အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

လမ်းကြောင်း… (၆)

မျက်မှောက်ခေတ်သို့ ငါတို့ ရောက်ရှိလာခြင်းသည် ဘုရားသခင်၏ လုပ်ဆောင်မှုကြောင့် ဖြစ်သည်။ ထိုကြောင့် ငါတို့အားလုံးသည် ဘုရားသခင်၏စီမံမှုဖြင့် အသက်ရှင်ကျန်နေသူများ ဖြစ်ကြ၍ ယနေ့တိုင်အောင် ထိန်းသိမ်းရပ်တည်လာနိုင်ခြင်းသည် ဘုရားသခင်၏ ကြီးမားသော မြေတောင်မြှောက်ပေးမှုကြောင့် ဖြစ်သည်။ ဘုရားသခင်၏ စီမံချက်အရ နဂါးနီ၏ မဟာနိုင်ငံသည် ဖျက်ဆီးခြင်းကို ခံရမည်ဖြစ်သည်။ သို့ရာတွင် သူသည် အကြံအစည်နောက်တစ်ခု အခိုင်အမာ ရှိထားလိမ့်မည် ဟုငါထင်သည်။ သို့မဟုတ် သူ၏လုပ်ငန်း နောက်တစ်ပိုင်းကို ဆက်လက်ဆောင်ရွက် လိုစိတ် ရှိကောင်းရှိနေမည်။ ထိုကြောင့် ထိုအကြောင်း အရာကို ငါသည် ယနေ့ထက်ထိ ကြည်လင် ပြတ်သားစွာ ရှင်းပြနိုင်ခြင်း မရှိသေးသဖြင့် အဖြေမရှိသော ပဟေဠိကဲ့သို့ ဖြစ်နေပေသည်။ သို့ရာတွင် အားလုံးကို ခြုံငုံ၍ပြောရလျှင် ငါတို့အုပ်စုအတွက်မူ ဘုရားသခင်မှ ကြိုတင်ပြဌာန်းခြင်း ရှိ၍ ဘုရားသခင်သည် ငါတို့အထဲ၌ အခြားလုပ်စရာ ရှိဦးမည် ဟု ငါယုံကြည် သည်။ သို့ဖြစ်၍ ငါတို့ အားလုံး ကောင်းကင်ဘုံရှင်ကို အသနားခံရမည်မှာ - “ကိုယ်တော်၏ ဘုန်းတန်ခိုးနှင့် မျက်နှာတော် ကို ရှင်းလင်းပြတ်သားစွာ ဖူးမြင်ရပါမည့်အကြောင်း ကိုတော်၏အလိုတော်ပြည့်စုံစေပြီး ကိုယ်တော် ပုန်းကွယ်နေခြင်းကို ပယ်ရှားကာ ကျွန်တော်တို့ရှေ့တွင် ထင်ရှားတော်မူပါ။” ဘုရားသခင် ငါတို့ကို ဦးဆောင်နေသော လမ်းသည် ဖြောင့်ဖြူးသောလမ်း မဟုတ်ပေ။ ချိုင့်ခွက်များ ပြည့်နှက်နေသည့် ကွေ့ကောက်သောလမ်း ဖြစ်သည်။ လမ်းခရီးသည် ကျောက်ခဲပေါ၍ ကြမ်းတမ်း လေလေ ငါတို့၏ နှလုံးသားမှ မေတ္တာကို ဖေါ်ပြခွင့် ရလေလေဖြစ်သည် ဟုဘုရားသခင် မိန့်တော်မူ သည်။ သို့ရာတွင် ငါတို့အထဲက မည်သူကမျှ ထိုလမ်းမျိုးကို မဖေါက်နိုင်ပေ။ ငါ့ဘ၀အတွေ့အကြုံတွင် ကျောက်ခဲ လမ်း နှင့် သစ္စာဖောက်သောလမ်း များစွာကို လျှောက်လှမ်းခဲ့ဖူးကာ ခက်ထန်သောဒုက္ခဆင်းရဲ များကို တောင့်ခံခဲ့ဖူးသည်။ တစ်ခါတစ်ရံ သောကပူဆွေးမှု ပြင်းထန်လွန်းသဖြင့် ကျယ်လောင်စွာ ငိုချင်မိသည်။ သို့ရာတွင် ဤလမ်းကို ယနေ့တိုင် လျှောက်လှမ်းဆဲဖြစ်သည်။ ဤလမ်းကြောင်းသည် ဘုရားသခင်ဦးဆောင်သော လမ်းဖြစ်သည် ဟုငါယုံကြည်သောကြောင့် ဒုက္ခဆင်းရဲခြင်း၏ ညှိမ်းပန်း နှိပ်ဆက်မှုများကို ကြံ့ကြံ့ခံ၍ ဆက်လက်လျှောက်လှမ်းခဲ့သည်။ ဤလမ်းကြောင်းသည် ဘုရားသခင် ဦးဆောင်သော