ငါတို့၏ ယခင်စုဝေးပွဲတွင် “ကွပ်မျက်ပြီးသားလူတစ်ဦးကို ခေါင်းဖြတ်လျှင် အကျိုးမရှိပါ။ တတ်နိုင်သည့်နေရာတိုင်းတွင် သက်ညှာပါ” ဆိုသည့် အကျင့်စာရိတ္တနှင့်ပတ်သက်သည့် ဆိုရိုးစကားကို မိတ်သဟာယဖွဲ့ပြီး စိစစ်ခဲ့သည်။ ယခုတွင် သင်တို့သည် ရိုးရာယဉ်ကျေးမှုတွင် အကျင့်စာရိတ္တနှင့်သက်ဆိုင်သော ဆိုရိုးစကားအမျိုးမျိုးကို အမှန်တကယ် နားလည်ကြသလော။ ဤ အကျင့်စာရိတ္တဆိုင်ရာ ဆိုရိုးစကားများသည် သမ္မာတရားနှင့် မည်သို့ ကွဲပြားသနည်း။ ယခုတွင် ဤအကျင့်စာရိတ္တဆိုင်ရာ ဆိုရိုးစကားများသည် အခြေခံအားဖြင့် သမ္မာတရားမဟုတ်၊ သမ္မာတရား၏ နေရာကို သေချာပေါက် မယူနိုင်ဆိုသည်ကို သင်တို့ အတည်ပြုနိုင်သလော။ (အတည်ပြုနိုင်သည်။) သင်တို့သည် ဤအရာကို အတည်ပြုနိုင်သည်ဆိုသည်ကို မည်သည့်အရာက ပြသသနည်း။ (ရိုးရာယဉ်ကျေးမှုတွင်ရှိသော ဤဆိုရိုးစကားများကို အမှန်တကယ် အရှိအတိုင်း ပိုင်းခြားသိမြင်ရန် ကျွန်ုပ်၌ အရည်အချင်းရှိသည်ဆိုသည့်အချက်က ပြသည်။ ယခင်က ကျွန်ုပ်၏ စိတ်နှလုံးတွင် ဤအရာများရှိသည်ကို သတိမပြုခဲ့မိပါ။ ဘုရားသခင်၏ ဤမိတ်သဟာယနှင့် စိစစ်မှုအနည်းငယ်ပြီးနောက်တွင်မှသာ ကျွန်ုပ်သည် တစ်လျှောက်လုံးတွင် ဤအရာများ၏ လွှမ်းမိုးမှုအောက်တွင် ရှိနေသည်ကိုလည်းကောင်း၊ ကျွန်ုပ်သည် ရိုးရာယဉ်ကျေးမှုကို အခြေခံ၍ လူများ၊ အကြောင်းအရာများကို အစဉ်သဖြင့် ရှုမြင်ခဲ့သည်ကိုလည်းကောင်း ကျွန်ုပ် သဘောပေါက်လာသည်။ ရိုးရာယဉ်ကျေးမှု၏ ဤဆိုရိုးစကားများသည် အမှန်ပင် သမ္မာတရားနှင့် ကွဲလွဲနေသည်၊ ၎င်းတို့သည် လူတို့ကို ဖောက်ပြန်ပျက်စီးစေသောအရာများအားလုံးဖြစ်သည်ဆိုသည်ကိုလည်း ကျွန်ုပ် မြင်သည်။) ဤအရာကို အတည်ပြုပြီးသည့်နောက်တွင် ရှေးဦးစွာ သင်တို့သည် ဤရိုးရာယဉ်ကျေးမှုနှင့်ဆိုင်သောအရာများကို အနည်းငယ် ပိုင်းခြားသိမြင်မှုရှိသည်။ သင်တို့သည် သိမြင်နားလည်သော အသိအမြင်ရှိရုံမကဘဲ ဤအရာများ၏ အနှစ်သာရကို သီအိုရီဆိုင်ရာ ရှုထောင့်မှနေ၍လည်း ပိုင်းခြားသိမြင်နိုင်သည်။ ဒုတိယအနေဖြင့် သင်တို့သည် ရိုးရာယဉ်ကျေးမှုတွင်ရှိသော ဤအရာများ၏ သက်ရောက်ခြင်းကို မခံရတော့ဘဲ သင်၏ စိတ်နှလုံးမှ ဤအရာများ၏ သက်ရောက်မှု၊ ထိန်းချုပ်မှု၊ ချည်နှောင်မှုများကို ဖယ်ရှားနိုင်သည်။ အထူးသဖြင့် အမျိုးမျိုးသောအရာများကို ရှုမြင်သောအခါ၊ သို့မဟုတ် အမျိုးမျိုးသော ပြဿနာများကို ကိုင်တွယ်ဖြေရှင်းသောအခါ သင်တို့သည် ဤအယူအဆများ၊ အမြင်များ၏ လွှမ်းမိုးခြင်း၊ ချုပ်ချယ်ခြင်းကို မခံရတော့ပေ။ ယေဘူယျအားဖြင့် သင်တို့သည် မိတ်သဟာယမှတစ်ဆင့် ရိုးရာယဉ်ကျေးမှု၏ ဤအယူအဆများ၊ အမြင်များနှင့်ပတ်သက်ပြီး ပိုင်းခြားသိမြင်မှုအချို့ကို ရရှိခဲ့သည်။ ဤသည်မှာ သမ္မာတရားကို နားလည်ခြင်းမှတစ်ဆင့် ရရှိသော ရလဒ်ဖြစ်သည်။ ရိုးရာယဉ်ကျေးမှုမှ ဤအရာများသည် အနှစ်မရှိပေ။ ဆိုးယုတ်သော အတွေးအခေါ်များနှင့် ပြည့်နေသည့် ကြားကောင်းသော ဆိုရိုးစကားများဖြစ်သည်။ အထူးသဖြင့် “တစ်လုတ်စားဖူး သူ့ကျေးဇူး”၊ “သင်သည် သူတစ်ပါးတို့ကို ရိုက်နှက်မည်ဆိုလျှင် မျက်နှာကို မရိုက်နှင့်။ သင်သည် သူတစ်ပါးတို့အကြောင်းကို ဖော်မည်ဆိုလျှင် သူတစ်ပါးတို့၏ အားနည်းချက်များကို မဖော်နှင့်”၊ “ကွပ်မျက်ပြီးသားလူတစ်ဦးကို ခေါင်းဖြတ်လျှင် အကျိုးမရှိပါ။ တတ်နိုင်သည့်နေရာတိုင်းတွင် သက်ညှာပါ” ဆိုသည့် အကျင့်စာရိတ္တဆိုင်ရာ ဆိုရိုးစကားများဖြစ်သည်။ ၎င်းတို့သည် လူသားတို့အား ၎င်းတို့၏ အတွေးများမှတစ်ဆင့် အဆက်မပြတ် လွှမ်းမိုးသည်။ ထိန်းချုပ်သည်။ ချည်နှောင်သည်။ ပြီးလျှင် လူတို့၏ အကျင့်စာရိတ္တတွင် တက်ကြွပြီး အပြုသဘောဆောင်သောနေရာ၌ မရှိပေ။ ယခုတွင် သင်တို့၌ ပိုင်းခြားသိမြင်မှုအနည်းငယ်ရှိသော်လည်း သင်တို့၏ စိတ်နှလုံးအတွင်းထဲမှ ဤအရာများ၏ လွှမ်းမိုးမှုကို အပြည့်အဝ အမြစ်ဖြတ်ရန်မှာ ခက်ခဲသည်။ သင်တို့သည် အချိန်ကာလတစ်ခုအထိ ဘုရားနှုတ်ကပတ်တော်နှင့်အညီ သမ္မာတရားဖြင့် ပြင်ဆင်ပြီး တွေ့ကြုံခံစားရမည်။ ထိုအခါမှသာ ဤကြောင်သူတော်ဆန်သောအရာများသည် မည်မျှ နက်နဲစွာ ထိခိုက်စေသည်၊ မှားယွင်းပြီး မဖြစ်နိုင်ဖွယ်ရာဖြစ်သည်တို့ကို သင်တို့ အပြည့်အဝ ရှင်းလင်းစွာ မြင်နိုင်သည်။ ထိုအခါမှသာ ပြဿနာကို အရင်းအမြစ်မှနေ၍ ဖြေရှင်းနိုင်သည်။ သင်တို့သည် အယူဝါဒအချို့ကို နားလည်ခြင်းဖြင့်သာ ဤမှားယွင်းသောအတွေးများ၊ အယူအဆများကို စွန့်လွှတ်ပြီး ထိုအရာများ၏ လွှမ်းမိုးမှု၊ ထိန်းချုပ်မှုနှင့် ချည်နှောင်မှုတို့ကို ဖယ်ရှားလိုလျှင် ဤသို့ ဖြစ်မြောက်ရန် အလွန်ခက်ခဲလိမ့်မည်။ ယခုအခါတွင် သင်တို့သည် ဤ အကျင့်စာရိတ္တဆိုင်ရာ ဆိုရိုးစကားများကို အမှန်တကယ် အရှိအတိုင်း အတော်အတန် ပိုင်းခြားသိမြင်နိုင်သောအခါတွင် အနည်းဆုံးအနေဖြင့် သင်တို့တွင် နားလည်မှုအချို့ရှိပြီး သင်တို့၏ စဉ်းစားပုံတွင် တိုးတက်မှုအချို့ရှိလာသည်။ ကျန်သည့်အရာများက မိမိသည် ဘုရားနှုတ်ကပတ်တော်နှင့်အညီ သမ္မာတရားကို မည်သို့ရှာဖွေသည်၊ လူများ၊ အမှုအရာများကို မည်သို့ ရှုမြင်သည်၊ အနာဂတ်တွင် မည်သို့တွေ့ကြုံသည်ဆိုသည်တို့ အပေါ်တွင် မူတည်သည်။

ဤမိတ်သဟာယများနှင့် ရိုးရာယဉ်ကျေးမှုတွင်ရှိသော ဤအကျင့်စာရိတ္တဆိုင်ရာ ဆိုရိုးစကားများအား စိစစ်ခြင်းတို့ကို လိုက်လျှောက်သောအခါတွင် ဤဆိုရိုးစကားများ၏ အနှစ်သာရကို သင်တို့ ရှင်းလင်းစွာ မြင်နိုင်သလော။ သင်တို့သည် အမှန်တကယ် ရှင်းလင်းစွာ မြင်နိုင်လျှင် ရိုးရာယဉ်ကျေးမှုမှ ဤဆိုရိုးစကားများသည် သမ္မာတရားမဟုတ်သကဲ့သို့ သမ္မာတရားအတွက်လည်း မရပ်တည်နိုင်ဆိုသည်ကို သင်တို့ ဆုံးဖြတ်နိုင်သည်။ ဤမျှအထိ သေချာသည်။ လူအများစုမှာ မိတ်သဟာယမှတစ်ဆင့် ၎င်းတို့၏ စိတ်နှလုံးတွင် ဤအရာကို အတည်ပြုပြီးဖြစ်သည်။ ဤသို့ဆိုလျှင် အကျင့်စာရိတ္တဆိုင်ရာ အမျိုးမျိုးသော ဆိုရိုးစကားအားလုံး၏ အနှစ်သာရကို မည်သို့ နားလည်သင့်သနည်း။ ဤပြဿနာကို ဘုရားနှုတ်ကပတ်တော်နှင့် သမ္မာတရားနှင့်အညီ မရင်ဆိုင်လျှင် ဤအရာကို ပိုင်းခြားသိမြင်ပြီး နားလည်ဖို့ မဖြစ်နိုင်ပေ။ ရိုးရာယဉ်ကျေးမှုတွင်ရှိသော ဤအကျင့်စာရိတ္တဆိုင်ရာ ဆိုရိုးစကားများသည် သဘောတရားအရ မည်မျှမြင့်မြတ်ပြီး အပြုသဘောဆောင်ပါစေ ၎င်းတို့သည် အမှန်တကယ်ပင် လူတို့၏ လုပ်ရပ်များနှင့် အပြုအမူအတွက် စံသတ်မှတ်ချက်၊ သို့မဟုတ် ကျင့်ကြံနေထိုင်မှုစည်းမျဉ်းများဖြစ်သလော။ (မဖြစ်ပါ။) ၎င်းတို့သည် စည်းမျဉ်းများ၊ သို့မဟုတ် ကျင့်ကြံနေထိုင်မှု စံသတ်မှတ်ချက်များမဟုတ်ပေ။ ဤသို့ဆိုလျှင် အတိအကျဆိုရလျှင် ၎င်းတို့သည် မည်သည့်အရာဖြစ်သနည်း။ သင်တို့သည် အကျင့်စာရိတ္တဆိုင်ရာ ဆိုရိုးစကားတစ်ခုစီ၏ အနှစ်သာရကို စိစစ်ပြီး လူတို့ကြားတွင် ထွက်ပေါ်လာသော ဤအကျင့်စာရိတ္တဆိုင်ရာ ဆိုရိုးစကားများ၏ သမ္မာတရားနှင့် အနှစ်သာရသည် အတိအကျဆိုလျှင် မည်သည့်အရာများဖြစ်သည်ဆိုသည်နှင့်ပတ်သက်ပြီး ကောက်ချက်ချနိုင်သလော။ ဤမေးခွန်းကို သင်တို့ မည်သည့်အခါမျှ မစဉ်းစားခဲ့သလော။ အုပ်ချုပ်သူလူတန်းစားကို မြှောက်ပင့်ပြီး မျက်နှာလိုမျက်နှာရလုပ်ကာ ၎င်းတို့ကို အစေခံရန် အလွန်ဝမ်းမြောက်ခြင်းသာရှိကြသော အတွေးအခေါ်သမားများ၊ ဘုရားတရားသမားများဆိုသောသူတို့၏ ရည်ရွယ်ချက်များကို ဘေးဖယ်ထားပြီး ဤအရာကို သာမန်လူ့သဘာဝ၏ ရှုထောင့်မှ စိစစ်ကြည့်ကြစို့။ ဤအကျင့်စာရိတ္တဆိုင်ရာ ဆိုရိုးစကားများသည် သမ္မာတရားအတွက် ရပ်တည်ဖို့ မဆိုထားနှင့်။ သမ္မာတရားပင် မဟုတ်သောကြောင့် ၎င်းတို့သည် မှန်သယောင်ရှိသော်လည်း မှားနေခြင်းသာ ဖြစ်ရမည်။ ၎င်းတို့သည် သေချာပေါက် အပြုသဘောဆောင်သောအရာများမဟုတ်ပေ။ ဤမျှအထိ သေချာသည်။ သင်တို့သည် ဤနည်းဖြင့် ၎င်းတို့ကို အရှိအတိုင်း သိမြင်နိုင်လျှင် သင်တို့သည် သင်တို့၏ စိတ်နှလုံးတွင် သမ္မာတရားအား နားလည်မှုအချို့ကို ရရှိခဲ့ပြီးဖြစ်ကာ ပိုင်းခြားသိမြင်မှု အနည်းငယ် ရှိပြီးဖြစ်သည်ကို သက်သေပြသည်။ ဤအကျင့်စာရိတ္တဆိုင်ရာ ဆိုရိုးစကားများသည် အပြုသဘောဆောင်သောအရာများမဟုတ်သကဲ့သို့ လူတို့၏ လုပ်ရပ်များနှင့် အပြုအမူများအတွက် စံသတ်မှတ်ချက်လည်းမဟုတ်ပေ။ လိုက်နာသင့်သည့် လူတို့၏ ကျင့်ကြံနေထိုင်မှုအတွက် စည်းမျဉ်းများဆိုသည်မှာ ပို၍ပင်မဟုတ်ပေ။ ထို့ကြောင့် ထိုအရာများတွင် တစ်ခုခုမှားယွင်းနေသည်။ ဤအရာကို အတွင်းကျကျ အဖြေရှာဖို့ ထိုက်တန်သလော။ (ထိုက်တန်သည်။) သင်သည် “အကျင့်စာရိတ္တ”ကိုသာ စဉ်းစားပြီး ဤဆိုရိုးစကားများသည် မှန်ကန်သောအမြင်များ၊ အပြုသဘောဆောင်သောအရာများဖြစ်သည်ဟု ထင်မြင်လျှင် သင်သည် မှားယွင်းပြီး ထိုအရာများ၏ အယုံသွင်းခြင်း၊ လှည့်စားခြင်းကို ခံရမည်။ ကြောင်သူတော်ဆန်သည့်အရာသည် မည်သည့်အခါမျှ အပြုသဘောမဆောင်နိုင်ပေ။ သူတော်ကောင်းဆန်သော အပြုအမူအား ပြသခြင်း အမျိုးမျိုးနှင့်ပတ်သက်လျှင် ၎င်းတို့သည် ရိုးသားစစ်မှန်စွာ လုပ်ဆောင်ခြင်း၊ စိတ်နှလုံးထဲမှ လာခြင်းရှိမရှိကို ခွဲခြားသိမြင်သင့်သည်။ ၎င်းတို့ကို စိတ်မပါစွာဖြင့်၊ ဟန်ဆောင်လျက်၊ သို့မဟုတ် ရည်ရွယ်ချက်တစ်ခုခုကို ဖြစ်မြောက်ရန်အတွက် လုပ်ဆောင်ခြင်းဖြစ်လျှင် ဤသို့သော အပြုအမူကို ပြသခြင်း၌ ပြဿနာရှိသည်။ ဤအကျင့်စာရိတ္တဆိုင်ရာ ဆိုရိုးစကားများကို အရှိအတိုင်း သင်တို့ ပိုင်းခြားသိမြင်နိုင်သလော။ မည်သူက ငါ့ကို ပြောပြနိုင်သနည်း။ (စာတန်သည် လူတို့အား စိတ်ရှုပ်ထွေးစေပြီး ဖောက်ပြန်ပျက်စီးစေရန်အတွက် အကျင့်စာရိတ္တဆိုင်ရာ ဆိုရိုးစကားများကို အသုံးပြုသည်။ လူတို့အား စာတန်နောက်လိုက်ပြီး ကိုးကွယ်စေရန်၊ ဘုရားသခင်နှင့် ဝေးကွာစေရန်ဖြစ်သော ရည်ရွယ်ချက်ကို ရရှိရန်အတွက် လူတို့အား ဤဆိုရိုးစကားများကို လိုက်နာစေပြီး လက်တွေ့လုပ်ဆောင်စေသည်။ ဤသည်မှာ လူတို့ကို ဖျက်ဆီးရန်အတွက် စာတန်၏နည်းပညာများ၊ နည်းလမ်းများထဲမှ တစ်ခုဖြစ်သည်။) ဤသည်မှာ အကျင့်စာရိတ္တဆိုင်ရာ ဆိုရိုးစကားများ၏ အနှစ်သာရမဟုတ်ပေ။ ဤသည်မှာ လူတို့အား လိမ်ရန် ဤသို့သော ဆိုရိုးစကားများကို အသုံးပြုခြင်းအားဖြင့် စာတန်ရရှိသော ရည်ရွယ်ချက်ဖြစ်သည်။ ရှေးဦးစွာ မည်သည့် အကျင့်စာရိတ္တဆိုင်ရာ ဆိုရိုးစကားများမဆို သမ္မာတရားအတွက် ရပ်တည်နိုင်ဖို့ မဆိုထားနှင့်၊ သမ္မာတရားပင်မဟုတ်သည်ကို သင်တို့ ရှင်းလင်းစွာ သိရမည်။ ၎င်းတို့သည် အပြုသဘောဆောင်သောအရာများပင်မဟုတ်ပေ။ ဤသို့ဆိုလျှင် အတိအကျဆိုရလျှင် မည်သည့်အရာများဖြစ်သနည်း။ ဤအကျင့်စာရိတ္တဆိုင်ရာ ဆိုရိုးစကားများသည် စာတန်က လူတို့အား လိမ်လည်သော မိစာဆဒိဋ္ဌိဆန်သော အတွေးမှားများဖြစ်သည်ဟု သေချာပေါက် ဆိုနိုင်သည်။ ထိုအရာများသည် ၎င်းတို့ကိုယ်၌က လူတို့ပိုင်ဆိုင်သင့်သော သမ္မာတရား၏ စစ်မှန်မှုမဟုတ်သကဲ့သို့ သာမန်လူ့သဘာဝက အသက်ရှင်နေထိုင်သင့်သည့် အပြုသဘောဆောင်သောအရာများ မဟုတ်ပေ။ ဤအကျင့်စာရိတ္တဆိုင်ရာ ဆိုရိုးစကားများတွင် အတုအယောင်များ၊ ဟန်ဆောင်မှုများ၊ မမှန်မကန်ပြုလုပ်ထားခြင်းများ၊ လှည့်ကွက်များပါဝင်သည်။ ယင်းတို့သည် အစစ်အမှန်မဟုတ်သော အပြုအမူများဖြစ်ပြီး၊ လူသား၏ အသိစိတ်နှင့် ဆင်ခြင်တုံတရားတွင်၊ သို့မဟုတ် လူသား၏ သာမန်စဉ်းစားပုံတွင် အရင်းခံခြင်း လုံးဝ မရှိပေ။ ထို့ကြောင့်အကျင့်စာရိတ္တနှင့် စပ်လျဉ်း သည့် ရိုးရာယဉ်ကျေးမှု၏ဆိုရိုးစကားများအားလုံးသည် ယုတ္တိမရှိပေ။ အဓိပ္ပာယ်မရှိသော မိစ္ဆာဒိဋ္ဌိအယူများနှင့် အတွေးမှားများဖြစ်သည်။ ဤမိတ်သဟာယအနည်းငယ်နှင့် ယနေ့တွင် စာတန်တင်ပြသော အကျင့်စာရိတ္တအကြောင်း ဆိုရိုးစကားများသည် အလုံးစုံ သေခြင်းသို့ စီရင်ခံရသည်။ ယင်းတို့သည် အပြုသဘောဆောင်သောအရာများပင်မဟုတ်လျှင် လူတို့က ၎င်းတို့ကို လက်ခံနိုင်သည်မှာ အဘယ်သို့ဖြစ်သနည်း။ ဤအယူအဆ၊ ဤအမြင်များနှင့် လူတို့က မည်သို့ ရှင်သန်နိုင်သနည်း။ အကြောင်းမှာဤအကျင့်စာရိတ္တဆိုင်ရာဆိုရိုးစကားများသည် လူတို့၏ အယူအဆများ၊ စိတ်ကူးများနှင့် အလွန်ကိုက်ညီသည်။ လေးစားခြင်း၊ လက်ခံခြင်းကို ဖြစ်စေသည်။ ထို့ကြောင့် လူတို့သည်ဤအကျင့်စာရိတ္တဆိုင်ရာဆိုရိုးစကားများကို ၎င်းတို့စိတ်နှလုံးထဲမှ လက်ခံသည်။ လူတို့သည် လက်တွေ့မလုပ်နိုင်သော်လည်း စိတ်အတွင်းတွင် ထိုအရာများကို အလွန်အားရစွာ လက်ခံယုံကြည်ပြီး ကိုးကွယ်ကြသည်။ ထိုနည်းအားဖြင့် စာတန်သည် လူတို့ကို လှည့်ဖြားရန်၊ ၎င်းတို့၏ စိတ်နှလုံးနှင့် အပြုအမူကို ထိန်းချုပ်ရန်အတွက်အကျင့်စာရိတ္တဆိုင်ရာဆိုရိုးစကားအမျိုးမျိုးကို အသုံးပြုသည်။ အကြောင်းမှာ လူတို့သည် ၎င်းတို့၏ စိတ်နှလုံးထဲတွင််အကျင့်စာရိတ္တဆိုင်ရာဆိုရိုးစကားမျိုးစုံကို ကိုးကွယ်ပြီး မျက်ကန်းယုံကြည်မှုရှိကြသည်။ ၎င်းတို့အားလုံးသည် ပိုမိုကြီးမားသော ဂုဏ်သိက္ခာ၊ မြင့်မြတ်မှု၊ ကြင်နာမှုရှိဟန်ဆောင်ပြီး ဤနည်းအားဖြင့် အလွန်အထင်ကြီးခံရကာ ချီးမွမ်းခံရဖို့ဖြစ်သော ၎င်းတို့၏ ပန်းတိုင်ကို ရရှိရန် ဤပြောဆိုချက်များကို အသုံးပြုလိုကြသည်။ အနှစ်ချုပ်တွင် လူတို့သည် အမှုအရာတစ်မျိုးမျိုးကို လုပ်ဆောင်သောအခါ အကျင့်စာရိတ္တဆိုင်ရာဆိုရိုးစကားမျိုးစုံတို့သည်အကျင့်စာရိတ္တနယ်ပယ်တွင် အပြုအမူ၊ သို့မဟုတ် လူသားအရည်အသွေးအမျိုးအစားအချို့ကို ထင်ရှားစွာပြသသင့်သည်ဟု လူတို့ကို တောင်းဆိုသည်။ ဤအပြုအမူများနှင့် လူသားအရည်အသွေးများသည် အလွန်မြင့်မြတ်သည့်ပုံစံရှိပြီး ကြည်ညိုလေးစားခြင်းခံရသည်။ ထို့ကြောင့် လူအားလုံးသည် ၎င်းတို့၏ စိတ်နှလုံးတွင် ထိုအရာများအပေါ် အလွန်ပင် ဆန္ဒပြင်းပြကြသည်။ သို့သော် ၎င်းတို့ ထည့်မစဉ်းစားသည့်အချက်မှာဤအကျင့်စာရိတ္တဆိုင်ရာဆိုရိုးစကားများသည် သာမန်လူတစ်ယောက်လိုက်နာသင့်သည့် ပြုမူနေထိုင်မှုစည်းမျဉ်းများ လုံးဝ မဟုတ်ခြင်းပင်ဖြစ်သည်။ ယင်းအစား ဤအရာများသည် လူတစ်ယောက်က ရှိဟန်ဆောင်နိုင်သည့် သူတော်ကောင်းဟန်ဆောင်သော အပြုအမူအမျိုးမျိုးဖြစ်သည်။ ၎င်းတို့သည် အသိစိတ်၊ ဆင်ခြင်တုံတရား၏ စံနှုန်းများမှ သွေဖည်သည်။ သာမန်လူ့သဘာဝ၏ စိတ်မှ ခွဲထွက်သည်။ စာတန်သည် လူတို့ကို လှည့်စားရန်၊ စာတန်ကို ကိုးကွယ်ပြီး ထိုသူတော်ကောင်းယောင်ဆောင် ပညာရှိဆိုသူများကို ကိုးကွယ်ကြစေရန်၊ ဤနည်းအားဖြင့် သာမန်လူ့သဘာဝနှင့် လူသားအပြုအမူအတွက် စံသတ်မှတ်ချက်များကို သာမန်အဖြစ်၊ ရိုးရှင်းပြီး နိမ့်ကျသောအရာများအဖြစ်ပင် လူတို့ကို မြင်စေရန်အတွက် မှားယွင်းပြီး ဟန်ဆောင်ထားသောအကျင့်စာရိတ္တဆိုင်ရာဆိုရိုးစကားများကို အသုံးပြုသည်။ လူတို့သည် ဤအရာများကို အလွန်မုန်းတီးပြီး ရွံရှာဖွယ်အဖြစ် ထင်မြင်ကြသည်။ ဤသည်မှာ အဘယ်ကြောင့်ဆိုသော် စာတန်က ထောက်ခံအားပေးသည့်အကျင့်စာရိတ္တဆိုင်ရာဆိုရိုးစကားများသည် အမြင်တွင် အလွန်ကျေနပ်ဖွယ်ရာဖြစ်ပြီး လူ၏ အယူအဆများ၊ စိတ်ကူးများနှင့် အလွန် ကိုက်ညီသည်။ သို့သော် အမှန်တွင်အကျင့်စာရိတ္တဆိုင်ရာဆိုရိုးစကားသည် မည်သည့်အရာဖြစ်နိုင်ပါစေ လောကီတွင် လူတို့ ပြုမူဆောင်ရွက်ရာ၌၊ သို့မဟုတ် ကိုင်တွယ်ဖြေရှင်းရာ၌ ၎င်းတို့လိုက်နာသင့်သည့် စည်းမျဉ်းမဟုတ်ပေ။ သေချာစဉ်းစားတွေးတောကြည့်လော့။ ဤကဲ့သို့ မဟုတ်သလော။ အနှစ်သာရတွင်အကျင့်စာရိတ္တဆိုင်ရာဆိုရိုးစကားများသည် လူတို့ကို ပို၍ ဂုဏ်ရှိသော၊ မြင့်မြတ်သောဘဝများကို အပေါ်ယံဆန်ဆန် ရှင်သန်စေပြီး ဤသို့ဖြင့် ဤအရာများကို အထင်သေးရမည့်အစား ကိုးကွယ်၊ ချီးမွမ်းစေရန်အတွက် တောင်းဆိုချက်များသာဖြစ်သည်။ ဤဆိုရိုးစကားများသည် လူတို့ကို ကောင်းသောအပြုအမူမှတစ်ဆင့်ကောင်းသော အကျင့်စာရိတ္တကို ထင်ထင်ရှားရှားပြသပြီး ဤနည်းအားဖြင့် ဖောက်ပြန်ပျက်စီးသော လူသားမျိုးနွယ်၏ ရည်မှန်းချက်များနှင့် လွန်ကျူးသော ဆန္ဒများကို ဖုံးကွယ်ပြီး ကန့်သတ်ရန်၊ လူ၏ ဆိုးယုတ်ပြီး အကျည်းတန်သော သဘာဝနှင့် အနှစ်သာရ၊ ထို့အပြင် အမျိုးမျိုးသော ဖောက်ပြန်ပျက်စီးမှုများအား ဖော်ပြခြင်းကို ဖုံးကွယ်ရန် တောင်းဆိုချက်များသာဖြစ်သည်ကို ပြသည်။ ဤအရာများသည် လူတစ်ယောက်၏ ပင်ကိုစရိုက်ကို အပေါ်ယံဆန်သော အပြုအမူကောင်းများ၊ အလေ့အကျင့်များမှတစ်ဆင့် မြှင့်တင်ပေးရန်၊ သူ့အပေါ် အခြားလူများ၏ အမြင်နှင့် ပိုမိုကျယ်ပြန့်သော လောကီ၏ ခန့်မှန်းချက်ကို မြှင့်တင်ပေးရန် ရည်ရွယ်သည်။ အကျင့်စာရိတ္တဆိုင်ရာဆိုရိုးစကားများသည် လူ၏ အတွင်းကျသော အတွေးများ၊ အမြင်များ၊ ဦးတည်ချက်များ၊ ရည်ရွယ်ချက်များ သူ၏ အကျည်းတန်သော မျက်နှာထား၊ သူ၏ သဘာဝနှင့် အနှစ်သာရတို့ကို အပေါ်ယံဆန်သော အပြုအမူ၊ အလေ့အကျင့်များနှင့် ဖုံးကွယ်ခြင်းဖြစ်သည်ဆိုသည်ကို ဤအချက်များက ပြသည်။ ဤအရာများကို အောင်မြင်စွာ ဖုံးကွယ်၍ရနိုင်သလော။ ဤအရာများကို ဖုံးကွယ်ရန် ကြိုးစားခြင်းသည် ပို၍ပင် သိသာစေသည် မဟုတ်လော။ သို့သော် စာတန်က ဤအရာကို ဂရုမစိုက်ပေ။ စာတန်၏ ရည်ရွယ်ချက်သည် ဖောက်ပြန်ပျက်စီးသော လူသားမျိုးနွယ်၏ အကျည်းတန်သော မျက်နှာထားကို ဖုံးကွယ်ရန်၊ လူ၏ ဖောက်ပြန်ပျက်စီးမှု၏ အမှန်တရားကို ဖုံးကွယ်ရန် ဖြစ်သည်။ ထို့ကြောင့် စာတန်သည် လူတို့ကို မိမိတို့ကိုယ်ကို အယောင်ဆောင်စေရန်အကျင့်စာရိတ္တ၏ အပြုအမူဆိုင်ရာ ပြောဆိုချက်များကို ခံယူကျင့်သုံးစေသည်။ ဤသည်မှာ စာတန်က လူ၏ အသွင်အပြင်၏ သေသပ်သော ပြယုဂ်တစ်ခု ပြုလုပ်ရန် အကျင့်စာရိတ္တ၏ စည်းကမ်းများ၊ အပြုအမူများကို အသုံးပြုသည်ဟု ဆိုလိုသည်။ ဤနည်းအားဖြင့် လူတစ်ယောက်သည် အခြားလူတို့၏ အထင်ကြီးမှုနှင့် ချီးမွမ်းမှုကို ရရှိနိုင်ဖို့အတွက် သူ၏ လူသားအရည်အသွေးများနှင့် ပင်ကိုစရိုက်တို့ကို မြှင့်တင်သည်။ အခြေခံအားဖြင့် ဤအကျင့်စာရိတ္တဆိုင်ရာ ဆိုရိုးစကားများသည် လူတစ်ယောက်က မြင့်မြတ်သလော၊ နိမ့်ကျသလောဆိုသည်ကို သူ၏ အပြုအမူမှ ဖော်ပြမှုများနှင့် ကိုယ်ကျင့်တရားစံနှုန်းများကို အခြေခံပြီး ဆုံးဖြတ်ပေးနိုင်သည်။ ဥပမာ တစ်စုံတစ်ယောက်က ကိုယ်ကျိုးမငဲ့ခြင်းရှိမရှိကို တိုင်းတာခြင်းသည် အခြားလူများ၏ အကျိုးအတွက် သူ၏ ကိုယ်ပိုင်အကျိုးစီးပွားများကို အနစ်နာခံခြင်းအား ထင်ရှားစေခြင်းအပေါ်တွင် မူတည်သည်။ သူသည် ကောင်းစွာ ထင်ရှားစေလျှင်၊ သူ့ကိုယ်သူ ကောင်းစွာ အယောင်ဆောင်လျှင်၊ သူ့ကိုယ်သူ အထူးသဖြင့် လေးစားဖွယ်ဖြစ်အောင် ပြုလုပ်လျှင် ဤလူသည် သမာဓိနှင့် ဂုဏ်သိက္ခာရှိသည့်သူတစ်ယောက်အဖြစ်၊ အခြားလူများ၏ အမြင်တွင် အထူးပင် မြင့်မားသော ကိုယ်ကျင့်တရားစံနှုန်းများရှိသူတစ်ယောက်အဖြစ် မှတ်ယူခြင်းခံရမည်။ ပြီးလျှင် နိုင်ငံတော်က ထိုသူအား အခြားလူများက သင်ယူရန်၊ ကိုးကွယ်ရန်၊ အတုယူရန်ဖြစ်သော ကိုယ်ကျင့်တရား စံနမူနာတစ်ယောက်ဖြစ်ခြင်းအတွက် မော်ကွန်းကျောက်ပြားတစ်ခု ချီးမြှင့်လိမ့်မည်။ ဤသို့ဆိုလျှင် အမျိုးသမီးတစ်ယောက်က ကောင်းသလော၊ ဆိုးယုတ်သလောဆိုသည်ကို လူတို့ မည်သို့ အကဲဖြတ်သင့်သနည်း။ သူမ၏ အသိုင်းအဝိုင်းအတွင်းတွင်ရှိသော သူမ၏ ဖော်ထုတ်ပြသသော အပြုအမူအမျိုးမျိုးသည် “အမျိုးသမီးတစ်ယောက်သည် အကျင့်သီလကောင်းရမည်။ ကြင်နာရမည်၊ အနွံအနာခံရမည်” ဆိုသည့် ဆိုရိုးစကားနှင့် ကိုက်ညီမှုရှိမရှိကို ကြည့်ခြင်းအားဖြင့် ဖြစ်သည်။ သူမသည် အကျင့်သီလကောင်းခြင်း၊ ကြင်နာပြီး အနွံအနာခံခြင်းအားဖြင့် အဘက်ဘက်မှ ကိုက်ညီကာ အသက်ကြီးသူများကို အဆုံးစွန်လေးစားမှုပြသခြင်း၊ အများအကျိုးအတွက် ထည့်စဉ်းစားပြီး အလျှော့ပေးရန် အဆင်သင့်ဖြစ်ခြင်း၊ အလွန့်အလွန် စိတ်ရှည်ပြီး ဆင်းရဲဒုက္ခများကို ခံယူနိုင်ခြင်း၊ လူတို့အပေါ် အာဃာတမထားခြင်း၊ သို့မဟုတ် အခြားလူများနှင့် မငြင်းခုံခြင်း၊ သူမ၏ ယောက္ခထီး၊ ယောက္ခမများကို လေးစားပြီး သူမ၏ ခင်ပွန်းနှင့် သားသမီးများကို ကောင်းစွာစောင့်ရှောက်ခြင်း၊ မိမိအတွက် လုံးဝ မစဉ်းစားခြင်း၊ အပြန်အလှန်အနေဖြင့် မည်သည့်အရာကိုမျှ မရှာဖွေခြင်း၊ အသွေးအသား၏ သာယာမှုများကို မခံစားခြင်း စသဖြင့်တို့ရှိလျှင် သူမသည် အမှန်ပင် အကျင့်သီလကောင်းကာ၊ ကြင်နာပြီး အနွံအနာခံသော အမျိုးသမီးဖြစ်သည်။ လူတို့သည် အမျိုးသမီးများ၏ အကျင့်စာရိတ္တကို အကဲဖြတ်ရန် ဤအပြင်ပန်းအပြုအမူများကို အသုံးပြုကြသည်။ လူတစ်ယောက်၏ တန်ဖိုး၊ ကောင်းခြင်း၊ ဆိုးခြင်းကို သူ၏ အပေါ်ယံကျင့်သုံးမှုများ၊ အပြုအမူများဖြင့် တိုင်းတာခြင်းသည် မတိကျဘဲ လက်တွေ့မကျပေ။ ဤသို့ အခိုင်အမာပြောဆိုခြင်းသည်လည်း မှားယွင်းသည်။ လှည့်စားခြင်းဖြစ်သည်။ ယုတ္တိမရှိပေ။ ဤသည်မှာ လူတို့တွင် ပေါ်လွင်သော အကျင့်စာရိတ္တဆိုင်ရာ ဆိုရိုးစကားများ၏ အဓိကပြဿနာဖြစ်သည်။

