အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၇၉

မျက်ကန်း။ ပညာမဲ့။ တန်ဖိုးမဲ့သော အမှိုက်ပုံ။ သင်တို့သည် ငါ၏ ပြည့်ဝစုံလင်သော ဘုရား ဂုဏ်တော်မှ သာမာန် လူသဘောသဘာဝကို သီးခြားခွဲထုတ်ကြသည်။ ဤသည်မှာ ငါ့ကိုပြစ်မှားခြင်းဖြစ်ကြောင်း သင်တို့မသိကြသလော။ ၄င်းထက်မက ခွင့်လွှတ်ရန်ခက်ခဲသော နောက်ထပ်မည်သည့်အမှု ရှိပါသနည်း။ ထိုလက်တွေ့ကျသော ဘုရားက သင်တို့အကြားသို့ ယနေ့ကြွလာတော်မူသော်လည်း သင်တို့သည်ငါ၏ သာမန်လူသားဖြစ်မှုဟူသော တစ် ဘက်ခြမ်းကိုသာ သိရှိကြပြီး စုံလင်ပြည့်ဝသောဘုရားဖြစ်သည့် ငါ၏အခြားတစ်ဘက်ကို မမြင်တတ်ကြသေး။ ငါ၏ နောက်ကွယ်တွင် ငါ့ကိုလိမ်လည်လှည့်ဖြားရန် မည်သူကကြိုးပမ်းနေကြောင်းကိုငါမသိဟု သင်ထင်ပါသလား။ယခု ငါသည်သင့်ကို ဝေဖန်ပြစ်တင်ခြင်းမပြု၊ သင်သည်မည်သည့်အဆင့်အထိ ရောက်နိုင်ကြောင်းနှင့် သင်၏နောက်ဆုံး အဆုံးသတ်က မည်သည့်အရာဖြစ်မည်ကို စောင့်ကြည့်နေရုံမျှသာပြုမည်။ ငါ၏စကားကို အကြိမ်ထောင်ပေါင်းများ စွာ ပြောကြားခဲ့ပြီးဖြစ်သော်လည်း သင်တို့သည် များစွာသော ဆိုးသည့်အမှုများတို့ကို ပြုခဲ့ကြပြီ။အဘယ်ကြောင့် ငါ့ကို ထပ်ခါထပ်ခါလိမ်လည်လှည့်ဖြားရန် ကြိုးစားကြသနည်း။ သင်၏အသက်ဆုံးရှုံးမည်ကို သတိပြုလော့။ ငါ၏အမျက်ဒေါသကို အဆင့်တစ်ခုထိတိုင် အောင်နှိုးဆွပါက ငါသည်သင့်ကို ကရုဏာတော်အလျင်းဖော်ပြမည် မဟုတ်ဘဲ သင့်ကို နှင်ထုတ်မည်ဖြစ်သည်။ သင်သည် သစ္စာစောင့်သိခဲ့သည်ဖြစ်စေ၊ စိတ်အားထက်သန်ခဲ့သည်ဖြစ်စေ၊ မည်မျှပြေးလွှားလုပ်ဆောင်ခဲ့သည်ဖြစ်စေ၊ ငါ့အတွက်မည်မျှ အသုံးခံခဲသည်ဖြစ်စေ သင်သည် ယခင်ကမည်သို့ရှိခဲ့သည်ကို ငါကြည့်လိမ့်မည်မဟုတ် - ငါသည် ဤအရာများတို့ကို အလျင်းကြည့်လိမ့်မည်မဟုတ်။ ယခုသင်သည်ငါ့ကို ရန်စ လိုက်ရန်သာလိုအပ်ပြီး ငါသည်သင့်ကို အနက်ဆုံးသောတွင်းထဲသို့ ချပစ်လိုက်မည်။ မည်သူ သည် ငါ့ကို