အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၄၀

ငါသည် ကောင်းကင်ဘုံကို ဖြိုချတော့မည်ကဲ့သို့ လူသားများသည် ငါ၏ လှုပ်ရှားမှုတိုင်း အပေါ် အစွဲအလမ်းကြီးကြပြီး ငါ၏ လုပ်ဆောင်ချက်များကို သူတို့ လုံးဝနားမလည်နိုင်သကဲ့သို့ ငါ၏ လုပ်ဆောင်ချက်များကို သူတို့ အစဉ်အမြဲစိတ်ရှုပ်ထွေးနေကြသည်။ ထို့ကြောင့် ကောင်းကင်ဘုံကို စော်ကားရာရောက်မည်၊ "သေမျိုးတို့၏ ကမ္ဘာ"အတွင်း ပစ်ချခံရမည်ကို အလွန်အမင်း ကြောက်ရွံ့ကြသဖြင့် သူတို့ပြုလုပ်သမျှအားလုံးတို့တွင် ငါ့ထံမှ အရိပ်နိမိတ်များကိုယူကြသည်။ လူသားများကို ဆန့်ကျင်၍အသုံးပြုနိုင်သည့် မည်သည့်အရာကိုမှ ငါ ရှာဖွေရန် မကြိုးစားပေ၊ သို့သော် ၎င်းတို့၏ အားနည်းချက်များကို ငါ့အလုပ်၏ ပစ်မှတ်အဖြစ်ထားသည်။ ယခုအချိန်တွင် ၎င်းတို့သည် လွန်စွာပျော်ရွှင်နေကြပြီး ငါ့ကို အားကိုးလာကြသည်။ ငါသည် လူသားကို ပေးသောအခါ လူတို့သည် ၎င်းတို့၏ဘဝများကိုချစ်သကဲ့သို့ ငါ့ကို ချစ်ကြသည်။ သို့သော် ၎င်းတို့ထံမှ အရာဝတ္ထုများ ငါ တောင်းဆိုသောအခါတွင်မူ ၎င်းတို့ ငါ့ကိုရှောင်ဖယ်ကြသည်။ ဤသည်မှာ အဘယ့်ကြောင့်နည်း။ လူ့လောက၏ "တရားမျှတခြင်းနှင့် သင့်တင့်ခြင်း"ကိုပင် ၎င်းတို့ လက်တွေ့ကျကျ မကျင့်သုံးနိုင်ကြသလော။ ငါသည် အဘယ့်ကြောင့် လူသားများထံမှ ထိုသို့သောတောင်းဆိုမှုများကို အကြိမ်ကြိမ် အဖန်ဖန် ပြုလုပ်သနည်း။ ငါ့တွင် မည်သည့်အရာမှ မရှိဆိုသည်မှာ အမှန်ပင်လော။ လူတို့သည် ငါ့ကို သူဖုန်းစားတစ်ယောက်ကဲ့သို့ ဆက်ဆံကြသည်။ ၎င်းတို့ထံမှ ငါ အရာဝတ္ထုများ တောင်းဆိုသောအခါ ၎င်းတို့သည် "အကြွင်းအကျန်များ" ကို ငါ "မွေ့လျော်ရန်" ငါ့ရှေ့တွင် ကိုင်မြှောက်ပြပြီး ငါ့ကို အထူးတလည်ဂရုစိုက်နေကြသည်ဟုပင် ၎င်းတို့ပြောဆိုကြသည်။ ၎င်းတို့၏ အကျည်းတန်သော မျက်နှာများနှင့် တစ်မူထူးခြားမှုများကို ကြည့်ပြီး လူသားထံမှ နောက်တစ်ကြိမ် ငါ ထွက်ခွါပြန်သည်။ ယင်းကဲ့သို့သော အခြေအနေများတွင် လူတို့သည် နားမလည်ကြသေးဘဲ ငါ ငြင်းပယ်ခဲ့သောအရာများကို နောက်ထပ်တစ်ကြိမ် ပြန်ယူကာ ငါပြန်လာမည်ကို စောင့်မျှော် နေကြသည်။ ငါသည် လူသားများအတွက် အချိန်အတော်အကြာ ပေးခဲ့ပြီး ကြီးမားသော အဖိုးအခကို ပေးခဲ့သည်။ သို့သော် ယခုအချိန်တွင် မသိရသော အကြောင်းပြချက်တစ်ခုကြောင့် လူတို့၏ အသိစိတ်များသည် ၎င်းတို့၏ မူလ အလုပ်ကိုပင် အစဉ် လုပ်ဆောင်နိုင်စွမ်း မရှိဖြစ်နေသည်။ ထို့ကြောင့် ငါသည် အနာဂတ်မျိုးဆက်များအတွက် ရည်ညွှန်းစာတမ်း အဖြစ် အသုံးပြုရန် "လျှို့ဝှက်ဆန်းကြယ်သော နှုတ်ကပတ်တော်များ"တွင် ၎င်းတို့၏ ထပ်တလဲလဲဖြစ်ပေါ်သော သံသယများကို စာရင်းပြုစုထားသည်။ အဘယ့်ကြောင့်ဆိုသော် ဤအရာများသည် လူတို့၏ "အလုပ်ကြိုးစားမှု"မှ ရရှိလာသော "သိပ္ပံနည်းကျ သုတေသနရှာဖွေတွေ့ရှိချက်များ" ဖြစ်သောကြောင့်ဖြစ်သည်။ ၄င်းတို့ကို ဘယ်ပုံဘယ်နည်းဖြင့် ငါသည် သာမန်ကာလျှံကာ ပယ်ဖျက်ပစ်နိုင်မည်နည်း။ ဤသည်မှာ လူသားများ၏ကောင်းမွန်သော ရည်ရွယ်ချက်များကို "စိတ်ပျက်စေရခြင်း" မဟုတ်သလော။ အဘယ်ကြောင့်ဆိုသော် အဆုံးတွင် ငါ၌ အကောင်းအဆိုးခွဲခြားနိုင်သည့် စိတ်ထား ရှိသည့်အတွက် ငါသည် လူသားနှင့်အတူ လိမ်လည်ခြင်းနှင့် သူတစ်ပါးကို ဒုက္ခပေးသော အပြုအမူများတွင် ပါဝင်ခြင်းမရှိပေ။ ငါ၏ လုပ်ဆောင်ချက်များ ထိုသို့ပင်မဟုတ်လော။ ဤသည်မှာ လူသားများပြောဆိုခဲ့သော "တရားမျှတခြင်းနှင့် သင့်တင့်ခြင်း" မဟုတ်ပေလော။ လူသားအကြားတွင် ငါသည် ယခုပစ္စုပ္ပန်တိုင်အောင် မရပ်မနား အလုပ်လုပ်ခဲ့သည်။ ယနေ့ကဲ့သို့ အချိန်မျိုးများ ကျရောက်လာသောအခါ လူတို့သည် ငါ့ကို နားမလည်ကြသေးပေ။ ၄င်းတို့သည် ငါ့ကို သူစိမ်းတစ်ယောက်ကဲ့သို့ ဆက်ဆံနေဆဲပင် ဖြစ်သည်။ ထို့အပြင် ၄င်းတို့ကို "လမ်းဆုံး"သို့ ခေါ်ဆောင်လာခဲ့သောကြောင့် ငါ့ကို တိုး၍ပင်မုန်းလာကြသည်။ ယခုအချိန်တွင် ၄င်းတို့နှလုံးသားထဲမှ ချစ်ခြင်းမေတ္တာသည် ခြေရာလက်ရာပင် မကျန်အောင် ပျောက်ဆုံးနေခဲ့သည်မှာ အချိန်ကာလ ကြာလှပေပြီ။ ငါသည် ပုံကြီးချဲ့နေခြင်းမဟုတ်။ လူသားများကို အထင်သေးနေခြင်းလည်း သာ၍မဟုတ်။ ငါသည် လူသားကို အဆုံးမရှိသောကာလအထိ ချစ်နိုင်သည်။ ထို့အပြင် အဆုံးမရှိသော ကာလအထိလည်း မုန်းတီးနိုင်သည်။ ငါသည်ဇွဲလုံ့လရှိသောကြောင့် ဤအချက်သည် ဘယ်သောအခါမှ ပြောင်းလဲမည်မဟုတ်ပေ။ သို့သော် လူသားသည် ဤဇွဲလုံ့လကို မပိုင်ဆိုင်သည့်အတွက် သူသည် ငါ့အပေါ် စိတ်သဘောထား အမြဲပြောင်းလဲနေသည်။ ငါ ပါးစပ်ဖွင့်သောအခါ၊ သူသည် အမြဲတမ်း ငါ့ကို အနည်းငယ် အာရုံစိုက်မှုသာပေးပြီး ငါ ပါးစပ် ပိတ်လိုက်၍ မည်သည်မျှ ပြောဆိုခြင်းမရှိသည့်အခါတွင် သူသည် ကြီးမားသော ကမ္ဘာလောကကြီး၏ လှိုင်းလုံးများအကြားတွင် မကြာမီ ပျောက်ဆုံးသွားသည်။ ထို့ကြောင့် ဤအရာကို ငါသည် နောက်ထပ် ဆောင်ပုဒ်တစ်ခုအဖြစ် အကျဉ်းချုံးမည်။ လူတို့သည် ဇွဲလုံ့လ မရှိကြသောကြောင့် ၄င်းတို့သည် ငါ၏ နှလုံးသားကို ဖြည့်ဆည်းမစွမ်း ဖြစ်ကြသည်။

လူသားများ စိတ်ကူးယဉ်နေစဉ်အတွင်းတွင် ငါသည် ကမ္ဘာ့နိုင်ငံများကို သွားရောက်လည်ပတ်ကာ ငါ၏ လက်မှ "သေဆုံးခြင်း ရံနံ့"ကို လူသားအကြားတွင် ပက်ဖြန်း နေသည်။ လူတို့အားလုံးသည် အသက်ပါမှုကို ချန်ရစ်ပြီး လူ့ဘဝ၏ နောက်ထပ် အဆင့်တစ်ခုကို ဝင်ရောက်ကြသည်။ လူသားမျိုးနွယ်များအနက် သက်ရှိသတ္တဝါများ တစ်စုံတစ်ရာကို မြင်တွေ့ နိုင်တော့မည်မဟုတ်ပေ။ အလောင်းကောင်များ နေရာတိုင်းတွင်ပြန့်ကျဲနေသည်။ အသက်ပါမှုဖြင့် ပြည့်နေသော အရာများသည်လည်း ခြေရာလက်ရာမကျန် ရုတ်တရက် ပျောက်ကွယ်သွားပြီး အလောင်းကောင်များ၏ မွန်းကြပ်လှသော အနံ့များသည် တိုင်းပြည်အတွင်း စိမ့်ဝင်ပျံ့နှံ့နေသည်။ အသက်ရှင်သန်လျက် လာသူများအတွက် နေထိုင်စရာပေးရန်အတွက်နှင့် စံနမူနာတိုင်းပြည်တစ်ခုတွင် လူတို့အားလုံး နေထိုင်စေရေးအတွက် အလုပ်၏ နောက်တစ်ဆင့်ကို စတင်နေသည်ဖြစ်သောကြောင့် ငါသည် ရုတ်တရက် မျက်နှာကို ဖုံးအုပ်ပြီး လူသားထံမှ ထွက်ခွာသည်။ လူသားအတွက် ငါ ပြင်ဆင်ပေးထားသော ဤနယ်မြေသည် ဝမ်းနည်းပူဆွေးခြင်း သို့မဟုတ် သက်ပြင်းချသံများ ကင်းသော ကောင်းချီးခံစားရာမြေ ဖြစ်သည်။ တောင်ကြားစိမ့်စမ်းမှ ပန်းထွက်လာသော ရေများသည် သန့်ရှင်း၍ အောက်ခြေထိ မြင်နိုင်လောက်အောင် ကြည်လင်နေသည်။ ၎င်းသည် ရပ်နားခြင်းမရှိ၊ ဘယ်သောအခါမှ ခမ်းခြောက်သွားခြင်း မရှိဘဲ စီးဆင်းနေသည်။ လူတို့သည် ဘုရားသခင်နှင့် သဟဇာတဖြစ်စွာ နေထိုင်နေသည်။ ငှက်များ တေးသီကျူးနေပြီး နူးညံ့သော လေပြေနှင့် နွေးထွေးသော နေတို့အကြားတွင် ကောင်းကင်ဘုံနှင့် ကမ္ဘာမြေကြီး နှစ်ခုစလုံး ငြိမ်းချမ်းစွာတည်ရှိနေသည်။ ယနေ့ ဤနေရာတွင် လူတို့အားလုံး၏ အလောင်းကောင်များသည် ဖရိုဖရဲဖြင့်လဲလျောင်းနေသည်။ လူတို့မသိရှိဘဲ ငါ၏ လက်မှ ကပ်ရောဂါများ ထုတ်လွှတ်လိုက်ပြီး လူ့ခန္ဓာကိုယ်များသည်ဦးခေါင်းမှ ခြေချောင်းတိုင်အောင် လူ့ဇာတိ အထောက်အထားမချန်ဘဲ ယိုယွင်းပျက်စီးပေမည်။ ထို့နောက် လူသားနှင့် ဝေးရာကို ငါထွက်ခွာမည်။ ငါ၏ စီမံခန့်ခွဲမှုတစ်ခုလုံး၏နောက်ဆုံးအဆင့်သည် အဆုံးသတ်ပြီဖြစ်သည့် အတွက် ငါသည် နောက်တစ်ကြိမ် လူသားနှင့် ဘယ်သောအခါမျှ စုစုရုံးရုံးနေလိမ့်မည် မဟုတ့်၊ လူတို့အကြား နောက်ထပ် ဘယ်သောအခါမျှ လာလိမ့်မည် မဟုတ်၊ ထို့အပြင် ငါသည် လူသားမျိုးနွယ်ကို နောက်ထပ် ဖန်ဆင်းလိမ့်မည်မဟုတ်၊ လူသားကိုလည်း ဂရုစိုက်မှုများ နောက်ထပ်ပေးလိမ့်မည် မဟုတ်ပေ။ ငါ၏ ပါးစပ်မှနှုတ်ကပတ်တော်များကို အဓိပ္ပါယ် ကောက်ယူပြီးနောက် လူတို့အားလုံးသည် မသေလိုသည့်အတွက် မျှော်လင့်ချက်များ ပျောက်ဆုံးကြသည်။ သို့သော် "အသက်ရှင်ပြန်ထမြောက်ရန်"အတွက် မည်သူ "မသေဆုံး"သနည်း။ လူတို့ကို အသက်ရှင်သန်ရန်ပြုလုပ်သည့် တန်ခိုး ငါ့တွင် မရှိဟု လူတို့ကိုပြောသည့်အခါ ၎င်းတို့သည် နာကျင်စွာဖြင့် ရုတ်တရက်ငိုကြွေးကြသည်။ ငါသည် ဧကန်အမှန်ပင် ဖန်ဆင်းရှင်တစ်ဦးဖြစ်သော်လည်း လူတို့ကို သေဆုံးစေနိုင်သော တန်ခိုးသာ ငါ့တွင်ရှိပြီး ၎င်းတို့ ပြန်လည်ရှင်သန်နိုင်ရန်အတွက် ပြုလုပ်နိုင်စွမ်း မရှိပေ။ ဤအကြောင်းတွင် ငါ လူသားကို တောင်းပန်သည်။ ထို့ကြောင့် "ငါသည် မပေးဆပ်နိုင်သော အကြွေးသူ့အပေါ်တွင် တင်မိသည်" ဟု ငါ သူ့ကို ကြိုတင်၍ပြောခဲ့သည်။ သို့သော် သူသည် ငါ ယဉ်ကျေးနေခဲ့ခြင်းသာဖြစ်သည် ဟု တွေးခဲ့သည်။ အမှန်တရားဖြစ်ပေါ်လာမှုနှင့်အတူ ငါသည် ယနေ့တွင် ဤအရာကို ပြောနေဆဲပင်ဖြစ်သည်။ ငါ စကားပြောသည့်အခါတွင် ဤအချက်အလက်များကို ငါ ထုတ်ပြောမည်မဟုတ်ပေ။ ၎င်းတို့၏ စိတ်ကူးများထဲတွင် ငါပြောဆိုသည့်နည်း အများအပြားရှိကြောင်း ယုံကြည်နေကြပြီး ထိုသူတို့သည် အခြား တစ်စုံတစ်ခုအတွက် မျှော်လင့်နေစဉ် ငါပြောလိုက်သော စကားလုံးများကို အမြဲတမ်း ဆုပ်ကိုင်ထားကြသည်။ ဤအရာများသည် လူသား၏ မှားယွင်းသော စိတ်လှုံ့ဆော်မှုများ မဟုတ်လော။ လူသားသည် ငါ့အပေါ်တွင် စစ်မှန်စွာ ချစ်ခင်ခြင်းမရှိ သည်ကို ဤအခြေအနေများတွင် ငါ "ရဲဝံ့စွာ" ပြောဆိုဝံ့သည်။ လူသားများကို သူတို့၏ အကောင်းဆုံးစံနမူနာ တိုင်းပြည်သို့ ငါသည် ခေါ်ဆောင်သွားလိမ့်မည် မဟုတ်သည့်အတွက် ငါသည် အသိတရားကိုကျောခိုင်းကာ အချက်အလက်များကို မမှန်မကန်ဖြစ်စေရန် ပြောင်းလဲခြင်းပြုမည်မဟုတ်၊ နောက်ဆုံးတွင် ငါ၏ အလုပ်ပြီးဆုံးသွားသောအခါ ၎င်းတို့ကို သေဆုံးခြင်းတိုင်းပြည်ဆီသို့ ဦးဆောင်သွားတော့မည်။ ထို့ကြောင့် လူတို့သည် ငါ့အကြောင်း မညည်းညူသင့်။ ဤသည်မှာ လူတို့ ငါ့ကို "ချစ်ခင်"သည့်အတွက်ကြောင့် မဟုတ်လော။ ကောင်းချီးများအတွက် ၎င်းတို့၏တောင့်တမှု ပြင်းပြ လွန်းသည့်အတွက်ကြောင့် မဟုတ်လော။ ကောင်းချီးများကို လူတို့မှ ရှာဖွေခြင်းမပြုလုပ်ချင်ခဲ့ပါက ဘယ်ပုံဘယ်နည်းဖြင့် ယခုကဲ့သို့ "ကံဆိုးမှုမျိုး" ရှိနိုင်ပါမည်နည်း။ လူသားများ၏ ငါ့အပေါ် "သစ္စာခံယူမှု"ကြောင့်နှင့်၊ ပြန်လည် အကူအညီ အထောက်အပံ့ပြုလုပ်ခြင်းမရှိခဲ့သော်လည်း အလုပ်ကြိုးစားကြကာ ငါ၏ နောက်ကိုနှစ်ပေါင်းများစွာ လိုက်ခဲ့ကြသည့် အတွက် "လျှို့ဝှက်အခန်း" ထဲတွင် ဖြစ်ပွါးနေသည့် အကြောင်းအရာအနည်းငယ်ကို ငါ သူတို့အား ထုတ်ဖော်ပြောပြခဲ့သည်မှာ - ယနေ့တွင် ငါ၏ အလုပ်သည်အဆင့် တစ်ခုကို မရောက်ရှိသေးဘဲ လူတို့သည်လည်း မီးတွင်းနက် အတွင်းသို့ ပစ်ချမခံရသေးသဖြင့် ဖြစ်နိုင်သည်နှင့်တစ်ပြိုင်နက် ထွက်ခွါကြရန် ငါသည် ထိုသူတို့အား အကြံဉာဏ်ပေးခဲ့သည်။ ကျန်ရှိ မည့်သူအားလုံးသည် ကံဆိုးမှုကို ခံစားတွေ့ကြုံဖွယ်ရာရှိပြီး အဆုံး၌ အနည်းငယ်ကံကောင်းနိုင်သော်လည်း သေဆုံးခြင်းကို ရှောင်ကြဉ်နိုင်စွမ်း ရှိဦးမည်မဟုတ်ပေ။ ထိုသူတို့အတွက် "ချမ်းသာကြွယ်ဝမှုများဆီသို့ တံခါး"ကို ငါကျယ်ကျယ်ဖွင့်ပေးခဲ့သည်။ ထွက်ခွါသွားရန် လိုလိုလားလား ရှိသူ မည်သူမဆိုသည် ဖြစ်နိုင်သည်နှင့်တစ်ပြိုင်နက် ခရီးစတင်သင့်သည်။ ဝေဖန်အပြစ်တင်ခြင်း ရောက်ရှိလာသည်အထိ စောင့်ဆိုင်းနေပါက နောက်ကျလွန်းလိမ့်မည်။ ဤ နှုတ်ကပတ်တော်များသည် ပြက်ရယ်ပြုနေခြင်းမဟုတ်ပေ။ ၎င်းတို့သည် စစ်မှန်သော အချက်များပင်ဖြစ်သည်။ ငါ၏ နှုတ်ကပတ်တော်များသည် ကောင်းသော စိတ်ဓာတ်ဖြင့် လူသားကိုပြောဆိုသော စကားများ ဖြစ်သည်။ ယခုအချိန် သင်မသွားလျှင် မည်သည့်အချိန် သွားမည်နည်း၊ ငါ၏ နှုတ်ကပတ်တော်များကို လူတို့ ယုံကြည်နိုင်စွမ်း အမှန်စင်စစ်ရှိသလော။

လူသားများ၏ ကံကြမ္မာကို ငါ ဘယ်သောအခါမှ သိပ်မစဉ်းစားခဲ့ပေ။ လူတို့၏ အချုပ်အနှောင်မခံဘဲ ငါ၏ ကိုယ်ပိုင်ဆန္ဒကိုသာ ငါ လိုက်နာသည်။ ထိုသူတို့၏ ကြောက်ရွံမှုများကြောင့် ငါ၏လက်ကို မည်သို့ ရုပ်လိုက်နိုင်မည်နည်း။ ငါ၏စီမံခန့်ခွဲမှု အစီအစဉ် တစ်လျှောက်လုံးတွင် လူသားအတွက် အခြားအပိုစီစဉ်မှုများ ဘယ်သောအခါမျှ ပြုလုပ်ခဲ့ဖူးခြင်းမရှိပေ။ ငါ၏ မူလအစီအစဉ် အတိုင်းသာ ပြုမူဆောင်ရွက်သည်။ အတိတ်တွင် လူတို့သည် ငါအတွက် မိမိကိုယ်ကိုယ် "ပူဇော်ဆက်ကပ်" ကြပြီး ငါသည် ထိုသူတို့အတွက် အအေးမဟုတ်၊ အပူမဟုတ်ခဲ့ပေ။ ယနေ့တွင် ထိုသူတို့ မိမိကိုယ်ကိုယ် ငါ့အတွက် "စွန့်လွှတ်" ကြပြီး ငါသည် ထိုသူတို့အတွက် အအေးမဟုတ်၊ အပူမဟုတ် ဆက်ရှိနေသည်။ လူတို့သည် ၎င်းတို့၏ ဘဝများကို ငါ့အတွက် စွန့်လွှတ်ကြသောကြောင့် ငါ့ကိုယ်ငါ မေ့ခြင်း၊ ကြီးမားသောပျော်ရွှင်ခြင်းများမဖြစ်သော်လည်း ငါ၏အစီအစဉ်အရ ထိုသူတို့ကို ကွပ်မျက်သည့်နေရာသို့ ပို့ဆောင်ခြင်းကိုဆက်လက်ပြုသည်။ အပြစ်ဝန်ခံနေသည့်အချိန်တွင် ထိုသူတို့၏သဘာထားကို ငါသည် ဂရုမပြုပေ။ ငါ၏ အေးစက်အေးခဲနေသော နှလုံးသားကို လူသား၏ နှလုံးသားများသည် အဘယ်သို့ ထိခိုက်နိုင်မည်နည်း။ ငါသည် လူသားမျိုးနွယ်များအနက် စိတ်ခံစားလွယ်သော သတ္တဝါများထဲမှ တစ်ယောက်ဖြစ်နေသလော။ ငါသည် စိတ်ခံစားမှုမဲ့သည် ဟု လူတို့ကို ကြိမ်ဖန်များစွာ သတိပေးခဲ့သော်လည်း ၎င်းတို့သည် ပြုံးရုံသာပြုံးကာ ငါသည် ယဉ်ကျေးနေခြင်းသာ ဖြစ်သည် ဟု ယုံကြည်ကြသည်။ "ငါသည် လူသားကမ္ဘာ၏ လောကအမြင်များကို သိနားလည်ခြင်းမရှိ" ဟု ငါပြောခဲ့သော်လည်း လူတို့သည် ထိုကဲ့သို့ ဘယ်သောအခါမျှ တွေးထင်မှုမရှိဘဲ ငါပြောသည့်နည်းများ အလွန်များပြားသည်ဟု ပြောဆိုခဲ့ကြသည်။ လူသား၏ဤ စိတ်ကူးစိတ်သန်း၏ ဤကဲ့သို့ အကန့်အသတ်များကြောင့် မည်သို့သော အသံအနေအထားမျိုး၊ မည်သည့်နည်းများဖြင့် လူတို့ကို ပြောဆိုရမည်ကို ငါမသိပေ။ ထို့ကြောင့်ရွေးချယ်စရာ အခြားမရှိဘဲ ငါသည် ထိုသူတို့အား ပြောနေသော လေသံအတိုင်း တဲ့တိုးပြောဆိုရုံသာ ပြောဆိုနိုင်သည်။ အခြား ငါဘာလုပ်နိုင်သနည်း။ လူများ ပြောဆိုသောနည်းများ များပြားသည်။ "ငါသည် စိတ်ခံစားမှုကို အလေးထားခြင်းမရှိဘဲ ဖြောင့်မတ်ခြင်းကို ကျင့်သုံးသည်" ဟု ၎င်းတို့ပြောဆိုကြသည်။ ဤသည်မှာ ထိုသူတို့ နှစ်ပေါင်းများစွာ ကြွေးကြော်ထားသော ဆောင်ပုဒ် အမျိုးအစားတစ်မျိုးဖြစ်သည်။ သို့သော် ထိုသူတို့သည် ၎င်းတို့၏ စကားလုံးများအရ ပြုမူနေထိုင်ရန် မစွမ်းကြပေ။ သူတို့၏ စကားလုံးများသည် အနှစ်သာရကင်းမဲ့သည်။ ထို့ကြောင့် လူသားများသည် "၎င်းတို့၏ပြောစကားများနှင့် လုပ်ရပ်များတပြိုင်တည်းဖြစ်စေရန်" အရည်အချင်းမရှိဟု ငါဆိုသည်။ ငါဆိုသည်။ ထိုသူတို့၏ နှလုံးသားများထဲတွင် ယခုလို ပြုမူနေထိုင်ခြင်းသည် ငါ့ကို အတုယူနေခြင်းဖြစ်သည်ဟု ယုံကြည်ကြသည်။ သို့သော် ၎င်းတို့၏ အတုယူနေခြင်းကို ငါသည် ယခုတိုင် စိတ်ဝင်စားခြင်း မရှိပေ။ ထိုအရာကို ငါသည် ငြီးငွေ့ ရိုးအီနေသည်။ လူတို့သည် ၎င်းတို့ကို ကျွေးမွေးသောသူကို အဘယ့်ကြောင့် အမြဲတမ်း ဆန့်ကျင်ကြသနည်း။ ငါသည် လူသားကို ပေးခဲ့သည်မှာ အလွန် နည်းပါးနေသလော။ ငါ၏ နောက်ကွယ်တွင် လူတို့သည် အဘယ့်ကြောင့် စာတန်ကို တိတ်တဆိတ် ကိုးကွယ်ကြ သနည်း။ ငါအတွက် ၎င်းတို့ အလုပ်လုပ်ကြပြီး ၎င်းတို့အား ငါပေးသော အခကြေးငွေ လစာသည် ၎င်းတို့နေထိုင်စရိတ်အတွက် လောက်ငခြင်းမရှိသောကြောင့် လုပ်အားခ နှစ်ဆရရန်အလို့ငှါ အလုပ်ချိန်ပြင်ပတွင် အခြားအလုပ်တစ်ခု ရှာဖွေခြင်းကဲ့သို့ပင်ဖြစ်သည်။ လူတို့၏ အသုံးစရိတ်ကုန်ကျငွေသည် အလွန်များပြားသောကြောင့် ပြည့်စုံလုံလောက်ရန် မည်သို့ လုပ်ဆောင်ရမည်ကို သိရှိပုံပေါ်ခြင်းမရှိပေ။ ယင်းသည် ဤသို့သာ အကယ်စင်စစ်ဖြစ်နေပါက ငါ၏ "အလုပ်ရုံ"မှ ထွက်ခွါရန် တောင်းဆိုမိမည်။ လွန်ခဲ့သော အချိန်ကာလ အတော်ကြာက ငါ့အတွက် အလုပ်လုပ်ခြင်းတွင် အထူးခံစားခွင့်ပါလိမ့်မည်မဟုတ်ဟု ငါရှင်းပြခဲ့သည်။ ခြွင်းချက်မရှိ "အလုပ်ကြိုးကြိုးစားစားလုပ်လေလေ များများရလေလေဖြစ်မည်၊ အလုပ်နည်းနည်း လုပ်လေလေ နည်းနည်းရလေလေဖြစ်မည်၊ အလုပ်မလုပ်လျှင် မည်သည့်အရာမှရရှိမည်မဟုတ်" ဟူသော စနစ်ကို ကျင့်သုံးကာ ငါသည် လူတို့ကို တရားမျှတစွာနှင့် သင့်တင့်လျောက်ပတ်စွာ ဆက်ဆံသည်။ ငါပြောဆိုသောအခါတွင် မည်သည့်အရာမျှ ထိန်းချုပ်ပြောဆိုခြင်းမရှိပေ။ မည်သူမဆို ငါ၏ "အလုပ်ရုံစည်းမျဉ်းများ" တင်းကြပ်လွန်းသည်ဟု ယုံကြည်ပါက ထိုသူတို့ ချက်ချင်း ထွက်သွားသင့်သည်။ ၎င်းတို့အတွက် "ခရီးစရိတ်" ငါပေးလိုက်မည်။ ထိုကဲ့သို့သော လူများအပေါ်ငါ၏ ကိုင်တွယ်ပုံသည် "သက်ညှာ"သည်။ ထိုသူတို့ကို ငါ အတင်းအကျပ် မနေခိုင်းပေ။ မရေမတွက်နိုင်သော ဤလူပေါင်းများစွာအနက် ငါနှင့်စိတ်ညီညွတ်သော "အလုပ်သမား" တစ်ယောက်ကို ရှာဖွေနိုင်ခြင်း မရှိပေဘူးလော။ လူတို့ ငါ့ကို အထင်မသေးသင့်ပေ။ လူတို့ ငါကို လိုက်နာခြင်းမရှိဘဲ အခြားတစ်နေရာတွင် "အလုပ်အကိုင်"ရှာဖွေလိုနေသေးပါက ထိုသူတို့ကို ငါသည် အတင်းအကျပ် လုပ်စေမည်မဟုတ်ပေ။ ငါသည် ယင်းကို ဝမ်းမြောက်ဝမ်းသာ လက်ခံသွားမည်။ ငါ့အတွက် ရွေးချယ်စရာမရှိပေ။ ယင်းမှာ ငါ့တွင် "စည်းမျဉ်းစည်းကမ်းများ" အရမ်းများပြားနေခြင်းကြောင့် မဟုတ်လော။

၁၉၉၂ ခုနှစ်၊ မေလ ၈ ရက်

ယခင်က:အခန်း ၃၈

နောက်တစ်ခုသို့:အခန်း ၄၁

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