အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ရွက်ကြွေများ ၎င်းတို့အမြစ်များဆီ ပြန်သွားကြချိန် ပြုခဲ့သမျှ မကောင်းမှုအားလုံးကို သင်နောင်တရလတ္တံ့

သင်တို့ကြား၌ ငါလုပ်ခဲ့သော အလုပ်ကို သင်တို့ရှိသမျှသည် ကိုယ်တိုင်ကိုယ်ကျ တွေ့ကြုံကြရပြီ၊ ငါပြောခဲ့သော စကားများကို သင်တို့ကိုယ်တိုင် ကြားခဲ့ကြပြီ၊ သင်တို့အပေါ်ထားသော ငါ၏သဘောထားကို သင်တို့သိကြ၏။ ထို့ကြောင့် ငါသင်တို့အထဲ၌ အဘယ်ကြောင့် ဤအလုပ် လုပ်ဆောင်နေသည်ကို သင်တို့ သိသင့်ကြသည်။ သင်တို့အား အမှန်တရားကို ငါပြောမည် ’ သင်တို့သည် နောက်ဆုံးသောကာလ၌ ငါ၏ သိမ်းပိုက်ခြင်းအလုပ်အတွက် တန်ဆာပလာများ ဖြစ်သည်မှတစ်ပါး မည်သည့်အရာမျှ မဟုတ်ပါ။ သင်တို့သည် တစ်ပါးအမျိုးသား တိုင်းနိုင်ငံများအလယ် ငါ၏ အလုပ်တိုးချဲ့ခြင်းအတွက် တန်ဆာပလာများ ဖြစ်ကြသည်။ ငါ၏အလုပ်ကို တစ်ပါးအမျိုးသား တိုင်းနိုင်ငံများအလယ်တွင်ငါ၏နာမအဖို့ ပိုမိုချဲ့ထွင်နိုင်ရန်အလို့ငှာ ငါသည် သင်တို့၏ မတရားသောအမှု၊ သင်တို့၏ ညစ်ညူးမှု၊ သင်တို့၏ ခုခံပြစ်မှားမှုနှင့် ပုန်ကန်မှုတို့မှတစ်ဆင့် စကားပြောသည်၊ ယင်းမှာ ဣသရေလလူမျိုးအပြင်ဘက် တိုင်းနိုင်ငံအားလုံးအလယ်တွင် ပျံ့နှံ့ဖို့ဖြစ်၏။ ထိုသို့ ဖြစ်ရသည်အကြောင်းမှာ ငါ၏လုပ်ဆောင်ချက်များနှင့် ငါ၏အသံတို့သည် တစ်ပါးအမျိုးသား တိုင်းနိုင်ငံများ တစ်လျှောက် ဖြန့်ဖြူးနိုင်မည်၊ သို့အားဖြင့် အဲဂုတ္တုနှင့် ဣသရေလမြေများပြင်ပတွင် ငါ၏ သန့်ရှင်းသော မြေများဖြစ်လာကြပြီး ဣသရေလမဟုတ်သော လူမျိုးအပေါင်းတို့သည် ငါ့အားဖြင့် သိမ်းပိုက်ခံရကာ ငါ့ကို ပျပ်ဝပ်ကိုးကွယ် နိုင်ကြလိမ့်မည်ဖြစ်သည်။ ငါ၏အလုပ်ကို တိုးချဲ့ခြင်းဟူသည်မှာ အမှန်တွင်တော့ ငါ၏ သိမ်းပိုက်ခြင်းအလုပ်ကို တိုးချဲ့ခြင်းဖြစ်ပြီး ငါ၏ သန့်ရှင်းသောမြေကို တိုးချဲ့ခြင်းဖြစ်သည်။ ၎င်းမှာ ကမ္ဘာပေါ်တွင် ငါ၏ခြေကုပ်ကို တိုးချဲ့ခြင်းဖြစ်သည်။ သင်တို့မှာ တစ်ပါးအမျိုးသား တိုင်းနိုင်ငံများကြား ငါသိမ်းပိုက်သော သတ္တဝါများသာ ဖြစ်ကြသည်ကို သင်တို့ ရှင်းရှင်းလင်းလင်း သိသင့်သည်။ သင်တို့သည် အစမူလက အသုံးချဖို့အတွက် အဆင့်အတန်းမရှိသလို မည်သည့် တန်ဖိုးမျှလည်း ရှိကြသည်မဟုတ်၊ လုံးဝ အသုံးမဝင်ကြသူများ ဖြစ်သည်။ ယင်းမှာ ငါ၏ လောကကို သိမ်းပိုက်ခြင်းအတွက် နမူနာများဖြစ်ရန်၊ ငါ၏ လောကကို သိမ်းပိုက်ခြင်းအတွက် “ရည်ညွှန်းချက် ပစ္စည်းများ” ဖြစ်ဖို့ရန်သာ နောက်ချေးပုံထဲက လောက်များကို ငါချီမခဲ့ခြင်းသာဖြစ်သည်။ ဤအရာအားဖြင့်သာ ယခု သင်တို့သည် ငါနှင့်အတူ အဆက် အသွယ်ဖြစ်ပြီး ငါနှင့်အတူ ရှိဖို့ရန်အတွက် သင်တို့ လုံလောက်စွာ ကံကောင်းခြင်း ဖြစ်သည်။ ငါ၏ သိမ်းပိုက်သော အလုပ်အတွက် စံပြများ၊ နမူနာများဖြစ်ဖို့ရန်အတွက် သင်တို့ကို ရွေးချယ်ခဲ့သည်မှာ သင်တို့၏ နိမ့်ကျသော အဆင့်အတန်းကြောင့် ဖြစ်သည်။ သင်တို့ကြားတွင် ငါအလုပ်လုပ်ပြီး စကားပြောကာ သင်တို့နှင့်အတူ အသက်ရှင်ပြီး နေထိုင်ရခြင်းမှာ ဤအကြာင်းအဖို့ ဖြစ်၏။ သင်တို့အကြားတွင် ငါစကားပြော နေရသည်မှာ ငါ၏ စီမံခန့်ခွဲမှုနှင့် နောက်ချေးပုံထဲက အသင် လောက်တို့ကို အဆုံးစွန် ငါ၏ ရွံရှာမှုကြောင့်သာ ဖြစ်ကြောင်း သင်တို့ သိသင့်ပြီး ယင်းမှာ ငါအမျက်ပြင်းပြင်း ထွက်ရသည်အထိပင်လျှင်ဖြစ်၏။ သင်တို့ကြား ငါအလုပ်လုပ်ခြင်းသည် ဣသရေလ၌ ယေဟောဝါ၏ အလုပ်လုပ်ခြင်းနှင့် လုံးဝတူညီခြင်းမရှိသလို အထူးသဖြင့် ယုဒပြည်၌ ယေရှု၏ အလုပ်လုပ်ခြင်းနှင့် မတူပါ။ ကြီးမားသော သည်းခံစိတ်နှင့်အတူ ငါသည် ပြောဆိုလုပ်ကိုင်ပြီး အမျက်ဒေါသနှင့် တရားစီရင်ခြင်းတို့နှင့်အတူ ဤအကျင့်တရားပျက်သူတို့ကို ငါသိမ်းပိုက်သည်။ ယင်းမှာ ဣသရေလ၌ မိမိလူတို့ကို ယေဟောဝါ ဦးဆောင်ခြင်းနှင့် မည်သို့မျှ မတူပါ။ ဣသရေလ၌ သူ၏ အမှုတော်မှာ အစားအစာနှင့် အသက်ရေကို ချပေးခြင်းဖြစ်ပြီး သူ၏ထောက်ပံ့ပေးခြင်းတွင် သူသည် သူ၏လူတို့အပေါ် သနားစုံမက်ခြင်းနှင့် ချစ်ခြင်း အပြည့်အဝ ရှိခဲ့သည်။ ယနေ့အလုပ်မှာ ရွေးချယ်ခြင်းမခံရသည့်၊ ကျိန်ခြင်းခံရသည့် နိုင်ငံတစ်နိုင်ငံ၌ ပြီးမြောက်သည်။ အစာပေါများခြင်းမရှိသလို ရေငတ်ခြင်းအတွက် အသက်ရေ၏ အာဟာရဓာတ်လည်း မရှိပါ။ လုံလောက်သော ကုန်ပစ္စည်းများ အထောက်အပံ့ ပို၍ပင် မရှိ၊ လုံလောက်သော တရားစီရင်ခြင်း၊ ကျိန်ခြင်းအမင်္ဂလာနှင့် ပြစ်တင်ဆုံးမမှုသာ ရှိသည်။ ဤနောက်ချေးပုံထဲက လောက်များသည် ဣသရေလလူမျိုးပေါ် ငါနှင်းအပ်ခဲ့သော သိုးနွား တိရစ္ဆာန်များနှင့် ပြည့်နေသည့်တောင်ကုန်းများ၊ ကြီးစွာသော စည်းစိမ်နှင့် မြေတစ်ပြင်လုံးက အလှဆုံး ကလေးသူငယ်များကို ရရှိခြင်းနှင့် လုံးဝမထိုက်တန်ကြပါ။ ပညတ်တော်အောက်၌ ယေဟောဝါ တောင်းဆိုသော ဆယ်ဖို့တစ်ဖို့ထက် ကျော်လွန်ပြီး မျက်မှောက်ခေတ် ဣသရေလလူမျိုးများသည် သူတို့ကို ငါ ယဇ်ပလ္လင်ပေါ်မှာ ကျွေးမွေးခဲ့သော သိုးနွားတရိစ္ဆာန်များနှင့် ရွှေထည်၊ ငွေထည် ပစ္စည်းများကို သူတို့ ပူဇော်ကြသည်၊ ထို့ကြောင့် ပညတ်တရားအောက်၌ ဣသရေလမှ ရရှိခဲ့သည့်အရာ၏ အဆတစ်ရာကျော် သူတို့ကို ငါ ပို၍ပင် ပေးခဲ့ပြီးဖြစ်သည်။ ဣသရေလကို ငါကျွေးမွေးခဲ့သောအရာသည် အာဗြဟံနှင့် ဣဇာတ်တို့နှစ်ဦးလုံး ရရှိခဲ့သည့်အရာကို ကျော်လွန်သည်။ ငါသည် ဣသရေလ လူမျိုး၏ မိသားစု ပွားများပြီး များပြားအောင် လုပ်မည်၊ ငါ၏ ဣသရေလလူမျိုး ကမ္ဘာလောကတစ်ခုလုံးသို့ ပျံ့နှံ့အောင် ငါလုပ်မည်။ ငါကောင်းကြီးပေးပြီး ဂရုစိုက်သောသူတို့မှာ ငါ့အား