လမ်းဖြစ်သည် ဟုငါယုံကြည်သောကြောင့် ဒက္ခဆင်းရဲခြင်း၏ နှိပ်စက်ညှင်းပန်းမှု များကို တင်းခံကာ ခရီးဆက်ခဲ့သည်။ ဤသည်မှာ ဘုရားသခင် ဘိသိက်ပေးသော အရာ ဖြစ်ရကား မည်သုလွန်ဆန်နိုင်အံ့နည်း။ မည်သည့်ကောင်းချီးမျိုးကိုမျှ ငါမတောင်းဆိုပါ။ ဘုရားသခင်၏ အလိုတော်အရ လျှောက်လှမ်းရမည့် လမ်းကို ငါလျှောက်လှမ်း နိုင်ရန်ုသာ တောင်းလျှောက်သည်။ သူတစ်ပါးကို အတုခိုးခြင်းနှင့် လူတို့လျှောက်သော လမ်းကို လျှောက်လှမ်းရန် ငါအားမထုတ်ပါ။ ငါ့အတွက် သတ်မှတ်ထားသောလမ်းကို အဆုံး တိုင်အောင် လျှောက်လှမ်းရန်ကိုသာ ငါကြိုးစား အားထုတ်သည်။ ပွင့်လင်းစွာ ဝန်ခံရလျှင် သူတစ်ပါး၏ အကူအညီကို ငါမမျှော်ပါ။ ပွင့်လင်းစွာ ၀န်ခံရလျှင် မည်သူ့ကိုမျှ ကွန်ုပ် မကူညီ နိုင်ပါ။ ဤကိစ္စတွင် ငါသည် အထိမခံမှု ပြင်းထန်လွန်းသော သူ ဖြစ်ဟန်တူသည်။ သူတစ်ပါး မည်သို့ထင်မြင်သည်ကို ငါမသိပေ။ ထိုသို့ဖြစ်ရခြင်းမှာ လူတစ်ဦး တစ်ယောက် ဒုက္ခဆင်းရဲကို မည်သည့်အတိုင်း အတာအထိ ခံရ၍ လျှောက်လှမ်းရမည့် လမ်းခရီး မည်မျှဝေးလံသည် ဟူသည်မှာ ဘုရားသခင် ဘိသိက်ပေးထားခြင်းဖြစ်၍ မည်သူမျှ သူတစ်ပါးကို မကူညီနိုင်ဟု ငါအမြဲတမ်း ယုံကြည်ခြင်းကြောင့် ဖြစ်ပေမည်။ စိတ်အားထက်သန်သော ငါတို့၏ ညီအစ်ကိုမောင်နှမအချို့က ငါသည် ချစ်ခြင်းမေတ္တာခေါင်းပါးသည် ဟု ပြောကောင်းပြောမည်။ သို့ရာတွင် ထိုသို့သာ ငါယုံကြည်သည်။ လူသည် ဘုရားသခင်၏ လမ်းပြ ပို့ဆောင်မှုကို မှီ၍ မိမိ လမ်းခရီးကို လျှောက်ကြ ခြင်းဖြစ်ရာ ငါ၏ ညီအစ်ကိုမောင်နှမ အများစုသည် ငါ့နှလုံးသားကို နားလည်ကြမည်ဟု ငါယုံကြည်သည်။ ငါတို့၏မေတ္တာ ပို၍စင်ကြယ်ကာ ငါတို့ မေတ္တာဟာရ ဖွဲ့မှု ပို၍တန်ဖိုးရှိလာစေရန် ဘုရားသခင်မှ ငါတို့အား ဤကဏ္ဍတွင် ပို၍ ဉာဏ်အမြင်ပွင့်စေမည်ကို ငါမျှော်လင့်သည်။ ဘုရားသခင်၏ ဦးဆောင်မှု အောက်တွင် အချင်းချင်း ဆက်ဆံမှု အခိုင်အမာ တည်ဆောက်နိုင်ရန် ဤအကြောင်းအရာ၌ ငါတို့စိတ်ရှုပ်ထွေးမှုကင်းရှင်း၍ ကြည်ကြည် လင်လင် ရှိပါစေသား။

ဘုရားသခင်သည် တရုတ်ပြည်မကြီးတွင် နှစ်ပေါင်းများစွာ အလုပ်လုပ်ခဲ့၍ ယခုရောက်ရှိ နေသော နေရာသို့ ငါတို့ ရောက်ရှိလာနိုင်အောင် ဘုရားသခင်က လူအပေါင်းတို့အတွက် ထိုက်တန် သော ပေးဆပ်မှု ပြုခဲ့ရသည်။ လူတိုင်းအား လမ်းကြောင်းမှန်ပေါ်သို့ ပို့ဆောင်နိုင်ရန်အတွက် ဤအလုပ်အား လူတိုင်း၏ အပျော့ညံ့ဆုံးနေရာမှ အစပြု၍ ကိုင်သွယ်ရမည်ဟု ငါထင်သည်။ ထိုနည်းအားဖြင့်သာ ဦးဆုံး ဆီးတားသော တန်းကို ခုံကျော်နိုင်၍ ရှေ့သို့ချီတက် နိုင်မည် ဖြစ်သည်။ ဤနည်းသည် ပို၍ကောင်းသောနည်း ဖြစ်သည်မဟုတ်လော။ နှစ် ထောင်ပေါင်း များစွာ စာရိတ္တ ပျက်ပြားခဲ့သော တရုတ်ပြည်ကြီးသည် ယနေ့တိုင် အရှိအတိုင်း ချီတက်ဆဲဖြစ်သည်။ ဗိုင်းရပ်စ်ပိုး အမျိုးမျိုး ဆက်လက်ပြန့်ပွားကာ ကပ်ဆိုးကဲ့သို့ နေရာတိုင်းသို့ ပျံ့နှံ့လျက်ရှိသည်။ လူတို့၏ ပေါင်းသင်းဆက်ဆံမှုကို မြင်ရုံဖြင့် လူထုအတွင်း ဗိုင်းရတ်စ်ပိုး အရေအတွက် မည်မျှရှိနေသည်ကို မြင်နိုင်သည်။ တံခါးကို တင်းကျပ်စွာပိတ်ထားပြီး ဗိုင်းရတ်စ်ပိုးများ ပျံ့နှံ့နေသည့် ဤနေရာတွင် ဘုရားသခင် လုပ်ငန်းမြှင့်တင်ရန် အလွန်ခက်ခဲသည်။ လူတို့၏ ပင်ကိုစရိုက်၊ ပြုမူကျင့်ကြံပုံ၊ လုပ်ကိုင်ဆောင်ရွက်ပုံ၊ အသက်တာတွင် ဖေါ်ပြနေသမျှ အချင်းချင်း လူမှုဆက်ဆံမှု အားလုံးသည် မယုံနိုင်လောက်အောင် ပျက်စီးယိုယွင်းနေကာ သူတို့၏ အသိတရားနှင့် ယဥ်ကျေးမှု ထုံးတမ်းဓလေ့ အားလုံးသည်လည်း ဘုရားသခင်၏ ရှုတ်ချခြင်းကို ခံရသည်။ မိသားစုနှင့် ထူထုထံမှ ရယူထားသော အတွေ့အကြုံအမျိုးမျိုး မဆိုထားဘိ ဤအရာအာလုံး ဘုရားသခင်၏ မျက်စိဖြင့် တရားစီရင်ခြင်းကို ခံရသည်။ ထိုသို့ဖြစ်ရခြင်းမှာ ဤတိုင်းပြည်တွင် နေထိုင်ကြသော လူတို့သည် များပြားလှသော ဗိုင်းရတ်စ်ပိုးများကို စားသုံးထားသောကြောင့် ဖြစ်သည်။ ၎င်းသည် လူတို့အတွက် လုပ်ရိုးလုပ်စဥ် ဖြစ်နေ၍ အရေးမထားကြပေ။ ထိုကြောင့် နေရာဒေသတစ်ခုတွင် လူထု စာရိတ္တ ပျက်ပြားမှု ကြီးမားလေလေ အချင်းချင်းဆက်ဆံမှု မလျော်ကန်လေလေ ဖြစ်သည်။ လူလူချင်း ဆက်ဆံရာတွင် ယှဥ်ပြိုင်တိုက်ခိုက်မှုပြင်းထန်၍ ထိုနေရာဒေသသည် လူသားစားသောလူများ နေထိုင်သည့် နတ်ဆိုး မြို့တော်ကဲ့သို့ ဖြစ်သည်။ သရဲကြီးစိုးသော ထိုမျှလောက် ကြောက်မက် ဖွယ်ကောင်းသည့် ဤလို နေရာမျိုးတွင် ဘုရားသခင်၏ အမှုတော်ကိုဆောင်ရွက်ရန် မယုံနိုင် လောက်အောင် ခက်ခဲသည်။ ငါသည် လူနှင့်ဆက်ဆံရသောအခါ ဘုရားသခင်ကို အဆက်မပြတ် ဆုတောင်းလေ့ရှိသည်။ ဤသို့ဖြစ်ရခြင်းမှာ ငါသည် လူနှင့်ဆက်ဆံရမည်ကို အမြဲကြောက်ရွံ့၍ ငါ့စိတ်နေသဘောထားဖြင့် သူတစ်ပါး၏ “ဂုဏ်သိက္ခာ” အား စော်ကားမိမည်ကို စိုးရိမ်အားကြီးခြင်းကြောင့်ဖြစ်သည်။ ငါ့နှလုံးသားတွင် ညစ်ညူးသောဝိညာဥ်များ အန္တရာယ်ပြုမည်ကို အမြဲစိုးရိမ်သောကြောင့် ငါ့အား အကာအကွယ်ပေးပါရန် ဘုရားသခင်ကို အမြဲတမ်း တောင်းလျှောက်သည်။ ငါတို့နှင့် အတူရှိကြ သူများကြားတွင် မလျော်ကန်သော