အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

နိဒါန်း

“စကြဝဠာတစ်ခုလုံးအတွက် ဘုရားသခင်၏ နှုတ်ကပတ်တော်များ” သည် ခရစ်တော်မှ ဖော်ပြခဲ့သည့် မိန့်မြွက်ချက်များ၏ ဒုတိယအပိုင်းဖြစ်သည်။ ဤအပိုင်းတွင် ခရစ်တော်သည် ဘုရားသခင် ကိုယ်တိုင်၏ ကိုယ်ပိုင်လက္ခဏာကို အသုံးပြုထားသည်။ ယင်းတို့သည် ၁၉၉၂ ခုနှစ် ဖေဖော်ဝါရီလ ၂၀ ရက်မှ ၁၉၉၂ ခုနှစ် ဇွန်လ ၁ ရက်အတွင်း မိန့်မြွက်ချက်များဖြစ်ပြီး၊ အခန်းစုစုပေါင်း လေးဆယ့်ခုနစ်ခန်းနှင့် ဖွဲ့စည်းထားသည်။ ဤမိန့်မြွက်ချက်များအတွင်းရှိ ဘုရားသခင့်နှုတ်ကပတ်တော်များ၏ နည်းဟန်၊ ပါဝင်သည့် အကြောင်းအရာနှင့် ရှုထောင့်များသည် “အစအဦး၌ ခရစ်တော်၏ မိန့်မြွက်ချက်များ” နှင့် လုံးလုံးမတူညီပါ။ “အစအဦး၌ ခရစ်တော်၏ မိန့်မြွက်ချက်များ” သည် လူများ၏ အပြင်ပန်းအပြုအမူနှင့် ၎င်းတို့၏ ရိုးစင်းသော ဝိညာဉ်ရေးရာ အသက်တာများကို ဖော်ထုတ်ပြီး လမ်းပြပို့ဆောင်ပေးသည်။ အဆုံးတွင်တော့ ယင်းသည် “အစေခံသူတို့၏ စမ်းသပ်စစ်ဆေးခြင်း” နှင့် နိဂုံးချုပ်သည်။ “စကြဝဠာတစ်ခုလုံးအတွက် ဘုရားသခင်၏ နှုတ်ကပတ်တော်များ” ကမူ လူတို့၏ ကိုယ်ပိုင်လက္ခဏာကို အစေခံသူများအဖြစ် သုံးသပ်ခြင်းနှင့် ဘုရားသခင်၏ လူများအဖြစ် ထိုသူတို့ အသက်တာများစတင်ခြင်းနှင့် အစပြုထားသည်။ ယင်းက လူတို့ကို ဘုရားသခင့်အလုပ်၏ ဒုတိယ အထွတ်အထိပ်ထဲသို့ လမ်းပြပို့ဆောင်ပေးပြီး၊ ထိုလမ်းပို့ဆောင်ခြင်း လမ်းကြောင်းတွင် သူတို့သည် မီးအိုင်၏ စမ်းသပ်စစ်ဆေးခြင်း၊ မရဏ၏ စမ်းသပ်စစ်ဆေးခြင်းနှင့် ဘုရားသခင်အား ချစ်ခြင်း အချိန်များတို့ကို ကြုံရသည်။ ဤအဆင့်များသည် ဘုရားသခင်၏ ရှေ့မှောက်တွင် လူသား၏ အကျည်းတန်မှုနှင့် သူတို့၏ သရုပ်အမှန်ကို ပြည့်ဝစွာ ဖော်ထုတ်သည်။ အဆုံးတွင် ဘုရားသခင်သည် လူသားနှင့် သူခွဲခွာသည့်အရာ ပါဝင်သော အခန်းတစ်ခန်းနှင့် အဆုံးသတ်ထားသည်၊ ထိုသို့အားဖြင့် ပထမလူအုပ်စုအပေါ် ဘုရားသခင်၏ ဤလူ့ဇာတိခံယူခြင်းမှ သိမ်းပိုက်ခြင်း၏ အဆင့်အားလုံးသည်လည်း နိဂုံးချုပ်သွားသည်။

