အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၄၁

တစ်ခါတုန်းက ငါသည် လူသားတို့အကြားတွင် မဟာလုပ်ငန်းကြီးတစ်ခုကို ဆောင်ရွက်ခဲ့ဖူးသည်၊ သို့သော်လည်း ၎င်းတို့သည် သတိမပြုမိခဲ့ကြပေ၊ ထို့ကြောင့် ထိုသူတို့ကို ယင်းအရာအား ဖွင့်ပြရန် ငါ၏နှုတ်ကပတ်တော်ကို အသုံးပြုခဲ့ရသည်။ သို့သော်လည်း လူသားသည် ငါ၏နှုတ်ကပတ်တော်များကို နားမလည်နိုင်ဘဲ ရှိနေကြတုန်းပင်ဖြစ်ပြီး၊ ငါ့အစီအစဉ်၏ ရည်ရွယ်ချက်နှင့် ပတ်သက်၍ အသိခေါက်ခက် အဝင်နက်လျက် ရှိခဲ့ကြတုန်းပင်ဖြစ်၏။ လူသား၏ ချို့ယွင်းမှုများနှင့် လိုအပ်မှုများကြောင့် ၎င်းတို့သည် ငါ၏ စီမံခန့်ခွဲမှုကို နှောင့်ယှက်မည့် အခြင်းအရာများကို ပြုခဲ့ကြပြီး၊ မသန့်ရှင်းသော ဝိညာဉ်များမှ ၎င်းတို့၏ ထင်ရှားပြနိုင်မည့် အခွင့်အရေးကို အရယူခဲ့ကာ လူသားမျိုးနွယ်သည် မသန့်ရှင်းသော ဝိညာဉ်များ၏ ညှဉ်းဆဲခြင်းကို ခံကြရပြီး လုံးဝ ညစ်ညူးသွားသည်အထိ လူသားမျိုးနွယ်ကို ၎င်းတို့၏ သားကောင်များ ဖြစ်စေသည်။ လူ၏ အကြံအစည်နှင့် ရည်ရွယ်ချက်တို့ကို ငါတွေ့ခဲ့သည့်အချိန်မှာ ဤအချိန်ဖြစ်၏။ မြူခိုးမှ ငါသည် သက်ပြင်းချခဲ့သည်၊ လူသားသည် အဘယ့်ကြောင့် သူ၏ကိုယ်ကျိုးများအတွက်သာ အမြဲပြုမူနေရပါသနည်း။ ငါ၏ပြစ်တင်ဆုံးမမှုများသည် ၎င်းတို့ကို စုံလင်စေရန်ပင်ဖြစ်သည် မဟုတ်လော။ ၎င်းတို့ကို စိတ်အားလျော့စေရန် ငါကြိုးပမ်းနေသလော။ လူသား၏ဘာသာစကားသည် အလွန်ပင်လှပ၍ နူးညံ့လှသော်လည်း လူသားများ၏ အပြုအမူများမှာမူ အလွန်အမင်း ဆိုးရွားလှသည်။ လူသားအပေါ် ငါ၏သတ်မှတ်ချက်များသည် အဘယ့်ကြောင့် အမြဲပင် ဘာမျှဖြစ်မလာခဲ့သနည်း။ ငါသည် ခွေးတစ်ကောင်ကို သစ်ပင်တစ်ပင်ပေါ် တက်ဖို့ရန် တောင်းဆိုနေသကဲ့သို့ ဖြစ်နေခဲ့၍ပင်လော။ ငါသည် ပြဿနာမရှိရှိအောင် ကြိုးစားဖန်တီးနေခြင်းပင်လော။ ငါ၏စီမံခန့်ခွဲမှုအစီအစဉ်တစ်ခုလုံးကို ငါဆောင်ရွက်စဉ်၊ ငါသည် အမျိုးမျိုးသော "ဇာတ်ကွက်များကို စမ်းသပ်" ဖန်ဆင်းခဲ့သည်၊ သို့သော်ငြားလည်း ဆိုးရွားသည့် မြေပြင်အခြေအနေ၊ နေရောင်ခြည်နှင့် နှစ်ပေါင်းများစွာတိုင်အောင် မထိတွေ့ခဲ့ရမှု စသည်တို့ကြောင့် မြေပြင်အခြေအနေသည် အစဉ်တစိုက် ပြောင်းလဲနေသဖြင့် ၎င်းကို ပြိုကွဲစေသည်၊ ထို့ကြောင့် ငါ၏မှတ်ဉာဏ်ထဲတွင် ငါသည် မရေမတွက်နိုင်သည့် ဤသို့သော ဇာတ်ကွက်မျိုးများကို စွန့်ပစ်ခဲ့သည်။ ယခုထိတိုင်အောင် မြေပြင်အခြေအနေ အများအပြားသည် ဆက်၍ပြောင်းလဲလျက်ပင် ရှိသေး၏။ အကယ်၍ တစ်နေ့ကျလျှင် ကမ္ဘာကြီးသည် အခြားသောပုံစံတစ်ခုသို့ အမှန်တကယ်ပင် ပြောင်းလဲသွားပါက၊ ၎င်းကို ငါသည် မဆိုင်းမတွပင်ဘေးဖယ်ထားလိုက်မည် ဖြစ်သည်၊ ယင်းသည် ငါ့အလုပ်ထဲ၌ ငါလက်ရှိလုပ်နေသော အဆင့်ပင်မဟုတ်လော။ သို့သော်လည်း လူသည် ဤအရာနှင့်ပတ်သက်၍ အသိတရား စိုးစဉ်းမျှပင် မရှိ။ ၎င်းတို့သည် ငါ၏ လမ်းပြပို့ဆောင်မှုအောက်၌သာ ပြစ်တင်ဆုံးမခံကြရသည်။ အဘယ့်ကြောင့် ခေါင်းရှုပ်ခံနေမည်နည်း။ ငါသည် လူကို ပြစ်တင်ဆုံးမဖို့ရန် ကြွဆင်းလာခဲ့သော ဘုရားသခင်လော။ ကောင်းကင်ဘုံ၌၊ ငါသည် လူများအကြား ရောက်သည်နှင့် ၎င်းတို့နှင့်အတူ ပေါင်းစည်းမည်ဟု တစ်ခါက ငါစီစဉ်ခဲ့ဖူးသည်၊ ဤသို့အားဖြင့် ငါချစ်သောသူအားလုံးတို့သည် ကြားလေသွေးမည့်အရာ ဘာမျှမရှိဘဲ ငါနှင့်နီးကပ်နိုင်စေရန် ဖြစ်သည်။ သို့သော်လည်း လက်ရှိတွင်၊ ယနေ့ခေတ် အခြေအနေများအရမူ၊ ငါတို့သည် အဆက်အသွယ်မရှိရုံသာမက၊ ထို့ထက်ပိုသေးသည်မှာ၊ ၎င်းတို့သည် ငါ၏ ပြစ်တင်ဆုံးမမှုကြောင့် ငါနှင့်ဝေးရာတွင် နေနေကြသည်။ ၎င်းတို့မရှိခြင်းကြောင့် ငါမငိုကြွေးပေ။ ဘာတတ်နိုင်မည်နည်း။ လူအားလုံးသည် အများမိုးခါးရေသောက်လျှင် လိုက်သောက်တတ်သော ဖျော်ဖြေသူများပင်တည်း။ ငါသည် လူသားများကို ငါ့လက်မှ လွတ်သွားစေနိုင်ပြီး၊ ထိုထက်ပို၍ ၎င်းတို့ကို "တိုင်းတစ်ပါးနယ်မြေများ" မှ ငါ၏ "အလုပ်ရုံ" ထံသို့ပင် ပြန်လာခွင့် ပြုနိုင်ပေလိမ့်မည်။ ယခုအချိန်တွင်၊ ၎င်းတို့၌ မည်သည့်ညည်းတွားမှုများ ရှိနိုင်မည်နည်း။ လူသားသည် ငါ့ကို ဘာများလုပ်နိုင်မည်နည်း။ လူသားများသည် အလွယ်တကူပင် ယိမ်းယိုင်တတ်သောသူများ မဟုတ်ပေလော။ သို့သော်လည်း၊ ငါသည် ဤအပြစ်အနာအဆာအတွက် လူသားကိုဘေးမပြုပေ၊ ထိုအစား ၎င်းတို့ကို ငါ၏အာဟာရပင် ပေး၏။ မည်သူက ၎င်းတို့ကို အားအင်မဲ့အောင် ပြုခဲ့သနည်း။ ၎င်းတို့ကို အာဟာရချို့တဲ့အောင် မည်သူက လုပ်ခဲ့သနည်း။ လူသား၏ အေးစက်စက် စိတ်နှလုံးသားများကို ငါ၏နွေးထွေးသော ထွေးပွေ့ခြင်းဖြင့် လှုပ်ရှားစေခဲ့သည်၊ အခြားမည်သူက ယင်းကဲ့သို့သော အရာကိုပြုနိုင်သနည်း။ အဘယ့်ကြောင့် ငါသည်လူသားတို့အကြား၌ ဤအလုပ်ကို ချဲ့ထွင်ခဲ့ရသနည်း။ လူသားသည် ငါ၏စိတ်နှလုံးကို စစ်မှန်စွာ နားလည်နိုင်ပါ၏လော။

ငါရွေးချယ်ခဲ့သော လူအားလုံးတို့ကြားတွင် ငါသည် "အလဲအလှယ်" ပြုခဲ့သည်၊ သို့အတွက် ငါ၏အိမ်တွင် လူသားများ၏ အစဉ်မပျက် စီးနေသော ထွက်ခြင်းနှင့် ဝင်ခြင်းတို့ အမြဲပင်ရှိနေ၏။ ငါနှင့် စီးပွားရေး ဆွေးနွေးနေသည့်အလား ၎င်းတို့အားလုံးသည် ငါ၏နေရာ၌ အမျိုးမျိုးသော လုပ်ရိုးလုပ်စဉ်များကို လုပ်ကိုင်လွန်းရကား ငါသည် အလွန်ပင် အလုပ်များပြီး တစ်ခါတစ်ရံတွင် လူသားတို့၏ ခွန်းကြီးခွန်းငယ်စကားများ အားလုံးကို ကိုင်တွယ်ဖြေရှင်းရန် ငါ့တွင် အခွင့်အရေး မရှိပေ။ ငါသည် လူသားတို့ကို ငါ့နံဘေး၌စူးသောဆူး မဖြစ်ရန် တိုက်တွန်းပြီး၊ အမြဲတစေ ငါ့အပေါ်မှီခိုနေမည့်အစား ၎င်းတို့၏ လှေများကို မိမိဘာသာ ဦးတည့်ပဲ့ထိန်းကြရန် တိုက်တွန်း၏။ ၎င်းတို့သည် ငါ၏အိမ်ရှိ ကလေးများကဲ့သို့ အမြဲပြုမူနေ၍မဖြစ်ပေ၊ ယင်းတွင် မည်သည့် အကျိုးကျေးဇူး ရှိမည်နည်း။ ငါ၏အလုပ်သည် ကြီးမားသော လုပ်ငန်းကြီးပင် ဖြစ်သည်။ ယင်းမှာ ရပ်ကွက်ဈေးဆိုင် သို့မဟုတ် ဆိုင်ငယ်လေး မဟုတ်ပေ။ လူတို့သည် ငါ၏စိတ်သဘောထားကို နားလည်ရန် အမြဲပင် ပျက်ကွက်သည်၊ တမင်တကာပင် သိသာထင်ရှားစွာ ပြက်ရယ်ပြုကြသည်။ လူသားသည် ကလေးတစ်ယောက်ကဲ့သို့ပင် မည်သည့်အရာမျှ မလုပ်ဘဲနေရသည်ကို နှစ်သက်ပုံပေါ်သည်၊ တည်ကြည်လေးနက်သော ကိစ္စရပ်ကို မည်သည့်အခါမျှ မစဉ်းစားပေ၊ ထို့အပြင် များစွာသော သူတို့သည် ၎င်းတို့အတွက် ငါခင်းချပေးထာသော "အိမ်စာ" ကို ဖြည့်ဆည်းရန် ပျက်ကွက်ကြသည်။ သို့အတွက်နှင့် ဤလူများသည် "ဆရာ" ၏ ရှေ့တွင် ၎င်းတို့၏ မျက်နှာကို မည်ကဲ့သို့ ပြရဲကြသနည်း။ ၎င်းတို့၏ တာဝန်များကို ၎င်းတို့သည် အဘယ့်ကြောင့် အမြဲပင် မလုပ်ဆောင်ကြသနည်း။ လူသား၏ စိတ်နှလုံးဆိုသည်မှာ မည်ကဲ့သို့သော အရာများနည်း။ ယခုပင်လျှင် ငါသည် မရှင်းလင်းပေ။ လူသားတို့၏ စိတ်နှလုံးများသည် အဘယ့်ကြောင့် အမြဲပင် ပြောင်းလဲနေရသနည်း။ ဇွန်လ၏ နေ့တစ်နေ့ကဲ့သို့ပင်၊ တစ်ခါတစ်ခါတွင် ချစ်ချစ်တောက်ပူသောနေသည် ညှာတာမှုမရှိ၊ အခြားအချိန်များတွင် တိမ်စိုင်များသည် မည်းမှောင်သိပ်သည်းနေပြီး၊ တစ်ခါတစ်ရံတွင်မူ ကြမ်းတမ်းသောလေသည် တဟူးဟူး တိုက်ခတ်နေသည်။ ထို့ကြောင့် လူသားများသည် အဘယ့်အတွက်နှင့် ၎င်းတို့၏ အတွေ့အကြုံများမှ သင်ယူနိုင်စွမ်း မရှိရသနည်း။ ဤအရာသည် ချဲ့ကားပြောဆိုခြင်း ဖြစ်ကောင်းဖြစ်ပေမည်။ လူသားများသည် မိုးရာသီအတောအတွင်း ထီးတစ်လက်ဆောင်ထားရမည်ကို မသိချေ၊ ၎င်းတို့၏ အသိခေါက်ခက်မှုကြောင့်ပင် ကောင်းကင်မှမိုး ရုတ်တရက် ပေါက်ချလာခြင်းကြောင့် မရေတွက်နိုင်အောင်ပင် ရွှဲရွှဲစိုခဲ့ကြဖူးသည်၊ ငါသည် ၎င်းတို့ကို တမင်တကာပင် ကျီစယ်နေသည့်အလား ၎င်းတို့သည် ကောင်းကင်မှမိုး၏ ထိုးနှက်ခြင်းကို အမြဲပင်ခံကြရသည်။ သို့မဟုတ် ယင်းမှာ ငါသည် အလွန်ပင် "ရက်စက်ကြမ်းကြုတ်" သောကြောင့် ဖြစ်ကောင်းဖြစ်ပေမည်၊ အစဉ်တစိုက်ပင် မည်သည်အား လုပ်ဆောင်ရမည်ကို မသိဖြစ်နေစေရန် လူအားလုံးကို သတိလစ်ဟင်းစေပြီး နမော်နမဲ့ဖြစ်စေခြင်း ဖြစ်ကောင်းဖြစ်ပေမည်။ မည်သည့်လူသားတစ်ယောက်ကမျှ ငါ့အလုပ်၏ ရည်ရွယ်ချက် သို့မဟုတ် အဓိပ္ပာယ်ကို မည်သည့်အခါမျှ အမှန်စင်စစ် နားလည်ခဲ့ခြင်းမရှိ။ ထို့ကြောင့် ၎င်းတို့အားလုံးသည် ကိုယ့်ကိုယ်ကိုယ် ဒုက္ခရောက်စေမည့် အလုပ်နှင့် ကိုယ့်ကိုယ်ကိုယ် ပြစ်တင်ဆုံးမသည့်အလုပ်ကို လုပ်ဆောင်ကြသည်။ ၎င်းတို့ကို ငါသည် တမင်တကာပင် ပြစ်တင်ဆုံးမနေခြင်းကြောင့်ပင်လော။ အဘယ့်ကြောင့် လူသားများသည် ကိုယ့်ကိုယ်ကိုယ် ဒုက္ခရောက်အောင် လုပ်ကြသနည်း။ ၎င်းတို့သည် အဘယ့်အတွက်နှင့် ကျော့ကွင်းထဲသို့ အမြဲပင် တန်း၍ ဝင်သွားကြသနည်း။ အဘယ့်ကြောင့် ၎င်းတို့သည် ငါနှင့်မညှိနှိုင်းကြသနည်း၊ ထိုအစား ၎င်းတို့ဘာသာအလုပ်ကို ရှာကြသည်။ လူသားမျိုးနွယ်ကို စိုးစဉ်းမျှသာ ငါပေးနေ၍များလော။

