အဖြေ- ဘာသာရေးလောကက လူအတော်များများယုံကြည်တာက သမ္မာကျမ်းစာသည် ဘုရားသခင်မှုတ်သွင်းတော်မူတဲ့ ကိုယ်တော့်နှုတ်ကပတ်တော်တွေပါပဲ ဒါဟာ အရှင်းကြီးကို မှားယွင်းတဲ့အယူအဆပါပဲ သမ္မာကျမ်းစာထဲက တမန်တော်တွေရဲ့ သက်သေခံချက်အားလုံး၊ ပြီးတော့ စာလွှာတွေအားလုံးမှာ စာရေးသူကိုဖော်ပြထားပါတယ် သမ္မာကျမ်းစာကို မတူညီတဲ့အချိန်တွေမှာ လူတွေကရေးသားခဲ့တာပါ ဘယ်လိုလုပ်ပြီး သူတို့ရဲ့သက်သေခံချက်တွေကို ဘုရားသခင်ရဲ့နှုတ်ကပတ်တော်တွေအဖြစ် တည်ဆောက်ဖန်တီးတာဖြစ်နိုင်မှာလဲ ဘာသာရေးလောကရဲ့ အတွေးအတိုင်းသာ ကျွန်တော်တို့သွားနေရင်၊ စာရေးသူတွေအားလုံးဟာ လူသားတွေပဲဆိုတာရှင်းနေရက်နဲ့ သူတို့စကားတွေဟာ ဘုရားသခင်ရဲ့နှုတ်ကပတ်တော်တွေ ဖြစ်သွားတယ် ဒါဘယ်လိုယုတ္တိရှိသလဲ ဘုရားသခင်ဟာ လူတွေနဲ့ပကတိကွဲပြားခြားနားပါတယ်၊ ဘုရားသခင်တစ်ပါးတည်းသာ ဘုရားသခင်ရဲ့နှုတ်ကပတ်တော်ကို မြွက်ကြားနိုင်ပါတယ် လူတွေကတော့ လူစကားပဲပြောပါတယ် လူတွေရဲ့စကားကို ဘုရားသခင်ရဲ့နှုတ်ကပတ်တော်လို့ ကျွန်တော်တို့ အခိုင်အမာပြောနေဦးမယ်ဆိုရင် ကျွန်တော်တစ်ခုမေးပါရစေ၊ သမ္မာကျမ်းစာရဲ့ စာရေးသူတွေဟာ ဘုရားသခင် ဖြစ်နိုင်သလား သူတို့ကိုယ်သူတို့ ဘုရားသခင်လို့ အခိုင်အမာဆိုခဲ့ကြလား သူတို့စကားတွေအားလုံးဟာ ဘုရားသခင်မှုတ်သွင်းတော်မူတယ်လို့ အခိုင်အမာဆိုခဲ့ကြလား ဒီမေးခွန်းနဲ့ပတ်သက်ပြီး ခင်ဗျားတို့ဘယ်လိုပြောမလဲ သူတို့အားလုံးဟာ ဘုရားသခင်ပဲလို့ ပြောနေမယ်ဆိုရင်၊ ခင်ဗျားအမှန်တရားကို ဆန့်ကျင်နေတာပဲ၊ ဘာလို့လဲဆိုရင် ဘုရားသခင် တစ်ဆူတည်းရှိပါတယ် သူတို့တွေဟာ လူတွေပဲဆိုတာ ရှင်းနေရက်သားနဲ့ သူတို့ကို ဘုရားသခင်လို့ ခင်ဗျားထပ်တလဲလဲပြောနေသေးတယ် ဒါဟာ ဘုရားကိုပြစ်မှားတာပဲ ဒါဟာ သေလောက်တဲ့အပြစ်ပဲ သူတို့ကို လူတွေလို့လက်ခံထားပြီး၊ သူတို့စကားတွေကျတော့ ဘုရားသခင်ရဲ့နှုတ်ကပတ်တော်လို့ ဆက်ခံယူနေဦးမယ်ဆိုရင်၊ ဒါဟာအမှန်တရားကို လိုရာဆွဲပြောတာပဲ၊ ပြီးတော့၊ ဘုရားသခင်ကို ပြစ်မှားစော်ကားတာနဲ့ အတူတူပဲ သမ္မာကျမ်းစာထဲမှာ၊ မောရှေနဲ့ ပရောဖက်တွေကလွဲလို့ ဘယ်သူ့ကိုမှ ဘုရားသခင်က သူ့နှုတ်ကပတ်တော်တွေကို တဆင့်ပြောဖို့ မပြောခဲ့ပါဘူး။ သူတို့ရဲ့အရေးအသားတွေမှာလည်း ဘုရားသခင်မှုတ်သွင်းတော်မူတယ်လို့ မပြောခဲ့ပါဘူး ဒီလူတွေက ဘုရားသခင်ရဲ့နှုတ်ကပတ်တော်တွေကို ပြောနေခဲ့တာပဲလို့ တစ်ယောက်ယောက်က သက်သေမရှိပဲ အခိုင်အမာပြောရင်၊ တကယ်တော့ အဓိပ္ပါယ်မရှိတာတွေကို အရှက်မဲ့စွာပြောနေတာပဲ ကျမ်းစာနှစ်ခုလုံးရဲ့ စာရေးသူတွေဟာ ဘုရားသခင်အသုံးပြုတဲ့သူတွေပါပဲ ပြီးတော့ အဲဒီအချိန်တုန်းက ဘုရားသခင်ရဲ့အမှုတော်တွေကို ကြုံတွေ့ခဲ့တဲ့သူတွေပါ သူတို့ဟာ ဘုရားသခင်ကိုသိကြပြီးတော့၊ သူတို့နှလုံးသားထဲမှာ ဝန်ထုပ်တွေရှိကြတယ် သူတို့ရဲ့အတွေ့အကြုံတွေနဲ့ သက်သေခံချက်တွေကို ရေးချပြီး၊ အသင်းတော်တွေက သန့်ရှင်းသူတွေဆီကို ဖြန့်လိုက်ကြတယ် ဒါဟာအမှန်တရားပဲ ဒါပေမဲ့၊ တချို့က ဒါတွေကို စိတ်ဓာတ်မြှင့်တင်ပေးတယ်၊ သာမာန်လူတွေရဲ့ သက်သေခံချက်ထက် ပိုမြင့်တယ်လို့ ခံစားကြတယ်၊ ဒါကြောင့် မျက်စိမှိတ်လိုက်နာခဲ့ပြီး ကိုးကွယ်ကြတော့တာပေါ့၊ သူတို့ရဲ့စကားတွေဟာ ဘုရားသခင်ဆီကလာတာပဲဖြစ်မယ်လို့တွေးပြီးတော့ပေါ့၊ ဘာလို့လဲဆိုရင် ဒီလိုတွေကို ဘယ်သူကမှ မရေးနိုင်ခဲ့ကြဘူးလေ အဲလိုနဲ့ အယူဝါဒမှားတွေနဲ့ အယူအဆအမှားတွေ ဖြစ်ပေါ်လာတာ၊ ပြီးတော့ ဒီအယူမှားတွေနဲ့ အယူအဆအမှားတွေ ကျယ်ကျယ်ပြန့်ပြန့် ပျံ့နှံ့ကုန်ပြီး၊ လူအများစုက အတည်ယူခဲ့ကြတယ် နောက်ဆုံးတော့၊ ဘာသာရေးသမားတွေရဲ့ အယူအဆတွေပဲ ဖြစ်သွားတယ် ဒါကြောင့်ဖြစ်တဲ့ ပျက်စီးမှုကကြီးမားလွန်းပါတယ် အနန္တတန်ခိုးရှင် ဘုရားသခင်သာ မကြွလာသေးရင်၊ ဘယ်သူတွေက ဒါကိုသတိမူမိမှာလဲ လူအများစုက ဒီအရာတွေအားလုံးဟာ သမ္မာကျမ်းစာနဲ့ ဘုရားသခင့်နှုတ်ကပတ်တော်နဲ့ ကိုက်ညီရမယ်လို့ပြောပေမဲ့၊ ဘယ်သူကမှ ဘုရားသခင့်နှုတ်ကပတ်တော်နဲ့ ကိုက်ညီမညီ မခွဲခြားကြည့်ခဲ့ကြဘူး၊ ဘယ်သူကမှ သမ္မာတရားကိုမရှာဖွေခဲ့ကြဘူး၊ ပြီးတော့ ဒီကိစ္စနဲ့ပတ်သက်ပြီး အမှန်တရားတွေကိုစေ့စေ့စပ်စပ် မကြည့်ရှု မစစ်ဆေးခဲ့ကြဘူး