အထက်တွင် ပြောခဲ့သော ကဏ္ဍအချို့ကို ကြည့်လျှင် ရိုးရာယဉ်ကျေးမှုတွင်ရှိသော ဤအကျင့်စာရိတ္တဆိုင်ရာ ဆိုရိုးစကားများသည် အမှန်ပင် ကျင့်ကြံနေထိုင်မှု စည်းမျဉ်းများဖြစ်သလော။ (မဟုတ်ပါ။) ၎င်းတို့သည် သာမန်လူ့သဘာဝ၏ လိုအပ်ချက်များနှင့် လုံးဝ မကိုက်ညီဘဲ လုံးဝပင် ဆန့်ကျင်နေသည်။ လူသားမျိုးနွယ်အား ၎င်းတို့ ပံ့ပိုးသောအရာသည် ကျင့်ကြံနေထိုင်မှု စည်းမျဉ်းများမဟုတ်သကဲ့သို့ လူတို့၏ လုပ်ရပ်များ၊ အပြုအမူများ၏ စည်းမျဉ်းများလည်းမဟုတ်ပေ။ ပြောင်းပြန်ပင်ဖြစ်သည်။ ၎င်းတို့သည် လူတို့အား မိမိတို့ကိုယ်ကို အယောင်ဆောင်စေသည်။ ဖုံးကွယ်စေသည်။ အခြားလူများရှေ့တွင် ပုံစံတစ်မျိုးဖြင့် ကျင့်ကြံပြုမူစေသည်။ ဤသို့အားဖြင့် အထင်ကြီးပြီး ချီးမွမ်းခံရဖို့ဖြစ်သည်။ လူတို့အား မိမိတို့ကိုယ်ကို မည်သို့ မှန်ကန်စွာ ကျင့်ကြံနေထိုင်ရမည်ဆိုသည်ကို၊ သို့မဟုတ် မိမိတို့ကိုယ်ကို ကျင့်ကြံနေထိုင်ရန် မှန်ကန်သောနည်းလမ်းကို နားလည်စေရန် ရည်ရွယ်ချက်ဖြင့်မဟုတ်ဘဲ လူတို့အား အခြားလူများ၏ အယူအဆများ၊ စိတ်ကူးများနှင့်အညီ နေထိုင်စေရန်၊ အခြားလူများ၏ ချီးမွမ်းခြင်း၊ အသိအမှတ်ပြုခြင်းကို ရရှိစေရန်ဖြစ်သည်။ ဤသည်မှာ ဘုရားသခင် တောင်းဆိုသည့်အရာ လုံးဝ မဟုတ်ပေ။ ဘုရားသခင်တောင်းဆိုသည့်အရာမှာ လူတို့အနေဖြင့် သမ္မာတရားစည်းမျဉ်းများနှင့်အညီ မိမိတို့ကိုယ်ကို ကျင့်ကြံပြုမူရန်ဖြစ်သည်။ လူတို့ထင်မြင်သည့်အရာကို ဂရုမစိုက်ဘဲ ထိုအစား ဘုရားသခင်၏ လက်ခံမှုကို ရရှိဖို့ အာရုံစိုက်ရန်ဖြစ်သည်။ အကျင့်စာရိတ္တဆိုင်ရာ ဆိုရိုးစကားများသည် လူတို့၏ အတွေးအမြင်များနှင့် သက်ဆိုင်သည့်၊ သို့မဟုတ် လူသား၏ သဘာဝနှင့် အနှစ်သာရနှင့်သက်ဆိုင်သည့် ပြဿနာများကို ဖြေရှင်းခြင်းအစား ဟန်ဆောင်ခြင်းဖြစ်လျှင်ပင် လူတို့အား ၎င်းတို့၏ အပြုအမူ၊ ကျင့်သုံးမှုနှင့် ၎င်းတို့ ဖော်ပြသည့် အသွင်အပြင်၌ သင့်တင့်လျောက်ပတ်ပြီး မြင့်မြတ်ရန် တောင်းဆိုခြင်းနှင့်သာပို၍ သက်ဆိုင်သည်။ တစ်နည်းအားဖြင့်ဆိုလျှင် ရိုးရာယဉ်ကျေးမှုတွင်ရှိသော အကျင့်စာရိတ္တဆိုင်ရာ ဆိုရိုးစကားများက လူတို့အပေါ် ချထားပေးသော သတ်မှတ်ချက်များသည် လူတို့၏ အနှစ်သာရအပေါ်တွင် အခြေခံမထားပေ။ စွမ်းဆောင်ရရှိနိုင်သော အသိစိတ်နှင့် ဆင်ခြင်တုံတရားနယ်ပယ်ကို ပို၍ပင် ထည့်မစဉ်းစားပေ။ တစ်ချိန်တည်းတွင် ၎င်းတို့သည် လူတို့တွင် ဖောက်ပြန်ပျက်စီးသော စိတ်သဘောထားများရှိပြီး လူတို့အားလုံးက တစ်ကိုယ်ကောင်းဆန်ကာ စက်ဆုပ်ဖွယ်ကောင်းသည်ဆိုသည့် အရှိအတိုင်းဖြစ်သော အချက်ကို ဆန့်ကျင်သည်။ ပြီးလျှင် လူတို့၏ အပြုအမူနှင့် ကျင့်သုံးမှုများနှင့်ပတ်သက်လျှင် ဤအရာ၊ ထိုအရာကို အတင်းလုပ်ဆောင်ခိုင်းသည်။ ထို့ကြောင့် လူတို့အပေါ်တွင် သတ်မှတ်ချက်များကို မည်သည့်ရှုထောင့်မှ ချထားသည်ဖြစ်စေ ၎င်းတို့သည် လူတို့အား ဖောက်ပြန်ပျက်စီးသော စိတ်သဘောထား၏ ချည်နှောင်မှုနှင့် ထိန်းချုပ်မှုမှ အခြေခံအားဖြင့် မလွတ်မြောက်စေနိုင်သကဲ့သို့ လူတို့၏ အနှစ်သာရ၏ ပြဿနာကိုလည်း မဖြေရှင်းနိုင်ပေ။ တစ်နည်းအားဖြင့် ၎င်းတို့သည် လူတို့၏ ဖောက်ပြန်ပျက်စီးသော စိတ်သဘောထားများနှင့်သက်ဆိုင်သည့် ပြဿနာများကို မဖြေရှင်းနိုင်ပေ။ ဤအတွက်ကြောင့် ၎င်းတို့သည် လူတို့၏ ကျင့်ကြံနေထိုင်မှုစည်းမျဉ်းများနှင့် ဦးတည်ချက်ကို မပြောင်းလဲနိုင်ပေ။ မိမိတို့ကိုယ်ကို မည်သို့ ကျင့်ကြံနေထိုင်ရမည်၊ အခြားလူများကို မည်သို့ဆက်ဆံရမည်၊ သို့မဟုတ် အပြုသဘောဆောင်သော ရှုထောင့်မှနေ၍ လူတို့ကြားဆက်ဆံရေးများကို မည်သို့ ကိုင်တွယ်ရမည်ဆိုသည်ကို လူတို့အား နားလည်စေရန်လည်း မလုပ်ဆောင်နိုင်ပေ။ အခြားရှုထောင့်တစ်ခုမှပြောလျှင် အကျင့်စာရိတ္တဆိုင်ရာ ဆိုရိုးစကားများသည် လူတို့အားပေးအပ်သော စည်းကမ်းနှင့် အပြုအမူဆိုင်ရာ ကန့်သတ်မှုအမျိုးအစားတစ်ခုသာဖြစ်သည်။ အသွင်အပြင်အားလုံးတွင် အလွန်ကောင်းသည့် ပုံစံရှိသော်လည်း ဤအရာများသည် လူတို့၏ စဉ်းစားပုံနှင့် အမြင်များကို မသိစိတ်မနေ၍ သက်ရောက်စေသည်။ လူတို့အား ကန့်သတ်ပြီး ချည်နှောင်သည်။ ရလဒ်အနေဖြင့် လူတို့သည် ကျင့်ကြံပြုမူခြင်းနှင့်ဆိုင်သော မှန်ကန်သော စည်းမျဉ်းနှင့် လမ်းကြောင်းကို ရှာမတွေ့နိုင်ပေ။ ဤအခြေအနေတွင် လူတို့လုပ်နိုင်သမျှမှာ ရိုးရာယဉ်ကျေးမှုဆိုင်ရာ အယူအဆများ၊ အမြင်များ၏ လွှမ်းမိုးမှုကို တွန့်ဆုတ်စွာလက်ခံခြင်းသာဖြစ်သည်။ ဤလွဲမှားသော အယူအဆများ၊ အမြင်များ၏ လွှမ်းမိုးမှုအောက်တွင် လူတို့သည် မသိစိတ်တွင် ကျင့်ကြံနေထိုင်ခြင်း စည်းမျဉ်းများ၊ ပန်းတိုင်များနှင့် ဦးတည်ချက်တို့ ပျောက်ဆုံးကြသည်။ ဤအတွက်ကြောင့် ဖောက်ပြန်ပျက်စီးသော လူသားများသည် မှောင်မိုက်ထဲသို့ ကျရောက်ပြီး အလင်းကို ဆုံးရှုံးကြရသည်။ ဤသို့ဖြင့် ၎င်းတို့လုပ်သမျှမှာ လိမ်လည်လှည့်ဖြားခြင်း၊ ဟန်ဆောင်ခြင်း၊ အကြံအဖန်ပြုလုပ်ခြင်းတို့ကို အမှီပြုပြီး ကျော်ကြားမှုနှင့် တစ်ကိုယ်ရေအကျိုးအမြတ်နောက်ကို လိုက်ခြင်းသာဖြစ်သည်။ ဥပမာ သင်သည် အကူအညီလိုသည့်သူတစ်ယောက်ကို မြင်သောအခါ “သင့်လျော်သော ကျင့်ကြံနေထိုင်ခြင်းဆိုသည်မှာ အခြားလူများကို ကူညီခြင်းအားဖြင့် ပီတိကို ရရှိခြင်းဖြစ်သည်။ ဤသည်မှာ လူတို့၏ ကျင့်ကြံနေထိုင်ခြင်းအတွက် အခြေခံစည်းမျဉ်းနှင့် ကိုယ်ကျင့်တရား စံနှုန်းဖြစ်သည်။” ဟူ၍ ရုတ်ချည်း စဉ်းစားသည်။ ထို့ကြောင့် သင်သည် ထိုသူကို မသိစိတ်မှနေ၍ ကူညီလိမ့်မည်။ ကူညီပြီးနောက်တွင် ဤသို့ ကျင့်ကြံနေထိုင်ခြင်းအားဖြင့် သင်သည် မြင့်မြတ်ပြီး လူ့သဘာဝအနည်းငယ်ကို ပိုင်ဆိုင်သည်ဟု ခံစားရသည်။ ပြီးလျှင် မသိစိတ်မှနေ၍ သင့်ကိုယ်သင် မြင့်မြတ်သောသူအဖြစ်၊ မြင့်မြတ်သော အကျင့်စရိုက်ရှိသူအဖြစ်၊ ဂုဏ်သိက္ခာနှင့် ကိုယ်ကျင့်သိက္ခာရှိသူ အဖြစ်ပင် ချီးမွမ်းသည်။ လေးစားထိုက်သူအဖြစ် ချီးမွမ်းသည်မှာလည်း ပြောစရာမလိုပေ။ သင်သည် ထိုသူအား မကူညီလျှင် သင်က “အို ငါသည် လူကောင်းတစ်ယောက်မဟုတ်။ ငါသည် အကူအညီလိုသူတစ်ယောက်နှင့် ကြုံပြီး ကူညီပေးရန် စဉ်းစားသောအခါတိုင်းတွင် ကိုယ့်အကျိုးစီးပွားကိုသာ အစဉ်သဖြင့် စဉ်းစားသည်။ ငါသည် အလွန်တစ်ကိုယ်ကောင်းဆန်သောသူဖြစ်သည်။” ဟူ၍ တွေးသည်။ သင်သည် သင့်ကိုယ်သင် တိုင်းတာရန်၊ ကန့်သတ်ရန်၊ မည်သည့်အရာက မှန်သည်၊ မှားသည်ကို အကဲဖြတ်ရန်အတွက် မသိစိတ်မှနေ၍ “သူတစ်ပါးတို့အား ကူညီခြင်းဖြင့်ရရှိသည့် ပီတိကို ခံစားပါ။” ဆိုသည့် သဘောတရားဆိုင်ရာ အမြင်ကို အသုံးပြုလိမ့်မည်။ သင်သည် ဤအရာကို လက်တွေ့မလုပ်ဆောင်နိုင်သောအခါ သင့်ကိုယ်သင် စက်ဆုပ်မည်၊ သို့မဟုတ် အထင်သေးမည်။ ပြီးလျှင် အတော်အတန် စိတ်မအေးနိုင်ဖြစ်လိမ့်မည်။ သင်သည် သူတစ်ပါးတို့ကို ကူညီခြင်းမှရရှိသော ပီတိကို ခံစားနိုင်သူများကို လေးစားပြီး အသိအမှတ်ပြုသည့် အကြည့်ဖြင့် ကြည့်လိမ့်မည်။ ၎င်းတို့သည် သင့်ထက်ပို၍ မြင့်မြတ်သည်။ သင့်ထက်ပို၍ ဂုဏ်ရှိသည်။ သင့်ထက်ပို၍ ကိုယ်ကျင့်သိက္ခာရှိသည်ဟု ခံစားရလိမ့်မည်။ သို့ရာတွင် ဤသို့သောပြဿနာများနှင့်ပတ်သက်လျှင် ဘုရားသခင်၏ သတ်မှတ်ချက်များက မတူညီပေ။ ဘုရားသခင်၏ သတ်မှတ်ချက်များသည် သူ၏ နှုတ်ကပတ်တော်များနှင့် သမ္မာတရားစည်းမျဉ်းများကို သင် လိုက်နာရန်ဖြစ်သည်။ အကျင့်စာရိတ္တနှင့်ပတ်သက်လျှင် လူတို့သည် မည်သို့ ကျင့်သုံးသင့်သနည်း။ ရိုးရာကိုယ်ကျင့်တရားနှင့် ယဉ်ကျေးမှုဆိုင်ရာ အမြင်များကို လိုက်နာခြင်းအားဖြင့်လော၊ သို့မဟုတ် ဘုရားနှုတ်ကပတ်တော်များကို လိုက်နာခြင်းအားဖြင့်လော။ လူတိုင်းက ဤရွေးချယ်မှုကို ရင်ဆိုင်ရသည်။ ယခုတွင် သင်တို့သည် ဘုရားသခင်က လူတို့အား သွန်သင်ပေးသည့် သမ္မာတရားစည်မျဉ်းများအကြောင်းကို ရှင်းလင်းသလော။ ၎င်းတို့ကို နားလည်သလော။ သင်သည် ၎င်းတို့အား မည်မျှကောင်းစွာ လိုက်နာသနည်း။ ၎င်းတို့ကို လိုက်နာသောအခါတွင် သင်သည် မည်သည့်အတွေးအမြင်များ၏ လွှမ်းမိုးခြင်း၊ နှောင့်ယှက်ခြင်းကို ခံရသနည်း။ မည်သည့် ဖောက်ပြန်ပျက်စီးသော စိတ်သဘောထားများ ဖွင့်ပြသနည်း။ သင့်ကိုယ်သင် ဤသို့ ဆင်ခြင်သုံးသပ်သင့်သည်။ အတိအကျဆိုလျှင် သင်၏ စိတ်နှလုံးတွင် ရိုးရာယဉ်ကျေးမှုတွင်ရှိသော အကျင့်စာရိတ္တဆိုင်ရာ ဆိုရိုးစကားများ၏ အနှစ်သာရမည်မျှကို သင် ရှင်းလင်းစွာ မြင်နိုင်သနည်း။ ရိုးရာယဉ်ကျေးမှုသည် သင်၏ စိတ်နှလုံးတွင် နေရာရှိဆဲဖြစ်သလော။ ဤအရာအားလုံးသည် လူတို့ဖြေရှင်းရမည့် ပြဿနာများဖြစ်သည်။ သင်၏ ဖောက်ပြန်ပျက်စီးသော စိတ်သဘောထားများ ပြေလည်သွားသောအခါ၊ သင်သည် အပြည့်အဝ၊ လျှော့ချခြင်းမရှိဘဲ သမ္မာတရားကို နာခံပြီး ဘုရားနှုတ်ကပတ်တော်ကို လိုက်နာနိုင်သောအခါ သင် လက်တွေ့လုပ်ဆောင်သည့်အရာသည် သမ္မာတရားစည်းမျဉ်းများနှင့် အလုံးစုံ ကိုက်ညီသည်။ ဖောက်ပြန်ပျက်စီးသော စိတ်သဘောထားများ၏ ကန့်သတ်ခြင်းကို ခံရမည်မဟုတ်ပေ၊ သို့မဟုတ် ရိုးရာယဉ်ကျေးမှု၏ ကိုယ်ကျင့်တရား အယူအဆများနှင့် အမြင်များ၏ ချည်နှောင်ခြင်းကို ခံရမည်မဟုတ်ပေ။ ပြီးလျှင် ဘုရားနှုတ်ကပတ်တော်ကို တိကျစွာ လက်တွေ့လုပ်ဆောင်ပြီး သမ္မာတရားစည်းမျဉ်းများနှင့်အညီ ပြုမူဆောင်ရွက်နိုင်လိမ့်မည်။ ဤအရာတို့သည် ယုံကြည်သူများ၏ ကျင့်ကြံမှုနှင့် ပြုမူဆောင်ရွက်မှုများကို လွှမ်းမိုးသည့် စည်းမျဉ်းများဖြစ်သင့်သည်။ သင်သည် ဘုရားနှုတ်ကပတ်တော်နှင့်အညီ လက်တွေ့လုပ်ဆောင်နိုင်သောအခါ၊ ဘုရားနှုတ်ကပတ်တော်ကို လိုက်နာပြီး သမ္မာတရားစည်းမျဉ်းများနှင့်အညီ လက်တွေ့လုပ်ဆောင်သောအခါ သင်သည် ကောင်းသော အကျင့်စာရိတ္တရှိသူတစ်ယောက်ဖြစ်မည်သာမက ဘုရားသခင်၏ နည်းလမ်းကို လိုက်လျှောက်နိုင်သူလည်းဖြစ်လိမ့်မည်။ သင်သည် ကျင့်ကြံနေထိုင်ခြင်းနှင့်ဆိုင်သော စည်းမျည်းများနှင့် သမ္မာတရားကို လက်တွေ့လုပ်ဆောင်သောအခါ အကျင့်စာရိတ္တစံနှုန်းများကို ပိုင်ဆိုင်ရုံသာမကဘဲ သင်၏ ကျင့်ကြံနေထိုင်မှုတွင်လည်း သမ္မာတရားစည်းမျဉ်းများရှိသည်။ သမ္မာတရားစည်းမျဉ်းများကို လိုက်နာခြင်းနှင့် အကျင့်စာရိတ္တ၏ စံသတ်မှတ်ချက်ကို လိုက်နာခြင်းတွင် ကွာခြားမှုရှိသလော။ (ရှိသည်။) မည်သို့ ကွာခြားသနည်း။ အကျင့်စာရိတ္တ၏ သတ်မှတ်ချက်များကို လိုက်နာခြင်းသည် အပြုအမူဆိုင်ရာ လက်တွေ့လုပ်ဆောင်မှုနှင့် ဖော်ပြမှုသာဖြစ်ပြီး သမ္မာတရားစည်းမျဉ်းများနှင့်အညီ လက်တွေ့လုပ်ဆောင်မှုသည်လည်း အပြင်ပန်းတွင် လက်တွေ့လုပ်ဆောင်မှုတစ်ခုဖြစ်သည့်ပုံစံရှိသော်လည်း ဤလက်တွေ့လုပ်ဆောင်မှုသည် သမ္မာတရားစည်းမျဉ်းများကို လိုက်နာသည်။ ဤရှုထောင့်မှကြည့်လျှင် သမ္မာတရားစည်းမျဉ်းများကို လိုက်နာခြင်းသည် ကျင့်ကြံနေထိုင်မှုနှင့် လူတို့လျှောက်သည့်လမ်းကြောင့်ဖြင့် ဆက်နွှယ်နေသည်။ ဤသည်မှာ သင်သည် သမ္မာတရားကို လက်တွေ့လုပ်ဆောင်ပြီး ဘုရားနှုတ်ကပတ်တော်တွင်ရှိသောသမ္မာတရားစည်းမျဉ်းများကို လိုက်နာလျှင် ယင်းသည် မှန်ကန်သော လမ်းကြောင်းကို လျှောက်ခြင်းဖြစ်ပြီး ရိုးရာယဉ်ကျေးမှုရှိ အကျင့်စာရိတ္တ၏ သတ်မှတ်ချက်များကို လိုက်လျှောက်ခြင်းသည် အပြုအမူကို ပြသခြင်းသာဖြစ်သည်၊ စည်းကမ်းများကို လိုက်နာသကဲ့သို့ဖြစ်သည်ဟု ဆိုလိုသည်။ ယင်းတွင် သမ္မာတရား စည်းမျဉ်းများ မပါဝင်သကဲ့သို့ လူတို့လျှောက်သည့်လမ်းကြောင်းနှင့်လည်း မဆက်စပ်ပေ။ ငါပြောသည့်အရာကို သင်နားလည်သလော။ (နားလည်သည်။) ဥပမာတစ်ခုပြမည်။ ဥပမာ “အများအကျိုးအတွက် မိမိကိုယ်ကို စွန့်လွှတ်အနစ်နာခံပါ။” ဆိုသည့် အကျင့်စာရိတ္တဆိုင်ရာ ဆိုရိုးစကားသည် လူတို့အား အချိန်မရွေး၊ အခြေအနေမရွေး “နည်းပါးသော ကိုယ်ကျိုးကို စွန့်ပစ်ပြီး ကြီးမားသော ကိုယ်ကျိုးကို အကောင်အထည်ဖော်ပါ” ဟု တောင်းဆိုသည်။ မယုံကြည်သူများကြားတွင် ယင်းသည် ကိုယ်ကျင့်စရိုက်မြင့်မြတ်ပြီး သမာဓိခိုင်မာသည်ဟု ပြောဆိုခြင်းခံရသော ပုံစံဖြစ်သည်။ “နည်းပါးသော ကိုယ်ကျိုးကို စွန့်ပစ်ပြီး ကြီးမားသော ကိုယ်ကျိုးကို အကောင်အထည်ဖော်ပါ” ဆိုသည်မှာ မည်မျှ ဟိတ်ဟန်ကြီးမားသော အလင်္ကာဖြစ်သနည်း။ ယင်းသည် ကိုယ်ကျင့်စရိုက် မြင့်မြတ်ပြီး သမာဓိခိုင်မာသည့်ပုံစံသာရှိပြီး လူတို့လိုက်နာသင့်သည့် သမ္မာတရား စည်းမျဉ်းမဟုတ်သည်မှာ သနားဖွယ်ဖြစ်သည်။ အမှန်မှာ “နည်းပါးသော ကိုယ်ကျိုးကို စွန့်ပစ်ပြီး ကြီးမားသော ကိုယ်ကျိုးကို အကောင်အထည်ဖော်ပါ” ဆိုသည့် ဤဆိုရိုးစကား၏ အဆုံးစွန်ရည်ရွယ်ချက်၊ လူတို့အား သူတစ်ပါးတို့အတွက် မိမိတို့၏ ကိုယ်ပိုင်အကျိုးစီးပွားများကို အနစ်နာခံစေခြင်း၏ အဆုံးစွန်ရည်ရွယ်ချက်မှာ အမှန်တကယ်တွင် အခြားလူများက ၎င်းတို့ကို အစေခံဖို့ သေချာစေရန်ဖြစ်သည်။ လူတို့၏ ဦးတည်ချက်များ၊ ရည်ရွယ်ချက်များ၏ အမြင်ရှုထောင့်မှကြည့်လျှင် ဤဆိုရိုးစကားသည် ဆိုးယုတ်သော အတွေးအခေါ်များသက်ရောက်မှုရှိပြီး အပေးအယူ အမျိုးအစားတစ်ခုရှိသည်။ ဤအရာမှနေ၍ “နည်းပါးသော ကိုယ်ကျိုးကို စွန့်ပစ်ပြီး ကြီးမားသော ကိုယ်ကျိုးကို အကောင်အထည်ဖော်ပါ” ဆိုသည့် ဆိုရိုးစကားတွင် သမ္မာတရားစည်းမျဉ်းများရှိမရှိကို သင် ဆုံးဖြတ်နိုင်သလော။ လုံးဝ မရှိပေ။ ယင်းသည် ကျင့်ကြံနေထိုင်မှု စည်းမျဉ်းလုံးဝ မဟုတ်ပေ။ ဆိုးယုတ်သော အတွေးအခေါ်သက်သက်သာဖြစ်သည်။ အဘယ်ကြောင့်ဆိုသော် လူတို့သည် ၎င်းတို့၏ နည်းပါးသော ကိုယ်ကျိုးကို စွန့်ပစ်ခြင်း ရည်ရွယ်ချက်သည် ၎င်းတို့၏ ကြီးမားသော ကိုယ်ကျိုးကို အကောင်အထည်ဖော်ရန် ဖြစ်သည်။ ဤသို့သော ကျင့်သုံးမှုသည် မြင့်မြတ်သည်ဖြစ်စေ၊ အောက်တန်းကျသည်ဖြစ်စေ လူတို့အား ချည်နှောင်သည့် စည်းကမ်းတစ်ခုသာဖြစ်သည်။ ယင်းသည် ကျိုးကြောင်းဆီလျော်သည့် ပုံစံရှိသော်လည်း အနှစ်သာရတွင် ယုတ္တိမရှိဘဲ အဓိပ္ပာယ်မရှိပေ။ ဤကျင့်သုံးမှုသည် သင့်အပေါ်သို့ မည်သည့်အရာကျရောက်ပါစေ အခြားလူများအတွက် မိမိ၏ ကိုယ်ပိုင်အကျိုးစီးပွားများကို အနစ်နာခံရန်သာ လူတို့ကို တောင်းဆိုသည်။ သင်က လိုလားသည်ဖြစ်စေ၊ မလိုလားသည်ဖြစ်စေ၊ လုပ်ဆောင်နိုင်သည်ဖြစ်စေ၊ မလုပ်ဆောင်နိုင်သည်ဖြစ်စေ၊ ပတ်ဝန်းကျင်က မည်သို့ရှိသည်ဖြစ်စေ သူတစ်ပါးတို့အတွက် သင်၏ ကိုယ်ပိုင်အကျိုးစီးပွားများကို အနစ်နာခံရန်သာ သင့်အား တောင်းဆိုသည်။ သင်သည် “နည်းပါးသော ကိုယ်ကျိုး”ကို မစွန့်ပစ်နိုင်လျှင် “ကြီးမားသော ကိုယ်ကျိုးကို အကောင်အထည်ဖော်ပါ။” ဆိုသည့် စကားက သင့်အား သွေးဆောင်နေသည်။ ဤသို့ဖြင့် သင်သည် သူတစ်ပါးတို့အတွက် သင်၏ ကိုယ်ပိုင်အကျိုးစီးပွားများကို အနစ်နာမခံနိုင်သော်လည်း လက်မလွှတ်နိုင်သေးပေ။ လူတို့သည် “ကြီးမားသော ကိုယ်ကျိုးကို အကောင်အထည်ဖော်ခြင်း” ဆိုသည့် အတွေး၏ သွေးဆောင်ခြင်းကို ခံရသည်။ ဤသို့သော အခြေအနေများတွင် ရွေးချယ်မှုပြုလုပ်ရန် ခက်ခဲသည်။ ဤသို့ဆိုလျှင် သူတစ်ပါးတို့အတွက် မိမိ၏ ကိုယ်ပိုင်အကျိုးစီးပွားကို အနစ်နာခံခြင်းသည် ကျင့်ကြံနေထိုင်မှု စည်းမျဉ်းတစ်ခုဖြစ်သလော။ အပြုသဘောဆောင်သော ရလဒ်များကို ရရှိစေနိုင်သလော။ လူတိုင်းက မိမိတို့ကိုယ်ကို အလွန်ကောင်းစွာ ဝတ်စားဆင်ယင်ကြသည်။ အဆုံးစွန်သော မြင့်မြတ်မှု၊ ဂုဏ်နှင့် ကိုယ်ကျင့်သိက္ခာတို့ကို ပြသကြသည်။ သို့သော် အဆုံးတွင် ရလဒ်က အဘယ်နည်း။ မည်သည့်အရာမျှ ရရှိလိမ့်မည်မဟုတ်ဟုသာ ဆိုနိုင်သည်။ အဘယ်ကြောင့်ဆိုသော် ဤသို့လုပ်ဆောင်ခြင်းသည် အခြားလူများ၏ အသိအမှတ်ပြုခြင်းကိုသာ ရယူနိုင်ပြီး ဖန်ဆင်းရှင်၏ လက်ခံမှုကို မရယူနိုင်သောကြောင့်ဖြစ်သည်။ ဤသည်မှာ မည်သို့ ဖြစ်ပေါ်လာသနည်း။ လူတိုင်း ရိုးရာယဉ်ကျေးမှုတွင်ရှိသော အကျင့်စာရိတ္တဆိုင်ရာ ဆိုရိုးစကားများကို လိုက်နာခြင်း၊ ဆိုးယုတ်သော အတွေးအခေါ်များကို လိုက်လျှောက်ခြင်း၏ ရလဒ်ဖြစ်သလော။ လူတိုင်းက ဘုရားနှုတ်ကပတ်တော်ကို လက်ခံလျှင်၊ မှန်ကန်သော အယူအဆများနှင့် အမြင်များကို လက်ခံလျှင်၊ သမ္မာတရားစည်းမျဉ်းများကို ကိုင်စွဲလျှင်၊ ဘဝတွင် ဘုရားသခင်က လမ်းပြသည့် ဦးတည်ချက်နောက်သို့လိုက်လျှင် လူတို့အတွက် ဘဝတွင် လမ်းမှန်ကို လျှောက်ဖို့ လွယ်ကူလိမ့်မည်။ သူတစ်ပါးတို့အတွက် မိမိ၏ ကိုယ်ပိုင်အကျိုးစီးပွားများကို အနစ်နာခံခြင်းထက် ဤနည်းဖြင့် လက်တွေ့လုပ်ဆောင်ခြင်းသည် ပို၍ကောင်းသလော။ ဤသို့ လက်တွေ့လုပ်ဆောင်ခြင်းသည် သူတော်ကောင်းဟန်ဆောင်သည့် လမ်းကြောင်းပေါ်တွင် စာတန်၏ နောက်သို့လိုက်ခြင်းထက် သမ္မာတရားစည်းမျဉ်းများကို လိုက်နာခြင်း၊ ဘုရားနှုတ်ကပတ်တော်နှင့်အညီ အလင်းထဲတွင် နေထိုင်ခြင်းတို့ဖြစ်သည်။ ဆိုးယုတ်သော အတွေးအခေါ်များကို စွန့်ပစ်ခြင်း၊ ထို့အပြင် ရိုးရာယဉ်ကျေးမှုတွင်ရှိသော အကျင့်စာရိတ္တဆိုင်ရာ ဆိုရိုးစကားများက ယူဆောင်လာသော အမျိုးမျိုးသော အယူအဆအားလုံးကို စွန့်ပစ်ခြင်း၊ သမ္မာတရားအားလက်ခံခြင်း၊ ဘုရားနှုတ်ကပတ်တော်နှင့်အညီ အသက်ရှင်နေထိုင်ခြင်းတို့အားဖြင့်သာ လူသားပုံသဏ္ဌာန်အတိုင်း အသက်ရှင်နေထိုင်ပြီး ဘုရားသခင်၏ လက်ခံမှုကို ရရှိနိုင်သည်။