အရာအားလုံး ဆက်ကပ်သောသူ၊ ငါ့ထံမှ အရာအားလုံး ရရှိခဲ့ပြီးသည့် လူမျိုး ဖြစ်သည့် အရွေးချယ်ခံ ဣသရေလလူမျိုး ဖြစ်လျက်ပင် ရှိသေး၏။ ထိုသို့ဖြစ်ရသည်မှာ ငါ၏ပြန်ကြွလာခြင်းကို မျှော်လင့်ခြင်း၌ သူတို့၏ မွေးကင်းစ သားဦးတို့ကို ပူဇော်ကြသည်အထိတိုင်အောင် ငါ၏သန့်ရှင်းသော ယဇ်ပလ္လင်ထက်တွင် သူတို့၏ မွေးကင်းစ နွားသားပေါက်များနှင့် သိုးသူငယ်များကို သူတို့ယဇ်ပူဇော်ကြပြီး ငါ၏ရှေ့တွင် အရာအားလုံး ဆက်ကပ်ပူဇော်ကြသောကြောင့် ဖြစ်သည်။ သင်တို့ရော အဘယ်သို့နည်း။ သင်တို့သည် ငါ၏ အမျက်ဒေါသကို နှိုးဆွခဲ့၏၊ ငါ့အပေါ် တောင်းဆိုချက်များ ပြုလုပ်သည်၊ ငါ့အား ဆက်ကပ်ပူဇော်သော သူတို့၏ ယဇ်များကို ခိုးယူကြပြီး သင်တို့သည် ငါ့အားစော်ကားကြသည်ကို သင်တို့ မသိကြ၊ ထို့ကြောင့် သင်တို့ရရှိသောအရာမှာ မှောင်မိုက်ထဲ ငိုကျွေးခြင်းနှင့် ပြစ်ဒဏ်တို့ ဖြစ်သည်။ သင်တို့သည် ငါ၏ အမျက်ကို အကြိမ်ပေါင်းများစွာ ဆွခဲ့ကြပြီး ငါ၏ လောင်သောမီးများကို ငါ ရွာချခဲ့သည်၊ ထို့ကြောင့် မိမိတို့ ပျော်ရွှင်ဖွယ်ရာအိမ်များ လူဆိတ်ငြိမ်ရာ သင်္ချိုင်းများ ဖြစ်လာခဲ့သည့် ဝမ်းနည်းဖွယ် အဆုံးသတ်ခြင်းနှင့် တွေ့ကြုံခဲ့ရသူများစွာ ရှိခဲ့ပြီးဖြစ်သည်။ ဤလောက်ကောင်များအတွက် ငါ၌ ရှိသမျှမှာ မပြေနိုင်သော အမျက်ဒေါသဖြစ်ပြီး ကောင်းချီးမင်္ဂလာပေးရန် ငါ၌ ရည်ရွယ်ချက်မရှိ။ ငါသည် ခြွင်းချက်တစ်ခု ပြုလုပ်ခဲ့ပြီး သင်တို့ကို ချီမခဲ့သလို သင်တို့၏အလယ်၌ အလုပ်လုပ်ရန် ကြီးစွာသော အရှက်ရစေမှုကို ငါသည်းခံ ခဲ့သည်မှာ ငါ၏အလုပ်ကို ထောက်ရှုခြင်းကြောင့်သာ ဖြစ်သည်။ ငါ့ခမည်းတော်၏ အလိုတော်အတွက်သာ မဟုတ်လျှင် နောက်ချေးပုံထဲ လူးလွန့်နေကြသော လောက်ကောင်များနှင့်အတူ မည်သို့ တစ်အိမ်တည်းတွင် ငါ အတူ နေနိုင်မည်နည်း။ သင်တို့၏ လုပ်ရပ်များနှင့် စကားလုံးများအားလုံးအတွက် အလွန် စက်ဆုပ်ရွံရှာမှုကို ငါခံစားနေရပြီး မည်သို့ဆိုစေ သင်တို့၏ အညစ်အကြေးနှင့် ပုန်ကန်မှုတို့ကို ငါစိတ်ဝင်စားမှု အချို့ရှိပြီး ယင်းမှာ ငါ၏ နှုတ်ကပတ်တော်များ၏ အနှစ်သာရတစ်ခု ဖြစ်လာခဲ့သည်။ ထိုသို့မဟုတ်လျှင် သင့်တို့အကြားတွင် ဤမျှကြာ ငါလုံးဝ ရှိနေလိမ့်မည်မဟုတ်ပါ။ ထို့ကြောင့် ဤအရာကို ငါ၏အလုပ်အတွက်သာ လုပ်ဆောင်ခြင်း ဖြစ်သောကြောင့် သင်တို့အပေါ် ငါ၏သဘောထားမှာ ကိုယ်ချင်းစာတရားနှင့် သနားခြင်းတို့သာဖြစ်ပြီး ချစ်ခြင်းလုံးဝမပါပါ၊ သင်တို့အတွက် သည်းခံခြင်းသာ ရှိသည်ကို သိသင့်ကြ၏။ ငါသည် ညစ်ညမ်းမှုနှင့် ပုန်ကန်ခြင်းတို့ကို “ကုန်ကြမ်းများ” အဖြစ် ရွေးချယ်ခဲ့ခြင်းကြောင့်သာ ငါ၏ လုပ်ဆောင်မှုတို့ကို သင်တို့ မြင်ခဲ့ကြရခြင်းသာ ဖြစ်သည်။ သို့မဟုတ်လျှင် ဤလောက်ကောင်များထံ ငါ၏ လုပ်ဆောင်ချက်များကို ငါ လုံးဝထုတ်ဖော်မည် မဟုတ်၊ မလိုလားမှုနှင့်အတူ သင်တို့ထဲ၌ ငါ အလုပ်လုပ်နေခြင်းသာ ဖြစ်သည်၊ ယင်းမှာ ဣသရေလလူမျိုး၌ ငါ့အလုပ်၏ လိုလားခြင်းနှင့် စိတ်အားထက်သန်မှုတို့နှင့် လားလားမျှ မတူပါ။ ငါ၏ အမျက်ဒေါသကို သယ်ဆောင်ရင်း သင်တို့ကြားတွင် အင်တင်တင်ဖြင့် ငါစကားပြောနေခြင်းဖြစ်သည်။ သာ၍ ကြီးမားသော ငါ၏ အလုပ်အတွက် မဟုတ်လျှင် ဆက်၍မြင်နေရသည့် ထိုသို့သော လောက်ကောင်များ၏ မြင်ကွင်းကို ငါအဘယ်သို့ သည်းခံနိုင်မည်နည်း။ ငါ၏ နာမဖို့အလို့ငှာမဟုတ်လျှင် ငါသည် အမြင့်ဆုံးသော အထွဋ်သို့ တက်သွားပြီး ဤလောက်များနှင့် နောက်ချေးပုံကို ငါလုံးလုံးလျားလျား မီးရှို့ဖျက်ဆီးခဲ့ပြီး ဖြစ်လိမ့်မည်။ ငါ၏ ဘုန်းအတွက်အဖို့အလို့ငှာ မဟုတ်ခဲ့လျှင် ဤဆိုးညစ်သော နတ်ဆိုးများအား ငါ၏ မျက်မှောက်ရှေ့တွင် ဦးခေါင်းများ လှုပ်ယမ်းကာ ငါ့ကို ပွင့်ပွင့်လင်းလင်း ခုခံတွန်းလှန်ရန် အဘယ်ကြောင့် ငါခွင့်ပြုနိုင်မည်နည်း။ ငါ၏အလုပ်ကို အနည်းငယ်မျှ အတားအဆီးမရှိဘဲ ချောချောမွေ့ လုပ်ဆောင်နိုင်ဖို့ အတွက် မဟုတ်လျှင် ဤလောက်နှင့်တူသော လူတို့အား အကြောင်းမဲ့သက်သက် ငါ့ကို စော်ကားခွင့် ငါအဘယ်သို့ပြုမည်နည်း။ ဣသရေလရှိ ရွာတစ်ရွာ၌ လူပေါင်းတစ်ရာက ငါ့ကို ဤသို့ အတိုက်အခံလုပ်ရန် ထကြွခဲ့ကြလျှင် ငါ့အား ယဇ်ပူဇော်မှုများ သူတို့လုပ်ဆောင်ခဲ့ကြလျှင်သော်မှ အခြားမြို့များမှ လူများ နောက်ထပ် ပုန်ကန်မှုမပြုရန်အတွက် မြေထဲက အက်ကြောင်းများအောက်တွင် သူတို့ကို ငါဖျက်ဆီးလိမ့်ဦးမည် ဖြစ်သည်။ ငါသည် လောင်သောမီးဖြစ်ကာ အပြစ်ကို ငါသည်းမခံပါ။ အဘယ်ကြောင့်ဆိုသော် လူသား အားလုံးသည် ငါ့အားဖြင့် ဖန်ဆင်းထားခြင်းဖြစ်ပြီး ငါပြောသမျှနှင့် လုပ်သမျှတို့ကို လူတို့ နာခံကြရမည် ဖြစ်ကာ ဆန့်ကျင်ပုန်ကန်ကြရမည်မဟုတ်။ လူတို့သည် ငါ၏ အလုပ်၌ ဝင်ရောက် စွက်ဖက်ပိုင်ခွင့်မရှိကြပါ၊ အထူးသဖြင့် သူတို့က ငါ၏အလုပ်နှင့် နှုတ်ကပတ်တော်တို့ကို အဘယ်အရာ မှန်သည် သို့မဟုတ် မှားသည်ဟု စိစစ်ဖို့ရန် အရည်အချင်းမပြည့်မီကြပါ။ ငါသည် ဖန်ဆင်းခြင်း၏ အရှင်သခင်ဖြစ်ပြီး သတ္တဝါများအနေဖြင့် ငါ့အား ရိုသေလေးမြတ်သော စိတ်နှလုံးတစ်ခုနှင့်အတူ ငါသတ်မှတ်ပြဋ္ဌာန်းထားသော အရာတိုင်းကို ရယူသင့်ကြ၏၊ သူတို့သည် ငါနှင့်အတူ ကျိုးကြောင်းမဆင်ခြင်သင့်သလို အထူးသဖြင့် ငါ့ကို မဆန့်ကျင် သင့်ပါ။ ငါ၏ လူတို့အပါ် အုပ်စိုးရန်အတွက် ငါ၏ အခွင့်အာဏာကို ငါအသုံးပြုနေပြီး ငါ့ဖန်ဆင်းခြင်း၏ အစိတ်အပိုင်းဖြစ်ကြသော သူအားလုံး ငါ၏ အခွင့်အာဏာကို နာခံသင့်ကြ၏။ ယနေ့ ငါ၏ရှေ့တွင် သင်တို့သည် ရဲရင့်ကြပြီး စိတ်ကြီးဝင်နေကြလျက်၊ သင်တို့ကို ငါသင်ပေးသော ပညတ်တော်များကို