ဤနှစ်ကာလများတစ်လျှောက်လုံး ဘုရားသခင်ကို ယုံကြည်ပြီးနောက်တွင် သင်တို့ အနီးဝန်းကျင်ရှိ လူများနှင့် အမှုအရာများအပြင် အပြင်လောကရှိ အခြေအနေတွင် အတောမသတ်သော ပြောင်းလဲမှုကို သင်တို့ သတိပြုမိပြီးပြီလော။ အထူးသဖြင့် ပြီးခဲ့သည့် နှစ်အနည်းငယ်တွင် ကြီးမားသည့် အပြောင်းအလဲတစ်ခုတလေ ဖြစ်ပျက်နေသည်ကို သင်တို့ မြင်ပြီးပြီလော။ (မြင်ပြီးပါပြီ။) ဤအရာကို သင်တို့ မြင်ပြီးပြီလော။ ပြီးလျှင် ထိုအရာနှင့်ပတ်သက်၍ ကောက်ချက်တစ်ခုတလေ သင်တို့ ချပြီးကြပြီလော။ (ဘုရားသခင်၏ အမှုတော်သည် မိမိ၏ အဆုံးသတ်ဆီသို့ နီးကပ်လာနေပါသည်။) မှန်ပေ၏၊ ဘုရားသခင်၏ အမှုတော်သည် ဧကန်အမှန် အဆုံးသတ်သို့ နီးကပ်လာနေပြီဖြစ်ပြီး သင့်အနီးဝန်းကျင်ရှိ လူများ၊ အဖြစ်အပျက်များ၊ အမှုအရာများနှင့် ပတ်ဝန်းကျင်များသည် အတောမသတ်သော ပြောင်းလဲမှု အခြေအနေတစ်ခုတွင် ရှိသည်။ ဥပမာအားဖြင့် ယခင်က ဤအဖွဲ့တွင် လူဆယ်ဦး ရှိခဲ့သည်၊ ယခုတွင် ရှစ်ဦး ရှိသည်။ အခြားနှစ်ဦး အဘယ်သို့ ဖြစ်သနည်း။ တစ်ဦးသည် အဝေးသို့ အပို့ခံရပြီး တစ်ဦးမှာ မိမိ၏ တာဝန်တွင် အစားထိုးခံခဲ့ရသည်။ အသင်းတော်ထဲရှိ မတူကွဲပြားသော လူအမျိုးအစားအားလုံးသည် အတောမသတ်သော ပြောင်းလဲမှုကို ကြုံတွေ့နေရပြီး စဉ်ဆက်မပြတ် ဖော်ထုတ်ခြင်း ခံနေကြရသည်။ ပထမတွင် လူအချို့သည် အလွန် စိတ်ထက်သန်ပုံရသော်လည်း အတန်ငယ်ကြာပြီးနောက် ၎င်းတို့သည် ဆက်မလုပ်ဆောင်နိုင်အောင် ရုတ်တရက် အားနည်းလာကာ အလွန် အပျက်သဘောဆောင်လာကြလေသည်။ အစတွင် ၎င်းတို့ ရှိခဲ့သည့် စိတ်ထက်သန်မှု၊ တက်ကြွသော အားအင်နှင့် သစ္စာစောင့်သိမှုဟု ခေါ်သောအရာတို့သည် အားလုံး မရှိတော့၊ ဆင်းရဲဒုက္ခကို သည်းညည်းခံရန်ဖြစ်သည့် ၎င်းတို့၏ စိတ်ပိုင်းဖြတ်ခြင်းသည် မရှိတော့ပေ။ ၎င်းတို့သည် ဘုရားသခင်ကို ယုံကြည်ခြင်းအား လုံးဝ စိတ်ပါဝင်စားခြင်း မရှိကြသကဲ့သို့ ရုတ်တရက် မတူကွဲပြားသော လူများအဖြစ် ထင်ရကြပြီး အဘယ်ကြောင့်ဖြစ်သည်ကို မည်သူမျှ မသိပေ။ ပတ်ဝန်းကျင်တို့သည်လည်း ပြောင်းလဲမှုကို စဉ်ဆက်မပြတ် ကြုံနေရသည်။ လူတို့၏ ပတ်ဝန်းကျင်များတွင် မည်သည့် ပြောင်းလဲမှုများ ဖြစ်ပျက်နေပါသနည်း။ အချို့သောနေရာများတွင် ပတ်ဝန်းကျင်သည် ရန်လိုနေပြီး နှိပ်စက်ညှဉ်းပန်းမှုက ပြင်းထန်နေသည်။ ထို့ကြောင့် လူတို့သည် အတူတကွ မစုဝေးနိုင်ကြတော့ပေ၊ သို့မဟုတ် ၎င်းတို့၏ ညီအစ်ကို မောင်နှမများနှင့် အဆက်အသွယ်မလုပ်နိုင်ကြပေ။ အချို့သော နေရာများတွင် ပတ်ဝန်းကျင်သည် အတော်အတန် သာ၍ ကောင်းမွန်ပြီး သာ၍ လုံခြုံဘေးကင်းသည်။ အခြားသော နေရာများတွင် မိမိတာဝန်ကို ထမ်းဆောင်ခြင်းအတွက် ပတ်ဝန်းကျင်နှင့် အသက်ရှင်နေထိုင်မှု အခြေအနေများသည် ယခင်ထက် အတော်အတန် သာ၍ အကျိုးကျေးဇူးပြုသည်၊ ငြိမ်သက်အေးချမ်းပြီး တည်ငြိမ်ကာ ထိုနေရာတွင်ရှိသည့် လူများသည် ယခင်က ရှိခဲ့သည့် လူများထက် သာ၍ များစွာ ကောင်းမွန်ကြလေသည်။ ၎င်းတို့အားလုံးသည် ဘုရားသခင်အတွက် ရိုးသားစစ်မှန်စွာ အသုံးခံကြသည်။ ဆင်းရဲဒုက္ခများကို သည်းညည်းခံနိုင်ပြီး အဖိုးအခပေးနိုင်သည့် လူများ သာ၍ များသည်။ အလုပ် စီမံကိန်းအားလုံး သာ၍ ချောမွေ့စွာ တိုးတက်သည်၊ အလုပ်က သာ၍ အချိန်တိုတိုနှင့် အကျိုးများစွာ တိုးတက်ပြီး မြင်ရသည့် ရလဒ်များနှင့် အကျိုးဆက်များသည် သာ၍ ယုံကြည်စိတ်ချရပြီး စိတ်ကျေနပ်ဖွယ် ဖြစ်သည်။ ထို့အပြင် အလုပ် စီမံကိန်းများကို ဆောင်ရွက်သည့် အစီအစဉ်များ၊ ပုံစံများနှင့် နည်းလမ်းများသည် စဉ်ဆက်မပြတ် တိုးတက်နေသည်။ တိုတိုပြောရလျှင် လူတို့သည် မှားယွင်းပြီး အပျက်သဘောဆောင်သည့် လူမျိုးစုံ၊ အဖြစ်အပျက်မျိုးစုံနှင့် အမှုအရာမျိုးစုံ စဉ်ဆက်မပြတ် ဖြစ်ပေါ်နေသည်ကို တွေ့ရသော်လည်း ကောင်းမွန်၊ မှန်ကန်ပြီး၊ အပြုသဘောဆောင်သော လူမျိုးစုံ၊ အဖြစ်အပျက်မျိုးစုံနှင့် အမှုအရာမျိုးစုံတို့သည်လည်း စဉ်ဆက်မပြတ် ထွက်ပေါ်နေသည်မှာ အမှန်ဖြစ်၏။ အမှန်တွင် အမျိုးမျိုးသော အပြုသဘောဆောင်သည့် အရာများနှင့် အပျက်သဘောဆောင်သည့် အရာများ စဉ်ဆက်မပြတ် တစ်လှည့်စီ ဖြစ်ကာ ပြောင်းလဲနေသဖြင့် လူတို့သည် ထိုသို့သော ပတ်ဝန်းကျင်များတွင် အသက်ရှင်နေထိုင်ကြသည့်အချိန်တွင် နောက်ဆုံးတွင် အကျိုးခံစားရသည့်သူများမှာ ဘုရားသခင်ကို ပြင်းပြင်းထန်ထန် တောင့်တသူများ၊ သမ္မာတရားကို လိုက်စားပြီး သမ္မာတရားကို တမ်းတသောသူများ ဖြစ်သည်။ ၎င်းတို့သည် အလင်းနှင့် ဖြောင့်မတ်ခြင်းတရားကို တမ်းတသူများ ဖြစ်စဉ်တွင် သမ္မာတရားကို မလိုက်စားသူများ၊ မကောင်းမှုထဲတွင် လိုက်ပါသွားပြီး သမ္မာတရားကို ငြီးငွေ့သူများသည် ဖော်ထုတ်ခံရ၏၊ ဖယ်ရှားခံရပြီး မတူကွဲပြားသော လူများ၊ အဖြစ်အပျက်များ၊ အမှုအရာများ၊ ပတ်ဝန်းကျင်များနှင့် ဆက်စပ်၍ ပစ်ပယ်ခံရလေသည်။ ဤမတူကွဲပြားသော ပတ်ဝန်းကျင်များ၊ လူများနှင့် အဖြစ်အပျက်များအားလုံး ဖော်ထုတ်ခံရပြီး အသစ်သော ပတ်ဝန်းကျင်များ၊ လူများနှင့် အဖြစ်အပျက်များ စဉ်ဆက်မပြတ် ဖြစ်ပေါ်နေသဖြင့် ဘုရားသခင်၏ အလိုတော်သည် အဘယ်အရာနည်း။ ဘုရားသခင်ကို ဤနှစ်များ တစ်လျှောက်လုံး ယုံကြည်ပြီးသည့်နောက်တွင် ဤအရာအပေါ် သိနားလည်မှုတစ်ခု သင်တို့ ရှိကြပါသလော။ အနည်းဆုံးအနေဖြင့် ဘုရားသခင်သည် ဤအရာအားလုံးကို စီစဉ်ညွှန်ကြားနေကြောင်းနှင့် ဘုရားသခင်သည် ဤအရာများအားလုံးကို အမြဲ လမ်းပြနေခဲ့ကြောင်း သင်တို့ ခံစားမိကြသလော။ (ခံစားမိပါသည်။) ဤအရာအားလုံးကို လုပ်ဆောင်ရာတွင် ဘုရားသခင်၏ ရည်ရွယ်ချက်နှင့် အဓိပ္ပာယ်မှာ သူ့နောက်လိုက်သောသူတို့အား သင်ခန်းစာများ သင်ယူနိုင်စေရန်၊ ထိုထွင်းအမြင်နှင့် အတွေ့အကြုံတွင် ကြီးထွားနိုင်စေရန်၊ ထိုသို့ဖြင့် သမ္မာတရား စစ်မှန်မှုထဲသို့ တဖြည်းဖြည်း ဝင်ရောက်နိုင်စေရန် ဖြစ်သည်။ ဤအရာကို သင်တို့ မိမိတို့ကိုယ်တိုင် စွမ်းဆောင်ရရှိပြီးပြီလော။ လူတို့သည် အလုပ်နှင့် မည်မျှ အလုပ်များသည်ဖြစ်စေ၊ သို့မဟုတ် ၎င်းတို့၏ ပတ်ဝန်းကျင်သည် မည်မျှ အကျိုးကျေးဇူးပြုသည်ဖြစ်စေ၊ သို့မဟုတ် မည်မျှ မလိုလားအပ်သည်ဖြစ်စေ၊ ဘုရားသခင်၌ ၎င်းတို့၏ ယုံကြည်မှုရှိ ၎င်းတို့၏ ရည်ရွယ်ချက်မှာ ၎င်းတို့၏ သမ္မာတရား လိုက်စားခြင်း မပြောင်းလဲရန်အတွက် ဖြစ်သည်။ လူတို့သည် အလုပ်များသောကြောင့် အမှုအရာများနှင့် အလုပ်ရှုပ်သောကြောင့်၊ သို့မဟုတ် ၎င်းတို့၏ မလိုလားဖွယ် ဖြစ်သော ပတ်ဝန်းကျင်ကို ရှောင်ကြဉ်လိုသောကြောင့် သမ္မာတရား လိုက်စားရန် မမေ့လျော့ရပေ၊ သို့မဟုတ် ဤအခြေအနေအားလုံးကို ဘုရားသခင်က စီစဉ်ထားခြင်း ဖြစ်ကြောင်းကို မမေ့လျော့ရ၊ သို့မဟုတ် ဘုရားသခင်၏ အလိုတော်မှာ ၎င်းတို့အနေဖြင့် ဤအမျိုးမျိုးသော အခြေအနေများတွင် သင်ခန်းစာများ သင်ယူရန်၊ လူမျိုးစုံ၊ အဖြစ်အပျက်မျိုးစုံနှင့် အမှုအရာမျိုးစုံတို့ကြား မည်သို့ ပိုင်းခြားသိမြင်ရမည်ဆိုသည်ကို သင်ယူရန်၊ သမ္မာတရားကို နားလည်ရန်၊ ထိုးထွင်းအမြင်၌ ကြီးထွားရန်နှင့် ဘုရားသခင်ကို သိရှိရန်အတွက် ဖြစ်သည်ကို မမေ့လျော့ရပေ။ ဤအရာများကို သင်တို့ စွမ်းဆောင်ရရှိပြီးခြင်း ရှိမရှိဆိုသည်ကို သင်တို့အားလုံး အလွန်အလေးအနက်ထားသည့် အနှစ်ချုပ်တစ်ခု ပြုလုပ်သင့်ကြပေသည်။

လတ်တလော နှစ်ကာလများတွင် အသင်းတော် အလုပ်သည် အလွန့်အလွန် များနေခဲ့သောကြောင့် အဖွဲ့အသီးသီးရှိ အသင်းသားများကို ပြောင်းရွှေ့ခြင်းနှင့် တာဝန်ပြောင်းခြင်းအပြင် ဖော်ထုတ်ခြင်း၊ ဖယ်ရှားခြင်းနှင့် ရှင်းလင်းခြင်းတို့သည် အတော်ပင် မကြာခဏ ဖြစ်ပေါ်နေခဲ့သည်။ ဤအလုပ်ကို ဆောင်ရွက်သည့် လုပ်ငန်းစဉ်တွင် အသင်းသားများကို ပြောင်းရွှေ့ခြင်းသည် အထူးသဖြင့် အတိုင်းအတာအားဖြင့် မကြာခဏဖြစ်ကာ များပြားနေခဲ့သည်။ သို့ရာတွင် အပြောင်းအရွှေ့များ မည်မျှ ဖြစ်ပျက်ခဲ့သည်ဖြစ်စေ၊ သို့မဟုတ် အမှုအရာများ မည်မျှ ပြောင်းလဲသည်ဖြစ်စေ ဘုရားသခင်ကို အမှန်တကယ် ယုံကြည်ပြီး တောင့်တသူများရှိ သမ္မာတရား လိုက်စားရန် စိတ်ပိုင်းဖြတ်ချက်သည် ပြောင်းလဲခြင်းမရှိ၊ ၎င်းတို့၏ ကယ်တင်ခြင်း ရရှိလိုစိတ်သည် ပြောင်းလဲခြင်း မရှိ၊ ဘုရားသခင်၌ ၎င်းတို့၏ ယုံကြည်ခြင်းသည် ပြောင်းလဲခြင်း မရှိသကဲ့သို့ ၎င်းတို့သည် ကောင်းမွန်သည့် ဦးတည်ချက်ဖြင့် အမြဲ တိုးတက်နေကြပြီး မိမိတို့တာဝန်ကို ထမ်းဆောင်ရာတွင် ယနေ့ထိ ဆက်လက် အပတ်တကုတ်ကြိုးစားကြပြီး ဖြစ်သည်။ စဉ်ဆက်မပြတ် တာဝန်ပြောင်းခံရခြင်းမှတစ်ဆင့် ၎င်းတို့၏ မှန်ကန်သည့်နေရာကို ရှာတွေ့ပြီး စည်းမျဉ်းများကို မည်သို့ ရှာဖွေပြီး မိမိတို့တာဝန် ထမ်းဆောင်ရမည်ဆိုသည်ကို သင်ယူကြသည့်သူများထက်ပင် များစွာ ပိုတော်သည့်သူများ ရှိကြသည်။ သို့ရာတွင် သမ္မာတရား မလိုက်စားသူများ၊ အပြုသဘောဆောင်သော အရာများကို မချစ်သူများနှင့် သမ္မာတရားကို ငြီးငွေ့သောသူများသည် ကောင်းစွာ ထမ်းဆောင်ခြင်း မရှိကြချေ။ လူအချို့သည် အမှန်တွင် ၎င်းတို့၏ အတွင်းပိုင်း အခြေအနေက အလုံးစုံ ကမောက်ကမ ဖြစ်နေနှင့်ပြီး လုံးဝ ဝမ်းနည်းညိုးငယ်ကာ အပျက်သဘောဆောင်နေချိန် လတ်တလောတွင် မိမိတို့တာဝန်များကို ဆက်လက်ထမ်းဆောင်ရန် မိမိတို့ကိုယ်ကို ဖိအားပေးနေကြသည်။ သို့သော် ၎င်းတို့သည် အသင်းတော်ကို မစွန့်ခွာကြသေးသကဲ့သို့ ဘုရားသခင်ကို ၎င်းတို့ ယုံကြည်ကြသည့်အလား ထင်ရပြီး မိမိတို့ တာဝန်များကို ထမ်းဆောင်နေကြဆဲဖြစ်သော်လည်း အမှန်တွင် ၎င်းတို့၏ စိတ်နှလုံးများက ပြောင်းလဲပြီးဖြစ်ကာ ဘုရားသခင်ထံမှ ၎င်းတို့ သွေဖည်ကာ ဘုရားသခင်ကို စွန့်ပစ်ကြပြီးဖြစ်သည်။ လူအချို့သည် “ကျွန်ုပ်၏ ငယ်ရွယ်မှုကို ကျွန်ုပ် မဖြုန်းတီးနိုင်ပါ။ ကျွန်ုပ်တို့ တစ်ကြိမ်သာ ငယ်ရွယ်ကြရပြီး ကျွန်ုပ်၏ ငယ်ရွယ်မှုကို ကျွန်ုပ် လုံးဝ ဖြုန်းတီး၍ မဖြစ်ပါ။ ဘုရားသခင် ရှိသည်ကို ကျွန်ုပ် စိတ်နှလုံးတွင် ယုံကြည်သော်လည်း သမ္မာတရားကို လိုက်စားရန် သင်၏ ငယ်ရွယ်မှုကို စတေးနေသည့် သင့်ကဲ့သို့ ကျွန်ုပ် မရိုးအနိုင်ပါ။ ကျွန်ုပ်သည် အိမ်ထောင်ပြုပြီး မိမိဘဝကို ပြည့်ပြည့်ဝဝ အသက်ရှင်သင့်သည်။ ဘဝက တိုတောင်းပြီး နှစ်အနည်းငယ်သာ ကျွန်ုပ်တို့ ငယ်ရွယ်သည်။ မျက်တောင်တစ်ချက်အခတ်တွင် ဘဝက ပြီးဆုံးသွားသည်။ ကျွန်ုပ်၏ ငယ်ရွယ်မှုကို ဤနေရာတွင် ကျွန်ုပ် ဖြုန်းကို မဖြုန်းတီးနိုင်ပါ။ ကျွန်ုပ်၏ ငယ်ရွယ်မှု မကုန်ဆုံးမီ ကျွန်ုပ်သည် ပူပင်ကြောင့်ကြမဲ့ပြီး နှစ်အနည်းငယ် ဘဝကို အပြည့်အဝ အသက်ရှင်နိုင်သည်”ဟု ဆိုလျက် အိမ်ထောင်ပြုကာ မိမိတို့၏ ဘဝများကို ရှင်သန်ရန် အိမ်ပြန်သွားကြသည်။ လူအချို့သည် ၎င်းတို့၏ ချမ်းသာကြွယ်ဝလာမည့် အိပ်မက်များကို ဆက်လက်လိုက်စားအားထုတ်ကြသည်။ လူအချိူ့သည် အရာရှိ အလုပ်အကိုင်တစ်ခုကို ဆက်လက် လိုက်စားအားထုတ်ကြပြီး အရာရှိတစ်ဦး၊ သို့မဟုတ် ဗျူရိုကရက်တစ်ဦး ဖြစ်လာမည့် ၎င်းတို့၏ အိပ်မက်ကို အကောင်အထည်ဖော်ကြသည်။ အချို့တို့သည် သားသမီးများထွန်းကားဖို့ကို လိုက်စားကြသဖြင့် သားသမီးများကို မွေးပေးနိုင်သည့် ဇနီးမယားတစ်ဦးကို ယူကြသည်။ လူအချို့မှာ ဘုရားသခင်၌ ၎င်းတို့၏ ယုံကြည်မှုအတွက် လိုက်လံဖမ်းဆီးခြင်းခံရသည်၊ အားနည်းကာ မကျန်းမမာဖြစ်လာသည်အထိ နှစ်ချီ နှိပ်စက်ခံကြရပြီးနောက် ၎င်းတို့၏ ကျန်ရှိသည့် နှစ်ကာလများကို အသက်ရှင်နေထိုင်ရန် ၎င်းတို့၏ တာဝန်များကို စွန့်ပစ်ကာ အိမ်ပြန်သွားကြလေသည်။ လူတိုင်း၏ အခြေအနေသည် မတူပေ။ လူအချို့သည် မိမိတို့ ဆန္ဒအလျောက် စွန့်ခွာကြပြီး မိမိတို့ အမည်များကို စာရင်းမှဖျက်စေကြသည်။ အချို့မှာ ဖယ်ရှားခံရသည့် မယုံကြည်သူများဖြစ်ပြီး အချို့မှာ မကောင်းမှုမျိုးစုံ လုပ်ဆောင်ကာ နှင်ထုတ်ခံရကြသည်။ ဤလူများအားလုံး၏ အရိုးများအတွင်းတွင် မည်သည့်အရာ တည်ရှိသနည်း။ ၎င်းတို့၏ အနှစ်သာရသည် အဘယ်နည်း။ ထိုအရာကို သင်တို့ ရှင်းလင်းစွာ မြင်ကြပြီလော။ ဤလူများ၏ ဇာတ်လမ်းများ သင်တို့၏ နားသို့ ရောက်ရှိသည့်အခါတိုင်းတွင် သင်တို့ အလွန် တို့ထိခြင်းခံရကြသလော။ သင်တို့က “၎င်းတို့သည် အဘယ်သို့ ဤကဲ့သို့ ဖြစ်သွားကြသနည်း။ ထိုသို့သော အဆုံးသတ်တစ်ခုသို့ ၎င်းတို့ အဘယ်သို့ ကျဆင်းသွားနိုင်ရသနည်း။ ၎င်းတို့သည် ယခင်က ဤသို့ မဟုတ်ခဲ့ကြပါ၊ ၎င်းတို့သည် ချီးကျူးလောက်စရာ ဖြစ်ခဲ့ကြသည်။ ထို့ကြောင့် ၎င်းတို့သည် အဘယ်သို့ အလွန် လျင်မြန်စွာ ပြောင်းလဲသွားနိုင်ရသနည်း”ဟု တွေးကောင်းတွေးနိုင်သည်။ သင် မည်သို့ တွေးဆသည်ဖြစ်စေ၊ ဤအရာများကို အဖြေရှာမရနိုင်ပေ၊ သို့မဟုတ် နားလည်၍ မရနိုင်ပေ။ ထိုအရာအကြောင်းကို သင် အတန်ငယ် စဉ်းစားပြီး “ဤလူသည် အပျက်သဘောဆောင်သော အရာများကို မချစ်ပါ။ မယုံကြည်သူတစ်ဦး ဖြစ်သည်”ဟု တွေးသည်။ အချိန်အချို့ကြာပြီးနောက်တွင် ဤလူများ လုပ်ဆောင်သည့် အရာများ၊ ၎င်းတို့၏ စွမ်းဆောင်ရည်၊ အပြုအမူ၊ ၎င်းတို့၏ စကားနှင့် မှတ်ချက်အချို့၊ ပြီးလျှင် ၎င်းတို့၏ လိုက်စားမှုတို့သည် သင်၏ စိတ်တွင် သို့မဟုတ် လူတို့၏ အသိဉာဏ်တွင် လျော့ပါးသွားပြီး ထို့နောက်တွင် ဤအရာများကို သင် မေ့လျော့ကာ ၎င်းတို့နှင့် ပတ်သက်သည့် သင်၏ ခံစားချက်များ တဖြည်းဖြည်း ပျောက်ကွယ်သွားလေသည်။ ထိုသို့သော လူများ၊ အဖြစ်အပျက်များ၊ သို့မဟုတ် အမှုအရာများ တစ်ဖန် ဖြစ်ပေါ်သည့်အခါ သင်က “အို၊ မစဉ်းစားဝံ့အောင်ပါလား။ သူတို့ အဘယ်သို့ ဖြစ်နိုင်ရသနည်း။ သူတို့သည် ယခင်က ဤကဲ့သို့ မဟုတ်ခဲ့ကြပါ။ ငါ နားကိုမလည်နိုင်ပါ”ဟု တစ်ဖန် တွေးမိလေသည်။ သင်သည် အလားတူ အရာများကို တစ်ဖန် ခံစားမိကာ အလားတူ သိနားလည်မှု ရှိလေသည်။ ငါ့ကို ပြောလော့၊ ဤလူများ ဖော်ထုတ်ခံရပြီး ဖယ်ရှားခံရသည့်အခါ ဝမ်းနည်းစရာတစ်ခု ဖြစ်သလော။ (မဖြစ်ပါ။) ဤလူများကို သင်တို့ သတိရလွမ်းဆွတ်ခြင်း မရှိကြသလော။ (မရှိပါ။) ဤလူများ၏ အကျိုးစီးပွားကို သင်တို့ ခုခံပေးကြသည် မဟုတ်လော။ (မခုခံပေးကြပါ။) သို့ဆိုလျှင် သင်တို့သည် အလွန် အကြင်နာမဲ့ခြင်း ဖြစ်ရမည်။ သင်တို့အားလုံးသည် အဘယ်သို့ အလွန် စာနာစိတ်မရှိကြသနည်း။ ၎င်းတို့သည် အသင်းတော်ကို စွန့်ခွာကြပြီးဖြစ်သည်။ ၎င်းတို့၏ အကျိုးစီးပွားအတွက် သင်တို့ အဘယ်သို့ မခုခံပေးကြသနည်း။ ၎င်းတို့အတွက် စာနာစိတ်၊ သို့မဟုတ် သနားကရုဏာ အဘယ်သို့ မရှိကြသနည်း။ ၎င်းတို့အတွက် အဘယ်သို့ သင်သည် သနားစိတ် မရှိသနည်း။ သင်သည် စာနာနိုင်စွမ်းမရှိခြင်းသာ ဖြစ်သလော။ သင်သည် အကြင်နာမဲ့သလော။ (မဟုတ်ပါ။) ငါ့ကို ပြောလော့၊ ဤသည်မှာ ဘုရားအိမ်တော်အတွက် ထိုသို့သော လူများကို ကိုင်တွယ်ဖြေရှင်းရန် သင့်လျော်သော နည်းလမ်းတစ်ခု ဖြစ်သလော။ (ဟုတ်ပါသည်။) အဘယ်သို့ သင့်လျော်ပါသနည်း။ ငါ့ကို ပြောလော့။ (ဤလူများသည် နှစ်များစွာကြာ ဘုရားသခင်ကို ယုံကြည်ပြီးဖြစ်ကာ အလွန်များသော သမ္မာတရားကို ကြားကြပြီးဖြစ်သည်မှာ ၎င်းတို့အတွက် ထိုသို့သော နည်းလမ်းတစ်ခုဖြင့် ယခု ပြုမူကာ ဘုရားသခင်ကို သစ္စာဖောက်ပြီး သူ့ထံမှ သွေဖည်ခြင်းက ၎င်းတို့သည် ကျွန်ုပ်တို့၏ သနားစိတ်နှင့် မထိုက်တန်သကဲ့သို့ သတိရ လွမ်းဆွတ်ခြင်းနှင့် မထိုက်တန်သည့် မယုံကြည်သူများ ဖြစ်ကြောင်း ပြပါသည်။) ထို့ကြောင့် ဘုရားသခင်ကို ၎င်းတို့ စတင်ယုံကြည်ကြချိန်တွင် ၎င်းတို့သည် စိတ်ထက်သန်မှုဖြင့် ပြည့်ခဲ့ကြသည်၊ မိမိတို့ အိမ်များ၊ မိမိတို့၏ အလုပ်များကို စွန့်ခဲ့ကြပြီး မကြာခဏ ပေးကမ်းလှူဒါန်းမှုများ ပြုခဲ့ကြကာ ဘုရားအိမ်တော်အတွက် ဘေးအန္တရာယ်များသော အလုပ်များကို တာဝန်ယူခဲ့ကြသည်။ သို့ရာတွင် ၎င်းတို့ကို သင်ကြည့်လိုက်ရာတွင် ၎င်းတို့အားလုံးသည် ဘုရားသခင်အတွက် မိမိတို့ကိုယ်ကို စစ်မှန်ရိုးသားစွာ အသုံးခံခဲ့ကြသည်။ ထို့ကြောင့် ယခုတွင် ၎င်းတို့ အဘယ်သို့ဖြစ်ပြီး ပြောင်းလဲသွားပြီး ဖြစ်သနည်း။ ဘုရားသခင်က ၎င်းတို့ကို မနှစ်သက်ခဲ့သကဲ့သို့ အစကတည်းမှ ၎င်းတို့ကို အသုံးပြုခဲ့ကြသောကြောင့်လော။ (မဟုတ်ပါ။) ဘုရားသခင်သည် လူတိုင်းကို မျှတစွာနှင့် တန်းတူ ဆက်ဆံပြီး အားလုံးကို အခွင့်အရေးများ ပေးသည်။ ၎င်းတို့အားလုံးသည် အသင်းတော်အသက်တာကို အသက်ရှင်ခဲ့ကြသည်၊ ဘုရားနှုတ်ကပတ်တော်များကို စားသောက်ခဲ့ကြပြီး ဘုရားသခင်၏ ထောက်ပံ့ပေးခြင်း၊ ရေလောင်းပေးခြင်းနှင့် ထိန်းကျောင်းပေးခြင်းခံရလျက် အသက်ရှင်ခဲ့ကြသည်။ ထို့ကြောင့် ၎င်းတို့သည် အဘယ်သို့ ဖြစ်ပြီး အလွန် ပြောင်းလဲသွားရသနည်း။ ဘုရားသခင်ကို ၎င်းတို့ စတင်ယုံကြည်ခဲ့ချိန်က ၎င်းတို့၏ အပြုအမူနှင့် အသင်းတော်ကို ၎င်းတို့ စွန့်ခွာခဲ့သည့်အချိန်က ၎င်းတို့၏ အပြုအမူမှာ ၎င်းတို့သည် လူနှစ်ဦးကဲ့သို့ ဖြစ်ကြသည်။ ဘုရားသခင်သည် ၎င်းတို့အား မျှော်လင့်ချက် ပျောက်ဆုံးစေပြီလော။ ဘုရားအိမ်တော်နှင့် ဘုရားသခင်၏ လုပ်ဆောင်ချက်များက ၎င်းတို့အား ပြင်းပြင်းထန်ထန် စိတ်ပျက်စေပြီလော။ ဘုရားသခင်၊ ဘုရားသခင် မိန့်မြွက်သည့် စကားများ၊ သို့မဟုတ် ဘုရားသခင် လုပ်ဆောင်သည့် အမှုတော်သည် ၎င်းတို့၏ ဂုဏ်သိက္ခာကို ထိခိုက်စေပြီလော။ (မဟုတ်ပါ။) သို့ဆိုလျှင် အကြောင်းရင်းမှာ အဘယ်နည်း။ ဤအရာကို အဘယ်သူ ရှင်းပြနိုင်သနည်း။ (ဘုရားသခင်ကို ယုံကြည်လာခဲ့ကြသည့် ဤလူများသည် ကောင်းချီးများအတွက်ဖြစ်သော ၎င်းတို့ လိုအင်၏ စိုးမိုးခြင်းခံခဲ့ရသည်ဟု ကျွန်ုပ် ထင်ပါသည်။ ၎င်းတို့သည် ကောင်းချီးများရရှိရန်အတွက်သာ ဘုရားသခင်ကို ယုံကြည်ခဲ့ခြင်း ဖြစ်၏။ ကောင်းချီးများ ရရှိမည့် မျှော်လင့်ချက် မရှိသည်ကို ၎င်းတို့ တွေ့သည့်အခိုက်တွင် ဘုရားသခင်ထံမှ ၎င်းတို့ သွေဖည်သွားကြသည်။) ၎င်းတို့၏ ရှေ့တည့်တည့်တွင် ကောင်းချီးတစ်ခု ရှိသည် မဟုတ်လော။ ၎င်းတို့၏ တာဝန်များ ထမ်းဆောင်ခြင်းကို ရပ်တန့်ရမည့် အချိန်မဟုတ်သေးပေ။ သို့ဆိုလျှင် မည်သည့်အရာအတွက် ၎င်းတို့ ထိုမျှ အလောတကြီး ဖြစ်ကြသနည်း။ အဘယ်သို့ဖြစ်ပြီး ဤအရာကိုပင် ၎င်းတို့ နားမလည်နိုင်ကြသနည်း။ (ဘုရားသခင်၊ ဤလူများသည် ဘုရားသခင်ကို စတင် ယုံကြည်လာခဲ့ကြချိန်တွင် ၎င်းတို့၏ စိတ်ထက်သန်မှုနှင့် ကောင်းမွန်သော ကြံရွယ်ချက်အပေါ် ၎င်းတို့ မှီခိုခဲ့ကြပြီး အချို့သော အရာများကို ၎င်းတို့ လုပ်ဆောင်နိုင်ခဲ့ကြသော်လည်း ယခုတွင် ဘုရားအိမ်တော်သည် ယင်း၏ အလုပ်အားလုံးကို ပိုပိုပြီး လေးနက်စွာ သဘောထားနေသည်။ လူတို့က အမှုအရာများအား သမ္မာတရား စည်းမျဉ်းများနှင့်အညီ လုပ်ဆောင်ရန် ဘုရားအိမ်တော်က တောင်းဆိုသည်။ သို့သော် ဤလူများသည် သမ္မာတရားကို လက်မခံကြပါ။ မိမိတို့ တာဝန်များကို ထမ်းဆောင်နေချိန်တွင် မိမိတို့ နှစ်သက်သည့် မည်သည့်အရာကိုမဆို လုပ်ဆောင်ရင်း ဒေါသတကြီး လျှောက်ရမ်းကြပြီး မကြာခဏ ပြုပြင်ကာ ကိုင်တွယ်ဖြေရှင်းခံရကြသည်။ ထို့ကြောင့် မိမိတို့ နေသည့်အတိုင်း ကြုံရာကျပန်း ဆက်နေ၍မရတော့ကြောင်း သူတို့ တိုး၍ ခံစားရပြီး နောက်ဆုံးတွင် ဘုရားအိမ်တော်ကို သူတို့ စွန့်ခွာကြသည်။ ဤသည်မှာ အကြောင်းအရင်းတစ်ခု ဖြစ်သည်ဟု ကျွန်ုပ် ထင်ပါသည်။) ၎င်းတို့ နေသည့်အတိုင်း ကြုံရာကျပန်း ဆက်နေ၍ မရဟူသည်မှာ ပြောဆိုခြင်းသည် မှန်ကန်သည့် အရာတစ်ခုလော။ (ဟုတ်ပါသည်။) ၎င်းတို့ နေသည့်အတိုင်း ကြုံရာကျပန်း ဆက်နေ၍မရဟူသည်မှာ အမှုအရာများကို ဖြစ်သလိုလုပ်ကြသည့် လူများနှင့် စပ်လျဉ်း၍ ပြောဆိုထားခြင်း ဖြစ်သည်။ ဘုရားသခင်ကို ယုံကြည်လာသည့်၊ အမှုအရာများကို ဖြစ်သလိုမလုပ်ကြသည့်၊ အလွန် စိတ်ထက်သန်ကြသည့်၊ ဤကိစ္စရပ်ကို အလွန် လေးနက်စွာ သဘောထားကြသည့် လူအချို့ ရှိသည်။ ထို့ကြောင့် ၎င်းတို့သည် အဘယ်သို့ဖြစ်ပြီး ဆက်လုပ်ဆောင်နေခဲ့ကြခြင်း မရှိသနည်း။ (အဘယ်ကြောင့်ဆိုသော် သူတို့၏ တကယ့် သဘောသဘာဝအားဖြင့် ဤလူများသည် သမ္မာတရားကို မချစ်ကြပေ။ ၎င်းတို့သည် ကောင်းချီးများ ရရှိရန်အတွက် ဘုရားသခင်ကို ယုံကြည်လာကြခြင်း ဖြစ်သည်။ ဘုရားအိမ်တော်က သမ္မာတရားအကြောင်း အမြဲ ပြောဆိုနေသည်ကို သူတို့ မြင်ကြပြီး သမ္မာတရားကို ငြီးငွေ့ကာ ထိုသမ္မာတရားကို အတိုက်အခံလုပ်ကြ၍ စုဝေးပွဲများ တက်ရောက်ပြီး တရားဒေသနာများကို နားထောင်ရန် ဆန္ဒ နည်းသည်ထက် နည်းလာကြကာ ဤသည်မှာ သူတို့ ဖော်ထုတ်ခံရသည့်ပုံစံ ဖြစ်သည်။) ဤသည်မှာ အခြေအနေတစ်မျိုးဖြစ်ပြီး ဤကဲ့သို့သော လူများစွာ ရှိသည်။ မိမိတို့၏ တာဝန်များကို ပေါ့ပေါ့ဆဆ ပုံစံဖြင့် အမြဲ ထမ်းဆောင်ကြသည့်၊ မိမိတို့ တာဝန်ကို မည်သည့်အခါတွင်မျှ ကောင်းစွာ ထမ်းဆောင်ခြင်း မရှိကြသည့်၊ သို့မဟုတ် မည်သည့်တာဝန်ကိုမဆို ၎င်းတို့ လုပ်ဆောင်သည်ဖြစ်စေ ထိုအတွက် တာဝန်ယူခြင်း မရှိသည့် လူအချို့လည်း ရှိသည်။ ၎င်းတို့ မတတ်စွမ်းနိုင်ခြင်း၊ သို့မဟုတ် ၎င်းတို့၏ အစွမ်းအစသည် အလုပ်နှင့် ကိုက်ညီမှုမရှိခြင်း မဟုတ်၊ ၎င်းတို့သည် မနာခံတတ်သကဲ့သို့ ဘုရားအိမ်တော် တောင်းဆိုသည့်အရာအတိုင်း အမှုအရာများကို ၎င်းတို့ မလုပ်ဆောင်ကြခြင်း ဖြစ်သည်။ ၎င်းတို့သည် ဒေါသတကြီး လျှောက်ရမ်းကာ မိမိတို့ နှစ်သက်သည့် မည်သည့်အရာကိုမဆို လုပ်ဆောင်သောကြောင့် နောက်ဆုံးတွင် အနှောင့်အယှက်များနှင့် ဆူပူမှုများ ဖြစ်စေသည်အထိတိုင် မိမိတို့ လုပ်ဆောင်လိုသည့် မည်သည့်ပုံစံဖြင့်မဆို အမှုအရာများကို အမြဲ လုပ်ဆောင်ကြလေသည်။ ၎င်းတို့ မည်သို့ ပြုပြင်ခံရကာ ကိုင်တွယ်ဖြေရှင်းခံရသည်ဖြစ်စေ၊ နောင်တမရကြသောကြောင့် နောက်ဆုံးတွင် မောင်းထုတ်ခြင်း ခံရကြသည်။ မောင်းထုတ်ခံရကြသည့် ဤလူများသည် အလွန် စက်ဆုပ်ဖွယ် စိတ်သဘောထားတစ်ခုနှင့် မာနထောင်လွှားသော လူ့သဘာဝတစ်ခု ရှိကြသည်။ ၎င်းတို့ သွားသည့်နေရာတိုင်းတွင် အဆုံးအဖြတ် ပေးလိုကြသည်။ လူတိုင်းကို အထင်သေးကြပြီး နောက်ဆုံး ဖယ်ရှားခံရသည်အထိတိုင် အာဏာရှင်များကဲ့သို့ ပြုမူကြလေသည်။ အချို့သော လူများသည် အစားထိုးခံရကာ ဖယ်ရှားခံရသည့်နောက်၊ ၎င်းတို့ သွားသည့် မည်သည့်နေရာတွင်မဆို မည်သည့်အရာမျှ အဆင်ပြေချောမွေ့ခြင်း မရှိသကဲ့သို့ မည်သူကမျှ ၎င်းတို့ကို တန်ဖိုးထားခြင်း မရှိ၊ သို့မဟုတ် ၎င်းတို့ကို အာရုံစိုက်ခြင်း မရှိကြကြောင်း ခံစားကြရသည်။ မည်သူကမျှ ၎င်းတို့ကို အထင်ကြီးခြင်း မရှိကြတော့ပေ။ ၎င်းတို့သည် အဆုံးအဖြတ် မပေးနိုင်ကြတော့ပေ။ မိမိတို့ အလိုရှိသည့်အရာကို မရနိုင်ကြသကဲ့သို့ ကောင်းချီးမင်္ဂလာများ ရရှိရန် မဆိုထားနှင့်၊ အဆင့်အတန်း တစ်ခုတလေ ရရှိမည့် မျှော်လင့်ချက်လည်း မရှိကြပေ။ ၎င်းတို့သည် အသင်းတော်ထဲတွင် ကြုံရာကျပန်း နေလို့ရမည့် မျှော်လင့်ချက် မရှိတော့၊ ထိုအတွက် ၎င်းတို့ စိတ်ဝင်စားမှုမရှိကြတော့ဟု ခံစားကြရပြီး ထို့ကြောင့် ထွက်ခွာရန် ရွေးချယ်ကြသည်။ ဤကဲ့သို့သော လူများစွာ ရှိ၏။

