အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှဂန္တဝင်နှုတ်ကပတ်တော်များ

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

၁၁။ သမ္မာတရား၏ စစ်မှန်မှုထဲသို့ ဝင်ရောက်ခြင်းနှင့် ပတ်သက်သည့် ဂန္တဝင် နှုတ်ကပတ်တော်များ

(၁၄) တရားစီရင်ခြင်းနှင့် ပြစ်တင်ဆုံးမခြင်း၊ စမ်းသပ်မှုများနှင့် စစ်ဆေးမှုများကို မည်သို့မည်ပုံဖြတ်သန်းရန်နှင့် ပတ်သက်သည့် နှုတ်ကပတ်တော်များ

၁၇၃။ ဘုရားသခင်အပေါ် လူသား၏ အခြေအနေ၊ သူ၏ စိတ်သဘောထားနှင့် ရင်ဆိုင်ရသည်နှင့်အညီ၊ ဘုရားသခင်သည် အမှုသစ်ကို ဆောက်ရွက်ခဲ့ပြီး၊ သူ့အပေါ်သိခြင်းနှင့် နာခံခြင်း၊ ချစ်ခြင်းနှင့် သက်သေခံခြင်း နှစ်ခုစလုံး ပိုင်ဆိုင်ရန် လူသားကို ခွင့်ပြုသည်။ ထို့ကြောင့် လူသားသည် သူ့အပေါ် ဘုရားသခင်၏ စစ်ဆေးခြင်း၊ တရားစီရင်ခြင်း၊ သူ့အပေါ် ကိုင်တွယ်ဆုံးမခြင်းနှင့် ပြုပြင်ခြင်းတို့ကို ကြုံတွေ့ရမည်၊ ထိုအရာကိုမကြုံတွေ့ဘဲ လူသားသည် ဘုရားသခင်ကို ဘယ်တော့မျှ သိမည်မဟုတ်၊ ဘုရားသခင်ကို သက်သေခံခြင်းနှင့် စစ်မှန်စွာ ချစ်ခြင်းကို ဘယ်တော့မျှ တတ်စွမ်းနိုင်လိမ့်မည်မဟုတ်ပေ။ လူသားအပေါ် ဘုရားသခင်၏ စစ်ဆေးခြင်းသည် တစ်ဖက်သတ် အကျိုးသက်ရောက်မှုအတွက် သက်သက်သာမဟုတ်ဘဲ ရှုထောင့်များစွာ အကျိုးသက်ရောက်မှုအတွက် ဖြစ်သည်။ ဤနည်းအားဖြင့်သာလျှင် လူသား၏သန္နိဌာန်နှင့် ချစ်ခြင်းက ဘုရားသခင်၏ စုံလင်အောင်ပြုခြင်းကို ခံရဖို့အလို့ငှာ ဘုရားသခင်သည် သမ္မာတရားကို ရှာဖွေရန် ဆန္ဒရှိသူများတွင် စစ်ဆေးခြင်းအမှုကို ဆောင်ရွက်လေသည်။ သမ္မာတရားကို ရှာဖွေရန် ဆန္ဒရှိသူများနှင့် ဘုရားသခင်ကို တောင့်တသူများအဖို့ ဤသို့သော စစ်ဆေးခြင်းထက် ဘယ်အရာကမျှ ပို၍အဓိပ္ပာယ်မရှိ၊ သို့မဟုတ် ပို၍ကြီးမားသော အထောက်အပံ့မဖြစ်ပေ။ ဘုရားသခင်၏ စိတ်သဘောထားကို လူသားဘက်မှ လွယ်လင့်တကူ မသိ၊ သို့မဟုတ် နားမလည်ပေ၊ အကြောင်းမှာ အဆုံးတွင် ဘုရားသခင်သည် ဘုရားသခင်ဖြစ်သောကြောင့် ဖြစ်သည်။ အားလုံးခြုံငုံပြီး စဉ်းစားလိုက်သော်၊ ဘုရားသခင်၌ လူသားကဲ့သို့ တူညီသော စိတ်သဘောထားရှိရန် မဖြစ်နိုင်ပေ၊ ထို့ကြောင့် လူသားအတွက် ဘုရားသခင်၏ စိတ်သဘောထားကို သိရှိရန် မလွယ်ကူပေ။ သမ္မာတရားသည် လူသားက ပင်ကိုအားဖြင့် ပိုင်ဆိုင်သည့် အရာမဟုတ်ပေ၊ ထို့ပြင် စာတန်အားဖြင့် ဖျက်ဆီးခြင်းခံရသော လူများက အလွယ်အကူ နားမလည်နိုင်ပါ။ လူသားတွင် သမ္မာတရား လုံးဝမရှိသလို၊ သမ္မာတရားကို လက်တွေ့လုပ်ဆောင်ရန် သန္နိဌာန်လည်း လုံးဝမရှိပေ။ အကယ်၍ သူသည် ဒုက္ခဝေဒနာမခံစားလျှင်၊ စစ်ဆေးခြင်းနှင့် တရားစီရင်ခြင်း မခံရလျှင်၊ သူ၏သန္နိဌာန်သည် ဘယ်တော့မျှ စုံလင်အောင်ပြုခြင်းကို ခံရမည်မဟုတ်ပေ။ လူများအားလုံးအတွက် စစ်ဆေးခြင်းသည် ဝေဒနာပြင်းထန်ပြီး၊ လက်ခံရန် အင်မတန် ခက်ခဲသည်၊ သို့သော်လည်း ဘုရားသခင်သည် လူသားအတွက် သူ၏ဖြောင့်မတ်ခြင်း စိတ်သဘောထားကို ပေါ်လွင်စေပြီး၊ လူသားအတွက် သူ၏သတ်မှတ်ချက်များကို လူသိရှင်ကြားလုပ်ကာ၊ ပို၍ဉာဏ်အလင်းပွင့်ခြင်း၊ ပို၍ စစ်မှန်သော ပြုပြင်ခြင်းနှင့် ကိုင်တွယ်ဆုံးမခြင်းကို ထောက်ပံ့ပေးသည်မှာ စစ်ဆေးစဉ်အတွင်းဖြစ်ပေသည်။ ဖြစ်ရပ်မှန်အချက်များနှင့် သမ္မာတရားကြား နှိုင်းယှဉ်ခြင်းအားဖြင့် သူသည် လူသားကို သူကိုယ်တိုင် သာ၍ ကြီးမားသော အသိပညာနှင့် သမ္မာတရားကို ပေးပြီး၊ လူသားကို ဘုရားသခင်၏ အလိုတော်နှင့်ပတ်သက်၍ ပို၍ကြီးမားသော နားလည်ခြင်းကို ပေးသည်၊ ဤသို့ဖြင့် ဘုရားသခင်အပေါ် ပို၍စစ်မှန်ပြီး ပို၍ဖြူစင်သော ချစ်ခြင်းမေတ္တာရှိစေရန် ခွင့်ပြုသည်။ ထိုအရာတို့မှာ စစ်ဆေးခြင်းကို ဆောက်ရွက်ရာတွင် ဘုရားသခင်၏ ရည်ရွယ်ချက်များဖြစ်သည်။ လူသားအပေါ် ဘုရားသခင်ဆောင်ရွက်သည့် အမှုအားလုံးတွင် ကိုယ်ပိုင်ရည်ရွယ်ချက်များနှင့် အရေးပါမှုတို့ရှိသည်။ ဘုရားသခင်သည် အဓိပ္ပာယ်မရှိသောအမှုကို မဆာင်ရွက်သကဲ့သို့၊ လူသားအပေါ် အကျိုးမရှိသည့်အမှုကိုလည်း မဆောင်ရွက်ပေ။ စစ်ဆေးခြင်းဟူသည်မှာ ဘုရားသခင်ရှေ့မှောက်မှ လူများအား ရှင်းထုတ်ခြင်းကို မဆိုလိုသကဲ့သို့၊ သူတို့ကို ငရဲတွင် ဖျက်ဆီးခြင်းကိုလည်း မဆိုလိုပေ။ ဤအရာသည် စစ်ဆေးစဉ်အတွင်း လူသား၏ စိတ်သဘောထားကို ပြောင်းလဲခြင်း၊ သူ၏ စိတ်ဓာတ်လှုံ့ဆော်မှုများ၊ သူ၏ အမြင်ဟောင်းများကို ပြောင်းလဲပေးခြင်း၊ ဘုရားသခင်အတွက် သူ၏ချစ်ခြင်းကို ပြောင်းလဲပေးခြင်းနှင့် သူ၏ဘဝတစ်ခုလုံး ပြောင်းလဲပေးခြင်းတို့ကို ဆိုလိုသည်။ စစ်ဆေးခြင်းသည် လူသားအပေါ် စစ်မှန်သော စမ်းသပ်မှုနှင့် စစ်မှန်သော လေ့ကျင့်မှုပုံစံဖြစ်ပြီး၊ စစ်ဆေးစဉ်အတွင်း၌သာ သူ၏ချစ်ခြင်းသည် ၎င်း၏ ပင်ကိုတာဝန်ဝတ္တရားကို ထမ်းဆောင်နိုင်ပေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “စစ်ဆေးခြင်းကိုကြုံတွေ့မှသာလျှင် လူသားများသည် ဘုရားသခင်ကို အမှန်တကယ်ချစ်နိုင်” မှ

၁၇၄။ ဘုရားသခင်၌ သူတို့၏ ယုံကြည်ခြင်းတွင် လူတို့ ရှာဖွေကြသည့်အရာမှာ အနာဂတ်အတွက် ကောင်းချီးမင်္ဂလာများကို ရရှိရန်ဖြစ်သည်၊ ဤသည်မှာ သူတို့၏ ယုံကြည်ခြင်းထဲက သူတို့၏ ရည်ရွယ်ချက်ဖြစ်သည်။ လူအပေါင်း၌ ဤရည်ရွယ်ချက်နှင့် မျှော်လင့်ချက် ရှိကြသည်။ သို့သော်လည်း သူတို့၏သဘာဝဗီဇအတွင်းမှ ဖောက်ပြန်ပျက်စီးခြင်းကို စမ်းသပ်မှုများအားဖြင့် ဖြေရှင်းရမည်ဖြစ်သည်။ သင်တို့အနေဖြင့် သန့်စင်စေခြင်း မခံရသေးသော မည်သည့်ကဏ္ဍများတွင်မဆို ယင်းကဏ္ဍများ၌ စစ်ဆေးခြင်းကို သင်ခံရမည်၊ ဤသည်မှာ ဘုရားသခင်၏ အစီအစဉ်ဖြစ်သည်။ ဘုရားသခင်သည် သင့်အတွက် ပတ်ဝန်းကျင်တစ်ခုကို ဖန်တီးပေးသည်၊ သင်၏ဖောက်ပြန်ပျက်စီးခြင်းကို သင်သိနိုင်ရန် ထိုနေရာတွင် သင့်ကို မဖြစ်မနေ အစစ်ဆေးခံစေသည်။ အဆုံးတွင် သင်သည် သေလိုပြီး သင်၏အကြံအစည်များနှင့် အလိုဆန္ဒများကို စွန့်လွှတ်လိုသည့် အနေအထားအထိရောက်ကာ ဘုရားသခင်၏ အချုပ်အခြာအာဏာနှင့် အစီအစဉ်ကို ကျိုးနွံနာခံမည်ဖြစ်သည်။ ထို့ကြောင့် အကယ်၍ လူတို့သည် နှစ်အနည်းငယ် စစ်ဆေးခံရခြင်း မရှိပါက၊ အကယ်၍ ၎င်းတို့သည် အတိုင်းအတာတစ်ခုအထိ ဒုက္ခဆင်းရဲခြင်းကို မခံရပါက ၎င်းတို့သည် ၎င်းတို့၏အတွေးများနှင့် စိတ်နှလုံးများထဲမှ ဇာတိပကတိဖောက်ပြန်ပျက်စီးခြင်း၏ ချုပ်နှောင်မှုကို ဖယ်ရှားနိုင်မည် မဟုတ်ပေ။ သင်သည် စာတန်၏ ချုပ်နှောင်ခြင်းကို ခံနေရသေးသော မည်သည့်ကဏ္ဍများတွင်မဆို၊ သင်၏ ကိုယ်ပိုင် အလိုဆန္ဒများ၊ သင်၏လိုအင်များ ရှိနေသေးသော မည်သည့်ကဏ္ဍများတွင်မဆို သင်သည် ယင်းကဏ္ဍများတွင် ဒုက္ခဆင်းရဲခံသင့်သည်။ ဒုက္ခဆင်းရဲထဲ၌သာ သင်ခန်းစာများကို သင်ယူနိုင်ပြီး၊ ယင်းမှာ သမ္မာတရားကို ရနိုင်နိုင်စွမ်းနှင့် ဘုရားသခင်၏ အလိုတော်ကို နားလည်နိုင်စွမ်းရှိခြင်းကို ဆိုလိုသည်။ အမှန်အားဖြင့် သမ္မာတရားများစွာကို နာကျင်သော စမ်းသပ်မှုများအား တွေ့ကြုံခြင်းဖြင့် နားလည်ကြခြင်း ဖြစ်သည်။ သက်သောင့်သက်သာရှိပြီး လွယ်ကူသော ပတ်ဝန်းကျင်တစ်ခု၌ ရှိသောအခါ၊ သို့မဟုတ် အခြေအနေများ ကောင်းမွန်နေသောအခါ၌ မည်သူမျှ ဘုရားသခင်၏ အလိုတော်ကို နားလည်နိုင်ခြင်း၊ ဘုရားသခင်၏ အနန္တတန်ခိုးနှင့် ဉာဏ်ပညာကို အသိအမှတ်ပြုနိုင်ခြင်း၊ သို့မဟုတ် ဘုရားသခင်၏ ဖြောင့်မတ်သော စိတ်သဘောထားကို နားလည်သဘောပေါက်ခြင်း ရှိနိုင်မည် မဟုတ်ပေ။ ထိုအရာမှာ ဖြစ်နိုင်လိမ့်မည် မဟုတ်ပေ။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “စမ်းသပ်မှုများအလယ်၌ ဘုရားသခင်ကို ကျေနပ်အားရစေမည့်နည်းလမ်း” မှ

