အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ဒုစရိုက်အပြစ်များက လူကိုငရဲသို့ ပို့ဆောင်လိမ့်မည်

သင်တို့အားများစွာသော ကြိုတင်သတိပေးချက်များနှင့် များစွာသော သမ္မာတရားများကို သင်တို့အား သိမ်းပိုက်နိုင်စေဖို့ရန် ငါပေးအပ်ခဲ့ပြီး ဖြစ်ပေသည်။ ယနေ့တွင် သင်တို့သည် သင်တို့ယခင်က ပြုလုပ်ခဲ့သည့် အရာထက် သာ၍များစွာ ကြွယ်ဝနေသည်၊ လူတစ်ဦး၌ ဖြစ်နေသင့်သည့် နိယာမများစွာတို့အားလည်း နားလည်ထားသည်၊ သစ္စာရှိသော သူတစ်ယောက်၌ ရှိထားသင့်သည့် သာမန်အသိဉာဏ် များစွာကိုလည်း ရှိထားသည်ဟု ခံစားရပေမည်။ ထိုအရာတို့သည် ယခုတွင် သင်၌ နှစ်ပေါင်းများစွာမှ ရရှိလာသည့် အရာပင် ဖြစ်သည်။ သင်တို့၏ အောင်မြင်မှုများကို ငါမငြင်းလိုပါ၊ သို့သော်လည်း သင်တို့၏ မြောက်များလှသည့် နာမခံတတ်ခြင်း၊ နှစ်များစွာတိုင် ငါ့အား ပုန်ကန်ခြင်းတို့ကိုလည်း ငါမငြင်းလိုကြောင်းကို ပွင့်လင်းစွာ ငါပြောရပေမည်၊ အဘယ်ကြောင့်ဆိုသော် သင်တို့အထဲ၌ စင်ကြယ်သောသူ တစ်ယောက်မျှ မရှိဘဲ၊ သင်တို့သည် စာတန်အားဖြင့် ပျက်စီးယိုယွင်းသောသူဖြစ်ကြပြီး ခရစ်တော်၏ ရန်သူများပင် ဖြစ်ကြသောကြောင့်ဖြစ်သည်။ သင်တို့၏ ဒုစရိုက်အပြစ်များနှင့် လက်ရှိကာလထိတိုင်အောင် နာမခံမှုများက မရေတွက် နိုင်အောင်ပင် ရှိနေသောကြောင့်၊ ငါသည် သင်တို့၏ရှေ့မှောက်၌ မိမိကိုယ်ကိုယ် ထပ်ကျော့ပြန်နေရသည် မှာလည်း မထူးဆန်းလှပေ။ ဤကဲ့သို့သောနည်းဖြင့် သင်တို့နှင့်အတူ ငါအသက်မရှင်ချင်ပေ၊ သို့သော် သင်တို့၏ အနာဂတ်နှင့် သင်တို့၏ ခရီးဆုံးပန်းတိုင်ကြောင့်သာလျှင် ငါတစ်ကြိမ် ပြောကြားခဲ့ပြီးသည့် အရာကို ဤနေရာတွင် နောက်တစ်ဖန် ငါထပ်ပြောဦးမည်။ သင်တို့သည် ငါ၏အလိုကျ လုပ်ဆောင်ပေးမည်ဟု ငါမျှော်လင့်သည်၊ ထို့အပြင် ငါပြောသော စကားတိုင်းအားလည်း သင်တို့သည် ယုံကြည်နိုင် လိမ့်မည်ဟု ငါသည် သာ၍မျှော်လင့်ပေသည်၊ ထိုမျှမကပင်၊ ငါ၏ စကားတို့ကို နက်ရှိုင်းစွာ ဆင်ခြင်သုံးသပ် လိုက်လျှောက်မည်ဟု မျှော်လင့်သည်။ ငါပြောသည့်အရာကို သံသယမရှိနှင့်၊ သို့မဟုတ်ပါက၊ ငါသည်းမခံနိုင်သော အရာဖြစ်သည့် ငါပြောသည့် စကားတို့ကို သင်တို့ အလိုရှိသည်အတိုင်း ကောက်ယူခြင်း၊ စိတ်ကြိုက် လွင့်ပစ်ခြင်းများ သာ၍ မပြုနှင့်။ ငါ၏ စကားများကို ဝေဖန်ခြင်းမပြုနှင့်၊ ငါ၏ စကားများကို ပေါ့ပေါ့တန်တန် သဘောထားခြင်းကို သာ၍မပြုနှင့်၊ သို့မဟုတ် ငါသည်သင့်အား အစဉ်ပင် သွေးဆောင်နေသည်ဟု မပြောနှင့်၊ သို့မဟုတ် သင့်အား ငါပြောခဲ့ပြီးသော အရာတို့သည် တိကျမှန်ကန်မှု ကင်းမဲ့သည်ဟု သာ၍မပြောနှင့်။ ဤအရာများကို