၁ ဘုရားသခင်၏ စီမံခန့်ခွဲမှုအစီအစဉ်နှင့်ဆိုင်သည့် အမှုတစ်ရပ်လုံးကို ဘုရားသခင်ကိုယ်တိုင်မှ ကိုယ်တိုင်ကိုယ်ကျ ဆောင်ရွက်ခြင်းဖြစ်၏။ လောကကြီးကို ဖန်ဆင်းခြင်းဖြစ်သည့် ပထမအဆင့်ကို ဘုရားသခင်ကိုယ်တော်တိုင်က ကိုယ်တိုင်ကိုယ်ကျ လုပ်ဆောင်ခဲ့ခြင်းဖြစ်သည်၊ အကယ်၍ ထိုသို့သာ မဟုတ်ခဲ့ပါလျှင် လူသားမျိုးနွယ်ကို ဖန်ဆင်းခြင်းငှာ တတ်စွမ်းနိုင်မည့်သူ ရှိလိမ့်မည် မဟုတ်ချေ၊ ဒုတိယအဆင့်သည် လူသားမျိုးနွယ်အားလုံးကို ရွေးနုတ်ခြင်းဖြစ်ခဲ့ပြီး ဤအဆင့်ကိုလည်း ဘုရားသခင်ကိုယ်တော်တိုင်က ကိုယ်တိုင်ကိုယ်ကျ လုပ်ဆောင်ခဲ့ခြင်းဖြစ်သည်၊ တတိယအဆင့်ကိုမူ ပြောရန်မလိုပေ၊ ဘုရားသခင်၏ အမှုခပ်သိမ်းနှင့်ဆိုင်သော အဆုံးသတ်ကို ဘုရားသခင်ကိုယ်တိုင်ပြုလုပ်ရန် သာ၍ပင် လိုအပ်၏။ လူသားမျိုးနွယ်တစ်ရပ်လုံးကို ရွေးနုတ်ခြင်း၊ သိမ်းပိုက်ခြင်း၊ ရယူခြင်းနှင့် စုံလင်စေခြင်းအမှုအားလုံးကို ဘုရားသခင်က ကိုယ်တိုင်ကိုယ်ကျ လုပ်ဆောင်ခြင်းဖြစ်၏။ စာတန်ကို အနိုင်ယူရန်အတွက်၊ လူသားမျိုးနွယ်ကို ရယူရန်အတွက်၊ ထို့ပြင် လူသားကို ကမ္ဘာမြေကြီးပေါ်တွင် သာမန်အသက်တာတစ်ခု ပေးရန်အတွက် သူကိုယ်တိုင် လူသားကို လမ်းပြဦးဆောင်၍ လူသားတို့အကြား ကိုယ်တိုင်အမှုဆောင်ရွက်၏။ သူ၏ စီမံခန့်ခွဲရေးအစီအစဉ် တစ်ရပ်လုံးအတွက်၊ ထို့ပြင် သူ၏အမှုအားလုံးအတွက် သူသည် ဤအမှုကို ကိုယ်တိုင်ဆောင်ရွက်ရမည်ဖြစ်၏။

၂ အစအဦးမှ ယနေ့တိုင်လုပ်ဆောင်ခဲ့သည့် အမှု၏အဆင့်သုံးဆင့်စလုံးကို ဘုရားသခင်ကိုယ်တိုင်က လုပ်ဆောင်ခဲ့ခြင်းဖြစ်ကာ တစ်ဆူတည်းသော ဘုရားသခင်က လုပ်ဆောင်ခဲ့ခြင်းဖြစ်၏။ အမှုအဆင့်သုံးဆင့်ကို ဘုရားသခင်တစ်ဆူတည်းကသာ ဆောင်ရွက်ခဲ့၏။ ဤသည်မှာ အကြီးမားဆုံးသော ရူပါရုံဖြစ်၍ ဘုရားသခင်ကို သိရှိခြင်းအတွက် တစ်ခုတည်းသော လမ်းကြောင်းဖြစ်၏။ အမှုအဆင့်သုံးဆင့်ကို ဘုရားသခင် ကိုယ်တိုင်သာလျှင် ဆောင်ရွက်နိုင်ခဲ့သည်ဖြစ်၍ မည်သည့်လူသားမျှ သူ့ကိုယ်စား ဆောင်ရွက်နိုင်မည် မဟုတ်ပေ၊ ဆိုလိုသည်မှာ ဘုရားသခင် ကိုယ်တိုင်သာလျှင် သူ၏အမှုကို အစမှ ယနေ့တိုင် ဆောင်ရွက်နိုင်ခဲ့သည်ဟု ဆိုလိုသည်။ ဘုရားသခင့်အမှု၏ အဆင့်သုံးဆင့်ကို ကွဲပြားသည့်ခေတ်များ၊ ကွဲပြားသည့် တည်နေရာများတွင် လုပ်ဆောင်ခဲ့သော်လည်း၊ ထို့အပြင် တစ်ခုစီ၏အမှုသည် ကွဲပြားသော်လည်း၊ ဤသည်မှာ တစ်ဆူတည်းသော ဘုရားသခင်က ဆောင်ရွက်ခဲ့သည့် အမှုအားလုံးဖြစ်၏။ ရူပါရုံအားလုံးတွင် ဤသည်မှာ လူသားအနေဖြင့် သိသင့်သည့် အကြီးမားဆုံးသော ရူပါရုံဖြစ်ကာ၊ လူသားအနေနှင့် ဤသည်ကို လုံးဝနားလည်နိုင်ပါက သူသည် ခိုင်မြဲစွာ ရပ်တည်နိုင်မည်ဖြစ်၏။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုအဆင့် သုံးဆင့်ကို သိခြင်းသည် ဘုရားသခင်ကို သိခြင်း၏ လမ်းကြောင်းဖြစ်သည်” ကို ကောက်နုတ်၍ ဆီလျော်စွာ ပြုပြင်ထားသည်။