ဆက်ဆံမှု အမျိုးမျိုး တွေ့မြင်ရသည်။ ဤအရာအားလုံးကို ငါမြင်၍ ငါ့စိတ်ထဲတွင် မုန်းတီးခြင်း ရှိလာသည်။ လူလူချင်း လူသားနှင့်ဆိုင်သော ကိစ္စများ၌သာ အလုပ်ရှုပ်နေကြကာ ဘုရားသခင်ကို လုံးဝဂရုမစိုက်ကြပေ။ ဤလူတို့၏ လုပ်ရပ်ကို ရိုးတွင်းခြင်ဆီ အထိ ငါမုန်းတီးသည်။ တရုတ်ပြည်မကြီးတွင် နေထိုင်သော လူတို့၌ စာရိတ္တယိုယွင်းသော စာတန်၏ စိတ်နေသဘောထားမှ အပ မည်သည့်အရာမျှ မတွေ့ရပေ။ ထိုကြောင့် ဤလူများကြားတွင် ဘုရားသခင် အလုပ်လုပ်ရာ၌ သူတို့ထံမှ လိုချင်စရာကောင်းသော အစိတ်အပိုင်းများ တွေ့ရှိနိုင်ခြေ နည်းလှသည်။ သူတို့သည် သန့်ရှင်းသောဝိညာဥ်တော် အလုပ်ဝင်လုပ်နေသော အစိတ်အပိုင်းများ ဖြစ်၍ သန့်ရှင်းသောဝိညာဥ်တော်ကသာ လူတို့အား ပိုမိုနိုးကြွစေကာ သူတို့အထဲ၌ အလုပ်လုပ်ခြင်း ဖြစ်သည်။ ထိုလူတို့အား အသုံးပြုနိုင်ရန် ဖြစ်နိုင်ခြေနည်းလွန်းသည်။ ဆိုလိုသည်မှာ သန့်ရှင်းသော ဝိညာဥ်တော်၏ နိုးကြွစေမှုကို လူ့ဘက်က ပါ၀င်၍ ဖြည့်စည်းပေးခြင်း မရှိနိုင်သည်ကို ဆိုလိုသည်။ သန့်ရှင်းသောဝိညာဥ်တော်ဘက်က လူတို့နိုးကြွရေးကို ပင်ပန်းကြီးစွာ လုပ်ဆောင်သော်လည်း လူ့ဘက်က ထုံထိုင်း၍ အသိဉာဏ်မဲ့​ကာ ဘုရားသခင် အဘယ်အရာကို ဆောင်ရွက်နေသည့် အကြောင်း မသိကြရှာပေ။ ထိုကြောင့် တရုတ်ပြည်မကြီးအတွက် ဘုရားသခင်၏လုပ်ငန်းကို သူ၏ ကမ္ဘာကြီးကို ဖန်ဆင်းခြင်းလုပ်ငန်းနှင့် နိုင်းယှဥ်နိုင်သည်။ သူသည် လူတိုင်းအား အသစ်တစ်ဖန် ပြန်လည်မွေးဖွားစေကာ ဤလူတို့တွင် လိုချင်တပ်မက်ဘွယ် အနတ္တဖြစ်သောကြောင့် အားလုံး ပြောင်းလဲပေးလိုက်သည်။ ၎င်းသည် နှလုံးကြေကွဲဘွယ်ရာ အဖြစ်အပျက် ဖြစ်သည်။ ငါသည် ဤလူများ အတွက် ပူဆွေးရသော ဆုတောင်းခြင်းကို မကြာခဏ ပြုခဲ့သည်။ “ဘုရားသခင် - ထုံထိုင်း ဆွံ့အခြင်း ဒုက္ခကို ခံစားနေရသူများ နိုးကြားလာကာ အိပ်ပျော်ခြင်းပျောက်ကင်းလျက် ကိုယ်တော်၏ ဘုန်းတော် ထင်ရှားသည့် နေ့ရက်ကို တွေ့မြင်စေရေးအတွက် ကိုယ်တော်၏ ဝိညာဥ်တော် သူတို့အား ထူးကဲစွာ နိုးထစေရန် ကိုယ်တော်၏ မဟာတန်ခိုးတော်ကို ဤလူတို့ အတွင်း၌ ဖွင့်ပြတော်မူပါ။” ငါတို့အားလုံး ဘုရားသခင်ရှေ့တွင် - အို ဘုရားသခင် - ကျွန်ုပ်တို့၏ စိတ်နှလုံးများ ကိုယ်တော့ထံသို့ လုံးဝပြန်လှည့် လာပြီး ညစ်ညမ်းသောဤမြေမှ လွတ်မြောက် နိုင်ကာ ထ၍ ကျွန်ုပ်တို့အား ကိုယ်တော်အပ်နှင်းသော တာဝန်ကို ပြီးမြောက်အောင် ထမ်းဆောင် နိုင်အောင် ကျွန်ုပ်တို့အား ပြန်လည်ကြင်နာလျက် ကြည့်ရှုဆောင်မတော်မူပါ ဟုဆုတောင်းကြပါစို့။ ကိုယ်တော်ထံမှ ဉာဏ်အမြင်ပွင့်ခြင်းကို ရယူ၍ တဖြည်းဖြည်း သူ့ထံသို့လှည့်ပြန်ကာ ငါတို့အား ကိုယ်တော်သိမ်းပိုက်စေရန်အတွက် ဘုရားသခင် ငါတို့အား ပြန်လည်နိုးကြွစေလိမ့်မည်ကို ငါမျှော်လင့်သည်။ ဤသည်မှာ ငါတို့အားလုံး၏ လိုအင်ဆန္ဒဖြစ်သည်။