ငါသည်းမခံနိုင်ပေ။ သင်တို့သည် ငါနှင့် ငါပြောသောစကားများကို မခံယူခြင်း၊ သံသယများ ဖြင့် ဆက်ဆံခြင်း ပြုကြသောကြောင့် ငါသည် သင်တို့တစ်ဦးချင်းစီအား လေးလေးနက်နက် ပြောဆိုနေပါသည် - ငါပြောသော အရာများကို အတွေးအခေါ်ပညာနှင့် ဆက်အပ်စေခြင်း မပြုနှင့်၊ ဆရာယောင် သမားယောင်တို့၏ လိမ်ညာခြင်းများနှင့် ငါပြောသောအရာတို့ကို အတူထားရှိခြင်း မပြုနှင့်၊ ထို့အပြင် ငါ၏ စကားများကို မထီမဲ့မြင်ပြုခြင်းဖြင့် တုံ့ပြန်ခြင်း မပြုနှင့်။ အနာဂါတ်တွင် မည်သူတစ်ဦးတစ်ယောက်မျှ ငါသင်တို့ကို ပြောနေသော အရာများကို သင်တို့အား ပြောဆိုနိုင်ခြင်း ရှိမည်မဟုတ်၊ သို့မဟုတ် သင်တို့အား သနား ကြင်နာစွာဖြင့် ပြောဆိုခြင်း ရှိမည်မဟုတ်၊ ထို့ထက်မက စိတ်ရှည်စွာနှင့် သင်တို့အား ဤအချက်များ တစ်လျှောက် သာ၍ပင် လိုက်လျှောက် ပေးနိုင်မည်မဟုတ်။ ရောက်ရှိလာမည့် နေ့ရက်များသည် အချိန်အခါ ကောင်းများကို ပြန်လည်အမှတ်ရခြင်း သို့မဟုတ် ကျယ်လောင်စွာငိုကြွေးခြင်း၊ သို့မဟုတ် နာကျင်ခြင်း များဖြင့် ညည်းတွားနေရခြင်းဖြင့် ကုန်ဆုံးကြရမည် ဖြစ်သည်၊ သို့မဟုတ် သင်တို့သည် သမ္မာတရား သို့မဟုတ် အသက်၏ ထောက်ပံ့မှု စိုးစဉ်းမျှ မပါရှိဘဲနှင့် အမှောင်ညများတစ်လျှောက် အသက်ရှင်ရ လိမ့်မည်၊ သို့မဟုတ် သင်သည် မျှော်လင့်ချက် ကင်းမဲ့စွာနှင့်၊ သို့မဟုတ် သင်တို့သည် မဆင်ခြင်နိုင်သည် အထိပင် ထိုကဲ့သို့ ခါးသီးသော နောင်တရခြင်းနှင့် စောင့်မျှော်နေရလိမ့်မည်။ ဤအခြားသော ဖြစ်နိုင်ချေများသည် သင်တို့အထဲမှ လူတိုင်းနီးပါး မလွဲရှောင်နိုင်သည့် အရာများဖြစ်ပေသည်။ အကြောင်းမှာ သင်တို့ အထဲမှ မည်သူတစ်ဦး တစ်ယောက်မျှ သင်တို့ အမှန်တကယ် ကိုးကွယ်သည့် ဘုရားသခင်အား နေရာပေးခြင်း မရှိကြဘဲ၊ မကောင်းဆိုးဝါးအမှုနှင့် ကိုယ်ကျင့် သိက္ခာကင်းမဲ့သည့် လောကထဲ၌ ကိုယ်တိုင် ကျင်လည်နစ်မြုပ်ကာ၊ သင်တို့၏ ယုံကြည်ချက်များထဲသို့၊ ဝိညာဉ်များထဲသို့၊ ခန္ဓာကိုယ်များထဲသို့ အသက်နှင့် သမ္မာတရားနှင့် မည်သို့မျှ မစပ်ဆိုင်ဘဲ တကယ်တမ်းတွင်မူ ယင်းအရာများကို ဆီးတားသည့် များစွာသော အရာများကို ရောစပ်ကြလေသောကြောင့် ဖြစ်သည်။ ထို့ကြောင့် သင်တို့အတွက် ငါမျှော်လင့်သည့် အရာသည် အလင်း၏ လမ်းကြောင်းထဲသို့ သင်တို့အား ခေါ်ဆောင်လာရန်ပင် ဖြစ်သည်။ ငါ၏ တစ်ခုတည်းသော မျှော်လင့်ချက်မှာ သင်တို့သည် မိမိတို့ကိုယ်မိမိ စောင့်ရှောက်နိုင်ရန်၊ မိမိတို့ကိုယ်ကိုယ် ဂရုစိုက်နိုင်ရန်၊ သင်တို့၏ အကျင့် လက္ခဏာနှင့် ဒုစရိုက်အပြစ်များကို ဥပက္ခာပြုသည်အထိ သင်တို့၏ ခရီးဆုံးပန်းတိုင်ကို အလွန်တရာ အလေးအနက်ထားရှိခြင်း မပြုရန်ပင် ဖြစ်သည်။

ဘုရားသခင်ကို ယုံကြည်မူ အချိန်တန်ကြာရှိပြီးသော လူတွင် ယခု၌ ထိုသို့သော လှပသည့် ခရီးဆုံး ပန်းတိုင်အတွက် မျှော်လင့်ချက် ထားလာကြပြီး၊ ဘုရားသခင်ကို ယုံကြည်သော လူအားလုံးတို့သည် သူတို့အပေါ် ကောင်းမွန်သည့် ကံအကြောင်းတရားတို့ ရုတ်တရတ်ပင် ကျရောက်လာလိမ့်မည်ဟု ယုံကြည် တတ်ကြကာ၊ သူတို့အားလုံးသည် သူတို့ မသိလိုက်ခင်မှာပင် ကောင်းကင်ဘုံ၏ နေရာတစ်ခုမဟုတ် တစ်ခုတွင် ထိုင်နေရသည်ကို ငြိမ်းချမ်းစွာ တွေ့မြင်နိုင်မည်ဟု မျှော်လင့်ကြလေသည်။ သို့သော်လည်း ထိုသို့သော လှပသည့် အတွေးအမြင်များ ရှိထားကြသည့် ဤလူများက သူတို့သည် ကောင်းကင်ဘုံမှ ကျလာသော ထိုကဲ့သို့ ကောင်းမွန်သည့် ပေါများကြွယ်ဝခြင်းကို ခံယူရရှိနိုင်ရန်၊ သို့မဟုတ် ကောင်းကင်ဘုံ၌ ထိုင်ခုံတစ်နေရာတွင် ထိုင်ခွင့်ရရန်အတွက် အရည်အချင်း ပြည့်မီသည်၊ မပြည့်မီသည်တို့ကိုကား မည်သည့် အချိန်တွင်မျှ မသိရှိကြဟု ငါပြောမည်။ လက်ရှိတွင် သင်တို့၌ မိမိတို့ကိုယ်တိုင်နှင့် ပတ်သက်သည့် ကောင်းမွန်သော အသိပညာရှိသော်လည်း သင်တို့သည် နောက်ဆုံးသောကာလ၏ ကပ်ဆိုးများနှင့် ဆိုးသွမ်း သူတို့အား အပြစ်ဒဏ်ပေးသည့် အနန္တတန်ခိုးရှင်၏ လက်တော်ထဲမှ လွတ်မြောက်နိုင်မည်ဟု မျှော်လင့်ဆဲ ဖြစ်သည်။ ချိုသာသော အိပ်မက်များရှိခြင်းနှင့် သက်သာသည့် အသက်တာကို လိုလားတောင့်တခြင်းသည် စာတန်၏ ယိုယွင်းဖျက်ဆီးခြင်းကို ခံရပြီးသော လူအားလုံးတို့၏ ဘုံကြန်အင်လက္ခဏာ ဖြစ်ဘိသည့်အလား ထင်ရပြီး၊ ယင်းမှာ အချို့သော တစ်ဦးချင်း၏ ထူးခြားကြီးမားသည့် အချက်မျိုးမဟုတ်ပေ။ ထိုသို့တိုင် သင်တို့၏ ကောင်းချီးမင်္ဂလာများရရှိရန် စိတ်ထက်သန်လှခြင်းနှင့် လွန်ကဲလှသည့် အလိုဆန္ဒများတို့အား ငါသည် အဆုံးသတ်ချင်သေး၏။ သင်တို့၏ မြောက်များလှသော ဒုစရိုက်အပြစ်များနှင့် သင်တို့၏ မြောက်များလှသော နာခံမှုမရှိခြင်း၏ အချက်အလက်များသည် အစဥ်တစိုက် ကြီးထွားလျှက်ရှိနေသည်ကို ထောက်ကြည့်ပါက ဤအရာများသည် အနာဂတ်အတွက် သင်တို့၏ နှစ်သက်ဖွယ်ဖြစ်သော အသေးစိတ် စီမံချက်များနှင့် အဘယ်သို့လျှင် ကိုက်ညီနိုင်ပါမည်နည်း။ မှားယွင်းမှုထဲတွင် ရှိနေသည့်တိုင် သင့်ကို ချုပ်ထိန်း မည့်အရာ ဘာမျှမရှိဘဲ သင့်စိတ်ကြိုက် ထိုအတိုင်းသာ သွားချင်နေသော်လည်း အိပ်မက်များကို ပြည့်စုံလာ စေရန် ဆန္ဒရှိနေဆဲဆိုပါက၊ သင်၏ ယစ်မူးခြင်းတွင် ဆက်လက်ရှိနေရန်နှင့် မည်သည့်အခါမျှ မနိုးထရန် သင့်အား ငါတိုက်တွန်းသည်။ အကြောင်းမှာ သင်မက်သည့် အိပ်မက်သည် အခွံမျှသာဖြစ်ပြီး၊ ဖြောင့်မတ် သော