သင်တို့ နားမထောင်ကြဘဲ ကြောက်ရွံ့မှုမရှိကြသော်လည်း၊ ငါသည် သင်တို့၏ ပုန်ကန်မှုကို သည်းခံခြင်းဖြင့်သာ ပြန်လည်တုံ့ပြန်၏။ အလွန်သေးငယ်သော လောက်တို့သည် နောက်ချေးပုံထဲ၌ အညစ်အကြေးကို လှန်ကြ သောကြောင့် ငါ၏ ဒေါသကို ငါလွတ်မည်မဟုတ်သလို ငါ့အလုပ်အပေါ် သက်ရောက်စေမည်မဟုတ်။ ငါ၏ ဖွင့်ဆိုချက်များ မပြည့်စုံမီတိုင်အောင်၊ ငါ၏ နောက်ဆုံး အခိုက်အတန့်အထိ ခမည်းတော်၏ အလိုတော်ကို ထောက်ရှုကာ ငါမနှစ်မြို့သော အရာအားလုံးနှင့် ငါစက်ဆုပ်သောအရာများကို ဆက်လက်ဖြစ်တည်မှုကို ငါသည်းခံသည်။ မစိုးရိမ်နှင့်၊ ငါသည် အမည်မဲ့လောက်တစ်ကောင်ကဲ့သို့ အဆင့်တူ နှစ်မြုပ်မသွားနိုင်သလို ငါသည် သင်နှင့်အတူ ကျွမ်းကျင်မှု အဆင့်နှိုင်းယှဉ်မည် မဟုတ်။ ငါသည် သင့်အား စက်ဆုပ်သော်လည်း သည်းခံရန် တတ်နိုင်သေး၏။ သင်သည် ငါ့ကို မနာခံသော်လည်း ငါ၏ ခမည်းတော်က ငါ့အား ကတိထား တော်မူသော သင်နှင့်ပတ်သက်သည့် ငါ၏ ပြစ်တင်ဆုံးမမှုနေ့ရက်ကို သင် မလွတ်မြောက်နိုင်။ အဖန်ဆင်းခံ လောက်တစ်ကောင်သည် ဖန်ဆင်းခြင်း၏ သခင်နှင့် နှိုင်းယှဉ်နိုင်သလော။ ဆောင်းဦးရာသီတွင် ရွက်ကြွေများသည် ၎င်းတို့ အမြစ်များဆီ ပြန်သွားကြလိမ့်မည်၊ သင်သည် သင့်အဖ၏ အိမ်သို့ ပြန်သွားရမည်၊ ငါသည်လည်း ငါ့ခမည်းတော်ထံပါးသို့ပြန်သွားရလိမ့်မည်။ ငါ့ခမည်းတော်၏ နူးညံ့သော ချစ်ခြင်းမေတ္တာသည် ငါနှင့်အတူ ပါရှိလိမ့်မည်ဖြစ်ပြီး သင်မူကား သင့်အဖ၏ နင်းခြေခြင်းက သင့်နောက်မှ လိုက်လာလိမ့်မည် ဖြစ်သည်။ ငါသည် ငါ့ခမည်းတော်၏ ဘုန်းအသရေကို ရရှိလိမ့်မည်ဖြစ်ကာ သင်မူကား သင့်အဖ၏ အရှက်ကွဲခြင်းကို ရရှိလိမ့်မည်။ ငါသည် သင့်ကို အဖော်ပြုရန် ရှည်ကြာစွာ ထိန်းထားခဲ့သော ပြစ်တင်ဆုံးမမှုကို အသုံးပြုမည်ဖြစ်ပြီး သင်သည် ငါ၏ ပြစ်တင်ဆုံးမမှုကို နှစ်သောင်းချီ ပျက်ဆီးခဲ့ပြီးသော ဆီချေးဆော်နံသည့် သင့်အသားဖြင့် ကြုံတွေ့ရလိမ့်မည်။ သည်းခံစိတ်နှင့်အတူ လိုက်ပါရင်း သင့်အထဲက ငါ့စကားလုံးများ၏ အလုပ်ကို ငါအဆုံးသတ်မည်ဖြစ်ပြီး ငါ၏စကားများမှ ဘေးအန္တရာယ် ခံစားခြင်း အခန်းကဏ္ဍကိုသင် စတင် ဖြည့်ဆည်းရလိမ့်မည်။ ငါသည် ကြီးစွာ ဝမ်းမြောက်ကာ ဣသရေလအမျိုး၌ အလုပ်လုပ်မည်၊ သင်သည် ငိုကြွေးကာ အံသွားခဲကြိတ်လိမ့်မည်ဖြစ်ပြီး နွံထဲ၌ ဖြစ်တည်ကာ သေဆုံးရလိမ့်မည်။ သင်၏ အကျည်းတန်မှုကို သင် ပြန်လည်ရရှိကာ နောက်ချေးပုံတစ်ဝိုက် သွားလာမည့်အချိန်တွင် ငါသည် ငါ၏နဂိုမူလပုံသဏ္ဌာန်ပြန်လည် ရရှိလိမ့်မည်ဖြစ်ပြီး သင်နှင့်အတူ အညစ်အကြေးထဲ၌ ဆက်ရှိနေတော့မည် မဟုတ်ပါ။ ငါ၏ အလုပ်နှင့် နှုတ်ကပတ်တော်များ ပြီးမြောက်ချိန်တွင် ငါ့အဖို့ ဝမ်းမြောက်ရာနေ့တစ်နေ့ ဖြစ်လိမ့်မည်။ သင်၏ ခုခံ တွန်းလှန်ခြင်းနှင့် ပုန်ကန်ခြင်း