၁၇၅။ အကယ်၍ ဘုရားသခင်၏ စိတ်သဘောထားကို သင်မသိလျှင် သင်သည် စမ်းသပ်မှုများအတွင်း၌ မလွဲဧကန်ပင် ကျဆုံးလိမ့်မည်။ ဘုရားသခင်က လူတို့ကို စုံလင်အောင် မည်သို့ပြုပေးသည်နှင့် သူတို့ကို မည်သည့်နည်းလမ်းနှင့် စုံလင်အောင် ပြုပေးသည်တို့ကို သင်မသိသည့်အတွက်ကြောင့် ဘုရားသခင်၏ စမ်းသပ်မှုများက သင့်အပေါ်ကို ကျရောက်ပြီး သင်၏အယူအဆများနှင့် ကိုက်ညီမှု မရှိသည့်အခါ သင်သည် ခိုင်မြဲစွာ ရပ်တည်နိုင်မည်မဟုတ်။ ဘုရားသခင်၏ စစ်မှန်သည့် ချစ်ခြင်းမေတ္တာသည် သူ၏စိတ်နေသဘောထား တစ်ခုလုံးပင် ဖြစ်သည်။ ဘုရားသခင်၏ စိတ်နေသဘောထားတစ်ခုလုံး သင့်ကိုပြသသည့်အခါ ဤအရာက သင်၏ဇာတိပကတိကို အဘယ်အရာယူလာပေးသနည်း။ ဘုရားသခင်၏ ဖြောင့်မတ်သည့် စိတ်နေသဘောထားကို သင့်အား ပြသသည့်အခါ သင်၏ဇာတိပကတိသည် ဝေဒနာများစွာကို မလွဲဧကန် ခံစားရပါလိမ့်မည်။ သင်သည် ဤဝေဒနာကို မခံစားရလျှင် ဘုရားသခင်၏ စုံလင်အောင်ပြုလုပ်ပေးခြင်းကို သင်မခံယူနိုင်သကဲ့သို့၊ စစ်မှန်သည့် ချစ်ခြင်းကို ဘုရားသခင်ထံ သင်အပ်နှံနိုင်မည်လည်း မဟုတ်ပေ။ အကယ်၍ ဘုရားသခင်က သင့်ကို စုံလင်အောင် ပြုလုပ်လျှင် သူ၏စိတ်နေသဘောထား တစ်ခုလုံးအား သင့်ကို သေချာပေါက် ပြသမည်ဖြစ်သည်။ ဖန်ဆင်းခြင်းကာလမှ ယနေ့အထိ ဘုရားသခင်သည် သူ၏စိတ်နေသဘောထား တစ်ခုလုံးကို တစ်ခါမျှ မပြဖူးပါ။ သို့သော်လည်း နောက်ဆုံးသောကာလအတောအတွင်း သူရှေးမဆွက ခွဲခန့်မှတ်သားပြီး ရွေးချယ်ထားသည့် ဤလူအုပ်စုကို ဖွင့်ပြသည်။ ထို့ပြင် လူများကို စုံလင်အောင်ပြုလုပ်ပေးခြင်းအားဖြင့် သူ၏စိတ်နေသဘောထားများကို ရှင်းလင်းစွာ ဖော်ထုတ်ပြသပြီး ထိုအရာမှတစ်ဆင့် လူတစ်စုကို စုံလင်အောင် သူပြုလုပ်သည်။ ဤအရာသည် လူများအတွက် ထားရှိသည့် ဘုရားသခင်၏ စစ်မှန်သော ချစ်ခြင်းမေတ္တာပင်ဖြစ်သည်။ လူတို့အပေါ်ထားရှိသည့် ဘုရားသခင်၏ စစ်မှန်သည့်ချစ်ခြင်းမေတ္တာကို တွေ့ကြုံဖို့ရန်အတွက် လူတို့အနေဖြင့် ပြင်းထန်လှသည့် ဝေဒနာကို သည်းညည်းခံရရန် လိုအပ်ပြီး မြင့်မားသည့် အဖိုးအခတစ်ခုကို ပေးဆပ်ဖို့ လိုအပ်သည်။ ဤအရာပြီးနောက်မှသာ ဘုရားသခင်၏ရယူခြင်းကို သူတို့ခံရမည်ဖြစ်ပြီး သူတို့၏ စစ်မှန်သည့် ချစ်ခြင်းမေတ္တာကို ဘုရားသခင်ထံ ပြန်လည်ပေးအပ်နိုင်မည် ဖြစ်သည်။ ထိုအခါမှသာလျှင် ဘုရားသခင်၏ စိတ်နှလုံးသည် ကျေနပ်ပါလိမ့်မည်။ အကယ်၍ လူများက ဘုရားသခင်၏ စုံလင်အောင်ပြုလုပ်ပေးခြင်းကို ခံရန်ဆန္ဒရှိသည်ဆိုလျှင်၊ သူ၏အလိုတော်ကို ထမ်းရွက်ပြီး သူတို့၏ စစ်မှန်သည့် ချစ်ခြင်းမေတ္တာကို ဘုရားသခင်ထံ ပေးအပ်လိုလျှင် သေခြင်းထက် ပိုဆိုးသည့် ဝေဒနာကို ခံစားဖို့ရန်အတွက် အခြေအနေများအရ ဖြစ်ပေါ်လာသည့် များပြားလှသော ဆင်းရဲဒုက္ခနှင့် ညှဉ်းပန်းနှိပ်စက်ခြင်းတို့ကို ကြုံတွေ့ရမည်ဖြစ်ပြီး အဆုံးမှာ သူတို့၏ စစ်မှန်သည့် နှလုံးသားကို ဘုရားသခင်ထံ ပြန်လည်ပေးအပ်ဖို့ တွန်းအားပေးခြင်း ခံရမည်ဖြစ်သည်။ လူတစ်ယောက်က ဘုရားသခင်ကို အမှန်တကယ် ချစ်သလော၊ မချစ်သလောဆိုသည်ကို အခက်အခဲနှင့် စစ်ဆေးခြင်းကာလ၌ ထုတ်ဖော်ခြင်းခံရသည်။ ဘုရားသခင်သည် လူများ၏ ချစ်ခြင်းကို သန့်စင်ပေးသည်၊ ထို့ပြင် ဤအရာကိုလည်း အခက်အခဲနှင့် စစ်ဆေးခြင်းအလယ်၌သာ ရရှိသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို ချစ်ခြင်းသည်သာလျှင် ဘုရားသခင်ကို အမှန်တကယ် ယုံကြည်ခြင်းဖြစ်သည်” မှ

၁၇၆။ လူတို့သည် မိမိတို့၏ စိတ်သဘောထားများကို မိမိတို့ဘာသာမိမိတို့ မပြောင်းလဲနိုင်ကြပေ။ ဘုရားသခင် နှုတ်ကပတ်တော်၏ တရားစီရင်ခြင်း၊ ပြစ်တင်ဆုံးမခြင်း၊ ဆင်းရဲဒုက္ခနှင့် စစ်ဆေးခြင်း၊ သို့မဟုတ် ဘုရားသခင်နှုတ်ကပတ်တော်၏ ကိုင်တွယ်ခြင်း၊ ဆုံးမပဲ့ပြင်ခြင်းနှင့် ပြုပြင်ခြင်းများကိုလည်း ခံရမည်ဖြစ်သည်။ ထို့နောက်မှသာ ထိုသူတို့သည် ဘုရားသခင်ကို လှည့်ဖြားရန် မကြိုးစား၊ ပေါ့ပေါ့ဆဆ ဝတ်ကျေတမ်းကျေ သဘောထားမည် မဟုတ်ဘဲ နာခံမှုရှိကာ ကိုးကွယ်ဆည်းကပ်မည် ဖြစ်သည်။ လူတို့သည် ဘုရားသခင်၏နှုတ်ကပတ်တော်၏ စစ်ဆေးမှုအားဖြင့်သာ စိတ်သဘောထားပြောင်းလဲမှုများ ဖြစ်ပေါ်သည်။ နှုတ်ကပတ်တော်၏ ဖော်ထုတ်ခြင်း၊ တရားစီရင်ခြင်း၊ ဆုံးမပဲ့ပြင်ခြင်း၊ ကိုင်တွယ်ခြင်းများကို ကြုံဖူးသည့်သူများသာ မဆင်မခြင်လုပ်ဆောင်ခြင်း မရှိတော့ဘဲ တည်ငြိမ်ကာ ဣန္ဒြေရလာကြမည်။ အရေးကြီးဆုံးအချက်မှာ ထိုသူတို့သည် ဘုရားသခင်၏ မျက်မှောက်နှုတ်ကပတ်တော်နှင့် သူ၏အမှုကို ကျိုးနွံနာခံလာနိုင်ကြပြီး နာခံကြခြင်းဖြစ်ကာ ထိုအရာသည် လူသားများ၏ သဘောထားများနှင့် ကွဲလွဲနေသော်မှ ၎င်းတို့သည် ဤသဘောထားများကို ဘေးဖယ်ထားနိုင်စွမ်းနှင့် မိမိဆန္ဒအလျောက် ကျိုးနွံနာခံနိုင်စွမ်းရှိကြသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “စိတ်သဘောထားပြောင်းလဲသွားသောသူများသည် ဘုရားသခင့် နှုတ်ကပတ်တော်များ၏ စစ်မှန်မှုထဲသို့ ဝင်ရောက်ခဲ့ပြီးသောသူများဖြစ်သည်” မှ

၁၇၇။ ဖောက်ပြန်ပျက်စီးခြင်းအား သန့်စင်မှုကို ရယူခြင်းနှင့် စိတ်သဘောထား၏ ပြောင်းလဲမှုကို ရရှိခြင်းက သမ္မာတရားကို ချစ်ခြင်းနှင့် သမ္မာတရားကို လက်ခံနိုင်စွမ်းရှိခြင်းတို့ လိုအပ်သည်။ သမ္မာတရားကို သင် မည်သို့ လက်ခံပါသနည်း။ သမ္မာတရားကို လက်ခံခြင်းဆိုသည်မှာ မည်သည့် ဖောက်ပြန်ပျက်စီးသည့် စိတ်သဘောထားမမျိုး သင်၌ ရှိပါစေ သို့မဟုတ် အဆင်းနီသော နဂါးကြီး၏ မည်သည့် အဆိပ်က သင်၏ သဘာဝကို အဆိပ်ခတ်ပြီးပါစေ၊ ယင်းကို ဘုရားသခင်၏ နှုတ်ကပတ်တော်က ထုတ်ဖော်သည့်အခါ သင် အသိအမှတ်ပြုပြီး ဘုရားသခင်၏ နှုတ်ကပတ်တော်ကို နာခံ၏၊ ယင်းကို ခြွင်းချက်မရှိ၊ အကြောင်းရင်း သို့မဟုတ် ရွေးချယ်မှုမရှိဘဲ၊ သင် လက်ခံပြီး ဘုရားသခင်၏ နှုတ်ကပတ်တော်အတိုင်း သင့်ကိုယ်သင် သိ၏။ ဤသည်မှာ ဘုရားသခင်၏ နှုတ်ကပတ်တော်ကို လက်ခံခြင်းကို ဆိုလိုသည့်အရာ ဖြစ်သည်။ မည်သည့်အရာကို ဘုရားသခင် ပြောပါစေ၊ သင်၏စိတ်နှလုံးကို ၎င်းတို့က မည်မျှစူးဝင်ပါလေ့စေ၊ မည်သည့်စကားလုံးများကို သူအသုံးပြုပါစေ၊ သမ္မာတရား ဖြစ်သရွေ့ ယင်းကို သင် လက်ခံနိုင်ပြီး၊ လက်တွေ့အရှိတရားနှင့် ကိုက်ညီသရရွေ့ ယင်းကို သင် အသိအမှတ်ပြုနိုင်၏။ ယင်းကို သင် မည်မျှ နက်နက်ရှိုင်းရှိုင်း နားလည်ပါစေ ဘုရားသခင်၏ နှုတ်ကပတ်တော်ကို သင် နာခံနိုင်ပြီး၊ ညီအစ်ကို မောင်နှမများအားဖြင့် သိစေသည့် သန့်ရှင်းသော ဝိညာဉ်တော်ထံမှ ဉာဏ်အလင်းပေးခြင်း၏ အလင်းကို သင်လက်ခံပြီး နာခံသည်။ ထိုသို့သော လူတစ်ဦး၏ သမ္မာတရားကို ရှာဖွေလိုက်စားခြင်းသည် အဆင့်တစ်ခုသို့ ရောက်သည့်အခါ၊ သမ္မာတရားကို သူ ရရှိနိုင်ပြီး သူ၏ စိတ်သဘောထား ပြောင်းလဲမှုကို စွမ်းဆောင်ရရှိနိုင်ပေသည်။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လူ့သဘာဝကို သိရှိရန် နည်းလမ်း” မှ

၁၇၈။ ဘုရားသခင်၏ နှုတ်ကပတ်တော်များ၏ တရားစီရင်ခြင်းကို လက်ခံရရှိသောအခါ ငါတို့သည် ဒုက္ခဆင်းရဲ သို့မဟုတ် နာကျင်မှုကို ကြောက်ရွံ့ခြင်း မရှိဘဲ အထူးသဖြင့် ဘုရားသခင်၏ နှုတ်ကပတ်တော်များသည် ငါတို့၏ စိတ်နှလုံးများကို ထိုးဖောက်မည်ကို ကြောက်ရွံ့ခြင်း မရှိရပေ။ ငါတို့သည် တရားစီရင်ခြင်းနှင့် ပြစ်တင်ဆုံးမခြင်း၊ ငါတို့၏ ပျက်စီးသော အနှစ်သာရနှင့်သက်ဆိုင်သော သူ၏ နှုတ်ကပတ်တော်များကို သာ၍ ဖတ်ရှုသင့်သည်။ ကျွန်ုပ်တို့သည် ၎င်းတို့ကို ဖတ်ရှုပြီး ၎င်းတို့နှင့်ကိုက်ညီအောင် မိမိတို့ကိုယ်ကိုယ် ပို၍ ထိန်းသိမ်းရမည်။ အခြားသူများကို ၎င်းတို့နှင့် မနှိုင်းယှဥ်ပါနှင့်၊ မိမိတို့ကိုယ်ကိုယ် ၎င်းတို့နှင့်အညီ နှိုင်းယှဥ်ပါ။ ငါတို့သည် ဤအရာများ တစ်ခုချင်းစီ၌ မချို့တဲ့ကြပါ။ ငါတို့သည် ဤအရာများနှင့် အားလုံးကိုက်ညီနိုင်သည်။ ယင်းကို သင်မယုံကြည်လျှင် သင်ကိုယ်တိုင် သွား၍ တွေ့ကြုံလော့။...ငါတို့သည် ဘုရားသခင်ကို ယုံကြည်ရာ၌ ဘုရားသခင်၏ နှုတ်ကပတ်တော်များသည် သမ္မာတရား ဖြစ်ကြောင်း အတည်ပြုရမည်။ ၎င်းတို့သည် သမ္မာတရား ဖြစ်သောကြောင့် ငါတို့သည် ၎င်းတို့ကို ဆင်ခြင်တုံတရားဖြင့် လက်ခံသင့်သည်။ ငါတို့သည် ၎င်းကို လက်ခံနိုင်ခြင်း သို့မဟုတ် အသိအမှတ်ပြုနိုင်ခြင်း ရှိသည်ဖြစ်စေ၊ မရှိသည်ဖြစ်စေ ငါတို့၏ ပထမ သဘောထားမှာ ဘုရားသခင်၏ နှုတ်ကပတ်တော်များကို ခြွင်းချက်မရှိ လက်ခံခြင်း ဖြစ်သင့်သည်။ ဘုရားသခင်၏ နှုတ်ကပတ်တော်များ၏ စာတစ်ကြောင်းစီတိုင်းက တိကျသော အခြေအနေတစ်ခုနှင့် ဆက်စပ်သည်။ ယင်းမှာ၊ သူ၏ မိန့်မြွက်ချက်များ၏ စာကြောင်းအားလုံးသည် ပြင်ပန်း ဖြစ်ရပ်အကြောင်း မဟုတ်၊ အပြင်ပန်း စည်းမျဉ်းများအကြောင်း သို့မဟုတ် လူတို့ထဲက ရိုးရှင်းသော အပြုအမူပုံစံတစ်ခု သာ၍ပင် မဟုတ်ပေ။ ယင်းမှာ ထိုကဲ့သို့မဟုတ်ပေ။ ဘုရားသခင် မိန့်မြွက်သော စာကြောင်းတိုင်းကို လူသား၏ ရိုးရှင်းသော အပြုအမူအမျိုးအစားတစ်ခုအဖြစ် သို့မဟုတ် အပြင်ပန်း ဖြစ်ရပ်တစ်ခုအဖြစ် သင် မြင်လျှင်၊ သင်သည် ဝိညာဉ်ရေးရာ သိနားလည်မှုမရှိသကဲ့သို့ သမ္မာတရားက မည်သည့်အရာဖြစ်သည်ကို သင် မသိပေ။ ဘုရားသခင်၏ နှုတ်ကပတ်တော်များက လေးနက်၏။ မည်သို့ လေးနက်ကြသနည်း။ ဘုရားသခင် မြွက်ဆိုသည့်၊ ထုတ်ဖော်သည့်အရာတိုင်းသည် လူတို့၏ ဖောက်ပြန်ပျက်စီးသော စိတ်သဘောထားများနှင့် သူတို့၏ အသက်တာများအတွင်း ခြေခြေမြစ်မြစ်ရှိပြီး နက်နက်ရှိုင်းရှိုင်း အမြစ်တွယ်သော အကြောင်းရင်းတို့အကြောင်း ဖြစ်သည်။ ၎င်းတို့သည် ပဓာနကျသောအရာများဖြစ်ပြီး၊ အပြင်ပန်းဖြစ်ရပ်များ မဟုတ်သကဲ့သို့ အထူးသဖြင့် အပြင်ပန်း အပြုအမူများ မဟုတ်ပေ။ လူတို့ကို ၎င်းတို့၏ အပြင်ပန်း ဖြစ်ရပ်များမှ ရှုမြင်သည့်အခါ၊ ၎င်းတို့အားလုံး ကောင်းသည်ဟု ထင်ရသည်။ သို့သော်၊ လူအချို့သည် ဆိုးညစ်သော ဝိညာဉ်ဆိုးများဖြစ်ပြီး အချို့မှာ ညစ်ညူးသော ဝိညာဉ်များဖြစ်သည်ဟု ဘုရားသခင်က အဘယ်ကြောင့် ပြောပါသနည်း။ ဤသည်မှာ သင်အဖို့ မြင်သာသော ကိစ္စရပ်တစ်ခုမဟုတ်ပေ။ ထို့ကြောင့်၊ ဘုရားသခင်၏ နှုတ်ကပတ်တော်များကို ထိန်းသိမ်းရန် ပုံပန်းသဏ္ဌာန် သို့မဟုတ် အပြင်ပန်းမှ သင်တွေ့ရသည့်အရာအပေါ် သင် မှီခို၍မရနိုင်ချေ။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားအား ကြိုးစားလိုက်လျှောက်ခြင်း၏ အရေးပါမှုနှင့် လမ်းကြောင်း” မှ

