လီးယန် တရုတ်နိုင်ငံ

၂၀၀၈ ခုနှစ် အစောပိုင်း၌ ကျွန်မသားလေး၏ နားရွက်နောက်တွင် အဖုလေးတစ်ခု ရှိနေသည်ကို ကျွန်မ သတိပြုမိခဲ့သည်။ သူ့ကို ဆေးစစ်ဖို့ ဆေးရုံခေါ်သွားခဲ့ပြီး ဆရာဝန်က ယင်းမှာ အထူးသဖြင့် အရိုးများကို ဖျက်ဆီးသည့် သီးသန့်အကျိတ် အမျိုးအစားတစ်ခုဖြစ်သည့် အကျိတ်ဟု ပြောသည်။ ထိုအချိန်တုန်းက အသက်အန္တရာယ် ထိခိုက်ခြင်းမျိုး မဟုတ်သော်လည်း၊ ထိရောက်သည့် ကုသမှု မရှိခဲ့ဘဲ၊ ယင်းမှာ တော်တော်နာသည်ဟု သူကပြောသည်။ အဘယ့်ကြောင့်ဆိုသော် ယင်းမှာ ဆိုးလာသည့်အခါတိုင်းမှာ ပိုးဝင်သည့် အရိုးကို ဖြတ်တောက်ဖို့ ကျွန်မသားက ခွဲစိတ်မှု ခံယူဖို့လိုသောကြောင့် ဖြစ်ပါသည်။ ထိုကဲ့သို့မလုပ်ပါက၊ သူ့မှာ အသက်အန္တရာယ် ထိခိုက်နိုင်သည်။ ဆရာဝန်က ထိုကဲ့သို့ပြောသည်ကို ကြားရတော့ ကျွန်မ လုံးဝ ထိတ်လန့်သွားသည်။ ကျွန်မ ယူကျုံးမရဖြစ်ခဲ့ပါသည်။ ထိုအချိန်တုန်းက ကျွန်မက ယုံကြည်သူအသစ်ဖြစ်ပြီး၊ ကျွန်မက ဘုရားသခင်ကို ယုံကြည်သောကြောင့် ဘုရားက ကျွန်မ၏ကျောက် ဖြစ်သင့်သည်ဟု တွေးမိသည်။ ကျွန်မ၏ ယုံကြည်ခြင်းမှာ စိတ်ဓာတ်ခိုင်မာဖို့ မိမိကိုယ်ကိုယ် တိုက်တွန်းခဲ့သည်။ ဘုရားသခင်ကို ကျွန်မ အမှီပြုသရွေ့ ကျွန်မသားက သေချာပေါက် သက်သာပျောက်ကင်းသွားမည်ဟု ယုံကြည်ခဲ့သည်။ ကျွန်မသား၏ ခွဲစိတ်မှုက လုံးဝ နောက်ဆုံးမှာ အောင်မြင်သွားခဲ့ပြီး တကယ်ကို အမြန်သက်သာလာသည်။ သူ့ခွဲစိတ်မှုပြီးသွားပြီး သုံးရက်သာ ရှိသေးသည်။ သူက ဆေးရုံတစ်ရုံလုံးမှာ ပြေးလွှားနေပြီ ဖြစ်သည်၊ ပြီးလျှင် တစ်ပတ်ကြာပြီးနောက် သူ ဆေးရုံကဆင်းခဲ့သည်။ ထိုနောက်မှာ ကျွန်မ၏ ယုံကြည်ခြင်းမှာ ပိုပြီး စိတ်အားထက်သန်လာသည်။ အသင်းတော်က ကျွန်မကို ချပေးသည့် မည်သည့်တာဝန်ကိုမဆို ကျွန်မ ပျော်ပျော်ရွှင်ရွှင်နှင့် လက်ခံခဲ့ပြီး မိုးရွာသည်ဖြစ်စေ၊ နေပူသည်ဖြစ်စေ ကျွန်မ၏ တာဝန်ကို အမြဲတမ်း ထမ်းဆောင်ခဲ့သည်။ ကျွန်မ မိသားစုက နားမလည်ခဲ့သကဲ့သို့၊ ကျွန်မနှင့် နီးစပ်သည့်လူများက ကျွန်မ နောက်ကွယ်မှာ အမြဲတမ်း တစ်ခုခုပြောနေကြသော်လည်း၊ ကျွန်မ အလေးအနက်မထားခဲ့ပါ။ ကျွန်မ အလုပ်ကြိုးစားနေပြီး မိမိကိုယ်ကိုယ် အသုံးတော်ခံနေသရွေ့ ဘုရားသခင်က ကောင်းချီးပေးသည်ကို သေချာပေါက် ခံရမည်ဟု ကျွန်မ ခံစားမိခဲ့သည်။

ထို့နောက် တစ်နေ့မှာ ကျွန်မသားက ကျွန်မဆီကို လာပြီး သူ့ခါးကို ဖိကိုင်ထားရင်းနှင့် နာသည်ဟု ပြောသည်။ သူ့မျက်နှာပေါ်က နာကျင်သည့်အကြည့်ကို မြင်ရတော့ စိတ်ထဲမှာ တစ်မျိုးကြီးဖြစ်မိသည်။ ကျွန်မ သူ့အင်္ကျီကို ချက်ချင်း လှန်လိုက်ပြီး သူ နာသည်ဟုပြောသည့် နေရာတည့်တည့်မှာပဲ အဖုတစ်ခု ထွက်နေသည်ကို မြင်ရသည်။ ကျွန်မ အသာလေးထိ ကြည့်သည့်အခါ သူက နာပြီး အော်ငိုသည်၊ ပြီးလျှင် သူ့ရောဂါ အခြေအနေက ပြန်ဖြစ်နေပြီကို ကျွန်မ သိခဲ့ပါသည်။ ကျွန်မ သူ့ကို ဆေးရုံကို တန်းတန်းမတ်မတ် အမြန်ခေါ်သွားခဲ့သည်။ သူ့ရောဂါက ပြန်ပေါ်လာပြီကို စစ်ဆေးခြင်းက အတည်ပြုခဲ့သည်။ သူ ပထမအကြိမ် ခွဲစိတ်တုန်းက သူ့ကို ပိုက်များအပြည့်တပ်ထားသည်ကို မြင်ခဲ့ရခြင်းကို ကျွန်မ မစဉ်းစားမိဘဲ မနေနိုင်ပါ။ သူက အားနည်းနေသည့် ပုံစံပေါက်နေပြီး ကျွန်မက နာကျင်ခံစားနေရသည်။ ဤတစ်ခါ သူမည်မျှ တောင့်ခံရမည်ကို ကျွန်မ မတွေးရက်ခဲ့ပါ။ ထိုကဲ့သို့ ငယ်ရွယ်သည့်အချိန်မှာ သူ မည်မျှ ဒုက္ခခံရမည်ကို ကျွန်မ တွေးမိတိုင်း အရမ်း စိတ်သောကရောက်ပြီး စား၍ အိပ်၍ပင် မရခဲ့ပါ။ သူ့ရောဂါကို ကျွန်မ ယူပြီး သူ့နေရာကနေ ဒုက္ခခံဖို့ ကျွန်မ စိတ်နှလုံးထဲကနေ အပြည့်အဝ ဆန္ဒဖြစ်မိသည်။ ကျွန်မ ယုံကြည်သူဖြစ်လာကတည်းက ဘုရားသခင်အတွက် အရမ်း အလုပ် ကြိုးစားခဲ့သော်လည်း၊ ဘုရားသခင်က အဘယ်ကြောင့် ကျွန်မမိသားစုကို ကြည့်ရှုစစ်ဆေးပြီး ကာကွယ်မပေးသည်ကို ကျွန်မ နားမလည်နိုင်ပါ။ ထိုနေ့တွင်ပင် ကျွန်မတို့ ရွာမှ ညီအစ်မက ကျွန်မကို လာတွေ့ပြီး၊ သူမ၏ မိတ်သဟာယမှတစ်ဆင့် ကျွန်မ၏ သား နေမကောင်းဖြစ်လာခြင်းမှာ ဘုရားသခင်က ဖြစ်ခွင့်ပြုထားသည့်အရာ တစ်ခုဖြစ်သည်ကို ကျွန်မ သဘောပေါက်ခဲ့ရသည်။ ကျွန်မက ဘုရားသခင်ထံ ဆုတောင်းပြီး၊ မှီခိုဖို့လိုသည်၊ ကျွန်မ၏ ယုံကြည်မှုပေါ် အားကိုးလျက် ဘုရားသခင်အတွက် သက်သေခံဖို့လိုသည်၊ ပြီးလျှင် ကျွန်မ၏တာဝန်ကို ထမ်းဆောင်ရာတွင် စိတ်ဓာတ်ကြံ့ခိုင်ဖို့လိုသည်။ ကျွန်မက ဝတ်ပြုစည်းဝေးပွဲများကို ဆက်လက်တက်ရောက်ပြီး၊ ကျွန်မ၏တာဝန်၌ သာ၍ စိတ်နှစ်ထားခဲ့သည်။ ဝတ်ပြုစည်းဝေးပွဲများအတွင်းတွင် ညီအစ်ကိုမောင်နှမများနှင့် ကျွန်မ၏ ဤအတွေ့အကြုံကို ဝေမျှခဲ့သည်။ ၎င်းတို့က ကျွန်မကို သစ္စာစောင့်သိခြင်းအတွက် အားကျလေးစားခဲ့ကြသည်။ ဤနည်းဖြင့် ၎င်းတို့က ကျွန်မအား ချီးမွမ်းသည်ကို ကြားရသည်မှာ၊ ကျွန်မက ဘုရားသခင်အတွက် သက်သေခံနေပြီး သူက ကျွန်မ၏သားကို သေချာပေါက် ကောင်းချီးပေးမည်ဟု ပို၍ပင် ခံစားခဲ့ရသည်။

ထို့နောက် ကျွန်မသား၏ ရောဂါက ငါးကြိမ်မြောက် ပေါ်လာသည်။ ဆရာဝန်က သူက ခဏခဏ ရောဂါဖြစ်လွန်းနေသည်၊ ခြောက်လမှာ တစ်ကြိမ်နီးနီးပင် ဖြစ်သည်၊ ထိုကဲ့သို့ဆက်သွားပါက၊ အသက်အန္တရာယ်ကို ထိခိုက်လာမည်ဟု ပြောသည်။ ဓာတုကုထုံးနှင့် ဓာတ်ကင်ခြင်းများ ခံယူပါက၊ အထောက်အကူ ဖြစ်မဖြစ် သိရစေရန် ထိုအရာများ လုပ်ကြည့်ဖို့ သူက အကြံပေးသည်။ ယင်းကို ကျွန်မ ကြားရသည့်အခါမှာ ကျွန်မ ရင်ထဲမှာ လုံးဝ ပြိုလဲသွားခဲ့သည်။ ကျွန်မ အရမ်းနာကျင်လွန်းသည်မှာ ဘုရားသခင်နှင့် နားသွင်းဖျောင်းဖျဖို့ ကြိုးစားလာခဲ့သည်။ “မိုးရွာသည်ဖြစ်စေ၊ နေပူသည်ဖြစ်စေ ကျွန်မ နေ့ရက်တိုင်း အရမ်းအလုပ်ကြိုးစားတယ်။ သူများတွေဆီကနေ ဘယ်လို ဝေဖန်အကဲဖြတ်မှု၊ တိုက်ခိုက်မှုတွေကို ရင်ဆိုင်ရပါစေ ဘုရားသခင်ကို ကျွန်မ လုံးဝ မငြင်းပယ်ခဲ့ဘူး။ ကျွန်မတာဝန်ကိုပဲ ထမ်းဆောင်ခဲ့တယ်။ ဘုရားသခင်က ကျွန်မကို ဘာကြောင့် မကာကွယ်တာလဲ။” ကျွန်မ နာကြည်းချက်များနှင့်လည်း ပြည့်လျှံနေခဲ့သည်။ ကျွန်မ အစည်းအဝေးများကို ဆက်သွားပြီး တာဝန်ကို ထမ်းဆောင်သော်လည်း၊ ကျွန်မ နှလုံးသားက ဘုရားသခင်နှင့် ပိုဝေးလာသည်။ ကျွန်မ ခဏခဏ ဘုရားသခင်၏ နှုတ်ကပတ်တော်များ စာအုပ်ကို ဆုပ်ကိုင်ထားပြီး ကြောင်ကြည့်နေသည်ကို မိမိကိုယ်ကိုယ် တွေ့ရသည်။ ကျွန်မက အရမ်းကို ဒုက္ခခံနေရခြင်း ဖြစ်ပါသည်။ ကျွန်မ နှလုံးသားကို ဘုရားသခင်ဆီကို ဖွင့်ချခဲ့သည်။ “ဘုရားသခင် ကျွန်မ အခုအချိန်မှာ အရမ်း နာကျင်နေရပါတယ်။ ကျွန်မသားရဲ့ ကျန်းမာရေး ပြဿနာတွေအတွက် ကိုယ်တော့်ကို အပြစ်မတင်သင့်ဘူးဆိုတာ ကျွန်မ သိပါတယ်။ ဒါပေမဲ့ ကိုယ်တော့်အလိုတော်ကို ဒါမှမဟုတ် ဒါကို ဘယ်လို ဖြတ်သန်းရမယ်ဆိုတာကို ကျွန်မ နားမလည်ဘူး။ ဘုရားသခင် ကိုယ်တော်ရဲ့အလိုတော်ကို နားလည်ဖို့အတွက် ကျေးဇူးပြုပြီး ကျွန်မကို လမ်းပြတော်မူပါ။” ဆုတောင်းပြီးနောက် ကျွန်မ ဘုရားသခင်၏ ဤနှုတ်ကပတ်တော်များကို တွေးမိသည်။ “ယောဘက ဘုရားသခင် အကြောင်းသက်သေခံပြီးနောက်တွင် ကိုယ်တော်က သူ့ကို သုတ်သင်ရှင်းလင်းလိုက်သည် ဆိုပါစို့- ထိုအခါတွင်လည်း ဘုရားသခင်သည် ဖြောင့်မတ်ခဲ့ပေလိမ့်မည်။” ပြီးလျှင် ဘုရားသခင်၏ နှုတ်ကပတ်တော်များ ဤဓမ္မတေးသီချင်းကို ကျွန်မ ချက်ချင်း တွေ့ခဲ့ပါသည်။ “ဖြောင့်မတ်ခြင်းသည် မည်သည့်နည်းနှင့်မျှ တရားမျှတခြင်း သို့မဟုတ် ယုတ္တိတန်ခြင်းမဟုတ်ပေ။ ၎င်းသည် သာတူညီမျှရေးဝါဒ သို့မဟုတ် သင် အလုပ် မည်မျှပြီးမြောက်အောင် လုပ်ဆောင်ခဲ့ သည်နှင့်အညီ သင် ထိုက်သင့်သည့်အရာကိုခန့်ခွဲသည့် အရေးကိစ္စ တစ်ရပ် မဟုတ်သလို၊ သင်လုပ်ပြီးခဲ့သည့် မည်သည့် အလုပ် အတွက်မဆို သင့်အား ပေးချေခြင်းလည်း မဟုတ်ပေ၊ သို့မဟုတ် သင်သုံးစွဲသည့် အားထုတ်ကြိုးပမ်းမှုနှင့်အညီ သင်ရထိုက်သော အရာကို ပေးခြင်းလည်း မဟုတ်ပေ။ ဤသည်မှာ ဖြောင့်မတ်ခြင်း မဟုတ်ပေ။ ဘုရားသခင်အတွက် ယောဘက သက်သေခံပြီး နောက်တွင် သူက ယောဘကို သုတ်သင်ဖယ်ရှင်းလိုက်သည်ဟု ဆိုပါစို့။ ထိုအခါ၌လည်း ဘုရားသခင်သည် ဖြောင့်မတ်ခဲ့မည်သာ ဖြစ်သည်။ ဤသည်ကို အဘယ့်ကြောင့် ဖြောင့်မတ်ခြင်းဟု ခေါ်ဆိုသနည်း။ တစ်စုံတစ်ခုက လူများ၏ အယူအဆများနှင့် ကိုက်ညီပါက၊ ဘုရားသခင်သည် ဖြောင့်မတ်သည်ဟု ပြောရသည်မှာ သူတို့အတွက် များစွာ လွယ်ကူပေသည်။ သို့သော် သူတို့က ၎င်းကို သူတို့အယူအဆများနှင့် မကိုက်ညီဟု တွေးမြင်လာပါက- ၎င်းသည် သူတို့ နားမလည်နိုင်သည့် အရာတစ်စုံတစ်ခု ဖြစ်ပါက- ဘုရားသခင် သည် ဖြောင့်မတ်သည်ဟု