ပြီးမြောက်သောအခါ သင်၏ ငိုကြွေးရာနေ့ရက်တစ်ရက် ဖြစ်လိမ့်မည်။ ငါသည် သင့်အတွက် သနားဂရုဏာစိတ် ရှိလိမ့်မည်မဟုတ်သလို သင်သည် ငါ့ကို နောက်တစ်ဖန် မြင်ရလိမ့်မည်မဟုတ်။ ငါသည် သင်နှင့်အတူ နောက်ထပ် အပြန်အလှန် ဆွေးနွေးလိမ့်မည်မဟုတ်သလို သင်သည် ငါ့ကို နောက်ထပ် ဆုံတွေ့ရလိမ်မည်မဟုတ်။ ငါသည် သင်၏ ပုန်ကန်မှုကို မုန်းတီးလိမ့်မည်ဖြစ်ကာ သင်သည် ငါ၏ ချစ်ဖွယ်ဖြစ်ခြင်းကို အောက်မေ့လိမ့်မည်။ ငါသည် သင့်ကို ဒဏ်ခတ်မည်ဖြစ်ပြီး သင်သည် ငါ့ကို သတိရလိမ့်မည်။ ငါသည် သင့်ထံမှ ဝမ်းမြောက်စွာ ထွက်သွားလိမ့်မည်ဖြစ်ပြီး သင်သည် ငါ့ထံတင်ရှိနေသည့် သင်၏ ကြွေးမြီကို သတိပြုရလိမ့်မည်။ တစ်ဖန်ငါ သင့်ကို တွေ့လိမ့်မည် မဟုတ်သော်လည်း သင်သည် ငါ့ကို အမြဲ မျှော်လင့်လိမ့်မည်။ ယခု သင် ငါ့ကို ခုခံတွန်းလှန်နေသောကြောင့် သင့်ကို ငါ မုန်းမည်၊ လောလော လတ်လတ် သင့်ကို ငါ ပြစ်တင်ဆုံးမသောကြောင့် သင်သည် ငါ့ကို အောက်မေ့လိမ့်မည်။ သင်နှင့် တွဲဖက်၍ အသက်ရှင်ဖို့ ငါ အလိုရှိမည်မဟုတ်၊ သို့သော် သင်သည် ယင်းအတွက် တမ်းတကာ ထာဝရ ငိုကြွေးရလိမ့်မည်။ အဘယ်ကြောင့်ဆိုသော် ငါ့အား သင်ပြုသမျှ အရာအားလုံးအတွက် သင်သည် နောင်တရလိမ့်မည် ဖြစ်သောကြောင့် ဖြစ်သည်။ သင်၏ ပုန်ကန်မှုနှင့် ခုခံတွန်းလှန်ခြင်းအတွက် သင်နောင်တရလိမ့်မည်ဖြစ်ပြီး နောင်တဖြင့် မြေပြင်ပေါ် မျက်နှာပင်အပ်ကာ ငါ့ကို နောက်ထပ် မနာခံဘဲ မနေတော့ဖို့ရန် သင်ကျိန်ဆိုလိမ့်မည်။ သို့သော် သင်၏ စိတ်နှလုံးထဲ၌ သင်သည် ငါ့ကို ချစ်ရုံသာချစ်ပြီး ငါ့စကားသံကို ဘယ်တော့မှ ကြားနိုင်လိမ့်မည် မဟုတ်၊ သင့်ကိုယ်သင် အရှက်ရစေဖို့ ငါပြုရမည်။

ငါ့ကို လှည့်ဖြားခဲ့သော သင်၏ အထိန်းအကွပ်မဲ့ ဇာတိကို ယခု ငါမြင်ကာ သင့်အတွက် သေးငယ်သော သတိပေးချက်တစ်ခုသာ ငါ၌ ရှိ၏။ သင့်ကို “ကြည့်ရှုပြုစုရန်” ပြစ်တင်ဆုံးမမှုဖြင့် ငါ အရေးယူမည် မဟုတ်သည်မှာ သေချာ၏။ ငါ၏ အလုပ်၌ သင်ကပြရသည့် အခန်းကဏ္ဍကို သင်သိသင့်ပြီး နောက်တွင် ငါ ကျေနပ်လိမ့်မည်ဖြစ်သည်။ ဒီ့အပြင်၊ သင်သည် ငါ့ကိုတွန်းလှန်လျှင် သို့မဟုတ် ငါ၏ ငွေကို ဖြုန်းလျှင် သို့မဟုတ် ငါ ယေဟောဝါအဖို့ ယဇ်ကောင်များကို စားသုံးလျှင်၊ သို့မဟုတ် အသင်တို့ လောက်ကောင်များ အချင်းချင်း ကိုက်ကြလျှင်၊ သို့မဟုတ် အသင်တို့ ခွေးတူသတ္တဝါများကြား ပဋိပက္ခ သို့မဟုတ် စော်ကားခြင်းများ ရှိလျှင် ’ ထိုသို့သောအရာများနှင့် ငါအဘယ်သို့မျှ မစပ်ဆိုင်။ သင်တို့ အဘယ်အရာမျိုးဖြစ်ကြသည်ကိုသာ သင်တို့ သိဖို့လိုပြီး ငါသည် စိတ်ကျေနပ်လိမ့်မည်။ ဤအရာများမှ အပ၊ သင်တို့အချင်းချင်း တစ်ဦးပေါ်တစ်ဦး ဓားများ သို့မဟုတ် လှံများ ဆွဲထုတ်လိုကြလျှင် သို့မဟုတ် စကားလုံးများဖြင့် အချင်းချင်း တိုက်ခိုက်လိုကြလျှင် ပြဿနာမရှိပါ။ ဤအမှုအရာများ၌ စွက်ဖက်ဖို့ရန် ငါဆန္ဒမရှိသလို လူ့ကိစ္စရပ်များတွင် ငါသည် အနည်းငယ်မျှပင် ပါဝင်ပတ်သက်မှု မရှိပေ။ ထိုသို့ဖြစ်ရသည်မှာ သင်တို့ကြားက ပဋိပက္ခများကို ငါဂရုမထား သောကြောင့်မဟုတ်၊ သို့သော် ငါသည် သင်တို့ထဲက တစ်ဦးအပါဝင် မဟုတ်သောကြောင့်ဖြစ်သည်၊ ထို့ကြောင့် သင်တို့ကြားက အရေးအခင်းတွင် ငါမပါဝင်ပါ။ ငါ ကိုယ်တိုင်သည် ဖန်ဆင်းခြင်းထဲက တစ်ဦးမဟုတ်သလို လောကထဲက တစ်ဦးမဟုတ်ပါ၊ ထို့ကြောင့် လူတို့အတွင်းက ယောက်ယက်ခတ်နေသော ဘဝနှင့် လူတို့ကြား ရှုပ်ထွေးသော၊ မလျော်ကန်သော ဆက်ဆံရေးများကို ငါ စက်ဆုပ်သည်။ အထူးသဖြင့် ဆူညံနေသော ယင်း လူအစုအဝေးကို ငါမနှစ်မြို့ပါ။ သို့သော် အဖန်ဆင်းခံ သတ္တဝါတစ်ဦးချင်းစီ၏ စိတ်နှလုံးများထဲက မစင်ကြယ်မှုများကို နက်ရှိုင်းစွာ ငါသိထားပြီး သင်တို့ကို မဖန်ဆင်းမီ လူ့စိတ်နှလုံးများထဲ နက်နက်ရှိုင်းရှိုင်း တည်ခဲ့သော မတရားမှုကို ငါသိနှင့်ပြီးဖြစ်သလို လူ့စိတ်နှလုံးများထဲက လှည့်စားခြင်းနှင့် ကောက်သော သဘောအားလုံးကို ငါသိခဲ့သည်။ ထို့ကြောင့် လူတို့က မတရားသော အမှုတို့ကို ပြုသည့်အခါ ခြေရာလက်ရာ လုံးဝမရှိလျှင်ပင် သင်တို့၏ စိတ်နှလုံးများထဲ ထိန်းသိမ်းထားသော မတရားမှုသည် ငါဖန်ဆင်းခဲ့သော အရာအားလုံး၏ ပေါများကြွယ်ဝမှုထက် ကျော်လွန်ကြောင်းကို ငါသိနေဆဲဖြစ်၏။ သင်တို့ အယောက်တိုင်းသည် လူအမြောက်အများ၏ အမြင့်ဆုံးသော အထွဋ်များဆီသို့ တက်ခဲ့ကြပြီးဖြစ်သည်၊ လူအမြောက်အများ၏ ဘိုးဘေးအပေါင်းတို့ ဖြစ်ဖို့ရန် သင်တို့ တက်ခဲ့ကြပြီးဖြစ်သည်။ သင်တို့သည် ထင်တိုင်းကြဲကြကာ ငြိမ်းချမ်းသော နေရာတစ်ခုကို ရှာဖွေနေသော လောက်များအကြား ဒေါသတကြီး လျှောက်ရမ်းနေရင်း၊ သင်တို့ထက် ပိုသေးငယ်သော လောက်များကို ဝါးမျိုရန် ကြိုးစားနေကြ၏။ သင်တို့သည် သမုဒ္ဒရာအောက်ဆုံး၌ နှစ်မြုပ်ကြသော ထိုသရဲတစ္ဆေများထက် သာလွန်ပြီး သင်တို့ မလိုမုန်းထားကြကာ စိတ်နှလုံးများထဲ၌ ရက်စက်ယုတ်မာတတ်ကြသည်။ သင်တို့သည် အချင်းချင်း တစ်ခဏမျှ တိုက်ခိုက်ကြ ပြီးနောက် ပြန်တည်ငြိမ်သွားကြရင်း လောက်များကို ငြိမ်းချမ်းခြင်းလုံးဝမရစေဖို့ ထိပ်မှ အောက်ခြေသို့တိုင် နှောင့်ယှက်ကြရင်း နောက်ချေး၏ အောက်ခြေတွင် သင်တို့နေထိုင်ကြသည်။ သင်တို့၏ အဆင့်အတန်းကို သင်တို့မသိကြ၊ သို့သော် နောက်ချေးထဲ၌ သင်တို့ အချင်းချင်း တိုက်ခိုက်နေကြဆဲဖြစ်၏။ ယင်း ထိုးကြိတ် သတ်ပုတ်ခြင်းမှ သင်တို့ မည်သည့်အရာ ရရှိကြမည်နည်း။ သင်တို့သည် ငါ့အဘို့ ရိုသေလေးမြတ်စိတ် အမှန်စင်စစ် ရှိခဲ့သည်ဆိုလျှင် ငါ၏ကွယ်ရာတွင် သင်တို့အချင်းချင်း