၁၇၉။ သင်သည် ဘုရားသခင်၏ အုပ်စိုးခြင်းကို ယုံကြည်လျှင်၊ နေ့တိုင်းဖြစ်ပျက်နေသော အမှုအရာများသည် ကောင်းသည်ဖြစ်စေ၊ ဆိုးသည်ဖြစ်စေ အလျဉ်းသင့်သလိုဖြစ်သော အဖြစ်အပျက်များမဟုတ်သည်ကို သင်ယုံရပါမည်။ ယင်းမှာ တစ်စုံတစ်ဦးက တမင်တကာ သင့်အပေါ် မညှာမတာပြုနေခြင်း၊ သို့မဟုတ် သင့်ကို ပစ်မှတ်ထားနေခြင်း မဟုတ်ပါ၊ ယင်းကို အမှန်တကယ်တွင် ဘုရားသခင်က စီမံထားခြင်းဖြစ်သည်။ ဘုရားသခင်သည် မည်သည့်အတွက် ဤအရာများကို စီစဉ်ညွှန်ကြားသနည်း။ ယင်းမှာ သင်၏အားနည်းချက်များကို ထုတ်ဖော်ပြရန်၊ သို့မဟုတ် သင့်ကို ဖော်ထုတ်ဖို့ရန်အတွက် မဟုတ်ရပါ၊ သင့်ကို ဖော်ထုတ်ခြင်းမှာ အဆုံးသတ် ရည်မှန်းချက် မဟုတ်ပေ။ အဆုံးသတ် ရည်မှန်းချက်မှာ သင့်ကို စုံလင်စေရန်နှင့် ကယ်တင်ရန်ဖြစ်သည်။ ယင်းကို ဘုရားသခင်က အဘယ်သို့ လုပ်ဆောင်ပါသနည်း။ ပထမဦးစွာ၊ သင်၏ကိုယ်ပိုင် ဖောက်ပြန်ပျက်စီးသော စိတ်သဘောထား၊ သင်၏သဘာဝဗီဇနှင့် အနှစ်သာရ၊ သင်၏အားနည်းချက်များနှင့် သင်ချို့တဲ့သောအရာတို့ကို သင်သတိပြုမိစေဖို့ သူလုပ်ဆောင်သည်။ သင်၏စိတ်နှလုံးထဲတွင် ဤအရာများကို သိခြင်းနှင့် ယင်းတို့ကို နားလည်သဘောပေါက်ခြင်းအားဖြင့်သာ သမ္မာတရားကို သင်လေ့လာလိုက်စားနိုင်ပြီး သင်၏ဖောက်ပြန်ပျက်စီးသော စိတ်သဘောထားကို တဖြည်းဖြည်း စွန့်ပစ်နိုင်ပေသည်။ ဤသည်မှာ ဘုရားသခင်က သင့်ကို အခွင့်အရေးတစ်ခု ပေးနေခြင်းပင်ဖြစ်သည်။ ဤအခွင့်အရေးကို မည်သို့အမိအရယူရမည်ကို သင်သိရန် လိုအပ်ပြီး၊ ဘုရားသခင်နှင့် မလျှော့တမ်းငြင်းခုံခြင်း မပြုပါနှင့်။ အထူးသဖြင့် သင်သည် သင့်ဝန်းကျင်ရှိ ဘုရားသခင်စီစဉ်ပေးသည့် လူများ၊ အဖြစ်အပျက်များ၊ အမှုအရာများတို့နှင့် ကြုံတွေ့ရသောအခါ အမြဲလွှဲရှောင်လိုခြင်း၊ ဘုရားသခင်ကို အမြဲအပြစ်တင်ကာ နားလည်မှုလွဲမှားခြင်းဖြင့် အမှုအရာများသည် မိမိဖြစ်စေလိုသည့်အတိုင်း မဟုတ်ပါဟု အမြဲမထင်မှတ်ပါနှင့်။ ထိုအရာသည် ဘုရားသခင်၏အမှုကို ကြုံနေရခြင်းမဟုတ်၊ ထိုအရာက သမ္မာတရား၏ စစ်မှန်မှုထဲသို့ သင်ဝင်ရောက်ဖို့ရန်အတွက် အလွန်ခက်ခဲစေလိမ့်မည်။ သင်အပြည့်အဝ နားမလည်နိုင်သည့် မည်သည့်အရာကိုမဆို၊ သင်အခက်အခဲများ ရှိသောအခါ ကျိုးနွံနာခံတတ်ရန် သင်ယူရမည်။ သင်သည် ဘုရားသခင်ရှေ့သို့ ဦးစွာလာပြီးလျှင် ပို၍ ဆုတောင်းသင့်သည်။ ထိုနည်းအားဖြင့် သင်၏အတွင်းစိတ်အခြေအနေတွင် သင်မသိလိုက်ခင် ပြောင်းလဲမှုရှိလာပြီးလျှင် သင်သည် သင်၏ပြဿနာကို ဖြေရှင်းရန် သမ္မာတရားကို ရှာဖွေနိုင်စွမ်း ရှိလာလိမ့်မည်၊ ဘုရားသခင်၏အမှုကို တွေ့ကြုံခံစားနိုင်စွမ်း ရှိလာပေလိမ့်မည်။ ဤကာလအတွင်းတွင် သင့်အထဲ၌ သမ္မာတရား၏ စစ်မှန်မှုကို ဖြစ်ပေါ်နေစေမည်ဖြစ်ပြီး၊ ဤသည်မှာ သင်တိုးတက်လာမည့်ပုံနှင့် သင့်ဘဝအခြေအနေထဲတွင် အပြောင်းအလဲဖြစ်လာမည့်ပုံ ဖြစ်သည်။ ဤအပြောင်းအလဲကို သင်ကြုံရပြီး သမ္မာတရား၏ ဤစစ်မှန်မှုမျိုး ရှိလာသောအခါ ဝိညာဉ်အသက်တာကို သင်ပိုင်ဆိုင်လိမ့်မည်ဖြစ်ပြီး၊ ဝိညာဉ်အသက်တာနှင့်အတူ အသက်လိုက်လာမည်။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားကို ရရှိဖို့အလို့ငှာ၊ သင့်အနေဖြင့် သင့်ဝန်းကျင်ရှိ လူများ၊ ကိစ္စရပ်များနှင့် အမှုအရာများမှ သင်ယူရမည်” မှ

၁၈၀။ ဘုရားသခင်သည် လူတစ်ဦးချင်းစီတိုင်းတွင် အမှုပြုပြီး၊ သူ၏နည်းလမ်းမှာ မည်သို့ပင်ဖြစ်စေ၊ မည်ကဲ့သို့သော လူများ၊ အခြေအနေများနှင့် အကြောင်းအရာများကို အစေခံရန် သူအသုံးချသည်ဖြစ်စေ၊ သို့တည်းမဟုတ် သူ၏နှုတ်ကပတ်တော်များက မည်သို့သော အသံနေအသံထားမျိုး ရှိပါစေ သူ၌ အဆုံးသတ်ရည်မှန်းချက် တစ်ခုသာလျှင် ရှိသည်- သင့်ကို ကယ်တင်ရန်ပင်တည်း။ သင့်ကို မကယ်တင်မီ သူသည် သင့်ကို သဏ္ဌာန်ပြောင်းလဲစေရန် လိုအပ်သောကြောင့် သင့်အနေဖြင့် အနည်းငယ်မျှ ဒုက္ခမခံရဘဲ ရှိနိုင်မည်လော။ သင်ဒုက္ခခံရဖို့ လိုလိမ့်မည်သာ ဖြစ်သည်။ ဤဒုက္ခခံခြင်းတွင် အခြေအနေများစွာ ပါဝင်နိုင်သည်။ တစ်ခါတစ်ရံတွင် သင်အနေဖြင့် သင့်ကိုယ်သင် သိနားလည်လာရန်အတွက် ဘုရားသခင်သည် သင့်ဝန်းကျင်တွင် လူများ၊ ကိစ္စရပ်များနှင့် အမှုအရာများတို့ကို ဘုရားသခင်ဖြစ်ပေါ်စေသည်၊ သို့တည်းမဟုတ်ပါက သင်သည် တိုက်ရိုက်ကိုင်တွယ်ဖြေရှင်းခြင်း၊ ပြုပြင်ခြင်းနှင့် ဖော်ထုတ်ခြင်းတို့ကို ခံရနိုင်လေသည်။ ခွဲစိတ်ကုသကုတင်ပေါ်တွင်ရှိသော လူတစ်ဦးကဲ့သို့ပင်၊ သင်သည် ရလဒ်ကောင်းတစ်ခုအတွက် နာကျင်မှုအတန်အသင့် ခံရဖို့လိုပါသည်။ သင်သည် ပြုပြင်ခြင်းနှင့် ကိုင်တွယ်ဖြေရှင်းခြင်းကို ခံရသည့်အချိန်တိုင်းနှင့် လူများ၊ ကိစ္စရပ်များနှင့် အမှုအရာများတို့ကို သူဖြစ်ပေါ်စေသည့် အချိန်တိုင်းတွင် ယင်းက သင့်စိတ်ခံစားမှုများကို လှုံ့ဆော်ပြီး သင့်ကို မြှင့်တင်မှုတစ်ခုပေးပါသည်၊ ထိုသို့ဆိုလျှင် ဤသည်မှာ မှန်ကန်သဖြင့် သင်၌ ဝိညာဉ်အသက်တာ ရှိလာလိမ့်မည်ဖြစ်ပြီး သင်သည် သမ္မာတရား၏ စစ်မှန်မှုထဲသို့ ဝင်ရောက်လာလိမ့်မည်ဖြစ်သည်။ သင်သည် ပြုပြင်ခြင်းနှင့် ကိုင်တွယ်ဖြေရှင်းခြင်းကို ခံရသည့်အချိန်တိုင်းနှင့် ဘုရားသခင်က သင့်ပတ်ဝန်းကျင်ကို ဖြစ်ပေါ်စေသည့် အချိန်တိုင်းတွင် အကယ်၍ သင်သည် နာကျင်မှု၊ သို့မဟုတ် ကသိကအောက်ဖြစ်ခြင်းတို့ကို မည်သို့မျှမခံစားရဘဲ လုံးလုံး ဘာမျှမခံစားရလျှင်၊ ထို့ပြင် သင်သည် ဆုတောင်းခြင်း သို့မဟုတ် သမ္မာတရားအား ရှာဖွေခြင်းတို့ကို မပြုဘဲ ဘုရားသခင်၏အလိုတော်ကို ရှာဖွေရန် သူ့ရှေ့မှောက်သို့ မတိုးဝင်လျှင် သင်သည် အမှန်တကယ် လွန်စွာ ထုံအနေချေပြီတကား။ လူတစ်ဦးသည် လွန်စွာထုံအပြီး ဝိညာဉ်ရေးရာ၌ မည်သည့်အခါမျှ သတိမပြုလျှင် ဘုရားသခင်သည် သူတို့အပေါ် အမှုပြုရန် မည်သို့မျှ ဖြစ်နိုင်မည် မဟုတ်ပေ။ “ဤပုဂ္ဂိုလ်သည် အလွန်တရာထုံအပြီး အလွန်အမင်းပင် ဖောက်ပြန်ပျက်စီးပြီ။ ငါသည် သူတို့အပေါ် အမှုအရာများစွာကို လုပ်ဆောင်ပြီးပြီ၊ ကြိုးစားအားထုတ်မှု များစွာကိုပြုပြီးဖြစ်သော်လည်း၊ ငါသည် သူတို့၏ စိတ်နှလုံးကို မတောင်းဆိုနိုင်သေးသကဲ့သို့ သူတို့၏ ဝိညာဉ်ကို မနိုးကြားစေနိုင်ပေ။ ဤသည်မှာ အလွန်ပင် ဒုက္ခပေးပြီး အမှုပြုပေးရန် ခက်ခဲသည်တကား။” ဟု သူဆိုလိမ့်မည်။ ဘုရားသခင်သည် သင့်အတွက် ထိုထိုသော ပတ်ဝန်းကျင်များ၊ လူများ၊ အမှုအရာများနှင့် အရာဝတ္ထုများကို စီစဉ်လျှင် သူသည် သင့်ကို ပြုပြင်ကာ ကိုင်တွယ်ဖြေရှင်းပြီး သင်သည် ဤအရာမှ သင်ခန်းစာများ သင်ယူရရှိလျှင်၊ သင်သည် ဘုရားသခင်ရှေ့မှောက်သို့ တိုးဝင်တတ်ကာ၊ သမ္မာတရားကို ရှာဖွေတတ်ပြီးနောက် မသိလိုက်ဘဲ ဉာဏ်အလင်းပေးခြင်းနှင့် ဖွင့်ပြခြင်းကို ခံရလျက် သမ္မာတရားကို ရရှိလျှင်၊ သင်သည် ဤပတ်ဝန်းကျင်များထဲတွင် အပြောင်းအလဲကို တွေ့ကြုံရပြီး ဆုလာဘ်များကို ရိတ်သိမ်းရကာ တိုးတက်မှုရရှိလျှင်၊ သင်သည် ဘုရားသခင်၏ အလိုတော်ကို အနည်းငယ် စတင်နားလည်သဘောပေါက်လာပြီး ညည်းတွားခြင်းကို ရပ်နားလျှင် ဤအရာအားလုံးက သင်သည် ဤပတ်ဝန်းကျင်များ၏ စမ်းသပ်မှုများအလယ်တွင် အခိုင်အမာရပ်တည်ခဲ့ပြီဖြစ်ပြီး စစ်ဆေးမှုကို ကြံ့ကြံ့ခံနိုင်ခဲ့ပြီဟု ဆိုလိုခြင်းဖြစ်လိမ့်မည်။ ဤကဲ့သို့ပင် သင်သည် ဤတုန်လှုပ်ဖွယ်အတွေ့အကြုံကို ကျော်ဖြတ်ပြီးဖြစ်လိမ့်မည်။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားကို ရရှိဖို့အလို့ငှာ၊ သင့်အနေဖြင့် သင့်ဝန်းကျင်ရှိ လူများ၊ ကိစ္စရပ်များနှင့် အမှုအရာများမှ သင်ယူရမည်” မှ

၁၈၁။ လူသား၏ ဖောက်ပြန်ပျက်စီးသော စိတ်သဘောထားသည် ၎င်းတို့၏ အတွေးတိုင်းနှင့် စိတ်ကူးအတွင်းတွင်၊ ၎င်းတို့ လုပ်ရပ်တိုင်း၏ နောက်ကွယ်က ရည်မှန်းချက်များအတွင်းတွင် ကွယ်ဝှက်နေ၏၊ ယင်းသည် အရာရာတိုင်းအပေါ် လူသား၌ရှိသော ရှုထောင့်အမြင်အားလုံးထဲနှင့် ဘုရားသခင် လုပ်ဆောင်သမျှကို ချဉ်းကပ်ရာတွင် ၎င်းတို့ရှိကြသည့် အယူအဆတိုင်း၊ နားလည်မှုတိုင်း၊ ရှုထောင့်အမြင်တိုင်းနှင့် စိတ်ဆန္ဒတိုင်းအတွင်း ကွယ်ဝှက်နေ၏။ ယင်းမှာ အတွင်းထဲ၌ ကွယ်ဝှက်ထားသည်။ ထို့ပြင် ဘုရားသခင်သည် မည်သည့်အရာပြုလုပ်သနည်း။ ဘုရားသခင်သည် လူသား၏ ဤအရာများကို မည်သို့ ချဉ်းကပ်သနည်း။ သင့်ကို ထုတ်ဖော်ပြဖို့ရန် အခြေအနေများကို သူ စီစဉ်၏။ သင့်ကို ထုတ်ဖော်ပြရုံသာမက၊ သင့်ကို တရားလည်း သူ စီရင်မည်ဖြစ်သည်။ သင်၏ ဖောက်ပြန်ပျက်စီးသော စိတ်သဘောထားကို သင်ထုတ်ဖော်ပြသည့်အခါ၊ ဘုရားသခင်ကို အာခံသည့် အတွေးများနှင့် စိတ်ကူးများ သင်ရှိသည့်အခါ၊ ဘုရားသခင်နှင့် ပြိုင်ဆိုင်သည့် အခြေအနေများနှင့် ရှုထောင့်အမြင်များ သင် ရှိသည့်အခါ၊ ဘုရားသခင်ကို သင်နားလည်မှုလွဲသည့်၊ သို့မဟုတ် သူ့ကို အာခံပြီး ဆန့်ကျင်သည့် အခြေအနေများ သင်ရှိသည့်အခါ၊ ဘုရားသခင်သည် သင့်ကို ပြစ်တင်မောင်းမဲမည်၊ သင့်ကို တရားစီရင်ပြီး ပြစ်တင်ဆုံးမည်၊ ပြီးလျှင် တစ်ခါတစ်ရံ သင့်ကို သူ အပြစ်ပင်ပေးပြီး ပဲ့ပြင်ဆုံးမလိမ့်မည်။ သင့်ကို ပဲ့ပြင်ဆုံးမခြင်း၏ ရည်ရွယ်ချက်မှာ အဘယ်နည်း။ ယင်းမှာ သင် ပြုလုပ်သည့်အရာသည် မှားယွင်းကြောင်း သင့်ကို နားလည်စေရန်ဖြစ်သည်။ “ငါစဥ်းစားခဲ့တဲ့အရာတွေဟာ လူသားရဲ့ အယူအဆများဖြစ်ပြီး အဲဒါတွေဟာ မှားယွင်းခဲ့တယ်။ ငါ့ရဲ့ ရည်ရွယ်ချက်ဟာ စာတန်ဆီက၊ လူ့အလိုဆန္ဒထဲက လာခဲ့တာဖြစ်ပြီး အဲဒါက ဘုရားသခင်ကို ကိုယ်စားမပြုခဲ့ဘူး။ အဲဒါဟာ ဘုရားသခင်နဲ့ သဟဇာတမဖြစ်သလို ဘုရားသခင်ရဲ့ အလိုတော်ကို မဖြည့်ဆည်းနိုင်ခဲ့ဘူး။ အဲဒါကို ဘုရားသခင် စက်ဆုပ်တယ်၊ မုန်းတီးတယ်၊ ပြီးတော့ အဲဒါက သူ့ကို ဒေါသထွက်စေတာ အဲဒါကို သူ ကျိန်ဆဲတဲ့အထိအောင်ပဲ။ ငါ့ရဲ့ရည်ရွယ်ချက်ကို ငါပြောင်းလဲရမယ်။” ယင်းကို သင် မည်သို့ ပြောင်းလဲနိုင်သနည်း။ ပထမဦးစွာ၊ သင့်ကို ဘုရားသခင် ဆက်ဆံသည့် နည်းလမ်းနှင့် သင့်အတွက် သူ စီစဉ်သည့် ပတ်ဝန်းကျင်များ၊ လူများ၊ ဖြစ်ရပ်များနှင့် အမှုအရာများကို သင် နာခံရမည်။ သင်သည် နာခံမှုရှိရမည်ဖြစ်ပြီး အရာရာတိုင်းတွင် အပြစ်အနာအဆာ မရှာဖွေသင့်၊ ဓမ္မဓိဋ္ဌာန်ကျသော အကြောင်းရင်းများကို မရှာနှင့်၊ ပြီးလျှင် သင်၏ တာဝန်များကို ခေါင်းမရှောင်နှင့်။ ဤအရာအပြင်၊ ဘုရားသခင် လုပ်ဆောင်နေသည့် အရာထဲတွင် မည်သည့်သမ္မာတရားများကို သင် လက်တွေ့လုပ်ဆောင်သင့်ပြီး ဝင်ရောက်သင့်သည်ကို သင် ရှာဖွေဖို့လိုသည်။ ဤသည်မှာ ဘုရားသခင် သင့်ကို နားလည်စေလိုသည့်အရာ ဖြစ်သည်။ သင့်အတွက် ဘုရားသခင် စီစဉ်ပေးသည့် အခြေအနေများအပေါ် သင် နာခံမှုရှိနိုင်ဖို့ရန်နှင့် နောက်ဆုံးတွင် သူ၏ အလိုတော်နှင့်အညီ သူတောင်းဆိုသည့်အရာကို သင် လက်တွေ့လုပ်ဆောင်နိုင်ပြီး ဘုရားသခင်၏ အလိုတော်ကို ဖြည့်ဆည်းနိုင်စေဖို့ရန်၊ သူသည် သင့်ကို သင်၏ ဖောက်ပြန်ပျက်စီးသော စိတ်သဘောထားများနှင့် စာတန်ဆန်သည့် အနှစ်သာရတို့အား သတိပြုမိစေချင်သည်။ ဤသို့ဆိုလျှင် အတွေ့အကြုံဆိုးကြီးကို သင် ကျော်ဖြတ်ပြီးဖြစ်လိမ့်မည်။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “စစ်မှန်စွာနာခံခြင်းသာလျှင် လက်တွေ့ကျသောယုံကြည်မှုတစ်ခုဖြစ်၏” မှ