“စကြဝဠာတစ်ခုလုံးအတွက် ဘုရားသခင်၏ နှုတ်ကပတ်တော်များ” ထဲတွင် ဘုရားသခင်သည် သူ၏နှုတ်ကပတ်တော်များကို ဝိညာဉ်တော်၏ ရှုထောင့်မှ ဖော်ပြသည်။ သူပြောဆိုသော နည်းဟန်ကို ဖန်ဆင်းခံ လူသားမျိုးနွယ်မှ မရရှိနိုင်ပေ။ ထို့အပြင် သူ့နှုတ်ကပတ်တော်များ၏ ဟန်ပန်နှင့် ဝေါဟာရသည် လှပ၍ လှုံ့ဆော်မှုပေးကာ၊ လူသား၏ မည်သည့်စာပေပုံစံကမျှ ယင်းတို့၏နေရာကို အစားထိုးနိုင်မည် မဟုတ်ချေ။ လူသားအား သူဖော်ထုတ်သော နှုတ်ကပတ်များမှာ တိကျသည်၊ ယင်းတို့အား မည်သည့်ဒဿနိကနှင့်မှ ငြင်းဆို၍ မရနိုင်ပါ၊ ထို့အပြင် ယင်းတို့သည် လူများအားလုံးကို ကျိုးနွံနာခံစေသည်။ အသွားထက်သော ဓားတစ်လက် လေအလား၊ လူသားအား သူတရားစီရင်သော နှုတ်ကပတ်တော်များသည် လူတို့ဝိညာဉ်များ၏ နက်ရှိုင်းရာများထိ ဖြောင့်တန်းစွာ ထိုးဖြတ်ပြီး၊ ထိုသူတို့အား ပုန်းကွယ်ရန် နေရာမရှိဘဲ ကျန်ရစ်စေသည်။ လူတို့အား သူနှစ်သိမ့်ပေးသော နှုတ်ကပတ်တော်များသည် ကရုဏာနှင့် ချစ်ခင်ကြင်နာမှုကို သယ်ဆောင်ပြီး၊ ယင်းတို့မှာ မေတ္တာရှိသော မိခင်၏ ထွေးပွေ့မှုကဲ့သို့ နွေးထွေးကာ၊ ယင်းတို့သည် လူများကို ယခင်က တစ်ခါမျှ မခံစားဖူးသည့် လုံခြုံမှုကို ခံစားစေသည်။ ဤမိန့်မြွက်ချက်များ၏ အကြီးမြတ်ဆုံးသော စရိုက်လက္ခဏာ တစ်ရပ်မှာ ဤအဆင့်တွင် ဘုရားသခင်သည် ယေဟောဝါ၊ သို့မဟုတ် ယေရှုခရစ်တော်၏ ကိုယ်ပိုင်လက္ခဏာကို အသုံးပြု၍ မပြောဆိုသကဲ့သို့၊ နောက်ဆုံးသောကာလရှိ ခရစ်တော်၏ ကိုယ်ပိုင်လက္ခဏာကိုလည်း မသုံးပါ။ ထိုအစား၊ သူသည် ဖန်ဆင်းရှင်ဟူသည့် သူ၏ပင်ကိုကိုယ်ပိုင်လက္ခဏာကို အသုံးပြုကာ သူ့နောက်လိုက်သော ထိုသူများနှင့် သူ့နောက်မလိုက်ရသေးသော ထိုသူများအားလုံးကို သူသည် သွန်သင်ကာ ပြောဆို၏။ ဘုရားသခင်သည် လူသားမျိုးနွယ်အားလုံးကို မိန့်ကြားသည်မှာ ဖန်ဆင်းခြင်းပြီးကတည်းက ဤအကြိမ်သည် ပထမဆုံးအကြိမ် ဖြစ်သည်ဟုပြောလျှင် သမာသမတ်ကျပါသည်။ ဘုရားသခင်သည် ဖန်ဆင်းခံလူသားမျိုးနွယ်ကို ထိုကဲ့သို့ အသေးစိတ်ကျကျနှင့် အလွန်စနစ်ကျစွာ ယခင်က တစ်ခါမျှပင် မပြောဆိုခဲ့ဖူးပေ။ ဤသည်မှာ သူသည် ပထမဦးဆုံးအကြိမ် များစွာပြောဆိုခြင်းနှင့် ကြာရှည်စွာ ပြောဆိုခြင်းလည်းဖြစ်သည်မှာ မှန်ပေသည်။ ယင်းသည်မှာ လုံးလုံးမကြုံစဖူးသော အရာဖြစ်သည်။ ထို့ထက်ပိုသည်မှာ၊ ဤမိန့်မြွက်ချက်များမှာ လူသားမျိုးနွယ်အကြားတွင် ဘုရားသခင်ဖော်ပြခဲ့သည့် ပထမဆုံးသော စာသားများပင် ဖြစ်သည်၊ ထိုအထဲတွင် သူသည် လူသားများကို ဖော်ထုတ်ခဲ့သည်၊ လမ်းပြခဲ့သည်၊ တရားစီရင်ခဲ့ကာ၊ လူများကို ရင်းနှီးပွင့်လင်းစွာ ပြောကြားခဲ့ပြီး၊ ယင်းအရာထဲတွင် ဘုရားသခင်က လူများကို သူ၏ခြေရာများ၊ သူလျောင်းသည့်နေရာ၊ ဘုရားသခင်၏ စိတ်သဘောထား၊ ဘုရားသခင်၏ အရာအားလုံးနှင့် ဖြစ်ခြင်း၊ ဘုရားသခင်၏ အတွေးများနှင့် လူသားမျိုးနွယ်အတွက် သူ၏ပူပန်မှု စသည်တို့ကို သိစေခဲ့သော ပထမဆုံး မိန့်မြွက်ချက်များလည်း ဖြစ်သည်။ ဤအရာများသည် ဖန်ဆင်းခြင်းကတည်းက ဘုရားသခင်သည် လူသားမျိုးနွယ်ကို တတိယကောင်းကင်ဘုံမှ ပြောဆိုသည့် ပထမဆုံးသော မိန့်မြွက်ချက်များ ဖြစ်သည်ဟု ပြောနိုင်ပြီး၊ ဘုရားသခင်သည် နှုတ်ကပတ်တော်များအလယ်တွင် လူသားမျိုးနွယ်ထံသို့ သူ့နှလုံးသား၏ အသံကို ဖော်ပြရန်နှင့် ပေါ်လာရန် သူ၏ ပင်ကိုကိုယ်ပိုင်လက္ခဏာကို အသုံးပြုခဲ့သော ပထမဆုံးအကြိမ်လည်း ဖြစ်ပေသည်။