ငါတို့လျှောက်လှမ်းသော လမ်းကြောင်းတစ်ခုလုံးအား ဘုရားသခင်မှ ဘိသိက်ပေးထားသည်။ ခြုံငုံ၍ ပြောရလျှင် ငါသည် ဤခရီးဆုံးသည့်တိုင်အောင် လျှောက်လှမ်းနိုင်မည် ဟုယုံကြည်သည်။ ဘုရားသခင်သည် ငါ့အပေါ် အမြဲပြုံးရွှင်၍ လက်တော်သည် ငါ့အား တစ်ချိန်လုံး ဦးဆောင်နေသလို ခံစားရသဖြင့် ငါဤသို့ပြောခြင်း ဖြစ်သည်။ ငါ့နှလုံးသားသည် မည်သည့်အကြောင်းကြောင့်မျှ အားပျော့ခြင်း မရှိ။ ဘုရားသခင်၏ အလုပ်ကို တာစူခြင်းသာ အမြဲရှိသည်။ ဘုရားသခင် ငါ့ကို အပ်နှင်းထားသမျှ ပြည့်စုံလာစေရန် ဆုတောင်းခြင်းဖြင့် ကြိုးစားလုပ်ဆောင်သည်။ ငါ့အတွက် ကိုယ်တော် သတ်မှတ်ထားခြင်းမရှိသော အလုပ်များကို ဝင်ဆွက်ခြင်း ငါလုံးဝမပြုပေ။ အဘယ်ကြောင့်ဆိုသော် တစ်ဦးကိုတစ်ဦး ဝင်ဆွက်မှုကင်းလျက် လူတိုင်း မိမိလမ်းကြောင်းကို လျှောက်လမ်းရမည် ဟုငါယုံကြည်သည်။ ဤသို့ ငါရှုမြင်သည်။ ပင်ကိုစရိုက်ကြောင့် ဤသို့ရှုမြင် ခြင်းလည်း ဖြစ်နိုင်သည်။ သို့ရာတွင် ငါ့ညီအစ်ကိုမောင်နှမများ ငါ့ကိုနားလည်၍ ခွင့်လွတ်မည်ကို ငါမျှော်လင့်သည်။ အဘယ်ကြောင့်ဆိုသော် ငါ့ခမည်းတော် ချမှတ်သော အမိန့်တော်ကို လွန်ဆန်ရန် ငါမဝံ့ရဲပေ။ ကောင်းကင်ဘုံရှင်၏ အလိုတော်ကို ဖီဆန်ရန် ငါမဝံ့ရဲပေ။ “ကောင်းကင်ဘုံရှင်၏ အလိုတော်ကို မဖီဆန်၍မရ” သည်ကို သင်တို့မေ့လျော့ နိုင်သလော။ ငါတစ်ကိုကောင်းဆန်လွန်း သည် ဟုလူအချို့ ထင်ကောင်းထင်မည်။ သို့သော် ဘုရားသခင်၏ စီမံခန့်ခွဲရေးအလုပ် တစ်ချို့ တစ်ဝက်ကို လုပ်ဆောင်ရန် ငါလာရခြင်းဖြစ်သည် ဟုငါယူဆသည်။ လူလူချင်း ဆက်ဆံမှုအတွက် ငါလာခြင်းမဟုတ်။ သူတစ်ပါးနှင့် ဆက်ဆံရေး ကောင်းသည့် နည်းနာကို ငါ အရှင်းတတ်မြောက် နိုင်မည် မဟုတ်ပေ။ သို့ရာတွင် ဘုရားသခင် ငါ့ကို အပ်နှင်းထားသည့် တာဝန်အတွက် ကိုယ်တော်၏ လမ်းညွန်မှု ရရှိထားကာ ဤတာဝန်ကို ကောင်းမွန်စွာထမ်းဆောင်နိုင်ရန် မိမိကိုယ်ကို ယုံကြည်ခြင်း နှင့် မဆုတ်မနစ်သောဇွဲကို ငါပိုင်ဆိုင်ထားသည်။ ငါသည် တစ်ကိုယ်ကောင်းဆန်ခြင်း ရှိပေမည်။ လူတိုင်း ဘုရားသခင်၏ ကိုယ်ကျိုးမဲ့ မေတ္တာကို ဦးစွာ ခံစားသိရှိနိုင်ကာ ကိုယ်တော်နှင့် ပူးပေါင်း