယင်းမှာ အသံဩဇာမရှိပါ။ ၎င်းသည် စည်းချက်လွတ်နေပြီး ၎င်း၏ အသံနေအသံထားက လွဲချော်နေသည်၊ ကျွန်ုပ် နားမထောင်ပါ။ မည်သူကမျှ ၎င်းကို နားမထောင်သင့်သည့်အပြင် မည်သူကမျှ ၎င်းကို လိုက်ခ်မပေးသင့်ပါ” ဟု ပြောဆိုလျက် အပြစ်မရှာနှင့်။ ဤကိစ္စနှင့်ပတ်သက်၍ သင်သည် အဘယ်အရာကို ဤမျှ ချစ်တီးခေါင်းသန်းရှာနေရသနည်း။ သီဆိုမှုတွင် အနည်းငယ် လွဲချော်ခြင်း၊ အတွေ့အကြုံရင့်ကျက်သော ကျွမ်းကျင်လိမ္မာမှု မပါဘဲ သီဆိုခြင်း သို့မဟုတ် ပညာရှင်မဆန်သော နည်းလမ်းဖြင့် သီဆိုခြင်းဟူသည့် ဤအရာက သမ္မာတရား စည်းမျဉ်းများကို ဆန့်ကျင်သလော။ မဆန့်ကျင်ပါ။ ၎င်းတို့သည် မိမိတို့၏ တာဝန်ကို ထမ်းဆောင်နေကြသည်၊ ထို့ကြောင့် သင်သည် ၎င်းတို့၏ သီဆိုမှုကို သင်၏ ကိုယ်ပိုင် အကြိုက်များနှင့် အမြင်များအပေါ် အခြေခံခြင်းမဟုတ်ဘဲ တာဝန်တစ်ခုကို ထမ်းဆောင်ခြင်း၏ စည်းမျဉ်းများဖြင့် တိုင်းတာသင့်သည်။ ပွင့်ပွင့်လင်းလင်း ပြောရလျှင် သင်သည် အဘယ်အရာကို သိသနည်း။ သင်သည် သီချင်းဆိုခြင်းအကြောင်းကို ဤမျှလောက် သိပါက စံပြ အဆင့်အတန်းတစ်ခုအထိ သီချင်းတစ်ပုဒ်မျှပင် အဘယ်ကြောင့် မသီဆိုခဲ့သနည်း။ သင်သည် စံပြ အဆင့်အတန်းတစ်ခုအထိ မသီဆိုခဲ့သောကြောင့် သင့်တွင် အခြားသူများကို ဝေဖန်ပိုင်ခွင့် မရှိပေ။ သေချာသည်မှာ သင်သည် စံပြ အဆင့်အတန်းတစ်ခုအထိ သီဆိုနိုင်လျှင်ပင် အခြားသူများကို မဝေဖန်သင့်သေးပေ။ ၎င်းတို့ ဤအလုပ်ကို ဖျော်ဖြေတင်ဆက်ခြင်းသည် ယင်းဘာသာပင် အနုပညာ လုပ်ငန်းနယ်ပယ်တွင် ပါဝင်လုပ်ဆောင်ခြင်း သို့မဟုတ် အနုပညာတွင် အလုပ်လုပ်ခြင်း မဟုတ်ပေ၊ ယင်းမှာ တာဝန်တစ်ခုကို ထမ်းဆောင်ခြင်းနှင့် ဘုရားသခင်၏ နှုတ်ကပတ်တော်များကို ဖြန့်ချိခြင်းဖြစ်ပြီး၊ ယင်းမှာ မတူညီသော သဘောသဘာဝတစ်ခု ဖြစ်သည်။ ၎င်းတို့သည် ကောင်းမွန်စွာ သီဆိုသည်ဖြစ်စေ၊ မသီဆိုသည်ဖြစ်စေ ၎င်းတို့သည် မိမိတို့ လုပ်ဆောင်သည့်အရာထဲသို့ စိတ်နှစ်ထားကြသည်၊ ၎င်းတို့သည် မိမိတို့၏ တာဝန်ကို ထမ်းဆောင်နေကြသည်။ ၎င်းတို့၏ အတတ်ပညာဆိုင်ရာ အဆင့်အတန်းနှင့်ပတ်သက်၍မူ ယင်းမှာ အခြားကိစ္စတစ်ခု ဖြစ်သည်။ အတတ်ပညာဆိုင်ရာ စံနှုန်းတစ်ခုကို သင်ယူခြင်းနှင့် ရေရှည် လေ့ကျင့်ခြင်းမှတစ်ဆင့်သာ တဖြည်းဖြည်း ရရှိနိုင်သည်။ ဘုရားအိမ်တော်ရှိ အဆိုတော်သစ်များသည် လက်ရှိတွင် ၎င်းတို့ရောက်ရှိနေသော အဆင့်အတန်းတွင် ရှိနေကြသည်။ လူတို့သည် ၎င်းတို့ကို မှန်ကန်စွာ ဆက်ဆံသင့်သည်၊ လူတိုင်းက အားပေးမှုနှင့် ထောက်ခံမှု ပေးသင့်သည်။ အပြစ်မရှာနှင့်၊ ပြီးလျှင် မိမိကိုယ်ကို ကိုယ်ရည်မသွေးနှင့်။ သင်သည် မိမိကိုယ်ကို ကိုယ်ရည်သွေးပါက လူတို့သည် သင့်ကို စက်ဆုပ်ဖွယ်ကောင်းသည်ဟု ထင်ကြလိမ့်မည်။ သင်သည် မိမိကိုယ်ကို ကိုယ်ရည်သွေးရမည့်အစား အကြိမ်အနည်းငယ် ပို၍ နားထောင်ပါက လူတို့သည် သင့်ကို အတော်လေး ကောင်းမွန်သော လူတစ်ဦး၊ ဘုရားသခင်ကို ကြောက်ရွံ့သော စိတ်နှလုံးရှိသူ၊ ၎င်း၏ စိတ်နှလုံးသည် ဘုရားအိမ်တော်နှင့်အတူ ရှိသူနှင့် သည်းခံခြင်းရှိသူအဖြစ် ထင်ကြလိမ့်မည်ဖြစ်ပြီး ဤသည်မှာ သင်၏ လူ့သဘာဝ၏ အားသာချက်တစ်ခု၊ အရည်အသွေးကောင်းတစ်ခု ဖြစ်လာပေမည်။ သင် ဤသို့ လုပ်ဆောင်ပါက လူတို့သည် သင့်ကို နှစ်သက်ကြလိမ့်မည်ဖြစ်ပြီး ဘုရားသခင်ကလည်း သင့်ကို နှစ်သက်လိမ့်မည်။ သင်သည် ကိုယ်ရည်သွေးပါက သင်သည် ထက်မြက်ကြောင်းနှင့် ကျွမ်းကျင်သူတစ်ဦးဖြစ်ကြောင်း ပြသရန် အမြဲတစေ ချို့ယွင်းချက်များကို ထုတ်ဖော်ပြသနေပါက သင်သည် ဘုရားအိမ်တော်၏ အလုပ်ကို အဖျက်အမှောင့်လုပ်ပြီး နှောင့်ယှက်နေခြင်း ဖြစ်သည်။ သင်သည် အလုပ်ကို အဖျက်အမှောင့်လုပ်ပါက ဘုရားသခင်သည် သင့်ကို နှစ်သက်နိုင်သလော။ (မနှစ်သက်နိုင်ပါ။) ဘုရားသခင်သည် သင့်ကို နှစ်သက်မည် မဟုတ်သည့်အပြင် ညီအစ်ကိုမောင်နှမများကလည်း သင့်ကို နှစ်သက်မည် မဟုတ်ပေ။ အဆိုတော်များသည် သင့်ကို မည်သို့ စော်ကားခဲ့သနည်း။ သင်သည် အဘယ်ကြောင့် ဤကဲ့သို့ ကိုယ်ရည်သွေးပြီး ၎င်းတို့ကို အရိုအသေတန်ရသနည်း။ သင်သည် လူတစ်ဦးတည်းကိုသာ အရိုအသေတန်နေခြင်းလော။ မဟုတ်ပေ၊ သင်သည် ဘုရားအိမ်တော်၏ အလုပ်ကို အရိုအသေတန်နေခြင်းဖြစ်သည်၊ သင်သည် ဘုရားသခင်ကို အရိုအသေတန်နေခြင်း ဖြစ်သည်။ သင် ဤသို့ လုပ်ဆောင်ပါက ဘုရားသခင်သည် သင့်ကို နှစ်သက်နိုင်သလော။ ၎င်းတို့ သီဆိုသော သီချင်းများတွင် ချို့ယွင်းချက်များကို သင် ကြားရလျှင်ပင် သင်သည် ၎င်းတို့ကို မဝေဖန်သင့်ပေ၊ အဘယ်ကြောင့်ဆိုသော် မည်သည့် အထူးပြု အလုပ်တွင်မဆို ပညာရှင်ဆိုင်ရာ စံနှုန်းတစ်ခုသို့ ရောက်ရှိခြင်းသည် ညတွင်းချင်း ဖြစ်ပေါ်လာသောအရာ မဟုတ်သောကြောင့် ဖြစ်သည်။ ယင်းမှာ မလွယ်ကူပေ၊ ယင်းသည် အရည်အသွေးကို ထက်မြက်အောင် သွေးခြင်းနှင့် လေ့ကျင့်ခြင်းကိုလည်းကောင်း၊ ကျွမ်းကျင်သူများထံမှ လမ်းညွှန်မှုကိုလည်းကောင်း လိုအပ်သည်၊ ထို့အပြင် လူတိုင်းတွင် မတူညီသော ဉာဏ်စွမ်းဉာဏ်စများ ရှိကြသည်။ ဘုရားသခင်ပင်လျှင် ၎င်းတို့ထံမှ ပညာရှင်ဆိုင်ရာ စံနှုန်းအပေါ် အခြေခံ၍ သတ်မှတ်ချက်များ မပြုလုပ်ပေ၊ သို့ဆိုလျှင် သင့်တွင် ၎င်းတို့ထံမှ ဤအရာကို တောင်းဆိုရန် မည်သည့် အရည်အချင်း ရှိသနည်း။ အခြားသူများသည် တိကျသော အဆင့်အတန်းတစ်ခုသို့ ရောက်ရှိသင့်သည်ဟု အမြဲတစေ တောင်းဆိုခြင်းသည် ဆင်ခြင်တုံတရား မရှိပေ၊ ဤသည်မှာ မာနထောင်လွှားမှုဖြစ်ပြီး ယင်းမှာ ကိုယ်ရည်သွေးနေခြင်း ဖြစ်သည်။ အခြားသူများ ထင်ပေါ်လာသောအခါ သင်သည် စိတ်နှလုံးထဲတွင် စိတ်အနှောင့်အယှက်ဖြစ်ပြီး အဆုံးမရှိ မနာလိုဖြစ်လာကာ သင်၏ အချည်းနှီးဖြစ်သော ဂုဏ်မောက်မှုကို ဖြည့်ဆည်းရန် ခနဲ့တဲ့တဲ့နှင့် နာကျင်စေသော စကားအချို့ကို အမြဲတစေ ပြောဆိုလိုသည်။ ဤသို့ လုပ်ဆောင်ခြင်းသည် မည်မျှ ယုတ်ညံ့သနည်း။ ဤသည်မှာ စက်ဆုပ်ဖွယ်ကောင်းပြီး ယုတ်မာသည်၊ ပြီးလျှင် ထိုသို့သော လူတစ်ဦးတွင် အသိစိတ်နှင့် ဆင်ခြင်တုံတရား မရှိပေ။ သင်သည် အခြားသူများအတွက် အကျိုးရှိသောအရာများ၊ အခြားသူများ၏ အားကျမှုနှင့် ထိုက်တန်ပြီး ဘုရားသခင်ကလည်း အမှတ်ရမည့် အရာများကို လုပ်ဆောင်သင့်သည်။ အခြားသူများကို အရိုအသေတန်သော အရာများကို မလုပ်ဆောင်နှင့်။ ဤအရာကို သင် မှတ်ထားမည်လော။ (ဟုတ်ပါသည်။) သင်သည် သည်းခံခြင်း၊ ထောက်ခံခြင်းနှင့် အားပေးခြင်းတို့ကို မအောင်မြင်နိုင်ပါက၊ ပြီးလျှင် အသင်းတော်၏ အလုပ်ကို ကာကွယ်ရန်နှင့် စောင့်ရှောက်ရန် မလာရောက်နိုင်ပါက၊ သင့်တွင် ဤလူ့သဘာဝ ကင်းမဲ့နေပါက အနည်းဆုံးအနေဖြင့် အခြားသူများကို အဖျက်အမှောင့်လုပ်သော အရာများကို မလုပ်ဆောင်နှင့် သို့မဟုတ် မပြောဆိုနှင့်။ ဤသည်မှာ လုံးဝ အနည်းဆုံး လုပ်ဆောင်သင့်သည့်အရာ ဖြစ်သည်၊ ဤသည်မှာ စည်းဖြစ်သည်။

ကြယ်ပွင့်များကို ကိုးကွယ်ရသည်ကို နှစ်သက်ခြင်း

အနုပညာကို နှစ်သက်ခြင်းအကြောင်း ငါတို့ ဆွေးနွေးပြီးသွားပြီဖြစ်သည်။ နောက်ထပ် ကျော်ကြားသူများ၏ ကိုယ်ရေးကိုယ်တာ ကိစ္စရပ်များကို စိတ်ဝင်စားရသည်ကို နှစ်သက်ခြင်းအကြောင်း ပြောကြစို့။ အချို့လူများသည် ကျော်ကြားသူများ၊ ကြယ်ပွင့်များ၏ ကိုယ်ရေးကိုယ်တာ ကိစ္စရပ်များကို စိတ်ဝင်စားရသည်ကို အထူးသဖြင့် နှစ်သက်ကြသည်၊ ဥပမာအားဖြင့် ကျော်ကြားသူများ မည်သည့်အရာကို စားသောက်သည်၊ မည်သည့်အရာကို ဝတ်ဆင်သည်၊ ပျော်ရွှင်ရန် မည်သည့်နေရာသို့ သွားသည်၊ ၎င်းတို့သည် အလှအပဆိုင်ရာ ခွဲစိတ်မှု ပြုလုပ်ထားခြင်း ရှိမရှိ၊ ၎င်းတို့သည် မည်သူနှင့် ချစ်ကြိုက်နေသည်၊ ၎င်းတို့တွင် မည်သည့် ဆန့်ကျင်ဘက်လိင်ဖြစ်သော သူငယ်ချင်းများ ရှိသည်၊ ၎င်းတို့တွင် မည်သည့် လိင်ဆက်ဆံဖော်များ ရှိသည်၊ ထို့ပြင် ၎င်းတို့တွင် တရားမဝင် သားသမီး မည်မျှရှိပြီး မည်သည့် အဆင့်မြင့် အရာရှိများ၊ ချမ်းသာသူများနှင့် ရင်းနှီးစွာ ပတ်သက်နေသည်ဟူသည်တို့ ဖြစ်သည်။ ထိုသို့သော လူများသည် ကျော်ကြားသူများ၏ ဤကိုယ်ရေးကိုယ်တာ ကိစ္စရပ်များကို အထူးသဖြင့် စိတ်ဝင်စားကြသည်။ ၎င်းတို့သည် ကျော်ကြားသူများ၏ ကိုယ်ရေးကိုယ်တာ ကိစ္စရပ်များကို စိတ်ဝင်စားရုံသာမက ကျော်ကြားသူများ၏ နေ့စဉ် နေထိုင်မှုပုံစံ ရွေးချယ်မှုများ၊ ၎င်းတို့၏ စကားနှင့် အပြုအမူများအပြင် ဘဝအပေါ် ၎င်းတို့၏ သဘောထားတို့ကို အတုယူရသည်ကိုလည်း အထူးသဖြင့် နှစ်သက်ကြသည်။ တစ်ချိန်တည်းမှာပင် ၎င်းတို့သည် ထိုသူတို့၏ သွားလာလှုပ်ရှားမှုများနှင့် ထိုသူတို့၏ အမျိုးမျိုးသော အတွေးများနှင့် အမြင်များကို စောင့်ကြည့်ရန်လည်း အထူးသဖြင့် နှစ်သက်ကြသည်။ ဥပမာအားဖြင့် ကျော်ကြားသူတစ်ဦးသည် အိမ်မွေးခွေး အမျိုးအစားတစ်ကောင်ကို မွေးမြူရန် နှစ်သက်ပါက ၎င်းတို့သည်လည်း တစ်ကောင် မွေးမြူကြသည်။ ကျော်ကြားသူတစ်ဦးသည် စျေးကွက်တွင် အထူးသဖြင့် ရေပန်းစားသော အမှတ်တံဆိပ် အဝတ်အစားတစ်ခုကို ဝတ်ဆင်ပါက ၎င်းတို့သည်လည်း ထိုပစ္စည်းကို ဝယ်ယူကြလိမ့်မည်။ ၎င်းတို့ မတတ်နိုင်ပါက ၎င်းတို့သည် အတုကိုသာ ဝယ်ယူကြလိမ့်မည်။ ကျော်ကြားသူတစ်ဦးသည် အလှကုန်ပစ္စည်းတစ်ခုကို အသုံးပြုပါက ၎င်းတို့သည် ငွေမရှိ၍ ယင်းကို အကုန်အကျခံနိုင်ရန် ကျောက်ကပ် သို့မဟုတ် သွေးကို ရောင်းရလျှင်ပင် မိမိတို့ကိုယ်ကို လှပအောင်ဆင်မြန်းရန် ယင်းကို ဝယ်ယူကြလိမ့်မည်။ ၎င်းတို့သည် ကျော်ကြားသူများ ဖျော်ဖြေတင်ဆက်သည့်၊ သတင်းစာရှင်းလင်းပွဲများ ပြုလုပ်သည့် သို့မဟုတ် ရုပ်ရှင်နှင့် ရုပ်မြင်သံကြား ထုတ်လွှင့်မှု အခမ်းအနားများသို့ တက်ရောက်သည့် မည်သည့်နေရာသို့မဆို ၎င်းတို့နောက်သို့ လိုက်ကြသည်။ ၎င်းတို့သည် ၎င်းတို့နောက်လိုက်သော ကျော်ကြားသူ၏ စကားနှင့် လုပ်ရပ်တိုင်း၊ လှုပ်ရှားမှုတိုင်းနှင့် သွားလာလှုပ်ရှားမှု အားလုံးကို အာရုံစိုက်ပြီး ခြေရာခံကြလိမ့်မည်။ ၎င်းတို့သည် ကိုယ်ပိုင်ဘဝ သို့မဟုတ် ၎င်းတို့၏ ကိုယ်ပိုင် မှန်ကန်သော အတွေးများ၊ အမြင်များနှင့် နေထိုင်မှုပုံစံ မရှိတော့သည့် စွဲလမ်းမှု အဆင့်တစ်ခုသို့ ရောက်ရှိသွားကာ ၎င်းတို့သည် ကျော်ကြားသူ၏ အတွေးများ၊ အမြင်များနှင့် နေထိုင်မှုပုံစံတို့၏ လုံးဝ အထင်အမြင်မှားစေခြင်းနှင့် ထိန်းချုပ်ခြင်းကို ခံရလေသည်။ ဤသည်မှာ မည်သည့် ပြဿနာမျိုး ဖြစ်သနည်း။ ဤသည်မှာ ပင်ကိုအခြေအနေ ဖြစ်သလော။ (မဟုတ်ပါ။) ဤအရာသည် ယနေ့ခေတ် လူတို့ နေထိုင်သော လူမှုပတ်ဝန်းကျင်နှင့် တစ်စုံတစ်ရာ သက်ဆိုင်မှု ရှိသလော။ (ရှိပါသည်။) ယင်းမှာ ဆက်စပ်မှု အနည်းငယ် ရှိသည်။ သို့ဆိုလျှင် လူအားလုံးသည် တူညီသော လက်ရှိ ပတ်ဝန်းကျင်တွင် နေထိုင်ကြသော်လည်း အဘယ်ကြောင့် လူတိုင်းမဟုတ်ဘဲ တိကျသော လူတစ်စုကသာ ကြယ်ပွင့်များကို အမြဲတစေ ကိုးကွယ်ကြသနည်း။ ဤအရာက မည်သည့်အရာနှင့် ဆက်စပ်နေသနည်း။ ကြယ်ပွင့်များကို ကိုးကွယ်သော ဤလူများသည် အနုပညာကို နှစ်သက်သည်ဟု သင် ပြောမည်လော။ နှစ်သက်ချင်မှ နှစ်သက်ပေမည်။ ၎င်းတို့သည် အနုပညာတွင် ကျွမ်းကျင်ကြသလော။ ယင်းမှာလည်း မှန်ကန်ချင်မှ မှန်ကန်ပေမည်။ သို့သော် ၎င်းတို့ လုပ်ဆောင်သည့်အရာများသည် အနုပညာလောကရှိ လူများနှင့် အနုပညာ ခေတ်ရေစီးကြောင်းများနှင့် ဆက်စပ်နေသည်။ ဤသည်မှာ မည်သည့် ပြဿနာမျိုး ဖြစ်သနည်း။ ဤသည်မှာ ဖောက်ပြန်ပျက်စီးသော စိတ်သဘောထားများနှင့်ဆိုင်သော ပြဿနာတစ်ခု ဖြစ်သလော။ ဖောက်ပြန်ပျက်စီးသော စိတ်သဘောထားများ၏ ထုတ်ဖော်ချက်တစ်ခုသည် ဤအရာ အတိအကျပင် ဖြစ်သည်။ ထိုသို့သော လူများသည် ဆိုးယုတ်မှုကို ရိုသေလေးမြတ်ပြီး ဆိုးယုတ်သော ခေတ်ရေစီးကြောင်းများနောက်သို့ လိုက်ပါကြသည်။ သို့ဆိုလျှင် ထိုသို့သော လူများ၏ လူ့သဘာဝတွင် ပြဿနာတစ်ခု ရှိသလော။ (ရှိပါသည်။) ဘဝတွင် ရွေးချယ်စရာ လမ်းကြောင်းများစွာ ရှိနေချိန်တွင် ၎င်းတို့သည် အဘယ်ကြောင့် ဤသို့သော လမ်းကြောင်းကို ရွေးချယ်ကြသနည်း။ ဤအရာက ကိုယ်ကျင့်စရိုက်နှင့်ဆိုင်သော ပြဿနာ ပါဝင်သလော။ (ပါဝင်ပါသည်။) အချို့လူများက “ဤသည်မှာ လူ့သဘာဝရှိ ချို့ယွင်းချက်တစ်ခု ဖြစ်သည်။ ဤသည်မှာ မွေးရာပါ ရိုးအပြီး မိုက်မဲခြင်းဖြစ်ကာ အခြားသူများ၏ လွယ်ကူစွာ အထင်အမြင်မှားအောင် လုပ်ခြင်းကို ခံရခြင်း ဖြစ်သည်” ဟု ပြောကြသည်။ ဤသည်မှာ အကြောင်းရင်း ဖြစ်သလော။ (မဟုတ်ပါ။) အခြားသူများက “ကြယ်ပွင့်များကို ကိုးကွယ်သူ အများစုသည် ငယ်ရွယ်ပြီး ရင့်ကျက်မှုမရှိကာ အပေါ်ယံဆန်ပြီး ဤလူမှုရေး ခေတ်ရေစီးကြောင်းများ၏ သွေးဆောင်ဖြားယောင်းမှုကို မခံနိုင်သောကြောင့် ဖြစ်သလော” ဟု ပြောကြသည်။ ၎င်းတို့ ငယ်ရွယ်သောကြောင့် ဖြစ်သလော။ (မဟုတ်ပါ။) ကြယ်ပွင့်များကို ကိုးကွယ်သူ အချို့သည် လူလတ်ပိုင်း သို့မဟုတ် သက်ကြီးရွယ်အိုများ ဖြစ်ကြသည်၊ ဤအုပ်စုတွင် အသက်အရွယ်ပေါင်းစုံမှ လူများ ပါဝင်သည်။ ဤအရာကို ထောက်ရှု၍ ကြယ်ပွင့်များကို ကိုးကွယ်သော ဤလူများသည် ၎င်းတို့ ငယ်ရွယ်ပြီး ရင့်ကျက်မှုမရှိကာ ဘဝ၏ ကိစ္စရပ်များကို နားမလည်သေးသောကြောင့် ဤလူမှုရေး ခေတ်ရေစီးကြောင်းများ၏ အထင်အမြင်မှားအောင်လုပ်ခြင်းကို ခံရခြင်း မဟုတ်ပေ။ ထို့ကြောင့် “ကြယ်ပွင့်များကို ကိုးကွယ်သူအားလုံးသည် ငယ်ရွယ်ပြီး ရင့်ကျက်မှုမရှိကြပါ” ဟူသော ပြောဆိုချက်သည် အခြေအမြစ် မရှိပေ။ ယင်းမှာ ငယ်ရွယ်ပြီး ရင့်ကျက်မှုမရှိခြင်းကြောင့် မဟုတ်သောကြောင့် ယင်းမှာ လူ့သဘာဝနှင့်ဆိုင်သော ပြဿနာတစ်ခု ဖြစ်သည်။ သို့ဆိုလျှင် ယင်းမှာ မည်သည့် လူ့သဘာဝနှင့်ဆိုင်သော ပြဿနာ ဖြစ်သနည်း။ ယင်းမှာ လုပ်သင့်လုပ်ထိုက်သော အလုပ်ကိစ္စများကို မလုပ်ခြင်း ဖြစ်သလော။ (ဟုတ်ပါသည်။) ကဏ္ဍတစ်ခုတွင် ယင်းမှာ လုပ်သင့်လုပ်ထိုက်သော အလုပ်ကိစ္စများကို မလုပ်ခြင်း ဖြစ်သည်၊ အခြားကဏ္ဍတစ်ခုတွင် ယင်းမှာ အနည်းငယ် ပေါ့တန်ပြီး သင့်လျော်သော စည်းကမ်းဘောင်အတွင်း မနေခြင်း ဖြစ်သည်။ အခြားမည်သည့်အရာ ဖြစ်သေးသနည်း။ (မှန်ကန်သော လမ်းကြောင်းကို မလျှောက်လှမ်းခြင်း ဖြစ်ပါသည်။) ယင်းမှာ မှန်ကန်သည်၊ မှန်ကန်သော လမ်းကြောင်းကို မလျှောက်လှမ်းခြင်း ဖြစ်သည်။ ယင်းက လူတစ်ဦး လျှောက်လှမ်းသော လမ်းကြောင်းနှင့်ဆိုင်သော ပြဿနာ ပါဝင်သည်။ အရွယ်ရောက်ပြီးနောက် မည်သည့် အသက်မွေးဝမ်းကျောင်းကို လုပ်ကိုင်မည်နှင့် ဤလူ့အဖွဲ့အစည်းနှင့် လူတို့ကြားတွင် မည်သည့် လမ်းကြောင်းမျိုးကို လျှောက်လှမ်းရန် ရွေးချယ်မည်ဟူသည်မှာ လူတိုင်း၏ ရှေ့တွင်ရှိသော မဖြစ်မနေ သင်ယူရမည့် သင်ခန်းစာတစ်ခု ဖြစ်သည်။ ၎င်းတို့သည် မိမိတို့၏ နေရာတွင် နေထိုင်ပြီး ၎င်းတို့၏ နေ့ရက်များကို သင့်လျော်သော နည်းလမ်းဖြင့် ဖြတ်သန်းခြင်း ရှိမရှိ၊ ၎င်းတို့သည် သင့်လျော်သော အသက်မွေးဝမ်းကျောင်းတစ်ခုကို လုပ်ကိုင်ခြင်း ရှိမရှိနှင့် ၎င်းတို့သည် လုပ်သင့်လုပ်ထိုက်သော အလုပ်ကိစ္စရပ်များတွင် ပါဝင်လုပ်ဆောင်ပြီး မှန်ကန်သော လမ်းကြောင်းကို လျှောက်လှမ်းခြင်း ရှိမရှိဟူသည့် ဤအရာအားလုံးသည် ၎င်းတို့ နှစ်သက်သောအရာနှင့် ၎င်းတို့၏ လူ့သဘာဝအတွင်း ၎င်းတို့ လိုက်နာသောအရာအပေါ် မူတည်သည်။ အလွှာပေါင်းစုံမှ လူများကို ကြည့်လော့၊ အချို့က သိုင်းပညာကို လေ့ကျင့်ကြသည်၊ အချို့က ကျန်းမာသော နေထိုင်မှုအကြောင်း လေ့လာကြသည်၊ အချို့က နည်းပညာ လုပ်ငန်းနယ်ပယ်တွင် ပါဝင်လုပ်ဆောင်ကြသည်၊ အချို့က ဖက်ရှင် လုပ်ငန်းနယ်ပယ်တွင် ပါဝင်လုပ်ဆောင်ကြသည်၊ အချို့က ရုပ်ရှင်နှင့် ရုပ်မြင်သံကြား လုပ်ငန်းနယ်ပယ်တွင် ပါဝင်လုပ်ဆောင်ကြသည်၊ အချို့က စီးပွားရေးလုပ်ကြသည်၊ အချို့က နိုင်ငံရေးထဲသို့ ဝင်ရောက်ကြသည်၊ အချို့က ဗုဒ္ဓဘာသာကို ယုံကြည်ကြသည်၊ အချို့က တာအိုဘာသာသို့ ဝင်ရောက်ကြသည်၊ ပြီးလျှင် အချို့က ဘုရားသခင်ကို ယုံကြည်ရန် ရွေးချယ်ကြသည်။ အချို့လူများသည် သင့်လျော်သော အလုပ်အကိုင်တစ်ခု မရှိကြသည့်အပြင် ဘဝတွင် ၎င်းတို့၏ ကိုယ်ပိုင် ပန်းတိုင်များကိုလည်း မရှာဖွေကြပေ၊ နေ့စဉ်နေ့တိုင်း ၎င်းတို့သည် ကြယ်ပွင့်များကို ကိုးကွယ်ခြင်းအပေါ်တွင်သာ အာရုံစိုက်ကြသည်။ ၎င်းတို့သည် ဤအရာကို မည်သည့် အတိုင်းအတာအထိ လုပ်ဆောင်ကြသနည်း။ ၎င်းတို့သည် အစားအသောက် စားချင်စိတ် ပျောက်ဆုံးသွားသည့် အတိုင်းအတာအထိ ဖြစ်သည်။ ၎င်းတို့ ကိုးကွယ်သော ကြယ်ပွင့်သည် ၎င်းတို့၏ အိပ်မက်ထဲက ချစ်သူဖြစ်ပါက ၎င်းတို့သည် မိမိတို့၏ ကိုယ်ပိုင် အိမ်ထောင်ဖက်ကိုပင် အချိန်မရွေး စွန့်ပစ်နိုင်သည်။ ဤလူများသည် ကြယ်ပွင့်များကို စွဲလမ်းသည့် အတိုင်းအတာအထိ၊ ယင်းက ၎င်းတို့၏ ဘဝများနှင့် ၎င်းတို့၏ လမ်းကြောင်း ရွေးချယ်မှုအပေါ် ထိန်းချုပ်ခြယ်လှယ်နိုင်သည့် အတိုင်းအတာအထိ ကိုးကွယ်ပြီး ၎င်းတို့၏ ဘဝများတွင် မရှိမဖြစ်လိုအပ်သော အစိတ်အပိုင်းတစ်ခု ဖြစ်လာပါက ၎င်းတို့၏ ဘဝများသည် လက်ရှိတွင် မည်သည့် အခြေအနေ၌ ရှိနေသနည်း။ ၎င်းတို့သည် ၎င်းတို့၏ နေ့ရက်များကို ဖြတ်သန်းနေစဉ် ကိုယ့်နေရာနှင့်ကိုယ် နေကြခြင်း မဟုတ်ပေ။ ကြယ်ပွင့်များကို ကိုးကွယ်သူသည် အမျိုးသမီးတစ်ဦး ဖြစ်ပါက သူမသည် ခင်ပွန်းကို ရိုင်းပင်းကူညီပြီး ကလေးများကို ပြုစုပျိုးထောင်ပေးသော တာဝန်ကျေသည့် အိမ်ရှင်မတစ်ဦး၊ အကျင့်သီလကောင်းမွန်သော ဇနီးတစ်ဦးနှင့် မေတ္တာရှိသော မိခင်တစ်ဦး ဖြစ်နိုင်သလော။ (မဖြစ်နိုင်ပါ။) ကြယ်ပွင့်များကို စွဲလမ်းသည့် အတိုင်းအတာအထိ ကိုးကွယ်သူတစ်ဦးသည် ရူးသွပ်နေခြင်းသာ ဖြစ်သည်။ ၎င်းတို့၏ အိပ်မက်ထဲက ချစ်သူ ပြုလုပ်သည့် ဖျော်ဖြေပွဲ သို့မဟုတ် သတင်းစာရှင်းလင်းပွဲ မည်သည့်နေရာသို့မဆို ၎င်းတို့သည် လက်မှတ်ရယူရန် သွားရမည်ဟု ခံစားကြရသည်။ ၎င်းတို့သည် ထိုသူတို့နောက်သို့ လိုက်ရုံအတွက် လေယာဉ်ဖြင့် ခရီးဝေးများ သွားရောက်ကြပြီး နယ်စပ်များကိုပင် ဖြတ်ကျော်ကြကာ ၎င်းတို့၏ မိသားစုက ၎င်းတို့ကို မတားဆီးနိုင်ပေ။ ၎င်းတို့သည် ကျော်ကြားသူ၏ ခရီးစဉ်ကို အင်တာနက်ပေါ်တွင် အဆက်မပြတ် ခြေရာခံပြီး ကျော်ကြားသူ ပေါ်လာမည့် နေရာများတွင် စခန်းချစောင့်ဆိုင်းကြသည်။ ၎င်းတို့သည် ထိုသူတို့နှင့် လွဲချော်သွားပါက ၎င်းတို့သည် အစာမစား၊ မအိပ်ဘဲ ရက်အနည်းငယ် နေကြပြီး အဆုံးမရှိ ငိုကြွေးကြသည်။ ပုံမှန်အားဖြင့် အင်တာနက်နှင့် ရုပ်မြင်သံကြားပေါ်တွင် ၎င်းတို့ စိတ်ဝင်စားသမျှ အရာအားလုံးသည် ကျော်ကြားသူများအကြောင်း ဖြစ်သည်။ သေချာသည်မှာ အချို့လူများသည် ကျော်ကြားသူ တစ်ဦးတည်းအပေါ်တွင်သာ အာရုံမစိုက်ဘဲ ကျော်ကြားသူအချို့အပေါ်တွင် အာရုံစိုက်ကြသည်၊ အမျိုးသားနှင့် အမျိုးသမီး ကျော်ကြားသူများ၊ လူငယ်၊ လူလတ်ပိုင်းနှင့် သက်ကြီးရွယ်အို ကျော်ကြားသူများ ဖြစ်ကြသည်။ ၎င်းတို့သည် ဤကျော်ကြားသူများ၏ ရုပ်ရည်သွင်ပြင်များ၊ ၎င်းတို့၏ အိမ်ထောင်ရေး အခြေအနေ၊ ၎င်းတို့၏ ချစ်သူရည်းစား အခြေအနေနှင့် ၎င်းတို့၏ ကိုယ်ပိုင်ဘဝများကို စိတ်ဝင်စားကြပြီး ၎င်းတို့အကြောင်း သတင်းအချက်အလက်များကို ရှာဖွေရန် စိတ်ပိုင်းဆိုင်ရာ စွမ်းအင်များစွာကို အသုံးပြုကြသည်။ ၎င်းတို့သည် ကြယ်ပွင့်များကို ကိုးကွယ်ခြင်းကို ဘဝတွင် ပျော်ရွှင်မှုနှင့် စိတ်ဝင်စားမှု အရင်းအမြစ်တစ်ခုအဖြစ် သဘောထားကြပြီး ယင်းကို အလေးအနက်ထားရမည့် ကိစ္စတစ်ခုကဲ့သို့ ပါဝင်လုပ်ဆောင်ကြသည်။ ဤလူစားမျိုး၏ ဘဝသည် မည်သည့် အခြေအနေ၌ ရှိနေသနည်း။ ၎င်းတို့သည် လမ်းလျှောက်နေသော အလောင်းကောင်တစ်ခုနှင့် တူသည်၊ ၎င်းတို့၏ အတွေးများ၊ ၎င်းတို့၏ ဘဝ အခြေအနေအပြင် ၎င်းတို့၏ နေ့စဉ် အပြုအမူနှင့် ၎င်းတို့သည် စိတ်အခြေအနေ ကောင်းသည်ဖြစ်စေ၊ ဆိုးသည်ဖြစ်စေ အရာအားလုံးသည် ၎င်းတို့ လိုက်လံရှာဖွေပြီး အတုယူသော ကျော်ကြားသူ၏ လွှမ်းမိုးမှုကို လုံးဝ ခံရသည်။ ၎င်းတို့ လိုက်လံရှာဖွေသော ကျော်ကြားသူသည် ချစ်သူရည်းစား ရသွားပါက ၎င်းတို့သည် အလွန် ဝမ်းနည်းပူဆွေးကြသဖြင့် ရက်အတန်ကြာ အစားအသောက် စားချင်စိတ် ပျောက်ဆုံးသွားကြသည်။ ကျော်ကြားသူသည် ၎င်းတို့၏ ချစ်သူနှင့် လမ်းခွဲလိုက်ပါက ၎င်းတို့သည် အလွန်အမင်း ပျော်ရွှင်ကြသည်၊ ၎င်းတို့သည် စားသောက်ပွဲများ ပြုလုပ်ကြသည်၊ ရှန်ပိန်ဖောက်ကြပြီး အောင်ပွဲခံရန် အွန်လိုင်းပေါ်တွင် ပို့စ်တင်ကြသည်။ ညတိုင်း ၎င်းတို့သည် မိမိတို့ လိုက်လံရှာဖွေသော ကျော်ကြားသူနှင့် အတူရှိနေသည်ဟု အိပ်မက်မက်ကြပြီး ချိုမြိန်သော အိပ်မက်များမှလွဲ၍ အခြားမရှိပေ။ ၎င်းတို့ လိုက်လံရှာဖွေသော ကျော်ကြားသူသည် ၎င်းတို့၏ အိပ်မက်ထဲမှ ချစ်သူဖြစ်ပြီး အခြားမည်သူကမျှ ဤသူကဲ့သို့ ၎င်းတို့အတွက် မျက်စိပသာဒ မဖြစ်ပေ။ ၎င်းတို့၏ ဘဝ အခြေအနေသည် ပုံမှန်မဟုတ်သည် မဟုတ်လော။ (ဟုတ်ပါသည်။) ၎င်းတို့သည် ဤစွဲလမ်းမှု အဆင့်သို့ ရောက်ရှိသွားကြပြီ၊ ၎င်းတို့သည် ဝိညာဉ်ဆိုးတစ်ခု၏ ထိန်းချုပ်ခြင်းကို ခံရပြီလော။ (ခံရပါသည်။) သို့ဆိုလျှင် ဤလူစားမျိုး၏ လူ့သဘာဝတွင် ချို့ယွင်းချက်တစ်ခု၊ အပြစ်အနာအဆာတစ်ခု သို့မဟုတ် ပြဿနာတစ်ခု ရှိသလော။ (ပြဿနာတစ်ခု ရှိပါသည်။) ၎င်းတို့၏ စိတ်ပိုင်းဆိုင်ရာ အခြေအနေသည် အနည်းငယ် ပုံမှန်မဟုတ်ပေ။ ပုံမှန်လူများသည် တစ်ခါတစ်ရံတွင် အနုပညာလောကရှိ လူများအကြောင်း သတင်းအချို့ကို ကြားရပြီး ၎င်းတို့ စကားစမြည်ပြောဆိုနေချိန်တွင် ၎င်းတို့သည် ယင်းနှင့်ပတ်သက်၍ စကားလုံးအနည်းငယ်ကို ပေါ့ပေါ့ပါးပါး ပြောဆိုကောင်း ပြောဆိုနိုင်သည်၊ သို့သော် ၎င်းတို့သည် လက်တွေ့ဘဝသို့ ပြန်ရောက်သောအခါ ၎င်းတို့သည် ပုံမှန်အတိုင်း ဆက်လက် နေထိုင်ကြသည်။ ၎င်းတို့သည် မိခင်တစ်ဦး ဖြစ်ပါက ၎င်းတို့သည် မိခင်တစ်ဦးအနေဖြင့် ၎င်းတို့၏ တာဝန်များကို ဖြည့်ဆည်းကြသည်၊ ၎င်းတို့သည် ဖခင်တစ်ဦး ဖြစ်ပါက ၎င်းတို့သည် ဖခင်တစ်ဦးအနေဖြင့် ၎င်းတို့၏ တာဝန်များကို ဖြည့်ဆည်းကြသည်။ ၎င်းတို့ ပါဝင်လုပ်ဆောင်သော အလုပ်သည် အနည်းငယ်မျှပင် ထိခိုက်မှု သို့မဟုတ် အဟန့်အတား မဖြစ်ပေ။ ၎င်းတို့ နှစ်သက်သော ကြယ်ပွင့်သည် တစ်နေရာရာတွင် ဖျော်ဖြေပွဲတစ်ခု ပြုလုပ်ပါက ၎င်းတို့သည် ယင်းက ၎င်းတို့နှင့် မသက်ဆိုင်ဟု ခံစားရပြီး ၎င်းတို့၏ ဘဝများကို ပုံမှန်အတိုင်း၊ ထိခိုက်မှုမရှိဘဲ ဆက်လက် နေထိုင်ကြသည်။ ၎င်းတို့သည် ထိုကြယ်ပွင့်အပေါ် အားကျမှုအချို့နှင့် နှစ်သက်မှု အနည်းငယ် ရှိသော်လည်း ၎င်းတို့သည် လက်တွေ့ဘဝသို့ ပြန်ရောက်သောအခါ ၎င်းတို့တွင် လွတ်လပ်သော အတွေးများ ရှိကြပြီး ၎င်းတို့၏ ကိုယ်ပိုင်ဘဝနှင့် အသက်မွေးဝမ်းကျောင်း၊ ၎င်းတို့၏ ကိုယ်ပိုင် ယုံကြည်ခြင်းနှင့် ၎င်းတို့ လိုက်စားသင့်သောအရာများနှင့် ၎င်းတို့ လျှောက်လှမ်းသင့်သော လမ်းကြောင်းတို့အပေါ် မည်သည့် သက်ရောက်မှုမျှ လုံးဝ မရှိပေ။ ဤသည်မှာ လူ့သဘာဝ၏ ပုံမှန်တွေးခေါ်မှုနှင့် ပုံမှန် စိတ်ပိုင်းဆိုင်ရာ အခြေအနေ ရှိခြင်းဖြစ်သည်။ သို့သော် ကြယ်ပွင့်များကို ကိုးကွယ်ရန် နှစ်သက်သူများသည် ထိုလုပ်ငန်းစဉ်တွင် မိမိတို့ကိုယ်ကိုလည်းကောင်း၊ မိမိတို့ကိုယ်ကို ထိန်းချုပ်နိုင်စွမ်းကိုလည်းကောင်း ဆုံးရှုံးသွားခဲ့ပြီး ဖြစ်သည်၊ ၎င်းတို့သည် ဤကြယ်ပွင့်များဟု ခေါ်သောသူများ၏ လုံးဝ နဖားကြိုးတပ်၍ ဆွဲခြင်းကို ခံရသည်။ ၎င်းတို့၏ အတွေးများနှင့် ၎င်းတို့၏ ဘဝ အခြေအနေများသည် ကြယ်ပွင့်များ၏ စကားများ၊ လုပ်ရပ်များနှင့် စိတ်ခံစားမှုများ၏ လုံးဝ ထိန်းချုပ်ခြင်းနှင့် လွှမ်းမိုးခြင်းကို ခံရသည်။ ဤသည်မှာ လူ့သဘာဝနှင့်ဆိုင်သော ပြဿနာတစ်ခုမျှသာ မဟုတ်တော့ပေ၊ ၎င်းတို့၏ စိတ်ပိုင်းဆိုင်ရာ အခြေအနေသည် အနည်းငယ် ပြဿနာရှိနေသည်။ ၎င်းတို့၏ စိတ်ခံစားမှုများသည် ပုံမှန်မဟုတ်ဖြစ်လာသည်၊ ၎င်းတို့၏ နေ့စဉ်ဘဝ အခြေအနေများသည် ဖရိုဖရဲဖြစ်လာပြီး ၎င်းတို့သည် ၎င်းတို့၏ ဦးတည်ချက်ကို လုံးဝ ဆုံးရှုံးသွားကြသည်။ ၎င်းတို့၏ ဘဝတစ်ခုလုံးသည် ကြယ်ပွင့်များကို ကိုးကွယ်ခြင်းဖြင့်သာ ဖွဲ့စည်းထားသည်၊ ကြယ်ပွင့်များကို ကိုးကွယ်ခြင်းသည် ၎င်းတို့၏ တည်ရှိမှု လမ်းကြောင်းပေါ်တွင် တစ်ခုတည်းသော မရှိမဖြစ် လိုအပ်သည့် အရာဖြစ်သည်။ ၎င်းတို့ အသက်ရှင်ပြီး အသက်ရှူနေသရွေ့ ၎င်းတို့သည် ကြယ်ပွင့်များကို ကိုးကွယ်ခြင်းကို နှစ်သက်ကြပြီး နေ့စဉ် အချိန်ဖြုန်းရန် ယင်းအပေါ်တွင် မှီခိုကြသည်။ ၎င်းတို့သည် ကြယ်ပွင့်များကို မကိုးကွယ်ပါက ဘဝသည် အချည်းနှီးဖြစ်ပြီး အဓိပ္ပာယ်မရှိဟု ၎င်းတို့ ထင်ကြကာ ၎င်းတို့သည် မည်သည့် ပန်းတိုင် သို့မဟုတ် ဦးတည်ချက်မျှမရှိဘဲ အသက်ရှင်နေကြသည်ဟု ထင်လျက် ၎င်းတို့၏ စိတ်နှလုံးထဲတွင် လမ်းပျောက်နေသည်ဟု ခံစားကြရသည်။ ထို့ကြောင့် အခါအားလျော်စွာ ၎င်းတို့သည် ၎င်းတို့ နှစ်သက်သော ကျော်ကြားသူနှင့်ပတ်သက်သည့် နောက်ဆုံးရသတင်းများကို ရှာဖွေရန် အင်တာနက်ပေါ်သို့ သွားရမည်ဟု ခံစားကြရသည်၊ ၎င်းတို့ မည်သည့်အရာကို စားသောက်နေသည်၊ ၎င်းတို့၏ ဘဝသည် လက်ရှိတွင် မည်သည့် အခြေအနေ၌ ရှိနေသည်၊ ၎င်းတို့သည် ဖျော်ဖြေပွဲကို မည်သည့်အချိန်တွင် ပြုလုပ်မည်၊ ၎င်းတို့၏ လတ်တလောအဖြစ်ဆုံး ရုပ်ရှင် ဖျော်ဖြေတင်ဆက်မှုသည် မည်သို့ရှိသည်၊ ၎င်းတို့၏ အိမ်ထောင်ရေး အခြေအနေသည် မည်သို့ရှိသည်၊ ၎င်းတို့၏ မိသားစု အခြေအနေသည် မည်သို့ရှိသည်ဟူသည့် သတင်းများဖြစ်သည်။ အခါအားလျော်စွာ ၎င်းတို့သည် အချိန်ဖြုန်းရန်နှင့် ၎င်းတို့၏ အချည်းနှီးဖြစ်သော၊ ဦးတည်ချက်မရှိသော၊ ရှုပ်ထွေးနေသော ဘဝများကို ဖြည့်ဆည်းရန် ထိုသို့သော သတင်းအချက်အလက်များကို ရှာဖွေကြသည်။ ၎င်းတို့သည် ဤကျော်ကြားသူများ၏ လုံးဝ ထိန်းချုပ်ခြင်းကို ခံရသည် မဟုတ်လော။ ၎င်းတို့သည် ကြယ်ပွင့်များကို ကိုးကွယ်သည့် ဤစိတ်နေစိတ်ထား သို့မဟုတ် ခေတ်ရေစီးကြောင်း၏ ထိန်းချုပ်ခြင်းကို ခံရသည် မဟုတ်လော။ (ဟုတ်ပါသည်။) သို့ဆိုလျှင် ဤလူစားမျိုးတွင် အသိစိတ်နှင့် ဆင်ခြင်တုံတရား ရှိသေးသလော။ ၎င်းတို့သည် ရူးသွပ်နေကြသည်၊ ၎င်းတို့၏ စိတ်ပိုင်းဆိုင်ရာ အခြေအနေသည် ပုံမှန်မဟုတ် ဖြစ်လာသည်။ ဤသို့သော ပြင်ပ ခေတ်ရေစီးကြောင်း သို့မဟုတ် ဖြစ်စဉ်၏ အထင်အမြင်မှားစေခြင်းနှင့် နှောင့်ယှက်ခြင်းကို ခံရပြီးနောက် ၎င်းတို့သည် မိမိတို့၏ ဦးတည်ချက်ကို ဆုံးရှုံးသွားကြပြီး ၎င်းတို့ လုပ်ဆောင်နေသည့်အရာသည် မှန်သည်ဖြစ်စေ၊ မှားသည်ဖြစ်စေ မသိတော့ပေ၊ ၎င်းတို့အတွက် မည်သည့်အရာက ကောင်းသည် သို့မဟုတ် ဆိုးသည်ကို ၎င်းတို့ မသိကြပေ။ လူများက ၎င်းတို့ကို ဖျောင်းဖျရန် ကြိုးစားပါက ၎င်းတို့သည် ယင်းကို လုံးဝ လက်မခံနိုင် သို့မဟုတ် နားမလည်နိုင်ကြပေ။ ၎င်းတို့ ကိုးကွယ်သော ကြယ်ပွင့်၏ ဖျော်ဖြေပွဲသို့ တက်ရောက်ရန်အလို့ငှာ ၎င်းတို့သည် သုံးလမှ ငါးလစာ လုပ်အားခကို သုံးစွဲရန် လိုလားကြပြီး ၎င်းတို့သည် တန်ဖိုးရှိသော ပစ္စည်းအချို့ကိုပင် ပေါင်နှံကြသည် သို့မဟုတ် ငွေချေးကြကာ ၎င်းတို့ ပြန်လာပြီးနောက် မိမိတို့၏ အကြွေးများကို ပြန်ဆပ်ရသည်။ ၎င်းတို့သည် ကြယ်ပွင့်များကို ကိုးကွယ်ခြင်းဟူသည့် ၎င်းတို့၏ ပန်းတိုင်ကို ဖြစ်မြောက်အောင်မြင်ရန်အတွက်သာ ဤကဲ့သို့သော အဖိုးအခကို ပေးဆပ်ကြသည်။ ဤလူစားမျိုးသည် ပုံမှန်ဖြစ်သလော။ (မဟုတ်ပါ။) ၎င်းတို့ ရောက်ရှိနေသော စွဲလမ်းမှု အဆင့်နှင့် မိမိကိုယ်ကို ထိန်းချုပ်နိုင်စွမ်း ကင်းမဲ့မှုတို့မှ အကဲဖြတ်ရလျှင် ထိုသို့သော လူများသည် အသိစိတ်နှင့် ဆင်ခြင်တုံတရား အားလုံးကို ဆုံးရှုံးသွားခဲ့ပြီဖြစ်ပြီး မိမိတို့ကိုယ်ကို မထိန်းချုပ်နိုင်တော့ပေ၊ ကြယ်ပွင့်များကို ကိုးကွယ်ခြင်းအတွက် ၎င်းတို့ ငွေမည်မျှ သုံးစွဲသည်နှင့် ၎င်းတို့ ခရီးမည်မျှ ဝေးဝေးသွားသည်ကို ၎င်းတို့ လုံးဝ ဂရုမစိုက်ကြပေ။ ထို့ကြောင့် ဤသရုပ်သကန်များမှ အကဲဖြတ်ရလျှင် ၎င်းတို့ကို ပုံမှန်လူများအဖြစ် အမျိုးအစားခွဲခြားရန် အလွန် ခက်ခဲသည်။ ၎င်းတို့၏ လူ့သဘာဝတွင် ပြဿနာတစ်ခု ရှိသည်ဟု ဆိုရမည်၊ ၎င်းတို့သည် ၎င်းတို့၏ ဆင်ခြင်တုံတရားကို ဆုံးရှုံးသွားကြပြီ ဖြစ်သည်။ သို့ဆိုလျှင် ၎င်းတို့၏ အသိစိတ်သည် အလုပ်လုပ်သေးသလော။ ၎င်းတို့တွင် အသိစိတ် ရှိသေးသလော။ (မရှိပါ။) သို့ဆိုလျှင် ၎င်းတို့သည် မည်သည့် လူစားမျိုး ဖြစ်သနည်း။ ၎င်းတို့တွင် အသိစိတ်ရော၊ ဆင်ခြင်တုံတရားပါ မရှိပေ၊ ၎င်းတို့၏ လူ့သဘာဝသည် အနှစ်သာရမဲ့သော အခွံတစ်ခုမျှသာ ဖြစ်သွားပြီ ဖြစ်သည်။ ပုံမှန် လူ့သဘာဝ၏ လက်တွေ့ဘဝသည် ၎င်းတို့နှင့် တိုး၍ ဝေးကွာလာခဲ့ပြီ ဖြစ်သည်။ ၎င်းတို့အတွက် လက်တွေ့ဘဝတွင် ပေါင်းစည်းရန် အလွန် ခက်ခဲပြီး ၎င်းတို့အတွက် ၎င်းတို့၏ စိတ်ကို ငြိမ်သက်စေရန်နှင့် လက်တွေ့ဘဝ၏ ပုံမှန် ကိစ္စရပ်များတွင် ပါဝင်လုပ်ဆောင်ရန် အလွန် ခက်ခဲသည်။ ၎င်းတို့၏ ဘဝများတွင် ကြယ်ပွင့်များကို ကိုးကွယ်ခြင်းဟူသည့် ကိစ္စရပ် တစ်ခုတည်းသာ ရှိသည်။ သို့ဆိုလျှင် ၎င်းတို့၏ ဝိညာဉ်ရေးရာ ကမ္ဘာသည် ကြယ်ပွင့်များကို ကိုးကွယ်ခြင်း ကိစ္စရပ်၏ ထိန်းချုပ်ခြင်းကို ခံရသည် မဟုတ်လော။ (ဟုတ်ပါသည်။) ထိုသို့သော လူတစ်ဦးသည် အပြင်ပန်းမှကြည့်လျှင် လူတစ်ဦးနှင့် တူသော်လည်း အနှစ်သာရအားဖြင့် ထိုသူသည် အနှစ်သာရမဲ့သော အခွံတစ်ခုမျှသာ ဖြစ်မသွားပြီလော။ (ဟုတ်ပါသည်။) အနှစ်သာရမဲ့သော အခွံများအဖြစ် ကျန်ရစ်သူများသည် မည်သည့် လူစားမျိုး ဖြစ်သနည်း။ (လမ်းလျှောက်နေသော အလောင်းကောင်များ ဖြစ်ပါသည်။) မှန်ပေသည်၊ လမ်းလျှောက်နေသော အလောင်းကောင်များ ဖြစ်သည်။ ၎င်းတို့တွင် ယုံကြည်ခြင်း ရှိသလော။ (မရှိပါ။) ၎င်းတို့တွင် အပြုသဘောဆောင်သော လိုက်စားမှု တစ်ခုတလေ ရှိသလော။ (မရှိပါ။) အပြုသဘောဆောင်သောအရာများသည် အဘယ်အရာဖြစ်ပြီး အပျက်သဘောဆောင်သောအရာများသည် အဘယ်အရာဖြစ်သည်၊ တရားမျှတသောအရာသည် အဘယ်အရာဖြစ်ပြီး ကောက်ကျစ်ဆိုးယုတ်သော အရာသည် အဘယ်အရာဖြစ်သည်ကို ၎င်းတို့ နားလည်သလော။ (နားမလည်ပါ။) ၎င်းတို့ နားမလည်ကြောင်းကို မည်သို့ မြင်တွေ့နိုင်သနည်း။ လက်ရှိတွင် စင်မြင့်ပေါ်ရှိ နာမည်ကြီး အဆိုတော်များသည် တိုး၍ မလုံမခြုံဖြစ်ပြီး ဆွဲဆောင်မှုရှိသော ဝတ်စုံများကို ဝတ်ဆင်လာကြကာ တိုး၍ ကောက်ကျစ်ဆိုးယုတ်သော လှုပ်ရှားမှုများကို ဖျော်ဖြေတင်ဆက်လာကြသည်။ ဤကြယ်ပွင့်များကို ကိုးကွယ်သော ပရိသတ်များသည် ဤအရာကို ကြည့်ရှုစဉ်တွင် တိုး၍ စိတ်အားထက်သန်လာသည်၊ ကျေနပ်လာပြီး မူးယစ်လာသည်ဟု ခံစားကြရသည်။ အထူးသဖြင့် ခေတ်ပေါ် အဆိုတော်တစ်ဦးသည် အနည်းငယ် စိတ်လှုပ်ရှားလာပြီး သူ၏ အဝတ်အစားများကို ချွတ်ကာ ပရိသတ်များထံသို့ ပစ်ပေါက်လိုက်သောအခါ လူအုပ်ထဲရှိ လူများသည် လုံးဝ ရူးသွပ်သွားကြသည်။ အချို့က အလွန် စိတ်လှုပ်ရှားသွားကြသဖြင့် နှလုံးရပ်သွားပြီးနောက် သတိလစ်သွားကြသည်။ ကြယ်ပွင့်များကို ကိုးကွယ်ခြင်း၏ မြင်ကွင်းများသည် အမှန်တကယ်တွင် ဤမျှ ပြင်းထန်သည်။ တစ်ခါတစ်ရံတွင် လူအုပ်စု ရုန်းရင်းဆန်ခတ်ဖြစ်မှုများပင် ဖြစ်ပွားတတ်ပြီး ကယ်ဆယ်ရေး ကြိုးပမ်းမှုများ ကျရှုံးသောအခါ အချို့လူများသည် ဒဏ်ရာရပြီး ၎င်းတို့၏ အသက်များကို ဆုံးရှုံးကြရသည်။ ဤအရာအားလုံးသည် ကြယ်ပွင့်များကို ကိုးကွယ်ခြင်းကြောင့် ဖြစ်ရသော အဖြစ်ဆိုးများ ဖြစ်သည်။ ကြယ်ပွင့်တစ်ဦးကို ကိုးကွယ်ခြင်း၏ ရလဒ်အနေဖြင့် ဒဏ်ရာရခြင်းနှင့် မိမိ၏ အသက်ကို ဆုံးရှုံးခြင်း၊ ငါ့ကို ပြောလော့၊ ထိုသို့သော အသက်သည် တန်ဖိုးမရှိသည် မဟုတ်လော။ ယင်းမှာ တန်ဖိုးရှိသလော။ ၎င်းတို့၏ စိတ်ခံစားမှုများ၊ ၎င်းတို့ နှစ်သက်သောအရာများနှင့် ၎င်းတို့ကို အော်ဟစ်ရန် လုံလောက်အောင် စိတ်လှုပ်ရှားစေသည့် မြင်ကွင်းများမှ အကဲဖြတ်ရလျှင် ဤလူများသည် အရှက်ကို သိကြသလော။ အပြုသဘောဆောင်ပြီး တရားမျှတသော အရာများသည် အဘယ်အရာဖြစ်ပြီး ကောက်ကျစ်ဆိုးယုတ်သော အရာများသည် အဘယ်အရာဖြစ်သည်ကို ၎င်းတို့ သိကြသလော။ (မသိပါ။) ၎င်းတို့ မသိကြပေ။ ပုံမှန်လူများသည် ဤမြင်ကွင်းများကို မြင်ပြီး အော်ဂလီဆန်ကြသည်။ “လောကကြီးသည် မည်သို့ ဤမျှ ဆိုးယုတ်လာရသနည်း။ ဤသည်မှာ အလွန် ဆိုးယုတ်သည်” ဟူ၍ ဖြစ်လေသည်။ သို့သော် ကြယ်ပွင့်များကို ကိုးကွယ်သော ဤလူများသည် ဤမြင်ကွင်းများကို မြင်ပြီး ပျော်ရွှင်သည်၊ ဂုဏ်ယူသည်၊ ကျေနပ်သည်၊ ပြီးလျှင် တင်းတိမ်ရောင့်ရဲသည်ဟု ခံစားကြရကာ ၎င်းတို့သည် ယခု ဤဘဝတွင် နောင်တမရှိတော့ဟု ယုံကြည်ကြပြီး ဤမြင်ကွင်းများအတွက် ၎င်းတို့ အော်ဟစ်ပြီး အားပေးကြသည်။ ဤအရာက ၎င်းတို့၏ ဝိညာဉ်များ နက်ရှိုင်းရာတွင် ကောက်ကျစ်ဆိုးယုတ်သောအရာများသည် အဘယ်အရာ ဖြစ်သည်၊ တရားမျှတသောအရာများသည် အဘယ်အရာဖြစ်သည်၊ အပြုသဘောဆောင်သောအရာများသည် အဘယ်အရာဖြစ်သည် သို့မဟုတ် အပျက်သဘောဆောင်သောအရာများသည် အဘယ်အရာဖြစ်သည်ကို ၎င်းတို့ မသိကြောင်း ပြသနေသည်။ အဆိုတော်များ သို့မဟုတ် သရုပ်ဆောင်များ၏ အမျိုးသမီး ပရိသတ်အချို့သည် ၎င်းတို့ အနှစ်သက်ဆုံး အမျိုးသား ကြယ်ပွင့်ကို သူ၏ နေအိမ်အထိပင် လိုက်လံရှာဖွေကြပြီး ၎င်းတို့ကိုယ်တိုင် သူ့ထံ မိမိကိုယ်ကို ပေးအပ်ရန် အသင့်ဖြစ်နေကြသည်။ ကြယ်ပွင့်က ငြင်းပယ်သောအခါ ၎င်းတို့သည် ဒေါသထွက်လာပြီး ကြယ်ပွင့်ကို သတ္တိကြောင်သူဟုပင် ခေါ်ဆိုကြသည်။ ထိုသို့သော လူများတွင် ရှက်စိတ် တစ်စက်မျှပင် ရှိသေးသလော။ “ရှက်စိတ်” ဟူသော စကားလုံးများ၏ အဓိပ္ပာယ်ကို ၎င်းတို့ နားလည်သလော။ အပြုသဘောဆောင်သော အရာများသည် အဘယ်အရာဖြစ်ပြီး အပျက်သဘောဆောင်သော အရာများသည် အဘယ်အရာဖြစ်သည်ကို ၎င်းတို့ နားလည်သလော။ (၎င်းတို့ နားမလည်ပါ။) ၎င်းတို့သည် “ရှက်စိတ်” ဟူသော စကားလုံးများကိုပင် နားမလည်ကြပေ။ ကြယ်ပွင့်က ငြင်းပယ်သောအခါ ၎င်းတို့သည် သူ့ကို စော်ကားကြသေးသည်။ ၎င်းတို့သည် လူသားများပင် ဖြစ်သေးသလော။ ၎င်းတို့သည် လူ့သဘာဝအတွင်း တစ်စုံတစ်ရာ ချို့တဲ့နေခြင်း မဟုတ်ပေ၊ ၎င်းတို့သည် စိတ်ပိုင်းဆိုင်ရာ ဖောက်ပြန်နေကြသည်၊ ညစ်ညူးသော ဝိညာဉ်များနှင့် ဝိညာဉ်ဆိုးများ ဖြစ်ကြလေသည်။

အမျိုးမျိုးသော လူအုပ်စုများအလယ်တွင် ကြယ်ပွင့်များကို ကိုးကွယ်ရန် စွဲလမ်းနေသော လူတစ်စု အစဉ်သဖြင့်ရှိလေသည်။ ထိုသို့သောလူများသည် တိတိကျကျပြောရလျှင် လမ်းလျှောက်နေသော အလောင်းကောင်များဖြစ်ပြီး အသေးစိတ်ပြောရပါက ၎င်းတို့သည် လူမဟုတ်သူများ ဖြစ်ကြသည်။ ၎င်းတို့သည် စင်မြင့်နှင့် ဖန်သားပြင်များပေါ်တွင် မကြာခဏ ပေါ်လာသော ကြယ်ပွင့်များနောက် လိုက်ရမည့်အရာအဖြစ် သတ်မှတ်ကြပြီး ထိုသို့လုပ်ဆောင်ခြင်းကို တရားဝင် အလုပ်အကိုင်တစ်ခုအဖြစ်ပင် ယူဆကြသည်။ ၎င်းတို့သည် ဤနည်းလမ်းမျိုးဖြင့် မိမိတို့၏ ဘဝများကို အချိန်ဖြုန်းတီးကြသည်။ လူ့အဖွဲ့အစည်း တစ်ခုလုံးတွင် ဤလူစားမျိုးသည် အထူးအုပ်စုတစ်ခုဖြစ်ပြီး သင့်လျော်သော အလုပ်ကိစ္စရပ်များတွင် ပါဝင်လုပ်ဆောင်ခြင်းမရှိသော လူ့အဖွဲ့အစည်း၏ အောက်ခြေရှိသူများနှင့် အနည်းနှင့်အများဆိုသလို တူညီကြကာ ၎င်းတို့အားလုံးသည် အညစ်အကြေးများဖြစ်ပြီး တန်ဖိုးမရှိကြကြောင်း ပြောရမည်ဖြစ်သည်။ ၎င်းတို့တွင် ယုံကြည်ခြင်း မရှိကြ၊ အပြုသဘောဆောင်သော လိုက်စားမှုများ မရှိကြသည့်အပြင် ၎င်းတို့၏ လူ့သဘာဝတွင် အပြုသဘောဆောင်သော လိုအပ်ချက်များ၊ အပြုသဘောဆောင်သော မျှော်လင့်ချက်များ သို့မဟုတ် အပြုသဘောဆောင်သောအရာ တစ်ခုတလေမျှ မပိုင်ဆိုင်ကြပေ။ အနုပညာလောကသည် မည်မျှပင် ကောက်ကျစ်ဆိုးယုတ်သည်ဖြစ်စေ၊ မည်မျှပင် မှောင်မိုက်သည်ဖြစ်စေ ၎င်းတို့ ဂရုမစိုက်ဘဲ သို့မဟုတ် ရွံရှာဖွယ်ကောင်းသည်ဟု မမြင်ဘဲ ယင်းကို လက်ခံပြီး အသိအမှတ်ပြုကြသည့်အပြင် ယင်းကို စိတ်အားထက်သန်စွာ လိုက်ကြသည်။ ဤသူများသည် မည်သည့် လူစားမျိုးများ ဖြစ်ကြသနည်း။ ၎င်းတို့သည် အညစ်အကြေးများဖြစ်သည်ဟု ဆိုနိုင်ပေသည်။ ဝိညာဉ်ရေးရာနယ်ပယ်၏ ရှုထောင့်မှကြည့်လျှင် ဤလူစားမျိုးသည် ညစ်ညူးသော မကောင်းဆိုးဝါးများနှင့် ဝိညာဉ်ဆိုးများ ဖြစ်ကြသည်။ ညစ်ညူးသော ဝိညာဉ်များနှင့် ဝိညာဉ်ဆိုးများသည် လူအဖြစ် ဝင်စားသောအခါ ၎င်းတို့သည်လည်း ပုံမှန်လူများကဲ့သို့ စားသောက်ပြီး အမှုအရာများကို လုပ်ဆောင်ရသော်လည်း ၎င်းတို့သည် သင့်လျော်သော အလုပ်ကိစ္စရပ်များတွင် ပါဝင်လုပ်ဆောင်ခြင်း သို့မဟုတ် သမ္မာတရားကို အနည်းငယ်မျှ လက်ခံခြင်းမရှိဘဲ အပျော်အပါးရှာရန် ၎င်းတို့နှင့် အမျိုးအစားတူသူများကို ရှာဖွေဖို့သာ နှစ်သက်ကြပြီး သေမည့်အချိန်ကို စောင့်ဆိုင်းရင်း အလေလိုက်ကြသည်။ ၎င်းတို့သည် အနုပညာလုပ်ငန်းတွင် မပါဝင်နိုင်ပါက ၎င်းတို့၏ လိုအပ်ချက်များကို ဖြည့်ဆည်းရန် ထိုလုပ်ငန်းထဲရှိ လူများနောက်သို့ လိုက်ကြပြီး ယင်းအတွင်းရှိ အမျိုးမျိုးသော ဆိုးယုတ်သော ခေတ်ရေစီးကြောင်းများနောက်သို့ လိုက်ကြသည်။ ထို့ကြောင့် ဤလူများသည် မည်သည့်အရာကို ကျွမ်းကျင်သည်ဖြစ်စေ ၎င်းတို့တွင် ထိုသို့သော လိုက်စားမှုများရှိပြီး လူ့အဖွဲ့အစည်းတွင် ထိုသို့သော လမ်းကြောင်းနှင့် ထိုသို့သော နေထိုင်မှုပုံစံကို ရွေးချယ်သည်ဟူသော အချက်ကပင် ၎င်းတို့သည် လူကောင်းများ သို့မဟုတ် ကယ်တင်ခြင်းရရှိနိုင်သော လူများမဟုတ်ကြောင်း ပြသနေသည်။ ထိုသို့သောလူများသည် ကယ်တင်ခြင်းမရရှိနိုင်ဟု ငါပြောရသည့် အကြောင်းရင်းမှာ ၎င်းတို့၏ လူ့သဘာဝအတွင်း၌ “ဟာလာဟင်းလင်းဖြစ်မှု” တစ်ခု ရှိနေသောကြောင့် အတိအကျပင်ဖြစ်သည်။ ဤ “ဟာလာဟင်းလင်းဖြစ်မှု” ကို ကိုးကားသည့်သင်္ကေတများအတွင်း ထည့်ထားရမည်ဖြစ်သည်။ အဘယ်ကြောင့်နည်း။ အကြောင်းမှာ ၎င်းတို့၏ လူ့သဘာဝသည် အပြုသဘောဆောင်သောအရာများကို မပိုင်ဆိုင်ဘဲ ထိုအစား ညစ်ညူးသော မကောင်းဆိုးဝါးများနှင့် ဝိညာဉ်ဆိုးများ ပိုင်ဆိုင်သည့် အရာအားလုံးဖြစ်သော ဆိုးယုတ်မှုကို လိုက်လျှောက်ခြင်း၊ ဆိုးယုတ်မှုကို ရိုသေလေးမြတ်ခြင်း၊ မှောင်မိုက်ကို လိုက်လျှောက်ခြင်းနှင့် မှောင်မိုက်ကို ရိုသေလေးမြတ်ခြင်းတို့ကို ပိုင်ဆိုင်သောကြောင့် ဖြစ်သည်။ ၎င်းတို့သည် ဤဆိုးယုတ်သော လူ့အဖွဲ့အစည်းတစ်ခုလုံးရှိ ဆိုးယုတ်သော ခေတ်ရေစီးကြောင်းများ၏ ရှေ့တန်းမှ နောက်လိုက်များဖြစ်သည့်အပြင် ဤခေတ်ရေစီးကြောင်းများကို လက်ဆင့်ကမ်းသူများလည်း ဖြစ်ကြသည်။ အနုပညာလောကမှ အမျိုးမျိုးသော ကောက်ကျစ်ဆိုးယုတ်သည့် မှားယွင်းပြီး အဓိပ္ပာယ်မဲ့သောအရာများနှင့် အမျိုးမျိုးသော လွဲချော်သည့် အတွေးများနှင့် အမြင်များကို ကွန်ပျူတာများ၊ ရုပ်မြင်သံကြားများ၊ မဂ္ဂဇင်းများ၊ သတင်းစာများ၊ ရုပ်ရှင်နှင့် ရုပ်မြင်သံကြား ဇာတ်ကားများအပြင် အခြားသော ပုံစံများမှတစ်ဆင့် အများပြည်သူထံသို့ လက်ဆင့်ကမ်းပြီးနောက် ၎င်းတို့သည် လူတို့အကြား တဖြည်းဖြည်း ပျံ့နှံ့သွားပြီး ကျယ်ကျယ်ပြန့်ပြန့် ဖြန့်ဝေခြင်းခံရသည်။ ဤလူများအလယ်တွင် အမျိုးမျိုးသော ရုပ်ရှင်၊ ရုပ်မြင်သံကြား ဇာတ်ကားများနှင့် အနုပညာလက်ရာများ၌ တွေ့ရသည့် ကောက်ကျစ်ဆိုးယုတ်သော အတွေးများ သို့မဟုတ် ဆိုးယုတ်သော ခေတ်ရေစီးကြောင်းများနှင့် လုပ်ပုံကိုင်ပုံများကို ဖြန့်ဝေရာတွင် ရှေ့ဆောင်လမ်းပြများမှာ ဤကြယ်ပွင့်များကို ကိုးကွယ်သူများ အတိအကျပင် ဖြစ်သည်။ ၎င်းတို့သည် အမျိုးမျိုးသော ကောက်ကျစ်ဆိုးယုတ်သည့် အတွေးများနှင့် အမျိုးမျိုးသော လွဲချော်သည့် အတွေးများနှင့် အမြင်များကို လက်ဆင့်ကမ်းပေးသော ပထမဆုံးအဆင့် လက်ဆင့်ကမ်းသူများ ဖြစ်ကြသည်။ ၎င်းတို့၏ နှုတ်မှတစ်ဆင့် ပြောဆိုခြင်းအားဖြင့်လည်းကောင်း၊ ၎င်းတို့၏ ခိုင်လုံသော လုပ်ရပ်များနှင့် သရုပ်သကန်များအားဖြင့်လည်းကောင်း အများပြည်သူသည် အမျိုးမျိုးသော ကောက်ကျစ်ဆိုးယုတ်သည့် အတွေးများနှင့် ဆိုးယုတ်သော ခေတ်ရေစီးကြောင်းများကို တဖြည်းဖြည်း အသိအမှတ်ပြုပြီး လက်ခံလာကြသည်။ ထို့နောက် ၎င်းတို့သည် ယင်းတို့၏ လွှမ်းမိုးခြင်းနှင့် စိမ့်ဝင်ခြင်းကို နည်းနည်းချင်းစီ ခံရလေသည်။ အဆုံးတွင် ဤအရာက ဆိုးယုတ်သော ခေတ်ရေစီးကြောင်းများ၊ ကောက်ကျစ်ဆိုးယုတ်သော အတွေးများနှင့် လွဲချော်သည့် အတွေးများနှင့် အမြင်များကို အမျိုးမျိုးသော လူမှုရေးစနစ်များအောက်နှင့် အမျိုးမျိုးသော လူအုပ်စုများအလယ်တွင် တဖြည်းဖြည်း ခြေကုပ်ရယူပြီး ပုံပေါ်လာစေသည်။ အတိတ်ကို ပြန်ကြည့်လျှင် အိမ်ထောင်ရေးနှင့်ပတ်သက်၍ လူတို့သည် အိမ်ထောင်ပြုရမည့် အရွယ်သို့ ရောက်သောအခါ ၎င်းတို့ကို အောင်သွယ်တော်က မိတ်ဆက်ပေးပြီး စီစဉ်ပေးခဲ့သည်။ အိမ်ထောင်ရေးသည် မိဘနှစ်ပါးစလုံး၏ သဘောတူညီချက်ကိုလည်း လိုအပ်ပြီး ထိုနောက်တွင် နေ့ရက်ကို သတ်မှတ်ကာ စုံတွဲသည် မင်္ဂလာခန်းမထဲသို့ ဝင်ရောက်ခဲ့ကြသည်။ အတိတ်၏ လူမှုရေး နောက်ခံအခြေအနေတွင် လူအများစုသည် အမျိုးသားနှင့် အမျိုးသမီးကြား အိမ်ထောင်ရေးနှင့်ပတ်သက်လာသောအခါ လေးစားမှုနှင့် သတိထားမှုကို ပြသခဲ့ကြသည်။ ၎င်းတို့သည် အိမ်ထောင်ရေးကို အဓိက အဖြစ်အပျက်တစ်ခုအဖြစ် သတ်မှတ်ခဲ့ကြပြီး ယင်းကို လေးနက်မှုနှင့် အလေးအနက်ထားမှုတို့ဖြင့် သဘောထားနိုင်ခဲ့ကြသည်။ အထူးသဖြင့် မိမိတို့၏ သားသမီးများနှင့်ပတ်သက်၍ ကာမဂုဏ်မလိုက်စားရန်၊ သွေးသားရင်းချာချင်း စပ်ယှက်မှု မကျူးလွန်ရန်နှင့် တရားမဝင် လိင်ပိုင်းဆိုင်ရာ ဆက်ဆံမှုများတွင် မပါဝင်ရန် ၎င်းတို့က တောင်းဆိုခဲ့ကြပြီး ဤတောင်းဆိုချက်များကို လိုက်နာရမည်ဖြစ်သည်။ အနည်းဆုံးအနေဖြင့် လူအများစု၏ စိတ်နှလုံးထဲတွင် ဤအယူအဆ ရှိခဲ့ကြသည်။ ဤနည်းအားဖြင့် ၎င်းတို့၏ လူ့သဘာဝနှင့်ဆိုင်သော