၁၈၂။ အကြိမ်များစွာ ကျရှုံးခြင်းနှင့် ပြိုလဲကျခြင်းသည် ဆိုးသည့် အရာမဟုတ်သလို၊ ဖော်ထုတ်ခံနေရခြင်းသည်လည်း ဆိုးသည့် အရာ မဟုတ်ပါ။ သင် ကိုင်တွယ်ဖြေရှင်းခံရသည်ဖြစ်စေ၊ ပြုပြင်ခံရသည်ဖြစ်စေ၊ သို့မဟုတ် ဖော်ထုတ်ခံရသည်ဖြစ်စေ၊ ဤအရာကို တစ်ချိန်လုံး သင် မှတ်မိရမည်- ဖော်ထုတ်ခံရခြင်းဆိုသည်မှာ သင်သည် ရှုတ်ချခံနေရခြင်း ဖြစ်သည်ဟု မဆိုလိုပေ။ ဖော်ထုတ်ခံနေရခြင်းသည် ကောင်းမွန်သော အရာတစ်ခု ဖြစ်သည်၊ မိမိကိုယ်ကိုယ် သိရှိရန် ယင်းမှာ သင့်အတွက် အကောင်းဆုံးသော အခွင့်အရေး ဖြစ်သည်။ ယင်းက သင်၏ ဘဝအတွေ့အကြုံတွင် အလှည့်အပြောင်းတစ်ခုကို ယူဆောင်လာနိုင်သည်။ ထိုအရာမရှိဘဲ၊ သင်သည် သင်၏ ဖောက်ပြန်ပျက်စီးခြင်းနှင့်ဆိုင်သော သမ္မာတရားကို သိနားလည်ခြင်းသို့ရောက်နိုင်ဖို့ အခွင့်အရေးရော အခြေအနေကိုပါ ပိုင်ဆိုင်လိမ့်မည်မဟုတ်သလို ဆက်စပ်စဉ်းစားရမည့် အကြောင်းအရာကိုလည်း သင်ပိုင်ဆိုင်လိမ့်မည်မဟုတ်။ သင့်အတွင်းရှိ အမှုအရာများ၊ သတိပြုမိဖို့ ခဲယဉ်းပြီး တူးဖော်ဖို့ ခက်ခဲ့သည့် သင့်အတွင်းရှိ နက်နက်ရှိုင်းရှိုင်း ကွယ်ဝှက်ထားသည့် ထိုရှုထောင့်များအားလုံးကို သင် သိရှိလာနိုင်လျှင်၊ ဤသည်မှာ ကောင်းသော အရာတစ်ခု ဖြစ်သည်။ သင့်ကိုယ်သင် အမှန်တကယ် သိရှိလာနိုင်ခြင်းသည် သင်၏လမ်းများကို ပြုပြင်ပြီး လူသစ်တစ်ဦးဖြစ်လာဖို့ သင့်အတွက် အကောင်းဆုံးသော အခွင့်အရေးဖြစ်သည်၊ ယင်းမှာ သင့်အနေဖြင့် အသက်တာသစ်ကို ရရှိရန် အကောင်းဆုံးသော အခွင့်အရေးဖြစ်သည်။ သင်သည် မိမိကိုယ်ကိုယ် အမှန်တကယ် သိရှိသည်နှင့်တစ်ပြိုင်နက်၊ သမ္မာတရားက တစ်ဦးတစ်ယောက်၏ အသက်ဖြစ်လာသည့်အခါ၊ အမှန်ပင် တန်ဖိုးရှိသည့်အရာဖြစ်သည်ကို သင် တွေ့မြင်နိုင်လိမ့်မည်ဖြစ်ပြီး၊ သမ္မာတရားအတွက် သင် ဆာငတ်လိမ့်မည်ဖြစ်ပြီး စစ်မှန်မှုထဲသို့ သင် ဝင်ရောက်လိမ့်မည်ဖြစ်သည်။ ဤသည်မှာ လွန်စွာ ကြီးမြတ်သည့်အရာတစ်ခု ဖြစ်ပေ၏။ သင်ကျရှုံးသည့်အခါတိုင်း သို့မဟုတ် လဲကျသည့်အခါတိုင်း ဤအခွင့်အရေးကို သင် ဆုပ်ကိုင်နိုင်ပြီး အလွန်စိတ်ထက်သန်စွာ မိမိကိုယ်ကိုယ် ဆင်ခြင်သုံးသပ်ကာ မိမိကိုယ်ကိုယ် စစ်မှန်သည့် သိကျွမ်းမှု ရရှိလျှင်၊ အပျက်သဘောဆောင်ခြင်းနှင့် အားနည်းချက်များကြားတွင်၊ သင်သည် ပြန်ထရပ်နိုင်လိမ့်မည်။ ဤအတိုင်းအတာကို သင်ဖြတ်ကျော်ပြီးသည်နှင့်တပြိုင်နက်၊ ရှေ့ဆက် ကြီးမားသည့် ခြေလှမ်းကို သင် လှမ်းနိုင်လိမ့်မည်ဖြစ်ပြီး သမ္မာတရား၏ စစ်မှန်မှုထဲသို့ ဝင်ရောက်နိုင်လိမ့်မည်ဖြစ်၏။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားကို ရရှိဖို့အလို့ငှာ၊ သင့်အနေဖြင့် သင့်ဝန်းကျင်ရှိ လူများ၊ ကိစ္စရပ်များနှင့် အမှုအရာများမှ သင်ယူရမည်” မှ

၁၈၃။ ဘုရားသခင်၏ စစ်ဆေးခြင်းကြီးမားလေလေ၊ လူတို့၏ နှလုံးသားသည် ဘုရားသခင်ကို ချစ်ရန် တတ်စွမ်းနိုင်လေလေပင်ဖြစ်၏။ သူတို့၏ နှလုံးသားထဲရှိ ညှဉ်းပန်းနှိပ်စက်မှုသည် သူတို့၏အသက်တာအတွက် အကျိုးရှိပြီး၊ သူတို့သည် ဘုရားသခင်၏ ရှေ့မှောက်တွင် သောကကင်းရန် ပို၍တတ်စွမ်းနိုင်သည်၊ ဘုရားသခင်နှင့် သူတို့၏ ဆက်နွှယ်မှုသည် ပို၍နီးစပ်ပြီး၊ သူတို့သည် ဘုရားသခင်၏ အမြင့်မားဆုံး ချစ်ခြင်းမေတ္တာနှင့် သူ၏ အမြင့်မားဆုံး ကယ်တင်ခြင်းကို ပို၍ကောင်းစွာ မြင်နိုင်ကြသည်။ ပေတရုသည် စစ်ဆေးခြင်းကို အကြိမ်ရာချီ ကြုံတွေ့ခဲ့သလို၊ ယောဘလည်း စစ်သပ်ခြင်းအချို့ကို ခံခဲ့ရသည်။ အကယ်၍ သင်တို့သည် ဘုရားသခင်၏ စုံလင်အောင်ပြုခြင်းကို ခံရရန် ဆန္ဒရှိလျှင် သင်တို့သည်လည်း စစ်ဆေးခြင်းကို အကြိမ်ရာချီခံရမည်၊ သင်တို့သည် ဤဖြစ်စဉ်ကို ကျော်ဖြတ်ပြီး၊ ဤအဆင့်ပေါ်တွင် မှီခိုမှသာလျှင် ဘုရားသခင်၏ အလိုတော်ကို ကျေနပ်စေရန် တတ်စွမ်းနိုင်မည်ဖြစ်ပြီး၊ ဘုရားသခင်၏ စုံလင်အောင်ပြုခြင်းကို ခံရလိမ့်မည်။ စစ်ဆေးခြင်းသည် အကောင်းဆုံးနည်းလမ်းဖြစ်ပြီး ထိုအရာအားဖြင့် ဘုရားသခင်သည် လူတို့ကို စုံလင်အောင်ပြုသည်၊ စစ်ဆေးခြင်းနှင့် ခါးသီးသော စမ်းသပ်ခြင်းများကသာလျှင် လူတို့၏နှလုံးသားထဲတွင် ဘုရားသခင်အတွက် စစ်မှန်သော ချစ်ခြင်းမေတ္တာကို ဖြစ်ပေါ်စေသည်။ အခက်အခဲမရှိလျှင် လူတို့သည် ဘုရားသခင်အတွက် စစ်မှန်သောချစ်ခြင်း ကင်းမဲ့သည်၊ အကယ်၍ သူတို့သည် အတွင်း၌ စမ်းသပ်ခြင်းမခံရလျှင်၊ စစ်ဆေးခြင်းကို စစ်မှန်စွာ မခံရလျှင်၊ သူတို့၏နှလုံးသားသည် ပြင်ပကမ္ဘာတွင် အမြဲတမ်း စီးမျောနေမည်။ အတိုင်းအတာ တစ်ခုအထိ စစ်ဆေးခြင်းခံရသောအခါ၊ သင်သည် သင်၏ကိုယ်ပိုင်အားနည်းချက်များနှင့် အခက်အခဲများကို မြင်လာမည်၊ သင်သည် မည်မျှအထိ လိုအပ်မှုရှိသည်ကို မြင်လာပြီး၊ သင်ကြုံနေရသည့် ပြဿနာများစွာကို အနိုင်ယူရန် သင်မတတ်စွမ်းနိုင်ဘဲ သင်၏မနာခံမှုသည် မည်မျှကြီးမားသည်ကို သင်မြင်ရမည်။ စမ်းသပ်မှုများ အတောအတွင်း၌သာလျှင် လူတို့သည် မိမိတို့၏ အခြေအနေအမှန်များကို မှန်ကန်စွာသိရန် တတ်စွမ်းနိုင်ပြီး၊ စစ်းသပ်မှုများက လူတို့ကို ပိုမိုကောင်းမွန်စွာ စုံလင်ခြင်းခံရစေနိုင်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “စစ်ဆေးခြင်းကိုကြုံတွေ့မှသာလျှင် လူသားများသည် ဘုရားသခင်ကို အမှန်တကယ်ချစ်နိုင်” မှ

၁၈၄။ လူကို စစ်ဆေးရန် ဘုရားသခင်အမှုပြုသည့်အခါ လူသည် ထိခိုက်ခံစားရသည်။ သူ၏စစ်ဆေးခံရခြင်း ကြီးမားလေ ဘုရားသခင်အပေါ် သူ၏ချစ်ခြင်း သာ၍ကြီးမားလေဖြစ်ပြီး ဘုရားသခင်၏ တန်ခိုးကြီးမားမှုသည် သူ့အထဲတွင် ပို၍ထုတ်ဖော်ခြင်းခံရလေဖြစ်၏။ လူ၏စစ်ဆေးခံရခြင်းမှာ သာ၍နည်းလေ ဘုရားသခင်အပေါ် သူ၏ချစ်ခြင်း သာ၍နည်းလေဖြစ်ပြီး သူ့အထဲတွင် ဘုရားသခင်၏ တန်ခိုးကြီးမားမှုသည် လျော့၍သာ ထုတ်ဖော်ခြင်းခံရလေဖြစ်မည်။ သူ၏အစစ်ဆေးခံရခြင်းနှင့် ဒုက္ခဝေဒနာသည် ကြီးမားပြီး အညှဉ်းဆဲခံရခြင်းများလေ ဘုရားသခင်ကိုချစ်သော သူ၏စစ်မှန်သည့်ချစ်ခြင်းမှာ ပို၍နက်ရှိုင်းလေဖြစ်ကာ ဘုရားသခင်အပေါ်ထားရှိသော သူ၏ယုံကြည်ခြင်း ပို၍စစ်မှန်လေဖြစ်ပြီး ဘုရားသခင်ကိုသိသော သူ၏အသိပညာသည် ပို၍နက်ရှိုင်းလာလေဖြစ်မည်။ ကြီးမားသော စစ်ဆေးခြင်းနှင့် ဒုက္ခဝေဒနာကိုသာမက များစွာကိုင်တွယ်ဖြေရှင်းခြင်းနှင့် ဆုံးမပဲ့ပြင်ခြင်းကို ခံရသောသူများ၌ ဘုရားသခင်အပေါ် နက်နက်နဲနဲ ချစ်သောချစ်ခြင်းရှိကာ ဘုရားသခင်အကြောင်းကို ထိုးထွင်းသိမြင်နိုင်ပြီး ပို၍လေးနက်သော ပညာရှိကြောင်း သင်၏အတွေ့အကြုံများထဲမှ သင်မြင်ရမည်။ ကိုင်တွယ်ဖြေရှင်းခြင်း မခံဖူးသေးသော လူများ၌ရှိသောပညာမှာ အပေါ်ယံဖြစ်ပြီး ၎င်းတို့သည် “ဘုရားသခင်သည် အလွန်ကောင်းမြတ်၏၊ လူတို့ကို သူနှင့်မွေ့လျော်နိုင်ဖို့အတွက် သူတို့အပေါ် ကျေးဇူးတော်ကို သွန်းလောင်းပေးတော်မူ၏” ဟူ၍သာ ပြောနိုင်ကြသည်။ အကယ်၍ လူတို့သည် ကိုင်တွယ်ဖြေရှင်းခြင်းနှင့် ဆုံးမပဲ့ပြင်ခြင်းကို ခံဖူးပါက ၎င်းတို့သည် ဘုရားသခင်ကို သိသည့် မှန်သောပညာအကြောင်း ပြောနိုင်ကြမည်။ ထို့ကြောင့် လူအထဲ၌ ဘုရားသခင်ပြုသောအမှုသည် ပို၍အံ့သြဖွယ်ကောင်းလေ ယင်းအမှုသည် သာ၍တန်ဖိုးရှိပြီး အဓိပ္ပာယ်ရှိလေဖြစ်သည်။ ဘုရားသခင်ပြုသောအမှုသည် သင့်အတွက် သာ၍ပိတ်ဆီးနေပြီး သင်၏အယူအဆများနှင့် သဟဇာတမဖြစ်လေ ယင်းအမှုသည် သင့်ကိုသိမ်းပိုက်ရန်၊ သင့်ကိုရယူရန်နှင့် သင့်ကိုစုံလင်ခြင်းသို့ရောက်စေရန် ပို၍ပြုနိုင်စွမ်းရှိလေဖြစ်သည်။ ဘုရားသခင်ပြုသောအမှု၏အဓိပ္ပာယ်မှာ အင်မတန် ကြီးမားလေခြင်း။ အကယ်၍ ဘုရားသခင်သည် လူကို ဤနည်းဖြင့် မစစ်ဆေးခဲ့ပါက၊ အကယ်၍ သူသည် ဤနည်းလမ်းအတိုင်း အမှုမပြုခဲ့ပါက၊ ဘုရားသခင်၏အမှုသည် မထိရောက်ဘဲ အဓိပ္ပာယ်ကင်းမဲ့နေခဲ့မည်ဖြစ်သည်။ ဤအရာမှာ နောက်ဆုံးသောကာလအတောအတွင်း သူ၏လက်ရွေးစင် လူစုတစ်စုမှာ သာမန်ထက်လွန်ကဲ၍ အဓိပ္ပာယ်ပြည့်ဝနေသည့် နောက်ခံအကြောင်းရင်းဖြစ်သည်။ ဘုရားသခင်သည် ဤလူစုကို ရွေးကောက်ပြီး ရယူလိမ့်မည်ဟု ယခင်က ဆိုခဲ့သည်။ သင်တို့အထဲတွင် သာ၍ကြီးသောအမှုကို သူပြုလေ ဘုရားသခင်အပေါ် သင်တို့၏ချစ်ခြင်းသည် သာ၍နက်ရှိုင်းပြီး စင်ကြယ်လေဖြစ်သည်။ ဘုရားသခင်ပြုသောအမှု ပို၍ကြီးမားလေ လူသည် သူ၏ဉာဏ်ပညာကို ပို၍မြည်းစမ်းနိုင်လေဖြစ်ပြီး ဘုရားသခင်ကိုသိသော သူ၏ပညာလည်း သာ၍နက်ရှိုင်းလေဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “စုံလင်ခြင်းသို့ ရောက်မည့်သူများသည် စစ်ဆေးခြင်းကို ခံကြရမည်” မှ