ဆောင်ရွက်ကြစေရန် ငါဆန္ဒရှိသည်။ ဘုရားသခင် ဘုန်းတန်ခိုးအပြည့်အစုံဖြင့် ဒုတိယအကြိမ် ကြွလာသည်ကို စောင့်မျှော်နေခြင်း မဖြစ်စေလိုပေ။ ထိုသို့စောင့်မျှော်ခြင်းသည် မည်သူ့အတွက်မဆို မကောင်းလှပေ။ ဘုရားသခင် ကျေနပ်မှုရှိစေရန် ငါလုပ်သင့်သည့်အရာများကို ဖြစ်နိုင်သည့်နည်း အားလုံးဖြင့် လုပ်ဆောင်ရမည်ဟု ငါအမြဲတမ်း တွေးသည်။ ဘုရားသခင်သည် လူတစ်ဦးစီအား မတူညီသောတာဝန်များကို ခွဲအပ်ထားခြင်းဖြစ်ရာ ငါတို့သည် ပြည့်မည်အောင် ဆောင်ရွက်နိုင်ရေး ကို စဥ်စားရမည်။ သင်တို့သည် မိမိ မည်သည့် လမ်းကြောင်း၌ လျှောက်လှမ်းနေသည်ကို သိရှိ ရမည်။ ၎င်းကို သင်တို့ ရှင်းလင်းစွာ မသိရှိ၍ မဖြစ်ပေ။ သင်တို့သည် ဘုရားသခင် ကျေနပ်မှု ရှိစေလိုသည့် ဆန္ဒရှိလျက် အဘယ်ကြောင့် မိမိကိုယ်ကို ကိုယ်တော်အား ဦးစွာ မအပ်နှံကြသနည်း။ ငါသည် ဘုရားသခင်ကို ပထမဦးဆုံးအကြိမ် ဆုတောင်းခဲ့စဥ်က ငါ့နှလုံးသားကို ကိုယ်တော်အား ပုံအပ်ခဲ့သည်။ ငါစိတ်တုံးတုံးချ၍ ငါ့ဘေးတွင် ရှိနေသူများဖြစ်သည့် ငါ့မိဘ၊ ငါ့ညီအစ်မ၊ ငါ့ညီအစ်ကို၊ ငါ့အပေါင်းအသင်းများကို ငါ့စိတ်၏ နောက်ဘက်သို့ ခတ်လှန်းလှန်း တွန်းထုတ်ကာ ငါ့အတွက် သူတို့မရှိသည့်အလား ခံစားခဲ့ရသည်။ ထိုသို့ဖြစ်ခြင်းမှာ ငါ့စိတ်သည် ဘုရားသခင်၊ နှုတ်ကပတ်တော်၊ ဉာဏ်တော် နှင့်သာ အတူရှိနေပြီး ငါ့နှလုံးသား၏ ဦးပိုင်းနှင့် အလယ်ဗဟိုတွင် ထိုအရာများသာ လွှမ်းမိုးနေကာ ငါ့နှလုံးသားအတွက် တန်ဖိုးအရှိဆုံး အရာများဖြစ်လာသောကြောင့် ဖြစ်သည်။ သို့ဖြစ်ရာ ဘ၀အတွေးအခေါ် ပြည့်ဝသူများ အတွက် ငါသည် စိတ်လှုပ်ရှားမှုမရှိသော သွေးအေးသတ္တ၀ါ ဖြစ်နေပေမည်။ ငါ့အပြုအမူ၊ ငါလုပ်ကိုင်ပုံ၊ ငါလှုပ်ရှားပုံ မှန်သမျှ အားလုံးသည် သူတို့၏ နှလုံးသားကို ဆူးထိုးသည်။ ငါသည် အဖြေမရှိသော ပဟေဠိနှင့် တူသော လူတစ်ဦး ဖြစ်လာသည့်အလား သူတို့ငါ့ကို ထူးဆန်းစွာ ဝေ့ကြည့်ကြသည်။ လူတို့၏ စိတ်ထဲတွင် ငါ့ကို တိတ်တဆိတ် တိုင်းထွာနေကြသည်။ ငါလုပ်ဆောင်မည့် အရာကို သူတို့မသိကြပေ။ ထိုလူတို့၏ လှုပ်ရှားမှု တစ်ခုစီကြောင့် ရှေ့သို့ လှမ်းနေသော ငါ၏ခြေလှမ်းများကို အဘယ်သို့ရပ်တန့်ပေးနိုင် မည်နည်း။ သူတို့ ငါ့ကို မနာလိုခြင်း၊ စက်ဆုပ်ရွံရှာခြင်း၊ လှောင်ပြောင်ခြင်း ရှိကောင်းရှိမည်။ ကမ္ဘာတစ်ခုတွင် ဘုရားသခင်နှင့် ငါသာလျှင် ရှိ၍ အခြားသူ တစ်ဦးမျှ မရှိသည့်အလား ကိုယ်တော် ရှေ့မှောက်တွင် ငါဆုတောင်းနေဆဲ ဖြစ်သည်။ ပြင်ပအင်အားစုများသည် ငါ့အား