ဤမိန့်မြွက်ချက်များသည် လေးနက်သိမ်မွေ့ပြီး ဉာဏ်မမီနိုင်သည့် အရာများဖြစ်သည်။ ယင်းတို့အား နားလည်နိုင်ရန် မလွယ်ကူသကဲ့သို့၊ ဘုရားသခင် နှုတ်ကပတ်တော်များ၏ ရည်ရွယ်ချက်များနှင့် နဂိုမူလကို နားလည်နိုင်ခြင်း မရှိချေ။ ထို့ကြောင့်ပင် ခရစ်တော်သည် အခန်းအသီးသီး၏နောက်တွင် လူသားအတွက် နားလည်သဘောပေါက်ရ လွယ်ကူစေရန်နှင့် မိန့်မြွက်ချက်များ၏ အစိတ်အပိုင်းအများစုကို ရှင်းလင်းပြတ်သားစေရန် ရှင်းပြချက်တစ်ခုကို ပေါင်းထည့်ခြင်းဖြစ်သည်။ ဤအရာသည် မိန့်မြွက်ချက်များ ကိုယ်တိုင်နှင့် ပေါင်းလိုက်ပါက လူတိုင်းအတွက် ဘုရားသခင်၏ နှုတ်ကပတ်တော်များကို နားလည်ရန်နှင့် သိကျွမ်းရန် သာ၍လွယ်ကူစေသည်။ ဤနှုတ်ကပတ်တော်များကို “စကြဝဠာတစ်ခုလုံးအတွက် ဘုရားသခင်၏ နှုတ်ကပတ်တော်များ” ၏ နောက်ဆက်တွဲအဖြစ် ကျွန်ုပ်တို့ပြုလုပ်ထားသည်။ ယင်းတို့အထဲတွင် ခရစ်တော်သည် နားလည်ရ အလွယ်ကူဆုံးသော စကားလုံးသုံးနှုန်းမှုကို အသုံးပြုပြီး ရှင်းပြချက်များကို ထောက်ပံ့ပေးထားသည်။ ဤနှစ်ခု၏ ပေါင်းစပ်မှုသည် ဘုရားသခင်၏သဘောသဘာဝနှင့် လူ့သဘောသဘာဝထဲက ဘုရားသခင်တို့၏ ပြီးပြည့်စုံလင်သော ထိမ်းမြားခြင်းပင်ဖြစ်သည်။ နောက်ဆက်တွဲထဲ၌ ဘုရားသခင်သည် တတိယလူတစ်ယောက်၏ ရှုထောင့်မှ ပြောဆိုသော်ငြားလည်း၊ ဤနှုတ်ကပတ်တော်များကို ဘုရားသခင်က ကိုယ်တိုင်ကိုယ်ကျ မြွက်ဆိုခဲ့ခြင်း ဖြစ်သည်ကိုမူ မည်သူကမျှ မငြင်းဆိုနိုင်ချေ၊ အကြောင်းမှာ မည်သည့်လူသားကမျှ ဘုရားသခင်၏ နှုတ်ကပတ်တော်များကို ရှင်းလင်းစွာ မရှင်းပြနိုင်သောကြောင့်ဖြစ်ပြီး၊ ဘုရားသခင်ကိုယ်တိုင်သာလျှင် သူ့မိန့်မြွက်ချက်များ၏ ရည်ရွယ်ချက်များနှင့် နဂိုမူလကို ထင်ရှားအောင် ရှင်းပြနိုင်သောကြောင့်ဖြစ်သည်။ ထို့ကြောင့် ဘုရားသခင်သည် နည်းလမ်းများစွာကို အသုံးပြု၍ ပြောဆိုသော်ငြားလည်း၊ သူ့အလုပ်၏ ရည်မှန်းချက်များမှာ မည်သည့်အခါမျှ ပြောင်းလဲခြင်းမရှိသကဲ့သို့၊ သူ့အစီအစဉ်၏ ရည်ရွယ်ချက်များသည်လည်း ဘယ်သောအခါမျှ ပြောင်းလဲခြင်းမရှိ။