၁၈၅။ ဘုရားသခင်အမှုတော်၏အဆင့်တိုင်းအတွက် လူတို့ပူးပေါင်းလုပ်ဆောင်သင့်သည့် နည်းလမ်းရှိပါသည်။ ဘုရားသခင်သည်လူတို့ကို စစ်ဆေးသည်။ သို့မှသာ သူတို့သည် စစ်ဆေးမှုတို့အလယ်တွင် မိမိကိုယ်ကိုယုံကြည်မှုရှိမည်ဖြစ်သည်။ ဘုရားသခင်သည် လူတို့ကိုစုံလင်အောင်ပြုလုပ်သည်။ သို့မှသာ ဘုရားသခင်မှစုံလင်အောင်ပြုခြင်းကို ခံယူရန်သူတို့ကိုယ်ကိုယုံကြည်မှုရှိကာ၊ ဘုရားသခင်၏စစ်ဆေးမှု၊ ဆုံးမမှုနှင့် ပြုပြင်မှုတို့ကို လက်ခံရန်ဆန္ဒရှိမည်ဖြစ်သည်။ ဘုရားသခင်၏ဝိညာဉ်တော်သည် ဉာဏ်အလင်းနှင့် အလင်းပေးမှုတို့ကို ယူဆောင်လာရန်၊ သူနှင့်အတူပူးပေါင်းဆောင်ရွက်ရန်နှင့် လက်တွေ့ ကျင့်သုံးရန် လူတို့ထဲတွင်အလုပ်လုပ်လျက်ရှိသည်။ ဘုရားသခင်သည် စစ်ဆေးခြင်းကာလ၌ စကားမပြောပေ။ သူသည်သူ၏အသံဖြင့်မြွက်ဆိုခြင်းမပြု။ သို့ရာတွင် လူတို့လုပ်သင့် သည့်အလုပ်ရှိသေးသည်။ သင့်၌ရှိထားပြီးသောအရာကိုသင်စွဲကိုင်သင့်သည်။ ဘုရား သခင်ထံသို့သင်ဆုတောင်းနိုင်သေးသင့်သည်။ ဘုရားသခင်နှင့် နီးစပ်ကာ ဘုရားသခင်ရှေ့မှောက်တွင် သက်သေ အဖြစ်ရပ်တည်နိုင်သင့်သည်။ - ဤနည်းဖြင့် သင်သည်သင့်ကိုယ်ပိုင်တာဝန်ကို ပြည့်စုံစေနိုင်လိမ့်မည်ဖြစ်သည်။ သင်တို့အားလုံးသည် ဘုရားသခင်၏အမှုတော်မှတဆင့် ရှင်းလင်းစွာ တွေ့မြင်သင့်သည်မှာ လူတို့၏ယုံကြည်မှုနှင့် ချစ်ခြင်းမေတ္တာနှင့် ပတ်သတ်သောစုံစမ်းခြင်းများသည် ဘုရားသခင်ထံပို၍ဆုတောင်းရန်နှင့် ဘုရားသခင် ရှေ့မှောက်တွင် ဘုရားသခင်၏နှုတ်ကပတ်တော်များကို အရသာခံခြင်းကိုပို၍ လုပ်ဆောင်ခြင်းတို့ကိုလိုအပ်ပါသည်။ အကယ်၍ ဘုရားသခင်သည်သင့်ကို ဉာဏ်အလင်းဖွင့်ပေးပြီး သူ၏အလိုတော်ကိုနားလည်စေခဲ့သော်လည်း သင်သည် လက်တွေ့လိုက်လျှောက် ခြင်းမရှိပါက သင်သည် မည်သည့်အရာကိုမျှရရှိလိမ့်မည် မဟုတ်ပေ။ သင်သည် ဘုရားသခင်၏စကားတော်များကို လက်တွေ့ကျင့်သုံးချိန်တွင် သူထံသို့ဆက်လက်၍ဆုတောင်းသင့်ပြီး၊ သူ၏စကားတော်များကိုအရသာခံကြည့်ချိန်တွင် သူ့ရှေ့တော်မှောက်တွင်အမြဲတမ်းရှာဖွေသင့်ကာ၊ စိတ်ပျက်အားလျော့ခြင်း သို့မဟုတ် အေးစက်သွားခြင်းမရှိပဲ သူနှင့်ပတ်သတ်၍ အမြဲပင် မိမိကိုယ်ကိုယုံကြည်မှုအပြည့်ရှိနေ သင့်ပါသည်။ ဘုရားသခင်၏စကားတော်များကို လက်တွေ့အသုံးချခြင်း မရှိသောသူများ သည် စုရုံးတွေ့ဆုံစဉ်အတွင်းတွင် စွမ်းအင်အပြည့်ဖြစ်နေသော်လည်း အိမ်ပြန်သွား လျှင် အမှောင်ထဲသို့သာကျရောက်သွားပါတော့သည်။ အတူတကွပင်မသွားလိုသော သူတစ်ချို့ရှိသေးသည်။ ထို့ကြောင့် လူတို့ပြည့်စုံအောင်လုပ်ဆောင်ရမည့်တာဝန်တို့ကို သင်သည်ရှင်းလင်းစွာတွေ့မြင်သင့်ပါသည်။ ဘုရားသခင်၏အလိုတော်သည် မည်သည့် အရာဖြစ်သည်ကို သင်သိနိုင်မည်မဟုတ်ပေ။ သို့ရာတွင် သင့်တာဝန်ကိုသင် ထမ်းဆောင်နိုင်ကာ၊ သင်ဆုတောင်းသင့်သည့်အချိန်တွင်ဆုတောင်းနိုင်ပြီး၊ သမ္မာတရားကို လက်တွေ့ကျင့်သုံးသင့်သည့်အချိန်တွင်လက်တွေ့ကျင့်သုံးနိုင်ကာ၊ လူတို့လုပ်သင့်သည့် အရာကို သင်လုပ်နိုင်ပါမည်။ သင့်မူလရူပါရုံကိုထိန်းသိမ်းထားနိုင်ပါသည်။ ဤနည်းဖြင့် ဘုရားသခင်၏လာမည့် အမှုတော်အဆင့်နောက်တစ်ဆင့်ကိုပို၍လက်ခံလာနိုင် ပါလိမ့်မည်။ ဘုရားသခင်၏အမှုတော်သည် ပုန်းကွယ်နေချိန် သင်ရှာဖွေခြင်းမရှိပါက ယင်းသည် ပြဿနာဖြစ်သည်။ လူအများစုဝေးသည့်အချိန်တွင် ဘုရားသခင်စကား ဒေသနာဟောလျှင် သင်သည် စိတ်ပါဝင်စားစွာနားထောင်သည်။ သို့ရာတွင် သူစကားမပြောသည့်အချိန်တွင် သင်သည် အင်အားမဲ့ကာ နောက်သို့ဆုတ်လေသည်။ မည်သို့သောသူတို့သည် ဤသို့လုပ်ဆောင်သနည်း။ ဤသို့သောသူများသည် စီးဆင်းမှုနှင့် အလိုက်သင့်သွား နေသောသူများသာဖြစ်သည်။ သူတို့သည် ရပ်တည်ချက်မရှိ၊ သက်သေခံချက်မရှိ၊ ရူပါရုံလည်းမရှိပါ။ လူအများစုသည်ထိုသို့ဖြစ်သည်။ အကယ်၍ သင်တို့သည် ဤနည်းအတိုင်းဆက်သွားနေပါက တစ်နေ့ ကြီးမားသောစုံစမ်းခြင်း ရောက်လာချိန်တွင် အပြစ်ဒဏ်ခံရခြင်းထဲသို့ ဆင်းသက်ရပါလိမ့်မည်။ ရပ်တည်ချက်ရှိခြင်းသည် ဘုရားသခင်၏လူသားတို့ကို စုံလင်စေခြင်းတွင် အလွန်အရေးကြီးပါသည်။ အကယ်၍ သင်သည် ဘုရားသခင့်အမှုတော်၏ အဆင့်တစ်ဆင့်ကိုမျှ သံသယမရှိပါက သင်သည် လူသားတာဝန်ကိုပြည့်စုံစေပြီး၊ ဘုရားသခင်သင့်ကိုလက်တွေ့လုပ်ဆောင် စေခဲ့သော အရာကို ရိုးသားစွာကိုင်စွဲထားခြင်းဖြစ်သည်။ ယင်းမှာ သင်သည် ဘုရားသခင်၏ အားပေးခြင်းကို သတိရပြီး၊ ယခုဘုရားသခင်ဘာကိုလုပ်သည်ဖြစ်စေ သူ၏တွန်းအား ပေးမှုကို သင်မမေ့လျော့ခြင်းဖြစ်သည်။ သူ၏အမှုတော်နှင့်ပတ်သတ်၍ သံသယမရှိတော့ပဲ သင့်ရပ်တည်မှုကိုထိန်းသိမ်းပြီး၊ သင့်သက်သေခံချက်ကိုကိုင်စွဲကာ လမ်းခရီး၏ အဆင့်တိုင်းတွင် အောင်မြင်မှုရရှိခြင်းဖြစ်သည်။ နောက်ဆုံးတွင် ဘုရားသခင်မှ အောင်နိုင်ခဲ့သူတစ်ဦးအဖြစ်စုံလင်အောင်ပြုလုပ်ခြင်းကို ခံရပါလိမ့်မည်။ အကယ်၍ သင်သည် ဘုရားသခင်၏စုံစမ်းစစ်ကြောခြင်း အဆင့်တိုင်းတွင် တည်ငြိမ်စွာရပ်နိုင်ပြီး၊ အဆုံးအထိ ရပ်တည်နေဆဲရှိနေပါက သင်သည် အောင်မြင်စွာကျော်ဖြတ်နိုင်သူ တစ်ဦးဖြစ် ကာ၊ ဘုရားသခင်မှ စုံလင်အောင်ပြုလုပ်ခြင်းခံရသောသူတစ်ဦးဖြစ်ပါလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်သည်ဘုရားသခင်ကိုဝတ်ပြုဆည်းကပ်ခြင်းအစဉ်ပြုသင့်သည်” မှ

၁၈၆။ စမ်းသပ်ခြင်းများကို ခံနေရသည့်အခါ လူတို့ အားနည်းတတ်ကြခြင်း သို့မဟုတ် ၎င်းတို့အထဲတွင် အနုတ်လက္ခဏာဆောင်သောအရာများ ရှိတတ်ခြင်း၊ သို့မဟုတ် ဘုရားသခင်၏အလိုတော် သို့မဟုတ် ၎င်းတို့လက်တွေ့လုပ်ဆောင်ရမည့် လမ်းကြောင်းနှင့်ပတ်သက်ပြီး ရှင်းလင်းမှုကင်းမဲ့နေခြင်းမှာ သာမန်ဖြစ်သည်။ သို့သော် မည်သည့်ကိစ္စတွင်မဆို ယောဘကဲ့သို့ ဘုရားသခင်ပြုသောအမှုထဲတွင် ယုံကြည်ခြင်း ရှိပြီး ဘုရားသခင်ကို မငြင်းပယ်ရန် လိုအပ်သည်။ ယောဘသည် ခွန်အားနည်းခဲ့ပြီး သူမွေးဖွားသည့်နေ့ရက်ကို ကျိန်ဆဲခဲ့သော်လည်း လူ့ဘဝတွင် အရာခပ်သိမ်းမှာ ယေဟောဝါက အပ်နှင်းထားခြင်းဖြစ်ကြောင်းနှင့် ယေဟောဝါသည် ထိုအရာခပ်သိမ်းကို ယူသွားနိုင်သော အရှင် ဖြစ်ကြောင်းကို သူမငြင်းခဲ့ပါ။ မည်မျှပင် စမ်းသပ်ခံခဲ့ရသော်လည်း ဤယုံကြည်ချက်ကို ယောဘ ဆုပ်ကိုင်ထားခဲ့သည်။ ဘုရားသခင်၏နှုတ်ကပတ်တော်မှ သင်ကြုံတွေ့ရသည့် အမှုအရာများထဲတွင် မည်သည့် စစ်ဆေးခြင်း အမျိုးအစားကိုမဆို သင်ဖြတ်ကျော်နေပါစေ ဘုရားသခင်သည် လူသားတို့၏ ယုံကြည်ခြင်းကို အလိုရှိသည်။ ဤနည်းဖြင့် စုံလင်ခံရသော အရာတို့မှာ လူတို့၏ယုံကြည်ခြင်းနှင့် ပြင်းပြသောဆန္ဒများ ဖြစ်ကြသည်။ ယင်းကို သင်မထိတွေ့နိုင် သို့မဟုတ် မမြင်နိုင်ပါ၊ ယင်းအခြေအနေများအောက်တွင် သင်၏ယုံကြည်ခြင်း လိုအပ်သည်။ တစ်စုံတစ်ရာကို ပကတိမျက်စိဖြင့် မမြင်နိုင်သည့်အခါ လူတို့၏ယုံကြည်ခြင်း လိုအပ်ပြီး သင်၏ကိုယ်ပိုင် အယူအဆများကို သင်လက်မလွှတ်နိုင်သည့်အခါ သင်၏ယုံကြည်ခြင်း လိုအပ်သည်။ ဘုရားသခင်ပြုသောအမှုကို သင်နားမလည်သည့်အခါ လိုအပ်သောအရာမှာ သင်၏ ယုံကြည်ခြင်းဖြစ်ပြီး သင်ခိုင်ခံ့စွာရပ်တည်ရန်နှင့် သက်သေရပ်တည်ရန် ဖြစ်သည်။ ယောဘ ဤအဆင့်သို့ ရောက်သည့်အခါ ဘုရားသခင်သည် သူထံ၌ ပေါ်လာခဲ့ပြီး သူ့ကို စကားပြောခဲ့သည်။ တစ်နည်းအားဖြင့် ဘုရားသခင်ကို သင်မြင်နိုင်ခြင်းမှာ သင်၏ယုံကြည်ခြင်းအထဲမှသာ ဖြစ်ပြီး သင်၌ ယုံကြည်ခြင်းရှိသည့်အခါ ဘုရားသခင်သည် သင့်ကို စုံလင်စေမည်။ ယုံကြည်ခြင်းမရှိပါက သူသည် ဤအရာကို မလုပ်ပေးနိုင်ပါ။ ရရန် သင်မျှော်လင့်ထားသော အရာမှန်သမျှကို သင့်အပေါ် ဘုရားသခင် အပ်နှင်းလိမ့်မည်။ အကယ်၍ သင်၌ ယုံကြည်ခြင်း မရှိပါက သင်သည် စုံလင်ခြင်းသို့ မရောက်နိုင်ဘဲ ဘုရားသခင်၏ လုပ်ရပ်တို့ကို မြင်နိုင်စွမ်းရှိမည်မဟုတ်ပါ၊ သူ၏ အနန္တတန်ခိုးကို လုံးဝမြင်နိုင်မည် မဟုတ်။ သင်၌ ယုံကြည်ခြင်းရှိပြီး သူ၏လုပ်ရပ်တို့ကို သင်၏လက်တွေ့ အတွေ့အကြုံထဲတွင် သင်ထိတွေ့နိုင်သောအခါ ဘုရားသခင်သည် သင့်ထံပေါ်လာကာ သင့်ကို အလင်းဖွင့်ပြပြီး အတွင်းထဲမှ လမ်းပြပေးမည်။ ထိုကဲ့သို့ ယုံကြည်ခြင်းမပါဘဲ ဘုရားသခင်သည် ထိုအမှုအရာကို ပြုနိုင်မည် မဟုတ်ပါ။ အကယ်၍ သင်သည် ဘုရားသခင်အပေါ် မျှော်လင့်ခြင်း ဆုံးရှုံးသွားပါက သူ၏အလုပ်ကို မည်ကဲ့သို့ သင် နဖူးတွေ့ဒူးတွေ့ ကြုံတွေ့နိုင်မည်နည်း။ ထိုအတွက်ကြောင့် သင်၌ ယုံကြည်ခြင်း ရှိသည့်အခါနှင့် ဘုရားသခင်အပေါ် သံသယများ မသိုထားသည့်အခါမှသာ၊ သူပြုသော မည်သည့်အမှုအရာတွင်မဆို သူ့အပေါ် စစ်မှန်သောယုံကြည်ခြင်း သင်၌ရှိသည့်အခါမှာသာ သင်၏ အတွေ့အကြုံများထဲတွင် သင့်ကို ဖွင့်ပြပေးပြီး အလင်းပေးမည်ဖြစ်သည်၊ ထိုအခါမှသာ သင်သည် သူ၏ လုပ်ရပ်များကို မြင်နိုင်စွမ်းရှိမည်။ ထိုအရာများ အားလုံးမှာ ယုံကြည်ခြင်းအားဖြင့်သာ ရယူနိုင်ပြီး ယုံကြည်ခြင်းသည် စစ်ဆေးခြင်းအားဖြင့်သာ ရနိုင်သည်၊ စစ်ဆေးခြင်း မရှိဘဲ ယုံကြည်ခြင်း တိုးပွားနိုင်မည် မဟုတ်။ ယုံကြည်ခြင်းဆိုသည်မှာ မည်သည်ကို ရည်ညွှန်းသနည်း။ ယုံကြည်ခြင်းဆိုသည်မှာ တစ်စုံတစ်ရာကို လူသားတို့ မမြင်နိုင် သို့မဟုတ် မတို့ထိနိုင်သည့်အခါတွင် လည်းကောင်း၊ ဘုရားသခင်ပြုသောအမှုသည် လူသားတို့၏ အယူအဆများနှင့် မကိုက်ညီသည့် အခါတွင်လည်းကောင်း၊ ၎င်းကို လူသားတို့ လက်လှမ်းမမီသည့်အခါတွင်လည်းကောင်း လူတို့၌ ရှိသင့်သော စစ်မှန်သော ယုံကြည်ချက်နှင့် ဟန်မဆောင်သောစိတ်နှလုံးကို ဆိုလိုသည်။ ဤအရာမှာ ငါပြောသော ယုံကြည်ခြင်း ဖြစ်သည်။ လူတို့သည် ဆင်းရဲဒုက္ခရောက်စဉ်၊ အစစ်ဆေးခံရစဉ် ယုံကြည်ခြင်း လိုအပ်ပြီး၊ ယုံကြည်ခြင်းနှင့်အတူ စစ်ဆေးခြင်း ယှဉ်တွဲ၍လာသည်။ ၎င်းတို့ကို ခွဲခြား၍မရပါ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “စုံလင်ခြင်းသို့ ရောက်မည့်သူများသည် စစ်ဆေးခြင်းကို ခံကြရမည်” မှ