မိမိတို့၏ ထွက်ခွာရခြင်းအကြောင်းရင်းက ဖယ်ရှားခံရသူအများစု၏ အကြောင်းရင်းနှင့် တူသည့် လူအချို့လည်း ရှိသည်။ ဤလူများသည် ဘုရားသခင်ကို အချိန်မည်မျှကြာ ယုံကြည်ပြီးသည်ဖြစ်စေ ဘုရားအိမ်တော်၌ ၎င်းတို့ ကိုယ်တိုင်ကိုယ်ကျ တွေ့ကြုံပြီး မြင်သည့်အရာမှာ ဘုရားအိမ်တော်တွင် စုဝေးခြင်းများသည် ဘုရားနှုတ်ကပတ်တော်များ မရပ်မနား ဖတ်ရွတ်ခြင်းနှင့် သမ္မာတရားအပေါ် မိတ်သဟာယပြုခြင်း၊ မိမိကိုယ်ကို သိခြင်းအကြောင်း၊ သမ္မာတရားကို လက်တွေ့လုပ်ဆောင်ခြင်း၊ တရားစီရင်ခြင်းနှင့် ပြစ်တင်ဆုံးမခြင်းတို့ကို လက်ခံခြင်း၊ ပြုပြင်ခံရခြင်းနှင့် ကိုင်တွယ်ဖြေရှင်းခြင်းတို့ကို လက်ခံခြင်း၊ သမ္မာတရား စည်းမျဉ်းများအတိုင်း မိမိတာဝန်ကို ထမ်းဆောင်ခြင်းတို့အကြောင်းကို ပြောဆိုခြင်း၊ စိတ်သဘောထားဆိုင်ရာ ပြောင်းလဲမှုနှင့် မိမိ၏ ဖောက်ပြန်ပျက်စီးသော စိတ်သဘောထားများကို စွန့်ပယ်ခြင်းနှင့်ပတ်သက်၍ ပြောဆိုဆွေးနွေးခြင်းအကြောင်း ဖြစ်ကြသည်။ အသင်းတော် အသက်တာတွင် မိတ်သဟာယပြုသည့် အမှုဖြစ်စေ၊ အထက်မှ ပေးသည့် တရားဒေသနာများနှင့် မိတ်သဟာယတွင် ခြုံငုံသည့် အကြောင်းအရာများဖြစ်စေ ဘုရားသခင် လုပ်ဆောင်သည့် အမှုအားလုံးသည် သမ္မာတရား ဖြစ်၏၊ အားလုံး ဘုရားနှုတ်ကပတ်တော်များ ဖြစ်ပြီး အားလုံး အပြုသဘောဆောင်ပေသည်။ သို့ရာတွင် ဤလူများသည် သမ္မာတရားကို လုံးဝ လက်ခံခြင်း မရှိကြချေ။ ၎င်းတို့သည် မူလက ကောင်းချီးများ ရရှိရန်နှင့် အခွင့်အရေးယူရန် ဘုရားသခင်ကို ယုံကြည်လာခဲ့ကြခြင်း ဖြစ်သည်။ ၎င်းတို့၏ သဘာဝ အနှစ်သာရကို ကြည့်သည့်အခါ ၎င်းတို့သည် အပြုသဘောဆောင်သည့် အရာများ၊ သို့မဟုတ် သမ္မာတရားကို မချစ်ကြရုံမက သာ၍ ဆိုးရွားစွာပင် ၎င်းတို့သည် အပြုသဘောဆောင်သော အရာများနှင့် သမ္မာတရားအပေါ် အလွန့်အလွန် မကြိုက်ကြသကဲ့သို့ ရန်လိုကြလေသည်။ ထို့ကြောင့် ဘုရားအိမ်တော်သည် သမ္မာတရားအပေါ် သာ၍ မိတ်သဟာယပြုလေ၊ သမ္မာတရားကို လက်တွေ့လုပ်ဆောင်ခြင်းအကြောင်း ပြောဆိုလေ သမ္မာတရား လိုက်စားခြင်းနှင့် စည်းမျဉ်းများနှင့်အညီ အမှုအရာများ လုပ်ဆောင်ခြင်းအကြောင်း ပြောဆိုလေ ဤလူများသည် စိတ်ထဲတွင် သာ၍ ဘဝင်မကျဖြစ်ကာ မကြိုက်လေဖြစ်ပြီး နားထောင်ရန် လိုလားခြင်းမရှိလေ ဖြစ်သည်။ ငါ့ကို ပြောလော့၊ ဤလူများ နားထောင်ချင်ကြသည့်အရာမှာ မည်သည့်အရာ ဖြစ်သနည်း။ သင်တို့ သိကြသလော။ (ခရီးပန်းတိုင်များနှင့် ကောင်းချီးများ ရရှိခြင်းအကြောင်း၊ ပြီးလျှင် ဧဝံဂေလိဖြန့်ဝေခြင်း အလုပ်က မကြုံစဖူး အဆင့်သို့ ရောက်ရှိခြင်းအကြောင်းကို သူတို့ နားထောင်ရန် နှစ်သက်ကြပါသည်။) ၎င်းတို့ ကြားလိုသည့် အရာအချို့ ရှိသည်။ ၎င်းတို့သည် ဆောင်ပုဒ်များ ဟစ်ကြွေးရန်၊ အယူဝါဒ ဟောပြောရန်နှင့် ဓမ္မပညာ၊ သီအိုရီနှင့် နက်နဲမှုများအကြောင်း ပြောဆိုရန်လည်း နှစ်သက်ကြသည်။ ၎င်းတို့သည် ဘုရားသခင်၏ အမှုတော်က မည်သည့်အချိန်တွင် အဆုံးသတ်သို့ ရောက်လာလိမ့်မည်ဟုလည်းကောင်း၊ မည်သည့်အချိန်တွင် ကြီးမားသည့် ကပ်ဘေးများ ကျရောက်လိမ့်မည်ဟုလည်းကောင်း၊ လူသားမျိုးနွယ်၏ အနာဂတ် ခရီးပန်းတိုင်က မည်သည့်အရာ ဖြစ်လိမ့်မည်ဟုလည်းကောင်း၊ ကပ်ဘေးများ ရောက်လာသည့်အခါ ဆိုးယုတ်သည့် အင်အားစုများ မည်သို့ ဖျက်ဆီးခံရလိမ့်မည်ဟုလည်းကောင်း၊ နိမိတ်လက္ခဏာများနှင့် အံ့ဖွယ်ရာအချို့ကို ဘုရားသခင် မည်သို့ ပြုလိမ့်မည်ဟုလည်းကောင်း၊ ဘုရားအိမ်တော်၏ အင်အားစုများနှင့် အတိုင်းအတာသည် မည်သို့ စဉ်ဆက်မပြတ် တိုးချဲ့ကာ ကြီးထွားနေလိမ့်မည်ဟုလည်းကောင်း၊ ၎င်းတို့သည်လည်း မည်သို့ ကြွားဝါလျက် ထောင်ထောင်ထောင်ထောင်နှင့် သွားကြလိမ့်မည်ဟုလည်းကောင်း စသည့်အကြောင်းများကို မကြာမကြာ ပြောဆိုကြသည်။ ထို့အပြင် ၎င်းတို့အတွက် အရေးအကြီးဆုံးသော အရာမှာ ၎င်းတို့အနေဖြင့် စဉ်ဆက်မပြတ် ရာထူးတိုးခြင်းခံရကာ ဘုရားအိမ်တော်တွင် အသုံးပြုခံရမည့်အကြောင်း ဖြစ်သည်။ ဤနည်းဖြင့် ၎င်းတို့သည် ဘုရားအိမ်တော်တွင် အချိန်တစ်ခုကြာ ကြုံရာကျပန်း နေနိုင်ကြလိမ့်မည်ဖြစ်သော်လည်း ကြုံရာကျပန်း နေနေကြစဉ်တွင် ဘုရားသခင်၊ သို့မဟုတ် ဘုရားအိမ်တော်က လုပ်ဆောင်သည့် မည်သည့်အမှုမျှသည် ၎င်းတို့ ဖြစ်စေချင်သည့်အရာ မဟုတ်သကဲ့သို့ ၎င်းတို့ ကြားကာ မြင်သည့်အရာမှန်သမျှမှာ သမ္မာတရားနှင့် ပတ်သက်သည့် ကိစ္စရပ်များ ဖြစ်သည်။ ထို့ကြောင့် ၎င်းတို့၏ စိတ်နှလုံးများထဲတွင် အသင်းတော်အသက်တာကို ၎င်းတို့ အလွန့်အလွန် ငြီးငွေ့ကာ စိတ်ကုန်လာကြသည်။ ထိုအရာကို ၎င်းတို့ စိတ်မဝင်စားကြ၍ ဂနာမငြိမ်ဖြစ်ကြကာ မနေနိုင်ကြသကဲ့သို့ ထိုအရာ၏ ညှဉ်းဆဲခြင်းကို ခံစားကြရသည်။ လူအချို့သည် “မကောင်းသည့် လုပ်ရပ်တစ်ခုကို ကျွန်ုပ် ကျူးလွန်မည်၊ အပြုသဘော အချို့ကို ဖွင့်ထုတ်မည်ဖြစ်ပြီး မကောင်းသည့်အရာ တစ်ခုခုကို လုပ်မည်။ ထိုအခါ အသင်းတော်က ကျွန်ုပ်ကို ရှင်းလင်းကာ နှင်ထုတ်မည်ဖြစ်သည်။ ထို့ကြောင့် အသင်းတော်ကို စွန့်ခွာရာတွင် ကျွန်ုပ် လုံးဝ တရားလိမ့်မည်”ဟု ဆိုလျက် အသင်းတော်ကို စွန့်ခွာရန် ဆင်ခြေတစ်ခု၊ အကြောင်းပြချက်တစ်ခုနှင့် ယိုးမယ်ဖွဲ့ခြင်းတစ်ခုကို ရှာကြပြီး နည်းလမ်းတစ်ခုကို ရှာကြသည်။ ထို့နောက် မိမိတို့၏ နိုင်ငံခြား ဝင်ခွင့်ပါမစ်များကို ဖြေရှင်းရန် ထွက်သွားသည့်အခါ မိမိတို့၏ ဘုရားနှုတ်ကပတ်တော် စာအုပ်များကို အပ်နှံကာ မိမိတို့ ပစ္စည်းများကို ထုပ်ပိုးပြီး နှုတ်ဆက်ခြင်းပင် မရှိဘဲ ထွက်ခွာသွားကြသူများ ရှိသည်။ ဤလူများသည် လူရမ်းကားများနှင့် မိန်းမပျက်များကဲ့သို့ ဖြစ်ပြီး ပုံမှန်လူများ လုပ်ဆောင်သည့် နည်းလမ်းဖြင့် အမှုအရာများကို လုပ်ဆောင်ခြင်း မရှိကြချေ။ မွန်မြတ်သော အမျိုးသမီးများနှင့် ပုံမှန်လူများ စဉ်းစားသည့်အရာ၊ အခြားလူများ အနီးဝန်းကျင်တွင် ရှိသည့်အခါ ပြောဆိုသည့်အရာများသည် ဘဝကို အသက်ရှင်ပုံနှင့်ဆိုင်သည့် လေးနက်သော ကိစ္စရပ်များ ဖြစ်သည်။ ကောင်းမွန်သည့် ဘဝတစ်ခုကို မည်သို့ အသက်ရှင်ရမည်၊ မိမိ၏ တစ်မိသားစုလုံးကို မည်သို့ ကောင်းစွာ စားသောက်နိုင်စေရမည်၊ မည်သို့ အဝတ်အစားကောင်းများ ဝတ်နိုင်စေပြီး နေထိုင်ရန် ကောင်းမွန်သည့် နေရာတစ်ခု မည်သို့ ရှိနိုင်စေရမည်၊ မိမိတို့၏ သားသမီးများကို အရွယ်ရောက်သူများအဖြစ်သို့ မည်သို့ ပြုစုပျိုးထောင်ရမည်ဆိုသည်နှင့် မိမိတို့၏ သားသမီးများအား မှန်ကန်သည့် လမ်းကြောင်းကို မည်သို့ လိုက်လျှောက်စေရမည်ဟူသည့် အရာများသည် ၎င်းတို့ စဉ်းစားသည့် အရာများ ဖြစ်သည်။ သို့ရာတွင် ထိုလူရမ်းကားများနှင့် မိန်းမပျက်များသည် ဤအရာများအကြောင်းကို လုံးဝ မစဉ်းစားကြချေ။ ဤသင့်တင့်လျောက်ပတ်သော ကိစ္စရပ်များကို ၎င်းတို့နှင့်အတူ သင် ပြောဆိုဆွေးနွေးပါက သင့်အားဖြင့် ၎င်းတို့ စိတ်အနှောင့်အယှက်ဖြစ်ကြသည်၊ သင့်ကို ၎င်းတို့ မုန်းကြပြီး သင်နှင့် ကင်းအောင်နေကြလေသည်။ ထို့ကြောင့် ၎င်းတို့ စဉ်းစားသည်မှာ မည်သည့်အရာဖြစ်သနည်း။ စားခြင်း၊ သောက်ခြင်းနှင့် ပါတီတက်ခြင်းအကြောင်းကို ၎င်းတို့ အမြဲ စဉ်းစားနေကြသလော။ (စဉ်းစားနေကြပါသည်။) ၎င်းတို့သည် စားခြင်း၊ သောက်ခြင်းနှင့် ပါတီတက်ခြင်းအပြင် လိုချင်မက်မောသော အရာများအကြောင်းကို အမြဲ စဉ်းစားနေကြသည်။ ဤအရာများအကြောင်းကို ပုံမှန်လူများထံ ၎င်းတို့ ပြောဆိုသည့်အခါ၊ ပုံမှန်လူများက မတုံ့ပြန်ကြချေ။ ပုံမှန်လူများသည် ၎င်းတို့နှင့် မတူကြ၊ ၎င်းတို့တွင် ပြောဆိုရန် တူညီသော စကားအကြောင်းအရာ မရှိကြသကဲ့သို့ အမြင်မတူကြချေ။ ပုံမှန်လူများ ပြောဆိကြသည့်အရာများမှာ ၎င်းတို့ စိတ်နှလုံးများတွင် မရှိကြ။ ထိုအရာများကို ၎င်းတို့ သည်းမခံနိုင်ကြသကဲ့သို့ နားမထောင်လိုကြချေ။ ထိုသို့ အသက်ရှင်ခြင်းသည် မိမိတို့ကိုယ်ကို ဆိုးဆိုးရွားရွား မှားယွင်းစေဖို့ဖြစ်ပြီး ချုပ်ချယ်ခြင်းခံရလျက်နှင့် မည်သည့် လွတ်လပ်မှုမျှမရှိဘဲ အသက်ရှင်ဖို့ ဖြစ်သည်ဟု ၎င်းတို့ တွေးထင်ကြလေသည်။ ဆန့်ကျင်ဖက် လိင်ဖြစ်သည့် အသင်းသားတစ်ဦးကို သွေးဆောင်ဖြားယောင်းရန် အမြဲ လှပစွာ ဝတ်စားဆင်ယင်ခြင်းသည် စိတ်လှုပ်ရှားရပြီး ပူပြင်ကြောင့်ကြမဲ့ အသက်ရှင်နည်းတစ်ခုဖြစ်သည်ဟု ၎င်းတို့ တွေးထင်ကြသည်။ ၎င်းတို့အဖို့ ထိုအရာမှာ ပြီးပြည့်စုံသည့် ဘဝ ဖြစ်သည်။ အသင်းတော်ကို စွန့်ခွာသည့် ဤလူများသည် မယုံကြည်သူများ၏ ဘဝများကို အားကျကြသည်၊ အပြစ်တရားနှင့်ဆိုင်သည့် ပျော်ရွှင်မှုများကို အားကျကြပြီး မယုံကြည်သူများ လုပ်ဆောင်သည့် နည်းလမ်းအတိုင်း မိမိတို့၏ နေ့ရက်ကာလများကို ကုန်ဆုံးခြင်းနှင့် မယုံကြည်သူများ အသက်ရှင်သည့် နည်းလမ်းအတိုင်း အသက်ရှင်ခြင်းသည် စိတ်လှုပ်ရှားပြီး ပျော်ရွှင်သည့် ဘဝတစ်ခုကို ၎င်းတို့ အသက်ရှင်နိုင်သည့် တစ်ခုတည်းသော နည်းလမ်းဖြစ်ကာ မိမိတို့ကိုယ်ကို စိတ်ပျက်အောင် မလုပ်ဘဲ အသက်ရှင်ရန် တစ်ခုတည်းသော နည်းလမ်းဖြစ်သည်ဟု ၎င်းတို့ တွေးထင်ကြသည်။ လူရမ်းကားများနှင့် မိန်းမပျက်များကဲ့သို့ပင် ဤမယုံကြည်သူများသည် ပုံမှန် လူ့သဘာဝ မရှိကြသကဲ့သို့ ပုံမှန် လူများမဟုတ်ကြ။ အပြုသဘောဆောင်သည့် တစ်စုံတစ်ရာကို လုပ်ဆောင်ရန် ၎င်းတို့အား သင် တောင်းဆိုပါက ၎င်းတို့၏ ရိုးတွင်းခြင်ဆီများနှင့် ၎င်းတို့၏ သဘာဝ အနှစ်သာရ နက်နက်ထဲတွင် အပြုသဘောဆောင်သည့် အရာများကို ၎င်းတို့ မချစ်ကြသကဲ့သို့ သမ္မာတရားကို ငြီးငွေ့ကြသောကြောင့် ထိုအရာကို လုပ်ဆောင်ရန် ၎င်းတို့ လုံးဝ ငြင်းကြလေသည်။ မည်သည့်အရာများကို ၎င်းတို့ လုပ်ဆောင်ကြသနည်း။ အသင်းတော်ရှိ ညီအစ်ကို မောင်နှမများကြားတွင် မိမိတို့၏ တာဝန်ကို ထမ်းဆောင်စဉ်တွင် ၎င်းတို့ မည်သည့်အရာကို လုပ်ဆောင်ကြသနည်း။ ၎င်းတို့သည် မိမိတို့ တာဝန်များကို ပေါ့ပေါ့ဆဆပုံစံဖြင့် ထမ်းဆောင်ကြသည်၊ အဆင့်မြင့်ပုံရသည့် သဘောတရားကို ပြောဆိုကြသည်၊ ဆောင်ပုဒ်များကို အမြဲ အော်ဟစ်ကြသော်လည်း မည်သည့်အရာကိုမျှ အမှန်တကယ် လုပ်ဆောင်နေခြင်း မရှိကြ။ ဤသည်မှာ ၎င်းတို့၏ မူမမှန်သော အပြုအမူဖြစ်သည်။ မိမိတို့တာဝန်ကို ထမ်းဆောင်ရန် ၎င်းတို့သည် မည်သည့်အခါတွင်မျှ အစွမ်းကုန်လုပ်ဆောင်ခြင်း မရှိကြ၊ အမြဲ ပေါ့ပေါ့ဆဆ ဖြစ်ကြပြီး ဟန်ဆောင်လုပ်ပြရုံမျှ လုပ်ပြကြသည်၊ အခြားသူများ မြင်ရန်သာ အမှုအရာများကို လုပ်ဆောင်နေကြစဉ်တွင် အခြားလူများအနီးတွင် သိက္ခာနှင့် အကျိုးအမြတ်အတွက်လည်း အမြဲ မလိမ့်တစ်ပတ်လုပ်ရန် ကြိုးစားနေကြသည်။ ဤဆိုးယုတ်သော လူများသည် အခြားလူများကိုလည်း ဒုက္ခရောက်စေကြပြီး ၎င်းတို့ကို ဖိနှိပ်ကြကာ ဆိုးယုတ်သောလူများ ရှိသည့်နေရာတိုင်းတွင် ငြိမ်သက်ခြင်းနှင့် ငြိမ်းချမ်းခြင်း မရှိ၊ ပရမ်းပတာဖြစ်ခြင်းသာ ရှိသည်။ ဆိုးယုတ်သောလူများ ကြီးကြပ်သောကြောင့် အလုပ်သည် အကျိုးရှိစွာ တိုးတက်ခြင်း မရှိရုံမက တုံ့ဆိုင်းရပ်တန့်သွားသည်။ အသင်းတော်ကို ဆိုးယုတ်သောလူများ ထိန်းချုပ်သောကြောင့် လူကောင်းများ အနိုင်ကျင့်ခံရသည်၊ အသင်းတော်သည် မခံမရပ်နိုင်အောင် ပရမ်းပတာ ဖြစ်လာသည်၊ ဘုရားသခင် ရွေးချယ်ထားသူများ၏ ယုံကြည်ခြင်းက အအေးမဟုတ် အပူမဟုတ် နွေးရုံဖြစ်လာမည် ဖြစ်ပြီး ၎င်းတို့ အပျက်သဘောဆောင်ကာ အားနည်းလာလိမ့်မည်။ ဆိုးယုတ်သည့်လူများ ရှိသည့်နေရာတိုင်းတွင် နှောင့်ယှက်တတ်ပြီး ဖျက်ဆီးတတ်သည့် အခန်းကဏ္ဍကို ၎င်းတို့ လုပ်ဆောင်ကြသည်။ ဆိုးယုတ်သော လူများ၏ အသိသာဆုံး သရုပ်သကန်မှာ မိမိတို့၏ တာဝန်များကို ထမ်းဆောင်ရန် ၎င်းတို့၏ မလိုလားခြင်း ဖြစ်သည်။ မိမိတို့ တာဝန်များကို ၎င်းတို့ ထမ်းဆောင်လျှင်ပင် ပေါ့ပေါ့ဆဆ ပုံစံဖြင့် လုပ်ဆောင်ကြပြီး မည်သည့်အခါတွင်မျှ လေးလေးနက်နက် သဘောမထားကြချေ။ မိမိတို့ တာဝန်များကို ထမ်းဆောင်ရာတွင် အခြားသူများကိုလည်း နှောင့်ယှက်ကြသည်။ နောက်ထပ် ပြောရမည့် အချက်တစ်ခုရှိပြီး ထိုအချက်မှာ ဆိုးယုတ်သော လူများသည် ဘုရားနှုတ်ကပတ်တော်များကို လုံးဝ ဖတ်ရှုခြင်း မရှိ၊ အခြားသူများနှင့် သမ္မာတရားကို လုံးဝ မိတ်သဟာယပြုခြင်း မရှိသကဲ့သို့ ၎င်းတို့၏ ဘုရားနှုတ်ကပတ်တော် စာအုပ်များကိုပင် မည်သည့်အခါတွင်မျှ ဖွင့်ဖူးခြင်း မရှိကြချေ။ လူအချို့က “ဘုရားနှုတ်ကပတ်တော်များကို ၎င်းတို့ မဖတ်ကြသော်လည်း တရား​ဒေသနာများကို နားထောင်ကြဆဲ ဖြစ်သည်”ဟု ဆိုလျက် ဆိုးယုတ်သော လူများကိုယ်စား ဟုတ်မှန်သလို ရှိသော်လည်း စင်စစ်မှားနေသော အကြောင်းပြချက်များကို ပြုလုပ်ကြသည်။ သို့ရာတွင် ထိုအရာများကို ၎င်းတို့ နားလည်ကြပါသလော။ ၎င်းတို့သည် တကယ်ကို လေးလေးနက်နက် နားထောင်ကြခြင်း မရှိ၊ ဘုရားအိမ်တော်က ထုတ်လုပ်သည့် ဗီဒီယိုများနှင့် ရုပ်ရှင်များကို လုံးဝ ကြည့်ရှုခြင်း မရှိ၊ ဓမ္မတေးသီချင်းများကို နားထောင်ကြခြင်း မရှိ၊ အတွေ့အကြုံဆိုင်ရာ သက်သေခံချက်များကို နားထောင်ကြခြင်း မရှိသကဲ့သို့ တရားဒေသနာများ ဖမ်းယူထားသည့် အသံများကို နားထောင်ကြခြင်း မရှိပေ။ စုဝေးပွဲများတွင် ၎င်းတို့ အိပ်ငိုက်ကြပြီး မိမိတို့၏ ဖုန်းများကို ကလိကြကာ ဖျော်ဖြေရေး အစီအစဉ်များကို ကြည့်နေသည့်သူအချို့ပင် ရှိသည်။ အပြာရုပ်ရှင်များကို ကြည့်ကြသူအချို့လည်းရှိပြီး တစ်နေ့လုံး ၎င်းတို့ လုပ်ဆောင်သည့်အရာ မည်သည့်အရာမျှသည် ဘုရားသခင်ကို ယုံကြည်ခြင်း၊ သို့မဟုတ် သမ္မာတရား လိုက်စားခြင်းနှင့် မည်သို့မျှ ပတ်သက်မှုမရှိပေ။ ဘုရားအိမ်တော်က သမ္မာတရားနှင့်ပတ်သက်၍ ပိုပိုပြီး အသေးစိတ် မိတ်သဟာယပြုသည်နှင့်အမျှ သမ္မာတရားနှင့် အပြုသဘောဆောင်သော အရာများကို ၎င်းတို့၏ မနှစ်သက်ခြင်းသည် တိုး၍ သိသာထင်ရှားလာသည်။ ၎င်းတို့သည် ဂနာမငြိမ်ဖြစ်ကြပြီး အချိန် အကန့်အသတ်အတွင်းတွင် ၎င်းတို့ သည်းခံနိုင်ကြသည်၊ မိမိတို့ အလွန် တောင့်တကြသည့် ကောင်းမွန်သော ခရီးပန်းတိုင်၊ ကောင်းမွန်သော အဆုံးသတ်နှင့် ကြီးမားသည့် ကပ်ဘေးများကို ၎င်းတို့ မစောင့်ဆိုင်းနိုင်ကြပေ။ ဤအရာများကို ၎င်းတို့ မစောင့်ဆိုင်းနိုင်ကြသောကြောင့် ၎င်းတို့၏ စိတ်နှလုံးများသည် ဝရုန်းသုန်းကားအခြေအနေတွင် ရှိသည် မဟုတ်လော။ (ရှိပါသည်။) မည်သည့် ဝရုန်းသုန်းကားအခြေအနေမျိုး ဖြစ်သနည်း။ ၎င်းတို့သည် မိမိတို့၏ စိတ်နှလုံးများတွင် အမြဲ တွက်ချက်နေကြသည် မဟုတ်လော။ ဘုရားသခင်၏ တရားစီရင်ခြင်းနှင့် ပြစ်တင်ဆုံးမခြင်းကို လက်ခံရန်၊ ဘုရားသခင်၏ အချုပ်အခြာအာဏာနှင့် အစီအစဉ်များကို လက်ခံရန်၊ ဘုရားအိမ်တော်၏ အစီအစဉ်များကို ကျိုးနွံနာခံရန်နှင့် အချိန်မရွေး၊ နေရာမရွေး မိမိတို့၏ တာဝန်များကို ထမ်းဆောင်ရာတွင် အစွမ်းကုန်ပေးဆပ်ရန် ၎င်းတို့ မည်သည့်အခါတွင်မျှ ပြင်ဆင်ထားခြင်း မရှိပေ။ ၎င်းတို့၏ တွေးခေါ်မှု အလေ့အထမှာ အဘယ်နည်း။ ၎င်းတို့သည် မိမိတို့၏ ပစ္စည်းများကို ထုပ်ပိုးပြီး ထွက်သွားရန် အချိန်မရွေး၊ နေရာမရွေး အသင့်ဖြစ်နေကြသည်။ ၎င်းတို့သည် အချိန်မရွေး ထွက်ခွာရန်၊ အသင်းတော်နှင့် ညီအစ်ကို မောင်နှမများကို နှုတ်ဆက်ရန် လုံးဝ အဆက်အသွယ်ဖြတ်ပြီး အနှောင်အဖွဲ့အားလုံးကို ဖြတ်ရန် အချိန်ကြာမြင့်စွာက အသင့်ဖြစ်နေကြပြီးဖြစ်သည်။ ၎င်းတို့ ထွက်ခွာသည့်အချိန်သည် ၎င်းတို့ သည်းခံနိုင်သည့် အချိန်အကန့်အသတ်၏ အဆုံးသို့ ရောက်သွားသည့်အချိန် ဖြစ်သည်။ ထိုသို့ဖြစ်သည် မဟုတ်လော။ (ဟုတ်ပါသည်။)

၎င်းတို့ အစားထိုးခံရပြီးသည့်နောက်တွင်၊ သို့မဟုတ် ဖယ်ရှားခံရပြီးသည့်နောက်တွင် လူအချို့သည် အကြောင်းပြချက်ကို ပဓာနမထားဘဲ မိမိတို့တာဝန်ကို ထမ်းဆောင်ရာတွင် အစွမ်းကုန် လုံ့လစိုက်ထုတ်နိုင်ကြဆဲ ဖြစ်သည်။ လူအချို့သည် သမ္မာတရားကို လုံးဝ ရှာဖွေခြင်း မရှိကြ။ ထို့ကြောင့် မိမိတို့ တာဝန်ကို မထမ်းဆောင်တော့ရန် ၎င်းတို့ ဆုံးဖြတ်ကြသည်။ ၎င်းတို့သည် မိမိတို့ တာဝန်ကို ထမ်းဆောင်နေစဉ်တွင် အသင်းတော် အသက်တာကို ရှောင်ရှားပြီး မိမိတို့တာဝန်ကို ထမ်းဆောင်ခြင်းမရှိရန် အ​မြဲ အလိုရှိလျက် ထိုတာဝန်အပေါ် မနှစ်သက်မှုနှင့် စိတ်မရှည်ခြင်းတို့ကို ထုတ်ဖော်ပြနှင့်နေခဲ့ကြသည်။ ဤလူများသည် သမ္မာတရားကို စိတ်ဝင်စားခြင်း မရှိကြသောကြောင့် အသင်းတော် အသက်တာ ရှင်သန်ခြင်းကို ပျော်မွေ့ခြင်းမရှိကြသကဲ့သို့ မိမိတို့တာဝန်ကို ထမ်းဆောင်ရန် လိုလားနေခြင်း မရှိကြချေ။ ၎င်းတို့အနေဖြင့် ကောင်းချီးများ ရရှိနိုင်ရန်အလို့ငှာ ဘုရားသခင်၏ နေ့ရက် ရောက်ရှိခြင်းကိုသာ မျှော်လင့်စောင့်စားကြသည်။ မိမိတို့ ဖြစ်သည့်အတိုင်း ဖြစ်သလိုဆက်ဖြစ်နေ၍ မရနိုင်ကြ၊ ကပ်ဘေးများက ကြီးမားသည်ထက် ကြီးမားလာနေသည်ကို ၎င်းတို့ မြင်ကြပြီး အသွေးအသား ပျော်ရွှင်မှုများကို ယခု မရှာဖွေလျှင် ထိုသို့လုပ်ဆောင်ရန် အခွင့်အရေး ဆုံးရှုံးလိမ့်မည်ဟု ၎င်းတို့ ထင်မြင်ကြလေသည်။ ထို့ကြောင့် ၎င်းတို့သည် နောက်ပြန် လှည့်ကြည့်ခြင်းပင် မရှိဘဲ၊ ဝန်လေးခြင်းတစ်စက်မျှ လုံးဝ မရှိဘဲ အသင်းတော်ကို စွန့်ခွာကြလေသည်။ ထိုအချိန်မှစ၍ ကျယ်ပြောလှသော လူပင်လယ်ထဲတွင် ၎င်းတို့ ပျောက်ကွယ်သွားကြပြီး အသင်းတော်ရှိ မည်သူကမျှ ၎င်းတို့အကြောင်းကို နောက်ထပ်မကြားရတော့ပေ။ ဤသည်မှာ ဤမယုံကြည်သူများ ဖော်ထုတ်ခံရပြီး ဖယ်ရှားခံရသည့်ပုံ ဖြစ်သည်။ ဘုရားအိမ်တော်က သမ္မာတရားနှင့်ပတ်သက်၍ မိတ်သဟာယပြုကာ သမ္မာတရားကို လက်တွေ့လုပ်ဆောင်ပြီး စစ်မှန်မှုထဲသို့ ဝင်ရောက်ရန် လူတို့ကို တောင်းဆိုလေ၊ ၎င်းတို့ မနှစ်သက်ခြင်း သာ၍ ခံစားရလေဖြစ်ပြီး ထိုအရာကို လုံးဝ မကြားချင်ကြပေ။ ဤအရာများကို ၎င်းတို့ လက်မခံကြရုံမက အတိုက်အခံ လုပ်ကြလေသည်။ အခြေအနေကို ၎င်းတို့ အလွန်ကောင်းစွာ နားလည်ကြသည်။ မိမိတို့ကိုယ်တိုင်ကဲ့သို့သော လူများသည် ဘုရားအိမ်တော်တွင် နေရာမရှိကြောင်း၊ မိမိတို့၏ ယုံကြည်ခြင်းတွင် ၎င်းတို့သည် ဘုရားသခင်အတွက် အမှန်တကယ် မိမိတို့ကိုယ်ကို အသုံးခံခြင်း မရှိကြကြောင်း၊ မိမိတို့တာဝန်ကို ထမ်းဆောင်ရာတွင် ၎င်းတို့ ရှိသမျှအရာတိုင်းကို ပေးဆပ်ခြင်း မရှိကြကြောင်း၊ မိမိတို့တာဝန်တွင် ၎င်းတို့ အမြဲ ပေါ့ပေါ့ဆဆဖြစ်ကြကြောင်းနှင့် သမ္မာတရားအပေါ် ပြင်းထန်သော မနှစ်သက်ခြင်းနှင့် စက်ဆုပ်မှုတို့ ၎င်းတို့ ခံစားကြရကြောင်းတို့ကို ၎င်းတို့ သိကြသည်။ အနှေးနှင့် အမြန်၊ ၎င်းတို့ ဖယ်ရှားခံရလိမ့်မည်ဖြစ်ကြောင်း၊ ဤသည်မှာ မုချ ရလဒ်ဖြစ်လိမ့်မည်ဖြစ်ကြောင်းကိုလည်း ၎င်းတို့ သိကြသည်။ ၎င်းတို့သည် “မည်သို့ဆိုစေ ငါကဲ့သို့သော တစ်စုံတစ်ဦးသည် ကောင်းချီးများကို မုချ ရရှိလိမ့်မည်မဟုတ်။ ထို့ကြောင့် ယခု ထွက်ခွာပါက၊ နှစ်အနည်းငယ်ကြာ လောကကြီးတွင် ဘဝကို ပျော်မွေ့ပါက၊ နှစ်အနည်းငယ်ကြာ ကောင်းမွန်သည့် ဘဝကို ရှင်သန်ပြီး မိမိကိုယ်ကို စိတ်ပျက်အောင်မလုပ်ပါက အကောင်းဆုံးဖြစ်သည်”ဟု တွေးလျက် မိမိတို့၏ အစီအစဉ်များကို အချိန်ကြာမြင့်စွာတည်းက ချမှတ်ထားပြီးဖြစ်သည်။ ၎င်းတို့သည် ဤကဲ့သို့သော အစီအစဉ်များ ပြုလုပ်ကြသည် မဟုတ်လော။ (ပြုလုပ်ကြပါသည်။) ထိုသို့သော ကြံရွယ်ချက်များနှင့် အစီအစဉ်များဖြင့် လူတို့သည် မိမိတို့တာဝန်ကို ကောင်းစွာ ထမ်းဆောင်နိုင်ကြသလော။ မထမ်းဆောင်နိုင်ပေ။ ထို့ကြောင့် ဤလူများသည် နှစ်ပေါင်းမည်မျှကြာ ဘုရားသခင်ကို ယုံကြည်ပြီးသည်ဖြစ်စေ ဘုရားသခင်၊ ဘုရားအိမ်တော်၊ အသင်းတော်၊ ညီအစ်ကို မောင်နှမများ၊ သို့မဟုတ် အသင်းတော်အသက်တာနှင့် ခွဲခွာရန် ဝန်လေးခြင်း မခံစားကြချေ။ ၎င်းတို့ ထွက်ခွာမည်ဖြစ်ကြောင်း တစ်နေ့တွင် ပြောဆိုကြပြီး နောက်တစ်နေ့တွင် မယုံကြည်သူတစ်ဦးကဲ့သို့ပင် ချက်ချင်း ဝတ်စားလျက်၊ စကားပြောကာ ပြုမူလျက် မယုံကြည်သူတစ်ဦးကဲ့သို့ ဝတ်စားဆင်ယင်ကြသည်၊ စျေးကြီး၍ လှပသော အဝတ်များကို စမတ်ကျကျ ဝတ်ဆင်ကြပြီး မိတ်ကပ် အလွန်အကျွံ လိမ်းကြသည်။ မျက်စိနောက်စရာကောင်းသည့် ပွဲတက်အဝတ်အစားများကို ဝတ်ဆင်ကြပြီး ၎င်းတို့သည် သင့်အဖို့ သင့်တော်သည့်ပုံမရကြသည့်တိုင် သင့်အတွက် ၎င်းတို့ မည်သို့ပုံပေါ်သည်ကို မသိဘဲနေကြလေသည်။ ၎င်းတို့ အလွန် လျင်မြန်စွာ ပြောင်းလဲကြသည်မှာ အဘယ်သို့ဖြစ်သနည်း။ (၎င်းတို့သည် မိမိတို့ အစီအစဉ်များကို အချိန်ကြာမြင့်စွာက ချမှတ်ထားပြီးဖြစ်သောကြောင့်ဖြစ်ပြီး ဤသည်မှာ ၎င်းတို့၏ သဘောသဘာဝ ဖြစ်သည့်ပုံဖြစ်သည်။) မှန်ပေ၏။ ၎င်းတို့သည် မိမိတို့ အစီအစဉ်များကို အချိန်ကြာမြင့်စွာက ချမှတ်ထားပြီးဖြစ်သည်။ မိမိတို့ မထွက်ခွာမီ ရက်အနည်းငယ်တွင်သာ ဤအစီအစဉ်များကို ၎င်းတို့ စိတ်ကူးရခြင်းမဟုတ်ဘဲ ထို့ထက် ဤအရာကို လုပ်ဆောင်မည်ဟု အချိန်ကြာမြင့်စွာက ၎င်းတို့ စိတ်ပိုင်းဖြတ်ခဲ့ကြခြင်း ဖြစ်သည်။ ၎င်းတို့ မည်သို့ စားသောက်ပြီး ပါတီပွဲတက်မည်၊ မည်သို့ ကျင့်ကြံပြုမူမည်ဆိုသည်နှင့် မည်သို့ အသက်ရှင်နေထိုင်ကြမည်ဆိုသည်တို့ကို ၎င်းတို့ ကြံစည်ကာ စီစဉ်နေကြပြီး ဖြစ်သည်။ ၎င်းတို့သည် နေ့စဉ် တရားဒေသနာများကို နားထောင်ခြင်းနှင့် စုဝေးပွဲများ တက်ရောက်ခြင်းတို့ကို နှစ်သက်ရန် မဆိုထားနှင့်၊ အသင်းတော် အသက်တာ အသက်ရှင်ခြင်း၊ သို့မဟုတ် မိမိတို့ တာဝန်ကို ထမ်းဆောင်ခြင်း၊ သို့မဟုတ် သမ္မာတရားအပေါ် မိတ်သဟာယပြုခြင်းတို့ကိုပင် မနှစ်သက်ကြချေ။ ၎င်းတို့သည် ဤအသင်းတော် အသက်တာမျိုးကို သေလောက်အောင် ငြီးငွေ့ကြပြီး ကောင်းချီးများ ရရှိခြင်း၊ ကောင်းမွန်သော ခရီးပန်းတိုင်တစ်ခု ရရှိခြင်းနှင့် ကြီးမားသော ကပ်ဘေးများကို လွတ်မြောက်ခြင်းတို့အတွက် မဟုတ်ပါက တစ်နေ့တာမျှပင် ဆက်လက်၍ နေနိုင်ကြမည်မဟုတ်ပေ။ ဤသည်မှာ ၎င်းတို့၏ စစ်မှန်သော သဘောသဘာဝ ဖြစ်သည်။ ထို့ကြောင့် ထိုသို့သောလူများကို သင် အမှတ်မထင်တွေ့ရသည့်အခါ မည်သို့ ကိုင်တွယ်သင့်သနည်း။ ပါးနပ်သော စကားများဖြင့် ၎င်းတို့ကို သင်ဖျောင်းဖျပြောဆိုမည်လော သို့မဟုတ် နောက်ထပ် ထောက်ပံ့မှုနှင့် အကူအညီ ပေးလိမ့်မည်လော။ သို့မဟုတ် ၎င်းတို့ သွားကြသည်ကို မြင်ရသဖြင့် သင် ဝမ်းနည်းပြီး ၎င်းတို့ကို ကြိုးစားပြောင်းလဲရန် သင်၏ ချစ်ခြင်းမေတ္တာကို အသုံးပြုလိမ့်မည်လော။ ၎င်းတို့ကို သင် မည်သို့ ချဉ်းကပ်သင့်သနည်း။ (၎င်းတို့ကို ချက်ချင်း ထွက်ခွာရန်နှင့် မယုံကြည်သူများ၏ လောကသို့ သွားရန် ကျွန်ုပ်တို့ တောင်းဆိုသင့်ပါသည်။) မှန်၏၊ လောကထဲသို့ ပြန်သွားရန် ၎င်းတို့ကို တောင်းဆိုပြီး ၎င်းတို့နှင့်ပတ်သက်၍ ဒုက္ခမခံတော့နှင့်။ သင်က “နောင်တွင် သင်၏ ဆုံးဖြတ်ချက်ကို နောင်တမရရန်အလို့ငှာ သေချာစဉ်းစားပါ”ဟု ၎င်းတို့ကို ပြောသည်။ ၎င်းတို့က “ကျွန်ုပ် သေချာစဉ်းစားပြီးဖြစ်ကာ အနာဂတ်တွင် မည်သည့် အခက်အခဲ ကျွန်ုပ် ရင်ဆိုင်ရသည်ဖြစ်စေ နောက်ပြန်လှည့်မည်မဟုတ်သကဲ့သို့ နောင်တရမည် မဟုတ်ပါ”ဟု ဆိုကြသည်။ သင်က “သို့ဆိုလျှင် သွားပါ။ မည်သူကမျှ သင့်ကို တားဆီးမနေပါ။ သင် အဆင်ပြေဖို့ ကျွန်ုပ်တို့အားလုံး ဆန္ဒပြုသည်။ သင် စိတ်ကူးယဉ်သည့်အရာများကို စွမ်းဆောင်ရရှိပြီး သင်ဆန္ဒရှိသည့် အိမ်မက်များ အကောင်အထည်ပေါ်စေဖို့ မျှော်လင့်ပါသည်။ အခြားသူများ ကယ်တင်ခြင်းခံရသည်ကို သင် မြင်သည့်နေ့ရက် ရောက်လာသည့်အခါ မည်သည့် မနာလိုမှုမျှ၊ သို့မဟုတ် နောင်တမျှ မခံစားဖို့ကိုလည်း ကျွန်ုပ်တို့ မျှော်လင့်ပါသည်။ နှုတ်ဆက်ပါသည်”ဟု ဆိုသည်။ ဤသည်မှာ ၎င်းတို့ကို ပြောဆိုရန် အလွန် သင့်တင့်လျောက်ပတ်သောအရာတစ်ခု ဖြစ်သည် မဟုတ်လော။ (ဟုတ်ပါသည်။) ထို့ကြောင့် ဤကဲ့သို့သော လူများနှင့် စပ်လျဉ်း၍ သွင်ပြင်လက္ခဏာတစ်ခုမှာ သင်သည် ၎င်းတို့၏ သဘာဝ အနှစ်သာရကို ရှင်းလင်းစွာ မြင်ရမည်ဖြစ်စဉ်တွင် အခြားသော သွင်ပြင်လက္ခဏာတစ်ခုမှာ သင့်တင့်လျောက်ပတ်သော နည်းလမ်းဖြင့် ၎င်းတို့ကို သင် ချဉ်းကပ်ရမည်ဖြစ်သည်။ ၎င်းတို့သည် ယုံကြည်မှုမရှိသူများ၊ မယုံကြည်သူများဖြစ်သည့်တိုင် အစေခံမှု ပေးရန် လိုလားပြီး နာခံနိုင်ကာ ကျိုးနွံနာခံနိုင်ပါက သမ္မာတရားကို ၎င်းတို့ မလိုက်စားလျှင်ပင် ၎င်းတို့ကို ဒုက္ခမပေးနှင့်၊ ပြီးလျှင် ရှင်းလင်းပစ်ခြင်း မပြုနှင့်။ ထိုအစား ၎င်းတို့အား အစေခံမှုကို ဆက်ပေးရန် ခွင့်ပြုပြီး ၎င်းတို့ကို သင် ကူညီနိုင်ပါက ကူညီလော့။ အစေခံမှု ပေးရန်ပင် ၎င်းတို့ ဆန္ဒမရှိသကဲ့သို့ ပေါ့ပေါ့ဆဆ ဖြစ်လာပြီး မကောင်းသည့် လုပ်ရပ်များကို ကျူးလွန်လာကြပါက လိုအပ်သည့် အရာမှန်သမျှကို ငါတို့ လုပ်ဆောင်ပြီးဖြစ်သည်။ ၎င်းတို့ ထွက်သွားလိုပါက ထွက်သွားခွင့်ပေးလော့၊ ပြီးလျှင် ၎င်းတို့ သွားပြီးသည့်အခါ သတိရလွမ်းဆွတ်ခြင်း မရှိနှင့်။ ၎င်းတို့သည် ထွက်သွားသင့်သည့် အချိန် ရောက်နေခြင်းဖြစ်ကာ ထိုသို့သောလူများသည် ယုံကြည်ခြင်း မရှိသူများဖြစ်သည့်အတွက် သင်၏ သနားခြင်းနှင့် မထိုက်တန်ပေ။ သာ၍ သနားဖွယ်ဖြစ်သည်မှာ အလွန့်အလွန် မိုက်မဲသည့်၊ မိမိတို့ကို မောင်းထုတ်သည့်သူများအပေါ် ကိုယ်ရေးကိုယ်တာ ခံစားချက်များ အမြဲ ရှိကြသည့်၊ ၎င်းတို့ကို အမြဲ သတိရကြသည့်၊ ၎င်းတို့ကိုယ်စား ပြောပေးကြသည့်၊ ၎င်းတို့၏ အကျိုးစီးပွားအတွက် ခုခံပေးကြပြီး ၎င်းတို့အတွက် ငိုယိုပြီး ဆုတောင်းကာ အသနားပင်ခံကြသည့် လူအချို့ ရှိကြခြင်း ဖြစ်သည်။ ဤလူများ လုပ်ဆောင်ကြသည့်အရာနှင့်ပတ်သက်၍ သင်တို့ မည်သည့်အရာကို စဉ်းစားမိကြသနည်း။ (အလွန် မိုက်မဲပါသည်။) အဘယ်သို့ မိုက်မဲသနည်း။ (ထွက်သွားကြသူများသည် ယုံကြည်ခြင်း မရှိသူများဖြစ်သည်၊ ၎င်းတို့သည် သမ္မာတရားကို လက်ခံခြင်း မရှိကြ၊ တကယ်ကို ဆုတောင်းပေးထိုက်ခြင်း မရှိကြသလို သတိရထိုက်ခြင်း မရှိကြပါ။ ဘုရားသခင်က အခွင့်အရေးများပေးသည့် သူများနှင့် ကယ်တင်ခံရမည့် မျှော်လင့်ချက်ရှိသူတို့သည်သာ အခြားသူများ၏ မျက်ရည်များ၊ ဆုတောင်းချက်များနှင့် ထိုက်တန်ပေသည်။ တစ်စုံတစ်ဦးသည် ယုံကြည်ခြင်းမရှိသူများ၊ သို့မဟုတ် နတ်ဆိုးများအတွက် ဆုတောင်းပါက သူတို့သည် အလွန်မိုက်မဲပြီး မသိနားမလည်ကြပါ။) သွင်ပြင်လက္ခဏာတစ်ခုမှာ ၎င်းတို့သည် ဘုရားသခင်ရှိသည်ကို အမှန်တကယ် မယုံကြည်ကြခြင်း ဖြစ်သည်။ ၎င်းတို့သည် ယုံကြည်ခြင်း မရှိကြသူများဖြစ်၏။ အခြားသော သွင်ပြင်လက္ခဏာမှာ ဤလူများ၏ သဘာဝ အနှစ်သာရသည် မယုံကြည်သူတစ်ဦး၏ သဘာဝ အနှစ်သာရ ဖြစ်သည်။ ဤနေရာတွင် သွယ်ဝိုက်ညွှန်းဆိုသည့် အဓိပ္ပာယ်မှာ အဘယ်နည်း။ ၎င်းတို့သည် လူများ လုံးဝ မဟုတ်ကြဘဲ ၎င်းတို့၏ သဘာဝ အနှစ်သာရသည် နတ်ဆိုးတစ်ကောင်၊ စာတန်၏ သဘာဝ အနှစ်သာရဖြစ်ကာ ဤလူများသည် ဘုရားသခင်ကို ဆန့်ကျင်ကြခြင်း ဖြစ်သည်။ ဤသည်မှာ ၎င်းတို့၏ သဘာဝ အနှစ်သာရနှင့် စပ်လျဉ်း၍ အမှုအရာများ ဖြစ်ပုံဖြစ်သည်။ သို့တိုင် အခြားသော သွင်ပြင်လက္ခဏာတစ်ခုရှိပြီး ထိုသွင်ပြင်လက္ခဏာမှာ ဘုရားသခင်သည် နတ်ဆိုးများကို မဟုတ်ဘဲ လူများကို ရွေးချယ်ခြင်းဖြစ်သည်။ ထို့ကြောင့် ငါ့ကို ပြောလော့၊ ဤနတ်ဆိုးများသည် ဘုရားသခင် ရွေးချယ်ထားသည့် လူများဖြစ်သလော၊ ပြီးလျှင် ၎င်းတို့သည် ဘုရားသခင်၏ ရွေးချယ်ခြင်းခံရကြသလော။ (မဟုတ်ပါ။) ၎င်းတို့သည် ဘုရားသခင် ရွေးချယ်ထားသည့် လူများ မဟုတ်ပေ။ ထို့ကြောင့် သင်သည် ဤလူများနှင့် စိတ်ခံစားမှုဆိုင်ရာ တွယ်ငြိခြင်း အမြဲရှိပြီး ၎င်းတို့ သွားသည်ကို ဝမ်းနည်းမိပါက ထိုအရာက သင့်ကို မိုက်မဲသူတစ်ဦး ဖြစ်စေသည် မဟုတ်လော။ ယင်းက သင့်အား ဘုရားသခင်ကို ဆန့်ကျင်စေသည် မဟုတ်လော။ စစ်မှန်သည့် ညီအစ်ကို မောင်နှမများအပေါ် နက်ရှိုင်းသည့် ခံစားချက်များမရှိဘဲ ဤနတ်ဆိုးများအတွက် နက်ရှိုင်းသည့် ခံစားချက်များ ထားရှိပါက သင်သည် မည်သည့်အရာ ဖြစ်ပါသနည်း။ အနည်းဆုံးအနေဖြင့် သင်သည် နားဝေတိမ်တောင်ဖြစ်နေ၏၊ လူများကို ဘုရားနှုတ်ကပတ်တော်များအတိုင်း သင် ရှုမြင်ခြင်း မရှိပေ။ သင်သည် မှန်ကန်သည့် ရှုထောင့်ဖြင့် ကျင့်ကြံပြုမူခြင်း မရှိသေးသကဲ့သို့ စည်းမျဉ်းဖြင့် ကိစ္စရပ်များကို ကိုင်တွယ်ခြင်း မရှိပေ။ သင်သည် နားဝေတိမ်တောင်ဖြစ်နေသည့် လူတစ်ဦး ဖြစ်သည်။ သင်သည် ဤနတ်ဆိုးများထဲမှ တစ်ဦးအတွက် ခံစားချက်များရှိပါက သင်က “အို၊ သို့သော် သူသည် ထိုမျှ သဘောကောင်းသည့် လူတစ်ဦးဖြစ်ပြီး ငါတို့တွင် အင်မတန်ကောင်းသော ဆက်ဆံရေးတစ်ခု ရှိသည်။ ငါတို့ အတူတကွ အဆင်ပြေနေကြပြီး သူက ငါ့ကို များစွာ ကူညီပေးသည်။ ငါအားနည်းသည့်အခါ အင်မတန် နှစ်သိမ့်မှု သူ ပေးပြီး ငါ ကိစ္စများကို အမှားလုပ်မိသည့်အခါ သူ ငါ့ကို စိတ်ရှည်ကာ သည်းခံပေးသည်။ သူသည် အလွန် ချစ်ခင်ဖွယ်ဖြစ်သည်”ဟု တွေးမိလိမ့်မည်။ ၎င်းသည် သင်အတွက်သာ ဤသို့ ဖြစ်ခဲ့ခြင်း ဖြစ်သည်။ ထို့ကြောင့် သင်အဘယ်အရာ ဖြစ်ပါသနည်း။ အခြားသော ဖောက်ပြန်ပျက်စီးသည့် သာမန် လူသားတစ်ဦးသာ ဖြစ်သည် မဟုတ်လော။ ပြီးလျှင် ထိုလူသည် သမ္မာတရားကို မည်သို့ သဘောထားသနည်း၊ ဘုရားသခင်ကို မည်သို့ ဆက်ဆံပြီး သူ့ကို ဘုရားအိမ်တော်က ပေးအပ်ထားသည့် တာဝန်ကို မည်သို့ သဘောထားသနည်း။ ဤရှုထောင့်အမြင်များမှ အမှုအရာများကို သင် အဘယ်ကြောင့် မမြင်ပါသနည်း။ သင်၏ သွေးသား မျက်လုံးများနှင့် ချစ်ခင်မှုများဖြင့် သင်၏ ကိုယ်ပိုင် ကိုယ်ရေးကိုယ်တာ အကျိုးစီးပွားနှင့်ဆိုင်သည့် ရှုထောင့်များမှ အမှုအရာများကို ကြည့်မြင်ရန်မှာ မှန်ကန်တိကျပါသလော။ (မမှန်ကန်ပါ။) မမှန်ကန်သည်မှာ သိသာထင်ရှားပေသည်။ ပြီးလျှင် ထိုအရာမှာ အမှုအရာများကို ကြည့်မြင်ရန် မှန်ကန်တိကျသည့် နည်းလမ်းတစ်ခု မဟုတ်သည်နှင့်အမျှ သင် လက်လွှတ်သင့်ပြီး ထိုလူကို သင်မှတ်ယူသည့် ရှုထောင့်အမြင်နှင့် ရှုထောင့်တို့ကို ပြောင်းလဲသင့်သည်။ ဘုရားနှုတ်ကပတ်တော်များကို သင်၏ အခြေခံအကြောင်းရင်းအဖြစ် သဘောထားလျက် ထိုလူကို ချဉ်းကပ်ပြီး ကိုင်တွယ်ရန် သင် ကြိုးစားသင့်သည်။ ဤသည်မှာ ဘုရားသခင် ရွေးချယ်ထားသည့်လူများ ခံယူသင့်သည့် ရှုထောင့်နှင့် ၎င်းတို့ ရှိသင့်သည့် သဘောထားဖြစ်သည်။ မိုက်မဲသောသူတစ်ဦး မဖြစ်နှင့်။ အခြားသူများအတွက် သနားခြင်းကရုဏာကို သင်ခံစားရသောကြောင့် သင်သည် ကြင်နာတတ်သော လူတစ်ဦးဖြစ်သည်ဟု သင်ထင်မြင်သလော။ သင်သည် မည်သည့် စည်းမျဉ်းမျှ လုံးဝ မရှိဘဲ အလွန့်အလွန် မိုက်မဲပေသည်။ သင်သည် လူတို့ကို ဘုရားနှုတ်ကပတ်တော်များအတိုင်း ဆက်ဆံခြင်း မရှိပေ။ သင်သည် စာတန်ဖက်တွင် ရပ်တည်နေပြီး စာတန်နှင့် နတ်ဆိုးများကို စာနာထောက်ထားနေသည်။ သင်၏ စာနာမှုသည် ဘုရားသခင် ရွေးချယ်ထားသည့် လူများ၊ သို့မဟုတ် ဘုရားသခင် ကယ်တင်လိုသည့် သူများကို ဦးတည်ခြင်းမရှိသကဲ့သို့ စစ်မှန်သည့် ညီအစ်ကို မောင်နှမများကို ဦးတည်ခြင်း မရှိပေ။

ယုံကြည်ခြင်း မရှိသည့်သူများဖြစ်သော ဤလူများသည် မိမိတို့တာဝန်ကို ထမ်းဆောင်ရန် လုံးဝ လိုလားနေခြင်း မရှိသကဲ့သို့ မိမိတို့ နှစ်သက်သည့် မည်သည့်ပုံစံဖြင့်မဆို အမြဲ ထမ်းဆောင်ကြသည်။ သမ္မာတရားနှင့်ပတ်သက်၍ ၎င်းတို့နှင့် မည်မျှ မိတ်သဟာယပြုသည်ဖြစ်စေ ၎င်းတို့ လက်မခံကြသကဲ့သို့ သမ္မာတရား အနည်းငယ်ကို ၎င်းတို့ နားလည်ကြလျှင်ပင် လက်တွေ့လုပ်ဆောင်ကြခြင်း မရှိပေ။ ၎င်းတို့ ထုတ်ဖော်ပြသသည့် အခြားသော အဓိက သရုပ်သကန် ရှိ၏။ ယင်းမှာ မည်သည့်အရာနည်း။ ၎င်းတို့သည် မိမိတို့ တာဝန်ကို ပေါ့ပေါ့ဆဆ ပုံစံဖြင့် အမြဲ ထမ်းဆောင်ကြပြီးဖြစ်သည်၊ ၎င်းတို့သည် အမြဲ ပေါ့ပေါ့ဆဆ ဖြစ်ကြပြီး နောင်တရရန် ခေါင်းမာစွာ ငြင်းပယ်ကြသည်။ ၎င်းတို့သည် မိမိတို့ ကိုယ်ပိုင် အရေးကိစ္စများတွင် အလွန် အာရုံစိုက်ကြသည်၊ စိတ်ထက်သန်ကြပြီး အသေးစိတ်လုပ်ဆောင်ကြကာ ထိုအရာများကို လုံးဝ လျစ်လျူမရှုဝံ့ကြချေ။ ၎င်းတို့၏ အစားအစာနှင့် အဝတ်အစား၊ ၎င်းတို့၏ အဆင့်အတန်း၊ နာမည်ဂုဏ်သတင်း၊ ကိုယ့်သိက္ခာကိုယ် လေးစားခြင်း၊ သွေးသား ပျော်ရွှင်မှုများ၊ ၎င်းတို့၏ နာမကျန်းဖြစ်ခြင်းများ၊ ၎င်းတို့၏ အနာဂတ်၊ ရှေ့ရေးများ၊ အငြိမ်းစားယူခြင်းနှင့် ၎င်းတို့ ကိုယ်တိုင်၏ သေခြင်းတရားနှင့် စပ်လျဉ်းသည့် ကိစ္စရပ်များအကြောင်းကိုပင် သေချာစွာ စဉ်းစားကြပြီး ဖြစ်သည်။ ၎င်းတို့သည် အခြေခံများအားလုံးကို ခြုံငုံသဘောပေါက်ပြီး ဖြစ်သည်။ သို့ရာတွင် မိမိတို့ တာဝန်ကို ထမ်းဆောင်ခြင်းနှင့် ဆက်စပ်သည့် ကိစ္စရပ်များနှင့် ပတ်သက်လာသည့်အခါ သမ္မာတရားကို လိုက်စားရန် မဆိုထားနှင့် ၎င်းတို့ လုံးဝ အာရုံစိုက်ခြင်း မရှိကြချေ။ လူအချို့သည် စုဝေးပွဲတစ်ခုတက်ရောက်သည့်အခါတိုင်းတွင် အိပ်ငိုက်ကာ တစ်မှေးအိပ်ကြပြီး ငါ၏ အသံကို ကြားသည့်အခါတွင် မနှစ်သက်မှုကိုပင် ခံစားကြရသည်။ ၎င်းတို့သည် အလွန်အမင်း ဘဝင်မကျဖြစ်ကြသည်၊ ဂနာမငြိမ်ဖြစ်ကြသည်၊ ခြေလက်ဆန့်ကာ သမ်းဝေကြသည်၊ မိမိတို့ နားများကို ကုတ်ကာ ပါးများကို ပွတ်ကြသည်။ တိရိစ္ဆာန်များကဲ့သို့ ၎င်းတို့ ပြုမူကြ၏။ လူအချို့က “စုဝေးပွဲများတွင် တရားဒေသနာများက ရှည်ကြာပြီး လူအချို့သည် ထိုမျှကြာကြာ ငြိမ်ငြိမ် မထိုင်နိုင်ကြပါ”ဟု ဆိုကြသည်။ အမှန်တွင် တစ်ခါတစ်ရံ၌ စုဝေးပွဲ စရုံသာရှိသေးပြီး ၎င်းတို့ စတင် ဂနာမငြိမ်ဖြစ်ကြကာ နားထောင်သည်နှင့်အမျှ မနှစ်သက်ခြင်းကို ခံစားကြလေသည်။ ထို့ကြောင့် ၎င်းတို့သည် တရားဒေသနာများ၊ သို့မဟုတ် ဘုရားနှုတ်ကပတ်တော်များကို လုံးဝ နားမထောင်ကြခြင်း ဖြစ်သည်။ တစ်စုံတစ်ဦးက သမ္မာတရားအပေါ် မိတ်သဟာယ ပြုနေသည်ကို ကြားသည်နှင့် မနှစ်သက်ခြင်းကို ၎င်းတို့ ခံစားရပြီး လူတို့က မမှိတ်မသုန် အာရုံစူးစိုက်မှုဖြင့် နားထောင်ခြင်းအား မြင်ရသည်ကို ၎င်းတို့ ငြီးငွေ့ကာ စိတ်ကုန်ကြလေသည်။ ထိုသို့သော လူများ၏ သဘာဝ အနှစ်သာရမှာ အဘယ်နည်း။ ၎င်းတို့သည် လူသား အရေခွံကို ဝတ်ဆင်ထားကြသည်။ အပြင်ပန်းတွင် ၎င်းတို့သည် လူသားများဖြစ်ကြသော်လည်း အရေခွံကို ပြန်ခွာမည်ဆိုပါက ၎င်းတို့သည် နတ်ဆိုးများဖြစ်ကြသည်၊ လူသားများ မဟုတ်ပေ။ ဘုရားသခင်သည် များစွာသောသူများကို ကယ်တင်ခံရစေချင်သည်၊ လူ့သဘာဝရှိကြသည့်သူများကို ကယ်တင်ခံရစေချင်သည်။ သူသည် နတ်ဆိုးများကို ကယ်တင်မခံရစေချင်ပေ။ နတ်ဆိုးများကို ဘုရားသခင် မကယ်တင်ပေ။ ဤအရာကို သင် အမြဲ သတိရရမည်ဖြစ်ပြီး မမေ့လျော့ရပေ။ လူသား အရေခွံ ဝတ်ဆင်ထားသော်လည်း မိမိ၏ သဘာဝနှင့် အနှစ်သာရက နတ်ဆိုးတစ်ဦး၏ သဘာဝနှင့် အနှစ်သာရဖြစ်သည့် သူများထဲမှ မည်သူနှင့်မျှ သင်ပေါင်းသင်းဆက်ဆံခြင်းမပြုရ။ ထိုသို့သော လူတစ်ဦးနှင့် ဆက်နွှယ်မှုအားလုံး သင် မဖြတ်သကဲ့သို့ ၎င်းတို့ကို စိတ်ကျေနပ်စေရန်နှင့် မြှောက်ပင့်ရန် သင် ကြိုးစားပါက သင်သည် စာတန်၏ ပြက်လုံးတစ်ခု ဖြစ်လာလိမ့်မည်ဖြစ်ပြီး ဘုရားသခင်က သင့်ကို စက်ဆုပ်ကာ “အသင် မျက်ကန်း လူမိုက်၊ မည်သူကိုမျှ သင်နားမလည်နိုင်ပါ”ဟု ဆိုလိမ့်မည်။ ဘုရားသခင်သည် နတ်ဆိုးများကို မကယ်တင်ပေ၊ နားပါသလော။ (နားလည်ပါသည်။) ဘုရားသခင်သည် နတ်ဆိုးများကို မကယ်တင်သကဲ့သို့ နတ်ဆိုးများကို ရွေးကောက်ခြင်းမပြုပေ။ နတ်ဆိုးများသည် ဘုရားသခင်ကို ကျိုးနွံနာခံရန် မဆိုထားနှင့်၊ သမ္မာတရားကို မည်သည့်အခါတွင်မျှ မချစ်နိုင်သကဲ့သို့ သမ္မာတရားကို မလိုက်စားနိုင်ပေ။ ၎င်းတို့သည် ဘုရားသခင်ကို မည်သည့်အခါတွင်မျှ ကျိုးနွံနာခံနိုင်ခြင်း မရှိကြချေ။ ၎င်းတို့သည် ဘုရားသခင်ကို ယုံကြည်ကြသည်မှာ သူ၏ ဖြောင့်မတ်ခြင်းနှင့် တရားမျှတမှုကို ချစ်သောကြောင့် မဟုတ်သကဲ့သို့ ကယ်တင်ခြင်း ရရှိခြင်းကို လိုက်စားနိုင်ရန်အလို့ငှာလည်း မဟုတ်ပေ။ ဘုရားသခင်အပေါ် ယောဘ၏ ကြောက်ရွံ့ခြင်းနှင့် မကောင်းမှု ရှောင်ကြဉ်ခြင်းကို စက်ဆုပ်မှုနှင့် အထင်သေးခြင်းကို ဖော်ပြကြပြီး ၎င်းတို့၏ စိတ်နှလုံးများထဲတွင် သမ္မာတရား လိုက်စားခြင်း ကိစ္စရပ်အပေါ် အလွန် မနှစ်သက်ခြင်းနှင့် အတိုက်အခံလုပ်ခြင်းတို့ကို ခံစားကြရသည်။ သင်တို့သည် ငါ့ကို မယုံကြည်ပါက မောင်းထုတ်ခံရပြီး ဖော်ထုတ်ခံရပြီးဖြစ်သည့် သင့်အနီးအနား ရှိသူတို့ကိုသာ ကြည့်ပြီး ၎င်းတို့၏ အရိုးများအတွင်း တည်ရှိသည့်အရာ မည်သည့်အရာ ဖြစ်သည်၊ အခြားမည်သူမျှ နားမထောင်သည့်အခါ ၎င်းတို့ မည်သည့်အရာ ပြောကြသည်၊ မည်သည့်အရာကို ၎င်းတို့ ဂရုစိုက်ကြသည်၊ မိမိတို့ကိုယ်ပိုင် ဘဝ၊ ရှင်သန်မှုနှင့် ၎င်းတို့ အနီးဝန်းကျင်ရှိ လူများ၊ အဖြစ်အပျက်များနှင့် အမှုအရာများအပေါ် ၎င်းတို့၏ သဘောထားက မည်သည့်အရာဖြစ်သည်ဆိုသည့်အပြင် မည်သည့်အရာကို ၎င်းတို့ ပြောဆိုပြီး မည်သည့်အမြင်များကို ဖော်ပြကြသည်ဆိုသည်တို့ကို ကြည့်လော့။ ဤဖော်ပြချက်များနှင့် ပွင့်အံထွက်မှုအားလုံးမှ ၎င်းတို့ မည်သည့်အရာသာဖြစ်သည်၊ အဘယ်ကြောင့် ထွက်သွားနိုင်ကြသည်ဆိုသည်နှင့် ဘုရားအိမ်တော်က ၎င်းတို့ကို အဘယ်ကြောင့် ရှင်းလင်းပစ်သည်ဆိုသည်တို့ကို သင်ရှင်းရှင်းလင်းလင်း မြင်နိုင်ပေသည်။ ဤသည်မှာ သင်ယူထိုက်သည့် သင်ခန်းစာတစ်ခု မဟုတ်လော။ (ဟုတ်ပါသည်။) ပြီးလျှင် သင်တို့ သင်ယူပြီးသည့် သင်ခန်းစာမှာ အဘယ်နည်း။ သင်တို့ နားလည်ပြီးသည့်အရာမှာ အဘယ်နည်း။ (ဤလူများ၏ အရိုးများအတွင်း နက်နက်တွင် သူတို့သည် သမ္မာတရားကို မချစ်ကြသကဲ့သို့ သမ္မာတရားကို ငြီးငွေ့ကြကြောင်းကို မည်သို့ သိမြင်ကာ နားလည်ရမည်ဆိုသည်ကို ကျွန်ုပ်တို့ သင်ယူပြီးဖြစ်ပါသည်။ သူတို့သည် ဘုရားအိမ်တော်တွင် ကြုံရာကျပန်းသာ နေကြပြီး အနှေးနှင့်အမြန် ရှင်းလင်းခံရလိမ့်မည်ဖြစ်သည်။) အမှုအရာများကို ဤသို့ သင် မြင်ပါက သင်သည် သင်ခန်းစာ သင်ယူပြီးကြောင်း ပြသပေသည်။

ဝိညာဉ်ရေးရာ လောကရှိ နတ်ဆိုးများနှင့် စာတန်တို့သည် သမ္မာတရားကို မည်သို့ ငြီးငွေ့ပြီး မုန်းတီးကြသည်ဆိုသည်ကို သင်မြင်နိုင်သလော။ နတ်ဆိုးများနှင့် စာတန်သည် ဘုရားသခင်ကို မည်သို့ အာခံပြီး ပြစ်မှားစော်ကားသည်ကို သင် မြင်နိုင်သလော။ နတ်ဆိုးများနှင့် စာတန်သည် ဘုရားသခင်ကို တိုက်ခိုက်ရန် မည်သည့် စကားများ၊ ဆိုရိုးများနှင့် နည်းစနစ်များ အသုံးပြုသည်ကို သင်မြင်နိုင်သလော။ ဘုရားသခင်က နတ်ဆိုးများနှင့် စာတန်အား မည်သည့်အရာကို လုပ်ဆောင်ခွင့်ပေးသည်၊ ထိုအရာကို ၎င်းတို့ မည်သို့ လုပ်ဆောင်ကြပြီး ၎င်းတို့၏ သဘောထားက မည်သည့်အရာ ဖြစ်သည်ဆိုသည်တို့ကို သင် မြင်နိုင်သလော။ (မမြင်နိုင်ပါ။) ဤအရာများကို သင် မမြင်နိုင်ပေ။ ထို့ကြောင့် ဘုရားသခင် ပြောသည့် မည်သည့်အရာမဆိုသည် သင့်စိတ်နှလုံးတွင် စိတ်ကူးစိတ်သန်းတစ်ခု၊ သို့မဟုတ် ရုပ်ပုံတစ်ခုမျှသာ ဖြစ်သည်။ အမှန်တရား မဟုတ်ချေ။ သင်သည် ဤအရာများကို မိမိဘာသာ မမြင်လေသောကြောင့်၊ သင်လုပ်ဆောင်နိုင်သမျှမှာ သင်၏ စိတ်ကူးစိတ်သန်းအပေါ် မှီခိုကာ ထိုသို့သော သရုပ်ဖော်ခြင်းတစ်ခုကို စိတ်ကူးရန်၊ သို့မဟုတ် လုပ်ဆောင်ချက် တစ်မျိုးမျိုးကို စိတ်ကူးရန် ဖြစ်သည်။ သို့ရာတွင် လူသား အရေခွံဝတ်ဆင်ထားသည့် ဤအသက်ရှင်သော နတ်ဆိုးများနှင့် စာတန်များကို သင် ကြုံရသည့်အခါ သင်သည် နတ်ဆိုးများနှင့် စာတန်များ၏ စကားနှင့် လုပ်ရပ်များအပြင် ဘုရားသခင်အပေါ် ၎င်းတို့၏ ဝေဖန်ခြင်း၊ တိုက်ခိုက်ခြင်း၊ အာခံခြင်းနှင့် ပြစ်မှားစော်ကားခြင်းများ၏ အမှန်တရားများနှင့် သက်သေအထောက်အထားတို့ကိုပါ လက်တွေ့ကျကျ ထိတွေ့လာရပေသည်။ သမ္မာတရားကို ငြီးငွေ့ပြီး မုန်းတီးသည့် ၎င်းတို့၏ စိတ်သဘောထားကို လုံးဝ ကြည်လင်ပြတ်သားမှုဖြင့် သင်မြင်ရလိမ့်မည်။ လူသား အရေခွံကို ဝတ်ဆင်ကြသည့် ဤနတ်ဆိုးများနှင့် စာတန်များသည် ဝိညာဉ်ရေးရာ လောကရှိ နတ်ဆိုးများနှင့် စာတန်က ဘုရားသခင်ကို တိုက်ခိုက်သည့် နည်းလမ်းအတိုင်းပင် ဘုရားသခင်ကို တိုက်ခိုက်ကြလေသည်။ ၎င်းတို့သည် လုံးဝ တူညီကြ၏၊ လူသား အရေခွံကို ဝတ်ဆင်ထားသည့် နတ်ဆိုးများနှင့် စာတန်များသည်သာ ဘုရားသခင်ကို တိုက်ခိုက်ရန် မတူကွဲပြားသည့် ပုံစံတစ်ခုကို ခံယူကြခြင်း ဖြစ်သည်။ သို့တိုင် ၎င်းတို့၏ အနှစ်သာရက တူညီနေသည်။ ၎င်းတို့သည် လူသားအရေခွံကို ဝတ်ဆင်ကြပြီး လူသားများအဖြစ်သို့ ပြောင်းလဲကြသော်လည်း ဘုရားသခင်ကို ဝေဖန်၊ တိုက်ခိုက်ကာ အာခံပြီး ပြစ်မှားစော်ကားလာကြဆဲဖြစ်သည်။ လူ့ဇာတိဖြင့် ဤနတ်ဆိုးများနှင့် စာတန်များအပြင် ယုံကြည်ခြင်းမရှိသည့်သူများက ဘုရားသခင်ကို ဝေဖန်၊ တိုက်ခိုက်ကာ အာခံကြသည့် နည်းလမ်းနှင့် သူ၏ အမှုတော်ကို ၎င်းတို့ ဆွဲချပြီး အသင်းတော်အလုပ်ကို နှောင့်ယှက်ကြပုံမှာ ဝိညာဉ်ရေးရာ လောကရှိ နတ်ဆိုးများနှင့် စာတန်က ဤအရာအားလုံးကို လုပ်ဆောင်ကြသည့် နည်းလမ်း အတိအကျ ဖြစ်ပေသည်။ ထို့ကြောင့် ကမ္ဘာလောကရှိ နတ်ဆိုးများနှင့် စာတန်များက ဘုရားသခင်ကို အာခံကြပုံအား သင် မြင်သည့်အခါ ဝိညာဉ်ရေးရာ လောကရှိ နတ်ဆိုးများနှင့် စာတန်က ဘုရားသခင်ကို အာခံကြပုံအား သင် မြင်နေခြင်း ဖြစ်သည်။ ကွာခြားမှု လုံးဝ မရှိပေ။ ထိုအရာများသည် တူညီသည့် အရင်းအမြစ်မှ လာပြီး တူညီသည့် သဘာဝ အနှစ်သာရ ပိုင်ဆိုင်ကြကာ ထို့ကြောင့် တူညီသည့် အရာများကို လုပ်ဆောင်ကြခြင်း ဖြစ်သည်။ မည်သည့် ပုံသဏ္ဌာန်ကို ၎င်းတို့ ယူကြသည်ဖြစ်စေ အားလုံးက တူညီသည့် အရာများကို လုပ်ဆောင်ကြ၏။ ထို့ကြောင့် လူသား အရေခွံကို ဝတ်ဆင်ထားကြသည့် ဤနတ်ဆိုးများနှင့် စာတန်များသည် ၎င်းတို့၏ သဘာဝကြောင့်လည်းကောင်း၊ ၎င်းတို့ မလုပ်ဘဲ မနေနိုင်သောကြောင့်လည်းကောင်း ဘုရားသခင်ကို အာခံကာ တိုက်ခိုက်ကြပြီး သမ္မာတရားအပေါ် ပြင်းထန်သော မနှစ်သက်ခြင်းနှင့် အတိုက်အခံလုပ်ခြင်းတို့ကို ထုတ်ဖော်ပြသကြလေသည်။ ၎င်းတို့ မလုပ်ဘဲမနေနိုင်ကြဟု အဘယ်ကြောင့် ငါ ဆိုရသနည်း။ ၎င်းတို့သည် အခြားလူသားများနှင့်အတူတကွ အသက်ရှင်လျက်၊ တစ်နေ့ အစာသုံးနပ်စားလျက်၊ လူသား ပညာရေးနှင့် အသိပညာတို့ကို လေ့လာလျက် အခြားလူသားများ ရှိကြသည့် တူညီသည့် ဘဝ ကျွမ်းကျင်မှုများနှင့် အသက်ရှင်ခြင်း နည်းလမ်းများဖြင့် လူသားဖြစ်သည့်ပုံပေါ်ကြ၏။ သို့ရာတွင် ၎င်းတို့၏ အတွင်းပိုင်း ဝိညာဉ်သည် အခြားလူသားများနှင့် မတူကြသကဲ့သို့ ၎င်းတို့၏ အနှစ်သာရလည်း မတူပေ။ ထို့ကြောင့် ဤလူများ မည်သည့်အရာ ဖြစ်သည်ကို ဆုံးဖြတ်ပေးသည်မှာ ၎င်းတို့ စွဲကိုင်ကြသည့် အမြင်များနှင့် ၎င်းတို့ တတ်စွမ်းနိုင်သည့်အရာများ၏ နောက်ကွယ်ရှိ အနှစ်သာရ၊ အရင်းအမြစ်နှင့် ဇာတိဖြစ်သည်။ ၎င်းတို့သည် ဘုရားသခင်ကို တိုက်ခိုက်ပြီး ပြစ်မှားစော်ကားပါက နတ်ဆိုးများ ဖြစ်ကြပြီး လူသားများ မဟုတ်ပေ။ လူသား အရေခွံဖြင့် ၎င်းတို့ ပြောသည့်အရာများသည် မည်သို့မည်ပုံ နားကြားကောင်းသည်ဖြစ်စေ၊ သို့မဟုတ် မှန်ကန်သည်ဖြစ်စေ ၎င်းတို့၏ သဘာဝ အနှစ်သာရသည် နတ်ဆိုးများ၏ သဘာဝ အနှစ်သာရဖြစ်သည်။ နတ်ဆိုးများသည် လူတို့ကို လှည့်စားရန် နားကြားကောင်းသည့် အရာများကို ပြောဆိုနိုင်သည့်တိုင် သမ္မာတရားကို လက်တွေ့လုပ်ဆောင်ရန် မဆိုထားနှင့်၊ သမ္မာတရားကို လုံးဝ လက်ခံခြင်း မရှိကြချေ။ ဤသည်မှာ လုံးဝ မှန်ပေသည်။ ဆိုးယုတ်သောလူများနှင့် အန္တိခရစ်များအပြင် ဘုရားသခင်ကို အာခံပြီး သစ္စာဖောက်သောသူများကို ကြည့်လော့။ ၎င်းတို့သည် ဤလူစားမျိုး ဖြစ်ကြသည် မဟုတ်လော။ ၎င်းတို့အားလုံးသည် နားကြားကောင်းသည့် အရာများကို ပြောနိုင်စွမ်း ရှိကြသော်လည်း လက်တွေ့ကျသည့် မည်သည့်အရာကိုမျှ လုပ်ဆောင်နိုင်စွမ်း မရှိကြချေ။ ၎င်းတို့သည် အဆင့်အတန်းနှင့် တန်ခိုးအာဏာရှိသည့် လူများကိုလည်းကောင်း၊ အထူးသဖြင့် ၎င်းတို့၏ အနီးဆုံး အထက်လူကြီးများကိုလည်းကောင်း လေးစားမှုအချို့ ပြသနိုင်ပြီး နားကြားကောင်းသည့် အရာများ ပြောနိုင်ကြသော်လည်း ဘုရားသခင်၏ ရှေ့မှောက်သို့ လာကြသည့်အခါ လူ့ဇာတိခံ ဘုရားသခင်အတွက် အနိမ့်ဆုံး လေးစားမှုကိုပင် ပြသခြင်း မရှိကြချေ။ ဘုရားသခင်အတွက် အချို့သော ကိစ္စများကို ကိုင်တွယ်ရန် ၎င်းတို့ကို သင် စေခိုင်းပါက အမှန်တကယ် လုပ်ဆောင်လိုခြင်း မရှိကြသကဲ့သို့ ၎င်းတို့ လုပ်ဆောင်လိုလျှင်ပင် ပေါ့ပေါ့ဆဆဖြစ်သော နည်းလမ်းတစ်ခုဖြင့် လုပ်ဆောင်ကြလေသည်။ ၎င်းတို့သည် ဘုရားသခင်ကို အဘယ်ကြောင့် ဤသို့ ဆက်ဆံနိုင်စွမ်း ရှိကြသနည်း။ ၎င်းတို့ကို စိတ်ပျက်စေသည်မှာ သမ္မာတရား ဖြစ်သလော။ ဘုရားသခင်ကို ၎င်းတို့ကို စိတ်ပျက်စေမိပြီလော။ ယခင်က ၎င်းတို့နှင့် ဘုရားသခင် ပြောဆိုဆက်ဆံပြီးပြီလော။ ဤမေးခွန်းများအတွက် အဖြေမှာ မပြောဆို မဆက်ဆံရသေးပါဟုသာ ဖြစ်သည်။ ဘုရားသခင်သည် ၎င်းတို့ကို တစ်ကြိမ်တစ်ခါမျှ မတွေ့ဆုံဖူးပေ။ ထို့ကြောင့် ဤလူများသည် ဘုရားသခင်နှင့် သမ္မာတရားအပေါ် ဤသဘောထားမျိုး ထားရှိကြသည်မှာ အဘယ်သို့ဖြစ်သနည်း။ အကြောင်းရင်းတစ်ခု ရှိပြီး ယင်းမှာ ၎င်းတို့၏ သဘာဝ အနှစ်သာရသည် ပင်ကိုအားဖြင့် ဘုရားသခင်ကို ဆန့်ကျင်သောကြောင့် ဖြစ်သည်။ ထို့ကြောင့် ၎င်းတို့သည် လုံးဝ စဉ်းလဲစွာပင် ထိုသို့လုပ်ဆောင်လျက် ဘုရားသခင်ကို လှောင်ကာ ပြစ်မှားစော်ကားပြီး ၎င်းတို့ စိတ်နှလုံများထဲတွင် ဘုရားသခင်ကို အထင်အမြင်သေး၊ ဝေဖန်ကာ မတိုက်ခိုက်ဘဲ မနေနိုင်ကြခြင်း ဖြစ်သည်။ ဤအရာကို ၎င်းတို့၏ သဘာဝ အနှစ်သာရက ဆုံးဖြတ်ပေသည်။ ၎င်းတို့သည် ဤအရာများကို မိမိတို့၏ နှုတ်များမှ ဖွင့်ဟနေသည့် စကားများဖြင့် မည်သည့် အားထုတ်မှုမျှ မရှိဘဲ လုပ်ဆောင်ကြလေသည်၊ ဤအရာများသည် စဉ်းစားဆင်ခြင်ခြင်း မရှိဘဲ၊ အမှုမဲ့အမှတ်မဲ့ဖြင့် အလိုအလျောက်ပင် ပွင့်အံထွက်နေကြလေသည်။ ၎င်းတို့သည် အခြားလူများ၊ အဆင့်အတန်းရှိသည့် လူများနှင့် သာမန်လူများကို လေးစားမှု ပြနိုင်ကြသော်လည်း ဘုရားသခင်နှင့် သမ္မာတရားကို လုံးဝ စက်ဆုပ်ကြလေသည်။ ၎င်းတို့သည် မည်သည့်အရာများ ဖြစ်ကြသနည်း။ (နတ်ဆိုးများ ဖြစ်ပါသည်။) မှန်ပေ၏၊ ၎င်းတို့၏ အသက်အရွယ် မည်မျှပင်ရှိပါစေ ၎င်းတို့သည် လူသားများ မဟုတ်ဘဲ နတ်ဆိုးများ ဖြစ်ကြ၏။ လူအချို့က “၎င်းတို့ ငယ်ရွယ်ကြပြီး အမှုအရာများကို နားမလည်ကြခြင်းသာ ဖြစ်မည်”ဟု ဆိုကြသည်။ ၎င်းတို့ ငယ်ရွယ်ပြီး အမှုအရာများကို နားမလည်ကြဟု သင်တို့ တွေးထင်ကြသော်လည်း ကမ္ဘာလောကနှင့် လူမှုအဖွဲ့အစည်းထဲသို့ ၎င်းတို့ သွားကြပြီး ပိုမိုအသက်ကြီးသည့် လူများကို မြင်သည့်အခါ ထိုသူတို့ကို ၎င်းတို့ သင့်တင့်လျောက်ပတ်စွာ ခေါ်ဝေါ်ကြသည်။ ဘုရားသခင်ကို မြင်သည့်အခါတွင်သာ ၎င်းတို့သည် ဘုရားသခင်ကို တလေးတစား ခေါ်ဝေါ်ရမည့်အစား “အို”၊ သို့မဟုတ် “ခင်ဗျားကိုး”၊ သို့မဟုတ် “ခင်ဗျား”ဟုသာ ခေါ်ဝေါ်ကြခြင်း ဖြစ်သည်။ ၎င်းတို့သည် ဘုရားသခင်ကို အမည်တပ်ခေါ်ဝေါ်ခြင်း မရှိကြချေ။ ၎င်းတို့သည် လူမှုအဖွဲ့အစည်းတွင် မိမိတို့၏ သက်ကြီးသူများကို လေးစားပြီး ကလေးသူများကို ချစ်ခင်မြတ်နိုးရကောင်းမှန်းသိကြပြီး ၎င်းတို့သည် အကျင့်သိက္ခာမြင့်ကာ ယဉ်ကျေးကြသည်။ သို့ရာတွင် ဘုရားသခင်၏ ရှေ့မှောက်သို့ ၎င်းတို့ ရောက်လာကြသည့်အခါ ဤအရာများကို မလုပ်ဆောင်နိုင်ကြသကဲ့သို့ သူ့ကို မည်သို့ အရိုအသေပေးရမည်ကို နားမလည်ကြချေ။ ထို့ကြောင့် ၎င်းတို့သည် မည်သည့်အရာများ ဖြစ်ကြသနည်း။ (နတ်ဆိုးများ ဖြစ်ကြသည်။) ၎င်းတို့သည် နတ်ဆိုးများ၊ နတ်ဆိုးစင်စစ်များ ဖြစ်ကြ၏။ ၎င်းတို့သည် လူမှုအဖွဲ့အစည်းထဲရှိ ဂုဏ်သတင်းကြီးသော လူများ၊ အဆင့်အတန်း ရှိသူများ၊ ၎င်းတို့ လေးစားသည့်သူများနှင့် အကျိုးအမြတ်အချို့ ၎င်းတို့ ရရှိသည့် သူများကိုပင် လေးစားမှုပြကာ ယဉ်ကျေးနိုင်ကြသည်။ ဘုရားသခင်၏ ရှေ့မှောက်သို့ ၎င်းတို့ လာကြသည့်အခါတွင်သာ လေးစားမှု၊ သို့မဟုတ် ယဉ်ကျေးမှု လုံးဝ မပြကြဘဲ ထိုအစား ပွင့်ပွင့်လင်းလင်း စက်ဆုပ်ကာ အထင်သေးသည့် သဘောထားဖြင့် ဆက်ဆံလျက် သူ့ကို ချက်ချင်း အတိုက်အခံ လုပ်ကြလေသည်။ ၎င်းတို့သည် မည်သည့်အရာများ ဖြစ်ကြသနည်း။ ၎င်းတို့သည် နတ်ဆိုးများ၊ နတ်ဆိုးစင်စစ်များ ဖြစ်ကြ၏။ ဤယုံကြည်ခြင်းမရှိသူများ၊ ဘုရားအိမ်တော်ထဲသို့ ထိုးဖောက်ဝင်ရောက်ကြပြီး ထို့နောက်တွင် ရှင်းလင်းပစ်ခြင်းခံရကာ ထုတ်ပယ်ခံရသည့် ဤလူများအားလုံးသည် တစ်ရာရာခိုင်နှုန်း ဤလူစားမျိုး ဖြစ်သည်။ ၎င်းတို့သည် ဘုရားသခင်ကို ဤနည်းအားဖြင့် အထင်အမြင်သေးစွာ အတိုက်အခံလုပ်၍ ဆက်ဆံကြပြီး လူတို့အား ထမ်းဆောင်ရန် ဘုရားသခင် တောင်းဆိုသည့် တာဝန်နှင့် ပတ်သက်လာသည့်အခါ သာ၍ပင် အလေးဂရုပြုခြင်း မရှိကြချေ။ လူမှုအဖွဲ့အစည်းထဲရှိ ၎င်းတို့၏ အဆင့်အတန်း၊ ၎င်းတို့ မည်မျှ ပညာတတ်သည်၊ သို့မဟုတ် ၎င်းတို့၏ အသက်အရွယ်၊ သို့မဟုတ် လိင်က မည်သည့်အရာဖြစ်စေ ၎င်းတို့၏ သဘာဝသည် တူညီ၏။ ကမ္ဘာလောကထဲတွင် ၎င်းတို့ နေထိုင်အသက်ရှင်ကြပြီး ၎င်းတို့အား တစ်စုံတစ်ခု လုပ်ဆောင်ရန် စေခိုင်းသည့် အရာရှိတစ်ဦးကို ကြုံရသည့်အခါ မြေပေါ် ခယဝပ်တွားပြီး အမြန်ပင် အလွန်အကျွံ အရိုအသေပေးဖို့ စိတ်အားထက်သန်ကြသည်။ အရာရှိ၏ ကျေးကျွန်များဖြစ်ရန် ၎င်းတို့ ဆန္ဒရှိကြပြီး စိတ်လိုလက်ရရှိကာ မိမိတို့ စဉ်းစားနိုင်သည့် အကောင်းဆုံးသော နည်းလမ်းဖြင့် ၎င်းတို့ကို မြှောက်ပင့်ရန် ကြိုးစားကြလိမ့်မည် ဖြစ်သည်။ ကျော်ကြားသူတစ်ဦး၊ သို့မဟုတ် သမ္မတတစ်ဦးထံမှ လက်ဆွဲနှုတ်ဆက်ခြင်း၊ သို့မဟုတ် ပွေ့ဖက်ခြင်း ခံရပါက ဂုဏ်ယူကြပြီး မိမိတို့၏ လက်များကို တစ်ဖန် လုံးဝ ဆေးကြောလိမ့်မည်မဟုတ်၊ သို့မဟုတ် မိမိတို့၏ အဝတ်အစားများကို ၎င်းတို့ အသက်ရှင်သရွေ့ လဲကောင်း လဲလိမ့်မည်မဟုတ်ပေ။ ဤကျော်ကြားသူများနှင့် ကြီးမြတ်သည့် လူများသည် ဘုရားသခင်ထက်ပင် ပိုမို မြင့်မားကာ ကြီးမြတ်သည်ဟု ၎င်းတို့ ခံစားကြပြီး ထိုအကြောင်းကြောင့် ၎င်းတို့၏ စိတ်နှလုံးများထဲတွင် ဘုရားသခင်ကို အထင်အမြင်သေးနိုင်စွမ်း ရှိကြခြင်း ဖြစ်သည်။ မည်သည့်အရာကို ဘုရားသခင် ပြောဆိုသည်ဖြစ်စေ၊ သို့မဟုတ် မည်သည့်အမှုကို သူ လုပ်ဆောင်သည်ဖြစ်စေ ဤလူများက ထိုအရာကို ဖော်ထုတ်ပြောဆိုထိုက်သည်ဟု မယူဆကြချေ။ ထိုအရာကို ဖော်ထုတ်ပြောဆိုထိုက်သည်ဟု ၎င်းတို့ မယူဆကြရုံမက ဘုရားနှုတ်ကပတ်တော်များနှင့်ပတ်သက်၍ စဉ်ဆက်မပြတ် စိတ်ထက်သန်စွာ ပါဝင်ဆောင်ရွက်ပြီး ထိုနှုတ်ကပတ်တော်များကို ပြောင်းလဲချင်ကြသည်။ ထိုနှုတ်ကပတ်တော်များအား မိမိတို့ကိုယ်ပိုင် အဓိပ္ပာယ်ကို ပေါင်းထည့်ချင်ကြသည်။ ၎င်းတို့ တွေးထင်သည့်အရာနှင့် လုံးဝ ကိုက်ညီအောင် လုပ်ချင်ကြသည်။ ဤသည်တို့မှာ မိမိတို့၏ သဘာဝ အနှစ်သာရနှင့်ပတ်သက်၍ ပြဿနာများ ရှိကြသည့် လူများသာ ဖြစ်သည်။ ငါ့ကို ပြောလော့၊ နတ်ဆိုးများနှင့် သက်ဆိုင်သည့် ဤလူများ၊ သို့မဟုတ် နတ်ဆိုးများ၏ သဘာဝ အနှစ်သာရ ရှိကြသည့် ဤလူများကို ဘုရားအိမ်တော်တွင် ရှိနေခွင့်ပြုရန်မှာ သင့်တော်သလော။ (မသင့်တော်ပါ။) မသင့်တော်ပေ။ ၎င်းတို့သည် ဘုရားသခင် ရွေးချယ်ထားသည့် လူများနှင့် မတူပေ။ ဘုရားသခင် ရွေးချယ်ထားသည့် လူများသည် ဘုရားသခင်နှင့် သက်ဆိုင်ပြီး ဤလူများမှာမူ နတ်ဆိုးများနှင့် စာတန်နှင့် သက်ဆိုင်ပေသည်။

အသင်းတော်တစ်ပါးဟု ခေါ်ဆိုရန် မည်သည့် လူစားမျိုးများသည် အတူတကွ စုဝေးရမည်နည်း။ ဘုရားအိမ်တော်တွင် မည်သည့် လူစားမျိုးများကို အလိုရှိပြီး ဘုရားအိမ်တော်သည် မည်သည့် လူစားမျိုးများနှင့် သက်ဆိုင်သနည်း။ ငါ့ကို ပြောလော့။ (ဘုရားသခင်ကို အမှန်တကယ် ယုံကြည်ပြီး သမ္မာတရားကို လိုက်စားသည့် လူများဖြစ်ပါသည်။) ဤသည်မှာ အနည်းငယ် ပြင်းထန်လွန်း၏။ ငါ့အမြင်အရဆိုလျှင် အနိမ့်ဆုံး ကန့်သတ်ချက်နှင့် အနိမ့်ဆုံး စံနှုန်းမှာ အစေခံမှုကို ပေးရန် လိုလားလျက်ရှိကြသည့် လူများ ဖြစ်ရမည်ဖြစ်သည်။ ၎င်းတို့သည် သမ္မာတရားအတွက် ချစ်ခြင်းမေတ္တာ မရှိကောင်း မရှိနိုင်သော်လည်း ယင်းမှာ သမ္မာတရားကို ၎င်းတို့ စိတ်ကုန်သည်ဟု မဆိုလိုပေ။ ၎င်းတို့သည် ဘုရားအိမ်တော်က လုပ်ခိုင်းသည့်အရာကို မေးခွန်းမမေးဘဲ လုပ်ဆောင်ကြပြီး နာခံတတ်ကာ ကျိုးနွံနိုင်ကြသည်။ သမ္မာတရား လိုက်စားခြင်းအတွက် သတ်မှတ်ချက်များနှင့် ပတ်သက်လာသည့်အခါ လူအချို့သည် အစွမ်းအစ မဲ့နေသည်ဟု မိမိတို့ကိုယ်ကို တွေးထင်ကြသည်။ ထိုအရာ လုပ်ဆောင်ရသည်ကို ၎င်းတို့ မွေ့လျော်ခြင်း မရှိကြသကဲ့သို့ ထိုမျှ စိတ်ဝင်စားခြင်း မရှိကြချေ။ တရားဒေသနာများကို မကြာခဏ နားထောင်ခြင်းသည် လက်ခံနိုင်ဖွယ်ဖြစ်ပြီး တစ်ခါတစ်ရံ တရားဒေသနာများကို နားထောင်ချိန်တွင် ၎င်းတို့ အိပ်မောကျ၍ နိုးသည့်အခါ “ငါမည်သည့်အရာကို ယခုတင် နားထောင်နေခဲ့သနည်း။ ငါမေ့သွားလေပြီ။ အလုပ်သွားလုပ်သင့်ပြီ။ ငါ့အလုပ်ကို ငါလုပ်ခြင်းသည်သာ ငါ့အတွက် လုံလောက်သည်”ဟု တွေးကြလေသည်။ ၎င်းတို့သည် ထိန်းမနိုင် သိမ်းမရမဖြစ်ကြဘဲ၊ သို့မဟုတ် အနှောင့်အယှက်မဖြစ်စေကြဘဲ ၎င်းတို့အတွက် မည်သည့်အလုပ်ကို စီစဉ်ပေးသည်ဖြစ်စေ၊ အလုပ်ကြိုးစားကြလေသည်။ ၎င်းတို့သည် တကယ့် ရိုးသားစစ်မှန်မှု ဟန်ပန်တစ်ခု ရှိကြပြီး ၎င်းတို့သည် ဒူပေနာပေခံ ရှေးလုပ်သားများကဲ့သို့ ဖြစ်သည်။ ၎င်းတို့၏ ပိုင်ရှင်က အလုပ်လုပ်ရန်သာ ၎င်းတို့ကို ပြောလိုက်ပြီး ကြိတ်ဆုံကျောက် လှည့်ခြင်းဖြစ်စေ၊ ထယ်ဆွဲခြင်းဖြစ်စေ၊ စိုက်ကွင်းများတွင် အလုပ်လုပ်ခြင်းဖြစ်စေ၊ လှည်းတစ်စီးကို ဆွဲခြင်းဖြစ်စေ ၎င်းတို့တွင် တကယ့် စစ်မှန်ရိုးသားမှု ဟန်ပန်တစ်ခု အစဉ် ရှိကာ မည်သည့် ပြဿနာမျှ မဖြစ်စေဘဲ အလုပ်များကို အပြီးသတ်နိုင်ကြလေသည်။ ၎င်းတို့ စဉ်းစားသည့်အရာ မည်သည့်အရာ ဖြစ်သနည်း။ “အစေခံတစ်ဦးဖြစ်သည်ဟု ကျွန်ုပ်ကို ပြောထားသောကြောင့် ကျွန်ုပ် အစေခံမှုကို ပေးမည်။ ကျွန်ုပ်သည် မည်သည့်အရာနှင့်မျှ ထိုက်တန်ခြင်းမရှိပါ၊ ကျွန်ုပ်သည် နိမ့်ကျသည့် အညတြတစ်ဦး ဖြစ်သည်။ ဘုရားသခင်အတွက် အစေခံမှု ပေးခြင်းအားဖြင့် သူသည် ကျွန်ုပ်ကို ချီးမြှောက်ပြီး ကျွန်ုပ် လုံးဝ မတရားခံရသည်ဟု မခံစားရပါ”ဟူ၍ ဖြစ်သည်။ သင် မြင်သလော၊ ဤသည်မှာ ၎င်းတို့တွင်ရှိသည့် သဘောထား ဖြစ်သည်။ ထို့ကြောင့် ဤကဲ့သို့သော လူများကို ဘုရားအိမ်တော်တွင် ထိန်းသိမ်းသင့်၏။ ၎င်းတို့တွင် အပြစ်များ၊ ဟာကွက်များနှင့် မကောင်းသည့် အလေ့အထအချို့ ရှိကောင်းရှိနိုင်သော်လည်း၊ သို့မဟုတ် ၎င်းတို့အနေဖြင့် အစွမ်းအစတွင် ချို့တဲ့နေနိုင်သော်လည်း သို့မဟုတ် မိုက်မဲနေနိုင်သော်လည်း ဤလူအားလုံးကို ငါ သည်းခံပြီး ပါဝင်ပူးပေါင်းစေနိုင်သည်။ ထိုအရာမှာ ပြဿနာမဟုတ်သကဲ့သို့ ဤလူများကို အခွင့်အရေးများ ငါ ပေး၏။ မည်သည့် အခွင့်အရေးများ ဖြစ်သနည်း။ အစေခံမှု ပေးရန်၊ သို့မဟုတ် ကယ်တင်ခြင်း ရရှိရန် ၎င်းတို့ကို ငါ အခွင့်အရေး ပေးသလော။ နှစ်ခုလုံးဖြစ်သည်မှာ အမှန်ဖြစ်၏။ အဖန်ဆင်းခံများအနေဖြင့် ၎င်းတို့သည် ဘုရားသခင်ကို အစေခံမှု ပေးရန်၊ ဘုရားအိမ်တော်တွင် အစေခံမှုပေးရန် လိုလားလျက်ရှိကြပြီး ထိုသို့လုပ်ဆောင်ရန်မှာ ၎င်းတို့၏ လုပ်ပိုင်ခွင့် ဖြစ်သည်။ ထို့အပြင် ၎င်းတို့တွင် ရှိသည့် ဤစိတ်ဆန္ဒဖြင့် ကယ်တင်ခြင်း ရရှိရန် ၎င်းတို့သည် အခွင့်အရေး ပေးခံရသင့်ပေသည်။ သို့တိုင် “သို့သော် သူတို့သည် ကယ်တင်ခြင်းရရှိရန် မကြိုးစားကြပါ”ဟု ပြောသော သူအချို့ ရှိ၏။ ကယ်တင်ခြင်းရရှိရန် ၎င်းတို့ မကြိုးစားပါက ယင်းမှာ ၎င်းတို့ ကိစ္စဖြစ်၏။ သို့သော် အနည်းဆုံးအနေဖြင့် ဤလူများသည် အထူး မျက်နှာသာပေးခြင်း ခံရနိုင်ပြီး ကယ်တင်ခြင်း ရရှိရန် အခွင့်အရေး ပေးခံရနိုင်ကာ ၎င်းတို့တွင် ကယ်တင်ခံရဖို့ အခွင့်အရေး ရှိပေသည်။ “၎င်းတို့တွင် အခွင့်အရေးရှိသည်”ဟု ဆိုခြင်းအားဖြင့် မည်သည့်အရာကို ငါဆိုလိုသနည်း။ ၎င်းတို့၏ အစွမ်းအစ ချို့တဲ့နေကာ ၎င်းတို့ အနည်းငယ် မိုက်မဲပြီး မိမိတို့ တာဝန်ကို ထမ်းဆောင်ရာတွင် အလွန် ကြီးသည့်၊ သို့မဟုတ် အရေးပါသည့် အလုပ်ကို တာဝန်မယူနိုင်ကြဘဲ သာမန် တာဝန်တစ်ခုကိုသာ လုပ်ဆောင်ကြ၍ ဘုရားအိမ်တော်တွင် အလွန် အရေးပါသည့် အခန်းကဏ္ဍကို ၎င်းတို့ မဆောင်ရွက်ကြသလို ဘုရားသခင်က သူ၏ အမှုတော်ကို တိုးချဲ့နေစဉ်တွင် အရေးပါသည့် မည်သည့်အလုပ်ကိုမျှ ၎င်းတို့ တာဝန်ယူခြင်း မရှိဘဲ ၎င်းတို့သည် ကြီးမားသည့် ပံ့ပိုးမှု မပြုကြသော်လည်း ဘုရားသခင်ကို အစေခံမှုပေးရန် လိုလားလျက်ရှိသည့် ဤစိတ်ဆန္ဒ ၎င်းတို့တွင် ရှိကြသောကြောင့် ၎င်းတို့သည် အထူး မျက်နှာသာပြခြင်းခံရကာ ကယ်တင်ခံရမည့် အခွင့်အရေးပေးခြင်း ခံရသည်ဟု ငါဆိုလိုပေသည်။ ဤသည်မှာ ၎င်းတို့ အပေးခံရသည့် အထူး မျက်နှာသာဖြစ်သည်။ ဘုရားသခင်သည် လူတစ်ဦးစီတိုင်းကို အခွင့်အရေးများစွာ ပေး၏။ ဘုရားသခင်သည် လူတို့ကို မျှတစွာ ဆက်ဆံပါသလော။ (ဆက်ဆံပါသည်။) အဘယ်ကြောင့်ဆိုသော် ၎င်းတို့ မည်မျှ အားနည်သည်ဖြစ်စေ၊ ၎င်းတို့၏ အစွမ်းအစ မည်မျှ ချို့တဲ့နေသည်ဖြစ်စေ၊ ၎င်းတို့ မည်မျှ မိုက်မဲသည်ဖြစ်စေ၊ ၎င်းတို့သည် သာမန်နှင့် ဖောက်ပြန်ပျက်စီးသော လူသားမျိုးနွယ်ဝင်များ ဖြစ်ကြသည်။ ၎င်းတို့သည် သမ္မာတရားကို အလွန်တက်ကြွစွာ ကိုယ်တိုင်ကိုယ်ကျ မလိုက်စားကြခြင်းသာဖြစ်သော်လည်း ၎င်းတို့သည် အခြေခံအားဖြင့် လူသားများသာ ဖြစ်သည်။ အဆုံးတွင် သမ္မာတရားကို ၎င်းတို့ ရရှိနိုင်သည်ဖြစ်စေ၊ သို့မဟုတ် ကယ်တင်ခြင်း ရရှိနိုင်သည်ဖြစ်စေ၊ မရှိနိုင်သည်ဖြစ်စေ ဘုရားသခင်နှင့် ပတ်သက်သရွေ့ ဤလူများကို ဘုရားသခင်ကို ဆန့်ကျင်သည့် ထိုမယုံကြည်သူများနှင့် နတ်ဆိုးများမှ လုံးဝ ကွဲပြားခြားနားသည့် ပုံစံခွက်တစ်ခုမှ ဖန်ဆင်းထားပြီး ၎င်းတို့တွင် မတူကွဲပြားသည့် အနှစ်သာရတစ်ခု ရှိသည့်အတွက် သူသည် ၎င်းတို့အပေါ် ကြင်နာသနားခြင်းကို ပေးသနားပြီး အထူး မျက်နှာသာပေးလေသည်။ ထိုလူများသည် နတ်ဆိုးများနှင့် ဘုရားသခင်၏ ရန်သူများဖြစ်ပြီး ဤလူများမှာမူ အစေခံမှုကိုသာ ပေးရန် ကြိုးစားကာ အစေခံမှုပေးခြင်းအတွက်သာ နေသားကျနေကြလင့်ကစား ၎င်းတို့၏ စိတ်နှလုံးများတွင် ဘုရားသခင်ကို အတိုက်အခံလုပ်ခြင်း မရှိကြချေ။ ၎င်းတို့သည် ဘုရားသခင်ကို လုံးဝ တက်ကြွစွာ တိုက်ခိုက်ကြလိမ့်မည်မဟုတ်၊ ဝေဖန်ကြလိမ့်မည်မဟုတ်၊ သို့မဟုတ် ဘုရားသခင်ကို ပြစ်မှားစော်ကားကြလိမ့်မည် မဟုတ်သကဲ့သို့ ဘုရားသခင်အပေါ် အပြုသဘောဆောင်ပြီး မှန်ကန်သည့် သဘောထားတစ်ခု ထားရှိကြသည်။ ဆိုလိုသည်မှာ ၎င်းတို့ ကယ်တင်ခြင်း ရရှိနိုင်သည်ဖြစ်စေ၊ မရရှိနိုင်သည်ဖြစ်စေ ဘုရားသခင်ကို အစေခံမှုပေးရန် လိုလားနေကြခြင်း ဖြစ်သည်။ ထို့နောက် ဤထက် အနည်းငယ် ပိုကောင်းသူနှင့် ၎င်းတို့ အစေခံမှု ပေးသည့် အချိန်အတောအတွင်းတွင် သမ္မာတရားအချို့ကို ၎င်းတို့ တတ်နိုင်သမျှ လက်တွေ့လုပ်ဆောင်ကြသူ၊ သမ္မာတရား စည်းမျဉ်းအချို့ကို တက်ကြွစွာနှင့် စိတ်ထက်သန်စွာ ရှာဖွေကြသူများနှင့် စည်းမျဉ်းများကို မဆန့်ကျင်မိရန် ကြိုးပမ်းကြသူအချို့ ရှိကြသည်။ ဤသည်မှာ ၎င်းတို့ ပိုင်ဆိုင်သည့် စိတ်ဆန္ဒနှင့် သဘောထား ဖြစ်သောကြောင့် ဘုရားသခင်သည် ၎င်းတို့အပေါ် သနားကြင်နာမှု ပေးသနားလေသည်။ ၎င်းတို့ကို မမျှမတ ဘုရားသခင် မဆက်ဆံပေ။ သူသည် ၎င်းတို့အပေါ် တကယ်ကို လက်မလျှော့သကဲ့သို့ ၎င်းတို့ကို အမြဲ အခွင့်အရေးများ ပေး၏။ ဘုရားသခင်၏ အမှုတော် အဆုံးသတ်လာသည့် အချိန်အရောက်တွင် ဘုရားသခင်ကို ကျိုးနွံနာခံမှုအား ၎င်းတို့ စွမ်းဆောင်ရရှိနိုင်ပြီး စာတန်၏ လွှမ်းမိုးမှုကို လွတ်မြောက်နိုင်ကြပါက ဘုရားသခင်သည် ၎င်းတို့ကို နိုင်ငံတော်ထဲသို့ ဦးဆောင်သွားလိမ့်မည်။ ဤသည်မှာ ၎င်းတို့ ရှိသင့်သည့် ခရီးပန်းတိုင်ဖြစ်သည်။ ဘုရားသခင်သည် ဤလူများကို ကယ်တင်လိုပြီး ၎င်းတို့အပေါ် လက်လျှော့မည် မဟုတ်ပေ။ ဤအရာကို ဘုရားသခင် မည်သို့ လုပ်ဆောင်ပြီး ဤစကားများကို ပြည့်စုံစေမည်ဆိုသည်အတွက်မူ တစ်နေ့တွင် သင်တို့ သိကြလိမ့်မည်။ နတ်ဆိုးများနှင့် စာတန်များအပေါ် ဘုရားသခင်၏ သဘောထားမှာ အဘယ်နည်း။ (သူသည် ၎င်းတို့ကို စိတ်ကုန်ပါသည်။) သူ၏ သဘောထားမှာ သူသည် ၎င်းတို့ကို စိတ်ကုန်ခြင်း ဖြစ်သည်။ ၎င်းတို့ကို သူစိတ်ကုန်သည်မှာ ပြောရန်မလိုပေ။ ဘုရားသခင်သည် သင့်တော်သည့် အချိန်နှင့် နေရာ၊ သင့်တော်သည့် အခြေအနေတွင်၊ သင့်တော်သည့် အရာများဖြင့် အစေခံမှု ပေးရန် နတ်ဆိုးများနှင့် စာတန်များကို အသုံးပြုပြီး အစေခံမှုကို ၎င်းတို့ ပေးပြီးသည်နှင့် မည်သည့် စဉ်းစားဆင်ခြင်မှုမျှမရှိဘဲ မောင်းထုတ်ခံရကြသည်။ သမ္မာတရားကို မလိုက်စားသကဲ့သို့ သမ္မာတရားကို စိတ်ကုန်သည့် ၎င်းတို့၏ သဘာဝ အနှစ်သာရသည် အခြေအနေမျိုးစုံတွင် စဉ်ဆက်မပြတ် ဖော်ထုတ်ခြင်းခံရကြသည်။ ဘုရားသခင်သည် ၎င်းတို့ကို လုံးဝ မုန်းတီးကာ ၎င်းတို့ကို အလွန်အမင်း စက်ဆုပ်သည့်အတွက် ၎င်းတို့အပေါ် သနားကြင်နာမှု ပေးသနားခြင်း မရှိပေ။ သို့ရာတွင် ညံ့ဖျင်းသည့် အစွမ်းအစများရှိသည့်၊ အချို့မှာ နားဝေတိမ်တောင်ပင် ဖြစ်နိုင်သည့် ဤလူနုံလူအများသည် ဘုရားသခင်ကို အစေခံမှု ပေးရန် လိုလားနေကြပြီး “ဘုရားသခင်ထံ အစေခံမှု ပေးရန် ဆန္ဒရှိခြင်းနှင့် ထိုအရာကို မည်သည့်အခါတွင်မျှ နောင်တမရခြင်း”နှင့်ဆိုင်သော သဘောထားနှင့် စိတ်ပိုင်းဖြတ်မှုတို့ကို ၎င်းတို့ ထားရှိကြလေသည်။ ထို့ကြောင့် နေ့စဉ်အသက်တာတွင် ဘုရားသခင်သည် ၎င်းတို့၏ နုံအမှုကို အမြဲ ခွင့်လွှတ်ပေးလိမ့်မည်ဖြစ်ပြီး ၎င်းတို့၏ အားနည်းမှုကို သည်းခံပေးလိမ့်မည် ဖြစ်သည့်အပြင် ၎င်းတို့ကို ကာကွယ်ကာ စောင့်ရှောက်ပေးလိမ့်မည် ဖြစ်သည်။ ဘုရားသခင်က ၎င်းတို့ကို ကာကွယ်ကာ စောင့်ရှောက်ပေးလိမ့်မည်ဟု ငါ ပြောသည့်အခါ မည်သည့်အရာကို ငါ ဆိုလိုသနည်း။ ဘုရားသခင်က ၎င်းတို့ သဘောပေါက်နိုင်သည့် သမ္မာတရား အနည်းအငယ်၏ တိုက်ရိုက် အဓိပ္ပာယ်များနှင့် စပ်လျဉ်း၍ ၎င်းတို့ကို ဉာဏ်အလင်းပေးလိမ့်မည်ဖြစ်ပြီး ၎င်းတို့ သဘောပေါက်နိုင်သည့် သမ္မာတရားများကို နားလည်ခွင့်ပေးလိမ့်မည်ဟု ငါ ဆိုလိုပေသည်။ ဘုရားသခင်သည် ၎င်းတို့အပေါ် ငြိမ်သက်ခြင်းနှင့် ဝမ်းမြောက်ခြင်း ပေးသနားလျက် ၎င်းတို့နှင့်အတူ ပါရှိပြီး စုံစမ်းသွေးဆောင်ခြင်း ၎င်းတို့ ကြုံရသည့်အခါ ထိုအရာမှ ၎င်းတို့ကို ကာကွယ်ရန် ဘုရားသခင်သည် ၎င်းတို့အတွက် သင့်လျော်သော ပတ်ဝန်းကျင်များကို စီစဉ်ပေးလိမ့်မည်။ အဓိက စုံစမ်းနှောင့်ယှက်မှုများမှာ အဘယ်နည်း။ စုံစမ်းနှောင့်ယှက်မှု များစွာရှိ၏။ အိမ်ထောင်ရေး၊ အမျိုးသားနှင့် အမျိုးသမီးများကြား မလျော်ကန်သော ဆက်ဆံရေးများ၊ ငွေ၊ အဆင့်အတန်း၊ ကျော်ကြားမှုနှင့် အကျိုးအမြတ်၊ နာမည်ဂုဏ်သတင်းအပြင် ကောင်းမွန်သော အလုပ်တစ်ခုနှင့် ကောင်းမွန်သည့် လစာအကျိုးခံစားခွင့် စသည်တို့ဖြစ်သည်။ ဤအရာအားလုံးသည် စုံစမ်းသွေးဆောင်ခြင်းများ ဖြစ်သည်။ ပြီးလျှင် အခြားမည်သည့်နည်းလမ်းများဖြင့် လူတို့ကို ဘုရားသခင် ကွယ်ကာပေးသနည်း။ သင့်ကို ဆင်းရဲဒုက္ခခံရခြင်းမှ တားဆီးပေးရန် နာမကျန်းဖြစ်ခြင်းမှ သင့်ကို ကုသပျောက်ကင်းစေသည်။ ဆိုးယုတ်သော လူများ၏ ထောင်ဖမ်းခံရခြင်းနှင့် တိုက်ခိုက်ခံရခြင်း စသည်တို့ မဖြစ်အောင် သင့်ကို သူ ကာကွယ်ပေးသည်။ ထို့အပြင် အချို့သော အခက်အခဲများ၊ သို့မဟုတ် ဘေးဒုက္ခဆိုက်စေပုံရသည့် အချို့သော အရာများ သင် ကြုံရသည့်အခါ ဘုရားအိမ်တော်တွင် ဘုရားသခင်အား သင် ဆန္ဒရှိသည့်အတိုင်း အဆုံးထိ ချောမွေ့စွာ အစေခံမှု ပေးနိုင်စေလျက် ဤဘေးဒုက္ခများနှင့် အခက်အခဲများမှ သင့်ကို ကွယ်ကာပေးရန် အချို့သော လူများ၊ အဖြစ်အပျက်များနှင့် အမှုအရာများကို ဘုရားသခင် စီစဉ်ပေးလိမ့်မည်။ ဤသည်မှာ ကောင်းသော အရာတစ်ခုဖြစ်သည် မဟုတ်လော။ (ဟုတ်ပါသည်။) ထို့ကြောင့် အရာရာတိုင်း အဆင်ပြေချောမွေ့စွာ ဖြစ်နိုင်စေရန်နှင့် သင်ဆန္ဒရှိသည့်အတိုင်း အရာရာ ဖြစ်ဖို့အတွက် ဤသည်မှာ မည်သည့်နေရာမှ လာပါသနည်း။ (ဘုရားသခင်၏ ကွယ်ကာမှုမှ လာပါသည်။) မှန်၏၊ ဘုရားသခင်၏ ကွယ်ကာမှုမှ၊ သင့်ကို ဘုရားသခင် စောင့်ရှောက်ခြင်းမှ၊ ပြီးလျှင် ဘုရားသခင်၏ သနားကြင်နာမှုမှ လာပေသည်။ သို့ရာတွင် နတ်ဆိုးများနှင့် သက်ဆိုင်သည့် လူများသည် ဆိုးယုတ်သော အရာများကို မလုပ်ဆောင်ဘဲ မနေနိုင်ကြချေ။ ၎င်းတို့ လုပ်ဆောင်သမျှတိုင်းတွင် အမှားများ ပြုလုပ်ကြပြီး ၎င်းတို့အားလုံးသည် ဆိုးယုတ်သည့် ရည်ရွယ်ချက်များ ထားရှိကြသည်။ စုံစမ်းသွေးဆောင်ခြင်းများထဲသို့ မကြာခဏ ကျရောက်ခြင်းက ၎င်းတို့အတွက် ပုံမှန်ဖြစ်သည်။ မိုးကောင်းကင်မှ ရုတ်တရက်ကျလာသော ကျောက်တုံးကြီးတစ်တုံးသည် ၎င်းတို့ ခေါင်းကို ဝင်တိုက်မိပြီး ၎င်းတို့ ပိပြားကာ သေဆုံးသွားသည့်အလား ထိုအရာမှာ ၎င်းတို့ လိုအပ်သည့်အရာ အတိအကျဖြစ်သည်။ ဘုရားသခင်ကို အစေခံမှုပေးရန် လိုလားလျက်ရှိကြသော လူတို့သည် ဤအရာများကိုလည်း ကြုံရလိမ့်မည်ဖြစ်သော်လည်း ဘုရားသခင်၏ အံ့ဖွယ်ရာ ကွယ်ကာမှုကြောင့် ဤကပ်ဘေးသည် ၎င်းတို့အပေါ် ကျရောက်ခြင်းမရှိ၊ ၎င်းတို့ကို လွန်သွားပြီး ၎င်းတို့က “ဘုရားသခင်သည် ငါ့ကို ကွယ်ကာပေးနေသည်။ ငါ သေမည့်အချိန် မရောက်သေးပါ”ဟု မိမိတို့ စိတ်နှလုံးများထဲတွင် ပြောဆိုကြလေသည်။ သင်သည် သူ့အတွက် အသုံးဝင်သေးသည်နှင့်အမျှ ဘုရားသခင်သည် သင့်ကို အသက်ရှင်အောင်ထားလေသည်။ ဘုရားသခင်သည် သင့်ဘဝကို သင့်အား ပေးပြီး သင်သည် သူ့ကို အစေခံမှုပေးရန် လိုလားလျက်ရှိကာ မိမိကိုယ်ကို သူ့အား ပူဇော်သည့်အတွက် သင့်ကို ဘုရားသခင် အဘယ်ကြောင့် မကာကွယ်ပေးဘဲ နေမည်နည်း။ ဘုရားသခင်သည် သင့်ကို မုချ ကာကွယ်ပေးလိမ့်မည်။ ဘုရားသခင်သည် လူတို့ထံမှ များစွာ အလိုရှိပါသလော။ (များစွာ အလိုမရှိပါ။) ဘုရားသခင်ကို အစေခံမှုပေးရန် လိုလားနေကြသည့် ထိုလူများသည် စင်စစ်အားဖြင့် အလွန် ပါရမီမရှိကြသကဲ့သို့ ၎င်းတို့၏ အစွမ်းအစသည်လည်း ထိုမျှ မကောင်းပေ။ ၎င်းတို့သည် သမ္မာတရားအပေါ် သိနားလည်မှု နည်းပါးသော်ငြား အချို့သော စကားများနှင့် အယူဝါဒကိုပင် နားလည်ကောင်း နားလည်နိုင်ကာ အခြားလူများပြောသည့်အတိုင်း ပြောဆိုရန် သင်ယူနိုင်ကြသည်။ သို့ရာတွင် သမ္မာတရား စည်းများကို ၎င်းတို့ တကယ်ကို သဘောမပေါက်နိုင်ကြသကဲ့သို့ သမ္မာတရား လိုက်စားခြင်း၊ သို့မဟုတ် ကယ်တင်ခြင်း ရရှိခြင်းသို့ မရောက်ရှိနိုင်ကြချေ။ ဘုရားသခင်ကို ၎င်းတို့၏ ကျိုးနွံနာခံမှုသည် ဘုရားအိမ်တော်က ၎င်းတို့ကို ပြောသည့်အရာအား လုပ်ဆောင်ခြင်း ပါဝင်ရုံမျှပါဝင်ပြီး သမ္မာတရားကို ၎င်းတို့ ကျိုးနွံနာခံနိုင်ဖို့ လုံးဝ မဖြစ်နိုင်ပေ။ ထို့ကြောင့် ၎င်းတို့သည် သာမန် ဖောက်ပြန်ပျက်စီးသော လူသားများ ဖြစ်သလို ဘုရားသခင်ကို အစေခံမှုပေးရန် ၎င်းတို့ လိုလားနေကြသဖြင့် ၎င်းတို့ကို ဘုရားသခင် မစွန့်ပစ်ပေ။ ထို့ကြောင့် ဖယ်ရှားပစ်ခြင်းခံရသည့် ထိုလူများသည် သေချာပေါက် ကောင်းမြတ်ခြင်း မရှိကြပေ။ သင်တို့သည် အမှန်တကယ် လူကောင်းများဖြစ်ကြပါက၊ သင်တို့သည် အမှန်တကယ် ဘုရားသခင်၏ ရွေးကောက်ခြင်းခံရပြီးဖြစ်သည့် လူများ ဖြစ်ပါက သင်တို့သည် ဘုရားသခင်ကို ကျိုးနွံနာခံခြင်း သဘောထားတစ်ခု၊ ဘုရားသခင်ကို အစေခံမှုပေးရန် လိုလားနေသည့် စိတ်ဆန္ဒနှင့် သဘောထား အမှန်တကယ် ရှိပြီး ထိုအရာကို မည်သည့်အခါတွင်မျှ နောင်တမရပါက ဘုရားသခင်သည် သင့်ကို မည်သည့်အခါတွင်မျှ လုံးဝ စွန့်ပစ်မည်မဟုတ်ဘဲ ထိုအစား သင့်ကို သနားကြင်နာမှု ပြလိမ့်မည်။ ဤသည်မှာ သင့်အဖို့ ကောင်းချီးတစ်ခု ဖြစ်လိမ့်မည်ဖြစ်ပြီး ဘုရားသခင်သည် ဤကဲ့သို့သော လူများကို အလိုရှိ၏။ ဤကဲ့သို့သော လူများကို ဘုရားသခင် အလိုရှိ၏။ ၎င်းတို့သည် သမ္မာတရားကို မလိုက်စားကြသကဲ့သို့ ၎င်းတို့၏ အစွမ်းအစက ချို့တဲ့နေသောကြောင့် သမ္မာတရားကို နားမလည်နိုင်ကြသည့်တိုင် ဘုရားသခင်ကို အစေခံမှုပေးရန် လိုလားနေကြပေသည်။ ဘုရားသခင် အလိုရှိသည့် အခြားသော လူစားမျိုးများမှာ သမ္မာတရားကို လိုက်စားရန် ဆန္ဒရှိသည့်သူများ၊ သမ္မာတရားကို ချစ်သည့်သူများ၊ တရားမျှတမှု၊ ဖြောင့်မတ်ခြင်းနှင့် အပြုသဘောဆောင်သည့် အရာများကို ချစ်သောသူများ၊ သမ္မာတရားကို ကျိုးနွံနာခံရန် ဆန္ဒရှိသူများနှင့် သမ္မာတရားကို နားလည်ကာ သဘောပေါက်သည်နှင့်၊ သမ္မာတရားကို သိရှိကာ သဘောပေါက်လာပြီးဖြစ်သည်နှင့် သမ္မာတရားနှင့်အညီ နာခံ၊ ကျိုးနွံပြီး လက်တွေ့လုပ်ဆောင်နိုင်ကြသည့်သူများ ဖြစ်သည်။ ထို့အပြင် ဤလူများသည် သမ္မာတရား လိုက်စားပြီး ကယ်တင်ခြင်း ရရှိရန် စိတ်ပိုင်းဖြတ်ချက် ရှိကြပြီး ဘုရားသခင်ကို မည်သည့်အခါတွင်မျှ သံသယမရှိကြချေ။ ဤလူများသည် ဘုရားသခင် ချစ်ပြီး ကယ်တင်လိုစိတ်ရှိသည့်သူများဖြစ်သည်မှာ အမှန်ဖြစ်၏။ သို့ရာတွင် သင်သည် ဤစံနှုန်းကို ပြည့်မီနိုင်ပါသလော။ ပြီးလျှင် ထိုစံနှုန်းကို သင် မပြည့်မီနိုင်ပါက မည်သည့်အရာကို သင်လုပ်ဆောင်လိမ့်မည်နည်း။ အနည်းဆုံးအနေဖြင့် ဘုရားသခင်နှင့် သမ္မာတရားအပေါ် သင်၏ သဘောထားသည် နတ်ဆိုးများနှင့် စာတန်၏ သဘောထား မဖြစ်ရပေ။ သင်သည် အနည်းဆုံး ဘုရားသခင်၏ လက်ခံမှု စံနှုန်းနှင့် နီးစပ်ရမည်ဖြစ်ပြီး ဘုရားသခင်ကို အစေခံမှုပေးရန် လိုလားနေရမည်။ သင်သည် ဘုရားသခင်ကို ဆန့်ကျင်ရာတွင် မိမိကိုယ်ကို အမြဲ ထားရှိပါက၊ ဘုရားသခင်ကို ဆန့်ကျင်ပြုမူပါက၊ ပြီးလျှင် ဘုရားသခင်ကို သင် အမြဲ တိုက်ခိုက်နေပြီး သင်၏ စိတ်နှလုံးတွင် ပြစ်မှားစော်ကားနေပါက ဒုက္ခပေးတတ်ပြီး အန္တရာယ်များသည့် အခြေအနေတစ်ခုတွင် ရှိသည်ကို သင်သည် မိမိကိုယ်ကို တွေ့ရှိရလိမ့်မည်။ ဘုရားသခင်အပေါ် သင် မည်သည့် သဘောထား စွဲကိုင်သည်ဆိုသည်နှင့်ပတ်သက်၍ သင်၏ စိတ်နှလုံးထဲတွင် သင်ရှင်းလင်းနေသင့်ပြီး ဤနေရာတွင် ငါ ပြောနေသည့် မတူကွဲပြားသော လူအမျိုးအစားများအတိုင်း သင့်ကိုယ်သင် အမျိုးအစားခွဲသင့်သည်။