လိမ်လည်လှည့်ဖြားဝံ့သေးသနည်း။ ဤသည်ကိုအောက်မေ့ပါ။ ယခုအချိန်မှစပြီး မည်သူ့အတွက်ကြောင့် ငါအမျက်ထွက်သည်ဖြစ်၊စေ နောင်အနာဂတ်တွင် ပြဿနာအလျင်းမရှိတော့စေရန်၊ သင့်ကိုနောက်တစ်ကြိမ် ငါမ မြင်ရတော့စေရန် ငါသည်ချက်ချင်းရှင်းပစ်လိမ့်မည်ဖြစ်သည်။ သင်သည်ငါ့ကို အာခံလျှင် ငါသည် သင့်ကိုမဆိုင်းမတွ ဆုံးမမည် ဤသည်ကို သင်တို့အောက်မေ့ကြမည်လော။ အသိညာဏ်ထက်မြက်သောသူများတို့သည် ချက်ချင်း နောင်တရကြလိမ့်မည်။

ယနေ့ ယခုပင်လျှင် ငါသည် အမျက်ထွက်လျက်ရှိသည်။ သင်တို့အားလုံးတို့သည် ငါ့အားသစ္စာစောင့်သိရမည် ဖြစ်ပြီး သင်၏အအလုံးစုံကို ငါ့ထံသို့ ဆက်ကပ်ပူဇော်ရမည်။ နောက်ထပ်နှောင့်နှေးခြင်းများ မရှိစေရ။ ငါ၏စကားတို့ကို အရေးမစိုက်ပါက ငါသည်ငါ၏လက်တော်ကိုဆန့်ပြီး သင့်ကိုရိုက်ချမည်။ ထိုမှနေပြီး ငါ့ကို လူတိုင်းတို့က သိရှိလာစေရန် ငါလုပ်မည့်အပြင် ယနေ့ငါသည် အားလုံးတို့ကို အမျက်ထွက်လျက်ရှိပြီး ဘုန်းအာနုဘော်တော်ကြီးမားသူဖြစ်သည်။ (ဤသည်မှာ ငါ၏တရားစီရင်မှုထက် ပိုမိုပြင်းထန်သည်)။ ငါသည်မြောက်များလှစွာသော စကားတို့ကို ပြောခဲ့သော်လည်း သင်တို့သည် အလျင်းတုန့်ပြန်မှုမရှိကြ။ သင်တို့အားလုံးသည် ဤမျှလောက်ပင် ထုံထိုင်းကြ သလော။ ငါသည် သင်တို့ကို ထုံထိုင်းသည်ဟု မထင်ပါ၊ ဟုတ်ပါသလား။ ပြဿနာလုပ်ချင်နေသောအရာမှာ သင်တို့အတွင်းက မကောင်းဆိုးဝါးအိုကြီးဖြစ်သည်၊ ဤအရာကို သင်တို့ရှင်းလင်းစွာ သိမြင်ကြပါသလား။ အခြေခံကျသော အပြောင်းအလဲ ပေါ်ထွက်လာစေရန် အလျှင်အမြန်လုပ်ဆောင်ကြလော့။ ယနေ့ သန့်ရှင်းသောဝိညာဉ်တော်၏ အမှုတော်သည် ဤအဆင့်ထိတိုင်တိုးတက် လာခဲ့ပြီဖြစ်သည်ကို သင်တို့မတွေ့မြင်ကြသလော။ ငါ၏နာမသည် ဦးတည်ရာအားလုံးနှင့် တိုင်းနိုင်ငံအပေါင်းတို့ရှိ အိမ်တစ်အိမ်မှတစ်အိမ်သို့ ပျံ့နှံ့ရောက်ရှိမည်ဖြစ်ပြီး စင်္ကြာဝဠာလောကတလျှောက်လုံးတွင် လူကြီးများနှင့် ကလေးများတို့၏ နှုတ်များမှ တူညီစွာဟစ်အော်ကြမည်မှာ အကြွင်းမဲ့ အမှန်တရားတစ်ခုပင်ဖြစ်သည်။ ငါသည် ကိုယ်တိုင်ကထူးခြားသော ဘုရားဖြစ်တော်မူသည့်အပြင် ငါသည် တစ်ဆူတည်းသော ဘုရား၏ လူပုဂ္ဂိုလ်လည်းဖြစ်တော်မူပြီး အသွေးအသားဇာတိ အလုံးစုံဖြစ်သော ငါသည် ဘုရားသခင်၏စုံလင်ပြည့်ဝသော အသွင်သဏ္ဌာန်လည်းပို၍ပင် ဖြစ်သေးသည်။ ငါ့ကိုရိုသေလေးမြတ်မှုမရှိဘဲနေဝံ့သူ၊ သူတို့၏ မျက်ဝန်းတွင် မနာခံမှုကိုဖော်ပြဝံ့သူ၊ ငါ့အား မနာခံသော စကားများပြောဝံ့သောသူ မည်သူမဆိုတို့သည် ငါ၏ကျိန်ခြင်းနှင့် အမျက်တော်ကြောင့် ဧကန်အမှန်ပင် သေကြရမည်(ငါ၏အမျက်တော်ကြောင့် ကျိန်ခြင်းရှိလိမ့်မည်)။ ထို့အပြင် ငါ့ကိုသစ္စာစောင့်ခြင်း သို့မဟုတ် ရင်းနှီးကျွမ်းဝင်ခြင်းမရှိဘဲ နေဝံ့သောသူ၊ ငါ့ကိုလှည့်ဖြားဝံ့သောသူ မည်သူမဆိုတို့သည် ငါ၏ အမုန်းတရားထဲ၌ ဧကန်အမှန်ပင်သေကြရမည်။ ငါ၏ ဖြောင့်မတ်ခြင်း၊ ဘုန်းအာနုဘော်နှင့် အပြစ်စီရင်ခြင်းတို့သည် ထာဝရကာလပတ်လုံးတည်လိမ့်မည်။ ရှေးဦးစွာ ငါသည် ချစ်တတ်ပြီး ကရုဏာတရားပြည့်ဝသော်ငြားလည်း ၄င်းသည် ငါ၏ပြီးပြည့်စုံသော ဘုရားသဘောသဘာဝ၏ စိတ်သဘောထား မဟုတ်ပါ။ ဖြောင့်မတ်ခြင်း၊ ဘုန်းအာနုဘော်နှင့် အပြစ်စီရင်ခြင်းတို့ကသာ ကိုယ်တော်တိုင် စုံလင်ပြည့်ဝတော်မူသော ဘုရားဖြစ်သည့် ငါ၏ စိတ်သဘောထား ဖြစ်တော်မူသည်။ ကျေးဇူးတော်ကာလအတောအတွင်းက ငါသည် ချစ်တတ်ပြီး ကရုဏာတရားကြွယ်ဝသည်။ ငါပြီးစီးအောင်လုပ်ရမည့်အလုပ်ကြောင့် ငါ့တွင် ချစ်ကြင်နာမှုနှင့် ကရုဏာတို့ရှိခဲ့ခြင်းဖြစ်သော်လည်း နောက်ပိုင်းတွင် ချစ်ကြင်နာမှုနှင့်ကရုဏာတရား(ထိုအချိန်ကတည်းကစပြီး တစ်ခုမှမရှိတော့)တစ်စုံတစ်ရာတို့ကို မလိုအပ်တော့ပါ။ ဖြောင့်မတ်ခြင်း၊ ဘုန်းအာနုဘော်နှင့် အပြစ်စီရင်ခြင်းတို့အားလုံးကိုသာလိုအပ်ပြီး ၄င်းတို့သည် ငါ၏ ဘုရားသဘာဝနှင့် ယှဉ်တွဲရှိနေသော ငါ့သာမန်လူ့သာဘာဝ၏ စုံလင်သော စိတ်သဘောထားဖြစ်သည်။

