၁ ကျွန်ုပ် အဘယ်ကြောင့် မနိုးထသနည်း။ အဆင့်အတန်းနှင့် နာမည်ကို ရှာဖွေရာတွင် အရာရာကိုသာ ကျွန်ုပ် စိုက်ထုတ်ပေ။ အလုပ်နှင့် တရားဟောခြင်းအပေါ်သို့သာ ကျွန်ုပ် အာရုံစိုက်ခဲ့သော်လည်း၊ ဘုရားသခင်၏ နှုတ်ကပတ်တော်များကို ကျွန်ုပ် လက်တွေ့မလုပ်ဆောင်ခဲ့သလို မတွေ့ကြုံခဲ့ပေ။ ကျွန်ုပ် အဘယ်ကြောင့် မနိုးထသနည်း။ ဆုလာဘ်များအတွက်သာ ကျွန်ုပ် အလုပ်ကြိုးစားခဲ့။ လွန်ကဲသော စိတ်ဆန္ဒများနှင့် တောင်းဆိုချက်များ အပြည့်ဖြင့်၊ ကျွန်ုပ် အလွန် တစ်ကိုယ်ကောင်းဆန်ကာ စက်ဆုပ်စရာဖြစ်ခဲ့။ ကြိမ်ဖန်များစွာ ဘုရားသခင်၏ နှုတ်ကပတ်တော်များက ကျွန်ုပ်ကို အော်ခေါ်ခဲ့၊ ကျွန်ုပ်၏ စိတ်နှလုံးကို ခိုင်မာစေခဲ့ကာ မသိကျိုးကျွန်ပြုခဲ့ပေ။ ကျွန်ုပ်၏ စိတ်နှလုံးက တစ်ကိုယ်ကောင်း ဆန္ဒများဖြင့် ပြည့်ခဲ့၊ ဘုရားသခင်၏ တိုက်တွန်းမှုများကို အဘယ်သို့ ကျွန်ုပ် သတိပြုနိုင်မည်နည်း။ အို ဘုရားသခင်။ ကျွန်ုပ်၏ လုပ်ရပ်များက ကိုယ်တော်ကို အလွန် အကြီးအကျယ် နာကျင်စေပြီ။ ကိုယ်တော်၏ မျက်မှောက်တော်ထဲတွင် ကိုယ်တော်၏ ချစ်ခြင်းမေတ္တာကို မွေ့လျော်ရင်း အသက်ရှင်ဖို့ ကျွန်ုပ် အလွန်ရှက်မိပေ။ အတိတ်ကအရာများအပေါ် ပြန်ကြည့်ဖို့ ကျွန်ုပ် မခံနိုင်၊ ယင်းတို့က ကျွန်ုပ်၏ ပုန်ကန်မှုနှင့် အကျည်းတန်မှု သက်သက်ဖြစ်ပေ။ ကျွန်ုပ် မာနထောင်လွှားခဲ့၊ မိမိကိုယ်ကိုယ် အလွန်အရေးတယူပြု ကာ၊ အကြောင်းမဲ့သက်သကနှင့် မဆင်မခြင် ပြုခဲ့ပေ၊ ကျွန်ုပ်၏ ဆိုးယုတ်သော စိတ်သဘောထားကို ကျွန်ုပ် လွတ်လပ်စွာပြုမူခွင့်ပေးမိခဲ့။ ကျွန်ုပ်၏ ကျူးလွန်မှုများက ကျွန်ုပ်၏ အသိစိတ်ကို ခြောက်လှန့်သည်၊ ကျွန်ုပ်၏ ဝန်ချခြင်းများမှတဆင့် ကျွန်ုပ် ငိုကြွေးပေ၊ ကျွန်ုပ်၏ ဆုံးရှုံးခဲ့သော အချိန်အတွက် မည်သို့ ကျွန်ုပ် အစားထိုးပေးဆပ်နိုင်မည်နည်း။