သမ္မာတရား လိုက်စားခြင်းသည် အလွန် အရေးကြီးသော်လည်း လူတို့က သမ္မာတရားကို မလိုက်စားကြပါက လမ်းဆုံးထိ မရောက်နိုင်ဟု မဆိုလိုပေ။ ယင်းမှာ သေချာပေါက် မဟုတ်ပေ။ လူအားလုံးသည် အဖန်ဆင်းခံများဖြစ်ကြပြီး ၎င်းတို့သည် နတ်ဆိုးများ၊ သို့မဟုတ် စာတန်များ မဟုတ်သရွေ့၊ ဘုရားသခင်ကို တက်ကြွစွာ တိုက်ခိုက်ကြလိမ့်မည် မဟုတ်၊ သို့မဟုတ် ရှင်းလင်းသည့် အသိဖြင့် ဘုရားသခင်ကို တက်ကြွစွာ တိုက်ခိုက်ကာ ပြစ်မှားစော်ကားကြလိမ့်မည် မဟုတ်ပေ။ ထို့ကြောင့် ဘုရားသခင်သည် သာမန် ဖောက်ပြန်ပျက်စီးသော လူသားမျိုးနွယ်အတွက် မျှတကာ လက်တွေ့ကျပြီး သူသည် အားလုံးကို ကယ်တင်ခြင်းရရှိရန် အခွင့်အရေး ပေး၏။ လူသည် ကယ်တင်ခြင်း ရရှိခြင်းကို တွေ့ကြုံသည့်အခါ ဘုရားသခင်သည် ၎င်းတို့ကို သနားကြင်နာသည်၊ ၎င်းတို့ကို ကွယ်ကာပေးပြီး စောင့်ရှောက်သည်။ သို့ဆိုလျှင် နတ်ဆိုးများနှင့် စာတန်များ ဖြစ်ကြသည့် လူများအပေါ် ဘုရားသခင်၏ သဘောထားမှာ အဘယ်နည်း။ ၎င်းတို့သည် ဘုရားသခင်ကို မိမိတို့၏ ရန်သူအဖြစ် မြင်ပြီး ဘုရားသခင်ကို အဆက်မပြတ် ဝေဖန်၊ တိုက်ခိုက်ကာ ပြစ်မှားစော်ကားကြသည်၊ သူ၏ အမှုတော်ကို ဖျက်ဆီးကြပြီး နောင်တရရန် မည်သည့်အခါတွင်မျှ မသိကြချေ။ ၎င်းတို့သည် အခြားလူများနှင့် ဆက်ဆံပါက ၎င်းတို့နှင့် ကောင်းစွာအဆင်ပြေသည့် သူအချို့ ရှိကြလိမ့်မည်ဖြစ်သော်လည်း ဘုရားသခင် ရှေ့မှောက်သို့ ၎င်းတို့ လာကြသည့်အခါတွင်သာ ဘုရားသခင်နှင့် တစ်မိနစ်မျှပင်၊ သို့မဟုတ် တစ်စက္ကန့်မျှပင် လုံးဝ အဆင်မပြေကြခြင်းဖြစ်သည်။ ၎င်းတို့သည် ဘုရားသခင်နှင့်အတူ အလုပ်မလုပ်နိုင်၊ သို့မဟုတ် သူနှင့်အတူယှဉ်တွဲ မတည်ရှိနိုင်၊ သို့မဟုတ် မည်သည့်အရာနှင့်ပတ်သက်၍မျှ သူနှင့် သဘောတူညီမှု မရရှိနိုင်ကြသကဲ့သို့ ဤအရာက ၎င်းတို့သည် စံပြ နတ်ဆိုးများနှင့် စာတန်များဖြစ်ကြောင်း ပြပေသည်။ ဘုရားသခင်သည် ထိုသို့သော လူများကို လုံးဝ သည်းမခံသကဲ့သို့ ဘုရားအိမ်တော်က ထိုသို့သောလူများကို လုံးဝ ထိန်းသိမ်းခြင်း မရှိပေ။ လူတစ်ဦးသည် ဖော်ထုတ်ခြင်းခံရပါက ရှင်းလင်းပစ်ခြင်းခံရသည်။ လူနှစ်ယောက် ဖော်ထုတ်ခြင်းခံရပါက ရှင်းထုတ်ခံရကြသည်။ မည်မျှများစွာသောသူတို့ ဖော်ထုတ်ခြင်းခံရပါစေ ယင်းမှာ များစွာတို့ ဖယ်ရှားခြင်းခံရသည့်ပုံ ဖြစ်သည်။ ၎င်းတို့ ဖော်ထုတ်ခံရသည့်နေ့သည် ၎င်းတို့ ဆုံးခန်းတိုင်သည့်နေ့ဖြစ်သည်။ သင် မြင်သလော၊ လူကောင်းများ ရာထူးတိုးခြင်းခံရပြီး အရေးပါသည့် နေရာတစ်ခုခုတွင် အသုံးပြုခြင်း ခံရသည့်အခါ ယင်းမှာ ၎င်းတို့ စုံလင်ခြင်းခံရသည့်အချိန်၊ ကောင်းချီးခံစားရပြီး အကြီးမားဆုံးသော အကျိုးကို ခံစားရသည့်အချိန် ဖြစ်သည်။ ဆိုးယုတ်သည့်လူများနှင့် နတ်ဆိုးများ ရာထူးတိုးခံရပြီး အသုံးပြုခံရသည့်အခါ အလိုအလျောက် ဖော်ထုတ်ခံရပြီး ဖယ်ရှားခံရကာ ၎င်းတို့၏ နောက်ဆုံးနေ့ရက် ရောက်ရှိပြီးဖြစ်သည်။ သင့်အနီးဝန်းကျင်ရှိ ဖော်ထုတ်ခံခဲ့ရသည့်၊ လတ်တလောတွင်၊ သို့မဟုတ် အစောပိုင်းက ဖယ်ရှားခြင်းခံခဲ့ရသည့်၊ သို့မဟုတ် ရှင်းလင်းပစ်ခြင်းခံခဲ့ရသည့် သူများနှင့် နောက်ဆုံးတွင် မိမိတို့၏ အမည်များ စားရင်းဖျက်ခြင်းခံခဲ့ရပြီးသည့် သူများအကြောင်းကို စဉ်းစားကြည့်လော့။ ၎င်းတို့ ဖယ်ရှားခံခဲ့ရသည်မှာ ဘုရားအိမ်တော်တွင် ၎င်းတို့၏ “အသက်မွေးမှုလုပ်ငန်း” အထွတ်အထိပ်သို့ ရောက်ရှိသည့်အချိန်တွင် ဖြစ်သည်၊ ၎င်းတို့၏ နောက်ဆုံးသော နေ့ရက် ရောက်ရှိခဲ့ပြီးဖြစ်ကာ ဘုရားသခင်၌ ၎င်းတို့၏ ယုံကြည်ခြင်းကို ဆန့်ကျင်လျက် ကြီးမားသည့် ကာလအပိုင်းအခြား အမှတ်အသားတစ်ခု ရေးထားသည်။ ယုံကြည်ခြင်း မရှိသူများသည် အသင်းတော်ထဲတွင် ဝင်လိုက် ထွက်လိုက် ရှိကြပြီး မိမိတို့အတွက် သင့်တော်သည့် နေရာတစ်ခုကို ရှာမတွေ့နိုင်ကြသကဲ့သို့ မည်သည့် တာဝန်ကိုမျှ မထမ်းဆောင်နိုင်ကြချေ။ မကောင်းသည့် လုပ်ရပ်တစ်ခုခုကို ၎င်းတို့ ကျူးလွန်မိသည်နှင့် ဖော်ထုတ်ခံရကြပြီး ၎င်းတို့၏ နောက်ဆုံးနေ့ရက် ရောက်ရှိပြီးဖြစ်သည်။ နတ်ဆိုးများသည် ကြီးမားသည့်အရာများကို လုပ်ဆောင်ပြီး မိမိတို့အတွက် နာမည်ကျော်ကြားမှု ရလိုကြကာ ဂုဏ်အသရေဖြင့် ၎င်းတို့ အပျော်မြူးဆုံးသော နေ့ရက်သည် ၎င်းတို့၏ နောက်ဆုံးနေ့ဖြစ်သည်။ ဤသို့ အဘယ်ကြောင့် ငါ ဆိုရသနည်း။ သင်တို့ သိကြသလော။ ဤသည်မှာ အမှုအရာများ ဖြစ်သည့်ပုံဖြစ်သည်။ ၎င်းတို့သည် မိမိတို့ဘာသာ အားရအကျေနပ်ဆုံး ဖြစ်သည်မှာ ဂုဏ်အသရေဖြင့် ၎င်းတို့ အပျော်မြူးဆုံးဖြစ်နေသောအချိန်တွင်ဖြစ်ပြီး ၎င်းတို့ မိမိတို့ကိုယ်ကို မေ့လျော့ရန် အလားအလာအများဆုံးမှာ ၎င်းတို့ မိမိတို့ဘာသာ အားရအကျေနပ်ဆုံးသော အချိန်တွင်ဖြစ်သည် မဟုတ်လော။ (ဟုတ်ပါသည်။) ၎င်းတို့ အောင်မြင်မှု မရှိသကဲ့သို့ ဂုဏ်အသရေ မရှိသည့်အချိန်တွင် ဤနတ်ဆိုးများသည် မိမိတို့ ခေါင်းများကို ငုံ့မြဲငုံ့ထားကြသည်။ သို့ရာတွင် ၎င်းတို့ ခေါင်းများ ငုံ့မြဲငုံ့ထားကြသည်ဟု ငါ ပြောရုံဖြင့် သမ္မာတရားကို ၎င်းတို့ လက်တွေ့လုပ်ဆောင်နိုင်ကြသည်ဟု မဆိုလိုပေ။ ၎င်းတို့သည် ဘုရားသခင်ကို ကြောက်ရွံ့သည့် စိတ်နှလုံးဖြင့် မဟုတ်ဘဲ အမှုအရာများကို အလွန် ဂရုစိုက်စွာနှင့် သတိရှိစွာ၊ အမြဲ သတိထားသည့် စိတ်နှလုံးဖြင့် လုပ်ဆောင်ကြခြင်းသာ ဖြစ်သည်။ အခွင့်အရေးတစ်ခုကို မြင်သည်နှင့်၊ သို့မဟုတ် မိမိတို့ကိုယ်ကို တန်ခိုးအာဏာနှင့် အဆင့်အတန်းအချို့ ရှိသည်ကို တွေ့ရှိသည်နှင့်၊ ၎င်းတို့သည် လေနှင့် မိုးကို အမိန့်ပေးနိုင်သည်ကို တွေ့ရှိရသည်နှင့် ၎င်းတို့သည် မိမိတို့ဘာသာ အားရကျေနပ်ကာ “ငါ့အချိန်ရောက်လာပြီ။ ယခုအချိန်သည် ငါ၏ အစွမ်းအစများနှင့် အားသာချက်များကို ထုတ်ကာ ငါ၏ လုပ်နိုင်စွမ်းများကို ပြသရမည့်အချိန် ဖြစ်သည်”ဟု တွေးလျက် မိမိတို့ကိုယ်ကို မေ့လျော့သွားကြသည်။ ပြီးလျှင် ချက်ချင်း ထ၍ လုပ်ဆောင်ကြသည်။ ၎င်းတို့ လုပ်ရပ်များ နောက်ကွယ်ရှိ အရင်းခံအကြောင်းမှာ မည်သည့်အရာ ဖြစ်ပြီး ၎င်းတို့ လုပ်ရပ်များ၏ အရင်းအမြစ်မှာ မည်သည့်အရာ ဖြစ်သနည်း။ ၎င်းတို့ လုပ်ရပ်များ၏ လှုံ့ဆော်မှုနှင့် ရင်းမြစ်တို့သည် မည်သည့်နေရာမှ ပေါက်ဖွားသနည်း။ နတ်ဆိုးများ၊ စာတန်နှင့် ၎င်းတို့၏ အထိန်းအကွပ်မဲ့သော ရည်မှန်းချက်များနှင့် စိတ်ဆန္ဒများမှ ပေါက်ဖွားလာခြင်း ဖြစ်သည်။ ထိုသို့သော အခြေအနေများအောက်တွင် ၎င်းတို့ လုပ်ဆောင်သည့် အရာများသည် သမ္မာတရား စည်းမျဉ်းများနှင့် ကိုက်ညီပါသလော။ ၎င်းတို့သည် အမှုအရာများကို လုပ်ဆောင်စဉ်တွင် ဘုရားသခင်ကို ကြောက်ရွံ့သည့် စိတ်နှလုံးတစ်ခု ရှိကြပါသလော။ ဘုရားအိမ်တော် တောင်းဆိုသည့် အရာနှင့်အညီ ကိစ္စရပ်များကို ၎င်းတို့ ကိုင်တွယ်နိုင်ကြပါသလော။ ဤမေးခွန်းများအားလုံးအတွက် အဖြေမှာ မလုပ်နိုင်ဟုသာ ဖြစ်သည်၊ ၎င်းတို့ မလုပ်နိုင်ကြပေ။ ပြီးလျှင် အကျိုးဆက်များမှာ အဘယ်နည်း။ (သူတို့သည် အနှောင့်အယှက်များနှင့် အာရုံပျက်စေမှုများ ဖြစ်စေကြပါသည်။) မှန်ပေ၏၊ အကျိုးဆက်များမှာ ပြင်းထန်သည့် နှောင့်ယှက်မှုများနှင့် အာရုံပျက်စေမှုများကို ၎င်းတို့ ဖြစ်စေကြကာ ဘုရားအိမ်တော်နှင့် အသင်းတော် အလုပ်ကိုပင် ပြင်းထန်သည့် အာရုံပျက်စေမှုများနှင့် ဆုံးရှုံးမှုများ ဖြစ်စေကြခြင်း ဖြစ်သည်။ သို့ဆိုလျှင် ဘုရားအိမ်တော်တွင် လူတို့ကို ကိုင်တွယ်ရမည့်ပုံနှင့်ဆိုင်သည့် စည်းမျဉ်းများနှင့်အညီ အသင်းတော်အလုပ်ကို ထိုသို့သော အကျိုးဆက်များ ဖြစ်စေသည့် လူများအား မည်သို့ ကိုင်တွယ်သင့်ပါသနည်း။ ကိစ္စရပ်သည် သေးငယ်သည့်အရာတစ်ခု ဖြစ်ပါက ၎င်းတို့ အစားထိုးခံရသင့်ပြီး ကိစ္စရပ်သည် ဆိုးရွားသည့်အရာတစ်ခုဖြစ်ပါက ၎င်းတို့ ရှင်းလင်းခံရသင့်သည်။ တစ်စုံတစ်ဦးသည် ရာထူးတိုးခြင်းခံရကာ အရေးပါသည့် နေရာတစ်ခုခုတွင် အသုံးပြုခြင်းခံရသည့်အခါ၊ သို့မဟုတ် အလုပ်အချို့ကို လုပ်ဆောင်ရန် ၎င်းတို့ စီစဉ်ပေးခြင်းခံရသည့်အခါ ဘုရားအိမ်တော်သည် အလုပ်လုပ်ခြင်းနှင့်ဆိုင်သည့် စည်းမျဉ်းများနှင့်ပတ်သက်၍ ၎င်းတို့နှင့် ရှင်းလင်းစွာ အမြဲ မိတ်သဟာယပြုလိမ့်မည် ဖြစ်သည်။ ထိုလူကို စည်းမျဉ်းများနှင့် အသေးစိတ်အချက်များစွာ ပြောဆိုထားပြီး ၎င်းတို့ နားလည်ကာ သဘောပေါက်ပြီး အားလုံးကို ချရေးပြီးသည့်အခါတွင်သာ အလုပ်လွှဲပြောင်းခြင်း ပြီးမြောက်သည်ဟု ယူဆပေသည်။ သို့ရာတွင် ၎င်းတို့အနေဖြင့် အလုပ်အချို့ကို လုပ်ပြီး မိမိတို့တာဝန်ကို ထမ်းဆောင်သင့်သည့်အချိန်တွင် လှစ်ဟလျက်ရှိသည့် ၎င်းတို့၏ နတ်ဆိုး လက်သည်းများဖြင့် အားကြိုးမာန်တက် လုပ်ကြပြီး ၎င်းတို့၏ တကယ့်ပုံစံ ဖြစ်သည့် နတ်ဆိုးသည် စတင် ပေါ်ထွက်လာသည်။ ၎င်းတို့သည် ဘုရားအိမ်တော်က တောင်းဆိုသည့် စည်းမျဉ်းများနှင့်အညီ အမှုအရာများကို လုံးဝ မလုပ်ဆောင်ကြဘဲ ထိုအစား အမှုအရာများကို ၎င်းတို့ နှစ်သက်သည့် မည်သည့်ပုံစံဖြင့်မဆို၊ ၎င်းတို့ ဆန္ဒရှိသည့် မည်သည့်ပုံစံဖြင့်မဆို လုပ်ဆောင်လျက် မိမိတို့ကိုယ်တိုင် အလိုရှိသည့်အတိုင်း အမှုအရာများကို လုံးလုံးလျားလျား လုပ်ဆောင်ကြလေသည်။ မည်သူကမျှ ၎င်းတို့ကို မထိန်းချုပ်နိုင်သကဲ့သို့ “ဘုရားအိမ်တော်၊ ဘုရားသခင်နှင့် သမ္မာတရားအားလုံး ဘေးဖယ်နေ၍ ရသည်။ ဤနေရာတွင် ငါ ဦးစီးဦးဆောင်နေသည်”ဟု တွေးလျက် မည်သူကိုမျှ နားမထောင်မကြချေ။ ဤသည်မှာ အမှုအရာများကို နတ်ဆိုးများ လုပ်ဆောင်သည့်ပုံဖြစ်ပြီး တာဝန်နှင့် သမ္မာတရားအပေါ် နတ်ဆိုးများ ထားရှိကြသည့် သဘောထားဖြစ်သည်။ သင်သည် သမ္မာတရားအပေါ် ထိုသို့သော သဘောထားတစ်ခု ရှိပါက ဖော်ထုတ်ခံရလိမ့်မည်။ သင်သည် ဘုရားအိမ်တော်၏ အလုပ်နှင့် သင်၏ တာဝန်ကို မဖြစ်စလောက် အရေးကိစ္စများအဖြစ် သဘောထားပြီး သင်လိုက်လျှောက်ဖို့ ဘုရားအိမ်တော်က လမ်းညွှန်မှုပေးပြီးဖြစ်သည့် စည်းမျဉ်းများအတိုင်း အမှုအရာများကို မလုပ်ဆောင်ပါက သင်သည် ယဉ်ကျေးသမှုဖြင့် ဆက်ဆံခံရလိမ့်မည် မဟုတ်။ ဘုရားအိမ်တော်သည် လူတို့ကို ကိုင်တွယ်သည့် စည်းမျဉ်းများ ရှိ၏။ မိမိတို့၏ ရာထူးများမှ ထုတ်ပယ်ခံသင့်သူများ ထုတ်ပယ်ခံရပြီး ရှင်းလင်းခြင်းခံရသင့်သူများ ရှင်းလင်းခြင်းခံရကာ ထိုအရာနှင့်ပတ်သက်၍ ပြောဆိုရန် ထိုမျှသာရှိ၏။ ထိုသို့ဖြစ်သည် မဟုတ်လော။ ဤသည်မှာ ဘုရားအိမ်တော်က လုပ်ဆောင်သည့်အရာ ဖြစ်သည် မဟုတ်လော။ ပြီးလျှင် ဤသည်မှာ ထိုနတ်ဆိုးများ ထုတ်ဖော်ပြခံရသည့်ပုံစံ မဟုတ်လော။ ဤသည်မှာ အမှုအရာများကို လုပ်ဆောင်ခြင်းအတွက် ၎င်းတို့၏ အရင်းခံ အကြောင်း၊ ၎င်းတို့ လုပ်ရပ်များ၏ အရင်းအမြစ်နှင့် အမှုအရာများကို ၎င်းတို့ လုပ်ဆောင်သည့် နည်းလမ်းဖြစ်သည်မဟုတ်လော။ (ဟုတ်ပါသည်။) ၎င်းတို့ကို ဤသို့ ကိုင်တွယ်ခြင်းအားဖြင့် ဘုရားအိမ်တော်သည် ၎င်းတို့ကို မတော်မတရား ဆက်ဆံနေခြင်းလော။ (မဟုတ်ပါ။) ယင်းမှာ ၎င်းတို့ကို ကိုင်တွယ်ရန် သင့်တော်သည့် နည်းလမ်းဖြစ်သလော။ (ဟုတ်ပါသည်။) ထိုအရာမှာ တကယ်ကို အလွန် သင့်လျော်ပေသည်။ ပုံမှန် လူတစ်ဦးသည် မိမိတို့ တာဝန်ကို လက်ခံသည်၊ ရာထူးတိုးခြင်းကို လက်ခံပြီး အရေးပါသည့် နေရာတစ်ခုခုတွင် အသုံးပြုခြင်း ခံရသည်။ ၎င်းတို့သည် မိမိတို့ အလုပ်ကို မိမိတို့ကိုယ်ပိုင် စွမ်းရည်များနှင့် အစွမ်းအစအတိုင်းနှင့် ပိုကြီးမားသည့်၊ သို့မဟုတ် ပိုလျော့နည်းသည့် အတိုင်းအတာအတိုင်း၊ ၎င်းတို့ နားလည်သည့် အလုပ်စည်းမျဉ်းများအတိုင်း၊ သို့မဟုတ် ၎င်းတို့ လိုက်လျှောက်ရန် ဘုရားအိမ်တော်က လမ်းညွှန်မှု ပြုထားသည့်အတိုင်း ဆောင်ရွက်ကြသည်။ ဖောက်ပြန်ပျက်စီးသော စိတ်သဘောထားများကို ၎င်းတို့ မကြာခဏ ထုတ်ဖော်ပြသည့် အချက်ရှိသော်ငြားလည်း ဤအရာက ၎င်းတို့၏ တာဝန် ပုံမှန်ထမ်းဆောင်မှုကို သက်ရောက်ခြင်း မရှိပေ။ မည်သည့် အခက်အခဲများကို ၎င်းတို့ ကြုံရသည်ဖြစ်စေ၊ မည်သည့် မမှန်ကန်သည့် အခြေအနေတွင် ၎င်းတို့ ရှိသည်ကို မိမိတို့ကိုယ်ကို တွေ့ရှိရသည်ဖြစ်စေ၊ သို့မဟုတ် မည်သည့် နှောင့်ယှက်မှုကို ၎င်းတို့ သည်းညည်းခံရသည်ဖြစ်စေ အဆုံးတွင် မိမိတို့ တာဝန် ထမ်းဆောင်မှုတွင် အပြုသဘောဆောင်သော ရလဒ်အချို့ကို ၎င်းတို့ စွမ်းဆောင်ရရှိလိမ့်မည်ဖြစ်ပြီး ဤရလဒ်များသည် အားလုံးအတွက် လက်ခံနိုင်ဖွယ်ဖြစ်သည်။ သို့ရာတွင် ထိုယုံကြည်ခြင်း မရှိသူများသည် မိမိတို့ တာဝန်ကို အချိန်မည်မျှကြာ ထမ်းဆောင်နေပြီးဖြစ်လင့်ကစား မည်သည့် အပြုသဘောဆောင်သည့် ရလဒ်မျှ လုံးဝ စွမ်းဆောင်ရရှိခြင်း မရှိကြချေ။ ၎င်းတို့သည် မကောင်းသည့် အရာများကို အမြဲလုပ်ဆောင်ကြပြီး အမှုအရာများကို ပျက်စီးစေရန် ကြိုးစားကြကာ ဤအရာက အသင်းတော်အလုပ်ကို ထိခိုက်ရုံမက ၎င်းတို့၏ အလုပ်ဝန်းကျင်တွင် ဆိုးရွားသော အခြေအနေတစ်ခု ဖန်တီးရင်းနှင့် ထိုအရာကို ကမောက်ကမအခြေအနေတစ်ခု ဖြစ်စေလျက် အသင်းတော်၏ အကျိုးစီးပွားများကိုလည်း ထိခိုက်နစ်နာစေသည်။ နတ်ဆိုးတစ်ဦးသည် အလုပ်အချို့ကို နှောင့်ယှက်ကာ ဖျက်ဆီးပါက ဘုရားအိမ်တော်၏ လူ့နှင့်ငွေကြေးအရင်းအမြစ်များကို ဖြုန်းတီးခြင်းနှင့် ဘုရားသခင် ရွေးချယ်ထားသူများစွာကို အမျက်ထွက်စေခြင်းတို့ဖြင့် နောက်ကွယ်တွင် အလုပ်ကို အစမှနေ၍ ပြန်လုပ်ဆောင်နေသည့် လူများစွာရှိရပေမည်။ နတ်ဆိုး ဖယ်ရှားခံရသည်နှင့် အသင်းတော် အလုပ်သည် တောက်ပသည့် အသွင်သစ်တစ်ခုကို ချက်ချင်း ခံယူကာ အလုပ်၏ ရလဒ်များ ကွဲပြားသွားသည်။ နှောင့်ယှက်မှုများနှင့် အာရုံပျက်စေမှုများ ဖြစ်စေသည့် နတ်ဆိုးသည် တားမြစ်ပိတ်ပင်ခံရသည်၊ လူတို့သည် လွတ်လပ်ပြီး လွတ်မြောက်သည့် စိတ်နေစိတ်ထားတစ်ခု ရှိလာကြသည်။ အလုပ် ကျွမ်းကျင်မှုက တိုးပွားပြီး လူတိုင်း မိမိတို့တာဝန်များကို ပုံမှန် ထမ်းဆောင်ကြသည်။ ထို့ကြောင့် နတ်ဆိုးများနှင့် စာတန်နှင့်သက်ဆိုင်သော ဤလူများသည် အပြင်ပန်းတွင် လူများဖြစ်ပုံပေါ်ကာ ၎င်းတို့ အသက်မည်မျှကြီးသည်ဖြစ်စေ၊ သို့မဟုတ် မည်မျှ ပညာတတ်ကြသည်ဖြစ်စေ ၎င်းတို့ ဆိုးယုတ်သရွေ့ ဆိုးယုတ်သည့် လုပ်ရပ်များကို ဆောင်ရွက်နိုင်ပြီး လူတို့ကို ဖောက်ပြန်ပျက်စီးစေပြီး နှောင့်ယှက်နေသည့် နတ်ဆိုးများနှင့် စာတန်များ၏ အခန်းကဏ္ဍကို ပါဝင်ဆောင်ရွက်ကြလေသည်။ ဥပမာအားဖြင့် လူတိုင်း စားရန် မျှော်လင့်စောင့်စားနေကြသည့် ကြက်သား စွပ်ပြုတ်တစ်အိုးကို သင် ချက်ပြုတ်နေချိန်တွင် ယင်ကောင်တစ်ကောင်သည် ရုတ်တရက် စွပ်ပြုတ်ထဲ ကျသွားသည်။ ငါ့ကို ပြောလော့၊ ဤကြက်သားစွပ်ပြုတ်သည် စား၍ ရနိုင်သေးသလော။ ထိုအရာအတွက် ဖြေရှင်းချက်တစ်ခုမျှ မရှိပေ။ သင်သည် ထိုစွပ်ပြုတ်ကို သွန်ပစ်ရမည်သာဖြစ်ပြီး နှစ်နာရီ၊ သို့မဟုတ် သုံးနာရီကြာအလုပ်သည် အချည်းနှီးဖြစ်သွား၏။ ထို့နောက် သင်သည် အိုးကို အကြိမ်တော်တော်များများ ဆေးကြောရမည်ဖြစ်ပြီး ဆေးကြောပြီးသည့်နောက်တွင်ပင် သင့်အဖို့ ထိုအိုးသည် သန့်ရှင်းသည့်ပုံ မရသကဲ့သို့ ရွံရှာမှု အရိပ်အယောင် သင်ခံစားနေရသည်။ မည်သည့်အရာက သင့်ကို အာရုံပျက်စေခဲ့သနည်း။ (ယင်ကောင်ဖြစ်ပါသည်။) ယင်ကောင်သည် အလွန် သေးငယ်သော်လည်း ယင်း၏ ညစ်ညမ်းစေသည့် အနှစ်သာရသည် အလွန် စက်ဆုပ်ရွံရှာဖွယ်ဖြစ်သည်။ နတ်ဆိုးများနှင့်ဆိုင်သည့် ဤလူများသည် ယင်ကောင်များကဲ့သို့ ဖြစ်ကြ၏။ ၎င်းတို့သည် အသင်းတော်ထဲသို့ ထိုးဖောက်ဝင်ရောက်လာကြပြီး အသင်းတော် အသက်တာ၏ ပုံမှန် ဖွဲ့စည်းပုံစနစ်ကို ပြင်းထန်သည့် နှောင့်ယှက်မှု ဖြစ်စေကြကာ အသင်းတော်အလုပ်၏ ပုံမှန် တိုးတက်မှုကို နှောင့်ယှက်ကြသည်။ ထို့ကြောင့် ယခုတွင် သင်သည် နတ်ဆိုးများနှင့် သက်ဆိုင်သည့် ဤလူများအပေါ် ရှင်းလင်းသည့် သိနားလည်မှုတစ်ခု ရှိပြီလော။ ၎င်းတို့အား အစေခံမှုအချို့ကို လုပ်ဆောင်စေပြီး မိမိတို့ တာဝန်ကို ကောင်းစွာ ထမ်းဆောင်စေရန် ကြိုးစားခြင်းသည် နွားတစ်ကောင်ကို သစ်ပင်တစ်ပင်ပေါ် တက်စေရန် ကြိုးစားခြင်းထက် သာ၍ ခက်ခဲ၏။ ထိုအရာမှာ ဘဲတစ်ကောင်ကို ကြက်ငှက်အိပ်တန်းတစ်ခုပေါ် ထိုင်စေရန် ကြိုးစားခြင်းကဲ့သို့ ဖြစ်သည်။ အခက်ခဲဆုံးသော အရာမှာ ယုံကြည်ခြင်း မရှိသူများကို မိမိတို့တာဝန်အား သစ္စာရှိစွာ ထမ်းဆောင်စေရန် ကြိုးစားခြင်းကဲ့သို့ပင် နတ်ဆိုးများနှင့် စာတန်များအား သမ္မာတရားကို လက်တွေ့လုပ်ဆောင်စေရန် ကြိုးစားခြင်း ဖြစ်သည်။ ဤသည်မှာ အမှုအရာများ ဖြစ်သည့်ပုံစံဖြစ်သည်။ စာတန်နှင့် ဆိုင်သည့် လူများနှင့် ယုံကြခြင်းမရှိသူများကို သင် အမှတ်မထင်ကြုံရပြီး ခဏတာ တစ်စုံတစ်ရာ ကူလုပ်ပေးဖို့ ၎င်းတို့ကို သင်တောင်းဆိုရန် လိုအပ်ပါက အဆင်ပြေသည်။ သို့ရာတွင် တာဝန်အချို့ကို ထမ်းဆောင်ရန်၊ သို့မဟုတ် အလုပ်အချို့ကို လုပ်ဆောင်ရန် ၎င်းတို့အတွက် သင်စီစဉ်ပေးပါက သင်သည် ကြောင်းကျိုးမမြင်ခြင်းဖြစ်ကာ လှည့်စားခံနေရခြင်း ဖြစ်သည်။ အထူးသဖြင့် အရေးပါသည့် အလုပ်အချို့ကို လုပ်ဆောင်ရန် ၎င်းတို့အား သင် စေခိုင်းပါက သင်သည် သာ၍ပင် မိုက်မဲနေခြင်း ဖြစ်သည်။ တစ်စုံတစ်ရာနှင့်ပတ်သက်၍ သင့်ကို ကူညီရန် သင့်တော်သည့်သူ မည်သူကိုမျှ သင် အမှန်တကယ် ရှာမတွေ့နိုင်သောကြောင့် ၎င်းတို့ကို အကူအညီ တောင်းပါက တစ်စုံတစ်ရာ လုပ်ဆောင်ပေးရန် ၎င်းတို့ကို တောင်းဆိုခြင်းသည် ကိစ္စမရှိသော်လည်း ၎င်းတို့ကို သင်စောင့်ကြည့်ရမည်ဖြစ်ပြီး ကိစ္စရပ်ကို ဘေးချိတ်မထားရပေ။ ထိုသို့သော လူများသည် လုံးဝ စိတ်မချရပေ။ ၎င်းတို့သည် လူသားများမဟုတ်ဘဲ နတ်ဆိုးများ ဖြစ်ကြသောကြောင့် လုံးဝ စိတ်မချရပေ။ ထို့ကြောင့် ယခုတွင် အဖွဲ့များကို ကြီးကြပ်သည့် လူများ၊ သို့မဟုတ် အဖွဲ့ခေါင်းဆောင်များနှင့် အဓိကကျသည့် တာဝန်များနှင့် အရေးကြီးသည့် အလုပ်ကို ထမ်းဆောင်ကြသည့် သူများကို တစ်ချက် ဝေ့ကြည့်ပြီး ၎င်းတို့သည် ဤနတ်ဆိုးများကဲ့သို့ ဖြစ်ကြသလောဆိုသည်ကို ကြည့်လော့။ ၎င်းတို့ကို သင်အစားထိုး၍ရပါက တတ်နိုင်သမျှ မြန်မြန် အစားထိုးလော့။ ၎င်းတို့၏ နေရာကိုယူရန် သင့်တော်သည့်သူမရှိသဖြင့် ၎င်းတို့ကို သင်အစားမထိုးနိုင်ပါက ၎င်းတို့ကို သေချာစောင့်ကြည့်လော့၊ ၎င်းတို့ကို ကြီးကြပ်ကာ နီးကပ်စွာ နောက်မှလိုက်လော့။ သင်သည် နတ်ဆိုးများနှင့် စာတန်များကို နှောင့်ယှက်မှုများ ပြုလုပ်ခွင့် မပေးရပေ။ နတ်ဆိုးသည် အမြဲ နတ်ဆိုးတစ်ဦး ဖြစ်လိမ့်မည်၊ ၎င်းတို့တွင် လူ့သဘာဝ မရှိသကဲ့သို့ အသိစိတ်နှင့် ဆင်ခြင်တုံတရား မရှိပေ။ ဤအရာကို သင် အမြဲ သတိရရမည်။ ယုံကြည်ခြင်း မရှိသူများအားလုံးသည် နတ်ဆိုးများ၊ စာတန်နှင့် သက်ဆိုင်ကြပြီး ၎င်းတို့ကို သင် မယုံကြည်ရပေ။ ဤအကြောင်းအရာနှင့်ပတ်သက်၍ မိတ်သဟာယပြုခြင်းကို ဤနေရာတွင် ရပ်ကြပါစို့။