ငါ့ကိုမသိသောသူတို့သည် အနက်ဆုံးသောတွင်းထဲတွင် ပျက်စီးရကြမည်ဖြစ်ပြီး ငါ့ကိုသေချာစွာသိသောသူတို့သည် ငါ၏မေတ္တာတော်အတွင်းတွင် စောင့်ရှောက်ခြင်းနှင့် အကာအကွယ်ပေးခြင်း ခံရန်အတွက် ထာဝရအသက်ရှင်ရမည်။ ငါသည် စကားတစ်ခွန်းကို မိန့်မြွက်ပြီး ဤစင်္ကြာဝဠာတစ်ခုလုံးသည် တစ်ဘက်စွန်းမှအခြားတစ်ဘက်စွန်းထိတိုင် တုန်လှုပ်သည်၊မည်သူသည် ငါ့စကားများတို့ကို ကြားရပြီးမှ ကြောက်ရွံ့ခြင်းဖြင့်မတုန်မလှုပ် နေနိုင်သနည်း။ မည်သူသည် ငါ့ကိုရိုသေလေးမြတ်မှုရှိသော စိတ်နှလုံးကို မပျိုးထောင်ပဲ နေနိုင်သနည်း။ မည်သူသည် ငါ၏လုပ်ရပ်များတို့မှ ငါ၏ဖြောင့်မတ်ခြင်းနှင့် တန်ခိုးအာနုဘော်ကို မသိဘဲနေနိုင်သနည်း။ ထို့အပြင် မည်သူသည် ငါ၏လုပ်ရပ်များအထဲ တွင်ရှိသော ငါ၏အနန္တတန်ခိုးတော်နှင့် ညာဏ်ပညာတော်ကို မမြင်ဘဲနေနိုင် သနည်း။ အလေးဂရုမပြုသောသူ မည်သူမဆိုတို့သည် ဧကန်အမှန်ပင် သေကြရမည်။ ဤသည်မှာ ထိုအလေးဂရုမပြုသောသူတို့သည် ငါ့ကို အာခံသောသူ၊ ငါ့ကို မသိသောသူဖြစ်သည့်အပြင် သူတို့သည် ရုန့်ရင်းကြမ်းတမ်းမှုအရှိဆုံးသော ထိုကောင်းကင်တမန်မင်းပင် ဖြစ်ကြသောကြောင့်တည်း။ သင်တို့ ကိုယ်ကိုယ် စစ်ဆေးကြလော့။ ရုန့်ရင်းကြမ်းတမ်းသောသူ၊ မာနကြီးသောသူ၊ ထောင်လွှားသောသူ၊ မောက်မာရိုင်းစိုင်းသောသူ မည်သူမဆိုတို့သည် ငါ့မုန်းတီးခြင်းခံရာအကြောင်းဖြစ်ပြီး ပျက်စီး ခြင်းသို့ရောက်လိမ့်မည်။

ငါ့နိုင်ငံတော်၏ စီမံအုပ်ချုပ်ရေးဆိုင်ရာ အမိန့်များကို ယခုပင်ငါကြေငြာသည်မှာ- အရာခပ်သိမ်းသည် ငါ၏ တရားစီရင်မှုဘောင်အတွင်းတွင်ရှိသည်၊ အရာခပ်သိမ်းသည် ငါ၏ဖြောင့်မတ်ခြင်းအတွင်းတွင်ရှိသည်၊ အရာခပ်သိမ်း သည် ငါ၏ဘုန်းတန်ခိုးတော်အတွင်းတွင်ရှိသည့်အပြင် အရာအားလုံး၌ ဖြောင့်မတ်ခြင်းတရားကို လက်တွေ့လုပ်ဆောင်ရမည် - ဟူ၍ဖြစ် သည်။ ငါ့ကိုယုံကြည်သည်ဟု ဆိုကြသော်လည်း