အထက်တွင် ငါတို့ မိတ်သဟာယပြုခဲ့သည့်အရာကို အခြေခံလျှင် အကျင့်စာရိတ္တဆိုင်ရာဆိုရိုးစကားများ၏ အနှစ်သာရနှင့်ပတ်သက်ပြီး သင်တို့ ကောက်ချက်တစ်ခုခုချပြီးဖြစ်သလော။ ဤ အမျိုးမျိုးသော အကျင့်စာရိတ္တဆိုင်ရာ ဆိုရိုးစကားများအားလုံးသည် လူတို့၏ အတွေးအမြင်များနှင့် အပြင်ပန်းအပြုအမူများကို ကန့်သတ်သော စည်းမျဉ်းများနှင့် အစဉ်အလာများသာဖြစ်သည်။ ကျင့်ကြံနေထိုင်မှုအတွက် စည်းမျဉ်းများ၊ သို့မဟုတ် စံသတ်မှတ်ချက်များမဟုတ်ပေ။ လူ၊ အရေးကိစ္စ၊ အကြောင်းအရာမျိုးစုံကို ကြုံရသောအခါတွင် လူတို့ လိုက်နာသင့်သည့် စည်းမျဉ်းများမဟုတ်ပေ။ ဤသို့ဆိုလျှင် မည်သည့်စည်းမျဉ်းများကို လူတို့ လိုက်နာသင့်သနည်း။ ဤအရာကို ငါတို့ မိတ်သဟာယမပြုသင့်သလော။ လူအချို့ကပြောသည်။ “လူတို့လိုက်နာသင့်သည့် သမ္မာတရားစည်းမျဉ်းများနှင့် ထိုအကျင့်စာရိတ္တဆိုင်ရာ ဆိုရိုးစကားများ၏ စည်းမျဉ်းများ၊ အစဉ်အလာများကြားတွင် မည်သည့်ကွာခြားချက်ရှိသနည်း။” ဟူ၍ ဖြစ်သည်။ ငါ့အားပြောလော့။ ကွာခြားချက်တစ်ခုခုရှိသလော။ (ရှိသည်။) မည်သည့်အချက်တွင် ကွာခြားမှုရှိသနည်း။ အကျင့်စာရိတ္တဆိုင်ရာ ဆိုရိုးစကားများသည် လူတို့၏ အတွေးအမြင်နှင့် အပြုအမူများကို ကန့်သတ်သော စည်းမျဉ်းများ၊ အစဉ်အလာများသာဖြစ်သည်။ လူတို့အပေါ် ကျရောက်သော အမျိုးမျိုးသော အကြောင်းအရာများအားလုံးနှင့်ပတ်သက်ပြီး လူတို့အား လူ၊ အမှုကိစ္စနှင့် အကြောင်းအရာအမျိုးမျိုးကို ကိုင်တွယ်ဖြေရှင်းရန် မှန်ကန်သော စည်းမျဉ်းများ၊ မှန်ကန်သော နည်းလမ်းများကို ရှာခွင့်ပြုမည့်အစား လူတို့၏ အပြုအမူကို ကန့်သတ်ပြီး ၎င်းတို့၏ လက်နှင့် ခြေကို ချည်နှောင်သော သတ်မှတ်ချက်များကို ချမှတ်ထားကာ ၎င်းတို့အား ဤအရာ၊ ထိုအရာကို လုပ်ဆောင်စေသည်။ သမ္မာတရား စည်းမျဉ်းများကမူ ဤသို့မဟုတ်ပေ။ ဘုရားနှုတ်ကပတ်တော်များက လူတို့အပေါ် ချမှတ်သော ရှုထောင့်များစွာပါဝင်သော သတ်မှတ်ချက်များသည် လူတို့၏ စဉ်းစားပုံနှင့် အပြုအမူကို ကန့်သတ်သည့် ဆိုရိုးစကားအမျိုးမျိုးဖြစ်ဖို့ မဆိုထားနှင့်။ စည်းကမ်းများ၊ စည်းမျဉ်းများ၊ သို့မဟုတ် အစဉ်အလာများပင် မဟုတ်ပေ။ ထိုအစား ဘုရားနှုတ်ကပတ်တော်များသည် လူတို့အား ပတ်ဝန်းကျင်အမျိုးမျိုးတွင်၊ တစ်စုံတစ်ခုက ၎င်းတို့အပေါ်သို့ ကျရောက်သောအခါတိုင်းတွင် လူတို့ နားလည်ပြီး လိုက်နာသင့်သည့် သမ္မာတရားစည်းမျဉ်းများကို ပြောပြသည်။ ဤသို့ဆိုလျှင် အတိအကျဆိုရလျှင် ဤစည်းမျဉ်းများမှာ အဘယ်နည်း။ ဘုရားနှုတ်ကပတ်တော်သည်သာ သမ္မာတရားဖြစ်သည်၊ သို့မဟုတ် သမ္မာတရားစည်းမျဉ်းများဖြစ်သည်ဟု ငါ အဘယ်ကြောင့်ဆိုသနည်း။ အဘယ်ကြောင့်ဆိုသော် ဘုရားနှုတ်ကပတ်တော်က လူတို့အပေါ် ချမှတ်သော သတ်မှတ်ချက်အမျိုးမျိုးသည် သာမန်လူ့သဘာဝအားဖြင့် ရရှိနိုင်သောအရာများအားလုံးဖြစ်သောကြောင့်ဖြစ်သည်။ လူတို့အပေါ်သို့ တစ်စုံတစ်ခုကျရောက်သောအခါတွင် စိတ်ခံစားချက်များ၊ ဆန္ဒများ၊ ရည်မှန်းချက်များ၊ ၎င်းတို့၏ ဖောက်ပြန်ပျက်စီးသော စိတ်သဘောထားများ၏ လွှမ်းမိုးခြင်း၊ ထိန်းချုပ်ခြင်းကို မခံဘဲ ထိုအစား ဘုရားနှုတ်ကပတ်တော်နှင့် သမ္မာတရားစည်းမျဉ်းများနှင့်အညီ လက်တွေ့လုပ်ဆောင်ရန် လူတို့အား တောင်းဆိုသည်အထိ ဖြစ်သည်။ ဤသည်မှာ လူတို့ လိုက်နာနိုင်စွမ်းရှိသည့် စည်းမျဉ်းတစ်ခုဖြစ်သည်။ ဘုရားနှုတ်ကပတ်တော်၏ သမ္မာတရား စည်းမျဉ်းများသည် လူတို့ လိုက်နာသင့်သည့် မှန်ကန်သော ဦးတည်ချက်နှင့် ပန်းတိုင်ကို ထောက်ပြသည်။ ၎င်းတို့သည် လူတို့ လျှောက်သင့်သည့် လမ်းကြောင်းလည်းဖြစ်သည်။ ဘုရားနှုတ်ကပတ်တော်၏ စည်းမျဉ်းများသည် လူတို့၏ အသိစိတ်နှင့် ဆင်ခြင်တုံတရားကို သာမန်လည်ပတ်စေရန် ထိန်းသိမ်းပေးရုံသာမကဘဲ လူတို့၏ အသိစိတ်နှင့် ဆင်ခြင်တုံတရားဖြစ်သော အခြေခံအုတ်မြစ်ပေါ်ကိုလည်း သမ္မာတရားစည်းမျဉ်းများကို အလိုအလျောက် ထည့်သွင်းပေးသည်။ ဤအရာတို့သည် အသိစိတ်နှင့် ဆင်ခြင်တုံတရားရှိသောလူတို့ ကြိုးစားပြီး ကိုက်ညီနိုင်သည့် သမ္မာတရား စံနှုန်းများဖြစ်သည်။ လူတို့သည် ဤ ဘုရားနှုတ်ကပတ်တော်စည်းမျဉ်းများကို လိုက်နာသောအခါ ၎င်းတို့ ရရှိသောအရာသည် ၎င်းတို့၏ ကိုယ်ကျင့်တရားနှင့် သမာဓိ မြင့်တက်လာခြင်းမဟုတ်သကဲ့သို့ ၎င်းတို့၏ လူသားဂုဏ်ကို ကာကွယ်ခြင်းလည်းမဟုတ်ပေ။ ထိုအစား ၎င်းတို့သည် အသက်တာတွင် မှန်ကန်သော လမ်းကြောင်းကို စတင်လျှောက်လှမ်းနေပြီဖြစ်သည်။ လူတစ်ယောက်သည် ဤ ဘုရားနှုတ်ကပတ်တော်၏ သမ္မာတရားစည်းမျဉ်းများကို နာခံသောအခါ ထိုသူသည် သာမန်လူတစ်ယောက်၏ အသိစိတ်နှင့် ဆင်ခြင်တုံတရားကို ပိုင်ဆိုင်ရုံသာမကဘဲ အသိစိတ်နှင့် ဆင်ခြင်တုံတရားကို ပိုင်ဆိုင်ခြင်း၏ အုတ်မြစ်အပေါ်တွင် မိမိကိုယ်ကို မည်သို့ ကျင့်ကြံနေထိုင်သင့်သည်နှင့်ပတ်သက်သည့် သမ္မာတရားစည်းမျဉ်းများကိုလည်း ပို၍ နားလည်လာသည်။ ရိုးရှင်းစွာ ဆိုရလျှင် သူသည် ကျင့်ကြံနေထိုင်မှု စည်းမျဉ်းများကို နားလည်လာသည်။ လူအများ၊ အမှုအရာများကို ရှုမြင်သောအခါ၊ မိမိတို့ကိုယ်ကို ကျင့်ကြံနေထိုင်ပြီး ပြုမူသောအခါတွင် မည်သည့်သမ္မာတရားစည်းမျဉ်းများအား အသုံးပြုရမည်ကိုသိလာသည်။ သူ၏ ကိုယ်ပိုင်စိတ်ခံစားချက်များ၊ ဆန္ဒများ၊ ရည်မှန်းချက်များ၊ ဖောက်ပြန်ပျက်စီးသော စိတ်သဘောထားများ၏ ထိန်းချုပ်ခြင်း၊ လွှမ်းမိုးခြင်းကို မခံရတော့ပေ။ ဤနည်းအားဖြင့် သူသည် သာမန်လူတစ်ယောက်၏ ပုံသဏ္ဌာန်အတိုင်း အပြည့်အဝ အသက်ရှင်နေထိုင်သည်။ ဘုရားသခင်က တင်ပြသော ဤသမ္မာတရားစည်းမျဉ်းများသည် လူတို့အား ထိန်းချုပ်ပြီး အပြစ်မှ မိမိကိုယ်ကို ကယ်တင်ခြင်းကို တားဆီးသော ဖောက်ပြန်ပျက်စီးသည့် စိတ်သဘောထားများ၏ ပြဿနာကို အခြေခံအားဖြင့် ဖြေရှင်းပေးသည်။ ဤသို့ဖြင့် လူတို့သည် ၎င်းတို့၏ ယခင်က အသက်တာအတိုင်း အသက်မရှင်တော့ပေ။ စိတ်ခံစားချက်များ၊ ဆန္ဒများ၊ ရည်မှန်းချက်များနှင့် ဖောက်ပြန်ပျက်စီးသော စိတ်သဘောထားများ၏ ထိန်းချုပ်ခြင်းကို မခံရတော့ပေ။ ပြီးလျှင် ဤအရာအားလုံးကို မည်သည့်အရာက အစားထိုးသနည်း။ ယင်းသည် ဘုရားနှုတ်ကပတ်တော်နှင့် သမ္မာတရားစည်းမျဉ်းများ၏ စံသတ်မှတ်ချက်ဖြစ်သည်။ ယင်းသည် လူတစ်ယောက်၏ အသက်ဖြစ်လာသည်။ အကြမ်းဖျင်းအနေဖြင့် ပြောရလျှင် လူတို့သည် လူသားမျိုးနွယ်က လိုက်နာသင့်သည့် သမ္မာတရားစည်းမျဉ်းများကို စတင်လိုက်နာသည်နှင့် ၎င်းတို့သည် ဇာတိပကတိ၏ အမျိုးမျိုးသော ပြဿနာများအတွင်းတွင် အသက်မရှင်တော့ပေ။ ပို၍ တိကျစွာ ဆိုရလျှင် လူတို့သည် စာတန်၏ လှည့်စားမှု၊ လိမ်လည်မှုနှင့် ထိန်းချုပ်မှုအောက်၌ အသက်မရှင်တော့ပေ။ ပို၍ အသေးစိတ်ဆိုရလျှင် ၎င်းတို့သည် စာတန်က လူတို့အတွင်းသို့ သွတ်သွင်းပေးသော မရေမတွက်နိုင်အောင် များပြားသည့် အယူအဆများ၊ အမြင်များ၏ ချည်နှောင်ခြင်း၊ ထိန်းချုပ်ခြင်းအောက်၌ အသက်မရှင်တော့ပေ။ ထိုအစား ၎င်းတို့သည် ဂုဏ်သိက္ခာ၊ သမာဓိနှင့် အသက်ရှင်ရုံမကဘဲ လွတ်လပ်စွာဖြင့်၊ လူတို့၏ အသွင်သဏ္ဌာန်ဖြင့်လည်း အသက်ရှင်ကြသည်။ ဤသည်မှာ ဖန်ဆင်းရှင်၏ အချုပ်အခြာအာဏာအောက်တွင်ရှိသော ဖန်ဆင်းခံ၏ မှန်ကန်သော ပုံသဏ္ဌာန်ဖြစ်သည်။ ဤသည်မှာ ဘုရားနှုတ်ကပတ်တော်၊ သမ္မာတရားနှင့် ရိုးရာယဉ်ကျေးမှုတွင်ရှိသော အကျင့်စာရိတ္တဆိုင်ရာ ဆိုရိုးစကားများကြား အဓိက ကွာခြားချက်ဖြစ်သည်။

ယနေ့ မိတ်သဟာယ၏ အကြောင်းအရာသည် အတော်အတန် လေးနက်သည်။ သင်တို့သည် နားထောင်ပြီးနောက်တွင် အချိန်အတန်ကြာ တွေးတောသင့်သည်။ သေချာ စဉ်းစားသင့်သည်။ ပြောထားသည့်အရာကို သင် နားလည်သဘောပေါက်သလောဆိုသည်ကို ကြည့်သင့်သည်။ ဤမိတ်သဟာယကို အခြေခံလျှင် အကျင့်စာရိတ္တဆိုင်ရာ ဆိုရိုးစကားများနှင့် သမ္မာတရားကြား ကွာခြားချက်ကို သင်တို့ အပြည့်အဝ နားလည်သလော။ အရိုးရှင်းဆုံးဝေါဟာရများဖြင့် ငါ့အားပြောလော့။ အကျင့်စာရိတ္တဆိုင်ရာ ဆိုရိုးစကားများ၏ အနှစ်သာရမှာ အဘယ်နည်း။ (အကျင့်စာရိတ္တဆိုင်ရာ ဆိုရိုးစကားများသည် လူတို့၏ အတွေးများ၊ အပြုအမူများကို ကန့်သတ်သည့် စည်းမျဉ်းများ၊ အစဉ်အလာများသာ ဖြစ်သည်။ ကျင့်ကြံနေထိုင်မှုအတွက် စည်းမျဉ်းများ၊ စံသတ်မှတ်ချက်များမဟုတ်။) ဤသို့ ဖြေသည်မှာ ကောင်းသည်။ ပို၍ကြီးသော သစ်တော်သီးများကို ပေးကမ်းသည့် ကောင်ရုံ^က၏ ရိုးရာယဉ်ကျေးမှု ပုံပြင်တစ်ပုဒ်ရှိသည်။ သင်တို့ မည်သို့ ထင်သနည်း။ ကောင်ရုံကဲ့သို့ မပြုလုပ်နိုင်သောမည်သူမဆိုသည် လူကောင်းတစ်ယောက် မဟုတ်ဘူးလော။ ကောင်ရုံကဲ့သို့ ပြုလုပ်နိုင်သူ မည်သူမဆိုသည် စရိုက်လက္ခဏာမြင့်မြတ်သည်၊ သမာဓိခိုင်မာသည်၊ တစ်ကိုယ်ကောင်းဆန်ခြင်းမရှိဘဲ ကိုယ်ကျိုးမကြည့်ပေ၊ လူကောင်းတစ်ယောက်ဖြစ်သည်ဟု လူတို့က ထင်မြင်လေ့ရှိသည်။ ဤသမိုင်းပုံပြင်ရှိ ကောင်ရုံသည် လူတိုင်းလိုက်လျှောက်သည့် စံပြတစ်ယောက်ဟုတ်သလော။ ဤဇာတ်ကောင်သည် လူတို့၏ စိတ်နှလုံးတွင် နေရာတစ်ခုခုရှိသလော။ (ရှိသည်။) လူတို့၏ စိတ်နှလုံးတွင် နေရာယူသည်မှာ သူ၏ အမည်မဟုတ်ဘဲ သူ၏ အတွေးများ၊ အလေ့အကျင့်များ၊ သူ၏ ကိုယ်ကျင့်တရားနှင့် အပြုအမူတို့ဖြစ်သည်။ လူတို့သည် ဤသို့သော အလေ့အကျင့်များကို အထင်ကြီးလေးစားပြီး လက်ခံကြသည်။ ကောင်ရုံ၏ အကျင့်စာရိတ္တကို စိတ်အတွင်း၌ လေးစားကြသည်။ ထို့ကြောင့် သင်သည် သူတစ်ပါးတို့၏ အကျိုးအတွက် မိမိ၏ ကိုယ်ပိုင်အကျိုးစီးပွားကို အနစ်နာမခံနိုင်သူတစ်ယောက်အား မြင်လျှင်၊ ကောင်ရုံကဲ့သို့ ပို၍ ကြီးသောသစ်တော်သီးများကို အဆုံးရှုံးခံသည့်သူမျိုးမဟုတ်သူတစ်ယောက်အား မြင်လျှင် သင်သည် စိတ်အတွင်းတွင် ထိုသူအား စိတ်တိုမည်ဖြစ်ပြီး အထင်အမြင်သေးလိမ့်မည်။ ဤသို့ဆိုလျှင် သင်၏ စိတ်တိုခြင်းနှင့် အထင်အမြင်သေးခြင်းသည် ခိုင်လုံမှုရှိသလော။ တစ်ခုခုအပေါ်တွင် အခြေခံရမည်ဖြစ်သည်။ ရှေးဦးစွာ သင်သည် “ကောင်ရုံသည် အလွန်ငယ်သော်လည်း ပို၍ကြီးသော သစ်တော်သီးများကို စွန့်လွှတ်နိုင်သည်။ သင်ကတော့ အရွယ်ရောက်နေပြီဖြစ်ပြီး ဤသို့ တစ်ကိုယ်ကောင်းဆန်ဆဲဖြစ်သည်။” ဟူ၍ တွေးပြီး စိတ်အတွင်းတွင် ထိုသူအား အထင်အမြင်သေးသည်။ ထို့ကြောင့် သင်၏ အထင်အမြင်သေးခြင်း၊ စိတ်တိုခြင်းသည် ကောင်ရုံက ပို၍ကြီးသော သစ်တော်သီးများကို စွန့်လွှတ်ခြင်း ပုံပြင်ကို အခြေခံသလော။ (အခြေခံသည်။) ဤအရာကို အခြေခံပြီး လူတို့အား ရှုမြင်ခြင်းသည် မှန်ကန်သလော။ (မမှန်ကန်ပါ။) အဘယ်ကြောင့် မမှန်သနည်း။ အဘယ်ကြောင့်ဆိုသော် လူများ၊ အမှုအရာများကို ရှုမြင်ခြင်းအတွက် သင်၏ အခြေပြုချက်၏ အရင်းအမြစ်က မမှန်ကန်သောကြောင့်ဖြစ်သည်။ သင်၏ စမှတ်က အလုံးစုံ မှားယွင်းနေသောကြောင့်ဖြစ်သည်။ သင်၏ စမှတ်သည် ကောင်ရုံက ပို၍ကြီးသော သစ်တော်သီးများအား စွန့်လွှတ်ခြင်းကို လူများ၊ အမှုအရာများအား တိုင်းတာခြင်းအတွက် စံနှုန်းအဖြစ် မှတ်ယူခြင်းဖြစ်သည်။ သို့သော် ဤချဉ်းကပ်ပုံနှင့် တိုင်းတာသည့်နည်းလမ်းက မှားယွင်းသည်။ မည်သည့်ပုံစံဖြင့် မှားယွင်းသနည်း။ ကောင်ရုံ၏ ပုံပြင်နောက်ကွယ်ရှိ အယူအဆက မှန်ကန်သည်ဟု သင်ယုံကြည်သည့် ပမာဏမျှ မှားယွင်းသည်။ သင်သည် ထိုအရာကို လူများ၊ အမှုအရာများအား တိုင်းတာရန် အပြုသဘောဆောင်သော သဘောတရားဆိုင်ရာ အမြင်ရှုထောင့်အဖြစ် မှတ်ယူသည်။ သင်သည် ဤသို့ တိုင်းတာသောအခါ အဆုံးတွင် သင်ရရှိသောရလဒ်မှာ လူတော်တော်များများသည် လူကောင်းများမဟုတ်ဆိုသည့် ရလဒ်ဖြစ်သည်။ ဤတိုင်းတာခြင်း၏ ရလဒ်များက တိကျသလော။ (မတိကျပါ။) အဘယ်ကြောင့် မတိကျသနည်း။ သင်၏ တိုင်းတာခြင်း စံနှုန်းက မှားယွင်းနေသောကြောင့်ဖြစ်သည်။ လူတစ်ယောက်သည် ဘုရားသခင်ကပေးသည့် နည်းလမ်းများ၊ စည်းမျဉ်းများကို အသုံးပြုလျှင် ထိုသို့သောသူကို မည်သို့ တိုင်းတာသင့်သနည်း။ ထိုသူသည် ဘုရားအိမ်တော်၏ အကျိုးစီးပွားများကို ထိန်းသိမ်းခြင်းရှိမရှိကိုလည်းကောင်း၊ ဘုရားဘက်တွင်ရှိမရှိကိုလည်းကောင်း၊ ဘုရားကို ကြောက်ရွံ့သော စိတ်နှလုံးရှိမရှိကိုလည်းကောင်း၊ သူလုပ်ဆောင်သည့်အရာတွင် သမ္မာတရားစည်းမျဉ်းအား ရှာဖွေခြင်းရှိမရှိကိုလည်းကောင်း စဉ်းစားခြင်းအားဖြင့်ဖြစ်သည်။ ဤအချက်များအပေါ်တွင် အခြေခံသော တိုင်းတာမှုကသာ အတိကျဆုံးဖြစ်သည်။ ဤလူအပေါ်သို့ တစ်စုံတစ်ခု ကျရောက်သောအခါတိုင်းတွင် သူသည် ဆုတောင်းလျှင်၊ ရှာဖွေလျှင်၊ လူတိုင်းနှင့် ဆွေးနွေးလျှင်၊ တစ်ခါတစ်ရံတွင် သူသည် ကိုယ်ကျိုးမကြည့်ခြင်းကို မလုပ်ဆောင်နိုင်ဘဲ အသေးအဖွဲ ကိစ္စများ၌ အနည်းငယ် တစ်ကိုယ်ကောင်းဆန်လျှင်ပင်၊ ထိုသူလုပ်ဆောင်သည့်အရာသည် ဘုရားသခင်က သတ်မှတ်ထားသည့် အချက်များဖြင့် ယှဉ်ပြီး တိုင်းတာကြည့်သောအခါ အခြေခံအားဖြင့် ပြည့်မီခြင်းရှိလျှင် သူသည် သမ္မာတရားကို လက်ခံနိုင်သူ၊ မှန်သည့်ဘက်တွင် ရှိသူတစ်ယောက်ဖြစ်သည်။ ဤသို့ဆိုလျှင် ဤကောက်ချက်သည် မည်သည့်အရာအပေါ်တွင် အခြေခံသနည်း။ (ဘုရားသခင်၏ နှုတ်ကပတ်တော်နှင့် သတ်မှတ်ချက်များအပေါ်တွင် အခြေခံသည်။) ထို့ကြောင့် ဤကောက်ချက်သည် တိကျသလော။ ကောင်ရုံက ပို၍ကြီးသော သစ်တော်သီးများကို စွန့်လွှတ်သည့် သဘောတရားဆိုင်ရာ အမြင်ရှုထောင့်ကို သင် အသုံးပြုပြီး တိုင်းတာခြင်းထက် အလွန်ပို၍ တိကျသည်။ ကောင်ရုံ၏ ပုံပြင်၏ သဘောတရားဆိုင်ရာ အမြင်ရှုထောင့်သည် လူတို့၏ ယာယီအပြုအမူနှင့် ကျင့်သုံးမှုများကို တိုင်းတာသည်။ သို့သော် ဘုရားသခင်က လူတို့အား တိုင်းတာရန် တောင်းဆိုသည့်အရာမှာ ဤလူ၏ အနှစ်သာရဖြစ်သည်။ ထို့အပြင် သမ္မာတရားအပေါ်၊ ဘုရားသခင်၏ သတ်မှတ်ချက်များအပေါ် သူ၏ သဘောထားသည် အတိအကျမည်သို့ရှိသည်ဆိုသည့်အရာဖြစ်သည်။ အကျင့်စာရိတ္တဆိုင်ရာ ဆိုရိုးစကားများကို သင်အသုံးပြုခြင်းသည် လူတစ်ယောက်၏ ခဏတာဖြစ်သော အပြုအမူ၊ သို့မဟုတ် သူ၏ လုပ်ရပ်များ၊ သို့မဟုတ် ဖြစ်ရပ်တစ်ခုတွင် ခဏတာဖွင့်ပြမှုများအား တိုင်းတာခြင်းဖြစ်သည်။ လူတစ်ယောက်၏ ပင်ကိုအရည်အသွေးများကို တိုင်းတာရန် ထိုအရာများကို သင် အသုံးပြုလျှင် တိကျလိမ့်မည်မဟုတ်ပေ။ အဘယ်ကြောင့်ဆိုသော် အကျင့်စာရိတ္တဆိုင်ရာ ဆိုရိုးစကားများကို အသုံးပြုပြီး လူတစ်ယောက်၏ ပင်ကိုအရည်အသွေးများကို တိုင်းတာခြင်းသည် မှားယွင်းသော စည်းမျဉ်းများကို အသုံးပြုပြီး တိုင်းတာခြင်းဖြစ်သောကြောင့်ဖြစ်သည်။ သင်ရရှိသည့် ရလဒ်သည် တိကျမည်မဟုတ်ပေ။ ကွာခြားမှုက သူ၏ အပြင်ပန်း အပြုအမူများတွင် တည်ရှိခြင်းမဟုတ်ဘဲ သူ၏ သဘာဝနှင့် အနှစ်သာရတွင်တည်ရှိသည်။ ထို့ကြောင့် အကျင့်စာရိတ္တဆိုင်ရာ ဆိုရိုးစကားများကို အသုံးပြုပြီး လူတို့အား တိုင်းတာခြင်းသည် အခြေခံအားဖြင့် မှားယွင်းသည်။ သမ္မာတရားစည်းမျဉ်းများကို အသုံးပြုပြီး လူတို့အား တိုင်းတာခြင်းသည်သာ တိကျသည်။ ငါပြောသည့်အရာကို သင်တို့ နားလည်သလော။

အကျင့်စာရိတ္တဆိုင်ရာ ဆိုရိုးစကားများ၏ အနှစ်သာရမှာ ၎င်းတို့သည် လူတို့၏ အပြုအမူနှင့် အတွေးများကို ကန့်သတ်သော စည်းမျဉ်းများနှင့် အစဉ်အလာများဖြစ်သည်။ ၎င်းတို့သည် အတိုင်းအတာတစ်ခုအထိ လူတို့၏ စဉ်းစားပုံကို ကန့်သတ်ထိန်းချုပ်သည်။ မှန်ကန်သော အတွေးဖော်ပြမှုများနှင့် သာမန်လူ့သဘာဝ၏ သာမန်လိုအပ်ချက်များကို ကန့်သတ်သည်။ ၎င်းတို့သည် သာမန်လူ့သဘာဝ၏ အသက်ရှင်သန်ရေးနိယာမအချို့ကိုလည်း ချိုးဖောက်သည်ဟု ဆိုနိုင်သည်မှာ ပြောစရာမလိုပေ။ သာမန်လူများ၏ လူသားလိုအပ်ချက်များနှင့် လူ့အခွင့်အရေးများကိုလည်း ပိတ်ပင်သည်။ ဥပမာ “အမျိုးသမီးတစ်ယောက်သည် အကျင့်သီလကောင်းရမည်။ ကြင်နာရမည်၊ အနွံအနာခံရမည်” ဆိုသည့် ရှိရိုးရှိစဉ် ဆိုရိုးစကားသည် အမျိုးသမီးများ၏ လူ့အခွင့်အရေးကို အဓမ္မဝင်ရောက်စွက်ဖက်ပြီး ဖျက်ဆီးသည်။ ယင်းသည် အမျိုးသမီးများအား လူ့အဖွဲ့အစည်းတစ်ခုလုံးတွင် မည်သည့်နေရာကို ယူစေသနည်း။ အမျိုးသမီးများသည် ကျွန်ခံခြင်းနေရာကို ယူသည်။ ဤသို့မဟုတ်သလော။ (ဟုတ်သည်။) ဤအမြင်ရှုထောင့်မှ ကြည့်လျှင် ဤအကျင့်စာရိတ္တဆိုင်ရာ ဆိုရိုးစကားများ၏ စည်းမျဉ်းများ၊ အစဉ်အလာများသည် လူသား၏ အတွေးများကို ဖျက်ဆီးပစ်သည်။ သာမန်လူ့သဘာဝ၏ အမျိုးမျိုးသော လိုအပ်ချက်များကို ဖယ်ရှားပစ်သည်။ တစ်ချိန်တည်းတွင် လူသားများ၏ အမျိုးမျိုးသော သာမန်လူ့သဘာဝအတွေးများကို ဘောင်ခတ်သည်။ ဤအကျင့်စာရိတ္တဆိုင်ရာ ဆိုရိုးစကားများသည် အခြေခံအားဖြင့် သာမန်လူတို့၏ လိုအပ်ချက်များကို အခြေခံ၍ ဖန်တီးခဲ့ခြင်းမဟုတ်သကဲ့သို့ သာမန်လူတို့ ကိုက်ညီနိုင်သည့် စံနှုန်းများအပေါ်တွင်လည်း အခြေမခံပေ။ ၎င်းတို့အားလုံးသည် လူတို့၏ စိတ်ကူးစိတ်သန်းများနှင့် ရည်မှန်းချက်ကြီးသော ဆန္ဒများအပေါ်တွင် အခြေခံပြီး ဖန်တီးခဲ့ခြင်းဖြစ်သည်။ ဤအကျင့်စာရိတ္တဆိုင်ရာ ဆိုရိုးစကားများသည် လူတို့၏ အတွေးများကို ကန့်သတ်ပြီး ဘောင်ခတ်ရုံသာမကဘဲ၊ လူတို့၏ အပြုအမူကို ဘောင်ခတ်ရုံသာမကဘဲ လူတို့အား မှားယွင်းပြီး စိတ်ကူးသက်သက်ဖြစ်သောအရာများနောက်သို့လည်းလိုက်စေပြီး ကိုးကွယ်စေသည်။ သို့သော် လူတို့သည် ထိုအရာများကို မရရှိနိုင်ပေ။ ထို့ကြောင့် ၎င်းတို့ လုပ်နိုင်သမျှမှာ ဖုံးဖိဖာထေးပြီး မိမိတို့ကိုယ်ကို ဖုံးကွယ်ရန်အတွက် ဟန်ဆောင်မှုကို အသုံးပြုခြင်းဖြစ်သည်။ ဤသို့အားဖြင့် သင့်တင့်ပြီး မြင့်မြတ်သောဘဝ၊ အလွန်ဂုဏ်ရှိပုံရသည့် ဘဝကို ရှင်သန်နိုင်ရန်ဖြစ်သည်။ သို့သော် အမှန်တွင် ဤအကျင့်စာရိတ္တဆိုင်ရာ အယူအဆများ၊ အမြင်များအောက်တွင် အသက်ရှင်ခြင်းသည် လူသားမျိုးနွယ်၏ အတွေးများသည် ပုံပျက်ပြီး ဘောင်ခတ်ခြင်းခံရသည်၊ လူတို့သည် ဤမှားယွင်းသော အယူအဆများ၊ အမြင်များ၏ အုပ်စိုးမှုအောက်တွင် ပုံမှန်မဟုတ်ဘဲ သွေဖည်လျက် အသက်ရှင်ကြသည်ဆိုသည့် သဘောဖြစ်သည်မဟုတ်လော။ (ဟုတ်သည်။) လူတို့သည် ဤသို့ အသက်မရှင်လိုပေ။ ဤသို့ မလုပ်ဆောင်လိုပေ။ သို့သော် ဤသဘောတရားဆိုင်ရာ အချုပ်အနှောင်များ၏ ကန့်သတ်မှုကို ၎င်းတို့ မချိုးဖျက်နိုင်ပေ။ ၎င်းတို့လုပ်နိုင်သမျှမှာ ဤအယူအဆများ၊ အမြင်များ၏ လွှမ်းမိုးမှုနှင့် ဘောင်ခတ်မှုအောက်တွင် စိတ်မပါစွာ၊ မိမိဆန္ဒအလျောက်မဟုတ်ဘဲ အသက်ရှင်ခြင်းသာဖြစ်သည်။ တစ်ချိန်တည်းတွင် လူအများ၏ ထင်မြင်ချက်နှင့် ၎င်းတို့၏ စိတ်နှလုံးတွင်ရှိသော ဤအယူအဆများ၊ အမြင်များ၏ ဖိအားကြောင့် ၎င်းတို့သည် သူတော်ကောင်းယောင်ဆောင်သည့် မျက်နှာဖုံးကို တစ်ခုပြီးတစ်ခု တပ်ဆင်လျက် ဤကမ္ဘာတွင် ယုတ်ညံ့သောဖြစ်တည်မှုကို အချိန်ဆွဲထားဖို့ကလွဲပြီး ရွေးချယ်စရာမရှိပေ။ ဤသည်မှာ လူသားမျိုးနွယ်အတွက် အကျင့်စာရိတ္တဆိုင်ရာ ဆိုရိုးစကားများ၏ အကျိုးဆက်ဖြစ်သည်။ သင်တို့ နားလည်သလော။ (နားလည်သည်။) ဤအကျင့်စာရိတ္တဆိုင်ရာ ဆိုရိုးစကားများကို ငါတို့ မိတ်သဟာယဖွဲ့ပြီး စိစစ်လေလေ၊ လူတို့က ၎င်းတို့ကို ရှင်းလင်းစွာ မြင်လေလေ၊ ရိုးရာယဉ်ကျေးမှုတွင်ရှိသော ဤဆိုရိုးစကားအမျိုးမျိုးသည် အပြုသဘောဆောင်သောအရာများမဟုတ်ဟု ၎င်းတို့ ခံစားရလေလေဖြစ်သည်။ ဤဆိုရိုးစကားများသည် လူသားတို့အား နှစ်ထောင်ချီပြီး အမြင်မှားစေကာ ထိခိုက်ခဲ့သည်။ လူတို့သည် ဘုရားနှုတ်ကပတ်တော်ကို နားထောင်ပြီး သမ္မာတရားကို နားလည်လာသည့်တိုင်အောင် ရိုးရာယဉ်ကျေးမှုမှ ဤ အယူအဆများနှင့် အမြင်များ၏ လွှမ်းမိုးမှုကို မဖယ်ရှားနိုင်သည်အထိဖြစ်သည်။ ထိုအရာများကို အပြုသဘောဆောင်သောအရာများအဖြစ်ပင် မြှင့်တင်ထားကြသည်။ လူများစွာတို့သည် ၎င်းတို့ကို သမ္မာတရားအတွက် အစားထိုးအဖြစ်ပင် အသုံးပြုကြသည်။ ပြီးလျှင် သမ္မာတရားအဖြစ် လက်တွေ့လုပ်ဆောင်ကြသည်။ ယနေ့မိတ်သဟာယမှတစ်ဆင့် ရိုးရာယဉ်ကျေးမှုတွင်ရှိသော ဤအကျင့်စာရိတ္တဆိုင်ရာ ဆိုရိုးစကားများကို သင်တို့ ပို၍ကောင်းသော၊ တိကျသော နားလည်မှုရရှိကြသလော။ (ရရှိပါသည်။) ယခု ထိုအရာများကို သင်တို့ နားလည်မှုအချို့ရှိသောအခါတွင် အခြားအကျင့်စာရိတ္တဆိုင်ရာ ဆိုရိုးစကားများကို ငါတို့ ဆက်၍ မိတ်သဟာယပြုကြစို့။