သမ္မာတရား လိုက်စားရန် နည်းလမ်းနှင့်ပတ်သက်၍ ယခင်က ငါတို့ မိတ်သဟာယပြုခဲ့ချိန်တွင် အကြောင်းအရာနှစ်ခုအကြောင်း ငါတို့ ပြောဆိုခဲ့ကြသည်။ ပထမတစ်ခုမှာ အဘယ်နည်း။ (လက်လွှတ်ခြင်း ဖြစ်ပါသည်။) ယင်းတို့ထဲမှ တစ်ခုမှာ လက်လွှတ်ခြင်း ဖြစ်သည်။ အခြားတစ်ခုမှာ အဘယ်နည်း။ (ရည်စူးအပ်နှံခြင်း ဖြစ်ပါသည်။) ရည်စူးအပ်နှံခြင်း ဖြစ်သည်။ ပထမတစ်ခုဖြစ်သည့် “လက်လွှတ်ခြင်း” အကြောင်းကို ငါတို့ သုံးကြိမ် ပြောဆိုခဲ့ကြသည်။ ပြီးခဲ့သည့်အခေါက်တွင် မည်သည့်အရာကို ငါတို့ မိတ်သဟာယပြုခဲ့သနည်း။ (ပြီးခဲ့သည့်အခေါက်တွင် လူတို့အထဲ၌ စိတ်ဖိစီးခြင်း၊ ပူပန်သောကနှင့် စိုးရိမ်မှုတို့နှင့်ဆိုင်သော အပျက်သဘောဆောင်သည့် စိတ်ခံစားချက်များ အဘယ်ကြောင့် ဖြစ်ပေါ်သည်ဆိုသည့် အကြောင်းရင်းများကို ၎င်းတို့ ရင်ဆိုင်ရသည့် အခက်အခဲများနှင့် ဘုရားသခင်၏ အမှုတော်နှင့် သမ္မာတရားအပေါ် ၎င်းတို့၏ သဘောထားဆိုင်ရာ ရှုထောင့်အမြင်မှ ဘုရားသခင် စိတ်ဖြာလေ့လာဆွေးနွေးခဲ့ပါသည်။) စိတ်ဖိစီးမှု၊ ပူပန်သောကနှင့် စိုးရိမ်မှုတို့နှင့်ဆိုင်သော အပျက်သဘောဆောင်သော စိတ်ခံစားမှုများ ဖြစ်ပေါ်ရသည့် အကြောင်းရင်း များစွာရှိသော်လည်း ယေဘုယျအားဖြင့် ထိုအရာများသည် သမ္မာတရားကို လူတို့ နားမလည်ကြခြင်းတည်းဟူသော ဓမ္မဓိဋ္ဌာန်ကျသော အကြောင်းရင်းက ဖြစ်စေတည်း။ ဤသည်မှာ အကြောင်းရင်းတစ်ခု ဖြစ်သည်။ အခြားအကြောင်းရင်းတစ်ခု ရှိပြီး ယင်းမှာ သမ္မာတရားကို လူတို့ မလိုက်စားကြခြင်းတည်းဟူသော အဓိက အကြောင်းရင်း ဖြစ်သည်။ လူတို့သည် သမ္မာတရားကို နားမလည်၊ သို့မဟုတ် မလိုက်စားကြသကဲ့သို့ ဘုရားသခင်၌ စစ်မှန်သည့် ယုံကြည်ခြင်း မရှိကြသည့်အခါ ၎င်းတို့ အမှန်တကယ် ကျိုးနွံနာခံခြင်း မရှိကြသကဲ့သို့ ယင်းမှာ ၎င်းတို့အထဲတွင် အပျက်သဘောဆောင်သည့် စိတ်ခံစားမှုမျိုးစုံ အလိုအလျောက် ဖြစ်ပေါ်ရသည့် အကြောင်းရင်း ဖြစ်သည်။ နေ့စဉ်ဘဝတွင် မိမိတို့ အသက်တာများ၌ လူတို့ တွေ့ကြုံကြသည့် လက်တွေ့ကျသော အခက်အခဲများနှင့် မိမိတို့၏ အတွေးတွင် ၎င်းတို့ ကြုံရသည့် အမျိုးမျိုးသော ပြဿနာများအားလုံးကြောင့် ၎င်းတို့၏ တကယ့်လက်တွေ့ ပတ်ဝန်းကျင်များတွင် အပျက်သဘောဆောင်သည့် စိတ်ခံစားမှုမျိုးစုံ ခံစားရလျက် အဆုံးသတ်ကြသည်။ အထူးသဖြင့် ပြီးခဲ့သည့် အခေါက်တွင် ငါတို့ ပြောဆိုခဲ့သည့် စိတ်ဖိစီးမှုများ၊ ပူပန်သောကနှင့် စိုးရိမ်မှုဆိုင်ရာ အပျက်သဘောဆောင်သော စိတ်ခံစားမှုများအားလုံးသည် လူတို့က မိမိတို့၏ သွေးသား ဘဝများနှင့် ဆက်နွှယ်သော အခက်အခဲများနှင့် ပြဿနာမျိုးစုံကို ရင်ဆိုင်ရသောကြောင့် ဖြစ်ပေါ်ကြလေသည်။ ဤပြဿနာများကို လူတို့ ကြုံရသည့်အခါ မိမိတို့၏ မှားယွင်းသည့် အမြင်များ၊ ဤကိစ္စရပ်များနှင့် ပတ်သက်သည့် မိမိတို့၏ မှားယွင်းသည့် အတွေးများနှင့် အမြင်များကို စွန့်လွှတ်ခွင့်ပေးသည့်အပြင် ဤအရာများကို ကိုင်တွယ်ခြင်း၊ ချဉ်းကပ်ခြင်းတို့နှင့်ဆိုင်သော ၎င်းတို့၏ မမှန်ကန်သည့် နည်းလမ်းများကို စွန့်လွှတ်ခွင့်ပေးသည့် ဘုရားနှုတ်ကပတ်တော်များရှိ ၎င်းတို့ နားလည်ပြီး လက်တွေ့လုပ်ဆောင်သင့်သည့် သမ္မာတရားကို ရှာဖွေရန်မဆိုထားနှင့် သမ္မာတရားကို ၎င်းတို့ မရှာဖွေကြသောကြောင့်၊ သို့မဟုတ် ဘုရားသခင် ပြောသည့်အရာကို မယုံကြည်ကြသောကြောင့် နေ့ရက်များ ကုန်ဆုံး၊ အချိန် ကုန်လွန်ပြီး နေ့စဉ်ဘဝတွင် လူတို့ ရင်ဆိုင်ရသည့် အမျိုးမျိုးသော အခက်အခဲများသည် ၎င်းတို့၏ စိတ်နှလုံးများ အတွင်းနက်နက်တွင် ၎င်းတို့ကို နှောင့်ယှက်ပြီး ဘောင်ခတ်သည့် အတွေးမျိုးစုံကို ဖြစ်စေသည်။ ၎င်းတို့ မသိလိုက်ဘဲ ဤအတွေးများသည် ၎င်းတို့၏ သွေးသား ဘဝများနှင့် ၎င်းတို့ ရင်ဆိုင်ရသည့် မတူကွဲပြားသော ကိစ္စများအားလုံးနှင့် ပတ်သက်၍ စိတ်ဖိစီးခြင်း၊ ပူပန်သောက၊ စိုးရိမ်မှုတို့နှင့်ဆိုင်သည့် ခံစားချက်များကို ဖြစ်စေသည်။ အမှန်တွင် လူတို့သည် ဘုရားသခင်၏ ရှေ့မှောက်သို့ ရောက်မလာကြသေးသည့်အခါ၊ သို့မဟုတ် သမ္မာတရားအပေါ် သိနားလည်မှု မရှိကြသည့်အခါ ဤကိစ္စရပ်များသည် စိတ်ဖိစီးခြင်း၊ ပူပန်သောက၊ စိုးရိမ်မှုတို့နှင့်ဆိုင်သည့် ခံစားချက်များကို လူတစ်ဦးစီတိုင်းတွင် ခြားနားသည့် အတိုင်းအတာတစ်ခုအထိ ဖြစ်စေသည်။ ထိုအရာမှာ ရှောင်လွှဲမရနိုင်ပေ။ ဇာတိပကတိဖြင့် အသက်ရှင်သောသူတို့အတွက်၊ ၎င်းတို့ထံ ဖြစ်ပျက်သည့် မည်သည့်အရာမဆိုသည် ၎င်းတို့၏ ဘဝများနှင့် အတွေးများကို နှောင့်ယှက်ခြင်းနှင့် သက်ရောက်မှုတစ်ခုခု ဖြစ်စေလိမ့်မည်။ ဤနှောင့်ယှက်မှုနှင့် သက်ရောက်မှုသည် ၎င်းတို့ သည်းခံပြီး ခံနိုင်သည်ထက် ပိုလာသည့်အခါ၊ သို့မဟုတ် ၎င်းတို့၏ ဗီဇများ၊ အစွမ်းအစများနှင့် လူမှုအဆင့်အတန်းတို့က ထိုအရာများကို ထိန်းသိမ်းရန်၊ သို့မဟုတ် ဤအခက်အခဲများကို ဖြေရှင်းရန်၊ သို့မဟုတ် ပပျောက်စေရန် မလုံလောက်သည့်အခါ စိတ်ဖိစီးမှု၊ ပူပန်သောကနှင့် စိုးရိမ်မှုတို့သည် ၎င်းတို့ စိတ်နှလုံး အတွင်းနက်နက်တွင် အလိုအလျောက် ဖြစ်ပေါ်ကာ စုဝေးကြလိမ့်မည်ဖြစ်ပြီး ဤခံစားချက်များသည် ၎င်းတို့၏ ပုံမှန် အခြေအနေဖြစ်လာလိမ့်မည်။ မိမိ၏ အနာဂတ် ရှေ့ရေးများ၊ အစားအသောက်နှင့် အိမ်ထောင်ရေး၊ မိမိ၏ အနာဂတ် ရှင်သန်ရေး၊ သို့မဟုတ် ကျန်းမာရေး၊ မိမိ၏ ဇရာအချိန်နှင့် မိမိ၏ အဆင့်အတန်း ပြီးလျှင် လူမှုအဖွဲ့အစည်းထဲက နာမည်ဂုဏ်သတင်းတို့ကဲ့သို့သော အရာအမျိုးမျိုးနှင့်ပတ်သက်၍ စိုးရိမ်သောက ရောက်ခြင်းသည် လူတို့၏ သမ္မာတရားကို နားမလည်ခြင်းနှင့် ဘုရားသခင်ကို မယုံကြည်ခြင်း အခြေခံအကြောင်းနှင့်ပတ်သက်၍ လူသားမျိုးနွယ်တစ်ရပ်လုံး ကြုံတွေ့နေရသည့် တူညီသောအခြေအနေတစ်ခု ဖြစ်သည်။ သို့ရာတွင် လူတို့သည် ဘုရားသခင်ကို ယုံကြည်လာကြသည်နှင့် တစ်ပြိုင်နက် သမ္မာတရား အနည်းငယ်ကို ၎င်းတို့ နားလည်ကြသည့်အခါ သမ္မာတရား လိုက်စားရန် ၎င်းတို့၏ စိတ်ဆုံးဖြတ်ချက်သည် သာ၍ အားကောင်းမြဲ အားကောင်းနေလိမ့်မည်။ ဤသို့ဖြင့် ၎င်းတို့ ကြုံရသည့် လက်တွေ့ကျသော အခက်အခဲများနှင့် ပြဿနာများသည် တဖြည်းဖြည်း လျော့နည်းသွားလိမ့်မည်ဖြစ်ပြီး စိတ်ဖိစီးမှု၊ ပူပန်သောက၊ စိုးရိမ်ခြင်းတို့နှင့်ဆိုင်သော အပျက်သဘောဆောင်သည့် စိတ်ခံစားမှုများသည် တဖြည်းဖြည်း အားနည်းကာ လျော့သွားလိမ့်မည်။ ဤအရာသည် အလွန် သဘာဝကျ၏။ ဤသည်မှာ အဘယ့်ကြောင့်ဆိုသော် လူတို့သည် ဘုရားနှုတ်ကပတ်တော် များစွာကို ဖတ်ရှုပြီး ဘုရားသခင်၌ ၎င်းတို့၏ ယုံကြည်မှုတွင် သမ္မာတရားအချို့ကို နားလည်လာသည့်အခါ မိမိတို့၏ ဘဝများတစ်လျှောက် ၎င်းတို့ ကြုံရသည့် ပြဿနာများ၏ အနှစ်သာရ၊ ဇာစ်မြစ်နှင့် အရင်းအမြစ်တို့ကို ဘုရားနှုတ်ကပတ်တော်များနှင့်အညီ ၎င်းတို့ အမြဲ ချိန်ဆကာ ချဉ်းကပ်ကြလိမ့်မည်။ နောက်ဆုံး စိစစ်မှုတွင် ၎င်းတို့၏ ကံကြမ္မာနှင့် မိမိတို့ ဘဝများတွင် ၎င်းတို့ တွေ့ကြုံသည့် ဤအရာများအားလုံးသည် ဘုရားလက်ထဲတွင်ရှိသည်ကို နောက်ဆုံးတွင် ၎င်းတို့ နားလည်လာကြလိမ့်မည်ဖြစ်ပြီး ထို့ကြောင့် ဤအရာအားလုံးသည် ဘုရားသခင်၏ အချုပ်အခြာအာဏာ အောက်တွင်ရှိကာ ထိုအရာတစ်ခုမျှ ၎င်းတို့၏ ထိန်းချုပ်မှုအောက်တွင် မရှိကြောင်းကို ယေဘုယျ ရှုထောင့်အမြင်တစ်ခုမှ နားလည်ကြလိမ့်မည် ဖြစ်သည်။ ထို့ကြောင့် လူတို့အတွက် လုပ်ဆောင်ရန် အရိုးရှင်းဆုံးသော အရာမှာ ကျိုးနွံနာခံရန်၊ ကောင်းကင်ဘုံ၏ အစီအစဉ်များနှင့် အချုပ်အခြာအာဏာတို့ကို ကျိုးနွံနာခံရန် ဖြစ်သည်။ ၎င်းတို့သည် မိမိတို့၏ ကံကြမ္မာကို ဆန့်ကျင်တွန်းလှန်ခြင်း မပြုသင့်ဘဲ ကိစ္စရပ်တစ်ခုတလေကို ကြုံရသည့်အခါ ဘုရားသခင်၏ အလိုတော်ကို အပြုသဘောဆောင်စွာနှင့် တက်ကြွစွာ ၎င်းတို့ ရှာဖွေသင့်ပြီး ထိုနေရာမှ ထိုပြဿနာကို ဖြေရှင်းရန် အသင့်လျော်ဆုံးသော နည်းလမ်းကို ရှာသင့်ကြပေသည်။ ဤသည်မှာ လူတို့ နားလည်သင့်သည့် အခြေခံအကျဆုံးသော အရာတစ်ခု ဖြစ်သည်။ ဆိုလိုသည်မှာ လူတို့သည် ဘုရားသခင်ကို ယုံကြည်လာသည့်နောက်တွင် ၎င်းတို့ နားလည်သည့် သမ္မာတရားကြောင့်သော်လည်းကောင်း၊ ဘုရားသခင်ကို အခြေခံအားဖြင့် ၎င်းတို့ ကျိုးနွံနာခံကြသောကြောင့်သော်လည်းကောင်း ၎င်းတို့၏ စိတ်ဖိစီးမှု၊ ပူပန်သောကနှင့် စိုးရိမ်မှုတို့ တဖြည်းဖြည်း လျော့သွားလေသည်။ ဤသည်မှာ ဤစိတ်ခံစားမှုများက ၎င်းတို့ကို အလွန် ဆိုးဆိုးရွားရွား စိတ်အနှောင့်အယှက် ပေးနိုင်တော့မည်မဟုတ်ကြောင်း၊ သို့မဟုတ် ၎င်းတို့ကို ခေါင်းနောက်အောင်၊ သို့မဟုတ် စိတ်ရှုပ်အောင် လုပ်နိုင်တော့မည် မဟုတ်ကြောင်း၊ သို့မဟုတ် ၎င်းတို့၏ အနာဂတ်သည် မျှော်လင့်အားရဖွယ် မရှိကဲ့သို့ မရေမရာဖြစ်သဖြင့် ၎င်းတို့ကို ဤအရာများနှင့်ပတ်သက်၍ မကြာခဏ စိတ်ဖိစီး၊ သောကရောက်ကာ စိုးရိမ်အောင် လုပ်နိုင်တော့မည် မဟုတ်ကြောင်း ဆိုလိုပေသည်။ ဆန့်ကျင်ဘက်အနေဖြင့် ၎င်းတို့သည် ဘုရားသခင်ကို ယုံကြည်လာပြီး သမ္မာတရားအချို့ကို နားလည်လာကာ ဘဝတွင် အမှုအရာမျိုးစုံအပေါ် ချင့်ချိန်နိုင်စွမ်းနှင့် သိနားလည်မှုအချို့ ရှိလာကြပြီးဖြစ်သောကြောင့်၊ သို့မဟုတ် ဤအရာများကို ကိုင်တွယ်ရန် သာ၍ သင့်လျော်သော နည်းလမ်းတစ်ခု ရှိလာကြပြီးဖြစ်သောကြောင့် စိတ်ဖိစီးခြင်း၊ ပူပန်သောက၊ စိုးရိမ်မှုတို့နှင့်ဆိုင်သည့် ၎င်းတို့၏ အပျက်သဘောဆောင်သော စိတ်ခံစားမှုများသည် တဖြည်းဖြည်း လျော့သွားပေလိမ့်မည်။ သို့ရာတွင် သင်သည် ဘုရားသခင်ကို နှစ်များစွာ ယုံကြည်ပြီးဖြစ်ကာ တရားဒေသနာများစွာကို နားထောင်ပြီးဖြစ်သော်လည်း စိတ်ဖိစီးခြင်း၊ ပူပန်သောက၊ စိုးရိမ်မှုတို့နှင့်ဆိုင်သော ၎င်းတို့၏ အပျက်သဘောဆောင်သည့် စိတ်ခံစားမှုများသည် ဖယ်ထုတ်ခြင်းမခံရသေး၊ သို့မဟုတ် အားနည်းမသွားသေးပေ။ ဆိုလိုသည်မှာ ဘုရားသခင်ကို သင်ယုံကြည်လာခြင်းမရှိမီက လူများနှင့် အမှုအရာများကို သင် ရှုမြင်ပုံနှင့် သင် ကျင့်ကြံပြုမူကာ ဆောင်ရွက်ပုံအပြင် သင်၏ အတွေးများ၊ အမြင်များနှင့် အမှုအရာများကို သင် ကိုင်တွယ်သည့် နည်းလမ်းတို့နှင့်သက်ဆိုင်သည့် သင်၏ သဘောထားမှာ မပြောင်းလဲသေးပေ။ အဓိပ္ပာယ်မှာ ဘုရားသခင်ကို သင် ယုံကြည်လာခဲ့သည့်နောက်တွင် သင်သည် သမ္မာတရားကို လက်မခံခဲ့၊ သို့မဟုတ် သမ္မာတရားကို မရရှိခဲ့၊ သို့မဟုတ် ဘုရားနှုတ်ကပတ်တော်များကို ဖတ်ရှုကာ တရားဒေသနာများကို နားထောင်ပြီးသည့်နောက် ဤပြဿနာများကို ဖြေရှင်းရန် ထိုသို့ဖြင့် စိတ်ဖိစီးခြင်း၊ ပူပန်သောက၊ စိုးရိမ်မှုတို့နှင့်ဆိုင်သည့် ဤအပျက်သဘောဆောင်သော စိတ်ခံစားမှုများကို ဖြေရှင်းခြင်းငှာ သမ္မာတရားကို သင် အသုံးမပြုခဲ့ပေ။ ဤသည်မှာ ဤအပျက်သဘောဆောင်သည့် စိတ်ခံစားမှုများကို ဖြေရှင်းရန် သမ္မာတရားကို မည်သည့်အခါတွင်မျှ မရှာဖွေပါက ဤအရာက သင့်ထံတွင် ပြဿနာတစ်ခုရှိသည်ကို ပြသည် မဟုတ်လော။ (ပြသပါသည်။) ထိုအရာက မည်သည့်ပြဿနာကို ပြပါသနည်း။ သင်သည် နှစ်ပေါင်းများစွာကြာ ဘုရားသခင်၌ ယုံကြည်သူတစ်ဦး ဖြစ်ပြီးလင့်ကစား သင်၏ အနာဂတ်သည် လုံးဝ မျှော်လင့်အားရဖွယ်မရှိသကဲ့သို့ စိတ်ပျက်စရာကောင်းသည်ဟု သင်ခံစားရဆဲဖြစ်သည်။ သင်၏ စိတ်နှလုံးထဲတွင် မကြာခဏ အနှစ်မဲ့ပြီး ကူကယ်ရာမဲ့နေဆဲ ဖြစ်ပြီး မကြာခဏ လမ်းပျောက်ကာ ရှေ့ဆက်ရမည့် လမ်းမရှိဟု ခံစားရဆဲဖြစ်သည်။ သင်၏ ဘဝက မည်သည့်နေရာသို့ ဦးတည်နေသည်ကို သင် မသိသကဲ့သို့ သင်သည် လမ်းကြောင်းမရှိဘဲ၊ ရှေ့ဆက်သွားရမည့် ဦးတည်ချက်မရှိဘဲ မြူထဲတွင် စမ်းတဝါးဝါး သွားနေကဲ့သို့ သင် ခံစားရဆဲဖြစ်သည်။ ဤသည်မှာ မည်သည့်အရာကို ဆိုလိုသနည်း။ အနည်းဆုံးအနေဖြင့် သမ္မာတရားကို သင် မရရှိသေးဟု ဆိုလိုပေသည်၊ မှန်သလော။ ပြီးလျှင် သမ္မာတရားကို သင် မရရှိသေးပါက ဤနှစ်ကာလများတစ်လျှောက်လုံး သင် လုပ်ဆောင်နေခဲ့သည့်အရာမှာ မည်သည့်အရာဖြစ်သနည်း။ သမ္မာတရားကို သင် လိုက်စားနေပြီး ဖြစ်သလော။ (မလိုက်စားခဲ့ပါ။) သင်သည် အမှုအရာများကို စွန့်နေခဲ့စဉ် မိမိကိုယ်ကို အသုံးခံကာ သင်၏ တာဝန်များကို ထမ်းဆောင်နေခဲ့စဉ်တွင် သမ္မာတရားကို လိုက်စားနေခဲ့ခြင်း မရှိသကဲ့သို့ လက်တွေ့ကျသည့် ပြဿနာများကို ဖြေရှင်းရန် သမ္မာတရားကို အသုံးပြုနေခဲ့ခြင်း မရှိပါက ဤတစ်ချိန်လုံး မည်သည့်အရာကို သင် လုပ်ဆောင်နေခဲ့သနည်း။ (အချိန်ဖြုန်းခြင်းနှင့် ကြုံရာကျပန်း နေခြင်းဖြစ်ပါသည်။) မိမိတို့ တာဝန်ကို ပေါ့ပေါ့ဆဆ ပုံစံဖြင့် ထမ်းဆောင်ကြသည့် လူများစွာရှိပြီး ဤလူများသည် အစေခံမှုကို အမှန်တကယ် ပေးနေကြ၏။ အစေခံသူများသည် မိမိတို့တာဝန်များကို ထမ်းဆောင်နိုင်ခြင်း၊ အဖိုးအခအချို့ပေးခြင်းနှင့် အနည်းငယ် ဆင်းရဲဒုက္ခခံခြင်းတို့ကို မကျေမနပ်နှင့် လက်ခံကြရသော်လည်း သမ္မာတရားကို လိုက်စားခြင်း မရှိကြချေ။ ထို့ကြောင့် ဘုရားသခင်ကို နှစ်ပေါင်းများစွာ ယုံကြည်သည့်နောက်တွင် ၎င်းတို့ လုံးဝ မပြောင်းလဲကြသေးခြင်း ဖြစ်သည်။ ဤလူများသည် အမှန်တကယ်ပင် အစေခံသူများဖြစ်ပြီး ပြောလေ့ရှိသည့်အရာကို ငါတို့ ပြောရမည်ဆိုပါက ၎င်းတို့သည် ဘာသာရေး လှုပ်ရှားမှုများတွင် ပါဝင်ပတ်သက်နေခြင်း ဖြစ်သည်ဟု ဆိုနိုင်ပေသည်။ ဘာသာရေးလောကရှိ ထိုဘာသာရေး လူပ်ရှားမှုများကို တစ်ချက်ကြည့်လော့။ တနင်္ဂနွေနေ့များတွင် လူတို့သည် ဝတ်ပြုကိုးကွယ်ရန်နှင့် စုဝေးပွဲများ ပြုလုပ်ရန် သွားကြပြီး အများအားဖြင့် ၎င်းတို့သည် နံနက်အချိန်များတွင် ဆုတောင်းကြသည်၊ ကောင်းချီးမင်္ဂလာ တောင်းလျှောက်ကြသည်၊ အရာရာအတွက် ကျေးဇူးတော်ချီးမွမ်းကြသည်၊ မိမိတို့၏ ဆုတောင်းချက်များဖြင့် လူများကို ကောင်းချီးပေးကြပြီး အခြားလူများကို မြင်သည့်အခါ “ဘုရားသခင် သင့်ကို ကောင်းချီးပေးပါစေ၊ ဘုရားသခင် သင့်ကို ကွယ်ကာပါစေ”ဟု ပြောကြသည်။ ၎င်းတို့သည် ဧဝံဂေလိ လက်ခံရန် အလားအလားရှိသည့် သူတစ်ဦးကို မြင်သည့်အခါ ဧဝံဂေလိ ဟောပြောကြပြီး ထိုသူကို သမ္မာကျမ်းစာမှ ကျမ်းတစ်ပိုဒ်ကို ဖတ်ပြကြသည်။ ပိုတော်သည့်သူများသည် ဘုရားကျောင်းကို သန့်ရှင်းရေး သွားလုပ်ကြပြီး တရားဟောဆရာတစ်ပါးလာသည့်အခါ မိမိတို့အိမ်များတွင် စိတ်ထက်သန်စွာ ဧည့်ဝတ်ပြုကြသည်။ သက်ကြီးရွယ်အိုများ ၎င်းတို့၏ ဘဝများတွင် အခက်အခဲများရှိသည်ကို ကြုံရသည့်အခါ ၎င်းတို့က ကူညီပံ့ပိုးကြပြီး ထိုသူတို့ကို ကူညီရာတွင် ပျော်ရွှင်ကြသည်။ ဤအရာများသည် ဘာသာရေးလှုပ်ရှားမှုများသာ ဖြစ်သည် မဟုတ်လော။ ရှင်ပြန်ထမြောက်ခြင်းနေ့တွင် ရှင်ပြန်ခြင်း ကြက်ဥများကို စားသုံးခြင်း၊ ခရစ္စမတ်ပွဲတော်ကို ကျင်းပခြင်းနှင့် ခရစ္စမတ် ဓမ္မတေးသီချင်းများကို သီဆိုခြင်းတို့သည် ၎င်းတို့ ပါဝင်ပတ်သက်သည့် လှုပ်ရှားမှုများ ဖြစ်သည်။ သင်တို့၏ ယခု လှုပ်ရှားမှုများကို ဘာသာရေးသမားများက လုပ်ဆောင်သည့် လှုပ်ရှားမှုများထက် အတော်လေး မကြာခဏ ပိုမိုလုပ်ဆောင်ပေသည်။ သင်တို့ထဲမှ များစွာတို့သည် သင်တို့၏ အိမ်များကို စွန့်ခွာကာ သင်တို့၏ တာဝန်များကို အချိန်ပြည့် ထမ်းဆောင်ကြသည်။ နံနက်တွင် သင်တို့၏ ဝိညာဉ်ရေးရာ ဝတ်ပြုခြင်းများကို သင်တို့ ဆောင်ရွက်ကြသည်၊ နေ့အချိန်တွင် အသင်းတော် အလုပ်အချို့ကို ဆောင်ရွက်ကြသည်၊ ပုံမှန် စုဝေးပွဲများကို သင်တို့ သွားကြပြီး ဘုရားနှုတ်ကပတ်တော်များကို ဖတ်ရှုကာ ညခင်းအချိန်တွင် အိပ်ရာမဝင်မီ ဘုရားသခင်ထံ ဆုတောင်း၍ သင့်ကို ကွယ်ကာဖို့၊ တစ်ညတာကောင်းမွန်သည့် အိပ်စက်ခြင်းကို သင့်အားပေးဖို့နှင့် မကောင်းသည့် အိပ်မက်များကို ဖယ်ရှားပေးဖို့ သူ့ကို တောင်းလျှောက်လေသည်။ ထို့နောက် နောက်တစ်နေ့တွင် ထိုအရာအားလုံးကို သင်တို့ တစ်ဖန် လုပ်ဆောင်ကြသည်။ သင်တို့၏ နေ့စဉ် ဘဝများသည် အလွန်အမင်း ပုံမှန်ဖြစ်သည့်တိုင် အလွန်အမင်းလည်း ပေါ့ပြက်ပြီး ငြီးငွေ့ဖွယ်ဖြစ်သည်။ အချိန်ကြာမြင့်စွာ မည်သည့်အရာမျှ သင်မရရှိသကဲ့သို့ မည်သည့်အရာမျှ သင် နားမလည်ပေ။ ပြီးလျှင် သင်သည် ဤအခြေခံအကျဆုံး အပျက်သဘောဆောင်သည့် စိတ်ခံစားမှုများကို လုံးဝ မသုံးသပ်သကဲ့သို့၊ သို့မဟုတ် အသိအမှတ်ပြုခြင်း မရှိသကဲ့သို့ ထိုအရာများကို သင်တို့ တစ်ကြိမ်တစ်ခါမျှ ဖော်ထုတ်ခြင်း၊ သို့မဟုတ် ဖြေရှင်းခြင်းလည်း မရှိပေ။ သင်၏ အားလပ်သည့် အချိန်တွင်၊ သို့မဟုတ် သင်၏ တာဝန်တွင် သင်၏ အကြိုက်မဟုတ်သည့် တစ်စုံတစ်ရာကို သင် ကြုံရသည့်အခါ၊ သို့မဟုတ် သင်၏ မိဘများ နေမကောင်းဖြစ်ကြသည်၊ သို့မဟုတ် အိမ်တွင် ကံအကြောင်းမလှသည့် တစ်စုံတစ်ရာ ဖြစ်ပျက်သည်ဟု ဆိုထားသည့် စာတိုတစ်ခုကို အိမ်မှ သင် ရရှိသည့်အခါ သင်၏ တာဝန်ကို သင်မထမ်းဆောင်ချင်တော့သကဲ့သို့ သုံးလေးရက်ကြာ အားနည်းလာသည်။ သင် အားနည်းနေစဉ်တွင် အချိန်ကြာမြင့်စွာ သင်၏ စိတ်ထဲတွင် စုဝေးနေခဲ့သည့် ထိုအပျက်သဘောဆောင်သော စိတ်ခံစားမှုများသည် တစ်ဖန် ပေါက်ထွက်လာသည်။ နေ့ရော ညပါ ထိုအရာများအကြောင်းကို သင်စဉ်းစားပြီး ထိုအရာများသည် အရိပ်များကဲ့သို့ သင့်နောက်လိုက်နေသည်။ ဘုရားသခင်ကို မယုံကြည်မီက ၎င်းတို့ ထားရှိခဲ့ကြသည့် အတွေးများနှင့် အမြင်များသည် ၎င်းတို့ အားနည်းပြီး အပျက်သဘောဆောင်ခြင်း ခံစားနေရချိန်တွင် ရုတ်တရက် ပွင့်ထွက်သည့် သူအချို့ပင် ရှိကြပြီး ၎င်းတို့က “ငါ ကောလိပ်တက်လို့ အဓိကဘာသာရပ်အချို့ကို လေ့လာခဲ့ပြီး အလုပ်ကောင်းတစ်ခု ရှာခဲ့လျှင် အကောင်းသား။ ယခုလောက်ဆို ငါအိမ်ထောင်ပင် ကျပြီးဖြစ်နိုင်သည်။ ငါ၏ ဟိုအတန်းဖော်သည် ငါတို့ ကျောင်းအတူတက်ခဲ့ချိန်က ဘာမျှ မထူးခြားသကဲ့သို့ ထင်ခဲ့ရသော်လည်း ကျောင်းပြီးသွားသည့်နောက်တွင် သူက ကောလိပ်တက်ခဲ့သည်။ သူ အလုပ်ရပြီးနောက် ရာထူးတိုးပြီး ယခုတွင် ပြီးပြည့်စုံသည့် ပျော်ရွှင်ချမ်းမြေ့သော အိမ်ထောင်ဘဝ ရှိလေသည်။ သူတွင် ကားတစ်စီးနှင့် အိမ်တစ်လုံးရှိကာ နှစ်သက်ပျော်ရွှင်ဖွယ် ဘဝတစ်ခု အသက်ရှင်နေထိုင်နေသည်”ဟု တွေးကြသည်။ ဤအရာများကို ၎င်းတို့ စဉ်းစားပြီး အပျက်သဘောဆောင်သည့် ဤအခြေအနေများထဲ ဖြည်းဖြည်းချင်း မသိမသာ ကျရောက်သွားချိန်တွင် အပျက်သဘောဆောင်သည့် စိတ်ခံစားမှုမျိုးစုံ တစ်ပြိုင်နက် ပေါက်ထွက်လာသည်။ အိမ်အကြောင်း၊ မိမိတို့၏ မိခင်အကြောင်းကို ၎င်းတို့ စဉ်းစားမိကြသည်၊ အမှုအရာများ ဖြစ်လေ့ရှိခဲ့ပုံအတွက် ၎င်းတို့ ဝမ်းနည်းပက်လက်ဖြစ်ကာ ကောင်းသောအရာများ၊ ဆိုးသောအရာများ၊ နာကျင်ဖွယ်သော အရာများ၊ ပျော်ရွှင်ဖွယ်သော အရာများနှင့် မမေ့လျော့နိုင်ဖွယ်သောအရာများအားလုံး ၎င်းတို့ စိတ်များထဲ ပြည့်လျှမ်းသွားပြီး ဤအရာအားလုံးကို ၎င်းတို့ စဉ်းစားသည့်အခါ ဝမ်းနည်းလာကာ ၎င်းတို့၏ မျက်လုံးများမှ မျက်ရည်များ လိမ့်ဆင်းကျလာသည်။ ဤအရာအားလုံးက မည်သည့်အရာကို ပြသပါသနည်း။ သင် အသက်ရှင်လေ့ရှိသည့် ပုံစံနှင့် သင့်ဘဝကို စီမံခန့်ခွဲလေ့ရှိခဲ့သည့် ပုံစံတို့သည် မကြာမကြာ ထွက်ပေါ်နိုင်ပြီး သင်၏ လက်ရှိဘဝနှင့် ယခု သင့်ဘဝ၏ အခြေအနေကို နှောင့်ယှက်နိုင်ကြောင်း ပြသပေသည်။ ဤအရာများသည် ယခု သင့်ဘဝကို သင် အသက်ရှင်သည့် နည်းလမ်းနှင့် သင့်ဘဝ သဘောထားအပြင်၊ အမှုအရာများအပေါ် သင်၏ အမြင်များကိုပင် စိုးမိုးနိုင်သည်။ ယင်းတို့သည် သင်၏ ဘဝကို စဉ်ဆက်မပြတ် နှောင့်ယှက်ကာ စိုးမိုး၏။ ဤသည်မှာ သင့်ဘက်က တမင်ရည်ရွယ်ခြင်း မဟုတ်သော်လည်း သင်သည် ဤအပျက်သဘောဆောင်သည့် စိတ်ခံစားမှုများထဲ အလိုအလျောက် နွံနစ်လာသည့် ကိစ္စတစ်ခု ဖြစ်သည်။ သင့်ထံတွင် ဤစိတ်ခံစားမှုများ မရှိဟု သင် ယခု တွေးထင်ကောင်း တွေးထင်နိုင်သော်လည်း အချိန်နှင့် ပတ်ဝန်းကျင်တို့ အခါအခွင့်မသင့်သေးသောကြောင့်သာဖြစ်သည်။ အချိန်နှင့် ပတ်ဝန်းကျင်တို့ အခါအခွင့်သင့်လာသည်နှင့် အချိန်မရွေး နေရာမရွေး ဤအလားတူ စိတ်ခံစားမှုများထဲသို့သာ သင် ဖြည်းဖြည်းချင်း မသိမသာ ကျရောက်သွားနိုင်သည်။ ယခုတွင် ဤစိတ်ခံစားမှုများထဲသို့ သင်ဖြည်းဖြည်းချင်း မသိမသာ ကျရောက်သွားသည့်အခါ သင်သည် အန္တရာယ်ကျရောက်လေပြီ။ သင်၏ မူလ အသက်ရှင်သည့် ပုံစံထဲသို့ အချိန်မရွေး၊ နေရာမရွေး ပြန်ရောက်ပြီး သင်၏ မူလ အတွေးများနှင့် အမြင်များ၏ စိုးမိုးခြယ်လှယ်မှုအောက် ကျဆင်းသွားဖို့ အန္တရာယ်ရှိပေသည်။ ဤသည်မှာ အလွန် အန္တရာယ်များပေသည်။ ဤအန္တရာယ်က သင့်ထံမှ ကယ်တင်ခြင်း ရရှိမည့် သင်၏ အခွင့်အရေးကို အချိန်မရွေး နေရာမရွေး ဖယ်ရှားနိုင်ပြီး ထိုအရာက သင့်ကို အချိန်မရွေး နေရာမရွေး ဘုရားသခင်ကို ယုံကြည်ခြင်းလမ်းကြောင်းမှ ဝေးကွာသွားစေနိုင်ပေသည်။ ထို့ကြောင့် ယခုတွင် တာဝန်ထမ်းဆောင်ရန် သင်၏ သန္နိဋ္ဌာန်နှင့် စိတ်ဆန္ဒတို့ မည်မျှ အားကောင်းသည်ဖြစ်စေ၊ သို့မဟုတ် သင် နားလည်သည့် သမ္မာတရားများက မည်မျှ နက်နဲပြီး မြင့်မားသည်ဟု သင် တွေးထင်သည်ဖြစ်စေ၊ သို့မဟုတ် သင်၏ ဝိညာဉ်ရင့်ကျက်မှုသည် မည်မျှ ကြီးမားသည်ဖြစ်စေ၊ သင်၏ အတွေးများ မပြောင်းလဲသရွေ့၊ ဘဝအပေါ် သင်၏ အမြင် မပြောင်းလဲသရွေ့၊ သင့်ဘဝကို သင် အသက်ရှင်သည့် နည်းလမ်း မပြောင်းလဲသရွေ့၊ ပြီးလျှင် ဘဝတွင် သင် အလိုရှိသည့်အရာအတွက် သင်၏ စိတ်ဆန္ဒ မပြောင်းလဲသရွေ့၊ ထိုအရာအားလုံးသည် ဤစိတ်ခံစားမှုများ၏ လမ်းညွှန်မှုအောက်တွင် ရှိသရွေ့ အချိန်တိုင်းနှင့် နေရာတိုင်းတွင် သင်သည် အန္တရာယ်ရိနေလိမ့်မည်။ သင်သည် ဤအတွေးများနှင့် အမြင်များ၏ ဝါးမျိုခြင်း၊ လွှမ်းမိုးခြင်းနှင့် ထိန်းချုပ်ခြင်းတို့ကို အချိန်မရွေး နေရာမရွေး ခံရနိုင်သည့်အခါ သင်အန္တရာယ်ရှိပေသည်။ ထို့ကြောင့် ဤအပျက်သဘောဆောင်သည့် စိတ်ခံစားမှုများကို ပေါ့ပေါ့တန်တန် သဘောမထားနှင့်။ အချိန်မရွေးနှင့် နေရာမရွေး ထိုအရာများသည် ကယ်တင်ခြင်းရရှိရန် သင်၏ အခွင့်အရေးကို ဖယ်ရှားပစ်နိုင်ပြီး ကယ်တင်ခံရမည့် သင်၏ အခွင့်အရေးကို ဖျက်ဆီးနိုင်ကာ ဤသည်မှာ သေးငယ်သည့် ကိစ္စရပ်တစ်ခု မဟုတ်ပေ။

လူ၏ အပျက်သဘောဆောင်သော စိတ်ခံစားမှုများ အားလုံးသည် ၎င်းတို့၏ အမျိုးမျိုးသော မှားယွင်းသည့် အတွေးများ၊ မှားယွင်းသော အမြင်များ၊ မှားယွင်းသော အသက်ရှင်နည်းများနှင့် မှားယွင်းဆိုးယုတ်သော ဘဝ အတွေးအခေါ်များက ဖြစ်စေခြင်း ဖြစ်သည်။ အထူးသဖြင့် သင်တို့၏ လက်တွေ့ဘဝများတွင် ဖြစ်ပျက်သည့် အရာအချို့လည်း ရှိသည်၊ ဤအရာများ၏ အနှစ်သာရကို သင်တို့ ရှင်းလင်းစွာ သဘောမပေါက်နိုင်သည့် အချိန်များတွင် ဤအရာများ ဖြစ်ပေါ်ပုံအားဖြင့် သင်သည် အလွန်လွယ်ကူစွာ အထိတ်တလန့် ဖြစ်ပြီး ဝိုင်းရံပိတ်ဆို့ခံလာရနိုင်၍ စိတ်ရှုပ်ထွေးမှုထဲသို့ အလွန် အလွယ်တကူ ကျရောက်နိုင်ကာ ထိုသို့ဖြင့် အသက်ရှင်ခြင်း နည်းလမ်းဟောင်းများထဲသို့ ပြန်ကျရောက်သွားနိုင်ပေသည်။ သင်သည် မရည်ရွယ်ဘဲ မိမိကိုယ်ကို ကာကွယ်မိလိမ့်မည်၊ ဘုရားသခင်ကို စွန့်ပစ်မိမည်၊ သမ္မာတရားကို စွန့်ပစ်ပြီး ထွက်ပေါက်တစ်ခု ရှာရန်၊ အသက်ရှင်နည်းကို ရှာဖွေရန်နှင့် ဆက်လက်အသက်ရှင်ရန် မျှော်လင့်ချက်ကို ရှာဖွေဖို့ အစဉ်အလာရှိပြီး ယုံကြည်စိတ်ချ၍အရနိုင်ဆုံးအဖြစ် သင်ယုံကြည်သည့် သင်၏ ကိုယ်ပိုင် နည်းစနစ်များနှင့် နည်းလမ်းများကို သင် အသုံးပြုမိလိမ့်မည်။ အပေါ်ယံအားဖြင့် ဤအပျက်သဘောဆောင်သည့် စိတ်ခံစားမှုများသည် စိတ်ခံစားမှုများသက်သက်အဖြစ် ရှိနေသော်လည်း ဤစိတ်ခံစားမှုများကို စကားလုံးများဖြင့် ငါတို့ ဖော်ပြပါက ယင်းတို့ကို တိုက်ရိုက်အဓိပ္ပာယ်ကောက်သည့်အခါတွင် လျှော့တွက်ခံရပြီး အလွန် မဆိုးရွားသည့် ပုံရလေသည်။ လူအချို့သည် မိမိတို့၏ အသက်များကို ကယ်တင်မည့် ကောက်ရိုးတစ်မျှင်ကို တွယ်ဖက်နေသည့်အလား ဤအပျက်သဘောဆောင်သည့် စိတ်ခံစားမှုများကို တင်းကျပ်စွာ ဖက်တွယ်ကြပြီး လက်လွှတ်ကြမည် မဟုတ်သကဲ့သို့ ၎င်းတို့သည် ဤအရာများအားဖြင့် တင်းကျပ်စွာ ချည်နှောင်ကာ ချုပ်ချယ်ခြင်း ခံရလေသည်။ အမှန်တွင် ဤအပျက်သဘောဆောင်သော စိတ်ခံစားမှုများအားဖြင့် ၎င်းတို့ ချည်နှောင်ခံရခြင်းကို မိမိတို့၏ ရှင်သန်မှုအတွက် လူက မှီခိုသည့် အမျိုးမျိုးသော နည်းလမ်းများအပြင် ၎င်းတို့ကို စိုးမိုးသည့် ၎င်းတို့၏ အမျိုးမျိုးသော အတွေးများနှင့် အမြင်များ၊ ပြီးလျှင် ဘဝနှင့် အသက်ရှင်ခြင်းအပေါ် ၎င်းတို့၏ သဘောထားအမျိုးမျိုးတို့က အမှန်တကယ် ဖြစ်စေခြင်း ဖြစ်သည်။ ထို့ကြောင့် စိတ်ဓာတ်ကျခြင်း၊ စိတ်ဖိစီးခြင်း၊ ပူပန်သောက၊ စိုးရိမ်မှု၊ သိမ်ငယ်ခြင်း၊ မုန်းတီးမှု၊ ဒေါသ စသည်တို့နှင့်ဆိုင်သော ခံစားချက်များအားလုံးသည် အပျက်သဘောဆောင်သော်လည်း ဤအရာများအပေါ် အမှီပြု၍ရနိုင်သည်ဟု လူတို့က တွေးထင်ကြဆဲဖြစ်ပြီး ဤစိတ်ခံစားမှုများထဲသို့ ၎င်းတို့ ကျရောက်သည့်အခါတွင်သာ ၎င်းတို့ လုံခြုံစိတ်ချရသည်ဟု ခံစားကြပြီး မိမိတို့ကိုယ်ကို ရှာတွေ့ကြကာ ၎င်းတို့ တည်ရှိသည်ဟု ခံစားကြသည်။ အမှန်တွင် ဤစိတ်ခံစားမှုများထဲ နွံနစ်လာကြသည့်လူများသည် သမ္မာတရားနှင့် ဆန့်ကျင်ဘက်တွင် သွားနေပြီး သမ္မာတရားအပြင် မှန်ကန်သည့် တွေးခေါ်မှု နည်းလမ်းများ၊ မှန်ကန်သည့် အတွေးများနှင့် အမြင်များ၊ ၎င်းတို့တွင် ရှိရန် ဘုရားသခင် ပြောသည့်အရာများအပေါ် မှန်ကန်သည့် သဘောထားနှင့် အမြင်များဆီမှ သွေဖည်သွားကြသည်။ မည်သည့် အပျက်သဘောဆောင်သော စိတ်ခံစားမှုများ သင် တွေ့ကြုံနေသည်ဖြစ်စေ ထိုအရာထဲသို့ သင် သာ၍ နက်ရှိုင်းစွာ ကျဆင်းလေ ထိုအရာ၏ ချည်နှောင်ခြင်းကို သင်ခံရလေဖြစ်လိမ့်မည်။ ထိုအရာ၏ ချည်နှောင်ခြင်းကို သင်ခံရလေ၊ မိမိကိုယ်ကို ကာကွယ်ရန် လိုအပ်ချက်ကို သင်ခံစားရလေဖြစ်လိမ့်မည်။ မိမိကိုယ်ကို ကာကွယ်ရန် လိုအပ်ချက်ကို သင် ခံစားရလေ အသက်ရှင်ရန် အခွင့်အရေးများကို ရရှိပြီး ကမ္ဘာလောကကို အောင်နိုင်ဖို့ အသက်ရှင်နည်း အမျိုးမျိုးကို ရှာတွေ့ရန်၊ လောကတွင် သင် ရင်ဆိုင်ရသည့် အခက်အခဲများ အားလုံးအပေါ် အောင်မြင်မှု ရယူရန်နှင့် ဘဝ၏ အခက်အခဲများနှင့် ဆင်းရဲဒုက္ခများအားလုံးကို အောင်မြင်ကျော်လွှားရန် သာ၍ စိတ်ဓာတ်ကြံ့ခိုင်ပြီး သာ၍ တတ်စွမ်းကာ အရည်အချင်းရှိဖို့ သင်မျှော်လင့်လေဖြစ်လိမ့်မည်။ ဤစိတ်ခံစားမှုများထဲသို့ သင်ကျဆင်းလေ ဘဝတွင် သင် အမှတ်မထင်ကြုံရသည့် အခက်အခဲများအားလုံးကို ထိန်းချုပ်ရန်၊ သို့မဟုတ် ဖြေရှင်းရန် အမှန်တကယ် အလိုရှိလေဖြစ်သည်။ ထိုသို့ဖြစ်သည် မဟုတ်လော။ (ဟုတ်ပါသည်။) သို့ဆိုလျှင် လူ၏ ဤအတွေးများသည် မည်သို့ ဖြစ်ပေါ်သနည်း။ အိမ်ထောင်ပြုခြင်းကို ဥပမာတစ်ခုအနေဖြင့် ယူကြစို့။ သင်သည် အိမ်ထောင်ပြုခြင်းနှင့်ပတ်သက်၍ စိတ်ဖိစီးသည်၊ ပူပန်သောကရောက်ပြီး စိုးရိမ်သော်လည်း ဤအရာအားလုံး၏ နောက်ကွယ်ရှိ ပြဿနာမှာ အတိအကျ မည်သည့်အရာ ဖြစ်သနည်း။ မည်သည့်အရာနှင့်ပတ်သက်၍ သင်စိုးရိမ်နေသနည်း။ ဤစိုးရိမ်မှုသည် မည်သည့်နေရာမှ လာသနည်း။ ဤအိမ်ထောင်ပြုခြင်းကို ကံကြမ္မာက စီစဉ်ကာ အုပ်စိုးခြင်း ဖြစ်ကြောင်းနှင့် ကောင်းကင်ဘုံက စီစဉ်ပြီး အုပ်စိုးခြင်းဖြစ်ကြောင့် သင် မသိခြင်းမှ လာပေသည်။ ဤအရာကို မသိဘဲလျက် သင်သည် “မည်သည့် လက်တွဲဖော်မျိုးကို ငါရှာဖွေသင့်သနည်း။ သူတို့ မည်မျှ အရပ်ရှည်သင့်သနည်း။ ၎င်းတို့ မည်သို့မည်ပုံ ဖြစ်သင့်သနည်း။ မည်သည့် ပင်ကိုစရိုက်မျိုး ၎င်းတို့ ရှိသင့်ကြသနည်း။ ၎င်းတို့ မည်မျှ ပညာတတ်သင့်သနည်း။ မည်သည့် မိသားစုမျိုးမှ ၎င်းတို့ လာသင့်သနည်း” ဟူသောအရာများကို ထပ်တလဲလဲ တွေးလျက် အမှုအရာများကို မိမိကိုယ်တိုင်အတွက် အမြဲ ဆုံးဖြတ်ချင်သည်၊ စီစဉ်၊ ရည်ရွယ်ကာ ကြံစည်ချင်ကြသည်။ သင်၏ အစီအစဉ်များ ပို၍ စေ့စပ်သေချာလေ၊ သင် စိုးရိမ်သောကရောက်လေ ဖြစ်သည်၊ ထိုသို့ဖြစ်သည်မဟုတ်လော။ သင်၏ သတ်မှတ်ချက်များ သာ၍ မြင့်မားသွားပြီး ပိုများသည့် သတ်မှတ်ချက်များများ ရှိလေ၊ သင် သာ၍ စိုးရိမ်သောကရောက်လေဖြစ်သည်၊ မှန်ပါသလော။ ပြီးလျှင် လက်တွဲဖော်တစ်ဦး ရှာတွေ့ရန် ခက်လေဖြစ်သည်၊ ဟုတ်သလော။ (ဟုတ်ပါသည်။) တစ်စုံတစ်ဦးသည် သင့်အတွက် သင့်တော်သည်၊ မသင့်တော်သည်ဆိုသည်ကို သင် မသိသည့်အခါ သင်၏ အခက်အခဲများ သာ၍ ကြီးမားလာပြီး သင်၏ အခက်အခဲများ သာ၍ ကြီးမားလေ၊ စိတ်ဖိစီးခြင်းနှင့် ပူပန်သောကတည်းဟူသော သင်၏ ခံစားချက်များ သာ၍ ပြင်းထန်လာလေဖြစ်သည်၊ မှန်သလော။ စိတ်ဖိစီးခြင်းနှင့် ပူပန်သောကတည်းဟူသော သင်၏ ခံစားချက်များ သာ၍ ပြင်းထန်လာလေ၊ ဤခံစားချက်များက သင့်ကို အရှုပ်အထွေးထဲသို့ ရောက်ရှိသွားစေလေ ဖြစ်သည်။ ထို့ကြောင့် ဤပြဿနာကို သင် မည်သို့ ဖြေရှင်းသနည်း။ အိမ်ထောင်ပြုခြင်း၏ အနှစ်သာရကို သင် နားလည်ပြီး ရှေ့ဆက်ရမည့် မှန်ကန်သည့် နည်းလမ်းနှင့် သွားရမည့် ဦးတည်ချက်ကို သင် နားလည်သည်ဆိုပါစို့၊ သို့ဆိုလျှင် အိမ်ထောင်ပြုခြင်းအတွက် ခံယူရန် မည်သည့်အရာသည် မှန်ကန်သည့် ချဉ်းကပ်မှုဖြစ်သနည်း။ သင်က “အိမ်ထောင်ပြုခြင်းသည် ဘဝတွင် ကြီးမားသော အဖြစ်အပျက်တစ်ခု ဖြစ်ပြီး လူတို့က မည်သည့်အရာကို ရွေးချယ်သည်ဖြစ်စေ ထိုအရာအားလုံးကို အချိန်ကြာမြင့်စွာက ကြိုတင်စီမံထားပြီးဖြစ်သည်။ သင်၏ အိမ်ထောင်ဖက် မည်သူဖြစ်မည်ဆိုသည်နှင့် သူတို့ မည်ကဲ့သို့ဖြစ်မည်ဆိုသည်ကို ဘုရားသခင်သည် အချိန်ကြာမြင့်စွာက စီမံကာ စီစဉ်ခဲ့ခြင်း ဖြစ်သည်။ လူတို့သည် အလွန် အလောတကြီး မဖြစ်ရ၊ သို့မဟုတ် မိမိတို့၏ နှစ်သက်မှုများကို မဆိုထားနှင့် မိမိတို့၏ စိတ်ကူးစိတ်သန်းများအပေါ် အမှီမပြုရပေ။ မိမိ၏ စိတ်ကူးစိတ်သန်းများနှင့် နှစ်သက်မှုများအပေါ် အမှီပြုခြင်းနှင့် အလောတကြီး ဖြစ်လွန်းခြင်းတို့သည် မသိနားမလည်မှု၏ သရုပ်သကန်များသာဖြစ်ပြီး လက်တွေ့အရှိတရားနှင့် မကိုက်ညီပေ။ လူတို့သည် မိမိတို့၏ စိတ်ကူးယဉ်မှုများကို အထိန်းအကွပ်မဲ့ ခွင့်မပြုရသကဲ့သို့ စိတ်ကူးစိတ်သန်းအားလုံးသည် လက်တွေ့အရှိတရားနှင့် သဘောကွဲလွဲပေသည်။ လုပ်ဆောင်ရန် လက်တွေ့အကျဆုံးသော အရာမှာ အမှုအရာများကို သူတို့ဘာသာ ဖြစ်ခွင့်ပေးပြီး သင့်အတွက် ဘုရားသခင် စီစဉ်ပေးပြီးသည့်လူကို စောင့်ဆိုင်းရန်ဖြစ်သည်”ဟု သင် ဆိုသည်။ ထို့ကြောင့် သင်၏ အခြေခံအုတ်မြစ်အဖြစ် ဤသဘောတရားနှင့် ဤလက်တွေ့ကျသည့် သိနားလည်မှုတို့ကို ရှိလျက် ဤကိစ္စရပ်နှင့်စပ်လျဉ်း၍ သင် မည်သို့ လက်တွေ့လုပ်ဆောင်သင့်သနည်း။ သင်သည် ယုံကြည်ခြင်း ရှိသင့်သည်၊ ဘုရားသခင်၏ အချိန်ကို စောင့်ဆိုင်ပြီး ဘုရားသခင်၏ အစီအစဉ်ကို စောင့်ဆိုင်းသင့်သည်။ ဘုရားသခင်သည် သင့်အတွက် ဤဘဝတွင် သင့်တော်သည့် လက်တွဲဖော် စီစဉ်ပေးပါက သင့်တော်သည့် အချိန်၊ သင့်တော်သည့် နေရာနှင့် သင့်တော်သည့် ပတ်ဝန်းကျင်တွင် ၎င်းတို့ ပေါ်ထွက်လာလိမ့်မည်။ အခြေအနေများ အသင့်ဖြစ်သည့်အချိန်တွင် ထိုအရာ ဖြစ်ပျက်လိမ့်မည်ဖြစ်ပြီး သင် လုပ်ဆောင်ရန် လိုအပ်သမျှမှာ ထိုသို့သော အချိန်ကာလတစ်ခုနှင့် ထိုသို့သော နေရာ၊ ပတ်ဝန်းကျင်တစ်ခုတွင် ဤကိစ္စရပ်နှင့် ပူးပေါင်းဆောင်ရွက်သည့်သူတစ်ဦး ဖြစ်ရန်ဖြစ်သည်။ သင်လုပ်ဆောင်နိုင်သည့် တစ်ခုတည်းသောအရာမှာ စောင့်ဆိုင်းရန်၊ ဤအချိန်ကို စောင့်ဆိုင်းရန်၊ ဤနေရာကို စောင့်ဆိုင်းရန်၊ ဤပတ်ဝန်းကျင်ကို စောင့်ဆိုင်းရန်၊ ဤလူ ပေါ်လာမည်ကို စောင့်ဆိုင်းရန်၊ ဤအရာအားလုံး ဖြစ်ပျက်ဖို့ကို စောင့်ဆိုင်းရန်ဖြစ်သည်။ တက်ကြွခြင်းဖြစ်စေ၊ မတက်ကြွခြင်းဖြစ်စေ မရှိဘဲ ထိုအစား ဤအရာအားလုံး ဖြစ်ပျက်ပြီး ရောက်ရှိဖို့အတွက် စောင့်ဆိုင်းခြင်းသာ ဖြစ်သည်။ “စောင့်ဆိုင်းခြင်း” ဟု ဆိုရာတွင် ငါအဘယ်အရာကို ဆိုလိုသနည်း။ တက်ကြွခြင်းရော မတက်ကြွခြင်းပါ မရှိဘဲ နာခံသည့် သဘောထားတစ်ခု ရှိခြင်းကို ငါဆိုလိုသည်။ ဤသဘောထားသည့် နားပူနားဆာလုပ်ခြင်းမရှိဘဲ ရှာဖွေပြီး နာခံတတ်သည့် သဘောထားတစ်ခု ဖြစ်သည်။ သင်သည် ဤသဘောထားမျိုးကို ခံယူပြီးသည်နှင့် အိမ်ထောင်ပြုခြင်းနှင့်ပတ်သက်၍ စိတ်ဖိစီး၊ ပူပန်သောကရောက်ပြီး စိုးရိမ်နေလိမ့်ဦးမည်လော။ (စိုးရိမ်လိမ့်မည် မဟုတ်ပါ။) အမှန်တရားများနှင့် သဘောကွဲလွဲသည့် သင်၏ တစ်ဦးချင်း အစီအစဉ်များ၊ စိတ်ကူးစိတ်သန်းများ၊ ဆန္ဒများ၊ နှစ်ခြိုက်ခြင်းများနှင့် သင်၏ မသိနားမလည်သည့် အတွေးအားလုံး ပျောက်ကွယ်သွားသည်။ ထို့နောက် သင်၏ စိတ်နှလုံးသည် တည်ငြိမ်သွားပြီး အိမ်ထောင်ပြုခြင်းနှင့်ဆိုင်သည့် ကိစ္စရပ်နှင့်ပတ်သက်၍ နောက်ထပ် အပျက်သဘောဆောင်သော စိတ်ခံစားမှုများကို သင် မခံစားရတော့ပေ။ သင်သည် ဤကိစ္စရပ်နှင့် စပ်လျဉ်း၍ စိုးရိမ်သောကကင်းသွားသည်၊ လွတ်မြောက်ကာ လွပ်လပ်သွားပြီး အမှုအရာများကို ၎င်းတို့ဘာသာ ဖြစ်ခွင့်ပေးလေသည်။ မှန်ကန်သည့် သဘောထား သင် ရှိလာသည်နှင့် သင် လုပ်ဆောင်သမျှနှင့် သင်ဖော်ပြသမျှတိုင်းသည် ယုတ္တိတန်ပြီး လျော်ကန်လာလေသည်။ သင်၏ ပုံမှန် လူ့သဘာဝ အတွင်းမှ ပင်ကိုအားဖြင့် ထင်ရှားသည့် စိတ်ခံစားမှုများသည် စိတ်ဖိစီးခြင်း၊ ပူပန်သောကနှင့် စိုးရိမ်မှုတို့ မဖြစ်နိုင်တော့ဘဲ ထိုထက် ထိုစိတ်ခံစားမှုများသည် အေးချမ်းကာ တည်ငြိမ်သွား၏။ စိတ်ခံစားမှုများသည် စိတ်ဓာတ်ကျစရာမဖြစ်၊ သို့မဟုတ် အစွန်းရောက်ခြင်း မရှိပေ။ သင် စောင့်ဆိုင်းရုံသာရှိ၏။ သင့်စိတ်နှလုံးတွင် ဤကိစ္စရပ်နှင့် စပ်လျဉ်း၍ သင့်အတွက် တစ်ခုတည်းသော လက်တွေ့လုပ်ဆောင်ခြင်းနည်းလမ်းနှင့် သဘောထားမှာ စောင့်ဆိုင်းရန်နှင့် ကျိုးနွံနာခံရန်ဖြစ်သည်။ “ကျွန်ုပ်အတွက် ဘုရားသခင် စီစဉ်သည့်အရာအားလုံးကို ကျွန်ုပ် ကျိုးနွံနာခံရန် ဆန္ဒရှိပါသည်။ ကျွန်ုပ်တွင် ကိုယ်ရေးကိုယ်တာ သတ်မှတ်ချက်များ၊ သို့မဟုတ် အစီအစဉ်များ မရှိပါ”ဟူ၍ ဖြစ်သည်။ ထို့နောက်တွင် သင်သည် ဤအပျက်သဘောဆောင်သော စိတ်ခံစားမှုများကို လက်လွှတ်ပြီးဖြစ်သည် မဟုတ်လော။ ပြီးလျှင် ထိုအရာမှာ ဤစိတ်ခံစားမှုများ မထွက်ပေါ်ရန်အလို့ငှာ ဖြစ်သည် မဟုတ်လော။ ထိုအရာများကို သင် အမှန်ခံစားရလျှင်ပင် တဖြည်းဖြည်း လက်လွှတ်မည် မဟုတ်လော။ သို့ဆိုလျှင် မည်သည့် ဖြစ်စဉ်မျိုးသည် ဤအပျက်သဘောဆောင်သော စိတ်ခံစားမှုများကို လက်လွှတ်ခြင်း ဖြစ်စဉ်ဖြစ်သနည်း။ ယင်းမှာ သမ္မာတရား လိုက်စားခြင်း၏ သရုပ်သကန်တစ်ခုလော။ ထိုအရာက သင်သည် သမ္မာတရားကို လိုက်စားကာ လက်တွေ့လုပ်ဆောင်နေကြောင်း ပြပေသည်။ သမ္မာတရား လိုက်စားခြင်းမှတစ်ဆင့် စွမ်းဆောင်ရရှိသည့် အဆုံးသတ်ရလဒ်မှာ သမ္မာတရားကို လက်တွေ့လုပ်ဆောင်ခြင်းနှင့် သက်ဆိုင်ပေသည်။ သမ္မာတရားကို လက်တွေ့လုပ်ဆောင်ခြင်းမှတစ်ဆင့် လက်တွေ့အကောင်အထည်ဖော်ခြင်း ဖြစ်သည်။ သင်သည် သမ္မာတရားကို လက်တွေ့လုပ်ဆောင်ခြင်းအဆင့်အား အောင်မြင်သည့်အခါ သင်၏ စိတ်ဖိစီးခြင်း၊ ပူပန်သောကနှင့် စိုးရိမ်မှုတို့သည် အရိပ်များကဲ့သို့ သင့်နောက်လိုက်လိမ့်မည် မဟုတ်တော့ပေ။ သင်၏ အတွင်းကျကျ စိတ်နှလုံးမှ ထိုအရာများ လုံးလုံးလျားလျား ဖယ်ရှားခံရပြီး ဖြစ်လိမ့်မည်။ ဤစိတ်ခံစားမှုများကို ဖယ်ရှားခြင်း ဖြစ်စဉ်သည် လက်လွှတ်ခြင်း ဖြစ်စဉ် ဖြစ်သလော။ (ဟုတ်ပါသည်။) သမ္မာတရားကို လက်တွေ့လုပ်ဆောင်ခြင်းသည် ဤမျှ ရိုးရှင်း၏။ လွယ်ကူသလော။ သမ္မာတရားကို လက်တွေ့လုပ်ဆောင်ခြင်းသည် အတွေးများနှင့် အမြင်များ ပြောင်းလဲခြင်းတစ်ခု ဖြစ်ပြီး အမှုအရာများအပေါ် မိမိ၏ သဘောထား ပြောင်းလဲခြင်းတစ်ခု သာ၍ပင် ဖြစ်လေသည်။ ရိုးရှင်းသည့် အပျက်သဘောဆောင်သော စိတ်ခံစားမှုတစ်ခုကို လက်လွှတ်ရန်၊ အကြင်သူသည် ဤဖြစ်စဉ်ကို လက်တွေ့လုပ်ဆောင်ကာ စွမ်းဆောင်ရရှိရမည်။ ပထမဦးစွာ မိမိ၏ အတွေးများနှင့် အမြင်များ ပြောင်းလဲခြင်းတစ်ခု၊ ထို့နောက်တွင် လက်တွေ့လုပ်ဆောင်ရန် မိမိ၏ သဘောထား ပြောင်းလဲခြင်းတစ်ခုကို တွေ့ကြုံလော့။ ထိုမတိုင်မီတွင် အကြင်သူတစ်ဦး လက်တွေ့လုပ်ဆောင်သည့် နည်းလမ်း၊ မိမိ၏ လက်တွေ့လုပ်ဆောင်ခြင်း စည်းမျဉ်းများနှင့် လက်တွေ့လုပ်ဆောင်ခြင်း လမ်းကြောင်း ပြောင်းလဲခြင်းကို ကြုံရခြင်း ဖြစ်သည်။ ထို့နောက်တွင် ထိုအပျက်သဘောဆောင်သည့် စိတ်ခံစားမှုကို သင် လက်လွှတ်ပြီး ဖြစ်မည်မဟုတ်လော။ ဤမျှရိုးရှင်းပေသည်။ “လက်လွှတ်ခြင်း”မှတစ်ဆင့် သင် စွမ်းဆောင်ရရှိသည့် နောက်ဆုံး ရလဒ်မှာ သင်သည် ဤအပျက်သဘောဆောင်သည့် စိတ်ခံစားမှု၏ နှောင့်ယှက်ခြင်း၊ စိတ်ရှုပ်စေခြင်းနှင့် ထိန်းချုပ်ခြင်း မခံရတော့သကဲ့သို့ တစ်ချိန်တည်းတွင် သင်သည် ဤအပျက်သဘောဆောင်သည့် စိတ်ခံစားမှုက ဖြစ်စေသည့် အပျက်သဘောဆောင်သော အတွေးနှင့် အမြင်မျိုးစုံတို့၏ ခြောက်လှန့်ခြင်း မခံရတော့ပေ။ ဤသို့ဖြင့် သင်သည် စိုးရိမ်သောကကင်းဝေးကာ လွတ်လပ်ပြီး လွတ်မြောက်ခြင်း ခံစားလျက် အသက်ရှင်လိမ့်မည်။ စိုးရိမ်သောကကင်းဝေးကာ လွတ်လပ်ပြီး လွတ်မြောက်မှု ခံစားရခြင်းသည် လူသား ခံစားချက်များသာ ဖြစ်သည်မှာ အမှန်ဖြစ်၏။ လူတို့ အမှန်တကယ် ရရှိသည့် အကျိုးကျေးဇူးမှာ သမ္မာတရားကို ၎င်းတို့ သိနားလည်လာကြခြင်း ဖြစ်သည်။ လူ၏ တည်ရှိခြင်း အခြေခံအကြောင်းရင်းမှာ သမ္မာတရားနှင့် ဘုရားသခင်၏ နှုတ်ကပတ်တော်များ ဖြစ်သည်။ လူတို့သည် မိမိကိုယ်ကို ကာကွယ်ခြင်းအတွက် အမျိုးမျိုးသော အပျက်သဘောဆောင်သည့် စိတ်ခံစားမှုများအတွင်းတွင် အသက်ရှင်ရန် မိမိတို့၏ စိတ်ကူးစိတ်သန်းများအပေါ် အမှီပြုပါက မိမိတို့ကိုယ်ကို ကာကွယ်ရန် မိမိတို့ကိုယ်ကို အားကိုးပြီး မိမိတို့ကိုယ်ပိုင် အစွမ်းအစများ၊ နည်းလမ်းများနှင့် နည်းစနစ်များကို အမှီပြုကာ မိမိတို့ ကိုယ်ပိုင် လမ်းကြောင်းကို လျှောက်ကြပါက ၎င်းတို့သည် သမ္မာတရားနှင့် ဘုရားသခင်ထံမှ သွေဖည်ကြပြီးဖြစ်လိမ့်မည်ဖြစ်ကာ စာတန်၏ စိုးမိုးမှုအောက်တွင် အလိုအလျောက် အသက်ရှင်လာမိကြလိမ့်မည်။ ထို့ကြောင့် သင်သည် ဤအလားတူ အခက်အခဲများနှင့် အခြေအနေများကို ရင်ဆိုင်ရသည့်အခါ သင်၏ စိတ်နှလုံးတွင် သိနားလည်မှု ရှိသင့်ပြီး “ဤအရာများနှင့်ပတ်သက်၍ ငါ စိုးရိမ်ရန် မလိုအပ်ပါ။ စိုးရိမ်ခြင်းတွင် အဓိပ္ပာယ်မရှိပါ။ ဉာဏ်ထက်ပြီး ပညာရှိသောလူများသည် ဘုရားသခင်ပေါ် အမှီပြုပြီး ဤအရာအားလုံးကို ဘုရားသခင်ထံ အပ်နှံလိမ့်မည်၊ သူ၏ အချုပ်အခြာအာဏာကို ကျိုးနွံနာခံလိမ့်မည်၊ ဘုရားသခင် စီစဉ်သည့် အရာအားလုံးကို စောင့်ဆိုင်းကာ ဘုရားသခင် စီစဉ်သည့် အချိန်၊ နေရာ၊ လူ သို့မဟုတ် အမှုအရာများကို စောင့်ဆိုင်းလိမ့်မည်။ လူက လုပ်ဆောင်သင့်ပြီး လုပ်ဆောင်နိုင်သည်မှာ ပူးပေါင်းဆောင်ရွက်ပြီး နာခံရန်သာဖြစ်သည်။ ဤသည်မှာ အသိတရားအရှိဆုံးသော ရွေးချယ်မှုဖြစ်သည်”ဟု သင် အလိုအလျောက် တွေးလိမ့်မည်။ သင်သည် ဤအရာကို မလုပ်ဆောင်သကဲ့သို့ ဤသို့ လက်တွေ့လုပ်ဆောင်ခြင်း မရှိပါက ဘုရားသခင် စီစဉ်သည့် အရာရာတိုင်းသည် အဆုံးတွင် ဖြစ်ပျက်လိမ့်ဦးမည်ဖြစ်သည်။ မည်သည့်လူ၊ မည်သည့် အဖြစ်အပျက်နှင့် မည်သည့် အခြေအနေမျှ လူ၏ အလိုဆန္ဒအားဖြင့် ပြောင်းလဲမသွားနိုင်ပေ။ လူ၏ စိတ်ဖိစီးခြင်း၊ ပူပန်သောကနှင့် စိုးရိမ်မှုတို့သည် အဓိပ္ပာယ်မဲ့သည့် အနစ်နာခံမှုတစ်ခုဖြစ်ပြီး လူ၏ မိုက်မဲသော အတွေးများနှင့် မသိနားမလည်သည့် သရုပ်သကန်များသာ ဖြစ်သည်။ သင်၏ စိတ်ဖိစီးခြင်း၊ ပူပန်သောကနှင့် စိုးရိမ်မှု ခံစားချက်များက မည်မျှ နက်နဲ၊ ပြင်းထန်သည်ဖြစ်စေ၊ ကိစ္စရပ်တစ်ခုကို သင် မည်မျှ စေ့စေ့စပ်စပ် စဉ်းစားသည်ဖြစ်စေ၊ အဆုံးတွင် အချည်းနှီးဖြစ်ပြီး ဖယ်ရှားခံရမည်ဖြစ်သည်။ နောက်ဆုံး အချက်များနှင့် ရလဒ်များသည် လူ၏ အလိုဆန္ဒအားဖြင့် ပြောင်းလဲမသွားနိုင်ပေ။ လူသည် အဆုံးတွင် ဘုရားသခင်၏ အချုပ်အခြာအာဏာနှင့် အစီအစဉ်များအောက်တွင် အသက်ရှင်ရမည် ဖြစ်သည်။ ဤအရာများကို မည်သူမျှ မပြောင်းလဲနိုင်သကဲ့သို့ ဤအရာအားလုံးကို မည်သူမျှ ချိုးဖျက်လွတ်မြောက်ခြင်း မရှိနိုင်ပေ။ ထိုသို့ ဖြစ်သည် မဟုတ်လော။ (ဟုတ်ပါသည်။)

