အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၆၅

ငါ၏ နှုတ်ကပတ်တော်သည် ချက်ကောင်းကို အစဉ်ထိမှန်သည်၊ တစ်နည်းအားဖြင့်ဆိုသော် ၎င်းတို့သည် သင်တို့၏ ဆိုးရွားသော အားနည်းချက်များကို ထောက်ပြသည်၊ ထိုသို့မဟုတ်လျှင် သင်တို့သည် ယခု မည်သည့်အချိန် ရောက်ပြီဖြစ်ကြောင်းကို မသိကြဘဲ အချိန်ဆွဲနေကြဦးမည် ဖြစ်သည်။ ဤအရာကို သိကြလော့။ သင်တို့ကို ကယ်တင်ရန် ချစ်ခြင်းမေတ္တာလမ်းကြောင်းကို ငါအသုံးပြုသည်။ သင်တို့ မည်သို့ပင်ဖြစ်ပါစေ၊ အမှားအယွင်း တစ်စုံတစ်ရာကို မပြုဘဲ ငါအတည်ပြုပြီးသော အမှုအရာများကို ဧကန် ပြီးပြည့်စုံစေမည်။ ဖြောင့်မတ်သော အနန္တတန်ခိုးရှင် ဘုရားသခင်ဖြစ်သည့် ငါသည် အမှားတစ်ခုကို လုပ်မိနိုင်သလော။ ဤသည်မှာ လူ၏အယူအဆတစ်ခု ဖြစ်သည် မဟုတ်လော။ ငါ့ကို ပြောလော့၊ ငါပြုသမျှ နှင့် ပြောသမျှတို့မှာ သင်တို့အဖို့ပင် ဖြစ်သည် မဟုတ်လော။ လူအချို့တို့က "အို ဘုရားသခင်။ ကိုယ်တော်သည် ကျွန်ုပ်တို့အတွက် အရာခပ်သိမ်းကို ပြုတော်မူသော်လည်း ကျွန်ုပ်တို့သည် ကိုယ်တော်နှင့် မည်ကဲ့သို့ ပူးပေါင်းလုပ်ဆောင်ရမည်ကို မသိကြပါ" ဟု နှိမ့်ချစွာ ဆိုကြလိမ့်မည်။ ပညာမဲ့လိုက်လေ။ ငါနှင့် အဘယ်သို့ ပူးပေါင်းလုပ်ဆောင်ရမည်ကို သင်တို့ မသိကြောင်း ဆိုလိုက်သေး။ ၎င်းတို့မှာ ရှက်ဖွယ် အလိမ်အညာများချည်းသာ ဖြစ်၏။ သင်တို့သည် ဤသို့ ပြောပြီးသည့်နောက်၊ လက်တွေ့တွင် အဘယ်ကြောင့် ဇာတိပကတိအတွက် အရေးထားမှုကို အကြိမ်ကြိမ် ပြကြသနည်း။ သင်တို့ ပြောသောအရာမှာ ကြားကောင်းသော်လည်း သင်တို့သည် ရွှင်မြူးတက်ကြွသော ပုံစံဖြင့် လုပ်ဆောင်ခြင်း မရှိကြပေ။ ဤအရာကို သင်တို့ နားလည်ရမည်၊ ယနေ့ သင်တို့ကို ငါ များများစားစား တောင်းဆိုနေခြင်း မဟုတ်သကဲ့သို့ သင်တို့ထံမှ ငါအလိုရှိသည်မှာ သင်တို့ လက်လှမ်းမမီသည့် အရာလည်း မဟုတ်ဘဲ လူတို့ ရယူစွမ်းဆောင်နိုင်သောအရာသာ ဖြစ်ပေသည်။ ငါသည် သင်တို့ကို ပို၍ခန့်မှန်းခြင်း အလျှင်း မရှိ၊ ငါသည် လူ၏ လုပ်နိုင်စွမ်း အတိုင်းအတာကို မသိဘဲနေမည်လော။ ၎င်းကို ငါ ပြတ်ပြတ်သားသား အပြည့်အဝ နားလည်သည်။

ငါ၏ နှုတ်ကပတ်တော်သည် သင်တို့ကို အဆက်မပြတ် အသိဉာဏ်ပွင့်စေသော်ငြားလည်း သင်တို့၏ စိတ်နှလုံးများမှာ အလွန်မာကြောပြီး သင်တို့သည် သင်တို့၏ ဝိညာဉ်အတွင်း၌ ငါ၏အလိုကို နားလည်သဘောပေါက်နိုင်စွမ်း မရှိကြချေ။ ငါ့အား ပြောလော့၊ အစားအစာ၊ အဝတ်အထည်နှင့် သင်တို့၏ ပုံပန်းကို အာရုံမစိုက်ကြဘဲ အတွင်းအသက်ကို အာရုံစိုက်ကြရန် သင်တို့ကို ငါသတိပေးခဲ့သည်မှာ အကြိမ် မည်မျှ ရှိပြီနည်း။ သို့သော်လည်း သင်တို့သည် နားပင်မထောင်ကြပေ။ ပြောရသည်မှာ ငါစိတ်ကုန်ပြီ။ သင်တို့သည် ဤမျှလောက် ထုံထိုင်းသွားခဲ့ကြပြီလော။ သင်တို့သည် လုံးလုံးလျားလျား အသိတရားကင်းမဲ့ကြသလော။ ငါ့စကားကို အချည်းနှီး ပြောဆိုခဲ့ခြင်း ဖြစ်နိုင်သလော။ လွဲမှားသောအရာတစ်စုံတစ်ခုကို ငါပြောဖူးသလော။ ငါ့သားတို့။ ငါ၏ အလွန်လေးနက်သော ရည်ရွယ်ချက်များကို အလေးထားကြလော့။ သင်တို့၏ အသက်တာများ ရင့်ကျက်လာသည့်အခါ စိုးရိမ်ရန် မလိုတော့ဘဲ အရာခပ်သိမ်းကို စီစဉ်ပေးမည်။ ယခုအခါ ထိုအရာများကို အာရုံပြုခြင်းမှာ တန်ဖိုးမရှိပေ။ ငါ၏ နိုင်ငံတော်သည် လုံးလုံးလျားလျား အမှန်တကယ် ဖြစ်ပေါ်လာခဲ့ပြီး ၎င်းသည် ကမ္ဘာလောကကြီးထဲသို့ လူသိရှင်ကြား ဆင်းသက်လာခဲ့ပြီ ဖြစ်သည်၊ ထိုမျှမက ငါ၏ တရားစီရင်ခြင်းသည် လုံးဝကျရောက်ခဲ့ပြီ ဖြစ်ကြောင်းကိုလည်း ၎င်းက ညွှန်ပြနေပါသည်။ ၎င်းကို သင်တို့ ကြုံတွေ့ဖူးသလော။ သင်တို့ကို တရားစီရင်ရန် ငါမလိုလားသော်လည်း သင်တို့သည် ငါ၏ စိတ်နှလုံးကို စာနာထောက်ထားခြင်း လုံးဝမပြကြပေ။ သင်တို့ အဆက်မပြတ် ရသောအရာမှာ ငါ၏ ချစ်ခြင်းမေတ္တာဖြင့် စောင့်မခြင်းနှင့် ကာကွယ်ခြင်းတို့ ဖြစ်စေရန် ငါအလိုရှိပြီး သနားခြင်းကရုဏာကင်းမဲ့သော တရားစီရင်ခြင်းကို အလိုမရှိပေ။ သင်တို့သည် တရားစီရင်ခြင်းကို ခံလိုသည်မှာ ဖြစ်နိုင်သလော။ အကယ်၍ မဟုတ်ပါက သင်တို့သည် ငါ့ထံ အကြိမ်ကြိမ် တိုးဝင်ခြင်း၊ ငါနှင့် မိတ်သဟာယဖွဲ့ခြင်းနှင့် ဆက်သွယ်ခြင်း အဘယ်ကြောင့် မပြုကြသနည်း။ သင်သည် ငါ့ကို အလွန် အေးတိအေးစက် ဆက်ဆံပြီး စာတန်သည် သင့်အား အကြံဉာဏ်များကို ပေးသည့်အခါ သင်ဘဝင်ခိုက်ပြီး သင်၏ ကိုယ်ပိုင်ဆန္ဒနှင့် ကိုက်ညီသည်ဟု ထင်တတ်သည်၊ သို့သော်လည်း သင်ပြုသော အရာမှန်သမျှသည် ငါ့အဖို့ မဟုတ်ပေ။ သင်တို့သည် ငါ့ကို အလွန် ရက်ရက်စက်စက် အမြဲတစေ ဆက်ဆံလိုကြသလော။