နောက်တစ်ခုတွင် “ညောင်စေ့လောက် ကျေးဇူးပြုခံရရင် ညောင်ပင်ကြီးလောက် ကျေးဇူးပြန်ဆပ်ရမည်” ဆိုသည့် အကျင့်စာရိတ္တဆိုင်ရာ ဆိုရိုးစကားအကြောင်းကို ငါတို့ မိတ်သဟာယဖွဲ့မည်။ သင်တို့ မြင်နိုင်သည့်အတိုင်းပင်။ ဤအကျင့်စာရိတ္တဆိုင်ရာ ဆိုရိုးစကားတစ်ခုစီသည် အလွန်ပင် ချဲ့ကားလွန်းပြီး ကမ္ဘာတုန်လောက်သည်။ ဆိုရိုးစကားတစ်ခုစီက သူရဲကောင်းဆန်သော စိတ်ဓာတ်တစ်မျိုးနှင့် ကြီးမြတ်သောလူတို့၏ အရည်အသွေးများဖြင့် ပြည့်နေသကဲ့သို့ရှိပြီး ထူးခြားမှုမရှိသော၊ သို့မဟုတ် သာမန်ဖြစ်သောလူတစ်ယောက်က မရရှိနိုင်ပေ။ “ညောင်စေ့လောက် ကျေးဇူးပြုခံရရင် ညောင်ပင်ကြီးလောက် ကျေးဇူးပြန်ဆပ်ရမည်” ဆိုသည်မှာ မည်မျှကြီးမားသော အမြင်ကျယ်ပြန့်မှု လိုအပ်လိမ့်မည်နည်း။ ထိုအရာကို လုပ်ဆောင်ရန်အတွက် မည်မျှ ကြင်နာ၊ သဘောကောင်းပြီး ကြီးမြတ်သော ပင်ကိုစရိုက်ကို သင်လိုအပ်မည်နည်း။ “ညောင်စေ့” သည် “ညောင်ပင်ကြီး”နှင့် ညီမျှသည်။ သို့သော် တစ်ချိန်တည်းတွင် ဤညီမျှမှုသည် ဤနှစ်ခုကြားတွင် တိုင်းတာ၍မရသော ကွာဟချက်နှင့် ကျယ်ပြန့်သော ကြားနားမှုတစ်ခုရှိသည်ဆိုသည့် အမြင်ကိုပေးသည်။ ဆိုလိုသည်မှာ သင်သည် ညောင်စေ့လောက် ကျေးဇူးပြုခံရလျှင်ပင် ကျေးဇူးပြန်ဆပ်ရမည်ဆိုသည့် သဘောဖြစ်သည်။ သို့သော် မည်သို့ ကျေးဇူးဆပ်ရမည်နည်း။ မေ့သွားရမည့်အစား ညောင်ပင်ကြီးလောက် ကျေးဇူးပြန်ဆပ်ရမည်။ လုပ်ဆောင်မှု၊ သို့မဟုတ် အပြုအမူမြောက်များစွာဖြင့်၊ သို့မဟုတ် ရိုးသားစစ်မှန်မှုများစွာ၊ ကြီးမားသော လိုလားမှုများစွာဖြင့် ကျေးဇူးဆပ်ရမည်။ ဤသည်မှာ ညောင်စေ့လောက် ကျေးဇူးပြုခံရခြင်းကို ပြန်ဆပ်ရန် လိုအပ်သည့် အတိုင်းအတာဖြစ်သည်။ သင်သည် တစ်ခုခုလျော့၍ ပြန်ဆပ်လျှင် သင့်၌ အသိတရားမရှိပေ။ ဤတွေးခေါ်ပုံအရ ကျေးဇူးပြုသောသူသည်လည်း အဆုံးတွင် မမျှတစွာ အကျိုးဖြစ်သောသူဖြစ်သည်မဟုတ်လော။ ဤကျေးဇူးပြုသူသည် သူ၏ ကျေးဇူးပြုခြင်းမှ သေချာပေါက် မြောက်များစွာ အကျိုးအမြတ်ရလိုက်သည်။ သူသည် ညောင်စေ့လောက် ကျေးဇူးပြုပြီး ညောင်ပင်ကြီးလောက် ကျေးဇူးပြန်ရသည်။ ဤသည်မှာ အလွန် အမြတ်များသည့် အပေးအယူဖြစ်သည်။ သူတစ်ပါးတို့ကို ထိခိုက်ပြီး မြောက်များစွာ အကျိုးအမြတ်ရသည့် နည်းလမ်းဖြစ်သည်။ ဤသို့မဟုတ်သလော။ ဤဘဝတွင် လူတိုင်းသည် ညောင်စေ့လောက် ကျေးဇူးပြုခြင်းကို လက်ခံလိမ့်မည်။ ၎င်းတို့အားလုံးက ညောင်ပင်ကြီးလောက် ပြန်ဆပ်ရမည်ဆိုလျှင် ပြန်ဆပ်ရန်အတွက် ၎င်းတို့၏ တစ်ဘဝလုံး ကုန်ဆုံးမည်ဖြစ်ပြီး ၎င်းတို့၏ မိသားစုနှင့် လူမှုတာဝန်များကို လုံးဝ ဖြည့်ဆည်းနိုင်မည်မဟုတ်တော့ပေ။ ၎င်းတို့၏ ဘဝလမ်းကြောင်းကို ထည့်စဉ်းစားရန်ဆိုသည်မှာ ပို၍ မဖြစ်နိုင်တော့ပေ။ သင်သည် ညောင်စေ့လောက် ကျေးဇူးပြုခံရခြင်းကို ခံစားသော်လည်း ညောင်ပင်ကြီးလောက် ကျေးဇူးပြန်ဆပ်ဖို့ ပျက်ကွက်လျှင် သင်၏ အသိတရား၏၊ လူ့အဖွဲ့အစည်း၏ ရှုတ်ချခြင်းကို ခံရမည်။ ပြီးလျှင် သင့်ကိုယ်သင် သူပုန်၊ လူဆိုး၊ ကျေးဇူးကန်းသူတစ်ယောက်ဖြစ်ပြီး လူသားမဟုတ်ဟု မှတ်ယူမည်ဖြစ်သည်။ သို့သော် တစ်စုံတစ်ယောက်က ညောင်ပင်ကြီးလောက် ကျေးဇူးပြန်ဆပ်နိုင်လျှင် အဘယ်သို့နည်း။ သူသည် “ငါ့လောက် တာဝန်သိတတ်သောသူ မည်သူမျှ မရှိ။ အဘယ်ကြောင့်ဆိုသော် ငါသည် ညောင်စေ့လောက် ကျေးဇူးပြုခံရခြင်းကို ညောင်ပင်ကြီးလောက် ပြန်ဆပ်နိုင်သောကြောင့်ဖြစ်သည်။ ဤနည်းအားဖြင့် တစ်ခါက ငါ့အား ကူညီခဲ့သော၊ ကျေးဇူးပြုခဲ့သောသူက ငါသည် မည်သို့သောသူမျိုးဖြစ်သည်၊ ငါ့အား ကူညီခြင်းအတွက် သူသည် ဆုံးရှုံးခြင်းရှိမရှိ၊ ငါ့အား ကူညီခြင်းသည် ထိုက်တန်ခြင်းရှိမရှိကို မြင်နိုင်သည်။ ဤသို့ဖြင့် သူသည် မည်သည့်အခါမျှ မေ့ပျောက်မည်မဟုတ်။ အနေရခက်ခြင်းပင် ဖြစ်လိမ့်မည်။ ထို့အပြင် ငါသည် သူ့အား ဆက်လက်၍ ကျေးဇူးဆက်နေမည်။ ငါသည် ညောင်စေ့လောက် ကျေးဇူးပြုခြင်းကို ညောင်ပင်ကြီးလောက် ကျေးဇူးပြန်ဆပ်နိုင်သည့်အတွက် မြင့်မြတ်သော ကိုယ်ကျင့်သိက္ခာရှိသူတစ်ယောက်မဟုတ်သလော။ ငါသည် လူကြီးလူကောင်းတစ်ယောက်မဟုတ်သလော။ ကြီးမြတ်သောသူတစ်ယောက်မဟုတ်သလော။ လေးစားခြင်းကို မခံရထိုက်သလော။” ဟု ဆိုလိမ့်မည်။ လူတိုင်းက သူ့အား ချီးမွမ်းပြီး လက်ခုပ်တီးသည်။ ယင်းသည် သူ၏ စိတ်ခံစားချက်များကို လွန်စွာ နိုးကြွစေသည်။ ထို့ကြောင့် သူက “သင်တို့သည် ငါ့အား ကြင်နာသောသူ၊ မြင့်မြတ်သော ကိုယ်ကျင့်သိက္ခာရှိသောသူ၊ လူတို့ကြားတွင် စံနမူနာဖြစ်သူ၊ လူသားမျိုးနွယ်၏ ကိုယ်ကျင့်တရား၏ စံတင်လောက်သူအဖြစ် ချီးမွမ်းသောကြောင့် ငါသေပြီးနောက်တွင် ငါ့အတွက် အထိမ်းအမှတ်ကျောက်တိုင်တစ်ခု စိုက်ထောင်ပြီး ဤသူသည် “ညောင်စေ့လောက် ကျေးဇူးပြုခံရရင် ညောင်ပင်ကြီးလောက် ကျေးဇူးပြန်ဆပ်ရမည်”ဆိုသည့် ဆိုရိုးစကား၏ စံတင်လောက်သူဖြစ်သည်။ လူသားမျိုးနွယ်၏ ကိုယ်ကျင့်တရား၏ စံနမူနာဖြစ်သူအဖြစ် ခေါ်ဆိုနိုင်သည်။’ ဆိုသော စာကိုရေးသင့်သည်။” ဟု ပြောသည်။ သို့သော် ကျောက်တိုင်စိုက်ထူပြီးသည့်အခါပင်လျှင် သူသည် လူတို့သည် သူ၏ ပုံသဏ္ဌာန်အတိုင်း ရွံ့စေးဖြင့်ပြုလုပ်ထားသော ရုပ်တုတစ်ခုလည်းပြုလုပ်ပြီး ဘုရားကျောင်းတွင် ထားသင့်သည်ဟူ၍လည်းကောင်း၊ ပြီးလျှင် ထိုရုပ်တုတွင် “ဤဘုရား၏ ဗိမာန်” ဟူ၍ သူ၏ ထင်ရှားကျော်ကြားသောနာမည်ကို ရေးသင့်သည်ဟူ၍လည်းကောင်း၊ ထိုရုပ်တုအောက်တွင် အမွှေးနံ့သာပူဇော်သည့် စင်တစ်ခုထားရှိသင့်သည်ဟူ၍လည်းကောင်း၊ ထိုနေရာတွင် လူတိုင်းက သူ့အား အမွှေးနံ့သာ ပူဇော်ရမည်ဟူ၍လည်းကောင်း၊ ဤသို့ဖြင့် သူ၏ အကျိုးအမြတ်အတွက် အစဉ်အမြဲ လောင်မြိုက်နေမည်ဟူ၍လည်းကောင်း တွေးသည်။ ထို့အပြင် လူများ၏ အိမ်များတွင် သူ၏ ဆင်းတုငယ်ရှိရမည်။ အမွှေးနံ့သာ ထွန်းညှိရမည်။ သူ့အား တစ်ရက်သုံးကြိမ် ကန်တော့ရမည်။ ၎င်းတို့၏ သားမီးများ၊ မြေးများနှင့် ငယ်ရွယ်သော မျိုးဆက်များအား သူကဲ့သို့ဖြစ်အောင် သွန်သင်ရမည်။ ၎င်းတို့၏ သားသမီးများကို သူကဲ့သို့သောလူကို၊ ညောင်စေ့လောက်ကျေးဇူးပြုခံရခြင်းကို ညောင်ပင်ကြီးလောက် ကျေးဇူးပြန်ဆပ်နိုင်သော၊ လူသားမျိုးနွယ်၏ ကိုယ်ကျင့်တရား၏ စံတင်လောက်သူ၊ စံနမူနာဖြစ်သောသူတစ်ယောက်ကို လက်ထပ်ယူရမည်ဟု ပြောပြရမည်။ တရုတ်လူမျိုးများ၏ ရိုးရာသွန်သင်ခြင်းဆိုင်ရာနည်းလမ်းသည် ၎င်းတို့၏ သားသမီးများအား လူကောင်းများဖြစ်အောင် သင်ကြားခြင်းဖြစ်သည်။ ကျေးဇူးပြုခြင်းကို အသိအမှတ်ပြုပြီး ပြန်ပေးဆပ်ဖို့ အားထုတ်ခြင်းကို အလေးပေးသည်။ သင်သည် ညောင်စေ့လောက် ကျေးဇူးပြုခြင်းခံရလျှင် တစ်ဘဝလုံး ကြိုးစားပြီး ပြန်ဆပ်ရမည်။ ဆိုလိုသည်မှာ ညောင်ပင်ကြီးလောက် ကျေးဇူးပြန်ဆပ်ရမည်။ ကလေးများကြီးလာသောအခါ ၎င်းတို့သည်လည်း နောက်လာမည့် မျိုးဆက်များကို အလားတူ သင်ကြားပေးသည်။ ဤသို့ဖြင့် ဆက်လက်ပြီး မျိုးဆက်တစ်ဆက်မှ နောက်တစ်ဆက်သို့ လက်ဆင့်ကမ်းသွားသည်။ ဤသို့သောသူသည် ညောင်စေ့လောက် ကျေးဇူးပြုခံရခြင်းကို ညောင်ပင်ကြီးလောက် ကျေးဇူးပြန်ဆပ်နိုင်သောအခါ သူသည်လည်း သူ၏ အဆုံးစွန် ရည်ရွယ်ချက်ကို ရရှိခဲ့သည်။ မည်သည့်ရည်ရွယ်ချက်ကို သူ ရရှိခဲ့သနည်း။ လောကီဆန်သောလူများနှင့် လူ့အဖွဲ့အစည်း၏ လက်ခံခြင်း၊ အသိအမှတ်ပြုခြင်းကို ခံရခြင်းဖြစ်သည်။ ဤသည်မှာ အဓိကမဟုတ်သည်မှာ မှန်သည်။ အရေးကြီးဆုံးအရာမှာ လူတို့သည် ၎င်းတို့၏ နံရံတွင် သူ၏ ရုပ်ပုံကို ချိတ်ဆွဲပြီး သူ၏ ရုပ်တုကို ပူဇော်ကြခြင်း၊ သူသည် ဤကမ္ဘာလောကက ထွန်းညှိသော အမွှေးနံ့သာများကို မျိုးဆက်တစ်ဆက်ပြီးတစ်ဆက် ခံစားနိုင်ခြင်း၊ သူ၏ စိတ်ဓာတ်နှင့် အယူအဆများသည် ကမ္ဘာလောကတွင် လက်ဆင့်ကမ်းသွားနိုင်ပြီး နောင်လာမည့်လူမျိုးဆက်များ၏ ချီးမွမ်းမှုကို ခံရခြင်းတို့ဖြစ်သည်။ အဆုံးတွင် ဤကမ္ဘာလောက၏ ထွန်းညှိသော အမွှေးနံ့သာများကို အဝစားပြီးနောက်တွင် သူသည် မည်သည့်အရာဖြစ်လာသနည်း။ သူသည် နတ်ဆိုးဘုရင်ဖြစ်လာသည်။ နောက်ဆုံး၌ သူ၏ ရည်ရွယ်ချက်ကို ရရှိခဲ့ပြီဖြစ်သည်။ ဤသည်မှာ လူသားမျိုးနွယ်အား စာတန်က ဖျက်ဆီးခြင်း၏ အဆုံးစွန်သော အကျိုးဆက်ဖြစ်သည်။ အစပိုင်းတွင် လူတို့သည် စေတနာသဒ္ဓါတရား၊ ဖြောင့်မတ်ခြင်း၊ ရည်မွန်ခြင်း၊ ဉာဏ်ပညာ၊ ယုံကြည်ထိုက်ခြင်းတို့ကဲ့သို့သော အကျင့်စာရိတ္တနှင့် ဆိုင်သော ရိုးရာယဉ်ကျေးမှုတွင်ရှိသည့် အယူအဆတစ်ခုမျှသာ လက်ခံကြသည်။ နောက်ပိုင်းတွင် ၎င်းတို့သည် ဤအယူအဆ၏ သတ်မှတ်ချက်ကို လိုက်နာပြီး ဤအယူအဆနှင့် ဤသတ်မှတ်ချက်ကို တင်းကျပ်စွာဖြင့် လက်တွေ့လုပ်ဆောင်ပြီး လိုက်နာခြင်းအားဖြင့် သူတစ်ပါးတို့အတွက် စံနမူနာအဖြစ် လုပ်ဆောင်ကြသည်။ ကျန်သည့် လူသားမျိုးနွယ်အတွက် ကိုယ်ကျင့်တရား၏ စံနမူနာ၊ စံတင်လောက်သူဖြစ်လာရန် ရည်ရွယ်ချက်ကို စွမ်းဆောင်ရရှိကြသည်။ ထို့နောက်တွင် ၎င်းတို့သည် သေဆုံးပြီးနောက် ဂုဏ်သတင်းကောင်းကို ချန်ရစ်ခဲ့သည်။ ထိုဂုဏ်သတင်းကောင်းသည် မျိုးဆက်များဆီသို့ လက်ဆင်းကမ်းသွားသည်။ နောက်ဆုံးတွင် ၎င်းတို့သည် ၎င်းတို့အလိုရှိသည့်အရာကို ရကြသည်။ ဤကမ္ဘာလောက၏ ထွန်းညှိထားသော အမွှေးနံ့သာကို ရှူရှိူက်ပြီး နတ်ဆိုးဘုရင်ဖြစ်လာခြင်းဖြစ်သည်။ ဤသည်မှာ ကောင်းသည့်အရာ ဟုတ်သလော။ (မဟုတ်ပါ။) ကောင်းသည့်အရာမဟုတ်ဟု အဘယ်ကြောင့်ဆိုသနည်း။ ဤသည်မှာ မယုံကြည်သူတစ်ယောက်က ဘဝတွင် ရည်ရွယ်ချက်ထားရှိသော အဆုံးစွန် ပန်းတိုင်ဖြစ်သည်။ သူသည် အကျင့်စာရိတ္တတစ်ခုခု၏ အယူအဆကို လက်ခံပြီးနောက် စံနမူနာအဖြစ် ဦးဆောင်သည်။ နောက်ဆုံးတွင် သူ့အား လူကောင်းတစ်ယောက်၊ ကြင်နာတတ်သူတစ်ယောက်၊ ထင်ရှားကျော်ကြားသူတစ်ယောက်၊ မြင့်မြတ်သော ကိုယ်ကျင့်သိက္ခာရှိသူတစ်ယောက်အဖြစ် လူတိုင်းက ချီးမွမ်းသည်အထိ ဤကိုယ်ကျင့်တရားသတ်မှတ်ချက်များကို အကောင်အထည်ဖော်ရန် စတင်လုပ်ဆောင်သည်။ သူ၏ အပြုအမူနှင့် လုပ်ဆောင်မှုသတင်းသည် လူသားမျိုးနွယ်အားလုံးဆီသို့ ပြန့်သွားသည်။ သူ၏ အပြုအမူနှင့် လုပ်ဆောင်မှုများကို မျိုးဆက်များက လေ့လာပြီး မြတ်နိုးကြသည်။ နောက်ဆုံးတွင် ထိုသူသည် မျိုးဆက်တစ်ခုလုံးအတွက် စံနမူနာဖြစ်လာပြီး မျိုးဆက်တစ်ခုလုံးအတွက် နတ်ဆိုးဘုရင်ဖြစ်လာသည်မှာလည်း ပြောစရာမလိုပေ။ ဤသည်မှာ လောကီလူများ လျှောက်သည့်လမ်းကြောင်းမဟုတ်သလော။ ယင်းသည် သမ္မာတရားနှင့် ဆက်စပ်ခြင်းရှိသလော။ ဘုရားသခင်၏ ကယ်တင်ခြင်းနှင့် ဆက်စပ်ခြင်းရှိသလော။ ဆက်စပ်မှု လုံးဝ မရှိပေ။ ဤသို့သောအရာသည် လူတို့အတွက် နောင်တွင်ဖြစ်လာမည့် အကျင့်စာရိတ္တဆိုင်ရာ ဆိုရိုးစကားများတွင် ရှိသည့် နောက်ဆုံးရလဒ်ဖြစ်သည်။ လူတစ်ယောက်သည် ရိုးရာယဉ်ကျေးမှုတွင်ရှိသော အမျိုးမျိုးသော အယူအဆများကို အလုံးစုံ လက်ခံလျှင် သူလျှောက်သည့် လမ်းကြောင်းသည် နတ်ဆိုးများ၏ လမ်းဖြစ်သည်မှာ သံသယရှိစရာမလိုပေ။ သင်သည် နတ်ဆိုးများ၏ လမ်းကို အပြီးအပိုင် စတင်လျှောက်လှမ်းလျှင် သင်သည် ဘုရားသခင်၏ လူတို့အား ကယ်တင်ခြင်းအမှုနှင့် ဆက်စပ်မှုမရှိပေ။ ပြီးလျှင် ကယ်တင်ခြင်းနှင့် လုံးဝ မသက်ဆိုင်ပေ။ ထို့ကြောင့် သမ္မာတရားအား နားလည်ခြင်း အခြေခံအုတ်မြစ်ပေါ်တွင် သင်သည် ရိုးရာယဉ်ကျေးမှု၏ အယူအဆများက ဘောင်ခတ်ခြင်း၊ လွှမ်းမိုးခြင်းကို ခံရဆဲဖြစ်လျှင်၊ တစ်ချိန်တည်းတွင် ဤအယူအဆများ၏ လွှမ်းမိုးမှုအောက်တွင် ယင်းတို့၏ ဥပဒေများကို လိုက်နာလျက်၊ ဤသတ်မှတ်ချက်များ၊ ဆိုရိုးစကားများကို လိုက်နာလျက်ဖြင့် သင်သည် ၎င်းတို့ကို စွန့်ပစ်ရန်၊ လက်လွတ်ရန် မတတ်နိုင်လျှင်၊ ဘုရားသခင်ထံမှ သတ်မှတ်ချက်များကို လက်မခံနိုင်လျှင် သင်သည် အဆုံးတွင် နတ်ဆိုးများ၏လမ်းသို့လိုက်ပြီး နတ်ဆိုးဘုရင်ဖြစ်လိမ့်မည်။ ဤအရာကို သင်နားလည်သည်မဟုတ်လော။ ကမ္ဘာလောကတွင်ရှိသော မည်သည့်သီအိုရီ၊ သို့မဟုတ် ဆိုရိုးစကားမဆို ဘုရားသခင်က လူသားမျိုးနွယ်အား ပေးအပ်သည့် ကယ်တင်ခြင်းလမ်းကြောင်းကို အစားမထိုးနိုင်ပေ။ ကမာဘတွင်ရှိသော အမြင့်ဆုံး ကိုယ်ကျင့်တရားစံနှုန်းကပင် အစားမထိုးနိုင်ပေ။ လူတို့သည် ကယ်တင်ခြင်းလမ်းကြောင်းဖြစ်သော မှန်ကန်သော လမ်းကြောင်းကို စတင်လျှောက်လှမ်းလိုလျှင် ဘုရားသခင်ရှေ့သို့ လာခြင်း၊ ဘုရားနှုတ်ကပတ်တော်အား အောက်ကျို့စွာ၊ တည်ကြည်ခိုင်မာစွာ လက်ခံခြင်း၊ ဘုရားသခင်၏ အမျိုးမျိုးသော အဆိုပြုချက်များနှင့် သတ်မှတ်ချက်များကို လက်ခံခြင်း၊ ဘုရားနှုတ်ကပတ်တော်အား စံသတ်မှတ်ချက်အဖြစ် ထားရှိပြီး မိမိတို့ကိုယ်ကို ကျင့်ကြံနေထိုင်ပြီး ဆောင်ရွက်ခြင်းအားဖြင့်သာ ဘုရားသခင်၏ လက်ခံမှုကို ရရှိနိုင်သည်။ ဤသို့မဟုတ်လျှင် လူတို့သည် ဘဝတွင် လမ်းမှန်ပေါ်သို့ စတင်လျှောက်လှမ်းရန် မဖြစ်နိုင်ပေ။ ထာဝရပြစ်ဒဏ်ခံရမည့်လမ်းကြောင်းပေါ်တွင် စာတန်၏ အတွေးအခေါ်များနောက်သို့သာ လိုက်နိုင်သည်။ လူအချို့က “အလယ်အလတ်လမ်းရှိသလော။” ဟု ဆိုသည်။ မရှိပေ။ သင်သည် ဘုရားသခင်၏ လမ်း၊ သို့မဟုတ် စာတန်၏ နတ်ဆိုးဆန်သောလမ်းနောက်ကိုသာ လိုက်ရသည်။ လမ်းနှစ်လမ်းသာရှိသည်။ သင်သည် ဘုရားသခင်၏ လမ်းနောက်သို့ မလိုက်လျှင် စာတန်က သင့်ဆီသို့ ယူဆောင်လာသော အမျိုးမျိုးသော အယူအဆများနှင် ထိုသို့သော အယူအဆများမှ ပေါက်ဖွားလာသည့် နတ်ဆိုးဆန်သော နည်းလမ်းအမျိုးမျိုးကို သင်လိုက်နာသည်မှာ သံသယဖြစ်ဖွယ်မရှိပေ။ သင်သည် အလယ်အလတ်လမ်း၊ သို့မဟုတ် တတိယလမ်းတစ်ခုခုကို လျှောက်ခြင်းအားဖြင့် ညှိနှိုင်းလိုလျှင် မဖြစ်နိုင်ပေ။ ဤအချက်သည် ရှင်းလင်းသလော။ (ရှင်းပါသည်။) “ညောင်စေ့လောက် ကျေးဇူးပြုခံရရင် ညောင်ပင်ကြီးလောက် ကျေးဇူးပြန်ဆပ်ရမည်” ဆိုသည့် ဆိုရိုးစကားကို ငါဆက်၍ အသေးစိတ်ရှင်းပြမည်မဟုတ်ပေ။ အဘယ်ကြောင့်ဆိုသော် ယင်းသည် “တစ်လုတ်စားဖူး သူ့ကျေးဇူး” ဆိုသည် ဆိုရိုးစကားနှင့် အနည်းနှင့်အများ တူညီပြီး ထိုဆိုရိုးစကားကို ယခင်က ငါတို့ မိတ်သဟာယပြုပြီး ဖြစ်သောကြောင့်ဖြစ်သည်။ ဤဆိုရိုးစကား၏ အနှစ်သာရမှာ အများအားဖြင့် တူညီသည်။ ထို့ကြောင့် အလွန်အသေးစိတ်ကျစွာ ဆွေးနွေးဖို့ မလိုပေ။

ယခုတွင် အကျင့်စာရိတ္တဆိုင်ရာ ဆိုရိုးစကားနောက်တစ်ခုအကြောင်းကို ပြောကြစို့။ သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေနှင့် ဟူ၍ဖြစ်သည်။ ဤတစ်ခုသည် ပိုင်းခြားသိမြင်ရန် အလွန်လွယ်ကူသင့်သည်မဟုတ်လော။ ငါတို့ ယခင်ကပြောခဲ့သည့် အကျင့်စာရိတ္တဆိုင်ရာ ဆိုရိုးစကားများ၏ သတ်မှတ်ချက်များနှင့် ယှဉ်ကြည့်လျှင် ဤဆိုရိုးစကားသည် လူတို့အား ချည်နှောင်သည့် တရားသေဆန်သော စည်းကမ်းဖြစ်သည်။ သဘောတရားအရ ဟိတ်ဟန်ကြီးပြီး အထင်ကြီးလောက်ဖွယ်ရှိသော်လည်း၊ အမှားလုံးဝမရှိသည့် ပုံစံရှိပြီး လူတို့အား ကိုင်တွယ်ဖြေရှင်းရာတွင် ရိုးရှင်းသော စည်းမျဉ်းတစ်ခုဖြစ်ပုံရသော်လည်း ဤရိုးရှင်းသော စည်းမျဉ်းသည် မိမိကိုယ်ကို မည်သို့ ကျင့်ကြံနေထိုင်ရမည်၊ သို့မဟုတ် လူတို့အား မည်သို့ဆက်ဆံရမည်နှင့်ပတ်သက်လျှင် လုံးဝ အဓိပ္ပာယ်မရှိပေ။ လူတစ်ယောက်၏ ကျင့်ကြံနေထိုင်မှု၊ သို့မဟုတ် ဘဝ၏ လိုက်စားမှုအတွက် အထောက်အကူမဖြစ်ပေ။ ယင်းသည် လူတို့၏ ပြုမူနေထိုင်မှုနှင့် အပြုအမူတို့တွင် ၎င်းတို့လိုက်နာသင့်သည့် စည်းမျဉ်းတစ်ခုမဟုတ်သကဲ့သို့ ဘဝတွင် မှန်ကန်သော ဦးတည်ချက်နှင့် ပန်းတိုင်ကို လိုက်စားရန် လူတို့အတွက် စည်းမျဉ်းတစ်ခုလည်းမဟုတ်ပေ။ သင်သည် ဤသတ်မှတ်ချက်ကို လိုက်နာလျှင်ပင် ဤသတ်မှတ်ချက်က လုပ်ဆောင်သမျှမှာ လူတို့နှင့် သင် ဆက်ဆံရာတွင် ကျိုးကြောင်းမဆီလျော်သည့်အရာတစ်ခုခုကို မလုပ်ဆောင်ရန် တားဆီးခြင်းသာဖြစ်သည်။ သို့သော် ဤသည်မှာ သင်သည် ဘဝတွင် မှန်ကန်သော လမ်းကြောင်းပေါ်၌ ရှိနေသည်ဟု သက်သေပြဖို့ မဆိုထားနှင့်။ သင်သည် လူတို့အပေါ် အမှန်တကယ်ချစ်ခြင်းရှိသည်၊ သို့မဟုတ် ၎င်းတို့အား အမှန်တကယ်ကူညီသည်ဟုပင် မဆိုလိုပေ။ တိုက်ရိုက်ဆိုရလျှင် “သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေနှင့်” ဆိုသည်မှာ သင်သည် တစ်စုံတစ်ခုကို မနှစ်သက်လျှင်၊ သို့မဟုတ် တစ်စုံတစ်ခုကို မလုပ်ဆောင်လိုလျှင် အခြားလူများကိုလည်း အတင်းမလုပ်ဆောင်ခိုင်းသင့်ဟု အဓိပ္ပာယ်ရသည်။ ဤသည်မှာ ပါးနပ်ပြီး ကျိုးကြောင်းသင့်သည့် ပုံစံရှိသည်။ သို့သော် အခြေအနေတိုင်းကို ကိုင်တွယ်ရန် ဤဆိုးယုတ်သော အတွေးအခေါ်ကို အသုံးပြုလျှင် အမှားများစွာ ပြုလုပ်မည်ဖြစ်သည်။ သင်သည် လူတို့ကို နာကျင်စေဖို့၊ လှည့်စားဖို့၊ သို့မဟုတ် နစ်နာစေဖို့ပင် ဖြစ်နိုင်ခြေရှိသည်။ မိဘအချို့က ကျောင်းတက်ခြင်းကို မနှစ်သက်သော်လည်း ၎င်းတို့၏ သားသမီးများကို ကျောင်းတက်စေချင်ကာ သားသမီးများနှင့် အစဉ်ကျိုးကြောင်းပြပြောဆိုဖို့ ကြိုးစားပြီး စာကြိုးစားရန် တိုက်တွန်းသကဲ့သို့ပင်ဖြစ်သည်။ “သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေ” ရန် သတ်မှတ်ချက်ကို ဤနေရာတွင် အသုံးချလျှင် ဤမိဘများသည် ၎င်းတို့၏ သားသမီးများကို ကျောင်းမတက်ခိုင်းသင့်ပေ။ ၎င်းတို့ကိုယ်တိုင်က မနှစ်သက်သောကြောင့်ဖြစ်သည်။ ဘုရားသခင်ကို ယုံကြည်သော်လည်း သမ္မာတရားကို မလိုက်စားကြသည့်တိုင် မိမိတို့၏ စိတ်နှလုံးတွင်မူ ဘုရားသခင်ကို ယုံကြည်ခြင်းသည် ဘဝတွင် မှန်ကန်သောလမ်းကြောင်းဖြစ်သည်ကို သိကြသည့် အခြားလူများရှိသည်။ ၎င်းတို့၏ သားသမီးများသည် ဘုရားသခင်ကို မယုံကြည်ဘဲ လမ်းမှန်တွင်မရှိသည်ကို မြင်လျှင် ၎င်းတို့က သားသမီးများကို ဘုရားသခင်အား ယုံကြည်ရန် တိုက်တွန်းကြသည်။ ၎င်းတို့ကိုယ်တိုင်က သမ္မာတရားကို မလိုက်စားသော်လည်း ၎င်းတို့၏ သားသမီးများကို လိုက်စားစေလိုပြီး ကောင်းချီးခံရစေလိုသည်။ ဤအခြေအနေတွင် ၎င်းတို့သည် “သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေနှင့်” ဆိုသည့် ဆိုရိုးစကားကို လိုက်နာလျှင် ဤမိဘများသည် ၎င်းတို့၏ သားသမီးများကို ဘုရားသခင်အား ယုံကြည်အောင် မပြုလုပ်သင့်ပေ။ ဤသည်မှာ ဆိုးယုတ်သော အတွေးအခေါ်နှင့် ကိုက်ညီလိမ့်မည်။ သို့သော် ကယ်တင်ခြင်းရဖို့ ၎င်းတို့သားသမီးများ၏ အခွင့်အရေးကိုလည်း ဖျက်ဆီးလိမ့်မည်။ ဤရလဒ်အတွက် မည်သူက တာဝန်ရှိသနည်း။ သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေနှင့် ဆိုသည့် အကျင့်စာရိတ္တဆိုင်ရာ ရိုးရာဆိုရိုးစကားသည် လူတို့အား မထိခိုက်စေသလော။ နောက်ထပ် ဥပမာတစ်ခုပြမည်။ အချို့သောမိဘများသည် တာဝန်သိသော၊ ဥပဒေကို လိုက်နာသော ဘဝအား နေထိုင်ခြင်းကို မရောင့်ရဲကြပေ။ ၎င်းတို့သည် လယ်မြေပေါ်တွင် ပင်ပင်ပန်းပန်းအလုပ်လုပ်လိုစိတ်မရှိ၊ သို့မဟုတ် ၎င်းတို့၏ မိသားစုကို ပံ့ပိုးဖို့အတွက် အလုပ်သို့ မသွားလိုကြပေ။ ထိုအစား ၎င်းတို့သည် လိမ်ညာလိုသည်။ ကလိမ်ကျလိုသည်၊ သို့မဟုတ် လောင်းကစားလုပ်လိုကြသည်။ ရိုးသားခြင်းမရှိသည့် ငွေအမြောက်အများကို ရရှိရန်အတွက် မဖြောင့်မတ်သောနည်းများကို အသုံးပြုလိုကြသည်။ ဤသို့အားဖြင့် အဆင့်မြင့်သောဘဝကို နေထိုင်ပြီး ပျော်ပါးကာ ဇာတိပကတိ၏ သာယာမှုကို ခံစားနိုင်ရန်အတွက်ဖြစ်သည်။ ၎င်းတို့သည် ရိုးသားသောအလုပ်အား လုပ်ကိုင်ရသည်ကို၊ သို့မဟုတ် မှန်ကန်သောလမ်းကြောင်းနောက်လိုက်ရသည်ကို မနှစ်သက်ပေ။ ယင်းသည် ၎င်းတို့ ဆန္ဒမရှိသည့်အရာဖြစ်သည်မဟုတ်လော။ ဤသည်မှာ မကောင်းသည်ကို ၎င်းတို့၏ စိတ်နှလုံးထဲတွင် သိသည်။ ဤအခြေအနေတွင် ၎င်းတို့၏ သားသမီးများကို ၎င်းတို့က မည်သို့ သွန်သင်ပေးသင့်သနည်း။ သာမန်လူတို့က ၎င်းတို့၏ သားသမီးများကို အနာဂတ်တွင် အလုပ်ကောင်းတစ်ခုကို ရှာနိုင်ရန်၊ ၎င်းတို့၏ သားသမီးများကို မှန်ကန်သောလမ်းကြောင်းအား လျှောက်စေရန်အတွက် ၎င်းတို့ကို စာကြိုးစားပြီး ပညာရပ်တစ်ခုကို ကျွမ်းကျင်အောင်သင်ယူဖို့ သင်ကြားပေးမည်ဖြစ်သည်။ ဤသည်မှာ မိဘ၏ တာဝန်ကို ဖြည့်ဆည်းခြင်းဖြစ်သည်မဟုတ်လော။ (ဟုတ်သည်။) ဤသည်မှာ မှန်ကန်သည်။ သို့သော် ၎င်းတို့က “သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေနှင့်” ဟူသည့် ဆိုရိုးစကားကို လိုက်နာလျှင် ၎င်းတို့က “ငါ့သား၊ ငါ့ကို ကြည့်လော့။ ငါသည် ဘဝတွင် သောက်စားခြင်း၊ ပြည့်တန်ဆာများ၊ လောင်းကစားများထံ မကြာခဏသွားရောက်ခြင်းတို့ကဲ့သို့သောအရာမျိုးစုံကို လုပ်ဆောင်နိုင်သည်။ ငါသည် ကျောင်းမတက်ဘဲ၊ သို့မဟုတ် ပညာရပ်တစ်ခုကို မသင်ယူဘဲနှင့်ပင် ဘဝတွင် ရပ်တည်သည်။ သင်သည် နောင်ကာလတွင် ငါနှင့် သင်ယူလော့။ သင်သည် ကျောင်းတက်ပြီး စာကြိုးစားဖို့မလိုပေ။ ခိုးယူ၊ လိမ်ညာပြီး လောင်းကစားလုပ်တတ်အောင် သင်ယူလော့။ သင်၏ ကျန်သည့်နေ့ရက်များတွင် သက်သာသော ဘဝကို နေထိုင်နိုင်သေးသည်။” ဟူ၍ ပြောလိမ့်မည်။ ဤသို့လုပ်ဆောင်သည်မှာ မှန်ကန်သလော။ တစ်စုံတစ်ယောက်က သူ၏ သားသမီးများကို ဤသို့ သွန်သင်ပေးသလော။ (မသွန်သင်ပါ။) ဤသည်မှာ “သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေနှင့်” ဆိုသည့်အရာမဟုတ်လော။ ဤဥပမာများက ဤဆိုရိုးစကားကို လုံးလုံးလျားလျား ချေပခဲ့သည် မဟုတ်လော။ ဤအရာနှင့်ပတ်သက်ပြီး မှန်ကန်သည့်အရာတစ်ခုမျှ မရှိပေ။ ဥပမာ လူအချို့သည် သမ္မာတရားကို မချစ်ကြပေ။ ဇာတိပကတိ သက်သာမှုများကို တပ်မက်ကြသည်။ တာဝန်ထမ်းဆောင်ရာတွင် အချောင်ခိုရန် လမ်းရှာကြသည်။ ဒုက္ခခံရန်၊ သို့မဟုတ် အဖိုးအခပေးဆပ်ရန် မလိုလားကြပေ။ “သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေနှင့်” ဆိုသည့် ဆိုရိုးစကားက သင့်တင့်လျောက်ပတ်သည်ဟု ၎င်းတို့က ထင်ကြပြီး “ကိုယ့်ကိုယ်ကိုယ်ပျော်အောင်နေဖို့ ခင်ဗျားတို့ သင်ယူသင့်တယ်။ တာဝန်ကို ကောင်းကောင်းထမ်းဆောင်ဖို့၊ ဆင်းရဲဒုက္ခခံဖို့၊ အဖိုးအခပေးဆပ်ဖို့ မလိုဘူး။ အချောင်ခိုလို့ရရင် အချောင်ခိုလိုက်။ တစ်ခုခုကို ဖြစ်သလိုလုပ်လို့ရရင် ဖြစ်သလိုလုပ်လိုက်။ ကိုယ့်ကိုယ်ကိုယ် သက်ညှာစမ်းပါ။ ကြည့်လိုက်။ ကျွန်တော်က ဒီလိုနေတာ။ မကောင်းဘူးလား။ ကျွန်တော့်ဘဝက ပြည့်စုံတယ်။ အဲဒီလိုအသက်ရှင်နေတော့ ကိုယ့်ကိုယ်ကိုယ် ပင်ပန်းအောင်လုပ်နေတာပဲ။ ခင်ဗျားတို့ ကျွန်တော့်ဆီကနေ သင်ယူသင့်တယ်” ဟူ၍ လူတို့ကို ပြောကြသည်။ ဤသည်မှာ “သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေနှင့်” ဆိုသည့် သတ်မှတ်ချက်နှင့် မကိုက်ညီသလော။ သင်သည် ဤသို့ လုပ်ဆောင်လျှင် သင်သည် အသိစိတ်နှင့် ဆင်ခြင်တုံတရားရှိသောသူဖြစ်သလော။ (မဖြစ်ပါ။) လူတစ်ယောက်သည် သူ၏ အသိစိတ်နှင့် ဆင်ခြင်တုံတရားပျောက်ဆုံးလျှင် သူသည် သူတော်ကောင်းတရား မကင်းမဲ့သလော။ ဤသည်ကို သူတော်ကောင်းတရား ကင်းမဲ့ခြင်းဟု ခေါ်သည်။ အဘယ်ကြောင့် ဤသို့ခေါ်သနည်း။ အဘယ်ကြောင့်ဆိုသော် ၎င်းတို့သည် သက်သာခြင်းကို တပ်မက်သည်။ ၎င်းတို့၏တာဝန်ကို ဖြစ်သလိုလုပ်သည်။ ၎င်းတို့နှင့်အတူ ဝတ်ကျေတမ်းကျေပြုပြီး သက်သာခြင်းကို မက်မောရန် သူတစ်ပါးတို့အား သွေးဆောင်ပြီး လွှမ်းမိုးသည်။ ဤတွင် ပြဿနာက အဘယ်နည်း။ သင့်တာဝန်တွင် ဝတ်ကျေတမ်းကျေပြုပြီး တာဝန်မသိတတ်ခြင်းသည် လှည့်စားသည့်လုပ်ရပ်ဖြစ်ပြီး ဘုရားသခင်ကို အာခံခြင်းဖြစ်သည်။ သင်သည် ဆက်လက်၍ ဝတ်ကျေတမ်းကျေပြုပြီး နောင်တမရလျှင် ဖော်ထုတ်ခံရပြီး ထုတ်ပယ်ခံရမည်ဖြစ်သည်။ အသင်းတော်မှ လူများစွာသည် ဤသို့ ရှင်းလင်းပစ်ခြင်းခံရသည်။ ဤသည်မှာ အမှန်တရားမဟုတ်လော။ (ဟုတ်သည်။) ဤသို့ဆိုလျှင် ဤဆိုရိုးစကားကို လိုက်နာပြီး လူတိုင်းအား ၎င်းတို့ကဲ့သို့ဖြစ်ရန် လှုံ့ဆော်ပြီး ဤသို့ဖြင့် လူတို့က ၎င်းတို့၏ တာဝန်ကို လုံ့လရှိစွာ မထမ်းဆောင်ဘဲ ထိုအစား ဘုရားသခင်ကို လိမ်လည်လှည့်စားသောအခါ ဤသည်မှာ လူတို့အား ထိခိုက်စေခြင်း၊ ပျက်စီးခြင်းသို့ ပို့ဆောင်ခြင်းမဟုတ်လော။ ၎င်းတို့ကိုယ်တိုင်က ပျင်းရိပြီး စိတ်မချရပေ။ သို့တိုင်အောင် ၎င်းတို့သည် အခြားလူများကိုလည်း တာဝန်မထမ်းဆောင်ရန် ဟန့်တားသည်။ ဤသည်မှာ အသင်းတော်အလုပ်ကို နှောင့်ယှက်ဖျက်ဆီးနေခြင်းမဟုတ်လော။ ဘုရားသခင်အား ရန်မူနေခြင်းမဟုတ်လော။ ဘုရားအိမ်တော်သည် ဤသို့သောလူတို့အား ထားရှိနိုင်သလော။ မယုံကြည်သူများ၏ ကုမ္ပဏီတွင် အလုပ်လုပ်သောသူတစ်ယောက်က အခြားဝန်ထမ်းများအား ၎င်းတို့၏ အလုပ်ကို ကောင်းစွာမလုပ်ဆောင်ရန် လှုံ့ဆော်သည်ဆိုပါစို့။ သူဌေးက သိလျှင် သူ့အား အလုပ်ထုတ်မည်မဟုတ်လော။ သူဌေးက သူ့အား သေချာပေါက် နှင်ထုတ်လိမ့်မည်။ ဤသို့ဆိုလျှင် သူသည် ဘုရားအိမ်တော်၌ သူ၏ တာဝန်ကို ထမ်းဆောင်နေစဉ်တွင် ဤအရာကို လုပ်ဆောင်နိုင်ဆဲဖြစ်လျှင် သူသည် ဘုရားသခင်ကို ယုံကြည်သူဖြစ်သလော။ သူသည် ဘုရားအိမ်တော်သို့ ထိုးဖောက်ဝင်ရောက်လာသော ဆိုးယုတ်သူ၊ မယုံကြည်သူဖြစ်သည်။ သူ့အား ထုတ်ပြီး ဖယ်ရှားရမည်။ ဤဥပမာများကို နားထောင်ပြီးနောက်တွင် သင်တို့သည် “သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေနှင့်” ဆိုသည့် အကျင့်စာရိတ္တဆိုင်ရာ ဆိုရိုးစကား၏ အနစ်သာရကို အတော်အတန် သိမြင်နိုင်သလော။ (သိမြင်နိုင်ပါသည်။) သင်တို့ ချမှတ်သည့် နောက်ဆုံး ကောက်ချက်မှာ အဘယ်နည်း။ ဤသတ်မှတ်ချက်သည် သမ္မာတရားစည်းမျဉ်းတစ်ခုဟုတ်သလော။ (မဟုတ်ပါ။) သိသာစွာပင် လုံးဝ မဟုတ်ပေ။ ဤသို့ဆိုလျှင် ယင်းသည် မည်သည့်အရာဖြစ်သနည်း။ မရေရာသော ဆိုရိုးစကားတစ်ခု၊ အပေါ်ယံတွင် ကောင်းမွန်သည့်ပုံစံရှိသော်လည်း လက်တွေ့အဓိပ္ပာယ်မရှိသောအရာတစ်ခုသာဖြစ်သည်။

သင်တို့သည် “သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေနှင့်” ဆိုသည့်အကျင့်စာရိတ္တဆိုင်ရာ ဆိုရိုးစကားကို ထောက်ခံအားပေးသူများဖြစ်သလော။ တစ်စုံတစ်ယောက်သည် ဤစကားကို ထောက်ခံအားပေးသူဖြစ်လျှင် ထိုသူသည် ထူးကဲပြီး မြင့်မြတ်သည်ဟု သင်တို့ ထင်မည်လော။ “ကြည့်စမ်း။ သူတို့က အတင်းအကျပ်မလုပ်ဘူး။ သူများတွေ အခက်အခဲဖြစ်အောင် မလုပ်ဘူး။ သူများတွေကို အကျပ်ရိုက်ရအောင် မလုပ်ဘူး။ သူတို့က မကောင်းဘူးလား။ သူတို့က အမြဲတမ်း သူတို့ဘာသာ စည်းကမ်းတင်းကျပ်ပေမဲ့ သူများတွေကိုသည်းခံတယ်။ သူတို့ကိုယ်တိုင် မလုပ်မဲ့ဟာတစ်ခုကို ဘယ်သူ့ကိုမှ ဘယ်တော့မှ မလုပ်ခိုင်းဘူး။ သူများတွေကို အများကြီး လွတ်လပ်ခွင့်ပေးတယ်။ နွေးထွေးမှု၊ လက်ခံမှုကို အများကြီး ခံစားရအောင် လုပ်ပေးတယ်။ ဘယ်လောက်ကောင်းလိုက်တဲ့သူလဲ” ဟူ၍ ပြောဆိုမည့်လူအချို့ရှိသည်။ ဤသည်မှာ တကယ်ပင် မှန်ကန်သလော။ “သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေနှင့်” ဆိုသည့်စကားက သွယ်ဝိုက်ညွှန်းဆိုသည်မှာ သင်ကိုယ်တိုင်နှစ်သက်ပြီး ပျော်ရွှင်ရသည့်အရာများကိုသာ သူတစ်ပါးတို့ကို ပေးသင့်သည်၊ သို့မဟုတ် ပံ့ပိုးသင့်သည်ဟူ၍ ဖြစ်သည်။ သို့သော် ဖောက်ပြန်ပျက်စီးသော လူများက မည်သည့်အရာများကို နှစ်သက်ပြီး ပျော်ရွှင်ရသနည်း။ ဖောက်ပြန်ပျက်စီးသော အရာများ၊ အဓိပ္ပာယ် မရှိသောအရာများနှင့် လွန်ကျူးသော ဆန္ဒများဖြစ်သည်။ လူတို့ကို ဤအပျက်သဘောဆောင်သောအရာများပေးပြီး ပံ့ပိုးလျှင် လူသားမျိုးနွယ်အားလုံးသည် ပိုပို၍ ဖောက်ပြန်ပျက်စီးလာမည်မဟုတ်လော။ အပြုသဘောဆောင်သောအရာများ ပိုပို၍ နည်းလာလိမ့်မည်။ ဤသည်မှာ အမှန်တရားမဟုတ်သလော။ လူသားမျိုးနွယ်သည် အလွန်အမင်း ဖောက်ပြန်ပျက်စီးနေသည်မှာ အမှန်တရားဖြစ်သည်။ ဖောက်ပြန်ပျက်စီးသော လူသားများသည် ကျော်ကြားမှု၊ အကျိုးအမြတ်၊ ဂုဏ်အဆင့်အတန်းနှင့် ဇာတိပကတိ၏ သာယာမှုများနောက်သို့ လိုက်လိုကြသည်။ နာမည်ကျော်ကြားသူများဖြစ်လိုကြသည်။ အင်အားကြီးမားပြီး စွမ်းအားရှင် ဖြစ်လိုကြသည်။ ၎င်းတို့သည် သက်သာသောဘဝကို ရလိုပြီး ကြိုးစားလုပ်ကိုင်ရခြင်းကို မနှစ်သက်ပေ။ အရာရာကို ၎င်းတို့အား ပေးအပ်စေချင်သည်။ ၎င်းတို့အထဲတွင် သမ္မာတရားကို၊ သို့မဟုတ် အပြုသဘောဆောင်သောအရာများကို ချစ်မြတ်နိုးသူ အလွန်နည်းပါးသည်။ လူတို့က ၎င်းတို့၏ ဖောက်ပြန်ပျက်စီးမှုနှင့် မက်မောမှုများကို အခြားလူများအား ပေးပြီး ပံ့ပိုးလျှင် မည်သည့်အရာဖြစ်မည်နည်း။ သင် စိတ်ကူးမည့်အတိုင်းပင်ဖြစ်သည်။ လူသားမျိုးနွယ်သည် ပိုပို၍သာ ဖောက်ပြန်ပျက်စီးလာမည်။ “သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေနှင့်” ဆိုသည့် အယူအဆကို ထောက်ခံအားပေးသူများသည် လူတို့အား ၎င်းတို့၏ ဖောက်ပြန်ပျက်စီးမှု၊ မက်မောမှုများနှင့် လွန်ကျူးသော ဆန္ဒများကိုအခြားလူများအား ပေးပြီး ပံ့ပိုးရန် တောင်းဆိုပြီး ဤသို့အားဖြင့် အခြားလူတို့အား ဆိုးယုတ်မှု၊ သက်သာမှု၊ ငွေကြေးနှင့် တိုးတက်မှုတို့ကို ရှာဖွေစေသည်။ ဤသည်မှာ ဘဝတွင် မှန်ကန်သော လမ်းကြောင်းဖြစ်သလော။ “သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေနှင့်” ဆိုသည်မှာ အလွန်ပင် ပြဿနာရှိသော ဆိုရိုးစကားတစ်ခုဖြစ်သည်ကို ရှင်းလင်းစွာ မြင်နိုင်သည်။ ယင်းတွင်ရှိသော ဟာကွက်များနှင့် ချို့ယွင်းချက်များသည် ထင်ရှားသိသာစွာ ပေါ်လွင်ပေသည်။ ယင်းကို စိစစ်ပြီး ပိုင်းခြားသိမြင်ရန်ပင် မထိုက်တန်ပေ။ အနည်းငယ်မျှ စစ်ဆေးကြည့်ခြင်းဖြင့် ယင်း၏ အမှားများနှင့် အဓိပ္ပာယ်မရှိမှုများကို ရှင်းလင်းစွာ မြင်နိုင်သည်။ သို့ရာတွင် သင်တို့အထဲ၌ ဤဆိုရိုးစကားအားဖြင့် အလွယ်တကူ အယုံသွင်းခံရပြီး လွှမ်းမိုးခြင်းခံရကာ ပိုင်းခြားသိမြင်ခြင်းမရှိဘဲ လက်ခံသောသူများစွာ ရှိသည်။ သူတစ်ပါးတို့နှင့် ဆက်ဆံသည့်အခါတွင် သင့်ကိုယ်သင် ဆိုဆုံးမပြီး သူတစ်ပါးတို့အား တွန်းအားပေးရန် ဤဆိုရိုးစကားကို သင် မကြာခဏအသုံးပြုသည်။ ဤသို့လုပ်ဆောင်ခြင်းအားဖြင့် သင်၏ ပင်ကိုစရိုက်သည် အလွန်ပင် မြင့်မြတ်ပြီး သင်၏ ကျင့်ကြံနေထိုင်မှုသည် အလွန်ပင် ကျိုးကြောင်းသင့်လျော်သည်ဟု သင် ထင်သည်။ သို့သော် သင်ကိုယ်တိုင် သတိမထားမိဘဲ ဤစကားများသည် သင် အသက်ရှင်နေထိုင်သည့် စည်းမျဉ်းနှင့် အရေးကိစ္စများအပေါ် သင်၏ ရပ်တည်ချက်ကို ထုတ်ဖော်ပြပြီးဖြစ်သည်။ တစ်ချိန်တည်းတွင် သင်သည် သင်ကဲ့သို့သော အမြင်၊ ရပ်တည်မှုနှင့် လူများ၊ အခြေအနေများအပေါ် ချဉ်းကပ်စေရန် အခြားသူများအား လှည့်စားပြီး အယုံသွင်းခဲ့သည်။ သင်သည် ခြံစည်းရိုးခွထိုင်သူသဖွယ် ပြုမူလုပ်ဆောင်ခဲ့ပြီး လုံးဝ အလယ်အလတ်လမ်းကို လိုက်ခဲ့သည်။ သင်က “ပြဿနာက ဘာပဲဖြစ်ပါစေ။ အလေးအနက်ထားဖို့ မလိုဘူး။ ကိုယ့်အတွက်ပဲဖြစ်ဖြစ်၊ သူများတွေအတွက်ပဲဖြစ်ဖြစ် အခက်အခဲဖြစ်အောင် မလုပ်နဲ့။ သူများတွေအတွက် အခက်အခဲဖြစ်အောင် လုပ်ရင် ကိုယ့်အတွက အခက်အခဲဖြစ်အောင် လုပ်တာပဲ။ သူများတွေအပေါ် ကြင်နာတာက ကိုယ့်အပေါ် ကြင်နာတာပဲ။ သူများတွေအပေါ် မညှာတာရင် ကိုယ့်အပေါး မညှာတာတာပဲ။ ဘာလို့ ကိုယ့်ကိုယ်ကိုယ် အကျပ်ရိုက်ရအောင် လုပ်မှာလဲ။ ‘သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေနှင့်’ ဆိုတာက ကိုယ့်အတွက် လုပ်ပေးနိုင်တဲ့အရာထဲမှာ အကောင်းဆုံးနဲ့ အသက်ညှာဆုံးပဲ” ဟု ပြောသည်။ ဤသဘောထားသည် သိသာစွာပင် မည်သည့်အရာတွင်မျှ စေ့စပ်တိကျမှုမရှိခြင်းတစ်ခုဖြစ်သည်။ သင်သည် မည်သည့်အရေးကိစ္စတွင်မျှမှန်ကန်သော ရပ်တည်ချက်၊ သို့မဟုတ် အမြင်ရှုထောင့်မရှိပေ။ သင်သည် အရာရာတွင် မပြတ်သားသော အမြင်ရှိသည်။ သင်သည် စေ့စပ်တိကျမှုမရှိဘဲ အမှုအရာများကို မျက်ကွယ်ပြုထားခြင်းသာဖြစ်သည်။ သင်သည် နောက်ဆုံးတွင် ဘုရားရှေ့တွင်ရပ်ပြီး သင့်အတွက်သင် ဖြေရှင်းရသောအခါတွင အလွန်ပင် မရှင်းမလင်းဖြစ်လိမ့်မည်။ ဤသည်မှာ အဘယ်ကြောင့်နည်း။ သင်သည် သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေနှင့်ဟု အစဉ်ပြောသောကြောင့်ဖြစ်သည်။ ဤသည်မှာ သင့်အား အလွန်ပင် စိတ်သက်သာရာရစေပြီး ပျော်ရွှင်စေသည်။ သို့သော် တစ်ချိန်တည်းတွင် သင့်အား ကြီးမားသောပြဿနြဖြစ်စေလိမ့်မည်။ ဤသို့ဖြင့် အကြောင်းအရာများစွာတွင် သင်သည် ရှင်းလင်းသော အမြင်၊ သို့မဟုတ် ရပ်တည်ချက်မရှိနိုင်ပေ။ ဤအခြေအနေများကို သင်ကြုံတွေ့သောအခါ သင့်အတွက် ဘုရားသခင်၏ တောင်းဆိုချက်များနှင့် စံနှုန်းများသည် မည်သည့်အရာဖြစ်သည်ကို၊ သို့မဟုတ် မည်သည့်အဆုံးသတ်ကို သင်ရရှိသင့်သည်ကို နားမလည်နိုင်အောင်လည်း ပြုလုပ်သည်မှာ မှန်သည်။ သင်သည်မည်သည့်အရာမဆိုတွင် စေ့စပ်တိကျမှုမရှိခြင်းကြောင့် ဤအရာများ ဖြစ်ပျက်ခြင်းဖြစ်သည်။ ယင်းတို့သည် သင်၏ မပြတ်သားသော သဘောထားနှင့် အမြငအားဖြင့် ဖြစ်ပေါ်သည်။ သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေနှင့် ဆိုသည်က လူများနှင့် အမှုအရာများအပေါ် သင်ထားရှိသင့်သည့် သည်းခံသည့် သဘောထားဖြစ်သလော။ မဟုတ်ပေ။ ယင်းသည် အပြင်ပန်းတွင် မှန်ကန်သော၊ မြင့်မြတ်သော၊ ကြင်နာသောပုံစံရသည့် သဘောတရားတစ်ခုသာဖြစ်သော်လည်း စင်စစ်အားဖြင့် လုံးလုံးလျားလျား အပျက်သဘောဆောင်သော အရာတစ်ခုဖြစ်သည်။ လူတို့လိုက်နာသင့်သည့် သမ္မာတရားစည်းမျဉ်းတစ်ခု သာ၍ပင်မဟုတ်သည်မှာ ရှင်းပေသည်။ ဘုရားသခင်က လူတို့အား ၎င်းတို့ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေရန် မတောင်းဆိုပေ။ ထိုအစား မတူညီသော အခြေအနေများကို ကိုင်တွယ်သောအခါ လူတို့ လိုက်နာသင့်သည့်စည်းမျဉ်းများနှင့်ပတ်သက်ပြီး ရှင်းလင်းစွာသိထားရန် ဘုရားသခင်က လူတို့အား တောင်းဆိုသည်။ ယင်းသည် မှန်ကန်ပြီး ဘုရားနှုတ်ကပတ်တော်၊ သမ္မာတရားတို့နှင့် ကိုက်ညီလျှင် ယင်းကို ဖက်တွယ်ထားရမည်။ ဖက်တွယ်ထားရုံမကဘဲ ဘုရားအလိုတော်က မည်သည့်အရာဖြစ်သည်၊ သမ္မာတရားစည်းမျဉ်းများက မည်သည့်အရာဖြစ်သည်တို့ကို အခြားသူများက တိကျစွာ နားလည်စေဖို့အတွက် ဆိုဆုံးမရမည်။ ဖျောင်းဖျရမည်။ မိတ်သဟာယဖွဲ့ရမည်။ ဤသည်မှာ သင်၏တာဝန်နှင့် ဝတ္တရားဖြစ်သည်။ ဘုရားသခင်က သင့်အား အလယ်အလတ်လမ်းကို လိုက်ရန် မတောင်းဆိုပေ။ သင် မည်မျှစိတ်ထားမြင့်မြတ်ကြောင်း ကြွားဝါရန် ပို၍ပင် မတောင်းဆိုပေ။ ဘုရားသခင်က သင့်အား ဆိုဆုံးမကာ သွန်သင်ခဲ့ပြီးဖြစ်သည့်၊ ဘုရားနှုတ်ကပတ်တော်များတွင် ပြောဆိုသည့်အရာများဖြစ်သော လူတို့လေ့လာသင့်သည့် သတ်မှတ်ချက်များ၊ စံနှုန်း၊ သမ္မာတရားစည်းမျဉ်းများကို သင်ဖက်တွယ်ထားသင့်သည်။ ဖက်တွယ်ထာပြီ ထိုအရာများကို အစဉ်ထာဝရကိုင်စွဲထားရုံသာမကဘဲ စံနမူနာအနေဖြင့် ဦးဆောင်လမ်းပြခြင်းအားဖြင့်လည်း လက်တွေ့လုပ်ဆောင်ရမည် ဖြစ်သည့်အပြင် စည်းရုံးခြင်း၊ ကြီးကြပ်ခြင်း၊ ကူညီခြင်းနှင့် သင်လုပ်ဆောင်သည့်ပုံစံအတိုင်း ဤသမ္မာတရားစည်းမျဉ်းများကို ဖက်တွယ်ရန်၊ လိုက်နာရန်၊ လက်တွေ့လုပ်ဆောင်ရန် သူတစ်ပါးတို့အား လမ်းပြခြင်းအားဖြင့်လည်း ဤစည်းမျဉ်းများကို လက်တွေ့လုပ်ဆောင်ရမည်။ ဤအရာကို လုပ်ဆောင်ရန် ဘုရားသခင်က တောင်းဆိုသည်။ ဤသည်မှာ ဘုရားသခင်က သင့်အပေါ် အပ်နှံသည့်အရာဖြစ်သည်။ သင်သည် သူတစ်ပါးတို့ကို လျစ်လျူရှုနေစဉ်တွင် သင့်ကိုယ်သင် သတ်မှတ်ချက်များပြုလုပ်၍ မရပေ။ အရေးကိစ္စများတွင် မှန်ကန်သော ရပ်တည်ချက်ကို ယူရန်၊ မှန်ကန်သောစံသတ်မှတ်ချက်များကို ဖက်တွယ်ရန်၊ ဘုရားနှုတ်ကပတ်တော်များထဲမှ စံနှုန်းက မည်သည့်အရာဖြစ်သည်ကို အတိအကျသိရန်၊ သမ္မာတရားစည်းမျဉ်းများက မည်သည့်အရာဖြစ်သည်ကို သင် အတိအကျ အဖြေရှာရန် ဘုရားသခင်က သင့်အား တောင်းဆိုသည်။ သင်က ဤအရာကို မဖြစ်မြောက်နိုင်လျှင်ပင်၊ သင်က လုပ်ချင်စိတ်မရှိလျှင်ပင်၊ သင်က ယင်းကို မနှစ်သက်လျှင်၊ အယူအဆများရှိလျှင်၊ သို့မဟုတ် ယင်းကို အတိုက်အခံဖြစ်လျှင် သင်သည် ဤအရာကို သင်၏တာဝန်အဖြစ်၊ သင်၏ ဝတ္တရားအဖြစ် မှတ်ယူရမည်။ ဘုရားသခင်ဆီမှလာသော အပြုသဘောဆောင်သောအရာများကို၊ မှန်ကန်သင့်တော်သောအရာများကို အခြားလူများနှင့် သင်မိတ်သဟာယဖွဲ့ရမည်ဖြစ်ပြီး သူတစ်ပါးတို့အား ကူညီရန်၊ သက်ရောက်စေရန်၊ လမ်းပြရန် ထိုအရာများကို အသုံးပြုလော့။ ဤသို့အားဖြင့် လူတို့သည် ထိုအရာများအားဖြင့် အကျိုးဖြစ်စေနိုင်ပြီး တည်ဆောက်စရာ ဖြစ်စေနိုင်သည်။ အသက်တာတွင် မှန်ကန်သော လမ်းကြောင်းကို လျှောက်နိုင်သည်။ ဤသည်မှာ သင်၏တာဝန်ဖြစ်သည်။ စာတန်က သင်၏ စိတ်အတွင်းသို့ ထည့်ထားသည့် “သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေနှင့်” ဆိုသည့် အယူအဆကို ခေါင်းမာစွာဖြင့် ဖက်တွယ်မထားသင့်ပေ။ ဘုရားသခင်၏ အမြင်တွင် ထိုဆိုရိုးစကားသည် ရှင်သန်ရေး အတွေးအခေါ်တစ်ခုသာဖြစ်သည်။ စာတန်၏ လှည့်ကွကုပါဝင်သော တွေးခေါ်ပုံတစ်ခုဖြစ်သည်။ မှန်ကန်သော လမ်းကြောင်း လုံးဝမဟုတ်သကဲ့သို့ အပြုသဘောဆောင်သောအရာလည်း မဟုတ်ပေ။ သင့်အပေါ် ဘုရားသခင် တောင်းဆိုသမျှမှာ မည်သည့်အရာကို လုပ်ဆောင်သင့်သည်၊ မလုပ်ဆောင်သင့်သည်ကို ရှင်းလင်းစွာ နားလည်သော ဖြောင့်မတ်သည့်သူတစ်ယောက်ဖြစ်ရန် ဖြစ်သည်။ ဘုရားသခင်က သင့်အား လူ့အကြိုက်လိုက်သူတစ်ယောက်ဖြစ်ရန်၊ သို့မဟုတ် ခြံစည်းရိုးခွထိုင်သူဖြစ်ရန် မတောင်းဆိုပေ။ အလယ်အလတ်လမ်းကို လိုက်ရန် မတောင်းဆိုပေ။ အကြောင်းကိစ္စတစ်ခုသည် သမ္မာတရားစည်းမျဉ်းနှင့် သက်ဆိုင်သောအခါ လိုအပ်သည့်အရာများကို သင်ပြောဆိုရမည်။ နားလည်ဖို့လိုအပ်သည့်အရာကို နားလည်ရမည်။ တစ်စုံတစ်ယောက်က တစ်ခုခုကို နားမလည်သော်လည်း သင်က နားလည်လျှင် ထိုသူကို သင်က အကြံဉာဏ်ပေးပြီး ကူညီပေးနိုင်လျှင် ဤတာဝန်နှင့် ဝတ္တရားကို သင်လုံးဝ ဖြည့်ဆည်းရမည်။ ဥပေက္ခာပြု ၍ ရပ်ကြည့်မနေရပေ။ “သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေနှင့်” ကဲ့သို့သော စာတန်က သင်၏စိတ်အတွင်းသို့ ထည့်ထားသော် အတွေးအခေါ်များကို ဖက်တွယ်ခြင်းအား ပို၍ပင် မလုပ်သင့်ပေ။ သင်နားလည်သလော။ (နားလည်ပါသည်။) မှန်ကန်ပြီး အပြုသဘောဆောင်သောအရာသည် သင် မနှစ်သက်လျှင်ပင်၊ လုပ်ဆောင်လိုစိတ်မရှိလျှင်ပင်၊ လုပ်ဆောင်ပြီး ရယူနိုင်စွမ်းမရှိလျှင်ပင်၊ အတိုက်အခံဖြစ်လျှင်၊ သို့မဟုတ် ဆန့်ကျင်သည့် အယူအဆများဖြစ်ပေါ်လျှင်ပင် ဤကဲ့သို့ဖြစ်သည်။ လူသားမျိုးနွယ်က ဖောက်ပြန်ပျက်စီးသော စိတ်သဘောထားများရှိပြီး အချို့သော စိတ်ထိခိုက်လှုပ်ရှားမှုများ၊ စိတ်ခံစားချက်များ၊ ဆန္ဒများနှင့် အယူအဆများရှိသောကြောင့်သက်သက်ဖြင့် ဘုရားနှုတ်ကပတ်တော်၏ အနှစ်သာရနှင့် သမ္မာတရားက ပြောင်းလဲမည်မဟုတ်ပေ။ ဘုရားနှုတ်ကပတ်တော်နှင့် သမ္မာတရား၏ အနှစ်သာရက မည်သည့်အခါမျှ လုံးဝ ပြောင်းလဲမည်မဟုတ်ပေ။ သင်သည် ဘုရားနှုတ်ကပတ်တော်နှင့် သမ္မာတရားကို သိပြီး နားလည်သည်နှင့်၊ တွေ့ကြုံပြီး ရရှိသည်နှင့်တစ်ပြိုင်နက် သင်၏ အတွေ့အကြုံများနှင့် သက်သေခံချက်များကို သူတစ်ပါးတို့အား မိတ်သဟာယဖွဲ့ရန်မှာ သင်၏ ဝတ္တရားဖြစ်သည်။ ဤသည်မှာ လူတို့အား ဘုရားအလိုတော်ကို ပို၍ပင် နားလည်စေသည်။ သမ္မာတရားကို ပို၍ နားလည်သဘောပေါက်ပြီး ရရှိစေသည်။ ဘုရားသခင်၏ တောင်းဆိုချက်များနှင့် စံနှုန်းများကို ပို၍ နားလည်စေပြီး သမ္မာတရားစည်းမျဉ်းများကို သဘောပေါက်စေသည်။ ဤသို့ လုပ်ဆောင်ခြင်းအားဖြင့် ဤလူတို့သည် ၎င်းတို့၏ နေ့စဉ်အသက်တာတွင် ပြဿနာများကို ကြုံတွေ့ရသောအခါ လက်တွေ့လုပ်ဆောင်မှုလမ်းကြောင်းကို ရရှိမည်ဖြစ်ပြီး စာတန်၏ အမျိုးမျိုးသော အယူအဆများ၊ အမြင်များကြောင့် မရောမရာဖြစ်ခြင်း၊ ချုပ်နှောင်ခံရခြင်းဖြစ်မည်မဟုတ်ပေ။ “သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေနှင့်” ဆိုသည့် အကျင့်စာရိတ္တဆိုင်ရာ ဆိုရိုးစကားသည် အမှန်တကယ်ပင်၊ စစ်မှန်စွာပင် လူတို့၏ စိတ်ကို ထိန်းချုပ်ရန်ဖြစ်သော စာတန်၏ ဉာဏ်များသော အကြံအစည်ဖြစ်သည်။...