၂ တရားစီရင်ခြင်းမှတဆင့်သာ ကျွန်ုပ် သူတော်ကောင်းယောင်ဆောင်သူတစ်ဦးဖြစ်ခဲ့သည်ကို မြင်နိုင်ခဲ့ပေသည်။ မပျောက်ပျက်သော ချစ်ခြင်းကို ကြိမ်ဖန်များစွာ ကျွန်ုပ် သစ္စာဆိုခဲ့သော်လည်း၊ စမ်းသပ်မှုတစ်ခု၏ စစ်ဆေးမှုကို ကျွန်ုပ် မခံရပ်နိုင်ခဲ့။ လူသစ်တစ်ဦး ကျွန်ုပ် ဖြစ်လာပြီဟု ကြွေးကြော်ရင်း၊ ကြိမ်ဖန်များစွာ ကျွန်ုပ် နောင်တရကာ ဆုတောင်းခဲ့သော်လည်း မုသားတစ်ခု ဖြစ်ခဲ့ပေ။ တရားစီရင်ခြင်းမှတဆင့်သာ သမ္မာတရားကို လက်တွေ့လုပ်ဆောင်ခြင်းမရှိဘဲ နောက်ဆုံးတွင် ကျွန်ုပ် ဖော်ထုတ်ခံရမည်ဆိုသည်ကို ရှင်းရှင်းလင်းလင်း ကျွန်ုပ် မြင်ခဲ့ရ။ ဒုက္ခခံစားရသည့် အတွေ့အကြုံများမှတဆင့် ကျွန်ုပ် နက်နက်ရှိုင်းရှိုင်း နောင်တရခဲ့၊ ကျွန်ုပ်၏ နက်ရှိုင်းသော ဖောက်ပြန်ပျက်စီးခြင်းနှင့် လူ့သဘာဝ ကျွန်ုပ် ကင်းမဲ့သည်ကို ကျွန်ုပ် စက်ဆုပ်မုန်းတီးလာခဲ့ပေ။ ဘုရားသခင်၏ ရှေ့မှောက်တွင် ကျွန်ုပ် လဲကျသည်၊ နောင်တအပြည့်ဖြစ်ပေ၊ ဘုရားသခင်၏ စိတ်နှလုံးကို နှစ်သိမ့်ဖို့ ကျွန်ုပ် မိမိကိုယ်ကိုယ် အသစ်ဖြစ်စေမည်။ အို ဘုရားသခင်။ ကျွန်ုပ်၏ လုပ်ရပ်များက ကိုယ်တော်ကို အလွန် အကြီးအကျယ် နာကျင်စေပြီ။ ကိုယ်တော်၏ မျက်မှောက်တော်ထဲတွင် ကိုယ်တော်၏ ချစ်ခြင်းမေတ္တာကို မွေ့လျော်ရင်း အသက်ရှင်ဖို့ ကျွန်ုပ် အလွန်ရှက်မိပေ။ ကျွန်ုပ်၏တာဝန်ကို ကောင်းကောင်းမွန်မွန် ဖြည့်ဆည်းခြင်း၌ ကျွန်ုပ်၏ စိတ်နှလုံးကို ထားရှိဖို့သာ ကျွန်ုပ် ဆန္ဒရှိပေ။ ကျွန်ုပ် မိမိကိုယ်ကိုယ် ကိုယ်တော်၏ လက်တော်ထဲ ထားကာ၊ ကိုယ်တော်၏ စီစဉ်မှုများနှင့် အုပ်စိုးမှုတို့ကို နာခံဖို့ ဆန္ဒရှိပေ။ သမ္မာတရားကို လက်တွေ့လုပ်ဆောင်ဖို့ ကျွန်ုပ် စိတ်ဆုံးဖြတ်၊ ရှေ့လမ်းတွင် အလှည့်အပြောင်းများ ရှိပါစေ၊ အဆုံးထိ ကိုယ်တော့်နောက်လိုက်ဖို့ ကျွန်ုပ် စိတ်ပိုင်းဖြတ်ပေ။