ငါသည် သင့်အား မပေးလိုခြင်းကြောင့် မဟုတ်ဘဲ သင်တို့သည် အဖိုးအခကို မပေးလိုခြင်းကြောင့် ဖြစ်သဖြင့် သင်တို့သည် လက်ချည်းဗလာ ဖြစ်၍ မည်သည့်အရာကိုမျှ စွဲကိုင်ထားခြင်း မရှိကြပေ။ သန့်ရှင်းသော ဝိညာဉ်တော်၏ အလုပ်သည် ယခုအခါ အလွန်လျင်မြန်စွာ ဆက်၍ လုပ်ဆောင်ကြောင်းကို သင်တို့ မမြင်ကြသလော။ ငါ၏ စိတ်နှလုံးသည် စိတ်မရှည်ခြင်းဖြင့် လောင်ကျွမ်းကြောင်း သင်တို့ မမြင်ကြသလော။ ငါနှင့်အတူ ပူးပေါင်းလုပ်ဆောင်ရန် သင်တို့ကို ငါတောင်းဆိုသော်လည်း သင်တို့သည် ဆန္ဒမရှိဘဲ နေကြသည်။ ဘေးဒုက္ခအပေါင်းသည် တစ်ခုပြီး နောက်တစ်ခု ကျရောက်လိမ့်မည်၊ တိုင်းနိုင်ငံအပေါင်းနှင့် နေရာတိုင်းတွင် ဘေးဒုက္ခများကို ကြုံတွေ့ကြလိမ့်မည်—ကပ်ဆိုး၊ ငတ်မွတ်ခြင်း၊ ရေကြီးခြင်း၊ မိုးခေါင်ခြင်းနှင့် ငလျင်လှုပ်ခြင်းများသည် အရပ်ရပ်တို့၌ ဖြစ်လေ၏။ ဤဘေးဒုက္ခများသည် နေရာတစ်နေရာ သို့မဟုတ် နှစ်နေရာ၌သာ ဖြစ်ပျက်မည် မဟုတ်သကဲ့သို့ ၎င်းတို့သည် တစ်ရက် သို့မဟုတ် နှစ်ရက်အတွင်း ပြီးဆုံးသွားလိမ့်မည်လည်း မဟုတ်ဘဲ နယ်ပယ် ပိုမိုကျယ်ပြန့်တိုးချဲ့လာပြီး ဘေးဒုက္ခများသည် ပို၍ပို၍ ပြင်းထန်လာလေမည်။ ဤကာလအတောအတွင်း အင်းဆက်ကပ်ဆိုး အမျိုးအစားအားလုံး တစ်ခုပြီးတစ်ခု ဖြစ်ပေါ်ပြီး ခပ်သိမ်းသော နေရာတို့၌ ဇာတ်တူသားစားသည့် ဖြစ်ရပ် ဖြစ်ပွားလိမ့်မည်။ ဤသည်မှာ တိုင်းနိုင်ငံအားလုံးနှင့် လူမျိုးအပေါင်းတို့အပေါ် ငါ၏ တရားစီရင်ခြင်း ဖြစ်သည်။ ငါ့သားတို့။ သင်တို့သည် နာကျင်ခြင်းဝေဒနာ သို့မဟုတ် ဘေးဒုက္ခများ၏ အခက်အခဲများကို မခံစားကြရပေ။ သင်တို့သည် မကြာမီ အရွယ်ရောက်ပြီး ငါ့ပုခုံးများပေါ်၌တည်သော ဝန်ကို အမြန်ဆုံး လက်ခံကောင်းလက်ခံနိုင်ကြမည်ဟု ငါအလိုရှိသည်၊ ငါ၏အလိုကို သင်တို့ အဘယ်ကြောင့် နားမလည်ကြသနည်း။ ရှေ့လျှောက် အလုပ်သည် ပို၍ပို၍ ပင်ပန်းလာလိမ့်မည်။ သင်တို့သည် ငါလက်မလည်နိုင်အောင်ပင် ငါကိုယ်တိုင် အလွန်ကြိုးပမ်းအားထုတ်၍လုပ်ရန် ငါ့အား လုပ်ဆောင်စေလိုသည့်တိုင်အောင် အလွန် စိတ်နှလုံးမာကြောကြသလော။ ပို၍ ရိုးရိုးရှင်းရှင်း ငါပြောမည်၊ အသက်တာ ရင့်ကျက်သောသူများသည် ခိုလှုံရာအရိပ်ထဲသို့ ဝင်ရောက်ကာ နာကျင်ခြင်းဝေဒနာ သို့မဟုတ် ခက်ခဲခြင်းကို ခံစားကြရမည် မဟုတ်၊ အသက်တာ မရင့်ကျက်သောသူများသည် နာကျင်ခြင်းဝေဒနာနှင့် ဘေးအန္တရာယ်ကို ခံစားကြရမည်။ ငါ့စကားသည် အတော်အတန် ရှင်းလင်းကြသည် မဟုတ်လော။