ဘုရားသခင်နှင့် ရင်ဆိုင်ရသောအခါ ယင်းအိပ်မက်သည် သင့်အား ခြွင်းချက်တစ်ခုအနေနှင့် ဖြစ်စေ လိမ့်မည် မဟုတ်။ သင်၏အိပ်မက်များကို အမှန်တကယ် ဖြစ်လာစေချင်သည် ဆိုပါက၊ မည်သည့်အချိန်မျှ အိပ်မက်မမက်နှင့်၊ သမ္မာတရားကိုသာ ထာဝစဥ် ရင်ဆိုင်ပါ၊ အချက်အလက်များကိုသာ ရင်ဆိုင်ပါ။ ဤအရာသည် သင့်အား ကယ်တင်ရန် တစ်ခုတည်းသော နည်းလမ်းပင် ဖြစ်ပေသည်။ ဤနည်းလမ်း၏ အဆင့်များသည် လက်ဆုပ်လက်ကိုင် ပြနိုင်သော စကားရပ်များအရဆိုလျှင် အဘယ်အရာများနည်း။

ပထမအနေဖြင့်၊ သင်၏ ဒုစရိုက်အပြစ်များ အားလုံးကို စီစစ်ခန့်ခွဲပါ၊ ပြီးလျှင် သမ္မာတရားနှင့် မကိုက်ညီသော သင်၏ အပြုအမူနှင့် အတွေးများအားလုံးကို စစ်ဆေးပါ။

ဤအရာသည် သင်တို့ အလွယ်တကူ လုပ်ဆောင်နိုင်သည့် အရာပင်ဖြစ်ပြီး၊ တွေးတောတတ်သော သူတို့သည် ဤအရာကို လုပ်ဆောင်နိုင်သည်ဟု ငါယုံကြည်သည်။ သို့သော်ငြားလည်း၊ ဒုစရိုက်အပြစ်များနှင့် သမ္မာတရားဆိုသည်မှာ အဘယ်အရာကို ဆိုလိုသည်ကို မည်သည့်အချိန်တွင်မျှ မသိရှိသည့် ထိုလူများသည် ခြွင်းချက်ဖြစ်သည်၊ အကြောင်းမှာ အခြေခံအရဆိုလျှင် ထိုသူတို့သည် တွေးတောတတ်သော သူများ မဟုတ်ကြ၍ပင် ဖြစ်သည်။ ဘုရားသခင်၏ သဘောကျခြင်းခံရပြီးသော လူများ၊ ရိုးသားဖြောင့်မတ်သော လူများ၊ စီမံအုပ်ချုပ်ရေး အမိန့်ထုံးဖွဲ့ချက်များကို ပြင်းထန်စွာ ကျူးလွန်ခြင်းမရှိသော လူများနှင့် မိမိတို့၏ ဒုစရိုက် အပြစ်များကို အလွယ်တကူ ရှာတွေ့တတ်ကြသော လူများကို ငါပြောနေခြင်းဖြစ်သည်။ ဤအရာသည် သင်တို့ထံမှ ငါတောင်းဆိုသည့် သင်တို့အတွက် လွယ်ကူသောအရာပင် ဖြစ်သော်ငြားလည်း၊ ထိုအရာ တစ်ခုတည်းကိုသာ ငါတောင်းဆိုနေခြင်း မဟုတ်ပေ။ မည်သို့ပင် ဖြစ်စေကာမူ၊ ဤတောင်းဆိုချက်အား သင်တို့သည် တစ်ဦးတည်း တိတ်တဆိတ် ပြက်ရယ်ပြုလိမ့်မည် မဟုတ်ကြောင်း ငါမျှော်လင့်သည်။ သို့မဟုတ် ယင်းအရာကို ပေါ့ပေါ့တန်တန် သဘောထားခြင်း၊ အထင်အမြင် သေးခြင်းများ ပြုမည် မဟုတ်ကြောင်းကို သာ၍မျှော်လင့်သည်။ ယင်းအရာကို အလေးအနက်ထား ဆက်ဆံပါ၊ အရေးမပါ သကဲ့သို့ သဘောမထားနှင့်။

ဒုတိယအနေဖြင့်၊ သင်၏ ဒုစရိုက်အပြစ်များနှင့် မနာခံတတ်မှု တစ်ခုစီတိုင်းအတွက် ၎င်းတို့နှင့် လိုက်လျောညီထွေသော သမ္မာတရားကို ရှာကြံပြီးလျှင် ဤသမ္မာတရားများကို ၎င်းတို့အား ဖြေရှင်းရန် အသုံးပြုပါ။ ထို့နောက် သင်၏ ဒုစရိုက်လွန်ကျူသော ကျင့်ကြံပြုမူခြင်းများနှင့် မနာခံတတ်သော အတွေးများကို သမ္မာတရားအား လက်တွေ့ကျင့်ဆောင်ခြင်းနှင့် အစားထိုးပါ။