ငါ၏ပထမအလုပ်ကို လူအားလုံးအကြားတွင် ထုတ်ပြန်ကြေညာခဲ့သည်၊ ငါ၏အလုပ်သည် လူများကို အလွန်ပင် ကြည်ညိုစေသည့်အတွက်၊ ၎င်းတို့အားလုံးသည် ယင်းကိုလေ့လာရာတွင် ဂရုတစိုက်ရှိကြပြီး၊ ဤအာရုံစိုက်လေ့လာမှုမှတစ်ဆင့် ၎င်းတို့ရယူနိုင်မည့်အရာ များစွာရှိသည်။ ငါ၏အလုပ်သည် ရှုပ်ထွေးခက်ခဲလှပြီး၊ အံ့သြဖွယ်ကောင်းသော ဝတ္ထုတစ်ပုဒ်ကဲ့သို့၊ အချစ်စကားပြေ ကဗျာတစ်ပုဒ်ကဲ့သို့၊ နိုင်ငံရေး အစီအစဉ်တစ်ခု၏ ဆွေးနွေးခြင်းများကဲ့သို့၊ စီးပွားရေး သာမန်အသိ၏ ရှုပ်ထွေးလှသော အရောအနှော တစ်ခုကဲ့သို့ပင် ဖြစ်သည်။ ငါ၏အလုပ်သည် အလွန်ပင် ကြွယ်ဝလွန်းရကား ၎င်းနှင့်ပတ်သက်၍ ကွဲပြားသော ထင်မြင်ချက်များစွာရှိပြီး၊ မည်သူ တစ်ဦးတစ်ယောက်ကမျှ ငါ့အလုပ်နိဒါန်း၏ အကျဉ်းချုပ်ကို မဖော်ပြနိုင်ကြ။ လူသားတွင် "ထူးခြားထင်ရှားသော" အသိပညာနှင့် စွမ်းရည်များ ရှိသော်လည်း၊ လူစွမ်းကောင်း အားလုံးကို ခေါင်းခြောက်စေရန် ငါ၏ ဤအလုပ်တည်းနှင့်ပင် လုံလောက်သည်။ လူသားများက "သွေးစီးချင် စီးမည်၊ မျက်ရည်ကျချင် ကျမည်၊ သို့သော် တစ်စုံတစ်ယောက်အနေဖြင့် ခေါင်းငိုက်စိုက်ကျ၍ မနေရပေ" ဟုပြောနေစဉ်၊ ၎င်းတို့သည် သတိမမူမိလိုက်ဘဲ ငါ၏အလုပ်ကို ၎င်းတို့ အရှုံးပေးခြင်း၏ ဖော်ပြချက်အနေနှင့် ၎င်းတို့၏ ခေါင်းများကို ငိုက်စိုက်ချထားကြသည်။ လူသားက သူ၏အတွေ့အကြုံများတစ်လျှောက် သင်ယူခဲ့ရသောအရာများကို အနှစ်ချုပ်၍ ငါ၏အလုပ်သည် ကောင်းကင်မှကျလာခဲ့သော ကောင်းကင်ဆိုင်ရာ စာအုပ်တစ်အုပ်အလား ပြောဆိုနေသည်[က]၊ သို့သော် ငါသည် လူသားကို အလွန်ပင် အကဲဆတ်၍မနေရန် တိုက်တွန်းသည်။ ငါ၏အမြင်တွင် ငါပြောခဲ့သမျှသောအရာများသည် အားလုံးပင် အလွန်သမားရိုးကျဆန်သည်၊ သို့သော်လည်း လူများသည် ငါ့အလုပ်ထဲရှိ "ဘဝစွယ်စုံကျမ်း" မှ အသက်မွေးမှု၏ လမ်းခရီးကို ရှာတွေ့နိုင်ရန်၊ "လူ၏ ခရီးလမ်းဆုံး" မှ ၎င်းတို့သည် ဘဝ၏အဓိပ္ပာယ်ကို ရှာတွေ့နိုင်ရန်၊ "ကောင်းကင်ဘုံ၏ လျှို့ဝှက်ချက်များ" မှ ၎င်းတို့သည် ငါ၏အလိုကို ရှာတွေ့နိုင်ရန်၊ "လူသားမျိုးနွယ်၏ ခရီးလမ်း" မှ ၎င်းတို့သည် ရှင်သန်နေထိုင်ခြင်း အတတ်ပညာကို ရှာဖွေတွေ့ရှိနိုင်ရန် ငါမျှော်လင့်သည်။ ဤအရာသည် သာ၍ပင် ကောင်းလိမ့်မည် မဟုတ်ပေလော။ ငါသည် လူကို အတင်းဖိအားမပေး၊ ငါ၏အလုပ်ကို စိတ်မဝင်စားသော သူတို့ကို ငါသည် ငါ့စာအုပ်အတွက် "ပြန်အမ်းငွေ" အပြင် "ဝန်ဆောင်မှုကြေး" ပင် ပေးလိမ့်ဦးမည်။ ငါသည် လူသားကို မလုပ်ချင် လုပ်ချင်ဖြစ်အောင် မပြုပေ။ ဤစာအုပ်၏ စာရေးသူအနေဖြင့်၊ ငါ၏တစ်ခုတည်းသာ မျှော်မှန်းချက်မှာ စာဖတ်သူများက ငါ၏အလုပ်ကို နှစ်သက်ရန်ပင်ဖြစ်သည်၊ သို့သော်ငြားလည်း လူတို့နှစ်သက်သောအရာမှာ အမြဲပင် ကွဲပြားခြားနားသည်။ ထို့ကြောင့် ငါသည် လူသားများကို မျက်နှာမပျက်ရန်အတွက်နှင့် ၎င်းတို့၏ အနာဂတ်အလားအလာများကို အပေးအယူမလုပ်ရန် တိုက်တွန်းသည်။ ဤသို့သာဆိုပါက ငါကဲ့သို့သော ကြင်နာတတ်သည့် သူတစ်ယောက်သည် ဤကဲ့သို့သော အရှက်တကွဲ အကျိုးနည်းခြင်းကို မည်သို့ခံယူနိုင်မည်နည်း။ အကယ်၍ သင်သည် ငါ၏အလုပ်ကို နှစ်သက်ပါက၊ သင်၏ အဖိုးတန်သော အကြံပြုချက်များကို ငါ့ကို လက်ဆင့်ကမ်းပေးလိမ့်မည်ဟု မျှော်လင့်သည်၊ ထိုသို့အားဖြင့် ငါသည် ငါ၏အရေးအသားကို တိုးတက်စေနိုင်ပေမည်၊ သို့နှင့် လူသား၏ အပြစ်အနာအဆာများမှတစ်ဆင့် ငါ့အရေးအသားများ၏ အကြောင်းအရာသည်လည်း တိုးတက်လာပေမည်။ ဤအရာသည်လည်း စာဖတ်သူကိုပါ အကျိုးဖြစ်ထွန်းစေသည် မဟုတ်လော။ ဤအရာကို မှန်ကန်သည်ဟု မှတ်ယူ၍ ရနိုင်မရနိုင် ငါမသိ။ ဤနည်းလမ်းဖြင့် ငါသည် ငါ၏အရေးအသားစွမ်းရည်ကို တိုးမြှင့်နိုင်ပြီး ငါတို့၏ပေါင်းသင်းဆက်ဆံရေးကို ခိုင်ခံ့မြဲမြံစေနိုင်ပေမည်။ ခြုံပြောရလျှင် အားလုံးသည် အနှောင့်အယှက်မရှိဘဲ ငါ၏အလုပ်နှင့် ပူးပေါင်းဆောင်ရွက်နိုင်ရန် ငါမျှော်လင့်သည်၊ ထိုသို့အားဖြင့် ငါ၏နှုတ်ကပတ်တော်သည် မိသားစုတိုင်းနှင့် အိမ်ထောင်စုတိုင်းဆီသို့ ပျံ့နှံ့သွားကာ ကမ္ဘာပေါ်မှ လူများအားလုံးသည် ငါ၏နှုတ်ကပတ်တော်များအလယ်၌ နေထိုင်နိုင်ကြပေလိမ့်မည်။ ယင်းမှာ ငါ၏ပန်းတိုင်ပင်ဖြစ်သည်။ ငါ့နှုတ်ကပတ်များထဲရှိ "ဘဝအကြောင်း အခန်းကြီး" မှ လူသားအားလုံးသည် ဘဝနီတိများ၊ သို့မဟုတ် လူသားမျိုးနွယ်ကြားထဲမှ အပြစ်အနာအဆာများနှင့် ပတ်သက်သော အသိပညာ[ခ]၊ သို့မဟုတ် လူသားအပေါ် ငါတောင်းဆိုသည့်အရာမှာ အဘယ်အရာဖြစ်သည်၊ သို့မဟုတ် ယနေ့ခေတ် နိုင်ငံတော် ပြည်သူပြည်သားများ၏ "လျှို့ဝှက်ချက်များ" စသော ရယူစရာ တစ်ခုခုရှိလိမ့်မည်ဟု ငါမျှော်လင့်သည်။ သို့သော်လည်း ငါသည် လူသားများကို "ယနေ့ခေတ် လူ၏မကောင်းသတင်းများ" ကိုဖတ်ကြည့်ရန် တိုက်တွန်းသည်၊ ယင်းမှာအားလုံးအတွက် အကျိုးဖြစ်ထွန်းစေနိုင်ပေသည်။ သင်သည် "နောက်ဆုံးသော လျှို့ဝှက်ချက်" ကိုလည်း ဖတ်နိုင်သည်၊ ယင်းမှာ လူတို့အသက်တာအတွက် သာ၍ အကျိုးဖြစ်ထွန်းစေနိုင်သည်။ "ရေပန်းစားသော ခေါင်းစဉ်များ" လည်း ရှိသေးသည်၊ ဤအရာသည် လူတို့၏အသက်တာအတွက် သာ၍ပင် အကျိုးဖြစ်ထွန်းစေမည် မဟုတ်လော။ ငါ၏ အကြံပေးချက်များကို အသုံးချခြင်း၊ ယင်းသည် အကျိုးရလဒ် ရှိ၊ မရှိကြည့်ခြင်း၊ ၎င်းကို သင်ဖတ်ပြီးသည့်နောက်တွင် မည်သို့ခံစားရသည်အား ငါ့ကို ပြန်ပြောပြခြင်း စသည်တို့ကို ပြုခြင်းဖြင့် အကျိုးမယုတ်စေပါ၊ ထိုသို့အားဖြင့် ငါသည် မှန်ကန်သောဆေးကို ညွှန်ကြားပေးနိုင်မည်ဖြစ်ပြီး၊ ယင်းမှ အဆုံးတွင် လူသားမျိုးနွယ်၏ ဖျားနာခြင်းများကို အလုံးစုံပယ်ရှင်းနိုင်မည် ဖြစ်သည်။ ငါ၏အကြံပေးချက်များက မည်ကဲ့သို့ အမှုပြုမည်ကို ငါမသိ၊ သို့သော်လည်း သင်တို့သည် ယင်းတို့ကို အကိုးအကားတစ်ခုအနေနှင့် အသုံးပြုနိုင်မည်ဟု ငါမျှော်လင့်သည်။ သင်မည်ကဲ့သို့ ထင်သနည်း။

၁၉၉၂ ခုနှစ်၊ မေလ ၁၂ ရက်

အောက်ခြေမှတ်စုများ-

က။ မူရင်းစာတွင် "ပြောဆိုနေကြသည်" ဟူသည့်စကားစု မပါဝင်ပါ။

ခ။ မူရင်းစာတွင် "နှင့်ပတ်သက်သော အသိပညာ" ဟူသည့်စကားစု မပါဝင်ပါ။

ယခင်က:အခန်း ၄၀

နောက်တစ်ခုသို့:အခန်း ၄၂

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