အသိစိတ်၏ ချုပ်တည်းမှုအောက်တွင် လူများစွာတို့သည် တရားမဝင် လိင်ပိုင်းဆိုင်ရာ ဆက်ဆံမှုများတွင် ပါဝင်ခြင်းနှင့် အပျော်အပါး လိုက်စားခြင်းဟူသည့် ဒုစရိုက်အမှုများကို ရှောင်ကြဉ်ခဲ့ကြပြီး ယင်းက အတိုင်းအတာတစ်ခုအထိ အမျိုးသားများနှင့် အမျိုးသမီးများ နှစ်ဦးစလုံးကို ကာကွယ်ပေးခဲ့သည်။ မှန်ပေသည်၊ ယင်းသည် လူမှုရေး ပတ်ဝန်းကျင်အပေါ် အချို့သော အပြုသဘောဆောင်သည့် အကျိုးသက်ရောက်မှုနှင့် လွှမ်းမိုးမှုလည်း ရှိခဲ့သည်။ သို့သော် ခေတ်ကာလ၏ တိုးတက်မှုနှင့် အမျိုးမျိုးသော အနုပညာလက်ရာများ ပေါ်ထွက်လာခြင်းနှင့်အတူ လိင်ပိုင်းဆိုင်ရာ လွတ်လပ်ခွင့်၊ အိမ်ထောင်ရေး လွတ်လပ်ခွင့် စသည်တို့ကို အားပေးထောက်ခံသည့် အမျိုးမျိုးသော အတွေးများနှင့် အမြင်များသည် အဆက်မပြတ် ပေါ်ပေါက်လာခဲ့သည်။ အကြောင်းရင်းတစ်ခုမှာ ယင်းတို့ကို အချို့သော ပုဂ္ဂိုလ်များက အားပေးထောက်ခံကြခြင်းဖြစ်ပြီး ထို့အပြင် လူ့အဖွဲ့အစည်းက အမျိုးမျိုးသော အနုပညာပုံစံများဖြင့် တင်ဆက်မှုများနှင့် ဖျော်ဖြေမှုများမှတစ်ဆင့် ယင်းတို့ကို နောက်တစ်ဆင့်အဖြစ် မြှင့်တင်ကာ ကျယ်ကျယ်ပြန့်ပြန့် ဖြန့်ဝေကြသည်။ ဤအတွေးများကို ကြယ်ပွင့်များကို ကိုးကွယ်သူ တစ်စုက ပထမဆုံး အသိအမှတ်ပြုပြီး လက်ခံကြသည်၊ ဆိုလိုသည်မှာ ယင်းတို့အတွက် ပထမဆုံး ပရိသတ်မှာ ဤကြယ်ပွင့်များကို ကိုးကွယ်သူများ ဖြစ်ကြသည်။ ဤလူများသည် ကြယ်ပွင့်များကို ကိုးကွယ်ကြသောကြောင့် စင်မြင့်ပေါ်တွင်၊ ဖန်သားပြင်ပေါ်တွင် သို့မဟုတ် အချို့သော အနုပညာပုံစံများတွင် ကြယ်ပွင့်များက အားပေးထောက်ခံသည့် ဤအတွေးများကို ၎င်းတို့က အလျင်အမြန် လက်ခံပြီး အသိအမှတ်ပြုကြသည်။ ယင်းတို့ကို ပြင်းပြင်းထန်ထန် အသိအမှတ်ပြုပြီးနောက် ၎င်းတို့သည် နေ့စဉ်ဘဝတွင် ၎င်းတို့၏ သားသမီးများအပြင် ၎င်းတို့၏ ပတ်ဝန်းကျင်ရှိ လူများကိုပါ လွှမ်းမိုးကြသည်။ ဤနည်းအားဖြင့် လူတစ်ဦးက ဤအတွေးများကို လူဆယ်ဦးထံသို့ လက်ဆင့်ကမ်းပြီး လူဆယ်ဦးက ယင်းတို့ကို လူတစ်ရာထံသို့ လက်ဆင့်ကမ်းကာ လူတစ်ရာက ယင်းတို့ကို လူတစ်ထောင်ထံသို့ လက်ဆင့်ကမ်းပြီး လူတစ်ထောင်က ယင်းတို့ကို လူတစ်သောင်းထံသို့ လက်ဆင့်ကမ်းကြသဖြင့် ဤအတွေးများသည် သေးငယ်သော နယ်ပယ်တစ်ခုမှ ပို၍ ကျယ်ပြန့်သော နယ်ပယ်တစ်ခုဆီသို့ ပျံ့နှံ့သွားလေသည်။ နောက်ထပ် တစ်နှစ် သို့မဟုတ် နှစ်နှစ်အတွင်း လူတို့သည် ဤစိတ်ကူးများကို ထုတ်ဖော်ပြောဆိုကြပြီး ငါးနှစ် သို့မဟုတ် ဆယ်နှစ် ကြာပြီးနောက်တွင်လည်း ၎င်းတို့ကို ထုတ်ဖော်ပြောဆိုကြဆဲဖြစ်သည်။ အနှစ်နှစ်ဆယ် သို့မဟုတ် သုံးဆယ်ကြာပြီးနောက် ထိုသို့သော ကောက်ကျစ်ဆိုးယုတ်သည့် အတွေးများသည် လူတို့အကြား တိုး၍ ပုံပေါ်လာပြီး ယင်းတို့သည် လူ့အဖွဲ့အစည်း၏ ထောင့်တိုင်းဆီသို့ တိုး၍ ကျယ်ကျယ်ပြန့်ပြန့် ဖြန့်ဝေခြင်းခံရကာ လူတိုင်း၏ စိတ်နှလုံးထဲသို့ တိုး၍ နက်ရှိုင်းစွာ သွတ်သွင်းခြင်း ခံရလေသည်။ ထို့နောက် ဤကောက်ကျစ်ဆိုးယုတ်သော အတွေးများနှင့် ဆိုးယုတ်သော ခေတ်ရေစီးကြောင်းများကို လူတို့၏ အသိအမှတ်ပြုခြင်းကို တဖြည်းဖြည်း ခံလာကြရပြီး အများပြည်သူက လက်ခံခြင်းကို တဖြည်းဖြည်း ရရှိကာ လူတို့သည် အိမ်ထောင်ရေးနှင့် အမျိုးသားနှင့် အမျိုးသမီးကြား ကိစ္စရပ်များနှင့်ပတ်သက်၍ တိုး၍ စိတ်တိုင်းကျပြုမူလာကြသည်၊ ကာမဂုဏ်လိုက်စားလာကြပြီး ချုပ်တည်းမှုကင်းမဲ့လာကြသည်။ လူတို့က ဤသည်မှာ ပွင့်လင်းသော စိတ်သဘောထားရှိခြင်းနှင့် ကျယ်ပြန့်သော အမြင်ရှိခြင်းဖြစ်သည်ဟု ယုံကြည်ကြပြီး ဤသည်မှာ ရင့်ကျက်သော လူ့သဘာဝ၏ လက္ခဏာတစ်ခုဖြစ်သည်ဟု ယုံကြည်ကြကာ အပျက်သဘောဆောင်သောအရာများကို အပြုသဘောဆောင်ပြီး တရားဝင်ဖြစ်သည့်အလား ပြောဆိုကြသည်။ ဤအချိန်ရောက်သောအခါ လူ့အဖွဲ့အစည်း တစ်ခုလုံး၏ ဆိုးယုတ်သော ခေတ်ရေစီးကြောင်းများသည် အရှိန်အဟုန်ဖြင့် မြင့်တက်လာခဲ့သည်၊ အသာစီးရလာခဲ့ပြီး ပင်မရေစီးကြောင်း ဖြစ်လာခဲ့သည်။ လူအများစုတွင် အမျိုးသားနှင့် အမျိုးသမီးကြား အိမ်ထောင်ရေးနှင့် လိင်နှစ်မျိုးကြား ဆက်ဆံရေးများနှင့် စပ်လျဉ်း၍ မှန်ကန်သော အတွေးများနှင့် အမြင်များ မရှိကြတော့ဘဲ ဤအရာများသည် အရေးကြီးသောကိစ္စမဟုတ်ဟု ၎င်းတို့ ခံစားကြရသည်။ အထူးသဖြင့် လိင်တူချစ်သူဖြစ်ခြင်းသည် တိုး၍ အဖြစ်များလာသည်၊ ထို့အပြင် အိမ်ထောင်ပြင်ပ ဖောက်ပြန်မှုများသည် တိုး၍ အဖြစ်များလာပြီး ထိုသို့ဖြင့် ကွာရှင်းပြတ်စဲမှုနှုန်းသည် တိုး၍ မြင့်တက်လာခဲ့သည်။ ပို၍များသော ကလေးများသည်လည်း ဖခင်နှင့် မိခင်၏ မေတ္တာကို ဆုံးရှုံးခဲ့ကြရပြီး မိဘတစ်ဦးတည်းရှိသော အိမ်ထောင်စုတွင်ဖြစ်စေ၊ ပထွေး သို့မဟုတ် မိထွေးရှိသော အိမ်ထောင်စုတွင်ဖြစ်စေ နေထိုင်ကြရသည်။ လူများစွာတို့သည် အိမ်ထောင်မပြုမီ ဆန့်ကျင်ဘက်လိင် အဖော်တစ်ဦးရှိကြပြီး ဤသည်ကို ရှက်ဖွယ်ကောင်းသည်ဟု မမြင်ကြဘဲ ယင်းမှာ ပုံမှန် ဖြစ်သည်ဟုလည်းကောင်း၊ လူ့အဖွဲ့အစည်းသည် ဤသို့ပင် ဖြစ်သည်ဟုလည်းကောင်း၊ ယင်းမှာ အရေးကြီးသောကိစ္စ မဟုတ်ဟုလည်းကောင်း ထင်ကြသည်။ အချိန်တိုင်းတွင် ကောက်ကျစ်ဆိုးယုတ်မှုသည် ထာဝရ ကောက်ကျစ်ဆိုးယုတ်မှုဖြစ်ပြီး အပြုသဘောဆောင်သောအရာများသည် ထာဝရ အပြုသဘောဆောင်ကြသည်။ ယင်းမှာ အရေးကြီးသောကိစ္စမဟုတ်ဟု သင်ထင်လျှင်ပင် ထိုသို့ဖြစ်ရခြင်းမှာ ဤဆိုးယုတ်သော ခေတ်ရေစီးကြောင်းနှင့် ဤလူ့အဖွဲ့အစည်း၏ ယိုယွင်းပျက်စီးမှုကြောင့်ဖြစ်သည်၊ ယင်းမှာ လူသားများသည် စာတန်၏ ဖောက်ပြန်ပျက်စီးစေခြင်းကို ခံရပြီး ကောက်ကျစ်ဆိုးယုတ်သော အတွေးများနှင့် ဆိုးယုတ်သော ခေတ်ရေစီးကြောင်းများ သွတ်သွင်းခံရကာ ပြည့်နှက်နေခြင်းကြောင့် ဖြစ်သည်။ အပြုသဘောဆောင်သောအရာများကို အပျက်သဘောဆောင်သည်ဟု ခေါ်ဆိုနိုင်ခြင်း မဟုတ်သည့်အပြင် ယနေ့ခေတ်တွင် အပျက်သဘောဆောင်သောအရာများကို အပြုသဘောဆောင်သောအရာများအဖြစ် ပြောင်းလဲနိုင်ခြင်းလည်း မဟုတ်ပေ။ သင်သည် ဤနည်းအတိုင်း တွေးထင်ပါက ယင်းမှာ သမ္မာတရားကိုဖြစ်စေ၊ အပြုသဘောဆောင်သောအရာများမှာ အဘယ်အရာဖြစ်သည်ကိုဖြစ်စေ သင် နားမလည်သောကြောင့် ဖြစ်သည်။ ယင်းမှာ ဤအခြေအနေများအောက်တွင် သင်သည် ဆိုးယုတ်သော ခေတ်ရေစီးကြောင်းများနှင့် ကောက်ကျစ်ဆိုးယုတ်သော အတွေးများကို သင် ကျင့်ကြံပြုမူပုံအတွက် စည်းမျဉ်းများနှင့် အခြေခံအုတ်မြစ်အဖြစ် လက်ခံရန် ဖိအားပေးခံရခြင်းကြောင့် ဖြစ်သည်။ ဤလူ့အဖွဲ့အစည်းနှင့် ဤလူသားမျိုးနွယ်သည် ဤနည်းလမ်းအတိုင်းပင် နည်းနည်းချင်းစီ နက်ရှိုင်းစွာ ဖောက်ပြန်ပျက်စီးစေခြင်း ခံခဲ့ရသည်။ ထို့ကြောင့် ဆိုးယုတ်သော ခေတ်ရေစီးကြောင်းများ ကျယ်ကျယ်ပြန့်ပြန့် ဖြန့်ဝေခံရပြီး လူတို့၏ စိတ်နှလုံးထဲသို့ နက်ရှိုင်းစွာ သွတ်သွင်းခံရသည့် ကိစ္စတွင် ဤကြယ်ပွင့်များကို ကိုးကွယ်သူများသည် ဆိုးယုတ်သော ခေတ်ရေစီးကြောင်းများနှင့် ကောက်ကျစ်ဆိုးယုတ်သော အတွေးများနှင့် အမြင်များကို ဖြန့်ဝေရာ၌ ရှေ့ဆောင်လမ်းပြများ၏ အခန်းကဏ္ဍမှ ပါဝင်ကြသည်။ ၎င်းတို့သည် ဤအရာများကို ပထမဆုံးအဆင့် ဖြန့်ဝေသူများ ဖြစ်ကြသည်။ ဤသည်မှာ စာတန်က လူတို့ကို ဖောက်ပြန်ပျက်စီးစေခြင်းဖြစ်သည်ဟု ငါတို့ပြောပါက ဤသည်မှာ အနည်းငယ် မရေရာပေ၊ သို့မဟုတ် သဘောတရားပိုင်းဆန်သည်။ သို့သော် ဤကြယ်ပွင့်များကို ကိုးကွယ်သူများသည် စာတန်၏ အတွေးများနှင့် စာတန်၏ ဆိုးယုတ်သော ခေတ်ရေစီးကြောင်းများကို ဖြန့်ဝေရာတွင် အမှန်တကယ် အားပေးထောက်ခံသူများဖြစ်သည်ဟု ငါတို့ပြောပါက ဤသည်မှာ အတိကျအမှန်ကန်ဆုံး ဖြစ်သည်။ ဤသည်မှာ အဘယ်ကြောင့်ဆိုသော် ၎င်းတို့သည် အနုပညာလောက သို့မဟုတ် အမျိုးမျိုးသော ကောက်ကျစ်ဆိုးယုတ်သည့် အတွေးများ၊ ဆိုးယုတ်သော ခေတ်ရေစီးကြောင်းများနှင့် အနီးကပ်ဆုံး လူအုပ်စုဖြစ်သောကြောင့်ဖြစ်ပြီး ဤရုပ်ရှင်ကြယ်ပွင့်များနှင့် နာမည်ကြီး အဆိုတော်များနှင့် အနီးကပ် ထိတွေ့ဆက်ဆံရသော လူတစ်စု ဖြစ်သောကြောင့် ဖြစ်သည်။ ၎င်းတို့နောက်သို့ လိုက်နေသော ဤလူများမရှိဘဲ ၎င်းတို့၏ စွဲလမ်းသော အားပေးထောက်ခံမှုမရှိဘဲ ဤနာမည်ကြီး အဆိုတော်များနှင့် ရုပ်ရှင်ကြယ်ပွင့်များဟု ခေါ်ဆိုသူများသည် ဤမျှကြီးမားသော ဆွဲဆောင်မှု၊ ဤမျှကြီးမားသော ကျော်ကြားမှု၊ ဤမျှကြီးမားသော လွှမ်းမိုးမှုနှင့် အထင်အမြင်မှားစေရန် ဤမျှကြီးမားသော စွမ်းအားတို့ ရှိမည်မဟုတ်ပေ။ အမျိုးမျိုးသော ဆိုးယုတ်သည့် ခေတ်ရေစီးကြောင်းများနှင့် ကောက်ကျစ်ဆိုးယုတ်သော အတွေးများသည် လူတို့အကြား အံ့မခန်းသော အရှိန်အဟုန်ဖြင့် ပျံ့နှံ့သွားရခြင်းမှာ ဤကြယ်ပွင့်များကို ကိုးကွယ်သူများ၏ လွန်လွန်ကဲကဲ မြှောက်စားခြင်းနှင့် ပြင်းထန်သော အတုခိုးမှုတို့ကြောင့် အတိအကျပင်ဖြစ်သည်။ ၎င်းတို့၏ လက်တွေ့လုပ်ရပ်များမှတစ်ဆင့် အနုပညာလောကတွင် ပေါ်လာသော အမျိုးမျိုးသော ကောက်ကျစ်ဆိုးယုတ်သည့် အရာများနှင့် အမျိုးမျိုးသော လွဲချော်ပြီး ကောက်ကျစ်ဆိုးယုတ်သည့် အတွေးများနှင့် အမြင်များသည် လူတို့ လက်ခံသင့်သောအရာများဖြစ်ကြောင်း၊ ဤအရာများသည် အလွန် ပုံမှန်ဖြစ်ပြီး တရားဝင်ဖြစ်ကြောင်း အများပြည်သူကို ၎င်းတို့က ပြောပြကြသည်။ အဆုံးတွင် လူအများစုသည် ဤကောက်ကျစ်ဆိုးယုတ်သော လုပ်ဆောင်မှု နည်းလမ်းများနှင့် ကောက်ကျစ်ဆိုးယုတ်သော အတွေးများနှင့် အမြင်များကို တဖြည်းဖြည်း လက်ခံလာကြသည်။ ရလဒ်အနေဖြင့် ဤနာမည်ကြီး ပုဂ္ဂိုလ်များ၊ နာမည်ကြီး အဆိုတော်များနှင့် ရုပ်ရှင်ကြယ်ပွင့်များဟု ခေါ်ဆိုသူများ၏ အိမ်ထောင်ပြင်ပ ဖောက်ပြန်မှုများ၊ အပျော်အပါးလိုက်စားမှု သို့မဟုတ် ကောက်ကျစ်ဆိုးယုတ်သော အတွေးများ၊ အမြင်များနှင့် လုပ်ပုံကိုင်ပုံများမှ တစ်ခုတလေသည် ပေါ့သေးသေးအမြင်ခံရပြီး ဤအရာများနှင့်ပတ်သက်၍ မည်သူကမျှ မှန်ကန်သော ထင်မြင်ချက် သို့မဟုတ် ဝေဖန်ဆုံးဖြတ်ချက်ကို ထုတ်ဖော်ပြောဆိုခြင်း မရှိကြပေ။ ထို့ကြောင့် ဤနာမည်ကြီး ပုဂ္ဂိုလ်များ၊ နာမည်ကြီး အဆိုတော်များနှင့် ရုပ်ရှင်ကြယ်ပွင့်များသည် မည်မျှပင် အပျော်အပါးလိုက်စားသည်ဖြစ်စေ ၎င်းတို့သည် ဖယ်ရှားရှင်းလင်းခြင်း သို့မဟုတ် ပြစ်တင်ရှုတ်ချခြင်း မခံရဘဲ စင်မြင့်ပေါ်တွင် မိမိတို့ကိုယ်ကို ဆက်လက် ကိုယ်ရည်သွေးနေကြသည်။ ဤသည်မှာ လူ့အဖွဲ့အစည်းရှိ “ဆင်းရဲသူကို လှောင်ပြောင်ပါ၊ ပြည့်တန်ဆာများကို မလှောင်ပြောင်ပါနှင့်” ဟူသော လူသိများသည့် ဆိုရိုးစကားတစ်ခုနှင့် လုံးဝ ကိုက်ညီလေသည်။ ဤသည်မှာ လူသားမျိုးနွယ်၏ ယိုယွင်းပျက်စီးမှုနှင့်ပတ်သက်သော စစ်မှန်သည့် သရုပ်ဖော်ချက်တစ်ခုဖြစ်ပြီး ယင်း၏ သက်သေအထောက်အထားလည်း ဖြစ်သည်။ သင် မြင်သလော၊ သင်သည် ဘုရားသခင်ကို ယုံကြည်ပြီး ဖမ်းဆီးခံရကာ ထောင်ချခံရသောအခါ လူတို့က သင့်ကို လှောင်ပြောင်ပြီး အထင်သေးကြသည်။ အမှန်တွင် သင်သည် မည်သည့်အမှားမျှ မလုပ်ထားကြောင်းကို ၎င်းတို့ သိကြသည်၊ ဘုရားသခင်ကို ယုံကြည်ခြင်းသည် ယုံကြည်ခြင်းရှိခြင်းဖြစ်သည်၊ လူကောင်းတစ်ဦး ဖြစ်လိုခြင်းဖြစ်ပြီး ကောင်းကင်ဘုံသို့ သွားလိုခြင်းဖြစ်သည်၊ အမျိုးသမီး ယုံကြည်သူများသည် မိမိတို့၏ ခန္ဓာကိုယ်များကို မရောင်းစားဘဲ ပြည့်တန်ဆာများအဖြစ် အလုပ်မလုပ်ကြသည့်အပြင် အမျိုးသား ယုံကြည်သူများသည် ဓားပြတိုက်မှုများကို မကျူးလွန်ဘဲ စည်းမျဉ်းလိုက်နာသော နည်းလမ်းဖြင့် ကျင့်ကြံပြုမူကြသည်။ သို့တိုင် လူတို့က သင့်ကို မနှစ်မြို့ဖွယ်ဖြစ်သည်ဟု မြင်ကြသည်။ အမျိုးသမီးတစ်ဦးသည် ဆွဲဆောင်မှုရှိသော အလှပိုင်ရှင်တစ်ဦးဖြစ်ပြီး သူမသည် ရာထူးကြီးမားသော အရာရှိများ၊ ချမ်းသာသော လူများနှင့် မဖွယ်မရာ ဆက်ဆံမှုများရှိကာ နေ့စဉ်နေ့တိုင်း ဇိမ်ခံကားများဖြင့် လည်ပတ်ထွက်ခွာပါက အခြားသူများက သူမကို မနာလိုဖြစ်ပြီး အားကျကာ “သင်က တကယ်ကို အလုပ်ဖြစ်နေသည်၊ သင်က အဆင်ပြေနေသည်။ သင်၏ မိဘများ အစားအစာကောင်းကောင်း စားနိုင်ရန်နှင့် အဝတ်အစားကောင်းကောင်း ဝတ်နိုင်ရန်အတွက် သင်က ၎င်းတို့အတွက် ငွေရှာပေးနိုင်သည်။ သင်၏ ရုပ်ရည်က သေချာပေါက် တန်ဖိုးရှိသည်” ဟု ပြောကြသည်။ သို့သော် သင်သည် ရုပ်ရည်ခံ့ညားပြီး ဘုရားသခင်ကို ယုံကြည်သူတစ်ဦးနှင့် အိမ်ထောင်ပြုပါက ၎င်းတို့က သင့်ကို ရယ်မောကြလိမ့်မည်။ ၎င်းတို့က သင့်ကို ရယ်မောကြလိမ့်မည်သာမက သင် ညှဉ်းပန်းနှိပ်စက်ခံရသည်ကို ၎င်းတို့ မြင်သောအခါ သင့်ကို အနိုင်ကျင့်ကြလိမ့်မည်။ ထိုသို့ မဟုတ်လော။ (ဟုတ်ပါသည်။)

ဤအုပ်စုဖြစ်သော ဤကြယ်ပွင့်များကို ကိုးကွယ်သူများ လုပ်ဆောင်သည့်အရာ တစ်ခုမျှ အဓိပ္ပာယ်မရှိပေ။ ဆန့်ကျင်ဘက်အနေဖြင့် ဤလုပ်ရပ်များသည် စာတန်၏ ကောက်ကျစ်ဆိုးယုတ်သော အတွေးများနှင့် ဆိုးယုတ်သော ခေတ်ရေစီးကြောင်းများ ပျံ့နှံ့ခြင်းကို အားပေးအားမြှောက်ပြုခဲ့သည်။ ယနေ့ခေတ်၏ ကြယ်ပွင့်များကို ကိုးကွယ်သူများကို ကြည့်လော့၊ အချို့သော အမျိုးသမီးများသည် စင်မြင့်ပေါ်သို့ တက်ပြီး အလွယ်တကူ သီချင်းဆိုကာ ကခုန်ကြပြီး နာမည်ကြီး အဆိုတော်တစ်ဦးကို ၎င်းတို့ မြင်သောအခါ ထိုသူကို အဆုံးမရှိ ကိုးကွယ်ကြသည်။ ဤသည်မှာ ၁၉၄၀ နှင့် ၁၉၅၀ ဝန်းကျင်မှ အမျိုးသမီးများနှင့် အလွန် ကွာခြားသည်။ ဘာသာတရားမရှိသူများ၏ စကားအရဆိုလျှင် ၎င်းတို့သည် ပွင့်လင်းလာကြသည်၊ အတွေးအခေါ် ပွင့်လင်းလာပြီး လိင်ပိုင်းဆိုင်ရာ ပွင့်လင်းလာကြကာ ဤနယ်ပယ်နှစ်ခုစလုံးတွင် ၎င်းတို့ လွတ်မြောက်လာကြသည်။ အချို့လူများက “ဤသည်မှာ မည်သည့်ခေတ်ဖြစ်သနည်း။ မည်သူကများ ခင်ပွန်းတစ်ဦးတည်းနှင့် တစ်သက်လုံး အချိန်ကုန်ခံနေမည်နည်း။ မည်သူက သူ၏ ဘဝကို သားသမီးများအပေါ်မှာသာ အစဉ်သဖြင့် ဗဟိုပြုနေမည်နည်း။ အခွင့်အရေးရလျှင် လူသစ်တစ်ယောက်ကို ရှာရမည်၊ ပြီးလျှင် အခွင့်အရေးရပါက မိမိကိုယ်ကို ပျော်အောင်ထားရမည်” ဟု ပြောကြသည်။ ဤလူများတွင် မည်သို့သော အတွေးများ ရှိသည်ကို ကြည့်လော့၊ ၎င်းတို့သည် မည်မျှ ကြောက်မက်ဖွယ်ကောင်းသနည်း။ ဘုရားသခင်ကို ယုံကြည်သူတစ်ဦးကလည်း ဤနည်းအတိုင်း တွေးပါက ယင်းမှာ လက္ခဏာကောင်းတစ်ခု ဖြစ်သလော။ ယုံကြည်သူတစ်ဦးတွင် ဤအတွေးများနှင့် အမြင်များရှိပြီး ထိုသို့သောလူများကို အားကျကာ ကိုးကွယ်သည့်အပြင် ထိုသို့သောလူတစ်ဦး ဖြစ်လိုပါက ယင်းမှာ ၎င်းအတွက် အလွန် ကြောက်မက်ဖွယ်ကောင်းပြီး အလွန် အန္တရာယ်များလှသည် မဟုတ်လော။ (ဟုတ်ပါသည်။) ယင်းမှာ မည်မျှ ကြောက်မက်ဖွယ်ကောင်းသည် သို့မဟုတ် အန္တရာယ်များသည်ဟူသည်ကို ယခုလောလောဆယ် မပြောဘဲနေကြစို့။ ဤလူများ၏ အနှစ်သာရအရဆိုလျှင် ၎င်းတို့၏ ဝိညာဉ်များ နက်ရှိုင်းရာတွင် ၎င်းတို့သည် ဤကြယ်ပွင့်များကို အထူးသဖြင့် အားကျကြသည်၊ ကြည်ညိုကြပြီး ချစ်ခင်ကြသည်။ ၎င်းတို့သည် ကြယ်ပွင့်များထံမှ အမျိုးမျိုးသော အပြုအမူများနှင့် အမျိုးမျိုးသော အတွေးများနှင့် အမြင်များကို လက်ခံနိုင်သည်။ အတွေးများသည် မည်မျှပင် ကောက်ကျစ်ဆိုးယုတ်သည်ဖြစ်စေ ၎င်းတို့သည် ယင်းတို့ကို လက်ခံနိုင်သည်။ ၎င်းတို့က “ဤသည်မှာ လူများ ကျင့်ကြံပြုမူသင့်သည့် ပုံစံပင်ဖြစ်သည်၊ သို့မှသာ လွတ်လပ်လေသည်။ အတွေးများနှင့် အမြင်များအားလုံးကို တည်ရှိခွင့်ပြုသင့်သည်။ မည်သို့ပင်ဆိုစေ ကမ္ဘာကြီးဖြစ်လာရန် လူအမျိုးစုံကို လိုအပ်လေသည်” ဟု ယုံကြည်ကြသည်။ ၎င်းတို့၏ အတွေးများတွင် အပြုသဘောဆောင်သောအရာနှင့် အပျက်သဘောဆောင်သော အရာကြား ခွဲခြားမှုမရှိသည့်အပြင် အမှားနှင့် အမှန်ကြား ခွဲခြားမှုလည်း မရှိပေ။ ဤသည်မှာ စိတ်ပိုင်းဆိုင်ရာ ပုံမှန်မဟုတ်ခြင်း မဟုတ်လော။ တစ်စုံတစ်ဦးသည် အစွမ်းအစ နိမ့်ကျသောကြောင့် အမှားနှင့် အမှန်ကို ပိုင်းခြားသိမြင်နိုင်စွမ်း မရှိသော်လည်း ၎င်းတို့တွင် ရှက်စိတ် ရှိနေသေးပြီး တစ်စုံတစ်ခုသည် မှန်ကန်ကြောင်း ၎င်းတို့ သိလျှင် ယင်းကို စွဲကိုင်ထားနိုင်ကာ တစ်စုံတစ်ခုသည် မှားယွင်းကြောင်း ၎င်းတို့ သိလျှင် ယင်းကို လုံးဝ လုပ်ဆောင်မည်မဟုတ်ဘဲ တစ်စုံတစ်ခုသည် ကောက်ကျစ်ဆိုးယုတ်ကြောင်း ၎င်းတို့ သိလျှင် ၎င်းတို့၏ စိတ်နှလုံးထဲတွင် ယင်းကို ရွံရှာနိုင်ပါက ဤသူသည် ပုံမှန်လူတစ်ဦး ဖြစ်နေသေးသည်။ သို့သော် တစ်စုံတစ်ခုသည် မှားယွင်းကြောင်းနှင့် ကောက်ကျစ်ဆိုးယုတ်ကြောင်းကို ၎င်းတို့ ရှင်းရှင်းလင်းလင်း သိသော်လည်း ၎င်းတို့သည် ယင်းကို မဆန့်ကျင်ရုံသာမက တွေဝေခြင်းမရှိဘဲ လက်ခံနိုင်ပြီး အားကျကာ လိုက်လုပ်လျက် တိုး၍ နက်ရှိုင်းစွာ နစ်မွန်းသွားပါက ၎င်းတို့သည် လူတစ်ဦးမဟုတ်ဘဲ လမ်းလျှောက်နေသော အလောင်းကောင်တစ်ကောင် ဖြစ်သည်။ ၎င်းတို့သည် ပျက်စီးသွားပြီး ကယ်တင်ခြင်းမရရှိနိုင်ပေ။ ထို့ကြောင့် ဤလူစားမျိုးသည် ညံ့ဖျင်းသော လူ့သဘာဝ၊ တည်ကြည်မှု အနည်းငယ်မျှသာရှိခြင်း၊ ယုတ်မာသော စရိုက် သို့မဟုတ် အသိစိတ်နှင့် ဆင်ခြင်တုံတရား ကင်းမဲ့ခြင်းတို့ ရှိသည်ဟု မဆိုနိုင်ပေ၊ ယင်းမှာ ပြဿနာမဟုတ်ပေ။ အကြီးမားဆုံး ပြဿနာမှာ ၎င်းတို့တွင် လူ့သဘာဝ လုံးဝ မရှိခြင်းဖြစ်သည်။ သို့ဆိုလျှင် ဤလူများသည် အဘယ်အရာများ ဖြစ်သနည်း။ ညစ်ညူးသော မကောင်းဆိုးဝါးများ၊ ဝိညာဉ်ဆိုးများနှင့် လမ်းလျှောက်နေသော အလောင်းကောင်များ ဖြစ်ကြသည်။ ၎င်းတို့သည် အမျိုးမျိုးသော ဆိုးယုတ်သည့် ခေတ်ရေစီးကြောင်းများနှင့် အမျိုးမျိုးသော ကောက်ကျစ်ဆိုးယုတ်ပြီး လွဲချော်သည့် အတွေးများနှင့် အမြင်များကို အားပေးထောက်ခံသူများ၊ လက်ဆင့်ကမ်းသူများနှင့် ဖြန့်ဝေသူများ ဖြစ်ကြသည်။ ယင်းမှာ ကပ်ရောဂါတစ်ခုနှင့် တူသည်၊ ဗိုင်းရပ်စ်သယ်ဆောင်ထားသူ တစ်ဦးသည် ၎င်း သွားလေရာ နေရာတိုင်းတွင် ယင်းကို ဖြန့်ဝေပြီး ၎င်း နေရာများများ သွားလေလေ ဗိုင်းရပ်စ်က ပို၍ ကျယ်ကျယ်ပြန့်ပြန့် ပျံ့နှံ့လေလေ ဖြစ်သည်။ ဤကြယ်ပွင့်များကို ကိုးကွယ်သူများသည် ဗိုင်းရပ်စ် သယ်ဆောင်သူများ၊ ဖြန့်ဝေသူများနှင့် ညီမျှသောကြောင့် ၎င်းတို့သည် လူသားမျိုးနွယ်ဝင်များ လုံးဝ မဟုတ်ကြပေ၊ ၎င်းတို့သည် လူမဟုတ်သူများ ဖြစ်ကြသည်။ လူမဟုတ်သူများဟု ခေါ်ဆိုသောအရာ၏ အဓိပ္ပာယ်ဖွင့်ဆိုချက်မှာ အဘယ်အရာဖြစ်သနည်း။ ယင်းမှာ ဤလူများသည် ဆိုးယုတ်သော ခေတ်ရေစီးကြောင်းများနှင့် ကောက်ကျစ်ဆိုးယုတ်သော အတွေးများနှင့် အမြင်များကို အားပေးထောက်ခံသူများနှင့် ဖြန့်ဝေသူများ ဖြစ်ကြခြင်းဖြစ်သည်။ ယခု နားလည်ပြီလော။ သင်သည် မိမိ၏ စိတ်နှလုံးထဲတွင် ဤကြယ်ပွင့်များကို အားကျနေသေးလျှင် သို့မဟုတ် ဤလူစားမျိုး ဖြစ်လိုခဲ့ဖူးပါက ဤသည်မှာ အပြန်လမ်းမရှိသော လမ်းဖြစ်ကြောင်း သင့်ကို ငါပြောနေခြင်းဖြစ်သည်။ ဤလူစားမျိုးဖြစ်ရန် မည်သည့်အခါမျှ မကြိုးစားပါနှင့်။ သင်သည် ရုပ်ရှင် သို့မဟုတ် ရုပ်မြင်သံကြား ဇာတ်ကားတစ်ခုတွင် အခန်းကဏ္ဍတစ်ခုမှ ပါဝင်ခဲ့ဖူးပြီး ရုပ်ရှင်ကြယ်ပွင့် သို့မဟုတ် နာမည်ကြီး ပုဂ္ဂိုလ်တစ်ဦး ဖြစ်လိုခဲ့ဖူးကာ ဤလမ်းကြောင်းကို လျှောက်ရန် စီစဉ်ခဲ့ဖူးပါက ချက်ချင်း ဘရိတ်အုပ်ပြီး ရပ်တန့်လိုက်ရန် သင့်ကို ငါပြောနေခြင်းဖြစ်သည်။ ဤသည်မှာ အပြစ်ဒဏ်ပေးခံရခြင်း သို့မဟုတ် ဆုချခံရခြင်းနှင့်ဆိုင်သည့် ကိစ္စမဟုတ်ပေ။ ယင်းမှာ ထာဝရ ပျက်စီးခြင်းသို့ ဦးတည်သော လမ်းကြောင်းတစ်ခုဖြစ်ပြီး ယင်းကို မည်သည့်အခါမျှ မလျှောက်နှင့်။ သင်သည် ယာယီ အထင်အမြင်မှားစေခြင်း ခံခဲ့ရသောကြောင့် သို့မဟုတ် အားနည်းခဲ့သောကြောင့် သို့မဟုတ် ယာယီ အားကျမှုနှင့် တောင့်တမှု တစ်ခုခုကြောင့် ဤလူစားမျိုးနောက်သို့ လိုက်လိုပါက ငါ၏ သတိပေးချက်ကို နားထောင်လော့၊ ငါ၏ တိုက်တွန်းနှိုးဆော်ချက်ကို နားထောင်ပြီး ချက်ချင်း ဘရိတ်အုပ်လိုက်လော့။ ထိုလုပ်ငန်းထဲသို့ မည်သည့်အခါမျှ မဝင်နှင့်၊ ထိုအဆင့်အတန်းများထဲသို့ မည်သည့်အခါမျှ မဝင်နှင့်၊ ၎င်းတို့ထဲမှ တစ်ဦး မည်သည့်အခါမျှ မဖြစ်စေနှင့်။ သင်သည် မှန်ကန်သော လမ်းကြောင်းကို လျှောက်လှမ်းရာတွင် သို့မဟုတ် အဓိပ္ပာယ်ရှိသောအရာများကို လုပ်ဆောင်ရာတွင် မစွဲမြဲနိုင်ပါက ဆိုးယုတ်သော ခေတ်ရေစီးကြောင်းများနှင့် ကောက်ကျစ်ဆိုးယုတ်သော အတွေးများနှင့် အမြင်များကို ဖြန့်ဝေသူတစ်ဦး မဖြစ်သင့်သေးပေ၊ ယင်းမှာ ဘုရားသခင် ကျိန်ဆဲသော လမ်းကြောင်းတစ်ခု ဖြစ်သည်။ ထို့ကြောင့် သင်သည် ရုပ်ရှင် သို့မဟုတ် ရုပ်မြင်သံကြား ဇာတ်ကားတစ်ခုတွင် မည်သည့် အခန်းကဏ္ဍမှ ပါဝင်ခဲ့ဖူးသည်ဖြစ်စေ မိမိကိုယ်ကို အရေးကြီးသော ပုဂ္ဂိုလ်တစ်ဦး၊ နာမည်ကြီး ပုဂ္ဂိုလ်တစ်ဦး သို့မဟုတ် အဆင့်မြင့် ပုဂ္ဂိုလ်တစ်ဦးအဖြစ် သတ်မှတ်ခဲ့သည်ဖြစ်စေ၊ မိမိကိုယ်ကို မည်သည့်ကဏ္ဍတွင် ထားခဲ့သည်ဖြစ်စေ ထိုအရာအားလုံးသည် အတိတ်ဖြစ်သွားခဲ့ပြီဖြစ်ပြီး ယင်းအားလုံးသည် မှားယွင်းခဲ့သည်။ သင်သည် ယခု ဘရိတ်အုပ်လိုက်ပြီဆိုပါက ထိုအချိန်က သင်၏ ဝိညာဉ်ရင့်ကျက်မှုသည် နုနယ်ပြီး သမ္မာတရားကို နားမလည်ခဲ့ဟုသာ ဆိုနိုင်ပေသည်။ အနာဂတ်တွင် ထိုနည်းအတိုင်း မည်သည့်အခါမျှ မတွေးနှင့်၊ ထိုလမ်းကြောင်းကိုလည်း မည်သည့်အခါမျှ မလျှောက်နှင့်။ သင်သည် အရေးကြီးသော ပုဂ္ဂိုလ်တစ်ဦး သို့မဟုတ် နာမည်ကြီး ပုဂ္ဂိုလ်တစ်ဦး ဖြစ်လိုပြီး အခြားသူများ၏ ကိုးကွယ်ခြင်းနှင့် နောက်လိုက်ခြင်းကို ခံလိုပါက ယနေ့ ငါပြောခဲ့သော စကားများကို ချက်ချင်း စဉ်းစားလော့။ မည်သူ့အတွက်မဆို ထာဝရ ပျက်စီးခြင်းကို လက်ခံရရှိသည်မှာ ကံဆိုးသော သတင်းဖြစ်ပြီး ယင်းမှာ အဆိုးတကာ့ အဆိုးရွားဆုံး သတင်းဖြစ်သည်။ ယင်းမှာ ဘုရားသခင် ကျိန်ဆဲသော လမ်းကြောင်းတစ်ခု ဖြစ်သည်။ ဤလမ်းကြောင်းကို မည်သည့်အခါမျှ မလျှောက်နှင့်၊ ဤအညစ်အကြေးများဖြင့် မည်သည့်အခါမျှ မစွန်းထင်းစေနှင့်။ ဤလမ်းကြောင်းပေါ်သို့ ခြေချခြင်းသည် ထာဝရ ပျက်စီးခြင်းကို ဆိုလိုသည်။ သင်သည် ဖန်ဆင်းခံတစ်ဦး၊ ဖန်ဆင်းခံ လူသားမျိုးနွယ်ဝင်တစ်ဦးဖြစ်သောကြောင့် စည်းမျဉ်းလိုက်နာသော နည်းလမ်းဖြင့် ကျင့်ကြံပြုမူရမည်ဖြစ်သည်။ ဘုရားအိမ်တော်တွင် သင်သည် မည်သည့် အခန်းကဏ္ဍကို ရယူထားသည်ဖြစ်စေ၊ မည်သည့်အလုပ်ကို လုပ်ဆောင်ခဲ့သည်ဖြစ်စေ၊ မည်သည့် ပံ့ပိုးကူညီမှုများ ပြုလုပ်ခဲ့သည်ဖြစ်စေ အဆုံးတွင် သင်သည် မိမိ၏ သင့်လျော်သော နေရာကို သတ်မှတ်ရမည်ဖြစ်သည်။ မည်သည့်နေရာနည်း။ သင်သည် ဖန်ဆင်းခံတစ်ဦး၊ ဖန်ဆင်းခံ လူသားမျိုးနွယ်၏ အဖွဲ့ဝင်တစ်ဦး ဖြစ်သည်။ သင်သည် ဖန်ဆင်းခံတစ်ဦး၏ တာဝန်ကို ကောင်းမွန်စွာ ဖြည့်ဆည်းရမည်ဖြစ်သည်။ သင်၏ တာဝန်ထမ်းဆောင်မှုသည် စံနှုန်းပြည့်မီရမည်ဖြစ်ပြီး ယင်းကို ဘုရားသခင် စိတ်ကျေနပ်မှုရရှိအောင် လုပ်ဆောင်ရမည်ဖြစ်သည်။ သင်သည် ဘုရားသခင်အတွက် သက်သေခံရမည်၊ ဘုရားသခင်၏ နှုတ်ကပတ်တော်များကို ဖြန့်ချိရမည်၊ ဘုရားသခင်အတွက် သက်သေခံသူတစ်ဦး ဖြစ်ရမည်ဖြစ်ပြီး ကယ်တင်ခြင်း ရရှိရမည်ဖြစ်သည်။ ဤသည်မှာ သင် ကောင်းမွန်စွာ ဖြည့်ဆည်းရန် တာဝန်ရှိသည့် တစ်သက်တာ တာဝန်နှင့် ဝတ္တရားဖြစ်သည့်အပြင် သင် ရွေးချယ်သင့်သော လမ်းကြောင်းလည်း ဖြစ်သည်။ သင်သည် စာတန်၏ ဆိုးယုတ်သော ခေတ်ရေစီးကြောင်းများနောက်သို့ မလိုက်သင့်သည့်အပြင် ကောက်ကျစ်ဆိုးယုတ်သော အတွေးများနှင့် အမြင်များကို ဖြန့်ဝေသူနှင့် လက်ဆင့်ကမ်းသူ မဖြစ်သင့်ပေ။ ထိုလူများသည် လူသားမျိုးနွယ်၏ ယုတ်ညံ့သူများဖြစ်ကြပြီး ၎င်းတို့သည် ဝိညာဉ်ဆိုးများနှင့် ညစ်ညူးသော ဝိညာဉ်များ ဖြစ်ကြသည်။ ၎င်းတို့သည် ကျိန်ဆဲခံရပြီး ထာဝရ ပျက်စီးခြင်းသို့ ပို့ဆောင်ခြင်း ခံရသည်။ လူတစ်ဦးသည် ထိုလမ်းကြောင်းအတိုင်း လျှောက်သွားပြီး မြင်းရိုင်းဆယ်ကောင်ကပင် ၎င်းကို ပြန်မဆွဲနိုင်ပါက ၎င်းသည် မိမိနှင့် ထိုက်တန်သောအရာကို ရရှိလိမ့်မည်ဖြစ်ပြီး ၎င်းသည် ကောင်းမွန်သော အဆုံးသတ်သို့ ရောက်လာမည်မဟုတ်ပေ။ ထို့ကြောင့် အချိန်တိုင်းတွင် သင်သည် ဖန်ဆင်းခံ လူသားတစ်ဦးဖြစ်ကြောင်းကို သိရမည်၊ သင်၏ နေရာသည် အဘယ်အရာဖြစ်သည်၊ အဘယ်အရာ လုပ်ဆောင်သင့်သည်နှင့် မည်သို့သော လမ်းကြောင်းမျိုးကို လျှောက်သင့်သည်ကို သင် သိရမည်ဖြစ်သည်။ ဤသည်မှာ အရေးကြီးဆုံးအရာ ဖြစ်သည်။ ဤအရာများနှင့်ပတ်သက်၍ မိတ်သဟာယဖွဲ့ရန် လိုအပ်သလော။ (လိုအပ်ပါသည်။) လူတို့၏ ဘဝလမ်းကြောင်းများနှင့် ပတ်သက်သော အကြောင်းအရာများသည် အလွန် အရေးကြီးသည်။ သင်သည် ယင်းတို့ကို အခါအားလျော်စွာ နားထောင်ပြီး ဆင်ခြင်သုံးသပ်သင့်သည်။ ထိုသို့လုပ်ဆောင်ခြင်းသည် သင်တို့၏ အသက် ဝင်ရောက်မှုအတွက်လည်းကောင်း၊ ဘဝတွင် မှန်ကန်သော လမ်းကြောင်းကို သင်တို့ လျှောက်လှမ်းခြင်းအတွက်လည်းကောင်း အကျိုးရှိပြီး အထောက်အကူဖြစ်ကာ ယင်းက ဤအရာများအပေါ် ကောင်းမွန်ပြီး အပြုသဘောဆောင်ကာ အကျိုးပြုသော သက်ရောက်မှု ရှိသည်။ ဤစကားများကို မမေ့နှင့်။

ယနေ့ မိတ်သဟာယဖွဲ့ခြင်းအတွက် ဤမျှသာဖြစ်သည်။ နှုတ်ဆက်ပါသည်။

၂၀၂၃ ခုနှစ်၊ ဒီဇင်ဘာလ ၃၀ ရက်