သင်က ဤအရာကို အစဉ်စောင့်ထိန်းလျှင် သင်သည် ဆိုးယုတ်သောအတွေးအခေါ်များအတိုင်း အသက်ရှင်သူတစ်ယောက် ဖြစ်သည်။ ဆိုးယုတ်သော စိတ်သဘောထားဖြင့် အပြည့်အဝ အသက်ရှင်သူဖြစ်သည်။ ဘုရားသခင်၏လမ်းနောက်သို့ မလိုက်လျှင် သင်သည် သမ္မာတရားကို မချစ်ပေ၊ သို့မဟုတ် မလိုက်စားပေ။ မည်သည့်အရာဖြစ်ပျက်ပါစေ သင်လိုက်နာသင့်သည့် စည်းမျဉ်းနှင့် သင်လုပ်ဆောင်ရမည့် အရေးကြီးဆုံးအရာမှာ လူတို့အား သင်တတ်နိုင်သမျှ ကူညီရန်ဖြစ်သည်။ သင်သည် “သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေနှင့်” ဆိုသည်နှင့် “ပါးနပ်သော” လူ့အကြိုက်လိုက်သူတစ်ယောက်ဖြစ်ရန်ဖြစ်သော စာတန်ပြောသည့်အရာကို လက်တွေ့မလုပ်ဆောင်သင့်ပေ။ သင်တတ်နိုင်သမျှ လူတို့ကို ကူညီခြင်းဆိုသည်မှာ မည်သည်ကို ဆိုလိုသနည်း။ ဤသည်မှာ သင်၏ တာဝန်များနှင့် ဝတ္တရားများကို ဖြည့်ဆည်းခြင်းကို ဆိုလိုသည်။ တစ်စုံတစ်ခုသည် သင်၏တာဝန်နှင့် ဝတ္တရား၏ အစိတ်အပိုင်းဖြစ်သည်ကို သင်မြင်သည်နှင့်တစ်ပြိုင်နက် ဘုရားနှုတ်ကပတ်တော်နှင့် သမ္မာတရားကို မိတ်သဟာယဖွဲ့သင့်သည်။ ဤသည်မှာ သင်၏တာဝန်များနှင့် ဝတ္တရားများကို ဖြည့်ဆည်းခြင်းကို ဆိုလိုသည်။ ဤမိတ်သဟာယသည် “သင်ကိုယ်တိုင် ဆန္ဒမရှိသည့်အရာကို သူတစ်ပါးတို့အပေါ်တွင် မဖြစ်စေနှင့်” ဆိုသည့် အကျင့်စာရိတ္တဆိုင်ရာ ဆိုရိုးစကားကို အခြေခံအားဖြင့် ရှင်းလင်းပေးသလော။ သင်တို့ နားလည်သလော။ (နားလည်ပါသည်။) ဤဆိုရိုးစကားသည် ပိုင်းခြားသိမြင်ရန် အတော်အတန် လွယ်ကူသည်။ စဉ်းစားဆင်ခြင်မှုများစွာ မလုပ်ဆောင်ဘဲ ယင်းသည် မည်သို့မှားယွင်းနေသည်ကို သင် ခွဲခြားဖော်ထုတ်နိုင်သည်။ ယင်းသည် အလွန်ပင် အဓိပ္ပာယ်မရှိခြင်းသာဖြစ်သည်။ ထို့ကြောင့် ဆက်၍ အသေးစိတ်မိတ်သဟာယဖွဲ့ရန် မလိုအပ်ပေ။

ယခုတွင် မိတ်ဆွေအတွက် အသက်စွန့်မည် ဆိုသည့် အကျင့်စာရိတ္တဆိုင်ရာ ဆိုရိုးစကားနောက်တစ်ခုအကြောင်းကို မိတ်သဟာယဖွဲ့ကြစို့။ ဤဆိုရိုးစကားသည် ကြီးကျယ်သော ဖော်ပြချက်တစ်ခုဖြစ်သည့်ပုံစံရှိသည်။ လူသားမျိုးနွယ်ကြားတွင် အလွန်အမင်း ပြန့်နှံ့နေသည်။ အထူးသဖြင့် ခံယူချက်ကို တန်ဖိုးထားပြီး လူသားအချင်းချင်း ရင်းနှီးနားလည်မှုကို အလေးထားသူများက ဤဆိုရိုးစကားကို မိတ်ဆွေများစွာ ရရှိရန် နီတိတစ်ခုအဖြစ် ခံယူကြသည်။ ဤဆိုရိုးစကားကို အသုံးပြုသော မည်သည့်ခေတ်၊ သို့မဟုတ် လူမျိုးစုတွင်မဆို “မိတ်ဆွေအတွက် အသက်စွန့်မည်။” ဆိုသည့် ဤဆိုရိုးစကားသည် ကောင်းစွာ ရပ်တည်နိုင်သည်။ ဆိုလိုသည်မှာ ဤဆိုရိုးစကားသည် လူသားမျိုးနွယ်၏ အသိစိတ်၊ ဆင်ခြင်တုံတရားနှင့် အတော်အတန်ကောင်းစွာ ကိုက်ညီမှုရှိသည်။ ပို၍ အတိအကျဆိုရလျှင် ဤဆိုရိုးစကားသည် လူတို့၏ အသိတရားတွင် လိုက်နာသော “လူသားအချင်းချင်းရင်းနှီးနားလည်မှု” အယူအဆနှင့် ကိုက်ညီသည်။ လူသားအချင်းချင်းရင်းနှီးနားလည်မှုကို တန်ဖိုးထားသောသူများသည် မိတ်ဆွေအတွက် အသက်စွန့်လိုစိတ်ရှိမည်ဖြစ်သည်။ ၎င်းတို့၏ မိတ်ဆွေက မည်မျှခက်ခဲပြီး အန္တရာယ်ရှိသည့် အခြေအနေတွင် ရောက်ရှိနေပါစေ ၎င်းတို့သည် ရှေ့သို့ထွက်ပြီး အသက်ကိုစွန့်မည်ဖြစ်သည်။ ဤသည်မှာ သူတစ်ပါးတို့၏ အကျိုးအတွက် မိမိ၏ ကိုယ်ပိုင်အကျိုးစီးပွားကို အနစ်နာခံသည့် စိတ်ဓာတ်ဖြစ်သည်။ “မိတ်ဆွေအတွက် အသက်စွန့်မည်။” ဆိုသည့် အကျင့်စာရိတ္တဆိုင်ရာ ဆိုရိုးစကားက လူတို့အထဲသို့ သွတ်သွင်းပေးသည့်အရာသည် အခြေခံအားဖြင့် ညီအစ်ကိုဆက်ဆံရေးကိုတန်ဖိုးထားရန်ဖြစ်သည်။ ဤဆိုရိုးစကားက လူသားမျိုးနွယ်အား ထိန်းသိမ်းရန် သတ်မှတ်သည့် စံနှုန်းသည် ညီအစ်ကိုဆက်ဆံရေးကို တန်ဖိုးထားရမည်ဟူ၍ ဖြစ်သည်။ ယင်းသည် ဤဆိုရိုးစကား၏ အနှစ်သာရဖြစ်သည်။ “လူသားအချင်းချင်းရင်းနှီးနားလည်မှု” ဟူသည့် ဤစကားက မည်သို့ အဓိပ္ပာယ်ရသနည်း။ လူသားအချင်းချင်းရင်းနှီးနားလည်မှုအတွက် စံနှုန်းက အဘယ်နည်း။ ယင်းသည် မိတ်ဆွေတစ်ယောက်အတွက် မိမိ၏ ကိုယ်ပိုင်အကျိုးစီးပွားများကို အနစ်နာခံပြီး ထိုသူကျေနပ်စေရန် အရာရာတိုင်းကို လုပ်ဆောင်ခြင်းဖြစ်သည်။ သင်၏ မိတ်ဆွေက မည်သည့်အရာကို လိုအပ်သည်ဖြစ်စေ သင်သည် လိုအပ်သည့် မည်သည့်အကူအညီကိုမဆိုပေးရန် တာဝန်ရှိသည်ဟု သင် ခံစားရသည်။ သင်၏ အသက်ကို စွန့်ရမည်ဆိုလျှင်လည်း စွန့်မည်ဖြစ်သည်။ ဤသည်မှာ မိတ်ဆွေစစ်ဖြစ်ရန် လိုအပ်သောအရာဖြစ်သည်။ ဤအရာကိုသာ လူသားအချင်းချင်း ရင်းနှီးနားလည်မှုစစ်စစ်အဖြစ် သတ်မှတ်နိုင်သည်။ လူသားအချင်းချင်းရင်းနှီးနားလည်မှု၏ အခြားအနက်ဖွင့်ဆိုချက်တစ်ခုမှာ ရှင်ခြင်း၊ သေခြင်းကို အရေးမစိုက်ဘဲ သင်၏ အသက်ကို စွန့်နိုင်ခြင်း၊ သင်၏ အသက်ကို အောက်သို့ချထားနိုင်ခြင်း၊ သို့မဟုတ် မိတ်ဆွေအတွက် သင်၏ အသက်ကို စွန့်စားနိုင်ခြင်းတို့ဖြစ်သည်။ ဤသည်မှာ အသက်ကို ခြိမ်းခြောက်သော တုန်လှုပ်ခြောက်ခြားဖွယ် အတွေ့အကြုံများတစ်လျှောက်တွင် တောင့်ခံသော ဆက်ဆံရေးဖြစ်သည်။ သေရေးရှင်ရေးနှင့်သက်ဆိုင်သော ဆက်ဆံရေးဖြစ်ပြီး စစ်မှန်သော လူသားအချင်းချင်းရင်းနှီးနားလည်မှုဖြစ်သည်။ ဤသည်မှာ ကိုယ်ကျင့်တရားအပြုအမူအတွက် သတ်မှတ်ချက်များတွင်ရှိသော မိတ်ဆွေတစ်ယောက်၏ အဓိပ္ပာယ်ဖွင့်ဆိုချက်ဖြစ်သည်။ သင်သည် မိတ်ဆွေစစ်အဖြစ် သတ်မှတ်ရန်အတွက် သင်၏ မိတ်ဆွေများအတွက် အသက်စွန့်လိုစိတ်ရှိရမည်။ ဤသည်မှာ လူတစ်ယောက်က မိတ်ဆွေများနှင့် ဆက်ဆံသည့်အခါတွင် လိုက်နာသင့်သည့် အကျင့်စာရိတ္တဆိုင်ရာ စံသတ်မှတ်ချက်ဖြစ်သည်။ ပြီးလျှင် မိတ်ဆွေဖြစ်ခြင်းနှင့်ပတ်သက်လျှင် လူတို့၏ အကျင့်စာရိတ္တအတွက် သတ်မှတ်ချက်ဖြစ်သည်။ “မိတ်ဆွေအတွက် အသက်စွန့်မည်။” ဆိုသည့် အကျင့်စာရိတ္တဆိုင်ရာ ဆိုရိုးစကားသည် အထူးပင် သူရဲကောင်းဆန်ပြီး တရားမျှတသည်၊ အထူးကြီးမြတ်ပြီး မြင့်မြတ်သည်ဆိုသည့် ပုံစံရှိပြီး လူတို့၏ လေးစားမှုနှင့် လက်ခံမှုကို ဖြစ်ပေါ်စေသည်။ ဤသို့သောအရာကို လုပ်ဆောင်နိုင်သောသူတို့သည် ကျောက်အက်ကွဲကြောင်းများထဲမှ ခုန်ထွက်လာသော အခြားကမ္ဘာမှဖြစ်သော သေမျိုးမဟုတ်သောသူများဖြစ်သည်ဟု လူတို့ကို ခံစားရစေသည်။ ဤလူတို့သည် သူရဲကောင်း၊ သို့မဟုတ် ဓါးသမားကဲ့သို့ အထူးဖြောင့်မတ်သည်ဟု လူတို့အား ထင်စေသည်။ ဤအကြောင်းကြောင့် ဤသို့သော ခေတ်နောက်ကျသည့်၊ တဲ့တိုးဆန်သည့် အယူအဆများနှင့် အမြင်များကို လူသားများက လိုလိုလားလားလက်ခံခြင်းဖြစ်သည်။ ၎င်းတို့၏ စိတ်နှလုံးအတွင်းသို့ အလွယ်တကူ နက်ရှိုင်းစွာ ထိုးဖောက်ခြင်းဖြစ်သည်။ “မိတ်ဆွေအတွက် အသက်စွန့်မည်။”ဆိုသည့် ဆိုရိုးစကားနှင့်ပတ်သက်ပြီး သင်တို့သည် အလားတူခံစားချက်မျိုးကို ခံစားရသလော။ (ခံစားရသည်။) ဤခေတ်ကာလတွင် မိတ်ဆွေအတွက် အသက်စွန့်မည့်သူများစွာ မရှိသော်လည်း လူအများစုက ၎င်းတို့၏ မိတ်ဆွေများသည် ၎င်းတို့အတွက် အသက်စွန့်မည်ဟူ၍လည်းကောင်း၊ သစ္စာရှိသောသူများ၊ သူငယ်ချင်းကောင်းများ ဖြစ်သည်ဟူ၍လည်းကောင်း၊ ဒုက္ခရောက်သည့်အချိန်တွင် ၎င်းတို့၏ မိတ်ဆွေများသည် စဉ်းစားနေခြင်းမရှိဘဲ၊ သတ်မှတ်ချက်တစ်ခုခုကို ချမှတ်နေခြင်းမရှိဘဲ အကူအညီပေးသည့်လက်ကို ဆန့်တန်းလိမ့်မည်ဟူ၍လည်းကောင်း၊ ၎င်းတို့၏ မိတ်ဆွေများသည် ၎င်းတို့အတွက် မည်သည့်အရာကိုမဆို လုပ်ဆောင်မည်ဟူ၍လည်းကောင်း၊ အခက်အခဲများအားလုံးကို ခုခံပြီး အန္တရာယ်ကို မဖြုံဟူ၍လည်းကောင်း မျှော်လင့်ကြသည်။ သင်သည် သင်၏ မိတ်ဆွေများအတွက် အလားတူ သတ်မှတ်ချက်များရှိလျှင် သင်သည် မိတ်ဆွေအတွက် အသက်စွန့်မည်ဆိုသည့် ဤအယူအဆ၏ လွှမ်းမိုးခြင်း၊ ချည်နှောင်ခြင်းကို ခံရဆဲဖြစ်သည်ကို ပြနိုင်သလော။ သင်သည် ဤဟောင်းနွမ်းသော၊ ရိုးရာဖြစ်သော တွေးခေါ်ပုံဖြင့် အသက်ရှင်ဆဲဖြစ်သည်ဟု ဆိုမည်လော။ (ဆိုမည်ဖြစ်သည်။) ယခုခေတ် အချိန်ကာလတွင် လူတို့သည် “လူများ၏ ကိုယ်ကျင့်တရားသည် ယခုခေတ်တွင် ကျဆင်းနေသည်။ လူတို့သည် ၎င်းတို့၏ ဘိုးဘေးများကဲ့သို့ တူညီသော စိတ်ထားမရှိပေ။ အခြေအနေက ယခုတွင် ပြောင်းလဲသွားသည်။ မိတ်ဆွေများသည် ယခင်ကကဲသို့မဟုတ်။ လူတို့သည် လူသားအချင်းချင်း ရင်းနှီးနားလည်မှုကို တန်ဖိုးမထားတော့ပေ။ လူတို့သည် ၎င်းတို့၏ လူသားနွေးထွေးမှု ပျောက်ဆုံးသွားခဲ့ကြသည်။ လူအချင်းချင်း ဆက်ဆံရေးများသည် ပိုပို၍ ဝေးကွာလာသည်။” ဟူ၍ ညည်းညူကြသည်။ ယခုခေတ်ကာလတွင် အလွန်နည်းပါးသောလူတို့သာ မိတ်ဆွေများတွင်ရှိသော လူသားအချင်းချင်း ရင်းနှီးနားလည်မှုကို တန်ဖိုးထားကြသည်။ မိတ်ဆွေအတွက် အသက်ကို စွန့်သော ရှေးအချိန်ကာလက အားနွဲ့သူကို ကြင်နာယဉ်ကျေးစွာ ဆက်ဆံပြီး နွေးထွေးမှုရှိသောသူများကို လူတို့က ချစ်ခင်စွာ သတိရဆဲဖြစ်ပြီး ၎င်းတို့ ဖော်ထုတ်ပြသည့် ပုံစံကို မြတ်နိုးကြသည်။ ဥပမာ မိတ်ဆွေအတွက် ၎င်းတို့၏ အသက်ကို စွန့်သော ရှေးယခင်အချိန်ကာလက လူများအကြောင်းဖြစ်သော သမိုင်းတစ်လျှောက် လက်ဆင့်ကမ်းခဲ့သော ပုံပြင်အချို့ကို ကြည့်လော့။ အထူးသဖြင့် လူသားအချင်းချင်း ရင်းနှီးနားလည်မှုကို ထိန်းသိမ်းသော လူတို့အကြောင်းဖြစ်သော ကိုယ်ခံပညာများ ခေတ်စားသော အချိန်ကာလကို အခြေခံသော ပုံပြင်များကို ကြည့်လော့။ ယနေ့အချိန်အထိ လူတို့သည် ရုပ်ရှင်များ၊ တီဗီဇာတ်လမ်းများတွင် ဤပုံပြင်များကို ကြည့်ရသောအခါ ၎င်းတို့၏ စိတ်နှလုံးတွင် စိတ်ခံစားချက်များ တစ်လိပ်လိပ်တက်လာသည်ကို ခံစားရဆဲဖြစ်သည်။ ပြီးလျှင် လူသားတို့၏ နွေးထွေးမှုများဖြင့် ပြည့်နေသော၊ လူသားအချင်းချင်း ရင်းနှီးနားလည်မှုကို လူတို့ တန်ဖိုးထားသော ခေတ်ကို ပြန်သွားဖို့ မျှော်လင့်ချက်များထားရှိကြသည်။ ဤအခြင်းအရာများက အဘယ်အရာကို ပြနေသနည်း။ မိတ်ဆွေအတွက် အသက်စွန့်သည့် ဤအယူအဆသည် လူတို့၏ စိတ်ထဲတွင် အပြုသဘောဆောင်သောအရာတစ်ခုအဖြစ် မြတ်နိုးကြသည်ကိုလည်းကောင်း၊ လူကောင်းတစ်ယောက် ဖြစ်ချင်သော၊ ဖြစ်လာချင်သောသူများအတွက် မြင့်မားသော ကိုယ်ကျင့်တရားစံနှုန်းအဖြစ် ကိုင်ဆောင်ထားသည်ကိုလည်းကောင်း ပြသလော။ (ပြပါသည်။) လူတို့သည် ယခုခေတ်တွင် ထိုသို့သောအရာကို မတောင်းဆိုရဲသော်လည်း၊ ၎င်းတို့ကိုယ်တိုင် မစွမ်းဆောင်နိုင်သော်လည်း ၎င်းတို့၏ အသိုင်းအဝိုင်းတွင် ထိုသို့သောသူများကို တွေ့ဖို့ မျှော်လင့်ဆဲဖြစ်သည်။ ၎င်းတို့နှင့် ပတ်သက်ပြီး မိတ်ဆွေဖြစ်လိုဆဲဖြစ်သည်။ ဤသို့ဖြင့် ၎င်းတို့ကိုယ်တိုင် အခက်အခဲကြုံရသောအခါ ၎င်းတို့၏ မိတ်ဆွေက အသက်စွန့်နိုင်ရန်အတွက် ဖြစ်သည်။ ဤ အကျင့်စာရိတ္တဆိုင်ရာ ဆိုရိုးစကားနှင့်ပတ်သက်ပြီး လူတို့၏ သဘောထားများ၊ အမြင်များကို ကြည့်လျှင် လူတို့သည် လူသားအချင်းချင်း ရင်းနှီးနားလည်မှုကို တန်ဖိုးထားသော ဤသို့သော အယူအဆများ၊ အမြင်များက နက်ရှိုင်းစွာ လွှမ်းမိုးခြင်းကို ခံရသည်ဆိုသည်ကို ရှင်းလင်းစွာ မြင်နိုင်သည်။ လူတို့သည် လူသားအချင်းချင်း ရင်းနှီးနားလည်မှု စိတ်ဓာတ်ကို ဆန္ဒပြင်းပျပြီး လိုက်နာရန် လူတို့အား တွန်းအားပေးသည့် ဤသို့သော အယူအဆများနှင့် အမြင်များ၏ လွှမ်းမိုးခြင်းကို ခံရသည်ကို ကြည့်လျှင် ၎င်းတို့သည် ဤအရာများဖြင့် အသက်ရှင်ဖို့ အလွန်ပင် အလားအလာရှိသည်မှာ ပြောစရာမလိုပေ။ ရလဒ်အနေဖြင့် လူတို့သည် ဤသို့သော အယူအဆများ၊ အမြင်များ၏ ထိန်းချုပ်ခြင်း၊ ကြီးစိုးခြင်းကို ခံရတတ်လာသည်။ ပြီးလျှင် ဤသို့သော အယူအဆများ၊ အမြင်များအတိုင်း လူများ၊ အမှုအရာများကို ရှုမြင်ပြီး မိမိတို့ကိုယ်ကို ကျင့်ကြံနေထိုင်ကာ ပြုမူဆောင်ရွက်ဖို့ အလားအလာများလာသည်။ တစ်ချိန်တည်းတွင် ၎င်းတို့သည် လူတို့ကို ဝေဖန်အကဲဖြတ်ရန်အတွက် ဤသို့သော အယူအဆများ၊ အမြင်များကို အသုံးပြုပြီး “ဤသူသည် လူသားအချင်းချင်း ရင်းနှီးနားလည်မှုကို တန်ဖိုးထားသလော။ သူသည် လူသားအချင်းချင်း ရင်းနှီးနားလည်မှုကို တန်ဖိုးထားလျှင် လူကောင်းတစ်ယောက်ဖြစ်သည်။ တန်ဖိုးမထားလျှင် ထိုသူနှင့် ဆက်ဆံဖို့ မထိုက်တန်ပေ။ သူသည် လူကောင်းတစ်ယောက်မဟုတ်ပေ။” ဟူ၍ မိမိတို့ကိုယ်ကို မေးမြန်းကြသည်။ သင်သည်လည်း သင်၏ ကိုယ်ပိုင်အပြုအမူကို ထိန်းချုပ်ခြင်း၊ သင်၏ ကိုယ်ပိုင်အပြုအမူကို ကန့်သတ်ခြင်း၊ ဝေဖန်အကဲဖြတ်ခြင်းနှင့်ပတ်သက်လျှင် လူသားအချင်းချင်း ရင်းနှီးနားလည်မှုနှင့်သက်ဆိုင်သော ဤအယူအဆများ၏ လွှမ်းမိုးခြင်းကို ခံရတတ်သည်။ ၎င်းတို့ကို သူတစ်ပါးတို့နှင့် သင်၏ ဆက်ဆံရေးအတွက် စံသတ်မှတ်ချက်နှင့် ဦးတည်ချက်အဖြစ် မှတ်ယူသည်။ ဥပမာ ဤသို့သော အယူအဆများ၊ အမြင်များ၏ နက်နဲစွာ လွှမ်းမိုးခြင်းခံထားရပြီး သင်သည် ညီအစ်ကိုမောင်နှမများနှင့် ဆက်ဆံသောအခါ သင်လုပ်ဆောင်သမျှကို တိုင်းတာရန်အတွက် သင်၏ အသိတရားကို အသုံးပြုသည်။ ဤ “အသိတရား” ဆိုသည့်စကားက မည်သည့်အရာကို ဆိုလိုသနည်း။ အမှန်မှာ လူတို့၏ စိတ်နှလုံးအတွင်းထဲတွင် အခြားမဟုတ်ဘဲ လူသားအချင်းချင်း ရင်းနှီးနားလည်မှုကို ဆိုလိုခြင်းဖြစ်သည်။ တစ်ခါတစ်ရံတွင် ညီအစ်ကိုမောင်နှမတစ်ယောက်ကို ကူညီခြင်းသည် လူသားအချင်းချင်း ရင်းနှီးနားလည်မှုဖြင့် လုပ်ဆောင်ခြင်းဖြစ်သည်။ တစ်ခါတစ်ရံတွင် ၎င်းတို့ကို သနားကရုဏာဖြစ်သောအခါတွင်လည်း လူသားအချင်းချင်း ရင်းနှီးနားလည်မှုကြောင့်ဖြစ်သည်။ တစ်ခါတစ်ရံတွင် ဘုရားသခင်၏ မိသားစုတွင် တာဝန်ထမ်းဆောင်ခြင်း၊ အပေါ်ယံ အားထုတ်မှုအချို့ပြုလုပ်ခြင်း၊ သို့မဟုတ် အသုံးခံခြင်း၊ သို့မဟုတ် ယာယီစိတ်ပြတ်သားမှုအချို့ရှိခြင်းတို့အားလုံးသည် အမှန်တကယ်တွင် လူသားအချင်းချင်း ရင်းနှီးနားလည်မှုကို တန်ဖိုးထားသော ဤသို့သော အယူအဆများ၏ အုပ်စိုးခြင်းအောက်မှ လာခြင်းဖြစ်သည်။ ဤဖြစ်ရပ်များက လူတို့သည် ဤသို့သော အယူအဆများ၊ အမြင်များ၏ လွှမ်းမိုးခြင်းကို နက်နဲစွာ ခံရသည်၊ ဤအရာများ၏ ချည်နှောင်ခြင်းခံရပြီး စိတ်တွင် စွဲမှတ်ပြီးဖြစ်သည်ဆိုသည်ကို ရှင်းလင်းစွာ၊ ပြတ်သားစွာ မပြသလော။ “ချည်နှောင်ခြင်းခံရသည်၊” “စိတ်တွင် စွဲမှတ်ပြီးဖြစ်သည်” ဆိုသည်မှာ အဘယ်အရာကို ငါ ဆိုလိုသနည်း။ လူသားအချင်းချင်း ရင်းနှီးနားလည်မှုကို တန်ဖိုးထားသော ဤသို့သော အယူအဆများ၊ အမြင်များသည် လူတို့၏ အပြုအမူများကို ထိန်းချုပ်နိုင်ရုံသာမကဘဲ လူတို့၏ ဖြစ်တည်မှု အတွေးအခေါ်နှင့် ၎င်းတို့ ဘဝပါဖြစ်လာသည်ဟုလည်းကောင်း၊ လူတို့သည် ထိုအရာများကို တွယ်ကပ်နေပြီး အပြုသဘောဆောင်သောအရာများအဖြစ် မှတ်ယူသည်ဟုလည်းကောင်း ဆိုနိုင်သလော။ ၎င်းတို့သည် ထိုအရာများကို အပြုသဘောဆောင်သောအရာများအဖြစ် မှတ်ယူသည်ဟု ငါ အဘယ်ကြောင့်ဆိုသနည်း။ ဤသည်မှာ လူတို့သည် ဘုရားနှုတ်ကပတ်တော်ကို နားထောင်သောအခါတွင်လည်းကောင်း၊ ဘုရားနှုတ်ကပတ်တော်ကို လက်တွေ့လုပ်ဆောင်ပြီး ဘုရားသခင်ကို နာခံသောအခါတွင်လည်းကောင်း၊ ပေါ့ဆခြင်း၊ ဝတ်ကျေတမ်းကျေလုပ်ဆောင်ခြင်းမရှိဘဲ တာဝန်ထမ်းဆောင်သောအခါတွင်လည်းကောင်း၊ ပို၍ အဖိုးအခပေးဆပ်ပြီး ဘုရားအပေါ် သစ္စာရှိသောအခါတွင်လည်းကောင်း ဤအပြုအမူအားလုံးသည် လူသားအချင်းချင်း ရင်းနှီးနားလည်မှု၏ အယူအဆက အတိုင်းအတာ တော်တော်များများအထိ အုပ်စိုးခြင်းကို ခံရသည်၊ ဤ လူသားအချင်းချင်း ရင်းနှီးနားလည်မှု၏ အငွေ့အသက်များ ရောနှောနေသည်ဟု ဆိုလိုသည်။ ဥပမာ လူအချို့က “ငါတို့သည် မိမိတို့ကိုယ်ကို ကျင့်ကြံနေထိုင်ရာတွင် တာဝန်ကျေပွန်ရမည်။ ငါတို့၏ တာဝန်ကို ဖြစ်သလိုလုပ်၍မရပေ။ ဘုရားသခင်က ငါတို့အား ကျေးဇူးတော်များစွာ ချပေးခဲ့သည်။ အလွန် အန္တရာယ်ရှိသော ပတ်ဝန်းကျင်တွင်၊ အဆင်းနီသော နဂါးကြီး၏ သောင်းကျန်းသော ဖိနှိပ်မှု၊ နှိပ်ကွပ်မှုအားလုံးရှိနေစဉ်တွင် ဘုရားသခင်သည် ငါတို့ကို စာတန်၏ လွှမ်းမိုးမှုမှ ကာကွယ်ပြီး ကယ်တင်သည်။ ငါတို့၏ အသိတရားကို မဆုံးရှုံးရပေ။ ငါတို့သည် ဘုရားသခင်၏ ချစ်ခြင်းကို ကောင်းမွန်စွာ ပြန်လည်ပေးဆပ်ရန်အတွက် ငါတို့၏ တာဝန်ကို ထမ်းဆောင်ရမည်။ ငါတို့၏ အသက်များကို ဘုရားသခင်က ပေးထားသည်။ ထို့ကြောင့် ငါတို့သည် သူ၏ ချစ်ခြင်းကို ပြန်လည်ပေးဆပ်ရန်အတွက် သူ့အပေါ် သစ္စာရှိရမည်။ ကျေးဇူးမသိတတ်၍ မဖြစ်ပေ။” ဟူ၍ ဆိုကြသည်။ စွန့်စားမှုများပြုလုပ်ပြီး အဖိုးအခပေးဆပ်ဖို့လိုသည့် တာဝန်ဖြင့် ရင်ဆိုင်ရသော အခြားလူများရှိသည်။ ၎င်းတို့က “အခြားလူများက ရှေ့သို့မထွက်လျှင် ငါထွက်မည်။ ငါသည် အန္တရာယ်ကိုမကြောက်။” ဟု ပြောကြသည်။ လူတို့က ၎င်းတို့ကို မေးသည်။ “အဘယ်ကြောင့် အန္တရာယ်ကို မကြောက်သနည်း။” ၎င်းတို့က “သင်တို့သည် ကျင့်ကြံနေထိုင်ရာတွင် ကိုယ်ကျင့်တရား တည်ကြည်မှု အနည်းငယ်မျှ မရှိသလော။ ဘုရားသခင်၏ မိသားစုက ငါ့အား ကောင်းစွာ ဆက်ဆံသည်။ ဘုရားသခင်က ငါ့အပေါ် ကောင်းသည်။ ငါသည် သူ၏ နောက်သို့လိုက်ရန် စိတ်ပိုင်းဖြတ်သောကြောင့် ငါတတ်နိုင်သည့်အရာကို လုပ်ဆောင်ပြီး ဤစွန့်စားမှုများကို ပြုသင့်သည်။ ငါသည် ဤလူသားအချင်းချင်း ရင်းနှီးနားလည်မှုစိတ်ဓာတ်ရှိရမည်ဖြစ်ပြီး ယင်းကို တန်ဖိုးထားရမည်။” ဟူ၍ ပြန်ပြောသည်။ စသဖြင့်ဖြစ်သည်။ လူတို့၏ ဤဖြစ်ရပ်များနှင့် ဤ ဖွင့်ပြချက်များသည် လူသားအချင်းချင်း ရင်းနှီးနားလည်မှုကို တန်ဖိုးထားသော ဤသို့သော အယူအဆများ၊ အမြင်များ၏ ကြီးစိုးခြင်းကို အတိုင်းအတာတစ်ခုအထိ ခံရသလော။ ဤသို့သော အယူအဆများ၊ အမြင်များ၏ ကြီးစိုးမှုကို ခံထားရသောကြောင့် အချိန်အများစုတွင် လူတို့ ပြုလုပ်သည့် ဝေဖန်အကဲဖြတ်မှုများ၊ ရွေးချယ်မှုများနှင့် လူတို့ ဖွင့်ပြသည့် အပြုအမူအချို့သည် သမ္မာတရားအား လက်တွေ့လုပ်ဆောင်ခြင်းဖြင့် လုံးဝ သက်ဆိုင်ခြင်းမရှိပေ။ ၎င်းတို့သည် ယာယီ ရုတ်တရက်ဖြစ်ပေါ်သော စိတ်သာဖြစ်သည်။ ယာယီ စိတ်အခြေအနေ၊ သို့မဟုတ် ယာယီစိတ်ဆန္ဒသာဖြစ်သည်။ ဤသည်မှာ သမ္မာတရားစည်းမျဉ်းများကို မလိုက်နာသောကြောင့်လည်းကောင်း၊ မိမိတာဝန်ကို ထမ်းဆောင်ရန် လူတစ်ယောက်၏ စိတ်ခံစားချက်အရဖြစ်သော စိတ်ဆန္ဒကို အရင်းမခံသောကြောင့်လည်းကောင်း၊ သမ္မာတရားကို၊ အပြုသဘောဆောင်သောအရာများကို ချစ်ခြင်းကြောင့် လုပ်ဆောင်ခြင်းမဟုတ်သောကြောင့်လည်းကောင်း လူတို့ကြားရှိ ဤ လူသားအချင်းချင်း ရင်းနှီးနားလည်မှုသည် မကြာခဏပင် ခံနိုင်ရမည်မရှိပေ။ အကြိမ်ရေအနည်းငယ်ထက်ပို၍ မခံသကဲ့သို့ ကြာရှည်စွာ မခံပေ။ အချိန်အတန်ကြာပြီးနောက်တွင် လူတို့သည် လေလျော့သွားသော ဘောလုံးကဲ့သို့ အားအင်ကုန်ဆုံးကြသည်။ လူအချို့က “ငါသည် ယခင်က အဘယ်ကြောင့် အလွန်အားအင်ပြည့်ဝနေသနည်း။ ငါသည် ဘုရားအိမ်တော်အတွက် ဤအန္တရာယ်ရှိသောအလုပ်များကို အဘယ်ကြောင့် တာဝန်ယူဆောင်ရွက်လိုစိတ်ရှိခဲ့သနည်း။ ယခုတွင် ထိုအားအင်များက အဘယ်ကြောင့် ပျောက်ဆုံးသွားသနည်း။” ဟူ၍ ပြောကြသည်။ ထိုအချိန်က ဤသည်မှာ ယာယီ ရုတ်တရက်ဖြစ်ပေါ်သော စိတ်သာဖြစ်သည်။ သင့်ဘက်မှ လိုအင်ဆန္ဒ၊ သို့မဟုတ် စိတ်ပြတ်သားမှုဖြစ်သည်။ ဤအရာသည် မလွှဲမရှောင်သာဖြင့် လူသားအချင်းချင်း ရင်းနှီးနားလည်မှု၏ အငွေ့အသက်ဖြင့် ရောနှောနေသည်။ ပြောလက်စဖြင့် “လူသားအချင်းချင်း ရင်းနှီးနားလည်မှု” ဆိုသည်မှာ အဘယ်အရာကို ဆိုလိုသနည်း။ ရိုးရှင်းစွာ ဆိုရလျှင် ယင်းသည် ယာယီဖြစ်သော စိတ်အခြေအနေ၊ သို့မဟုတ် စိတ်အနေအထားတစ်ခုဖြစ်သည်။ ဆိုလိုသည်မှာ အထူးပတ်ဝန်းကျင်များ၊ အခြေအနေများ၌ လူတို့တွင် ဖြစ်ပေါ်သော စိတ်အခြေအနေတစ်ခုဖြစ်သည်။ ဤသို့သော စိတ်အခြေအနေသည် အလွန်ပင် ရွှင်ပြသည်။ အလွန်မြူးကြွသည်။ အလွန် အပြုသဘောဆောင်သည်။ ဤအတွက်ကြောင့် သင့်အား အပြုသဘောဆောင်သော ဝေဖန်အကဲဖြတ်ခြင်းများ၊ ရွေးချယ်မှုများကို ပြုလုပ်စေသည်၊ သို့မဟုတ် သင့်အား ကြီးကျယ်သော ပြောဆိုမှုအချို့ကို ပြုလုပ်စေပြီး အလုပ်ကြိုးစားလိုစိတ်အချို့ကို ဖန်တီးပေးသည်။ သို့သော် ဤသို့သော လုပ်ဆောင်လိုစိတ်သည် သမ္မာတရားအားချစ်ခြင်း၊ သမ္မာတရားကို နားလည်ခြင်း၊ သို့မဟုတ် သမ္မာတရားအားလက်တွေ့လုပ်ဆောင်ခြင်း၏ စစ်မှန်သော အခြေအနေမဟုတ်ပေ။ ယင်းသည် လူသားအချင်းချင်း ရင်းနှီးနားလည်မှုကို တန်ဖိုးထားသော ဤသို့သော အယူအဆနှင့် အမြင်များ၏ အုပ်စိုးမှုအောက်တွင် ဖြစ်ပေါ်သော စိတ်အခြေအနေတစ်ခုသာဖြစ်သည်။ ရိုးရှင်းစွာ ပြောရလျှင် ဤသို့ဖြစ်သည်။ ငါ၏ အမြင်ရှုထောင့်အရ ပို၍ နက်နဲသောအဆင့်တွင် လူသားအချင်းချင်း ရင်းနှီးနားလည်မှုသည် အမှန်တကယ်တွင် စိတ်မြန်လက်မြန်လုပ်ဆောင်မှုကို ဖွင့်ပြခြင်းဖြစ်သည်။ “စိတ်မြန်လက်မြန်လုပ်ဆောင်မှုကို ဖွင့်ပြခြင်း” ဆိုသည်မှာ အဘယ်အရာကို ငါဆိုလိုသနည်း။ ဥပမာ လူတို့သည် ခဏတာ ပျော်ရွှင်သောအခါတွင် မစား၊ မသောက်ဘဲ၊ မအိပ်ဘဲ တစ်နေကုန်နေသည့်တိုင်အောင် ဆာလောင်ခြင်း၊ မောပန်းခြင်းကို မခံစားရပေ။ ဤသည်မှာ သာမန်ဖြစ်သလော။ သာမန်အခြေအနေများတွင် လူတို့သည် အစားတစ်နပ်မစားရလျှင် ဆာလောင်မည်။ တစ်ညလုံး ကောင်းစွာ မအိပ်လျှင် နုံးချည့်ပြီး လုပ်ချင်ကိုင်ချင်စိတ်မရှိဖြစ်မည်။ သို့သော် ၎င်းတို့သည် ရုတ်တရက် စိတ်ကူးပေါက်ပြီး ရွှင်ပျသော စိတ်အခြေအနေရှိလျှင်၊ ဆာလောင်ခြင်း၊ အိပ်စက်လိုခြင်း၊ သို့မဟုတ် မောပန်းနွမ်းနယ်ခြင်းမဖြစ်လျှင် ဤသည်မှာ မူမမှန်ခြင်းမဟုတ်သလော။ (ဟုတ်သည်။) ဤသည်မှာ အသက်စိတ်သဘောထားကို သဘာဝအလျောက် ဖွင့်ပြခြင်းဟုတ်သလော။ (မဟုတ်ပါ။) ဤသည်မှာ သာမန်ဖွင့်ပြခြင်းမဟုတ်လျှင် မည်သည့်အရာဖြစ်သနည်း။ စိတ်မြန်လက်မြန်လုပ်ဆောင်ခြင်းဖြစ်သည်။ စိတ်မြန်လက်မြန်လုပ်ဆောင်ခြင်းသည် အခြားမည်သို့ အဓိပ္ပာယ်ရသေးသနည်း။ ခဏတာဖြစ်သော ပျော်ရွှင်မှု၊ သို့မဟုတ် စိတ်ဆိုးမှုတို့ကဲ့သို့သော မူမမှန်သော စိတ်ခံစားချက်များကြောင့် လူတို့သည် ဆင်ခြင်တုံတရားမရှိသော အခြေအနေ၌ ရှိစဉ်တွင် အလွန်အကျွံဖြစ်သော အပြုအမူအချို့ကို ပြသသည်ဟု ဆိုလိုသည်။ ဤအလွန်အကျွံဖြစ်သော အပြုအမူများမှာ အဘယ်နည်း။ တစ်ခါတစ်ရံတွင် ၎င်းတို့သည် ပျော်ရွှင်သောအခါ ၎င်းတို့အိမ်တွင် တန်ဖိုးအရှိဆုံးသောအရာကို သူတစ်ပါးတို့အား ပေးပစ်လိုက်သည်၊ သို့မဟုတ် တစ်ခါတစ်ရံတွင် စိတ်ဆိုးဒေါသထွက်သောအခါ ၎င်းတို့သည် တစ်စုံတစ်ယောက်ကို ဓားဖြင့် ထိုးသတ်သည်။ ဤသည်မှာ စိတ်မြန်လက်မြန်ဖြစ်ခြင်းမဟုတ်လော။ ဤအရာတို့သည် အလွန်အကျွံဖြစ်ခြင်းနှင့် အလွန်နီးကပ်နေသည့် အပြုအမူများဖြစ်သည်။ ဆင်ခြင်တုံတရားမရှိသော အခြေအနေ၌ လူတို့ရှိနေသောအချိန်တွင် ဖြစ်ပေါ်သော အပြုအမူများဖြစ်သည်။ ဤသည်မှာ စိတ်မြန်လက်မြန်လုပ်ခြင်းဖြစ်သည်။ လူအချို့သည် ၎င်းတို့၏ တာဝန်ကို ပထမဆုံး စတင်ထမ်းဆောင်သောအခါ အထူးပင် ပျော်ရွှင်ကြသည်။ အစာစားရမည့်အချိန်သို့ရောက်သောအခါ မဆာလောင်ကြပေ။ အနားယူရန်အချိန်ရောက်သောအခါ မအိပ်စက်လိုကြပေ။ ထိုအစား ၎င်းတို့သည် “ဘုရားသခင်အတွက် အသုံးခံပါ။ ဘုရားသခင်အတွက် အဖိုးအခပေးဆပ်ပါ။ မည်သည့်ဆင်းရဲဒုက္ခကိုမဆို ခံယူပါ။” ဟူ၍ အော်ဟစ်ကြသည်။ ၎င်းတို့သည် မပျော်ရွှင်သည့်အချိန်တိုင်းတွင် မည်သည့်အရာကိုမျှ မလုပ်ဆောင်လိုပေ။ ၎င်းတို့မြင်သည့် လူတိုင်းကို မနှစ်သက်ပေ။ ပြီးလျှင် ၎င်းတို့သည် မယုံကြည်တော့ရန်ပင် စဉ်းစားကြသည်။ ဤအရာအားလုံးသည် စိတ်မြန်လက်မြန်ဖြစ်ခြင်းဖြစ်သည်။ ဤစိတ်မြန်လက်မြန်ဖြစ်ခြင်းသည် မည်သို့ ဖြစ်ပေါ်လာသနည်း။ လူတို့၏ ဖောက်ပြန်ပျက်စီးသော စိတ်သဘောထားမှ လာသလော။ အရင်းအမြစ်မှာ သမ္မာတရားကို လူတို့ နားမလည်သောကြောင့်ဖြစ်ပြီး သမ္မာတရားကို လက်တွေ့မလုပ်ဆောင်နိုင်သောကြောင့်ဖြစ်သည်။ လူတို့သည် သမ္မာတရားကို နားမလည်သောအခါ အမျိုးမျိုးသော လမ်းလွဲသော အတွေးများ၏ လွှမ်းမိုးခြင်းကို ခံရသည်။ လမ်းလွဲသော၊ အပျက်သဘောဆောင်သော အတွေးအမျိုးမျိုး၏ လွှမ်းမိုးမှုအောက်တွင် ၎င်းတို့၌ ဆင်ခြင်တုံတရားမရှိသော၊ မူမမှန်သော စိတ်အခြေအနေ အမျိုးမျိုး ဖြစ်ပေါ်လာသည်။ ဤစိတ်အခြေအနေများရှိနေစဉ်တွင် ၎င်းတို့သည် တစ်ဇွတ်ထိုးဖြစ်သော ဝေဖန်အကဲဖြတ်မှုနှင့် အပြုအမူမျိုးစုံ ထွက်လာသည်။ ဤသို့ ဖြစ်သည်မဟုတ်လော။ “မိတ်ဆွေအတွက် အသက်စွန့်မည်။” ဆိုသည့် ဤသဘောတရားဆိုင်ရာ အမြင်ရှုထောင့်၏ အနှစ်သာရမှာ အဘယ်နည်း။ (စိတ်မြန်လက်မြန်လုပ်ဆောင်ခြင်းဖြစ်သည်။) မှန်သည်။ စိတ်မြန်လက်မြန်လုပ်ဆောင်ခြင်းဖြစ်သည်။ ဤသို့ဆိုလျှင် “မိတ်ဆွေအတွက် အသက်စွန့်မည်။” ဆိုသည့် ဆိုရိုးစကားသည် ဆင်ခြင်တုံတရားတစ်ခုခုရှိသလော။ စည်းမျဉ်းများနှင့် ကိုက်ညီသလော။ လူတို့ လိုက်နာသင့်သည့် အပြုသဘောဆောင်သောအရာဟုတ်သလော။ အလွန်သိသာစွာပင် မဟုတ်ပေ။ မိတ်ဆွေအတွက် အသက်စွန့်သည့် ဤအကြောင်းအရာသည် ဆင်ခြင်တုံတရားမရှိပေ။ စိတ်လိုက်မာန်ပါဖြစ်ပြီး စိတ်မြန်လက်မြန်ရှိသည်။ ဤအမှုကိစ္စကို ဆင်ခြင်တုံတရားရှိစွာဖြင့် ကိုင်တွယ်ရမည်။ သင်သည် မိတ်ဆွေအတွက် အသက်စွန့်သည်အထိ လူသားအချင်းချင်းရင်းနှီးနားလည်မှုကို တန်ဖိုးမထား၍ ရသလော။ သင်၏ လုပ်နိုင်စွမ်း အကန့်အသတ်အတွင်းတွင်သာ သင်၏ မိတ်ဆွေများကို ကူညီ၍ရသလော။ အမှုအရာများကို မည်သို့ မှန်ကန်အောင် ပြုလုပ်ရမည်နည်း။ လူသားအချင်းချင်း ရင်းနှီးနားလည်မှုကို အထူး တန်ဖိုးထားသည့် မိတ်ဆွေအတွက် အသက်စွန့်မည် ဆိုသကဲ့သို့သော အယူအဆများ၊ အမြင်များအားလုံးက အဘယ်ကြောင့် မှားယွင်းနေသနည်း။ ထိုအရာများတွင် မည်သည့်အရာက မှားယွင်းနေသနည်း။ ဤအမှုကိစ္စကို ရှင်းလင်းဖို့ လိုသည်။ ဤအမှုကိစ္စက ရှင်းလင်းသွားသည်နှင့် လူတို့သည် ဤသို့သောအယူအဆများ၊ အမြင်များကို အပြည့်အဝ လက်လွတ်လိမ့်မည်။ အမှန်မှာ ဤအမှုကိစ္စသည် အလွန်ရိုးရှင်းသည်။ ဤအရာကို သင်တို့ ရှင်းလင်းစွာ ရှင်းပြနိုင်သလော။ သင်တို့သည် ဤအမှုကိစ္စအပေါ်တွင် အမြင်မရှိပေ။ ပြောစရာမရှိပေ။ ဤသည်မှာ အကြောင်းအရာတစ်ခုကို အတည်ပြုသည်။ ယင်းမှာ “မိတ်ဆွေအတွက် အသက်စွန့်မည်။” ဆိုသည့် ဆိုရိုးစကားကို ငါ မစိစစ်မီတွင် သင်တို့အားလုံးသည် ဤဆိုရိုးစကားကို လိုက်နာသည့်၊ သို့မဟုတ် အထူးကိုးကွယ်သည့်သူများဖြစ်သည်။ မိတ်ဆွေအတွက် အသက်စွန့်မည့်သူများကို သင်တို့အားလုံးက အားကျကြသည်။ ပြီးလျှင် ဤသို့သောသူနှင့် မိတ်ဆွေဖြစ်အောင်လုပ်နိုင်သူများကိုလည်း သင်တို့ အားကျကြသည်။ ဤသို့သော မိတ်ဆွေများရှိခြင်းသည် ဝမ်းမြောက်ခြင်း၊ ဂုဏ်ရှိခြင်းဖြစ်သည်ဟု ခံစားကြရသည်။ ဤသို့မဟုတ်သလော။ ဤအမှုကိစ္စကို သင်တို့ မည်သို့မြင်သနည်း။ (“မိတ်ဆွေအတွက် အသက်စွန့်မည်။” ဆိုသည့် ဆိုရိုးစကားနှင့်အညီ လူတို့အား ဆက်ဆံခြင်းသည် စည်းမျဉ်းမရှိဖြစ်ပြီး သမ္မာတရားနှင့် မကိုက်ညီဟု ထင်ပါသည်။) ဤတုံ့ပြန်ချက်ကို မည်သို့ထင်သနည်း။ ဤတုံ့ပြန်ချက်သည် သင့်အပေါ်တွင်ရှိသော ဤသို့သော အယူအဆများ၊ အမြင်များ၏ ချည်နှောင်မှုများ၊ အချုပ်အနှောင်များကို လွတ်မြောက်စေနိုင်သလော။ ဤသို့သော ကိစ္စများကို သင်ကိုင်တွယ်သည့် နည်းလမ်းများ၊ စည်းမျဉ်းများကို ပြောင်းလဲနိုင်သလော။ ဤသို့သော ကိစ္စများအပေါ် သင်၏ မှားယွင်းသော အမြင်များကို မှန်ကန်စေနိုင်သလော။ ထိုသို့ မလုပ်ဆောင်နိုင်လျှင် ဤတုံ့ပြန်ချက်သည် အဘယ်နည်း။ (အယူဝါဒဖြစ်သည်။) အယူဝါဒကို ပြောဆိုခြင်း၏ အသုံးဝင်မှုမှာ အဘယ်နည်း။ အယူဝါဒအကြောင်းကို မပြောနှင့်။ အယူဝါဒက မည်သို့ ဖြစ်လာသနည်း။ ဤသည်မှာ သင်သည် ဤသို့သော အယူအဆနှင့် အမြင်များ၏ အနှစ်သာရကို ရှင်းလင်းစွာ မမြင်ခြင်း၊ လူများ၊ အမှုအရာများကို သင်မြင်သည့်ပုံစံ၊ သင့်ကိုယ်သင် ကျင့်ကြံနေထိုင်ပြီး ပြုမူဆောင်ရွက်သည့်ပုံစံနှင့် ပတ်သက်သည့် ဤသို့သော အယူအဆများ၊ အမြင်များ၏ အပျက်သဘောဆောင်သော သက်ရောက်မှုနှင့် ထိခိုက်မှုကို အပြည့်အဝ နားမလည်ခြင်းဖြစ်သည်။ ထိုအရာများတွင် မည်သည့်အရာက မှားနေသည်ကို သင်မသိပေ။ ထို့ကြောင့် သင်လုပ်နိုင်သမျှမှာ ပေါ့တန်သော အယူဝါဒများကို အသုံးပြုပြီး အဖြေပေးကာ ဤပြဿနာကို ဖြေရှင်းခြင်းသာဖြစ်သည်။ နောက်ဆုံးရလဒ်မှာ အယူဝါဒများသည် သင်၏ ပြဿနာကို မဖြေရှင်းနိုင်ခြင်း၊ သင်သည် ဤသို့သော အယူအဆများ၊ အမြင်များ၏ အုပ်စိုးမှု၊ လွှမ်းမိုးမှုအောက်တွင် အသက်ရှင်နေဆဲဖြစ်ခြင်းတို့ဖြစ်သည်။

“မိတ်ဆွေအတွက် အသက်စွန့်မည်။” ဆိုသကဲ့သို့သော အယူအဆများနှင့် အမြင်များတွင် အဘယ်သို့မှားယွင်းနေသနည်း။ ဤမေးခွန်းသည် အမှန်တွင် အလွန်ရိုးရှင်းပြီး မခက်ခဲပေ။ ကမ္ဘာလောက၌ အသက်ရှင်သူများသည် ကျောက်အက်ကွဲကြောင်းများကြားမှ ခုန်ထွက်ပြီး မွေးဖွားလာသူ တစ်ယောက်မျှမရှိပေ။ လူတိုင်းတွင် မိဘများ၊ သားသမီးများရှိကြသည်။ လူတိုင်းတွင် ဆွေမျိုးများရှိကြသည်။ ဤလူသားကမ္ဘာတွင် မည်သူမျှ အမှီအခိုကင်းစွာ မရပ်တည်ပေ။ ဤအရာနှင့်ပတ်သက်ပြီး အဘယ်အရာကို ငါဆိုလိုသနည်း။ သင်သည် ဤလူသားကမ္ဘာတွင် အသက်ရှင်ပြီး သင်ဖြည့်ဆည်းရမည့် ကိုယ်ပိုင်ဝတ္တရားများရှိသည်ဟု ငါဆိုလိုသည်။ ရှေးဦးစွာ သင်သည် သင်၏မိဘများကို ထောက်ပံ့ရမည်။ ဒုတိယအနေဖြင့် သင်၏ သားသမီးများကို ပျိုးထောင်ရမည်။ ဤအရာများသည် မိသားစုအတွင်းတွင်ရှိသော သင်၏ တာဝန်များဖြစ်သည်။ လူ့အဖွဲ့အစည်းတွင် သင့်၌ ဖြည့်ဆည်းရမည့် လူမှုတာဝန်များ၊ ဝတ္တရားများလည်းရှိသည်။ သင်သည် လူ့အဖွဲ့အစည်းတွင် နေရာတစ်ခုကို ယူရမည်။ အလုပ်သမား၊ လယ်သမား၊ စီးပွားရေးသမား၊ ကျောင်းသား၊ သို့မဟုတ် ပညာရှင်တစ်ယောက်ဖြစ်ခြင်းကဲ့သို့ဖြစ်သည်။ မိသားစုမှစ၍ လူ့အဖွဲ့အစည်းအထိ သင်ဖြည့်ဆည်းသင့်သည့် တာဝန်၊ ဝတ္တရားများစွာရှိသည်။ ဆိုလိုသည်မှာ သင်၏ အစားအစာ၊ အဝတ်အစား၊ အိုးအိမ်နေရာ၊ သယ်ယူပို့ဆောင်ရေးတို့အပြင် သင်လုပ်ဆောင်ရမည့်အရာ များစွာရှိသည်။ ပြီးလျှင် သင်လုပ်ဆောင်သင့်သည့်အရာများစွာနှင့် သင်ဖြည့်ဆည်းသင့်သည့် ဝတ္တရားများစွာလည်းရှိသည်။ လူတို့ လျှောက်လှမ်းသည့် ဘုရားသခင်အား ယုံကြည်ခြင်း၏ မှန်ကန်သော လမ်းကြောင်းကို ဘေးဖယ်ထားလျှင် သင်သည် လူပုဂ္ဂိုလ်တစ်ဦးအနေဖြင့် ဖြည့်ဆည်းရမည့် မိသားစုတာဝန်များ၊ လူမှုဝတ္တရားများ များစွာရှိသည်။ သင်သည် အမှီအခိုကင်းစွာ တည်ရှိမနေပေ။ သင်၏ ပခုံးတွင်ရှိသော တာဝန်သည် မိတ်ဆွေများရှာပြီး ပျော်ပါးရန်၊ သို့မဟုတ် သင်စကားပြောနိုင်သည့်၊ သင့်ကိုကူညီပေးနိုင်သည့်သူတစ်ယောက်ကို ရှာရန်သက်သက်မဟုတ်ပေ။ သင်၏ တာဝန်အများစုနှင့် အရေးကြီးဆုံးသောတာဝန်များမှာ သင်၏ မိသားစုနှင့် လူ့အဖွဲ့အစည်းနှင့် သက်ဆိုင်သည်။ သင်၏ မိသားစုတာဝန်များနှင့် လူမှုဝတ္တရားများကို ဖြည့်ဆည်းမှသာ လူပုဂ္ဂိုလ်တစ်ယောက်အဖြစ် သင်၏ ဘဝသည် ပြီးပြည့်စုံသည်ဟု သတ်မှတ်ရမည်။ ဤသို့ဆိုလျှင် မိသားစုတွင် သင်ဖြည့်ဆည်းသင့်သည့် တာဝန်များ၌ မည်သည့်အရာပါဝင်သနည်း။ ကလေးတစ်ယောက်အနေဖြင့် သင်သည် သင်၏ မိဘများကို သားသမီးဝတ်ကျေပြီး ထောက်ပံ့ပေးသင့်သည်။ သင်၏မိဘများက နာမကျန်းဖြစ်သောအခါ၊ သို့မဟုတ် အခက်အခဲဖြစ်သောအခါတိုင်းတွင် သင်အစွမ်းရှိသမျှအရာအားလုံးကို လုပ်ဆောင်သင့်သည်။ မိဘတစ်ဦးအနေဖြင့် သင်သည် ချွေးထွက်အောင်လုပ်ပြီး သင့်ကိုယ်သင် အားထုတ်ကြိုးပမ်းရမည်။ တစ်မိသားစုလုံးကို ထောက်ပံ့ဖို့အတွက် ဆင်းရဲဒုက္ခကို တောင့်ခံရမည်။ မိဘတစ်ဦးဖြစ်ခြင်း၊ သားသမီးကို ပျိုးထောင်ခြင်း၊ သားသမီးများကို လမ်းမှန်သို့လိုက်ရန်အတွက် သွန်သင်ပေးခြင်း၊ ကျင့်ကြံနေထိုင်မှုစည်းမျဉ်းများကို နားလည်အောင်ပြုလုပ်ပေးခြင်းတို့ဖြစ်သော လေးလံသော တာဝန်ကို ယူရမည်။ ထို့ကြောင့် သင်သည် သင့်မိသားစုတွင် များစွာသော တာဝန်များရှိသည်။ သင့်မိဘများကို ထောက်ပံ့ပြီး သင်၏ သားသမီးများကို ပျိုးထောင်ရန် တာဝန်ကို ယူရမည်။ ဤသို့ လုပ်ဆောင်သင့်သောအရာများစွာရှိသည်။ ပြီးလျှင် လူ့အဖွဲ့အစည်းတွင် သင်၏ တာဝန်များမှာ အဘယ်နည်း။ သင်သည် ဥပဒေများ၊ စည်းမျဉ်းများကို လိုက်နာရမည်။ သူတစ်ပါးတို့နှင့် ဆက်ဆံရာတွင် စည်းမျဉ်းရှိရမည်။ အလုပ်တွင် အကောင်းဆုံးကြိုးစားရမည်။ သင်၏ အသက်မွေးအလုပ်ကို ကောင်းစွာ စီမံရမည်။ သင့်အချိန်နှင့် စွမ်းအင်၏ ရှစ်ဆယ်၊ ကိုးဆယ်ရာခိုင်နှုန်းကို ဤအရာများအပေါ်တွင် အသုံးချရမည်။ ဆိုလိုသည်မှာ သင်၏ မိသားစု၊ သို့မဟုတ် လူ့အဖွဲ့အစည်းတွင် မည်သည့်နေရာကို သင်ယူပါစေ၊ မည်သည့်လမ်းကြောင်းကို သင်လျှောက်ပါစေ၊ သင်၏ ရည်မှန်းချက်များ၊ ပြင်းပျသောဆန္ဒများက မည်သည့်အရာဖြစ်စေ လူတစ်ယောက်ချင်းစီတွင် ထိုသူကိုယ်တိုင်အတွက် ခံယူရန် အလွန်အရေးကြီးသော တာဝန်များရှိသည်။ ထိုတာဝန်များက ၎င်းတို့၏ အချိန်၊ စွမ်းအင်အားလုံးနီးပါးကို နေရာယူထားသည်။ မိသားစုနှင့် လူမှုတာဝန်များ၏ ရှုထောင့်မှကြည့်လျှင် သင်သည် ဤလူသားကမ္ဘာသို့ ဝင်ရောက်လာခြင်းတွင် လူတစ်ယောက်အနေဖြင့်၊ သင်၏ ဘဝအနေဖြင့် သင်၏ တန်ဖိုးမှာ အဘယ်နည်း။ ကောင်းကင်က သင့်အား ချပေးသည့် တာဝန်များ၊ အထူးစေခိုင်းချက်များကို ဖြည့်ဆည်းရန်ဖြစ်သည်။ သင်၏ ဘဝကို သင်တစ်ဦးတည်းက ပိုင်ဆိုင်ခြင်းမဟုတ်။ ပြီးလျှင် အခြားလူများက ပိုင်ဆိုင်ခြင်းမဟုတ်သည်မှာလည်း မှန်သည်။ သင်၏ ဘဝသည် သင်၏ အထူးစေခိုင်းချက်များနှင့် တာဝန်များအတွက် ဖြစ်တည်သည်။ ဤလူသားကမ္ဘာတွင် သင်ဖြည့်ဆည်းသင့်သည့် တာဝန်များ၊ ဝတ္တရားများ၊ အထူးစေခိုင်းချက်များအတွက် ဖြစ်တည်သည်။ သင်၏ ဘဝကို သင့်မိဘများက မပိုင်ဆိုင်သကဲ့သို့ သင်၏ ဇနီး(ခင်ပွန်း)ကလည်း မပိုင်ဆိုင်ပေ။ သင်၏ သားမီးများကလည်း မပိုင်ဆိုင်သည်မှာ ပြောစရာမလိုပေ။ သင်၏ သားစဉ်မြေးဆက်က ပို၍ပင် မပိုင်ဆိုင်ပေ။ ဤသို့ဆိုလျှင် သင်၏ ဘဝကို မည်သူက ပိုင်ဆိုင်သနည်း။ ကမ္ဘာလောက၏ လူပုဂ္ဂိုလ်တစ်ယောက်၏ အမြင်ရှုထောင့်မှ ပြောလျှင် သင်၏ ဘဝကို ဘုရားသခင်က သင့်အား ပေးသော တာဝန်များ၊ အထူးစေခိုင်းချက်များက ပိုင်ဆိုင်သည်။ သို့သော် ယုံကြည်သူတစ်ယောက်၏ ရှုထောင့်မှကြည့်လျှင် သင်၏ ဘဝကို ဘုရားသခင်က ပိုင်ဆိုင်သင့်သည်။ သင်နှင့်သက်ဆိုင်သည့်အရာအားလုံးကို စီစဉ်ပြီး အချုပ်အခြာအာဏာရှိသည်မှာ သူဖြစ်သောကြောင့်ဖြစ်သည်။ ထို့ကြောင့် ကမ္ဘာလောကတွင် အသက်ရှင်နေသည့် လူတစ်ယောက်အနေဖြင့် သင်သည် သင်၏ ဘဝကို သူတစ်ပါးတို့ထံသို့ ထင်ရာမြင်ရာ ကတိမပြုသင့်ပေ။ ပြီးလျှင် သင်သည် လူသားအချင်းချင်း ရင်းနှီးနားလည်မှုအတွက် သင်၏ ဘဝကို မည်သူမဆိုအတွက် ထင်ရာမြင်ရာ အနစ်နာမခံသင့်ပေ။ ဆိုလိုသည်မှာ သင်၏ ကိုယ်ပိုင်ဘဝကို သေးသိမ်အောင် မလုပ်သင့်ပေ။ သင်၏ ဘဝသည် အခြားမည်သူမဆိုအတွက် တန်ဖိုးမရှိပေ။ အထူးသဖြင့် စာတန်အတွက်၊ ဤလူ့အဖွဲ့အစည်းအတွက်၊ ဤဖောက်ပြန်ပျက်စီးသော လူသားမျိုးနွယ်အတွက် တန်ဖိုးမရှိပေ။ သို့သော် သင်၏ မိဘများနှင့် ဆွေမျိုးများအတွက်မူ သင်၏ ဘဝသည် အရေးကြီးဆုံးဖြစ်သည်။ အဘယ်ကြောင့်ဆိုသော် သင်၏ တာဝန်များနှင့် ၎င်းတို့၏ အသက်ရှင်သန်ရေးကြားတွင် ခွဲ၍မရသော ဆက်ဆံရေးတစ်ခုရှိသောကြောင့်ဖြစ်သည်။ ပို၍ပင် အရေးကြီးသောအရာမှာ သင်၏ ဘဝနှင့် အရာအားလုံးအပေါ်၊ လူသားမျိုးနွယ်တစ်ခုလုံးအပေါ် ဘုရားသခင်က အချုပ်အခြာအာဏာကိုင်စွဲသည့်အချက်တို့ကြားတွင် ခွဲ၍မရသော ဆက်ဆံရေးရှိသည်မှာလည်း ပြောစရာမလိုပေ။ သင်၏ ဘဝသည် ဘုရားသခင်က အချုပ်အခြာအာဏာကိုင်စွဲသော ဘဝများစွာထဲတွင် မရှိမဖြစ် ဖြစ်သည်။ သင်က သင်၏ ဘဝကို ထိုမျှ မြင့်မားစွာ တန်ဖိုးမထားခြင်း ဖြစ်ကောင်းဖြစ်နိုင်သည်။ သင်၏ ဘဝကို ထိုမျှ မြင့်မားစွာ တန်ဖိုးမထားသင့်ခြင်း ဖြစ်ကောင်းဖြစ်နိုင်သည်။ သို့သော် အမှန်မှာ သင်၏ ဘဝသည် သင်နှင့် နီးကပ်သော အနှောင်အဖွဲ့များရှိပြီး ခွဲ၍မရသော ဆက်ဆံရေးရှိသည့် သင်၏မိဘများ၊ ဆွေမျိုးများအတွက် အလွန်အရေးကြီးသည်။ အဘယ်ကြောင့် ငါ ဤသို့ပြောသနည်း။ အဘယ်ကြောင့်ဆိုသော် သင်သည် ၎င်းတို့အပေါ် တာဝန်ရှိသောကြောင့်လည်းကောင်း၊ ၎င်းတို့သည်လည်း သင့်အပေါ် တာဝန်ရှိသောကြောင့်လည်းကောင်း၊ ဤလူ့အဖွဲ့အစည်းအပေါ်တွင် သင် တာဝန်ရှိသောကြောင့်လည်းကောင်း၊ လူ့အဖွဲ့အစည်းအပေါ် သင်၏ တာဝန်သည် ဤလူ့အဖွဲ့အစည်းတွင်ရှိသော သင်၏ အခန်းကဏ္ဍနှင့် ဆက်စပ်နေသောကြောင့်လည်းကောင်း ဖြစ်သည်။ လူတိုင်း၏ အခန်းကဏ္ဍနှင့် အသက်ရှင်သည့် သတ္တဝါတိုင်းသည် ဘုရားသခင်အတွက် မရှိမဖြစ် ဖြစ်သည်။ လူသားမျိုးနွယ်အပေါ်၊ ဤလောကအပေါ်၊ ဤကမ္ဘာမြေကြီးနှင့် ဤစကြဝဠာအပေါ် ဘုရားသခင်၏ အချုပ်အခြာအာဏာ၏ မရှိမဖြစ်သော လိုအပ်ချက်များဖြစ်သည်။ ဘုရားသခင်၏ အမြင်တွင် အသက်တိုင်းသည် သဲတစ်ပွင့်ထက်ပို၍ အရေးမပါပေ။ ပြီးလျှင် ပုရွက်ဆိတ်တစ်ကောင်ထက်ပင် ပို၍ စက်ဆုပ်ဖွယ်ဖြစ်သည်။ မည်သို့ပင်ဖြစ်စေ လူတစ်ယောက်ချင်းစီက ဘဝတစ်ခုဖြစ်သောကြောင့်၊ ရှင်သန်ပြီး အသက်ရှူနေသော ဘဝဖြစ်သောကြောင့် ဘုရားသခင်၏ အချုပ်အခြာအာဏာအတွင်းတွင် ထိုသူက နေရာယူသော အခန်းကဏ္ဍက အချက်အချာမကျသော်လည်း ၎င်းတို့သည်လည်း မရှိမဖြစ် ဖြစ်သည်။ ဤသို့ဆိုလျှင် ဤရှုထောင့်များမှ ကြည့်လျှင် လူတစ်ယောက်သည် မိတ်ဆွေအတွက် အဆင်သင့် အသက်စွန့်မည်ဖြစ်ပြီး ဤသို့ လုပ်ဆောင်ရန် စဉ်းစားရုံသာမကဘဲ အချိန်မရွေး ဤသို့ လုပ်ဆောင်ရန် ပြင်ဆင်ထားလျှင်၊ သူ၏ မိသားစုတာဝန်များ၊ သူ၏ လူမှုတာဝန်များ၊ ပြီးလျှင် သူ၏ ပခုံးပေါ်တွင်ရှိသော ဘုရားသခင်က ပေးသည့် အထူးစေခိုင်းချက်များနှင့် တာဝန်များကိုပင် အရေးမစိုက်ဘဲ သူကိုယ်တိုင်၏ အသက်ကို ပေးလျှင် ဤသည်မှာ မမှားယွင်းသလော။ (မှားယွင်းသည်။) ဤသည်မှာ သစ္စာဖောက်ခြင်းဖြစ်သည်။ လူသားအပေါ် ဘုရားသခင်က ပေးအပ်သည့် တန်ဖိုးအရှိဆုံးသောအရာမှာ အသက်ဟုခေါ်ဆိုသော ဤဝင်သက်ထွက်သက်ဖြစ်သည်။ သင်သည် သင်အပ်နှံနိုင်သည်ဟု ထင်သည့် မိတ်ဆွေတစ်ယောက်အား သင်၏ အသက်ကို ပေါ့ပေါ့တန်တန် ကတိပြုလျှင် ဤသည်မှာ ဘုရားသခင်အား သစ္စာဖောက်ခြင်းမဟုတ်လော။ အသက်ကို မလေးစားခြင်းမဟုတ်လော။ ဘုရားသခင်ကို ဆန့်ကျင်ပြီး မနာခံသည့် လုပ်ရပ်တစ်ခုမဟုတ်လော။ ဘုရားသခင်အား ဆန့်ကျင်ပြီး ပုန်ကန်သည့် လုပ်ရပ်တစ်ခုမဟုတ်လော။ (ဟုတ်သည်။) ဤသည်မှာ ရှင်းလင်းစွာပင် သင်၏ မိသားစုတွင်၊ လူ့အဖွဲ့အစည်းတွင် သင်ဖြည့်ဆည်းသင့်သည့် တာဝန်များကို စွန့်လွှတ်ခြင်းဖြစ်သည်။ ဘုရားသခင်က သင့်ကို ပေးသည့် အထူးစေခိုင်းချက်များကို ရှောင်ဖယ်ခြင်းဖြစ်သည်။ ဤသည်မှာ သစ္စာဖောက်ခြင်းဖြစ်သည်။ လူတစ်ယောက်၏ ဘဝတွင် အရေးကြီးဆုံးသောအရာများမှာ ဤဘဝတွင် ခံယူသင့်သော တာဝန်များထက်မပိုပေ။ မိသားစုတာဝန်များ၊ လူမှု တာဝန်များ၊ ဘုရားသခင်က သင့်ကို ပေးခဲ့သော အထူးစေခိုင်းများဖြစ်သည်။ အရေးကြီးဆုံးသောအရာများမှာ ဤတာဝန်များနှင့် အထူးစေခိုင်းချက်များဖြစ်သည်။ သင်သည် ခဏတာဖြစ်သော လူသားအချင်းချင်း ရင်းနှီးနားလည်မှု ခံစားချက်နှင့် ခဏတာ စိတ်မြန်လက်မြန်ဖြစ်ခြင်းကြောင့် အခြားလူတစ်ယောက်အတွက် သင်၏ အသက်ကို ပေါ့ပေါ့တန်တန်စွန့်လွှတ်ပြီး ဆုံးရှုံးရလျှင် သင်၏ တာဝန်များက တည်ရှိသေးသလော။ ဤသို့ဆိုလျှင် အထူးစေခိုင်းချက်များကို သင်မည်သို့ ပြောဆိုနိုင်မည်နည်း။ သင်သည် ရှင်းလင်းစွာပင် ဘုရားသခင်က တန်ဖိုးအရှိဆုံးသောအရာအဖြစ် သင့်အား ပေးအပ်ခဲ့သည့် အသက်ကို မမြတ်နိုးဘဲ ထိုအစား သူတစ်ပါးတို့ကို ပေါ့ပေါ့တန်တန်ဖြင့် ကတိပြုပြီး သူတစ်ပါးတို့အတွက် သင်၏ အသက်ကို စွန့်လွှတ်ကာ သင်၏ မိသားစုနှင့် လူ့အဖွဲ့အစည်းအပေါ် သင်၏ တာဝန်များကို လုံးဝ အရေးမစိုက်ပေ၊ သို့မဟုတ် စွန့်ပစ်သည်။ ဤသည်မှာ အကျင့်ပျက်ခြင်းဖြစ်ပြီး မမျှတပေ။ ဤသို့ဆိုလျှင် ငါသည် သင်တို့အား မည်သည့်အရာကို ပြောပြရန် ကြိုးစားနေခြင်းဖြစ်သနည်း။ သင်၏ အသက်ကို ပေါ့ပေါ့တန်တန်ဖြင့် မစွန့်ပစ်နှင့်၊ သို့မဟုတ် သူတစ်ပါးတို့အပေါ် ကတိမပြုနှင့်။ လူအချို့က “ကျွန်ုပ်၏ အသက်ကို ကျွန်ုပ်၏ မိဘများတွင် ကတိပြုနိုင်သလော။ ကျွန်ုပ်၏ ကြင်သူကို ကတိပေးခြင်းဆိုလျှင် ရသလော။” ဟု ဆိုကြသည်။ မရပေ။ အဘယ်ကြောင့် မရသနည်း။ သင်၏ မိသားစုနှင့် လူ့အဖွဲ့အစည်းအပေါ် သင်၏ တာဝန်များကို သင်ဖြည့်ဆည်းနိုင်ဖို့အတွက်၊ ဘုရားသခင်က သင့်အား ပေးအပ်သော အထူးစေခိုင်းချက်များကို ဖြည့်ဆည်းနိုင်ဖို့အတွက် ဘုရားသခင်က သင့်အား အသက်ကို ပေးအပ်ပြီး သင်၏ ဘဝကို ဆက်လက်တည်ရှိစေသည်။ သင်၏ ကိုယ်ပိုင်အသက်ကို သူတစ်ပါးတို့ထံသို့ ပေါ့ပေါ့တန်တန်ဖြင့် ကတိပြုခြင်း၊ သူတစ်ပါးတို့အား ပေးအပ်ခြင်း၊ သူတစ်ပါးတို့အတွက် အသုံးပြုခြင်း၊ သူတစ်ပါးတို့ထံ မြုပ်နှံထားခြင်းတို့အားဖြင့် သင်၏အသက်ကို ရယ်စရာတစ်ခုအဖြစ် မှတ်ယူဖို့မဟုတ်ပေ။ လူတစ်ယောက်သည် သူ၏ အသက်ဆုံးရှုံးရလျှင် သူ၏ မိသားစုနှင့် လူမှုတာဝန်များ၊ သူ၏ အထူးစေခိုင်းချက်များကို ဖြည့်ဆည်းနိုင်သေးသလော။ လုပ်ဆောင်နိုင်သေးသလော။ (မလုပ်ဆောင်နိုင်ပါ။) လူတစ်ယောက်၏ မိသားစုနှင့် လူမှုတာဝန်များ မရှိတော့သောအခါ သူထမ်းဆောင်သော လူမှုအခန်းကဏ္ဍများက တည်ရှိသေးသလော။ (မတည်ရှိပါ။) လူတစ်ယောက် ထမ်းဆောင်သည့် လူမှုအခန်းကဏ္ဍများ မရှိတော့လျှင် ထိုသူ၏ အထူးစေခိုင်းချက်က တည်ရှိသေးသလော။ မတည်ရှိတော့ပေ။ လူတစ်ယောက်၏ အထူးစေခိုင်းချက်များနှင့် လူမှုအခန်းကဏ္ဍများမရှိတော့လျှင် ဘုရားသခင်က အချုပ်အခြာအာဏာရှိသည့်အရာ ရှိသေးသလော။ ဘုရားသခင် အချုပ်အခြာအာဏာရှိသည့်အရာသည် အသက်ရှင်သောအရာများဖြစ်သည်။ အသက်ရှိသော လူသားများဖြစ်သည်။ ၎င်းတို့ လူမှုတာဝန်များနှင့် ဘဝများမရှိတော့သောအခါ ၎င်းတို့၏ လူမှုအခန်းကဏ္ဍများက လုံးဝ မရှိတော့ပေ။ ဤသည်မှာ ဘုရားသခင်က အချုပ်အခြာအာဏာရှိသည့် လူသားမျိုးနွယ်နှင့် ဘုရားသခင်၏ စီမံခန့်ခွဲမှုအစီအစဉ်ကို လုံးဝ မရှိတော့အောင် ပြုလုပ်ဖို့ ကြိုးစားနေခြင်းဖြစ်သလော။ သင်သည် ဤသို့ လုပ်ဆောင်လျှင် သစ္စာဖောက်ခြင်းမဟုတ်သလော။ (ဟုတ်သည်။) ဤသည်မှာ အမှန်ပင် သစ္စာဖောက်ခြင်းဖြစ်သည်။ သင်၏ ဘဝသည် သင်၏ တာဝန်များနှင့် အထူးစေခိုင်းချက်များအတွက်သာ ဖြစ်တည်သည်။ သင့်ဘဝ၏ တန်ဖိုးသည် သင်၏ တာဝန်များ၊ အထူးစေခိုင်းချက်များတွင်သာ ထင်ဟပ်နိုင်သည်။ ထို့အပြင် မိတ်ဆွေအတွက် အသက်စွန့်ခြင်းသည် သင်၏တာဝန်နှင့် အထူးစေခိုင်းချက်မဟုတ်ပေ။ ဘုရားသခင်က အသက်ကိုပေးအပ်ခြင်းခံရသည့်သူတစ်ယောက်အနေဖြင့် ဘုရားသခင်က သင့်အား အပ်နှံခဲ့သော တာဝန်များနှင့် အထူးစေခိုင်းချက်များကို ဖြည့်ဆည်းခြင်းသည် သင်လုပ်ဆောင်သင့်သည့်အရာဖြစ်သည်။ မိတ်ဆွေအတွက် အသက်စွန့်ခြင်းသည် ဘုရားသခင်က သင့်အားပေးအပ်ခဲ့သည့် တာဝန်၊ သို့မဟုတ် အထူးစေခိုင်းချက်မဟုတ်ပေ။ ထိုထက် ယင်းသည် လူသားအချင်းချင်း ရင်းနှီးနားလည်မှုအသိစိတ်၊ သင်ကိုယ်တိုင် လိုရာဆွဲတွေးခြင်း၊ ဘဝနှင့်ပတ်သက်ပြီး သင်၏ တာဝန်မသိတတ်သော တွေးခေါ်ပုံတို့ကြောင့် သင် လုပ်ဆောင်ခြင်းဖြစ်သည်။ လူတို့အား ၎င်းတို့၏ ဘဝများကို အထင်သေးပြီး နင်းချေရန် လူတို့အတွင်းသို့ စာတန် သွတ်သွင်းသည့် တွေးခေါ်ပုံတစ်မျိုးလည်းဖြစ်သည်။ ထို့ကြောင့် မည်သည့်အချိန်တွင် အချိန်ကျသည်ဖြစ်စေ၊ မည်သို့ ရင်းနှီးသောမိတ်ဆွေမျိုး သင် ရှိသည်ဖြစ်စေ၊ သင်နှင့် သူ၏ ဆက်ဆံရေးသည် အသက်ကို ခြိမ်းခြောက်သည့် အခြေအနေများကို ဖြတ်သန်းခဲ့ရလျှင်ပင် သူ့အတွက် အသက်စွန့်ရန် ထင်ရာမြင်ရာ ကတိမပြုနှင့်။ ဤသို့သော အတွေးများကို ပေါ့ပေါ့တန်တန်ဖြင့် လက်သင့်ခံခြင်းပင်မပြုနှင့်။ သင်၏ တစ်ဘဝလုံးနှင့် သင်၏ ဖြစ်တည်မှုကို ထိုသူအပေါ် မြုပ်နှံဖို့ မစဉ်းစားနှင့်။ သင်သည် ထိုသူ့အပေါ် လုံးဝ တာဝန်၊ ဝတ္တရားမရှိပေ။ သင်တို့သည် ဆင်တူသော စိတ်ဝင်စားမှုများ၊ ဆင်တူသာ ပင်ကိုစရိုက်များရှိလျှင်၊ တူညီသော လမ်းကြောင်းကို လျှောက်လျှင်၊ တစ်ယောက်နှင့် တစ်ယောက် ကူညီနိုင်သည်။ တစ်ယောက်နှင့် တစ်ယောက် သင်တို့နှစ်သက်သည့် မည်သည့်အရာကိုဆို ပြောဆိုနိုင်သည်။ ရင်းနှီးသော မိတ်ဆွေများဖြစ်နိုင်သည်။ သို့သော် ဤရင်းနှီးသော ဆက်ဆံရေးသည် အချင်းချင်းအတွက် အသက်စွန့်သည့် အခြေခံအုတ်မြစ်အပေါ်တွင် တည်ဆောက်ထားခြင်းမဟုတ်သကဲ့သို့ လူသားအချင်းချင်း ရင်းနှီးနားလည်မှုကို အခြေခံခြင်းလည်းမဟုတ်ပေ။ သင်သည် ထိုသူအတွက် အသက်စွန့်ဖို့ မလိုပေ။ ထိုသူအတွက် သင်၏ အသက်ကို စွန့်ဖို့မလိုပေ၊ သို့မဟုတ် သွေးတစ်စက်မျှပင် ကျဖို့မလိုပေ။ လူအချို့က “ဤသို့ဆိုလျှင် ကျွန်ုပ်၏ လူသားအချင်းချင်း ရင်းနှီးနားလည်မှုစိတ်သည် မည်သို့ အသုံးဝင်သနည်း။ ကျွန်ုပ်၏ လူ့သဘာဝနှင့် ကျွန်ုပ်၏ စိတ်နှလုံးတွင် လူသားအချင်းချင်း ရင်းနှီးနားလည်မှုကို အစဉ်ပြသလိုသည်။ ထို့ကြောင့် မည်သည့်အရာကို ကျွန်ုပ်လုပ်ဆောင်သင့်သနည်း။” ဟူ၍ ဆိုကြသည်။ သင်သည် လူသားအချင်းချင်း ရင်းနှီးနားလည်မှုကို အမှန်တကယ် ပြလိုလျှင် သင်နားလည်လာခဲ့သည့် သမ္မာတရားများကို အခြားလူအား ပြောပြသင့်သည်။ အခြားလူက အားနည်းသည်ကို သင်မြင်သောအခါ ထိုသူကို ပံ့ပိုးပေးလော့။ လမ်းဘေးတွင် ရပ်၍ ကြည့်မနေနှင့်။ သူသည် လမ်းမှားသောအခါ သူ့ကို သတိပေးလော့။ အကြံပြုလော့။ အကူအညီပေးလော့။ အခြားလူ၏ ပြဿနာကို သင်မြင်သောအခါ သင့်တွင် သူ့အား ကူညီရန် ဝတ္တရားရှိသည်။ သို့သော် ထိုသူအတွက် သင် အသက်စွန့်ဖို့မလိုပေ။ သင်၏ အသက်ကို ထိုသူ့အပေါ် ကတိပြုဖို့ မလိုပေ။ သူ့အပေါ် သင်၏ တာဝန်မှာ ကူညီရန်၊ ပံ့ပိုးရန်၊ သတိပေးရန်၊ အကြံပေးရန်၊ သို့မဟုတ် တစ်ခါတစ်ရံတွင် အနည်းငယ် ခွင့်လွှတ်ပြီး သည်းခံရန်သာ ဖြစ်သည်။ သို့သော် လူသားအချင်းချင်း ရင်းနှီးနားလည်မှုစိတ်ဟုဆိုသောအရာကို ထိုသူအား ပြဖို့ မဆိုထားနှင့်။ ထိုသူအတွက် သင်၏ အသက်ကို စွန့်ဖို့ပင်မဟုတ်ပေ။ ငါ့အတွက် လူသားအချင်းချင်း ရင်းနှီးနားလည်မှုသည် စိတ်မြန်လက်မြန်လုပ်ဆောင်ခြင်းဖြစ်သည်။ သမ္မာတရားနှင့် မသက်ဆိုင်ပေ။ ဘုရားသခင်က လူတို့အပေါ် ပေးအပ်သော အသက်နှင့် ယှဉ်လျှင် လူတို့ကြားတွင်ရှိသော လူသားအချင်းချင်း ရင်းနှီးနားလည်မှုက အမှိုက်သရိုက်ဖြစ်သွားသည်။ ယင်းသည် စာတန်က လူတို့အထဲသို့ သွတ်သွင်းခဲ့သော စိတ်မြန်လက်မြန် ဖြစ်ခြင်း တစ်မျိုးဖြစ်သည်။ လူသားအချင်းချင်းရင်းနှီးနားလည်မှုအတွက် များစွာသောအရာများကို လူတို့အား စိတ်လိုက်မာန်ပါလုပ်ဆောင်စေသည့် ဉာဏ်များသော အကြံအစည်ဖြစ်သည်။ နောက်ကွယ်တွင်ထားရစ်ခဲ့ရန် ၎င်းတို့အတွက် ခက်ခဲမည့်၊ ၎င်းတို့၏ ကျန်သည့်နေ့ရက်များတစ်လျှောက်တွင် နောင်တရနေမည့်အရာများဖြစ်သည်။ ဤသည်မှာ အမြော်အမြင်နည်းခြင်းဖြစ်သည်။ ထို့ကြောင့် သင်သည် ဤလူသားအချင်းချင်း ရင်းနှီးနားလည်မှု အယူအဆကို လက်လွတ်သည်က ပို၍ကောင်းသည်။ လူသားအချင်းချင်း ရင်းနှီးနားလည်မှုနှင့်အညီ အသက်မရှင်နှင့်။ ထိုအစား သမ္မာတရားနှင့် ဘုရားနှုတ်ကပတ်တော်နှင့်အညီ အသက်ရှင်လော့။ အနည်းဆုံးအနေဖြင့် သင်သည် သင်၏ လူ့သဘာဝ၊ အသိစိတ်၊ ဆင်ခြင်တုံတရားနှင့်အညီ အသက်ရှင်သင့်သည်။ လူတိုင်းနှင့် အရာရာတိုင်းအား ဆင်ခြင်တုံတရားရှိစွာဖြင့် ကိုင်တွယ်သင့်သည်။ သင်၏ အသိစိတ်၊ ဆင်ခြင်တုံတရားနှင့်အညီ အရာရာကို မှန်မှန်ကန်ကန် လုပ်ဆောင်သင့်သည်။

တာဝန်နှင့် ဘဝနှင့် သက်ဆိုင်သော ဆိုရိုးစကားများနှင့် ထင်မြင်ချက်များစွာကို မိတ်သဟာယဖွဲ့ပြီးသောအခါ ယခုတွင် သင်တို့သည် မိတ်ဆွေအတွက် အသက်စွန့်ခြင်းနှင့်ပတ်သက်သည့် ဤကိုယ်ကျင့်တရားသတ်မှတ်ချက်ကို ပိုင်းခြားသိမြင်မှုရှိသလော။ ယခုသင်တို့တွင် ပိုင်းခြားသိမြင်မှုရှိသောအခါ ဤသို့သောအရာကို ကိုင်တွယ်ခြင်းအတွက် မှန်ကန်သော စည်းမျဉ်းများရှိသလော။ (ရှိသည်။) တစ်စုံတစ်ယောက်က သင့်အား သူ့အတွက် အသက်စွန့်ရန် အမှန်တကယ် တောင်းဆိုလျှင် သင် မည်သို့လုပ်ဆောင်မည်နည်း။ မည်သို့ ဖြေမည်နည်း။ သင်က “သင့်အတွက် ငါအသက်စွန့်ရန် သင်တောင်းဆိုလျှင် ငါ၏အသက်ကို ယူဆောင်ချင်သည်မှာ သင်ဖြစ်သည်။ သင်သည် ငါ၏အသက်ကို ယူဆောင်လိုလျှင်၊ ဤသို့သောအရာကို ငါ့ထံမှ တောင်းဆိုလျှင် သင်သည် ငါ၏မိသားစုတာဝန်များကို ဖြည့်ဆည်းပိုင်ခွင့်နှင့် လူ့အဖွဲ့အစည်းတွင် ငါ၏ တာဝန်များကို ဖြည့်ဆည်းပိုင်ခွင့်အား ပိတ်ပင်နေခြင်းဖြစ်သည်။ ဤသည်မှာ ငါ၏လူ့အခွင့်အရေးကို ပိတ်ပင်နေခြင်းလည်းဖြစ်ပြီး ပို၍ အရေးကြီးသည်မှာ ဘုရားသခင်၏ အချုပ်အခြာအာဏာကို နာခံရန်၊ ငါ၏တာဝန်ကိုကောင်းစွာ ထမ်းဆောင်ရန် အခွင့်အလမ်းကို ပိတ်ပင်နေခြင်းဖြစ်သည်။ သင်က ငါ၏ လူ့အခွင့်အရေးများကို ဤသို့ ပိတ်ပင်နေခြင်းသည် ငါ၏ အဆုံးသတ်ဖြစ်လိမ့်မည်။ သင်သည် ငါ့အား အခွင့်အရေးများစွာကို ပိတ်ပင်နေပြီး သင့်အတွက် အသေခံရန် ပြုလုပ်နေသည်။ သင်သည် မည်မျှပင် တစ်ကိုယ်ကောင်းဆန်ပြီး စက်ဆုပ်ဖွယ်ဖြစ်သနည်း။ သို့တိုင်အောင် သင်က ငါ၏ မိတ်ဆွေဖြစ်နေဆဲဖြစ်သည်။ သင်က ငါ၏ မိတ်ဆွေမဟုတ်ဘဲ ရန်သူဖြစ်သည်မှာ ရှင်းသည်။” ဟူ၍ ပြောလိမ့်မည်။ ဤသို့ ပြောသည်မှာ မှန်ကန်သလော။ (မှန်ကန်သည်။) ဤသို့ပြောသည်မှာ အမှန်ပင် မှန်ကန်သောအရာဖြစ်သည်။ သင်သည် ဤသို့ ပြောရဲသလော။ ဤအရာကို သင် အမှန်တကယ် နားလည်သလော။ သင်၏ မိတ်ဆွေတစ်ယောက်ယောက်က သင့်အား သူ့အတွက် အသက်စွန့်ရန် တောင်းဆိုပြီး သင်၏ အသက်ကို တောင်းဆိုနေလျှင် သင်သည် အခွင့်အရေးရသည်နှင့် ထိုသူကို ရှောင်သင့်သည်။ သူသည် လူကောင်းမဟုတ်သောကြောင့်ဖြစ်သည်။ သူသည် သင့်အတွက် အသက်စွန့်နိုင်သည့်အတွက်နှင့် သင်၏ မိတ်ဆွေဖြစ်သင့်သည်ဟု မထင်နှင့်။ သင်က “ငါသည် သင့်အား အသက်စွန့်ရန် မတောင်းဆိုခဲ့ပါ။ ဤသို့လုပ်ဆောင်ရန် ဆန္ဒပြုသည်မှာ သင်ဖြစ်သည်။ သင်က ငါ့အတွက် အသက်စွန့်နိုင်လျှင်ပင် သင့်အတွက် အသက်စွန့်ရန် ငါ့အား တောင်းဆိုဖို့ စဉ်းတောင်မစဉ်းစားနှင့်။ သင်သည် ဆင်ခြင်တုံတရားမရှိ။ သို့သော် ငါက သမ္မာတရားကို နားလည်သည်။ ဆင်ခြင်တုံတရားရှိသည်။ ငါသည် ဤအမှုအရာကို ဆင်ခြင်တုံတရားရှိစွာဖြင့် ကိုင်တွယ်မည်။ သင်သည် ငါ့အတွက် အကြိမ်မည်မျှ အသက်စွန့်ပါစေ ငါသည် သင့်အတွက် စိတ်လိုက်မာန်ပါ အသက်စွန့်မည်မဟုတ်။ သင် အခက်အခဲဖြစ်နေလျှင် ငါသည် သင့်ကို အစွမ်းကုန် ကူညီမည်။ သို့သော် ငါသည် သင့်အတွက်သာ အသက်ရှင်ဖို့အတွက် ဤဘဝတွင် ဘုရားသခင်က ငါ့အား ပေးအပ်ခဲ့သော တာဝန်နှင့် အထူးစေခိုင်းချက်များကို လုံးဝ စွန့်လွှတ်မည်မဟုတ်။ ငါ၏ ကမ္ဘာတွင် တာဝန်၊ ဝတ္တရားနှင့် အထူးစေခိုင်းချက်များမှလွဲ၍ အခြားမရှိပေ။ သင်သည် ငါနှင့် မိတ်ဆွေဖြစ်လိုလျှင် ငါ့အား ကူညီရန်၊ ငါ၏ တာဝန်များကို ဖြည့်ဆည်းပြီး ငါ၏ စေခိုင်းချက်များကို အတူတကွ ပြီးမြောက်အောင်လုပ်ဆောင်ရန် ငါ့အား ကူညီရန် သင့်အား တောင်းဆိုသည်။ ထိုအခါမှသာ သင်သည် ငါ၏ မိတ်ဆွေစစ်ဖြစ်သည်။ သင်သည် ငါ့အား သင့်အတွက် အသက်စွန့်ရန် ဆက်လက်၍ တောင်းဆိုနေလျှင်၊ ဤသို့သော ကတိမျိုးကိုပေးရန်၊ သင့်အတွက် ငါ၏ အသက်ကို စွန့်လွှတ်ရန်၊ ငါ၏ အသက်ကို သင့်အတွက် ကတိပြုရန် ငါ့အား ဆက်လက်ခိုင်းစေလျှင် သင်သည် ငါနှင့် အဝေးသို့ ချက်ချင်း ထွက်ခွာသင့်သည်။ သင်သည် ငါ၏ မိတ်ဆွေမဟုတ်ပေ။ သင်ကဲ့သို့သောသူနှင့် ငါ မိတ်ဆွေမဖွဲ့လိုပေ။ သင်ကဲ့သို့သောသူနှင့် ငါ မိတ်ဆွေမဖြစ်လိုပေ။” ဟူ၍ ပြောသည်။ ဤသို့ ပြောခြင်းကို သင် မည်သို့ ထင်သနည်း။ (ကောင်းသည်။) မည်သို့ ကောင်းသနည်း။ ဤသို့သော မိတ်ဆွေမရှိခြင်းအားဖြင့် သင်သည် ဖိအားမရှိတော့ပေ။ စိတ်ပူပင်မှု မရှိပေ။ ဝန်လေးသော အတွေးများမရှိတော့ပေ။ ပြီးလျှင် လူသားအချင်းချင်း ရင်းနှီးနားလည်မှုအား တန်ဖိုးထားခြင်းကဲ့သို့သော အယူအဆများ၏ ချည်နှောင်ခြင်းကို မခံရပေ။ လူတစ်ယောက်က “မိတ်ဆွေအတွက် အသက်မစွန့်သော သင်ကဲ့သို့သောလူများသည် ပေါင်းသင်းရန် မထိုက်တန်ပေ။ မည်သူနှင့်မျှ မိတ်ဆွေမဖြစ်နိုင်ပေ။” ဟု အမှန်တကယ် ပြောလာလျှင် ဤအရာကို ကြားပြီးနောက် သင်သည် ဝမ်းနည်းမည်လော။ ဤစကားများက သင့်အပေါ်တွင် သက်ရောက်မှုရှိမည်လော။ သင်သည် ဝမ်းနည်းပြီး အပျက်သဘောဆောင်မည်လော။ လူတို့၏ စွန့်ပစ်ခြင်းကို ခံရမည်လော။ ဖြစ်တည်နေသည့် ခံစားချက်မရှိဘဲ ဘဝတွင် မျှော်လင့်ချက်မရှိဖြစ်မည်လော။ ဤသည်မှာ ဖြစ်နိုင်သည်။ သို့သော် သမ္မာတရားကို သင်နားလည်သောအခါ သင်သည် ဤအမှုအရာကို နှံ့စပ်စွာ နားလည်နိုင်လိမ့်မည်။ ဤစကားများ၏ ချုပ်ချယ်ခြင်းကို သင်ခံရမည်မဟုတ်ပေ။ ယနေ့မှစ၍ သင်သည် ဤဝန်ထုပ်ဝန်ပိုးများကို သယ်ဆောင်ဖို့ လိုအပ်ခြင်းမရှိဘဲ ဤရိုးရာယဉ်ကျေးမှု အမှုအရာများကို လက်လွတ်ဖို့ သင်ယူရမည်။ ဤသို့အားဖြင့်သာ သင်သည် ဘဝတွင် မှန်ကန်သော လမ်းကြောင်းကို လျှောက်နိုင်သည်။ သင်သည် ဤအရာကို လက်တွေ့လုပ်ဆောင်မည်လော။ (လုပ်ဆောင်မည်။) ဤသည်မှာ အလွန်မြန်ဆန်စွာ လက်လွတ်နိုင်သည့်အရာမဟုတ်သည်မှာ မှန်သည်။ လူတို့သည် ရှေးဦးစွာ ၎င်းတို့၏ စိတ်ကို ပြင်ဆင်ရမည်။ အနည်းငယ်ချင်းစီဖြင့် ချင့်ချိန်စဉ်းစားရမည်။ သမ္မာတရားအား အနည်းငယ်ချင်းစီ ရှာဖွေရမည်။ အနည်းငယ်ချင်းစီ နားလည်ရမည်။ ထို့နောက် အနည်းငယ်ချင်းစီ လက်တွေ့လုပ်ဆောင်ရမည်။ သမ္မာတရားစည်းမျဉ်းများနှင့်အညီ လုပ်ဆောင်ရမည်။ ဤသည်မှာ လူတို့နှင့် ဆက်ဆံရေးများ၊ လူတို့နှင့် ပေါင်းသင်းမှုများကို ကိုင်တွယ်ဆက်ဆံရန် သမ္မာတရားစည်းမျဉ်းများကို အသုံးပြုခြင်းဖြစ်သည်။ အနှစ်ချုပ်အနေဖြင့် ငါသည် သင်တို့အား နောက်ဆုံးစကားအနည်းငယ် ပြောကြားလိုသည်။ ဘဝနှင့် သင်၏ တာဝန်များကို ချစ်မြတ်နိုးပါ။ သင့်တာဝန်ကို ထမ်းဆောင်ရန် ဘုရားသခင်က သင့်ကို ပေးခဲ့သော အခွင့်အလမ်းကို ချစ်မြတ်နိုးပါ။ ဘုရားသခင်က သင့်အား ပေးခဲ့သည့် အထူးစေခိုင်းချက်များကို ချစ်မြတ်နိုးပါ။ သင်နားလည်သည်မဟုတ်လော။ (နားလည်သည်။) သင်သည် ဤအမှုကိစ္စကို နှံ့စပ်စွာ နားလည်မှုရှိသည်မှာ ဝမ်းမြောက်ဖွယ်မဟုတ်လော။ (ဟုတ်သည်။) သင်သည် ဤမှားယွင်းသော အယူအဆများ၊ အမြင်များ၏ ကန့်သတ်ခြင်း၊ ချည်နှောင်ခြင်းကို မခံရလျှင် စိတ်သက်သာရာရလိမ့်မည်။ သို့သော သင်သည် ယခုတွင် အမှန်တကယ် စိတ်သက်သာခြင်းမရှိပေ။ သင်သည် နောင်ကာလတွင် သမ္မာတရားအား လိုက်စားသည့်လမ်းကြောင်းပေါ်တွင် စတင်လျှောက်လှမ်းပြီး ဤအရာများကြောင့် စိတ်အနှောင့်အယှက်မဖြစ်တော့သောအခါမှသာ အမှန်တကယ် စိတ်သက်သာရာရသည်။ အမှန်တကယ် သက်သောင့်သက်သာဖြစ်ပြီး စိတ်အေးသော၊ ငြိမ်သက်ခြင်း၊ ဝမ်းမြောက်ခြင်းရှိသော၊ သမ္မာတရားနှင့်အညီ နေထိုင်ပြီး မိမိတို့ကိုယ်ကိုယ် ကျင့်ကြံပြုမူသော၊ မည်သည့်အခါမျှ နောင်တရမည်မဟုတ်သောသူများသည် ဘုရားနှုတ်ကပတ်တော်ကို အခြေခံပြီး၊ သမ္မာတရားအား စံအဖြစ် ထားရှိကာ လူများ၊ အမှုအရာများကို အမှန်တကယ်ရှုမြင်သော၊ မိမိတို့ကိုယ်ကို ပြုမူနေထိုင်ပြီး လုပ်ဆောင်သောသူများသာဖြစ်သည်။ ယနေ့ မိတ်သဟာယကို ဤတွင် အဆုံးသတ်ကြပါစို့။

၂၀၂၂ ခုနှစ်၊ မေလ ၇ ရက်

အောက်ခြေမှတ်စု(များ)-

က။ ကောင်ရုံကို လူသိများသော တရုတ်ပုံပြင်တစ်ခုတွင် အသားပေးဖော်ပြထားသည်။ ယဉ်ကျေးမှုနှင့် ညီရင်းအစ်ကိုပမာဖြစ်သော ချစ်ခြင်း၏ တန်ဖိုးနှင့်ပတ်သက်ပြီး ကလေးငယ်များကို အသိပညာပေးရန် အစဉ်အလာအားဖြင့် အသုံးပြုသည်။ ပုံပြင်တွင် လေးနှစ်အရွယ်ရှိသော ကောင်ရုံသည် သူ၏မိသားစုက သစ်တော်သီးခြင်းတစ်ခြင်းကို ရရှိသောအခါတွင် သူ၏ အစ်ကိုများအား ပိုမိုကြီးမားသော သစ်တော်သီးများကို ယူစေပြီး သူကိုယ်တိုင်အတွက် အသေးငယ်ဆုံးကို ယူသည်ကို ပြောပြထားသည်။