အနီးကပ်ဖိနှိပ် ချုပ်ချယ်လျက် ရှိသည်။ သို့ရာတွင် ဘုရားသခင် ထံမှ နိုးကြွခြင်း ငါ့အတွင်း၌ နိုးထလာသည်ကို လည်း ငါခံစားနေရသည်။ ဤကဲ့သို့ ဘေးကျပ်နှံကျပ် ရှိနေစဥ် ဘုရားသခင် ရှေ့တော်မှောက်တွင် ငါဒူးထောက်လျက် - “အို ဘုရားသခင် - ကိုယ်တော်၏ အလိုတော်ကို ကျွန်တော်မျိုး မဆောင်ရွက် လိုသော ဆန္ဒ လုံးဝမရှိခဲ့ပါ။ ကျွန်တော်မျိုး အား ရှေ့တော်၌ ဂုဏ်ရှိ၍ ရွှေစင်ကဲ့သို့ အသိအမှတ် ပြုထားသော်လည်း အမှောင်ထုအင်အားစု အောက်မှ ကွန်တော်မျိုး လွန်မြောက်နိုင်စွမ်း မရှိပါ။ ကိုယ်တော့အတွက် တစ်သက်လုံး ဒုက္ခခံလို ပါ၏။ အမှုတော်ကို ကျွန်ုတော်မျိုး၏ တစ်သက်တာ အလုပ် ဖြစ်စေလိုပါ၏။ ကျွန်တော်မျိုး ကိုယ်တော်အား ဆက်ကပ်နိုင်ရန်အတွက် သင့်လျော်သော အနားယူမည့်နေရာတစ်ခု ပေးသနားတော်မူပါရန် တောင်းလျှောက် လိုပါ၏။ အို ဘုရားသခင် - ကျွန်တော်မျိုး ကိုယ်တော့ အတွက် ဆက်ကပ်အပ်နှံလိုပါ၏။ လူသား၏ အားနည်းချက်ကို ကိုယ်တော်ရှင် သိပါ၏။ သို့ပါလျက် အဘယ်ကြောင့် ကျွန်တော်မျိုးကို ကိုယ်တော်အား ဖူးမြင်ခွင့် ဖုံးကွယ်ရပါသနည်း။” နှင်းပန်းသည် လေညှင်းနောက်သို့ အမွှေးနှံကို ထုတ်လွင့်သော်လည်း သူ့အား မည်သူမျှ မသိသကဲ့သို့ ငါခံစားရသည်။ မိုယ်းကောင်းကင် ငိုကြွေး၍ ငါ့နှလုံးသားထဲတွင်မူ နာကျင်မှုကို သာ၍ခံစားနေရသကဲ့သို့ နှလုံးသားငိုကြွေးလျက် ရှိပါ၏။ အင်အားစု အားလုံးနှင့် လူသားမျိုးနွယ်ကို ဖမ်းချုပ်ထားခြင်းသည် မိုးတိမ်ကင်းစင်သောနေ့တွင် မိုးကြိုးပစ် သကဲ့သို့ ဖြစ်၏။ ငါ့နှလုံးသားကို မည်သူနားလည်နိုင် မည်နည်း။ ထိုကြောင့် ဘုရားသခင် ရှေ့တွင် ငါချဥ်းကပ်၍ ဆုတောင်းသည်မှာ - “အို ဘုရားသခင် - ညစ်ညမ်းသော ဤမြေတွင် အမှုတော်ဆောင်ရွက်ရန် နည်းလမ်း အလျင်းမရှိတော့ သလော။ အခြားလူတို့သည် ကူညီထောက်ပံ့မှုရှိ၍ နှိပ်စက်ညှင်းပန်းမှု ကင်းသော ပတ်ဝန်းကျင်၌ သက်တောင့်သက်သာ ရှိနေရလျက် ကိုယ်တော်၏ နှလုံးသားကို ညှာတာထောက်ထားမှု မရှိကြသနည်း။ ကျွန်တော်မျိုး အတောင်ဖြန့်သော်လည်း အဘယ်ကြောင့် အဝေးသို့ ပျံသန်းနိုင်ခြင်းမရှိရ သနည်း။ ကိုယ်တော် အသိအမှတ် မပြုသလော။” ဤအကြောင်း အရာပေါ်တွင် ရက်ပေါင်းများစွာ ငါငိုကြွေးခဲ့ရသည်။ သို့ရာတွင် ကျေကွဲသော ငါ့နှလုံးသားကို ဘုရားသခင် နှစ်သင့်လိမ့်မည် ဟုငါအမြဲ ယုံကြည်သည်။ ငါ၏ စိုးရိမ်ပူပန်မှု အနေအထားကို အစမှ အဆုံးတိုင်အောင် မည်သူမျှ နားလည် နိုင်မည် မဟုတ်ပေ။ ဘုရားသခင်ထံတော်မှ တိုက်ရိုက်သိမြင် နားလည်ခြင်း ဖြစ်ကောင်းဖြစ်ပေမည်။ အမှုတော်အတွက် ငါ့အောက်တွင် မီးတောက်မီးလျံ အမြဲ ရှိနေ၍ အသက်ရှုရန်ပင် အချိန်မရပေ။ ယနေ့ထက်ထိ ငါဆုတောင်းသည်မှာ - “အို ဘုရားသခင် - အလိုတော်ရှိလျှင် ကျွန်တော်မျိုး၏ နှလုံးသား ငြိမ်သက်ခြင်း အနည်းငယ်ရရှိ၍ ကိုယ်တော်အတွက် အနားယူသည့်နေရာတွင် ကျွန်တော်မျိုး နေထိုင်ခွင့်ရလျက်၊ အနှောင့်အယှက်မရှိ အမှုတော် ဆောင်ခွင့်ရကာ ကီုယ်တော်၏အမှုတော်မြတ်ကို အသက်ထက်ဆုံး ထမ်းရွက်နိုင်ရေးအတွက် ကျွန်တော်မျိုး၏ စိန်နှလုံးကို ငြိမ်းအေးစေနိုင်ရန် ကမ္ဘာပေါ်ရှိ တိုင်းနိုင်ငံတိုင်းနှင့် ဂိုဏ်းဂဏတိုင်းသို့ ထိုးဖောက်ပြီး စကြဝဠာ တစ်ပြင်လုံးပျံ့နှံ့စေမည့် သာ၍ကြီးသော အမှုတော်ကို ထမ်းဆောင်နိုင် အောင် ကျွန်တော်မျိုးအား လမ်းပြပို့ဆောင် တော်မူပါ။” ဤသည်မှာ ငါ့နှလုံးသားအတွင်းက တောင့်တမှုဖြစ်သည်။ ငါ့ညီအစ်ကို မောင်နှမများက ငါသည် မာနကြီး၍ မှောက်မာသည် ဟု ပြောကြမည် ဖြစ်သည်။ မှန်ကန်သည်ဟု ငါဝန်ခံသည်။ လူငယ်တို့သည် မာနကြီးခြင်းကို ပိုင်ဆိုင် ထားကြသည်။ ထိုကြောင့် မှန်ကန်သည်ကို ငါဆန့်ကျင်ခြင်းမပြု၊ အမှန်တရားကိုသာ ငါပြောဆို သည်။ လူငယ်တို့၏ ပင်ကိုရိုက်ကို ငါ၌ သင်တို့ တွေ့မြင်ရပေမည်။ သို့ရာတွင် အခြားလူငယ်များနှင့် ခြားနားသည့် အရာများကိုလည်း ငါ၌ သင်တို့ တွေ့မြင်နိုင်သည်။ ထိုအရာမှာ ငါ၏ တိတ်ဆိတ် ငြိမ်သက်ခြင်း နှင့် တည်ငြိမ်လေးနက်ခြင်း ဖြစ်သည်။ ငါသည် ဤအကြောင်းကို ရေးကြီးခွင့်ကျယ် လုပ်နေခြင်း မဟုတ်ပေ။ ငါ့ကိုငါသိသည်ထက် ဘုရားသခင် ငါ့ကို ပိုသိသည်ဟု ငါယုံကြည်သည်။ ဤစကားသည် နှလုံးသားထဲမှ စကားဖြစ်၍ ငါ့ညီအစ်ကို မောင်နှမများ ငါ့အား ပုတ်ခတ်ကြမည် အဟုတ်သည်ကို ငါမျှော်လင့်သည်။ ငါတို့အသက်တာ ပိုမိုလှပလာအောင် နှလုံးသားထဲက စကားကို ပြောဆို၍ ရည်မှန်းချက်တစ်ခုစီကို စေ့စေ့ကြည့်ပြီး ဘုရားသခင်ကိုချစ်သော ငါတို့၏ နှလုံးသားများ ယှဥ်ကာ ဘုရားသခင်ကို ငါတို့တီးတိုးပြောသည့် စကားကိုနားစွင့်လျက်၊ နှလုံးသားမှ အလှပဆုံး တေးသီချင်းများကို သီဆိုရင်း ငါတို့ဂုဏ်ယူသည့် ခံစာချက်များကို ဖေါ်ပြကြစို့။ အတိတ်ကာလ ကို မေ့ပစ်၍ အနာဂတ်ကာလကို ရှေ့ရှုလော့။ ဘုရားသခင်သည် ငါတို့အတွက် လမ်းကြောင်းဖွင့်ပေး လိမ့်မည်။

ယခင်က:လမ်းကြောင်း… (၅)

နောက်တစ်ခုသို့:ယုံကြည်သူများအနေဖြင့် မည်သည့်ရှုထောင့်အား ဆုပ်ကိုင်ထားသင့်သနည်း

သင်နှစ်သက်နိုင်သည့် အရာများ