စိတ်နှလုံးဖြင့် ငါ့ကိုဆန့်ကျင်သောသူများ သို့မဟုတ် စိတ်နှလုံး ဖြင့် ငါ့ကိုစွန့်ပစ်သောသူတို့ကို နှင်ထုတ်လိမ့်မည်ဖြစ်သော်လည်း ငါ၏အချိန်ကောင်းကျရောက်ချိန်မှသာ လုပ် ဆောင်မည်။ ငါ့အကြောင်းကို လှောင်ပြောင်ပြောဆိုသော်လည်း လူအများသတိမထားမိသောနည်းလမ်းဖြင့် ပြောသည့်တိုင် ချက်ချင်းသေရလိမ့်မည်(သူတို့သည် စိတ်၊ ခန္ဓာနှင့် ဝိညာဉ်၌ သေရမည်)။ ငါချစ်ခင်သောသူတို့ကို ဖိနှိပ်သောသူ၊ မသနားသော လစ်လျူရှုသော သူတို့အတွက် ငါ့အမျက်တော်သည် သူတို့ကို ချက်ချင်းစီရင်လိမ့်မည်။ထို့အပြင် ငါချစ်ခင် သောသူတို့ကို မနာလိုဝန်တိုသောစိတ်နှလုံးရှိသူများနှင့် ငါသည်ဖြောင့်မတ်ခြင်းမရှိဟု ထင်သောသူများတို့ကို စီရင်ရန် ငါချစ်ခင်သောသူများလက်သို့ အပ်နှံမည်။ ကောင်းစွာပြုမူနေထိုင်သူ၊ နှိမ့်ချပြီး ရိုးသားသူ(အသိညာဏ်နည်းပါးသူ များအပါအဝင်)နှင့် ငါ့အား တစ်သမတ်တည်း ရိုသေလေးစားသောသူတို့အားလုံးသည် ငါ၏နိုင်ငံတော်တွင် ကျန်ရှိနေရမည်။ လေ့ကျင့်ပေးခြင်းကို မခံရသေးသောသူများ ဆိုလိုသည်မှာ ဉာဏ်ပညာနှင့်ထိုးထွင်းသိမြင်မှု နည်းပါးသော ရိုးသားသူများ တို့သည် ငါ၏နိုင်ငံတော်တွင် တန်ခိုးကိုရကြလိမ့်မည်။ သို့ရာတွင်သူတို့သည်လည်း ရိုက်နှက်ဆုံးမခြင်း နှင့်ချိုးဖဲ့ခြင်းတို့ကို ဖြတ်သန်း ကြပြီးဖြစ်သည်။ သူတို့လေ့ကျင့်ပေးခြင်း မခံရသေးခြင်းသည် အကြွင်းမဲ့ မဟုတ်သေးဘဲ ထိုအမှုအရာများမှတစ်ဆင့် လူတိုင်းကို ငါ၏အနန္တတန်ခိုးနှင့် ငါ၏ညာဏ်ပညာတော်ကို ပြသမည်။ ယခုထက်တိုင် ငါ့ကိုသံသယရှိသောသူများတို့ကို နှင်ထုတ်မည်။ ထိုသူတို့တစ်ဦးတစ်ယောက်ကိုမျှ ငါအလိုမရှိ (ယခုကဲ့သို့သော အချိန်ကာလမျိုးတွင် ငါ့ကိုသံသယဖြစ်ဆဲရှိသောသူတို့ကို ငါမုန်းတီးသည်)။ ဤစင်္ကြဝဠာတစ်ခုလုံးတွင် ငါပြုသော အမှုများအားဖြင့် ရိုးသားသောသူများတို့ကို ငါ့ဆောင်ရွက်ချက်များတို့၏ အံ့သြဖွယ်ဖြစ်ခြင်းကိုငါပြသပြီး