ငါ၏နာမသည် အရပ်တကာနှင့် နေရာအားလုံးသို့ ရောက်ရမည်၊ ထိုမှသာ အယောက်တိုင်းသည် ငါ၏ သန့်ရှင်းသောနာမကို သိကြပြီး ငါ့ကို သိနိုင်ကြမည်။ အမေရိကန်ပြည်ထောင်စု၊ ဂျပန်၊ ကနေဒါ၊ စင်္ကာပူ၊ ဆိုဗီယက်ပြည်ထောင်စု၊ မကာအို၊ ဟောင်ကောင်နှင့် အခြားနိုင်ငံများမှ လူနေမှုအအဆင့်အတန်း အမျိုးမျိုးရှိသော လူတို့သည် တရုတ်ပြည်ထဲတွင် အတူတကွ စုရုံးကြပြီး စစ်မှန်သောလမ်းကို ရှာဖွေကြသည်။ ၎င်းတို့ထံ ငါ၏နာမကို သက်သေခံနှင့်ပြီး ဖြစ်၍ သင်တို့သည် အမြန်ဆုံး ရင့်ကျက်ကာ ၎င်းတို့ကို ဦးဆောင်လမ်းပြနိုင်မည့်အကြောင်းသာ ငါစောင့်ဆိုင်းလျက်နေသည်။ ထို့ကြောင့် ရှေ့လျှောက် အလုပ် ပမာဏသည် ပို၍ ကြီးမားလိမ့်မည်ဟု ငါဆိုခြင်းဖြစ်သည်။ ဘေးဒုက္ခများ၏ နောက်ပိုင်းတွင် ငါ၏နာမသည် ကျယ်ကျယ်ပြန့်ပြန့် ပျံ့နှံ့လိမ့်မည်၊ ထို့အပြင် သင်တို့သည် ဂရုမပြုပါက သင်တို့အတွက် ဖြစ်ထိုက်သော ဝေစုကို သင်တို့ ဆုံးရှုံးကြရလိမ့်မည်၊ သင်တို့ မစိုးရိမ်သလော။ ငါ၏နာမသည် ဘာသာအားလုံး၊ လူနေမှုအဆင့်အတန်းအားလုံး၊ တိုင်းနိုင်ငံအားလုံးနှင့် ဂိုဏ်းဂဏအားလုံးထံ ရောက်လေမည်။ ဤသည်မှာ အစီအစဉ်တကျ၊ အသေအချာ ချိတ်ဆက်ထားသော အချိတ်အဆက်များဖြင့် လုပ်ဆောင်ပြီးမြောက်မည့် ငါ၏အလုပ်ပင် ဖြစ်သည်၊ အားလုံးသည် ငါ၏ ဉာဏ်ပညာနှင့်ပြည့်စုံသော စီမံခန့်ခွဲမှုအားဖြင့် ဖြစ်ကြလိမ့်မည်။ သင်တို့သည် တစ်ဆင့်ချင်း ရှေ့တိုးနိုင်ကာ ငါ၏ခြေလှမ်းများနောက်သို့ အနီးကပ် လိုက်လျှောက်ကြလိမ့်မည် ဟူ၍သာ ငါအလိုရှိပေသည်။

ယခင်က:အခန်း ၆၄

နောက်တစ်ခုသို့:အခန်း ၆၆

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ နောက်ဆုံးသောကာလ၏ ခရစ်တော်အတွက် သက်သေခံချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