၁၈၇။ စစ်ဆေးခြင်းအမှုမှာ အဓိကအားဖြင့် လူတို့၏ယုံကြည်ခြင်း စုံလင်စေရန်နှင့် အဆုံးတွင် သင်စွန့်ခွာလိုသော်လည်း စွန့်ခွာ၍မရသည့် အဆင့်သို့ ရောက်စေရန် ဖြစ်သည်၊ ယင်းအဆင့်တွင် အချို့လူတို့သည် မဖြစ်စလောက် မျှော်လင့်ချက် ကင်းမဲ့ကြသော်လည်း ၎င်းတို့၏ယုံကြည်ခြင်း ဆက်ရှိနေမည်၊ ယင်းအဆင့်တွင် လူတို့သည် ၎င်းတို့၏ကိုယ်ပိုင်အနာဂတ်အပေါ် မျှော်လင့်ချက် ရှိတော့မည်မဟုတ်၊ ဤအချိန်မှသာ ဘုရားသခင်၏စစ်ဆေးခြင်း နိဂုံးချုပ်သွားမည်ဖြစ်သည်။ လူသားမျိုးနွယ်သည် သေခြင်းတစ်ဖက်ကမ်းနှင့် ရှင်ခြင်းတစ်ဖက်ကမ်းအကြားတွင် တဝဲလည်လည် ဖြစ်နေသည့် အဆင့်ကို မရောက်ကြသေး၊ ၎င်းတို့သည် သေခြင်းကို မမြည်းစမ်းရသေးသည့် အတွက်ကြောင့် စစ်ဆေးခြင်းမှာ အဆုံးမသတ်သေးပါ။ အစေခံသူများ၏ အဆင့်တွင် ရှိခဲ့သော သူများပင်လျှင် အဆုံးစွန် စစ်ဆေးခြင်းကို မခံကြရသေးသော်လည်း ယောဘသည် မည်သည့်အရာကိုမျှ အားကိုးအားထားပြုစရာ မရှိလောက်အောင်ပင် အစစ်ဆေးခံခဲ့ရသည်။ လူတို့သည် ၎င်းတို့၌ မျှော်လင့်ချက် မရှိဘဲ မည်သည့်အရာကိုမျှ အားကိုးအားထားပြုစရာ မရှိသည့် အတိုင်းအတာအထိ စစ်ဆေးခြင်းများကို ခံကြရမည်၊ ထိုမှသာ ၎င်းတို့မှာ စစ်မှန်သော စစ်ဆေးခြင်းများဖြစ်သည်။ အစေခံသူများ၏ ခေတ်ကာလအတောအတွင်း အကယ်၍ သင်၏စိတ်နှလုံးသည် ဘုရားသခင်၏ရှေ့မှောက်၌ အမြဲတစေ ဆိတ်ငြိမ်နေခဲ့ပြီး မည်သည့်အမှုကို ဘုရားသခင်ပြုခဲ့ပါစေ၊ သင့်အတွက် သူ၏အလိုတော်မှာ မည်သည့်အရာဖြစ်ပါစေ သူ၏အစီအစဉ်များကို အမြဲတမ်း သင်နာခံခဲ့ပါက၊ လမ်းဆုံးရောက်သည့်အခါ သင်သည် ဘုရားသခင် ပြုခဲ့ပြီးသော အရာခပ်သိမ်းကို နားလည်လိမ့်မည်။ ယောဘ ခံခဲ့ရသော စမ်းသပ်မှုများကို ခံရခြင်းမှာ ပေတရုခံခဲ့ရသော စမ်းသပ်မှုများကို ခံရခြင်းလည်း ဖြစ်သည်။ ယောဘ အစမ်းသပ်ခံခဲ့ရသည့်အခါ သူသည် သက်သေရပ်တည်ခဲ့ပြီး အဆုံးတွင် ယေဟောဝါသည် သူ့ကို ကိုယ်ထင်ပြခဲ့သည်။ သူသက်သေရပ်တည်ခဲ့ပြီးသည့် နောက်ပိုင်းမှသာ သူသည် ဘုရားသခင်၏မျက်နှာတော်ကို မြင်ရန် ထိုက်တန်ခဲ့သည်။ “ညစ်ညမ်းသောပြည်မှ ငါပုန်းရှောင်သော်လည်း သန့်ရှင်းသောနိုင်ငံတော်ကို ငါ့ကိုယ်ငါ ကိုယ်ထင်ပြမည်” ဟု အဘယ်ကြောင့် ပြောထားသနည်း။ ဆိုလိုသည်မှာ သင်သည် သန့်ရှင်းပြီး သက်သေရပ်တည်သည့်အခါမှသာ ဘုရားသခင်၏မျက်နှာတော်ကို မြင်ရသော ဂုဏ်အသရေကို ရနိုင်သည်။ အကယ်၍ ဘုရားသခင် အတွက် သက်သေမရပ်တည်နိုင်ပါက သူ၏မျက်နှာတော်ကို မြင်ရန် သင်၌ ဂုဏ်အသရေမရှိ။ အကယ်၍ စစ်ဆေးခြင်းများကို ခံနေရစဉ် သင်နောက်ကြောင်းပြန်လှည့်ပါက သို့မဟုတ် ဘုရားသခင်ကို မကျေနပ်ကြောင်း ညည်းညူပါက၊ သူ့အတွက် သက်သေခံရန် ပျက်ကွက်ပြီး စာတန်၏ လှောင်ပြောင်စရာ ဖြစ်နေပါက ဘုရားသခင်၏ပုံပန်းသဏ္ဌာန်ကို သင်ရနိုင်မည်မဟုတ်။ အကယ်၍ သင်သည် စမ်းသပ်မှုများကို ခံနေရသည့်အကြားမှ သူ၏သွေးသားဇာတိကို ကျိန်ဆဲခဲ့ပြီး ဘုရားသခင်ကို မကျေနပ်ကြောင်းညည်းညူခြင်း မပြုခဲ့ဘဲ သူ၏စကားများအားဖြင့် ညည်းညူခြင်း သို့မဟုတ် အပြစ်ကျူးလွန်ခြင်းမရှိဘဲ သူ၏သွေးသားဇာတိကို ရွံမုန်းနိုင်ခဲ့သည့် ယောဘကဲ့သို့သောသူ ဖြစ်ပါက၊ ယင်းသည် သက်သေရပ်တည်နေခြင်း ဖြစ်သည်။ စစ်ဆေးခြင်းများကို တိကျသော အတိုင်းအတာတစ်ခုအထိ ခံသည့်အခါ သင်သည် ယောဘကဲ့သို့ ဖြစ်နိုင်သေးသည်၊ ဘုရားသခင်၏ ရှေ့မှောက်တွင် လုံးလုံးလျားလျား နာခံမှုရှိကာ ဘုရားသခင်တောင်းဆိုသည့် အခြားသော လိုအပ်ချက်များ သို့မဟုတ် သင်၏ကိုယ်ပိုင် အယူအဆများ မရှိပါက ဘုရားသခင်သည် သင့်ထံ ပေါ်လာလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “စုံလင်ခြင်းသို့ ရောက်မည့်သူများသည် စစ်ဆေးခြင်းကို ခံကြရမည်” မှ

၁၈၈။ လူသားသည် ဘုရားသခင်အတွက် ဝေဒနာခံစားနိုင်ပြီး ဤအချိန်အထိ ရောက်ရှိလာနိုင်သည့် အကြောင်းရင်းတစ်ခုမှာ ဘုရားသခင်၏ ချစ်ခြင်းမေတ္တာကြောင့်ဖြစ်ပြီး အခြားအကြောင်းရင်းတစ်ခုမှာ ဘုရားသခင်၏ ကယ်တင်ခြင်းကြောင့်ဖြစ်သည်၊ ထိုမျှမက လူသားအထဲ၌ ဘုရားသခင်လုပ်ဆောင်ပြီးသော တရားစီရင်ခြင်းနှင့် ပြစ်တင်ဆုံးမခြင်းအမှုကြောင့်ဖြစ်သည်။ အကယ်၍ သင်တို့တွင် တရားစီရင်ခြင်း၊ ပြစ်တင်ဆုံးမခြင်းနှင့် ဘုရားသခင်၏စမ်းသပ်မှုများ မရှိပါက၊ ထို့ပြင် ဘုရားသခင်သည် သင်တို့ကို ဝေဒနာမခံစားစေပါက၊ ပွင့်ပွင့်လင်းလင်းပြောရသော်၊ သင်တို့သည် ဘုရားသခင်ကို အမှန်တကယ်မချစ်ပေ။ လူသားအထဲ၌ ဘုရားသခင်၏အမှု ပိုကြီးပြီး လူသား၏ ဒုက္ခဝေဒနာ ကြီးမားလေ၊ ဘုရားသခင်၏အမှုမှာ မည်မျှအဓိပ္ပာယ်ပြည့်ဝကြောင်း ပိုပြသနိုင်လေဖြစ်ပြီး လူသား၏စိတ်နှလုံးမှာ ဘုရားသခင်ကို အမှန်တကယ် ပိုချစ်နိုင်လေဖြစ်သည်။ ဘုရားသခင်ကို မည်သို့ချစ်မြတ်နိုးရမည့်အကြောင်းကို သင်မည်ကဲ့သို့သင်ယူသနည်း။ ဒုက္ခဆင်းရဲနှင့် စစ်ဆေးခြင်းများ မရှိပါက၊ နာကျင်သည့် စမ်းသပ်မှုများ မရှိပါက၊ ထို့ပြင် လူသားကို ဘုရားသခင်ပေးခဲ့သည်တို့မှာ ကျေးဇူးတော်၊ ချစ်ခြင်းမေတ္တာနှင့် သနားကရုဏာများသာဖြစ်ပါက ဘုရားသခင်အပေါ် စစ်မှန်သည့် ချစ်ခြင်းမေတ္တာကို သင်ရရှိနိုင်မည်လော။ တစ်ဖက်တွင် လူသားသည် ဘုရားသခင်၏စမ်းသပ်မှုကာလများအတွင်း သူ၏အားနည်းချက်များကို သိလာပြီး သူသည် အရေးမပါကြောင်း၊ စက်ဆုပ်ဖွယ်ဖြစ်ကြောင်း၊ နိမ့်ကျကြောင်း၊ သူ၌ မည်သည့်အရာမျှ မရှိကြောင်းနှင့် သူသည် အနတ္တဖြစ်ကြောင်း မြင်လေ၏။ အခြားတစ်ဖက်တွင် ဘုရားသခင်သည် သူ၏စမ်းသပ်မှုကာလများအတွင်း သူ၏နှစ်လိုဖွယ်ကောင်းခြင်းကို လူသားအား ပိုမိုတွေ့ကြုံခံစားနိုင်စေသည့် မတူညီသောပတ်ဝန်းကျင်များကို လူသားအတွက် ဖန်တီးပေး၏။ နာကျင်မှုကြီးမားပြီး တစ်ခါတစ်ရံ မကျော်လွှားနိုင်ဘဲ ပြင်းထန်သော ပူဆွေးမှုအဆင့်အထိပင် ရောက်ရှိနိုင်သော်လည်း ၎င်းကို တွေ့ကြုံခံစားပြီးနောက် လူသားသည် သူ့အထဲ၌ ဘုရားသခင်၏အမှုမှာ မည်မျှနှစ်လိုဖွယ်ကောင်းကြောင်း မြင်တွေ့ပြီး၊ ဤအုတ်မြစ်အပေါ်၌သာ လူသားအတွင်း၌ ဘုရားသခင်အပေါ် စစ်မှန်သည့် ချစ်ခြင်းမေတ္တာ မွေးဖွားလာခြင်းဖြစ်သည်။ မျက်မှောက်တွင်၊ လူသားသည် လူ့အနှစ်သာရကို သိရန်မဆိုထားနှင့်၊ ဘုရားသခင်၏ ကျေးဇူးတော်၊ ချစ်ခြင်းမေတ္တာနှင့် သနားကရုဏာသက်သက်ဖြင့် သူ့ကိုယ်သူ အမှန်တကယ် မသိနိုင်ကြောင်း မြင်လေ၏။ ဘုရားသခင်၏ စစ်ဆေးခြင်းနှင့် တရားစီရင်ခြင်းနှစ်ခုလုံးဖြင့်သာ၊ ထိုကဲ့သို့သော စစ်ဆေးခြင်းကာလအတွင်း၌သာ၊ လူသားသည် သူ၏အားနည်းချက်များကို သိနိုင်ပြီး၊ သူ၌တစ်စုံတစ်ရာမျှမရှိကြောင်း သိနိုင်သည်။ ထို့ကြောင့် ဘုရားသခင်အပေါ် လူသား၏ချစ်ခြင်းမေတ္တာသည် ဘုရားသခင်၏စစ်ဆေးခြင်းနှင့် တရားစီရင်ခြင်းအုတ်မြစ်ပေါ်၌ တည်ဆောက်ထားခြင်းဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်သည် နာကျင်သည့်စမ်းသပ်မှုများကို တွေ့ကြုံခြင်းဖြင့်သာ ဘုရားသခင်၏နှစ်လိုဖွယ်ကောင်းခြင်းကို သိနိုင်မည်” မှ