ထိုမှတစ်ဆင့် သူတို့၏ ညာဏ်ပညာ၊ ထိုးထွင်းသိမြင်မှုနှင့် ဝေဖန်ပိုင်းခြားမှုတို့ကို ကြီးထွားစေပြီး လိမ်လည်လှည့်ဖြားသော လူတို့ကို ငါ၏ အံ့သြဖွယ်အမှုများတို့ကြောင့် တခဏတွင်းတွင် ဖျက်ဆီးခံရစေမည်။ ငါ၏နာမကို ရှေးဦးစွာလက်ခံသည့် အဦးဘွား သောသားများအားလုံး(ဆိုလိုသည်မှာ သန့်ရှင်းလျက်၊ အပြစ်တင်ခြင်းကင်းလျက် ရိုးသားသောသူများ)တို့သည် ထိုနိုင်ငံတော်ကို ရှေ့ဦးစွာဝင်ရလိမ့်မည်ဖြစ်ပြီး တိုင်းနိုင်ငံအားလုံးနှင့် လူမျိုးအားလုံးကို ငါနှင့်အတူ အုပ်ချုပ်ရမည်ဖြစ်ပြီး နိုင်ငံတော်ထဲတွင် ရှင်ဘုရင်များကဲ့သို့ စိုးစံကာ တိုင်းနိုင်ငံများအားလုံးနှင့် လူမျိုးများအားလုံးတို့ကို အတူတကွ စီရင်ရ လိမ့်မည်(ဆိုလိုသည်မှာ ထိုနိုင်ငံတော်အတွင်းမှ အဦးဘွားသောသားများအားလုံးသာဖြစ်ပြီး အခြားသူများမပါ)။ တိုင်းနိုင်ငံများအားလုံးနှင့် လူမျိုးများအားလုံးတို့အလယ်တွင် စီရင်ခြင်းခံရပြီးနောက် နောင်တရသောသူများတို့သည် ငါ၏နိုင်ငံတော်ကို ဝင်ရကြမည်ဖြစ်ပြီး ငါ၏လူမျိုးဖြစ်လာကြလိမ့်မည်။ ထိုနောက် ခေါင်းမာသောသူ နောင်တမရသောသူ တို့သည် အနက်ဆုံးသောတွင်းထဲသို့ ချပစ်ခြင်းခံရလိမ့်မည်(ထာဝရပျက်စီးရန်)။ ထိုနိုင်ငံတော်ရှိ တရားစီရင်ခြင်းသည် နောက်ဆုံးသောအကြိမ်ဖြစ်ပြီး ၄င်းသည် ဤလောကကြီးအား ငါ၏ အကုန်အစင် ဆေးကြောခြင်းဖြစ်လိမ့်မည်။ ထို နောက်တွင် မည်သည့် တရားစီရင်မှု၊ ဝမ်းနည်းခြင်း၊ မျက်ရည်များ ၊ သက်ပြင်းချရခြင်းများ ရှိတော့မည်မဟုတ်သည့်အပြင် ကမ္ဘာကြီးလည်းရှိတော့မည်မဟုတ်ပါ။ အရာခပ်သိမ်းသည် ခရစ်တော်၏ သရုပ်သကန်၊ အရာခပ်သိမ်းသည် ခရစ်တော်၏နိုင်ငံတော်ဖြစ်လိမ့်မည်။ ဘုန်းတော်ကြီးလှပါတကား။ ဘုန်းတော်ကြီးလှပါတကား။

ယခင်က:ခုနှစ်ဆယ့်ခုနှစ်ခုမြောက် မိန့်မြွက်ချက်

နောက်တစ်ခုသို့:ရှစ်ဆယ်ခုမြောက်သော မိန့်မြွက်ချက်

သင်နှစ်သက်နိုင်သည့် အရာများ