“စကြဝဠာတစ်ခုလုံးအတွက် ဘုရားသခင်၏ နှုတ်ကပတ်တော်များ” မှာ ဘုရားသခင်သည် လူသားနှင့် ခွဲခွာသည့်အရာ ပါဝင်သော အခန်းတစ်ခန်းနှင့် အဆုံးသတ်ထားသော်ငြားလည်း၊ အမှန်တွင်မူ ယင်းသည် လူအကြားရှိ ဘုရားသခင် အလုပ်၏ သိမ်းပိုက်ခြင်းနှင့် ကယ်တင်ခြင်း၊ ပြီးလျှင် လူတို့အား ပြီးပြည့် စုံလင်စေခြင်းငှာပြုသော သူ၏အမှု ဤသည်တို့အား တရားဝင် ဖွင့်လှစ်လိုက်သော အချိန်ဖြစ်သည်။ ထို့ကြောင့်ပင် “စကြဝဠာတစ်ခုလုံးအတွက် ဘုရားသခင်၏ နှုတ်ကပတ်တော်များ” ကို နောက်ဆုံးသောကာလရှိ ဘုရားသခင့်အမှု၏ ပရောဖက်ပြုချက်အနေဖြင့် မှတ်ယူရန် သာ၍လျောက်ပတ်ပေသည်။ အဘယ်ကြောင့်ဆိုသော် ဤအချက်ပြီးသည့် နောက်ပိုင်းမှသာ လူ့ဇာတိခံယူသော လူသားသည် ခရစ်တော်၏ ကိုယ်ပိုင်လက္ခဏာကို အသုံးပြုပြီး ပြောဆိုလုပ်ဆောင်ခြင်းငှာ တရားဝင်စတင်ကာ၊ အသင်းတော်များအကြားတွင် လှမ်းသွား၍ အသက်ကို ထောက်ပံ့ပေးခြင်း၊ သူ၏လူများအားလုံးတို့ကို ရေလောင်း၍ ထိန်းကျောင်းပေးခြင်းတို့ကိုပြုလုပ်ပြီး ယင်းမှတစ်ဆင့် “အသင်းတော်များတွင် ခရစ်တော်လျှောက်သွားစဉ် သူ၏နှုတ်ကပတ်တော်များ” ရှိ များစွာသော မိန့်မြွက်ချက်များ ထွက်ပေါ်လာလေသည်။

ယခင်က:အခန်း ၁၂၀

နောက်တစ်ခုသို့:အခန်း ၁

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