တတိယအနေဖြင့်၊ ရိုးသားဖြောင့်မတ်သောသူဖြစ်ပါ။ အမြဲတတ်သိ ကျွမ်းကျင်သောသူ၊ အမြဲ ကောက်ကျစ်သောသူ မဖြစ်ပါစေနှင့်။ (ငါသည်သင့်အား ရိုးသားဖြောင့်မတ်သောသူ တစ်ယောက် ပြန်ဖြစ်ရန် တောင်းဆိုနေခြင်း ဖြစ်သည်။)

သင်သည် ထိုအရာသုံးခုစလုံးအား ပြည့်စုံအောင် လုပ်ဆောင်နိုင်သည်ဆိုပါက သင်သည် ကံကောင်း ထောက်မသောသူဖြစ်ပြီး၊ အိပ်မက်များ ပြည့်စုံသောသူနှင့် ကောင်းမွန်သော ကြွယ်ဝမှုရရှိသူပင် ဖြစ်သည်။ သင်တို့သည် ဤနှစ်မြို့ဖွယ် မကောင်းသော တောင်းဆိုချက်သုံးခုအား လေးလေးနက်နက် ဆက်ဆံကောင်း ဆက်ဆံမည်၊ သို့မဟုတ် ယင်းတို့ကို လက်လွတ်စပယ် ဆက်ဆံကောင်း ဆက်ဆံနိုင်ပေမည်။ မည်သို့ပင် ဆက်ဆံသည် ဖြစ်စေ၊ ငါ၏ ရည်ရွယ်ချက်မှာ သင်တို့၏ အိပ်မက်များကို ပြီးပြည့်စုံစေရန်၊ လက်တွေ့ အသုံးပြုသောသူဖြစ်ရန်၊ သင်တို့အား အရူးမလုပ်ကြစေရန်နှင့် သင်တို့အား ပြက်ရယ် မပြုကြစေရန် ဖြစ်သည်။

ငါ၏ တောင်းဆိုချက်များသည် ရိုးရှင်းလှပေမည်၊ သို့သော် ငါသင်တို့ကို ပြောနေသည့် ထိုအရာသည် “တစ်အပေါင်းတစ်သည် နှစ်ဖြစ်သည်” ဟူသကဲ့သို့ ရိုးရှင်းလှသည့် အရာတော့မဟုတ်ပေ။ အကယ်၍ သင်တို့အားလုံး လုပ်ဆောင်သည့်အရာသည် ထိုအရာများကို ကြုံရာကျပန်း ပြောဆိုခြင်းဖြစ်ပြီး၊ ဗလာနတ္ထိဖြစ်ပြီး ကြီးကျယ်သည့် ထုတ်ပြန်ချက်များကိုသာ ရှည်ကြာစွာ လေလုံးထွားနေခြင်း ဖြစ်သည် ဆိုလျှင် သင်၏ အသေးစိတ်အစီအစဥ်များနှင့် သင်၏ဆန္ဒများသည် စာရွက်ဗလာအဖြစ်သာ ထာဝရ ရှိနေမည်ဖြစ်သည်။ သင်တို့အထဲမှ နှစ်ပေါင်းများစွာ ဒုက္ခခံပြီး ကြိုးစားလုပ်ပြီး ပြသစရာ မည်သည့်အရာမျှ မရှိသော ထိုသူများအတွက် သနားသောစိတ် ငါ့တွင် ရှိလိမ့်မည်မဟုတ်။ ပြောင်းပြန်အနေဖြင့်၊ ငါ၏ တောင်းဆိုချက်များကို ပြည့်မီခြင်း မရှိသော ထိုသူတို့အား အပြစ်ဒဏ်ခတ်ခြင်း၊ မည်သည့် ဆုလာဘ်မျှ မပေးခြင်းနှင့် ဆက်ဆံမည် ဖြစ်ပြီး မည်သည့် သနားခြင်းကရုဏာမျှ ရှိလိမ့်မည်မဟုတ်။ သင်တို့သည် နှစ်ပေါင်းများစွာ နောက်လိုက် တစ်ယောက်ဖြစ်ပြီး မည်သည့်ကိစ္စရပ်တွင်မဆို ကြိုးစားလုပ်ဆောင်ခဲ့သည့် အတွက် မည်သို့ပင်ဖြစ်စေ အစေခံသူတစ်ယောက် ဖြစ်သည့်အတွက် ဘုရားသခင်၏ အိမ်တော်တွင် ထမင်းတစ်ပန်းကန်တော့ ရရှိလိမ့်မည်ဟု တွေးထင်ကောင်း တွေးထင်ကြပေမည်။ သင်တို့ထဲမှ အများစုသည် ထိုကဲ့သို့ တွေးတောကြခြင်းမှာ သင်တို့သည် ယခုချိန်အထိ တစ်စုံတစ်ရာမှ မည်ကဲ့သို့ အခွင့်ကောင်း ယူနိုင်မည်နည်းနှင့် မည်သို့လျှင် အခွင့်ကောင်းယူခြင်း မခံရစေနိုင်မည်နည်းဟူသည့် နိယာမများကိုသာ အစဥ်အမြဲ ကြိုးထုတ်ခဲ့ကြခြင်း ကြောင့်သာဖြစ်ကြောင်း ငါပြောမည်။ ထို့ကြောင့် ယခုတွင် သင်တို့ကို ငါလေးနက်စွာ ပြောမည် - သင်၏ အလုပ်သည် မည်မျှပင် မွန်မြတ်လှသည်၊ သင်၏ အရည်အချင်းများသည် မည်မျှအထင်ကြီးစရာဖြစ်သည်၊ သင်သည် ငါ့နောက်သို့ မည်မျှ နီးကပ်စွာ လိုက်သည်၊ သင်သည် မည်မျှလောက် ဂုဏ်သတင်းကျော်ကြားသည်၊ သင်၏ အကျင့်စာရိတ္တသည် မည်မျှတိုးတက် မှုရှိသည်ကို ငါဂရုမစိုက်ပါ။ သင့်အား ငါတောင်းဆိုသည့် အရာကို သင်မလုပ်ဆောင်သရွေ့၊ သင်သည် ငါ၏ချီးမွမ်းခြင်းကို လုံးဝရရှိနိုင်မည် မဟုတ်ပေ။ သင်တို့၏ ထိုစိတ်ကူးများနှင့် တွက်ချက်မှုများကို စောနိုင်သမျှစောစော ပယ်ဖျက်ပြီး ငါ၏ တောင်းဆိုမှုကို လေးလေးနက်နက် စတင်လုပ်ဆောင်ပါ။ သို့မဟုတ်လျှင် ငါ၏အမှုကို အဆုံးသတ်စေရန်အတွက် လူအားလုံးတို့ကို ပြာအဖြစ်သို့ ပြောင်းလဲပစ်မည် ဖြစ်ပြီး၊ ငါ၏နှစ်ပေါင်းများစွာ လုပ်ဆောင်ချက်နှင့် ဒုက္ခဝေဒနာ ခံစားမူတို့အား ဗလာအဖြစ်သို့ ပြောင်းလဲ ပစ်မည် ဖြစ်သည်။ အကြောင်းမှာ ငါ၏ ရန်သူများနှင့် စာတန်၏ ပုံစံပေါ်တွင် ဆိုးသွမ်းမှု၏ အနံ့အသက် ထွက်နေသည့် လူများကို ငါ၏နိုင်ငံထဲသို့၊ နောက်လာမည့် ခေတ်ထဲသို့ မခေါ်ဆောင်နိုင်ပေ။

ငါ၌ မြောက်များစွာသော ဖြစ်မြောက်ချင်သည့် ဆန္ဒများရှိပေသည်။ သင်တို့သည် မိမိတို့ကိုယ်မိမိ သင့်တယ်လျောက်ပတ်ပြီး၊ မွန်မြတ်သည့် ဟန်ပင်အပြုအမှုအဖြစ် ကျင့်ကြံလိမ့်မည်အကြောင်းနှင့် သင်တို့၏ တာဝန်ကို ကျေပွန်ရန် သစ္စာရှိရန်၊ သမ္မာတရားနှင့် လူ့သဘောသဘာဝရှိရန်၊ ဘုရားသခင်အတွက် အရာ အားလုံးကို ပေးဆပ်နိုင်ပြီး သူတို့၏ အသက်တာကို ပေးဆပ်နိုင်သောသူ ဖြစ်စေရန်၊ အစရှိသည်တို့ကို ငါအလိုရှိသည်။ ထိုမျှော်လင့်ချက် အားလုံးတို့သည် သင်တို့၏ မပြည့်စုံခြင်း၊ သင်တို့၏ ယိုယွင်း ပျက်စီးခြင်း နှင့် မနာခံတတ်ခြင်းတို့တွင် အရင်းခံနေသည်။ သင်တို့နှင့် ငါပြောဆိုပြီးဖြစ်သည့် စကားပြောဆိုခြင်း တစ်ခုစီသည် သင်တို့၏ အာရုံစူးစိုက်မှုကို ရရှိနိုင်ရန် လုံလောက်သည့် အရာမဖြစ်ခဲ့လျှင်၊ ငါလုပ်နိုင်သည့် အရာသည် ထပ်၍ ဘာမျှမပြောရန်ပင် ဖြစ်ပေမည်။ သို့သော်ငြားလည်း ထိုအရာတို့၏ ရလဒ်တို့ကို သင်တို့ နားလည်ပါသည်။ ငါသည် မည်သည့်အခါမျှ ရပ်နားမှု မရှိသည့်အတွက်၊ အကယ်၍ ငါသည် မပြောဘဲ နေလျှင်၊ လူများကြည့်စရာ ဖြစ်စေရန် တစ်စုံတစ်ခုကို ငါလုပ်ဆောင်မည်ပင် ဖြစ်သည်။ လူတစ်ဦး တစ်ယောက်၏ လျှာပုပ်သွားစေရန်၊ သို့မဟုတ် အစိတ်အမွာမွာကွဲပြားကာ သေဆုံးစေရန်၊ တစ်ဦး တစ်ယောက်၏ အာရုံတို့ကို မူမမှန်ဖြစ်စေပြီးနှင့် ရူးနှမ်းသော လူတစ်ဦးကဲ့သို့ ပြုမူစေရန် ငါလုပ်နိုင်သည်။ သို့မဟုတ် အချို့သော သူများကို သူတို့အတွက် ငါမှ ပြင်ဆင်ပေးထားသည့် ညှဉ်းပန်းခြင်းများကို