အနန္တတန်ခိုးရှင် ဘုရားသခင်ရဲ့ နှုတ်ကပတ်တော်ကို ဖတ်လိုက်ကြရအောင် အနန္တတန်ခိုးရှင် ဘုရားသခင် ပြောသည်မှာ- “ယနေ့ခေတ်တွင် လူတို့က သမ္မာကျမ်းစာသည် ဘုရားသခင် ဖြစ်သည်၊ ဘုရားသခင်သည်လည်း သမ္မာကျမ်းစာ ဖြစ်သည်ဟု ယုံကြည်ကြသည်။ ထို့ကြောင့် သမ္မာကျမ်းစာထဲမှ စကားလုံးများသည်သာ ဘုရားသခင်ပြောကြားခဲ့သည့် စကားလုံးများ ဖြစ်ကြပြီး ထိုစကားလုံးများအားလုံးကို ဘုရားသခင် ပြောခဲ့သည်ဟုလည်း ယုံကြည်ကြသည်။ ဘုရားသခင်ကို ယုံကြည်ကြသည့် သူများသည် ဓမ္မဟောင်းနှင့် ဓမ္မသစ်ကျမ်းများထဲက ကျမ်းပေါင်း ခြောက်ဆယ့်ခြောက်ကျမ်းကို လူများက ရေးခဲ့ကြသော်လည်း ထိုကျမ်းအားလုံးကို ဘုရားသခင်က မှုတ်သွင်းတော်မူခြင်းအားဖြင့် ပေးအပ်ခဲ့ပြီး သန့်ရှင်းသောဝိညာဉ်တော်၏ မိန့်မြွက်ချက်များနှင့်ဆိုင်သော မှတ်တမ်းတစ်ခု ဖြစ်သည်ဟုပင်လျှင် ယူဆကြသည်။ ဤသည်မှာ လူတို့၏ မှားယွင်းသော သဘောပေါက်နားလည်မှုဖြစ်ပြီး အချက်အလက်များနှင့် လုံးဝ ကိုက်ညီခြင်း မရှိကြပါ။ အမှန်တွင် အနာဂတ္တိကျမ်းများမှအပ ဓမ္မဟောင်းကျမ်းထဲမှ ကျမ်းအများစုသည် သမိုင်းမှတ်တမ်းများ ဖြစ်သည်။ ဓမ္မသစ်ကျမ်းထဲမှ သြဝါဒစာအချို့သည် လူတို့၏ ဘဝအတွေ့အကြုံများမှ လာခြင်းဖြစ်ပြီး တစ်ချို့မှာ သန့်ရှင်းသောဝိညာဉ်တော်၏ ဉာဏ်အလင်းဖွင့်ပြမူကြောင့် လာခြင်း ဖြစ်သည်။ ဥပမာအားဖြင့် ပေါလု၏ စာများသည် လူတစ်ဦး၏ လုပ်ဆောင်ချက်မှ ထွက်ပေါ်လာခဲ့ပြီး ၎င်းတို့ အားလုံးသည် သန့်ရှင်းသောဝိညာဉ်တော်၏ ဉာဏ်အလင်းဖွင့်ပြမှုကြောင့် ပေါ်ပေါက်လာသော ရလဒ် ဖြစ်ကာ အသင်းတော်များအတွက် ရေးခဲ့သော စာများဖြစ်ပြီး အသင်းတော်မှ ညီအစ်ကိုမောင်နှမများကို နှိုးဆော်အားပေးသော စကားများ ဖြစ်သည်။ ထိုစကားများသည် သန့်ရှင်းသောဝိညာဉ်တော်က ပြောသောစကားများ မဟုတ်ပါ— ပေါလုသည် သန့်ရှင်းသောဝိညာဉ်တော်၏ ကိုယ်စား မပြောနိုင်သကဲ့သို့ သူသည် ယောဟန် ရှုမြင်ခဲ့ရသော ရူပါရုံများကို မြင်ခဲ့ဖို့ရန်ဝေးစွ၊ ပရောဖက်တစ်ဦးပင် မဟုတ်ခဲ့ပါ။ ပေါလုရေးခဲ့သော သြဝါဒစာများသည် ဧဖက်မြို့၊ ဖိလဒေလဖိမြို့၊ ဂလာတိပြည်နှင့် အခြားသော အသင်းတော်များအတွက် ရေးသောစာများ ဖြစ်သည်။...အကယ်၍ လူတို့သည် ဓမ္မသစ်ကျမ်းမှ သြဝါဒစာများ သို့မဟုတ် ပေါလု၏ စကားများကဲ့သို့သော စကားများကို သန့်ရှင်းသောဝိညာဉ်တော်၏ ပြောကြားချက်များအဖြစ် မြင်ကြပြီး ၎င်းတို့ကို ဘုရားကဲ့သို့ ကိုးကွယ်မည်ဆိုလျှင် လူတို့သည် အလွန်အမင်း မဆင်မခြင်ပြုမူနေခြင်း ဖြစ်သည်ဟုသာ ဆိုနိုင်ပေသည်။ သာ၍ ခပ်ကြမ်းကြမ်း ပြောရမည်ဆိုလျှင် ဤသည်မှာ ဘုရားသခင်ကို ပြစ်မှားစော်ကားနေကြခြင်းပင် ဖြစ်သည်မဟုတ်လော။ လူတစ်ယောက်က ဘုရားသခင်ကိုယ်စား မည်သို့ ပြောဆိုနိုင်ပါမည်နည်း။ ထို့အပြင် လူတို့သည် ပေါလု၏ သြဝါဒစာများနှင့် သူပြောသော စကားများနှင့်ဆိုင်သော မှတ်တမ်းကို သန့်ရှင်းသော ကျမ်းစာ သို့မဟုတ် ကောင်းကင်ဘုံမှလာသော ကျမ်းစာဖြစ်သည့်အလား သတ်မှတ်ကာ ၎င်းတို့ရှေ့၌ မည်သို့ ပျပ်ဝပ်နိုင်သနည်း။ ဘုရားသခင်၏ နှုတ်ကပတ်တော်များကို လူတစ်ယောက်က သာမန်ကာလျှံကာ ပြောနိုင်ပါမည်လော။ လူတစ်ယောက်က ဘုရားသခင်ကိုယ်စား မည်သို့ ပြောဆိုနိုင်ပါမည်နည်း။” “သမ္မာကျမ်းစာထဲရှိသည့် အရာတိုင်းသည် ဘုရားသခင် ကိုယ်တိုင် ပြောခဲ့သည့် စကားလုံးများကို မှတ်တမ်းတင်ထားခြင်း မဟုတ်ပါ။ သမ္မာကျမ်းစာသည် ဘုရားသခင်၏ ယခင်အမှု အဆင့်နှစ်ဆင့်အကြောင်းကို ရေးမှတ်ထားခြင်းသာဖြစ်ပြီး၊ ၎င်းတို့အနက် တစ်ပိုင်းမှာ ပရောဖက်များ၏ အနာဂတ္တိ ဟောကြားချက်များကို ရေးထားသည့် မှတ်တမ်းဖြစ်ပြီး၊ နောက်တစ်ပိုင်းမှာ ခေတ်အဆက်ဆက်၌ ဘုရားသခင် အသုံးပြုခဲ့သည့် လူများက အတွေ့အကြုံများနှင့် အသိပညာတို့ကို ရေးထားခြင်းဖြစ်သည်။ လူ၏ အတွေ့အကြုံများသည် လူ၏ အယူအဆများ၊ အသိပညာများနှင့် စွန်းထင်းနေကြပါသည်၊ ယင်းကို ရှောင်ရှား၍ မရနိုင်ပါ။ သမ္မာကျမ်းစာ၏ ကျမ်းအများအပြားသည် လူ၏ ခံယူချက်များ၊ ပုဂ္ဂိုလ်စွဲ သို့မဟုတ် အယူစွဲဖြင့် ဘက်လိုက်ပြီး ရှုမြင်သည့် လူ၏သဘောများ၊ လူ၏ အဓိပ္ပာယ်မရှိသည့် သဘောပေါက်နားလည်မှုများ ဖြစ်ကြသည်။ မှန်ပါသည်၊ စကားလုံးအများစုသည် သန့်ရှင်းသော ဝိညာဉ်တော်၏ ဉာဏ်အလင်းဖွင့်ပြမှုနှင့် အလင်းပေးမှု၏ ရလဒ်ဖြစ်ပြီး ၎င်းတို့သည် မှန်ကန်သည့် သိနားလည်မှုများ ဖြစ်ကြသည်။ သို့သော် ၎င်းတို့သည် သမ္မာတရား၏ လုံးဝတိကျသော ထုတ်ဖောပြခြင်းများဖြစ်သည်ဟု ပြော၍ မရနိုင်သေးပါ။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ သမ္မာကျမ်းစာနှင့် ပတ်သက်၍ (၃))

ဤနှုတ်ကပတ်တော်များ ဖတ်ခြင်းအားဖြင့် ကျွန်တော်တို့ အားလုံး တွေ့မြင်နိုင်သည်မှာ သမ္မာကျမ်းစာ ရှိရှိသမျှက ဘုရားသခင် မှုတ်သွင်းတော်မူခြင်း မဟုတ်သကဲ့သို့၊ ဘုရားသခင်၏ နှုတ်ကပတ်တော် များလည်း မဟုတ်ပါ။ သမ္မာကျမ်းစာ၏ မည်သည့်အပိုင်းက ဘုရားသခင်၏ နှုတ်ကပတ်တော်ဖြစ်ပြီး၊ မည်သည့်အပိုင်းက လူများ၏ စကားဖြစ်ကြောင်းကို ခွဲခြားသိမြင်နိုင်သည့် သူများအတွက်က ရှင်းပါသည်။ ကျမ်းစာတစ်အုပ်ချင်းစီတိုင်းမှာ ရေးသားသူ၏ အမည်ပေး ထားပါသည်။ ပြီးလျှင် သမ္မာကျမ်းစာ၏ မည်သည့်အပိုင်းမှာ ဘုရားသခင်၏ နှုတ်ကပတ်တော် ပါရှိကြောင်းကိုလည်း ရှင်းရှင်းလင်းလင်း ဖော်ပြထားပါသည်။ သို့ပါက မျက်တောင်တစ်ချက် မခတ် လူများနှင့် စာတန်၏စကားများကို ဘုရားသခင်၏ နှုတ်ကပတ်တော်များဟု လူများ မည်သို့ ဆက်ပြီး ခံယူကြသနည်း။ ဤသည်မှာ မျှမျှတတပြောခြင်း ဟုတ်ပါသလား။ ယုံကြည်သူများသာ သမ္မာကျမ်းစာထဲက လူများ၏စကားကို ဘုရားသခင်၏ နှုတ်ကပတ်တော်ဟု အခိုင်အမာပြောနေသေးပါက၊ ဘုရားသခင် မည်သို့ခံစားရမည်ဟု သင်တို့ထင်ပါသနည်း။ ဘုရားသခင်အတွက် တရားပါသလား။ ဤသည်မှာဘုရားသခင်ကို ပြစ်မှားခြင်း၊ ပုတ်ခတ်ပြောဆိုခြင်းသာ ဖြစ်သည် မဟုတ်ပါလား။ လူများ၏စကားက