ပြောဖို့ သူတို့အတွက် အလွန်ပင် အားစိုက်ထုတ်ရဖွယ် ဖြစ်သည်။ ဘုရားသခင်၏ အနှစ်သာရသည် ဖြောင့်မတ်သည်။ ဘုရားသခင်က မည်သည့် အရာပြုလုပ်သည်ကို နားလည်ဖို့ မလွယ်ကူသော်လည်း၊ သူလုပ်သမျှသည် ဖြောင့်မတ် လေသည်။ လူများက နားမလည်ခြင်းသက်သက်သာ ဖြစ်သည်။ ဘုရားသခင်က ပေတရုအား စာတန်ထံသို့ ပေးသည့်အချိန်တွင်၊ ပေတရု မည်သို့တုံ့ပြန်သနည်း။ ‘လူသားမျိုးနွယ်သည် ကိုယ်တော် လုပ်သည့်အရာကို နားလည် သဘောပေါက်နိုင်စွမ်း မရှိသော်လည်း၊ ကိုယ်တော်လုပ်သမျှအားလုံး၌ ကိုယ်တော်၏ ကောင်းမြတ်သော အလိုဆန္ဒ ပါဝင်ပါ၏။ ထိုအရာအားလုံးထဲ၌ ဖြောင့်မတ်ခြင်းရှိ၏။ ကိုယ်တော်၏ အမြော်အမြင်ရှိသော လုပ်ဆောင်ချက်များအတွက် ကျွန်ုပ် ချီးမွမ်းစကား မြွက်မဆိုဘဲ အဘယ်သို့နေနိုင်မည်နည်း။’ ဘုရားသခင် ပြုသမျှသည် ဖြောင့်မတ်သည်။ ၎င်းသည် သင့်အတွက် နားလည်နိုင်စွမ်း မရှိသော်ငြားလည်း၊ သင့်စိတ်ကြိုက် ဝေဖန် အကဲဖြတ်ခြင်း မပြုသင့်ပေ။ သူလုပ်ဆောင်သည့် အရာတစ်ခုက သင့်အတွက် ယုတ္တိမတန်သည့် အသွင်ပေါက်ပါက၊ သို့မဟုတ် ယင်းနှင့်ပတ်သက်ပြီး သင့်မှာ အယူအဆ တစ်စုံတစ်ခု ရှိပြီးနောက်၊ သူသည် မဖြောင့်မတ်ဟု သင်ဆိုပါက၊ သင်သည် မလျော်ကန်ဆုံး ဖြစ်နေပေသည်။ အချို့အရာများမှာ နားမလည်နိုင်သော အရာများ ဖြစ်သည်ကို ပေတရုတွေ့ရှိခဲ့သော်လည်း၊ ဘုရားသခင်၏ ဉာဏ်ပညာ တည်ရှိနေပြီး၊ ဘုရားသခင်၏ ကောင်းမြတ်သော အလိုတော်က ယင်းတို့ထဲတွင် ရှိနေသည်ကို သူက သေချာခဲ့သည်။ လူသားများသည် အရာအားလုံးကို နားလည် သဘောပေါက်နိုင်စွမ်း မရှိပေ။ သူတို့ နားမလည်နိုင်သည့် အရာများစွာ ရှိသည်။ ဘုရားသခင်၏ စိတ်သဘောထားကို အမှန်တကယ် သိရှိဖို့မှာ မလွယ်ကူပေ။” (သိုးသငယ်နောက်လိုက်ပြီး သီချင်းအသစ်များကိုသီဆိုပါ “ဘုရားသခင် ပြုတော်မူသမျှသည် ဖြောင့်မတ်သည်”) ဘုရားသခင်၏နှုတ်ကပတ်တော်များကို ကျွန်မ စိတ်ထဲမှာ ခဏခဏ ဆင်ခြင်စဉ်းစားသည့်အခါ၊ ကျွန်မ စိတ်နှလုံးက ရွှင်လန်းလာခဲ့ပါသည်။ ကျွန်မ ထင်ခဲ့သကဲ့သို့ ဘုရားသခင်၏ ဖြောင့်မတ်ခြင်းက တရားမျှတခြင်း၊ ကျိုးကြောင်းဆီလျော်ခြင်း၊ သာတူညီမျှဖြစ်ခြင်း မဟုတ်သကဲ့သို့၊ မိမိ၏အလုပ်အတွက် နစ်နာကြေးပေးခြင်း၊ မိမိ အားစိုက်သလောက် ပြန်ရခြင်း မဟုတ်ပါ။ ဘုရားသခင်၏ လုပ်ဆောင်ချက်များက လူသားများအတွက် ဉာဏ်မမီနိုင်သော်လည်း၊ သူ မည်သည့်အရာကို လုပ်သည်ဖြစ်စေ၊ လူတစ်ယောက်ကို သူ မည်သို့ဆက်ဆံသည်ဖြစ်စေ အားလုံးက ဖြောင့်မတ်သည်။ အားလုံးက ဘုရားသခင်၏ ဉာဏ်ပညာပါသည်။ ဤသည်မှာ ဘုရားသခင်၏ အနှစ်သာရက ဖြောင့်မတ်သောကြောင့် ဖြစ်ပါသည်။ ဘုရားသခင်၏ ဖြောင့်မတ်သည့် စိတ်သဘောထားကို ကျွန်မ နားမလည်ခဲ့သည်ကို သိခဲ့ပါသည်။ ကျွန်မက ဘုရားသခင်ကို ယုံကြည်သည့်အတွက် ဘုရားက ကျွန်မကို စောင့်ကြပ်ကြည့်ရှုသင့်သည်၊ ဘုရားသခင်အတွက် ကျွန်မက မိမိကိုယ်ကိုယ် အသုံးခံခဲ့သည့်အတွက် ဘုရားက ကျွန်မကို နည်းလမ်းမျိုးစုံဖြင့် ဖြည့်ဆည်ပေးပြီး ကျွန်မ လမ်းကြောင်းကို ချောမွေ့စေရန် လုပ်ပေးသင့်သည်ဆိုသည့် အယူအဆ ကျွန်မ မှာရှိခဲ့ပါသည်။ ကျွန်မက ဘုရားသခင်ကို ယုံကြည်သောကြောင့် ကျွန်မ၏ တစ်မိသားစုလုံး ကောင်းချီးခံစားရသင့်သည်ဟု ထင်ခဲ့သည်။ ကျွန်မက ဘုရားသခင်နှင့် အပေးအယူလုပ်ဖို့ ကြိုးစားနေခြင်း မဟုတ်ပါလား။

ထိုအတွေး၌၊ ကျွန်မ၏ ဘုရားသခင်နှုတ်ကပတ်တော်များ စာအုပ်ကိုဖွင့်ပြီး ဤအပိုဒ်ကို ဖတ်ခဲ့ပါသည်။ “သင်၏သားသမီးများ နာမကျန်းဖြစ်ခြင်း ကင်းရန်အတွက်၊ သင်၏ခင်ပွန်းက အလုပ်ကောင်း ရှိရန်အတွက်၊ သင်၏သားက ဇနီးကောင်း တစ်ဦးကို ရရန်အတွက်၊ သင့်သမီးက ရည်မွန်သော ခင်ပွန်းတစ်ဦးကို ရရန်အတွက်၊ သင့် နွားများနှင့် မြင်းများက မြေကိုကောင်းစွာ ထွန်ယက်ရန်အတွက်၊ သင်၏ ကောက်ပဲသီးနှံများ အတွက် တစ်နှစ်ပတ်လုံး ရာသီဥတု ကောင်းမွန်ရန်အတွက်၊ သင် လိုက်စားသည့်အရာမှာ ဘုရားသခင်ကို ယုံကြည်ပြီးနောက် ငြိမ်သက်ခြင်း ရရှိနိုင်ရန်ဖြစ်သည်။ ဤသည်မှာ သင် ရှာဖွေသောအရာ ဖြစ်သည်။ သင်၏ လိုက်စားခြင်းမှာ သက်သောင့်သက်သာဖြင့် အသက်ရှင်ရန်၊ သင့်မိသားစုပေါ်သို့ မတော်တဆမှုများ မကျရောက်ရန်အတွက်၊ သင့်အနား လေပြည် ဖြတ်သွားရန်အတွက်၊ သင့်မျက်နှာကို မြေမှုန် မထိစေရန်အတွက်၊ သင့်မိသားစု၏ ကောက်ပဲသီးနှံများ ရေလွှမ်းမိုးခြင်း မခံရစေရန်အတွက်၊ မည်သည့် သဘာဝ ဘေးအန္တရာယ်ကမျှ သင့်ကို မထိခိုက်စေရန်အတွက်၊ ဘုရားသခင်၏ ထွေးပိုက်မှုထဲတွင် အသက်ရှင်ရန်၊ ဇိမ်ရှိသော အသိုက်အမြုံထဲတွင် နေထိုင်ရန် ဖြစ်သည်။ သင်ကဲ့သို့သော ဇာတိပကတိကို အမြဲလိုက်စားသည့် သတ္တိကြောင်သူ တစ်ဦး- သင်သည် စိတ်နှလုံးတစ်ခု ရှိပါသလော၊ သင်သည် စိတ်ဝိညာဉ် ရှိပါသလော။ သင်သည် သားရဲတစ်ကောင် မဟုတ်လော။ အပြန်အလှန်အနေဖြင့် မည်သည့်အရာကိုမျှ မတောင်းဆိုဘဲ၊ စစ်မှန်သော လမ်းခရီးကို သင့်အား ငါပေးခဲ့သည်၊ သို့သော် သင်သည် မလိုက်စားပေ။ သင်သည် ဘုရားသခင်ကို ယုံကြည်သော သူများထဲမှ တစ်ဦးလော။ ငါသည် သင့်အပေါ် စစ်မှန်သော လူ့အသက်ကို အပ်နှင်းသော်လည်း၊ သင်သည် မလိုက်စားပေ။ သင်သည် ဝက်များ၊ ခွေးများနှင့် မည်သည့် ကွာခြားမှုမျှမရှိသလော။ ဝက်များသည် လူ့အသက်ကို မလိုက်စားကြပေ၊ ၎င်းတို့သည် သန့်ရှင်းစေခြင်းကို မလိုက်စားသကဲ့သို့၊ အသက်က မည်သည့်အရာဖြစ်သည်ကို ၎င်းတို့နားမလည်ကြပေ။ နေ့စဉ်တွင် ၎င်းတို့ ဝသည်ထိစားပြီးနောက်၊ ၎င်းတို့ အိပ်ရုံသာပြုကြသည်။ ငါသည် သင့်အား မှန်သော လမ်းခရီးကို ပေးပြီးဖြစ်သော်လည်း၊ သင်သည် ယင်းကို မရယူသေးပေ။ သင်သည် လက်ချည်းသက်သက် ဖြစ်ပေသည်။ သင်သည် ဤဘဝ၊ ဝက်တစ်ကောင်၏ဘဝတွင် ဆက်လက် အသက်ရှင်ရန် လိုလားနေပါသလော။ ထိုသို့သောလူများ အသက်ရှင်ခြင်း၏ အရေးပါမှုမှာ အဘယ်နည်း။ သင်၏ အသက်တာသည် အထင်သေးဖွယ် ဖြစ်သကဲ့သို့ ရှက်ဖွယ်ဖြစ်သည်၊ သင်သည် ညစ်ညမ်းမှုနှင့် ကိုယ်ကျင့်သိက္ခာ ကင်းမဲ့မှုအလယ်တွင် အသက်ရှင်ပြီး၊ သင်သည် မည်သည့် ရည်မှန်းချက်များကိုမျှ မလိုက်စားပေ။ သင့်ဘဝသည် အားလုံးထဲတွင် ရှက်ဖွယ်အကောင်းဆုံး ဖြစ်သည်မဟုတ်လော။ ဘုရားသခင်ကို သင်ကြည့်ရှုဝံ့သလော။ ဤနည်းဖြင့် သင် ဆက်လက် တွေ့ကြုံပါက၊ သင်သည် မည်သည့်အရာကိုမျှ မရရှိဘဲ ဖြစ်လိမ်မည် မဟုတ်လော။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ ပေတရု၏ အတွေ့အကြုံများ- ပြစ်တင်ဆုံးမခြင်းနှင့် တရားစီရင်ခြင်းတို့နှင့်သက်ဆိုင်သည့် သူ၏အသိပညာ) ကျွန်မ၏ ယုံကြည်ခြင်းမှာ ကျွန်မ ဆုပ်ကိုင်ထားသည့် ရည်ရွယ်ချက်များနှင့် လွန်ကဲသည့် မျှော်လင့်ချက်များအားလုံးကို ဘုရားသခင်၏ နှုတ်ကပတ်တော်များက ဖော်ထုတ်ခဲ့ပါသည်။ ဘုရားသခင်၏ မေးခွန်း တစ်ခုစီတိုင်းက ကျွန်မကို ပုန်းကွယ်စရာမရှိအောင် ဖြစ်စေခဲ့သည်။ ပြန်ကြည့်သည့်အခါ အစကတည်းက ကျွန်မ၏ ယုံကြည်ခြင်းက ကောင်းချီးများရဖို့အတွက်သာ ဖြစ်ခဲ့သည်။ ကျွန်မ၏ ယုံကြည်ခြင်းမှာ ဘုရားအတွက် မိမိကိုယ်ကိုယ် အသုံးခံပါက၊ ဘုရားသခင်က ကျွန်မ၏ ကလေးအတွက် ငြိမ်းချမ်းသည့် နေအိမ် အသက်တာနှင့် ကျန်းမာရေးကို ကောင်းချီးပေးလိမ့်မည်ဟု ထင်ခဲ့သည်။ ထို့ကြောင့် ကျွန်မ၏ မိတ်ဆွေများနှင့် မိသားစုက ကျွန်မကို မည်မျှ မကောင်းပြောပါစေ ကျွန်မ၏သည်ဝန်ကို ဆက်ပြီး ထမ်းဆောင်နေခဲ့ခြင်း ဖြစ်သည်။ ကျွန်မသား၏ ရောဂါက မထင်မှတ်ဘဲ ပြန်ပေါ်လာသည့်အခါ၊ ဘုရားသခင်အပေါ် ကျွန်မ စစ်မှန်သည့်ယုံကြည်ခြင်းရှိမရှိကို ကြည့်ဖို့ ဘုရားသခင်က ကျွန်မကို စမ်းသပ်နေသည်ဟု ကျွန်မ ထင်ခဲ့သည်။ ဒုက္ခခံရသည်ကို ကိုင်တွယ်နိုင်ပြီး ဘုရားသခင်အတွက် သက်သေရပ်တည်သရွေ့ ဘုရားသခင်က ကျွန်မကို သေချာပေါက် ကောင်းချီးပေးပြီး ကျွန်မသားက သက်သာလာမည်ဟု ထင်ခဲ့သည်။ ထို့ကြောင့် သူက ထပ်ပြီး နေမကောင်းဖြစ်လာပြီး သူ့အသက်ပင် အန္တရာယ် ရှိလာသည့်အခါ၊ ကောင်းချီးနှင့် ကျေးဇူးတော်အတွက် ကျွန်မ၏ မျှော်လင့်ချက်က ချက်ချင်း ကွဲကြေသွားခဲ့သည်။ ဘုရားသခင်ကို ကျွန်မ ညည်းညူပြီး နားသွင်းဖျောင်းဖျလာခဲ့သည်။ မမျှတဟုဆိုပြီး ဘုရားသခင်ကို အပြစ်တင်လာခဲ့သည်။ ကျွန်မ၏ တာဝန်ကို ထမ်းဆောင်ဖို့ စိတ်အားပင် ပျောက်သွားခဲ့သည်။ ကျွန်မ အလုပ်ကြိုးစားခြင်းများ အားလုံးက အပြန်အလှန်အနေနှင့် ဘုရားသခင်ထံမှ ကောင်းချီးကို ရဖို့အတွက် သက်သက်သာဖြစ်သည်ကို ဘုရားသခင်၏ နှုတ်ကပတ်တော်များထဲက တရားစီရင်မှုနှင့် ထုတ်ဖော်ပြမှုများက ကျွန်မကို ပြသခဲ့ပါသည်။ အားလုံးက ဘုရားသခင်နှင့် အပေးအယူလုပ်ဖို့၊ ဘုရားသခင်ကို လိမ်ညာဖို့သာ ဖြစ်သည်။ လက်တွေ့အရှိတရားကို ရင်ဆိုင်ရသည့်အခါ၊ ကျွန်မ လုံးဝ လက်ခံယုံကြည်သွားခဲ့ပြီး ဘုရားသခင်က တကယ်ကို သန့်ရှင်းပြီး ဖြောင့်မတ်သည် မြင်ခဲ့ရပါသည်။ သူက ကျွန်မတို့၏ နှလုံးသားနှင့် စိတ်ထဲကို မြင်နိုင်သည်။ ကျွန်မ၏ ယုံကြည်ခြင်းက စွန်းထင်းနေပြီး အားထုတ်လိုက်စားသည့်နေရာမှာ ကျွန်မက မှားယွင်းသည့် အမြင်ရှိနေသည်ကို ဤအခြေအနေများ တစ်ခုပြီးတစ်ခုနှင့် ကျွန်မကို ပြသခြင်းသာ မရှိပါက၊ ကျွန်မ ကိုယ်တိုင်၏ အပေါ်ယံ ကောင်းသည့် အပြုအမူများ၏ လှည့်စားခြင်းကို ခံနေရဦးမည်သာ ဖြစ်သည်။ ကျွန်မက အလွန် ဆက်ကပ်အပ်နှံပြီး ဘုရားသခင်အတွက် သက်သေရပ်တည်နေသည်ဟု ထင်နေဦးမည်သာ ဖြစ်သည်။ ကျွန်မက မိမိကိုယ်ကိုယ် လုံးဝ မသိသည်ကို မြင်ခဲ့ပါသည်။

နောက်ပိုင်းမှာ ဘုရားသခင်၏ နှုတ်ကပတ်တော်ထဲ၌ ဤအပိုဒ်ကို ကျွန်မ ဖတ်ရပါသည်။ “လူသား၏ အခြေအနေနှင့် ဘုရားသခင်အပေါ် လူသား၏ သဘောထားတို့နှင့် ရင်ဆိုင်ရလျက်၊ ဘုရားသခင်သည် သူနှင့် သက်ဆိုင်သည့် အသိပညာနှင့် သူ့အပေါ် နာခံခြင်း၊ ချစ်ခြင်းမေတ္တာနှင့် သက်သေခံခြင်း နှစ်ခုစလုံးတို့ကို လူသားအား ပိုင်ဆိုင်ခွင့်ပေးရင်း၊ အမှုသစ်ကို လုပ်ဆောင်ပြီးဖြစ်သည်။ ထို့ကြောင့်၊ လူသားသည် သူ့အပေါ် ဘုရားသခင်၏ စစ်ဆေးခြင်းအပြင်၊ သူ၏ တရားစီရင်ခြင်း၊ သူ့ကို ကိုင်တွယ်ခြင်းနှင့် ပြုပြင်ခြင်းတို့ကို ကြုံတွေ့ရမည်ဖြစ်သည်၊ ထိုအရာများမရှိဘဲ လူသားသည် ဘုရားသခင်ကို ဘယ်သောအခါမျှ သိမည်မဟုတ်သကဲ့သို့၊ ဘုရားသခင်ကို အမှန်တကယ် ချစ်ခြင်းနှင့် သက်သေခံခြင်းတို့ ဘယ်သောအခါမျှ တတ်စွမ်းနိုင်လိမ့်မည် မဟုတ်ပေ။ လူသားအပေါ် ဘုရားသခင်၏ စစ်ဆေးခြင်းသည် တစ်ဖက်သတ် အကျိုးသက်ရောက်မှုအတွက်သာ မဟုတ်ဘဲ ရှုထောင့်များစွာ အကျိုးသက်ရောက်မှုအတွက် ဖြစ်သည်။ ဤနည်းအားဖြင့်သာ သမ္မာတရားကို ရှာဖွေရန် ဆန္ဒရှိသူများတွင် ဘုရားသခင်သည် ၎င်းတို့၏ သန္နိဋ္ဌာန်နှင့် ချစ်ခြင်းကို သူ့အားဖြင့် စုံလင်စေဖို့အလို့ငှာ စစ်ဆေးခြင်းအမှုကို လုပ်ဆောင်လေသည်။ သမ္မာတရားကို ရှာဖွေရန် လိုလားနေသူများနှင့် ဘုရားသခင်ကို တမ်းတသူများအဖို့ ဤသို့သော စစ်ဆေးခြင်းထက် မည်သည့်အရာမျှ ပို၍အဓိပ္ပာယ်မရှိ၊ သို့မဟုတ် ပို၍ကြီးမားသော အထောက်အပံ့မဖြစ်ပေ။ အဆုံးတွင် ဘုရားသခင်သည် ဘုရားသခင် ဖြစ်သည့်အတွက်၊ ဘုရားသခင်၏ စိတ်သဘောထားကို လူသားက အလွန်လွယ်လင့်တကူ မသိ၊ သို့မဟုတ် နားမလည်ပေ။ အခြေခံအားဖြင့်၊ ဘုရားသခင်အတွက် လူသားကဲ့သို့ အလားတူ စိတ်သဘောထားရှိရန် မဖြစ်နိုင်သောကြောင့် လူသားအတွက် ဘုရားသခင်၏ စိတ်သဘောထားကို သိရှိရန် မလွယ်ကူပေ။ သမ္မာတရားကို လူသားက ပင်ကိုအားဖြင့် မပိုင်ဆိုင်သကဲ့သို့၊ စာတန်၏ ဖျက်ဆီးခြင်းခံရသော လူများက အလွယ်တကူ နားမလည်ပေ။ လူသားသည် သမ္မာတရား လုံးဝမရှိသကဲ့သို့၊ သမ္မာတရားကို လက်တွေ့လုပ်ဆောင်ရန် သန္နိဋ္ဌာန် လုံးဝမရှိပေ။ ပြီးလျှင် သူသည် ဆင်းရဲဒုက္ခမခံစားရဘဲ အစစ်ဆေးမခံရသကဲ့သို့ တရားစီရင်ခြင်း မခံရပါက၊ သူ၏သန္နိဋ္ဌာန်သည် မည်သည့်အခါတွင်မျှ စုံလင်စေခြင်း ခံရမည်မဟုတ်ပေ။ လူများအားလုံးအတွက်၊ စစ်ဆေးခြင်းသည် ဝေဒနာပြင်းထန်ပြီး၊ လက်ခံရန် အင်မတန် ခက်ခဲသည်- သို့သော်လည်း ဘုရားသခင်သည် လူသားထံ သူ၏ဖြောင့်မတ်သည့် စိတ်သဘောထားကို ပေါ်လွင်စေပြီး၊ လူသားအတွက် သူ၏သတ်မှတ်ချက်များကို လူသိရှင်ကြား ဖြစ်စေကာ၊ သာ၍ ဉာဏ်အလင်းပွင့်ခြင်းကို ပေးပြီး၊ သာ၍ စစ်မှန်သော ပြုပြင်ခြင်းနှင့် ကိုင်တွယ်ဖြေရှင်းခြင်းတို့ကို ပေးသည်မှာ စစ်ဆေးခြင်း အတောအတွင်းတွင် ဖြစ်သည်။ အမှန်တရားများနှင့် သမ္မာတရားကြား နှိုင်းယှဉ်ခြင်းမှတစ်ဆင့်၊ သူသည် လူသားကို သူကိုယ်တိုင်နှင့်ဆိုင်သည့် သာ၍ ကြီးမားသော အသိပညာနှင့် သမ္မာတရားကို ပေးပြီး၊ ဘုရားသခင်၏ အလိုတော်နှင့်သက်ဆိုင်သော သာ၍ကြီးမားသည့် သိနားလည်ခြင်းကို လူသားအား ပေး၏၊ ထိုသို့ဖြင့် ဘုရားသခင်အပေါ် သာ၍စစ်မှန်ပြီး သာ၍ဖြူစင်သော ချစ်ခြင်းမေတ္တာရှိစေရန် လူသားကို အခွင့်ပေးလေသည်။ ယင်းမှာ စစ်ဆေးခြင်းကို ဆောင်ရွက်ရာတွင် ဘုရားသခင်၏ ရည်မှန်းချက်များ ဖြစ်သည်။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ စစ်ဆေးခြင်းကိုကြုံတွေ့ခြင်းအားဖြင့်သာ လူသားသည် စစ်မှန်သော ချစ်ခြင်းမေတ္တာကို ပိုင်ဆိုင်နိုင်သည်) စာတန်အားဖြင့် ကျွန်မတို့၏ ဖောက်ပြန်ပျက်စီးခြင်းနှင့် ပတ်သက်သည့် သမ္မာတရားကို ကျွန်မတို့ မြင်နိုင်ပြီး ကျွန်မတို့၏ ဖောက်ပြန်ပျက်စီးသည့် စိတ်သဘောထားနှင့် ကျွန်မတို့၏ ယုံကြည်ခြင်းမှာ မသန့်စင်မှုများနှင့် ပတ်သက်ပြီး နားလည်မှု တစ်ခုရဖို့အတွက် ကျွန်မတို့ကို ဖော်ထုတ်ပြီး သန့်စင်ဖို့ ကျွန်မတို့ကို ဘုရားသခင်က စမ်းသပ်ပြီး စစ်ဆေးကြောင်းနှင့် ဆင်းရဲဒုက္ခအခြေအနေများကို ကျွန်မတို့ တွေ့ကြုံရဖို့ ကျွန်မတို့အတွက် ဘုရားသခင်က စီစဉ်ပေးကြောင်းတို့ကို ဘုရားသခင်၏ နှုတ်ကပတ်တော်များကနေ ကျွန်မ နားလည်ခဲ့ပါသည်။ ထို့နောက်မှာ ကျွန်မတို့ သမ္မာတရားကို လိုက်စားနိုင်မည်၊ သန့်စင်ခံရပြီး ပြောင်းလဲနိုင်မည်၊ ပြီးလျှင် ဘုရားသခင်အပေါ် စစ်မှန်သည့် ယုံကြည်ခြင်းနှင့် ကျိုးနွံနာခံခြင်းတို့ကို ရရှိမည်။ နောက်ဆုံးမှာ ဘုရားသခင်၏ ကယ်တင်ခြင်းကို ကျွန်မတို့ ခံရနိုင်မည် ဖြစ်သည်။ ကျွန်မသားက ခဏခဏ နေမကောင်းဖြစ်ခြင်းက ကျွန်မမှာ သိုထားသည့် ကောင်းချီးရဖို့ စိတ်ထက်သန်မှုကို လုံးဝ ထုတ်ဖော်ပြခဲ့ပါသည်။ မိမိကိုယ်ကိုယ် ပြန်လည်ဆန်းစစ်ရင်း ကျွန်မက ဘုရားသခင်ဆီက ကောင်းချီးရဖို့ ဖြစ်နိုင်ခြေ ရှိသည့်အရာ အားလုံးကို စဉ်းစားနေသည်ကို မြင်ခဲ့ပါသည်။ ကျွန်မက တကယ်ကို စိတ်ပါဝင်စားပြီး အားထုတ်လိုက်စားသည့်နေရာမှာ အာရုံစိုက်သည်ဟု ထင်ရသော်လည်း၊ ကျွန်မကိုယ်တိုင်၏ မုန်းတီးစရာကောင်းသည့် ရည်ရွယ်ချက်များက ဤအရာများ အားလုံး၏ နောက်ကွယ်မှာ ရှိနေသည်။ ကျွန်မက “မိမိကိုယ်သာ ကိုးကွယ်ရာဖြစ်၏” ဆိုသည့် စာတန်၏ အဆိပ်နှင့် ထိန်းချုပ်ခံနေခဲ့ရခြင်း ဖြစ်သည်။ ကျွန်မလုပ်သမျှ အရာတိုင်းမှာ ကျွန်မကိုယ်တိုင်၏ အကျိုးစီးပွားကို စဉ်းစားပြီး ကျွန်မ၏ မျှော်လင့်ချက်များ ကြေမွသွားသည့်အခါ၊ ဘုရားသခင်ကို အာခံပြီး သူနှင့် စာရင်းရှင်းချင်ခဲ့သည်။ အကျည်းတန်မှုမျိုးစုံကို ကျွန်မ ပြသခဲ့ပါသည်။ ကျွန်မက တကယ်ကို တစ်ကိုယ်ကောင်းဆန်ပြီး မုန်းတီးဖွယ်ကောင်းပါသည်။ ဤသည်မှာ မည်သို့လုပ်ပြီး ဘုရားသခင်အပေါ် ယုံကြည်ခြင်း ဖြစ်မည်နည်း။ ကျွန်မက ဘုရားသခင်ကို အာခံနေပြီး သူ့ကို လိမ်လည်ဖို့ ကြိုးစားနေခြင်းဖြစ်သည်။ ယင်းကို နားလည်သဘောပေါက်ပြီး ကျွန်မ “ဘုရားသခင် ဒီနှစ်တွေတစ်လျှောက်မှာ ကောင်းချီးရဖို့ ကျွန်မရဲ့ ရည်ရွယ်ချက်တွေကို စွဲကိုင်ထားရင်း၊ ကျွန်မ ကိုယ်တော့်ကို လိမ်လည်ခဲ့ပါတယ်။ အချိန်တိုင်းမှာ ကိုယ်တော်နဲ့ အပေးအယူလုပ်ဖို့ ကြိုးစားနေခဲ့ပြီး ရိုးသားစစ်မှန်မှု လုံးဝ မရှိပါဘူး။ ကျွန်မက သိပ် တစ်ကိုယ်ကောင်းဆန်ပြီး မုန်းတီးဖွယ်ကောင်းပါတယ်။ လူ့သဘာဝ တော်တော်ကို မရှိပါဘူး။ ကောင်းချီးရဖို့ ရည်ရွယ်ချက်တွေကို စွန့်လွှတ်ဖို့၊ ကျွန်မသားကို ကိုယ်တော့်လက်ထဲမှာ အပ်နှံဖို့ ကိုယ်တော်၏ စီစဉ်ညွှန်ကြားမှုနှင့် အစီအစဉ်တွေကို နာခံဖို့ ကျွန်မ ဆန္ဒရှိပါတယ်။ ကျွန်မ လုံးဝ ညည်းညူမှာ မဟုတ်ပါဘူး။” ဟု ပြောလျက်၊ ဘုရားသခင်ရှေ့မှောက်မှာ ပျပ်ဝပ်ပြီး ဆုတောင်းခဲ့သည်။ ထိုကဲ့သို့ ဆုတောင်းပြီးလျှင် ကျွန်မ တကယ်ကို လွတ်လပ်ပြီး ငြိမ်သက်ခြင်းရသလို ခံစားရသည်။

အချိန်အနည်းငယ်ကြာပြီးသည့်နောက်မှာ ကျွန်မက တာဝန်နှင့် မြို့ပြင်ရောက်နေတုန်း ကျွန်မယောက်ျားက ဖုန်းခေါ်ပြီး ကျွန်မတို့သား၏ ရောဂါက ပျံ့နေပြီဟု ပြောသည်။ သူ့မှာ ခေါင်း၊ နောက်ကျောနှင့် လည်ပင်းမှာ အကျိတ်တွေ ရှိနေသည်။ ယင်းကို ထိန်းချုပ်ဖို့ မျှော်လင့်ချက်မရှိတော့ပါ။ သူ ထိုကဲ့သို့ပြောသည်ကို ကြားပြီးသည့်နောက်မှာ ကျွန်မ အကြာကြီးပဲ လုံးဝ ဆွံ့အသွားခဲ့သည်။ ကျွန်မသားမှာရှိနေသည့် အခြေအနေကို ကျွန်မ မတွေးရက်သကဲ့သို့၊ အခြေအနေက မည်သို့ ဖြစ်လာနေသည်ကို ကျွန်မ တကယ်ကို ရင်မဆိုင်နိုင်ခဲ့ပါ။ “ဘုရားသခင် ကျွန်မ အခုအချိန်မှာ အရမ်း အားလျော့နေပါတယ်။ ကျေးဇူးပြုပြီး ကျွန်မကို ဉာဏ်အလင်းရစေပြီး ကိုယ်တော့်အလိုတော်ကို