ယခုတွင် နာမကျန်းဖြစ်ခြင်းအကြောင်းကို ပြောကြစို့။ လူ၏ ဤအိုမင်းသည့် ခန္ဓာနှင့် ပတ်သက်လာသည့်အခါ မည်သည့် နာမကျန်းဖြစ်ခြင်းကို လူတို့ ရရှိသည်မှာ အရေးမကြီးပေ၊ ၎င်းတို့ သက်သာနိုင်သည်ဖြစ်စေ၊ သို့မဟုတ် မည်သည့်အတိုင်းအတာထိ ၎င်းတို့ ဆင်းရဲဒုက္ခခံရသည်ဖြစ်စေ၊ ထိုအရာတစ်ခုမျှသည် ၎င်းတို့ သဘောအတိုင်း မဟုတ်၊ အားလုံး ဘုရားသခင်၏လက်တွင် ရှိ၏။ သင်နာမကျန်းဖြစ်သည့်အခါ ဘုရားသခင်၏ စီစဉ်ညွှန်ကြားမှုများကို သင်ကျိုးနွံနာခံပြီး ဤအမှန်တရားကို သည်းညည်းခံကာ လက်ခံရန် လိုလားလျက်ရှိပါက သင့်ထံတွင် ဤနာမကျန်းဖြစ်ခြင်း ရှိနေလိမ့်ဦးမည်ဖြစ်သည်။ ဤအချက်ကို သင် လက်မခံပါက ဤနာမကျန်းဖြစ်ခြင်းကို သင် ဖယ်ရှားနိုင်ဦးမည်မဟုတ်၊ ဤသည်မှာ အမှန်တရားတစ်ခုဖြစ်၏။ သင်သည် သင်၏ နာမကျန်းမှုကို တစ်ရက်တာ အပြုသဘောဆောင်စွာ ရင်ဆိုင်နိုင်သည်၊ သို့မဟုတ် တစ်ရက်တာ အပျက်သဘောဆောင်စွာ ရင်ဆိုင်နိုင်သည်။ ဆိုလိုသည်မှာ သင်၏ သဘောထားက မည်သို့ဖြစ်ပါစေ သင် နာမကျန်းဖြစ်သည်ဆိုသည့် အချက်ကို သင် မပြောင်းလဲနိုင်ပေ။ ဉာဏ်ထက်သည့်လူများသည် မည်သည့် ရွေးချယ်မှုကို လုပ်ဆောင်ကြသနည်း။ ပြီးလျှင် မိုက်မဲသည့်လူများသည် မည်သည့် ရွေးချယ်မှုကို ပြုလုပ်ကြသနည်း။ မိုက်မဲသောလူများသည် စိတ်ဖိစီးခြင်း၊ ပူပန်သောကနှင့် စိုးရိမ်မှု ခံစားချက်များဖြင့် အသက်ရှင်ရန် ရွေးချယ်ကြလိမ့်မည်။ ၎င်းတို့သည် ဤခံစားချက်များတွင် နွံပင် နစ်လာကြလိမ့်မည်ဖြစ်ပြီး ပြန်ထွက်ရန် ဆန္ဒရှိလိမ့်မည် မဟုတ်။ ၎င်းတို့ကို ပေးထားသည့် မည်သည့်အကြံကိုမျှ ၎င်းတို့ နားမထောင်ကြသကဲ့သို့ “အို၊ ဤနာမကျန်းဖြစ်ခြင်းကို ငါအဘယ်သို့ ရရှိခဲ့ပါသနည်း။ ပင်ပန်းခြင်းက ဖြစ်စေခဲ့သည်လား။ စိုးရိမ်မှုက ဖြစ်စေခဲ့သလော။ သို့မဟုတ် အရှက်အကြောက်က ဖြစ်စေခဲ့သလော”ဟု တွေးဆကြသည်။ နေ့စဉ် ၎င်းတို့က “ထိုအရာကို အဘယ်ကြောင့် ငါ သတိမထားမိခဲ့သနည်း။ ငါ အဘယ်သို့ဖြစ်ပြီး အလွန် နုံအကာ မိမိတာဝန်ကို အလွန် ရိုးသားစွာ ထမ်းဆောင်နိုင်ခဲ့ရသနည်း။ အခြားသူတို့မှာမူ နှစ်စဉ် ကျန်းမာရေး ဆေးစစ်မှုရရှိကြပြီး အနည်းဆုံး ၎င်းတို့၏ သွေးပေါင်ချိန်တိုင်းကာ ဓာတ်မှန်ရိုက်ကြရသည်။ ငါ ကျန်းမာရေး ဆေးစစ်မှု သွားခံယူသင့်သည်ကို ငါ အဘယ်ကြောင့် သဘောမပေါက်ခဲ့ရသနည်း။ အခြားလူများသည် အလွန် ဂရုတစိုက် အသက်ရှင်ကြသည်။ အဘယ်သို့ ငါသည် အလွန် ထုံထိုင်းစွာ အသက်ရှင်ခဲ့ရသနည်း။ ဤနာမကျန်းမှုကို ငါ ရခဲ့ပြီး ထိုအရာကို သိပင်မသိခဲ့ပါ။ အို၊ ဤနာမကျန်းဖြစ်ခြင်းအတွက် ငါ ကုသမှု ခံယူရမည်။ မည်သည့် ကုသမှုကို ငါ ရနိုင်သနည်း”ဟု တွေးလျက် ၎င်းတို့ မည်သို့ နာမကျန်းဖြစ်ပြီး ထိုနာမကျန်းဖြစ်ခြင်းက မည်သည့်အချိန်တွင် စတင်ခဲ့သည်ဆိုသည်တို့ကို ၎င်းတို့ တွေးကြလေသည်။ ထို့နောက် ဤနာမကျန်းဖြစ်ခြင်းကို ၎င်းတို့ မည်သို့ ရရှိခဲ့သည်၊ မည်သည့်အရာက ဖြစ်စေခဲ့သည်၊ တရုတ်ဆေးပညာဖြင့် မည်သို့ ကုသရမည်၊ အနောက်တိုင်းဆေးပညာဖြင့် မည်သို့ ကုသရမည်ဆိုသည်နှင့် မည်သည့် ရိုးရာဆေးမြီးတိုများ ရှိသည်ဆိုသည်တို့ကို အွန်လိုင်းတွင် သွားရှာဖွေကြသည်။ ဤအရာအားလုံးကို ၎င်းတို့ စိစစ်ရှာဖွေကြသည်။ ထို့နောက်တွင် နာမကျန်းဖြစ်ရခြင်းနှင့်ပတ်သက်၍ အမြဲ စိုးရိမ်၊ သောကရောက်ပြီး စိတ်မရှည်ဖြစ်ကာ အိမ်တွင် တရုတ်ဆေးကို သောက်ကြပြီးနောက် အနောက်တိုင်းဆေးကို သောက်၍ အချိန်ကြာလာသည်နှင့်အမျှ မိမိတို့တာဝန် ထမ်းဆောင်ခြင်းကို ရပ်လိုက်ကြသည်။ ဘုရားသခင်၌ ၎င်းတို့၏ ယုံကြည်ခြင်းကို စွန့်ပယ်လိုက်ကြသည်။ ယုံကြည်ခြင်းကို ရပ်တန့်ကာ မိမိတို့၏ နာမကျန်းဖြစ်ခြင်းကို မည်သို့ ကုသရမည်ဆိုသည်ကိုသာ တွေးကြလေသည်။ ၎င်းတို့၏ တာဝန်မှာ ယခုတွင် မိမိတို့၏ နာမကျန်းဖြစ်ခြင်းကို ကုသခြင်း ဖြစ်သည်။ ၎င်းတို့သည် မိမိတို့၏ နာမကျန်းဖြစ်ခြင်းအားဖြင့် စိုးမိုးခြင်းခံရကြသည်၊ နာမကျန်း ဖြစ်သွားရခြင်းနှင့်ပတ်သက်၍ နေ့စဉ် ၎င်းတို့ စိတ်ဖိစီးပြီး တစ်ယောက်ယောက်ကို ၎င်းတို့ တွေ့သည့်အခါ “အို၊ ဤနာမကျန်း ဖြစ်ခြင်းကို ကျွန်ုပ် ဤသို့ ရခဲ့သည်။ ငါ့ထံ ဖြစ်ပျက်နေသည့်အရာသည် သင့်အတွက် သင်ခန်းစာတစ်ခု ဖြစ်ပါစေ၊ ပြီးလျှင် သင် နာမကျန်းဖြစ်သည့်အခါ သွားစစ်ဆေးပြီး ကုသမှု ခံယူရမည်ဖြစ်သည်။ သင်၏ ကျန်းမာရေးကို ဂရုစိုက်ခြင်းသည် အရေးအကြီးဆုံး ဖြစ်ပါသည်။ သင်သည် စဉ်းစားဉာဏ်ရှိရမည်ဖြစ်ပြီး အလွန် မထုံထိုင်းရပါ”ဟု ပြောကြသည်။ ၎င်းတို့ အမှတ်မထင် တွေ့ဆုံသည့်သူတိုင်းကို ဤအရာများ ပြောကြသည်။ နာမကျန်း ဖြစ်ရခြင်းအားဖြင့် ၎င်းတို့တွင် ဤအတွေ့အကြုံရှိပြီး ဤသင်ခန်းစာ သင်ယူကြလေသည်။ ၎င်းတို့ နာမကျန်းဖြစ်သည်နှင့် စားသည့်အခါ ဂရုစိုက်ကြပြီး လမ်းလျှောက်ကြသည့်အခါ ဂရုစိုက်ကြကာ မိမိတို့ကိုယ်တိုင်၏ ကျန်းမာရေးကို မည်သို့ ဂရုစိုက်ရမည်ဆိုသည်ကို ၎င်းတို့ သင်ယူကြသည်။ အဆုံးတွင် ၎င်းတို့ ကောက်ချက်တစ်ခု ချကြသည်။ “လူတို့သည် မိမိတို့ကိုယ်တိုင်၏ ကျန်းမာရေးကို ဂရုစိုက်ရန် မိမိကိုယ်ကိုသာ အားကိုးရမည်။ ဤပြီးခဲ့သည့် နှစ်အနည်းငယ်တွင် ကျွန်ုပ်၏ ကျန်းမာရေးကို စောင့်ရှောက်ရန် ကျွန်ုပ် သိပ်အာရုံမစိုက်ခဲ့သကဲ့သို့ ကျွန်ုပ် အာရုံမစိုက်မိသည့် အခိုက်တွင် ဤသို့ နာမကျန်းဖြစ်သွားသည်။ ကံကောင်းထောက်မစွာ ကျွန်ုပ် စောစော သိခဲ့ရသည်။ နောက်မှ သိခဲ့ရမည်ဆိုပါက ကျွန်ုပ် အဆုံးသတ်သွားပေမည်။ ငယ်သည့်အရွယ်တွင် နာမကျန်းဖြစ်ပြီး သေဆုံးဖို့ဆိုသည်မှာ အလွန် ကံခေခြင်းဖြစ်ပေမည်။ ကျွန်ုပ်သည် ဘဝကို မွေ့လျော်ခံစားနိုင်ခြင်းပင် မရှိသေးပါ။ ကျွန်ုပ် မစားရသေးသည့် စားဖို့ကောင်းသောအရာများစွာရှိပြီး မရောက်ဖူးသေးသည့် ပျော်စရာကောင်းသည့် နေရာများစွာ ရှိသည်”ဟူ၍ ဖြစ်သည်။ ၎င်းတို့ နာမကျန်းဖြစ်ကာ ဤကောက်ချက်ဆွဲကြသည်။ ၎င်းတို့ နာမကျန်းဖြစ်သော်လည်း မသေကြသကဲ့သို့ မိမိတို့ကိုယ်ကို ပါးနပ်ပြီး နာမကျန်းဖြစ်ခြင်းကို အချိန်မီ သိလိုက်ရသည်ဟု ယုံကြည်ကြသည်။ ဤအရာအားလုံးသည် ဘုရားသခင်၏ အချုပ်အခြာအာဏာကြောင့်ဖြစ်ပြီး သူ ကြိုတင်စီမံထားခြင်းဖြစ်ကြောင်း ပြီးလျှင် တစ်စုံတစ်ဦးသည် သေမည်မဟုတ်ပါက နာမကျန်းဖြစ်ခြင်းဖြင့် ၎င်းတို့ မည်မျှ ပြင်းထန်စွာ ထိုးနှက်ခံရသည်ဖြစ်စေ မသေနိုင်သေးသကဲ့သို့ တစ်စုံတစ်ဦးသည် သေဆုံးရမည်ဆိုပါက နာမကျန်းမဖြစ်ဘဲနှင့်ပင်လျှင် သေကြလိမ့်မည်ဖြစ်သည်။ ဤအရာကို ၎င်းတို့ နားမလည်ကြပေ။ ၎င်းတို့၏ နာမကျန်းဖြစ်ခြင်းက ၎င်းတို့ကို လိမ္မာပါးနပ်စေပြီးဖြစ်သည်ဟု ၎င်းတို့ ယုံကြည်ကြချိန်တွင် အမှန်၌ ၎င်းတို့၏ “လိမ္မာပါးနပ်မှု”နှင့်ပတ်သက်၍ ၎င်းတို့ အတွေးလွန်ကြခြင်းဖြစ်ကာ အလွန် မိုက်မဲကြပေသည်။ သမ္မာတရားလိုက်စားသည့် လူများက နာမကျန်းဖြစ်ခြင်း ကြုံရသည့်အခါ စိတ်ဖိစီးခြင်း၊ ပူပန်သောကနှင့် စိုးရိမ်မှု ခံစားချက်များတွင် ၎င်းတို့ နွံနစ်လာကြလိမ့်မည်လော။ (နွံနစ်လာကြလိမ့်မည် မဟုတ်ပါ။) နာမကျန်းဖြစ်ခြင်းအပေါ် မည်သည့် ချဉ်းကပ်နည်းကို ၎င်းတို့ ခံယူကြလိမ့်မည်နည်း။ (ပထမဦးစွာ ၎င်းတို့ ကျိုးနွံနာခံနိုင်ကြပြီး ထို့နောက်တွင် ၎င်းတို့ နာမကျန်းဖြစ်စဉ်တွင် ဘုရားသခင်၏ အလိုတော်ကို နားလည်ရန် ကြိုးစားကာ ၎င်းတို့တွင် မည်သည့် ဖောက်ပြန်ပျက်စီးသော စိတ်သဘောထားများရှိကြသည်ကို သုံးသပ်ကြသည်။) ဤစကားအနည်းငယ်သည် ပြဿနာကို ဖြေရှင်းနိုင်သလော။ ၎င်းတို့ လုပ်ဆောင်သမျှမှာ သုံးသပ်ခြင်းဖြစ်ပါက မိမိတို့၏ နာမကျန်းဖြစ်ခြင်းကို ကုသရန် ၎င်းတို့ လိုအပ်လိမ့်ဦးမည် မဟုတ်လော။ (ကုသမှုကိုလည်း ၎င်းတို့ ရှာဖွေကြပါလိမ့်မည်။) ဟုတ်ပေ၏၊ ထိုအရာမှာ ကုသသင့်သည့် ရောဂါတစ်ခု၊ အကြီးစား နာမကျန်းဖြစ်ခြင်းတစ်ခု၊ သို့မဟုတ် ကုသမှု မရှာဖွေလျှင် ပိုဆိုးသွားနိုင်သည့် နာမကျန်းဖြစ်ခြင်းတစ်ခုဖြစ်ပါက ထိုရောဂါကို ကုသရမည်။ ဤသည်မှာ ဉာဏ်ထက်သည့်လူများ လုပ်ဆောင်သည့်အရာ ဖြစ်သည်။ မိုက်မဲသည့်လူများ နာမကျန်းမဖြစ်သည့်အခါ “အို၊ ငါ နာမကျန်းဖြစ်နိုင်သွားနိုင်သလော။ နာမကျန်းဖြစ်လျှင် ပိုဆိုးသွားလိမ့်မည်လော။ ထိုရောဂါကို ငါ ရလိမ့်မည်လော။ ထိုရောဂါကို ငါ တကယ်ရသွားပါက သေချိန်မတိုင်ဘဲ သေလိမ့်မည်လော။ ငါ သေသည့်အခါ အလွန်နာကျင်လိမ့်မည်လော။ ပျော်ရွှင်ချမ်းမြေ့သည့် ဘဝတစ်ခုကို ငါ အသက်ရှင်ရလိမ့်မည်လော။ ထိုရောဂါကို ငါ ရသွားလျှင် ငါ၏ သေခြင်းအတွက် အစီအစဉ်များပြုလုပ်ပြီး ဘဝကို တတ်နိုင်သမျှမြန်မြန် မွေ့လျော်ခံစားသင့်သလော”ဟု အမြဲ စိုးရိမ်ကြသည်။ မိုက်မဲသောလူများသည် ဤကဲ့သို့သော အရာများနှင့်ပတ်သက်၍ မကြာခဏ စိတ်ဖိစီး၊ သောကရောက်ပြီး စိုးရိမ်ကြလိမ့်မည်။ ဤကိစ္စရပ်တွင် ၎င်းတို့သည် သမ္မာတရားကို လုံးဝ မရှာဖွေကြချေ၊ သို့မဟုတ် ၎င်းတို့ နားလည်သင့်သည့် သမ္မာတရားများကို မရှာဖွေကြချေ။ သို့ရာတွင် ဉာဏ်ထက်သောလူများမှာမူ အခြားတစ်စုံတစ်ဦး နာမကျန်ဖြစ်သွားသည့်အချိန်တွင်ဖြစ်စေ၊ ၎င်းတို့ကိုယ်တိုင် နာမကျန်းမဖြစ်သေးသည့်အချိန်တွင်ဖြစ်စေ ဤကိစ္စရပ်တွင် သိနားလည်မှုနှင့် ထိုးထွင်းအမြင်အချို့ ရှိကြလေသည်။ ထို့ကြောင့် မည်သည့် သိနားလည်မှုနှင့် ထိုးထွင်းအမြင်တို့ကို ၎င်းတို့ ရှိသင့်ကြသနည်း။ ဦးစွာပထမ တစ်စုံတစ်ဦးသည် စိတ်ဖိစီး၊ သောကရောက်ပြီး စိုးရိမ်နေရုံဖြင့် နာမကျန်းဖြစ်ခြင်းသည် သူ့ကို ကျော်သွားမည်လော။ (ကျော်မည်မဟုတ်ပါ။) ငါ့ကို ပြောလော့၊ တစ်စုံတစ်ဦးသည် နာမကျန်းဖြစ်ခြင်းတစ်ခုခုဖြင့် နာမကျန်းဖြစ်မည့်အချိန်၊ အသက်အရွယ်တစ်ခုခုတွင် ၎င်းတို့၏ ကျန်းမာရေးက မည်ကဲ့သို့ ဖြစ်မည်ဆိုသည်နှင့် အကြီးစား၊ သို့မဟုတ် ဆိုးရွားသည့် နာမကျန်းဖြစ်ခြင်းတစ်ခုခုကို ၎င်းတို့ ကူးစက်ရရှိမည်လောဆိုသည်တို့သည် ကံစီမံပြီးသား ဖြစ်သည် မဟုတ်လော။ ဖြစ်ပေ၏၊ ပြီးလျှင် ယင်းမှာ သေချာပေသည်၊ သင့်ကို ငါ ပြောမည်။ ယခုတွင် ဘုရားသခင်က သင့်အတွက် အမှုအရာများကို ကြိုတင်စီမံပုံအား ငါတို့ ဆွေးနွေးမည်မဟုတ်။ လူတို့၏ သွင်ပြင်များ၊ မျက်နှာပေါက်များ၊ ခန္ဓာကိုယ်အချိုးအစားနှင့် ၎င်းတို့၏ မွေးရက်များကို အားလုံး ရှင်းလင်းစွာ သိရှိထားပေသည်။ ယုံကြည်ခြင်းမရှိသည့် နတ်ကတော်များ၊ ဗေဒင်ဆရာများ၊ နက္ခတ်ဗေဒပညာရှင်များနှင့် လူတို့၏ လက္ခဏာများကို အတိတ်နိမိတ်ကောက်နိုင်သည့်သူများသည် လူတို့၏ လက္ခဏာများ၊ မျက်နှာများနှင့် မွေးရက်များမှ မည်သည့်အချိန်တွင် ၎င်းတို့ ကပ်ဘေးတစ်ခု ရှိမည်ဆိုသည်နှင့် မည်သည့်အချိန်တွင် ကံအကြောင်းမလှခြင်းတစ်ခုခု ကြုံရမည်ဆိုသည်တို့ကို ပြောနိုင်ကြသည်။ ဤအရာအားလုံးကို သတ်မှတ်ထားနှင့်ပြီးဖြစ်သည်။ ထို့ကြောင့် တစ်စုံတစ်ဦး နာမကျန်းဖြစ်သည့်အခါ ယင်းကို မောပန်းနွမ်းနယ်မှု၊ ဒေါသခံစားမှုများက ဖြစ်စေသည့်အလား၊ သို့မဟုတ် ၎င်းတို့ ဆင်းရဲနုံချာစွာ အသက်ရှင်နေထိုင်ပြီး အာဟာရချို့တဲ့ကြသောကြောင့်ဖြစ်သည့်အလား ထင်ရနိုင်သည်။ အပေါ်ယံတွင် ဤသို့ ထင်ကောင်းထင်ရနိုင်သည်။ ဤအခြေအနေသည် လူတိုင်းနှင့် သက်ဆိုင်သောကြောင့် သက်တူရွယ်တူ အုပ်စုထဲရှိ လူအချို့သည် အဘယ်ကြောင့် ဤရောဂါရသော်လည်း အခြားသူများက မရကြသနည်း။ ဤကဲ့သို့ဖြစ်ရန် ကံစီမံထားခြင်း ဖြစ်သလော။ (ဟုတ်ပါသည်။) သာမန်လူ၏ ဝေါဟာရအရဆိုလျှင် ကံစီမံထားခြင်း ဖြစ်သည်။ ထိုအရာကို သမ္မာတရားနှင့် ကိုက်ညီသည့် စကားများဖြင့် ငါတို့ မည်သို့ ဆိုကြသနည်း။ ဤအရာအားလုံးသည် ဘုရားသခင်၏ အချုပ်အခြာအာဏာနှင့် အစီအစဉ်များအောက်တွင် ဖြစ်လာခြင်း ဖြစ်သည်။ ထို့ကြောင့် သင်၏ အစားအသောက်၊ နေရာထိုင်ခင်းနှင့် အသက်ရှင်နေထိုင်မှု ပတ်ဝန်းကျင်တို့က မည်သည့်အရာဖြစ်စေ၊ ထိုအရာများသည် သင် နာမကျန်းဖြစ်မည့်အချိန်၊ သို့မဟုတ် မည်သည့် နာမကျန်းဖြစ်ခြင်းက သင့်ကို ဖိစီးနှိပ်စက်မည်ဆိုသည်တို့နှင့် မည်သည့် ပတ်သက်မှုမျှ မရှိပေ။ ဘုရားသခင်ကို မယုံကြည်သည့် လူများသည် ဓမ္မဓိဋ္ဌာန်ကျသော ရှုထောင့်တစ်ခုမှ အကြောင်းရင်းများကို အမြဲရှာဖွေကြပြီး “သင်လေ့ကျင့်ခန်းပိုလုပ်ပြီး ဟင်းသီးဟင်းရွက် ပိုစားကာ အသား လျော့စားရမည်”ဟု ဆိုလျက် နာမကျန်းဖြစ်ခြင်း၏ အကြောင်းတရားများကို အမြဲအလေးထားကြသည်။ အမှန်တကယ် ထိုသို့ ဖြစ်သလော။ မည်သည့်အသားမျှ လုံးဝ မစားသည့်လူများသည်လည်း သွေးတိုးနှင့် ဆီးချိုတို့ကို အလားတူ ရနေနိုင်ဆဲဖြစ်ပြီး သက်သတ်လွတ်သမားများသည် မြင့်မားသည့် ကိုလက်စထရောဓာတ် ရှိနိုင်ဆဲ ဖြစ်သည်။ ဆေးပညာသည် ဤအရာများအတွက် မှန်ကန်တိကျသော၊ သို့မဟုတ် ယုတ္တိတန်သော ရှင်းလင်းချက် မပေးထားပေ။ သင့်ကို ငါ ပြောမည်၊ လူအတွက် ဘုရားသခင် ဖန်ဆင်းပြီးသည့် မတူကွဲပြားသော အစားအစာအားလုံးသည် လူက စားရမည့် အစားအစာများ ဖြစ်သည်။ အလွန်အကျွံ စားမည့်အစား ချင့်ချင့်ချိန်ချိန်သာ စားလော့။ သင်၏ ကျန်းမာရေးကို မည်သို့ ဂရုစိုက်ရမည်ဆိုသည်ကို သင်ယူရန် လိုအပ်သော်လည်း နာမကျန်းဖြစ်ခြင်းအား မည်သို့ ကာကွယ်တားဆီးရမည်ဆိုသည်ကို အမြဲ လေ့လာလိုခြင်းသည် မှားယွင်း၏။ ငါတို့ ယခုတင် ပြောသည့်အတိုင်းပင် တစ်စုံတစ်ဦး၏ ကျန်းမာရေးသည် အသက်အရွယ်တစ်ခုခုတွင် မည်ကဲ့သို့ ဖြစ်လိမ့်မည်ဆိုသည်နှင့် အကြီးစား နာမကျန်းဖြစ်ခြင်းတစ်ခု ၎င်းတို့ ကူးစက်ရရှိမည် မရရှိမည်ဆိုသည်တို့ကို ဘုရားသခင်က အားလုံး စီစဉ်ထားပေသည်။ မယုံကြည်သူများသည် ဘုရားသခင်ကို မယုံကြည်ကြသကဲ့သို့ လက်ဖဝါးများ၊ မွေးရက်များနှင့် မျက်နှာများဖြင့် ဤအရာများကို ကြည့်ပေးရန် တစ်စုံတစ်ဦးကို သွားရှာကြပြီး ဤအရာများကို ၎င်းတို့ ယုံကြည်ကြလေသည်။ သင်သည် ဘုရားသခင်ကို ယုံကြည်ပြီး တရားဒေသနာများနှင့် သမ္မာတရားအပေါ် မိတ်သဟာယများကို မကြာခဏ နားထောင်သောကြောင့် ဤအရာကို သင်မယုံကြည်ပါက သင်သည် ယုံကြည်ခြင်းမရှိသူတစ်ဦးသာ ဖြစ်သည်။ အရာရာက ဘုရားသခင်၏ လက်ထဲတွင်ရှိသည်ကို သင် အမှန်တကယ် ယုံကြည်ပါက ဤအရာများကို သင် ယုံကြည်သင့်သည်။ ဆိုးရွားသည့် နာမကျန်းဖြစ်ခြင်း၊ အကြီးစား နာမကျန်းဖြစ်ခြင်း၊ အသေးစား နာမကျန်းဖြစ်ခြင်းနှင့် ကျန်းမာရေးတို့ အားလုံးသည် ဘုရားသခင်၏ အချုပ်အခြာအာဏာနှင့် အစီအစဉ်များအောက်တွင် ကျရောက်ပေသည်။ ဆိုးရွားသည့် နာမကျန်းဖြစ်ခြင်းတစ်ခု ဖြစ်ပေါ်ခြင်းနှင့် အသက်အရွယ်တစ်ခုခုတွင် တစ်စုံတစ်ဦး၏ ကျန်းမာရေး မည်ကဲ့သို့ဖြစ်မည်ဆိုသည်တို့မှာ မတော်တဆဖြစ်သည့်အရာများ မဟုတ်သကဲ့သို့ ဤအရာကို နားလည်ရန်မှာ အပြုသဘောဆောင်ပြီး တိကျမှန်ကန်သည့် သိနားလည်မှု ရှိရန် ဖြစ်သည်။ ဤသည်မှာ သမ္မာတရားနှင့် ကိုက်ညီပါသလော။ (ကိုက်ညီပါသည်။) သမ္မာတရားနှင့် ကိုက်ညီသည်၊ သမ္မာတရားဖြစ်သည်၊ ဤအရာကို သင် လက်ခံသင့်ပြီး ဤကိစ္စရပ်အပေါ် သင်၏ သဘောထားနှင့် အမြင်များ ပြောင်းလဲသင့်ပေသည်။ ပြီးလျှင် ဤအရာများ ပြောင်းလဲသွားသည်နှင့် မည်သည့်အရာ ပြေလည်သွားပါသနည်း။ သင်၏ စိတ်ဖိစီးခြင်း၊ ပူပန်သောကနှင့် စိုးရိမ်မှု ခံစားချက်များ ပြေလည်သွားသည် မဟုတ်လော။ အနည်းဆုံးအနေဖြင့် နာမကျန်းဖြစ်ခြင်းနှင့်ပတ်သက်သည့် စိတ်ဖိစီးခြင်း၊ ပူပန်သောကနှင့် စိုးရိမ်မှုတည်းဟူသော သင်၏ အပျက်သဘောဆောင်သည့် စိတ်ခံစားမှုများသည် သဘောတရားအရ ပြေလည်သွားပေသည်။ သင်၏ သိနားလည်မှုသည် သင်၏ အတွေးများနှင့် အမြင်များကို ပြောင်းလဲစေပြီးဖြစ်သောကြောင့် သင်၏ အပျက်သဘောဆောင်သည့် စိတ်ခံစားမှုများကို ဖြေရှင်းပေးသည်။ ဤသည်မှာ သွင်ပြင်လက္ခဏာတစ်ခု ဖြစ်သည်။ တစ်စုံတစ်ဦး နာမကျန်းဖြစ်မည် မဖြစ်မည်၊ မည်သည့် ဆိုးရွားသော နာမကျန်းဖြစ်ခြင်းကို သူ ရရှိမည်ဆိုသည်နှင့် ဘဝ၏ အဆင့်တစ်ခုစီတွင် ၎င်း၏ ကျန်းမာရေးက မည်ကဲ့သို့ ဖြစ်မည်ဆိုသည်တို့ကို လူ၏ အလိုဆန္ဒအားဖြင့် ပြောင်းလဲ၍မရနိုင်ဘဲ ထိုထက် အားလုံးကို ဘုရားသခင်က ကြိုတင်စီမံထားခြင်း ဖြစ်သည်။ လူအချို့က “သို့ဆိုလျှင် ကျွန်ုပ် နာမကျန်းမဖြစ်လိုလျှင် အဆင်ပြေပါသလား။ ကျွန်ုပ်ထံမှ နာမကျန်းဖြစ်ခြင်းကို ယူဆောင်သွားရန် ဘုရားသခင်ကို ကျွန်ုပ် တောင်းလျှောက်လိုလျှင် အဆင်ပြပါသလား။ ဤဘေးဒုက္ခနှင့် ကံအကြောင်းမလှခြင်းမှ လွတ်ကင်းအောင် ကျွန်ုပ်ကို ဦးဆောင်လမ်းပြပေးဖို့ ဘုရားသခင်ကို ကျွန်ုပ် တောင်းလျှောက်လိုလျှင် အဆင်ပြေပါသလား”ဟု ဆိုကြသည်။ သင်တို့ မည်သို့ တွေးထင်ကြသနည်း။ ဤအရာများ အဆင်ပြေပါသလော။ (အဆင်မပြေပါ။) သင်သည် ဤအရာကို ထိုမျှသေချာမှုဖြင့် ပြောဆိုသော်လည်း ဤအရာများကို မည်သူမျှ ရှင်းလင်းစွာ နားမလည်နိုင်ပေ။ တစ်စုံတစ်ဦးသည် မိမိ၏ တာဝန်ကို သစ္စာရှိစွာ ထမ်းဆောင်ပြီး သမ္မာတရားကို လိုက်စားရန် စိတ်ပိုင်းဖြတ်ချက် ရှိကောင်းရှိကာ ဘုရားအိမ်တော်ရှိ အချို့သောအလုပ်အတွက် ၎င်းသည် အလွန် အရေးပါကောင်းပါနိုင်သည်။ ပြီးလျှင် ဘုရားသခင်သည် သူ၏ အမှုတော်အတွက် တာဝန်ယူလိမ့်မည်ဖြစ်သဖြင့် ၎င်း၏ တာဝန်၊ ၎င်း၏ အလုပ်နှင့် ၎င်း၏ ရုပ်ပိုင်းဆိုင်ရာ အားအင်နှင့် ခွန်အားတို့ကို ထိခိုက်သည့် ဤဆိုးရွားသော နာမကျန်းဖြစ်ခြင်းကို ၎င်းတို့ထံမှ ယူဆောင်ကောင်း ယူဆောင်သွားနိုင်သည်။ သို့ရာတွင် ဤကဲ့သို့သော လူတစ်ဦး ရှိပါ၏လော။ ဤသို့ မည်သူဖြစ်လေသနည်း။ သင် မသိပေ၊ ဟုတ်သလော။ ဤကဲ့သို့သော လူများ ရှိကောင်းရှိနိုင်သည်။ ဤကဲ့သို့သော လူများ အမှန်တကယ် ရှိမည်ဆိုပါက ဘုရားသခင်သည် ၎င်းတို့၏ နာမကျန်းဖြစ်ခြင်း၊ သို့မဟုတ် ကံအကြောင်း မလှသည့်ဖြစ်ရပ်ကို စကားတစ်ခွန်းမျှဖြင့် ယူဆောင်သွားနိုင်မည် မဟုတ်လော။ အတွေးတစ်ချက်မျှဖြင့် ထိုအရာကို ဘုရားသခင် လုပ်ဆောင်နိုင်မည် မဟုတ်လော။ ဘုရားသခင်၏ အတွေးမှာ “ဤလူသည် ဤအသက်အရွယ်တွင် တစ်လလ၌ နာမကျန်းဖြစ်ခြင်းတစ်ခု ကြုံရလိမ့်မည်။ ယခုတွင် ၎င်းသည် မိမိ၏ အလုပ်နှင့် အလုပ်များနေသောကြောင့် ဤနာမကျန်းဖြစ်ခြင်းကို ရမည်မဟုတ်။ ဤနာမကျန်းဖြစ်ခြင်းကို ၎င်းတွေ့ကြုံရန် မလိုအပ်ပါ။ ထိုအရာက ၎င်းကို ကျော်လွန်ပါလေ့စေ”ဟူ၍ ဖြစ်သည်။ ဤအရာ အဘယ်ကြောင့် မဖြစ်သင့်သည်ဆိုသည့် အကြောင်းရင်း မရှိသကဲ့သို့ ဘုရားသခင်ထံမှ စကားတစ်ခွန်းသာ လိုပေမည်၊ မှန်သလော။ သို့ရာတွင် ထိုသို့သော ကောင်းချီးတစ်ခုကို အဘယ်သူ ရရှိနိုင်မည်နည်း။ ထိုသို့သော စိတ်ပိုင်းဖြတ်ခြင်းနှင့် သစ္စာစောင့်သိခြင်းကို အမှန်တကယ် ပိုင်ဆိုင်ပြီး ဘုရားသခင်၏ အမှုတော်တွင် ဤလုပ်ငန်းဆောင်တာကို အမှန်တကယ် အစေခံနိုင်သူ မည်သူမဆို ထိုသူအတွက် ထိုသို့သော ကောင်းချီးမင်္ဂလာတစ်ခုကို ရရှိရန် ဖြစ်နိုင်ပေသည်။ ဤသည်မှာ ငါတို့ ဆွေးနွေးရန် လိုအပ်သည့် အကြောင်းအရာ မဟုတ်သောကြောင့် ယခု ထိုအကြောင်းကို ငါတို့ ပြောဆိုဆွေးနွေးမည် မဟုတ်။ နာမကျန်းဖြစ်ခြင်းအကြောင်းကို ငါတို့ ပြောဆိုဆွေးနွေးနေခြင်း ဖြစ်သည်။ ဤသည်မှာ မိမိတို့၏ တစ်သက်တာအတွင်း လူအများစု တွေ့ကြုံရမည့် တစ်စုံတစ်ရာဖြစ်သည်။ ထို့ကြောင့် မည်သည့် အချိန်၊ သို့မဟုတ် မည်သည့် အသက်အရွယ်တွင် လူတို့၏ ခန္ဓာကိုယ်များကို ဖိစီးမည့် နာမကျန်းဖြစ်ခြင်း အမျိုးအစားနှင့် ၎င်းတို့၏ ကျန်းမာရေးက မည်ကဲ့သို့ဖြစ်မည်ဆိုသည်တို့မှာ ဘုရားသခင် စီစဉ်ထားသည့် အရာအားလုံးဖြစ်ပြီး လူတို့သည် မိမိတို့ကိုယ်တိုင်အတွက် ဤအရာများကို ဆုံးဖြတ်၍မရနိုင်ပေ။ လူတစ်ဦး မွေးဖွားလာသည့်အချိန်ကဲ့သို့ပင်ဖြစ်သည်၊ ၎င်းသည် မိမိကိုယ်တိုင်အတွက် မဆုံးဖြတ်နိုင်ပေ။ ထို့ကြောင့် သင့်ကိုယ်သင်အတွက် ဆုံးဖြတ်၍မရနိုင်သည့် အရာများနှင့်ပတ်သက်၍ စိတ်ဖိစီး၊ သောကရောက်ပြီး စိုးရိမ်ခြင်းသည် မိုက်မဲသည် မဟုတ်လော။ (မိုက်မဲပါသည်။) လူတို့သည် မိမိတို့ဘာသာ ဖြေရှင်းနိုင်သည့် အရာများကို ဖြေရှင်းခြင်းအား အစပြုသင့်ပြီး မိမိတို့ဘာသာ မလုပ်ဆောင်နိုင်သည့် အရာများအတွက်မူ ဘုရားသခင်ကို စောင့်ဆိုင်းသင့်၏။ လူတို့သည် ဘုရားသခင်ကို တိတ်ဆိတ်စွာ နာခံပြီး ၎င်းတို့ကို ကွယ်ကာရန် တောင်းလျှောက်သင့်သည်။ ဤသည်မှာ လူတို့ရှိသင့်သည့် တွေးခေါ်မှု အလေ့အထဖြစ်သည်။ နာမကျန်းဖြစ်ခြင်းက အမှန်တကယ် ထိုးနှက်ပြီး သေခြင်းက အမှန်တကယ် နီးကပ်လာသည့်အခါတွင် လူတို့သည် ကျိုးနွံနာခံသင့်ပြီး ဘုရားသခင်ကို စောဒကမတက်သင့်၊ သို့မဟုတ် မပုန်ကန်သင့်၊ သို့မဟုတ် ဘုရားသခင်ကို ပြစ်မှားစော်ကားသည့်အရာများ၊ သို့မဟုတ် သူ့ကို တိုက်ခိုက်သည့်အရာများအား မပြောဆိုသင့်ပေ။ ထိုအစား လူတို့သည် အဖန်ဆင်းခံများအဖြစ် ရပ်တည်ပြီး ဘုရားသခင်ထံမှ လာသည့်အရာအားလုံးကို တွေ့ကြုံကာ အသိအမှတ်ပြုသင့်သည်။ ၎င်းတို့သည် အမှုအရာများကို ၎င်းတို့ကိုယ်တိုင်အတွက် ရွေးချယ်ရန် မကြိုးစားသင့်ပေ။ ဤသည်မှာ သင်၏ ဘဝကို တန်ဖိုးတက်စေသည့် အထူးအတွေ့အကြုံတစ်ခု ဖြစ်သင့်ပြီး ထိုအရာမှာ သေချာပေါက် မကောင်းသည့် အရာတစ်ခု မဟုတ်၊ မှန်သလော။ ထို့ကြောင့် နာမကျန်းဖြစ်ခြင်းနှင့် ပတ်သက်လာသည့်အခါ လူတို့သည် ပထမဦးစွာ နာမကျန်းဖြစ်ရခြင်း ဇာစ်မြစ်နှင့် ပတ်သက်၍ ၎င်းတို့၏ မှားယွင်းသော အတွေးများနှင့် အမြင်များကို ဖြေရှင်းသင့်ပြီး ထို့နောက်တွင် ဤအရာနှင့်ပတ်သက်၍ ၎င်းတို့ စိုးရိမ်ကြလိမ့်မည် မဟုတ်တော့ပေ။ ထို့အပြင် လူတို့သည် သိသည့်အရာ၊ သို့မဟုတ် မသိသည့်အရာများကို ထိန်းချုပ်ပိုင်ခွင့်မရှိကြသကဲ့သို့ ဤအရာများအားလုံးသည် ဘုရားသခင်၏ အချုပ်အခြာအာဏာအောက်တွင် ရှိကြသည်နှင့်အမျှ ထိုအရာများကို ၎င်းတို့ ထိန်းချုပ်နိုင်စွမ်းလည်း မရှိကြချေ။ လူတို့ ရှိသင့်သည့် သဘောထားနှင့် လက်တွေ့လုပ်ဆောင်မှု စည်းမျဉ်းများမှာ စောင့်ဆိုင်းပြီး ကျိုးနွံနာခံရန် ဖြစ်သည်။ လက်တွေ့လုပ်ဆောင်ရန် သိနားလည်ခြင်းမှ အားလုံးကို သမ္မာတရား စည်းမျဉ်းများနှင့်အညီ လုပ်ဆောင်သင့်သည်။ ဤသည်မှာ သမ္မာတရား လိုက်စားရန် ဖြစ်၏။