အဘယ်ကြောင့် တိုက်ခိုက်နိုင်ကြသနည်း။ သင့်အဆင့်အတန်း အဘယ်မျှပင် မြင့်မားပါလေ့စေ သင်သည် နောက်ချေးထဲက နံဟောင်နေသော တီကောင်ငယ်လေး ဖြစ်နေဆဲ မဟုတ်လော။ သင်သည် အတောင်ပေါက်ကာ ကောင်းကင်၌ ချိုးငှက်တစ်ကောင် ဖြစ်လာနိုင်သလော။ ငါယေဟောဝါ၏ ယဇ်ပလ္လင်ထက်က ယဇ်များကို ခိုးယူကြသော နံဟောင်နေသော တီကောင်ငယ်လေးများဖြစ်သည့် သင်တို့သည် အရွေးချယ်ခံ ဣသရေလလူမျိုး ဖြစ်လာဖို့ရန် ပျက်ဆီးခဲ့သော၊ ကျဆုံးခဲ့သော သင်တို့၏ အမည်များကို ကယ်ဆယ်နိုင်ကြသလော။ သင်တို့သည် အရှက်မဲ့သော စုတ်ချာနေသည့်သူများ ဖြစ်ကြသည်။ ယဇ်ပလ္လင်ပေါ်က ယဇ်များမှာ ငါ့ကို ကြောက်ရွံ့ကြသောသူများ ထံမှလာသော သဒ္ဓါတရားရှိသော စိတ်ခံစားချက်များကို ဖော်ပြရင်း လူတို့မှ ငါ့ကို ပူဇော်ခဲ့သည့် အရာများဖြစ်သည်။ ၎င်းတို့မှာ ငါထိန်းချုပ်ဖို့အတွက်ဖြစ်ပြီး ငါအသုံးပြုဖို့ ဖြစ်သည်၊ ထို့ကြောင့် လူတို့ ပေးထားသော ချိုးငှက်ငယ်လေးများကို ငါ့ထံမှ သင်အမှန်တကယ် လုယက်နိုင်သလော။ ယုဒကဲ့သို့သော သူတစ်ဦး ဖြစ်မည်ကို သင်တို့ မကြောက်ကြသလော။ သင့်မြေသည် သွေးမြေဖြစ်လာမည်ကို သင်မကြောက် သလော။ အရှက်မဲ့လိုက်သည့် အသင်။ လူတို့ပူဇော်ထားသည့် ချိုးငှက်ငယ်လေးများ အားလုံးသည် အသင် လောက်၏ ဝမ်းကို ဖြည့်တင်းဖို့ ဖြစ်သည်ဟု သင်ထင်သလော။ ငါသင့်ကို ပေးခဲ့ပြီးသောအရာသည် ငါပျော်ပျော်နှင့် လိုလိုလားလား ပေးခဲ့သော အရာဖြစ်သည်၊ ငါသင့်ကို မပေးခဲ့သောအရာသည် ငါအလိုရှိသလို အသုံးပြုနိုင်သောအရာဖြစ်ပြီး ငါ၏ ယဇ်များကို သင် သက်သက် ခိုးယူ၍ မရပါ။ အလုပ်လုပ်သောသူမှာ ငါ ’ ယေဟောဝါ ’ ဖန်ဆင်းခြင်း၏ သခင်ဖြစ်ပြီး ယဇ်များကို လူတို့ ပူဇော်ကြသည်မှာ ငါ့ကြောင့်ဖြစ်သည်။ ထိုအရာကို သင်အလုပ်များသမျှ အားလုံးအတွက် ဆုလာဘ်ဟု သင်ထင်သလော။ သင်သည် အမှန်တကယ် အရှက်မဲ့သောသူ ဖြစ်၏။ မည်သူ့အတွက် သင်အလုပ်များနေရသနည်း။ သင်ကိုယ်တိုင်အတွက် မဟုတ်လော။ အဘယ်ကြောင့် ငါ၏ ယဇ်များကို သင်ခိုးယူသနည်း။ ငါ၏ ငွေအိတ်မှ ငွေကို သင်အဘယ်ကြောင့် ခိုးယူ သနည်း။ သင်သည် ယုဒရှကာယုတ်၏ သား မဟုတ်လော။ ငါ ယေဟောဝါ၏ ယဇ်များမှာ ယဇ်ပုရောဟိတ်များ အားဖြင့် ပျော်မွေ့ဖို့ရာဖြစ်သည်။ သင်သည် ယဇ်ပုရောဟိတ်တစ်ဦး ဖြစ်သလော။ သင်သည် ငါ၏ ယဇ်များကို ဘဝင်မြင့်စွာ စားဝံ့ပြီး ၎င်းတို့ကို စားပွဲပေါ်မှာပင်လျှင် တည်ခင်း၏၊ သင်သည် တန်ဖိုးအလျှင်း မရှိသူ ဖြစ်သည်။ သင်သည် အချည်းနှီး စုတ်ချာသောသူ ဖြစ်သည်။ ငါ ယေဟောဝါ၏ မီးသည် သင့်ကို ပြာကျစေလိမ့်မည်။

ယခင်က:ယုံကြည်ခြင်းအကြောင်း သင်ဘာသိသနည်း။

နောက်တစ်ခုသို့:အမျက်ဒေါသကျရောက်မည့်နေ့ကို ဇာတိပကတိဖြစ်သောသူ အဘယ်သူမှ လွတ်မြောက်နိုင်မည် မဟုတ်ပါ

သင်နှစ်သက်နိုင်သည့် အရာများ