ဘုရားသခင်၏မျက်စိထဲမှာ မည်သို့လေးနက်နိုင်မည်နည်း။ ကျွန်တော်တို့ ခဏမျှအချိန်ယူပြီး မစဉ်းစားကြည့်သင့်ပါလား။ လူများ၏စကားကို ဘုရားသခင်၏နှုတ်ကပတ်တော်နှင့် မည်သို့ နှိုင်းယှဉ်နိုင်မည်နည်း။ လူများ၏ အနှစ်သာရနှင့် ဘုရားသခင်၏ အနှစ်သာရ မတူပါ။ ထိုကဲ့သို့ပင်၊ လူများ၏စကားကလည်း ဘုရားသခင်၏ နှုတ်ကပတ်တော်နှင့် အများကြီး ကွာခြားပါသည်။ လူများ၏ စကားအားဖြင့် ဉာဏ်အလင်းရခြင်းက သမ္မာတရားနှင့် ကိုက်ညီပါက၊ ဤသည်မှာ တကယ့်ကို ရလဒ်ကြီးကြီးတစ်ခုဖြစ်ပါသည်။ လူများ၏စကားသာ သန့်ရှင်းသောဝိညာဉ်တော်၏ လမ်းပြမှုမရှိပါက၊ ဤသည်မှာ အယူမှားနှင့် အလိမ်အညာများ မဟုတ်ပါလား။ ဘုရားသခင်၏ ယုံကြည်သူများက ဤအရာကိုမမြင်နိုင်ပါက၊ ကျွန်တော်စိုးရိမ်မိသည်။ သူတို့က အလွန်မိုက်မဲပြီး၊ မာနထောင်လွှားကြသည့် သူများ ဖြစ်လေသည်။ ယနေ့ ဘာသာရေးလောကက သမ္မာကျမ်းစာထဲက လူများ၏စကားကို ဘုရားသခင်၏နှုတ်ကပတ်တော်ဟု မှတ်ယူနေ ကြသည်။ ဤသည်မှာ ဘာသာရေးလောကထဲက မည်သည့်သူကမှ ဘုရားသခင်ကို မှန်မှန်ကန်ကန်မသိကြကြောင်းကို ပြနေခြင်း ဖြစ်သည်။ ဘာသာရေး လောကက ခေါင်းဆောင်အများစုက သူတော်ကောင်း ယောင်ဆောင်သည့် ဖာရိရှဲများဖြစ်ပါသည်။ ဘုရားသခင်ကို အမှန်သိသည့်သူများက၊ သမ္မာကျမ်းစာ ရှိရှိသမျှသည် ဘုရားသခင် မှုတ်သွင်းတော်မူခြင်းဖြစ်ပြီး အားလုံးက ဘုရားသခင်၏ နှုတ်ကပတ်တော် ဖြစ်သည်ဟု မျက်စိစုံမှိတ် ကိုးကွယ်နေမည်မဟုတ်ပါ။ ဘုရားသခင်ကဲ့သို့ သမ္မာကျမ်းစာကို သူတို့ ဆက်ဆံမည်မဟုတ်ပါ။ ဘာသာရေးလောကက သမ္မာကျမ်းစာ ရှိရှိသမျှသည် ဘုရားသခင် မှုတ်သွင်းတော်မူပြီး၊ ဘုရားသခင်၏ နှုတ်ကပတ်တော်ဖြစ်သည်၊ ပြီးလျှင် ဘုရားသခင်၏ကိုယ်စား ဖြစ်သည်ဟု ယုံကြည်ကြသည်။ ဤသည်မှာ ဘာသာရေးလောက၏ ယုတ္တိမရှိဆုံးသော အယူမှားတစ်ခုဖြစ်ပါသည်။ ယခုအခါတွင် ကျွန်တော်တို့သည် ဤအရာကို ရှင်းရှင်းလင်းလင်း မြင်နိုင်ပါသည်။

ကျွန်တော့်သခင် ဘယ်သူလဲ ၏ ရုပ်ရှင် ဇာတ်ညွှန်း မှ