လူအချို့သည် “ကျွန်ုပ်၏ မကျန်းမာခြင်းက ပိုဆိုးသွားလျှင် ကျွန်ုပ် ကြံ့ကြံ့ခံနိုင်လိမ့်မည်လော။ ကျွန်ုပ်၏ ကျန်းမာရေးအခြေအနေ ဆိုးရွားလျှင် ကျွန်ုပ်အသက်ကို နုတ်ယူသွားမည်လော။ ခွဲစိတ်ကုသမှုတစ်ခု ခံယူရန် ကျွန်ုပ် လိုအပ်လိမ့်မည်လော။ ကျွန်ုပ် ခွဲစိတ်ကုသမှုခံယူလျှင် ခွဲစိတ်စားပွဲပေါ်တွင် ကျွန်ုပ် သေဆုံးသွားလိမ့်မည်လော။ ကျွန်ုပ် ကျိုးနွံနာခံပြီးဖြစ်သည်။ ဤနာမကျန်းမှုကြောင့် ကျွန်ုပ်၏ အသက်ကို ဘုရားသခင် နုတ်ယူလိမ့်မည်လား”ဟု ဆိုလျက် မိမိတို့၏ နာမကျန်းဖြစ်ခြင်းအကြောင်းကို အမြဲ စိုးရိမ်နေကြလေသည်။ ဤအရာများကို စဉ်းစားရာတွင် အဘယ်အဓိပ္ပာယ်ရှိသနည်း။ ဤအရာများကို သင် မစဉ်းစားဘဲ မနေနိုင်ပါက ဘုရားသခင်ထံ ဆုတောင်းသင့်သည်။ မိမိကိုယ်ကို အားကိုးခြင်းသည် အကျိုးမရှိပေ။ ထိုအရာကို သင် မုချ ကြံ့ကြံ့ခံနိုင်လိမ့်မည် မဟုတ်။ မည်သူမျှ နာမကျန်းဖြစ်ခြင်းကို သည်းညည်းမခံချင်ကြသကဲ့သို့ နာမကျန်းဖြစ်သည့်အခါ မည်သူမျှ အပြုံးများဖြင့် ပြည့်နေခြင်း၊ အလွန့်အလွန် ဝမ်းသာကာ အောင်ပွဲခံခြင်း မရှိပေ။ ယင်းမှာ ပုံမှန် လူ့သဘာဝ မဟုတ်သောကြောင့် ဤသို့ဖြစ်သောသူ မည်သူမျှ မရှိပေ။ ပုံမှန်လူများ နာမကျန်းဖြစ်ကြသည့်အခါ ၎င်းတို့ အမြဲ ဝေဒနာခံစားကာ စိတ်မချမ်းမြေ့ဖြစ်ကြလိမ့်မည်ဖြစ်ပြီး ၎င်းတို့ သည်းညည်းခံနိုင်သည့် အကန့်အသတ်တစ်ခု ရှိကြလေသည်။ သို့ရာတွင် မှတ်သားရမည့်အရာတစ်ခု ရှိ၏။ လူတို့သည် နာမကျန်းဖြစ်သည့်အခါ မိမိတို့၏ နာမကျန်းဖြစ်ခြင်းကို မိမိတို့ဘာသာ ဖယ်ရှားပြီး လွတ်မြောက်ရန် မိမိတို့ကိုယ်ပိုင် စွမ်းရည်အပေါ် အားထားဖို့ အမြဲ တွေးပါက အဆုံးသတ်ရလဒ်သည် မည်သည့်အရာ ဖြစ်မည်နည်း။ ၎င်းတို့၏ နာမကျန်းဖြစ်ခြင်းအပြင် သာ၍ပင် ၎င်းတို့ ဝေဒနာခံစားပြီး စိတ်မချမ်းမြေ့ဖြစ်ကြမည် မဟုတ်လော။ ထို့ကြောင့် လူတို့သည် မိမိတို့ကိုယ်ကို နာမကျန်းဖြစ်ခြင်းဖြင့် ဝန်းရံခံရသည်ကို တွေ့ရလေ၊ သမ္မာတရားကို ၎င်းတို့ သာ၍ ရှာဖွေသင့်လေဖြစ်ပြီး ဘုရားသခင်၏ အလိုတော်နှင့်အတိုင်း လက်တွေ့လုပ်ဆောင်ရမည့် နည်းလမ်းကို ရှာဖွေသင့်လေ ဖြစ်သည်။ လူတို့သည် နာမကျန်းဖြစ်ခြင်းဖြင့် ဝန်းရံခံရလေ၊ ဘုရားသခင် ရှေ့မှောက်သို့ ၎င်းတို့ သာ၍ လာသင့်ပြီး မိမိတို့ကိုယ်ပိုင် ဖောက်ပြန်ပျက်စီးခြင်းနှင့် ဘုရားသခင်အပေါ် ၎င်းတို့ ပြုလုပ်သည့် မလျော်ကန်သော တောင်းဆိုချက်များကို ၎င်းတို့ သိရှိသင့်လေ ဖြစ်သည်။ သင်သည် နာမကျန်းဖြစ်ခြင်းဖြင့် ဝန်းရံခံရလေ၊ သင်၏ စစ်မှန်သော နာခံမှုသည် သာ၍ စစ်ဆေးခံရလေဖြစ်သည်။ ထို့ကြောင့် သင် နာမကျန်းဖြစ်သည့်အခါ ဘုရားသခင်၏ စီစဉ်ညွှန်ကြားမှုများကို သင်၏ ဆက်လက် ကျိုးနွံနာခံနိုင်စွမ်းနှင့် သင်၏ ကိုယ်ပိုင် ​မကျေနပ်ချက်များ၊ ယုတ္တိမတန်သည့် တောင်းဆိုချက်များကို စွန့်လွှတ်နိုင်စွမ်းက သင်သည် သမ္မာတရားကို အမှန်တကယ် လိုက်စားပြီး ဘုရားသခင်ကို အမှန်တကယ် နာခံသူတစ်ဦးဖြစ်ကြောင်း၊ သင်သည် သက်သေခံနေကြောင်း၊ ဘုရားသခင်ကို သင်၏ သစ္စာစောင့်သိခြင်းနှင့် နာခံခြင်းတို့သည် စစ်မှန်ပြီး စမ်းသပ်စစ်ဆေးမှုကို အောင်မြင်နိုင်ကြောင်းနှင့် ဘုရားသခင်ကို သင်၏ သစ္စာစောင့်သိခြင်းနှင့် နာခံခြင်းတို့သည် ဆောင်ပုဒ်များနှင့် အယူဝါဒမျှသာ မဟုတ်ကြောင်း ပြသပေသည်။ ဤသည်မှာ နာမကျန်းဖြစ်သည့်အခါ လူတို့ လက်တွေ့လုပ်ဆောင်သင့်သည့် အရာ ဖြစ်သည်။ သင် နာမကျန်းဖြစ်သည့်အခါ ထိုအရာမှာ သင်၏ ယုတ္တိမတန်သော တောင်းဆိုချက်များနှင့် ဘုရားသခင်အကြောင်း သင်၏ လက်တွေ့မကျသည့် စိတ်ကူးစိတ်သန်းများ၊ အယူအဆများကို ထုတ်ဖော်ပြသရန် ဖြစ်ပြီး ဘုရားသခင်၌ သင်၏ ယုံကြည်ခြင်းနှင့် သူ့အပေါ် သင်၏ နာခံမှုတို့ကိုလည်း စမ်းသပ်စစ်ဆေးရန် ဖြစ်သည်။ ဤအရာများနှင့်ပတ်သက်သည့် စမ်းသပ်စစ်ဆေးခြင်းကို သင် အောင်မြင်ပါက သင်သည် စစ်မှန်သည့် သက်သေခံချက်နှင့် ဘုရားသခင်၌ သင့်ယုံကြည်ခြင်း၊ ဘုရားသခင်ကို သင်၏ သစ္စာစောင့်သိခြင်းနှင့် သူ့ကို သင်၏ နာခံခြင်းတို့နှင့်ဆိုင်သော စစ်မှန်သော သက်သေအထောက်အထား ရှိပေသည်။ ဤသည်မှာ ဘုရားသခင် အလိုရှိသည့်အရာဖြစ်ပြီး အဖန်ဆင်းခံတစ်ဦး ပိုင်ဆိုင်ကာ အသက်ရှင်နေထိုင်သင့်သည့် အရာဖြစ်သည်။ ဤအရာများအားလုံးသည် အပြုသဘောဆောင်ကြသည် မဟုတ်လော။ (အပြုသဘောဆောင်ကြပါသည်။) ဤအရာများသည် လူတို့ လိုက်စားသင့်ကြသည့် အရာများအားလုံး ဖြစ်၏။ ထို့အပြင် ဘုရားသခင်သည် သင့်ကို နာမကျန်းဖြစ်ခွင့်ပေးပါက သင်၏ နာမကျန်းဖြစ်ခြင်းကိုလည်း သင့်ထံမှ အချိန်နှင့် နေရာမရွေး ယူဆောင်သွားနိုင်သည် မဟုတ်လော။ (ယူဆောင်သွားနိုင်ပါသည်။) ဘုရားသခင်သည် သင်၏ နာမကျန်းဖြစ်ခြင်းကို သင့်ထံမှ အချိန်နှင့် နေရာမရွေး ယူဆောင်သွားနိုင်သောကြောင့် သူသည် သင်၏ နာမကျန်းဖြစ်ခြင်းကို သင့်အထဲတွင် ဆက်ရှိစေပြီး သင့်ကို လုံးဝ မစွန့်ခွာဘဲရော ဖြစ်စေနိုင်သလော။ (ဖြစ်စေနိုင်ပါသည်။) ပြီးလျှင် ဤနာမကျန်းဖြစ်ခြင်းကိုပင် သင့်အား လုံးဝ မစွန့်ခွာရန် ဘုရားသခင် ဖြစ်စေပါက သင်၏ တာဝန်ကို သင်ထမ်းဆောင်နိုင်သေးသလော။ ဘုရားသခင်၌ သင်၏ ယုံကြည်ခြင်းကို သင် ဆက်လက်ထိန်းသိမ်းနိုင်သလော။ ဤသည်မှာ စမ်းသပ်စစ်ဆေးမှုတစ်ခု ဖြစ်သည် မဟုတ်လော။ (ဟုတ်ပါသည်။) သင်သည် နာမကျန်းဖြစ်ပြီးနောက် လအတော်ကြာပြီးနောက်တွင် နာလန်ထူလာပါက ဘုရားသခင်၌ သင်၏ ယုံကြည်ခြင်း၊ သူ့အပေါ် သင်၏ သစ္စာစောင့်သိခြင်းနှင့် နာခံခြင်းတို့သည် စမ်းသပ်စစ်ဆေးခြင်း မခံရသကဲ့သို့ သင့်ထံတွင် သက်သေခံချက် မရှိပေ။ နာမကျန်းဖြစ်ခြင်းကို လအနည်းငယ်ကြာ ကြံ့ကြံ့ခံရန်မှာ လွယ်ကူသော်လည်း သင်၏ နာမကျန်းဖြစ်ခြင်းက နှစ်နှစ်၊ သို့မဟုတ် သုံးနှစ်ကြာ ဆက်ရှိနေပြီး သင်၏ ယုံကြည်ခြင်းနှင့် ဘုရားသခင်ကို နာခံပြီး သစ္စာစောင့်သိရန် သင်၏ ဆန္ဒတို့သည် ပြောင်းလဲရမည့်အစား တိုး၍ စစ်မှန်လာပါက ဤသည်မှာ သင်သည် ဘဝတွင် ကြီးထွားပြီးဖြစ်ကြောင်း ပြသသည် မဟုတ်လာ။ ဤအကျိုးကို သင် ခံစားရသည် မဟုတ်လော။ (ခံစားရပါသည်။) ထို့ကြောင့် သမ္မာတရားကို အမှန်တကယ် လိုက်စားသူ တစ်စုံတစ်ဦး နာမကျန်းဖြစ်စဉ်တွင် မိမိ၏ နာမကျန်းဖြစ်ခြင်းက ဆောင်ကြဉ်းသည့် အကျိုးကျေးဇူး အမြောက်အမြားကို ကြုံရပြီး ကိုယ်တိုင်ကိုယ်ကျ တွေ့ကြုံခံစားရလေသည်။ ၎င်းသည် မိမိ၏ နာမကျန်းဖြစ်ခြင်းကို ရှောင်ရှားရန် စိုးရိမ်တကြီး မကြိုးစား၊ သို့မဟုတ် ၎င်း၏ နာမကျန်းဖြစ်ခြင်းက ရှည်ကြာနေပါက ရလဒ်က မည်သည့်အရာ ဖြစ်လိမ့်မည်၊ မည်သည့် ပြဿနာများ ဖြစ်စေလိမ့်မည်၊ ပိုဆိုးသွားလိမ့်မည်လော၊ သို့မဟုတ် ၎င်းသေဆုံးသွားလိမ့်မည်လားဆိုသည်တို့ကို မစိုးရိမ်ချေ။ ထိုသို့သော အရာများနှင့်ပတ်သက်၍ စိုးရိမ်မှုမရှိပေ။ ထိုသို့သော အရာများနှင့်ပတ်သက်၍ စိုးရိမ်းမှုမရှိခြင်းအပြင် ၎င်းသည် အပြုသဘောဆောင်စွာ ဝင်ရောက်နိုင်ပြီး ဘုရားသခင်၌ ယုံကြည်ခြင်း ရှိနိုင်သကဲ့သို့ အမှန်တကယ် နာခံကာ သစ္စာစောင့်သိနိုင်ကြလေသည်။ ဤသို့ လက်တွေ့လုပ်ဆောင်ခြင်းအားဖြင့် ၎င်းတွင် သက်သေခံချက် ရှိလာပြီး ဤအရာသည်လည်း ၎င်း၏ အသက်ဝင်ရောက်မှုနှင့် စိတ်သဘောထားဆိုင်ရာ ပြောင်းလဲမှုကို ကြီးမားစွာ အကျိုးပြုကာ ၎င်း၏ ကယ်တင်ခြင်းရရှိခြင်းအတွက် ခိုင်မာသည့် အခြေခံအုတ်မြစ်တစ်ခု တည်ဆောက်ပေးလေသည်။ ယင်းမှာ နှစ်သက်ဖွယ်ဖြစ်လိုက်လေခြင်းပါတကား။ ထို့အပြင် နာမကျန်းဖြစ်ခြင်းသည် ကြီးမားနိုင်သည်၊ သို့မဟုတ် သေးငယ်နိုင်သည်၊ သို့သော် ကြီးမားသည်ဖြစ်စေ၊ သေးငယ်သည်ဖြစ်စေ ထိုနာမကျန်းဖြစ်ခြင်းက လူတို့ကို အမြဲ ပြုပြင်ပေးသည်။ လူတို့သည် အချို့သော နာမကျန်းဖြစ်ခြင်းကို ကြုံရပြီးနောက် ဘုရားသခင်အပေါ် မိမိတို့၏ ယုံကြည်ခြင်းကို မဆုံးရှုံးကြ၊ ၎င်းတို့သည် နာခံတတ်ပြီး ညည်းညူခြင်း မရှိကြ၊ ၎င်းတို့၏ အပြုအမူသည် အခြေခံအားဖြင့် လက်ခံနိုင်ဖွယ်ဖြစ်ကာ ထို့နောက် နာမကျန်းဖြစ်ခြင်း မရှိတော့သည့်အခါ အကျိုးတရားအချို့ကို ၎င်းတို့ ခံစားရကြပြီး အလွန် ကျေနပ်အားရကြသည်။ ဤသည်မှာ သာမန် နာမကျန်းဖြစ်ခြင်းကို လူတို့ကြုံရသည့်အခါ ဖြစ်ပျက်သည့်အရာ ဖြစ်သည်။ ၎င်းတို့သည် အချိန်ကြာမြင့်စွာ နာမကျန်းမဖြစ်ကြသကဲ့သို့ သည်းညည်းခံနိုင်ကြပြီး နာမကျန်းဖြစ်ခြင်းသည် အခြေခံအားဖြင့် ၎င်းတို့ သည်းညည်းခံနိုင်သည့် အတိုင်းအတာအတွင်းတွင် ဖြစ်လေသည်။ သို့ရာတွင် အတန်ကြာ ကုသမှုခံယူပြီးနောက် ပိုသက်သာလာသော်လည်း တစ်ဖန် ပြန်ဖြစ်လာကာ ပိုဆိုးသွားတတ်သည့် နာမကျန်းဖြစ်ခြင်း အချို့ရှိ၏။ နာမကျန်းဖြစ်ခြင်းက နောက်ဆုံး ကုသ၍ မရနိုင်တော့သကဲ့သို့ ခေတ်သစ် ဆေးပညာ၌ အသုံးပြုနိုင်သည့် နည်းလမ်းအားလုံးက အရာမရောက်တော့သည့် အတိုင်းအတာတစ်ခုကို ရောက်ရှိသည်အထိတိုင် ဤအရာက အကြိမ်ကြိမ် ဖြစ်လေသည်။ မည်သည့် အတိုင်းအတာထိ နာမကျန်းဖြစ်ခြင်းက ရောက်ရှိသနည်း။ ဖိစီးခံရသည့် လူက နေရာမရွေး၊ အချိန်မရွေး သေဆုံးသွားနိုင်သည့် အတိုင်းအတာအထိ ရောက်ရှိပေသည်။ ဤအရာက မည်သည့်အရာကို ညွှန်ပြသနည်း။ ထိုလူ၏ အသက်သည် အကန့်အသတ်ရှိကြောင်း ညွှန်ပြပေသည်။ ထိုအရာမှာ ၎င်းတို့ နာမကျန်းမဖြစ်ကြသကဲ့သို့ သေခြင်းက အလှမ်းဝေးပြီး ထိုသေခြင်းကို သိမြင်ခံစားရသည့် အချိန် မဟုတ်ဘဲ ထိုထက် ထိုလူက မိမိ၏ သေမည့်နေ့ရက် နီးပြီဖြစ်ပြီး သေခြင်းကို ရင်ဆိုင်နေရပြီဖြစ်ကြောင်း ခံစားရပေသည်။ သေခြင်းကို ရင်ဆိုင်ရခြင်းသည် လူတစ်ဦး၏ဘဝတွင် အခက်ခဲဆုံး၊ အရေးအပါဆုံးသော အချိန် ရောက်ရှိခြင်း၏ ရှေ့ပြေးနိမိတ်ဖြစ်၏။ ထို့ကြောင့် မည်သည့်အရာကို သင် လုပ်ဆောင်သနည်း။ စိတ်ဖိစီး၊ သောကရောက်ပြီး စိုးရိမ်ကြသူတို့သည် မိမိတို့ ဘဝတွင် အခက်ခဲဆုံးသော အခိုက်အတန့် နောက်ဆုံးတွင် ရောက်ရှိသည်အထိ မိမိတို့၏ သေခြင်းနှင့်ပတ်သက်၍ စဉ်ဆက်မပြတ် ပူပန်သောကရောက်၊ စိတ်ဖိစီးပြီး စိုးရိမ်ကြလိမ့်မည်ဖြစ်ကာ ၎င်းတို့ ပူပန်သောကရောက်၊ စိတ်ဖိစီးပြီး စိုးရိမ်ကြသည့်အရာများက နောက်ဆုံးတွင် အဖြစ်မှန်တစ်ခု ဖြစ်လာလေသည်။ သေခြင်းကို ၎င်းတို့ ကြောက်လေ၊ သေခြင်းက သာ၍ နီးလာလေဖြစ်ကာ သေခြင်းကို မြန်မြန် ရင်ဆိုင်လိုစိတ် လျော့နည်းလေဖြစ်ပြီးသည့်တိုင် မမျှော်လင့်ဘဲ သေခြင်းက ၎င်းတို့အပေါ် အံ့အားသင့်စရာ တိုက်ခိုက်မှုတစ်ခု ပြုလေသည်။ မည်သည့်အရာကို ၎င်းတို့ လုပ်ဆောင်သင့်သနည်း။ သေခြင်းကို ရှောင်ရှားရန်၊ ငြင်းပယ်ရန်၊ ဆန့်ကျင်ရန်၊ ထိုသေခြင်းနှင့်ပတ်သက်၍ ညည်းညူရန် ၎င်းတို့ ကြိုးစားကြသလော၊ သို့မဟုတ် ဘုရားသခင်နှင့် အပေးအယူလုပ်ရန် ကြိုးစားကြသလော။ ဤနည်းစနစ်များထဲမှ မည်သည့်အရာက အလုပ်ဖြစ်လိမ့်မည်နည်း။ ထိုအရာတစ်ခုမျှ အလုပ်ဖြစ်လိမ့်မည် မဟုတ်သကဲ့သို့ ၎င်းတို့၏ စိတ်ဖိစီးခြင်းနှင့် ပူပန်သောကတို့သည် အချည်းနှီးဖြစ်၏။ မိမိတို့၏ သေခြင်း အခိုက်အတန့်ကို ရောက်ရှိသည့်အချိန်တွင် ဝမ်းနည်းဖွယ်အကောင်းဆုံးသော အရာမှာ မည်သည့်အရာ ဖြစ်သနည်း။ ၎င်းတို့သည် ဝက်သားနီချက် စားရသည်ကို နှစ်သက်လေ့ရှိကြသော်လည်း လွန်ခဲ့သည့် နှစ်အနည်းငယ်အတွင်းတွင် ထိုအရာကို သိပ်များစွာ မစားခဲ့ရသကဲ့သို့ အကြီးအကျယ် ဝေဒနာခံစားကြရပြီးဖြစ်ကာ မိမိတို့၏ ဘဝ အဆုံးသတ်သို့ ရောက်ရှိနေကြပြီဖြစ်သည်။ ၎င်းတို့သည် ဝက်သားနီချက်အကြောင်းကို စဉ်းစားပြီး တစ်ဖန် စားချင်ကြသော်လည်း ၎င်းတို့၏ ကျန်းမာရေးက ထိုအတွက် မသင့်တော်သကဲ့သို့ ၎င်းတို့ စား၍မရ၊ ထိုအရာမှာ အလွန်အဆီများလွန်းလေသည်။ ၎င်းတို့သည် မိမိတို့ကိုယ်ကို ဆွဲဆောင်မှုရှိစေပြီး ဝတ်စားဆင်ယင်ခြင်းကို နှစ်သက်လေ့ရှိကြသည်။ ယခုတွင် ၎င်းတို့ သေတော့မည်ဖြစ်ပြီး ၎င်းတို့သည် ဝတ်ကောင်းစားလှများဖြင့် ပြည့်နေသည့် မိမိတို့၏ အဝတ်ဗီရိုကို တစ်ထည်မျှ ထုတ်မဝတ်နိုင်ဘဲ ငေးစိုက်ကြည့်ရန်သာ တတ်နိုင်တော့သည်။ သေခြင်းတရားသည် ဝမ်းနည်းဖွယ် ကောင်းလိုက်လေခြင်း။ သေခြင်းသည် အရာအားလုံးထဲ၌ နာကျင်ဖွယ် အကောင်းဆုံးသောအရာဖြစ်ပြီး ထိုသေခြင်းကို ၎င်းတို့ စဉ်းစားသည့်အခါ မိမိတို့၏ နှလုံးသားကို ဓားတစ်စင်းက မွှေနေပြီး ၎င်းတို့၏ ကိုယ်ခန္ဓာ တစ်ခုလုံးတွင်ရှိသည့် အရိုးအားလုံး ကျောက်ကျောအဖြစ် ပြောင်းလဲသွားသကဲ့သို့ ၎င်းတို့ ခံစားရလေသည်။ သေခြင်းကို ၎င်းတို့ စဉ်းစားသည့်အခါ ဝမ်းနည်းကြေကွဲပြီး ငိုညဉ်းချင်ကြသည်၊ မျက်ရည်ကျချင်ကြသည်၊ ၎င်းတို့ အမှန်တကယ် ငိုညဉ်းကြသည်၊ အမှန်တကယ် မျက်ရည်ကျကြပြီး သေခြင်းအား ရင်ဆိုင်ရမည့်အကြောင်းကို စိတ်ထိခိုက်ခံစားကြသည်။ ၎င်းတို့က “ငါသည် အဘယ်ကြောင့် မသေချင်ရသနည်း။ သေခြင်းကို ငါ အဘယ်ကြောင့် အလွန် ကြောက်ရသနည်း။ ယခင်က ငါ ဆိုးရွားစွာ နာမကျန်း မဖြစ်ခဲ့ချိန်တွင် သေခြင်းက ကြောက်လန့်စရာဖြစ်သည်ဟု မတွေးမိခဲ့ပါ။ မည်သူသည် သေခြင်းကို ရင်မဆိုင်ရဘဲ ရှိမည်နည်း။ မည်သူ မသေဆုံးဘဲ ရှိသနည်း။ သို့ဆိုလျှင် ငါ့ကို သေခွင့်ပေးလော့။ ထိုအကြောင်းကို ယခု တွေးသည့်အခါ ယင်းမှာ ပြောဆိုရန် ထိုမျှ လွယ်ကူသည့်အရာတစ်ခု မဟုတ်သကဲ့သို့ သေခြင်း အမှန်တကယ် ရောက်လာသည့်အခါ ဖြေရှင်းရန် ထိုမျှလွယ်ကူသည့် အရာတစ်ခု မဟုတ်ပါ။ ငါ အဘယ်ကြောင့် အလွန် ဝမ်းနည်းရပါသနည်း”ဟု တွေးကြသည်။ သေခြင်းအကြောင်းကို သင် တွေးသည့်အခါ သင် ဝမ်းနည်းသလော။ သေခြင်းကို တွေးသည့်အခါတိုင်းတွင် သင်ဝမ်းနည်းပြီး နာကျင်ရကာ သင့်ကို ပူပန်သောကနှင့် စိုးရိမ်မှု အဖြစ်စေဆုံးသော ဤအရာသည် နောက်ဆုံးတွင် ရောက်ရှိလာလေသည်။ ထို့ကြောင့် ဤသို့ သင် စဉ်းစားလေ၊ သင်ကြောက်ရွံ့မှု ခံစားရလေ၊ ကူကယ်ရာမဲ့ ခံစားရလေဖြစ်ပြီး သင်ဝေဒနာခံစားရလေဖြစ်သည်။ သင်၏ စိတ်နှလုံးသည် နှစ်သိမ့်မှု မရှိသကဲ့သို့ သင် မသေလိုပေ။ သေခြင်းနှင့်ဆိုင်သည့် ဤကိစ္စရပ်ကို အဘယ်သူ ဖြေရှင်းနိုင်သနည်း။ မည်သူမျှ မဖြေရှင်းနိုင်သကဲ့သို့ သင်သည် ထိုအရာကို သင့်ဘာသာ မုချ မဖြေရှင်းနိုင်ပေ။ သင်မသေချင်ပေ၊ သို့ဆိုလျှင် မည်သည့်အရာကို သင်လုပ်ဆောင်နိုင်သနည်း။ သင် သေကိုသေရဦးမည်ဖြစ်ပြီး သေခြင်းကို မည်သူမျှ လွှဲရှောင်မရနိုင်ပေ။ သေခြင်းသည် လူတို့အား ဘောင်ခတ်ပိတ်ဆို့သည်။ ၎င်းတို့၏ စိတ်နှလုံးများတွင် ၎င်းတို့ မသေချင်ကြသော်လည်း ၎င်းတို့ တစ်ချိန်လုံး တွေးသမျှမှာ သေခြင်းဖြစ်ပြီး ဤသည်မှာ ၎င်းတို့ မသေဆုံးမီတွင်ပင် သေအံ့ဆဲဆဲဖြစ်ရသည့် အကြောင်းကိစ္စတစ်ခု ဖြစ်သည် မဟုတ်လော။ ၎င်းတို့ အမှန်တကယ် သေဆုံးသွားနိုင်သလော။ မည်သည့်အချိန်တွင် ၎င်းတို့ သေမည်၊ သို့မဟုတ် မည်သည့် နှစ်ကာလတွင် ၎င်းတို့ သေမည်ဆိုသည်ကို မည်သူ ကျိန်းသေပြောဝံ့သနည်း။ ဤအရာများကို မည်သူ သိရှိနိုင်သနည်း။ လူအချို့က “ကျွန်ုပ်သည် ကျွန်ုပ်၏ ကံအတွက် ဗေဒင်မေးထားပြီးဖြစ်ကာ ကျွန်ုပ် သေမည့် နှစ်၊ လ၊ ရက်နှင့် ကျွန်ုပ် မည်သို့မည်ပုံသေမည်ဆိုသည်တို့ကို သိပါသည်”ဟု ပြောကြသည်။ သင်သည် ဤအရာကို ကျိန်းသေ ပြောဝံ့ပါသလော။ (မပြောဝံ့ပါ။) ဤအရာကို သင် ကျိန်းသေ မသိနိုင်ပေ။ မည်သည့်အချိန်တွင် သင်သေမည်ကို သင် မသိ၊ ဤသည်မှာ သာမညဖြစ်သည်။ အလွန်အရေးပါသည့် ကိစ္စရပ်မှာ သင်၏ နာမကျန်းဖြစ်ခြင်းက သင့်ကို သေခြင်းနှင့် အမှန်တကယ် နီးကပ်စေသည့်အခါတွင် မည်သည့် သဘောထားကို သင် ခံယူသည်ဆိုသည့်အရာ ဖြစ်သည်။ ဤသည်မှာ သင် တွေးဆပြီး စဉ်းစားသင့်သည့် မေးခွန်းတစ်ခု ဖြစ်သည်။ သင်သည် သေခြင်းကို ကျိုးနွံနာခံခြင်း သဘောထားဖြင့် ရင်ဆိုင်လိမ့်မည်လော၊ သို့မဟုတ် အတိုက်အခံလုပ်ခြင်း၊ ငြင်းပယ်ခြင်း၊ သို့မဟုတ် မလိုလားခြင်း သဘောထားဖြင့် သေခြင်းကို သင် ချဉ်းကပ်လိမ့်မည်လော။ မည်သည့် သဘောထား သင် ရှိသင့်သနည်း။ (ကျိုးနွံနာခံခြင်း သဘောထားတစ်ခု ဖြစ်ပါသည်။) ဤကျိုးနွံနာခံခြင်းသည် ပြောရုံမျှဖြင့် စွမ်းဆောင်၍ မရရှိနိုင်သကဲ့သို့ လက်တွေ့လုပ်ဆောင်နိုင်သည့်အရာ မဟုတ်ပေ။ ဤကျိုးနွံနာခံခြင်းကို သင် မည်သို့ စွမ်းဆောင်ရရှိနိုင်သနည်း။ လိုလားလျက်ရှိသည့် ကျိုးနွံနာခံခြင်းကို စွမ်းဆောင်မရရှိနိုင်မီတွင် မည်သည့် သိနားလည်မှု ရှိရန် သင် လိုအပ်ပါသနည်း။ ဤသည်မှာ မရိုးရှင်ပေ၊ ဟုတ်ပါသလော။ (မရိုးရှင်းပါ။) သို့ဆိုလျှင် သင်တို့ စိတ်နှလုံးများထဲတွင် ရှိသည့်အရာကို ပြောကြလော့။ (ကျွန်ုပ် ဆိုးရွားစွာ နာမကျန်းဖြစ်လျှင် ကျွန်ုပ် အမှန်တကယ် သေဆုံးလျှင်ပင် ထိုအရာမှာ ဘုရားသခင်၏ အချုပ်အခြာအာဏာအောက်တွင်သာ ရှိမည်ဖြစ်ပြီး သူစီစဉ်ထားခြင်း ဖြစ်မည်ဟု ကျွန်ုပ် တွေးပါမည်။ လူသည် အလွန် နက်ရှိုင်းစွာ ဖောက်ပြန်ပျက်စီးသည်မှာ ကျွန်ုပ် သေဆုံးရမည်ဆိုလျှင် ထိုအရာမှာ ဘုရားသခင်၏ ဖြောင့်မတ်ခြင်းအားဖြင့် ဖြစ်ပေမည်။ ကျွန်ုပ် လုံးဝ အသက်ရှင်ရမည်ဟူ၍ မဟုတ်ပါ။ လူသည် ဘုရားသခင်အပေါ် ထိုသို့တောင်းဆိုမှုတစ်ခု ပြုလုပ်ရန် အရည်အချင်း မပြည့်မီပါ။ ဤအရာအပြင် ယခု ဘုရားသခင်ကို ကျွန်ုပ် ယုံကြည်သဖြင့် မည်သည့်အရာ ဖြစ်ပျက်သည်ဖြစ်စေ ဘဝတွင် မှန်ကန်သည့် လမ်းကြောင်းကို ကျွန်ုပ် မြင်ပြီးဖြစ်ကာ အလွန်များသည့် သမ္မာတရားများကို နားလည်ပြီးဖြစ်သည်မှာ မကြာခင် ကျွန်ုပ် သေရမည်ဆိုလျှင်ပင် အားလုံး ထိုက်တန်မည်ဟု ကျွန်ုပ် တွေးမိပါသည်။) ဤသည်မှာ စဉ်းစားရန် မှန်ကန်သည့် နည်းလမ်း ဖြစ်သလော။ ဤအရာသည် အထောက်အပံ့ပေးသည့် သဘောတရားတစ်ခုခုကို ဖြစ်စေသလော။ (ဖြစ်စေပါသည်။) အခြားမည်သူ ပြောမည်နည်း။ (ဘုရားသခင်၊ နာမကျန်းဖြစ်ခြင်းတစ်ခုကို တစ်နေ့ ကျွန်ုပ် အမှန်တကယ် ကြုံရပြီး သေကောင်းသေနိုင်သည်ဆိုလျှင် သေခြင်းကို မည်သို့ဖြစ်စေ ရှောင်ရှားရန် နည်းလမ်းမရှိပါ။ ဤသည်မှာ ဘုရားသခင်၏ ကြိုတင်စီမံထားခြင်းနှင့် အချုပ်အခြာအာဏာဖြစ်ပြီး ကျွန်ုပ် မည်မျှ စိုးရိမ်သောကရောက်သည်ဖြစ်စေ၊ စိုးရိမ်သည်ဖြစ်စေ အကျိုးမရှိပါ။ ကျွန်ုပ်တွင် ကျန်ရှိသည့် အချိန်အနည်းငယ်ကို ကျွန်ုပ်၏ တာဝန်အား မည်သို့ ကောင်းစွာ ထမ်းဆောင်နိုင်သည်ဆိုသည်ကို အာရုံစိုက်ရင်း ကုန်ဆုံးသင့်ပါသည်။ ကျွန်ုပ် အမှန်တကယ် သေဆုံးလျှင်ပင် နောင်တများ ရှိလိမ့်မည် မဟုတ်ပါ။ တကယ့် အဆုံးသတ်တွင် ဘုရားသခင်နှင့် ဘုရားသခင်၏ အစီအစဉ်များကို ကျိုးနွံနာခံနိုင်ခြင်းသည် ကြောက်ရွံ့ခြင်း၊ ထိတ်လန့်ခြင်းတို့ဖြင့် အသက်ရှင်ခြင်းထက် များစွာ ပိုကောင်းပါသည်။) ဤသိနားလည်မှုအပေါ် သင်တို့ မည်သည့်အရာ စဉ်းစားမိပါသနည်း။ ဤသည်မှာ အနည်းငယ် သာ၍ ကောင်းပါသလော။ (ကောင်းပါသည်။) မှန်ပေ၏၊ ဤသည်မှာ သေခြင်းနှင့်ဆိုင်သည့် ကိစ္စရပ်ကို သင် မှတ်ယူသင့်သည့်ပုံဖြစ်သည်။ လူတိုင်း ဤဘဝတွင် သေခြင်းကို ရင်ဆိုင်ရမည်၊ ဆိုလိုသည်မှာ သေခြင်းသည် မိမိတို့၏ ခရီးအဆုံး၌ လူတိုင်း ရင်ဆိုင်ရမည့်အရာ ဖြစ်သည်။ သို့ရာတွင် သေခြင်းနှင့်ဆိုင်သည့် မတူကွဲပြားသော အင်္ဂါရပ်များစွာ ရှိ၏။ ဤအရာများထဲမှ တစ်ခုမှာ ဘုရားသခင် ကြိုတင်စီမံထားသည့် အချိန်တွင် သင်သည် သင်၏ တာဝန်ကို ပြီးစီးပြီးဖြစ်ကာ ဘုရားသခင်သည် သင်၏ ဇာတိခန္ဓာ အသက်ကို နိဂုံးချုပ်လိုက်ပြီး သင်၏ ဇာတိခန္ဓာအသက်က အဆုံးသတ်တစ်ခုသို့ ရောက်လာလင့်ကစား ဤသည်မှာ သင်၏ အသက် အဆုံးသတ်သွားခြင်းဖြစ်သည်ဟု မဆိုလိုပေ။ လူတစ်ဦးသည် ဇာတိခန္ဓာမရှိသည့်အခါ ၎င်းတို့၏ အသက်အဆုံးတိုင်သွားပေသည်။ ထိုသို့ဖြစ်သလော။ (မဟုတ်ပါ။) သေပြီးနောက်တွင် သင်၏ အသက် တည်ရှိသည့် ပုံသဏ္ဌာန်သည် သင် အသက်ရှင်နေခဲ့စဉ် ဘုရားသခင်၏ အမှုတော်နှင့် နှုတ်ကပတ်တော်များကို သင် သဘောထားခဲ့ပုံအပေါ် မူတည်ပေသည်။ ဤသည်မှာ အလွန် အရေးကြီး၏။ သေပြီးနောက် သင် တည်ရှိသည့် ပုံသဏ္ဌာန်၊ သို့မဟုတ် သင် တည်ရှိမည်၊ မတည်ရှိမည်ဆိုသည်မှာ သင်အသက်ရှင်နေစဉ် ဘုရားသခင်နှင့် သမ္မာတရားအပေါ် သင်၏ သဘောထားအပေါ် မူတည်လိမ့်မည်။ သင် အသက်ရှင်နေစဉ် သေခြင်းနှင့် နာမကျန်းမှုမျိုးစုံကို သင် ရင်ဆိုင်ရသည့်အခါ သမ္မာတရားအပေါ် သင်၏ သဘောထားမှာ ပုန်ကန်ခြင်း၊ ဆန့်ကျင်ခြင်းနှင့် သမ္မာတရားကို စိတ်ကုန်ခြင်း သဘောထားတစ်ခု ဖြစ်ပါက သင်၏ ဇာတိခန္ဓာအသက် အဆုံးတိုင်သွားမည့် အချိန်ရောက်လာသည့်အခါ သေဆုံးပြီးနောက် မည်သည့် နည်းလမ်းဖြင့် သင် တည်ရှိလိမ့်မည်နည်း။ သင်သည် အခြား တစ်နည်းနည်းဖြင့် မုချ တည်ရှိလိမ့်မည်ဖြစ်ပြီး သင်၏ အသက်သည် မုချ ဆက်ရှိလိမ့်မည် မဟုတ်။ အပြန်အလှန်အားဖြင့် သင် အသက်ရှင်နေစဉ် ဇာတိခန္ဓာတွင် အသိရှိနေချိန် သမ္မာတရားနှင့် ဘုရားသခင်အပေါ် သင်၏ သဘောထားသည် နာခံခြင်းနှင့် သစ္စာစောင့်သိခြင်းတစ်ခုဖြစ်ကာ သင်သည် စစ်မှန်သည့် ယုံကြည်ခြင်းရှိပါက သင်၏ ဇာတိခန္ဓာ အသက် အဆုံးသတ်တစ်ခုသို့ ရောက်လာလျှင်ပင် သင်၏ အသက်သည် အခြားသောလောကတွင် မတူကွဲပြားသည့် ပုံသဏ္ဌာန်တစ်ခုဖြင့် ဆက်လက် တည်ရှိလိမ့်မည်ဖြစ်သည်။ ဤသည်မှာ သေခြင်းနှင့်ဆိုင်သည့် ရှင်းပြချက်တစ်ခု ဖြစ်သည်။ မှတ်သားရမည့် အခြားသောအရာတစ်ခုရှိပြီး ယင်းမှာ သေခြင်းနှင့်ဆိုင်သည့် ကိစ္စရပ်သည် အခြားသော ကိစ္စရပ်များကဲ့သို့ တူညီသည့် သဘောသဘာဝ ရှိပေသည်။ ထိုအရာသည် လူ၏ အလိုဆန္ဒဖြင့် ပြောင်းလဲ၍ရနိုင်ရန် မဆိုထားနှင့် မိမိတို့ကိုယ်ကိုအတွက် ရွေးချယ်ရန်မှာ လူတို့ သဘောအတိုင်း မဟုတ်ပေ။ သေခြင်းသည် ဘဝတွင်ရှိသည့် အခြားသော အရေးပါသည့် မည်သည့်အဖြစ်အပျက်နှင့်မဆို တူညီပေသည်။ ဖန်ဆင်းရှင်၏ ကြိုတင်စီမံထားခြင်းနှင့် အချုပ်အခြာအာဏာ အောက်တွင် လုံးဝ ရှိ၏။ တစ်စုံတစ်ဦးသည် သေဖို့အတွက် အနူးအညွတ် တောင်းပန်မည်ဆိုပါက ၎င်းတို့ သေချာပေါက် သေကောင်း မသေနိုင်ပေ။ အသက်ရှင်ဖို့ အနူးအညွတ် တောင်းပန်မည်ဆိုလျှင် သေချာပေါက် ရှင်ကောင်းမရှင်နိုင်ပေ။ ဤအရာအားလုံးသည် ဘုရားသခင်၏ အချုပ်အခြာအာဏာနှင့် ကြိုတင်စီမံထားခြင်းအောက်တွင် ရှိပြီး ဘုရားသခင်၏ ဩဇာအာဏာအားဖြင့်၊ ဘုရားသခင်၏ ဖြောင့်မတ်သော စိတ်သဘောထားအားဖြင့်၊ ပြီးလျှင် ဘုရားသခင်၏ အချုပ်အခြာအာဏာနှင့် အစီအစဉ်များအားဖြင့် ပြောင်းလဲကာ ဆုံးဖြတ်ထားခြင်း ဖြစ်သည်။ ထို့ကြောင့် သင်သည် ဆိုးရွားသည့် နာမကျန်းမှုတစ်ခု၊ သေစေနိုင်ခြေရှိသည့် ဆိုးရွားသော နာမကျန်းမှုတစ်ခု ကူးစက်ခံရသည်ဆိုပါစို့၊ သင် သေချာပေါက် သေလိမ့်မည်မဟုတ်။ သင် သေမည်၊ မသေမည်ကို မည်သူ ဆုံးဖြတ်သနည်း။ (ဘုရားသခင် ဆုံးဖြတ်ပါသည်။) ဘုရားသခင် ဆုံးဖြတ်၏။ ထိုသို့သော အရာတစ်ခုကို ဘုရားသခင် ဆုံးဖြတ်ပြီး လူတို့က မဆုံးဖြတ်နိုင်သည့်အတွက် လူတို့သည် မည်သည့်အရာနှင့်ပတ်သက်၍ ပူပန်သောကရောက်ကာ စိတ်ဖိစီးကြသနည်း။ သင်၏ မိဘများ မည်သူဖြစ်သည်ဆိုသည်နှင့် မည်သည့်အချိန်နှင့် နေရာတွင် သင် မွေးဖွားသည်ဆိုသည်တို့ကဲ့သို့ ဖြစ်သည်။ ဤအရာများကိုလည်း သင် ရွေးချယ်၍မရနိုင်ပေ။ ဤကိစ္စရပ်များတွင် အမြော်အမြင်အရှိဆုံးသော ရွေးချယ်မှုမှာ ဤအရာများကို ၎င်းတို့ဘာသာ ဖြစ်ခွင့်ပေးရန်၊ ကျိုးနွံနာခံရန်၊ မရွေးချယ်ရန်၊ ဤကိစ္စရပ်အပေါ် မည်သည့် အတွေး၊ သို့မဟုတ် အားအင်မျှ မသုံးစွဲရန်နှင့် ထိုအရာနှင့်ပတ်သက်၍ စိတ်ဖိစီးခြင်း၊ ပူပန်သောကရောက်ခြင်း၊ သို့မဟုတ် စိုးရိမ်ခြင်း မရှိရန် ဖြစ်သည်။ လူတို့သည် မိမိတို့ကိုယ်ကိုအတွက် မရွေးချယ်နိုင်ကြသည့်အတွက် ဤကိစ္စရပ်အပေါ် အလွန်များသော အားအင်နှင့် အတွေး သုံးစွဲခြင်းသည် မိုက်မဲပြီး ဉာဏ်အမြော်အမြင်မရှိပေ။ အလွန်တရာ အရေးကြီးသည့် သေခြင်းနှင့်ဆိုင်သော ကိစ္စရပ်ကို ရင်ဆိုင်ရသည့်အခါ လူတို့ လုပ်ဆောင်သင့်သည့်အရာမှာ ထိုအရာနှင့်ပတ်သက်၍ စိတ်ဖိစီးခြင်းရှိရန်၊ သို့မဟုတ် စိုးရိမ်သောကရောက်ရန်၊ သို့မဟုတ် ကြောက်ရွံ့ရန် မဟုတ်ဘဲ မည်သည့်အရာ ဖြစ်သနည်း။ လူတို့ စောင့်ဆိုင်းသင့်သည်၊ ဟုတ်ပါသလော။ (ဟုတ်ပါသည်။) မှန်ပါသလော။ စောင့်ဆိုင်းခြင်းဆိုသည်မှာ သေခြင်းကို စောင့်ဆိုင်းခြင်းဟု ဆိုလိုသလော။ သေခြင်းကို ရင်ဆိုင်ရသည့်အခါ သေရန် စောင့်ဆိုင်းခြင်းလော။ ဤသည်မှာ မှန်ကန်သလော။ (မဟုတ်ပါ။ လူတို့သည် ထိုသေခြင်းကို အပြုသဘောဆောင်စွာ ရင်ဆိုင်သင့်ပြီး ကျိုးနွံနာခံသင့်ကြပါသည်။) မှန်ပေ၏၊ သေခြင်းကို စောင့်ဆိုင်းခြင်း မဟုတ်ပေ။ သေခြင်းအပေါ် ကြောက်လန့်ခြင်း မရှိနှင့်၊ ပြီးလျှင် သေခြင်းအကြောင်း တွေးလျက် သင်၏ အားအင်ရှိသမျှကို အသုံးမပြုနှင့်။ “ငါ သေလိမ့်မည်လား။ မည်သည့်အချိန်တွင် ငါ သေလိမ့်မည်နည်း။ သေပြီးနောက် မည်သည့်အရာကို ငါ လုပ်ဆောင်လိမ့်မည်နည်း”ဟု တစ်နေ့လုံး မစဉ်းစားနှင့်။ ထိုအကြောင်းကို တွေးကိုမတွေးနှင့်။ လူအချို့က “ထိုအကြောင်းကို အဘယ်ကြောင့် မတွေးရမည်နည်း။ ကျွန်ုပ် သေတော့မည့်အချိန်တွင် အဘယ်ကြောင့် ထိုအကြောင်းကို မတွေးရမည်နည်း”ဟု ဆိုကြသည်။ အဘယ်ကြောင့်ဆိုသော် သင်သေမည်၊ မသေမည်ကို မသိရသကဲ့သို့ ဘုရားသခင်က သင့်ကို သေခွင့်ပြုမည်လောဟူသည်ကို မသိရသောကြောင့် ဖြစ်သည်။ ဤအရာများကို မသိရပေ။ အထူးသဖြင့် မည်သည့်အချိန်တွင် သင်သေမည်၊ မည်သည့်နေရာတွင် သင်သေမည်၊ မည်သည့်အချိန်ကာလတွင် သင် သေမည်၊ သို့မဟုတ် သင်သေသည့်အခါ သင်၏ ခန္ဓာက မည်သို့ ခံစားရလိမ့်မည်ဆိုသည်တို့ကို မသိရပေ။ သင်မသိသည့်အရာများအကြောင်း တွေးတောရင်းနှင့် တွေးဆရင်း ဦးနှောက်ခြောက်ခံစဉ်းစားခြင်းနှင့် ထိုအရာများအကြောင်း ပူပန်သောကရောက်ပြီး စိုးရိမ်ခြင်းအားဖြင့် သင့်ကို မိုက်မဲစေသည် မဟုတ်လော။ သင့်ကို မိုက်မဲစေသည့်အတွက်၊ ဤအရာများနှင့်ပတ်သက်၍ သင် ဦးနှောက်ခြောက်ခံ မစဉ်းစားသင့်ပေ။

