၁ ဘုရားသခင်က သင်တို့အားလုံး ရှေ့ဆက်သည့်လမ်းခရီးတစ်ခု ရှိကြောင်းကို သေချာစေမည့် လမ်းကြောင်းတစ်ကြောင်းပေါ်သို့ သင်တို့ကို လမ်းညွှန်ပါလိမ့်မည်။ ယင်းမှာ၊ ရှင်သန်နိုင်ဖို့ ကြိုးစားရန် ဖြစ်သည်။ အနာဂတ်တွင် မည်သည့် ရာထူး သို့မဟုတ် အဆင့်အတန်း သင် ရှိလိမ့်မည်အကြောင်း မပူပန်လေနှင့်။ ရှင်သန်ဖို့ သင် ကြိုးစားသည်နှင့်အညီ သင်လုပ်ဆောင်သင့်သည့် အရာနှင့် ပတ်သက်၍သာ ပူပန်လော့။ ဤသည်မှာ လူတို့ ကြိုးစားသင့်သည့်အရာတစ်ခု ဖြစ်၏။ ရှင်ကျန်သည့် လူသားများသည် ဧကန်မုချ လူကောင်းများ ဖြစ်လိမ့်မည့်ဖြစ်သည့်အတွက် ယင်းသည် လျော်ကန်ပြီး၊ လွန်ကဲသော စိတ်ဆန္ဒတစ်ခုမဟုတ်ပေ။ ဘုရားသခင်အတွက် မွန်မြတ်သော သက်သေကို ၎င်းတို့ သေချာပေါက် ခံကြလိမ့်မည်ဖြစ်ပြီး သူ၏ အလိုတော်ကို ကျေနပ်စေကြမည်မှာ သေချာ၏။ ထို့ကြောင့် ရှင်ကျန်ဖို့ ကြိုးစားရန်မှာ လွန်ကဲသော လိုအင်ဆန္ဒမဟုတ်ပေ။ ယင်းထက်၊ အယောက်တိုင်း ကြိုးပမ်းသင့်သည့် အရာတစ်ခု ဖြစ်သည်။ ဤအရာသည် ဘုရားသခင်၏ ကယ်တင်ခြင်း အမှုနှင့် ကောင်းစွာ ကိုက်ညီပေသည်။

၂ အစေခံသူတစ်ဦးအနေဖြင့်ဖြစ်စေ၊ ဘုရားသခင်၏ လူများထဲမှ တစ်ဦးအနေဖြင့်ဖြစ်စေ၊ ဘုရားသခင်၏ သားများထဲမှ တစ်ဦးအနေဖြင့်ဖြစ်စေ၊ သို့မဟုတ် အဆင့်အတန်းမြင့်မားသည့် သူတစ်ဦးတစ်ယောက်အနေဖြင့်ဖြစ်စေ၊ အနာဂတ်တွင် ရှင်ကျန်ဖို့ရန်- ဖြစ်နိုင်သမျှ အခြေခံအကျဆုံး အစီအစဉ်ကို သင်တို့ လုပ်ဆောင်သင်၏။ ဘုရားသခင်က လူတို့ကို ပိုမိုရှင်ကျန်ဖို့ မျှော်လင့်သည့်အတွက်၊ သင် စဉ်းစားဖို့လိုအပ်သမျှမှာ ဘုရားသခင်၏ လက်ခံမှုကို ရရှိပြီးနောက် ရှင်ကျန်ဖို့ရန် သင် မည်သည့်အရာ လုပ်ဆောင်သင့်သည်ဆိုသည့်အရာ ဖြစ်သည်။ ဤအရာက သင်တို့၏ ရှာဖွေမှုကို ရိုးရှင်းလွယ်ကူစေသည် မဟုတ်လော။ လျော်ကန်သည့် လိုက်စားမှုမှာ လွန်ကဲသည့် လိုအင်ဆန္ဒမဟုတ် ဆိုသည်ကို သင်တို့ နားလည်သင့်၏။ ဘုရားသခင်၌ ၎င်းတို့၏ ယုံကြည်မှုတွင်၊ လူတို့သည် လွန်ကဲသော အလိုဆန္ဒများမရှိသင့်ကြဘဲ၊ လျော်ကန်သည့် လိုက်စားမှုများ ရှိသင့်ကြပေသည်။

“ဘုရားသခင်၏ မိတ်သဟာယဖွဲ့ခြင်း” ကို ကောက်နုတ်၍ ဆီလျော်စွာ ပြုပြင်ထားသည်