နားလည်အောင်ကူညီပေးတော်မူပါ။” ဟု ဘုရားသခင်ကို ကျွန်မ ခဏခဏ အော်ခေါ်ခဲ့သည်။ ဆုတောင်းပြီးသည့်နောက်မှာ ဘုရားသခင်၏နှုတ်ကပတ်တော်များ ဤကျမ်းပိုဒ်ကို ကျွန်မ ဖတ်ခဲ့ရသည်။ “လူသားအဖို့ ဘုရားသခင်သည် နားမလည်နိုင်ဖွယ်ဖြစ်သကဲ့သို့၊ မယုံကြည်နိုင်ဖွယ်ပင်ဖြစ်သည့် အရာများစွာ လုပ်ဆောင်သည်။ ဘုရားသခင်က တစ်စုံတစ်ယောက်ကို စီစဉ်ညွှန်ကြားလိုသောအခါ၊ ဤစီစဉ်ညွှန်ကြားခြင်းသည် လူသား၏ အယူအဆများနှင့် မကြာခဏ သဘောကွဲလွဲပြီး၊ လူသားအဖို့ နားမလည်နိုင်ဖွယ် ဖြစ်သော်လည်း၊ လူနှင့်သက်ဆိုင်သည့် ဘုရားသခင်၏ စမ်းသပ်မှုနှင့် စစ်ဆေးခြင်းသည် ဤသဘောထား ကွဲလွဲမှုနှင့် နားမလည်နိုင်ဖွယ်ခြင်းတို့ အတိအကျ ဖြစ်ပေသည်။ ထိုအတောအတွင်းတွင် အာဗြဟံသည် ဘုရားသခင်၏ သတ်မှတ်ချက်ကို ဖြည့်ဆည်းနိုင်ဖို့ အခြေခံအကျဆုံး အခြေအနေဖြစ်သည့် ဘုရားသခင်အား နာခံမှုကို သူ့ကိုယ်တိုင်အတွင်း၌ ပြနိုင်ခဲ့သည်။...အခြေအနေအမျိုးမျိုးတွင် ဘုရားသခင်သည် လူအသီးသီးကို မတူညီသည့် စစ်ဆေးခြင်း နည်းလမ်းများ အသုံးပြုသော်လည်း၊ အာဗြဟံ၌ သူအလိုရှိခဲ့သည့်အရာကို ဘုရားသခင် မြင်ခဲ့သည်၊ အာဗြဟံ၏ နှလုံးသားသည် မှန်ကန်ပြီး သူ၏နာခံမှုက အကြွင်းမဲ့ဖြစ်သည်ကို သူ တွေ့ခဲ့သည်။ ဘုရားသခင် လိုချင်ခဲ့သည်မှာ ဤ ‘အကြွင်းမဲ့’ သောအရာ အတိအကျ ဖြစ်ပေသည်။ လူများက၊ ‘ဤအရာကို ကျွန်ုပ်ပေးလှူပြီးပြီ၊ ထိုအရာကို ကျွန်ုပ်စွန့်လွှတ်ပြီးပြီ- ဘုရားသခင် ကျွန်ုပ်ကို အဘယ်ကြောင့် စိတ်မကျေနပ်သနည်း။ စမ်းသပ်မှုများကို ကျွန်ုပ်အား အဘယ်ကြောင့် ခံမြဲခံစေရသေးသနည်း။ အဘယ်ကြောင့် ကျွန်ုပ်ကို စစ်ဆေးမြဲ စစ်ဆေးနေသေးသနည်း။’ ဟု မကြာခဏ ပြောတတ်ကြသည်။ ဤအရာက အချက်တစ်ချက်ကို ပြသည်- ဘုရားသခင်သည် သင့်နှလုံးသားကို မမြင်သေးသကဲ့သို့ သင့်နှလုံးသားကို မရယူသေးပေ။ ဆိုလိုသည်မှာ ဘုရားသခင်သည် အာဗြဟံက သူ၏သားကို သူ့လက်နှင့်သတ်ဖို့ ဓားကိုကိုင်မြှောက်ပြီး ဘုရားသခင်ကို ပူဇော်ဖို့လုပ်သောအချိန်ကကဲ့သို့၊ အင်မတန် ရိုးသားစစ်မှန်မှုကို သူမတွေ့သေးခြင်း ဖြစ်သည်။ သူသည် သင်၏အကြွင်းမဲ့နာခံမှုကို မတွေ့သေးသကဲ့သို့၊ သင့်အားဖြင့် နှစ်သိမ့်ခြင်းမခံရသေးပေ။ သို့ဆိုလျှင် ဘုရားသခင် သင့်ကို စမ်းသပ်မြဲစမ်းသပ်နေသည်မှာ သဘာဝကျပေသည်။” (နှုတ်ကပတ်တော်၊ အတွဲ (၂)၊ ဘုရားသခင်ကို သိကျွမ်းခြင်းနှင့် စပ်လျဉ်း၍၊ ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် (၂)) ကျွန်မ ဤနှုတ်ကပတ်တော်များကို ထပ်ခါထပ်ခါ စဉ်းစားဆင်ခြင်သည်။ အာဗြဟံက သူ့၏ တစ်ဦးတည်းသောသားကို ဘုရားကို ပူဖော်သည့်အခါ၊ သူ့၏ ကိုယ်ပိုင်တောင်းဆိုချက် တစ်ခုမျှမရှိခဲ့သကဲ့သို့၊ သူကိုယ်တိုင်၏ အမှုကိစ္စကို လုံးဝ မငြင်းခုံပါ။ သူ့ကလေးကို ဘုရားက ပေးထားပြီး ဘုရားသခင် တောင်းဆိုသည်နှင့်အညီ သူ့ကို ပြန်ပေးသည်က မှန်ကန်ပြီး သင့်လျော်သည်ကို သူ သံသယ လုံးဝ မရှိဘဲ သိခဲ့သည်။ ဤသည်မှာ ဖန်ဆင်းခံ တစ်ယောက်ရှိသင့်သည့် ဆင်ခြင်တုံတရားနှင့် အသိစိတ်မျိုး ဖြစ်ပါသည်။ သူ့အတွက် နာကျင်ခံစားရသော်လည်း၊ ဘုရားသခင်၏ တောင်းဆိုချက်များကို သူ နာခံနိုင်သေးသည်။ နောက်ဆုံးမှာ သူ့သားကို သတ်ဖို့ ဓားကို တကယ် ကောက်ကိုင်လိုက်သည်။ ဤသည်မှာ ဘုရားသခင်အပေါ် သူ့၏ ယုံကြည်ခြင်းနှင့် နာခံခြင်းက စစ်မှန်ပြီး တကယ့်စမ်းသပ်မှုကို ခံနိုင်သည်ကို ပြသည်။ သို့သော် ကျွန်မကမူ ဘုရားသခင်၏ စီစဉ်ညွှန်ကြားမှုများနှင့် အစီအစဉ်များကို နာခံပြီး ကျွန်မ၏ သားကို ဘုရားသခင်ဆီကို လွှဲပြောင်းပေးဖို့ ဆန္ဒရှိပါသည်ဟု ပြောခဲ့သော်လည်း၊ ကျွန်မ စိတ်နှလုံးထဲမှာ ကျွန်မ၏ ကိုယ်ပိုင် တောင်းဆိုချက်များကို ကိုင်စွဲထားခဲ့သည်။ အထူးသဖြင့် သူ့အခြေအနေက ပိုဆိုးလာပြီး ကုသလို့မရတော့ဟု ကျွန်မ ကြားသည့်အခါ၊ သူ့ကို ဆုံးရှုံးရနိုင်ခြေရှိသည့် နာကျင်ခံစားရမှုကို ရင်ဆိုင်လျက်၊ ကျွန်မ စိတ်ထဲမှာ တောင်းဆိုချက်များ ရှိခဲ့သည်ကို သိရသည်။ အဲဒါများကို ကျွန်မ နှုတ်ကနေ မပြောခဲ့သော်လည်း၊ ကျွန်မ စိတ်နှလုံးထဲမှာ ဘုရားသခင်ကို သူ့ကို ပျောက်ကင်းအောင် ကုသပေးဖို့ တောင်းဆိုချင်ခဲ့သည်။ ကျွန်မက တကယ်ကို