လူတို့သည် မိမိတို့ဘာသာ ကိုင်တွယ်ဖြေရှင်းနေရသည်ဟု တွေ့ရှိရသည့် မည်သည့် ကိစ္စရပ်ကိုမဆို တက်ကြွသည့်၊ အပြုသဘောဆောင်သည့် သဘောထားတစ်ခုဖြင့် ၎င်းတို့ အမြဲ ချဉ်းကပ်သင့်ပြီး ဤသည်မှာ သေခြင်း ကိစ္စရပ်နှင့် ပတ်သက်လာသည့်အခါ သာ၍ပင် မှန်ကန်ပေသည်။ တက်ကြွသော၊ အပြုသဘောဆောင်သော သဘောထားတစ်ခု ရှိခြင်းသည် သေခြင်းကို ကြိတ်မှိတ်လက်ခံခြင်း၊ သို့မဟုတ် သေခြင်းကို စောင့်ဆိုင်းခြင်း၊ သို့မဟုတ် သေခြင်းကို အပြုသဘောဆောင်စွာနှင့် တက်ကြွစွာ လိုက်စားအားထုတ်ခြင်းကို မဆိုလိုပေ။ ထိုအရာသည် သေခြင်းကို လိုက်စားအားထုတ်ခြင်း၊ သေခြင်းကို ကြိတ်မှိတ်လက်ခံခြင်း၊ သို့မဟုတ် သေခြင်းကို စောင့်ဆိုင်းခြင်းဟု မဆိုလိုပါက မည်သည့်အရာကို ဆိုလိုသနည်း။ (ကျိုးနွံနာခံခြင်း ဖြစ်ပါသည်။) ကျိုးနွံနာခံခြင်းသည် သေခြင်းနှင့်ဆိုင်သည့် ကိစ္စရပ်အပေါ် သဘောထားတစ်မျိုးဖြစ်ပြီး သေခြင်းကို လက်လွှတ်ခြင်းနှင့် ထိုသေခြင်းအကြောင်း မစဉ်းစားခြင်းသည် ကိုင်တွယ်ရန် အကောင်းဆုံး နည်းလမ်းဖြစ်သည်။ လူအချို့က “ထိုအကြောင်းကို အဘယ်ကြောင့် မစဉ်းစားရမည်နည်း။ ထိုသေခြင်းကို ကျွန်ုပ် သေချာ မစဉ်းစားလျှင် ထိုသေခြင်းကို ကျွန်ုပ် အောင်မြင်ကျော်လွှားနိုင်ပါလိမ့်မည်လား။ သေချာ မစဉ်းစားလျှင် လက်လွှတ်နိုင်ပါလိမ့်မည်လား”ဟု ပြောကြသည်။ သင် လက်လွှတ်နိုင်လိမ့်မည်။ ယင်းမှာ အဘယ်ကြောင့်နည်း။ ငါ့ကို ပြောလော့၊ သင့်မိဘများကို သင့်ကို ကိုယ်ဝန်ရခဲ့ကြချိန်တွင် မွေးဖွားရန်မှာ သင်၏ စိတ်ကူးဖြစ်ခဲ့သလော။ သင်၏ သွင်ပြင်၊ သင်၏ အသက်အရွယ်၊ သင် အလုပ်လုပ်သည့် လုပ်ငန်း၊ ယခု ဤနေရာတွင် သင် ထိုင်နေသည့် အဖြစ်မှန်နှင့် ယခု သင်ခံစားနေရသည့်ပုံစံတို့အားလုံးကို ဖြစ်တည်လာရန် သင်စဉ်းစားခဲ့သလော။ ဤအရာအားလုံး ဖြစ်တည်လာရန် သင်မစဉ်းစားခဲ့ပေ၊ ရက်များနှင့် လများကုန်လွန်ခြင်းမှတစ်ဆင့် သင်ယခုရှိသည့်အခြေအနေ ရောက်သည်အထိတိုင် တစ်နေ့ပြီးတစ်နေ့ သင်၏ ပုံမှန်ဘဝကို သင် နေ့စဉ် အသက်ရှင်ခြင်းမှတစ်ဆင့် ဖြစ်လာခြင်း ဖြစ်ကာ ဤသည်မှာ အလွန် ဖြစ်ရိုးဖြစ်စဉ်ဖြစ်သည်။ သေခြင်းသည်လည်း အလားတူပင် ဖြစ်၏။ မသိလိုက်ဘဲနှင့် သင်သည် အရွယ်ရောက်သူတစ်ဦး အဖြစ် ကြီးပြင်းလာကာ သက်လတ်ပိုင်းဖြစ်လာပြီး သက်ကြီးရွယ်အို ဖြစ်လာ၍ သင်၏ နောက်ဆုံးသော နှစ်ကာလများထဲသို့ ရောက်ရှိလာပြီးနောက် သေခြင်းတရား ရောက်လာသည်။ ထိုအကြောင်းကို မတွေးနှင့်။ ထိုအရာများအကြောင်း မတွေးခြင်းအားဖြင့် သင်မတွေးသည့်အရာကို ရှောင်ရှား၍ မရနိုင်သကဲ့သို့ ထိုအရာများအကြောင်း တွေးခြင်းအားဖြင့်လည်း ထိုအရာများသည် စောစော ဖြစ်လာကြလိမ့်မည် မဟုတ်ပေ။ ထိုအရာများကို လူ၏ အလိုဆန္ဒအားဖြင့် ပြောင်းလဲမရနိုင်ပေ၊ မှန်ပါသလော။ ထိုအရာများအကြောင်းကို မတွေးလေနှင့်။ “ထိုအရာများအကြောင်းကို မတွေးလေနှင့်”ဟု ငါ ဆိုသည့်အခါ မည်သည့်အရာကို ငါ ဆိုလိုသနည်း။ အလှမ်းမဝေးသည့် အနာဂတ်တွင် ဤအရာ အမှန်တကယ် ဖြစ်တော့မည်ဆိုပါက ထိုအကြောင်းကို အမြဲ စဉ်းစားခြင်းသည် သင့်အပေါ် မမြင်နိုင်သည် ဖိအားတစ်ခုကဲ့သို့ ခံစားရလိမ့်မည်ဖြစ်သောကြောင့် ဖြစ်သည်။ ဤဖိအားက သင့်ကို ဘဝနှင့် ရှင်သန်ခြင်းအား စိုးရွံ့စေလိမ့်မည်၊ သင်သည် တက်ကြွပြီး အပြုသဘောဆောင်သော သဘောထား မရှိဘဲ ဖြစ်လိမ့်မည်ဖြစ်ပြီး ထိုအစား သာ၍ပင် စိတ်ဓာတ်ကျလာလိမ့်မည်။ သေခြင်းကို ရင်ဆိုင်နေရသည့် လူတစ်ဦးသည် မည်သည့်အရာကိုမျှ စိတ်ဝင်စားခြင်းမရှိ၊ သို့မဟုတ် မည်သည့်အရာအပေါ်မျှ အပြုသဘောဆောင်သည့် သဘောထား မရှိသောကြောင့် ၎င်းတို့ စိတ်ဓာတ်ကျခြင်းသာ ခံစားရသည်။ ၎င်းတို့ သေဆုံးတော့မည်၊ အားလုံး ဆုံးခန်းတိုင်ပြီဖြစ်သည်၊ တစ်စုံတစ်ရာကို လိုက်စားခြင်း၊ တစ်စုံတစ်ရာကို လုပ်ဆောင်ခြင်းတွင် မည်သည့် အဓိပ္ပာယ်မျှ မရှိတော့၊ ၎င်းတို့တွင် မည်သည့် မျှော်လင့်ချက်မျှ၊ သို့မဟုတ် စိတ်ပါဝင်စားမှုမျှ မရှိတော့သကဲ့သို့ ၎င်းတို့ လုပ်ဆောင်သမျှတိုင်းသည် သေခြင်းအတွက် ပြင်ဆင်ခြင်းနှင့် သေခြင်းလမ်းကြောင်းသို့ ဦးတည်နေခြင်းဖြစ်သောကြောင့် ၎င်းတို့ လုပ်ဆောင်သည့်အရာ မည်သည့်အရာမဆိုသည် အဘယ် အဓိပ္ပာယ် ရှိပါသနည်း။ ထို့ကြောင့် ၎င်းတို့ လုပ်ဆောင်သည့်အရာတိုင်းသည် အပျက်သဘောဆောင်ခြင်းနှင့် သေခြင်း၏ အရိပ်လက္ခဏာများနှင့် သဘောသဘာဝတစ်ခုကို သယ်ဆောင်၏။ သို့ဆိုလျှင် သေခြင်းနှင့်ပတ်သက်၍ သင် မစဉ်းစားဘဲနေနိုင်သလော။ ယင်းမှာ စွမ်းဆောင်ရရှိရန် လွယ်ကူသလော။ ဤကိစ္စသည် သင့်ကိုယ်ပိုင် စိတ်ပိုင်းဆိုင်ရာကျိုးကြောင်းဆင်ခြင်မှုနှင့် စိတ်ကူးယဉ်မှုတို့၏ ရလဒ်တစ်ခုသာဖြစ်မည်ဆိုလျှင် သင်သည် ကိုယ့်ကိုယ်ကိုယ် မှားယွင်းသောနှိုးဆော်ချက်တစ်ခု ပေးထားလေပြီ၊ ကိုယ့်ကိုယ်ကိုယ် ကြောက်လန့်စေပြီး အလှမ်းမဝေးသည့် အနာဂတ်တွင် ထိုအရာ ဖြစ်ပျက်မည်မဟုတ်သည်မှာ ရှင်းပေသည်၊ သို့ဖြစ်၍ သင်သည် ထိုအရာကို အဘယ်အတွက် စဉ်းစားနေပါသနည်း။ ဤအရာက သာ၍ပင် မလိုအပ်စေပေ။ ဖြစ်ပျက်ရမည့်အရာသည် အမြဲ ဖြစ်ပျက်လိမ့်မည်။ မဖြစ်ပျက်မည့်အရာများသည် သင် ထိုအကြောင်းကို မည်သို့ စဉ်းစားသည်ဖြစ်စေ၊ ဖြစ်ပျက်လိမ့်မည်မဟုတ်။ ထိုအရာကို စိုးရိမ်ခြင်းသည် အချည်းနှီး ဖြစ်သကဲ့သို့ ထိုအရာကို ကြောက်ရွံ့ခြင်းသည် အချည်းနှီးဖြစ်၏။ စိုးရိမ်ခြင်းအားဖြင့် သေခြင်းကို ရှောင်လွှဲမရနိုင်သကဲ့သို့ သင်ကြောက်ရွံ့နေရုံဖြင့် ထိုသေခြင်းက သင့်ကို ကျော်လွန်သွားလိမ့်မည် မဟုတ်။ ထို့ကြောင့် သွင်ပြင်လက္ခဏာ တစ်ခုမှာ သင်၏ စိတ်နှလုံးအတွင်းမှ သေခြင်းနှင့်ဆိုင်သည့် ကိစ္စရပ်ကို သင် လက်လွှတ်သင့်ပြီး ယင်းကို အရေးပါသည်ဟု မမှတ်ယူနှင့်။ သေခြင်းသည် သင်နှင့် မည်သို့မျှ မပတ်သက်သည့်အလား ဘုရားသခင်ထံ ထိုသေခြင်းကို သင်အပ်နှံသင့်၏။ ထိုအရာမှာ ဘုရားသခင် စီစဉ်သည့်အရာတစ်ခု ဖြစ်သောကြောင့် ဘုရားသခင်အား ထိုအရာကို စီစဉ်ခွင့်ပေးလော့။ ထိုအခါ ရိုးရှင်းလာသည် မဟုတ်လော။ အခြားသော သွင်ပြင်လက္ခဏာတစ်ခုမှာ သေခြင်းအပေါ် တက်ကြွပြီး အပြုသဘောဆောင်သော သဘောထားတစ်ခု သင် ရှိသင့်၏။ ငါ့ကို ပြောလော့၊ ကမ္ဘာအနှံ့ရှိ ဘီလီယံနှင့်ချီသော လူများထဲတွင် မည်သူသည် အလွန်များသည့် ဘုရားသခင်၏ နှုတ်ကပတ်တော်များကို ကြားရန်၊ အသက်၏ အလွန်များသည့် သမ္မာတရားများစွာကို သိနားလည်ပြီး အလွန်များသည့် နက်နဲမှုများစွာကို နားလည်ရန် အလွန် ကောင်းချီးခံစားရသနည်း။ ထိုသူတို့ထဲမှ မည်သူသည် ဘုရားသခင်၏ လမ်းပြမှု၊ ထောက်ပံ့မှု၊ သူ၏ စောင့်ရှောက်ခြင်းနှင့် ကွယ်ကာမှုတို့ကို ကိုယ်တိုင်ကိုယ်ကျ ရရှိပါသနည်း။ မည်သူသည် အလွန် ကောင်းချီးခံစားရသနည်း။ အလွန် နည်းပါး၏။ ထို့ကြောင့် ယနေ့တွင် ဘုရားအိမ်တော်၌ အသက်ရှင်နေနိုင်ကြသည့်၊ သူ၏ ကယ်တင်ခြင်းကို ရရှိပြီး သူ၏ ထောက်ပံ့မှုကို ရရှိနေနိုင်ကြသည့် သင်တို့ အနည်းငယ်သည် ထိုအရာအားလုံးကို ရရှိသောကြောင့် ယခု သေမည်ဆိုလျှင်ပင် တန်ပေသည်။ သင်တို့သည် အလွန် ကောင်းချီးခံစားကြရ၏၊ မှန်သည် မဟုတ်လော။ (မှန်ပါသည်။) ထိုအရာကို ဤရှုထောင့်အမြင်မှ ကြည့်သည့်အခါ သေခြင်းနှင့်ဆိုင်သည့် ကိစ္စအားဖြင့် သင်တို့ အလွန့်အလွန် မကြောက်လန့်သင့်သကဲ့သို့ ထိုအရာအားဖြင့် ဘောင်ခတ်မခံသင့်ကြပေ။ လောက၏ ဂုဏ်အသရေနှင့် ကြွယ်ဝချမ်းသာမှု တစ်ခုတလေကို သင်မမွေ့လျော်ရသေးသော်လည်း ဖန်ဆင်းရှင်၏ သနားခြင်း ကရုဏာကို ရရှိပြီးဖြစ်ကာ အလွန်များသည့် ဘုရားနှုတ်ကပတ်တော်များကို ကြားရပြီးဖြစ်သည်။ ဤသည်မှာ အလွန့်အလွန် ပျော်ရွှင်ဖွယ်ဖြစ်သည် မဟုတ်လော။ (ဟုတ်ပါသည်။) ဤဘဝတွင် နှစ်ပေါင်းမည်မျှကြာ သင် အသက်ရှင်သည်ဖြစ်စေ၊ ဘုရားအမှုတော်ရှိ သင်၏ တာဝန်ကို သင် စဉ်ဆက်မပြတ် ထမ်းဆောင်နေပြီးဖြစ်သောကြောင့်၊ သမ္မာတရားကို သင်နားလည်ပြီးဖြစ်သောကြောင့်၊ အသက်၏ နက်နဲမှုများကို နားလည်ပြီးဖြစ်ကာ ဘဝတွင် သင် လိုက်စားသင့်သည့် လမ်းကြောင်းနှင့် ပန်းတိုင်များကို နားလည်ပြီးဖြစ်သောကြောင့် အားလုံး တန်နေကာ သင်သည် အလွန်များစွာ ရရှိပြီးဖြစ်သဖြင့် သင့်ထံတွင် နောင်တမရှိပေ။ သင်သည် အကျိုးရှိသော ဘဝတစ်ခုကို အသက်ရှင်ပြီးဖြစ်သည်။ ထိုအရာကို သင် အလွန် ရှင်းလင်းစွာ မရှင်းပြနိုင်လျှင်ပင် အချို့သော သမ္မာတရားများကို လက်တွေ့လုပ်ဆောင်နိုင်ပြီး အချို့သော စစ်မှန်မှုကို ပိုင်ဆိုင်နိုင်ကာ ယင်းက သင်သည် အချို့သော အသက် အထောက်အပံ့ကို ရရှိပြီးဖြစ်သကဲ့သို့ ဘုရားသခင်၏ အမှုတော်မှ အချို့သော သမ္မာတရားများကို နားလည်ပြီးဖြစ်ကြောင်း သက်သေပြပေသည်။ သင်သည် အလွန်များစွာ၊ စစ်မှန်သော ကြွယ်ဝချမ်းသာမှုတစ်ခုကို ရရှိပြီးဖြစ်ကာ ယင်းမှာ အင်မတန် ကြီးမားသည့် ကောင်းချီးမင်္ဂလာ တစ်ခုပါတကား။ လူသား သမိုင်းအစကတည်းက ခေတ်ကာလတစ်လျှောက်လုံးတွင် မည်သူကမျှ ဤကောင်းချီးမင်္ဂလာကို မွေ့လျော်ရခြင်း မရှိသေးသည့်တိုင် သင်သည် မွေ့လျော်နေရ၏။ ယခုတွင် သင် သေဆုံးရန် လိုလားနေသလော။ ထိုသို့သော လိုလားမှုဖြင့် သေခြင်းအပေါ် သင်၏ သဘောထားသည် အမှန်တကယ် ကျိုးနွံနာခံတတ်ပေမည်၊ ဟုတ်ပါသလော။ (ဟုတ်ပါသည်။) သွင်ပြင်လက္ခဏာတစ်ခုမှာ လူတို့သည် စစ်မှန်သည့် သိနားလည်မှု ရှိသင့်သည်၊ အပြုသဘောဆောင်စွာနှင့် တက်ကြွစွာ ပူးပေါင်းဆောင်ရွက်သင့်ပြီး အမှန်တကယ် ကျိုးနွံနာခံသင့်ကြကာ သေခြင်းအပေါ် မှန်ကန်သည့် သဘောထား ရှိသင့်ကြ၏။ ဤသို့ဖြင့် သေခြင်းနှင့်ပတ်သက်၍ လူတို့၏ စိတ်ဖိစီးခြင်း၊ ပူပန်သောကနှင့် စိုးရိမ်မှု ခံစားချက်များသည် များစွာ လျော့ပါးသွားသည် မဟုတ်လော။ (ဟုတ်ပါသည်။) ထိုအရာများသည် အလွန်လျော့ပါးသွားပေသည်။ လူအချို့က “ယခုလေးတင် ဤမိတ်သဟာယကို ကျွန်ုပ် နားထောင်ပြီး ဖြစ်သော်လည်း ဤခံစားချက်များ အလွန်များစွာ လျော့ပါးသွားသည့်အလား မခံစားရပါ။ အချိန်အချို့ ယူရမည်ထင်သည်။ အထူးသဖြင့် သက်ကြီးရွယ်အိုများနှင့် နာမကျန်းဖြစ်ခြင်းတစ်ခု ရှိကြသူတို့သည် သေခြင်းအကြောင်းကို များစွာ စဉ်းစားကြသည်”ဟု ဆိုကြသည်။ လူတို့သည် မိမိတို့ကိုယ်ပိုင် အခက်အခဲများကို သိကြ၏။ လူအချို့သည် အချိန်ကြာမြင့်စွာ နာမကျန်းဖြစ်ပြီးသည့်အခါ ၎င်းတို့သည် အားလုံးကို ပေါင်းရုံးပြီး “ဤနှစ်ကာလများတစ်လျှောက်လုံး ဘုရားသခင်ကို ငါယုံကြည်ပြီးဖြစ်ကာ ငါကဲ့သို့ အလားတူ နာမကျန်းမှု ရခဲ့ကြသည့်လူများသည် အချိန်ကြာမြင့်စွာက သေဆုံးကြပြီးဖြစ်သည်။ သူတို့ လူပြန်ဝင်စားခဲ့ကြမည်ဆိုလျှင် ယခု သူတို့ အသက်နှစ်ဆယ်၊ သုံးဆယ်အရွယ်တွင် ရှိကြပေမည်။ ဘုရားသခင်၏ ကျေးဇူးတော်အားဖြင့် အားလုံးကို အခမဲ့ရရှိလျက် နှစ်ပေါင်းများစွာ ငါ အသက်ရှင်ပြီးဖြစ်သည်။ ဘုရားသခင်ကို ငါမယုံကြည်ခဲ့ပါက ယခုတွင် ငါ သေဆုံးခဲ့သည်မှာ ကြာခဲ့ပေမည်။ ဆေးစစ်ရန်အတွက် ဆေးရုံသို့ ငါ သွားခဲ့ချိန်တွင် ဆရာဝန်များ အလန့်တကြားဖြစ်သွားခဲ့ကြသည်။ ကြီးမားလိုက်သည့် အကျိုးကျေးဇူးနှင့် ကောင်းချီးတစ်ခု ငါ ရှိလေခြင်းပါတကား။ လွန်ခဲ့သည့် အနှစ် ၂၀တွင် ငါ သေဆုံးခဲ့ပြီးဖြစ်ပါက ဤသမ္မာတရားများနှင့် တရားဒေသနာများကို ငါကြားရပြီးဖြစ်မည် မဟုတ်သကဲ့သို့ ထိုအရာများကို နားလည်ပြီးဖြစ်မည် မဟုတ်ပါ။ ထိုသို့ ငါ သေဆုံးခဲ့မည်ဆိုလျှင် မည်သည့်အရာမျှ ငါ ရရှိပြီးဖြစ်မည် မဟုတ်ပေ။ ငါ အသက်ရှည်ရှည် နေခဲ့ရမည်ဆိုလျှင်ပင် အားလုံးက အနှစ်မဲ့ကာ အချည်းနှီးဖြစ်သော ဘဝတစ်ခု ဖြစ်ခဲ့ပေမည်။ ယခုတွင် ဤအပိုဆောင်း နှစ်ကာလများအားလုံးကို ငါ အသက်ရှင်ရပြီးဖြစ်ကာ အလွန်များစွာ မျက်နှာသာပေးခံရပြီးဖြစ်သည်။ ဤနှစ်ကာလများ တစ်လျှောက်လုံး သေခြင်းအကြောင်းကို ငါ မတွေးခဲ့သကဲ့သို့ ထိုသေခြင်းကို ငါ မကြောက်ပါ”ဟု တွေးကြလေသည်။ လူတို့သည် သေခြင်းကို အမြဲ ကြောက်ရွံ့ပါက သေခြင်းနှင့် ပတ်သက်သည့် မေးခွန်းများအားလုံးကို ၎င်းတို့ အမြဲ တွေးကြလိမ့်မည် ဖြစ်သည်။ လူတို့သည် သေဖို့ မစိုးရွံ့သကဲ့သို့ သေခြင်းကို မကြောက်လန့်ပါက ထိုအရာက ၎င်းတို့သည် လုံလောက်သည်ထက်ပို၍ ဆင်းရဲဒုက္ခခံရပြီးဖြစ်ကာ သေခြင်းအပေါ် မကြောက်လန့်ကြတော့ကြောင်းကို ပြပေသည်။ လူအချို့က “တစ်စုံတစ်ဦးသည် သေခြင်းကို မကြောက်လန့်ပါက ယင်းမှာ သူတို့သည် သေခြင်းကို ရှာဖွေနေကြသည်ဟု ဆိုလိုပါသလား”ဟု ဆိုကြသည်။ မဟုတ်၊ ယင်းမှာ မမှန်ပေ။ သေခြင်းကို ရှာဖွေခြင်းသည် အပျက်သဘောဆောင်သည့် သဘောထားတစ်မျိုး၊ မပွင့်လင်းသော သဘောထားတစ်ခုဖြစ်ပြီး သေခြင်းအကြောင်း မစဉ်းစားခြင်းနှင့်ပတ်သက်၍ ယခင်က ငါ ပြောဆိုခဲ့သည့်အရာမှာမူ ဓမ္မဓိဋ္ဌာန်ကျသော၊ အပြုသဘောဆောင်သော သဘောထားတစ်ခု ဖြစ်သည်။ ယင်းမှာ သေခြင်းကို တုန်လှုပ်မှုကင်းကင်းဖြင့် ရှုမြင်ခြင်း၊ ထိုသေခြင်းကို အလွန်အရေးပါသည့်အရာအဖြစ် မမြင်ခြင်း၊ ထိုသေခြင်းကို အင်မတန် ဝမ်းနည်းဖွယ်၊ ပူပန်သောကဖြစ်စေသည့် အဖြစ်အပျက်တစ်ခုအဖြစ် မစဉ်းစားခြင်း၊ ထိုသေခြင်းအကြောင်း မစိုးရိမ်တော့ခြင်း၊ ထိုသေခြင်းနှင့်ပတ်သက်၍ မပူပန်တော့ခြင်း၊ သေခြင်းအားဖြင့် စိုးရိမ်သောကမရောက်ခြင်း၊ သေခြင်းကို ဝေးဝေး နောက်ချန်ထားခဲ့ခြင်းတို့ဖြစ်သည်။ ဤအရာကို လုပ်ဆောင်နိုင်သည့်လူများသည် သေခြင်းနှင့်ဆိုင်သည့် ကိုယ်ပိုင် အသိပညာနှင့် အတွေ့အကြုံတို့ ရှိကြ၏။ တစ်စုံတစ်ဦးသည် နာမကျန်းဖြစ်ခြင်းနှင့် သေခြင်းတို့၏ နှောင်ဖွဲ့ခြင်းနှင့် ဘောင်ခတ်ခြင်း အမြဲခံရပါက၊ စိတ်ဖိစီးခြင်း၊ ပူပန်သောကနှင့် စိုးရိမ်မှုတည်းဟူသော အပျက်သဘောဆောင်သည့် စိတ်ခံစားမှုများဖြင့် အမြဲ နွံနစ်နေပါက၊ မိမိတို့၏ တာဝန်ကို ပုံမှန် မထမ်းဆောင်နိုင်ပါက၊ သို့မဟုတ် ပုံမှန် အသက်မရှင်နိုင်ပါက ၎င်းတို့သည် သေခြင်းနှင့် ပတ်သက်၍ အတွေ့အကြုံဆိုင်ရာ သက်သေခံချက်ကို ပို၍ နားထောင်သင့်သည်၊ သေခြင်းကို တုန်လှုပ်မှုကင်းကင်းဖြင့် ရှုမြင်နိုင်သူများက ထိုသေခြင်းကို တွေ့ကြုံကာ မိမိတို့၏ အတွေ့အကြုံဖြင့် သေခြင်းကို နားလည်ကြပုံတို့အား ၎င်းတို့ ကြည့်သင့်ပြီး ထို့နောက်တွင် တန်ဖိုးရှိသည့် တစ်စုံတစ်ရာကို ရရှိနိုင်ကြလိမ့်မည်။

သေခြင်းသည် ဖြေရှင်းရန် လွယ်ကူသည့် ပြဿနာတစ်ခု မဟုတ်သကဲ့သို့ လူ၏ အကြီးမားဆုံးသော အခက်အခဲဖြစ်သည်။ တစ်စုံတစ်ဦးက သင့်အား “သင်၏ ဖောက်ပြန်ပျက်စီးသော စိတ်သဘောထားများသည် အလွန် နက်ရှိုင်းပြီး သင်၏ လူ့သဘာဝသည်လည်း မကောင်းပါ။ သမ္မာတရားကို လေးနက်စွာ သင် လိုက်စားခြင်း မရှိသကဲ့သို့ အနာဂတ်တွင် မကောင်းသည့်အရာများစွာ လုပ်ဆောင်ပါက ငရဲသို့ ကျဆင်းသွားပြီး အပြစ်ပေးခံရလိမ့်မည်”ဟု ပြောပါက နောက်ပိုင်းတွင် အတန်ငယ် သင် စိတ်မချမ်းမသာဖြစ်ကောင်း ဖြစ်နိုင်သည်။ ထိုအရာကို သင်တွေးဆနေနိုင်ပြီး တစ်ညတာ အိပ်စက်ပြီးနောက်တွင် များစွာ စိတ်သက်သာရာရနိုင်ပြီးနောက် အလွန် စိတ်မချမ်းမသာ မခံစားရပေ။ သို့ရာတွင် သေစေနိုင်သည့် နာမကျန်းဖြစ်ခြင်းတစ်ခုဖြင့် သင် နာမကျန်းဖြစ်ပြီး ကြာကြာ အသက်ရှင်ဖို့မရှိပါက ယင်းမှာ တစ်ညတာ အိပ်စက်ခြင်းဖြင့် ဖြေရှင်း၍ရနိုင်သည့် အရာတစ်ခု မဟုတ်သကဲ့သို့ ထိုအရာကို အလွန် လွယ်ကူစွာ လက်လွှတ်၍ မရနိုင်ပေ။ ဤကိစ္စရပ်တွင် သင်သည် အချိန်တစ်ခုကြာ စိတ်ချုပ်တည်းထားရန် လိုအပ်သည်။ သမ္မာတရားကို စစ်မှန်စွာ လိုက်စားသောသူတို့သည် ထိုကိစ္စရပ်ကို နောက်ချန်ထားနိုင်ကြသည်၊ အရာရာတွင် သမ္မာတရားကို ရှာဖွေပြီး ထိုအရာကို ဖြေရှင်းရန် သမ္မာတရားကို အသုံးပြုနိုင်ကြသည်။ ၎င်းတို့ မဖြေရှင်းနိုင်သည့် ပြဿနာ မရှိပေ။ သို့ရာတွင် လူတို့သည် လူ၏ နည်းလမ်းများကို အသုံးပြုပါက နောက်ဆုံးတွင် ၎င်းတို့သည် သေခြင်းနှင့်ပတ်သက်၍ စဉ်ဆက်မပြတ် စိတ်ဖိစီး၊ ပူပန်သောကရောက်ပြီး စိုးရိမ်မှု ခံစားရုံသာ ရှိနိုင်ကြလိမ့်မည်။ အမှုအရာများကို ဖြေရှင်း၍မရနိုင်သည့်အခါ ယင်းတို့ကို ကြိုးစားဖြေရှင်းရန် အစွန်းရောက်သော ဆောင်ရွက်မှုများကို လုပ်ဆောင်ကြသည်။ လူအချို့သည် “သို့ဆိုလျှင် ကျွန်ုပ် သေသာသေလိုက်မည်။ မည်သူသည် သေခြင်းကို ကြောက်ရွံ့ပါသနည်း။ သေပြီးနောက် ကျွန်ုပ် လူပြန်ဝင်စားရုံ ဝင်စားမည်ဖြစ်ပြီး တစ်ဖန် အသက်ရှင်မည်”ဟု ဆိုလျက် စိတ်ဓာတ်ကျပြီး အပျက်သဘောဆောင်သော ချဉ်းကပ်နည်းတစ်ခုကို ခံယူကြသည်။ ဤအရာကို သင်မှန်ကြောင်း အတည်ပြုနိုင်ပါသလော။ သင်သည် နှစ်သိမ့်သည့် စကားအချို့ကိုသာ ရှာနေခြင်းဖြစ်ပြီး ယင်းက ပြဿနာကို မဖြေရှင်းပေးချေ။ မြင်နိုင်သည့်အရာဖြစ်စေ၊ မမြင်နိုင်သည့်အရာဖြစ်စေ၊ အထည်ကိုယ်ဒြပ်ရှိသောအရာဖြစ်စေ၊ မရှိသောအရာဖြစ်စေ အားလုံးနှင့် အရာရာတိုင်းကို ဖန်ဆင်းရှင်၏ လက်တော်တွင် ထိန်းချုပ်ထားပြီး အုပ်စိုးထားပေသည်။ မည်သူမျှက မိမိတို့ကိုယ်ပိုင် ကံကြမ္မာကို မထိန်းချုပ်နိုင်သကဲ့သို့ နာမကျန်းဖြစ်ခြင်းအပေါ်ဖြစ်စေ၊ သေခြင်းအပေါ် ဖြစ်စေ လူက ရှိသင့်သည့် တစ်ခုတည်းသော သဘောထားမှာ သိနားလည်ခြင်း၊ လက်ခံခြင်းနှင့် ကျိုးနွံနာခံခြင်းနှင့်ဆိုင်သော သဘောထားဖြစ်သည်။ လူတို့သည် မိမိတို့၏ စိတ်ကူးစိတ်သန်းများ၊ သို့မဟုတ် အယူအဆများအပေါ် မမှီခိုသင့်ကြပေ၊ ဤအရာများနှင့်ဆိုင်သည့် ထွက်ပေါက်တစ်ခုကို ၎င်းတို့ မရှာဖွေသင့်ကြသကဲ့သို့ ယင်းတို့ကို ငြင်းပယ်ခြင်း၊ သို့မဟုတ် အတိုက်အခံလုပ်ခြင်းတို့ကို သာ၍ပင် မလုပ်ဆောင်သင့်ကြပေ။ သင်သည် သင်၏ ကိုယ်ပိုင် နည်းစနစ်များကို အသုံးပြုလျက် နာမကျန်းဖြစ်ခြင်းနှင့် သေခြင်း ကိစ္စရပ်များကို ဖြေရှင်းရန် ကြောင်းကျိုးမမြင်စွာ ကြိုးစားပါက သင်ကြာရှည်အသက်ရှင်လေ၊ သာ၍ ဆင်းရဲဒုက္ခ ခံစားရလေဖြစ်လိမ့်မည်၊ သာ၍ စိတ်ဓာတ်ကျလေဖြစ်ကာ သာ၍ ရုန်းထွက်မရခံစားရလေ ဖြစ်လိမ့်မည်။ အဆုံးတွင် သင်သည် သေခြင်းလမ်းကြောင်းကို လျှောက်လှမ်းရဆဲဖြစ်လိမ့်မည်ဖြစ်ပြီး သင်၏ အဆုံးသတ်သည် အမှန်တကယ် သင်၏ သေခြင်းနှင့် အလားတူဖြစ်လိမ့်မည်။ သင် ဧကန်အမှန် သေရလိမ့်မည်။ သမ္မာတရားကို တက်ကြွစွာ သင် ရှာဖွေနိုင်ပြီး သင့်အတွက် ဘုရားသခင် စီစဉ်ပြီးဖြစ်သည့် နာမကျန်းဖြစ်ခြင်းကို သိနားလည်ခြင်းနှင့် စပ်လျဉ်း၍ဖြစ်စေ၊ သေခြင်းကို ရင်ဆိုင်ခြင်းနှင့် စပ်လျဉ်း၍ ဖြစ်စေ သမ္မာတရားကို သင် အပြုသဘောဆောင်စွာနှင့် တက်ကြွစွာ ရှာဖွေနိုင်ပါက ဤအဓိက အဖြစ်အပျက်မျိုးနှင့် စပ်လျဉ်း၍ ဖန်ဆင်းရှင်၏ စီစဉ်ညွှန်ကြားမှုများ၊ အချုပ်အခြာအာဏာနှင့် အစီအစဉ်များကို ရှာဖွေနိုင်ပြီး စစ်မှန်သည့် ကျိုးနွံနာခံမှုကို စွမ်းဆောင်ရရှိနိုင်ပါက ဤသည်မှာ ဘုရားသခင်၏ အလိုတော်နှင့် ကိုက်ညီပေသည်။ ဤအရာအားလုံးကို နိုင်နိုင်နင်းနင်း ဆောင်ရွက်နိုင်ရန် လူ၏ အစွမ်းအစနှင့် နည်းစနစ်များအပေါ် သင်မှီခိုအားကိုးပြီး ယင်းတို့ကို ဖြေရှင်းရန်၊ သို့မဟုတ် ရှောင်ရှားရန် ပြင်းပြင်းထန်ထန် ကြိုးစားပါက ဤကိစ္စရပ်တွင် သင့်ကို သက်သေခံခြင်း မရှိစေလျက် ဘုရားသခင်နှင့် သမ္မာတရားအပေါ် စစ်မှန်သည့် သိနားလည်မှု၊ လက်ခံမှုနှင့် ကျိုးနွံနာခံမှုတို့ကို သင်မထားရှိသောကြောင့် သင် သေဆုံးခြင်း မရှိသကဲ့သို့ သေခြင်းနှင့်ဆိုင်သည့် အခက်အခဲကို ရှောင်ရှားရန် သင် ယာယီ စီမံနိုင်လျှင်ပင် နောက်ဆုံးရလဒ်မှာ ဤအလားတူ ကိစ္စရပ်ကို တစ်ဖန် သင် ကြုံရသည့်အခါ သင့်အတွက် ကြီးမားသော စမ်းသပ်စစ်ဆေးမှုတစ်ခု ဖြစ်လိမ့်ဦးမည်ဖြစ်သည်။ သင်သည် ဘုရားသခင်ကို သစ္စာဖောက်ပြီး ပြိုလဲနိုင်သည့် အလားအလာ ရှိနေဆဲ ဖြစ်လိမ့်မည်ဖြစ်ပြီး ဤသည်မှာ သင့်အတွက် ဧကန် အန္တရာယ်ရှိသောအရာတစ်ခု ဖြစ်လိမ့်မည်။ ထို့ကြောင့် သင်သည် ယခု နာမကျန်းဖြစ်ခြင်း၊ သို့မဟုတ် သေခြင်းကို အမှန်တကယ် ရင်ဆိုင်နေရပါက သင့်ကို ငါ ပြောမည်၊ သေခြင်းတရား အမှန်တကယ် ရောက်လာရာတွင် သင့်ကို အံ့အားသင့်စေသလို ကြောင်သွားစေ၍ ဦးနှောက်ခြောက်ပြီး ကူကယ်ရာမဲ့စေကာ၊ ထိုသို့ဖြင့် သင်၏ အသက်တည်သရွေ့ နောင်တရမည့် အရာများကို သင့်အား လုပ်ဆောင်စေမည်ဖြစ်သဖြင့် ထိုသို့ သေခြင်းတရားကို စောင့်ဆိုင်းမည့်အစား သမ္မာတရားကို ရှာဖွေပြီး ဤပြဿနာကို အမြစ်မှဖြေရှင်းရန် ဤလက်တွေ့ကျသည့် အခြေအနေကို ယခု ကောင်းစွာ အသုံးပြုခြင်းက သာ၍ ကောင်းပေသည်။ သင် နောင်တရပြီး ဝမ်းနည်းရသည့် အရာများ လုပ်ဆောင်မိပါက ဤအရာက သင့်ကို ပျက်စီးဆုံးရှုံးခြင်းသို့ ဆိုက်ရောက်စေနိုင်သည်။ ထို့ကြောင့် ပြဿနာက မည်သည့်အရာဖြစ်စေ ထိုကိစ္စရပ်နှင့်ပတ်သက်၍ သင် ရှိသင့်သည့် သိနားလည်မှုနှင့် သင်နားလည်သင့်သည့် သမ္မာတရားများဖြင့် သင်၏ ဝင်ရောက်မှုကို အမြဲ အစပြုသင့်သည်။ နာမကျန်းဖြစ်ခြင်းကဲ့သို့သော အရာများနှင့်ပတ်သက်၍ သင်သည် စဉ်ဆက်မပြတ် စိတ်ဖိစီး၊ သောကရောက်ပြီး စိုးရိမ်ကာ ဤအပျက်သဘောဆောင်သော စိတ်ခံစားမှုမျိုးများအတွင်း ဝန်းရံခံရလျက် အသက်ရှင်ရပါက ယခု သမ္မာတရားကို သင် စတင်ရှာဖွေသင့်ပြီး ဤပြဿနာများကို တတ်နိုင်သမျှမြန်မြန် ဖြေရှင်းသင့်ပေသည်။

စိတ်ဖိစီးခြင်း၊ ပူပန်သောကနှင့် စိုးရိမ်မှုကဲ့သို့သော အပျက်သဘောဆောင်သည့် စိတ်ခံစားမှုများတွင် အခြားအပျက်သဘောဆောင်သော စိတ်ခံစားမှု အမျိုးအစား အမျိုးမျိုးကဲ့သို့ပင် တူညီသည့် သဘောသဘာဝ ရှိကြ၏။ ထိုအရာများမှာ လူတို့က သမ္မာတရားကို နားမလည်သကဲ့သို့ မိမိတို့၏ အမျိုးစုံသော ဆိုးယုတ်သည့် ဖောက်ပြန်ပျက်စီးသော စိတ်သဘောထားများအားဖြင့် ချုပ်နှောင်ခံရလျက် အသက်ရှင်ကြသောကြောင့်၊ သို့မဟုတ်လျှင် ၎င်းတို့သည် ဆိုးယုတ်သော အတွေးမျိုးစုံဖြင့် ပတ်လည်ဝိုင်းခံရကာ သက်ရောက်မှုခံရလျက် အသက်ရှင်ကြသောကြောင့် ၎င်းတို့ထဲတွင် ထွက်ပေါ်သည့် အပျက်သဘောဆောင်သော စိတ်ခံစားမှုမျိုးစုံ ဖြစ်သည်။ ဤအပျက်သဘောဆောင်သည့် စိတ်ခံစားမှုများသည် လူတို့အား မမှန်ကန်သည့် အတွေးများနှင့် အမြင်မျိုးစုံတို့ဖြင့် အမြဲတစေ အသက်ရှင်စေသည့်အပြင် မိမိတို့၏ သမ္မာတရား လိုက်စားမှုကို ထိခိုက်ကာ ပိတ်ဆို့ဟန့်တားသည့် အတွေးများနှင့် အမြင်မျိုးစုံတို့ဖြင့် စဉ်ဆက်မပြတ် ထိန်းချုပ်ခြင်းခံရစေလေသည်။ စိတ်ဖိစီးခြင်း၊ ပူပန်သောကနှင့် စိုးရိမ်မှုတည်းဟူသော ဤအပျက်သဘောဆောင်သည့် စိတ်ခံစားမှုအမျိုးအစားများသည် လူတို့၏ ဘဝများကို နှောင့်ယှက်သည်၊ ၎င်းတို့၏ ဘဝများကို ညွှန်ကြားပြီး ၎င်းတို့ သမ္မာတရား လိုက်စားခြင်းကို ထိခိုက်ကာ သမ္မာတရား မလိုက်စားရန် ၎င်းတို့အား တားဆီးသည်မှာ အမှန်ဖြစ်၏။ ထို့ကြောင့် ဤအပျက်သဘောဆောင်သည့် စိတ်ခံစားမှုများသည် ရိုးရှင်းသည့် သဘောအနေဖြင့် စိတ်ခံစားမှုများ ဖြစ်သော်လည်း ၎င်းတို့၏ လုပ်ငန်းဆောင်တာကို လျှော့တွက်၍ မရပေ။ ထိုစိတ်ခံစားမှုများက လူတို့အပေါ် ရှိသည့် အကျိုးတရားနှင့် လူတို့၏ လိုက်စားမှုနှင့် ၎င်းတို့ လျှောက်လှမ်းသည့် လမ်းကြောင်းတို့အပေါ် ဖြစ်ပေါ်စေသည့် အကျိုးဆက်များမှာ အန္တရာယ်များပေသည်။ မည်သို့ဆိုစေ တစ်စုံတစ်ဦးသည် မိမိကို နှောင့်ယှက်ရန် ထွက်ပေါ်နေသည့် အပျက်သဘောဆောင်သော စိတ်ခံစားမှုမျိုးစုံ မကြာခဏ ရှိသည့်အခါ ဤအပျက်သဘောဆောင်သည့် စိတ်ခံစားမှုများ အဘယ်ကြောင့် မကြာခဏ ထွက်ပေါ်သည်ဆိုသည်နှင့် ၎င်းတို့သည် ဤအပျက်သဘောဆောင်သည့် စိတ်ခံစားမှုများဖြင့် မကြာခဏ အဘယ်ကြောင့် စိတ်အနှောင့်အယှက်ဖြစ်ရကြသည်ဆိုသည်တို့ကို ချက်ချင်း ဖော်ထုတ်ကာ စိတ်ဖြာလေ့လာဆွေးနွေးသင့်ကြသည်။ ထို့အပြင် ပတ်ဝန်းကျင်တစ်ခုခုတွင် ဤအပျက်သဘောဆောင်သည့် စိတ်ခံစားမှုများက ထိုလူကို စဉ်ဆက်မပြတ် စိတ်အနှောင့်အယှက် ပေးလိမ့်မည်ဖြစ်ပြီး ၎င်းတို့၏ သမ္မာတရား လိုက်စားမှုကို ကြီးစွာ နှောင့်ယှက်လိမ့်မည်။ ဤအရာများမှာ လူတို့ နားလည်သင့်သည့် အရာများ ဖြစ်သည်။ ဤအရာများကို ၎င်းတို့ နားလည်သည်နှင့်တစ်ပြိုင်နက် ၎င်းတို့အတွက် နောက်ထပ် လုပ်ဆောင်ရမည့်အရာမှာ ဤကိစ္စရပ်တွင် သမ္မာတရားကို မည်သို့ ရှာဖွေပြီး နားလည်ရမည့်အကြောင်း စဉ်းစားရန်၊ ဤမမှန်ကန်သည့် အတွေးများနှင့် အမြင်များဖြင့် ဆက်လက် စိတ်အနှောင့်အယှက် ပေးခြင်းမခံရဖို့နှင့် ထိခိုက်မခံရဖို့ ကြိုးပမ်းရန်၊ ပြီးလျှင် ယင်းတို့ကို ၎င်းတို့အား ဘုရားသခင် သွန်သင်ပေးခဲ့သည့် သမ္မာတရား စည်းမျဉ်းများဖြင့် အစားထိုးရန် ဖြစ်သည်။ သမ္မာတရား စည်းမျဉ်းများကို ၎င်းတို့ နားလည်ပြီးဖြစ်သည်နှင့် ၎င်းတို့အတွက် နောက်ထပ်ခြေလှမ်းတစ်ခုမှာ ၎င်းတို့ကို ဘုရားသခင် သွန်သင်ပေးပြီးဖြစ်သည့် သမ္မာတရား စည်းမျဉ်းများနှင့်အညီ လက်တွေ့လုပ်ဆောင်ရန် ဖြစ်သည်။ ဤအရာကို ၎င်းတို့ လုပ်ဆောင်စဉ်တွင် ထိုအပျက်သဘောဆောင်သော စိတ်ခံစားမှုများအားလုံးသည် ၎င်းတို့ကို နှောင့်ယှက်ရန် ထွက်ပေါ်လာကြမည်ဖြစ်သည်မှာ ၎င်းတို့ပင် မသိလိုက်ဘဲနှင့် ဤအပျက်သဘောဆောင်သည့် စိတ်ခံစားမှုများ အားလုံးကို တစ်ခုပြီးတစ်ခု တဖြည်းဖြည်း ဖြေရှင်းပြီး စွန့်ပစ်ထားခဲ့သည်အထိပင် ဖြစ်လိမ့်မည်။ ထို့ကြောင့် အမျိုးမျိုးသော အပျက်သဘောဆောင်သည့် စိတ်ခံစားမှုများအပေါ် ပြေလည်အောင် ဖြေရှင်းပေးခြင်းသည် မည်သည့်အရာအပေါ် အမှီပြုပါသနည်း။ ထိုစိတ်ခံစားမှုများနှင့်ဆိုင်သည့် လူတို့၏ စိတ်ဖြာလေ့လာဆွေးနွေးမှုနှင့် သိနားလည်မှုတို့အပေါ် အမှီပြုသည်၊ လူတို့၏ သမ္မာတရား လက်ခံမှုအပေါ် အမှီပြုပြီး ထို့ထက်ပင်ပို၍ လူတို့၏ သမ္မာတရား လိုက်စားမှုနှင့် လက်တွေ့လုပ်ဆောင်မှုတို့အပေါ် အမှီပြုပေသည်။ ထိုသို့ဖြစ်သည် မဟုတ်လော။ (ဟုတ်ပါသည်။) လူတို့သည် သမ္မာတရားကို တဖြည်းဖြည်း လိုက်စားကာ လက်တွေ့လုပ်ဆောင်သည်နှင့်အမျှ ၎င်းတို့၏ အမျိုးမျိုးသော အပျက်သဘောဆောင်သည့် စိတ်ခံစားမှုအားလုံး တဖြည်းဖြည်း ပြေလည်ကာ လက်လွှတ်ခြင်း ခံရလေသည်။ ထို့ကြောင့် ထိုအရာကို ယခုတွင် ကြည့်သည့်အခါ မည်သည့်အရာကို လက်လွှတ်ပြီး ဖြေရှင်းရန် ပိုလွယ်ကူသည်ဟု သင်ထင်သနည်း၊ ဤအပျက်သဘောဆောင်သော စိတ်ခံစားမှုများလော၊ သို့မဟုတ် ဖောက်ပြန်ပျက်စီးသော စိတ်သဘောထားများလော။ (အပျက်သဘောဆောင်သော စိတ်ခံစားမှုများသည် ဖြေရှင်းရန် သာ၍ လွယ်ကူပါသည်။) အပျက်သဘောဆောင်သော စိတ်ခံစားမှုများကို ဖြေရှင်းရန် သာ၍ လွယ်ကူသည်ဟု သင် တွေးထင်သလော။ ထိုအရာမှာ လူတစ်ဦးနှင့်တစ်ဦး ကွဲပြား၏။ တစ်ခုက အခြားတစ်ခုထက် ပို၍ ခက်သည်၊ သို့မဟုတ် ပို၍ လွယ်ကူသည်။ လူပုဂ္ဂိုလ်ပေါ်တွင်သာ မူတည်လေသည်။ မည်သို့ဆိုစေ အပျက်သဘောဆောင်သော စိတ်ခံစားမှုများကို လက်လွှတ်ခြင်းအပေါ် မိတ်သဟာယပြုခြင်းဖြင့် အစပြုလျက် စိတ်သဘောထားဆိုင်ရာ ပြောင်းလဲခြင်းအတွက် လူတို့၏ လိုက်စားခြင်းအပေါ် အကြောင်းအရာအချို့ကို ငါတို့ ဖြည့်စွက်ပြီးဖြစ်ကာ ယင်းမှာ အမျိုးမျိုးသော အပျက်သဘောဆောင်သည့် စိတ်ခံစားမှုများကို လက်လွှတ်ခြင်း ဖြစ်သည်။ အပျက်သဘောဆောင်သည့် စိတ်ခံစားမှုများကို လက်လွှတ်ခြင်းသည် အဓိကအားဖြင့် အချို့သော မမှန်ကန်သည့် အတွေးများနှင့် အမြင်များကို ဖြေရှင်းရန် လုပ်ဆောင်ခြင်းဖြစ်ပြီး မိမိ၏ အပျက်သဘောဆောင်သော စိတ်သဘောထားများကို ဖြေရှင်းခြင်းမှာမူ ဖောက်ပြန်ပျက်စီးသော စိတ်သဘောထားများ၏ အနှစ်သာရကို သိနားလည်ခြင်းတစ်ခု လိုအပ်၏။ ငါ့ကို ပြောလော့၊ မည်သည့်အရာသည် သာ၍ လွယ်ကူသနည်း၊ အပျက်သဘောဆောင်သည့် စိတ်ခံစားမှုများကို ဖြေရှင်းခြင်းလော၊ သို့မဟုတ် ဖောက်ပြန်ပျက်စီးသော စိတ်သဘောထားများကို ဖြေရှင်းခြင်းလော။ အမှန်တွင် မည်သည့် ပြဿနာမျှ ဖြေရှင်းရန် မလွယ်ကူပေ။ သင်သည် အမှန်တကယ် စိတ်ပိုင်းဖြတ်ထားပြီး သမ္မာတရားကို ရှာဖွေနိုင်ပါက သင် ဖြေရှင်းရန် ကြိုးပမ်းသည့် မည်သည့်ပြဿနာမဆို ပြဿနာတစ်ခု လုံးဝ ဖြစ်လိမ့်မည် မဟုတ်။ သို့ရာတွင် သမ္မာတရားကို သင် မလိုက်စားသကဲ့သို့ ဤပြဿနာနှစ်ခုသည် မည်မျှ ဆိုးရွားသည်ကိုသာ သတိပြုမိနိုင်ခြင်း မရှိပါက မည်သည့်ပြဿနာကို ဖြေရှင်းရန် သင် ကြိုးစားသည်ဖြစ်စေ၊ လွယ်ကူမည် မဟုတ်။ ဤအပျက်သဘောဆောင်သည့် ကောင်းကျိုးမပြုသော အရာများနှင့် ပတ်သက်လာသည့်အခါ ယင်းတို့ကို ဖြေရှင်းရန်အလို့ငှာ သမ္မာတရားကို သင် လက်ခံရန်၊ လက်တွေ့လုပ်ဆောင်ပြီး ကျိုးနွံနာခံရန် လိုအပ်ပြီး ယင်းတို့ကို အပြုသဘောဆောင်သော အရာများဖြင့် အစားထိုးရန် လိုအပ်သည်။ ဤသည်မှာ အစဉ်အမြဲ လုပ်ငန်းစဉ်ဖြစ်ပြီး လူတို့က အပျက်သဘောဆောင်သည့် အရာများကို စွန့်ပစ်ရန်နှင့် အပြုသဘောဆောင်ပြီး ထိရောက်သည့် အရာများနှင့် သမ္မာတရားနှင့်ကိုက်ညီသည့် အရာများကို လက်ခံရန် အမြဲ လိုအပ်သည်။ သွင်ပြင်လက္ခဏာတစ်ခုမှာ သင်၏ အတွေးများနှင့် အမြင်များကို တိုးတက်စေရန်ဖြစ်ပြီး တစ်ခုမှာ သင်၏ စိတ်သဘောထားများကို တိုးတက်စေရန် ဖြစ်သည်။ တစ်ခုမှာ သင်၏ အတွေးများနှင့် အမြင်များကို ဖြေရှင်းရန်ဖြစ်ပြီး တစ်ခုမှာ သင်၏ ဖောက်ပြန်ပျက်စီးသော စိတ်သဘောထားများကို ဖြေရှင်းရန် ဖြစ်သည်။ ဤအရာနှစ်ခုသည် တစ်ခါတစ်ရံ အတူတကွ ပေါ်ထွက်ပြီး အချင်းချင်း သက်ဆိုင်သည်မှာ အမှန်ဖြစ်၏။ မည်သို့ဆိုစေ အပျက်သဘောဆောင်သည့် စိတ်ခံစားမှုများကို လက်လွှတ်ခြင်းသည် သမ္မာတရားကို လိုက်စားနေချိန် လူတို့ လက်တွေ့လုပ်ဆောင်သင့်သည့်အရာတစ်ခု ဖြစ်သည်။ ကောင်းပြီ၊ ယနေ့ မိတ်သဟာယကို ဤနေရာတွင် အဆုံးသတ်ကြစို့။

၂၀၂၂ ခုနှစ်၊ အောက်တိုဘာလ ၂၉ ရက်