အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ခြောက်ဆယ့်သုံးခုမြောက် မိန့်မြွက်ချက်

သင့်အခြေအနေများကို နားလည်ပြီး သင်လျှောက်လှမ်းရန်လိုအပ်သော လမ်းကြောင်းကို ရှင်းလင်းစွာသိပါ။ သင့်နားရွက်ကို ငါဆွဲ၍ ညွှန်ပြပေးရန်သာ စောင့်မနေနှင့်။ ငါသည် လူသား၏ အတွင်းနှလုံးသားကို ကြည့်ရှုသော ဘုရားသခင်ဖြစ်၍ သင့်အတွေးခပ်သိမ်းနှင့် အကြံဉာဏ်ခပ်သိမ်းကို သိရုံသာမက သင့်လုပ်ရပ်များနှင့် အပြုအမူကို ပို၍ပင် ငါနားလည်သည်။ သို့သော်လည်း သင့်လုပ်ရပ်များနှင့် အပြုအမှု၌ ငါ၏ကတိ ပါဝင်သလော။ ငါ၏အလို ပါဝင်သလော။ ထိုအချက်ကို သင်အမှန်တကယ် ရှာဖွေခဲ့ပြီးပြီလော။ ဤအကြောင်းအရာအတွက် ဧကန်အမှန်ပင် အချိန်ယူခဲ့ပြီးပြီလော။ ဧကန်ပင် သင်ကြိုးစားအားထုတ်ခဲ့သလော။ သင့်ကို ငါဝေဖန်နေသည်မဟုတ်။ သင်တို့သည် ဤအချက်ကို ယတိပြတ် လျစ်လျူရှုထားကြသည်။ သင်တို့သည် အမြဲတမ်း ရှုပ်ထွေးနေပြီး မည်သည့်အရာကိုမျှ ရှင်းလင်းစွာ မြင်နိုင်ခြင်းမရှိ။ ထိုသို့ဖြစ်ရခြင်း၏ အကြောင်းအရင်းကို သင်သိသလော။ သင်တို့၏အတွေးအခေါ်များသည် မကြည်လင်ဘဲ သင်တို့ အယူအဆများသည် အလွန်ခိုင်မြဲစွာ အမြစ်တွယ်နေခြင်းကြောင့်ပင် ဖြစ်သည်။ ထို့အပြင် ငါ့အလိုကို သင်တို့ အရေးထားခြင်း လုံးဝမရှိပေ။ အချို့သူများက "ကိုယ်တော့်အလိုတော်ကို ကျွန်ုပ်တို့ မစဉ်းစား မဆင်ခြင်ဟု အဘယ်သို့ ကိုယ်တော်ပြောနိုင်သနည်း။ ကိုယ်တော့်အလိုတော်ကို နားလည်သဘောပေါက်ရန် ကျွန်ုပ်တို့သည် အစဉ်တစိုက် ကြိုးစားနေသော်လည်း မည်သည့်အခါမျှ နားမလည်နိုင်သောကြောင့် အဘယ်တတ်နိုင်မည်နည်း။ ကျွန်ုပ်တို့သည် လုံ့လစိုက်ထုတ်ခြင်းမရှိဟု ကိုယ်တော်သည် အမှန်ပင် ပြောနိုင်သလော" ဟု ပြောဆိုကြလိမ့်မည်။ သင့်ကို ငါမေးမည်၊ သင်သည် ငါ့အပေါ် ဧကန်အမှန် သစ္စာစောင့်သိသည်ဟု ပြောဝံ့သလော။ ထို့အပြင် စုံလင်သော သစ္စာစောင့်သိမှုဖြင့် မိမိတို့ကိုယ်မိမိ ငါ့ထံသို့ ဆက်ကပ်သည်ဟု မည်သူပြောဝံ့သနည်း။ သင်တို့ထဲမှ မည်သူကမျှ မပြောနိုင်ကြသည်ကို ငါစိုးရိမ်စရာရှိ၏။ အဘယ်ကြောင့်ဆိုသော် ငါပြောရန်ပင် မလို၊ သင်တို့တစ်ဦးချင်းစီတိုင်းတွင် ကိုယ်ပိုင်ရွေးချယ်မှုများ၊ အကြိုက်များသာမက ကိုယ်ပိုင်ရည်ရွယ်ချက် ကိုယ်စီရှိကြ၍ဖြစ်သည်။ မုသာ၌ မကျင်လည်ကြနှင့်။ သင်တို့နှလုံးသား၌ စဉ်းစားသမျှကို ငါသည်ယခင်ကတည်းက နှံ့နှံ့စပ်စပ် နားလည်ပြီဖြစ်ကြောင်း ငါရှင်းပြရဦးမည်လော။ ရှုထောင့်ပေါင်းစုံမှ (သင်တို့အတွေးအခေါ်များနှင့် အကြံဉာဏ်များ၊ သင်တို့ပြောဆိုသမျှ၊ စကားလုံးတိုင်း၊ ရည်ရွယ်ချက်တိုင်းနှင့် သင်ပြုမူသမျှ၏ အရင်းခံအကြောင်းအရင်း) ကို သင်တို့ သေချာစစ်ကြောရမည်။ ဤနည်းလမ်းအားဖြင့် ထိုကဏ္ဍတိုင်း၌ သင်တို့ဝင်ရောက်နိုင်ပြီး ပြည့်စုံသောသမ္မာတရားနှင့် မိမိကိုယ်ကို ပိုမိုတပ်ဆင်နိုင်ပေမည်။

အကယ်၍ ငါသည် ဤကဲ့သို့ သင်တို့ကိုမပြောပြခဲ့လျှင် သင်တို့သည် စိတ်ရှုပ်ထွေးနေဦးမည်ဖြစ်ပြီး တစ်နေကုန် ကာမဂုဏ် ပျော်ပါးမှုများကိုသာ တောင့်တ၍ ငါ့အလိုကို အရေးထားရန် ဆန္ဒရှိမည်မဟုတ်။ သင်တို့ကိုကယ်တင်ရန် ငါ့မေတ္တာလက်ကို အစဉ်အသုံးပြုနေကြောင်းကို သင်တို့သိသလော။ သင်တို့ နားလည်သဘောပေါက်လာပြီလော။ သင့်ကို စစ်မှန်စွာ ငါချစ်သည်။ ငါ့ကို စစ်မှန်စွာ ချစ်သည်ဟု ပြောဝံ့သလော။ သင်၏လုပ်ရပ်တိုင်းအတွက် ငါ၏စစ်ဆေးခြင်းကို ခံယူရန် ငါ့ရှေ့သို့ အမှန်တကယ် သင်ဝင်ရောက်နိုင်မည်လောဟု သင့်ကိုယ်သင် မေးကြည့်လော့။ သင်၏ အပြုအမူတိုင်းကို ဆန်းစစ်ရန် ငါ့ကို ဧကန်ပင် သင်အခွင့်ပေးနိုင်သလော။ သင်သည် ပျက်စီးယိုယွင်းပြီး မိမိကိုယ်ကို အလျင်အမြန် ကာကွယ်သည်ဟု ငါပြောမည်။ ငါ့တရားစီရင်ချက် သင့်အပေါ်သက်ရောက်ပြီ။ ယခု သင်သမ္မာတရားဘက်၌ နှိုးထလော့။ ငါပြောသမျှသည် သမ္မာတရားဖြစ်ပြီး သင့်အတွင်းရှိ စစ်မှန်သောအခြေအနေများကို ထောက်ပြသည်။ ဟေ လူသားများ၊ သင်တို့ကို ကိုင်တွယ်ဖြေရှင်းရန် အလွန်ခက်ခဲလှသည်တကား။ ငါသည် သင်တို့၏ အခြေအနေမှန်များကို ထောက်ပြမှသာ သင်တို့နှလုံးသားနှင့် သင်တို့စကားအားဖြင့် ယုံကြည်လက်ခံလာကြသည်။ အကယ်၍ ဤအရာကို ငါမလုပ်ဆောင်ပါက သင်တို့သည် ကမ္ဘာကြီးထဲ၌ သင်တို့ထက် တော်သည့်သူ တစ်ယောက်မျှမရှိဟု တွေးထင်လျက်နှင့် မိမိတို့၏ အတွေးအခေါ်ဟောင်းများကို ခိုင်မာစွာ အမြဲဆုပ်ကိုင်ထားပြီး မိမိတို့၏ တွေးခေါ်ပုံ တွေးခေါ်နည်းများကို အမြဲဖက်တွယ် ထားသည်။ ဤသည်မှာ သင့်ကိုယ်သင် ဖြောင့်မတ်သည်ဟု ခံယူနေခြင်းပင် မဟုတ်လော။ မိမိဘာသာ ကျေနပ်နေခြင်းနှင့် အားရနေခြင်း၌ မွေ့လျော်နေပြီး၊ မောက်မာ၍ ထောင်လွှားနေသည် မဟုတ်လော။ ယခုသင်သိရှိသင့်ပြီ။ သင်တော်သည်၊ သို့မဟုတ် သာမာန်ထက် ထူးမြတ်သည်ဟု မိမိကိုယ်ကိုမထင်ဘဲ သင်ကိုယ်တိုင်၏ ချို့ယွင်းချက်များနှင့် အားနည်းချက်များအပေါ် အစဉ်သတိဝင်ရမည်။ ထိုမှသာ ငါ့အပေါ်ချစ်ရန်ဟူသော သင်၏စိတ်ပိုင်းဖြတ်မှုမှာ မှေးမှိန်မသွားဘဲ ပိုမိုအားကြီးလာပြီး သင့်ကိုယ်ပိုင်အခြေအနေများပင် ပိုမိုကောင်းသည်ထက် ကောင်းလာမည်။ အရေးကြီးဆုံးမှာ သင့်ဘဝအသက်တာသည် တစ်နေ့ပြီးတစ်နေ့ တိုးတက်လာမည်။

ငါ့အလိုကို နားလည်သဘောပေါက်မှသာ သင့်ကိုယ်သင် သိလာပြီး၊ ထိုသို့ဖြင့် ငါ့ကိုလည်း သိကျွမ်း၍ ငါ၌ သင့်စိတ်ချမှုများသာ၍ တိုးတတ်လာမည်။ ယခုအချိန်မှာမူ ငါနှင့်ပတ်သက်ပြီး ကိုးဆယ်ရာခိုင်နှုန်း သေချာခြင်းမရရှိနိုင်ဘဲ တက်လိုက်ကျလိုက်ဖြစ်နေပြီး ပူလိုက်အေးလိုက် ဆက်တိုက်ဖြစ်နေသူသည် ဧကန်အမှန် စွန့်ပစ်ခံရသောသူ ဖြစ်မည်ဟု ငါပြောမည်။ ကျန်သော တစ်ဆယ်ရာခိုင်နှုန်းမှာမူ၊ ငါ၏ဉာဏ်အလင်းဖွင့်ပြခြင်းနှင့် အလင်းပေးခြင်းအပေါ် လုံးလုံး မူတည်နေသောကြောင့် ငါ့အကြောင်း တစ်ရာရာခိုင်နှုန်း သေချာမှု ရရှိနိုင်ပေမည်။ ယနေ့ ဤသို့သော ဝိညာဉ်အသက်တာကို ယခုတွင် ဘယ်နှစ်ယောက် ရရှိနိုင်သနည်း။ သင့်အား ငါ့အလိုကို အဆက်မပြတ် ဖော်ပြနေပြီး သင့်အတွင်း၌လည်း အသက်တာ၏ ခံစားချက်များ အစဉ်ဝင်ရောက် စီးဆင်းနေလျက်ပင် အဘယ်ကြောင့် ဝိညာဉ်တော်နှင့်အညီ သင်မကျင့်ဆောင်သနည်း။ အမှားပြုလုပ်မိမည်ကို ကြောက်ရွံ့နေသလော။ သို့ဆိုလျှင် လေ့ကျင့်ရန် အဘယ်ကြောင့် လုံးဝအာရုံမစိုက်သနည်း။ ငါ့အလိုကို တစ်ကြိမ်၊ နှစ်ကြိမ် ကြိုးစားရုံနှင့် သဘောပေါက်နိုင်မည်မဟုတ်ဟု ငါပြောမည်၊ ဖြစ်စဉ်တစ်ခု ရှိရပေမည်။ ကြိမ်ဖန်များစွာ ငါပြောပြီးခဲ့သော်လည်း သင်အဘယ့်ကြောင့် လက်တွေ့မလုပ်ဆောင်သနည်း။ သင်သည် နာမခံဘဲဖြစ်နေသည်ဟု မထင်သလော။ သင်သည် အရာအားလုံးကို ချက်ချင်း ပြီးမြောက်ချင်စိတ်သာရှိပြီး အဘယ်အမှုကိုမျှ လုံ့လစိုက်ထုတ်လိုစိတ် သို့မဟုတ် အချိန်ပေးလိုသောဆန္ဒမရှိ။ သင်သည် မိုက်မဲရုံသာမက ပို၍ အသိဉာဏ်ကင်းမဲ့သည်တကား။

ငါစကားပြောသောအခါ ကဗျာအင်္လကာမသုံးဘဲ ပြောကြောင်းကို သင်တို့မသိသလော။ သင်တို့သည် အဘယ်ကြောင့် အစဉ်ထူ၍ ထုံထိုင်းကာ တုံးအနေသနည်း။ သင်တို့ကိုယ်သင် သာ၍စစ်ဆေးပြီး နားမလည်သောအရာ တစ်စုံတစ်ခုရှိပါက ငါ့ထံသို့ မကြာမကြာလာရမည်။ သင့်ကိုငါပြောသည်မှာ သင်တို့ကို ငါ့ထံခေါ်ဆောင်ရန် ငါသည် နည်းလမ်းပေါင်းစုံနှင့် ပြောနေသည်။ ဤမျှလောက်ကြာမြင့်သော်လည်း အဘယ့်ကြောင့် သင်တို့မသိရှိသေးသနည်း။ ငါ့နှုတ်ကပတ်တော်များက သင်တို့ကိုရှုပ်ထွေးစေသောကြောင့်လော။ သို့မဟုတ် ငါ့နှုတ်ကပတ်တော်များကို သင်တို့ အလေးနက်မထားသောကြောင့်လော။ သင်တို့သည် ငါ့နှုတ်ကပတ်တော်များကိုမြင်သောအခါ မိမိကိုယ်ကို ပို၍သိလာပြီး ငါ့အပေါ် အကြွေးတင်ကြောင်း သို့မဟုတ် ငါ့အလိုကို သဘောမပေါက်နားမလည်နိုင်ကြောင်း ပြောကြသည်။ ထို့နောက်တွင်ကော။ ဤအရာများသည် သင်တို့နှင့်မသက်ဆိုင်သကဲ့သို့ သင်တို့သည် ဘုရားသခင်ကို မယုံကြည်သောသူကဲ့သို့ ဖြစ်ကြသည်။ အချက်အလက်များကို သင်တို့သည် ကြေအောင်အချိန်မပေးဘဲ အငမ်းမရ မျိုချကြသည် မဟုတ်လော။ ငါ့နှုတ်ကပတ်တော်များကို သင်မွေ့လျော်သောအခါ ၎င်းသည် မြင်းကျောပေါ်၌ ဒုန်းစိုင်းစီးနေစဉ် ပန်းများကို ခဏလှမ်းကြည့်ခြင်းနှင့် တူသည်၊ ငါ့နှုတ်ကပတ်တော်များအတွင်းရှိ ငါ့အလိုကို နားလည်သဘောပေါက်ရန် မကြိုးစားကြ။ လူတို့မှာ ဤသို့ပင်ဖြစ်သည်။ သူတို့က နှိမ့်ချပုံပေါ်ရန် အစဉ်နှစ်သက်ပြီး ထိုသို့သော ပုဂ္ဂိုလ်သည် မုန်းဖွယ်ရာ အကောင်းဆုံးဖြစ်သည်။ ထိုသူတို့သည် အများနှင့် မိတ်သဟာယဖွဲ့ရန် စုရုံးလာချိန်၌လည်း သူတို့အကြောင်းကို အခြားလူများရှေ့တွင်ပြောရန် အမြဲနှစ်သက်ကြသည်။ ငါ့ဝန်များကို အရေးထားသောသူအဖြစ် အခြားသူများရှေ့ မိမိတို့ကိုယ်မိမိ ပုံဖော်နေကြသော်လည်း သူတို့သည် အမိုက်မဲဆုံးသူရူးများ ဖြစ်ကြသည်။ (ညီအစ်ကို မောင်နှမများနှင့် မိတ်သဟာယဖွဲ့လျှင်လည်း ငါ့အကြောင်း စစ်မှန်သော ထိုးထွင်းအမြင်နှင့် အသိပညာများကို ပြောမည့်အစား အခြားသူများရှေ့၌ သူတို့အကြောင်းကိုသာ ဖော်ထုတ်ကြွားဝါနေသည်။ ငါ့သိက္ခာကိုကျစေ၍ ငါ့ကိုသေးသိမ်စေသောကြောင့် ထိုသူများကို ငါအရွံရှာဆုံးဖြစ်သည်။

ငါ၏အကြီးမားဆုံး နိမိတ်လက္ခဏာများကို သင့်တို့အထဲ၌ ငါမကြာခဏ ထင်ရှားစေနေသည်။ သင်တို့ မမြင်သလော။ ငါ့ကို စစ်မှန်စွာ ချစ်သောသူများက လက်တွေ့အရှိတရားဟူသောအရာကို အသက်ရှင်နေကြသည်။ သင်တို့ မတွေ့သလော။ ငါ့ကိုသိကျွမ်းနိုင်ရန် ဤအရာသည် အကောင်းဆုံးသော သက်သေအထောက်အထား မဟုတ်လော။ ၎င်းသည် ငါ့အတွက် ပိုကောင်းသော သက်သေကို မခံသလော။ သို့သော် သင်တို့ အသိအမှတ်မပြုကြ။ ငါ့ကိုပြောကြ။ ညစ်ပတ်၍ ညစ်ညူးနေကာ စာတန်၏ ဖောက်ပြန်ပျက်စီးစေခြင်းခံထားရသော လူတကာနှင့် သောင်းပြောင်း လိင်ဆက်ဆံနေသော လောကကြီး၌ မည်သူက လက်တွေ့အရှိတရားကို အသက်ရှင်နိုင်မည်နည်း။ လူသားအားလုံးသည် ဗလာဖြစ်ပြီး ဖောက်ပြန်ပျက်စီးနေသည်မဟုတ်လော။ မည်သို့ပင်ဖြစ်စေ ငါ၏နှုတ်ကပတ်တော်များသည် အထွတ်အထိပ် ရောက်ပြီးဖြစ်သည်။ ဤထက်သာ၍ နားလည်လွယ်မည့် နှုတ်ကပတ်တော်များ မရှိပေ။ အသိပညာအလွန်နည်းပါးသော မိုက်မဲသူတစ်ဦးပင်လျှင် ငါ့နှုတ်ကပတ်တော်များကို ဖတ်ရှုနိုင်ပြီး နားလည်နိုင်သည်။ ထို့ကြောင့် သင်တို့သည် ကြိုးစားအားထုတ်မှု မရှိခြင်းသာ မဟုတ်လော။

ယခင်က:ခြောက်ဆယ်တစ်ခုမြောက်သော မိန့်မြွက်ချက်

နောက်တစ်ခုသို့:ခြောက်ဆယ်လေးခုမြောက် မိန့်မြွက်ချက်

သင်နှစ်သက်နိုင်သည့် အရာများ