၁ သန့်ရှင်းသောဝိညာဉ်တော်၏ အလုပ်တွင် ယင်း၏ အခြေခံသဘောတရားများရှိပြီး၊ ယင်းမှာ အခြေအနေအပေါ်တွင် မူတည်သည်။ လူတစ်ဦး၏ ယုံကြည်ချက်တွင် သူသည် အနည်းဆုံး အသိစိတ်နှင့် ရိုးသားဖြောင့်မတ်သောစိတ်နှလုံး ရှိရမည်ဟူသည်ကို ရှင်းလင်းစွာ နားလည်ထားရမည်။ သင်၌ ရိုးသားဖြောင့်မတ်သော စိတ်နှလုံးအပြင်၊ လူ့သဘောသဘာဝတွင် ရှိရမည့် အသိစိတ်နှင့် ဆင်ခြင်တုံတရား ရှိသောအခါမှသာ သန့်ရှင်းသောဝိညာဉ်တော်က သင့်အပေါ်တွင် အလုပ်လုပ်နိုင်မည်။ သန့်ရှင်းသောဝိညာဉ်တော်သည် စိတ်နှလုံး ရိုးသားဖြောင့်မတ်သော သူတို့အပေါ်တွင် သာမန်အားဖြင့် အလုပ်လုပ်ကာ၊ သူသည် လူတို့ဒုက္ခရောက်ပြီး သမ္မာတရားကို ရှာဖွေနေသောအခါ အလုပ်လုပ်သည်။ ဘုရားသခင်သည် လူသား၏ အသိစိတ် သို့မဟုတ် ဆင်ခြင်တုံတရား တစ်စက်မျှမရှိသောသူများကို အရေးစိုက်လိမ့်မည်မဟုတ်ပေ။ သူတို့သည် အမှန်တကယ် နောင်တရရမည် ဖြစ်ပြီး ရိုးသားသောလူဖြစ်ရမည်။

၂ သင့်စိတ်နှလုံးက ဘုရားသခင်ထံ ဖွင့်ဟရမည်ဖြစ်ပြီး ဘုရားသခင်ထံမှ သမ္မာတရားကို ရှာဖွေရမည်။ သမ္မာတရားကို သင်နားလည်သည်နှင့်တစ်ပြိုင်နက် ယင်းကို သင် လက်တွေ့ကျင့်သုံးနိုင်မည်။ ထို့နောက် ဘုရားသခင်၏ စီမံခန့်ခွဲမှုကို နာခံနိုင်ပြီး သင့်ကို တာဝန်ယူစောင့်ရှောက်ရန် ဘုရားသခင်ကို အခွင့်ပေးနိုင်မည်။ ဤနည်းအားဖြင့်သာ ဘုရားသခင်၏ ချီးမွမ်းခြင်းကို သင်ခံရလိမ့်မည်။ သင်သည် ဦးစွာ သင်၌ရှိသော မာန်မာနနှင့် ပကာသနကို ဘေးဖယ်ပြီး သင့်ကိုယ်ပိုင်အကျိုးအမြတ်များကို စွန့်လွှတ်ရမည်။ ထို့နောက်တွင် သင့်ကိုယ်ခန္ဓာနှင့် စိတ်ဝိညာဉ်တစ်ခုလုံးကို သင့်တာဝန်အပေါ်နှင့် ဘုရားသခင်ကို သက်သေခံခြင်းအလုပ်အပေါ်တွင် ထားရှိလော့။ သင်သည် ဦးစွာ မိမိကိုယ်ကိုယ် အညံ့ခံကာ၊ ဘုရားသခင်ထံ သင့်စိတ်နှလုံးကို ဖွင့်ဟပြီး သင် မြတ်နိုးတန်ဖိုးထားသော အရာများကို ဘေးဖယ်ထားရမည်။ ဘုရားသခင်အား ပန်ကြားချက်များ ပြုလုပ်နေစဉ် ထိုအရာများကို သင် ဆက်လက်ဆုပ်ကိုင်ထားလျှင် သန့်ရှင်းသောဝိညာဥ်တော်၏ အလုပ်ကို သင် ရရှိနိုင်လိမ့်မည်လော။

၃ သန့်ရှင်းသောဝိညာဉ်တော်၏ အလုပ်မှာ အခြေအနေပေါ်တွင် မူတည်ပြီးလျှင်၊ ဘုရားသခင်သည် မကောင်းမှုကို မုန်းပြီး သန့်ရှင်းသော ဘုရားသခင်ဖြစ်သည်။ အကယ်၍ လူတို့သည် ဤအရာများကို အမြဲဖက်တွယ်ထားကာ၊ မိမိကိုယ်ကိုယ် ဘုရားသခင်ထံမှ အစဉ်အမြဲ ပိတ်ဆို့ထားပြီး ဘုရားသခင်၏ အလုပ်နှင့် လမ်းညွှန်မှုကို ငြင်းပယ်နေပါက ဘုရားသခင်သည် သူတို့အပေါ် အလုပ်ဆက်လုပ်မည်မဟုတ်ပေ။ လူတိုင်းအတွင်းတွင် ဘုရားသခင် အမှုပြုရမည် သို့မဟုတ် သူသည် သင့်ကို အတင်းအကျပ်ပြုလိမ့်မည်ဟူ၍ မဟုတ်ပေ။ နတ်ဆိုးများ၏ အလုပ်သည် လူသားများကို ဤအရာ၊ ထိုအရာ လုပ်ဆောင်ဖို့ အတင်းအကျပ်ပြု၏။ သန့်ရှင်းသော ဝိညာဉ်တော်သည် အထူးသဖြင့် ညင်သာစွာ အလုပ်လုပ်၏။ သူသည် သင့်ကို တို့ထိပြီး ယင်းကို သင် မခံစားရပေ။ သင်သည် မရည်ရွယ်ဘဲ တစ်စုံတစ်ရာကို နားလည်လာပြီးဖြစ်သည့်အလား သို့မဟုတ် သဘောပေါက်လာပြီးဖြစ်သည့်အလား တကယ်ကို ခံစားရ၏။ ထို့ကြောင့် လူသားအသိစိတ် သို့မဟုတ် ဆင်ခြင်တုံတရားမရှိသော သူတို့သည် အမှန်တကယ် နောင်တရရမည်၊ သို့မဟုတ်ပါက သန့်ရှင်းသောဝိညာဉ်တော် သူတို့အပေါ် အလုပ်လုပ်လိမ့်မည်မဟုတ်ပေ။

“နှုတ်ကပတ်တော်၊ အတွဲ (၃)၊ နောက်ဆုံးသော ကာလ ခရစ်တော်၏ ဟောပြောချက်များ၊ မိမိ၏ စိတ်နှလုံးကို ဘုရားသခင်အား ပေးအပ်ရာတွင် မိမိသည် သမ္မာတရားကို ရရှိနိုင်သည်” ကို ကောက်နုတ်၍ ဆီလျော်စွာ ပြုပြင်ထားသည်