၁၈၉။ ယောဘသည် သူ၏ စမ်းသပ်မှုများကို ခံရစဉ် သူ၏ ဥစ္စာပစ္စည်းနှင့် သားသမီး အားလုံး သိမ်းယူခြင်းကို ခံခဲ့ရသော်လည်း ရလဒ်အနေဖြင့် သူသည် လဲကျခဲ့ခြင်း သို့မဟုတ် ဘုရားသခင်ကို ပြစ်မှားသည့်အရာ တစ်စုံတစ်ခုကိုမျှ မဆိုခဲ့ပေ။ သူသည် စာတန်၏ စုံစမ်းနှောင့်ယှက်မှုများကို အောင်မြင်ခဲ့ပြီး သူ၏ ရုပ်ဝတ္ထု ပစ္စည်းများနှင့် သားသမီးများကို အောင်မြင်ခဲ့သည့်အပြင် သူ၏လောကပိုင်ဆိုင်မှု အားလုံး ဆုံးရှုံးသည့် စမ်းသပ်မှုကို အောင်မြင်ခဲ့သည်၊ တစ်နည်းအားဖြင့်ဆိုသော် သူသည် သူ့ထံမှ ဘုရားသခင်၏ ရုပ်သိမ်းခြင်းကို နာခံခဲ့နိုင်ပြီး ယင်းအဖြစ်ကြောင့် ဘုရားသခင်ကို ကျေးဇူးတင်ပြီး ချီးမွမ်းနိုင်ခဲ့သည်။ ယင်းမှာ စာတန်၏ ပထမအကြိမ် စုံစမ်းနှောင့်ယှက်မှုကာလအတွင်း ယောဘ၏ပြုမူပုံဖြစ်ခဲ့ပြီး ယင်းမှာ ဘုရားသခင်၏ ပထမအကြိမ် စမ်းသပ်မှုကာလအတွင်း ယောဘ၏ သက်သေခံချက်လည်း ဖြစ်ခဲ့သည်။ ဒုတိယအကြိမ် စမ်းသပ်မှု၌ စာတန်သည် ၎င်း၏လက်ကိုဆန့်၍ ယောဘကို ထိုခိုက်ခဲ့သည်၊ ယောဘသည် သူယခင်က ခံစားခဲ့ရသည်ထက် ပို၍ နာကျင်မှုကို ခံစားခဲ့ရသော်လည်း သူ၏သက်သေခံချက်သည် လူတို့ကို အံ့အားသင့်စေခဲ့သည်။ သူသည် သူ၏ခံနိုင်ရည်၊ ခံယူချက်နှင့် ဘုရားသခင်ကို နာခံမှုတို့ကို သာမက ဘုရားသခင်ကို သူ၏ ကြောက်ရွံ့ခြင်းတို့ကို အသုံးပြုကာ စာတန်အား နောက်ထပ်တစ်ကြိမ် အနိုင်ယူခဲ့ပြီး သူ၏ ပြုမူပုံနှင့် သက်သေခံချက်သည် ဘုရားသခင်၏ ထောက်ခံခြင်းနှင့် မျက်နှာသာပေးခြင်းကို နောက်တစ်ကြိမ် ခံခဲ့ရသည်။ ဤစုံစမ်းနှောင့်ယှက်မှု ကာလအတွင်း ယောဘသည် သူ၏လက်တွေ့ပြုမူပုံကို အသုံးပြု၍ ခန္ဓာကိုယ် နာကျင်မှုသည် ဘုရားသခင်အပေါ် သူ၏ယုံကြည်ခြင်းနှင့် နာခံခြင်းတို့ကို မပြောင်းလဲစေနိုင်ကြောင်း သို့မဟုတ် ဘုရားသခင်အပေါ် သူ၏ ဆက်ကပ်မှုနှင့် ဘုရားသခင်အား ကြောက်ရွံ့မှုကို မနုတ်ယူနိုင်ကြောင်း၊ သေခြင်းကို သူရင်ဆိုင်ခဲ့ရခြင်းကြောင့် သူ၏စုံလင်ခြင်းနှင့် ဖြောင့်မတ်ခြင်းကို စွန့်လွှတ်မည် သို့မဟုတ် ဘုရားသခင်အား စွန့်ပစ်မည် မဟုတ်ကြောင်း စာတန်အား ကြေငြာခဲ့သည်။ ယောဘ၏ စိတ်ပိုင်းဖြတ်ချက်သည် စာတန်အား သူရဲဘောကြောင် ဖြစ်စေခဲ့သည်၊ သူ၏ယုံကြည်ခြင်းသည် စာတန်အား အသည်းငယ်စေပြီး တုန်လှုပ်စေခဲ့သည်၊ စာတန်နှင့် သူ၏ရှင်ခြင်းနှင့် သေခြင်းတိုက်ပွဲ၏ တွန်းအားသည် စာတန်ထဲတွင် နက်နဲသော မုန်းတီးမှုနှင့် မကျေမချမ်းမှုကို ပေါက်ဖွားစေခဲ့သည်၊ သူ၏စုံလင်ခြင်းနှင့် ဖြောင့်မတ်ခြင်းကြောင့် စာတန်သည် သူ့အား ဆက်၍ မည်သို့မျှ မပြုနိုင်ခဲ့တော့သဖြင့် စာတန်သည် ယောဘအပေါ် ၎င်း၏ တိုက်ခိုက်မှုများကို စွန့်ပစ်ကာ ယေဟောဝါဘုရားသခင်ရှေ့တွင် သူ့အား စွပ်စွဲချက်များကိုလည်း စွန့်လွှတ်ခဲ့လေသည်။ ယောဘသည် လောကကြီးကို အောင်မြင်ခဲ့ကြောင်း၊ ဇာတိပကတိကို အောင်မြင်ခဲ့ကြောင်း၊ စာတန်ကို အောင်မြင်ခဲ့ကြောင်းနှင့် သေခြင်းကို အောင်မြင်ခဲ့ကြောင်းကို ဤအရာက ဆိုလိုခဲ့ခြင်း ဖြစ်သည်၊ သူသည် ဘုရားသခင် ပိုင်ဆိုင်သော လူသားတစ်ဦး အကြွင်းမဲ့နှင့် လုံးလုံးလျားလျား ဖြစ်ခဲ့သည်။ ဤစမ်းသပ်မှုနှစ်ခု ကာလအတွင်း ယောဘသည် သူ၏ သက်သေခံချက်အပေါ် မြဲမြံစွာ ရပ်တည်ခဲ့ပြီး သူ၏ စုံလင်ခြင်းနှင့် ဖြောင့်မတ်ခြင်းတို့ကို အမှန်တကယ် အသက်ရှင်ပြခဲ့သည်၊ ထို့အပြင် ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ခြင်းနှင့်ဆိုင်သော သူ၏ အသက်ရှင်မှု နိယာမများ၏ အတိုင်းအတာကို ချဲ့ထွင်ခဲ့သည်။ ဤစမ်းသပ်မှုနှစ်ခုကို ခံရပြီးနောက်တွင် ယောဘထဲ၌ ပို၍ကြွယ်ဝသော အတွေ့အကြုံတစ်ခု မွေးဖွားလာခဲ့ပြီး ဤအတွေ့အကြုံသည် သူ့ကို ပို၍ ရင့်ကျက်ပြီး ဝါရင့်စေခဲ့သည်၊ သူ့ကို ပို၍ သန်စွမ်းစေခဲ့ပြီး သာ၍ ခံယူချက် ကြီးမားစေခဲ့ပြီး သူစွဲမြဲစွာ ဆုပ်ကိုင်ခဲ့သော တည်ကြည်မှု၏ မှန်ကန်ခြင်းနှင့် အဖိုးထိုက်တန်ခြင်းအပေါ် သူ့အား ပို၍ ယုံကြည်မှု ရှိစေခဲ့သည်။ ယောဘအပေါ် ယေဟောဝါဘုရားသခင်၏ စမ်းသပ်မှုများသည် သူ့အား လူသားအပေါ် ဘုရားသခင်၏ စိုးရိမ်မှုအကြောင်း နက်နဲသော နားလည်ခြင်းနှင့် အသိကို ပေးခဲ့ပြီး ဘုရားသခင်၏ ချစ်ခြင်းမေတ္တာ၏ အဖိုးထိုက်ခြင်းကို သတိပြုမိစေရန် အခွင့်ပေးခဲ့ပြီး ထိုမှ ဘုရားသခင်အပေါ် အရေးထားခြင်းနှင့် ချစ်ခြင်းတို့ကို ဘုရားသခင်အပေါ် သူ၏ ကြောက်ရွံ့ခြင်းထဲသို့ ဖြည့်ပေးခဲ့သည်။ ယေဟောဝါဘုရားသခင်၏ စမ်းသပ်မှုများသည် ယောဘအား သူ့ထံမှ ကင်းကွာစေခဲ့သည် သာမက သူ၏ စိတ်နှလုံးကို ဘုရားသခင် အနီးသို့ ဆောင်ယူခဲ့သည်။ ယောဘသည်းခံခဲ့သော ဇာတိပကတိ နာကျင်မှုသည် အထွတ်အထိပ်သို့ ရောက်ခဲ့သည့်အခါ ယေဟောဝါဘုရားသခင်ထံမှ သူခံစားခဲ့ရသော စိုးရိမ်ပူပန်မှုသည် သူ့အား ရွေးချယ်စရာ မပေးခဲ့ဘဲ သူ၏ မွေးဖွာရာနေ့ရက်ကိုသာ ကျိန်ဆဲစေခဲ့သည်။ ယင်းကဲ့သို့ ပြုမူပုံမှာ ယခင်ကတည်းက ကြံစည်ထားခဲ့ခြင်း မဟုတ်ဘဲ သူ၏ စိတ်နှလုံးထဲတွင် ဘုရားသခင်အား အရေးထားခြင်းနှင့် ချစ်ခြင်း၏ သဘောဝအလျောက် ထုတ်ဖော်ခြင်း တစ်ခုပင် ဖြစ်သည်။ တစ်နည်းအားဖြင့်ဆိုသော် သူသည် သူ့ကိုယ်သူ စက်ဆုပ်ရွံ့ရှာခဲ့ပြီး ဘုရားသခင်အား နှိပ်စက်ညှဉ်းပန်းရန် ဆန္ဒမရှိသည့်အပြင် ခံရပ်နိုင်ခြင်းလည်း မရှိသောကြောင့် သူ၏ အရေးထားခြင်းနှင့် ချစ်ခြင်းသည် ကိုယ်ကျိုးမငဲ့သည့် အဆင့်အထိ ရောက်ရှိခဲ့ခြင်း ဖြစ်သည်။ ဤအချိန်တွင် ယောဘသည် ဘုရားသခင်အပေါ်၌ အချိန်ကြာမြင့်စွာ တည်ရှိခဲ့သော ကြည်ညိုခြင်းနှင့် တမ်းတခြင်းတို့ကို သာမက ဘုရားသခင်အား ဆက်ကပ်ခြင်းကို အရေးထားပြီး မြတ်နိုးသည့် အဆင့်အထိ တိုးမြှင့်ခဲ့သည်။ ဤအချိန်တွင် သူသည် ဘုရားသခင်အပေါ် သူ၏ ယုံကြည်ခြင်းနှင့် နာခံခြင်းတို့ကို သာမက ဘုရားသခင်အား ကြောက်ရွံ့ခြင်းကိုလည်း အရေးထားပြီး မြတ်နိုးသည့် အဆင့်အထိ တိုးမြှင့်ခဲ့သည်။ ဘုရားသခင်ကို ထိခိုက်နစ်နာစေမည့်အရာ တစ်စုံတစ်ခုကိုမျှပြုရန် သူ့ကိုယ်သူ အခွင့်ပေးခဲ့ခြင်း၊ ဘုရားသခင်ကို နာကျင်စေမည့် ပြုမူပုံ တစ်စုံတစ်ခုကိုမျှ သူ့ကိုယ်သူ ခွင့်ပြုခဲ့ခြင်းနှင့် သူ၏ ကိုယ်ပိုင် အကြောင်းရင်းများကြောင့် ဘုရားသခင်အပေါ် ဝမ်းနည်းခြင်း၊ ပူဆွေးခြင်း သို့မဟုတ် မပျော်ရွှင်ခြင်းပင်လျှင် ယူဆောင်လာခြင်းကို သူ့ကိုယ်သူ အခွင့်မပေးခဲ့ခြင်း မရှိပေ။ ဘုရားသခင်၏ အမြင်တွင် ယောဘသည် ယခင်က ယောဘပင် ဖြစ်နေဆဲ ဖြစ်ခဲ့သော်လည်း ဘုရားသခင်အပေါ် ယောဘ၏ ယုံကြည်ခြင်း၊ နာခံခြင်းနှင့် ကြောက်ရွံ့ခြင်းသည် ဘုရားသခင်အား အကြွင်းမဲ့ ကျေနပ်အားရမှုနှင့် သာယာကြည်နူးမှုကို ဆောင်ယူလာခဲ့ပြီး ဖြစ်သည်။ ဤအချိန်တွင် ဘုရားသခင်သည် ယောဘအား ရစေရန် မျှော်လင့်ထားခဲ့သော စုံလင်ခြင်းကို သူရရှိခဲ့ပြီး သူသည် ဘုရားသခင်၏ အမြင်တွင် “စုံလင်ဖြောင့်မတ်သည်” ဟုခေါ်ဝေါ်ခြင်းကို အမှန်တကယ် ခံထိုက်သောသူ တစ်စုံတစ်ဦး ဖြစ်လာခဲ့သည်။ သူ၏ ဖြောင့်မတ်သော လုပ်ဆောင်ချက်များသည် စာတန်အား အောင်မြင်စေရန်နှင့် ဘုရားသခင်အား သူ၏သက်သေခံချက်၌ ခိုင်ခံ့စွာ ရပ်တည်စေရန် အခွင့်ပေးခဲ့သည်။ ထိုအတွက်ကြောင့် သူ၏ဖြောင့်မတ်သော လုပ်ဆောင်ချက်များသည် သူ့အား အမှန်တကယ် စုံလင်စေပြီး သူ၏ ဘဝတန်ဖိုးကို မြှင့်တက်စေသည့်အပြင် ဖြစ်ဖူးသမျှထက် ကျော်လွန်စေပြီး စာတန်၏ တိုက်ခိုက်ခြင်းနှင့် စုံစမ်းနှောင့်ယှက်ခြင်းကို ဆက်၍ မခံရတော့သည့် ပထဦးဆုံး လူပုဂ္ဂိုလ်တစ်ဦး ဖြစ်စေသည်။ ယောဘသည် ဖြောင့်မတ်ခဲ့ခြင်းကြောင့် စာတန်၏ စွပ်စွဲခြင်းနှင့် စုံစမ်းနှောင့်ယှက်ခြင်းကို ခံခဲ့ရသည်၊ ယောဘသည် ဖြောင့်မတ်ခဲ့ခြင်းကြောင့် စာတန်လက်သို့ အပ်နှံခြင်းကို ခံခဲ့ရပြီး ယောဘသည် ဖြောင့်မတ်ခဲ့ခြင်းကြောင့် သူသည် စာတန်ကို အောင်မြင်ပြီး ရှုံးနိမ့်စေခဲ့သည့်အပြင် သူ၏ သက်သေခံချက်၌ ခိုင်မြဲစွာ ရပ်တည်ခဲ့သည်။ ဤအချိန်မှစ၍ ယောဘသည် စာတန်လက်ထဲသို့ အပ်နှံခြင်းကို မည်သည့်အခါမျှ ထပ်မံ၍ မခံရမည့် ပထမဦးဆုံး လူသားတစ်ဦး ဖြစ်လာခဲ့သည်၊ သူသည် ဘုရားသခင်၏ ပလ္လင်ရှေ့တွင် အမှန်တကယ် လာရောက်ခဲ့ပြီး စာတန်၏ စောင့်ကြည့်ခြင်း သို့မဟုတ် ဖျက်ဆီးခြင်း မပါဘဲ ဘုရားသခင်၏ ကောင်းချီးမင်္ဂလာအောက်၊ အလင်းထဲ၌ အသက်ရှင်ခဲ့ရသည်...သူသည် ဘုရားသခင်၏ အမြင်၌ စစ်မှန်သော လူသားတစ်ဦး ဖြစ်လာခဲ့ပြီး သူသည် လွတ်မြောက်ခြင်းကို ရရှိခဲ့လေသည်...