ကျိုးကြောင်းမသင့်လျော်သကဲ့သို့၊ ဘုရားသခင်အပေါ် နာခံမှု တစ်ခုမှ မရှိသည်ကို မြင်ခဲ့ပါသည်။ အမှန်တကယ်မှာတော့ ကျွန်မသားက ကျွန်မကိုယ်တိုင် ပိုင်ဆိုင်သည့်အရာ မဟုတ်ပါပါ။ ဘုရားသခင်က အသက်ကို သူ့ဆီကို မှုတ်သွင်းပေးခဲ့ခြင်း ဖြစ်သည်။ ကျွန်မ ကိုယ်ခန္ဓာက သူ မွေးဖွားလာသည့် ကြားခံပစ္စည်း တစ်ခုသာ ဖြစ်သည်။ သူ့ဘဝတစ်ခုလုံးကို ကြိုတင်သတ်မှတ်ထားပြီးသား ဖြစ်ပေသည်။ ကြာမြင့်သော အချိန်ကတည်းက ဘုရားသခင်က အပြည့်အဝ စီစဉ်ခဲ့ပြီးသားပါ။ သူက မည်မျှ ဒုက္ခခံရမည်၊ သူ့ဘဝ တစ်ခုလုံးမှာ သူ အခက်အခဲများကို မည်မျှ ရင်ဆိုင်ရမည်ကို ဘုရားသခင်က ဆုံးဖြတ်ထားပြီးသား ဖြစ်ပါသည်။ ဘုရားသခင်၏ အစီအစဉ်များကို ကျွန်မ နာခံရမည်။ ထိုအတွေး၌ “ဘုရားသခင် ကျွန်မသားကို ကျွန်မ မပိုင်ဆိုင်ပါဘူး။ ကိုယ်တော်က သူ့ကို ခေါ်ဆောင်သည်ဖြစ်စေ၊ မခေါ်ဆောင်သည်ဖြစ်စေ ကိုယ်တော်ရဲ့ အကျိုးပြုတတ်တဲ့ အလိုတော် ပါဝင်တယ်ဆိုတာ ကျွန်မ သိပါတယ်။ ကျွန်မ နာခံဖို့ ကိုယ်တော့်လက်ထဲမှာ ကျွန်မသားရဲ့ အသက်ကို ထားဖို့ ဆန္ဒရှိပါတယ်။ ကိုယ်တော် ဘာကိုပဲလုပ်ဆောင်ပါစေ ကျွန်မ စောဒကမတက်ပါဘူး။” ဟု ဘုရားသခင်ကို ကျွန်မ ဆုတောင်းခဲ့သည်။ ဆုတောင်းပြီးသည့်နောက်မှာ ကျွန်မ ခံစားရသည့် နာကျင်မှုက သက်သာသွားခဲ့သည်။ မျက်စိတစ်မှိတ် အတွင်းမှာပဲ အချိန်တစ်လ ကုန်သွားသည်။ တစ်နေ့မှာ အစည်းအဝေး တစ်ခုကနေ ကျွန်မ အိမ်ပြန်ရောက်သည့်အခါ၊ ကျွန်မတို့သား၏ အကျိတ်များအကုန် ပျောက်သွားပြီဖြစ်ကြောင်း ကျွန်မ၏ယောက်ျားက ကျွန်မကို ဖုန်းခေါ်ပြီး စိတ်လှုပ်ရှားစွာ ပြောသည်။ ဆေးရုံက စီတီ စကင်နှင့် အတည်ပြုပြီးပြီသည်။ ဤသတင်းကို ကြားတော့ ကျွန်မ အရမ်း စိတ်လှုပ်ရှားပြီး ငိုမိသည်။ ကျွန်မ စိတ်နှလုံးထဲမှာ “ဘုရားသခင်ရဲ့ ကျေးဇူးတော်ကို ချီးမွမ်းပါတယ်။” ဟု ထပ်ခါထပ်ခါ ဟစ်အော်မိသည်။ ဤအတွေ့အကြုံတစ်ခုက ကျွန်မကို ဘုရားသခင်၏ ကြီးမြတ်သည့် ဘုန်းတန်ခိုးကို ပြသခဲ့ပြီး ဤဘုရားနှုတ်ကပတ်တော်များကို တွေ့ကြုံခံစားခွင့် ပေးခဲ့ပါသည်။ “သက်ရှိဖြစ်ဖြစ်၊ သက်မဲ့ဖြစ်ဖြစ် အရာအားလုံးသည် ဘုရားသခင်၏ အကြံအစည်များနှင့်အညီ ရွေ့လျားပြောင်းလဲကာ ပြန်လည်စတင်ပြီး ကွယ်ပျောက်သွားရမည်ဖြစ်သည်။ ဤသည်မှာ အရာအားလုံးကို ဘုရားသခင်တာဝန်ယူသည့် နည်းလမ်းဖြစ်သည်။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ ဘုရားသခင်သည် လူ့အသက်၏ အရင်းအမြစ်ဖြစ်သည်) ဤအပိုဒ်က ဘုရားသခင်၏ အနန္တတန်ခိုးရှိခြင်းနှင့် အချုပ်အခြာအာဏာကို ပြသခဲ့သည်၊ ဘုရားသခင်သည် မည်သည့်အရာမျှ မရှိခြင်းကနေ တစ်ခုခုရှိလာအောင် လုပ်ဆောင်နိုင်ကြောင်းနှင့် ရှိရမည့်အရာကို မရှိတော့အောင် လုပ်နိုင်သည်ကို ပြသခဲ့ပါသည်။ အရာရာတိုင်းက ဘုရားသခင်၏ လက်နှင့် စီစဉ်ညွှန်ကြားခံရပါသည်။ ဘုရားသခင်ကို ကျွန်မ လှိုက်လှိုက်လှဲလှဲ ကျေးဇူးတင်ခဲ့ပါသည်။

တစ်နှစ်ကြာပြီးနောက် ကျွန်မ ယောက်ျားထံမှ မျှော်လင့်မထားသည့် စာတစ်စောင်ရခဲ့သည်။ ကျွန်မတို့ သား၏ ရောဂါက ပြန်ဖြစ်လာပြီး သူက ဆေးရုံမှာ ဓာတုကုထုံးယူနေပြီဆိုပြီး ပြောထားသည်။ ထိုကဲ့သို့ ကြားရတော့ ကျွန်မ နည်းနည်း နာကျင်ခံစားခဲ့ရသော်လည်း၊ ကျွန်မ၏ ယခင် အတွေ့အကြုံကို သတိရမိခဲ့သည်။ ကျွန်မက ဘုရားသခင်၏ စီစဉ်ညွှန်ကြားမှုနှင့် အစီအစဉ်များကို နာခံဖို့ ဆန္ဒရှိနေခဲ့ပါသည်။ ကျွန်မ အံ့သြသွားရသည်က ကျွန်မသားက နှစ်ပတ် ကြာပြီးနောက် ဆေးရုံကဆင်းခဲ့ရပြီး ယနေ့အထိ ဆက်ပြီး ကျန်းမာနေခဲ့ပါသည်။ ကျွန်မက ဘုရားသခင်ကို အပြစ်တင်ခဲ့ပြီး နားလည်မှု လွဲခဲ့သော်လည်း၊ ကျွန်မ၏ မသိနားမလည်မှုအပေါ် သူ အာရုံမစိုက်ခဲ့ဘဲ၊ ဘုရားသခင်၏ အနန္တတန်ခိုးရှိခြင်းနှင့် အချုပ်အခြာ အာဏာကို ကျွန်မ နားလည်နိုင်ပြီး ကောင်းချီး ရဖို့အတွက်သာ ယုံကြည်ခြင်းရှိသည့် ကျွန်မ၏ လွဲမှားသည့်အမြင်ကို ပြောင်းလဲနိုင်ဖို့အလို့ငှာ၊ သူ့၏ နှုတ်ကပတ်တော်များနှင့် ကျွန်မကို ဉာဏ်အလင်းရစေပြီး လမ်းညွှန်ခဲ့ပါသည်။ ဤသည်မှာ ကျွန်မအတွက် ဘုရားသခင်၏ ကျေးဇူးတော်နှင့် ကောင်းချီးများ အမှန်တကယ် ဖြစ်လေသည်။ အနန္တတန်ခိုးရှင်ဘုရားသခင်၏ ကျေးဇူးတော်ကို ချီးမွမ်းပါသည်။