သည်းခံနိုင်စွမ်းရှိအောင် ငါပြုပေးနိုင်သည်။ ဤကဲ့သို့သော နည်းလမ်းဖြင့် ငါသည် ရွှင်လန်းခြင်း၊ အလွန် ဝမ်းမြောက်ခြင်းနှင့် ကြီးစွာသော ကျေနပ်အားရခြင်းသို့ ခံစားရမည်။ “ကောင်းသောအရာသည် ကောင်းသော အရာဖြင့် လည်းကောင်း၊ ဆိုးသွမ်းသောအရာသည် ဆိုးသွမ်းသောအရာဖြင့်လည်းကောင်း ပြန်လည် ပေးဆပ် စေစမြဲ ဖြစ်သည်”ဟူ၍ အမြဲဆိုခဲ့ကြသည်၊ မည်သည့်အတွက်ကြောင့် ယခုအချိန်ကာလတွင်လည်း မဖြစ်ရလေ မည်နည်း။ သင်သည် ငါ့အား ဆန့်ကျင် တိုက်ခိုက်ကာ၊ ငါ့အား ဝေဖန်ပြစ်တင်မှုအချို့ ပြုလုပ်မည် ဆိုပါက၊ ငါသည် သင်၏နှုတ်ကို ပုပ်စေမည်ဖြစ်ပြီး၊ ထိုအရာက ငါ့ကို အဆုံးမရှိတိုင် စိတ်ချမ်းသာ ကြည်နူးစေမည် ဖြစ်သည်။ အဘယ်ကြောင့်ဆိုသော် အဆုံး၌ သင့်တွင် သမ္မာတရားနှင့် စပ်ဆိုင်သောအရာ ဘာမျှမရှိ၊ အသက် နှင့်စပ်ဆိုင်သော အရာဆိုလျှင် သာ၍ပင် မရှိဘဲ ထိုစဥ်တွင် ငါပြုသမျှသော အရာခပ်သိမ်းသည် သမ္မာတရား ဖြစ်ပြီး၊ ခပ်သိမ်းသော အရာတို့သည် ငါချမှတ်ခဲ့သော စီမံအုပ်ချုပ်ရေး အမိန့်ထုံးဖွဲ့ချက်များ၊ ငါ့အလုပ်၏ နိယာမများနှင့် ဆက်စပ်နေသည့် အတွက်ကြောင့် ဖြစ်သည်။ ထို့ကြောင့် သင်တို့ အယောက်စီတိုင်း၌ မွန်မြတ်သော အကျင့်တို့ကို စုဆောင်းထားရန်၊ မကောင်းသော အမှုအရာတို့အား များစွာ လုပ်ဆောင်ခြင်းကို ရပ်တန့်ရန်နှင့် ငါ၏တောင်းဆိုချက်များကို သင်၏ အားလပ်သည့် အချိန်တွင်သာ သတိပြုရန် ငါတိုက်တွန်း သည်။ ဤသို့ဆိုလျှင် ငါသည် ရွှင်လန်း ဝမ်းမြောက်ခြင်းကို ခံစားရမည်ဖြစ်သည်။ သင်တို့သည် ဇာတိ ပကတိထဲသို့ သင်ထည့်သည့် ကြိုးပမ်းအားထုတ်မှု၏ အပုံတစ်ထောင်ပုံလျှင် တစ်ပုံမျှပင် သမ္မာတရားထံ ထည့်ဝင်မည် (သို့မဟုတ် ပေးလှူမည်)မည် ဆိုပါက၊ သင်၌ မကြာခဏ ဒုစရိုက်အပြစ်များနှင့် ပုပ်နေသည့် နှုတ်တို့ ရှိမည်မဟုတ်ကြောင်း ငါပြောမည်။ ဤအရာမှာ သိသာထင်ရှားသည် မဟုတ်လော။

သင်၌ ဒုစရိုက်အပြစ်များ သာ၍များလေလေ၊ ကောင်းမွန်သည့် ခရီးဆုံး ပန်းတိုင်ကို သင်ရရှိနိုင်မည့် အခွင့်အရေးများ သာ၍နည်းလေလေ ဖြစ်မည်။ အပြန်အလှန်အားဖြင့်၊ သင်၌ ဒုစရိုက်အပြစ် နည်းပါး လေလေ၊ ဘုရားသခင်၏ ချီးမွမ်းခြင်းကို သင်ခံရရန် အခွင့်အလမ်း ပိုများလေလေပင် ဖြစ်သည်။ သင့်အား ခွင့်လွှတ်ပေးရန် အတွက်ပင် မဖြစ်နိုင်လောက်တော့သည့် အနေထားအထိ သင်၏ ဒုစရိုက်အပြစ်များ တိုးပွား လာမည် ဆိုပါက၊ သင်သည် ခွင့်လွှတ်ခြင်း ခံရမည့် သင်၏ အခွင့်အရေးများကို လုံးလုံးလျားလျား ဖြုန်းပစ် လိုက်ပြီး ဖြစ်ပေလိမ့်မည်။ ထိုသို့ဆိုပါက သင်၏ ခရီးဆုံး ပန်းတိုင်သည် အထက်အရပ် မဟုတ်ဘဲ အောက်အရပ် ဖြစ်သွားလိမ့်မည် ဖြစ်သည်။ သင်သည် ငါ့အား