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် (၂)” မှ

၁၉၀။ ဘုရားသခင်၏ နှုတ်ထွက်စကားတိုင်းက ငါတို့၏ သေကွင်းသေကွက်များကို ထိုးနှက်ပြီး ငါတို့အား ကြောက်ရွံ့စိတ်နှင့် ပြည့်စေပြီး နာကျင်စူးရှစေသည်။ ဘုရားသခင်သည် ငါတို့၏ အယူအဆများ၊ ငါတို့၏ စိတ်ကူးများနှင့် ငါတို့၏ ဖောက်ပြန်သော စိတ်သဘောထားကို ထုတ်ဖော်ပြသည်။ ငါတို့ ပြောသမျှနှင့် လုပ်သမျှမှသည် ငါတို့၏အတွေးအခေါ်၊ အယူအဆတစ်ခုချင်းစီတိုင်းအထိ ငါတို့၏ သဘာဝနှင့် အနှစ်သာရသည် ဘုရားသခင်၏ နှုတ်ကပတ်တော်များထဲ၌ ထုတ်ဖော်ခြင်း ခံရပြီး ငါတို့ကို ပုန်းစရာနေရာမရှိအောင် အရှက်ရစေသည်သာမက ကြောက်စိတ်နှင့် တုန်နေစေသည်။ ဘုရားသခင်သည် ငါတို့၏ လုပ်ရပ်များ၊ ငါတို့၏ ပန်တိုင်များနှင့် ရည်ရွယ်ချက်များအားလုံးအကြောင်းကို ငါတို့အား တစ်ခုပြီးတစ်ခု ပြောပြသည်၊ ငါတို့ကိုယ်တိုင်ပင် မည်သည့်အခါမျှ မတွေ့ရှိသေးသည့် ဖောက်ပြန်သော စိတ်သဘောထားကိုပင် ပြောပြပြီး ငါတို့၏ စိတ်ပျက်ဖွယ် အပြစ်အနာအဆာများ အားလုံးကို မြင်သာအောင် ပြထားခြင်း ခံရသလို ငါတို့ကို ခံစားရစေသည်၊ ထို့အပြင် အပြည့်အဝ သိမ်းသွင်းခံထားသလို သာ၍ပင် ခံစားရစေသည်။ သူ့ကို ဆန့်ကျင်သည့်အတွက် သူသည် ငါတို့ကို တရားစီရင်သည်၊ သူ့ကို စော်ကားပြောဆိုပြီး ပြစ်တင်ရှုတ်ချသောကြောင့် ငါတို့ကို ပြစ်တင်ဆုံးမသည်၊ ထို့ပြင် ဘုရားသခင်၏အမြင်တွင် ငါတို့၌ ရွေးနုတ်ထိုက်သော အင်္ဂါရပ် တစ်ခုမျှမရှိဟု ခံစားရစေသည်၊ ငါတို့သည် ရှင်သန်နေသော စာတန်ဖြစ်သည်ဟု ခံစားရစေသည်။ ငါတို့၏ မျှော်လင့်ချက်များ တစစီကျိုးပဲ့သွားသည်၊ အကျိုးအကြောင်း မသင့်သော တောင်းဆိုမှုများကို ငါတို့မပြုရဲတော့၊ သူ့အပေါ်လည်း မျှော်လင့်ချက်များ မထားရဲတော့ပါ၊ ထို့အပြင် ငါတို့၏ အိမ်မက်များသည်ပင် ညတွင်းချင်း ပျောက်ကွယ်သွားသည်။ ဤသည်မှာ ငါတို့ထဲတွင် မည်သူကမျှ စိတ်မကူးနိုင်သော၊ ငါတို့ထဲတွင် မည်သူကမျှ လက်မခံနိုင်သော အချက်အလက်တစ်ခု ဖြစ်သည်။ အချိန်တစ်ခဏအတွင်းတွင် ငါတို့သည် မိမိတို့၏ အတွင်းစိတ် ဟန်ချက်ညီမှုကို ဆုံးရှုံးသွားပြီး ရှေ့တွင်ရှိနေသော လမ်းကို မည်သို့ဆက်လျှောက်ရမည်ကို ငါတို့မသိကြ၊ သို့မဟုတ် ငါတို့၏ ယုံကြည်ခြင်းများ၌ မည်သို့ရှေ့ဆက်ရမည်ကို မသိကြပေ။ ငါတို့၏ ယုံကြည်ခြင်းသည် မူလအစကလို ပြန်ဖြစ်သွားပြီး သခင်ယေရှုနှင့် ငါတို့ တစ်ခါမျှ မတွေ့ဖူးသလို၊ တစ်ခါမျှ မရင်းနှီးဖူးသလို ထင်ရသည်။ ငါတို့၏ မျက်စိရှေ့၌ရှိသော အရာမှန်သမျှသည် ငါတို့ကို စိတ်ရှုပ်ထွေးစေပြီး စိတ်မပိုင်းဖြတ်နိုင်ဘဲ တွေဝေနေစေသည်။ ငါတို့သည် တုန်လှုပ်ချောက်ချားကြသည်၊ စိတ်ပျက်ကြသည်၊ ငါတို့၏ နှလုံးသားအတွင်းရှိ နက်ရှိုင်းသောနေရာ၌ ထိန်းထား၍မရသည့် ဒေါသနှင့် အရှက်ရခြင်း ရှိကြသည်။ ငါတို့သည် ထွက်ပေါက်ရှာဖို့ ကြိုးစားကြသည်၊ လွတ်မြောက်ရာလမ်းကို ရှာတွေ့ဖို့ ကြိုးစားကြသည်၊ ထို့ပြင် ငါတို့၏ ကယ်တင်ရှင် ယေရှုကို ဆက်စောင့်ဖို့ ကြိုးစားကြသည်၊ ယေရှုအား ရင်ဖွင့်ဖိုလည်း ကြိုးစားကြသည်။ ငါတို့သည် အပြင်ပန်း၌ စိတ်တည်ငြိမ်နေပြီး မောက်မာခြင်း မရှိသလို၊ နှိမ့်ချခြင်းလည်း မရှိဟု ထင်ရသည့်အချိန်များရှိသော်လည်း ငါတို့၏ နှလုံးသားထဲတွင်မူ ယခင်က တစ်ခါမျှ မခံစားဖူးသည့် ဆုံးရှုံးမှုဝေဒနာ၏ ဖိစီးနှိပ်စက်ခြင်းကို ခံနေရသည်။ တစ်ခါတစ်ရံတွင် ငါတို့သည် အပြင်ပန်း၌ ထူးထူးခြားခြား တည်ငြိမ်နေသည်ဟု ထင်ကောင်း ထင်ရသော်လည်း ငါတို့၏စိတ်များမှာမူ မုန်တိုင်းထန်သော ပင်လယ်ကဲ့သို့ အလွန်အမင်း စိတ်ဆင်းရဲမှုဒဏ်ကို ခံနေရသည်။ ဘုရားသခင်၏ တရားစီရင်မှုနှင့် ပြစ်တင်ဆုံးမမှုသည် ငါတို့၏ မျှော်လင့်ချက်များနှင့် အိပ်မက်များ အားလုံးကို ခွာချပစ်ပြီး ငါတို့၏ အလွန်အကျွံဖြစ်သော စိတ်ဆန္ဒများကို အဆုံးသတ်ပေးသည့်အပြင် သူသည် ငါတို့၏ ကယ်တင်ရှင်ဖြစ်ပြီး ငါတို့ကို ကယ်တင်နိုင်စွမ်းရှိသောသူ ဖြစ်သည် ဟူသည့်အချက်ကိုလည်း ယုံကြည်လိုခြင်း မရှိတော့ဘဲ ဖြစ်စေသည်။ ဘုရားသခင်၏ တရားစီရင်မှုနှင့် ပြစ်တင်ဆုံးမမှုသည် သူနှင့် ငါတို့အကြား၌ မည်သူကမျှ ကြိုးစား၍ မဖြတ်ကူးလိုသည့် ချောက်နက်ကြီးတစ်ခုကို ဖြစ်ပေါ်စေခဲ့သည်။ သူ၏တရားစီရင်မှုနှင့် ပြစ်တင်ဆုံးမမှုသည် ပထမဦးဆုံးအကြိမ် ငါတို့ခံစားခဲ့ရသည့် အလွန်ကြီးမားသော ဆုတ်ဆိုင်းမှုဖြစ်သည်၊ ငါတို့၏အသက်တာ၌ အလွန်ကြီးမားသော အရှက်ရမှုဖြစ်သည်။ သူ၏တရားစီရင်မှုနှင့် ပြစ်တင်ဆုံးမမှုသည် ဘုရားသခင်၏ ဂုဏ်သရေနှင့် လူသား၏ ပုန်ကန်ပြစ်မှားမှုကို သည်းမခံခြင်းအား ငါတို့ကို အမှန်တကယ် နားလည်စေသည်၊ ထိုအရာများနှင့်ယှဉ်လျှင် ငါတို့သည် အလွန်ပင်နိမ့်ကျပြီး မစင်ကြယ်သူများ ဖြစ်သည်။ သူ၏တရားစီရင်မှုနှင့် ဝေဖန်ပြစ်တင်မှုက ငါတို့သည် မည်မျှမောက်မာကြောင်း၊ မည်မျှခမ်းကြီးနားကြီးနိုင်ကြောင်း၊ လူသည် ဘုရားသခင်နှင့် မည်သည့်အခါမျှ အဆင့်ချင်းတူမည် မဟုတ်ကြောင်း၊ သို့မဟုတ် ဘုရားသခင်နှင့် တန်းတူဖြစ်မည် မဟုတ်ကြောင်းကို ငါတို့အား ပထမဦးဆုံးအကြိမ် သတိထားမိစေသည်။ သူ၏ တရားစီရင်မှုနှင့် ပြစ်တင်ဆုံးမမှုက ဖောက်ပြန်သော စိတ်သဘောထားဖြင့် ဆက်လက် အသက်မရှင်တော့အောင် တောင့်တသည့်စိတ်ကို ငါတို့၌ ဖြစ်စေသည့်အပြင် ထိုသို့သော သဘာဝနှင့် အနှစ်သာရကို အမြန်ဆုံး စွန့်လိုစိတ်ရှိအောင်၊ ဘုရားသခင် မနှစ်မြို့သောသူ မဖြစ်တော့အောင်၊ ဘုရားသခင်အတွက် ရွံရှာဖွယ်ကောင်းသောသူ မဖြစ်တော့အောင်လည်း လုပ်ပေးသည်။ သူ၏ တရားစီရင်မှုနှင့် ပြစ်တင်ဆုံးမမှုသည် သူ့နှုတ်ကပတ်တော်များကို ငါတို့အနေဖြင့် ဝမ်းမြောက်ဝမ်းသာ နာခံလိုစိတ်ရှိအောင်နှင့် သူ၏စီစဉ်ညွှန်ကြားမှုများနှင့် အစီအစဉ်များကို ပုန်ကန်လိုစိတ် မရှိတော့အောင် လုပ်ခဲ့ပြီးဖြစ်သည်။ သူ၏ တရားစီရင်မှုနှင့် ပြစ်တင်ဆုံးမမှုသည် အသက်ကို ရှာဖွေလိုစိတ်အား ငါတို့ကို နောက်တစ်ကြိမ် ထပ်ပေးပြီးဖြစ်သည်၊ သူ့ကို ငါတို့၏ ကယ်တင်ရှင်အဖြစ် ဝမ်းမြောက်ဝမ်းသာလက်ခံအောင် လုပ်ခဲ့ပြီးဖြစ်သည်...။ ငါတို့သည် သိမ်းပိုက်ခြင်းအလုပ်ကို ထားခဲ့ပြီးဖြစ်သည်၊ ငရဲမှလည်း ထွက်ခွာလာခဲ့ပြီး ဖြစ်သည်၊ သေမင်း၏ အရိပ်လွှမ်းမိုးသော ချိုင့်ထဲမှ လှမ်းထွက်လာခဲ့ပြီးဖြစ်သည်...။ အနန္တတန်ခိုးရှင်ဘုရားသခင်သည် ဤလူစုဖြစ်သည့် ငါတို့ကို ရရှိပြီးဖြစ်သည်။ အနန္တတန်ခိုးရှင်ဘုရားသခင်သည် စာတန်ကို အောင်နိုင်ပြီးဖြစ်သည်၊ သူ၏ရန်သူများအားလုံးကို နှိမ်နင်းပြီး ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ တရားစီရင်မှုနှင့် ပြစ်တင်ဆုံးမမှု၌ ဘုရားသခင်၏ ပုံသဏ္ဌာန်ကို မြင်ခြင်း” မှ

၁၉၁။ နှစ်ကာလများစွာ ကျော်လွန်ပြီးနောက် လူသားသည် သန့်စင်ခြင်း၊ ပြစ်တင်ဆုံးမခြင်း အခက်အခဲများကို ခံရပြီးနောက် ခံနိုင်ရည်ရှိသွားပြီ ဖြစ်သည်။ အတိတ်က “ဘုန်းတန်ခိုး” နှင့် “ကြည်နူးဆွတ်ပျံ့ဖွယ်ရာ” တို့ ပျောက်ဆုံးသွားပြီ ဖြစ်သော်လည်း မသိစိတ်ကမူ လူသားတစ်ဦး ဖြစ်ရခြင်း၏ သမ္မာတရားကို နားလည်လာပြီး လူသားတို့ကို ကယ်တင်ရေးအတွက် ဘုရားသခင်၏ နှစ်ပေါင်းများစွာ ပေးအပ်လုပ်ဆောင်မှုကို ကျေးဇူးတင်လာသည်။ တဖြည်းဖြည်းနှင့် လူသားသည် ၎င်းကိုယ်တိုင်၏ ရိုင်းပျကြမ်းတမ်းမှုကို ရွံရှာစက်ဆုပ်လာသည်။ သူမည်မျှရိုင်းစိုင်းသည်ကို စတင်မုန်းတီးလာသည်။ ဘုရားသခင်အပေါ် အထင်လွဲမှားမှုများအားလုံး၊ ဘုရားသခင်ထံ သူပြုခဲ့သည့် မလျော်ကန်သော တောင်းဆိုချက်များကို စတင်မုန်းတီးလာသည်။ အချိန်ကို နောက်ကြောင်းပြန်လှည့်၍မရပါ။ အတိတ်မှ အဖြစ်အပျက်များသည် လူသားအတွက် နောင်တရစရာ အမှတ်တရများ ဖြစ်လာပြီး ဘုရားသခင်၏ နှုတ်ကပတ်တော်နှင့် မေတ္တာတို့သည် လူသား၏ဘဝသစ်အတွက် တွန်းအားများဖြစ်လာသည်။ တစ်နေ့ပြီးတစ်နေ့ လူသား၏ဒဏ်ရာဒဏ်ချက်များ ပျောက်ကင်းလာသည်၊ ခွန်အားပြန်ရှိလာပြီး မတ်တတ်ရပ်ကာ အနန္တတန်ခိုးရှင်၏ မျက်နှာတော်ကို ဖူးမျှော်သည်...ထိုအခါ သူသည် မိမိ၏အနားတွင် အစဉ်ရှိကြောင်းနှင့် သူ၏အပြုံးနှင့် လှပသောမျက်နှာတို့သည် စိတ်နှလုံးကို လှုပ်ရှားစေနိုင်ဆဲဖြစ်ကြောင်းတို့ကိုသာ တွေ့လိုက်ရသည်။ သူ၏စိတ်နှလုံးသည် သူဖန်ဆင်းခဲ့သော လူသားတို့အတွက် စိုးရိမ်စိတ်ရှိနေဆဲဖြစ်ပြီး လက်များသည် အစအဦးကကဲ့သို့ နွေးထွေးဆဲ၊ တန်ခိုးရှိဆဲဖြစ်သည်။ လူသားသည် ဧဒင်ဥယျာဉ်သို့ ပြန်ရောက်နေသည့်အလားဖြစ်သည်။ သို့သော် ဤအကြိမ်တွင် မြွေ၏ဖြားယောင်းသွေးဆောင်မှုများကို လူသား နားမထောင်တော့ပါ။ ယေဟောဝါ၏ မျက်နှာမှ လှည့်မသွားတော့ပါ။ ဘုရားသခင်ရှေ့မှောက် လူသား ဒူးထောက်ကာ ဘုရားသခင်၏ ပြုံးနေသော မျက်နှာကို မော်ဖူးပြီး မိမိ၏အဖိုးတန်ဆုံးယဇ်ကို ပူဇော်သည်- အို၊ ကျွန်ုပ်၏သခင်။ ကျွန်ုပ်၏ ဘုရားသခင်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ စီမံခန့်ခွဲမှုအထဲ၌သာ လူသားသည် ကယ်တင်ခြင်း ခံရနိုင်သည်” မှ

ယခင်က:(၁၃) ဘုရားသခင်အား ချစ်ခင်ကြင်နာမှုကို မည်သို့မည်ပုံရှာဖွေလိုက်စားရန်နှင့် ပတ်သက်သည့် နှုတ်ကပတ်တော်များ

နောက်တစ်ခုသို့:(၁၅) ဘုရားသခင်ကို အစေခံခြင်းနှင့် သူ့အပေါ် သက်သေခံခြင်းတို့နှင့် ပတ်သက်သည့် နှုတ်ကပတ်တော်များ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မြွက်ဆိုချက်များ လက်ရွေးစင်များ သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ အောင်မြင်သောသူများ၏ သက်သေခံချက်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