မယုံကြည်ပါက၊ ရဲရင့်စွာဖြင့် အမှားများကို လုပ်ဆောင်ပါ၊ ၎င်းသည် သင့်အား အဘယ်အရာ ပေးသည်ကို ကြည့်ပါ။ သင်သည် သမ္မာတရားကို လက်တွေ့ ကျင့်သုံးသော စိတ်ထက်သန်သည့် လူတစ်ယောက်ဆိုလျှင်၊ သင်၏ ဒုစရိုက်အပြစ်များအတွက် ခွင့်လွှတ်ခြင်း ရနိုင်မည့် အခွင့်အလမ်းကို ရရှိမည်ဖြစ်ပြီး၊ သင်၏ နာမခံတတ်မှု အရေအတွက် တို့သည်လည်း နည်းသည်ထက် နည်းပါးလာမည် ဖြစ်သည်။ သင်သည် သမ္မာတရားကို လက်တွေ့ကျင့်သုံးရန် စိတ်မပါသော သူဖြစ်လျှင်၊ ဘုရားသခင်၏ ရှေ့တော်၌ သင်၏ ဒုစရိုက်အပြစ်များသည် ဧကန်ပင် တိုးပွားလိမ့်မည်ဖြစ်ပြီး၊ သင်၏ နာခံမှုမရှိသည့် အရေအတွက်သည်လည်း အဆုံးတွင် သင့်ကို လုံးလုံးလျားလျားပင် ဖျက်ဆီးသွား သည့် အခိုက်အတန့်အထိ သာ၍ သာ၍ တိုးပွားများပြားကာ၊ ထိုအချိန်သည် သင်၏ ကောင်းချီးများ ရရှိမည့် ကြည်နူးဖွယ် အိပ်မက်သည်လည်း ပျက်စီးသွားမည့် အချိန်ဖြစ်သည်။ မိုက်မဲသောသူနှင့် မရင့်ကျက်သော သူတစ်ယောက်၏ အမှားများအဖြစ် သင်၏ဒုစရိုက်အပြစ်များကို မမှတ်ယူပါနှင့်၊ သမ္မာတရားကို သင်သည် လက်တွေ့မကျင့်သုံးရခြင်းမှာ သင်၏ နည်းပါးသော အရည်အချင်းက ယင်းကို လက်တွေ့ကျင့်သုံးရန် မဖြစ် နိုင်အောင် ပြုလုပ်ထားသည်ဆိုသည့် ဆင်ခြေကို အသုံးမပြုနှင့်၊ ထို့ထက်ပို၍ သင်ပြစ်မှားကျူးလွန်ခဲ့သည့် ဒုစရိုက်အပြစ်များကို ဘာကိုမျှ ရေရေရာရာ မသိသော လူတစ်ယောက်၏ ပြုမူချက်များအဖြစ် ရိုးစင်းစွာ မသတ်မှတ်နှင့်။ သင်သည် မိမိကိုယ်ကိုယ် ခွင့်လွှတ်ခြင်းအရာတွင် တော်ပြီး၊ မိမိကိုယ်ကိုယ် ရက်ရောရာတွင် လည်း တော်နေသည် ဆိုပါက၊ သင်သည် သမ္မာတရားကို မည်သည့်အခါမျှ ရရှိမည်မဟုတ်သည့် သူရဲဘော ကြောင်သောသူဖြစ်ကြောင်း ငါပြောမည်၊ ပြီးလျှင် သင်၏ ဒုစရိုက်အပြစ်များက သင့်အား ခြောက်လှန့်ခြင်း ကို မည်သည့်အခါမျှ ရပ်စဲလိမ့်မည်မဟုတ်ဘဲ၊ သင့်အား သမ္မာတရား၏ တောင်းဆိုမှုများကို ပြည့်မီခြင်းမှ ထိန်းသိမ်းထားကာ၊ စာတန်၏ သစ္စာရှိသော ထာဝရ အပေါင်းအဖော်အဖြစ် သင့်အား ဖြစ်သွားစေမည်ပင် ဖြစ်သည်။ သင့်အတွက် ငါ၏အကြံပေးချက်မှာ - သင်၏ခရီးဆုံး ပန်းတိုင်တစ်ခုတည်းတွင်သာ အာရုံထားပြီး သင်၏ ဖုံးကွယ်ထားသည့် ဒုစရိုက်အပြစ်များကို လျစ်လျုရှုမထားပါနှင့်။ သင်၏ ဒုစရိုက်အပြစ်များကို အလေးအနက် မှတ်ယူပါ။ သင်၏ခရီးဆုံး ပန်းတိုင်ကို စိတ်ပူပန်သောအားဖြင့် သင်၏ ဒုစရိုက်အပြစ်များ အားလုံးတို့ကို သတိမထားမိအောင် မဖြစ်စေပါနှင့်။

ယခင်က:သတိပေးချက် ၃ ချက်

နောက်တစ်ခုသို့:ဘုရားသခင်၏ စိတ်နေသဘောထားကို နားလည်ရန် လွန်စွာအရေးကြီး၏

သင်နှစ်သက်နိုင်သည့် အရာများ